Adhikarana 1 (1-3) · Śloka 3
অথাতঃ প্রমেহচিকিত্সিতং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
দ্বৌ প্রমেহৌ ভবতঃ- সহজোঽপথ্যনিমিত্তশ্চ |
তত্র সহজো মাতৃপিতৃবীজদোষকৃতঃ, অহিতাহারজোঽপথ্যনিমিত্তঃ |
তযোঃ পূর্বেণোপদ্রুতঃ কৃশো রূক্ষোঽল্পাশী পিপাসুর্ভৃশং পরিসরণশীলশ্চ ভবতি; উত্তরেণ স্থূলো বহ্বাশী স্নিগ্ধঃ শয্যাসনস্বপ্নশীলঃ প্রাযেণেতি ||৩||
View original
अथातः प्रमेहचिकित्सितं व्याख्यास्यामः ||१||
यथोवाच भगवान् धन्वन्तरिः ||२||
द्वौ प्रमेहौ भवतः- सहजोऽपथ्यनिमित्तश्च |
तत्र सहजो मातृपितृबीजदोषकृतः, अहिताहारजोऽपथ्यनिमित्तः |
तयोः पूर्वेणोपद्रुतः कृशो रूक्षोऽल्पाशी पिपासुर्भृशं परिसरणशीलश्च भवति; उत्तरेण स्थूलो बह्वाशी स्निग्धः शय्यासनस्वप्नशीलः प्रायेणेति ||३||
দ্বাবিত্যাদি| অত্র কেচিদাহুঃ স্ত্রীণাং প্রমেহা ন ভবন্তীতি, তথা হি তন্ত্রান্তরে- “রজঃপ্রসেকান্নারীণাং মাসি মাসি বিশুধ্যতি| সর্বং শরীরং দোষাশ্চ ন প্রমেহন্ত্যতঃ স্ত্রিযঃ”- ইতি; এতত্তু ন যুক্তং, সর্বতন্ত্রাপ্রসিদ্ধেঃ, প্রত্যক্ষবিরোধাচ্চ||১-৩||
Adhikarana 2 (4) · Śloka 4
তত্র কৃশমন্নপানপ্রতিসংস্কৃতাভিঃ ক্রিযাভিশ্চিকিত্সেত, স্থূলমপতর্পণযুক্তাভিঃ ||৪||
View original
तत्र कृशमन्नपानप्रतिसंस्कृताभिः क्रियाभिश्चिकित्सेत, स्थूलमपतर्पणयुक्ताभिः ||४||
তত্র কৃশমিত্যাদি| কৃশং কার্শ্যাদিলক্ষণযুক্তং সহজমিত্যর্থঃ| স্থূলং স্থৌল্যাদিধর্মযুক্তমহিতাহারবিহারজমিত্যর্থঃ| অত্র, অপতর্পযতীতি অপতর্পণং লঙ্ঘনং, অপতর্পণানি ব্যাযামশোধনানি তিক্তকটুকাদিকানি চ||৪||
Adhikarana 3 (5) · Śloka 5
সর্ব এব চ পরিহরেযুঃ সৌবীরকতুষোদকশুক্তমৈরেযসুরাসবতোযপযস্তৈলঘৃতেক্ষুবিকারদধিপিষ্টান্নাম্লযবাগূপানকানি গ্রাম্যানূপৌদকমাংসানি চেতি ||৫||
View original
सर्व एव च परिहरेयुः सौवीरकतुषोदकशुक्तमैरेयसुरासवतोयपयस्तैलघृतेक्षुविकारदधिपिष्टान्नाम्लयवागूपानकानि ग्राम्यानूपौदकमांसानि चेति ||५||
সৌবীরকং বিরেচনাধ্যাযোক্তং, তুষোদকং তত্রোক্তমেব কাঞ্জিকং, শুক্তং চুক্রং, সুরাসবযোঃ প্রত্যেকনিষ্পাদিতযোরেকীকৃত্য পুনঃ সন্ধানম্মৈরেযং, সুরা পিষ্টমযী, দ্রবপ্রধান আসবঃ| আনূপা মহিষাদযঃ, ঔদকা মত্স্যাদযঃ||৫||
Adhikarana 4 (6) · Śloka 6
ততঃ শালিষষ্টিকযবগোধূমকোদ্রবোদ্দালকাননবান্ ভুঞ্জীত চণকাঢকীকুলত্থমুদ্গবিকল্পেন, তিক্তকষাযাভ্যাং চ শাকগণাভ্যাং নিকুম্ভেঙ্গুদীসর্ষপাতসীতৈলসিদ্ধাভ্যাং, বদ্ধমূত্রৈর্বা জাঙ্গলৈর্মাংসৈরপহৃতমেদোভিরনম্লৈরঘৃতৈশ্চেতি ||৬||
View original
ततः शालिषष्टिकयवगोधूमकोद्रवोद्दालकाननवान् भुञ्जीत चणकाढकीकुलत्थमुद्गविकल्पेन, तिक्तकषायाभ्यां च शाकगणाभ्यां निकुम्भेङ्गुदीसर्षपातसीतैलसिद्धाभ्यां, बद्धमूत्रैर्वा जाङ्गलैर्मांसैरपहृतमेदोभिरनम्लैरघृतैश्चेति ||६||
উদ্দালকা অরণ্যকোদ্রবাঃ| অনবাঃ পুরাণাঃ| তিক্তগণঃ প্রপুন্নাটপটোলাদিকঃ, কষাযগণো বটশুঙ্গাদিকঃ| তেষাং শাকানাং সাধনাঙ্গানি নিকুম্ভাদিতৈলানি| নিকুম্ভা দন্তী| বদ্ধমূত্রৈরেণাদিভিঃ| অপহৃতমেদোভিরিতি অবিদ্যমানমেদোভিঃ||৬||
Adhikarana 5 (7) · Śloka 7
তত্রাদিত এব প্রমেহিণং স্নিগ্ধমন্যতমেন তৈলেন প্রিযঙ্গ্বাদিসিদ্ধেন বা ঘৃতেন বামযেত্ প্রগাঢং বিরেচযেচ্চ, বিরেচনাদনন্তরং সুরসাদিকষাযেণাস্থাপযেন্মহৌষধভদ্রদারুমুস্তাবাপেন মধুসৈন্ধবযুক্তেন, দহ্যমানং চ ন্যগ্রোধাদিকষাযেণ নিস্তৈলেন ||৭||
View original
तत्रादित एव प्रमेहिणं स्निग्धमन्यतमेन तैलेन प्रियङ्ग्वादिसिद्धेन वा घृतेन वामयेत् प्रगाढं विरेचयेच्च, विरेचनादनन्तरं सुरसादिकषायेणास्थापयेन्महौषधभद्रदारुमुस्तावापेन मधुसैन्धवयुक्तेन, दह्यमानं च न्यग्रोधादिकषायेण निस्तैलेन ||७||
রূক্ষস্য মেহিনো বমননিষেধাত্তদিতরস্য মেহিনো বলবতশ্চ বমনমুপদিশন্নাহ- তত্রেত্যাদি| তৈলেনান্যতমেনেতি নিকুম্ভাদিতৈলানামনন্তরনির্দিষ্টানামেকতমেন; অথবা স্নেহোপযোগিকোক্তমেহহরনিকুম্ভসর্ষপাতসীপিচুমর্দাতিমুক্তকস্নেহানামন্যতমেন স্নিগ্ধম্| পৈত্তিকেষু তু মেহেষু সামান্যস্নেহপাকপরিভাষার্থকল্পনযা প্রিযঙ্গ্বাদিসিদ্ধেন ঘৃতেনোপস্নিগ্ধং বামযেত্, প্রগাঢং বিরেচযেচ্চ; কফমেহে বামযেত্, পিত্তমেহে বিরেচযেত্; আমাশযস্থে কফপিত্তে বামযেত্, পক্বাশযস্থে পিত্তে বিরেচযেত্| বিরেচনানন্তরং সপ্তরাত্রাত্ পরতো বাতবিদ্রধ্যাদাবুক্তেন সুরসাদিকষাযেণ মহৌষধাদিকল্কযুক্তেন মধুপ্রাযেণ; মধুসৈন্ধবাদীনাং সামান্যপরিভাষার্থকল্পেনৈব সিদ্ধে পুনর্বচনং স্নেহনিষেধার্থমিত্যেকে| দহ্যমানং , চ ন্যগ্রোধাদিকষাযেণাস্থাপযেত্| নিস্তৈলেনেতি বচনাদল্পঘৃতাভ্যনুজ্ঞানম্, অল্পস্নেহার্থমিত্যন্যে||৭||
