Adhikarana 1 (1-2) · Śloka 2
অথাতো গর্ভব্যাকরণং শারীরং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो गर्भव्याकरणं शारीरं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
গর্ভাবক্রান্তিশারীরানন্তরমবক্রান্তস্য গর্ভস্য ব্যাকরণার্হত্বাদ্গর্ভব্যাকরণং বক্তুং যুজ্যত ইত্যাহ- অথেত্যাদি| গর্ভব্যাকরণং গর্ভবিবরণমিত্যর্থঃ||১-২||
Adhikarana 2 (3) · Śloka 3
অগ্নিঃ সোমো বাযুঃ সত্ত্বং রজস্তমঃ পঞ্চেন্দ্রিযাণি ভূতাত্মেতি প্রাণাঃ ||৩||
अग्निः सोमो वायुः सत्त्वं रजस्तमः पञ्चेन्द्रियाणि भूतात्मेति प्राणाः ||३||
🔊 Audio coming soon
তত্র প্রাণাস্ত্বক্কলাদযশ্চ বিবরণীযাঃ; তেষু প্রাণানামতীব দেহস্থিতিহেতুত্বাত্ প্রাগুপাদানমাহ- অগ্নিরিত্যাদি| অগ্নিরত্র পাচকভ্রাজকালোচকরঞ্জকসাধকানাং পাঞ্চভৌতিকানাং সর্বধাত্বনুগানাং চোষ্মণাং শক্তিরূপতযাঽবস্থিতো বাচোঽধিদৈবত্বমাপন্নো বোদ্ধব্যঃ| শ্লেষ্মরসশুক্রাদীনাং তোযাত্মকানাং ভাবানাং রসনেন্দ্রিযস্য চ শক্তিরূপতযাঽবস্থিতো মনসোঽধিদৈবত্বমাপন্নঃ সোম ইতি| বাযুঃ পঞ্চাত্মকঃ প্রাণাদিভেদেন| সত্ত্বরজস্তমাংসি তু প্রকৃতেরষ্টরূপাযা গুণাঃ| ইন্দ্রিযাণি শ্রবণদর্শনস্পর্শনরসনঘ্রাণানীতি পঞ্চ| ভূতাত্মা শুভাশুভকর্মভিঃ পরিগৃহীতঃ কর্মপুরুষঃ| এতে চাগ্নীষোমাদযঃ প্রাণযন্তি জীবযন্তীতি প্রাণাঃ| তত্রাগ্নিস্তাবদাহারপাকাদিকর্মণা প্রাণযতি, সোমশ্চ সৌম্যধাতোরোজঃপ্রভৃতেঃ পোষণেন, বাযুশ্চ দোষধাতুমলাদীনাং সঞ্চারণেনোচ্ছ্বাসনিঃশ্বাসাভ্যাং চ, সত্ত্বং রজস্তমশ্চ মনোরূপতযা পরিণতং ভূতাত্মনঃ শরীরান্তরগ্রহণমোক্ষণে হেতুরিতি তদপি প্রাণযতি, পঞ্চেন্দ্রিযাণি চক্ষুরাদীনি রূপাদিগ্রহণকর্মণা প্রাণযন্তি, এবং ভূতাত্মা কর্মপুরুষোঽপ্যশেষস্যৈব কর্মরাশেশ্চেতনাহেতুরিতি প্রাণযতি||৩||
Adhikarana 3 (4) · Śloka 4
তস্য খল্বেবম্প্রবৃত্তস্য শুক্রশোণিতস্যাভিপচ্যমানস্য ক্ষীরস্যেব সন্তানিকাঃ সপ্ত ত্বচো ভবন্তি | তাসাং প্রথমাঽবভাসিনী নাম, যা সর্বান্ বর্ণানবভাসযতি পঞ্চবিধাং চ ছাযাং প্রকাশযতি, সা ব্রীহেরষ্টাদশভাগপ্রমাণা, সিধ্মপদ্মকণ্টকাধিষ্ঠানা; দ্বিতীযা লোহিতা নাম, ষোডশভাগপ্রমাণা, তিলকালকন্যচ্ছব্যঙ্গাধিষ্ঠানা; তৃতীযা শ্বেতা নাম, দ্বাদশভাগপ্রমাণা, চর্মদলাজগল্লীমষকাধিষ্ঠানা; চতুর্থী তাম্রা নামাষ্টভাগপ্রমাণা, বিবিধকিলাসকুষ্ঠাধিষ্ঠানা; পঞ্চমী বেদিনী নাম পঞ্চভাগপ্রমাণা, কুষ্ঠবিসর্পাধিষ্ঠানা; ষষ্ঠী রোহিণী নাম ব্রীহিপ্রমাণা, গ্রন্থ্যপচ্যর্বুদশ্লীপদগলগণ্ডাধিষ্ঠানা; সপ্তমী মাংসধরা নাম ব্রীহিদ্বযপ্রমাণা, ভগন্দরবিদ্রধ্যর্শোঽধিষ্ঠানা | যদেতত্ প্রমাণং নির্দিষ্টং তন্মাংসলেষ্ববকাশেষু, ন ললাটে সূক্ষ্মাঙ্গুল্যাদিষু চ; যতো বক্ষ্যত্যুদরেষু- ‘ব্রীহিমুখেনাঙ্গুষ্ঠোদরপ্রমাণমবগাঢং বিধ্যেত্’ (চি.১৪) ইতি ||৪||
तस्य खल्वेवम्प्रवृत्तस्य शुक्रशोणितस्याभिपच्यमानस्य क्षीरस्येव सन्तानिकाः सप्त त्वचो भवन्ति | तासां प्रथमाऽवभासिनी नाम, या सर्वान् वर्णानवभासयति पञ्चविधां च छायां प्रकाशयति, सा व्रीहेरष्टादशभागप्रमाणा, सिध्मपद्मकण्टकाधिष्ठाना; द्वितीया लोहिता नाम, षोडशभागप्रमाणा, तिलकालकन्यच्छव्यङ्गाधिष्ठाना; तृतीया श्वेता नाम, द्वादशभागप्रमाणा, चर्मदलाजगल्लीमषकाधिष्ठाना; चतुर्थी ताम्रा नामाष्टभागप्रमाणा, विविधकिलासकुष्ठाधिष्ठाना; पञ्चमी वेदिनी नाम पञ्चभागप्रमाणा, कुष्ठविसर्पाधिष्ठाना; षष्ठी रोहिणी नाम व्रीहिप्रमाणा, ग्रन्थ्यपच्यर्बुदश्लीपदगलगण्डाधिष्ठाना; सप्तमी मांसधरा नाम व्रीहिद्वयप्रमाणा, भगन्दरविद्रध्यर्शोऽधिष्ठाना | यदेतत् प्रमाणं निर्दिष्टं तन्मांसलेष्ववकाशेषु, न ललाटे सूक्ष्माङ्गुल्यादिषु च; यतो वक्ष्यत्युदरेषु- ‘व्रीहिमुखेनाङ्गुष्ठोदरप्रमाणमवगाढं विध्येत्’ (चि.१४) इति ||४||
🔊 Audio coming soon
প্রাণসদ্ভাব এব শুক্রশোণিতস্য পরিণামেন ত্বগাদিসম্ভব ইত্যনন্তরং ত্বগাদিব্যাকরণং কুর্বন্নাহ- তস্যেত্যাদি| তস্য শুক্রশোণিতস্য| এবম্প্রবৃত্তস্য ভূতাত্মাধিষ্ঠিতস্য| তাসামিত্যাদি| সর্ববর্ণান্ গৌরাদিকান্| অবভাসযতীতি ‘ভ্রাজকেনাগ্নিনা’ ইতি শেষঃ| পঞ্চবিধাং পঞ্চাত্মিকাং, পঞ্চমহাভূতকৃতত্বাত্| চশব্দাত্ প্রভাঽপি গ্রাহ্যা| “আসন্না লক্ষ্যতে চ্ছাযা প্রভা দূরাত্ প্রকাশতে” (চ.ই.৭) ইতি তযোর্ভেদঃ| তস্যাস্ত্বচঃ প্রমাণং নির্দিশন্নাহ- সেত্যাদি| ব্রীহিরত্র যবঃ, প্রত্যেকং ব্রীহিবিস্তারস্য বিংশতির্ভাগাঃ পরিকল্পনীযাঃ, তে চাষ্টাদশ ভাগা অবভাসিন্যাঃ প্রমাণম্, এবং বক্ষ্যমাণেষ্বপি বিংশতিভাগেষু ষোডশপ্রভৃতযো ভাগা বোদ্ধব্যাঃ| অঙ্গুষ্ঠোদরপ্রমাণমিতি এতেনৈতদুক্তং ভবতি- সপ্তানাং ত্বচাং সমুদাযেনাঙ্গুষ্ঠোদরপ্রমাণমস্তি; অঙ্গুষ্ঠোদরং তু বিংশতিতমভাগোনষড্যবপ্রমাণম্||৪||
Adhikarana 4 (5) · Śloka 5
কলাঃ খল্বপি সপ্ত ভবন্তি ধাত্বাশযান্তরমর্যাদাঃ ||৫||
कलाः खल्वपि सप्त भवन्ति धात्वाशयान्तरमर्यादाः ||५||
🔊 Audio coming soon
কলা ইত্যাদি| দধতীতি ধাতবো রসরক্তমাংসাদযঃ, কফপিত্তপুরীষাণ্যপি প্রাকৃতানি স্বকর্মণা দধতীতি ধাতবঃ, তেষামাশযা অবস্থানপ্রদেশা ধাত্বাশযাঃ, তেষামন্তরেষু মর্যাদাঃ সীমাভূতা ইত্যর্থঃ||৫||
Adhikarana 5 (6-7) · Śloka 7
ভবতশ্চাত্র- যথা হি সারঃ কাষ্ঠেষু ছিদ্যমানেষু দৃশ্যতে | তথাহি ধাতুর্মাংসেষু ছিদ্যমানেষু দৃশ্যতে ||৬|| স্নাযুভিশ্চ প্রতিচ্ছন্নান্ সন্ততাংশ্চ জরাযুণা | শ্লেষ্মণা বেষ্টিতাংশ্চাপি কলাভাগাংস্তু তান্ বিদুঃ ||৭||
भवतश्चात्र- यथा हि सारः काष्ठेषु छिद्यमानेषु दृश्यते | तथाहि धातुर्मांसेषु छिद्यमानेषु दृश्यते ||६|| स्नायुभिश्च प्रतिच्छन्नान् सन्ततांश्च जरायुणा | श्लेष्मणा वेष्टितांश्चापि कलाभागांस्तु तान् विदुः ||७||
🔊 Audio coming soon
তাসামন্তঃস্থিতত্বেনাপ্রত্যক্ষাণামস্তিত্বং প্রত্যুপমানং প্রমাণং নির্দিশন্নাহ- ভবত ইত্যাদি| এতেন কলাসাধিষ্ঠানপৃথগ্ধাতূপলম্ভকার্যেণাব্যক্তমেব কলানামস্তিত্বং সাধিতং ভবেত্| তাসামুপষ্টম্ভকং নির্দিশন্নাহ- স্নাযুভিরিত্যাদি| কলাভাগান্ কলাবিভাগবিশেষান্| সন্ততান্ সম্যক্প্রকারেণ ব্যাপ্তান্| জরাযুরুল্বাকারো যেন বেষ্টিতাঃ প্রাণিনো জাযন্তে; কলাবেষ্টকোঽপি তদ্বদেব| বৃদ্ধবাগ্ভটেন কলাস্বরূপমভিহিতম্| যথা- “যস্তু ধাত্বাশযান্তরেষু ক্লেদোঽবতিষ্ঠতে স যথাস্বমূষ্মভির্বিপক্বঃ স্নাযুশ্লেষ্মজরাযুচ্ছন্নঃ কাষ্ঠ ইব সারো ধাতুরসশেষোঽল্পত্বাত্ কলাসঞ্জ্ঞঃ” (অ.সং.শা.৫) ইতি||৬-৭||
Adhikarana 6 (8) · Śloka 8
তাসাং প্রথমা মাংসধরা, যস্যাং মাংসে সিরাস্নাযুধমনীস্রোতসাং প্রতানা ভবন্তি ||৮||
तासां प्रथमा मांसधरा, यस्यां मांसे सिरास्नायुधमनीस्रोतसां प्रताना भवन्ति ||८||
🔊 Audio coming soon
তাসামিত্যাদি| যস্যাং কলাযামধিষ্ঠিতে মাংসে সিরাদীনাং প্রতানা বিস্তারা ভবন্তি||৮||
