Adhikarana 1 (1-3) · Śloka 3
అథాతః శోఫానాం చికిత్సితం వ్యాఖ్యాస్యామః ||1||
యథోవాచ భగవాన్ ధన్వంతరిః ||2||
షడ్విధోఽవయవసముత్థః శోఫోఽభిహితో లక్షణతః ప్రతీకారతశ్చ; సర్వసరస్తు పంచవిధః, తద్యథా- వాతపిత్తశ్లేష్మసన్నిపాతవిషనిమిత్తః ||3||
View original
अथातः शोफानां चिकित्सितं व्याख्यास्यामः ||१||
यथोवाच भगवान् धन्वन्तरिः ||२||
षड्विधोऽवयवसमुत्थः शोफोऽभिहितो लक्षणतः प्रतीकारतश्च; सर्वसरस्तु पञ्चविधः, तद्यथा- वातपित्तश्लेष्मसन्निपातविषनिमित्तः ||३||
అవయవే సముత్తిష్ఠతీతి అవయవసముత్థః, స్థా గతినివృత్తౌ, స్థిరత్వాదిత్యర్థః | అభిహిత ఉక్తః| కేన? అతీతేన శాస్త్రేణ| చకారోఽనుక్తహేత్వాదిసముచ్చయార్థః , అన్యే తు లక్షణశబ్దేనైవ హేత్వాదిం నిర్దిశంతి, అపరే తు అసాధ్యానామప్రతీకారసముచ్చయార్థం వర్ణయంతి| సర్వం సరతీతి సర్వసరః; గతిమత్త్వాత్ సర్వసరణయోగ్యః||1-3||
Adhikarana 2 (4) · Śloka 4
తత్రాపతర్పితస్యాధ్వగమనాదతిమాత్రమభ్యవహరతో వా పిష్టాన్నహరితకశాకలవణాని క్షీణస్య వాఽతిమాత్రమమ్లముపసేవమానస్య మృత్పక్వలోష్టకటశర్కరానూపౌదకమాంససేవనాదజీర్ణినో వా గ్రామ్యధర్మసేవనాద్విరుద్ధాహారసేవనాత్ వా హస్త్యశ్వోష్ట్రరథపదాతిసంక్షోభణాదయో సితస్య దోషా ధాతూన్ ప్రదూష్య శ్వయథుమాపాదయంత్యఖిలే శరీరే ||4||
View original
तत्रापतर्पितस्याध्वगमनादतिमात्रमभ्यवहरतो वा पिष्टान्नहरितकशाकलवणानि क्षीणस्य वाऽतिमात्रमम्लमुपसेवमानस्य मृत्पक्वलोष्टकटशर्करानूपौदकमांससेवनादजीर्णिनो वा ग्राम्यधर्मसेवनाद्विरुद्धाहारसेवनात् वा हस्त्यश्वोष्ट्ररथपदातिसङ्क्षोभणादयो सितस्य दोषा धातून् प्रदूष्य श्वयथुमापादयन्त्यखिले शरीरे ||४||
పంచవిధస్యైవ సర్వసరస్యాహారవిహారాభ్యాం సర్వాంగగతదోషకోపహేతుం నిర్దిశన్నాహ- తత్రేత్యాది| అపతర్పితః లంఘనవ్యాయామవమనాదిరూక్షాదిభిరాహారవిహారైః కర్శితః, తస్యాత్యర్థమధ్వగమనలక్షణాద్విహారాత్| పిష్టాన్నాదిమతిమాత్రమభ్యవహరతః ఇత్యేవంవిధాదాహారాత్| హరితకః కుఠేరశిగ్రుసురసాసుముఖాసురిభూతృణాదిః| పిష్టాన్నగ్రహణేన సర్వవిధగుర్వాహారావరోధః| క్షీణస్య వేతి స్వయమేవ కృశస్యాత్యర్థమమ్లముపసేవమానస్య| మృదాద్యాహారరతస్య; మృత్ మృత్తికా, పక్వలోష్టః అగ్నిపక్వలోష్టః, కటశర్కరా అగ్నిదగ్ధశర్కరా, ఆనూపా మహిషాదయః, ఔదకా మత్స్యాదయః| అజీర్ణినో వేత్యాది| గ్రామ్యధర్మో మైథునం, సాజీర్ణస్య మైథునసేవనాత్| విరుద్ధం హితాహితీయాధ్యాయే ప్రోక్తం| సంక్షోభణాత్ చలనాదిత్యర్థః | అఖిలే శరీరే సకలే కాయే||4||
Adhikarana 3 (5-6) · Śloka 7
తత్ర వాతశ్వయథురరుణః కృష్ణో వా మృదురనవస్థితాస్తోదాదయశ్చాత్ర వేదనావిశేషాః; పిత్తశ్వయథుః పీతః సరక్తో వా మృదుః శీఘ్రానుసార్యూషాదయశ్చాత్ర వేదనావిశేషాః; శ్లేష్మశ్వయథుః పాండుః శుక్లో వా స్నిగ్ధః కఠినః శీతో మందానుసారీ, కండ్వాదయశ్చాత్ర వేదనావిశేషాః; సన్నిపాతశ్వయథుః సర్వవర్ణవేదనః; విషనిమిత్తస్తు గరోపయోగాద్దుష్టతోయసేవనాత్ ప్రకుథితోదకావగాహనాత్ సవిషసత్త్వదిగ్ధచూర్ణేనావచూర్ణనాద్వా సవిషమూత్రపురీషశుక్రస్పృష్టానాం వా తృణకాష్ఠాదీనాం సంస్పర్శనాత్, స తు మృదుః క్షిప్రోత్థానోఽవలంబీ చలోఽచలో వా దాహపాకరాగప్రాయశ్చ భవతి ||5||
భవంతి చాత్ర- దోషాః శ్వయథుమూర్ధ్వం హి కుర్వంత్యామాశయస్థితాః |
పక్వాశయస్థా మధ్యే చ వర్చఃస్థానగతాస్త్వధః ||6||
కృత్స్నం దేహమనుప్రాప్తాః కుర్యుః సర్వసరం తథా |7|
View original
तत्र वातश्वयथुररुणः कृष्णो वा मृदुरनवस्थितास्तोदादयश्चात्र वेदनाविशेषाः; पित्तश्वयथुः पीतः सरक्तो वा मृदुः शीघ्रानुसार्यूषादयश्चात्र वेदनाविशेषाः; श्लेष्मश्वयथुः पाण्डुः शुक्लो वा स्निग्धः कठिनः शीतो मन्दानुसारी, कण्ड्वादयश्चात्र वेदनाविशेषाः; सन्निपातश्वयथुः सर्ववर्णवेदनः; विषनिमित्तस्तु गरोपयोगाद्दुष्टतोयसेवनात् प्रकुथितोदकावगाहनात् सविषसत्त्वदिग्धचूर्णेनावचूर्णनाद्वा सविषमूत्रपुरीषशुक्रस्पृष्टानां वा तृणकाष्ठादीनां संस्पर्शनात्, स तु मृदुः क्षिप्रोत्थानोऽवलम्बी चलोऽचलो वा दाहपाकरागप्रायश्च भवति ||५||
भवन्ति चात्र- दोषाः श्वयथुमूर्ध्वं हि कुर्वन्त्यामाशयस्थिताः |
पक्वाशयस्था मध्ये च वर्चःस्थानगतास्त्वधः ||६||
कृत्स्नं देहमनुप्राप्ताः कुर्युः सर्वसरं तथा |७|
