Adhikarana 1 (1-2) · Śloka 2
অথাতো মহাকুষ্ঠচিকিত্সিতং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातो महाकुष्ठचिकित्सितं व्याख्यास्यामः ||१||
यथोवाच भगवान् धन्वन्तरिः ||२||
অথাত ইত্যাদি| অস্মিন্নধ্যাযে মহতাং ক্ষুদ্রাণাং চ কুষ্ঠানাং চিকিত্সিতস্য প্রোক্তত্বান্মহচ্চ তত্ কুষ্ঠচিকিত্সিতং চেত্যেকে ব্যাচক্ষতে; তন্ন, “কুষ্ঠানাং মহতাং চাপি” (সূ.অ.৩) ইত্যাদিকেনাধ্যাপনসম্প্রদানীযোক্তেন বিরোধাত্; তস্মাদ্ধাত্বনুপ্রবিষ্টানি সপ্ত কুষ্ঠানি মহান্তীত্যতো মহতাং ধাত্বনুপ্রবিষ্টানাং কুষ্ঠানাং চিকিত্সিতমিতি ব্যাখ্যা জ্যাযসীতি; গযী তু মহতাং সপ্তানাং কাকণকবর্জিতানামিত্যাহ||১-২||
Adhikarana 2 (3) · Śloka 3
কুষ্ঠেষু মেহেষু কফামযেষু সর্বাঙ্গশোফেষু চ দারুণেষু |
কৃশত্বমিচ্ছত্সু চ মেদুরেষু যোগানিমানগ্র্যমতির্বিদধ্যাত্ ||৩||
View original
कुष्ठेषु मेहेषु कफामयेषु सर्वाङ्गशोफेषु च दारुणेषु |
कृशत्वमिच्छत्सु च मेदुरेषु योगानिमानग्र्यमतिर्विदध्यात् ||३||
কুষ্ঠেষ্বিত্যাদি| কুষ্ঠাদীনাং চতুর্ণামপি দারুণেষ্বিতি বিশেষণম্| কফামযা অগ্নিসাদকফপ্রসেকাদযঃ| মেদুরা মেদস্বিনঃ| অগ্র্যমতিরিতি বৈদ্যস্য বিশেষণং বিহিতম্, অগ্র্যমতিঃ কুশাগ্রীযমতিঃ; প্রকৃতিবযোবলশরীরাদীনামবস্থান্তরাণি যো জানাতীত্যর্থঃ||৩||
Adhikarana 3 (4-5) · Śloka 5
ক্ষুণ্ণান্ যবান্নিষ্পূতান্ রাত্রৌ গোমূত্রপর্যুষিতান্ মহতি কিলিঞ্জে শোষযেত্, এবং সপ্তরাত্রং ভাবযেচ্ছোষযেচ্চ, ততস্তান্ কপালভৃষ্টান্ শক্তূন্ কারযিত্বা, প্রাতঃ প্রাতরেব কুষ্ঠিনং প্রমেহিণং বা সালসারাদিকষাযেণ কণ্টকিবৃক্ষকষাযেণ বা পাযযেদ্ভল্লাতকপ্রপুন্নাডাবল্গুজার্কচিত্রকবিডঙ্গমুস্তচূর্ণচতুর্ভাগযুক্তান্; এবমেব সালসারাদিকষাযপরিপীতানামারগ্বধাদিকষাযপরিপীতানাং বা গবাশ্বাশকৃদ্ভূতানাং বা যবানাং শক্তূন্ কারযিত্বা ভল্লাতকাদীনাং চূর্ণান্যাবাপ্য খদিরাশননিম্বরাজবৃক্ষরোহীতকগুডূচীনামন্যতমস্য কষাযেণ শর্করামধুমধুরেণ দ্রাক্ষাযুক্তেন দাডিমামলকবেতসাম্লেন সৈন্ধবলবণান্বিতেন পাযযেত্; এষ সর্বমন্থকল্পঃ ||৪||
যাবকাংশ্চ ভক্ষ্যান্ ধানোলুম্বককুল্মাষাপূপপূর্ণকোশোত্কারিকাশষ্কুলিকাকুণাবীপ্রভৃতীন্ সেবেত; যববিধানেন গোধূমবেণুযবানুপযুঞ্জীত ||৫||
View original
क्षुण्णान् यवान्निष्पूतान् रात्रौ गोमूत्रपर्युषितान् महति किलिञ्जे शोषयेत्, एवं सप्तरात्रं भावयेच्छोषयेच्च, ततस्तान् कपालभृष्टान् शक्तून् कारयित्वा, प्रातः प्रातरेव कुष्ठिनं प्रमेहिणं वा सालसारादिकषायेण कण्टकिवृक्षकषायेण वा पाययेद्भल्लातकप्रपुन्नाडावल्गुजार्कचित्रकविडङ्गमुस्तचूर्णचतुर्भागयुक्तान्; एवमेव सालसारादिकषायपरिपीतानामारग्वधादिकषायपरिपीतानां वा गवाश्वाशकृद्भूतानां वा यवानां शक्तून् कारयित्वा भल्लातकादीनां चूर्णान्यावाप्य खदिराशननिम्बराजवृक्षरोहीतकगुडूचीनामन्यतमस्य कषायेण शर्करामधुमधुरेण द्राक्षायुक्तेन दाडिमामलकवेतसाम्लेन सैन्धवलवणान्वितेन पाययेत्; एष सर्वमन्थकल्पः ||४||