Adhikarana 7 (9) · Śloka 9
যথা বিসমৃণালানি বিবর্ধন্তে সমন্ততঃ | ভূমৌ পঙ্কোদকস্থানি তথা মাংসে সিরাদযঃ ||৯||
यथा बिसमृणालानि विवर्धन्ते समन्ततः | भूमौ पङ्कोदकस्थानि तथा मांसे सिरादयः ||९||
🔊 Audio coming soon
অমুমেবার্থং দৃষ্টান্তেন দ্রঢযন্নাহ- যথা বিসমৃণালানীত্যাদি| তথা মাংসে ইত্যাদি| তথা প্রথমকলাযাং মাংসস্থাঃ সিরাদযো ভবন্তি| ননু, রসানন্তরং রক্তং, ততো মাংসং, তত্ কথং প্রাগেব মাংসধরা পঠিতা, ততো রক্তধরেতি? উচ্যতে, পোষণে ক্রমোঽযং নতু ধারণে; অত এব যস্যামিত্যাধারত্বেন কলা নির্দিষ্টা||৯||
Adhikarana 8 (10) · Śloka 10
দ্বিতীযা রক্তধরা মাংসস্যাভ্যন্তরতঃ, তস্যাং শোণিতং বিশেষতশ্চ সিরাসু যকৃত্প্লীহ্নোশ্চ ভবতি ||১০||
द्वितीया रक्तधरा मांसस्याभ्यन्तरतः, तस्यां शोणितं विशेषतश्च सिरासु यकृत्प्लीह्नोश्च भवति ||१०||
🔊 Audio coming soon
দ্বিতীযেত্যাদি||১০||
Adhikarana 9 (11) · Śloka 11
বৃক্ষাদ্যথাভিপ্রহতাত্ ক্ষীরিণঃ ক্ষীরিমাবহেত্ | মাংসাদেবং ক্ষতাত্ ক্ষিপ্রং শোণিতং সম্প্রসিচ্যতে ||১১||
वृक्षाद्यथाभिप्रहतात् क्षीरिणः क्षीरिमावहेत् | मांसादेवं क्षतात् क्षिप्रं शोणितं सम्प्रसिच्यते ||११||
🔊 Audio coming soon
অত্র দৃষ্টান্তেন দার্ষ্টান্তিকং দ্রঢযন্নাহ- বৃক্ষাদিত্যাদি| সম্প্রসিচ্যতে প্রস্রবতীত্যর্থঃ||১১||
Adhikarana 10 (12) · Śloka 12
তৃতীযা মেদোধরা; মেদো হি সর্বভূতানামুদরস্থমণ্বস্থিষু চ, মহত্সু চ মজ্জা ভবতি ||১২||
तृतीया मेदोधरा; मेदो हि सर्वभूतानामुदरस्थमण्वस्थिषु च, महत्सु च मज्जा भवति ||१२||
🔊 Audio coming soon
তৃতীযেত্যাদি| অণ্বস্থিষু অল্পাস্থিষু| ননু, মজ্জা অস্থ্নামন্তর্ভবতি কথং মেদস্তদন্তরিত্যাহ- মহত্স্বিত্যাদি| অণ্বস্থিষু মেদঃ, মহত্সু মজ্জেতি||১২||
Adhikarana 11 (13) · Śloka 13
স্থূলাস্থিষু বিশেষেণ মজ্জা ত্বভ্যন্তরাশ্রিতঃ | অথেতরেষু সর্বেষু সরক্তং মেদ উচ্যতে | শুদ্ধমাংসস্য যঃ স্নেহঃ সা বসা পরিকীর্তিতা ||১৩||
स्थूलास्थिषु विशेषेण मज्जा त्वभ्यन्तराश्रितः | अथेतरेषु सर्वेषु सरक्तं मेद उच्यते | शुद्धमांसस्य यः स्नेहः सा वसा परिकीर्तिता ||१३||
🔊 Audio coming soon
গদ্যোক্তমর্থং শ্লোকেন স্পষ্টীকুর্বন্নাহ- স্থূলেত্যাদি| ইতরেষ্বল্পাস্থিষু সর্বেষু| ননু, মেদোমজ্জানুকারী উপধাতুর্বসাখ্যঃ ক ইত্যাহ- শুদ্ধেত্যাদি||১৩||
Adhikarana 12 (14-15) · Śloka 15
চতুর্থী শ্লেষ্মধরা সর্বসন্ধিষু প্রাণভৃতাং ভবতি ||১৪|| স্নেহাভ্যক্তে যথা হ্যক্ষে চক্রং সাধু প্রবর্ততে | সন্ধযঃ সাধু বর্তন্তে সংশ্লিষ্টাঃ শ্লেষ্মণা তথা ||১৫||
चतुर्थी श्लेष्मधरा सर्वसन्धिषु प्राणभृतां भवति ||१४|| स्नेहाभ्यक्ते यथा ह्यक्षे चक्रं साधु प्रवर्तते | सन्धयः साधु वर्तन्ते संश्लिष्टाः श्लेष्मणा तथा ||१५||
🔊 Audio coming soon
তযা ধৃতস্য শ্লেষ্মণো গুণকর্মাণি দর্শযন্নাহ- স্নেহেত্যাদি| অক্ষ ইতি চক্রচ্ছিদ্রান্তর্গতকাষ্ঠমিত্যর্থঃ||১৪-১৫||
Adhikarana 13 (16-17) · Śloka 17
পঞ্চমী পুরীষধরা নাম; যাঽন্তঃকোষ্ঠে মলমভিবিভজতে পক্বাশযস্থা ||১৬|| যকৃত্সমন্তাত্ কোষ্ঠং চ তথাঽন্ত্রাণি সমাশ্রিতা | উণ্ডু(ন্দু)কস্থং বিভজতে মলং মলধরা কলা ||১৭||
पञ्चमी पुरीषधरा नाम; याऽन्तःकोष्ठे मलमभिविभजते पक्वाशयस्था ||१६|| यकृत्समन्तात् कोष्ठं च तथाऽन्त्राणि समाश्रिता | उण्डु(न्दु)कस्थं विभजते मलं मलधरा कला ||१७||
🔊 Audio coming soon
পঞ্চমীত্যাদি| অন্তঃকোষ্ঠ ইতি কোষ্ঠস্যান্তর্মধ্যমন্তঃকোষ্ঠং, পুনস্তস্মিন্মলং মূত্রপুরীষরূপতযা বিভজতি| গযী তু ‘অন্তঃকোষ্ঠে কোষ্ঠমধ্যে, তত্রাপি রসবিভাগে কিট্টস্য পুরীষত্বাত্ তত্ পুরীষং কোষ্ঠে বিভজতি কোষ্ঠাত্ পৃথক্করোতি; স চাত্র পুরীষবিভাগোঽগ্নিমারুতকৃতোঽপি; তত্রাগ্নিকৃতো যথা- ‘বিবেচযতি চ রসমূত্রপুরীষাণি’ (সূ.২১), মারুতকৃতো যথা- ‘সোঽন্নং পচতি তজ্জাংশ্চ বিশেষান্বিবিনক্তি হি’ (নি.১) ইতি ব্যাখ্যাতি| পক্বাশযস্থেতি পুরীষস্য পক্বাশযস্থিতত্বাত্| কোষ্ঠঃ পুনরামপক্বাশযাশ্রযঃ; তথা চ কোষ্ঠলক্ষণং- “স্থানান্যামাগ্নিপক্বানাং মূত্রস্য রুধিরস্য চ| হৃদুণ্ডুকং(কঃ) ফুপ্ফুসশ্চ কোষ্ঠ ইত্যভিধীযতে” (চি.২) ইতি| তেন কোষ্ঠস্থিতাঽপি পুরীষস্য পক্বাশযস্থিতত্বাদ্বাহুল্যেন পক্বাশযস্থা কথ্যন্তে| এতদেব সমস্তকোষ্ঠস্থিতত্বং শ্লোকেন স্পষ্টীকুর্বন্নাহ- যকৃদিত্যাদি| সমন্তাত্ সর্বতো যকৃতাদিকং সমাশ্রিতা, উণ্ডু(ন্দু)কস্থং মলং বিভজতে| তত্র যকৃদ্গ্রহণং রক্তাধারসাম্যেন প্লীহ্ন উপলক্ষণং যকৃত্সমীপানাং হৃদযাদীনাং চ, উণ্ডুকগ্রহণেন সান্নিধ্যাদ্গুদো গৃহ্যতে, তেনোর্ধ্বং যকৃদাদি ব্যবস্থিতং , অধস্তাদ্গুদপর্যন্তং কোষ্ঠং সমন্তাত্ সমাশ্রিতা| বৃদ্ধবাগ্ভটেনাপ্যুক্তং- “পঞ্চমী পুরীষধরা, সা হ্যন্ত্রামপক্বাশযাশ্রযা, তত্রোণ্ডুকস্থং মলং বিভজতি” (অ.সং.শা.৫) ইতি| উণ্ডুকঃ ‘পোট্টলক’ ইতি লোকে| চরকে চ পুরীষাধারশব্দেনোণ্ডুকঃ প্রতিপাদিতঃ, অত এব পুরীষধরেতি নামাস্যাঃ| মলং বিভজতে মূত্রপুরীষরূপতযা বিভাগং করোতি| গযী তু, বিভজতে তস্মাত্ কোষ্ঠাত্ পৃথক্করোতীতি ব্যাখ্যাতি||১৬-১৭||
Adhikarana 14 (18) · Śloka 18
ষষ্ঠী পিত্তধরা ; যা চতুর্বিধমন্নপানমামাশযাত্ প্রচ্যুতং পক্বাশযোপস্থিতং ধারযতি ||১৮||
षष्ठी पित्तधरा ; या चतुर्विधमन्नपानमामाशयात् प्रच्युतं पक्वाशयोपस्थितं धारयति ||१८||
🔊 Audio coming soon
ষষ্ঠীত্যাদি| পিত্তমত্রান্তরগ্নিসঞ্জ্ঞকম্| আমাশযাত্ প্রচ্যুতং কফাশযাদ্ভ্রষ্টং, পক্বাশযোপস্থিতং পক্বাশযগমনাযোপস্থিতং পিত্তস্থানং সম্প্রাপ্তং, ধারযতি ‘পাকার্থং’ ইতি শেষঃ| তথা চ সঙ্গ্রহঃ- “ষষ্ঠী পিত্তধরা নাম পক্বামাশযমধ্যস্থা, সা হ্যন্তরগ্ন্যধিষ্ঠানতযাঽঽমপক্বাশযযোর্মধ্যে চতুর্বিধমন্নং বলেন বিধার্য পিত্ততেজসা শোষযন্তী পচতি” (অ.সং.শা.৫) ইতি||১৮||
Adhikarana 15 (19) · Śloka 19
অশিতং খাদিতং পীতং লীঢং কোষ্ঠগতং নৃণাম্ | তজ্জীর্যতি যথাকালং শোষিতং পিত্ততেজসা ||১৯||
अशितं खादितं पीतं लीढं कोष्ठगतं नृणाम् | तज्जीर्यति यथाकालं शोषितं पित्ततेजसा ||१९||
🔊 Audio coming soon
এতমেবার্থং শ্লোকেন দর্শযন্নাহ- অশিতমিত্যাদি| অশ ভোজনে, খাদৃ ভক্ষণে, ধেট্ পা পানে, লিহ আস্বাদনে| তদন্নমশিতাদিবিশেষণাক্রান্তমন্নং জীর্যতি| যথাকালং কালানতিক্রমেণ তীক্ষ্ণমধ্যমন্দাগ্নিষু মাত্রাদ্রব্যগুরুলঘূচিতকালানতিক্রমেণ||১৯||
Adhikarana 16 (20-21) · Śloka 21
সপ্তমী শুক্রধরা, যা সর্বপ্রাণিনাং সর্বশরীরব্যাপিনী ||২০|| যথা পযসি সর্পিস্তু গূঢশ্চেক্ষৌ রসো যথা | শরীরেষু তথা শুক্রং নৃণাং বিদ্যাদ্ভিষগ্বরঃ ||২১||
सप्तमी शुक्रधरा, या सर्वप्राणिनां सर्वशरीरव्यापिनी ||२०|| यथा पयसि सर्पिस्तु गूढश्चेक्षौ रसो यथा | शरीरेषु तथा शुक्रं नृणां विद्याद्भिषग्वरः ||२१||
