Adhikarana vRuddheH samprAptiH (1-2) · Śloka 3
অথ বৃদ্ধিনিদানম্ |
ক্রুদ্ধোঽনূর্ধ্বগতির্বাযুঃ শোথশূলকরশ্চরন্ |
মুষ্কৌ বঙ্ক্ষণতঃ প্রাপ্য ফলকোষাভিবাহিনীঃ ||১||
প্রপীড্য ধমনীর্বৃদ্ধিং করোতি ফলকোষযোঃ |
দোষাস্রমেদোমূত্রান্ত্রৈঃ স বৃদ্ধিঃ সপ্তধা গদঃ ||২||
মূত্রান্ত্রজাবপ্যনিলাদ্ধেতুভেদস্তু কেবলম্ |৩|
(বা. নি. অ. ১১) |
View original
अथ वृद्धिनिदानम् |
क्रुद्धोऽनूर्ध्वगतिर्वायुः शोथशूलकरश्चरन् |
मुष्कौ वङ्क्षणतः प्राप्य फलकोषाभिवाहिनीः ||१||
प्रपीड्य धमनीर्वृद्धिं करोति फलकोषयोः |
दोषास्रमेदोमूत्रान्त्रैः स वृद्धिः सप्तधा गदः ||२||
मूत्रान्त्रजावप्यनिलाद्धेतुभेदस्तु केवलम् |३|
(वा. नि. अ. ११) |
শোথত্বসামান্যাত্ শোথানন্তরং বৃদ্ধিরভিধীযতে| বৃদ্ধেঃ সম্প্রাপ্তিমাহ– ক্রুদ্ধোঽনূর্ধ্বগতির্বাযুরিত্যাদি| অনূর্ধ্বগতিরধোগতির্বাযুঃ মুষ্কৌ প্রাপ্য চরন্ গচ্ছন্ বঙ্ক্ষণতো মেঢ্রজঙ্ঘাসন্ধেঃ সকাশাত্; ফলকোষাভিবাহিনীরিতি ফলং চ কোষশ্চ ফলকোষৌ, অথবা ফলযোঃ কোষৌ, তদ্বহা ধমনীশ্চ প্রপীড্য সন্দূষ্য, বৃদ্ধিং করোতি| ফলকোষযোরিতি দ্বিবচনমুপলক্ষণং, তেনৈককোষেঽপি দৃশ্যমানা বৃদ্ধিঃ সঙ্গতা| স বৃদ্ধিরিতি “ক্তিচ্ক্তৌ চ সঞ্জ্ঞাযাম্” ইত্যনেন ক্তিজন্তো বৃদ্ধিশব্দঃ পুংলিঙ্গঃ, ক্তিন্নন্তস্তু স্ত্রীলিঙ্গঃ| বৃদ্ধিঃ কুরণ্ডোঽভিধীযতে| সঙ্খ্যেযনির্দেশাদেব সঙ্খ্যাযাং লব্ধাযাং সপ্তধেতি বচনং ন্যূনাধিকসঙ্খ্যানিরাসার্থং, তেন দ্বন্দ্বজাদিবৃদ্ধেরধিকাযা নিরাসঃ, অসম্ভবস্তু তস্যা ব্যাধিস্বভাবাত্; মূত্রান্ত্রবৃদ্ধ্যোর্বাতবৃদ্ধ্যন্তর্ভাবাত্ ন্যূনসঙ্খ্যানিরাসার্থম্ অনযোর্বাতজত্বেঽপি নিমিত্তচিকিত্সাভেদাত্ পৃথগভিধানং, নিমিত্তভেদনিবন্ধন এব ব্যাধিভেদঃ| যদুক্তম্– “দোষদূষ্যসংসর্গাদাযতনবিশেষান্নিমিত্ততশ্চৈষাং ব্যাধীনাং ভেদঃ|” (সু. সূ. অ. ২৪) ইতি| অত আহ– মূত্রান্ত্রজাবপ্যনিলাদ্ধেতুভেদস্তু কেবলমিতি||১-২||
Adhikarana vAtaja-pittaja-kaphaja-raktaja-medoja-mUtrajavRuddhilakShaNam (3-6) · Śloka 7
বাতপূর্ণদৃতিস্পর্শো রূক্ষো বাতাদহেতুরুক্ ||৩||