यावकांश्च भक्ष्यान् धानोलुम्बककुल्माषापूपपूर्णकोशोत्कारिकाशष्कुलिकाकुणावीप्रभृतीन् सेवेत; यवविधानेन गोधूमवेणुयवानुपयुञ्जीत ||५||
ক্ষুণ্ণানিত্যাদি| কিলিঞ্জো বংশাদিত্বগ্গ্রথিতঃ পেটিকাকারঃ| কপালো ঘটাদিকর্পরঃ| কণ্টকিবৃক্ষাঃ খদিরবদরারিমেদস্রুগ্দারুপ্রভৃতযঃ| ভল্লাতকাদিচূর্ণচতুর্ভাগানিতি সর্বশক্তুপ্রযোগেষু চূর্ণপ্রক্ষেপমাত্রাপরিভাষেযম্| এবমিত্যাদি| পরিপীতানাং ভাবিতানাম্| দাডিমাম্লবেতসসৈন্ধবাদীনামত্র যাবতাঽম্ললবণতা তাবতী প্রক্ষেপপরিমাণমাত্রা| যাবকানিত্যাদি| ধানাঃ শুষ্কভৃষ্টযবাঃ, উলুম্বকাঃ সরসা ভৃষ্টযবাঃ, কুল্মাষা যবপিষ্টমযা অম্লরসস্বিন্নাঃ শৃঙ্গাটাদযঃ, অপূপাঃ স্থূলপূপাঃ, পূর্ণকোশাঃ যবপিষ্টমযা এব কুষ্ঠহিতশমীধান্যস্বিন্নবিদলাদিপূর্ণকোষ্ঠাঃ, উত্কারিকা সংযাবপ্রকারা, শষ্কুল্যো যবপ্রকারেণ সংস্কৃতৈস্তিলৈর্যবপিষ্টেন শষ্কুলীকল্পেন বিধেযাঃ, কুণাবী যবপর্পটী, প্রভৃতিগ্রহণাদন্তর্গতগুডাদযঃ | কুণাবীত্যত্র অন্যে তু কোনাডি(লি)কেতি পঠন্তি; তত্রাপি স এবার্থঃ| গযী তু উত্কারিকাগ্রে চিত্রেতি পঠতি, চিত্রা অপূপবিশেষঃ| বেণুযবা বংশফলানি||৪-৫||
Adhikarana 4 (6) · Śloka 6
অরিষ্টানতো বক্ষ্যামঃ- পূতীকচব্যচিত্রকসুরদারুসারিবাদন্তীত্রিবৃত্ত্রিকটুকানাং প্রত্যেকং ষট্পলিকা ভাগা বদরকুডবস্ত্রিফলাকুডব ইত্যেতেষাং চূর্ণানি, ততঃ পিপ্পলীমধুঘৃতৈরন্তঃপ্রলিপ্তে ঘৃতভাজনে প্রাক্কৃতসংস্কারে সপ্তোদককুডবানযোরজোঽর্ধকুডবমর্ধতুলাং চ গুডস্যাভিহিতানি চূর্ণান্যাবাপ্য স্বনুগুপ্তং কৃত্বা যবপল্লে সপ্তরাত্রং বাসযেত্, ততো যথাবলমুপযুঞ্জীত, এষোঽরিষ্টঃ কুষ্ঠমেহমেদঃপাণ্ডুরোগশ্বযথূনপহন্তি |
এবং শালসারাদৌ ন্যগ্রোধাদাবারগ্বধাদৌ চারিষ্টান্ কুর্বীত ||৬||
View original
अरिष्टानतो वक्ष्यामः- पूतीकचव्यचित्रकसुरदारुसारिवादन्तीत्रिवृत्त्रिकटुकानां प्रत्येकं षट्पलिका भागा बदरकुडवस्त्रिफलाकुडव इत्येतेषां चूर्णानि, ततः पिप्पलीमधुघृतैरन्तःप्रलिप्ते घृतभाजने प्राक्कृतसंस्कारे सप्तोदककुडवानयोरजोऽर्धकुडवमर्धतुलां च गुडस्याभिहितानि चूर्णान्यावाप्य स्वनुगुप्तं कृत्वा यवपल्ले सप्तरात्रं वासयेत्, ततो यथाबलमुपयुञ्जीत, एषोऽरिष्टः कुष्ठमेहमेदःपाण्डुरोगश्वयथूनपहन्ति |
एवं शालसारादौ न्यग्रोधादावारग्वधादौ चारिष्टान् कुर्वीत ||६||