Adhikarana 6 (8) · Śloka 8
ততঃ শুদ্ধদেহমামলকরসেন হরিদ্রাং মধুসংযুক্তাং পাযযেত্, ত্রিফলাবিশালাদেবদারুমুস্তকষাযং বা, শালকম্পিল্লকমুষ্কককল্কমক্ষমাত্রং বা মধুমধুরমামলকরসেন হরিদ্রাযুতং, কুটজকপিত্থরোহীতকবিভীতকসপ্তপর্ণপুষ্পকল্কং বা নিম্বারগ্বধসপ্তপর্ণমূর্বাকুটজসোমবৃক্ষপলাশানাং বা ত্বক্পত্রমূলফলপুষ্পকষাযাণি, এতে পঞ্চ যোগাঃ সর্বমেহানামপহন্তারো ব্যাখ্যাতাঃ ||৮||
View original
ततः शुद्धदेहमामलकरसेन हरिद्रां मधुसंयुक्तां पाययेत्, त्रिफलाविशालादेवदारुमुस्तकषायं वा, शालकम्पिल्लकमुष्कककल्कमक्षमात्रं वा मधुमधुरमामलकरसेन हरिद्रायुतं, कुटजकपित्थरोहीतकबिभीतकसप्तपर्णपुष्पकल्कं वा निम्बारग्वधसप्तपर्णमूर्वाकुटजसोमवृक्षपलाशानां वा त्वक्पत्रमूलफलपुष्पकषायाणि, एते पञ्च योगाः सर्वमेहानामपहन्तारो व्याख्याताः ||८||
ততঃ শুদ্ধদেহমিত্যাদি| কল্পনামাহ- আমলকরসস্য চত্বারি পলানি, হরিদ্রা কর্ষপ্রমাণা, তথা মধু চ কর্ষপ্রমাণমেব, এবং বিভজ্য পিবেত্| ত্রিফলেত্যাদি| ত্রিফলাদীনাং মুস্তান্তানাং পলে ষোডশগুণং জলং দত্ত্বা চতুর্ভাগাবশিষ্টং গ্রাহ্যম্| তথা চোক্তং- “দ্রব্যমাপোত্থিতং ক্বাথ্যং দত্ত্বা ষোডশিকং জলম্| পাদশেষং চ কর্তব্যমেষ ক্বাথবিধিঃ স্মৃতঃ”- ইতি| কুটজকপিত্থেত্যাদি কুটজাদিভিঃ পুষ্পশব্দঃ প্রত্যেকং সম্বধ্যতে, অস্মিন্ যোগেঽপি মধু আমলকরসশ্চানুবর্ততে| নিম্বেত্যাদি নিম্বাদীনাং যানি ত্বক্পত্রমূলফলপুষ্পাণি তৈঃ কৃতানি কষাযাণি| এষ পঞ্চমো যোগঃ| এতে পঞ্চাপি সর্বমেহেষু সাধ্যেষ্বসাধ্যেষ্বপীত্যেকে, যাপনার্থমিত্যপরে||৮||
Adhikarana 7 (9) · Śloka 9
বিশেষশ্চাত ঊর্ধ্বং- তত্রোদকমেহিনং পারিজাতকষাযং পাযযেত্, ইক্ষুমেহিনং বৈজযন্তীকষাযং, সুরামেহিনং নিম্বকষাযং, সিকতামেহিনং চিত্রককষাযং, শনৈর্মেহিনং খদিরকষাযং, লবণমেহিনং পাঠাঽগুরুহরিদ্রাকষাযং , পিষ্টমেহিনং হরিদ্রাদারুহরিদ্রাকষাযং, সান্দ্রমেহিনং সপ্তপর্ণকষাযং, শুক্রমেহিনং দূর্বাশৈবলপ্লবহঠকরঞ্জকসেরুককষাযং ককুভচন্দনকষাযং বা, ফেনমেহিনং