Adhikarana vidradhisamprAptiH (1-3) · Śloka 3
অথ বিদ্রধিনিদানম্ |
ত্বগ্রক্তমাংসমেদাংসি সন্দূষ্যাস্থিসমাশ্রিতাঃ |
দোষাঃ শোথং শনৈর্ঘোরং জনযন্ত্যুচ্ছ্রিতা ভৃশম্ ||১||
মহামূলং রুজাবন্তং বৃত্তং বাঽপ্যথবাঽঽযতম্ |
স বিদ্রধিরিতি খ্যাতো বিজ্ঞেযঃ ষড্বিধশ্চ সঃ ||২||
পৃথগ্দোষৈঃ সমস্তৈশ্চ ক্ষতেনাপ্যসৃজা তথা |
ষণ্ণামপি হি তেষাং তু লক্ষণং সম্প্রবক্ষ্যতে ||৩||
(সু. নি. অ. ৯) |
View original
अथ विद्रधिनिदानम् |
त्वग्रक्तमांसमेदांसि सन्दूष्यास्थिसमाश्रिताः |
दोषाः शोथं शनैर्घोरं जनयन्त्युच्छ्रिता भृशम् ||१||
महामूलं रुजावन्तं वृत्तं वाऽप्यथवाऽऽयतम् |
स विद्रधिरिति ख्यातो विज्ञेयः षड्विधश्च सः ||२||
पृथग्दोषैः समस्तैश्च क्षतेनाप्यसृजा तथा |
षण्णामपि हि तेषां तु लक्षणं सम्प्रवक्ष्यते ||३||
(सु. नि. अ. ९) |
শোথত্বসামান্যাত্ বিদ্রধিনিদানম্| তস্য সম্প্রাপ্তিমাহ– ত্বগ্রক্তমাংসমেদাংসীত্যাদি| ঘোরমিত্যন্যেভ্যোঽপি শোথসমুত্থানেভ্যো গ্রন্থ্যাদিভ্য আশুকারিত্বাদ্দারুণম্| উচ্ছ্রিতা ভৃশমিতি অত্যর্থং বৃদ্ধাঃ| অস্থিসমাশ্রিতা ইত্যনেন স্থানসংশ্রযোঽভিহিতঃ| উচ্ছ্রিতা ভৃশমিত্যনেন প্রকোপ আবিষ্কৃতঃ, এতেনৈবান্তরীযকতযা চযপ্রসরাবপ্যাক্ষিপ্তৌ মন্তব্যৌ| মহামূলমস্থ্যাদিসমাশ্রযণাদ্গম্ভীরমূলম্| রুজাবন্তমিতি উত্পত্তাবেব রুজাপ্রকর্ষবন্তম্, অতিশাযনে মতুপ্| বৃত্তমিত্যাদি বৃত্তং বর্তুলম্| আযতং দীর্ঘম্| বৃত্তাযতাভ্যাং গ্রন্থ্যাদিবিলক্ষণতা| বিদ্রধিরিতি খ্যাত ইতি, ইতিশব্দেন নিরুপাধিসঙ্কেতমাত্রা বিদ্রধিসঞ্জ্ঞেতি দর্শযতি| চরকে তু বিদাহপ্রকর্ষাদ্বিদ্রধিসঞ্জ্ঞা| যদুক্তম্– “স বৈ শীঘ্রবিদাহিত্বাদ্বিদ্রধীত্যভিধীযতে|” (চ. সূ. অ. ১৭) ইতি||১-৩||
Adhikarana vAtajavidradhilakShaNam (4) · Śloka 4
কৃষ্ণোঽরুণো বা বিষমো ভৃশমত্যর্থবেদনঃ |
চিত্রোত্থানপ্রপাকশ্চ বিদ্রধির্বাতসম্ভবঃ ||৪||
(সু. নি. অ. ৯) |
View original
कृष्णोऽरुणो वा विषमो भृशमत्यर्थवेदनः |
चित्रोत्थानप्रपाकश्च विद्रधिर्वातसम्भवः ||४||
(सु. नि. अ. ९) |