ইদানীং মদ্যসাত্ম্যানাং বাতকফকুষ্ঠিনামরিষ্টাংস্তত আসবসুরে চ নির্দিশন্নাহ- অরিষ্টানিত্যাদি| ত্রিফলাযাঃ সমুদিতাযাঃ কুডব ইতি কেচিত্, অন্যে তু সঞ্জ্ঞাযাঃ সঞ্জ্ঞিন এব প্রধানত্বমিতি প্রত্যেকমেব কুডবং মন্যন্তে| জলস্য সপ্ত কুডবা অষ্টাবিংশতিপলানীতি জেজ্জটঃ; তন্নেচ্ছতি গযী, সর্বেষ্বেব তন্ত্রেষ্বষ্টপলদ্রবস্য কুডবত্বাত্| এষ পিণ্ডারিষ্টসঞ্জ্ঞকঃ কুষ্ঠহরখদিরাদিকষাযেণালোড্য পাতব্যঃ| পিণ্ডাসবস্য পলদ্বযং পলং বা, কুষ্ঠহরস্য খদিরক্বাথস্যাঞ্জলিমাত্রা; যথানলমুপযুঞ্জীতেত্যেকে| অত্র চূর্ণানামতিবাহুল্যাত্ পূত এবারিষ্টঃ পেয ইত্যেকে, পিণ্ডাসববদপূত এব পেয ইত্যন্যে| অস্মিন্ যোগে পাঠান্তরং ব্যাখ্যানান্তরমপ্যস্তি, তচ্চ বিস্তরভযান্ন লিখিতম্||৬||
Adhikarana 5 (7) · Śloka 7
আসবানতো বক্ষ্যামঃ- পলাশভস্মপরিস্রুতস্যোষ্ণোদকস্য শীতীভূতস্য ত্রযো ভাগা দ্বৌ ফাণিতস্যৈকধ্যমরিষ্টকল্পেন বিদধ্যাত্, এবং তিলাদীনাং ক্ষারেষু; শালসারাদৌ ন্যগ্রোধাদাবারগ্বধাদৌ মূত্রেষু চাসবান্ বিদধ্যাত্ ||৭||
View original
आसवानतो वक्ष्यामः- पलाशभस्मपरिस्रुतस्योष्णोदकस्य शीतीभूतस्य त्रयो भागा द्वौ फाणितस्यैकध्यमरिष्टकल्पेन विदध्यात्, एवं तिलादीनां क्षारेषु; शालसारादौ न्यग्रोधादावारग्वधादौ मूत्रेषु चासवान् विदध्यात् ||७||
পলাশেত্যাদি| ত্রযো ভাগা আঢকত্রযম্| দ্বৌ ভাগৌ ফাণিতস্য আঢকদ্বযম্| অরিষ্টকল্পেনেতি পূতীকাদিবত্| অত্র ত্রিফলাযাশ্চূর্ণাদি সর্বং পূর্বোক্তমুন্নেযম্| বিদধ্যাত্ কুর্যাদিত্যর্থঃ| তিলাদীনামিত্যাদি তিলাদিরশ্মরীপঠিতঃ ‘তিলাপামার্গকদলীপলাল’ (চি.অ.৭) ইত্যাদিকঃ||৭||
Adhikarana 6 (8) · Śloka 8
অথ সুরা বক্ষ্যামঃ- শিংশপাখদীরযোঃ সারমাদাযোত্পাট্য চোত্তমারণীব্রাহ্মীকোশবতীস্তত্সর্বমেকতঃ কষাযকল্পেন বিপাচ্যোদকমাদদীত মণ্ডোদকার্থং, কিণ্বপিষ্টমভিষুণুযাচ্চ যথোক্তম্ |
এবং সুরাঃ শালসারাদৌ ন্যগ্রোধাদাবারগ্বধাদৌ চ বিদধ্যাত্ ||৮||
View original
अथ सुरा वक्ष्यामः- शिंशपाखदीरयोः सारमादायोत्पाट्य चोत्तमारणीब्राह्मीकोशवतीस्तत्सर्वमेकतः कषायकल्पेन विपाच्योदकमाददीत मण्डोदकार्थं, किण्वपिष्टमभिषुणुयाच्च यथोक्तम् |
एवं सुराः शालसारादौ न्यग्रोधादावारग्वधादौ च विदध्यात् ||८||
সুরাবিধানমাহ- অথেত্যাদি| উত্তমারণী উত্তমকরণী, কোশবতী দেবদালী| উদকশব্দোঽত্র ক্বাথে বর্ততে| কিণ্বপিষ্টমভিষুণুযাত্ সন্দধ্যাত্, যথোক্তং সূত্রস্থানে বিরেচনাধিকারে| কষাযকল্পেন বিপাচ্যেতি শিংশপাখদিরযোঃ সারভাগদ্বযমাদায, একং চ ভাগমুত্তমারণ্যাদীনাং; কুত এতদিতি? সারাণাং কুষ্ঠহরত্বাত্; তুলামেকাং চতুর্ভিরুদকদ্রোণৈরুত্ক্বাথ্য দ্রোণাবশিষ্টমবতার্য, কিণ্বপিষ্টযোরাসুতীবলবচনেন প্রমাণাদিকল্পনম্| বিদধ্যাত্ সুরাং কুর্যাদিত্যর্থঃ||৮||
Adhikarana 7 (9) · Śloka 9
অতোঽবলেহান্ বক্ষ্যামঃ- খদিরাসননিম্বরাজবৃক্ষশালসারক্বাথে তত্সারপিণ্ডাঞ্ছ্লক্ষ্ণপিষ্টান্ প্রক্ষিপ্য বিপচেত্, ততো নাতিদ্রবং নাতিসান্দ্রমবতার্য তস্য পাণিতলং পূর্ণমপ্রাতরাশো মধুমিশ্রং লিহ্যাত্; এবং শালসারাদৌ ন্যগ্রোধাদাবারগ্বধাদৌ চ লেহান্ কারযেত্ ||৯||
View original
