Adhikarana 1 (1-2) · Śloka 2
অথাতঃ স্বভাবব্যাধিপ্রতিষেধনীযং রসাযনং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातः स्वभावव्याधिप्रतिषेधनीयं रसायनं व्याख्यास्यामः ||१||
यथोवाच भगवान् धन्वन्तरिः ||२||
স্বভাবপ্রবৃত্তানাং ক্ষুত্পিপাসাজরামৃত্যুনিদ্রাপ্রভৃতীনাং ব্যাধীনাং প্রতিষেধনং স্বভাবব্যাধিপ্রতিষেধনং, তদধিকৃত্য কৃতং রসাযনং স্বভাবব্যাধিপ্রতিষেধনীযম্| যদ্যপি স্বভাবো নিষ্প্রতিষেধনীযস্তথাঽপি রসাযনপ্রভাবাত্তপোজ্ঞানাদিযুক্তৈর্মহর্ষিভিরনিযতাযুষাং স্বভাবব্যাধ্যাদিঃ প্রতিষিধ্যতে; নিযতাযুষাঃ পুনঃ কলিকলুষৈরক্ষীণা রসাযনাযোগ্যা এব||১-২||
Adhikarana 2 (3-9) · Śloka 9
ব্রহ্মাদযোঽসৃজন্ পূর্বমমৃতং সোমসঞ্জ্ঞিতম্ |
জরামৃত্যুবিনাশায বিধানং তস্য বক্ষ্যতে ||৩||
এক এব খলু ভগবান্ সোমঃ স্থাননামাকৃতিবীর্যবিশেষৈশ্চতুর্বিংশতিধা ভিদ্যতে ||৪||
তদ্যথা- অংশুমান্ মুঞ্জবাংশ্চৈব চন্দ্রমা রজতপ্রভঃ |
দূর্বাসোমঃ কনীযাংশ্চ শ্বেতাক্ষঃ কনকপ্রভঃ ||৫||
প্রতানবাংস্তালবৃন্তঃ করবীরোংঽশবানপি |
স্বযম্প্রভো মহাসোমো যশ্চাপি গরুডাহৃতঃ ||৬||
গাযত্রস্ত্রৈষ্টুভঃ পাঙ্ক্তো জাগতঃ শাক্বরস্তথা |
অগ্নিষ্টোমো রৈবতশ্চ যথোক্ত ইতি সঞ্জ্ঞিতঃ ||৭||
গাযত্র্যা ত্রিপদা যুক্তো যশ্চোডুপতিরুচ্যতে |
এতে সোমাঃ সমাখ্যাতা বেদোক্তৈর্নামভিঃ শুভৈঃ ||৮||
সর্বেষামেব চৈতেষামেকো বিধিরুপাসনে |
সর্বে তুল্যগুণাশ্চৈব বিধানং তেষু বক্ষ্যতে ||৯||
View original
ब्रह्मादयोऽसृजन् पूर्वममृतं सोमसञ्ज्ञितम् |
जरामृत्युविनाशाय विधानं तस्य वक्ष्यते ||३||
एक एव खलु भगवान् सोमः स्थाननामाकृतिवीर्यविशेषैश्चतुर्विंशतिधा भिद्यते ||४||
तद्यथा- अंशुमान् मुञ्जवांश्चैव चन्द्रमा रजतप्रभः |
दूर्वासोमः कनीयांश्च श्वेताक्षः कनकप्रभः ||५||
प्रतानवांस्तालवृन्तः करवीरोंऽशवानपि |
स्वयम्प्रभो महासोमो यश्चापि गरुडाहृतः ||६||
गायत्रस्त्रैष्टुभः पाङ्क्तो जागतः शाक्वरस्तथा |
अग्निष्टोमो रैवतश्च यथोक्त इति सञ्ज्ञितः ||७||
गायत्र्या त्रिपदा युक्तो यश्चोडुपतिरुच्यते |
एते सोमाः समाख्याता वेदोक्तैर्नामभिः शुभैः ||८||
सर्वेषामेव चैतेषामेको विधिरुपासने |
सर्वे तुल्यगुणाश्चैव विधानं तेषु वक्ष्यते ||९||