ত্রিফলারগ্বধমৃদ্বীকাকষাযং, মধুমধুরমিতি; পৈত্তিকেষু নীলমেহিনং শালসারাদিকষাযমশ্বত্থকষাযং বা পাযযেত্, হরিদ্রামেহিনং রাজবৃক্ষকষাযং, অম্লমেহিনং ন্যগ্রোধাদিকষাযং, ক্ষারমেহিনং ত্রিফলাকষাযং, মঞ্জিষ্ঠামেহিনং মঞ্জিষ্ঠাচন্দনকষাযং, শোণিতমেহিনং গুডূচীতিন্দুকাস্থিকাশ্মর্যখর্জূরকষাযং মধুমিশ্রং; অত ঊর্ধ্বমসাধ্যেষ্বপি যোগান্ যাপনার্থং বক্ষ্যামঃ, তদ্যথা- সর্পির্মেহিনং কুষ্ঠকুটজপাঠাহিঙ্গুকটুরোহিণীকল্কং গুডূচীচিত্রককষাযেণ পাযযেত্, বসামেহিনমগ্নিমন্থকষাযং শিংশপাকষাযং বা, ক্ষৌদ্রমেহিনং কদরক্রমুককষাযং , হস্তিমেহিনং তিন্দুককপিত্থশিরীষপলাশপাঠামূর্বাদুঃস্পর্শাকষাযং মধুমধুরং হস্ত্যশ্বশূকরখরোষ্ট্রাস্থিক্ষারং চেতি; দহ্যমানমৌদককন্দক্বাথসিদ্ধাং যবাগূং ক্ষীরেক্ষুরসমধুরাং পাযযেত্ ||৯||
View original
विशेषश्चात ऊर्ध्वं- तत्रोदकमेहिनं पारिजातकषायं पाययेत्, इक्षुमेहिनं वैजयन्तीकषायं, सुरामेहिनं निम्बकषायं, सिकतामेहिनं चित्रककषायं, शनैर्मेहिनं खदिरकषायं, लवणमेहिनं पाठाऽगुरुहरिद्राकषायं , पिष्टमेहिनं हरिद्रादारुहरिद्राकषायं, सान्द्रमेहिनं सप्तपर्णकषायं, शुक्रमेहिनं दूर्वाशैवलप्लवहठकरञ्जकसेरुककषायं ककुभचन्दनकषायं वा, फेनमेहिनं त्रिफलारग्वधमृद्वीकाकषायं, मधुमधुरमिति; पैत्तिकेषु नीलमेहिनं शालसारादिकषायमश्वत्थकषायं वा पाययेत्, हरिद्रामेहिनं राजवृक्षकषायं, अम्लमेहिनं न्यग्रोधादिकषायं, क्षारमेहिनं त्रिफलाकषायं, मञ्जिष्ठामेहिनं मञ्जिष्ठाचन्दनकषायं, शोणितमेहिनं गुडूचीतिन्दुकास्थिकाश्मर्यखर्जूरकषायं मधुमिश्रं; अत ऊर्ध्वमसाध्येष्वपि योगान् यापनार्थं वक्ष्यामः, तद्यथा- सर्पिर्मेहिनं कुष्ठकुटजपाठाहिङ्गुकटुरोहिणीकल्कं गुडूचीचित्रककषायेण पाययेत्, वसामेहिनमग्निमन्थकषायं शिंशपाकषायं वा, क्षौद्रमेहिनं कदरक्रमुककषायं , हस्तिमेहिनं तिन्दुककपित्थशिरीषपलाशपाठामूर्वादुःस्पर्शाकषायं मधुमधुरं हस्त्यश्वशूकरखरोष्ट्रास्थिक्षारं चेति; दह्यमानमौदककन्दक्वाथसिद्धां यवागूं क्षीरेक्षुरसमधुरां पाययेत् ||९||
