Adhikarana 1 (1-2) · Śloka 2
অথাতোঽধ্যযনসম্প্রদানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातोऽध्ययनसम्प्रदानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| অধীযত ইত্যধ্যযনং শাস্ত্রম্| সম্যক্ প্রবিভজ্য দানং সম্প্রদানম্||১-২||
Adhikarana 2 (3) · Śloka 3
প্রাগভিহিতং সবিংশমধ্যাযশতং পঞ্চসু স্থানেষু | তত্র সূত্রস্থানমধ্যাযাঃ ষট্চত্বারিংশত্, ষোডশ নিদানানি, দশ শারীরাণি, চত্বারিংশচ্চিকিত্সিতানি, অষ্টৌ কল্পাঃ, তদুত্তরং ষট্ষষ্টিঃ ||৩||
प्रागभिहितं सविंशमध्यायशतं पञ्चसु स्थानेषु | तत्र सूत्रस्थानमध्यायाः षट्चत्वारिंशत्, षोडश निदानानि, दश शारीराणि, चत्वारिंशच्चिकित्सितानि, अष्टौ कल्पाः, तदुत्तरं षट्षष्टिः ||३||
🔊 Audio coming soon
অবিভক্তমধ্যযনং দাতুমশক্যম্, অতস্তদ্বিভাগাযাহ- প্রাগিত্যাদি| অস্য চ বাক্যস্যার্থ আদ্যাধ্যাযে উক্তঃ| প্রতিস্থানমধ্যাযান্ সঙ্খ্যাতুমাহ- তত্রেত্যাদি||৩||
Adhikarana 3 (4-12) · Śloka 12
বেদোত্পত্তিঃ শিষ্যনযস্তথাঽধ্যযনদানিকঃ | প্রভাষণাগ্রহরণাবৃতুচর্যাঽথ যান্ত্রিকঃ ||৪|| শস্ত্রাবচারণং যোগ্যা বিশিখা ক্ষারকল্পনম্ | অগ্নিকর্ম জলৌকাখ্যো হ্যধ্যাযো রক্তবর্ণনম্ ||৫|| দোষধাতুমলাদ্যানাং বিজ্ঞানাধ্যায এব চ | কর্ণব্যধামপক্বৈষাবালেপো ব্রণ্যুপাসনম্ ||৬|| হিতাহিতো ব্রণপ্রশ্নো ব্রণাস্রাবশ্চ যঃ পৃথক্ | কৃত্যাকৃত্যবিধির্ব্যাধিসমুদ্দেশীয এব চ ||৭|| বিনিশ্চযঃ শস্ত্রবিধৌ প্রনষ্টজ্ঞানিকস্তথা | শল্যোদ্ধৃতির্ব্রণজ্ঞানং দূতস্বপ্ননিদর্শনম্ ||৮|| পঞ্চেন্দ্রিযং তথা ছাযা স্বভাবাদ্বৈকৃতং তথা | অবারণো যুক্তসেনীয আতুরক্রমভূমিকৌ ||৯|| মিশ্রকাখ্যো দ্রব্যগণঃ সংশুদ্ধৌ শমনে চ যঃ | দ্রব্যাদীনাং চ বিজ্ঞানং বিশেষো দ্রব্যগোঽপরঃ ||১০|| রসজ্ঞানং বমনার্থমধ্যাযো রেচনায চ | দ্রবদ্রব্যবিধিস্তদ্বদন্নপানবিধিস্তথা ||১১|| সূচনাত্ সূত্রণাচ্চৈব সবনাচ্চার্থসন্ততেঃ | ষট্চত্বারিংশদধ্যাযং সূত্রস্থানং প্রচক্ষতে ||১২||
वेदोत्पत्तिः शिष्यनयस्तथाऽध्ययनदानिकः | प्रभाषणाग्रहरणावृतुचर्याऽथ यान्त्रिकः ||४|| शस्त्रावचारणं योग्या विशिखा क्षारकल्पनम् | अग्निकर्म जलौकाख्यो ह्यध्यायो रक्तवर्णनम् ||५|| दोषधातुमलाद्यानां विज्ञानाध्याय एव च | कर्णव्यधामपक्वैषावालेपो व्रण्युपासनम् ||६|| हिताहितो व्रणप्रश्नो व्रणास्रावश्च यः पृथक् | कृत्याकृत्यविधिर्व्याधिसमुद्देशीय एव च ||७|| विनिश्चयः शस्त्रविधौ प्रनष्टज्ञानिकस्तथा | शल्योद्धृतिर्व्रणज्ञानं दूतस्वप्ननिदर्शनम् ||८|| पञ्चेन्द्रियं तथा छाया स्वभावाद्वैकृतं तथा | अवारणो युक्तसेनीय आतुरक्रमभूमिकौ ||९|| मिश्रकाख्यो द्रव्यगणः संशुद्धौ शमने च यः | द्रव्यादीनां च विज्ञानं विशेषो द्रव्यगोऽपरः ||१०|| रसज्ञानं वमनार्थमध्यायो रेचनाय च | द्रवद्रव्यविधिस्तद्वदन्नपानविधिस्तथा ||११|| सूचनात् सूत्रणाच्चैव सवनाच्चार्थसन्ततेः | षट्चत्वारिंशदध्यायं सूत्रस्थानं प्रचक्षते ||१२||
🔊 Audio coming soon
প্রতিস্থানোক্তানামধ্যাযানাং নামানি নির্দেষ্টুমাহ- বেদোত্পত্তিরিত্যাদি| শিষ্যনযঃ শিষ্যোপনযনীযঃ| অধ্যযনদানিকঃ অধ্যযনসম্প্রদানীযঃ| প্রভাষণঃ প্রভাষণীযঃ| অগ্রহরণঃ অগ্রোপহরণীযঃ| ঋতুচর্যা ঋতুচর্যাধ্যাযঃ| যান্ত্রিকঃ যন্ত্রবিধিঃ| শস্ত্রাবচারণঃ শস্ত্রাবচারণীযঃ| যোগ্যা যোগ্যাসূত্রীযঃ| বিশিখা বিশিখানুপ্রবেশনীযঃ| ক্ষারকল্পনং ক্ষারপাকবিধিঃ| অগ্নিকর্ম অগ্নিকর্মবিধিঃ| জলৌকাখ্যঃ জলৌকোবচারণীযঃ| অধ্যাযো রক্তবর্ণনং শোণিতবর্ণনীযোঽধ্যাযঃ| দোষধাতুমলাদ্যানাং বিজ্ঞানাধ্যাযঃ দোষধাতুমলক্ষযবৃদ্ধিবিজ্ঞানীযঃ| কর্ণব্যধঃ কর্ণব্যধবন্ধবিধিঃ| আমপক্বৈষঃ আমপক্বৈষণীযঃ| আলেপঃ ব্রণালেপনবন্ধবিধিঃ| ব্রণ্যুপাসনং ব্রণিতোপাসনীযঃ| হিতাহিতঃ হিতাহিতীযাধ্যাযঃ| ব্রণাস্রাবঃ ব্রণাস্রাববিজ্ঞানীযঃ| বিনিশ্চযঃ শস্ত্রবিধৌ অষ্টবিধশস্ত্রকর্মীযঃ| প্রনষ্টজ্ঞানিকঃ প্রনষ্টশল্যবিজ্ঞানীযঃ| শল্যোদ্ধৃতিঃ শল্যাপনযনীযঃ| ব্রণজ্ঞানং বিপরীতাবিপরীতব্রণবিজ্ঞানীযঃ| দূতস্বপ্ননিদর্শনং বিপরীতাবিপরীতদূতস্বপ্ননিদর্শনীযঃ| পঞ্চেন্দ্রিযং পঞ্চেন্দ্রিযার্থবিপ্রতিপত্তিঃ| ছাযা ছাযাবিপ্রতিপত্তিঃ| স্বভাবাদ্বৈকৃতং স্বভাববিপ্রতিপত্তিঃ| অবারণঃ অবারণীযাধ্যাযঃ| আতুরক্রমঃ আতুরোপক্রমণীযাধ্যাযঃ| ভূমিকো ভূমিপ্রবিভাগীযঃ| দ্রব্যগণঃ দ্রব্যসঙ্গ্রহণীযঃ| সংশুদ্ধৌ শমনে চ যঃ সংশোধনসংশমনীযঃ| দ্রব্যাদীনাং চ বিজ্ঞানং দ্রব্যগুণরসবীর্যবিপাকবিজ্ঞানীযঃ| বিশেষো দ্রব্যগোঽপরঃ দ্রব্যবিশেষবিজ্ঞানীযঃ| রসজ্ঞানং রসবিশেষবিজ্ঞানীযঃ| বমনার্থমধ্যাযঃ বমনদ্রব্যবিকল্পবিজ্ঞানীযঃ| রেচনায চ বিরেচনদ্রব্যবিকল্পবিজ্ঞানীযঃ| শেষাস্তু নির্দিষ্টনামপ্রসিদ্ধা ইতি নোক্তাঃ| ‘আতুরক্রমমিশ্রকৌ’ ইতি কেচিত্ পঠন্তি; তন্ন, যতঃ পূর্বনিবন্ধকারৈরেষ ক্রমো নাঙ্গীকৃতঃ| সূত্রস্থানস্য নিরুক্তিং কর্তুমাহ- সূচনাদিতি| সূচনাত্ লেশতোঽর্থপ্রকাশনাত্| সূত্রণাত্ অর্থানাং যথাস্থানং নিবেশনাত্| সবনাত্ জননাত্| অর্থসন্ততেঃ অর্থসমূহস্য| সূত্রস্থানমধ্যাযাঃ ষট্চত্বারিংশদিতি প্রাগেব সঙ্খ্যানির্দেশাত্ পুনঃ ষট্চত্বারিংশদধ্যাযং সূত্রস্থানমিতি সঙ্খ্যাকরণং নিযমার্থং; তেন দ্রবদ্রব্যান্নপানিকানামুদকগোরসতৈলাদিপ্রকরণানাং প্রত্যেকমধ্যাযত্বং নিরাকৃতম্||৪-১২||
Adhikarana 4 (13-14) · Śloka 14
বাতব্যাধিকমর্শাংসি সাশ্মরিশ্চ ভগন্দরঃ | কুষ্ঠমেহোদরং মূঢো বিদ্রধিঃ পরিসর্পণম্ ||১৩|| গ্রন্থিবৃদ্ধিক্ষুদ্রশূকভগ্নাশ্চ মুখরোগিকম্ | হেতুলক্ষণনির্দেশান্নিদানানীতি ষোডশ ||১৪||
वातव्याधिकमर्शांसि साश्मरिश्च भगन्दरः | कुष्ठमेहोदरं मूढो विद्रधिः परिसर्पणम् ||१३|| ग्रन्थिवृद्धिक्षुद्रशूकभग्नाश्च मुखरोगिकम् | हेतुलक्षणनिर्देशान्निदानानीति षोडश ||१४||
🔊 Audio coming soon
কানি পুনস্তানি ষোডশ নিদানানীত্যাহ- বাতব্যাধিকমিত্যাদি| মূঢগর্ভাদীনামেকদেশেন সমুদাযসূচনং লাঘবার্থম্; এবমুত্তরত্রাপি বোদ্ধব্যম্| মূঢঃ মূঢগর্ভনিদানম্| পরিসর্পণং বিসর্পনাডীস্তনরোগনিদানম্| গ্রন্থিরিতি গ্রন্থ্যপচ্যর্বুদগলগণ্ডনিদানম্| বৃদ্ধিরিতি বৃদ্ধ্যুপদংশশ্লীপদনিদানম্| শূকঃ শূকদোষনিদানম্| নিদাননিরুক্তিং প্রতিপাদযন্নাহ- হেত্বিত্যাদি| হেতব ইতি কারকহেতবো বলবদ্বিগ্রহক্রোধদিবাস্বপ্নাদযঃ; লক্ষণানি জ্ঞাপকহেতবঃ, তে চ পূর্বরূপরূপোপশযসম্প্রাপ্তযঃ| নির্দেশাত্ বিবরণাত্||১৩-১৪||
Adhikarana 5 (15-17) · Śloka 17
ভূতচিন্তা রজঃশুদ্ধির্গর্ভাবক্রান্তিরেব চ | ব্যাকরণং চ গর্ভস্য শরীরস্য চ যত্স্মৃতম্ ||১৫|| প্রত্যেকং মর্মনির্দেশঃ সিরাবর্ণনমেব চ | সিরাব্যধো ধমনীনাং গর্ভিণ্যা ব্যাকৃতিস্তথা ||১৬|| নির্দিষ্টানি দশৈতানি শারীরাণি মহর্ষিণা | বিজ্ঞানার্থং শরীরস্য ভিষজাং যোগিনামপি ||১৭||
भूतचिन्ता रजःशुद्धिर्गर्भावक्रान्तिरेव च | व्याकरणं च गर्भस्य शरीरस्य च यत्स्मृतम् ||१५|| प्रत्येकं मर्मनिर्देशः सिरावर्णनमेव च | सिराव्यधो धमनीनां गर्भिण्या व्याकृतिस्तथा ||१६|| निर्दिष्टानि दशैतानि शारीराणि महर्षिणा | विज्ञानार्थं शरीरस्य भिषजां योगिनामपि ||१७||
🔊 Audio coming soon