తత్రేత్యాది| అరుణ ఈషద్రక్తః| ఊషాదయః ఊషచోషపరితాపాదయః| కండ్వాదయః కండూర్గురుత్వమిత్యాదయః| గరోపయోగో బహిరంతశ్చ| ప్రకోథః పూతిభావః, సవిషకీటాదికోథప్రకుథితోదకావగాహనాత్, అయం పునర్బహిరేవ| సవిషసత్త్వలాలాస్పర్శాదివిషాత్ తద్దిగ్ధచూర్ణేనావచూర్ణనాద్వేతి సవిషసత్త్వాదిమిశ్రచూర్ణైరవధూలనాత్; సవిషసత్త్వచూర్ణం వృశ్చికాలీనామకం క్షుపభేదం కేచిత్ కథయంతి||5-6||-
Adhikarana 4 (7-9) · Śloka 9
శ్వయథుర్మధ్యదేశే యః స కష్టః సర్వగశ్చ యః ||7||
అర్ధాంగేఽరిష్టభూతశ్చ యశ్చోర్ధ్వం పరిసర్పతి |
శ్వాసః పిపాసా దౌర్బల్యం జ్వరశ్చ్ఛర్దిరరోచకః ||8||
హిక్కాతీసారకాసాశ్చ శూనం సంక్షపయంతి హి |
సామాన్యతో విశేషాచ్చ తేషాం వక్ష్యామి భేషజం ||9||
View original
श्वयथुर्मध्यदेशे यः स कष्टः सर्वगश्च यः ||७||
अर्धाङ्गेऽरिष्टभूतश्च यश्चोर्ध्वं परिसर्पति |
श्वासः पिपासा दौर्बल्यं ज्वरश्च्छर्दिररोचकः ||८||
हिक्कातीसारकासाश्च शूनं सङ्क्षपयन्ति हि |
सामान्यतो विशेषाच्च तेषां वक्ष्यामि भेषजम् ||९||
తస్య దేహదేశజన్మస్వభావేన కృచ్ఛ్రత్వాది నిర్దిశన్నాహ- శ్వయథురిత్యాది| మధ్యదేశే యః శ్వయథుః స సన్నిపాతజ్వరవద్విరుద్ధోపక్రమత్వాత్ కష్టః| అర్ధాంగ ఇతి అర్ధనాసార్ధహృదయార్ధనాభిః శోఫావచ్ఛిన్నైకపక్షః అర్ధాంగః, తిర్యగ్వా నాభ్యవచ్ఛిన్నపూర్వార్ధేఽపారార్ధే వా| అరిష్టభూతః అరిష్టవత్, భూతశబ్దోఽత్ర ఉపమానార్థః, రిష్టాభాస ఇత్యర్థః| యశ్చోర్ధ్వం పరిసర్పతీతి యః శోఫః పాదాభినివృత్త ఊర్ధ్వముపరితనకాయే పరిసర్పతి స పురుషవిషయేఽరిష్టభూతః; చకారో భిన్నక్రమే, తేన యశ్చాధః పరిసర్పతి ఉత్తమాంగాత్ స స్త్రీవిషయేఽరిష్టభూతః| ఉక్తం చ- “ఊర్ధ్వగామీ నరం పభ్ద్యామధోగామీ ముఖాత్ స్త్రియం”- ఇతి| ఊర్ధ్వమధ్యాధఃస్థితశోఫేఽపి సర్వసరాభిధానమేకదేశేఽపి దగ్ధే పటో దగ్ధ ఇతివత్| ఉపద్రవేణాసాధ్యత్వం నిర్దిశన్నాహ- శ్వాస ఇత్యాది| సామాన్యత ఇత్యాది సామాన్యం విశేషం చ||7-9||
Adhikarana 5 (10-11) · Śloka 11
శోఫినః సర్వ ఏవ పరిహరేయురమ్లలవణదధిగుడవసాపయస్తైలఘృతపిష్టమయగురూణి ||10||