বিশেষ ইত্যাদি| অত ঊর্ধ্বং ‘বক্ষ্যতে’ ইতি বাক্যশেষঃ| তত্রেত্যাদি| পারিজাতঃ পারিভদ্রকঃ| ইক্ষ্বিত্যাদি| বৈজযন্তী অরণিকা| দূর্বেত্যাদি শৈবলং শেবালং, প্লবো গোপালদমনকঃ, হঠো জলকুম্ভিকা| ককুভঃ সুগন্ধিমূলো বিটপী| কফজেষু মধুমধুরমিতি অন্তে স্থিতং দশস্বপি সম্বন্ধন্তি, এবং পৈত্তিকেষ্বপি; মধুনো যোগবাহিত্বান্মেহহরত্বাচ্চ| পৈত্তিকেত্যাদি| রাজবৃক্ষঃ কিরমালকঃ| অত ইত্যাদি| কদর আপীতসারঃ খদিরাকারঃ, ক্রমুকঃ পূগফলম্| মূর্বা চৌরস্নাযুঃ; দুঃস্পর্শা দুরালভা| মধুমধুরমিতি বচনং সর্পির্মেহাদিকষাযেষ্বপি দ্রষ্টব্যম্| হস্ত্যশ্বাদিক্ষারোদকস্য শীতস্য পানং খরতীক্ষ্ণত্বাত্| প্রমেহিণোঽব্ধাতৌ ক্ষীণে তদ্বিরোধিনি পিত্তে বিবৃদ্ধে দাহো ভবতীতি তচ্চিকিত্সিতমুপদিশন্নাহ- দহ্যমানমিত্যাদি| ঔদককন্দক্বাথেত্যাদি ষডঙ্গকল্পক্বথিতেন শালূকাদিক্বাথেন সহ ক্ষীরেক্ষুরসসিদ্ধাং শীতাং মধুমধুরাং যবাগূং পাযযেত্| তথা চোক্তম্- “যদপ্সু শৃতশীতাসু ষডঙ্গাদি প্রযুজ্যতে| কর্ষমাত্রং ততো দ্রব্যং সাধযেত্ প্রাস্থিকেঽম্ভসি|| অর্ধশৃতং প্রযোক্তব্যং পানে পেযাদিসংবিধৌ-” ইতি| পূর্বনিষিদ্ধস্য যবাগূপানস্যাপবাদঃ| ক্ষীরেক্ষুরসমধুমধুরাযা যবাগ্বাঃ পানং পিত্তমেহে এব, বাতশ্লেষ্মমেহেষু পুনর্যবাগূপানস্য প্রতিষেধ এব||৯||
Adhikarana 8 (10) · Śloka 10
ততঃ প্রিযঙ্গ্বনন্তাযূথিকাপদ্মাত্রাযন্তিকালোহিতিকাম্বষ্ঠাদাডিমত্বক্শালপর্ণীপদ্মতুঙ্গকেশর- ধাতকীবকুলশাল্মলীশ্রীবেষ্টকমোচরসেষ্বরিষ্টানযস্কৃতীর্লেহানাসবাংশ্চ কুর্বীত; শৃঙ্গাটকগিলোড্যবিসমৃণালকাশকসেরুকমধুকাম্রজম্ব্বসনতিনিশককুভকট্বঙ্গরোধ্রভল্লাতক- পলাশচর্মবৃক্ষগিরিকর্ণিকাশীতশিবনিচুলদাডিমাজকর্ণহরিবৃক্ষরাজাদনগোপঘোণ্টাবিকঙ্কতেষু বা; যবান্নবিকারাংশ্চ সেবেত; যথোক্তকষাযসিদ্ধাং যবাগূং চাস্মৈ প্রযচ্ছেত্, কষাযাণি বা পাতুম্ ||১০||
View original
ततः प्रियङ्ग्वनन्तायूथिकापद्मात्रायन्तिकालोहितिकाम्बष्ठादाडिमत्वक्शालपर्णीपद्मतुङ्गकेशर- धातकीबकुलशाल्मलीश्रीवेष्टकमोचरसेष्वरिष्टानयस्कृतीर्लेहानासवांश्च कुर्वीत; शृङ्गाटकगिलोड्यबिसमृणालकाशकसेरुकमधुकाम्रजम्ब्वसनतिनिशककुभकट्वङ्गरोध्रभल्लातक- पलाशचर्मवृक्षगिरिकर्णिकाशीतशिवनिचुलदाडिमाजकर्णहरिवृक्षराजादनगोपघोण्टाविकङ्कतेषु वा; यवान्नविकारांश्च सेवेत; यथोक्तकषायसिद्धां यवागूं चास्मै प्रयच्छेत्, कषायाणि वा पातुम् ||१०||
