Adhikarana visarpanidAnaM, sa~gkhyA, niruktishca (1-3) · Śloka 4
অথ বিসর্পনিদানম্ |
লবণাম্লকটূষ্ণাদিসংসেবাদোষকোপতঃ |
বিসর্পঃ সপ্তধা জ্ঞেযঃ সর্বতঃ পরিসর্পণাত্ ||১||
পৃথক্ ত্রযস্ত্রিভিশ্চৈকো বিসর্পা দ্বন্দ্বজাস্ত্রযঃ |
বাতিকঃ পৈত্তিকশ্চৈব কফজঃ সান্নিপাতিকঃ ||২||
চত্বার এতে বীসর্পা বক্ষ্যন্তে দ্বন্দ্বজাস্ত্রযঃ |
আগ্নেযো বাতপিত্তাভ্যাং গ্রন্থ্যাখ্যঃ কফবাতজঃ ||৩||
যস্তু কর্দমকো ঘোরঃ স পিত্তকফসম্ভবঃ |৪|
(চ. চি. অ. ২১) |
View original
अथ विसर्पनिदानम् |
लवणाम्लकटूष्णादिसंसेवादोषकोपतः |
विसर्पः सप्तधा ज्ञेयः सर्वतः परिसर्पणात् ||१||
पृथक् त्रयस्त्रिभिश्चैको विसर्पा द्वन्द्वजास्त्रयः |
वातिकः पैत्तिकश्चैव कफजः सान्निपातिकः ||२||
चत्वार एते वीसर्पा वक्ष्यन्ते द्वन्द्वजास्त्रयः |
आग्नेयो वातपित्ताभ्यां ग्रन्थ्याख्यः कफवातजः ||३||
यस्तु कर्दमको घोरः स पित्तकफसम्भवः |४|
(च. चि. अ. २१) |
অম্লপিত্তসম্ভবচ্ছর্দের্বেগবিধারণাদ্রক্তদুষ্টৌ সত্যাং বিসর্পোত্পত্তের্হেতুসাম্যাত্ তদনন্তরং বিসর্পনিদানম্| ছর্দিবেগবিঘাতস্য রক্তদূষকত্বে চরকবচনং যথা– “ ছর্দিবেগপ্রতীঘাতাত্ কালে চানবসেবনাত্| শরত্কালপ্রভাবাচ্চ শোণিতং সম্প্রদুষ্যতি||” (চ. সূ. অ. ২৪) ইতি| তস্য নিদানপূর্বিকাং সঙ্খ্যাং নিরুক্তিং চাহ– লবণাম্লেত্যাদি| “বিসর্পো ন হ্যসংসৃষ্টো রক্তপিত্তেন লক্ষ্যতে|” ইতি বচনাত্ লবণাম্লাদিকং বিশেষেণ রক্তপিত্তনিদানমুক্তম্| সংসেবযা সততসেবযা দোষকোপঃ সংসেবাদ্দোষকোপস্ততঃ| অত্র, আদিগ্রহণাত্ চরকোক্তানাং হরিতশাকশিণ্ডাকীপ্রভৃতীনাং গ্রহণম্| সপ্তধেতি উল্বণৈকৈকদোষজাস্ত্রযঃ, সন্নিপাতজ একঃ, ত্রযো দ্বন্দ্বজাঃ, ইতি সপ্তপ্রকারত্বমুক্তম্| সর্বতঃ পরিসর্পণাদিতি সর্বতঃ পরিসর্পণাত্ পরিসর্পঃ, বিবিধং সর্পাণাদ্বিসর্পঃ| যদুক্তং চরকে– “বিবিধং সর্পতি যতো বিসর্পস্তেন স স্মৃতঃ| পরিসর্পোঽথবা নাম্না সর্বতঃ পরিসর্পণাত্||” (চ. চি. অ. ২১) ইতি||১-৩||–
Adhikarana visarpadoShadUShyasa~ggrahaH (4-7) · Śloka 7
রক্তং লসীকা ত্বঙ্মাংসং দূষ্যং দোষাস্ত্রযো মলাঃ ||৪||
বিসর্পাণাং সমুত্পত্তৌ বিজ্ঞেযাঃ সপ্ত ধাতবঃ |
(চ. চি. অ. ২১) তত্র বাতাত্ স বীসর্পো বাতজ্বরসমব্যথঃ ||৫||