কানি পুনঃ শারীরাণীত্যাহ- ভূতচিন্তেত্যাদি| ভূতচিন্তা সর্বভূতচিন্তাশারীরম্| রজঃশুদ্ধিঃ শুক্রশোণিতশুদ্ধিশারীরম্| গর্ভাবক্রান্তিরিতি অনেনৈব নাম্না প্রসিদ্ধঃ, গর্ভাবক্রান্তিঃ গর্ভান্তঃ(নু)প্রবেশ ইত্যর্থঃ| ব্যাকরণং চ গর্ভস্য গর্ভব্যাকরণং শারীরং, ব্যাকরণং বিবরণম্| শরীরস্য চ যত্ স্মৃতং শরীরসঙ্খ্যাব্যাকরণং শারীরম্| সিরাবর্ণনং সিরাবর্ণনবিভক্তিশারীরম্| সিরাব্যধঃ সিরাব্যধবিধিশারীরম্| ব্যাকৃতিশব্দো ধমনীগর্ভিণীভ্যাং প্রত্যেকং সম্বধ্যতে; তেন ধমনীব্যাকৃতিঃ ধমনীব্যাকরণং শারীরং, গর্ভিণীব্যাকৃতিঃ গর্ভিণীব্যাকরণং শারীরম্| মহর্ষিণেতি মহচ্ছব্দঃ পূজাবচনঃ; তেন পূজ্যেন ধন্বন্তরিণা| বিজ্ঞানার্থং বিশিষ্টজ্ঞানার্থম্| যোগঃ সমাধিঃ, স বিদ্যতে যেষাং তে যোগিনঃ, তেষাম্||১৫-১৭||
Adhikarana 6 (18-26) · Śloka 26
দ্বিব্রণীযো ব্রণঃ সদ্যো ভগ্নানাং বাতরোগিকম্ | মহাবাতিকমর্শাংসি সাশ্মরিশ্চ ভগন্দরঃ ||১৮|| কুষ্ঠানাং মহতাং চাপি মৈহিকং পৈডিকং তথা | মধুমেহচিকিত্সা চ তথা চোদরিণামপি ||১৯|| মূঢগর্ভচিকিত্সা চ বিদ্রধীনাং বিসর্পিণাম্ | গ্রন্থিবৃদ্ধ্যুপদংশানাং তথা চ ক্ষুদ্ররোগিণাম্ ||২০|| শূকদোষচিকিত্সা চ তথা চ মুখরোগিণাম্ | শোফস্যানাগতানাং চ নিষেধো মিশ্রকং তথা ||২১|| বাজীকরং চ যত্ ক্ষীণে সর্বাবাধশমোঽপি চ | মেধাযুষ্করণং চাপি স্বভাবব্যাধিবারণম্ ||২২|| নিবৃত্তসন্তাপকরং কীর্তিতং চ রসাযনম্ | স্নেহোপযৌগিকঃ স্বেদো বমনে সবিরেচনে ||২৩|| তযোর্ব্যাপচ্চিকিত্সা চ নেত্রবস্তিবিভাগিকঃ | নেত্রবস্তিবিপত্সিদ্ধিস্তথা চোত্তরবস্তিকঃ ||২৪|| নিরূহক্রমসঞ্জ্ঞশ্চ তথৈবাতুরসঞ্জ্ঞকঃ | ধূমনস্যবিধিশ্চান্ত্যশ্চত্বারিংশদিতি স্মৃতাঃ ||২৫|| প্রাযশ্চিত্তং প্রশমনং চিকিত্সা শান্তিকর্ম চ | পর্যাযাস্তস্য নির্দেশাচ্চিকিত্সাস্থানমুচ্যতে ||২৬||
द्विव्रणीयो व्रणः सद्यो भग्नानां वातरोगिकम् | महावातिकमर्शांसि साश्मरिश्च भगन्दरः ||१८|| कुष्ठानां महतां चापि मैहिकं पैडिकं तथा | मधुमेहचिकित्सा च तथा चोदरिणामपि ||१९|| मूढगर्भचिकित्सा च विद्रधीनां विसर्पिणाम् | ग्रन्थिवृद्ध्युपदंशानां तथा च क्षुद्ररोगिणाम् ||२०|| शूकदोषचिकित्सा च तथा च मुखरोगिणाम् | शोफस्यानागतानां च निषेधो मिश्रकं तथा ||२१|| वाजीकरं च यत् क्षीणे सर्वाबाधशमोऽपि च | मेधायुष्करणं चापि स्वभावव्याधिवारणम् ||२२|| निवृत्तसन्तापकरं कीर्तितं च रसायनम् | स्नेहोपयौगिकः स्वेदो वमने सविरेचने ||२३|| तयोर्व्यापच्चिकित्सा च नेत्रबस्तिविभागिकः | नेत्रबस्तिविपत्सिद्धिस्तथा चोत्तरबस्तिकः ||२४|| निरूहक्रमसञ्ज्ञश्च तथैवातुरसञ्ज्ञकः | धूमनस्यविधिश्चान्त्यश्चत्वारिंशदिति स्मृताः ||२५|| प्रायश्चित्तं प्रशमनं चिकित्सा शान्तिकर्म च | पर्यायास्तस्य निर्देशाच्चिकित्सास्थानमुच्यते ||२६||
🔊 Audio coming soon
কানি পুনশ্চিকিত্সিতানীত্যাহ- দ্বিব্রণীয ইত্যাদি| ব্রণঃ সদ্যঃ সদ্যোব্রণচিকিত্সিতম্| ভগ্নানাং ভগ্নচিকিত্সিতম্| বাতরোগিকং বাতব্যাধিচিকিত্সিতম্| মহাবাতিকং মহাবাতব্যাধিচিকিত্সিতম্| মহতাং চাপি মহাকুষ্ঠচিকিত্সিতম্| মৈহিকং প্রমেহচিকিত্সিতম্| পৈডিকং প্রমেহপিডকাচিকিত্সিতম্| বিসর্পিণাং বিসর্পনাডীস্তনরোগচিকিত্সিতম্| গ্রন্থিরিতি গ্রন্থ্যপচ্যর্বুদগলগণ্ডচিকিত্সিতম্| বৃদ্ধ্যুপদংশানাং বৃদ্ধ্যুপদংশশ্লীপদচিকিত্সিতম্| অনাগতানাং নিষেধঃ অনাগতাবাধপ্রতিষেধচিকিত্সিতম্| মিশ্রকং মিশ্রকচিকিত্সিতম্| বাজীকরং চ যত্ ক্ষীণে ক্ষীণবলীযবাজীকরণচিকিত্সিতম্| সর্বাবাধশমোঽপি সর্বাবাধশমনীযং রসাযনম্| মেধাযুষ্করণং চাপি মেধাযুষ্কামীযং রসাযনম্| স্বভাবব্যাধিবারণং স্বভাবব্যাধিপ্রতিষেধনীযং রসাযনম্| নিবৃত্তসন্তাপকরং কীর্তিতং চ রসাযনং নিবৃত্তসন্তাপীযং