বাতিকমাহ– কৃষ্ণ ইত্যাদি| বিষমো ভৃশমিতি কদাচিদল্পঃ, কদাচিন্মহান্| চিত্রোত্থানপ্রপাক ইতি| চিত্রৌ নানাবিধৌ বাযোর্বিষমক্রিযত্বাত্ উদ্গমপ্রপাকৌ যস্য স তথা||৪||
Adhikarana pittajavidradhilakShaNam (5) · Śloka 5
পক্বোদুম্বরসঙ্কাশঃ শ্যাবো বা জ্বরদাহবান্ |
ক্ষিপ্রোত্থানপ্রপাকশ্চ বিদ্রধিঃ পিত্তসম্ভবঃ ||৫||
View original
पक्वोदुम्बरसङ्काशः श्यावो वा ज्वरदाहवान् |
क्षिप्रोत्थानप्रपाकश्च विद्रधिः पित्तसम्भवः ||५||
পৈত্তিকমাহ– পক্বেত্যাদি| জ্বরদাহাবুত্থানকাল এব, পাককালে তু প্রকর্ষবন্তৌ তাবিতি বিশেষঃ||৫||
Adhikarana kaphajavidradhilakShaNam (6) · Śloka 6
শরাবসদৃশঃ পাণ্ডুঃ শীতঃ স্নিগ্ধোঽল্পবেদনঃ |
চিরোত্থানপ্রপাকশ্চ বিদ্রধিঃ কফসম্ভবঃ ||৬||
(সু. নি. অ. ৯) |
View original
शरावसदृशः पाण्डुः शीतः स्निग्धोऽल्पवेदनः |
चिरोत्थानप्रपाकश्च विद्रधिः कफसम्भवः ||६||
(सु. नि. अ. ९) |
কফজমাহ– শরাবেত্যাদি| শরাবসদৃশ ইতি মহত্ত্বসূচনপরম্||৬||
Adhikarana doShavisheSheNa vidradhInAmAsrAvabhedaH (7) · Śloka 7
তনুপীতসিতাশ্চৈষামাস্রাবাঃ ক্রমশঃ স্মৃতাঃ |৭|
View original
तनुपीतसिताश्चैषामास्रावाः क्रमशः स्मृताः |७|
পাকানন্তরং সম্ভূতাস্রাবলিঙ্গমাহ– তনুপীতসিতাশ্চৈষামিত্যাদি| ক্রমশ ইতি যথাক্রমং; তেন বাতেন তনুঃ, পিত্তেন পীতঃ, কফেন সিতঃ; তনুস্রাবে বাতানুরূপো বর্ণো জ্ঞেযঃ|৭|–
Adhikarana sannipAtajavidradhilakShaNam (7) · Śloka 7
নানাবর্ণরুজাস্রাবো ঘাটালো বিষমো মহান্ ||৭||
বিষমং পচ্যতে চাপি বিদ্রধিঃ সান্নিপাতিকঃ |
(সু. নি. অ. ৯) |
View original
नानावर्णरुजास्रावो घाटालो विषमो महान् ||७||
विषमं पच्यते चापि विद्रधिः सान्निपातिकः |
(सु. नि. अ. ९) |
সন্নিপাতজমাহ– নানেত্যাদি| নানাবর্ণরুজাস্রাব ইতি নানাশব্দো বর্ণাদিভিঃ প্রত্যেকমভিসম্বধ্যতে; নানা বহুবিধা বর্ণাঃ কৃষ্ণপীতশুক্লবর্ণাঃ, রুজাঃ তোদদাহকণ্ড্বাদিকাঃ, তনুপীতসিতা আস্রাবাশ্চ যস্য স তথা| অন্যত্র শোথে পাককালে নানারুজা, অত্র তু সর্বদা| ঘাটাল ইতি ঘাটা অস্যাস্তি স ঘাটাল ইতি মত্বর্থীযো লচ্, অত্যুচ্ছ্রিতাগ্রত্বেন ঘাটাল ইব| বিষমোঽসাধ্যত্বাত্| বিষমং