🔊 Audio coming soon
শুক্রস্য সর্বাঙ্গব্যাপ্তিত্বে উপমানং প্রমাণং দর্শযন্নাহ- যথেত্যাদি| পযোদৃষ্টান্তোঽল্পমৈথুনত্বাদ্বহুশুক্রে, ইক্ষুদৃষ্টান্তস্ত্বতিপীডনশুক্রক্ষরণত্বান্মন্দশুক্রে পুংসি||২০-২১||
Adhikarana 17 (22) · Śloka 22
দ্ব্যঙ্গুলে দক্ষিণে পার্শ্বে বস্তিদ্বারস্য চাপ্যধঃ | মূত্রস্রোতঃপথাচ্ছুক্রং পুরুষস্য প্রবর্ততে ||২২||
द्व्यङ्गुले दक्षिणे पार्श्वे बस्तिद्वारस्य चाप्यधः | मूत्रस्रोतःपथाच्छुक्रं पुरुषस्य प्रवर्तते ||२२||
🔊 Audio coming soon
তস্যৈবেদানীং সর্বাঙ্গব্যাপিনোঽপি ক্ষরণমার্গমাহ- দ্ব্যঙ্গুলে ইত্যাদি| বৃদ্ধবাগ্ভটেনোক্তম্- “সপ্তমী শুক্রধরা দ্ব্যঙ্গুলে দক্ষিণে পার্শ্বে বস্তিদ্বারস্য চাধো মূত্রমার্গমাশ্রিতা সকলশরীরব্যাপিনী শুক্রং প্রবর্তযতি” (অ. সং. শা. ৫) ইতি||২২||
Adhikarana 18 (23) · Śloka 23
কৃত্স্নদেহাশ্রিতং শুক্রং প্রসন্নমনসস্তথা | স্ত্রীষু ব্যাযচ্ছতশ্চাপি হর্ষাত্তত্ সম্প্রবর্ততে ||২৩||
कृत्स्नदेहाश्रितं शुक्रं प्रसन्नमनसस्तथा | स्त्रीषु व्यायच्छतश्चापि हर्षात्तत् सम्प्रवर्तते ||२३||
🔊 Audio coming soon
ননু, যথা পযসি সংলীনং সর্পিরেবং শরীরসংলীনং শুক্রং কথং পৃথগ্ভূয মূত্রমার্গেণ ক্ষরতীত্যাহ- কৃত্স্নেত্যাদি| প্রসন্নমনসঃ ক্রোধাদিরহিতচিত্তস্য, তথা স্ত্রীষু ব্যাযচ্ছতো ব্যাযামং কুর্বতো রতং কুর্বত ইত্যর্থঃ||২৩||
Adhikarana 19 (24) · Śloka 24
গৃহীতগর্ভাণামার্তববহানাং স্রোতসাং বর্ত্মান্যবরুধ্যন্তে গর্ভেণ, তস্মাদ্গৃহীতগর্ভাণামার্তবং ন দৃশ্যতে; ততস্তদধঃ প্রতিহতমূর্ধ্বমাগতমপরং চোপচীযমানমপরেত্যভিধীযতে; শেষং চোর্ধ্বতরমাগতং পযোধরাবভিপ্রতিপদ্যতে, তস্মাদ্গর্ভিণ্যঃ পীনোন্নতপযোধরা ভবন্তি ||২৪||
गृहीतगर्भाणामार्तववहानां स्रोतसां वर्त्मान्यवरुध्यन्ते गर्भेण, तस्माद्गृहीतगर्भाणामार्तवं न दृश्यते; ततस्तदधः प्रतिहतमूर्ध्वमागतमपरं चोपचीयमानमपरेत्यभिधीयते; शेषं चोर्ध्वतरमागतं पयोधरावभिप्रतिपद्यते, तस्माद्गर्भिण्यः पीनोन्नतपयोधरा भवन्ति ||२४||
🔊 Audio coming soon
কস্মাদ্গৃহীতগর্ভাণাং গর্ভগ্রহণকালাদূর্ধ্বমাপ্রজননাদার্তবং ন দৃশ্যতে? ইত্যাহ- গৃহীতেত্যাদি| বর্ত্মান্যবরুধ্যন্তে মুখান্যবরুধ্যন্তে| অপরামমলামিত্যাহুঃ স্ত্রিযঃ||২৪||
Adhikarana 20 (25) · Śloka 25
গর্ভস্য যকৃত্প্লীহানৌ শোণিতজৌ, শোণিতফেনপ্রভবঃ ফুপ্ফুসঃ , শোণিতকিট্টপ্রভব উণ্ডুকঃ ||২৫||
गर्भस्य यकृत्प्लीहानौ शोणितजौ, शोणितफेनप्रभवः फुप्फुसः , शोणितकिट्टप्रभव उण्डुकः ||२५||
🔊 Audio coming soon
গর্ভস্যেত্যাদি| যকৃত্ কালখণ্ডং দক্ষিণপার্শ্বস্থং, প্লীহা অনেনৈব নাম্না প্রসিদ্ধো বামপার্শ্বস্থিতঃ, যকৃত্প্লীহানাবিত্যুপলক্ষণং, তেন ক্লোমাপি শোণিতজম্, তথা চ বৃদ্ধবাগ্ভটঃ- “রক্তাদনিলযুক্তাত্ কালীযকম্” (অ.সং.শা.৫) ইতি| শোণিতেত্যাদি| ফুপ্ফুসো হৃদযনাডিকালগ্নঃ স্বনামখ্যাতঃ| শোণিতকিট্টেত্যাদি| উণ্ডুকঃ পোট্টলকঃ||২৫||
Adhikarana 21 (26-30) · Śloka 30
অসৃজঃ শ্লেষ্মণশ্চাপি যঃ প্রসাদঃ পরো মতঃ | তং পচ্যমানং পিত্তেন বাযুশ্চাপ্যনুধাবতি ||২৬|| ততোঽস্যান্ত্রাণি জাযন্তে গুদং বস্তিশ্চ দেহিনঃ | উদরে পচ্যমানানামাধ্মানাদ্রুক্মসারবত্ ||২৭|| কফশোণিতমাংসানাং সারাজ্জিহ্বা প্রজাযতে | যথার্থমূষ্মণা যুক্তো বাযুঃ স্রোতাংসি দারযেত্ ||২৮|| অনুপ্রবিশ্য পিশিতং পেশীর্বিভজতে তথা | মেদসঃ স্নেহমাদায সিরাস্নাযুত্বমাপ্নুযাত্ ||২৯|| সিরাণাং তু মৃদুঃ পাকঃ স্নাযূনাং চ ততঃ খরঃ | আশয্যাভ্যাসযোগেন করোত্যাশযসম্ভবম্ ||৩০||
असृजः श्लेष्मणश्चापि यः प्रसादः परो मतः | तं पच्यमानं पित्तेन वायुश्चाप्यनुधावति ||२६|| ततोऽस्यान्त्राणि जायन्ते गुदं बस्तिश्च देहिनः | उदरे पच्यमानानामाध्मानाद्रुक्मसारवत् ||२७|| कफशोणितमांसानां साराज्जिह्वा प्रजायते | यथार्थमूष्मणा युक्तो वायुः स्रोतांसि दारयेत् ||२८|| अनुप्रविश्य पिशितं पेशीर्विभजते तथा | मेदसः स्नेहमादाय सिरास्नायुत्वमाप्नुयात् ||२९|| सिराणां तु मृदुः पाकः स्नायूनां च ततः खरः | आशय्याभ्यासयोगेन करोत्याशयसम्भवम् ||३०||
🔊 Audio coming soon
অন্ত্রাদিকোত্পত্তিং দর্শযন্নাহ- অসৃজ ইত্যাদি| আধ্মানাত্ পচ্যমানানাং বাযুনাঽগ্নেঃ সমিন্ধনাত্ পচ্যমানানামিত্যর্থঃ| গযী তু, ‘হৃদযে পচ্যমানানাম্’ ইতি পাঠং পঠতি| যথার্থমিত্যাদি| ঊষ্মণা পিত্তেন সহ যুক্তো বাযুঃ নবৈব স্রোতাংসি দারযেত্ কুর্যাত্| কথং? যথার্থং; যথাপ্রযোজনমিত্যর্থঃ| অনুপ্রবিশ্যেত্যাদি| বাযুঃ পিশিতং মাংসমনুপ্রবিশ্য পেশীর্বিভজতে, পেশী মাংসখণ্ডঃ | মেদস ইত্যাদি| সিরাস্নাযুত্বমাপ্নুযাদিতি সিরাঃ স্নাযূংশ্চ বাযুঃ কুর্যাদিত্যর্থঃ| আশয্যেত্যাদি| আশয্য অভ্যাসযোগেন বাযুঃ স্থিতিং কৃত্বেত্যর্থঃ||২৬-৩০||
Adhikarana 22 (31-32) · Śloka 32
রক্তমেদঃপ্রসাদাদ্বৃক্কৌ; মাংসাসৃক্কফমেদঃপ্রসাদাদ্বৃষণৌ; শোণিতকফপ্রসাদজং হৃদযং, যদাশ্রযা হি ধমন্যঃ প্রাণবহাঃ; তস্যাধো বামতঃ প্লীহা ফুপ্ফুসশ্চ, দক্ষিণতো যকৃত্ ক্লোম চ; তদ্বিশেষেণ চেতনাস্থানম্, অতস্তস্মিংস্তমসাঽঽবৃতে সর্বপ্রাণিনঃ স্বপন্তি ||৩১|| ভবতি চাত্র- পুণ্ডরীকেণ সদৃশং হৃদযং স্যাদধোমুখম্ | জাগ্রতস্তদ্বিকসতি স্বপতশ্চ নিমীলতি ||৩২||
रक्तमेदःप्रसादाद्वृक्कौ; मांसासृक्कफमेदःप्रसादाद्वृषणौ; शोणितकफप्रसादजं हृदयं, यदाश्रया हि धमन्यः प्राणवहाः; तस्याधो वामतः प्लीहा फुप्फुसश्च, दक्षिणतो यकृत् क्लोम च; तद्विशेषेण चेतनास्थानम्, अतस्तस्मिंस्तमसाऽऽवृते सर्वप्राणिनः स्वपन्ति ||३१|| भवति चात्र- पुण्डरीकेण सदृशं हृदयं स्यादधोमुखम् | जाग्रतस्तद्विकसति स्वपतश्च निमीलति ||३२||
🔊 Audio coming soon
রক্তেত্যাদি| প্রসাদঃ সারঃ| বৃক্কৌ কুক্ষিগোলকৌ| মাংসেত্যাদি| বৃষণাবণ্ডৌ| শোণিতেত্যাদি| তস্য হৃদযস্য অধো বামতঃ প্লীহা ফুপ্ফুসশ্চ; দক্ষিণতো যকৃত্ ক্লোম চেতি ক্লোম তিলকম্| তদ্ হৃদযং বিশেষেণ চেতনাস্থানং চৈতন্যাস্পদং, সামান্যেন তু সকলশরীরমেব চেতনাস্থানম্| তদুক্তং চরকে-“বেদনানামধিষ্ঠানং মনো দেহশ্চ সেন্দ্রিযঃ| কেশলোমনখাগ্রান্তর্মলদ্রবগুণৈর্বিনা” (চ.শা.১) ইতি| চেতনাসহচরিতং মনোঽপি বিশেষেণ হৃদযাধিষ্ঠানং মতম্| অতস্তস্মিন্ হৃদযে তমসা তমোগুণেনোচ্ছ্রিতেন আবৃতে নিরুদ্ধে সতি, সর্বপ্রাণিনঃ স্বপন্তি| তস্যাকারং দর্শযন্নাহ- পুণ্ডরীকেণেত্যাদি| হৃদযং কমলমুকুলাকারমধোমুখম্||৩১-৩২||
Adhikarana 23 (33) · Śloka 33
নিদ্রাং তু বৈষ্ণবীং পাপ্মানমুপদিশন্তি, সা স্বভাবত এব সর্বপ্রাণিনোঽভিস্পৃশতি | তত্র যদা সঞ্জ্ঞাবহানি স্রোতাংসি তমোভূযিষ্ঠঃ শ্লেষ্মা প্রতিপদ্যতে তদা তামসী নাম নিদ্রা সম্ভবত্যনববোধিনী, সা প্রলযকালে; তমোভূযিষ্ঠানামহঃসু নিশাসু চ ভবতি, রজোভূযিষ্ঠানামনিমিত্তং, সত্ত্বভূযিষ্ঠানামর্ধরাত্রে; ক্ষীণশ্লেষ্মণামনিলবহুলানাং মনঃশরীরাভিতাপবতাং চ নৈব, সা বৈকারিকী ভবতি ||৩৩||
