Adhikarana mAdhavanidAnAntargataviShayAnukramaNikA (9) · Śloka 9
അഥ വിഷയാനുക്രമണികാ | ജ്വരോऽതിസാരോ ഗ്രഹണീ ചാര്ശോऽജീര്ണം വിസൂചികാ | അലസശ്ച വിലമ്ബീ ച ക്രിമിരുക്പാണ്ഡുകാമലാഃ ||൧|| ഹലീമകം രക്തപിത്തം രാജയക്ഷ്മാ ഉരഃക്ഷതമ് | കാസോ ഹിക്കാ സഹ ശ്വാസൈഃ സ്വരഭേദസ്ത്വരോചകഃ ||൨|| ഛര്ദിസ്തൃഷ്ണാ ച മൂര്ഛാദ്യാ രോഗാഃ പാനാത്യയാദയഃ | ദാഹോന്മാദാവപസ്മാരഃ കഥിതോऽഥാനിലാമയഃ ||൩|| വാതരക്തമൂരുസ്തമ്ഭ ആമവാതോऽഥ ശൂലരുക് | പക്തിജം ശൂലമാനാഹ ഉദാവര്തോऽഥ ഗുല്മരുക് ||൪|| ഹൃദ്രോഗോ മൂത്രകൃച്ഛ്രം ച മൂത്രാഘാതസ്തഥാऽശ്മരീ | പ്രമേഹോ മധുമേഹശ്ച പിഡകാശ്ച പ്രമേഹജാഃ ||൫|| മേദസ്തഥോദരം ശോഥോ വൃദ്ധിശ്ച ഗലഗണ്ഡകഃ | ഗണ്ഡമാലാऽപചീ ഗ്രന്ഥിരര്ബുദഃ ശ്ലീപദം തഥാ ||൬|| വിദ്രധിര്വ്രണശോഥശ്ച ദ്വൌ വ്രണൌ ഭഗ്നനാഡികേ | ഭഗന്ദരോപദംശൌ ച ശൂകദോഷസ്ത്വഗാമയഃ ||൭|| ശീതപിത്തമുദര്ദശ്ച കോഠശ്ചൈവാമ്ലപിത്തകമ് | വിസര്പശ്ച സവിസ്ഫോടഃ സരോമാന്ത്യോ മസൂരികാഃ ||൮|| ക്ഷുദ്രാസ്യകര്ണനാസാക്ഷിശിരഃസ്ത്രീബാലകാമയാഃ | വിഷം ചേത്യയമുദ്ദിഷ്ടോ രുഗ്വിനിശ്ചയസങ്ഗ്രഹഃ ||൯||
View original
अथ विषयानुक्रमणिका | ज्वरोऽतिसारो ग्रहणी चार्शोऽजीर्णं विसूचिका | अलसश्च विलम्बी च क्रिमिरुक्पाण्डुकामलाः ||१|| हलीमकं रक्तपित्तं राजयक्ष्मा उरःक्षतम् | कासो हिक्का सह श्वासैः स्वरभेदस्त्वरोचकः ||२|| छर्दिस्तृष्णा च मूर्छाद्या रोगाः पानात्ययादयः | दाहोन्मादावपस्मारः कथितोऽथानिलामयः ||३|| वातरक्तमूरुस्तम्भ आमवातोऽथ शूलरुक् | पक्तिजं शूलमानाह उदावर्तोऽथ गुल्मरुक् ||४|| हृद्रोगो मूत्रकृच्छ्रं च मूत्राघातस्तथाऽश्मरी | प्रमेहो मधुमेहश्च पिडकाश्च प्रमेहजाः ||५|| मेदस्तथोदरं शोथो वृद्धिश्च गलगण्डकः | गण्डमालाऽपची ग्रन्थिरर्बुदः श्लीपदं तथा ||६|| विद्रधिर्व्रणशोथश्च द्वौ व्रणौ भग्ननाडिके | भगन्दरोपदंशौ च शूकदोषस्त्वगामयः ||७|| शीतपित्तमुदर्दश्च कोठश्चैवाम्लपित्तकम् | विसर्पश्च सविस्फोटः सरोमान्त्यो मसूरिकाः ||८|| क्षुद्रास्यकर्णनासाक्षिशिरःस्त्रीबालकामयाः | विषं चेत्ययमुद्दिष्टो रुग्विनिश्चयसङ्ग्रहः ||९||
🔊 Audio coming soon