তত্র সর্বেষাং মেহানাং প্রথমং সামান্যান্ ততো বৈশেষিকাংশ্চ যোগানভিধায পুনরপ্যরিষ্টাদীন্ সামান্যেনৈব নির্দিশন্নাহ- তত ইত্যাদি| অনন্তা উত্পলসারিবা, পদ্মা ভার্গী, ত্রাযন্তিকা মদযন্তিকা; লোহিতিকা মঞ্জিষ্ঠা, রামতরুণীত্যন্যে; অম্বষ্ঠা মাচিকা, ‘সাঙ্কুরড’ ইতি লোকে; শালপর্ণীত্যত্র কেচিত্ তালপর্ণীতি পঠন্তি, তালপর্ণী মুষলী; তুঙ্গঃ পুন্নাগঃ, কেশরং নাগকেশরং, শ্রীবেষ্টকো নবনীতধূপঃ সরলনির্যাসঃ, মোচরসঃ শাল্মলীনির্যাসঃ| তত্রারিষ্টাদযঃ পূর্বেণৈব বিধানেন বিধেযাঃ| শৃঙ্গাটকেত্যাদি শৃঙ্গাটকং জলমধ্যে ত্রিকণ্টকং, গিলোড্যঃ কন্দঃ প্রাবৃডূজাতঃ শণপত্রাকারো বল্লীযুক্তশ্চর্মণ্বতীনদীভব(বঃ)শ্বেতবর্তুলপাষাণসদৃশঃ ‘গুগিলোট’ ইতি লোকে, বিসং পদ্মমূলং, তস্য স্থূলপ্ররোহো মৃণালং, অসনো বীজকঃ, তিনিশঃ স্যন্দনঃ, কট্বঙ্গোঽরলুকঃ, চর্মবৃক্ষঃ ‘চর্মলোহ’ ইতি প্রসিদ্ধো লকুচদ্রুমাকারো মহাবৃক্ষঃ, গিরিকর্ণিকা শ্বেতস্যন্দঃ, শীতশিবঃ শতপুষ্পাভেদঃ, নিচুলো জলবেতসঃ, অজকর্ণঃ সর্জঃ পূর্বদেশে প্রসিদ্ধ এব, হরিবৃক্ষ ইন্দ্রবৃক্ষঃ, ধবাকার ইত্যেকে, ‘কুটজ’ ইত্যন্যে পঠন্তি, ‘হরিদ্রাবৃক্ষ’ ইত্যপরে পঠন্তি, তত্র হরিদ্রা প্রসিদ্ধা, বৃক্ষঃ কুটজঃ; রাজাদনঃ ক্ষীরিকা, গোপঘোণ্টা ঘোটাবদরী, বিকঙ্কতঃ কণ্টকিকা| এতেষু বা পূর্বকল্পেনারিষ্টাদযঃ কর্তব্যাঃ| যবেত্যাদি গৃঞ্জযবৌদনধানাদযঃ| যথোক্তেত্যাদি| অনন্তরোক্তপ্রিযঙ্গ্বাদিশৃঙ্গাটকাদিবর্গৈঃ কৃতামিতি||১০||
Adhikarana 9 (11) · Śloka 11
মহাধনমহিতাহারমৌষধদ্বেষিণমীশ্বরং বা পাঠাভযাচিত্রকপ্রগাঢমনল্পমাক্ষিকমন্যতমমাসবং পাযযেত্, অঙ্গারশূল্যোপদংশং বা মাধ্বীকমভীক্ষ্ণং, ক্ষৌদ্রকপিত্থমরিচানুবিদ্ধানি চাস্মৈ পানভোজনান্যুপহরেত্, উষ্ট্রাশ্বতরখরপুরীষচূর্ণানি চাস্মৈ দদ্যাদশনেষু; হিঙ্গুসৈন্ধবযুক্তৈর্যূষৈঃ সার্ষপৈশ্চ রাগৈর্ভোজযেত্; অবিরুদ্ধানি চাস্মৈ পানভোজনান্যুপহরেদ্রসগন্ধবন্তি চ; প্রবৃদ্ধমেহাস্তু ব্যাযামনিযুদ্ধক্রীডাগজতুরগরথপদাতিচর্যাপরিক্রমণান্যস্ত্রোপাস্ত্রে বা সেবেরন্ ||১১||
View original