রসাযনম্| স্বেদঃ স্বেদাবচারণীযং চিকিত্সিতম্| বমনে সবিরেচনে বমনবিরেচনসাধ্যোপদ্রবচিকিত্সিতম্| তযোর্ব্যাপচ্চিকিত্সা চ বমনবিরেচনব্যাপচ্চিকিত্সিতম্| নেত্রবস্তিবিভাগিকঃ নেত্রবস্তিপ্রমাণপ্রবিভাগচিকিত্সিতম্| নেত্রবস্তিবিপত্সিদ্ধিঃ নেত্রবস্তিব্যাপচ্চিকিত্সিতম্| তথা চোত্তরবস্তিকঃ অনুবাসনোত্তরবস্তিচিকিত্সিতম্| নিরূহক্রমসঞ্জ্ঞশ্চ নিরূহোপক্রমচিকিত্সিতম্| তথৈবাতুরসঞ্জ্ঞিতঃ আতুরোপদ্রবচিকিত্সিতম্| ধূমনস্যবিধিশ্চান্ত্যঃ ধূমনস্যকবড(ল)গ্রহচিকিত্সিতম্; অন্তে ভবোঽন্ত্যঃ| চিকিত্সিতস্য পর্যাযান্তরং দর্শযিতুমাহ- প্রাযশ্চিত্তমিত্যাদি| এতে প্রাযশ্চিত্তাদযস্তস্য চিকিত্সিতস্য পর্যাযাঃ| তস্যৈবম্পর্যাযবিনির্দিষ্টস্য চিকিত্সিতস্য নির্দেশাদ্ বিবরণাচ্চিকিত্সাস্থানং কথ্যতে||১৮-২৬||
Adhikarana 7 (27-28) · Śloka 28
অন্নস্য রক্ষা বিজ্ঞানং স্থাবরস্যেতরস্য চ | সর্পদষ্টবিষজ্ঞানং তস্যৈব চ চিকিত্সিতম্ ||২৭|| দুন্দুভের্মূষিকাণাং চ কীটানাং কল্প এব চ | অষ্টৌ কল্পাঃ সমাখ্যাতা বিষভেষজকল্পনাত্ ||২৮||
अन्नस्य रक्षा विज्ञानं स्थावरस्येतरस्य च | सर्पदष्टविषज्ञानं तस्यैव च चिकित्सितम् ||२७|| दुन्दुभेर्मूषिकाणां च कीटानां कल्प एव च | अष्टौ कल्पाः समाख्याता विषभेषजकल्पनात् ||२८||
🔊 Audio coming soon
কে পুনঃ কল্পা ইত্যাহ- অন্নস্যেত্যাদি| অন্নস্য রক্ষা অন্নপানরক্ষাকল্পঃ | বিজ্ঞানং স্থাবরস্য স্থাবরবিষবিজ্ঞানীযঃ কল্পঃ| ইতরস্য চ জঙ্গমবিষবিজ্ঞানীযঃ কল্পঃ| তস্যৈব চ চিকিত্সিতং সর্পদষ্টচিকিত্সাকল্পঃ| দুন্দুভেঃ দুন্দুভিস্বনীযঃ কল্পঃ| মূষিকাণাং চ মূষিককল্পঃ| কল্পনিরুক্তিং প্রতিপাদযন্নাহ- বিষভেষজকল্পনাদিতি; বিষৌষধবিজ্ঞানাত্||২৭-২৮||
Adhikarana 8 (29) · Śloka 29
অধ্যাযানাং শতং বিংশমেবমেতদুদীরিতম্ |২৯|
अध्यायानां शतं विंशमेवमेतदुदीरितम् |२९|
🔊 Audio coming soon
পূর্বপ্রতিজ্ঞাতমুপসংহরন্নাহ- অধ্যাযানামিত্যাদি| এবমেতদিতি অনন্তরোক্তম্|২৯|-
Adhikarana 9 (29-34) · Śloka 35
অতঃ পরং স্বনাম্নৈব তন্ত্রমুত্তরমুচ্যতে ||২৯|| অধিকৃত্য কৃতং যস্মাত্তন্ত্রমেতদুপদ্রবান্ | ঔপদ্রবিক ইত্যেষ তস্যাগ্র্যত্বান্নিরুচ্যতে ||৩০|| সন্ধৌ বর্ত্মনি শুক্লে চ কৃষ্ণে সর্বত্র দৃষ্টিষু | সংবিজ্ঞানার্থমধ্যাযা গদানাং তু প্রতি প্রতি ||৩১|| চিকিত্সাপ্রবিভাগীযো বাতাভিষ্যন্দবারণঃ | পৈত্তস্য শ্লৈষ্মিকস্যাপি রৌধিরস্য তথৈব চ ||৩২|| লেখ্যভেদ্যনিষেধৌ চ ছেদ্যানাং বর্ত্মদৃষ্টিষু | ক্রিযাকল্পোঽভিঘাতশ্চ কর্ণোত্থাস্তচ্চিকিত্সিতম্ ||৩৩|| ঘ্রাণোত্থানাং চ বিজ্ঞানং তদ্গদপ্রতিষেধনম্ | প্রতিশ্যাযনিষেধশ্চ শিরোগদবিবেচনম্ ||৩৪|| চিকিত্সা তদ্গদানাং চ শালাক্যং তন্ত্রমুচ্যতে |৩৫|
अतः परं स्वनाम्नैव तन्त्रमुत्तरमुच्यते ||२९|| अधिकृत्य कृतं यस्मात्तन्त्रमेतदुपद्रवान् | औपद्रविक इत्येष तस्याग्र्यत्वान्निरुच्यते ||३०|| सन्धौ वर्त्मनि शुक्ले च कृष्णे सर्वत्र दृष्टिषु | संविज्ञानार्थमध्याया गदानां तु प्रति प्रति ||३१|| चिकित्साप्रविभागीयो वाताभिष्यन्दवारणः | पैत्तस्य श्लैष्मिकस्यापि रौधिरस्य तथैव च ||३२|| लेख्यभेद्यनिषेधौ च छेद्यानां वर्त्मदृष्टिषु | क्रियाकल्पोऽभिघातश्च कर्णोत्थास्तच्चिकित्सितम् ||३३|| घ्राणोत्थानां च विज्ञानं तद्गदप्रतिषेधनम् | प्रतिश्यायनिषेधश्च शिरोगदविवेचनम् ||३४|| चिकित्सा तद्गदानां च शालाक्यं तन्त्रमुच्यते |३५|
🔊 Audio coming soon