গাযত্র্যা ত্রিপদা যুক্ত ইতি সর্বেষামেব সোমানাং বিশেষণম্| তত্র গাযত্র্যা বর্ণস্বরাত্মিকাযাঃ সোমস্য সাক্ষাদ্যোগো নাস্তীতি গাযত্রীপ্রতিপাদিতলোকবেদত্রযযুক্ত ইত্যর্থঃ; তেন পীতসোমপ্রভাবেণ লোকবেদত্রযমস্য বশীভবতি| এতানি চ নামানি সামান্যলোকাপ্রসিদ্ধান্যপি প্রমাণানীতি দর্শযন্নাহ- এতে সোমা ইত্যাদি| তুল্যগুণাঃ তুল্যফলা ইত্যর্থঃ||৩-৯||
Adhikarana 3 (10-12) · Śloka 12
অতোঽন্যতমং সোমমুপযুযুক্ষুঃ সর্বোপকরণপরিচারকোপেতঃ প্রশস্তে দেশে ত্রিবৃতমাগারং কারযিত্বা হৃতদোষঃ প্রতিসংসৃষ্টভক্তঃ প্রশস্তেষু তিথিকরণমুহূর্তনক্ষত্রেষু অংশুমন্তমাদাযাধ্বরকল্পেনাহৃতমভিষুতমভিহুতং চান্তরাগারে কৃতমঙ্গলস্বস্তিবাচনঃ সোমকন্দং সুবর্ণসূচ্যা বিদার্য পযো গৃহ্ণীযাত্ সৌবর্ণে (রাজতে বা ) পাত্রেঽঞ্জলিমাত্রং, ততঃ সকৃদেবোপযুঞ্জীত নাখাদযন্, তত উপস্পৃশ্য শেষমপ্স্ববসাদ্য যমনিযমাভ্যামাত্মানং সংযোজ্য বাগ্যতোঽভ্যন্তরতঃ সুহৃদ্ভিরুপাস্যমানো বিহরেত্ ||১০||
রসাযনং পীতবাংস্তু নিবাতে তন্মনাঃ শুচিঃ |
আসীত তিষ্ঠেত্ ক্রামেচ্চ ন কথঞ্চন সংবিশেত্ ||১১||
সাযং বা ভুক্তবানুপশ্রুতশান্তিঃ কুশশয্যাযাং কৃষ্ণাজিনোত্তরাযাং সুহৃদ্ভিরুপাস্যমানঃ শযীত, তৃষিতো বা শীতোদকমাত্রাং পিবেত্ (অশনাযিতো বা ক্ষারং); ততঃ প্রাতরুত্থাযোপশ্রুতশান্তিঃ কৃতমঙ্গলো গাং স্পৃষ্ট্বা তথৈবাসীত, তস্য জীর্ণে সোমে ছর্দিরুত্পদ্যতে, ততঃ শোণিতাক্তং কৃমিব্যামিশ্রং ছর্দিতবতে সাযং শৃতশীতং ক্ষীরং বিতরেত্; ততস্তৃতীযেঽহনি কৃমিব্যামিশ্রমতিসার্যতে, স তেনানিষ্টপ্রতিগ্রহভুক্তপ্রভৃতিভির্বিশেষৈর্বিনির্মুক্তঃ শুদ্ধতনুর্ভবতি, ততঃ সাযং স্নাতায পূর্ববদেব ক্ষীরং বিতরেত্, ক্ষৌমবস্ত্রাস্তৃতাযাং চৈনং শয্যাযাং শাযযেত্; ততশ্চতুর্থেঽহনি তস্য শ্বযথুরুত্পদ্যতে, ততঃ সর্বাঙ্গেভ্যঃ কৃমযো নিষ্ক্রামন্তি, তদহশ্চ শয্যাযাং পাংশুভিরবকীর্যমাণঃ শযীত, ততঃ সাযং পূর্ববদেব ক্ষীরং বিতরেত্; এবং পঞ্চমষষ্ঠযোর্দিবসযোর্বর্তেত, কেবলমুভযকালমস্মৈ ক্ষীরং বিতরেত্; ততঃ সপ্তমেঽহনি নির্মাংসস্ত্বগস্থিভূতঃ কেবলং সোমপরিগ্রহাদেবোচ্ছ্বসিতি, তদহশ্চ ক্ষীরেণ সুখোষ্ণেন পরিষিচ্য তিলমধুকচন্দনানুলিপ্তদেহং পযঃ পাযযেত্; ততোঽষ্টমেঽহনি প্রাতরেব ক্ষীরপরিষিক্তং