महाधनमहिताहारमौषधद्वेषिणमीश्वरं वा पाठाभयाचित्रकप्रगाढमनल्पमाक्षिकमन्यतममासवं पाययेत्, अङ्गारशूल्योपदंशं वा माध्वीकमभीक्ष्णं, क्षौद्रकपित्थमरिचानुविद्धानि चास्मै पानभोजनान्युपहरेत्, उष्ट्राश्वतरखरपुरीषचूर्णानि चास्मै दद्यादशनेषु; हिङ्गुसैन्धवयुक्तैर्यूषैः सार्षपैश्च रागैर्भोजयेत्; अविरुद्धानि चास्मै पानभोजनान्युपहरेद्रसगन्धवन्ति च; प्रवृद्धमेहास्तु व्यायामनियुद्धक्रीडागजतुरगरथपदातिचर्यापरिक्रमणान्यस्त्रोपास्त्रे वा सेवेरन् ||११||
মহাধনো লেলাবৃক্বণিক্প্রভৃতিকাঃ, ঈষ্ট ইত্যেবংশীল ঈশ্বর ঈশিতা রাজা| অত্র গুডস্থানে মাক্ষিকম্| অনল্পং প্রভূতং, তত্তু কষাযসমং; পাঠাভযাচিত্রকাণাভুক্তানাং কষাযং কর্ষত্রযং দেযমিতি প্রগাঢার্থঃ; অন্যে তু, অন্যতমমাসবং পূর্বোক্তং প্রিযঙ্গ্বাদ্যাসবম্| অঙ্গারশূল্যোপদংশমিতি ভটিত্রোপদংশং; মাধ্বীকং মধুযোনিমদ্যং চিরসংস্থিতং চ; অভীক্ষ্ণমত্যর্থম্| জেজ্জটাচার্যস্তু দ্রাক্ষাসবমাহ, তন্নেচ্ছতি, গযী| ক্ষৌদ্রেত্যাদি| উষ্ট্রাদিপুরীষচূর্ণাবচারিতানি চান্নানি দদ্যাত্| সর্ষপকল্করঞ্জিতা লেহাঃ, রাজিকাস্থানে রাগেষু সর্ষপাঃ; অন্যে তু পঠন্তি- ‘সার্ষপৈস্তু শাকৈর্ভোজযেত্’ ইতি| অন্যানি পানভোজনান্যবিরুদ্ধানি প্রমেহিণস্তানি রসবন্তি গন্ধবন্তি চ প্রদদ্যাত্| নির্দিষ্টঃ কৃশস্য প্রাযশো বিধিরন্নপানপ্রতিসংস্কৃতঃ, অতঃ পরং স্থূলস্যাপকর্ষণবিধানমাহ- প্রবৃদ্ধমেহা ইত্যাদি| ব্যাযামোঽঙ্গানাং বিবিধপ্রকার আযামঃ, তথা চোক্তম্,- “তুলাভ্রমগুণাকর্ষধনুরাকর্ষণাদিভিঃ| আযামো বিবিধোঽঙ্গানাং ব্যাযাম ইতি কীর্তিতঃ”- ইতি; নিযুদ্ধং বাহুযুদ্ধং, ধনুর্বেদেঽন্যথা নিযুদ্ধং ব্যাখ্যাতং, তচ্চ বিস্তরভযান্ন লিখিতং; ক্রীডা লোকপ্রসিদ্ধৈর্হস্তপাদপ্রক্ষেপৈর্নর্মপূর্বকং ক্রীডনং; গজানামারোহণং হস্তিশিক্ষাযামতিবিস্তৃতং সাঙ্গ্রামিকমাভ্যাসিকং চ গজচর্যা; তত্র তুরগচর্যা বিক্রমবাঞ্ছিতোপশল্যসংহিতাসু হযারোহণং; রথচর্যাং পদাতিচর্যাং চ জমদগ্নিরাহ; “সর্বদিগ্ভাগভাগেষু হস্ত্যশ্বরথপত্তিষু| শস্ত্রাস্ত্রৈর্যস্তু সংযোগঃ সা চর্যেতি প্রকীর্ত্যতে” ইতি; পরিক্রমণং চঙ্ক্রমণং গতাগতমিত্যর্থঃ, সর্বতো ভ্রমণমিত্যন্যে; অস্ত্রং শাস্ত্রিতং ধনুঃ; উপাস্ত্রং শাস্ত্রনিযমবর্জিতং ধনুরেব||১১||
Adhikarana 10 (12-13) · Śloka 13