পচ্যতে ইতি চিরাচিরগম্ভীরোত্তানোর্ধ্বানূর্ধ্বভেদেন বিষমং যথা ভবতি তথা পচ্যত ইতি; বিষমম্ অসমম্| ননু, বিষমপাকিত্বং বাতিকে বিদ্রধাবুক্তং, তথাঽনুপক্রান্তে চ শোথে; যথা– “যোঽভ্যুত্থিতোঽল্পো যদি বা মহান্ স্যাত্ ক্রিযাং বিনা পাকমুপৈতি শোথঃ| বিশালমূলো বিষমো বিদগ্ধঃ স কৃচ্ছ্রতাং যাত্যবগাঢদোষঃ||” (সু. সূ. অ. ১৭) ইতি| অতঃ সংশযে কথং মিথো ভেদপ্রতীতিঃ? উচ্যতে– বাতিকে অপ্রতীকারেণৈব বিষমপাকিত্বম্, প্রতীকারেণৈব ভেদিতম্| ইহ পুনঃ প্রতীকারেঽপি বৈষম্যং; বাতিকে তু পাকমাত্রবৈষম্যং, ন তু গাম্ভীর্যাদিনা; অতো বাতিকঃ সাধ্যঃ||৭||–
Adhikarana AgantuvidradheH samprAptipUrvakaM lakShaNam (8-9) · Śloka 10
তৈস্তৈর্ভাবৈরভিহতে ক্ষতে বাঽপথ্যকারিণঃ ||৮||
ক্ষতোষ্মা বাযুবিসৃতঃ সরক্তং পিত্তমীরযেত্ |
জ্বরস্তৃষ্ণা চ দাহশ্চ জাযতে তস্য দেহিনঃ ||৯||
আগন্তুর্বিদ্রধির্হ্যেষ পিত্তবিদ্রধিলক্ষণঃ |১০|
(সু. নি. অ. ৯) |
View original
तैस्तैर्भावैरभिहते क्षते वाऽपथ्यकारिणः ||८||
क्षतोष्मा वायुविसृतः सरक्तं पित्तमीरयेत् |
ज्वरस्तृष्णा च दाहश्च जायते तस्य देहिनः ||९||
आगन्तुर्विद्रधिर्ह्येष पित्तविद्रधिलक्षणः |१०|
(सु. नि. अ. ९) |
অভিঘাতজস্যাগন্তোঃ সম্প্রাপ্তিমাহ– তৈস্তৈরিত্যাদি| তৈস্তৈরিতি কাষ্ঠলোষ্টপাষাণাদিভিঃ| অভিহত ইতি অস্রুতরক্তস্য মথিতপিচ্চিতাদেরুপলক্ষণং, ক্ষত ইতি স্রুতরক্তস্য ছিন্নভিন্নাদেঃ; দ্বযোরভিহতযোরপথ্যকারিণ ইতি বিশেষণম্| ক্ষতোষ্মেতি ক্ষতশব্দস্য হিংসামাত্রপরিগ্রহাত্ ক্ষতাভিহতযোরপ্যূষ্মা ক্ষতোষ্মশব্দেনোচ্যতে| বাযুবিসৃত ইতি ক্ষতে রক্তক্ষযাত্ অভিহতে অভিঘাতাদেব বাতকোপঃ, কুপিতেন বাতেন হেতুভূতেন বিসৃতঃ প্রসৃতো বাযুবিসৃতঃ| যদ্যপ্যযং বাতপিত্তরক্তজস্তথাঽপি প্রাগভিঘাতসম্ভবত্বেনাগন্তুঃ, বাতপিত্তরক্তজানাং জনকত্বেনৈব বিলক্ষণাঽস্য সম্প্রাপ্তিঃ| পিত্তবিদ্রধিলক্ষণ ইতি অত্রোক্তজ্বরাদিব্যতিরিক্তসংস্থানবর্ণবেদনাদিপিত্তবিদ্রধিলিঙ্গযুক্ত ইত্যর্থঃ||৮-৯||–
Adhikarana raktajavidradhilakShaNam (10) · Śloka 11
কৃষ্ণস্ফোটাবৃতঃ শ্যাবস্তীব্রদাহরুজাকরঃ ||১০||
