Adhikarana 1 (1-2) · Śloka 2
অথাতো মূঢগর্ভনিদানং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो मूढगर्भनिदानं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| মূঢো নিরুদ্ধগতিঃ| তদুক্তং- ‘সর্বাবযবসম্পূর্ণো মনোবুদ্ধ্যাদিসংযুতঃ| বিগুণাপানসম্মূঢো মূঢগর্ভোঽভিধীযতে”- ইতি||১-২||
Adhikarana 2 (3) · Śloka 3
গ্রাম্যধর্মযানবাহনাধ্বগমনপ্রস্খলনপ্রপতনপ্রপীডনধাবনাভিঘাতবিষমশযনাসনোপবাসবেগাভিঘাতাতিরূক্ষ- কটুতিক্তভোজনশোকাতিক্ষারসেবনাতিসারবমনবিরেচনপ্রেঙ্খোলনাজীর্ণগর্ভশাতনপ্রভৃতিভির্বিশেষৈর্বন্ধনান্মুচ্যতে গর্ভঃ, ফলমিব বৃন্তবন্ধনাদভিঘাতবিশেষৈঃ; স বিমুক্তবন্ধনো গর্ভাশযমতিক্রম্য যকৃত্প্লীহান্ত্রবিবরৈরবস্রংসমানঃ কোষ্ঠসঙ্ক্ষোভমাপাদযতি, তস্যা জঠরসঙ্ক্ষোভাদ্বাযুরপানো মূঢঃ পার্শ্ববস্তিশীর্ষোদরযোনিশূলানাহমূত্রসঙ্গানামন্যতমমাপদ্য গর্ভং চ্যাবযতি তরুণং শোণিতস্রাবেণ; তমেব কদাচিদ্বিবৃদ্ধমসম্যগাগতমপত্যপথমনুপ্রাপ্তমনিরস্যমানং বিগুণাপানসম্মোহিতং গর্ভং মূঢগর্ভমিত্যাচক্ষতে ||৩||
ग्राम्यधर्मयानवाहनाध्वगमनप्रस्खलनप्रपतनप्रपीडनधावनाभिघातविषमशयनासनोपवासवेगाभिघातातिरूक्ष- कटुतिक्तभोजनशोकातिक्षारसेवनातिसारवमनविरेचनप्रेङ्खोलनाजीर्णगर्भशातनप्रभृतिभिर्विशेषैर्बन्धनान्मुच्यते गर्भः, फलमिव वृन्तबन्धनादभिघातविशेषैः; स विमुक्तबन्धनो गर्भाशयमतिक्रम्य यकृत्प्लीहान्त्रविवरैरवस्रंसमानः कोष्ठसङ्क्षोभमापादयति, तस्या जठरसङ्क्षोभाद्वायुरपानो मूढः पार्श्वबस्तिशीर्षोदरयोनिशूलानाहमूत्रसङ्गानामन्यतममापद्य गर्भं च्यावयति तरुणं शोणितस्रावेण; तमेव कदाचिद्विवृद्धमसम्यगागतमपत्यपथमनुप्राप्तमनिरस्यमानं विगुणापानसम्मोहितं गर्भं मूढगर्भमित्याचक्षते ||३||
🔊 Audio coming soon