अतोऽवलेहान् वक्ष्यामः- खदिरासननिम्बराजवृक्षशालसारक्वाथे तत्सारपिण्डाञ्छ्लक्ष्णपिष्टान् प्रक्षिप्य विपचेत्, ततो नातिद्रवं नातिसान्द्रमवतार्य तस्य पाणितलं पूर्णमप्रातराशो मधुमिश्रं लिह्यात्; एवं शालसारादौ न्यग्रोधादावारग्वधादौ च लेहान् कारयेत् ||९||
অতোঽবলেহানিত্যাদি| খদিরাদীনাং দ্রোণমেকং পানীযস্য দ্রোণচতুষ্টযম্, এতদ্দ্রোণশেষং গ্রাহ্যং, পুনঃ পাকাদ্ঘনীভবত্যস্মিন্ চরককুটজাবলেহচূর্ণপ্রক্ষেপণপ্রমাণোহবীজেন প্রত্যেকং সার্ধপলানাং পঞ্চানামেব শ্লক্ষ্ণপিষ্টানাং পিণ্ডান্ প্রক্ষিপ্য ফাণিতীভূতমবতারযেত্; যদ্যপি পাণিতলং কর্ষমিত্যুক্তং, তথাঽপি পূর্ণশব্দাত্ পাণিতলং হস্ততলমঙ্গুলিরহিতং ব্যাখ্যাতম্| অপ্রাতরাশঃ সাযমেব ভুঞ্জানঃ| গযী তু শালসারং ন পঠতি, খদিরাদীনি চত্বার্যেব পঠতি||৯||
Adhikarana 8 (10) · Śloka 10
অতশ্চূর্ণক্রিযাং বক্ষ্যামঃ- শালসারাদীনাং সারচূর্ণপ্রস্থমাহৃত্যারগ্বধাদিকষাযপরিপীতমনেকশঃ শালসারাদিকষাযেণৈব পাযযেত্; এবং ন্যগ্রোধাদীনাং ফলেষু, পুষ্পেষ্বারগ্বধাদীনাং চূর্ণক্রিযাং কারযেত্ ||১০||
View original
अतश्चूर्णक्रियां वक्ष्यामः- शालसारादीनां सारचूर्णप्रस्थमाहृत्यारग्वधादिकषायपरिपीतमनेकशः शालसारादिकषायेणैव पाययेत्; एवं न्यग्रोधादीनां फलेषु, पुष्पेष्वारग्वधादीनां चूर्णक्रियां कारयेत् ||१०||
অত ইত্যাদি| পরিপীতং ভাবিতম্| শালসারাদিচূর্ণপ্রস্থে ভাব্যে আরগ্বধাদিক্বথনীযদ্রব্যস্যাপি প্রস্থমেব , চতুর্ভিরুদকপ্রস্থৈরুত্ক্বাথ্যাষ্টভাগাবশিষ্টমবতার্য প্রাগুক্তং চূর্ণমার্দ্রীকৃত্য শোষযেত্; এবং সপ্তাহং ভাবযিত্বা ততশ্চূর্ণকর্ষং, শালসারাদিদ্রব্যপলং, ষোডশভিরুদকপলৈর্নিঃক্বাথ্য পাদাবশিষ্টেন তেন ক্বাথেন ষোডশগুণেন পিবেত্, কুষ্ঠানামুত্তমমাত্রার্হত্বাত্||১০||
Adhikarana 9 (11) · Śloka 11
অত ঊর্ধ্বমযস্কৃতীর্বক্ষ্যামঃ- তীক্ষ্ণলোহপত্রাণি তনূনি লবণবর্গপ্রদিগ্ধানি গোমযাগ্নিপ্রতপ্তানি ত্রিফলাশালসারাদিকষাযেণ নির্বাপযেত্ ষোডশবারান্, ততঃ খদিরাঙ্গারতপ্তান্যুপশান্ততাপানি সূক্ষ্মচূর্ণানি কারযেদ্ধনতান্তবপরিস্রাবিতানি , ততো যথাবলং মাত্রাং সর্পির্মধুভ্যাং সংসৃজ্যোপযুঞ্জীত, জীর্ণে যথাব্যাধ্যনম্লমলবণমাহারং কুর্বীত, এবং তুলামুপযুজ্য কুষ্ঠমেহমেদঃশ্বযথুপাণ্ডুরোগোন্মাদাপস্মারানপহত্য বর্ষশতং জীবতি, তুলাযাং তুলাযাং বর্ষশতমুত্কর্ষঃ, এতেন সর্বলৌহেষ্বযস্কৃতযো ব্যাখ্যাতাঃ ||১১||
View original
अत ऊर्ध्वमयस्कृतीर्वक्ष्यामः- तीक्ष्णलोहपत्राणि तनूनि लवणवर्गप्रदिग्धानि गोमयाग्निप्रतप्तानि त्रिफलाशालसारादिकषायेण निर्वापयेत् षोडशवारान्, ततः खदिराङ्गारतप्तान्युपशान्ततापानि सूक्ष्मचूर्णानि कारयेद्धनतान्तवपरिस्रावितानि , ततो यथाबलं मात्रां सर्पिर्मधुभ्यां संसृज्योपयुञ्जीत, जीर्णे यथाव्याध्यनम्लमलवणमाहारं कुर्वीत, एवं तुलामुपयुज्य कुष्ठमेहमेदःश्वयथुपाण्डुरोगोन्मादापस्मारानपहत्य वर्षशतं जीवति, तुलायां तुलायां वर्षशतमुत्कर्षः, एतेन सर्वलौहेष्वयस्कृतयो व्याख्याताः ||११||
