Adhikarana yoniroganidAnam (1) · Śloka 1
অথ যোনিব্যাপন্নিদানম্ |
বিংশতির্ব্যাপদো যোনৌ নির্দিষ্টা রোগসঙ্গ্রহে |
মিথ্যাচারেণ তাঃ স্ত্রীণাং প্রদুষ্টেনার্তবেন চ ||১||
জাযন্তে বীজদোষাচ্চ দৈবাচ্চ শৃণু তাঃ পৃথক্ |
(চ. চি. অ. ৩০) |
View original
अथ योनिव्यापन्निदानम् |
विंशतिर्व्यापदो योनौ निर्दिष्टा रोगसङ्ग्रहे |
मिथ्याचारेण ताः स्त्रीणां प्रदुष्टेनार्तवेन च ||१||
जायन्ते बीजदोषाच्च दैवाच्च शृणु ताः पृथक् |
(च. चि. अ. ३०) |
স্ত্র্যধিকারানুবৃত্তেঃ প্রদুষ্টার্তবকার্যত্বাচ্চ যোনিব্যাপন্নিদানমাহ– বিংশতিরিত্যাদি| রোগসঙ্গ্রহ ইতি অষ্টোদরীযে, চরকোক্তত্বাদস্য বাক্যস্য| মিথ্যাচারেণ অসম্যগাহারাচারেণ, চরতের্গতিভক্ষণার্থত্বাত্| প্রদুষ্টেনার্তবেনেতি বাতাদিদুষ্টরজসেত্যর্থঃ| তেন, বন্ধ্যাদিষ্বার্তবদুষ্টিরপি কারণং ভবতি| বীজদোষান্মাতাপিত্রোরারম্ভকবীজদোষাত্| দৈবাত্ প্রাক্তনাধর্মকারণাত্; দৈবস্য সর্বত্র কারণত্বে সিদ্ধেঽত্র বিশেষেণ কারণত্বমুক্তম্||১||–
Adhikarana vAtikayonirogANAM lakShaNam (2-4) · Śloka 4
সা ফেনিলমুদাবর্তা রজঃ কৃচ্ছ্রেণ মুঞ্চতি ||২||
বন্ধ্যাং নষ্টার্তবাং বিদ্যাদ্বিপ্লুতাং নিত্যবেদনাম্ |
পরিপ্লুতাযাং ভবতি গ্রাম্যধর্মেণ রুগ্ভৃশম্ ||৩||
বাতলা কর্কশা স্তব্ধা শূলনিস্তোদপীডিতা |
চতসৃষ্বপি চাদ্যাসু ভবন্ত্যনিলবেদনাঃ ||৪||
(সু. উ. তং. অ. ৩৮) |
View original
सा फेनिलमुदावर्ता रजः कृच्छ्रेण मुञ्चति ||२||
वन्ध्यां नष्टार्तवां विद्याद्विप्लुतां नित्यवेदनाम् |
परिप्लुतायां भवति ग्राम्यधर्मेण रुग्भृशम् ||३||
वातला कर्कशा स्तब्धा शूलनिस्तोदपीडिता |
चतसृष्वपि चाद्यासु भवन्त्यनिलवेदनाः ||४||
(सु. उ. तं. अ. ३८) |
শ্লৈষ্মিকা আহ– সা ফেনিলমিত্যাদি| সা যোনিঃ ফেনবদার্তবং মুঞ্চতি| উদাবর্তেতি ঊর্ধ্বমাবর্তঃ সমন্তাদ্বর্তনং বাযোর্যত্র সা তথেতি, অর্শআদিত্বাদচ্| বিপ্লুতামিতি বিপ্লুতাং বাতবেদনযা বিপ্লুতত্বাত্| নিত্যবেদনাম্ অতিকুপিতেনৈব বাতেনেতি| পরিপ্লুতাযামিতি পরি সর্বতো বাতবিকারেণ প্লুতত্বাত্ পরিপ্লুতাসঞ্জ্ঞা| পরিপ্লুতাযাং বাহ্যাভ্যন্তরবাতবেদনাভির্যুক্তাযাম্| “গ্রাম্যধর্মেণ রুগ্ভৃশম্” ইত্যত্র “গ্রাম্যধর্মে রুচির্ভৃশম্” ইতি পাঠান্তরং, তত্র রুচিরভিলাষঃ; গ্রাম্যধর্মে মৈথুনে| বাতলেত্যাদি যোনিবিশেষণং, বাতলযা সহ পঞ্চ যোনিব্যাপদঃ| বাতলাযাঃ পৃথগভিধানং বাতলাযাং বিশেষেণ বাতবেদনাপ্রাদুর্ভাবার্থম্| এবং পিত্তলাদিষ্বপি বোদ্ধব্যম্| চতসৃষ্বিতি উদাবর্তাবন্ধ্যাবিপ্লুতাপরিপ্লুতাসু||২-৪||