শোথস্ফুরণনিস্তোদভেদাযাসার্তিহর্ষবান্ |
পিত্তাদ্দ্রুতগতিঃ পিত্তজ্বরলিঙ্গোঽতিলোহিতঃ ||৬||
কফাত্ কণ্ডূযুতঃ স্নিগ্ধঃ কফজ্বরসমানরুক্ |
(বা. নি. অ. ১৩) |
সন্নিপাতসমুত্থশ্চ সর্বলিঙ্গসমন্বিতঃ ||৭||
View original
रक्तं लसीका त्वङ्मांसं दूष्यं दोषास्त्रयो मलाः ||४||
विसर्पाणां समुत्पत्तौ विज्ञेयाः सप्त धातवः |
(च. चि. अ. २१) तत्र वातात् स वीसर्पो वातज्वरसमव्यथः ||५||
शोथस्फुरणनिस्तोदभेदायासार्तिहर्षवान् |
पित्ताद्द्रुतगतिः पित्तज्वरलिङ्गोऽतिलोहितः ||६||
कफात् कण्डूयुतः स्निग्धः कफज्वरसमानरुक् |
(वा. नि. अ. १३) |
सन्निपातसमुत्थश्च सर्वलिङ्गसमन्वितः ||७||
সর্বেষামেব রক্তাদিদূষ্যচতুষ্টযদোষত্রযজন্যত্বমাহ– রক্তমিত্যাদি| বিসর্পস্য সমানসামগ্রীকত্বেঽপি কুষ্ঠাদ্ভেদঃ কুষ্ঠাধ্যাযে এব নিরূপিতঃ| দোষশব্দেনৈব বাতাদিগ্রহণে সিদ্ধে মলা ইতি যত্ কৃতং, তদত্যর্থদুষ্ট্যা শরীরমলিনীকরণত্বং দোষাণাং প্রতিপাদযিতুম্| সন্নিপাতজেঽসাধ্যত্বমপি “সর্বাত্মকঃ ক্ষতকৃতশ্চ ন সিদ্ধিমেতি|” (সু. নি. অ. ১০) ইতি বচনাত্| তেন বিকৃতিবিষমসমবেতত্বমস্য| চরকে ত্বন্তর্জবহির্জভেদেন বিসর্পঃ পঠিতঃ| যদাহ– “মর্মোপঘাতাত্ সম্মোহাদযনানাং বিঘট্টনাত্| তৃষ্ণাতিযোগাদ্বেগানাং বিষমং চ প্রবর্তনাত্|| বিদ্যাদ্বিসর্পমন্তর্জমাশু চাগ্নিবলক্ষযাত্| অতো বিপর্যযাদ্বাহ্যমন্যং বিদ্যাত্ স্বলক্ষণৈঃ||” (চ. চি. অ. ২১) ইতি||৪-৭||
Adhikarana AgneyavisarpalakShaNam (8-13) · Śloka 13
বাতপিত্তাজ্জ্বরচ্ছর্দিমূর্ছাতীসারতৃড্ভ্রমৈঃ |
গ্রন্থিভেদাগ্নিসদনতমকারোচকৈর্যুতঃ ||৮||
করোতি সর্বমঙ্গং চ দীপ্তাঙ্গারাবকীর্ণবত্ |
যং যং দেশং বিসর্পশ্চ বিসর্পতি ভবেত্ স সঃ ||৯||
শান্তাঙ্গারাসিতো নীলো রক্তো বাঽঽশু চ চীযতে |
অগ্নিদগ্ধ ইব স্ফোটৈঃ শীঘ্রগত্বাদ্দ্রুতং স চ ||১০||
মর্মানুসারী বীসর্পঃ স্যাদ্বাতোঽতিবলস্ততঃ |
ব্যথতেঽঙ্গং হরেত্ সঞ্জ্ঞাং নিদ্রাং চ শ্বাসমীরযেত্ ||১১||
হিক্কাং চ স গতোঽবস্থামীদৃশীং লভতে ন না |
ক্বচিচ্ছর্মারতিগ্রস্তো ভূমিশয্যাসনাদিষু ||১২||
চেষ্টমানস্ততঃ ক্লিষ্টো মনোদেহপ্রমোহবান্ |
দুষ্প্রবোধোঽশ্নুতে নিদ্রাং সোঽগ্নিবীসর্প উচ্যতে ||১৩||
(বা. নি. অ. ১৩) |
View original
वातपित्ताज्ज्वरच्छर्दिमूर्छातीसारतृड्भ्रमैः |