পিত্তবিদ্রধিলিঙ্গস্তু রক্তবিদ্রধিরুচ্যতে |১১|
(সু. নি. অ. ৯) |
View original
कृष्णस्फोटावृतः श्यावस्तीव्रदाहरुजाकरः ||१०||
पित्तविद्रधिलिङ्गस्तु रक्तविद्रधिरुच्यते |११|
(सु. नि. अ. ९) |
রক্তজমাহ– কৃষ্ণেত্যাদি| পিত্তবিদ্রধিলিঙ্গাতিদেশেন লব্ধাবপি দাহজ্বরৌ তীব্রতাবিশেষার্থমুক্তৌ| শ্যাব ইতি পিত্তবিদ্রধিলিঙ্গাতিদেশেন প্রসক্তস্য পক্বোদুম্বরসঙ্কাশস্যাপবাদঃ| ভোজপ্রভৃতযস্তু ধাতুরক্তজং বিদ্রধিং পরিত্যজ্য মক্কল্লসঞ্জ্ঞযাঽঽর্তবলক্ষণরক্তজং পঠন্তি| তেষাং মতে আর্তবজেন সহ ষড্বিদ্রধযঃ, সুশ্রুতে তু ধাতুরক্তজোঽপি তথা মক্কল্লসঞ্জ্ঞকোঽপি বিদ্রধিঃ সামান্যেন রক্তজ এবেতি ষড্বিদ্রধয ইতি বোদ্ধব্যম্||১০||–
Adhikarana AbhyantaravidradhilakShaNam, AbhyantaravidradheradhiShThAnavisheSheNa visheShali~ggAni ca (11-16) · Śloka 16
পৃথক্ সম্ভূয বা দোষাঃ কুপিতা গুল্মরূপিণম্ ||১১||
বল্মীকবত্ সমুন্নদ্ধমন্তঃ কুর্বন্তি বিদ্রধিম্ |
গুদে বস্তিমুখে নাভ্যাং কুক্ষৌ বঙ্ক্ষণযোস্তথা ||১২||
বৃক্কযোঃ প্লীহ্নি যকৃতি হৃদি বা ক্লোম্নি বাঽপ্যথ |
তেষামুক্তানি লিঙ্গানি বাহ্যবিদ্রধিলক্ষণৈঃ ||১৩||
অধিষ্ঠানবিশেষেণ লিঙ্গং শৃণু বিশেষতঃ |
গুদে বাতনিরোধশ্চ বস্তৌ কৃচ্ছ্রাল্পমূত্রতা ||১৪||
নাভ্যাং হিক্কা তথাঽঽটোপঃ কুক্ষৌ মারুতকোপনম্ |
কটীপৃষ্ঠগ্রহস্তীব্রো বঙ্ক্ষণোত্থে তু বিদ্রধৌ ||১৫||
বৃক্কযোঃ পার্শ্বসঙ্কোচঃ প্লীহ্ন্যুচ্ছ্বাসাবরোধনম্ |
সর্বাঙ্গপ্রগ্রহস্তীব্রো হৃদি কাসশ্চ জাযতে |
শ্বাসো যকৃতি হিক্কা চ ক্লোম্নি পেপীযতে পযঃ ||১৬||
(সু. নি. অ. ৯) |
View original
पृथक् सम्भूय वा दोषाः कुपिता गुल्मरूपिणम् ||११||
वल्मीकवत् समुन्नद्धमन्तः कुर्वन्ति विद्रधिम् |
गुदे बस्तिमुखे नाभ्यां कुक्षौ वङ्क्षणयोस्तथा ||१२||
वृक्कयोः प्लीह्नि यकृति हृदि वा क्लोम्नि वाऽप्यथ |
तेषामुक्तानि लिङ्गानि बाह्यविद्रधिलक्षणैः ||१३||
अधिष्ठानविशेषेण लिङ्गं शृणु विशेषतः |
गुदे वातनिरोधश्च बस्तौ कृच्छ्राल्पमूत्रता ||१४||
नाभ्यां हिक्का तथाऽऽटोपः कुक्षौ मारुतकोपनम् |