निद्रां तु वैष्णवीं पाप्मानमुपदिशन्ति, सा स्वभावत एव सर्वप्राणिनोऽभिस्पृशति | तत्र यदा सञ्ज्ञावहानि स्रोतांसि तमोभूयिष्ठः श्लेष्मा प्रतिपद्यते तदा तामसी नाम निद्रा सम्भवत्यनवबोधिनी, सा प्रलयकाले; तमोभूयिष्ठानामहःसु निशासु च भवति, रजोभूयिष्ठानामनिमित्तं, सत्त्वभूयिष्ठानामर्धरात्रे; क्षीणश्लेष्मणामनिलबहुलानां मनःशरीराभितापवतां च नैव, सा वैकारिकी भवति ||३३||
🔊 Audio coming soon
অথ কেযং নিদ্রা? তামাহ- নিদ্রামিত্যাদি| বিষ্ণোরিযং বৈষ্ণবী মাযৈব| পাপ্মানং কস্মাদামনন্তি? কৃত্স্নশুভব্যাপারনিরোধাত্| যদ্যপি তন্ত্রান্তরীযৈঃ সপ্তবিধা নিদ্রা পঠিতা তথাঽপি ত্রিবিধৈব- তামসী, স্বাভাবিকী, বৈকারিকী চেতি ভেদেন; তাঃ ক্রমেণ দর্শযন্নাহ- তত্র যদেত্যাদি| যদ্যপি সর্বাসামপি নিদ্রাণাং তমো হেতুস্তথাঽপি প্রকৃষ্টতমস্ত্বাত্ তামসীযং নিদ্রা কথ্যতে| স্বাভাবিকীমাহ- তম ইত্যাদি| অনিমিত্তমনিযতকালং, চলত্বাদ্রজসঃ কদাচিদ্দিবা কদাচিদ্রাত্রাবিত্যর্থঃ| সত্ত্বভূযিষ্ঠানামর্ধরাত্র ইতি তস্মিন্ কালে কিঞ্চিদল্পীভূতং সত্ত্বমুত্কটং চ তমো ভবতি, তস্মাদর্ধরাত্রে সাত্ত্বিকাঃ স্বপন্তি| বৈকারিকীমাহ- ক্ষীণেত্যাদি| এবম্ভূতানাং পুরুষাণাং নিদ্রা নৈব ভবতি, যদি চ ভবতি তদা বৈকারিকী নাম নিদ্রা ভবতি| ননু, যদা লঙ্ঘনশ্রমাদিভির্বাযুর্বর্ধতে শ্লেষ্মা চ ক্ষীযতে তদা কথং নিদ্রোদেতি? উচ্যতে- মনসঃ ক্লান্তত্বাদ্ভূতাত্মনো বিষযনিবৃত্তৌ প্রাণিনঃ স্বপন্তি| তদুক্তং চরকে- “যদা তু মনসি ক্লান্তে কর্মাত্মানঃ ক্লমান্বিতাঃ| বিষযেভ্যো নিবর্তন্তে তদা স্বপিতি মানবঃ” (চ.সূ.২১) ইতি||৩৩||
Adhikarana 24 (34-35) · Śloka 35
ভবতশ্চাত্র- হৃদযং চেতনাস্থানমুক্তং সুশ্রুত ! দেহিনাম্ | তমোভিভূতে তস্মিংস্তু নিদ্রা বিশতি দেহিনম্ ||৩৪|| নিদ্রাহেতুস্তমঃ, সত্ত্বং বোধনে হেতুরুচ্যতে | স্বভাব এব বা হেতুর্গরীযান্ পরিকীর্ত্যতে ||৩৫||
भवतश्चात्र- हृदयं चेतनास्थानमुक्तं सुश्रुत ! देहिनाम् | तमोभिभूते तस्मिंस्तु निद्रा विशति देहिनम् ||३४|| निद्राहेतुस्तमः, सत्त्वं बोधने हेतुरुच्यते | स्वभाव एव वा हेतुर्गरीयान् परिकीर्त्यते ||३५||
🔊 Audio coming soon
ইদানীং গদ্যোক্তস্যার্থস্য সুখবোধনার্থং শ্লোকাবাহ- ভবতশ্চাত্রেত্যাদি| সত্ত্বাদীনাং সদা সান্নিধ্যাত্ পরস্পরবিরোধিনোঃ স্বাপবোধযোরনুপপত্তিং মন্যমান আহ- স্বভাব এব বেত্যাদি||৩৪-৩৫||
Adhikarana 25 (36) · Śloka 36
পূর্বদেহানুভূতাংস্তু ভূতাত্মা স্বপতঃ প্রভুঃ | রজোযুক্তেন মনসা গৃহ্ণাত্যর্থাঞ্ শুভাশুভান্ ||৩৬||
पूर्वदेहानुभूतांस्तु भूतात्मा स्वपतः प्रभुः | रजोयुक्तेन मनसा गृह्णात्यर्थाञ् शुभाशुभान् ||३६||
🔊 Audio coming soon
ননু, বোধাভাবঃ স্বাপঃ, স্বাপাভাবো বোধঃ, তত্ কথং স্বপতঃ স্বপ্নদর্শনং ভবতীত্যাহ- পূর্বেত্যাদি| ননু চ, যঃ কশ্চিদর্থাববোধঃ স সর্বোঽপি বাহ্যার্থাবলম্বনো দৃষ্টঃ, ন চ স্বপ্নে বাহ্যার্থস্য সত্ত্বং বিদ্যতে, তত্ কথং তত্রার্থাববোধ ইতি? উচ্যতে- স্মৃতিরেবেযং পূর্বানুভূতেঽর্থে, ন চাননুভূতবিষযা পরিস্ফুরতি| ননু, তাদৃগ্বিধস্যার্থস্যাদৃষ্টাশ্রুতাননুভূতত্বাত্ কথং স্মৃতিত্বমিত্যাহ- পূর্বদেহানুভূতাংস্ত্বিত্যাদি| এতচ্চোপলক্ষণম্, অতোঽনেনাপি দেহেনানুভূতান্| ভূতাত্মেতি কিম্ভূতৈর্ঘটিত আত্মা শরীরলক্ষণঃ? উত ভূতৈরুপলক্ষিত আত্মা ভূতাত্মা ক্ষেত্রজ্ঞঃ? ইত্যাহ- স্বপতঃ প্রভুরিতি|- স্বপতঃ স্বাপযুক্তস্য শরীরস্য প্রভুঃ স্বামী ক্ষেত্রজ্ঞ ইত্যর্থঃ, তদ্বশেন সর্বক্রিযাপ্রবৃত্তেঃ| কথং পুনরর্থানিন্দ্রিযগ্রাহ্যান্ নিদ্রাণেষ্বিন্দ্রিযেষু গৃহ্ণাতীত্যাহ- মনসেতি| মনসঃ সর্বদৈব সম্ভবাত্ সদা স্বপ্নদর্শনপ্রসঙ্গ ইত্যাহ- রজোযুক্তেনেতি; রজঃপ্রেরিতেনেত্যর্থঃ, রজসঃ প্রবর্তকত্বাত্; তমোযুক্তেন চ মনসা ন কিমপি সুপ্তঃ পশ্যতি, তমস আবরণাত্মকত্বাত্||৩৬||
Adhikarana 26 (37) · Śloka 37
করণানাং তু বৈকল্যে তমসাঽভিপ্রবর্ধিতে | অস্বপন্নপি ভূতাত্মা প্রসুপ্ত ইব চোচ্যতে ||৩৭||
करणानां तु वैकल्ये तमसाऽभिप्रवर्धिते | अस्वपन्नपि भूतात्मा प्रसुप्त इव चोच्यते ||३७||
🔊 Audio coming soon
ইন্দ্রিযগ্রামস্য তমসা বৈকল্যে আপাদিতে আত্মা নির্বিকারোঽপি সুপ্ত ইব ভবতীতি প্রতিপাদযন্নাহ- করণানামিত্যাদি| অভিপ্রবর্ধিত ইতি অভি সর্বতো বহিরন্তশ্চ প্রবর্ধিতে| তত্র বহিরিন্দ্রিযাণাং বিষযভূতেঽর্থে, অন্তর্মনোর্থেঽপি সুখদুঃখাদৌ||৩৭||
Adhikarana 27 (38) · Śloka 38
সর্বর্তুষু দিবাস্বাপঃ প্রতিষিদ্ধোঽন্যত্র গ্রীষ্মাত্, প্রতিষিদ্ধেষ্বপি তু বালবৃদ্ধস্ত্রীকর্শিতক্ষতক্ষীণমদ্যনিত্যযানবাহনাধ্বকর্মপরিশ্রান্তানামভুক্তবতাং মেদঃস্বেদকফরসরক্তক্ষীণানামজীর্ণিনাং চ মুহূর্তং দিবাস্বপনমপ্রতিষিদ্ধম্ | রাত্রাবপি জাগরিতবতাং জাগরিতকালাদর্ধমিষ্যতে দিবাস্বপনম্ | বিকৃতির্হি দিবাস্বপ্নো নাম; তত্র স্বপতামধর্মঃ সর্বদোষপ্রকোপশ্চ, তত্প্রকোপাচ্চ কাসশ্বাসপ্রতিশ্যাযশিরোগৌরবাঙ্গমর্দারোচকজ্বরাগ্নিদৌর্বল্যানি ভবন্তি; রাত্রাবপি জাগরিতবতাং বাতপিত্তনিমিত্তাস্ত এবোপদ্রবা ভবন্তি ||৩৮||
सर्वर्तुषु दिवास्वापः प्रतिषिद्धोऽन्यत्र ग्रीष्मात्, प्रतिषिद्धेष्वपि तु बालवृद्धस्त्रीकर्शितक्षतक्षीणमद्यनित्ययानवाहनाध्वकर्मपरिश्रान्तानामभुक्तवतां मेदःस्वेदकफरसरक्तक्षीणानामजीर्णिनां च मुहूर्तं दिवास्वपनमप्रतिषिद्धम् | रात्रावपि जागरितवतां जागरितकालादर्धमिष्यते दिवास्वपनम् | विकृतिर्हि दिवास्वप्नो नाम; तत्र स्वपतामधर्मः सर्वदोषप्रकोपश्च, तत्प्रकोपाच्च कासश्वासप्रतिश्यायशिरोगौरवाङ्गमर्दारोचकज्वराग्निदौर्बल्यानि भवन्ति; रात्रावपि जागरितवतां वातपित्तनिमित्तास्त एवोपद्रवा भवन्ति ||३८||
🔊 Audio coming soon
দিবাস্বপ্নস্য প্রবৃত্তিনিবৃত্তী আহ- সর্বেত্যাদি| অন্যত্র গ্রীষ্মাদিতি গ্রীষ্মং বর্জযিত্বা| প্রতিষিদ্ধেষ্বপীত্যাদি প্রতিষিদ্ধেষ্বপি ঋতুষু| মুহূর্তং ঘটিকাদ্বযম্| রাত্রাবিত্যাদি| কস্মাদর্ধমেব স্বপ্যান্নাধিকমিতি দর্শযন্নাহ- বিকৃতিরিত্যাদি| সর্বশব্দেন রক্তমপি গৃহ্যতে| যদ্যপি দিবাস্বপ্নেঽধর্মস্তথাঽপি শরীররক্ষার্থং গ্রীষ্মে দিবাস্বপ্ন উক্তঃ| রাত্রাবিত্যাদি| ত এব কাসশ্বাসাদয এব||৩৮||
Adhikarana 28 (39-40) · Śloka 40
ভবন্তি চাত্র- তস্মান্ন জাগৃযাদ্রাত্রৌ দিবাস্বপ্নং চ বর্জযেত্ | জ্ঞাত্বা দোষকরাবেতৌ বুধঃ স্বপ্নং মিতং চরেত্ ||৩৯|| অরোগঃ সুমনা হ্যেবং বলবর্ণান্বিতো বৃষঃ | নাতিস্থূলকৃশঃ শ্রীমান্ নরো জীবেত্ সমাঃ শতম্ ||৪০||