পক্বোদুম্বরসঙ্কাশঃ পিত্তাদ্দাহোষ্মপাকবান্ কফাচ্ছীতো গুরুঃ স্নিগ্ধঃ কণ্ডূমান্ কঠিনোঽল্পরুক্ ||৪||
কৃষ্ণস্ফোটাবৃতঃ পিত্তবৃদ্ধিলিঙ্গশ্চ রক্তজঃ |
কফবন্মেদসা বৃদ্ধির্মৃদুস্তালফলোপমঃ ||৫||
মূত্রধারণশীলস্য মূত্রজঃ স তু গচ্ছতঃ |
অম্ভোভিঃ পূর্ণদৃতিবত্ ক্ষোভং যাতি সরুঙ্মৃদুঃ ||৬||
মূত্রকৃচ্ছ্রমধঃ স্যাচ্চ চালযন্ ফলকোষযোঃ |৭|
(বা. নি. অ. ১১) |
View original
वातपूर्णदृतिस्पर्शो रूक्षो वातादहेतुरुक् ||३||
पक्वोदुम्बरसङ्काशः पित्ताद्दाहोष्मपाकवान् कफाच्छीतो गुरुः स्निग्धः कण्डूमान् कठिनोऽल्परुक् ||४||
कृष्णस्फोटावृतः पित्तवृद्धिलिङ्गश्च रक्तजः |
कफवन्मेदसा वृद्धिर्मृदुस्तालफलोपमः ||५||
मूत्रधारणशीलस्य मूत्रजः स तु गच्छतः |
अम्भोभिः पूर्णदृतिवत् क्षोभं याति सरुङ्मृदुः ||६||
मूत्रकृच्छ्रमधः स्याच्च चालयन् फलकोषयोः |७|
(वा. नि. अ. ११) |
বাতজাদীনাং মূত্রজান্তানাং বৃদ্ধীনাং ক্রমেণ লক্ষণান্যাহ– বাতেত্যাদি| অহেতুরুগিতি অনিমিত্ততো দাহাদিরুক্| রক্তজে ‘কৃষ্ণস্ফোটাবৃত’ ইতি পিত্তজবৃদ্ধিলিঙ্গাদধিকং; তেন হেতুলিঙ্গচিকিত্সাভেদাদ্রক্তজবৃদ্ধিঃ পৃথগ্গণ্যতে| মেদোজে তালফলোপম ইতি পক্বতালফলমিব নীলবর্তুলঃ| মূত্রজে মূত্রকৃচ্ছ্রমিতি মূত্রকৃচ্ছ্রবত্ বেদনা| চালযন্ ফলকোষযোরিতি ফলকোষযোশ্চালযন্ চলো ভবন্নিতস্ততো গচ্ছন্ সোঽধঃ স্যাত্| চালযন্নিতি স্বার্থিকো ণিচ্||৩-৬||–
Adhikarana antravRuddhernidAnasamprAptipUrvakaM lakShaNam (7-10) · Śloka 11
বাতকোপিভিরাহারৈঃ শীততোযাবগাহনৈঃ ||৭||
ধারণেরণভারাধ্ববিষমাঙ্গপ্রবর্তনৈঃ |
ক্ষোভণৈঃ ক্ষোভিতোঽন্যৈশ্চ ক্ষুদ্রান্ত্রাবযবং যদা ||৮||
পবনো বিগুণীকৃত্য স্বনিবেশাদধো নযেত্ |
কুর্যাদ্বঙ্ক্ষণসন্ধিস্থো গ্রন্থ্যাভং শ্বযথুং তদা ||৯||
উপেক্ষ্যমাণস্য চ মুষ্কবৃদ্ধিমাধ্মানরুক্স্তম্ভবতীং স বাযুঃ |
প্রপীডিতোঽন্তঃস্বনবান্ প্রযাতি প্রধ্মাপযন্নেতি পুনশ্চ মুক্তঃ ||১০||
যস্যান্ত্রাবযবাশ্লেষান্মুষ্কযোর্বাতসম্ভবাত্ |
অন্ত্রবৃদ্ধিরসাধ্যোঽযং বাতবৃদ্ধিসমাকৃতিঃ ||১১||
(বা. নি. অ. ১১) |
View original