कटीपृष्ठग्रहस्तीव्रो वङ्क्षणोत्थे तु विद्रधौ ||१५||
वृक्कयोः पार्श्वसङ्कोचः प्लीह्न्युच्छ्वासावरोधनम् |
सर्वाङ्गप्रग्रहस्तीव्रो हृदि कासश्च जायते |
श्वासो यकृति हिक्का च क्लोम्नि पेपीयते पयः ||१६||
(सु. नि. अ. ९) |
অধিষ্ঠানবিশেষেণ লিঙ্গবিশেষং সাধ্যতামসাধ্যতাং চ প্রতিপাদযিতুমাভ্যন্তরবিদ্রধিমাহ– পৃথগিত্যাদি| ইযমধিকবিধানার্থমুক্তাঽপি সম্প্রাপ্তির্বিদ্রধেঃ পুনরুচ্যতে| আভ্যন্তরস্য রক্তজস্য তথাঽঽগন্তোশ্চ বিদ্রধের্দোষেণ ব্যপদেশাদিযমেব তত্রাপি সম্প্রাপ্তির্জ্ঞেযেতি কশ্চিত্| বাহ্যাগন্তুবদাভ্যন্তরাগন্তুসম্প্রাপ্তিরিত্যর্থঃ| ক্ষতজস্যাভ্যন্তরাভাবান্ন নির্দিষ্টঃ ক্ষতজ ইতি তু জেজ্জটঃ| গুল্মরূপিণমিতি গুল্মবত্ সংহতম্| এতদাভ্যন্তরবিদ্রধীনাং সামান্যরূপং; বিশেষলক্ষণং তু বাহ্যবিদ্রধিলক্ষণৈরেব জ্ঞেযম্| বল্মীকবত্ সমুন্নদ্ধং সমন্তাদুন্নতম্; এতদপি পচ্যমানাবস্থাযাং সর্বেষাং সমানম্| বস্তিমুখ ইতি বস্তিমুখ এব, বিদ্রধ্যাধারভূতমাংসাদিসম্ভবাত্; ন বস্তৌ, তস্য তনুত্বাত্| আটোপো রুজাপূর্বকক্ষোভঃ| মারুতকোপনমিতি মার্গাবরোধাদ্বাযোঃ কোপঃ| বৃক্কযোরিতি বৃক্কমগ্রমাংসম্| সর্বাঙ্গপ্রগ্রহঃ প্রত্যঙ্গব্যথা, সর্বসিরাধিষ্ঠানত্বাত্ হৃদযস্য| ক্লোম্নীতি ক্লোম বৃক্কাদূর্ধ্বং পিপাসাস্থানম্| পেপীযতে পযঃ ইতি পুনঃ পুনর্জলং পাতুমিচ্ছতীত্যর্থঃ||১১-১৬||
Adhikarana vidradhInAM srAvanirgamamArgaH (17) · Śloka 17
নাভেরুপরিজাঃ পক্বা যান্ত্যূর্ধ্বমিতরে ত্বধঃ |১৭|
(সু. নি. অ. ৯) |
View original
नाभेरुपरिजाः पक्वा यान्त्यूर्ध्वमितरे त्वधः |१७|
(सु. नि. अ. ९) |
স্রাবনির্গমমার্গমাহ– নাভেরিত্যাদি| উপরিজা বৃক্কপ্লীহাদিজাঃ| যান্তি স্রবন্তি| নাভিজস্তূভযমার্গস্রাবী, ঊর্ধ্বাধঃস্রাবশ্চ তথাগতিত্বাত্ বাতস্য| যদাহ হারীতঃ– “ঊর্ধ্বং প্রভিন্নেষু মুখান্নরাণাং প্রবর্ততেঽসৃক্সহিতোঽপি পূযঃ| অধঃপ্রভিন্নেষু চ পাযুমার্গাত্, দ্বাভ্যাং প্রবৃত্তিস্ত্বিহ নাভিজেষু||” ইতি| ইতর ইতি নাভিবস্তিবঙ্ক্ষণজাঃ|১৭|–
Adhikarana vidradheH sAdhyAsAdhyavicAraH (17-20) · Śloka 20
অধঃস্রুতেষু জীবেত্তু স্রুতেষূর্ধ্বং ন জীবতি ||১৭||