চন্দনপ্রদিগ্ধগাত্রং পযঃ পাযযিত্বা পাংশুশয্যাং সমুত্সৃজ্য ক্ষৌমবস্ত্রাস্তৃতাযাং শয্যাযাং শাযযেত্, ততোঽস্য মাংসমাপ্যায্যতে, ত্বক্ চাবদলতি, দন্তনখরোমাণি চাস্য পতন্তি, তস্য নবমদিবসাত্ প্রভৃত্যণুতৈলাভ্যঙ্গঃ সোমবল্ককষাযপরিষেকঃ; ততো দশমেঽহন্যেতদেব বিতরেত্, ততোঽস্য ত্বক্ স্থিরতামুপৈতি; এবমেকাদশদ্বাদশযোর্বর্তেত; ততস্ত্রযোদশাত্ প্রভৃতি সোমবল্ককষাযপরিষেকঃ, এবমাষোডশাদ্বর্তেত; ততঃ সপ্তদশাষ্টাদশযোর্দিবসযোর্দশনা জাযন্তে শিখরিণঃ স্নিগ্ধবজ্রবৈদূর্যস্ফটিকপ্রকাশাঃ সমাঃ স্থিরাঃ সহিষ্ণবঃ, তদা প্রভৃতি চানবৈঃ শালিতণ্ডুলৈঃ ক্ষীরযবাগূমুপসেবেত যাবত্ পঞ্চর্বিশতিরিতি; ততোঽস্মৈ দদ্যাচ্ছাল্যোদনং মৃদূভযকালং পযসা, ততোঽস্য নখা জাযন্তে বিদ্রুমেন্দ্রগোপকতরুণাদিত্যপ্রকাশাঃ, স্থিরাঃ স্নিগ্ধা লক্ষণসম্পন্নাঃ কেশাশ্চ সূক্ষ্মা জাযন্তে, ত্বক্ চ নীলোত্পলাতসীপুষ্পবৈদূর্যপ্রকাশা; ঊর্ধ্বং চ মাসাত্ কেশান্ বাপযেত্, বাপযিত্বা চোশীরচন্দনকৃষ্ণতিলকল্কৈঃ শিরঃ প্রদিহ্যাত্ পযসা বা স্নাপযেত্; ততোঽস্যানন্তরং সপ্তরাত্রাত্ কেশা জাযন্তে ভ্রমরাঞ্জননিভাঃ কুঞ্চিতাঃ স্থিরাঃ স্নিগ্ধাঃ; ততস্ত্রিরাত্রাত্ প্রথমাবসথপরিসরান্নিষ্ক্রম্য মুহূর্তং স্থিত্বা পুনরেবান্তঃ প্রবিশেত্, ততোঽস্য বলাতৈলমভ্যঙ্গার্থেঽবচার্যং, যবপিষ্টমুদ্বর্তনার্থে, সুখোষ্ণং চ পযঃ পরিষেকার্থে, অজকর্ণকষাযমুত্সাদনার্থে, সোশীরং কূপোদকং স্নানার্থে, চন্দনমনুলেপার্থে, আমলকরসবিমিশ্রাশ্চাস্য যূষসূপবিকল্পাঃ, ক্ষীরমধুকসিদ্ধং চ কৃষ্ণতিলমবচারণার্থে, এবং দশরাত্রং; ততোঽন্যদ্দশরাত্রং দ্বিতীযে পরিসরে বর্তেত; ততস্তৃতীযে পরিসরে স্থিরীকুর্বন্নাত্মানমন্যদ্দশরাত্রমাসীত, কিঞ্চিদাতপপবনান্ বা সেবেত, পুনশ্চান্তঃ প্রবিশেত্, ন চাত্মানমাদর্শেঽপ্সু বা নিরীক্ষেত রূপশালিত্বাত্; ততোঽন্যদ্দশরাত্রং ক্রোধাদীন্ পরিহরেত্ , এবং সর্বেষামুপযোগবিকল্পঃ |
বিশেষতস্তু বল্লীপ্রতানক্ষুপকাদযঃ সোমা ব্রাহ্মণক্ষত্রিযবৈশ্যৈর্ভক্ষযিতব্যাঃ |
তেষাং তু প্রমাণমর্ধচতুষ্কমুষ্টযঃ ||১২||
View original