তস্য হেতুং দর্শযন্নাহ- গ্রাম্যধর্মেত্যাদি| গ্রাম্যধর্মো মৈথুনং, যানং রথাদি, বাহনমশ্বাদি, অধ্বগমনং পদ্ভ্যাং মার্গগমনং, প্রস্খলনমাখুডনাদি, প্রপতনং প্রাসাদাদেঃ সকাশাদতিশযেন পতনং, প্রপীডনমতিশযেন পীডনং, প্রধাবনমতিশযেন ধাবনম্, অভিঘাতঃ শস্ত্রলোষ্টকশাদিভিঃ প্রহারঃ, বেগাভিঘাতো বাতাদ্যবরোধঃ, প্রেঙ্খোলনং হিন্দোলনং, গর্ভশাতনং ভেষজেন গর্ভপাতনম্| কেচিদেতদ্গদ্যমন্যথা পঠন্তি, তত্ত্বভাবান্ন লিখিতম্| বন্ধনমত্র গর্ভাশযপ্রতিবদ্ধাঃ সিরাঃ পেশ্যশ্চ| মোচনে উপমানমাহ- ফলমিত্যাদি| এতেনৈতদুক্তং ভবতি- যথা বৃক্ষেঽপরিপক্বং ফলমভিঘাতৈরকাল এব পততি, তদ্বদ্যথোক্তপাতনহেতুসামর্থ্যাদপ্রসবকাল এব গর্ভঃ পততি| অতিক্রম্য উল্লঙ্ঘ্য| বিবরৈঃ অন্তরালৈঃ| অবস্রংসমানঃ অধঃ পতন্| কোষ্ঠশব্দেনামাশযপক্বাশযাদিস্থানম্| সঙ্ক্ষোভশ্চলনম্| তস্যাঃ স্ত্রিযাঃ| মূঢো বিমার্গগামী | অন্যতমম্ একতমম্| আপাদ্য নির্বর্ত্য| তরুণং গর্ভমপানো মূঢঃ সন্ চ্যাবযতীতি সম্বন্ধঃ| তরুণম্ অঘনাঙ্গমব্যক্তচেতনম্| মূঢগর্ভস্য নিরুক্তিমাহ- তমেবেত্যাদি| অসম্যগাগতং বিলোমভাগেনাগতম্, অবাগ্গমনাত্| অপত্যপথং যোনিম্| অনুপ্রাপ্তম্ আশ্রিতম্| অনিরস্যমানম্ অনিঃসরন্তম্| সম্মোহিতং মূর্চ্ছিতম্||৩||
Adhikarana 3 (4) · Śloka 4
ততঃ কীলঃ প্রতিখুরো বীজকঃ পরিঘ ইতি | তত্র, ঊর্ধ্ববাহুশিরঃপাদো যো যোনিমুখং নিরুণদ্ধি কীল ইব স কীলঃ; নিঃসৃতহস্তপাদশিরাঃ কাযসঙ্গী প্রতিখুরঃ; যো নির্গচ্ছত্যেকশিরোভুজঃ স বীজকঃ; যস্তু পরিঘ ইব যোনিমুখমাবৃত্য তিষ্ঠতি স পরিঘঃ; ইতি চতুর্বিধো ভবতীত্যেকে ভাষন্তে | তত্তু ন সম্যক্; কস্মাত্? স যদা বিগুণানিলপ্রপীডিতোঽপত্যপথমনেকধা প্রপদ্যতে তদা সঙ্খ্যা হীযতে ||৪||
ततः कीलः प्रतिखुरो बीजकः परिघ इति | तत्र, ऊर्ध्वबाहुशिरःपादो यो योनिमुखं निरुणद्धि कील इव स कीलः; निःसृतहस्तपादशिराः कायसङ्गी प्रतिखुरः; यो निर्गच्छत्येकशिरोभुजः स बीजकः; यस्तु परिघ इव योनिमुखमावृत्य तिष्ठति स परिघः; इति चतुर्विधो भवतीत्येके भाषन्ते | तत्तु न सम्यक्; कस्मात्? स यदा विगुणानिलप्रपीडितोऽपत्यपथमनेकधा प्रपद्यते तदा सङ्ख्या हीयते ||४||
🔊 Audio coming soon