తత్ర వాతశ్వయథౌ త్రైవృతమేరండతైలం వా మాసమర్ధమాసం వా పాయయేత్, న్యగ్రోధాదికకషాయసిద్ధం సర్పిః పిత్తశ్వయథౌ, ఆరగ్వధాదిసిద్ధం సర్పిః శ్లేష్మశ్వయథౌ, సన్నిపాతశ్వయథౌ స్నుహీక్షీరపాత్రం ద్వాదశభిరమ్లపాత్రైః ప్రతిసంసృజ్య దంతీద్రవంతీప్రతీవాపం సర్పిః పాచయిత్వా పాయయేత్, విషనిమిత్తేషు కల్పేషు ప్రతీకారః ||11||
View original
शोफिनः सर्व एव परिहरेयुरम्ललवणदधिगुडवसापयस्तैलघृतपिष्टमयगुरूणि ||१०||
तत्र वातश्वयथौ त्रैवृतमेरण्डतैलं वा मासमर्धमासं वा पाययेत्, न्यग्रोधादिककषायसिद्धं सर्पिः पित्तश्वयथौ, आरग्वधादिसिद्धं सर्पिः श्लेष्मश्वयथौ, सन्निपातश्वयथौ स्नुहीक्षीरपात्रं द्वादशभिरम्लपात्रैः प्रतिसंसृज्य दन्तीद्रवन्तीप्रतीवापं सर्पिः पाचयित्वा पाययेत्, विषनिमित्तेषु कल्पेषु प्रतीकारः ||११||
ప్రథమం విశేషచికిత్సామాహ- తత్రేత్యాది| త్రైవృతమితి మజ్జవర్జం ఘృతాదిభిస్త్రిభిర్వృతం త్రివృతం, త్రివృతమేవ త్రైవృతం, స్వార్థికోఽణ్| జేజ్జటాచార్యస్తు చతుఃస్నేహమాహ| మాసమర్ధమాసం వా పురుషబలాపేక్షయా దోషబలాపేక్షయా వా వికల్పః| పాత్రం ఆఢకం| అమ్లం కాంజికం| దంతీద్రవంతీప్రతీవాపమితి ద్రవంతీ చీరితపత్రా దంతీభేదః; దంతీద్రవంతీకల్కః, స చ స్నేహచతుర్థాంశేన| సర్పిః ఆఢకప్రమాణం||10-11||
Adhikarana 6 (12) · Śloka 12
అత ఊర్ధ్వం సామాన్యచికిత్సితముపదేక్ష్యామః- తిల్వకఘృతచతుర్థాని యాన్యుక్తాన్యుదరేషు తతోఽన్యతమముపయుజ్యమానం శ్వయథుమపహంతి, మూత్రవర్తిక్రియాం వా సేవేత, నవాయసం వాఽహరహర్మధునా, విడంగాతివిషాకుటజఫలభద్రదారునాగరమరిచచూర్ణం వా ధరణముష్ణాంబునా, త్రికటుక్షారాయశ్చూర్ణాని వా త్రిఫలాకషాయేణ, మూత్రం వా తుల్యక్షీరం, హరీతకీం వా తుల్యగుడాముపయుంజీత, దేవదారుశుంఠీం వా, గుగ్గులుం వా మూత్రేణ వర్షాభూకషాయానుపానం వా, తుల్యగుడం శృంగవేరం వా, వర్షాభూకషాయం మూలకల్కం వా సశృంగవేరం పయోఽనుపానమహరహర్మాసం, వ్యోషవర్షాభూకషాయసిద్ధేన వా సర్పిషా ముద్గోలుంబాన్ భక్షయేత్, పిప్పలీపిప్పలీమూలచవ్యచిత్రకమయూరకవర్షాభూసిద్ధం వా క్షీరం పిబేత్, సహౌషధమురంగీమూలసిద్ధం వా, త్రికటుకైరండశ్యామామూలసిద్ధం వా, వర్షాభూశృంగవేరసహాదేవదారుసిద్ధం వా, తథాఽలాబూబిభీతకఫలకల్కం