ग्रन्थिभेदाग्निसदनतमकारोचकैर्युतः ||८||
करोति सर्वमङ्गं च दीप्ताङ्गारावकीर्णवत् |
यं यं देशं विसर्पश्च विसर्पति भवेत् स सः ||९||
शान्ताङ्गारासितो नीलो रक्तो वाऽऽशु च चीयते |
अग्निदग्ध इव स्फोटैः शीघ्रगत्वाद्द्रुतं स च ||१०||
मर्मानुसारी वीसर्पः स्याद्वातोऽतिबलस्ततः |
व्यथतेऽङ्गं हरेत् सञ्ज्ञां निद्रां च श्वासमीरयेत् ||११||
हिक्कां च स गतोऽवस्थामीदृशीं लभते न ना |
क्वचिच्छर्मारतिग्रस्तो भूमिशय्यासनादिषु ||१२||
चेष्टमानस्ततः क्लिष्टो मनोदेहप्रमोहवान् |
दुष्प्रबोधोऽश्नुते निद्रां सोऽग्निवीसर्प उच्यते ||१३||
(वा. नि. अ. १३) |
আগ্নেযবিসর্পমাহ– বাতপিত্তাদিত্যাদিনা| দীপ্তাঙ্গারাবকীর্ণবদিতি জ্বলদঙ্গারেণৈব ব্যাপ্তমঙ্গং মন্যতে| শান্তাঙ্গারাসিত ইতি নির্বাণাঙ্গারবত্ কৃষ্ণবর্ণঃ স দেশো ভবতি| নীলো রক্তো বেতি স দেশঃ স্নিগ্ধনীলো রক্তো বা ভবতি| অগ্নিদগ্ধ ইবেতি অগ্নিদগ্ধদেশ ইব| শীঘ্রগত্বাদিতি শীঘ্রকারিত্বাত্| মর্মানুসারী হৃদযাদ্যনুসারী| ব্যথতেঽঙ্গমিত্যত্রান্তর্ভাবিতো ণ্যর্থঃ, তেন ব্যথযতীত্যর্থঃ| নিদ্রাং চেত্যত্র হরেদিতি সম্বধ্যতে| শর্ম সুখম্| দুষ্প্রবোধোঽশ্নুতে নিদ্রামিতি নিদ্রাং মরণরূপাং প্রাপ্নোতি||৮-১৩||
Adhikarana granthivisarpalakShaNam (14-16) · Śloka 17
কফেন রুদ্ধঃ পবনো ভিত্ত্বা তং বহুধা কফম্ |
রক্তং বা বৃদ্ধরক্তস্য ত্বক্সিরাস্নাযুমাংসগম্ ||১৪||
দূষযিত্বা তু দীর্ঘাণুবৃত্তস্থূলখরাত্মনাম্ |
গ্রন্থীনাং কুরুতে মালাং সরক্তাং তীব্ররুগ্জ্বরাম্ ||১৫||
শ্বাসকাসাতিসারাস্যশোষহিক্কাবমিভ্রমৈঃ |
মোহবৈবর্ণ্যমূর্ছাঙ্গভঙ্গাগ্নিসদনৈর্যুতাম্ ||১৬||
ইত্যযং গ্রন্থিবীসর্পঃ কফমারুতকোপজঃ |১৭|
(বা. নি. অ. ১৩) |
View original
कफेन रुद्धः पवनो भित्त्वा तं बहुधा कफम् |
रक्तं वा वृद्धरक्तस्य त्वक्सिरास्नायुमांसगम् ||१४||
दूषयित्वा तु दीर्घाणुवृत्तस्थूलखरात्मनाम् |
ग्रन्थीनां कुरुते मालां सरक्तां तीव्ररुग्ज्वराम् ||१५||
श्वासकासातिसारास्यशोषहिक्कावमिभ्रमैः |
मोहवैवर्ण्यमूर्छाङ्गभङ्गाग्निसदनैर्युताम् ||१६||
इत्ययं ग्रन्थिवीसर्पः कफमारुतकोपजः |१७|
(वा. नि. अ. १३) |