अतोऽन्यतमं सोममुपयुयुक्षुः सर्वोपकरणपरिचारकोपेतः प्रशस्ते देशे त्रिवृतमागारं कारयित्वा हृतदोषः प्रतिसंसृष्टभक्तः प्रशस्तेषु तिथिकरणमुहूर्तनक्षत्रेषु अंशुमन्तमादायाध्वरकल्पेनाहृतमभिषुतमभिहुतं चान्तरागारे कृतमङ्गलस्वस्तिवाचनः सोमकन्दं सुवर्णसूच्या विदार्य पयो गृह्णीयात् सौवर्णे (राजते वा ) पात्रेऽञ्जलिमात्रं, ततः सकृदेवोपयुञ्जीत नाखादयन्, तत उपस्पृश्य शेषमप्स्ववसाद्य यमनियमाभ्यामात्मानं संयोज्य वाग्यतोऽभ्यन्तरतः सुहृद्भिरुपास्यमानो विहरेत् ||१०||
रसायनं पीतवांस्तु निवाते तन्मनाः शुचिः |
आसीत तिष्ठेत् क्रामेच्च न कथञ्चन संविशेत् ||११||
सायं वा भुक्तवानुपश्रुतशान्तिः कुशशय्यायां कृष्णाजिनोत्तरायां सुहृद्भिरुपास्यमानः शयीत, तृषितो वा शीतोदकमात्रां पिबेत् (अशनायितो वा क्षारं); ततः प्रातरुत्थायोपश्रुतशान्तिः कृतमङ्गलो गां स्पृष्ट्वा तथैवासीत, तस्य जीर्णे सोमे छर्दिरुत्पद्यते, ततः शोणिताक्तं कृमिव्यामिश्रं छर्दितवते सायं शृतशीतं क्षीरं वितरेत्; ततस्तृतीयेऽहनि कृमिव्यामिश्रमतिसार्यते, स तेनानिष्टप्रतिग्रहभुक्तप्रभृतिभिर्विशेषैर्विनिर्मुक्तः शुद्धतनुर्भवति, ततः सायं स्नाताय पूर्ववदेव क्षीरं वितरेत्, क्षौमवस्त्रास्तृतायां चैनं शय्यायां शाययेत्; ततश्चतुर्थेऽहनि तस्य श्वयथुरुत्पद्यते, ततः सर्वाङ्गेभ्यः कृमयो निष्क्रामन्ति, तदहश्च शय्यायां पांशुभिरवकीर्यमाणः शयीत, ततः सायं पूर्ववदेव क्षीरं वितरेत्; एवं पञ्चमषष्ठयोर्दिवसयोर्वर्तेत, केवलमुभयकालमस्मै क्षीरं वितरेत्; ततः सप्तमेऽहनि निर्मांसस्त्वगस्थिभूतः केवलं सोमपरिग्रहादेवोच्छ्वसिति, तदहश्च क्षीरेण सुखोष्णेन परिषिच्य तिलमधुकचन्दनानुलिप्तदेहं पयः पाययेत्; ततोऽष्टमेऽहनि प्रातरेव क्षीरपरिषिक्तं चन्दनप्रदिग्धगात्रं पयः पाययित्वा पांशुशय्यां समुत्सृज्य क्षौमवस्त्रास्तृतायां शय्यायां शाययेत्, ततोऽस्य मांसमाप्याय्यते, त्वक् चावदलति, दन्तनखरोमाणि चास्य पतन्ति, तस्य नवमदिवसात् प्रभृत्यणुतैलाभ्यङ्गः सोमवल्ककषायपरिषेकः; ततो दशमेऽहन्येतदेव वितरेत्, ततोऽस्य त्वक् स्थिरतामुपैति; एवमेकादशद्वादशयोर्वर्तेत; ततस्त्रयोदशात् प्रभृति सोमवल्ककषायपरिषेकः, एवमाषोडशाद्वर्तेत; ततः सप्तदशाष्टादशयोर्दिवसयोर्दशना जायन्ते शिखरिणः स्निग्धवज्रवैदूर्यस्फटिकप्रकाशाः समाः स्थिराः सहिष्णवः, तदा प्रभृति चानवैः शालितण्डुलैः क्षीरयवागूमुपसेवेत