వా తండులాంబునా; క్షారపిప్పలీమరిచశృంగవేరానుసిద్ధేన చ ముద్గయూషేణాలవణేనాల్పస్నేహేన భోజయేద్యవాన్నం గోధూమాన్నం వా; వృక్షకార్కనక్తమాలనింబవర్షాభూక్వాథైశ్చ పరిషేకః; సర్షపసువర్చలాసైంధవశారంగేష్టాభిశ్చ ప్రదేహః కార్యః; యథాదోషం చ వమనవిరేచనాస్థాపనాని తీక్ష్ణాన్యజస్రముపసేవేత, స్నేహస్వేదోపనాహాంశ్చ; సిరాభిశ్చాభీక్ష్ణం శోణితమవసేచయేదన్యత్రోపద్రవశోఫాదితి ||12||
View original
अत ऊर्ध्वं सामान्यचिकित्सितमुपदेक्ष्यामः- तिल्वकघृतचतुर्थानि यान्युक्तान्युदरेषु ततोऽन्यतममुपयुज्यमानं श्वयथुमपहन्ति, मूत्रवर्तिक्रियां वा सेवेत, नवायसं वाऽहरहर्मधुना, विडङ्गातिविषाकुटजफलभद्रदारुनागरमरिचचूर्णं वा धरणमुष्णाम्बुना, त्रिकटुक्षारायश्चूर्णानि वा त्रिफलाकषायेण, मूत्रं वा तुल्यक्षीरं, हरीतकीं वा तुल्यगुडामुपयुञ्जीत, देवदारुशुण्ठीं वा, गुग्गुलुं वा मूत्रेण वर्षाभूकषायानुपानं वा, तुल्यगुडं शृङ्गवेरं वा, वर्षाभूकषायं मूलकल्कं वा सशृङ्गवेरं पयोऽनुपानमहरहर्मासं, व्योषवर्षाभूकषायसिद्धेन वा सर्पिषा मुद्गोलुम्बान् भक्षयेत्, पिप्पलीपिप्पलीमूलचव्यचित्रकमयूरकवर्षाभूसिद्धं वा क्षीरं पिबेत्, सहौषधमुरङ्गीमूलसिद्धं वा, त्रिकटुकैरण्डश्यामामूलसिद्धं वा, वर्षाभूशृङ्गवेरसहादेवदारुसिद्धं वा, तथाऽलाबूबिभीतकफलकल्कं वा तण्डुलाम्बुना; क्षारपिप्पलीमरिचशृङ्गवेरानुसिद्धेन च मुद्गयूषेणालवणेनाल्पस्नेहेन भोजयेद्यवान्नं गोधूमान्नं वा; वृक्षकार्कनक्तमालनिम्बवर्षाभूक्वाथैश्च परिषेकः; सर्षपसुवर्चलासैन्धवशार्ङ्गेष्टाभिश्च प्रदेहः कार्यः; यथादोषं च वमनविरेचनास्थापनानि तीक्ष्णान्यजस्रमुपसेवेत, स्नेहस्वेदोपनाहांश्च; सिराभिश्चाभीक्ष्णं शोणितमवसेचयेदन्यत्रोपद्रवशोफादिति ||१२||
హరీతకీచూర్ణప్రస్థాదీని త్రీణి ఘృతాని తిల్వకఘృతం చతుర్ణాం పూరణం యేషాం తాని తిల్వకచతుర్థాని; హరీతకీచూర్ణప్రస్థేత్యాదినా ఏకం, గవ్యే పయసి మహావృక్షక్షీరేత్యాది ద్వితీయం, చవ్యచిత్రకేత్యాది తృతీయం, తిల్వకం వాతవ్యాధ్యుక్తం చతుర్థం| వమనవిరేచనేత్యాదినా ఉదరోక్తా ఏవ మూత్రవర్తిక్రియా| నవాయసం