গ্রন্থিবিসর্পমাহ– কফেন রুদ্ধ ইত্যাদি| কফেনেতি স্বহেতুকুপিতেন, পবনঃ স্বহেতুকুপিতঃ, তেন কফমারুতজত্বমস্যোপপন্নং ভবতি| ভিত্ত্বা তং বহুধা কফমিতি কফং বিস্তার্য| রক্তং বেতি দূষযিত্বেত্যনেন বক্ষ্যমাণেন সম্বধ্যতে| দীর্ঘাণুবৃত্তস্থূলখরাত্মনামিতি বৃত্তং বর্তুলং, স্থূলমুচ্ছূনং, খরং কঠিনম্, এবংরূপাণাং গ্রন্থীনাং মালাং করোতি, অযং চ গ্রন্থিবিসর্পঃ সুশ্রুতেঽপচীসঞ্জ্ঞযা পঠ্যতে||১৪-১৬||–
Adhikarana kardamavisarpalakShaNam (17-21) · Śloka 22
কফপিত্তাজ্জ্বরঃ স্তম্ভো নিদ্রা তন্দ্রা শিরোরুজা ||১৭||
অঙ্গাবসাদবিক্ষেপৌ প্রলেপারোচকভ্রমাঃ |
মূর্ছাগ্নিহানির্ভেদোঽস্থ্নাং পিপাসেন্দ্রিযগৌরবম্ ||১৮||
আমোপবেশনং লেপঃ স্রোতসাং স চ সর্পতি |
প্রাযেণামাশযং গৃহ্ণন্নেকদেশং ন চাতিরুক্ ||১৯||
পিডকৈরবকীর্ণোঽতিপীতলোহিতপাণ্ডুরৈঃ |
স্নিগ্ধোঽসিতো মেচকাভো মলিনঃ শোথবান্ গুরুঃ ||২০||
গম্ভীরপাকঃ প্রাজ্যোষ্মা স্পৃষ্টঃ ক্লিন্নোঽবদীর্যতে |
পঙ্কবচ্ছীর্ণমাংসশ্চ স্পষ্টস্নাযুসিরাগণঃ ||২১||
শবগন্ধী চ বীসর্পঃ কর্দমাখ্যমুশন্তি তম্ |২২|
(বা. নি. অ. ১৩) |
View original
कफपित्ताज्ज्वरः स्तम्भो निद्रा तन्द्रा शिरोरुजा ||१७||
अङ्गावसादविक्षेपौ प्रलेपारोचकभ्रमाः |
मूर्छाग्निहानिर्भेदोऽस्थ्नां पिपासेन्द्रियगौरवम् ||१८||
आमोपवेशनं लेपः स्रोतसां स च सर्पति |
प्रायेणामाशयं गृह्णन्नेकदेशं न चातिरुक् ||१९||
पिडकैरवकीर्णोऽतिपीतलोहितपाण्डुरैः |
स्निग्धोऽसितो मेचकाभो मलिनः शोथवान् गुरुः ||२०||
गम्भीरपाकः प्राज्योष्मा स्पृष्टः क्लिन्नोऽवदीर्यते |
पङ्कवच्छीर्णमांसश्च स्पष्टस्नायुसिरागणः ||२१||
शवगन्धी च वीसर्पः कर्दमाख्यमुशन्ति तम् |२२|
(वा. नि. अ. १३) |
কর্দমবিসর্পমাহ– কফপিত্তাদিত্যাদি| স্তম্ভ ইতি গাত্রস্য স্তব্ধতা, আমোপবেশনমামস্য বর্চসস্ত্যজনম্| স চ সর্পতি প্রাযেণামাশযং গৃহ্ণন্নেকদেশমিতি কফপিত্তযোরামাশযস্থত্বাত্ প্রাযেণামাশযে ভবন্নেকদেশব্যাপী ভবতীত্যর্থঃ| পিডকৈরিতি পিডকাভিঃ| মলিন ইতি মলদিগ্ধঃ| গম্ভীরপাক ইত্যন্তঃপাকঃ, প্রাজ্যোষ্মা প্রচুরোষ্মা| স্পষ্টস্নাযুসিরাগণ ইতি পূতিমাংসগলনেন স্নায্বাদীনাং স্পষ্টতা| কর্দমাখ্যমুশন্তি তমিতি তং কর্দমসারূপ্যাত্ কর্দমাখ্যমিচ্ছন্তি||১৭-২১||–
Adhikarana kShatavisarpalakShaNam (22-24) · Śloka 24
