Adhikarana yoniroganidAnam (1) · Śloka 1
അഥ യോനിവ്യാപന്നിദാനമ് |
വിംശതിര്വ്യാപദോ യോനൌ നിര്ദിഷ്ടാ രോഗസങ്ഗ്രഹേ |
മിഥ്യാചാരേണ താഃ സ്ത്രീണാം പ്രദുഷ്ടേനാര്തവേന ച ||൧||
ജായന്തേ ബീജദോഷാച്ച ദൈവാച്ച ശൃണു താഃ പൃഥക് |
(ച. ചി. അ. ൩൦) |
View original
अथ योनिव्यापन्निदानम् |
विंशतिर्व्यापदो योनौ निर्दिष्टा रोगसङ्ग्रहे |
मिथ्याचारेण ताः स्त्रीणां प्रदुष्टेनार्तवेन च ||१||
जायन्ते बीजदोषाच्च दैवाच्च शृणु ताः पृथक् |
(च. चि. अ. ३०) |
സ്ത്ര്യധികാരാനുവൃത്തേഃ പ്രദുഷ്ടാര്തവകാര്യത്വാച്ച യോനിവ്യാപന്നിദാനമാഹ– വിംശതിരിത്യാദി| രോഗസങ്ഗ്രഹ ഇതി അഷ്ടോദരീയേ, ചരകോക്തത്വാദസ്യ വാക്യസ്യ| മിഥ്യാചാരേണ അസമ്യഗാഹാരാചാരേണ, ചരതേര്ഗതിഭക്ഷണാര്ഥത്വാത്| പ്രദുഷ്ടേനാര്തവേനേതി വാതാദിദുഷ്ടരജസേത്യര്ഥഃ| തേന, വന്ധ്യാദിഷ്വാര്തവദുഷ്ടിരപി കാരണം ഭവതി| ബീജദോഷാന്മാതാപിത്രോരാരമ്ഭകബീജദോഷാത്| ദൈവാത് പ്രാക്തനാധര്മകാരണാത്; ദൈവസ്യ സര്വത്ര കാരണത്വേ സിദ്ധേऽത്ര വിശേഷേണ കാരണത്വമുക്തമ്||൧||–
Adhikarana vAtikayonirogANAM lakShaNam (2-4) · Śloka 4
സാ ഫേനിലമുദാവര്താ രജഃ കൃച്ഛ്രേണ മുഞ്ചതി ||൨||
വന്ധ്യാം നഷ്ടാര്തവാം വിദ്യാദ്വിപ്ലുതാം നിത്യവേദനാമ് |
പരിപ്ലുതായാം ഭവതി ഗ്രാമ്യധര്മേണ രുഗ്ഭൃശമ് ||൩||
വാതലാ കര്കശാ സ്തബ്ധാ ശൂലനിസ്തോദപീഡിതാ |
ചതസൃഷ്വപി ചാദ്യാസു ഭവന്ത്യനിലവേദനാഃ ||൪||
(സു. ഉ. തം. അ. ൩൮) |
View original
सा फेनिलमुदावर्ता रजः कृच्छ्रेण मुञ्चति ||२||
वन्ध्यां नष्टार्तवां विद्याद्विप्लुतां नित्यवेदनाम् |
परिप्लुतायां भवति ग्राम्यधर्मेण रुग्भृशम् ||३||
वातला कर्कशा स्तब्धा शूलनिस्तोदपीडिता |
चतसृष्वपि चाद्यासु भवन्त्यनिलवेदनाः ||४||
(सु. उ. तं. अ. ३८) |