শল্যতন্ত্রং প্রতিপাদ্য তদুত্তরমর্থবশাদাগতং প্রতিপাদযন্নাহ- অতঃ পরমিতি| অতঃ পরম্ উক্তস্থানপঞ্চকাদনন্তরং, স্বনাম্নৈব স্বসঞ্জ্ঞযৈব তন্ত্রমুচ্যতে| কিং তদাত্মীযমস্য নাম যেনোচ্যতে তত্তন্ত্রমিত্যাহ- উত্তরতন্ত্রমিতি; ন শল্যতন্ত্রসঞ্জ্ঞযা| কুতঃ পুনরৌপদ্রবিকাধ্যাযস্যোত্তরতন্ত্রস্যাদৌ স্থিতস্য ‘ঔপদ্রবিক’ ইতি নাম কৃতমিত্যাহ- অধিকৃত্যেত্যাদি| অধিকৃত্য অঙ্গীকৃত্য, উপদ্রবান্ রোগান্, যস্মাত্তন্ত্রমেতদুত্তরতন্ত্রং কৃতম্, অতস্তস্যোত্তরতন্ত্রস্যাগ্র্যত্বাত্ প্রথমত্বাত্, ‘ঔপদ্রবিক’ ইত্যধ্যাযো নিরুচ্যতে নিরুক্ত্যা কথ্যতে; উপদ্রবাধিকৃততন্ত্রস্য প্রথমত্বাদধ্যাযস্য ‘ঔপদ্রবিক’ ইতি নাম কৃতমিত্যর্থঃ| সন্ধৌ বর্ত্মনীত্যাদিষু গতানাং গদানাং তু প্রতি প্রতি সম্যগ্বিজ্ঞানার্থমধ্যাযা ইতি সম্বন্ধঃ| তেনাযমর্থঃ- সন্ধাবিতি সন্ধিগতরোগবিজ্ঞানীযাধ্যাযঃ, বর্ত্মনীতি বর্ত্মগতরোগবিজ্ঞানীযাধ্যাযঃ, শুক্লে চেতি শুক্লগতরোগবিজ্ঞানীযাধ্যাযঃ, কৃষ্ণে ইতি কৃষ্ণগতরোগবিজ্ঞানীযাধ্যাযঃ, সর্বত্রেতি সর্বগতরোগবিজ্ঞানীযাধ্যাযঃ দৃষ্টিষ্বিতি দৃষ্টিগতরোগবিজ্ঞানীযাধ্যাযঃ| পৈত্তস্যেত্যাদিষু অভিষ্যন্দবারণ ইতি সম্বন্ধঃ, তেন পৈত্তস্যেতি পিত্তাভিষ্যন্দপ্রতিষেধাধ্যাযঃ, শ্লেষ্মিকস্যেতি শ্লেষ্মাভিষ্যন্দপ্রতিষেধাধ্যাযঃ, রৌধিরস্যেতি রক্তাভিষ্যন্দপ্রতিষেধাধ্যাযঃ| লেখ্যভেদ্যনিষেধৌ চেতি লেখ্যরোগপ্রতিষেধাধ্যাযঃ, ভেদ্যরোগপ্রতিষেধাধ্যাযঃ| ছেদ্যানামিতি ছেদ্যরোগপ্রতিষেধাধ্যাযঃ| বর্ত্মদৃষ্টিষ্বিতি বর্ত্মগতরোগপ্রতিষেধাধ্যাযঃ, দৃষ্টিগতরোগপ্রতিষেধাধ্যাযঃ| অভিঘাতশ্চেতি নযনাভিঘাতপ্রতিষেধাধ্যাযঃ| কর্ণোত্থা ইতি কর্ণগতরোগবিজ্ঞানীযাধ্যাযঃ| তচ্চিকিত্সিতমিতি কর্ণগতরোগপ্রতিষেধাধ্যাযঃ| ঘ্রাণোত্থানাং চ বিজ্ঞানমিতি নাসাগতরোগবিজ্ঞানজ্ঞানীযধ্যাযঃ| তদ্গদপ্রতিষেধনমিতি নাসাগতরোগপ্রতিষেধাধ্যাযঃ| প্রতিশ্যাযনিষেধশ্চেতি প্রতিশ্যাযপ্রতিষেধাধ্যাযঃ| শিরোগদবিবেচনমিতি শিরোরোগবিজ্ঞানীযাধ্যাযঃ| চিকিত্সা তদ্গদানাং চেতি শিরোরোগপ্রতিষেধাধ্যাযঃ||২৯-৩৪||-
Adhikarana 10 (35-37) · Śloka 37
নবগ্রহাকৃতিজ্ঞানং স্কন্দস্য চ নিষেধনম্ ||৩৫|| অপস্মারশকুন্যোশ্চ রেবত্যাশ্চ পুনঃ পৃথক্ | পূতনাযাস্তথাঽন্ধাযাঃ শীতপূতনমণ্ডিকা ||৩৬|| নৈগমেষচিকিত্সা চ গ্রহোত্পত্তিঃ সযোনিজা | কুমারতন্ত্রমিত্যেতচ্ছারীরেষু চ কীর্তিতম্ ||৩৭||
नवग्रहाकृतिज्ञानं स्कन्दस्य च निषेधनम् ||३५|| अपस्मारशकुन्योश्च रेवत्याश्च पुनः पृथक् | पूतनायास्तथाऽन्धायाः शीतपूतनमण्डिका ||३६|| नैगमेषचिकित्सा च ग्रहोत्पत्तिः सयोनिजा | कुमारतन्त्रमित्येतच्छारीरेषु च कीर्तितम् ||३७||
🔊 Audio coming soon
শালাক্যতন্ত্রং সমাপ্য কুমারতন্ত্রং দর্শযন্নাহ- নবগ্রহেত্যাদি| স্কন্দস্য চ নিষেধনং স্কন্দগ্রহপ্রতিষেধাধ্যাযঃ| অপস্মারশকুন্যোশ্চেতি স্কন্দাপস্মারপ্রতিষেধাধ্যাযঃ, শকুনিপ্রতিষেধাধ্যাযঃ| রেবত্যাশ্চ পুনঃ পৃথগিতি রেবতীপ্রতিষেধাধ্যাযঃ| পূতনাযা ইতি পূতনাপ্রতিষেধাধ্যাযঃ| তথাঽন্ধাযা ইত্যত্রাপি পূতনাশব্দঃ সম্বধ্যতে; তেন অন্ধপূতনাপ্রতিষেধাধ্যাযঃ| শীতপূতনেতি শীতপূতনাপ্রতিষেধাধ্যাযঃ, মণ্ডিকেতি মুখমণ্ডিকাপ্রতিষেধাধ্যাযঃ| নৈগমেষচিকিত্সা চেতি নৈগমেষপ্রতিষেধাধ্যাযঃ| গ্রহোত্পত্তিরিতি গ্রহোত্পত্ত্যধ্যাযঃ| সযোনিজেতি যোনিব্যাপত্প্রতিষেধাধ্যাযঃ, সশব্দঃ সহার্থঃ| কুমারতন্ত্রমিতি অত্রেতিশব্দঃ কুমারতন্ত্রপরিসমাপ্তৌ| কিমেতাবদেব কুমারতন্ত্রমথবাঽন্যদপ্যস্তীতি পৃষ্ট আহ- শারীরেষু চ কীর্তিতমিতি| কিং তচ্ছরীরেষূক্তং? তদ্যথা- রজঃশুদ্ধিঃ, গর্ভাবক্রান্তিরিত্যাদি||৩৫-৩৭||
Adhikarana 11 (38-40) · Śloka 40