भवन्ति चात्र- तस्मान्न जागृयाद्रात्रौ दिवास्वप्नं च वर्जयेत् | ज्ञात्वा दोषकरावेतौ बुधः स्वप्नं मितं चरेत् ||३९|| अरोगः सुमना ह्येवं बलवर्णान्वितो वृषः | नातिस्थूलकृशः श्रीमान् नरो जीवेत् समाः शतम् ||४०||
🔊 Audio coming soon
ভবন্তীত্যাদি| এবমুক্তেন প্রকারেণ বর্তমানঃ| বৃষঃ স্ত্রীরমণশক্তিযুক্তঃ| শ্রীমান্ শরীরশোভাযুক্তঃ||৩৯-৪০||
Adhikarana 29 (41) · Śloka 41
(নিদ্রা সাত্ম্যীকৃতা যৈস্তু রাত্রৌ চ যদি বা দিবা|) দিবারাত্রৌ চ যে নিত্যং স্বপ্নজাগরণোচিতাঃ | ন তেষাং স্বপতাং দোষো জাগ্রতাং বাঽপি জাযতে ||৪১||
(निद्रा सात्म्यीकृता यैस्तु रात्रौ च यदि वा दिवा|) दिवारात्रौ च ये नित्यं स्वप्नजागरणोचिताः | न तेषां स्वपतां दोषो जाग्रतां वाऽपि जायते ||४१||
🔊 Audio coming soon
যে পুনর্নিদ্রাসাত্ম্যাস্তেষামদোষ এব দিবাস্বাপ ইত্যত আহ- দিবেত্যাদি||৪১||
Adhikarana 30 (42-46) · Śloka 46
নিদ্রানাশোঽনিলাত্ পিত্তান্মনস্তাপাত্ ক্ষযাদপি | সম্ভবত্যভিঘাতাচ্চ প্রত্যনীকৈঃ প্রশাম্যতি ||৪২|| নিদ্রানাশেঽভ্যঙ্গযোগো মূর্ধ্নি তৈলনিষেবণম্ | গাত্রস্যোদ্বর্তনং চৈব হিতং সংবাহনানি চ ||৪৩|| শালিগোধূমপিষ্টান্নভক্ষ্যৈরৈক্ষবসংস্কৃতৈঃ | ভোজনং মধুরং স্নিগ্ধং ক্ষীরমাংসরসাদিভিঃ ||৪৪|| রসৈর্বিলেশযানাং চ বিষ্কিরাণাং তথৈব চ | দ্রাক্ষাসিতেক্ষুদ্রব্যাণামুপযোগো ভবেন্নিশি ||৪৫|| শযনাসনযানানি মনোজ্ঞানি মৃদূনি চ | নিদ্রানাশে তু কুর্বীত তথাঽন্যান্যপি বুদ্ধিমান্ ||৪৬||
निद्रानाशोऽनिलात् पित्तान्मनस्तापात् क्षयादपि | सम्भवत्यभिघाताच्च प्रत्यनीकैः प्रशाम्यति ||४२|| निद्रानाशेऽभ्यङ्गयोगो मूर्ध्नि तैलनिषेवणम् | गात्रस्योद्वर्तनं चैव हितं संवाहनानि च ||४३|| शालिगोधूमपिष्टान्नभक्ष्यैरैक्षवसंस्कृतैः | भोजनं मधुरं स्निग्धं क्षीरमांसरसादिभिः ||४४|| रसैर्बिलेशयानां च विष्किराणां तथैव च | द्राक्षासितेक्षुद्रव्याणामुपयोगो भवेन्निशि ||४५|| शयनासनयानानि मनोज्ञानि मृदूनि च | निद्रानाशे तु कुर्वीत तथाऽन्यान्यपि बुद्धिमान् ||४६||
🔊 Audio coming soon
কে পুনর্নিদ্রানাশহেতবস্তানাহ- নিদ্রানাশ ইত্যাদি| অনিলাদিভ্যো নিদ্রানাশঃ সম্ভবতীতি সম্বন্ধঃ; স নিদ্রানাশঃ প্রত্যনীকৈরভ্যঙ্গাদিভিঃ প্রশাম্যত্যুপশমং যাতি| কানি পুনঃ প্রত্যনীকানি? তান্যাহ- নিদ্রানাশেঽভ্যঙ্গেত্যাদি| নিদ্রানাশেঽভ্যঙ্গযোগাদির্হিতো ভবেত্| সংবাহনং মৃদুমর্দনম্| ঐক্ষবসংস্কৃতৈরিতি খণ্ডাদিসংস্কৃতৈঃ| শযনাদীনি চ মনোজ্ঞানি নিদ্রানাশে কুর্বীত| তথাঽন্যান্যপীতি প্রাবরণাদীনি||৪২-৪৬||
Adhikarana 31 (47) · Śloka 47
নিদ্রাতিযোগে বমনং হিতং সংশোধনানি চ | লঙ্ঘনং রক্তমোক্ষশ্চ মনোব্যাকুলনানি চ ||৪৭||
निद्रातियोगे वमनं हितं संशोधनानि च | लङ्घनं रक्तमोक्षश्च मनोव्याकुलनानि च ||४७||
🔊 Audio coming soon
নিদ্রাতিযোগে প্রতীকারমাহ- নিদ্রাতিযোগে ইত্যাদি| সংশোধনাদেব বমনে লব্ধে যদ্বমনস্য পৃথগুপাদানং তদ্বিশেষেণ নিদ্রানাশহেত্বর্থম্||৪৭||
Adhikarana 32 (48) · Śloka 48
কফমেদোবিষার্তানাং রাত্রৌ জাগরণং হিতম্ |৪৮|
कफमेदोविषार्तानां रात्रौ जागरणं हितम् |४८|
🔊 Audio coming soon
রাত্রৌ বিহিতঃ স্বপ্নঃ কেষাঞ্চিন্নিষিধ্যত ইত্যাহ- কফেত্যাদি|৪৮|-
Adhikarana 33 (48) · Śloka 48
দিবাস্বপ্নশ্চ তৃট্শূলহিক্কাজীর্ণাতিসারিণাম্ ||৪৮||
दिवास्वप्नश्च तृट्शूलहिक्काजीर्णातिसारिणाम् ||४८||
🔊 Audio coming soon
নিষিদ্ধোঽপি দিবাস্বপ্নঃ কেষাঞ্চিত্ প্রশস্যত ইত্যাহ- দিবেত্যাদি| হিত ইত্যত্রাপি সম্বন্ধনীযম্||৪৮||
Adhikarana 34 (49) · Śloka 49
ইন্দ্রিযার্থেষ্বসম্প্রাপ্তির্গৌরবং জৃম্ভণং ক্লমঃ | নিদ্রার্তস্যেব যস্যেহা তস্য তন্দ্রাং বিনির্দিশেত্ ||৪৯||
इन्द्रियार्थेष्वसम्प्राप्तिर्गौरवं जृम्भणं क्लमः | निद्रार्तस्येव यस्येहा तस्य तन्द्रां विनिर्दिशेत् ||४९||
🔊 Audio coming soon
নিদ্রাযাস্তমোভবাযা মোহরূপাযা অনুষঙ্গাত্তত্সদৃশীং তন্দ্রামপ্যাহ- ইন্দ্রিযেত্যাদি| ইন্দ্রিযার্থাঃ শব্দাদযঃ, তেষামসম্প্রাপ্তিরগ্রহণম্| নিদ্রার্তস্যেব নিদ্রাযুক্তস্যেব| পরং নিদ্রাযাং প্রবোধিতস্য ক্লমাভাবঃ, তন্দ্রাযাং তু প্রবোধিতোঽপি ক্লাম্যতি, অত এবাত্র ক্লমগ্রহণম্||৪৯||
Adhikarana 35 (50) · Śloka 50
পীত্বৈকমনিলোচ্ছ্বাসমুদ্বেষ্টন্ বিবৃতাননঃ | যং মুঞ্চতি সনেত্রাস্রং স জৃম্ভ ইতি সঞ্জ্ঞিতঃ ||৫০||
पीत्वैकमनिलोच्छ्वासमुद्वेष्टन् विवृताननः | यं मुञ्चति सनेत्रास्रं स जृम्भ इति सञ्ज्ञितः ||५०||
🔊 Audio coming soon
ইদানীং তন্দ্রালক্ষণে প্রতিপাদিতানাং জৃম্ভণাদীনাং লক্ষণমাহ- পীত্বেত্যাদি| অত্র জৃম্ভাপ্রসঙ্গেন কেচিচ্ছিক্কালক্ষণং পঠন্তি| যথা- “প্রাণোদানৌ সমৌ স্যাতাং মূর্ধ্নি স্রোতঃপথি স্থিতৌ| নস্তঃ প্রবর্ততে শব্দঃ ক্ষবথুং তং বিনির্দিশেত্”- ইতি| তচ্চ টীকাকারৈরপঠিতত্বান্ন পঠনীযম্||৫০||
Adhikarana 36 (51) · Śloka 51
যোঽনাযাসঃ শ্রমো দেহে প্রবৃদ্ধঃ শ্বাসবর্জিতঃ | ক্লমঃ স ইতি বিজ্ঞেয ইন্দ্রিযার্থপ্রবাধকঃ ||৫১||
योऽनायासः श्रमो देहे प्रवृद्धः श्वासवर्जितः | क्लमः स इति विज्ञेय इन्द्रियार्थप्रबाधकः ||५१||
🔊 Audio coming soon
ক্লমমাহ- য ইত্যাদি||৫১||
Adhikarana 37 (52) · Śloka 52
সুখস্পর্শপ্রসঙ্গিত্বং দুঃখদ্বেষণলোলতা | শক্তস্য চাপ্যনুত্সাহঃ কর্মস্বালস্যমুচ্যতে ||৫২||
सुखस्पर्शप्रसङ्गित्वं दुःखद्वेषणलोलता | शक्तस्य चाप्यनुत्साहः कर्मस्वालस्यमुच्यते ||५२||
🔊 Audio coming soon
ক্লমানন্তরং কর্মাপ্রবৃত্তিসাম্যাদসূত্রিতমপ্যালস্যমাহ- সুখেত্যাদি||৫২||
Adhikarana 38 (53-54) · Śloka 54
উত্ক্লিশ্যান্নং ন নির্গচ্ছেত্ প্রসেকষ্ঠীবনেরিতম্ | হৃদযং পীড্যতে চাস্য তমুত্ক্লেশং বিনির্দিশেত্ ||৫৩|| বক্ত্রে মধুরতা তন্দ্রা হৃদযোদ্বেষ্টনং ভ্রমঃ | ন চান্নমভিকাঙ্ক্ষেত গ্লানিং তস্য বিনির্দিশেত্ ||৫৪||
उत्क्लिश्यान्नं न निर्गच्छेत् प्रसेकष्ठीवनेरितम् | हृदयं पीड्यते चास्य तमुत्क्लेशं विनिर्दिशेत् ||५३|| वक्त्रे मधुरता तन्द्रा हृदयोद्वेष्टनं भ्रमः | न चान्नमभिकाङ्क्षेत ग्लानिं तस्य विनिर्दिशेत् ||५४||
🔊 Audio coming soon
কেচিদত্রোত্ক্লেশগ্লান্যোর্লক্ষণমাহুঃ- উত্ক্লিশ্যেত্যাদি| এতদপি টীকাকারৈরপঠিতত্বান্ন পঠনীযম্||৫৩-৫৪||
Adhikarana 39 (55) · Śloka 55
আর্দ্রচর্মাবনদ্ধং বা যো গাত্রং মন্যতে নরঃ | তথা গুরু শিরোঽত্যর্থং গৌরবং তদ্বিনির্দিশেত্ ||৫৫||
आर्द्रचर्मावनद्धं वा यो गात्रं मन्यते नरः | तथा गुरु शिरोऽत्यर्थं गौरवं तद्विनिर्दिशेत् ||५५||
🔊 Audio coming soon
আর্দ্রেত্যাদি| আর্দ্রচর্মাবনদ্ধং বেত্যত্র বাশব্দ ইবার্থে, তেনার্দ্রচর্মাবনদ্ধমিবেত্যর্থঃ| তদ্বিনির্দেশেদিতি ‘তস্য’ ইতি শেষঃ||৫৫||
Adhikarana 40 (56) · Śloka 56
মূর্চ্ছা পিত্ততমঃপ্রাযা, রজঃপিত্তানিলাদ্ভ্রমঃ | তমোবাতকফাত্তন্দ্রা, নিদ্রা শ্লেষ্মতমোভবা ||৫৬||