Adhikarana paittikayonirogANAM lakShaNam (5-7) · Śloka 7
সদাহং ক্ষীযতে রক্তং যস্যাং সা লোহিতক্ষযা |
সবাতমুদ্গিরেদ্বীজং বামিনী রজসা যুতম্ ||৫||
প্রস্রংসিনী স্রংসতে চ ক্ষোভিতা দুষ্প্রজাযিনী |
স্থিতং স্থিতং হন্তি গর্ভং পুত্রঘ্নী রক্তসঙ্ক্ষযাত্ ||৬||
অত্যর্থং পিত্তলা যোনির্দাহপাকজ্বরান্বিতা |
চতসৃষ্বপি চাদ্যাসু পিত্তলিঙ্গোচ্ছ্রযো ভবেত্ ||৭||
(সু. উ. তং. অ. ৩৮) |
View original
सदाहं क्षीयते रक्तं यस्यां सा लोहितक्षया |
सवातमुद्गिरेद्बीजं वामिनी रजसा युतम् ||५||
प्रस्रंसिनी स्रंसते च क्षोभिता दुष्प्रजायिनी |
स्थितं स्थितं हन्ति गर्भं पुत्रघ्नी रक्तसङ्क्षयात् ||६||
अत्यर्थं पित्तला योनिर्दाहपाकज्वरान्विता |
चतसृष्वपि चाद्यासु पित्तलिङ्गोच्छ्रयो भवेत् ||७||
(सु. उ. तं. अ. ३८) |
পৈত্তিকা আহ– সদাহমিত্যাদি| ক্ষীযতে রক্তমিতি অতিপ্রবৃত্ত্যা রক্তস্য ক্ষযঃ| বামিন্যুদ্গিরেদ্বীজমিতি শুক্রং শুদ্ধমপি বমতীত্যর্থঃ| প্রস্রংসিনী স্রংসতে ইতি স্বস্থানাচ্চ্যবতে নিঃসরতীতি যাবত্| অত এব “ ক্ষীরস্বিন্নাং প্রবেশযেত্|” (সু. উ. তং. অ. ৩৮) ইতি চিকিত্সিতম্| ক্ষোভিতা বিমর্দিতা| দুষ্প্রজাযিনী দুঃখপ্রসবা| রক্তসঙ্ক্ষযাদার্তবস্য বাযুনা ক্ষযাত্| যদ্যপি সর্বস্যৈবাপত্যস্য নাশস্তথাঽপি পুত্রস্য প্রাধান্যাত্ পুত্রঘ্নীতি ব্যপদেশঃ| পিত্তলযা সহ পঞ্চ পিত্তজাঃ| দাহপাকেত্যাদ্যুপলক্ষণং, তেন নীলপীতাসিতার্তবা চ ভবতীত্যর্থঃ| যদুক্তমন্যত্র– “ব্যাপল্লবণকট্বম্লক্ষারাদ্যৈঃ পিত্তজা ভবেত্| দাহপাকজ্বরোষ্ণার্তা নীলপীতাসিতার্তবা||” ইতি| আদ্যাস্বিতি রক্তক্ষযাবামিনীপ্রস্রংসিনীপুত্রঘ্নীষু||৫-৭||
Adhikarana shlaiShmikayonirogANAM lakShaNam (8-10) · Śloka 10
অত্যানন্দা ন সন্তোষং গ্রাম্যধর্মেণ গচ্ছতি |
কর্ণিন্যাং কর্ণিকা যোনৌ শ্লেষ্মাসৃগ্ভ্যাং প্রজাযতে ||৮||
মৈথুনেঽচরণা পূর্বং পুরুষাদতিরিচ্যতে |
বহুশশ্চাতিচরণা তযোর্বীজং ন বিন্দতি ||৯||
শ্লেষ্মলা পিচ্ছিলা যোনিঃ কণ্ডূগ্রস্তাঽতিশীতলা |
চতসৃষ্বপি চাদ্যাসু শ্লেষ্মলিঙ্গোচ্ছ্রযো ভবেত্ ||১০||
(সু. উ. তং. অ. ৩৮) |
View original
अत्यानन्दा न सन्तोषं ग्राम्यधर्मेण गच्छति |
कर्णिन्यां कर्णिका योनौ श्लेष्मासृग्भ्यां प्रजायते ||८||
मैथुनेऽचरणा पूर्वं पुरुषादतिरिच्यते |
बहुशश्चातिचरणा तयोर्बीजं न विन्दति ||९||
श्लेष्मला पिच्छिला योनिः कण्डूग्रस्ताऽतिशीतला |