তস্য চাতুর্বিধ্যমাহ- তত ইত্যাদি| ততঃ অসম্যগাগমনাত্| তান্ প্রকারান্ প্রকটযন্নাহ- তত্রোর্ধ্ববাহুশির ইত্যাদি| কাযসঙ্গী নিরুদ্ধকাযঃ| একশিরোভুজ ইতি একো ভুজঃ শিরসা সহ যস্য নির্গচ্ছতীত্যর্থঃ| পরিঘ ইবেতি পরিঘোঽর্গলাদণ্ডঃ||৪||
Adhikarana 4 (5) · Śloka 5
তত্র, কশ্চিদ্দ্বাভ্যাং সক্থিভ্যাং যোনিমুখং প্রতিপদ্যতে; কশ্চিদাভুগ্নৈকসক্থিরেকেন; কশ্চিদাভুগ্নসক্থিশরীরঃ স্ফিগ্দেশেন তির্যগাগতঃ; কশ্চিদুরঃপার্শ্বপৃষ্ঠানামন্যতমেন যোনিদ্বারং পিধাযাবতিষ্ঠতে; অন্তঃপার্শ্বাপবৃত্তশিরাঃ কশ্চিদেকেন বাহুনা; কশ্চিদাভুগ্নশিরা বাহুদ্বযেন; কশ্চিদাভুগ্নমধ্যো হস্তপাদশিরোভিঃ; কশ্চিদেকেন সক্থ্না যোনিমুখং প্রতিপদ্যতেঽপরেণ পাযুম্; ইত্যষ্টবিধা মূঢগর্ভগতিরুদ্দিষ্টা সমাসেন ||৫||
तत्र, कश्चिद्द्वाभ्यां सक्थिभ्यां योनिमुखं प्रतिपद्यते; कश्चिदाभुग्नैकसक्थिरेकेन; कश्चिदाभुग्नसक्थिशरीरः स्फिग्देशेन तिर्यगागतः; कश्चिदुरःपार्श्वपृष्ठानामन्यतमेन योनिद्वारं पिधायावतिष्ठते; अन्तःपार्श्वापवृत्तशिराः कश्चिदेकेन बाहुना; कश्चिदाभुग्नशिरा बाहुद्वयेन; कश्चिदाभुग्नमध्यो हस्तपादशिरोभिः; कश्चिदेकेन सक्थ्ना योनिमुखं प्रतिपद्यतेऽपरेण पायुम्; इत्यष्टविधा मूढगर्भगतिरुद्दिष्टा समासेन ||५||
🔊 Audio coming soon
তানেবানেকপ্রকারান্ দর্শযন্নাহ- তত্রেত্যাদি| আভুগ্নং সঙ্কুচিতম্| একেন সক্থ্না ‘যোনিমুখং প্রতিপদ্যতে’ ইতি সম্বন্ধনীযম্| আভুগ্নং সক্থিশরীরং যস্যেত্যর্থঃ| ‘যোনিমুখং প্রতিপদ্যতে’ ইত্যত্রাপি সম্বন্ধনীযম্| পিধায আচ্ছাদ্য| অন্তঃপার্শ্বাপবৃত্তশিরাঃ পার্শ্বমধ্যনিক্ষিপ্তশিরাঃ| একেন বাহুনা ‘যোনিমুখং প্রতিপদ্যতে’ ইতি সম্বন্ধনীযম্| কশ্চিদিত্যাদি অত্রাপি ‘যোনিমুখং প্রতিপদ্যতে’ ইতি সম্বন্ধনীযম্| কশ্চিদাভুগ্নমধ্য ইত্যাদি ‘যোনিমুখং প্রতিপদ্যতে’ ইত্যত্রাপি সম্বন্ধনীযম্| সমাসেনাষ্টবিধা বিস্তরেণ তু তির্যগ্গ্রীবোরুজঙ্ঘাপ্রকারেণানন্তাঃ||৫||
Adhikarana 5 (6) · Śloka 6
তত্র দ্বাবন্ত্যাবসাধ্যৌ মূঢগর্ভৌ, শেষানপি বিপরীতেন্দ্রিযার্থাক্ষেপকযোনিভ্রংশসংবরণমক্কল্লশ্বাসকাসভ্রমনিপীডিতান্ পরিহরেত্ ||৬||