অত ইত্যাদি| তনূনি অঘনানি তিলোত্সেধমাত্রাণি| লবণবর্গপ্রদিগ্ধানি সৈন্ধবসৌবর্চলোদ্ভিদবিডসামুদ্রলবণাদিকল্কেন লিপ্তানি| খদিরাঙ্গারতাপনমপি ষোডশবারান্| ঘনতান্তবং নিবিডবস্ত্রম্| মাত্রামিতি অল্পমিত্যর্থঃ, পঞ্চগুঞ্জাদিক্রমবৃদ্ধ্যা লৌহমাষচতুষ্টযম্| সংসৃজ্য সম্যক্ সৃষ্ট্বা, সম্যক্সৃষ্টিস্তু লৌহমযপাত্রে লৌহদণ্ডমর্দনেন মধুঘৃতলৌহৈঃ সম্যগেকীভাবঃ| উপযুক্তে পুনরস্মিন্ ষডঙ্গকল্পেন কুষ্ঠহরখদিরাদিক্বথিতজলং ষষ্টিগুণমনুপানং, পারম্পর্যোপদেশাত্ | এবং প্রমেহাদৌ প্রমেহাদিহরক্বথিতমেব জলমনুপানম্| এবমাহারোঽপি যথাব্যাধি যথারোগমেব কুষ্ঠে কুষ্ঠহরঃ, মেহে মেহহর ইতি; অনম্ললবণস্তু সর্বথা ব্যাধিহরঃ| এতেনেত্যাদি এতেন ক্বথিতলৌহরসাযনক্রমেণ, সর্বলৌহেষু ত্রপুসীসতাম্ররজতসুবর্ণেষু, অযস্কৃতযো বিশেষেণ ব্যাখ্যাতাঃ প্রকর্ষেণ কথিতাঃ||১১||
Adhikarana 10 (12) · Śloka 12
ত্রিবৃচ্ছযামাগ্নিমন্থসপ্তলাকেবুকশঙ্খিনীতিল্বকত্রিফলাপলাশশিংশপানাং স্বরসমাদায পালাশ্যাং দ্রোণ্যামভ্যাসিচ্য খদিরাঙ্গারতপ্তমযঃপিণ্ডং ত্রিসপ্তকৃত্বো নির্বাপ্য তমাদায পুনরাসিচ্য স্থাল্যাং গোমযাগ্নিনা বিপচেত্, ততশ্চতুর্থভাগাবশিষ্টমবতার্য পরিস্রাব্য ভূযোঽগ্নিতপ্তান্যযঃপত্রাণি প্রক্ষিপেত্, সিধ্যতি চাস্মিন্ পিপ্পল্যাদিচূর্ণভাগং দ্বৌ মধুনস্তাবদ্ধৃতস্যেতি দদ্যাত্, ততঃ প্রশান্তমাযসে পাত্রে স্বনুগুপ্তং নিদধ্যাত্, ততো যথাযোগং শুক্তিং প্রকুঞ্চং বোপযুঞ্জীত, জীর্ণে যথাব্যাধ্যাহারমুপসেবেত |
এষৌষধাযস্কৃতিরসাধ্যং কুষ্ঠং প্রমেহং বা সাধযতি, স্থূলমপকর্ষতি, শোফমুপহন্তি, সন্নমগ্নিমুদ্ধরতি, বিশেষেণ চোপদিশ্যতে রাজযক্ষ্মিণাং, বর্ষশতাযুশ্চানযা পুরুষো ভবতি |
শালসারাদিক্বাথমাসিচ্য পালাশ্যাং দ্রোণ্যামযোঘনাংস্তপ্তান্নির্বাপ্য কৃতসংস্কারে কলশেঽভ্যাসিচ্য পিপ্পল্যাদিচূর্ণভাগং ক্ষৌদ্রং গুডমিতি চ দত্ত্বা স্বনুগুপ্তং নিদধ্যাত্, এতাং মহৌষধাযস্কৃতিং মাসমর্ধমাসং বা স্থিতাং যথাবলমুপযুঞ্জীত |
এবং ন্যগ্রোধাদাবারেবতাদিষু চ বিদধ্যাত্ ||১২||
View original
त्रिवृच्छयामाग्निमन्थसप्तलाकेवुकशङ्खिनीतिल्वकत्रिफलापलाशशिंशपानां स्वरसमादाय पालाश्यां द्रोण्यामभ्यासिच्य खदिराङ्गारतप्तमयःपिण्डं त्रिसप्तकृत्वो निर्वाप्य तमादाय पुनरासिच्य स्थाल्यां गोमयाग्निना विपचेत्, ततश्चतुर्थभागावशिष्टमवतार्य परिस्राव्य भूयोऽग्नितप्तान्ययःपत्राणि प्रक्षिपेत्, सिध्यति चास्मिन् पिप्पल्यादिचूर्णभागं द्वौ मधुनस्तावद्धृतस्येति दद्यात्, ततः प्रशान्तमायसे पात्रे स्वनुगुप्तं निदध्यात्, ततो यथायोगं शुक्तिं प्रकुञ्चं वोपयुञ्जीत, जीर्णे यथाव्याध्याहारमुपसेवेत |