হৃন্নাভিবস্তিবর্জ্যা যে তেষু ভিন্নেষু বাহ্যতঃ |
জীবেত্ কদাচিত্ পুরুষো নেতরেষু কদাচন ||১৮||
(সু. নি. অ. ৯) |
সাধ্যা বিদ্রধযঃ পঞ্চ বিবর্জ্যঃ সান্নিপাতিকঃ |
আমপক্ববিদগ্ধত্বং তেষাং শোথবদাদিশেত্ ||১৯||
(বা. নি. অ. ১১) |
আধ্মাতং বদ্ধনিষ্যন্দং ছর্দিহিক্কাতৃষান্বিতম্ |
রুজাশ্বাসসমাযুক্তং বিদ্রধির্নাশযেন্নরম্ ||২০||
(সু. সূ. অ. ৩৩) |
View original
अधःस्रुतेषु जीवेत्तु स्रुतेषूर्ध्वं न जीवति ||१७||
हृन्नाभिबस्तिवर्ज्या ये तेषु भिन्नेषु बाह्यतः |
जीवेत् कदाचित् पुरुषो नेतरेषु कदाचन ||१८||
(सु. नि. अ. ९) |
साध्या विद्रधयः पञ्च विवर्ज्यः सान्निपातिकः |
आमपक्वविदग्धत्वं तेषां शोथवदादिशेत् ||१९||
(वा. नि. अ. ११) |
आध्मातं बद्धनिष्यन्दं छर्दिहिक्कातृषान्वितम् |
रुजाश्वाससमायुक्तं विद्रधिर्नाशयेन्नरम् ||२०||
(सु. सू. अ. ३३) |
সাধ্যত্বাদিকমাহ– অধ ইত্যাদি| অধঃস্রুতেষ্বিতি স্বযমেব যদা নাভ্যাদিজা ভিন্না অধঃ স্রবন্তি তদা জীবতি| স্রুতেষূর্ধ্বং ন জীবতীতি ঊর্ধ্বং পূযস্যাসম্যঙ্নির্গমান্ন জীবনম্| হৃন্নাভিবস্তিবর্জ্যা ইতি প্লীহক্লোমাদিজাঃ| ভিন্নেষু বাহ্যত ইতি বৈদ্যব্যাপারেণ ভিন্নেষু; অন্যে মর্মাদ্যাশযজেষু স্বযমেব ভিন্নেষ্বিতি ব্যাচক্ষতে, অন্তর্ভিন্নেষ্বপ্যধঃস্রাবিষু জীবনোক্তেঃ| নেতরেষ্বিতি হৃন্নাভিবস্তিজেষু ভিন্নেষু তেষাং মর্মত্বাদ্ বাহ্যা আভ্যন্তরা বা বর্জ্যাঃ| কদাচনেতি পাকে অপাকে বা| তথা চ ভোজঃ– “অসাধ্যো মর্মজো জ্ঞেযঃ পক্বোঽপক্বশ্চ বিদ্রধিঃ| সন্নিপাতোত্থিতোঽপ্যেবং পক্ব এব তু বস্তিজঃ|| ত্বগ্জো নাভেরধো যশ্চ সাধ্যো মর্মসমীপজঃ| অপক্বশ্চৈব পক্বশ্চ সাধ্যো নোপরি নাভিজঃ||” ইতি| অত্র মর্মজশব্দেন হৃদযনাভিজাবুচ্যেতে| বদ্ধনিষ্যন্দমিতি বদ্ধমূত্রম্| এতদ্বস্তিজে প্রাযঃ||১৭-২০||
Adhikarana puShpikA · Śloka 40
ইতি শ্রীমাধবকরবিরচিতে মাধবনিদানে বিদ্রধিনিদানং সমাপ্তম্ ||৪০||
View original
इति श्रीमाधवकरविरचिते माधवनिदाने विद्रधिनिदानं समाप्तम् ||४०||
ইতি শ্রীকণ্ঠদত্তকৃতাযাং মধুকোশব্যাখ্যাযাং বিদ্রধিনিদানং সমাপ্তম্||৪০||