तत्र द्वावन्त्यावसाध्यौ मूढगर्भौ, शेषानपि विपरीतेन्द्रियार्थाक्षेपकयोनिभ्रंशसंवरणमक्कल्लश्वासकासभ्रमनिपीडितान् परिहरेत् ||६||
🔊 Audio coming soon
তেষ্বসাধ্যান্নির্দিশন্নাহ- তত্রেত্যাদি| দ্বাবন্ত্যৌ সপ্তমাষ্টমাবসাধ্যৌ স্বভাবেনৈব| অন্যেষ্বপ্যবস্থযাঽসাধ্যত্বং দর্শযন্নাহ- শেষানপীত্যাদি| বিপরীতেন্দ্রিযার্থাদিভিঃ পীডিতা জননী যৈর্মূঢগর্ভৈস্তে তথাবিধাস্তান্| বিপরীতেন্দ্রিযার্থা রূপাদ্যর্থগ্রহণভ্রান্তাঃ| যোনিভ্রংশো যোনিবহির্গমনম্| যোনিসংবরণং যোনিসঙ্কোচঃ| প্রসূতাযা বাযুরসৃগারোধ্য বস্তিশিরঃপ্রভৃতিষু শূলং করোতি স মক্কল্লঃ| ভ্রমশ্চক্রাধিরূঢস্যেব ভ্রমণম্||৬||
Adhikarana 6 (7-8) · Śloka 8
ভবন্তি চাত্র- কালস্য পরিণামেন মুক্তং বৃন্তাদ্যথা ফলম্ | প্রপদ্যতে স্বভাবেন নান্যথা পতিতুং ধ্রুবম্ ||৭|| এবং কালপ্রকর্ষেণ মুক্তো নাডীনিবন্ধনাত্ | গর্ভাশযস্থো যো গর্ভো জননায প্রপদ্যতে ||৮||
भवन्ति चात्र- कालस्य परिणामेन मुक्तं वृन्ताद्यथा फलम् | प्रपद्यते स्वभावेन नान्यथा पतितुं ध्रुवम् ||७|| एवं कालप्रकर्षेण मुक्तो नाडीनिबन्धनात् | गर्भाशयस्थो यो गर्भो जननाय प्रपद्यते ||८||
🔊 Audio coming soon
স্বভাবপ্রজননকালে যথা মূঢগর্ভো ন ভবতি তথা শ্লোকদ্বযেন দর্শযন্নাহ- কালস্যেত্যাদি| যথা কালস্য পরিণামেন কালকৃতপরিপাকেন বৃন্তান্মুক্তং ফলং স্বভাবেন পতিতুং প্রপদ্যতে পতনং প্রাপ্নোতি, অন্যথা কালপরিপাকাভাবেন পতিতুং ন প্রপদ্যতে পতনং ন প্রাপ্নোতি, এবং কালপ্রকর্ষেণ নাডীনিবন্ধনান্মুক্তো যো গর্ভাশযস্থো গর্ভঃ স জননায প্রপদ্যতে জন্ম প্রাপ্নোতীত্যর্থঃ||৭-৮||
Adhikarana 7 (9) · Śloka 9
কৃমিবাতাভিঘাতৈস্তু তদেবোপদ্রুতং ফলম্ | পতত্যকালেঽপি যথা তথা স্যাদ্গর্ভবিচ্যুতিঃ ||৯||
कृमिवाताभिघातैस्तु तदेवोपद्रुतं फलम् | पतत्यकालेऽपि यथा तथा स्याद्गर्भविच्युतिः ||९||
🔊 Audio coming soon
মূঢগর্ভো যথা ভবতি তথা দর্শযন্নাহ- কৃমিবাতাভিঘাতৈরিত্যাদি| গর্ভবিচ্যুতির্দ্বিবিধা - দ্রবস্য স্রাবরূপেণ, ঘনাবযবস্য পাতরূপেণ| তত্র দ্রবস্য স্রবণে মূঢগর্ভনাম নাস্তি, বিগুণানিলসম্মোহানির্গমলক্ষণস্যাভাবাত্||৯||