বাহ্যহেতোঃ ক্ষতাত্ ক্রুদ্ধঃ সরক্তং পিত্তমীরযন্ ||২২||
বীসর্পং মারুতঃ কুর্যাত্ কুলত্থসদৃশৈশ্চিতম্ |
স্ফোটৈঃ শোথজ্বররুজাদাহাঢ্যং শ্যাবশোণিতম্ ||২৩||
(বা. নি. অ. ১৩) |
জ্বরাতিসারৌ বমথুস্ত্বঙ্মাংসদরণং ক্লমঃ |
অরোচকাবিপাকৌ চ বিসর্পাণামুপদ্রবাঃ ||২৪||
View original
बाह्यहेतोः क्षतात् क्रुद्धः सरक्तं पित्तमीरयन् ||२२||
वीसर्पं मारुतः कुर्यात् कुलत्थसदृशैश्चितम् |
स्फोटैः शोथज्वररुजादाहाढ्यं श्यावशोणितम् ||२३||
(वा. नि. अ. १३) |
ज्वरातिसारौ वमथुस्त्वङ्मांसदरणं क्लमः |
अरोचकाविपाकौ च विसर्पाणामुपद्रवाः ||२४||
ক্ষতবিসর্পমাহ– বাহ্যহেতোরিত্যাদি| অযং চ পিত্তজে বিসর্পেঽন্তর্ভাবনীযঃ, তেন ন সঙ্খ্যাধিক্যম্| তথা চ ভোজঃ– “শস্ত্রপ্রহারৈস্তৈস্তৈস্তু ব্যাডদন্তনখৈরপি| ক্ষতে বাঽপ্যথবা ভগ্নে বহুদোষস্য দেহিনঃ|| রক্তং পিত্তং চ কুপিতং ব্রণমাশু প্রপদ্যতে| কুরুতস্তে সমেতে তু ব্রণোত্সেধং সুদারুণম্|| আচিতং তনুবিস্ফোটৈঃ কৃষ্ণৈঃ পীতকসন্নিভৈঃ| পিত্তবীসর্পবল্লিঙ্গং তস্য শেষং বিনির্দিশেত্||” ইতি||২২-২৪||
Adhikarana visarpasya sAdhyAsAdhyavicAraH (25) · Śloka 25
সিধ্যন্তি বাতকফপিত্তকৃতা বিসর্পাঃ সর্বাত্মকঃ ক্ষতকৃতশ্চ ন সিদ্ধিমেতি |
পিত্তাত্মকোঽঞ্জনবপুশ্চ ভবেদসাধ্যঃ কৃচ্ছ্রাশ্চ মর্মসু ভবন্তি হি সর্ব এব ||২৫||
(সু. নি. অ. ১০) |
View original
सिध्यन्ति वातकफपित्तकृता विसर्पाः सर्वात्मकः क्षतकृतश्च न सिद्धिमेति |
पित्तात्मकोऽञ्जनवपुश्च भवेदसाध्यः कृच्छ्राश्च मर्मसु भवन्ति हि सर्व एव ||२५||
(सु. नि. अ. १०) |
সাধ্যত্বাদিকমাহ– সিধ্যন্তীত্যাদি| পিত্তাত্মকোঽঞ্জনবপুরিতি অত্যন্তমুদ্রিক্তপিত্তোঽঞ্জনসমবর্ণতনুঃ, অগ্নিবিসর্পাখ্যো ন সাধ্য ইতি ব্যাখ্যানযন্তি| কৃচ্ছ্রাশ্চ মর্মস্বিতি অসাধ্যত্বেন কৃচ্ছ্রত্বং বোদ্ধব্যম্| যদাহ ভোজঃ– “বর্জ্যস্তু ক্ষতজস্তেষাং সন্নিপাতাত্তু যো ভবেত্| ভিষজা জানতা ত্যাজ্যাঃ সর্ব এব তু মর্মজাঃ||” ইতি||২৫||
Adhikarana puShpikA · Śloka 52
ইতি শ্রীমাধবকরবিরচিতে মাধবনিদানে বিসর্পনিদানং সমাপ্তম্ ||৫২||
View original
इति श्रीमाधवकरविरचिते माधवनिदाने विसर्पनिदानं समाप्तम् ||५२||
ইতি শ্রীকণ্ঠদত্তকৃতাযাং মধুকোশব্যাখ্যাযাং বিসর্পনিদানং সমাপ্তম্||৫২||