জ্বরাতিসারশোষাণাং গুল্মহৃদ্রোগিণামপি | পাণ্ডূনাং রক্তপিত্তস্য মূর্চ্ছাযাঃ পানজাশ্চ যে ||৩৮|| তৃষ্ণাযাশ্ছর্দিহিক্কানাং নিষেধঃ শ্বাসকাসযোঃ | স্বরভেদচিকিত্সা চ কৃম্যুদাবর্তিনোঃ পৃথক্ ||৩৯|| বিসূচিকারোচকযোর্মূত্রাঘাতবিকৃচ্ছ্রযোঃ | ইতি কাযচিকিত্সাযাঃ শেষমত্র প্রকীর্তিতম্ ||৪০||
ज्वरातिसारशोषाणां गुल्महृद्रोगिणामपि | पाण्डूनां रक्तपित्तस्य मूर्च्छायाः पानजाश्च ये ||३८|| तृष्णायाश्छर्दिहिक्कानां निषेधः श्वासकासयोः | स्वरभेदचिकित्सा च कृम्युदावर्तिनोः पृथक् ||३९|| विसूचिकारोचकयोर्मूत्राघातविकृच्छ्रयोः | इति कायचिकित्सायाः शेषमत्र प्रकीर्तितम् ||४०||
🔊 Audio coming soon
কা পুনরুত্তরতন্ত্রে কাযচিকিত্সেতি দর্শযন্নাহ- জ্বরেত্যাদি| নিষেধঃ প্রতিষেধঃ, স চ জ্বরাদিভিঃ সহ প্রত্যেকং সম্বধ্যতে; তেন জ্বরপ্রতিষেধোঽতীসারপ্রতিষেধ ইত্যাদি দ্রষ্টব্যম্| পানজাশ্চ য ইতি মদ্যপানজাশ্চ যে রোগাস্তেষাং প্রতিষেধঃ, এতেন পানাত্যযপ্রতিষেধ ইত্যুক্তম্| স্বরভেদচিকিত্সা চেতি স্বরভেদপ্রতিষেধঃ| মূত্রাঘাতবিকৃচ্ছ্রযোরিতি বিশব্দশ্ছন্দঃ পূর্তযে; তেন মূত্রাঘাতপ্রতিষেধঃ, মূত্রকৃচ্ছ্রপ্রতিষেধঃ| ইতি কাযচিকিত্সাযাঃ শেষমত্র প্রকীর্তিতমিতি ইতিশব্দঃ সমাপ্তৌ; অত্র উত্তরতন্ত্রে, কাযচিকিত্সাযাঃ শেষং প্রকীর্তিতং নির্দিষ্টং; শেষশব্দেন শল্যেঽপি নির্দিষ্টমিতি বোধযতি||৩৮-৪০||
Adhikarana 12 (41) · Śloka 41
অমানুষনিষেধশ্চ তথাঽঽপস্মারিকোঽপরঃ | উন্মাদপ্রতিষেধশ্চ ভূতবিদ্যা নিরুচ্যতে ||৪১||
अमानुषनिषेधश्च तथाऽऽपस्मारिकोऽपरः | उन्मादप्रतिषेधश्च भूतविद्या निरुच्यते ||४१||
🔊 Audio coming soon
কাযচিকিত্সাং সমাপ্য ভূতবিদ্যাং প্রতিপাদযন্নাহ- অমানুষেত্যাদি| অমানুষনিষেধঃ অমানুষোপসর্গপ্রতিষেধঃ | আপস্মারিকঃ অপস্মারপ্রতিষেধঃ||৪১||
Adhikarana 13 (42) · Śloka 42
রসভেদাঃ স্বস্থবৃত্তং যুক্তযস্তান্ত্রিকাশ্চ যাঃ | দোষভেদা ইতি জ্ঞেযা অধ্যাযাস্তন্ত্রভূষণাঃ ||৪২||
रसभेदाः स्वस्थवृत्तं युक्तयस्तान्त्रिकाश्च याः | दोषभेदा इति ज्ञेया अध्यायास्तन्त्रभूषणाः ||४२||
🔊 Audio coming soon
তন্ত্রভূষণাধ্যাযানাহ- রসভেদা ইত্যাদি| রসভেদাঃ রসভেদবিকল্পঃ| ইতিশব্দঃ সমাপ্তৌ| এতে অধ্যাযাস্তন্ত্রভূষণাঃ শাস্ত্রস্যালঙ্করণাঃ||৪২||
Adhikarana 14 (43) · Śloka 43
শ্রেষ্ঠত্বাদুত্তরং হ্যেতত্তন্ত্রমাহুর্মহর্ষযঃ | বহ্বর্থসঙ্গ্রহাচ্ছ্রেষ্ঠমুত্তরং বাঽপি পশ্চিমম্ ||৪৩||
श्रेष्ठत्वादुत्तरं ह्येतत्तन्त्रमाहुर्महर्षयः | बह्वर्थसङ्ग्रहाच्छ्रेष्ठमुत्तरं वाऽपि पश्चिमम् ||४३||
🔊 Audio coming soon
উত্তরতন্ত্রস্য নিরুক্তিং প্রতিপাদযন্নাহ- শ্রেষ্ঠত্বাদিত্যাদি| শ্রেষ্ঠত্বাদিতি এতত্তন্ত্রং মহর্ষযঃ শ্রেষ্ঠত্বাদুত্তরং ব্রুবন্তি| কুতঃ পুনরস্য শ্রেষ্ঠত্বমিত্যাহ- বহ্বর্থসঙ্গ্রহাচ্ছ্রেষ্ঠমিতি| শালক্যকুমারাবাধকাযচিকিত্সাভূতবিদ্যাতন্ত্রভূষণাধ্যাযনির্দিষ্টানামর্থানাং সঙ্গ্রহাচ্ছ্রেষ্ঠমুত্তরতন্ত্রম্| তস্য নিরুক্তিপক্ষান্তরং বক্তুমাহ- উত্তরং বাঽপি পশ্চিমমিতি|- পশ্চিমত্বাদ্বা ইদং তন্ত্রমুত্তরম্| ‘শেষত্বাদুত্তরং হ্যেতত্’- ইতি কেচিত্ পঠন্তি, পূর্বতন্ত্রশেষত্বাদিদং তন্ত্রমুত্তরং শ্রৈষ্ঠ্যাদ্বেতি ব্যাখ্যানযন্তি||৪৩||
Adhikarana 15 (44-46) · Śloka 46
শালাক্যতন্ত্রং কৌমারং চিকিত্সা কাযিকী চ যা | ভূতবিদ্যেতি চত্বারি তন্ত্রে তূত্তরসঞ্জ্ঞিতে ||৪৪|| বাজীকরং চিকিত্সাসু রসাযনবিধিস্তথা | বিষতন্ত্রং পুনঃ কল্পাঃ শল্যজ্ঞানং সমন্ততঃ ||৪৫|| ইত্যষ্টাঙ্গমিদং তন্ত্রমাদিদেবপ্রকাশিতম্ | বিধিনাঽধীত্য যুঞ্জানা ভবন্তি প্রাণদা ভুবি ||৪৬||