यावत् पञ्चर्विशतिरिति; ततोऽस्मै दद्याच्छाल्योदनं मृदूभयकालं पयसा, ततोऽस्य नखा जायन्ते विद्रुमेन्द्रगोपकतरुणादित्यप्रकाशाः, स्थिराः स्निग्धा लक्षणसम्पन्नाः केशाश्च सूक्ष्मा जायन्ते, त्वक् च नीलोत्पलातसीपुष्पवैदूर्यप्रकाशा; ऊर्ध्वं च मासात् केशान् वापयेत्, वापयित्वा चोशीरचन्दनकृष्णतिलकल्कैः शिरः प्रदिह्यात् पयसा वा स्नापयेत्; ततोऽस्यानन्तरं सप्तरात्रात् केशा जायन्ते भ्रमराञ्जननिभाः कुञ्चिताः स्थिराः स्निग्धाः; ततस्त्रिरात्रात् प्रथमावसथपरिसरान्निष्क्रम्य मुहूर्तं स्थित्वा पुनरेवान्तः प्रविशेत्, ततोऽस्य बलातैलमभ्यङ्गार्थेऽवचार्यं, यवपिष्टमुद्वर्तनार्थे, सुखोष्णं च पयः परिषेकार्थे, अजकर्णकषायमुत्सादनार्थे, सोशीरं कूपोदकं स्नानार्थे, चन्दनमनुलेपार्थे, आमलकरसविमिश्राश्चास्य यूषसूपविकल्पाः, क्षीरमधुकसिद्धं च कृष्णतिलमवचारणार्थे, एवं दशरात्रं; ततोऽन्यद्दशरात्रं द्वितीये परिसरे वर्तेत; ततस्तृतीये परिसरे स्थिरीकुर्वन्नात्मानमन्यद्दशरात्रमासीत, किञ्चिदातपपवनान् वा सेवेत, पुनश्चान्तः प्रविशेत्, न चात्मानमादर्शेऽप्सु वा निरीक्षेत रूपशालित्वात्; ततोऽन्यद्दशरात्रं क्रोधादीन् परिहरेत् , एवं सर्वेषामुपयोगविकल्पः |
विशेषतस्तु वल्लीप्रतानक्षुपकादयः सोमा ब्राह्मणक्षत्रियवैश्यैर्भक्षयितव्याः |
तेषां तु प्रमाणमर्धचतुष्कमुष्टयः ||१२||
অত ইত্যাদি| অন্যতমম্ একতমম্| উপযুযুক্ষুঃ উপযোগং কর্তুমিচ্ছুঃ| উপকরণানি ঘৃতাদীনি | পরিচারকাঃ সর্বকর্মণাং কর্তারঃ| প্রশস্তদেশে বাস্তুশাস্ত্রবিদ্ভিঃ পরীক্ষিতে প্রাগুদক্প্রবণে, ত্রিবৃতমাগারং ত্রিঃপরিবৃতাং গর্ভকুটীং কারযিত্বা| হৃতদোষঃ হৃতঃ স্নেহস্বেদপূর্বকৈর্বমনাদিভির্দোষো যেন সঃ| প্রতিসংসৃষ্টং পেযাদিসংসর্জনক্রমেণ ভক্তং পথ্যং যেন সঃ| প্রশস্তাস্তিথযো নন্দাদযো রিক্তাবর্জ্যাঃ, করণানি ববাদীনি বিষ্টিবর্জ্যানি, মুহূর্তাঃ শিবাদযঃ প্রশস্তাঃ; নক্ষত্রাণি পুষ্যহস্তাশ্বিনীশ্রবণানি| অঘ্বরকল্পস্য বিধানেনাহৃতমগ্নিষ্টোমবিধানেনানীতম্| অভিষুতম্ ঋত্বিগ্ভিঃ স্নাপিতম্| অভিহুতং বহ্নৌ প্রক্ষিপ্তম্, ‘ঋত্বিগ্ভিঃ এব’ ইতি শেষঃ| অন্তরাগারে অন্তর্গৃহে| অঞ্জলিমাত্রং কুডবপ্রমাণম্| নাস্বাদযন্ সোমরসমনুত্স্বাদযন্| উপস্পৃশ্য আচমনং কৃত্বেত্যর্থঃ| শেষং গৃহীতক্ষীরমংশুমতঃ কন্দং পানীযে নদ্যাদিগতে নিক্ষিপ্যেত্যর্থঃ| মনঃসঙ্কল্পাদিনিরোধো নিযমঃ, পুনরিন্দ্রিযদেহযোর্নিরোধো যমঃ| আত্মানং চেতঃ| বাচঃ পুনঃ সংযমনমাহ- বাগ্যতঃ; মৌনং কৃত্বেত্যর্থঃ| বিহরেদিতি বিহারং কুর্যাদিত্যর্থঃ| তত্র কাযবিহারশ্চতুর্বিধো গমনচঙ্ক্রমণস্থানাসনভেদেন| ন কথঞ্চন সংবিশেত্ ন স্বপ্যাত্| তন্মনা ইতি তত্রৈব সোমে মনো যস্য স তথা| উপশ্রুতশান্তিঃ আকর্ণিতমঙ্গলপাঠঃ| সাযং শযীতেতি তেন দিবা স্বাপনিষেধঃ| অভোজনং পুনরত্র প্রথম এব দিনে যত্র সোমপানম্| শীতোদকমাত্রামিতি মাত্রাশব্দোঽযমল্পার্থঃ, শীতমল্পমুদকং জলং পিবেত্| গাং স্পৃষ্ট্বেতি ধাতূনামনেকার্থত্বাদ্গাং দত্ত্বেতি জেজ্জটঃ| অনিষ্টভোজনং শ্রদ্ধাদিভোজনং, প্রগ্রহভোজনং বলাদনিচ্ছং সঙ্কীর্ণাচারৈর্ভোজ্যতে| প্রভৃতিগ্রহণাদন্যেঽপি অনিষ্টপ্রতিগ্রহাদযোঽভিপ্রেতাঃ| বিতরেত্ দদ্যাদিত্যর্থঃ| পাংশুঃ ধূলিঃ| পরিষেকঃ স্নানম্| অজকর্ণকষাযমিতি কল্কমিত্যর্থঃ; কল্কেঽপি কষাযশব্দো বর্ততে, “পঞ্চবিধং কষাযকল্পনম্” (চ.সূ. অ.৪) ইতি বচনাত্| সস্নেহকল্কেন ঘর্ষণমুত্সাদনম্| ক্ষীরমধুকসিদ্ধং চেত্যাদি গব্যক্ষীরচতুর্গুণং মধুককল্কসিদ্ধং কৃষ্ণতিলানাং তৈলং ব্যঞ্জনাদিষ্ববচার্যম্| উপযোগবিকল্প ইতি উপযুজ্যতে ইত্যুপযোগো গব্যক্ষীরাদিরাহারো বিহারশ্চ, উপযোগবিকল্প উপযোগভেদঃ কর্তব্য ইত্যর্থঃ| তত্রৈব ক্বচিদ্বর্ণভেদেন ভেদং দর্শযন্নাহ- বিশেষতস্তু বল্লীত্যাদি| বল্লী লতা, প্রতানং দূর্বাশৈবলকমূলানামিব বিস্তারঃ , ক্ষুপকো বিটপঃ, আদিগ্রহণাত্ কন্দাদীনামপি গ্রহণম্| অর্ধং চতুষ্কং যেষাং তে তথা; মুষ্টিঃ পলম্||১০-১২||
Adhikarana 4 (13) · Śloka 13
অংশুমন্তং সৌবর্ণে পাত্রেঽভিষুণুযাত্, চন্দ্রমসং রাজতে; তাবুপযুজ্যাষ্টগুণমৈশ্বর্যমবাপ্যেশানং দেবমনুপ্রবিশতি, শেষাংস্তু তাম্রমযে মৃন্মযে বা রোহিতে বা চর্মণি বিততে; শূদ্রবর্জং ত্রিভির্বর্ণৈঃ সোমা উপযোক্তব্যাঃ |
ততশ্চতুর্থে মাসে পৌর্ণমাস্যাং শুচৌ দেশে ব্রাহ্মণানর্চযিত্বা কৃতমঙ্গলো নিষ্ক্রম্য যথোক্তং ব্রজেদিতি ||১৩||
View original