वातकोपिभिराहारैः शीततोयावगाहनैः ||७||
धारणेरणभाराध्वविषमाङ्गप्रवर्तनैः |
क्षोभणैः क्षोभितोऽन्यैश्च क्षुद्रान्त्रावयवं यदा ||८||
पवनो विगुणीकृत्य स्वनिवेशादधो नयेत् |
कुर्याद्वङ्क्षणसन्धिस्थो ग्रन्थ्याभं श्वयथुं तदा ||९||
उपेक्ष्यमाणस्य च मुष्कवृद्धिमाध्मानरुक्स्तम्भवतीं स वायुः |
प्रपीडितोऽन्तःस्वनवान् प्रयाति प्रध्मापयन्नेति पुनश्च मुक्तः ||१०||
यस्यान्त्रावयवाश्लेषान्मुष्कयोर्वातसम्भवात् |
अन्त्रवृद्धिरसाध्योऽयं वातवृद्धिसमाकृतिः ||११||
(वा. नि. अ. ११) |
অন্ত্রবৃদ্ধিমাহ– বাতকোপিভিরিত্যাদি| ধারণং বেগস্যোপস্থিতস্য, ঈরণমপ্রাপ্তস্য| ক্ষোভণৈঃ ক্ষুভিতোঽন্যৈরিতি বলবদ্বিগ্রহধনুরাকর্ষণাদিভিঃ| ক্ষুদ্রান্ত্রাবযবমিতি বৃহদন্ত্রব্যুদাসার্থম্| বিগুণীকৃত্যেতি সঙ্কুচীকৃত্য| দ্বিগুণীকৃত্যেতি পাঠান্তরে সঙ্কোচেন দ্বিগুণীকৃত্য| স্বনিবেশাত্ স্বস্থানাত্| তদা বঙ্ক্ষণসন্ধিস্থঃ সন্ বঙ্ক্ষণসন্ধৌ গ্রন্থিরূপং সাধ্যং শ্বযথুং করোতি, তত্র গ্রন্থিরূপেণ স্থিত্বা কালান্তরেণ ফলকোষং গচ্ছতীতি| তাং মুষ্কবৃদ্ধিমাধ্মানরুক্স্তম্ভবতীমুপেক্ষ্যমাণস্য অচিকিত্সিতপুরুষস্য| অত্র ভোজঃ– “অন্ত্রং দ্বিগুণমাদায জন্তোর্নযতি বঙ্ক্ষণম্| বঙ্ক্ষণাত্তদ্রুজাযুক্তং ফলকোষং প্রপদ্যতে||” ইতি| প্রধ্মাপযন্নিতি উচ্ছূনযন্| অসাধ্যোঽযমিতি কথং? যতোঽস্য চিকিত্সাঽভিহিতা; নৈবম্, অপ্রাপ্তফলকোষাযামযং চিকিত্সাবিধিঃ; প্রাপ্তফলকোষা ত্বসাধ্যা; যাপ্যাযাং বা তস্যাং চিকিত্সাবিধিঃ| যদুক্তং ভোজে– “যাপ্যাং তামন্ত্রজাং বিদুঃ|” ইতি| ব্রধ্ননিদানং তু তন্ত্রান্তরে পঠ্যতে| তদ্যথা– “অত্যভিষ্যন্দিগুর্বন্নসেবনান্নিচযং গতঃ| করোতি গ্রন্থিবচ্ছোথং দোষো বঙ্ক্ষণসন্ধিষু|| জ্বরশূলাঙ্গসাদাঢ্যং তং ব্রধ্নমিতি নির্দিশেত্||” ইতি||৭-১০||
Adhikarana puShpikA · Śloka 37
ইতি শ্রীমাধবকরবিরচিতে মাধবনিদানে বৃদ্ধিনিদানং সমাপ্তম্ ||৩৭||
View original
इति श्रीमाधवकरविरचिते माधवनिदाने वृद्धिनिदानं समाप्तम् ||३७||
ইতি শ্রীকণ্ঠদত্তকৃতাযাং মধুকোশব্যাখ্যাযাং বৃদ্ধিনিদানং সমাপ্তম্||৩৭||