शालाक्यतन्त्रं कौमारं चिकित्सा कायिकी च या | भूतविद्येति चत्वारि तन्त्रे तूत्तरसञ्ज्ञिते ||४४|| वाजीकरं चिकित्सासु रसायनविधिस्तथा | विषतन्त्रं पुनः कल्पाः शल्यज्ञानं समन्ततः ||४५|| इत्यष्टाङ्गमिदं तन्त्रमादिदेवप्रकाशितम् | विधिनाऽधीत्य युञ्जाना भवन्ति प्राणदा भुवि ||४६||
🔊 Audio coming soon
অষ্টাঙ্গস্যাযুর্বেদস্য বিস্তরেণ প্রতিপাদিতস্য সঙ্ক্ষেপেণ তন্ত্রদ্বযেঽবস্থানং নিযমযন্নাহ- শালাক্যতন্ত্রমিত্যাদি| ইতি চত্বারি তন্ত্রাণি উত্তরসঞ্জ্ঞকে তন্ত্রে সন্তি| উত্তরতন্ত্রে চতুর্ণাং তন্ত্রাণামবস্থানং প্রতিপাদ্য পূর্বেঽপি শল্যতন্ত্রে চতুর্ণাং তন্ত্রাণামবস্থানং প্রতিপাদযন্নাহ- বাজীকরমিত্যাদি|- বাজীকরং তন্ত্রং চিকিত্সাসু যদুক্তং, তথা রসাযনবিধিশ্চ যশ্চিকিত্সাসূক্তঃ, তথা বিষতন্ত্রং কল্পাঃ কল্পস্থানোক্তং বিষতন্ত্রম্, এতত্ত্রযং পূর্বে শল্যতন্ত্রে প্রতিপাদিতম্| শল্যজ্ঞানং শল্যাঙ্গজ্ঞানং, সমন্ততঃ সর্বত্র| ইত্যষ্টাঙ্গমিদমিত্যাদি ইত্যনেন প্রকারেণ| আদিদেবপ্রকাশিতং ধন্বন্তরিণা প্রকটীকৃতম্| যুঞ্জানাঃ প্রযোগং কুর্বাণাঃ||৪৪-৪৬||
Adhikarana 16 (47) · Śloka 47
এতদ্ধ্যবশ্যমধ্যেযম্, অধীত্য চ কর্মাপ্যবশ্যমুপাসিতব্যম্, উভযজ্ঞো হি ভিষগ্ রাজার্হো ভবতি ||৪৭||
एतद्ध्यवश्यमध्येयम्, अधीत्य च कर्माप्यवश्यमुपासितव्यम्, उभयज्ञो हि भिषग् राजार्हो भवति ||४७||
🔊 Audio coming soon
এতদ্ধীতি এতত্ তন্ত্রং, হি স্ফুটম্, অবশ্যমধ্যেযমিতি নিশ্চযেন পঠনীযম্| উপাসিতব্যমিতি অভ্যসনীযম্| হি যস্মাদর্থে| রাজার্হঃ রাজযোগ্যো ভবতি রাজপূজ্য ইত্যর্থঃ||৪৭||
Adhikarana 17 (48-50) · Śloka 50
ভবন্তি চাত্র- যস্তু কেবলশাস্ত্রজ্ঞঃ কর্মস্বপরিনিষ্ঠিতঃ | স মুহ্যত্যাতুরং প্রাপ্য প্রাপ্য ভীরুরিবাহবম্ ||৪৮|| যস্তু কর্মসু নিষ্ণাতো ধার্ষ্ট্যাচ্ছাস্ত্রবহিষ্কৃতঃ | স সত্সু পূজাং নাপ্নোতি বধং চর্চ্ছতি রাজতঃ ||৪৯|| উভাবেতাবনিপুণাবসমর্থৌ স্বকর্মণি | অর্ধবেদধরাবেতাবেকপক্ষাবিব দ্বিজৌ ||৫০||
भवन्ति चात्र- यस्तु केवलशास्त्रज्ञः कर्मस्वपरिनिष्ठितः | स मुह्यत्यातुरं प्राप्य प्राप्य भीरुरिवाहवम् ||४८|| यस्तु कर्मसु निष्णातो धार्ष्ट्याच्छास्त्रबहिष्कृतः | स सत्सु पूजां नाप्नोति वधं चर्च्छति राजतः ||४९|| उभावेतावनिपुणावसमर्थौ स्वकर्मणि | अर्धवेदधरावेतावेकपक्षाविव द्विजौ ||५०||
🔊 Audio coming soon
ভবন্তি চাত্রেত্যাদি| কর্মস্বপরিনিষ্ঠিত ইতি কর্মসু বিষযে অনিষ্পন্নঃ অশিক্ষিত ইত্যর্থঃ, অদৃষ্টকর্মেত্যন্যে| আহবং সঙ্গ্রামম্| যস্তু কর্মসু নিষ্ণাত ইতি যঃ পুনঃ কর্মসু বিষযে সুশিক্ষিতঃ, শাস্ত্রবহিষ্কৃতঃ শাস্ত্রে চ বহির্ভূতঃ, ধার্ষ্ট্যাত্ প্রাগল্ভ্যাত্, কর্ম করোতি, স রাজতঃ রাজ্ঞঃ সকাশাত্, বধং চর্চ্ছতি বধং প্রাপ্নোতি| উভাবেতাবনিপুণৌ উভৌ দ্বৌ, এতৌ ইমৌ, অনিপুণৌ অশিক্ষিতৌ, স্বকর্মণি চিকিত্সাযাম্| অর্ধবেদধরাবিতি বেদশব্দোঽত্র জ্ঞানার্থঃ; তেন, অর্ধজ্ঞানধরৌ শাস্ত্রজ্ঞঃ কর্মজ্ঞো বা| কাবিবৈতাবর্ধবেদধরৌ স্বকর্মণ্যসমর্থৌ? আহ- এতাবেকপক্ষাবিব দ্বিজাবিতি|- যথৈকপক্ষৌ দ্বিজৌ পক্ষিণৌ, এতৌ সর্বতো গমনেঽসমর্থৌ তদ্বদিত্যর্থঃ||৪৮-৫০||
Adhikarana 18 (51) · Śloka 51
ওষধ্যোঽমৃতকল্পাস্তু শস্ত্রাশনিবিষোপমাঃ | ভবন্ত্যজ্ঞৈরুপহৃতাস্তস্মাদেতান্ বিবর্জযেত্ ||৫১||
ओषध्योऽमृतकल्पास्तु शस्त्राशनिविषोपमाः | भवन्त्यज्ञैरुपहृतास्तस्मादेतान् विवर्जयेत् ||५१||
🔊 Audio coming soon