मूर्च्छा पित्ततमःप्राया, रजःपित्तानिलाद्भ्रमः | तमोवातकफात्तन्द्रा, निद्रा श्लेष्मतमोभवा ||५६||
🔊 Audio coming soon
মোহরূপাযা নিদ্রাযাঃ প্রসঙ্গেন তন্দ্রাদিকং মোহরূপং নির্দিশ্য মূর্চ্ছাদিকমপি দর্শযন্নাহ- মূর্চ্ছেত্যাদি| ভ্রমশ্চক্রারূঢস্যেব ভ্রমণম্| লক্ষণত উক্তাযাস্তন্দ্রাযা হেতুতোঽপি নির্দেশং কুর্বন্নাহ- তম ইত্যাদি| উক্তাঽপি নিদ্রা তমসা মনোদোষেণ মূর্চ্ছাদিপ্রসঙ্গেন শরীরদোষেণাপি পুনরভিহিতা| গযী তু ক্লমালস্যাদীনাং লক্ষণং ন পঠতি, অসূত্রিতত্বেন হেতুনা||৫৬||
Adhikarana 41 (57) · Śloka 57
গর্ভস্য খলু রসনিমিত্তা মারুতাধ্মাননিমিত্তা চ পরিবৃদ্ধির্ভবতি ||৫৭||
गर्भस्य खलु रसनिमित्ता मारुताध्माननिमित्ता च परिवृद्धिर्भवति ||५७||
🔊 Audio coming soon
গর্ভস্য বৃদ্ধৌ পূর্বোক্তং হেতুমনূদ্য দ্বিতীযমপি হেতুং দর্শযন্নাহ- গর্ভস্যেত্যাদি| রসনিমিত্তেতি মাতুরিতি শেষঃ| তদুক্তং প্রাক্- “মাতুস্তু খলু রসবহাযাং নাড্যাং গর্ভনাভিনাডী প্রতিবদ্ধা”- ইত্যাদিনা| মারুতাধ্মাননিমিত্তা চেতি মারুতেন আধ্মানং স্রোতসাং পূরণং মারুতাধ্মানং, তদেব নিমিত্তং যস্যাং সা মারুতাধ্মাননিমিত্তা; বক্ষ্যমাণেনানলানিলকৃতেন গর্ভস্রোতসামাধ্মানেনাভিতো বিশালভূতত্বাদ্গর্ভপরিবৃদ্ধিঃ||৫৭||
Adhikarana 42 (58-59) · Śloka 59
ভবন্তি চাত্র- তস্যান্তরেণ নাভেস্তু জ্যোতিঃস্থানং ধ্রুবং স্মৃতম্ | তদাধমতি বাতস্তু দেহস্তেনাস্য বর্ধতে ||৫৮|| ঊষ্মণা সহিতশ্চাপি দারযত্যস্য মারুতঃ | ঊর্ধ্বং তির্যগধস্তাচ্চ স্রোতাংস্যপি যথা তথা ||৫৯||
भवन्ति चात्र- तस्यान्तरेण नाभेस्तु ज्योतिःस्थानं ध्रुवं स्मृतम् | तदाधमति वातस्तु देहस्तेनास्य वर्धते ||५८|| ऊष्मणा सहितश्चापि दारयत्यस्य मारुतः | ऊर्ध्वं तिर्यगधस्ताच्च स्रोतांस्यपि यथा तथा ||५९||
🔊 Audio coming soon
তত্র স্রোতসামেবাধ্মানসম্প্রাপ্তিং দর্শযন্নাহ- ভবন্তীত্যাদি| তস্য গর্ভস্য, নাভেরন্তরেণ মধ্যে, জ্যোতিঃস্থানমগ্নিস্থানং, ধ্রুবং নিশ্চিতং স্মৃতম্| তচ্চ বাযুরাধমতি| তেন চাধ্মাতেন বহ্নিনা সমারুতেন স্রোতসামাধ্মাপনেঽস্য গর্ভস্য দেহো বর্ধতে| জ্যোতিঃস্থানাধ্মানেন মধ্যস্রোতোবৃদ্ধৌ কথং সর্বতো বৃদ্ধিরিত্যাহ- ঊষ্মণেত্যাদি| যথাতথাশব্দাবত্রান্তর্ভূতবীপ্সার্থৌ জ্ঞাতব্যৌ, তেনোষ্মণা সহিতোঽনিলো যথা যথোর্ধ্বং তির্যগধস্তাচ্চ স্রোতাংসি দারযতি বিবৃতানি করোতি তথা তথা দেহো বর্ধত ইতি পূর্ববাক্যাত্ সম্বন্ধনীযম্||৫৮-৫৯||
Adhikarana 43 (60) · Śloka 60
দৃষ্টিশ্চ রোমকূপাশ্চ ন বর্ধন্তে কদাচন | ধ্রুবাণ্যেতানি মর্ত্যানামিতি ধন্বন্তরের্মতম্ ||৬০||
दृष्टिश्च रोमकूपाश्च न वर्धन्ते कदाचन | ध्रुवाण्येतानि मर्त्यानामिति धन्वन्तरेर्मतम् ||६०||
🔊 Audio coming soon
যথা শরীরং বর্ধতে তথা দৃষ্ট্যাদযোঽপি কথং ন বর্ধন্তে? ইত্যাহ- দৃষ্টিরিত্যাদি| যস্মাদেতানি দৃষ্টিরোমকূপানি ধ্রুবাণি নিশ্চলানি | মর্ত্যানাং পুরুষাণাম্||৬০||
Adhikarana 44 (61) · Śloka 61
শরীরে ক্ষীযমাণেঽপি বর্ধেতে দ্বাবিমৌ সদা | স্বভাবং প্রকৃতিং কৃত্বা নখকেশাবিতি স্থিতিঃ ||৬১||
शरीरे क्षीयमाणेऽपि वर्धेते द्वाविमौ सदा | स्वभावं प्रकृतिं कृत्वा नखकेशाविति स्थितिः ||६१||
🔊 Audio coming soon
শরীরবৃদ্ধাবপি কস্যচিদবযবস্যাবৃদ্ধিং প্রতিপাদ্য শরীরক্ষযেঽপি কস্যচিদভিবৃদ্ধিং দর্শযন্নাহ- শরীরে ইত্যাদি| স্বভাবং প্রকৃতিং কৃত্বা স্বভাবং কারণং কৃত্বেত্যর্থঃ||৬১||
Adhikarana 45 (62) · Śloka 62
সপ্ত প্রকৃতযো ভবন্তি- দোষৈঃ পৃথক্, দ্বিশঃ, সমস্তৈশ্চ ||৬২||
सप्त प्रकृतयो भवन्ति- दोषैः पृथक्, द्विशः, समस्तैश्च ||६२||
🔊 Audio coming soon
প্রকৃতিকৃতপ্রসঙ্গেনান্যদপি প্রাকৃতং রূপং প্রতিপাদযিতুকামো যাদৃগ্দ্বিধা প্রকৃতির্যদ্ধেতুকী যচ্চাস্যাঃ স্বলক্ষণং তত্ ক্রমেণাহ- সপ্তেত্যাদি| পৃথক্ তিস্রঃ, দ্বিশস্তিস্রঃ, সমস্তৈশ্চৈকা, ইত্যেবং সপ্ত||৬২||
Adhikarana 46 (63) · Śloka 63
শুক্রশোণিতসংযোগে যো ভবেদ্দোষ উত্কটঃ | প্রকৃতির্জাযতে তেন তস্যা মে লক্ষণং শৃণু ||৬৩||
शुक्रशोणितसंयोगे यो भवेद्दोष उत्कटः | प्रकृतिर्जायते तेन तस्या मे लक्षणं शृणु ||६३||
🔊 Audio coming soon
সপ্তবিধত্বং প্রতিপাদ্য তস্যা উত্পত্তৌ হেতুমাহ- শুক্রেত্যাদি| যো ভবেদ্দোষ উত্কট ইতি স্বভাবস্থিতো ন প্রকুপিতঃ| দ্বিবিধা হ্যুত্কটা বাতাদযঃ প্রাকৃতা বৈকৃতাশ্চ; তত্র প্রাকৃতাঃ সপ্তবিধাযাঃ প্রক্রৃতের্হেতুভূতাঃ শরীরৈকজন্মানঃ, বৈকৃতাশ্চ গর্ভব্যাঘাতকাঃ| গযী ত্বন্যথৈবাশঙ্ক্য সমাদধাতি; যথা- “ননু, স্বভাবতঃ শুদ্ধং বীজং কর্মণা বা সমধাতুং গর্ভং নিষ্পাদযতি, অনিলাদিদোষদুষ্টং তু গর্ভজননায ন সমর্থমিতি শুক্রশোণিতশুদ্ধাবুক্তং, তত্ কথমুত্কটেন দোষেণ প্রকৃতিরিতি? উচ্যতে- ন হি সর্বমেব বীজং দূষিতং কিং তর্হি বীজাবযবো দূষিতঃ, ন চাবযবগতদোষেণ গর্ভপ্রতিবন্ধো জাত্যন্ধমূকাদের্গর্ভস্য দর্শনাত্, তস্মাদ্য এবাংশোবীজস্য দুষ্টো ভবতি তত্কার্যস্যৈব গর্ভাবযবস্য বিকৃতিরভাবো বা ভবতি; যথা- দৃষ্ট্যারম্ভকে বীজভাগে দুষ্টে জাত্যন্ধো গর্ভো ভবতি ন তু গর্ভ এব ন ভবতি, তথা দোষাখ্যে বীজভাগে দুষ্টে তত্কার্যস্যৈব গর্ভশরীরভাবস্য সমধাতোরপেক্ষযা বিকৃতিঃ স্ফুটিতকরচরণাদিলক্ষণা ভবতি ন তু গর্ভব্যাঘাতঃ | তদুক্তং- “শুদ্ধং স্বভাবকর্মভ্যাং বাতাদ্যৈর্দুষ্টমংশতঃ| দৃষ্টং বীজার্থকৃদ্ বীজং তত্র প্রকৃতিরুত্তরম্”- ইতি||৬৩||
Adhikarana 47 (64-67) · Śloka 67
তত্র বাতপ্রকৃতিঃ প্রজাগরূকঃ শীতদ্বেষী দুর্ভগঃ স্তেনো মত্সর্যনার্যো গন্ধর্বচিত্তঃ স্ফুটিতকরচরণোঽল্পরূক্ষশ্মশ্রুনখকেশঃ ক্রাথী দন্তখাদী চ ভবতি ||৬৪|| অধৃতিরদৃঢসৌহৃদঃ কৃতঘ্নঃ কৃশপরুষো ধমনীততঃ প্রলাপী | দ্রুতগতিরটনোঽনবস্থিতাত্মা বিযতি চ গচ্ছতি সম্ভ্রমেণ সুপ্তঃ ||৬৫|| অব্যবস্থিতমতিশ্চলদৃষ্টির্মন্দরত্নধনসঞ্চযমিত্রঃ | কিঞ্চিদেব বিলপত্যনিবদ্ধং মারুতপ্রকৃতিরেষ মনুষ্যঃ ||৬৬|| (বাতিকাশ্চাজগোমাযুশশাখূষ্ট্রশুনাং তথা | গৃধ্রকাকখরাদীনামনূকৈঃ কীর্তিতা নরাঃ) ||৬৭||
तत्र वातप्रकृतिः प्रजागरूकः शीतद्वेषी दुर्भगः स्तेनो मत्सर्यनार्यो गन्धर्वचित्तः स्फुटितकरचरणोऽल्परूक्षश्मश्रुनखकेशः क्राथी दन्तखादी च भवति ||६४|| अधृतिरदृढसौहृदः कृतघ्नः कृशपरुषो धमनीततः प्रलापी | द्रुतगतिरटनोऽनवस्थितात्मा वियति च गच्छति सम्भ्रमेण सुप्तः ||६५|| अव्यवस्थितमतिश्चलदृष्टिर्मन्दरत्नधनसञ्चयमित्रः | किञ्चिदेव विलपत्यनिबद्धं मारुतप्रकृतिरेष मनुष्यः ||६६|| (वातिकाश्चाजगोमायुशशाखूष्ट्रशुनां तथा | गृध्रकाकखरादीनामनूकैः कीर्तिता नराः) ||६७||
🔊 Audio coming soon