ശ്ലൈഷ്മികാ ആഹ– സാ ഫേനിലമിത്യാദി| സാ യോനിഃ ഫേനവദാര്തവം മുഞ്ചതി| ഉദാവര്തേതി ഊര്ധ്വമാവര്തഃ സമന്താദ്വര്തനം വായോര്യത്ര സാ തഥേതി, അര്ശആദിത്വാദച്| വിപ്ലുതാമിതി വിപ്ലുതാം വാതവേദനയാ വിപ്ലുതത്വാത്| നിത്യവേദനാമ് അതികുപിതേനൈവ വാതേനേതി| പരിപ്ലുതായാമിതി പരി സര്വതോ വാതവികാരേണ പ്ലുതത്വാത് പരിപ്ലുതാസഞ്ജ്ഞാ| പരിപ്ലുതായാം ബാഹ്യാഭ്യന്തരവാതവേദനാഭിര്യുക്തായാമ്| “ഗ്രാമ്യധര്മേണ രുഗ്ഭൃശമ്” ഇത്യത്ര “ഗ്രാമ്യധര്മേ രുചിര്ഭൃശമ്” ഇതി പാഠാന്തരം, തത്ര രുചിരഭിലാഷഃ; ഗ്രാമ്യധര്മേ മൈഥുനേ| വാതലേത്യാദി യോനിവിശേഷണം, വാതലയാ സഹ പഞ്ച യോനിവ്യാപദഃ| വാതലായാഃ പൃഥഗഭിധാനം വാതലായാം വിശേഷേണ വാതവേദനാപ്രാദുര്ഭാവാര്ഥമ്| ഏവം പിത്തലാദിഷ്വപി ബോദ്ധവ്യമ്| ചതസൃഷ്വിതി ഉദാവര്താവന്ധ്യാവിപ്ലുതാപരിപ്ലുതാസു||൨-൪||
Adhikarana paittikayonirogANAM lakShaNam (5-7) · Śloka 7
സദാഹം ക്ഷീയതേ രക്തം യസ്യാം സാ ലോഹിതക്ഷയാ |
സവാതമുദ്ഗിരേദ്ബീജം വാമിനീ രജസാ യുതമ് ||൫||
പ്രസ്രംസിനീ സ്രംസതേ ച ക്ഷോഭിതാ ദുഷ്പ്രജായിനീ |
സ്ഥിതം സ്ഥിതം ഹന്തി ഗര്ഭം പുത്രഘ്നീ രക്തസങ്ക്ഷയാത് ||൬||
അത്യര്ഥം പിത്തലാ യോനിര്ദാഹപാകജ്വരാന്വിതാ |
ചതസൃഷ്വപി ചാദ്യാസു പിത്തലിങ്ഗോച്ഛ്രയോ ഭവേത് ||൭||
(സു. ഉ. തം. അ. ൩൮) |
View original
सदाहं क्षीयते रक्तं यस्यां सा लोहितक्षया |
सवातमुद्गिरेद्बीजं वामिनी रजसा युतम् ||५||
प्रस्रंसिनी स्रंसते च क्षोभिता दुष्प्रजायिनी |
स्थितं स्थितं हन्ति गर्भं पुत्रघ्नी रक्तसङ्क्षयात् ||६||
अत्यर्थं पित्तला योनिर्दाहपाकज्वरान्विता |
चतसृष्वपि चाद्यासु पित्तलिङ्गोच्छ्रयो भवेत् ||७||
(सु. उ. तं. अ. ३८) |
പൈത്തികാ ആഹ– സദാഹമിത്യാദി| ക്ഷീയതേ രക്തമിതി അതിപ്രവൃത്ത്യാ രക്തസ്യ ക്ഷയഃ| വാമിന്യുദ്ഗിരേദ്ബീജമിതി ശുക്രം ശുദ്ധമപി വമതീത്യര്ഥഃ| പ്രസ്രംസിനീ സ്രംസതേ ഇതി സ്വസ്ഥാനാച്ച്യവതേ നിഃസരതീതി യാവത്| അത ഏവ “ ക്ഷീരസ്വിന്നാം പ്രവേശയേത്|” (സു. ഉ. തം. അ. ൩൮) ഇതി ചികിത്സിതമ്| ക്ഷോഭിതാ വിമര്ദിതാ| ദുഷ്പ്രജായിനീ ദുഃഖപ്രസവാ| രക്തസങ്ക്ഷയാദാര്തവസ്യ വായുനാ ക്ഷയാത്| യദ്യപി സര്വസ്യൈവാപത്യസ്യ നാശസ്തഥാऽപി പുത്രസ്യ പ്രാധാന്യാത് പുത്രഘ്നീതി വ്യപദേശഃ| പിത്തലയാ സഹ പഞ്ച പിത്തജാഃ| ദാഹപാകേത്യാദ്യുപലക്ഷണം, തേന നീലപീതാസിതാര്തവാ ച ഭവതീത്യര്ഥഃ| യദുക്തമന്യത്ര– “വ്യാപല്ലവണകട്വമ്ലക്ഷാരാദ്യൈഃ പിത്തജാ ഭവേത്| ദാഹപാകജ്വരോഷ്ണാര്താ നീലപീതാസിതാര്തവാ||” ഇതി| ആദ്യാസ്വിതി രക്തക്ഷയാവാമിനീപ്രസ്രംസിനീപുത്രഘ്നീഷു||൫-൭||
Adhikarana shlaiShmikayonirogANAM lakShaNam (8-10) · Śloka 10
അത്യാനന്ദാ ന സന്തോഷം ഗ്രാമ്യധര്മേണ ഗച്ഛതി |
കര്ണിന്യാം കര്ണികാ യോനൌ ശ്ലേഷ്മാസൃഗ്ഭ്യാം പ്രജായതേ ||൮||
മൈഥുനേऽചരണാ പൂര്വം പുരുഷാദതിരിച്യതേ |
ബഹുശശ്ചാതിചരണാ തയോര്ബീജം ന വിന്ദതി ||൯||
ശ്ലേഷ്മലാ പിച്ഛിലാ യോനിഃ കണ്ഡൂഗ്രസ്താऽതിശീതലാ |
ചതസൃഷ്വപി ചാദ്യാസു ശ്ലേഷ്മലിങ്ഗോച്ഛ്രയോ ഭവേത് ||൧൦||
(സു. ഉ. തം. അ. ൩൮) |
View original
अत्यानन्दा न सन्तोषं ग्राम्यधर्मेण गच्छति |
कर्णिन्यां कर्णिका योनौ श्लेष्मासृग्भ्यां प्रजायते ||८||
मैथुनेऽचरणा पूर्वं पुरुषादतिरिच्यते |
बहुशश्चातिचरणा तयोर्बीजं न विन्दति ||९||
श्लेष्मला पिच्छिला योनिः कण्डूग्रस्ताऽतिशीतला |
चतसृष्वपि चाद्यासु श्लेष्मलिङ्गोच्छ्रयो भवेत् ||१०||
(सु. उ. तं. अ. ३८) |
ശ്ലൈഷ്മികാ ആഹ– അത്യാനന്ദേത്യാദി| ഗ്രാമ്യധര്മേണ മൈഥുനേന| കര്ണിന്യാം കര്ണികേതി കര്ണികാ മാംസകന്ദാകാരഗ്രന്ഥിഃ| മൈഥുനേऽചരണാ പൂര്വം പുരുഷാദതിരിച്യതേ ഇതി അചരണാ സമ്യങ്മൈഥുനാചരണാത് പൂര്വം പ്രഥമം, പുരുഷാദതിരിച്യതേ വിരമതി, തേന ബീജം ന ഗൃഹ്ണാതി| അത്ര അചരണശബ്ദേനോപചാരാത് തദ്വതീ സ്ത്രീ ഭണ്യതേ| ബഹുശശ്ചാതിചരണേതി ബഹുശോ മൈഥുനാചരണാദതിചരണാ, സാ ച ശ്ലേഷ്മജനിതകണ്ഡൂഭിരാജഗേവ (?) ബഹുമൈഥുനാചരണാദ്ബീജം ന ധത്തേ| അത ഉക്തമ്– തയോര്ബീജം ന വിന്ദതീതി| തയോരിതി അചരണാതിചരണയോഃ| ശ്ലേഷ്മലായാമതിശീതലേത്യുപലക്ഷണം, തേന വേദനാദികമപി ജ്ഞേയമ്| തഥാച തന്ത്രാന്തരേ– “കഫോऽഭിഷ്യന്ദിഭിര്വൃദ്ധോ യോനിം ചേദ്ദൂഷയേത് സ്ത്രിയാഃ| സ കുര്യാത് പിച്ഛിലാം ശീതാം കണ്ഡൂഗ്രസ്താം സവേദനാമ്||” ഇതി||൮-൧൦||