ప్రమేహపిడకాచికిత్సితే పఠితం| ధరణం కర్షం| క్షారో యవక్షారః| అయో లోహం| తుల్యక్షీరమితి గోమూత్రం పలద్వయం, గోక్షీరమపి ద్విపలం| తుల్యగుడామితి శోఫహరద్రవానుపానాం| దేవదారుశుంఠీకల్కం కృత్వా సుఖాంబునా, సామాన్యశోఫహరద్రవేణ సుఖోష్ణేన వా| సగుడమార్ద్రకం వా కర్షమానం| వర్షాభూకషాయః పలద్వయమనుపానం; వర్షాభూః రక్తపునర్నవా| వ్యోషాదికల్కసిద్ధేన జలచతుర్గుణేన సర్పిషా ముద్గోలుంబాన్, స్విన్నాః కించిద్భృష్టా ముద్గా ముద్గోలుంబాః| మయూరకః అపామార్గః| సహా మాషపర్ణీ, మురంగీ శోభాంజనకః| క్షారో యవక్షారః| అనువిద్ధేన అనుగతేన, ‘అనుసిద్ధేన’ ఇతి క్వచిత్ పాఠః| యవాన్నం గోధూమాన్నం వేతి సాత్మ్యాపేక్షో వికల్పః| వృక్షకః కుటజః, నక్తమాలః మహాకరంజః| సువర్చలా సూర్యావర్తః| శారంగేష్టా కాకజంఘా| ప్రదేహః ప్రలేపః| అజస్రం పునః పునః, ఉపసేవేత ‘బలవాన్’ ఇతి వాక్యశేషః| ఉపద్రవశోఫాదిత్యత్ర సర్వాంగశోఫాదితి కేచిత్| శీతోష్ణస్నిగ్ధరూక్షాద్యైరప్రశామ్యతి శోఫే సిరాభిరభీక్ష్ణం శోణితమవసేచయేదిత్యర్థః| అవిస్రావ్యశ్చ సర్వాంగశోఫీతి కేచిదముం పాఠమనార్షమాచక్షతే; అన్యేఽవయవగతం సర్వసరం శీతోష్ణస్నిగ్ధరూక్షాదిభిరప్రశామ్యంతం శోణితావసేచనేన సాధయేదితి విషయభేదేన విధినిషేధౌ చరితార్థౌ కుర్వంతి||12||
Adhikarana 7 (13) · Śloka 13
భవతి చాత్ర- పిష్టాన్నమమ్లం లవణాని మద్యం మృదం దివాస్వప్నమజాంగలం చ |
స్త్రియో ఘృతం తైలపయోగురూణి శోఫం జిఘాంసుః పరివర్జయేత్తు ||13||
View original
भवति चात्र- पिष्टान्नमम्लं लवणानि मद्यं मृदं दिवास्वप्नमजाङ्गलं च |
स्त्रियो घृतं तैलपयोगुरूणि शोफं जिघांसुः परिवर्जयेत्तु ||१३||
పిష్టాన్నమిత్యాది| ‘స్త్రియో గుడం’ ఇతి క్వచిత్ పాఠః||13||
Adhikarana puShpikA · Śloka 23
ఇతి సుశ్రుతసంహితాయాం చికిత్సాస్థానే శోథచికిత్సితం నామ త్రయోవింశోఽధ్యాయః ||23||
View original
इति सुश्रुतसंहितायां चिकित्सास्थाने शोथचिकित्सितं नाम त्रयोविंशोऽध्यायः ||२३||
ఇతి శ్రీడల్హ(హ్ల)ణవిరచితాయాం నిబంధసంగ్రహాఖ్యాయాం సుశ్రుతవ్యాఖ్యాయాం చికిత్సాస్థానే త్రయోవింశతితమోఽధ్యాయః||23||