अंशुमन्तं सौवर्णे पात्रेऽभिषुणुयात्, चन्द्रमसं राजते; तावुपयुज्याष्टगुणमैश्वर्यमवाप्येशानं देवमनुप्रविशति, शेषांस्तु ताम्रमये मृन्मये वा रोहिते वा चर्मणि वितते; शूद्रवर्जं त्रिभिर्वर्णैः सोमा उपयोक्तव्याः |
ततश्चतुर्थे मासे पौर्णमास्यां शुचौ देशे ब्राह्मणानर्चयित्वा कृतमङ्गलो निष्क्रम्य यथोक्तं व्रजेदिति ||१३||
তেষাং তু পাত্রেষ্বপি ভেদং দর্শযন্নাহ- অংশুমন্তমিত্যাদি| অভিষুণুযাত্ পীডযেত্| তাবুপযুজ্যেতি এতযোরুপযোগং কৃত্বেত্যর্থঃ| অষ্টবিধৈশ্বর্যং যথা- “অণিমা লঘিমা প্রাপ্তিঃ প্রাকাম্যং মহিমা তথা| ঈশিত্বং চ বশিত্বং চ তথা কামাবসাযিতা”- ইতি; এতদষ্টগুণমৈশ্বর্যং যোগলভ্যমপি সোমরসাযনাল্লভ্যতে| চরকে পুনরন্যথোক্তম্- “আবেশশ্চেতসো জ্ঞানমর্থানাং ছন্দতঃ ক্রিযা| দৃষ্টিঃ শ্রোত্রং স্মৃতিঃ কান্তিরিষ্টতশ্চাপ্যদর্শনম্|| ইত্যষ্টগুণমাখ্যাতং যোগিনাং বলমৈশ্বরম্| শুদ্ধসত্ত্বসমাধানাত্তত্সর্বমুপবর্ততে” (চ.শা. অ.১)- ইতি| ঈশানং মহেশ্বরম্| রোহিতঃ লোহিতবর্ণো মৃগবিশেষঃ| বিততে বিস্তৃতে||১৩||
Adhikarana 5 (14-19) · Śloka 19
ওষধীনাং পতিং সোমমুপযুজ্য বিচক্ষণঃ |
দশবর্ষসহস্রাণি নবাং ধারযতে তনুম্ ||১৪||
নাগ্নির্ন তোযং ন বিষং ন শস্ত্রং নাস্ত্রমেব চ |
তস্যালমাযুঃক্ষপণে সমর্থানি ভবন্তি হি ||১৫||
ভদ্রাণাং ষষ্টিবর্ষাণাং প্রস্রুতানামনেকধা |
কুঞ্জরাণাং সহস্রস্য বলং সমধিগচ্ছতি ||১৬||
ক্ষীরোদং শক্রসদনমুত্তরাংশ্চ কুরূনপি |
যত্রেচ্ছতি স গন্তুং বা তত্রাপ্রতিহতা গতিঃ ||১৭||
কন্দর্প ইব রূপেণ কান্ত্যা চন্দ্র ইবাপরঃ |
প্রহ্লাদযতি ভূতানাং মনাংসি স মহাদ্যুতিঃ ||১৮||
সাঙ্গোপাঙ্গাংশ্চ নিখিলান্ বেদান্ বিন্দতি তত্ত্বতঃ |
চরত্যমোঘসঙ্কল্পো দেববচ্চাখিলং জগত্ ||১৯||
View original
ओषधीनां पतिं सोममुपयुज्य विचक्षणः |
दशवर्षसहस्राणि नवां धारयते तनुम् ||१४||
नाग्निर्न तोयं न विषं न शस्त्रं नास्त्रमेव च |
तस्यालमायुःक्षपणे समर्थानि भवन्ति हि ||१५||
भद्राणां षष्टिवर्षाणां प्रस्रुतानामनेकधा |
कुञ्जराणां सहस्रस्य बलं समधिगच्छति ||१६||
क्षीरोदं शक्रसदनमुत्तरांश्च कुरूनपि |
यत्रेच्छति स गन्तुं वा तत्राप्रतिहता गतिः ||१७||
कन्दर्प इव रूपेण कान्त्या चन्द्र इवापरः |
प्रह्लादयति भूतानां मनांसि स महाद्युतिः ||१८||
साङ्गोपाङ्गांश्च निखिलान् वेदान् विन्दति तत्त्वतः |
चरत्यमोघसङ्कल्पो देववच्चाखिलं जगत् ||१९||
‘নবাং’ ইত্যত্র ‘অক্ষতং’ ইতি পাঠান্তরং, অক্ষতং যথা ভবতি তথা তনুং শরীরং ধারযতে; অক্ষতমিতি পাঠাত্তু ব্যাধের্নিষেধঃ| অস্নং মন্ত্রবচ্ছস্ত্রম্| তস্যালমিত্যাদি| অলম্ অত্রাজস্রম্, অলম্ অত্যর্থমাযুঃক্ষপণে ন সমর্থা ভবন্তীত্যর্থঃ| ভদ্রাণাং ভদ্রজাতীযানাং, ষষ্টিবর্ষাণাং ষষ্টিবর্ষপ্রমাণানাং, প্রস্রুতানাং গলিতমদানাম্, অনেকধা বহূন্ বারান্, দ্বিপানাং বলমিত্যুক্ত্যা অনিবার্যমিত্যর্থঃ| কন্দর্পঃ কামদেবঃ| ক্ষীরোদঃ ক্ষীরসমুদ্রঃ, শক্রসদনম্ ইন্দ্রগৃহম্, উত্তরকুরবো দেশবিশেষাঃ| অপ্রতিহতা অনিবার্যা| কান্ত্যেতি কান্ত্যা কৃত্যৈবং জ্ঞাযতেঽপরোঽযং চন্দ্রঃ| অমোঘসঙ্কল্পঃ অনিবার্যসঙ্কল্পঃ||১৪-১৯||
Adhikarana 7 (27-31) · Śloka 31
হিমবত্যর্বুদে সহ্যে মহেন্দ্রে মলযে তথা |
শ্রীপর্বতে দেবগিরৌ গিরৌ দেবসহে তথা ||২৭||
পারিযাত্রে চ বিন্ধ্যে চ দেবসুন্দে হদে তথা |
উত্তরেণ বিতস্তাযাঃ প্রবৃদ্ধা যে মহীধরাঃ ||২৮||
পঞ্চ তেষামধো মধ্যে সিন্ধুনামা মহানদঃ |
হঠবত্ প্লবতে তত্র চন্দ্রমাঃ সোমসত্তমঃ ||২৯||
তস্যোদ্দেশেষু চাপ্যস্তি মুঞ্জবানংশুমানপি |
কাশ্মীরেষু সরো দিব্যং নাম্না ক্ষুদ্রকমানসম্ ||৩০||
গাযত্রস্ত্রৈষ্টুভঃ পাঙ্ক্তো জাগতঃ শাক্বরস্তথা |
অত্র সন্ত্যপরে চাপি সোমাঃ সোমসমপ্রভাঃ ||৩১||
View original
हिमवत्यर्बुदे सह्ये महेन्द्रे मलये तथा |
श्रीपर्वते देवगिरौ गिरौ देवसहे तथा ||२७||
पारियात्रे च विन्ध्ये च देवसुन्दे हदे तथा |
उत्तरेण वितस्तायाः प्रवृद्धा ये महीधराः ||२८||
पञ्च तेषामधो मध्ये सिन्धुनामा महानदः |
हठवत् प्लवते तत्र चन्द्रमाः सोमसत्तमः ||२९||
तस्योद्देशेषु चाप्यस्ति मुञ्जवानंशुमानपि |
काश्मीरेषु सरो दिव्यं नाम्ना क्षुद्रकमानसम् ||३०||
गायत्रस्त्रैष्टुभः पाङ्क्तो जागतः शाक्वरस्तथा |
अत्र सन्त्यपरे चापि सोमाः सोमसमप्रभाः ||३१||
এতেষামন্বেষণস্থানমাহ- হিমবতীত্যাদি| স্থানেষু ক্রিযাপদস্যাবিদ্যমানত্বাত্ সন্তীত্যেবং সামান্যক্রিযাং বিতরেত্| চন্দ্রমসঃ সোমস্য স্থানবিশেষমুদ্দিশন্নাহ- উত্তরেণেত্যাদি| বিতস্তাযাঃ নদীবিশেষাযাঃ, সিন্ধুর্নাম মহানদঃ| হঠঃ জলকুম্ভিকা| প্লবতে তরতি| চন্দ্রমাঃ সোমবিশেষঃ||২৭-৩১||