Adhikarana 8 (10) · Śloka 10
আচতুর্থাত্ততো মাসাত্ প্রস্রবেদ্গর্ভবিচ্যুতিঃ | ততঃ স্থিরশরীরস্য পাতঃ পঞ্চমষষ্ঠযোঃ ||১০||
आचतुर्थात्ततो मासात् प्रस्रवेद्गर्भविच्युतिः | ततः स्थिरशरीरस्य पातः पञ्चमषष्ठयोः ||१०||
🔊 Audio coming soon
পরতস্ত্বস্তীতি দর্শযন্নাহ- আচতুর্থাদিত্যাদি| গর্ভবিচ্যুতিঃ গর্ভবিমুক্তিঃ; প্রস্রবেত্ স্রাবরূপা ভবেত্| এতেন মাসচতুষ্টযং যাবন্মূঢগর্ভতা নাস্তীত্যুক্তম্| তত ইত্যাদি| ততশ্চতুর্থমাসাদূর্ধ্বং স্থিরশরীরস্য বিচ্যুতিঃ পাতঃ পাতরূপ ভবেত্| এতেন বিচ্যুতিরিযং ন স্রাবরূপা; তস্মাচ্চতুর্থমাসানন্তরং ঘনাবযবত্বান্মূঢগর্ভো ভবতীত্যুক্তম্||১০||
Adhikarana 9 (11) · Śloka 11
প্রবিধ্যতি শিরো যা তু শীতাঙ্গী নিরপত্রপা | নীলোদ্ধতসিরা হন্তি সা গর্ভং স চ তাং তথা ||১১||
प्रविध्यति शिरो या तु शीताङ्गी निरपत्रपा | नीलोद्धतसिरा हन्ति सा गर्भं स च तां तथा ||११||
🔊 Audio coming soon
অসাধ্যমূঢগর্ভগর্ভিণ্যোর্লক্ষণং দর্শযন্নাহ- প্রবিধ্যতীত্যাদি| প্রবিধ্যতি তাডযতি, অতিশযেন ধুনোতীত্যর্থঃ| অন্যে ‘অপবিদ্ধশিরা’ ইতি পঠন্তি; তত্রাবনতশীর্ষেত্যর্থঃ| যা স্ত্রী নিরপত্রপা লজ্জারহিতা| নীলোদ্ধতসিরা কৃষ্ণোদ্ধতসিরা| সা গর্ভং স চ তাং তথেতি সা স্ত্রী গর্ভং হন্তি, স চ গর্ভবতীং স্ত্রীং হন্তীত্যর্থঃ| তথা তেন প্রকারেণ||১১||
Adhikarana 10 (12-13) · Śloka 13
গর্ভাস্পন্দনমাবীনাং প্রণাশঃ শ্যাবপাণ্ডুতা | ভবত্যুচ্ছ্বাসপূতিত্বং শূলং চান্তর্মৃতে শিশৌ ||১২|| মানসাগন্তুভির্মাতুরুপতাপৈঃ প্রপীডিতঃ | গর্ভো ব্যাপদ্যতে কুক্ষৌ ব্যাধিভিশ্চ প্রপীডিতঃ ||১৩||
गर्भास्पन्दनमावीनां प्रणाशः श्यावपाण्डुता | भवत्युच्छ्वासपूतित्वं शूलं चान्तर्मृते शिशौ ||१२|| मानसागन्तुभिर्मातुरुपतापैः प्रपीडितः | गर्भो व्यापद्यते कुक्षौ व्याधिभिश्च प्रपीडितः ||१३||
🔊 Audio coming soon