एषौषधायस्कृतिरसाध्यं कुष्ठं प्रमेहं वा साधयति, स्थूलमपकर्षति, शोफमुपहन्ति, सन्नमग्निमुद्धरति, विशेषेण चोपदिश्यते राजयक्ष्मिणां, वर्षशतायुश्चानया पुरुषो भवति |
शालसारादिक्वाथमासिच्य पालाश्यां द्रोण्यामयोघनांस्तप्तान्निर्वाप्य कृतसंस्कारे कलशेऽभ्यासिच्य पिप्पल्यादिचूर्णभागं क्षौद्रं गुडमिति च दत्त्वा स्वनुगुप्तं निदध्यात्, एतां महौषधायस्कृतिं मासमर्धमासं वा स्थितां यथाबलमुपयुञ्जीत |
एवं न्यग्रोधादावारेवतादिषु च विदध्यात् ||१२||
ঔষধাযস্কৃতিমুপদিশন্নাহ- ত্রিবৃদিত্যাদি| শ্যামা বৃদ্ধদারকঃ, সপ্তলা যবতিক্তা, শঙ্খিনী তদ্ভেদঃ, তিল্বকঃ পট্টিকারোধ্রঃ| স্বরসমাদাযেতি পঞ্চশতপলানি; এষাং স্বরসালাভে প্রতিনিধিঃ- তত্র চূর্ণানামাঢকমুদকদ্রোণে রাত্রিপর্যুষিতং স্বরসবদ্গ্রাহ্যং; বৃদ্ধবৈদ্যাস্তু ক্বাথেঽপি স্বরসশব্দং মন্যন্তে; তত্র ত্রিবৃদাদিক্বাথস্য পঞ্চশতপলানি| গযী তু ত্রিবৃদাদীনাং শিংশপান্তানাং দ্বাদশানাং দ্রোণমপাং চতুর্ভির্দ্রোণৈরুত্ক্বাথ্য দ্রোণাবশিষ্টং কষাযং গ্রাহ্যমিতি মন্যতে| পালাশ্যাং দ্রোণ্যামভ্যাসিচ্যেতি দ্রোণী জলপ্রক্ষেপণী, অভ্যাসিচ্য প্রক্ষিপ্য, সা চার্দ্রপলাশমযী কর্তব্যা| খদিরাঙ্গারেত্যাদি| লৌহপিণ্ডং পঞ্চাশত্পলপ্রমাণম্| ত্রিসপ্তকৃত্ব ইতি একবিংশতিবারান্| তমাদাযেতি দ্রবং পুনরাসিচ্য স্থাল্যাং গোমযাগ্নিনা বিপচেদিতি অযঃস্থাল্যাং প্রক্ষিপ্য গোমযাগ্নিনা বিপচেত্| ততশ্চতুর্ভাগাবশিষ্টমবতার্য পরিস্রাব্য ভূযোঽগ্নিতপ্তান্যযঃপত্রাণি প্রক্ষিপেদিতি| তত্র কষাযে পূর্বলোহপত্রাণি খদিরাঙ্গারতপ্তানি পুনরপি নির্বাপ্য, এতানি চ লোহপত্রাণি তেনৈব কষাযেণ শ্লক্ষ্ণপিষ্টানি, তস্মিন্নেব কষাযে পুনরাপচেত্, সিধ্যতি চাস্মিন্ পিপ্পল্যাদিচূর্ণভাগং দদ্যাল্লোহপিণ্ডসমমেব, সিদ্ধশীতে দ্বৌ মধুনঃ দ্বৌ গুডস্যেতি পলশতমিত্যর্থঃ| ঘৃতস্যাপি তাবত্ পলশতং দদ্যাত্| গযী তু পিপ্পল্যাদিমধুসর্পিষামন্যথা ভাগকল্পনং কৃতবান্, তচ্চ বিস্তরভযান্ন লিখিতম্| ততঃ প্রশান্তমিত্যাদি প্রশান্তং সিদ্ধমুচ্যতে| শুক্তিঃ অর্ধপলম্| প্রকুঞ্চঃ পলম্| সন্নমগ্নিমুদ্ধরতি উত্কর্ষযতি| অত ঔষধাযস্কৃত্যরিষ্টমাহ- শালেত্যাদি|- শালসারাদিক্বাথদ্রোণং পলাশদ্রোণ্যামভ্যাসিচ্য, অপরে পঞ্চশতপলানি মন্যন্তে| অযোঘনং কর্মকারভাণ্ডিভিস্তপ্তাযস্তাডনাভিঃ পূর্ববদেকবিংশতিবারানভিসংযোজ্য শীতীকৃত্য, তানি চ নির্বাপণসাধিতলোহপত্রাণি তেনৈব কষাযেণ শ্লক্ষ্ণপিষ্টানি অরিষ্টসংস্কারবিধিনা বিহিতসংস্কারে কলশে যাবতা চ মন্দকটুকমরিষ্টং স্যাত্তাবচ্চূর্ণাংশং দত্ত্বা, মাসং শীতেঽর্ধমাসমুষ্ণে চ স্থাপযেত্| অত্র মধু পুরাণমবগন্তব্যং, তচ্চ কষাযচতুর্থাংশেন, তত্সম এব জীর্ণগুডঃ| ‘অযোঘনাংস্তপ্তান্’ ইত্যত্র ঘনশব্দেনৈব লোহপিণ্ডে প্রাপ্তে অযঃশব্দস্তীক্ষ্ণলৌহপ্রাপণায সীসকাদিপরিহারায চ| অন্যে তু, অত্র পিপ্পল্যাদি লৌহসমং তদ্বিগুণং ক্ষৌদ্রং গুডং চ দদ্যাত্, লৌহপ্রমাণং তু পূর্বযোগে ব্যাখ্যাতম্| এবমিত্যাদি আরেবতাদিষু আরগ্বধাদিষু| বিদধ্যাত্ অযস্কৃতিং কুর্যাত্||১২||