দোষাণাং হি বাতস্য প্রাধান্যমতস্তত্প্রকৃতিলক্ষণমাহ- তত্রেত্যাদি| প্রজাগরূকঃ অতিশযেন জাগরণশীলঃ| দুর্ভগঃ অমনোরমাকারঃ| স্তেনঃ চৌরঃ| মত্সরী পরগুণাসহনশীলঃ| অনার্যঃ অসত্পুরুষঃ| গন্ধর্বচিত্তঃ গীতাদিনিরতঃ| ক্রাথী হিংসাশীলঃ| দন্তখাদী সুপ্তঃ সন্ দন্তান্ কিটিকিটাযতে| অধৃতিঃ অধৈর্যযুক্তঃ| দ্রুতগতিরটনঃ শীঘ্রগামী শীঘ্রভাষী চ ভবতীত্যর্থঃ| অনবস্থিতাত্মা চঞ্চলচিত্তঃ| অব্যবস্থিতমতিরনবস্থিতবুদ্ধিনিশ্চযঃ| (অনূকৈঃ শীলৈঃ )||৬৪-৬৭||
Adhikarana 48 (68-71) · Śloka 71
পিত্তপ্রকৃতিস্তু স্বেদনো দুর্গন্ধঃ পীতশিথিলাঙ্গস্তাম্রনখনযনতালুজিহ্বৌষ্ঠপাণিপাদতলো দুর্ভগো বলীপলিতখালিত্যজুষ্টো বহুভুগুষ্ণদ্বেষী ক্ষিপ্রকোপপ্রসাদো মধ্যবলো মধ্যাযুশ্চ ভবতি ||৬৮|| মেধাবী নিপুণমতির্বিগৃহ্য বক্তা তেজস্বী সমিতিষু দুর্নিবারবীর্যঃ | সুপ্তঃ সন্ কনকপলাশকর্ণিকারান্ সম্পশ্যেদপি চ হুতাশবিদ্যুদুল্কাঃ ||৬৯|| ন ভযাত্ প্রণমেদনতেষ্বমৃদুঃ প্রণতেষ্বপি সান্ত্বনদানরুচিঃ | ভবতীহ সদা ব্যথিতাস্যগতিঃ স ভবেদিহ পিত্তকৃতপ্রকৃতিঃ ||৭০|| (ভুজঙ্গোলূকগন্ধর্বযক্ষমার্জারবানরৈঃ | ব্যাঘ্রর্ক্ষনকুলানূকৈঃ পৈত্তিকাস্তু নরাঃস্মৃতাঃ ) ||৭১||
पित्तप्रकृतिस्तु स्वेदनो दुर्गन्धः पीतशिथिलाङ्गस्ताम्रनखनयनतालुजिह्वौष्ठपाणिपादतलो दुर्भगो वलीपलितखालित्यजुष्टो बहुभुगुष्णद्वेषी क्षिप्रकोपप्रसादो मध्यबलो मध्यायुश्च भवति ||६८|| मेधावी निपुणमतिर्विगृह्य वक्ता तेजस्वी समितिषु दुर्निवारवीर्यः | सुप्तः सन् कनकपलाशकर्णिकारान् सम्पश्येदपि च हुताशविद्युदुल्काः ||६९|| न भयात् प्रणमेदनतेष्वमृदुः प्रणतेष्वपि सान्त्वनदानरुचिः | भवतीह सदा व्यथितास्यगतिः स भवेदिह पित्तकृतप्रकृतिः ||७०|| (भुजङ्गोलूकगन्धर्वयक्षमार्जारवानरैः | व्याघ्रर्क्षनकुलानूकैः पैत्तिकास्तु नराःस्मृताः ) ||७१||
🔊 Audio coming soon
মেধাবীত্যাদি| বিগৃহ্য বক্তেতি পরবাক্যমুচ্ছিদ্য বদিতুং শীলঃ| সমিতিষু সঙ্গ্রামেষু| পলাশঃ কিংশুকঃ| সান্ত্বনম্ উপশমঃ| ব্যথিতাস্যগতিঃ ব্যথিতমুখঃ, মুখপাকত্বাত্; ধাবনক্লেশাসহত্বাত্ পীডাবহগমনঃ||৬৮-৭১||
Adhikarana 49 (72-76) · Śloka 76
শ্লেষ্মপ্রকৃতিস্তু দূর্বেন্দীবরনিস্ত্রিংশার্দ্রারিষ্টকশরকাণ্ডানামন্যতমবর্ণঃ সুভগঃ প্রিযদর্শনো মধুরপ্রিযঃ কৃতজ্ঞো ধৃতিমান্ সহিষ্ণুরলোলুপো বলবাংশ্চিরগ্রাহী দৃঢবৈরশ্চ ভবতি ||৭২|| শুক্লাক্ষঃ স্থিরকুটিলালিনীলকেশো লক্ষ্মীবান্ জলদমৃদঙ্গসিংহঘোষঃ | সুপ্তঃ সন্ সকমলহংসচক্রবাকান্ সম্পশ্যেদপি চ জলাশযান্ মনোজ্ঞান্ ||৭৩|| রক্তান্তনেত্রঃ সুবিভক্তগাত্রঃ স্নিগ্ধচ্ছবিঃ সত্ত্বগুণোপপন্নঃ | ক্লেশক্ষমো মানযিতা গুরূণাং জ্ঞেযো বলাসপ্রকৃতির্মনুষ্যঃ ||৭৪|| (দৃঢশাস্ত্রমতিঃ স্থিরমিত্রধনঃ পরিগণ্য চিরাত্ প্রদদাতি বহু | পরিনিশ্চিতবাক্যপদঃ সততং গুরুমানকরশ্চ ভবেত্ স সদা ||৭৫|| ব্রহ্মরুদ্রেন্দ্রবরুণৈঃ সিংহাশ্বগজগোবৃষৈঃ | তার্ক্ষ্যহংসসমানূকাঃ শ্লেষ্মপ্রকৃতযো নরাঃ ) ||৭৬||
श्लेष्मप्रकृतिस्तु दूर्वेन्दीवरनिस्त्रिंशार्द्रारिष्टकशरकाण्डानामन्यतमवर्णः सुभगः प्रियदर्शनो मधुरप्रियः कृतज्ञो धृतिमान् सहिष्णुरलोलुपो बलवांश्चिरग्राही दृढवैरश्च भवति ||७२|| शुक्लाक्षः स्थिरकुटिलालिनीलकेशो लक्ष्मीवान् जलदमृदङ्गसिंहघोषः | सुप्तः सन् सकमलहंसचक्रवाकान् सम्पश्येदपि च जलाशयान् मनोज्ञान् ||७३|| रक्तान्तनेत्रः सुविभक्तगात्रः स्निग्धच्छविः सत्त्वगुणोपपन्नः | क्लेशक्षमो मानयिता गुरूणां ज्ञेयो बलासप्रकृतिर्मनुष्यः ||७४|| (दृढशास्त्रमतिः स्थिरमित्रधनः परिगण्य चिरात् प्रददाति बहु | परिनिश्चितवाक्यपदः सततं गुरुमानकरश्च भवेत् स सदा ||७५|| ब्रह्मरुद्रेन्द्रवरुणैः सिंहाश्वगजगोवृषैः | तार्क्ष्यहंससमानूकाः श्लेष्मप्रकृतयो नराः ) ||७६||
🔊 Audio coming soon
দূর্বেত্যাদি| ইন্দীবরং নীলোত্পলম্| নিস্ত্রিংশঃ খঙ্গঃ| অরিষ্টঃ কৃষ্ণবর্তুলফলো ‘অরীঠা’ ইতি লোকে প্রসিদ্ধঃ, স চার্দ্রঃ| ধৃতিমান্ ধৈর্যযুক্তঃ| সুবিভক্তগাত্রঃ সুষ্ঠু পৃথগ্ভূতসকলাবযবঃ| কেচিদ্বাতাদিপ্রকৃতিষু- “বাতিকাশ্চাজগোমাযুশশাখূষ্ট্রশুনাং তথা| গৃধ্রকাকখরাদীনামনূকৈঃ কীর্তিতা নরাঃ”- ইতি, তথা- “ভুজগোলূকগন্ধর্বযক্ষমার্জারবানরৈঃ| ব্যাঘ্রর্ক্ষনকুলানূকাঃ পৈত্তিকাস্তু নরাঃ স্মৃতাঃ”- ইতি, তথা- “দৃঢশাস্ত্রমতিঃ স্থিরমিত্রধনঃ পরিগণ্য চিরাত্ প্রদদাতি বহু| পরিনিশ্চিতবাক্যবদঃ সততং গুরুমানকরশ্চ ভবেত্ স সদা-” ইতি, তথা- “ব্রহ্মেন্দ্ররুদ্রবরুণৈঃ সিংহাশ্বগজগোবৃষৈঃ| তার্ক্ষ্যহংসসমানূকাঃ শ্লেষ্মপ্রকৃতযো নরাঃ”- ইত্যেতান্ চতুঃসঙ্খ্যাকান্ শ্লোকান্ পঠন্তি| তে তু শ্লোকা নিবন্ধকারৈরপঠিতত্বান্ন পঠনীযাঃ||৭২-৭৬||
Adhikarana 50 (77) · Śloka 77
দ্বযোর্বা তিসৃণাং বাঽপি প্রকৃতীনাং তু লক্ষণৈঃ | জ্ঞাত্বা সংসর্গজা বৈদ্যঃ প্রকৃতীরভিনির্দিশেত্ ||৭৭||
द्वयोर्वा तिसृणां वाऽपि प्रकृतीनां तु लक्षणैः | ज्ञात्वा संसर्गजा वैद्यः प्रकृतीरभिनिर्दिशेत् ||७७||
🔊 Audio coming soon
সংসর্গজাঃ প্রকৃতীরাহ- দ্বযোরিত্যাদি||৭৭||
Adhikarana 51 (78) · Śloka 78
প্রকোপো বাঽন্যথাভাবো ক্ষযো বা নোপজাযতে | প্রকৃতীনাং স্বভাবেন জাযতে তু গতাযুষঃ ||৭৮||
प्रकोपो वाऽन्यथाभावो क्षयो वा नोपजायते | प्रकृतीनां स्वभावेन जायते तु गतायुषः ||७८||
🔊 Audio coming soon
তে চ প্রাকৃতা ভাবা অন্যথা ন ভবন্তীতি দর্শযন্নাহ- প্রকোপ ইত্যাদি||৭৮||
Adhikarana 52 (79) · Śloka 79
বিষজাতো যথা কীটো ন বিষেণ বিপদ্যতে | তদ্বত্প্রকৃতযো মর্ত্যং শক্নুবন্তি ন বাধিতুম্ ||৭৯||
विषजातो यथा कीटो न विषेण विपद्यते | तद्वत्प्रकृतयो मर्त्यं शक्नुवन्ति न बाधितुम् ||७९||
🔊 Audio coming soon
বাতাদিপ্রকৃতীনাং যে দোষাস্তে কস্মান্ন রুজন্তীত্যাহ- বিষেত্যাদি| এতদারম্ভকদোষমধিকৃত্যোক্তং, তস্য চ বাধকত্বং প্রাগেব ব্যাখ্যাতম্| শক্নুবন্তি ন বাধিতুমিতি নঞযমীষদর্থে, তেন কিঞ্চিদ্বাধিতুং শক্নুবন্তি নতু ভৃশম্| যথা হি বিষকীটো বিষস্বভাবজনিতদাহাদিনা কিঞ্চিদেব বাধ্যতে ন তু ভৃশম্, এবং বাতাদিহেতুজঃ প্রাণিকাযো বাতাদিজেন স্ফুটিতকরচরণাদিকেন দোষেণ তথা স্বেদদৌর্গন্ধ্যাদিনা চ কিঞ্চিদেব বাধ্যতে| অত এব- “বাতলাদ্যাঃ সদাঽঽতুরাঃ” (চ.সূ.৭) ইতি বাতাদিপ্রকৃতিষু নিত্যাতুরত্বমভিহিতম্||৭৯||
Adhikarana 53 (80) · Śloka 80
প্রকৃতিমিহ নরাণাং ভৌতিকীং কেচিদাহুঃ পবনদহনতোযৈঃ কীর্তিতাস্তাস্তু তিস্রঃ | স্থিরবিপুলশরীরঃ পার্থিবশ্চ ক্ষমাবাঞ্ শুচিরথ চিরজীবী নাভসঃ খৈর্মহদ্ভিঃ ||৮০||
प्रकृतिमिह नराणां भौतिकीं केचिदाहुः पवनदहनतोयैः कीर्तितास्तास्तु तिस्रः | स्थिरविपुलशरीरः पार्थिवश्च क्षमावाञ् शुचिरथ चिरजीवी नाभसः खैर्महद्भिः ||८०||
🔊 Audio coming soon