গর্ভিণীরক্ষার্থমন্তর্মৃতস্য গর্ভস্যাপকর্ষণায তল্লক্ষণং দর্শযন্নাহ- গর্ভাস্পন্দনমিত্যাদি| আবী প্রসববেদনা; অথবা আবীশব্দেন যোনের্মূত্রকফপ্রসেকাদীন্যাবীলিঙ্গান্যুচ্যন্তে||১২-১৩||
Adhikarana 11 (14) · Śloka 14
বস্তমারবিপন্নাযাঃ কুক্ষিঃ প্রস্পন্দতে যদি | তত্ক্ষণাজ্জন্মকালে তং পাটযিত্বোদ্ধরেদ্ভিষক্ ||১৪||
बस्तमारविपन्नायाः कुक्षिः प्रस्पन्दते यदि | तत्क्षणाज्जन्मकाले तं पाटयित्वोद्धरेद्भिषक् ||१४||
🔊 Audio coming soon
মাতুর্মৃতাযা অপি জীবতো গর্ভস্যাপকর্ষণং দর্শযন্নাহ- বস্তমারেত্যাদি| বস্তমারশ্ছগলবন্মরণম্, এতেন গ্রীবামোটনেনাশুতমমক্লিষ্টং মরণমুক্তং; তেন বিপন্নাযা মৃতাযাঃ স্ত্রিয ইত্যর্থঃ| অযমভিপ্রাযঃ- যথা বস্তং নিরুচ্ছ্বাসং কৃত্বা যাজ্ঞিকা মারযন্তি, এবং যা মৃতা তস্যা ইত্যর্থঃ| তত্ক্ষণাত্ ঘটিকাদ্বযমধ্যে, পরতস্তু গর্ভোঽপি ম্রিযত ইতি ভাবঃ| অন্যে ‘তত্ক্ষণাত্’ ইত্যত্র ‘মুহূর্তাত্’ ইতি পঠন্তি, তত্রাপি স এবার্থঃ| জন্মকালে নবমমাসাদিকাল ইত্যর্থঃ| তং গর্ভং, পাটযিত্বা স্ত্রীকুক্ষিং বিদার্য| অত্র কেচিত্- “যদা সোঽন্তর্মৃতো গর্ভঃ শূনো বস্তিরিবাততঃ| তেনাবৃতাযা নার্যাস্তু কুক্ষিরানহ্যতে ভৃশম্|| উত্ক্ষিপ্যন্ত ইবাঙ্গানি মূত্রবস্তিশ্চ ভিদ্যতে| ক্লোম প্লীহা যকৃচ্চৈব ফুফ্ফুসং হৃদযং তথা|| গর্ভেণ পীডিতং হ্যেতদূর্ধ্বং প্রক্রামতি স্ত্রিযাঃ| সা শূযতে মুহ্যতি চ কৃচ্ছ্রোচ্ছ্বাসা চ জাযতে|| পূতিগন্ধস্তথা স্বেদো জিহ্বা তালু চ শুষ্যতি| বেপতে ভ্রাম্যতি তথা জীবিতং চোপরুধ্যতে|| এতৈর্লিঙ্গৈর্বিজানীযান্মৃতং গর্ভং চিকিত্সকঃ”- ইতি পঠন্তি; তন্ন পঠনীযং পুনরুক্তত্বাত্, জেজ্জটাদিভিঃ পরিহৃতত্বাচ্চ| শ্রীব্রহ্মদেবেন তু কিঞ্চিদ্ব্যাখ্যাতং, তেন ত্বার্ষানার্ষচিন্তা ন কৃতা||১৪||
Adhikarana puShpikA · Śloka 8
ইতি সুশ্রুতসংহিতাযাং নিদানস্থানে মূঢগর্ভনিদানং নামাষ্টমোঽধ্যাযঃ ||৮||
इति सुश्रुतसंहितायां निदानस्थाने मूढगर्भनिदानं नामाष्टमोऽध्यायः ||८||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং নিদানস্থানেঽষ্টমোঽধ্যাযঃ||৮||