चतसृष्वपि चाद्यासु श्लेष्मलिङ्गोच्छ्रयो भवेत् ||१०||
(सु. उ. तं. अ. ३८) |
শ্লৈষ্মিকা আহ– অত্যানন্দেত্যাদি| গ্রাম্যধর্মেণ মৈথুনেন| কর্ণিন্যাং কর্ণিকেতি কর্ণিকা মাংসকন্দাকারগ্রন্থিঃ| মৈথুনেঽচরণা পূর্বং পুরুষাদতিরিচ্যতে ইতি অচরণা সম্যঙ্মৈথুনাচরণাত্ পূর্বং প্রথমং, পুরুষাদতিরিচ্যতে বিরমতি, তেন বীজং ন গৃহ্ণাতি| অত্র অচরণশব্দেনোপচারাত্ তদ্বতী স্ত্রী ভণ্যতে| বহুশশ্চাতিচরণেতি বহুশো মৈথুনাচরণাদতিচরণা, সা চ শ্লেষ্মজনিতকণ্ডূভিরাজগেব (?) বহুমৈথুনাচরণাদ্বীজং ন ধত্তে| অত উক্তম্– তযোর্বীজং ন বিন্দতীতি| তযোরিতি অচরণাতিচরণযোঃ| শ্লেষ্মলাযামতিশীতলেত্যুপলক্ষণং, তেন বেদনাদিকমপি জ্ঞেযম্| তথাচ তন্ত্রান্তরে– “কফোঽভিষ্যন্দিভির্বৃদ্ধো যোনিং চেদ্দূষযেত্ স্ত্রিযাঃ| স কুর্যাত্ পিচ্ছিলাং শীতাং কণ্ডূগ্রস্তাং সবেদনাম্||” ইতি||৮-১০||
Adhikarana sAnnipAtikayonirogANAM lakShaNam (11-13) · Śloka 13
অনার্তবাঽস্তনী ষণ্ডী খরস্পর্শা চ মৈথুনে |
অতিকাযগৃহীতাযাস্তরুণ্যাস্ত্বণ্ডলী ভবেত্ ||১১||
বিবৃতা চ মহাযোনিঃ সূচীবক্ত্রাঽতিসংবৃতা |
সর্বলিঙ্গসমুত্থানা সর্বদোষপ্রকোপজা ||১২||
চতসৃষ্বপি চাদ্যাসু সর্বলিঙ্গোচ্ছ্রযো ভবেত্ |
পঞ্চাসাধ্যা ভবন্তীহ যোনযঃ সর্বদোষজাঃ ||১৩||
(সু. উ. তং. অ. ৩৮) |
View original
अनार्तवाऽस्तनी षण्डी खरस्पर्शा च मैथुने |
अतिकायगृहीतायास्तरुण्यास्त्वण्डली भवेत् ||११||
विवृता च महायोनिः सूचीवक्त्राऽतिसंवृता |
सर्वलिङ्गसमुत्थाना सर्वदोषप्रकोपजा ||१२||
चतसृष्वपि चाद्यासु सर्वलिङ्गोच्छ्रयो भवेत् |
पञ्चासाध्या भवन्तीह योनयः सर्वदोषजाः ||१३||
(सु. उ. तं. अ. ३८) |
সান্নিপাতিকা আহ– অনার্তবেত্যাদি| অনার্তবা রজঃশূন্যা| অস্তনী ঈষত্স্তনী| অতিকাযগৃহীতাযা মহামেহনেন গৃহীতাযাঃ| অণ্ডলী অণ্ডবন্নিঃসৃতা যোনিঃ| বিবৃতা মহাযোনিঃ অতিবিবৃতমুখী| সূচীবক্ত্রা অতিসংবৃতা সূচীরন্ধ্রাঽতিসঙ্কটমুখী| সর্বলিঙ্গসমুত্থানেতি সর্বদোষলিঙ্গানাং সমুত্থানং যত্র সা তথা| অন্যে ত্বাহুঃ– সর্বদোষসমুত্থানা সর্বদোষহেতুজেত্যর্থঃ| চরকোক্তা অধিকা রক্তযোন্যাদযঃ সুশ্রুতোক্তানামদূরান্তরত্বেনাববোদ্ধব্যাঃ||১১-১৩||
Adhikarana puShpikA · Śloka 62
ইতি শ্রীমাধবকরবিরচিতে মাধবনিদানে যোনিব্যাপন্নিদানং সমাপ্তম্ ||৬২||
View original
इति श्रीमाधवकरविरचिते माधवनिदाने योनिव्यापन्निदानं समाप्तम् ||६२||
ইতি শ্রীকণ্ঠদত্তকৃতাযাং মধুকোশব্যাখ্যাযাং যোনিব্যাপন্নিদানং সমাপ্তম্||৬২||