Adhikarana yoniroganidAnam (1) · Śloka 1
অথ যোনিব্যাপন্নিদানম্ | বিংশতির্ব্যাপদো যোনৌ নির্দিষ্টা রোগসঙ্গ্রহে | মিথ্যাচারেণ তাঃ স্ত্রীণাং প্রদুষ্টেনার্তবেন চ ||১|| জাযন্তে বীজদোষাচ্চ দৈবাচ্চ শৃণু তাঃ পৃথক্ | (চ. চি. অ. ৩০) |
अथ योनिव्यापन्निदानम् | विंशतिर्व्यापदो योनौ निर्दिष्टा रोगसङ्ग्रहे | मिथ्याचारेण ताः स्त्रीणां प्रदुष्टेनार्तवेन च ||१|| जायन्ते बीजदोषाच्च दैवाच्च शृणु ताः पृथक् | (च. चि. अ. ३०) |
🔊 Audio coming soon
Adhikarana vAtikayonirogANAM lakShaNam (2-4) · Śloka 4
সা ফেনিলমুদাবর্তা রজঃ কৃচ্ছ্রেণ মুঞ্চতি ||২|| বন্ধ্যাং নষ্টার্তবাং বিদ্যাদ্বিপ্লুতাং নিত্যবেদনাম্ | পরিপ্লুতাযাং ভবতি গ্রাম্যধর্মেণ রুগ্ভৃশম্ ||৩|| বাতলা কর্কশা স্তব্ধা শূলনিস্তোদপীডিতা | চতসৃষ্বপি চাদ্যাসু ভবন্ত্যনিলবেদনাঃ ||৪|| (সু. উ. তং. অ. ৩৮) |
सा फेनिलमुदावर्ता रजः कृच्छ्रेण मुञ्चति ||२|| वन्ध्यां नष्टार्तवां विद्याद्विप्लुतां नित्यवेदनाम् | परिप्लुतायां भवति ग्राम्यधर्मेण रुग्भृशम् ||३|| वातला कर्कशा स्तब्धा शूलनिस्तोदपीडिता | चतसृष्वपि चाद्यासु भवन्त्यनिलवेदनाः ||४|| (सु. उ. तं. अ. ३८) |
🔊 Audio coming soon
Adhikarana paittikayonirogANAM lakShaNam (5-7) · Śloka 7
সদাহং ক্ষীযতে রক্তং যস্যাং সা লোহিতক্ষযা | সবাতমুদ্গিরেদ্বীজং বামিনী রজসা যুতম্ ||৫|| প্রস্রংসিনী স্রংসতে চ ক্ষোভিতা দুষ্প্রজাযিনী | স্থিতং স্থিতং হন্তি গর্ভং পুত্রঘ্নী রক্তসঙ্ক্ষযাত্ ||৬|| অত্যর্থং পিত্তলা যোনির্দাহপাকজ্বরান্বিতা | চতসৃষ্বপি চাদ্যাসু পিত্তলিঙ্গোচ্ছ্রযো ভবেত্ ||৭|| (সু. উ. তং. অ. ৩৮) |
सदाहं क्षीयते रक्तं यस्यां सा लोहितक्षया | सवातमुद्गिरेद्बीजं वामिनी रजसा युतम् ||५|| प्रस्रंसिनी स्रंसते च क्षोभिता दुष्प्रजायिनी | स्थितं स्थितं हन्ति गर्भं पुत्रघ्नी रक्तसङ्क्षयात् ||६|| अत्यर्थं पित्तला योनिर्दाहपाकज्वरान्विता | चतसृष्वपि चाद्यासु पित्तलिङ्गोच्छ्रयो भवेत् ||७|| (सु. उ. तं. अ. ३८) |
🔊 Audio coming soon
Adhikarana shlaiShmikayonirogANAM lakShaNam (8-10) · Śloka 10
অত্যানন্দা ন সন্তোষং গ্রাম্যধর্মেণ গচ্ছতি | কর্ণিন্যাং কর্ণিকা যোনৌ শ্লেষ্মাসৃগ্ভ্যাং প্রজাযতে ||৮|| মৈথুনেঽচরণা পূর্বং পুরুষাদতিরিচ্যতে | বহুশশ্চাতিচরণা তযোর্বীজং ন বিন্দতি ||৯|| শ্লেষ্মলা পিচ্ছিলা যোনিঃ কণ্ডূগ্রস্তাঽতিশীতলা | চতসৃষ্বপি চাদ্যাসু শ্লেষ্মলিঙ্গোচ্ছ্রযো ভবেত্ ||১০|| (সু. উ. তং. অ. ৩৮) |
अत्यानन्दा न सन्तोषं ग्राम्यधर्मेण गच्छति | कर्णिन्यां कर्णिका योनौ श्लेष्मासृग्भ्यां प्रजायते ||८|| मैथुनेऽचरणा पूर्वं पुरुषादतिरिच्यते | बहुशश्चातिचरणा तयोर्बीजं न विन्दति ||९|| श्लेष्मला पिच्छिला योनिः कण्डूग्रस्ताऽतिशीतला | चतसृष्वपि चाद्यासु श्लेष्मलिङ्गोच्छ्रयो भवेत् ||१०|| (सु. उ. तं. अ. ३८) |
🔊 Audio coming soon
Adhikarana sAnnipAtikayonirogANAM lakShaNam (11-13) · Śloka 13
অনার্তবাঽস্তনী ষণ্ডী খরস্পর্শা চ মৈথুনে | অতিকাযগৃহীতাযাস্তরুণ্যাস্ত্বণ্ডলী ভবেত্ ||১১|| বিবৃতা চ মহাযোনিঃ সূচীবক্ত্রাঽতিসংবৃতা | সর্বলিঙ্গসমুত্থানা সর্বদোষপ্রকোপজা ||১২|| চতসৃষ্বপি চাদ্যাসু সর্বলিঙ্গোচ্ছ্রযো ভবেত্ | পঞ্চাসাধ্যা ভবন্তীহ যোনযঃ সর্বদোষজাঃ ||১৩|| (সু. উ. তং. অ. ৩৮) |
अनार्तवाऽस्तनी षण्डी खरस्पर्शा च मैथुने | अतिकायगृहीतायास्तरुण्यास्त्वण्डली भवेत् ||११|| विवृता च महायोनिः सूचीवक्त्राऽतिसंवृता | सर्वलिङ्गसमुत्थाना सर्वदोषप्रकोपजा ||१२|| चतसृष्वपि चाद्यासु सर्वलिङ्गोच्छ्रयो भवेत् | पञ्चासाध्या भवन्तीह योनयः सर्वदोषजाः ||१३|| (सु. उ. तं. अ. ३८) |
🔊 Audio coming soon
Adhikarana puShpikA · Śloka 62
ইতি শ্রীমাধবকরবিরচিতে মাধবনিদানে যোনিব্যাপন্নিদানং সমাপ্তম্ ||৬২||
इति श्रीमाधवकरविरचिते माधवनिदाने योनिव्यापन्निदानं समाप्तम् ||६२||
🔊 Audio coming soon