Adhikarana 11 (13) · Śloka 13
অতঃ খদিরবিধানমুপদেক্ষ্যামঃ- প্রশস্তদেশজাতমনুপহতং মধ্যমবযসং খদিরং পরিতঃ খানযিত্বা তস্য মধ্যমং মূলং ছিত্ত্বাঽযোমযং কুম্ভং তস্মিন্নন্তরে নিদধ্যাদ্যথা রসগ্রহণসমর্থো ভবতি, ততস্তং গোমযমৃদাঽবলিপ্তমবকীর্যেন্ধনৈর্গোমযমিশ্রৈরাদীপযেদ্যথাঽস্য দহ্যমানস্য রসঃ স্রবত্যধস্তাত্, তদ্যদা জানীযাত্ পূর্ণং ভাজনমিতি, অথৈনমুদ্ধৃত্য পরিস্রাব্য রসমন্যস্মিন্ পাত্রে নিধাযানুগুপ্তং নিদধ্যাত্, ততো যথাযোগং মাত্রামামলকরসমধুসর্পির্ভিঃ সংসৃজ্যোপযুঞ্জীত, জীর্ণে ভল্লাতকবিধানবদাহারঃ পরিহারশ্চ, প্রস্থে চোপযুক্তে শতং বর্ষাণামাযুষোঽভিবৃদ্ধির্ভবতি |
খদিরসারতুলামুদকদ্রোণে বিপাচ্য ষোডশাংশাবশিষ্টমবতার্যানুগুপ্তং নিদধ্যাত্, তমামলকরসমধুসর্পির্ভিঃ সংসৃজ্যোপযুঞ্জীত |
এষ এব সর্ববৃক্ষসারেষু কল্পঃ |
খদিরসারচূর্ণতুলাং খদিরসারক্বাথমাত্রাং বা প্রাতঃ প্রাতরুপসেবেত, খদিরসারক্বাথসিদ্ধমাবিকং বা সর্পিঃ ||১৩||
View original
अतः खदिरविधानमुपदेक्ष्यामः- प्रशस्तदेशजातमनुपहतं मध्यमवयसं खदिरं परितः खानयित्वा तस्य मध्यमं मूलं छित्त्वाऽयोमयं कुम्भं तस्मिन्नन्तरे निदध्याद्यथा रसग्रहणसमर्थो भवति, ततस्तं गोमयमृदाऽवलिप्तमवकीर्येन्धनैर्गोमयमिश्रैरादीपयेद्यथाऽस्य दह्यमानस्य रसः स्रवत्यधस्तात्, तद्यदा जानीयात् पूर्णं भाजनमिति, अथैनमुद्धृत्य परिस्राव्य रसमन्यस्मिन् पात्रे निधायानुगुप्तं निदध्यात्, ततो यथायोगं मात्रामामलकरसमधुसर्पिर्भिः संसृज्योपयुञ्जीत, जीर्णे भल्लातकविधानवदाहारः परिहारश्च, प्रस्थे चोपयुक्ते शतं वर्षाणामायुषोऽभिवृद्धिर्भवति |
खदिरसारतुलामुदकद्रोणे विपाच्य षोडशांशावशिष्टमवतार्यानुगुप्तं निदध्यात्, तमामलकरसमधुसर्पिर्भिः संसृज्योपयुञ्जीत |
एष एव सर्ववृक्षसारेषु कल्पः |
खदिरसारचूर्णतुलां खदिरसारक्वाथमात्रां वा प्रातः प्रातरुपसेवेत, खदिरसारक्वाथसिद्धमाविकं वा सर्पिः ||१३||
অত ইত্যাদি| খদিররসেন তুল্য আমলকরসঃ| মধুঘৃতে তু সমস্তে তাবতী দ্রব্যপাদিকে| ভল্লাতকবিধানবদত্রাহারে ক্ষীরং কুষ্ঠকরমপি ন বিরুদ্ধং, রসাযনশক্তেরচিন্ত্যত্বাত্; শেষং সুবোধম্| খদিরসারস্যার্দ্রস্য স্বরসালাভেঽনুকল্পিকং স্বরসমুদ্দিশন্নাহ - খদিরসারেত্যাদি| স্নেহকষাযপরিভাষাকল্পনযা কষাযং কৃত্বা তস্য পাদিকং সর্পিঃ; অপথ্যমপ্যাবিকং সর্পিঃ পথ্যত্বেনাত্রাভিহিতং, দ্রব্যসংযোগশক্তেরচিন্ত্যত্বাত্ ; অন্যে তু সর্পিরেব পঠন্তি ন পুনরাবিকম্||১৩||
Adhikarana 12 (14) · Śloka 14
অমৃতবল্লীস্বরসং ক্বাথং বা প্রাতঃ প্রাতরুপসেবেত, তত্সিদ্ধং বা সর্পিঃ, অপরাহ্ণে সসর্পিষ্কমোদনমামলকযূষেণ ভুঞ্জীত; এবং মাসমুপযুজ্য সর্বকুষ্ঠৈর্বিমুচ্যত ইতি ||১৪||