Adhikarana sAnnipAtikayonirogANAM lakShaNam (11-13) · Śloka 13
അനാര്തവാऽസ്തനീ ഷണ്ഡീ ഖരസ്പര്ശാ ച മൈഥുനേ |
അതികായഗൃഹീതായാസ്തരുണ്യാസ്ത്വണ്ഡലീ ഭവേത് ||൧൧||
വിവൃതാ ച മഹായോനിഃ സൂചീവക്ത്രാऽതിസംവൃതാ |
സര്വലിങ്ഗസമുത്ഥാനാ സര്വദോഷപ്രകോപജാ ||൧൨||
ചതസൃഷ്വപി ചാദ്യാസു സര്വലിങ്ഗോച്ഛ്രയോ ഭവേത് |
പഞ്ചാസാധ്യാ ഭവന്തീഹ യോനയഃ സര്വദോഷജാഃ ||൧൩||
(സു. ഉ. തം. അ. ൩൮) |
View original
अनार्तवाऽस्तनी षण्डी खरस्पर्शा च मैथुने |
अतिकायगृहीतायास्तरुण्यास्त्वण्डली भवेत् ||११||
विवृता च महायोनिः सूचीवक्त्राऽतिसंवृता |
सर्वलिङ्गसमुत्थाना सर्वदोषप्रकोपजा ||१२||
चतसृष्वपि चाद्यासु सर्वलिङ्गोच्छ्रयो भवेत् |
पञ्चासाध्या भवन्तीह योनयः सर्वदोषजाः ||१३||
(सु. उ. तं. अ. ३८) |
സാന്നിപാതികാ ആഹ– അനാര്തവേത്യാദി| അനാര്തവാ രജഃശൂന്യാ| അസ്തനീ ഈഷത്സ്തനീ| അതികായഗൃഹീതായാ മഹാമേഹനേന ഗൃഹീതായാഃ| അണ്ഡലീ അണ്ഡവന്നിഃസൃതാ യോനിഃ| വിവൃതാ മഹായോനിഃ അതിവിവൃതമുഖീ| സൂചീവക്ത്രാ അതിസംവൃതാ സൂചീരന്ധ്രാऽതിസങ്കടമുഖീ| സര്വലിങ്ഗസമുത്ഥാനേതി സര്വദോഷലിങ്ഗാനാം സമുത്ഥാനം യത്ര സാ തഥാ| അന്യേ ത്വാഹുഃ– സര്വദോഷസമുത്ഥാനാ സര്വദോഷഹേതുജേത്യര്ഥഃ| ചരകോക്താ അധികാ രക്തയോന്യാദയഃ സുശ്രുതോക്താനാമദൂരാന്തരത്വേനാവബോദ്ധവ്യാഃ||൧൧-൧൩||
Adhikarana puShpikA · Śloka 62
ഇതി ശ്രീമാധവകരവിരചിതേ മാധവനിദാനേ യോനിവ്യാപന്നിദാനം സമാപ്തമ് ||൬൨||
View original
इति श्रीमाधवकरविरचिते माधवनिदाने योनिव्यापन्निदानं समाप्तम् ||६२||
ഇതി ശ്രീകണ്ഠദത്തകൃതായാം മധുകോശവ്യാഖ്യായാം യോനിവ്യാപന്നിദാനം സമാപ്തമ്||൬൨||