অধনস্ত্ববান্ধবো বা পাদত্রাণাতপত্রবিরহিতো ভৈক্ষ্যাশী গ্রামৈকরাত্রবাসী মুনিরিব সংযতাত্মা যোজনশতমধিকং বা গচ্ছেত্, মহাধনো বা শ্যামাকনীবারবৃত্তিরামলককপিত্থতিন্দুকাশ্মন্তকফলাহারো মৃগৈঃ সহ বসেত্, তন্মূত্রশকৃদ্ভক্ষঃ সততমনুব্রজেদ্গাঃ, ব্রাহ্মণো বা শিলোঞ্ছবৃত্তির্ভূত্বা ব্রহ্মরথমুদ্ধরেত্, কৃষেত্ সততমিতরঃ খনেদ্বা কূপং, কৃশং তু সততং রক্ষেত্ ||১২||
ভবতি চাত্র- অধনো বৈদ্যসন্দেশাদেবং কুর্বন্নতন্দ্রিতঃ |
সংবত্সরাদন্তরাদ্বা প্রমেহাত্ প্রতিমুচ্যতে ||১৩||
View original
अधनस्त्वबान्धवो वा पादत्राणातपत्रविरहितो भैक्ष्याशी ग्रामैकरात्रवासी मुनिरिव संयतात्मा योजनशतमधिकं वा गच्छेत्, महाधनो वा श्यामाकनीवारवृत्तिरामलककपित्थतिन्दुकाश्मन्तकफलाहारो मृगैः सह वसेत्, तन्मूत्रशकृद्भक्षः सततमनुव्रजेद्गाः, ब्राह्मणो वा शिलोञ्छवृत्तिर्भूत्वा ब्रह्मरथमुद्धरेत्, कृषेत् सततमितरः खनेद्वा कूपं, कृशं तु सततं रक्षेत् ||१२||
भवति चात्र- अधनो वैद्यसन्देशादेवं कुर्वन्नतन्द्रितः |
संवत्सरादन्तराद्वा प्रमेहात् प्रतिमुच्यते ||१३||
অধিকমিতি শতদ্বযং ত্রযং বা| নীবার উলিকাধান্যং, তদ্বিবিধম্- একং ধান্যসদৃশবিটপং ধান্যক্ষেত্রজং, দ্বিতীযং মহাদলকাণ্ডং তত্তু সলিলজং; তত্র সলিলজং সলিলবৃদ্ধিমাত্রস্তম্বপ্ররোহং রক্তশূকং, তদেব প্রসাধি(রি)কেতি তন্ত্রান্তরে পঠ্যতে| তন্মূত্রশকৃদ্ভক্ষ ইত্যত্র তাসাং গবামেব মূত্রশকৃতী গ্রাহ্যে| ভূমিপতিতস্যোত্সৃষ্টস্য কণশঃ শস্যগ্রহণং শিলঃ, কণশো ধান্যগ্রহণমিত্যর্থঃ; ভূমিষ্ঠমাত্রস্য শস্যস্য গ্রহণমুঞ্ছঃ| ব্রহ্মরথং ধর্মপত্ন্যা সহ ব্রাহ্মণাধিষ্ঠিতং শকটমুদ্ধরেত্, অথবা ব্রহ্ম এব রথো ব্রহ্মরথস্তমুদ্ধরেত্, ধারযেদ্বেদমিত্যর্থঃ; পাপরোগপ্রাযঃ প্রমেহো বেদাধ্যযনান্নাশমুপৈতি| ইতরঃ শূদ্রঃ| অধন ইত্যাদি যাবন্মৃগৈঃ সহ সংবসেদিত্যযং বিধিঃ ক্ষত্রিযস্য; তন্মূত্রশকৃদ্ভক্ষঃ সততমনুব্রজেদ্গা ইতি বৈশ্যস্যাযং বিধিঃ||১২-১৩||
Adhikarana puShpikA · Śloka 11
ইতি সুশ্রুতসংহিতাযাং চিকিত্সাস্থানে প্রমেহচিকিত্সিতং নামৈকাদশোঽধ্যাযঃ ||১১||
View original
इति सुश्रुतसंहितायां चिकित्सास्थाने प्रमेहचिकित्सितं नामैकादशोऽध्यायः ||११||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং চিকিত্সাস্থানে একাদশোঽধ্যাযঃ||১১||