View original
अमृतवल्लीस्वरसं क्वाथं वा प्रातः प्रातरुपसेवेत, तत्सिद्धं वा सर्पिः, अपराह्णे ससर्पिष्कमोदनमामलकयूषेण भुञ्जीत; एवं मासमुपयुज्य सर्वकुष्ठैर्विमुच्यत इति ||१४||
অমৃতেত্যাদি| অমৃতবল্লী গুডূচী||১৪||
Adhikarana 13 (15-16) · Śloka 16
কৃষ্ণতিলভল্লাতকতৈলামলকরসসর্পিষাং দ্রোণং শালসারাদিকষাযস্য চ, ত্রিফলাত্রিকটুকপরূষফলমজ্জবিডঙ্গফলসারচিত্রার্কাবল্গুজহরিদ্রাদ্বযত্রিবৃদ্দন্তীদ্রবন্তীন্দ্রযবযষ্টীমধুকাতিবিষারসাঞ্জনপ্রিযঙ্গূণাং পালিকা ভাগাস্তানৈকধ্যং স্নেহপাকবিধানেন পচেত্, তত্ সাধুসিদ্ধমবতার্য পরিস্রাব্যানুগুপ্তং নিদধ্যাত্, তত উপসংস্কৃতশরীরঃ প্রাতঃ প্রাতরুত্থায পাণিশুক্তিমাত্রং ক্ষৌদ্রেণ প্রতিসংসৃজ্যোপযুঞ্জীত, জীর্ণে মুদ্গামলকযূষেণালবণেন সর্পিষ্মন্তং খদিরোদকসিদ্ধং মৃদ্বোদনমশ্নীযাত্ খদিরোদকসেবী, ইত্যেবং দ্রোণমুপযুজ্য সর্বকুষ্ঠৈর্বিমুক্তঃ শুদ্ধতনুঃ স্মৃতিমান্ বর্ষশতাযুররোগো ভবতি ||১৫||
ভবতি চাত্র- সুরামন্থাসবারিষ্টাংল্লেহাংশ্চূর্ণান্যযস্কৃতীঃ |
সহস্রশোঽপি কুর্বীত বীজেনানেন বুদ্ধিমান্ ||১৬||
View original
कृष्णतिलभल्लातकतैलामलकरससर्पिषां द्रोणं शालसारादिकषायस्य च, त्रिफलात्रिकटुकपरूषफलमज्जविडङ्गफलसारचित्रार्कावल्गुजहरिद्राद्वयत्रिवृद्दन्तीद्रवन्तीन्द्रयवयष्टीमधुकातिविषारसाञ्जनप्रियङ्गूणां पालिका भागास्तानैकध्यं स्नेहपाकविधानेन पचेत्, तत् साधुसिद्धमवतार्य परिस्राव्यानुगुप्तं निदध्यात्, तत उपसंस्कृतशरीरः प्रातः प्रातरुत्थाय पाणिशुक्तिमात्रं क्षौद्रेण प्रतिसंसृज्योपयुञ्जीत, जीर्णे मुद्गामलकयूषेणालवणेन सर्पिष्मन्तं खदिरोदकसिद्धं मृद्वोदनमश्नीयात् खदिरोदकसेवी, इत्येवं द्रोणमुपयुज्य सर्वकुष्ठैर्विमुक्तः शुद्धतनुः स्मृतिमान् वर्षशतायुररोगो भवति ||१५||
भवति चात्र- सुरामन्थासवारिष्टांल्लेहांश्चूर्णान्ययस्कृतीः |
सहस्रशोऽपि कुर्वीत बीजेनानेन बुद्धिमान् ||१६||
স্নেহসামান্যান্মিশ্রকং স্নেহবিশেষং নির্দিশন্নাহ- কৃষ্ণতিলেত্যাদি| কৃষ্ণতিলানাং ভল্লাতকানাং চ তৈলম্| তদেতত্ সর্পিষা সহ স্নেহদ্রোণত্রযমামলকরসশালসারাদিকষাযদ্রোণাভ্যাং ত্রিফলাদিভিঃ কল্কীকৃতৈর্বিপচেত্| উপসংস্কৃতশরীরো বমনাদিভিরিত্যর্থঃ| পাণিশুক্তিঃ পলমিত্যর্থঃ| সহস্রশোঽপীত্যপিশব্দাত্ খদিরসারপ্রযোগেণ সারস্নেহযোরনুক্তযোরুক্তেন কল্পেন কল্পনমিতি সমুচ্চিনোতি||১৫-১৬||
Adhikarana puShpikA · Śloka 10
ইতি সুশ্রুতসংহিতাযাং চিকিত্সাস্থানে মহাকুষ্ঠচিকিত্সিতং নাম দশমোঽধ্যাযঃ ||১০||
View original
इति सुश्रुतसंहितायां चिकित्सास्थाने महाकुष्ठचिकित्सितं नाम दशमोऽध्यायः ||१०||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং চিকিত্সাস্থানে দশমোঽধ্যাযঃ||১০||