একীযমতমাহ- প্রকৃতিমিত্যাদি| পবনদহনতোযৈঃ কীর্তিতা ইতি বাতপিত্তশ্লেষ্মলক্ষণৈঃ কথিতা ইত্যর্থঃ| শেষে দ্বে প্রকৃতী আহ- স্থিরেত্যাদি| খৈর্মহদ্ভিরিতি নাসাকর্ণাদিচ্ছিদ্রৈর্বিপুলৈরিত্যর্থঃ| অনেন শ্লোকেন পৃথিব্যপ্তেজোবায্বাকাশীযামপি প্রকৃতিমাহুঃ| অন্যে তু সা চৈকশো দ্বিশস্ত্রিশশ্চতুর্ভির্বা ভূতৈঃ প্রস্তার্যমাণা বহুধা সঞ্জাযতে ইতি বদন্তি| উক্তং চ- “একৈকেন বদন্তি পঞ্চ দশ তু দ্বাভ্যাং ত্রিভিস্তাবতীর্ভূতৈঃ পঞ্চ চতুর্ভিরেব ভিষজস্ত্বেকাং সমস্তৈরপি| একত্রিংশতমত্র ভূমিসলিলস্বাহাপ্রিযস্পর্শনাকাশৈশ্চ প্রকৃতীর্গুণৈরপি পুনঃ প্রাহুঃ স্ম সপ্তাঽপরা”- ইতি| গুণৈঃ সত্ত্বরজস্তমোভিরেকশো দ্বিশঃ সমস্তৈশ্চ সপ্ত মহাপ্রকৃতযো ভবন্তি, “সপ্ত দোষতঃ, সপ্ত গুণতঃ” (রসবৈশেষিকসূত্র ১সূ. ৩১) ইতি নাগার্জুনাচার্যোক্তত্বাত্||৮০||
Adhikarana 54 (81-87) · Śloka 88
শৌচমাস্তিক্যমভ্যাসো বেদেষু গুরুপূজনম্ | প্রিযাতিথিত্বমিজ্যা চ ব্রহ্মকাযস্য লক্ষণম্ ||৮১|| মাহাত্ম্যং শৌর্যমাজ্ঞা চ সততং শাস্ত্রবুদ্ধিতা | ভৃত্যানাং ভরণং চাপি মাহেন্দ্রং কাযলক্ষণম্ ||৮২|| শীতসেবা সহিষ্ণুত্বং পৈঙ্গল্যং হরিকেশতা | প্রিযবাদিত্বমিত্যেতদ্বারুণং কাযলক্ষণম্ ||৮৩|| মধ্যস্থতা সহিষ্ণুত্বমর্থস্যাগমসঞ্চযৌ | মহাপ্রসবশক্তিত্বং কৌবেরং কাযলক্ষণম্ ||৮৪|| গন্ধমাল্যপ্রিযত্বং চ নৃত্যবাদিত্রকামিতা | বিহারশীলতা চৈব গান্ধর্বং কাযলক্ষণম্ ||৮৫|| প্রাপ্তকারী দৃঢোত্থানো নির্ভযঃ স্মৃতিমাঞ্ছুচিঃ | রাগমোহমদদ্বেষৈর্বর্জিতো যাম্যসত্ত্ববান্ ||৮৬|| জপব্রতব্রহ্মচর্যহোমাধ্যযনসেবিনম্ | জ্ঞানবিজ্ঞানসম্পন্নমৃষিসত্ত্বং নরং বিদুঃ ||৮৭|| সপ্তৈতে সাত্ত্বিকাঃ কাযা... |৮৮|
शौचमास्तिक्यमभ्यासो वेदेषु गुरुपूजनम् | प्रियातिथित्वमिज्या च ब्रह्मकायस्य लक्षणम् ||८१|| माहात्म्यं शौर्यमाज्ञा च सततं शास्त्रबुद्धिता | भृत्यानां भरणं चापि माहेन्द्रं कायलक्षणम् ||८२|| शीतसेवा सहिष्णुत्वं पैङ्गल्यं हरिकेशता | प्रियवादित्वमित्येतद्वारुणं कायलक्षणम् ||८३|| मध्यस्थता सहिष्णुत्वमर्थस्यागमसञ्चयौ | महाप्रसवशक्तित्वं कौबेरं कायलक्षणम् ||८४|| गन्धमाल्यप्रियत्वं च नृत्यवादित्रकामिता | विहारशीलता चैव गान्धर्वं कायलक्षणम् ||८५|| प्राप्तकारी दृढोत्थानो निर्भयः स्मृतिमाञ्छुचिः | रागमोहमदद्वेषैर्वर्जितो याम्यसत्त्ववान् ||८६|| जपव्रतब्रह्मचर्यहोमाध्ययनसेविनम् | ज्ञानविज्ञानसम्पन्नमृषिसत्त्वं नरं विदुः ||८७|| सप्तैते सात्त्विकाः काया... |८८|
🔊 Audio coming soon
সত্ত্বাদিগুণভেদেন চিত্তপ্রকৃতীর্নির্দিশন্নাহ- শৌচমিত্যাদি| ইজ্যা যাগঃ| মাহাত্ম্যমিত্যাদি| মাহাত্ম্যং মহাশযত্বম্| শীতেত্যাদি| পৈঙ্গল্যং পিঙ্গাক্ষতা| হরিকেশতা কপিলকেশতা| মধ্যস্থতেত্যাদি| মহাপ্রসবশক্তিত্বং প্রজোত্পাদনসামর্থ্যম্| গন্ধেত্যাদি| বিহারশীলতা ভ্রমণশীলতা| প্রাপ্তেত্যাদি|- প্রাপ্তকারী যুক্তকারী| দৃঢোত্থানো দৃঢারম্ভঃ||৮১-৮৭||-
Adhikarana 55 (88-93) · Śloka 95
...রাজসাংস্তু নিবোধ মে | ঐশ্বর্যবন্তং রৌদ্রং চ শূরং চণ্ডমসূযকম্ ||৮৮|| একাশিনং চৌদরিকমাসুরং সত্ত্বমীদৃশম্ | তীক্ষ্ণমাযাসিনং ভীরুং চণ্ডং মাযান্বিতং তথা ||৮৯|| বিহারাচারচপলং সর্পসত্ত্বং বিদুর্নরম্ | প্রবৃদ্ধকামসেবী চাপ্যজস্রাহার এব চ ||৯০|| অমর্ষণোঽনবস্থাযী শাকুনং কাযলক্ষণম্ | একান্তগ্রাহিতা রৌদ্রমসূযা ধর্মবাহ্যতা ||৯১|| ভৃশমাত্রং তমশ্চাপি রাক্ষসং কাযলক্ষণম্ | উচ্ছিষ্টাহারতা তৈক্ষ্ণ্যং সাহসপ্রিযতা তথা ||৯২|| স্ত্রীলোলুপত্বং নৈর্লজ্জ্যং পৈশাচং কাযলক্ষণম্ | অসংবিভাগমলসং দুঃখশীলমসূযকম্ ||৯৩|| লোলুপং চাপ্যদাতারং প্রেতসত্ত্বং বিদুর্নরম্ | ষডেতে রাজসাঃ কাযাঃ,.. |৯৫|
...राजसांस्तु निबोध मे | ऐश्वर्यवन्तं रौद्रं च शूरं चण्डमसूयकम् ||८८|| एकाशिनं चौदरिकमासुरं सत्त्वमीदृशम् | तीक्ष्णमायासिनं भीरुं चण्डं मायान्वितं तथा ||८९|| विहाराचारचपलं सर्पसत्त्वं विदुर्नरम् | प्रवृद्धकामसेवी चाप्यजस्राहार एव च ||९०|| अमर्षणोऽनवस्थायी शाकुनं कायलक्षणम् | एकान्तग्राहिता रौद्रमसूया धर्मबाह्यता ||९१|| भृशमात्रं तमश्चापि राक्षसं कायलक्षणम् | उच्छिष्टाहारता तैक्ष्ण्यं साहसप्रियता तथा ||९२|| स्त्रीलोलुपत्वं नैर्लज्ज्यं पैशाचं कायलक्षणम् | असंविभागमलसं दुःखशीलमसूयकम् ||९३|| लोलुपं चाप्यदातारं प्रेतसत्त्वं विदुर्नरम् | षडेते राजसाः कायाः,.. |९५|
🔊 Audio coming soon
রৌদ্রং ভযানকম্| চণ্ডং তীব্রকোপম্| অসূযকং পরগুণেষু মত্সরিণম্| একাশিনমেকাক্যেব চাশ্নাতীত্যর্থঃ| ঔদরিকং ঘস্মরং; গযদাসস্তু ‘ঔদরিকং’ ইত্যত্র ‘ঔপধিকং’ ইতি পঠিত্বা, ঔপধিকং ছদ্মপরমিতি ব্যাখ্যাতি| তীক্ষ্ণমিত্যাদি| ভীরুং ‘অক্রোধে সতি’ ইত্যধ্যাহারঃ| তদুক্তং চরকে- “ক্রুদ্ধং শূরমক্রুদ্ধং ভীরুম্” (চ.শা.৪) ইতি| চণ্ডং কোপনম্| প্রবৃদ্ধেত্যাদি| অজস্রাহারঃ অনবরতাহারশীলঃ| একান্তেত্যাদি| একান্তগ্রাহিতা একান্তগ্রহণশীলতা| অসূযা গুণেষু দোষারোপণম্| ভৃশমাত্রং তম ইত্যর্থঃ | উচ্ছিষ্টেত্যাদি| তৈক্ষ্ণ্যং কোপনত্বম্||৮৮-৯৩||-
Adhikarana 56 (94-97) · Śloka 98
...তামসাংস্তু নিবোধ মে ||৯৪|| দুর্মেধস্ত্বং মন্দতা চ স্বপ্নে মৈথুননিত্যতা | নিরাকরিষ্ণুতা চৈব বিজ্ঞেযাঃ পাশবা গুণাঃ ||৯৫|| অনবস্থিততা মৌর্খ্যং ভীরুত্বং সলিলার্থিতা | পরস্পরাভিমর্দশ্চ মত্স্যসত্ত্বস্য লক্ষণম্ ||৯৬|| একস্থানরতির্নিত্যমাহারে কেবলে রতঃ | বানস্পত্যো নরঃ সত্ত্বধর্মকামার্থবর্জিতঃ ||৯৭|| ইত্যেতে ত্রিবিধাঃ কাযাঃ প্রোক্তা বৈ তামসাস্তথা |৯৮|
...तामसांस्तु निबोध मे ||९४|| दुर्मेधस्त्वं मन्दता च स्वप्ने मैथुननित्यता | निराकरिष्णुता चैव विज्ञेयाः पाशवा गुणाः ||९५|| अनवस्थितता मौर्ख्यं भीरुत्वं सलिलार्थिता | परस्पराभिमर्दश्च मत्स्यसत्त्वस्य लक्षणम् ||९६|| एकस्थानरतिर्नित्यमाहारे केवले रतः | वानस्पत्यो नरः सत्त्वधर्मकामार्थवर्जितः ||९७|| इत्येते त्रिविधाः कायाः प्रोक्ता वै तामसास्तथा |९८|
🔊 Audio coming soon
মন্দতা জিহ্মতা||৯৪-৯৭||-
Adhikarana 57 (98-99) · Śloka 99
কাযানাং প্রকৃতীর্জ্ঞাত্বা ত্বনুরূপাং ক্রিযাং চরেত্ ||৯৮|| মহাপ্রকৃতযস্ত্বেতা রজঃসত্ত্বতমঃকৃতাঃ | প্রোক্তা লক্ষণতঃ সম্যগ্ভিষক্ তাশ্চ বিভাবযেত্ ||৯৯||
कायानां प्रकृतीर्ज्ञात्वा त्वनुरूपां क्रियां चरेत् ||९८|| महाप्रकृतयस्त्वेता रजःसत्त्वतमःकृताः | प्रोक्ता लक्षणतः सम्यग्भिषक् ताश्च विभावयेत् ||९९||
🔊 Audio coming soon
প্রকৃতিজ্ঞানে প্রযোজনমাহ- কাযানামিত্যাদি||৯৮-৯৯||
Adhikarana puShpikA · Śloka 4
ইতি সুশ্রুতসংহিতাযাং শারীরস্থানে গর্ভব্যাকরণং শারীরং নাম চতুর্থোঽধ্যাযঃ ||৪||
इति सुश्रुतसंहितायां शारीरस्थाने गर्भव्याकरणं शारीरं नाम चतुर्थोऽध्यायः ||४||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং শারীরস্থানে চতুর্থোঽধ্যাযঃ||৪||