কুতঃ কারণাচ্ছাস্ত্রবহিষ্কৃতো বধমৃচ্ছতি রাজত ইতি হেতুং প্রতিপাদযন্নাহ- ওষধ্য ইত্যাদি| অমৃতকল্পাঃ অমৃততুল্যাঃ| অজ্ঞৈরুপহৃতাঃ ঔষধবিষযাজ্ঞৈঃ প্রযুক্তাঃ, ওষধেরজ্ঞানং চ শাস্ত্রবিহীনত্বাত্| তথাচোক্তং- যস্তু কর্মসু নিষ্ণাতো ধার্ষ্ট্যাচ্ছাস্ত্রবহিষ্কৃত ইতি| ওষধীনাং জ্ঞানমপি নামরূপযোগভেদাত্ত্রিবিধং; তত্র নামাদিষু মধ্যে যোগজ্ঞানং প্রধানম্, ইদং চ যোগজ্ঞানং শাস্ত্রজ্ঞানে সতি ভবতি| তস্মাদেতান্ বিবর্জযেদিতি এতাঞ্ছাস্ত্রজ্ঞানবহিষ্কৃতান্ বিশেষেণ পরিহরেত্| দৃষ্টান্তত্রযোপাদানং চোর্ধ্বাধোভযভাগব্যাপন্নিদর্শনার্থমিত্যেকে; সংশোধনপাচনসংশমনীযৌষধব্যাপন্নিদর্শনার্থমিত্যপরে, অনেককালানেকাবস্থানত্বসূচনার্থমিত্যন্যে| ইতরে ত্বত্র শ্লোকাভ্যামন্যথা সমাধানং দধতি| তথাহি- “অথবৈতত্ত্রযং যদ্বন্মিলিতং মৃত্যুকারণম্| দুষ্প্রযুক্তাস্তু তাস্তদ্বন্নিযতং মৃত্যুকারণম্|| অপ্রসিদ্ধং ক্বচিত্ কিঞ্চিদিত্যর্থং ব্যাপ্য তত্ত্রযম্| গরুডাধিষ্ঠিতে দেশে বিষমপ্যবিষং যথা”- ইতি| অন্যে তু পুনারোষধ্যোঽমৃতকল্পাস্তথা স্নেহাদিষ্বনভিজ্ঞো য ইত্যুভযত্র উভাবপি কর্মশাস্ত্রানভিজ্ঞাবধিকুর্বতে, ‘তস্মাদেতৌ বিবর্জযেত্’- ইতি চ পঠন্তি, এতৌ পূর্বোক্তৌ কেবলশাস্ত্রজ্ঞকর্মজ্ঞৌ বিবর্জযেদিতি ব্যাখ্যানযন্তি| এষ পক্ষঃ পঞ্জিকাযাং বিস্তরেণাপ্যাদৃতঃ | যদ্যপ্যোষধিশব্দঃ ফলপাকান্তেষু দ্রব্যেষু বর্ততে, তথাঽপ্যত্র সমস্তদ্রব্যবাচী গ্রহীতব্যঃ, কুতঃ? বিশেষস্যানুপাদানাত্||৫১||
Adhikarana 19 (52) · Śloka 52
স্নেহাদিষ্বনভিজ্ঞো যশ্ছেদ্যাদিষু চ কর্মসু | স নিহন্তি জনং লোভাত্ কুবৈদ্যো নৃপদোষতঃ ||৫২||
स्नेहादिष्वनभिज्ञो यश्छेद्यादिषु च कर्मसु | स निहन्ति जनं लोभात् कुवैद्यो नृपदोषतः ||५२||
🔊 Audio coming soon
ইদানীং শাস্ত্রজ্ঞং কর্মানভিজ্ঞমধিকৃত্যাহ- স্নেহাদিষ্বিত্যাদি| ছেদ্যাদিভ্যঃ স্নেহাদীনি কর্মাণি প্রাগুপযুজ্যন্ত ইতি স্নেহাদীনাং প্রাগুপাদানং; কেচিচ্ছেদ্যাদীনাং গ্রহণং প্রাক্ পঠন্তি| কুবৈদ্য ইতি কুশব্দঃ কুত্সাবচনঃ, তেন শাস্ত্রজ্ঞস্যাপি কর্মাজ্ঞানেন কুত্সিতত্বং প্রতিপাদযতি| নৃপদোষত ইতি রাজ্ঞামযং দোষো যেন নাজ্ঞাতকর্মণি প্রবর্তযিতুং বৈদ্যান্নিবারযন্তি ভূপা ইতি| কেচিত্ কর্তৃপদং সর্বত্র বহুবচনান্তং পঠন্তি ‘স্নেদাদিষ্বনভিজ্ঞা যে’ ইত্যাদি||৫২||
Adhikarana 20 (53) · Śloka 53
যস্তূভযজ্ঞো মতিমান্ স সমর্থোঽর্থসাধনে | আহবে কর্ম নির্বোঢুং দ্বিচক্রঃ স্যন্দনো যথা ||৫৩||
यस्तूभयज्ञो मतिमान् स समर्थोऽर्थसाधने | आहवे कर्म निर्वोढुं द्विचक्रः स्यन्दनो यथा ||५३||
🔊 Audio coming soon
ইদানীং শাস্ত্রজ্ঞকর্মজ্ঞস্য গুণং নিদর্শযন্নাহ- যস্তূভযজ্ঞ ইত্যাদি| উভযজ্ঞঃ শাস্ত্রজ্ঞঃ কর্মজ্ঞশ্চ| মতিবান্ ঊহাপোহক্ষম ইত্যর্থঃ| অর্থসাধনে আরোগ্যকরণে| দৃষ্টান্তমাহ- আহবে কর্মনির্বোঢুমিত্যাদি|- আহবে সঙ্গ্রামে, কর্ম নির্বোঢুং কর্ম প্রবর্তযিতুং, স্যন্দনঃ রথঃ||৫৩||
Adhikarana 21 (54) · Śloka 54
অথ বত্স! তদেতদধ্যেযং যথা তথোপধারয মযা প্রোচ্যমানং- অথ শুচযে কৃতোত্তরাসঙ্গাযাব্যাকুলাযোপস্থিতাযাধ্যযনকালে শিষ্যায যথাশক্তি গুরুরুপদিশেত্ পদং পাদং শ্লোকং বা; তে চ পদপাদশ্লোকা ভূযঃ ক্রমেণানুসন্ধেযাঃ, এবমেকৈকশো ঘটযেদাত্মনা চানুপঠেত্; অদ্রুতমবিলম্বিতমবিশঙ্কিতমননুনাসিকং সুব্যক্তাক্ষরমপীডিতবর্ণমক্ষিভ্রুবৌষ্ঠহস্তৈরনভিনীতং সুসংস্কৃতং নাত্যুচ্চৈর্নাতিনীচৈশ্চ স্বরৈঃ পঠেত্ | ন চান্তরেণ কশ্চিদ্ব্রজেত্ তযোরধীযানযোঃ ||৫৪||
अथ वत्स! तदेतदध्येयं यथा तथोपधारय मया प्रोच्यमानं- अथ शुचये कृतोत्तरासङ्गायाव्याकुलायोपस्थितायाध्ययनकाले शिष्याय यथाशक्ति गुरुरुपदिशेत् पदं पादं श्लोकं वा; ते च पदपादश्लोका भूयः क्रमेणानुसन्धेयाः, एवमेकैकशो घटयेदात्मना चानुपठेत्; अद्रुतमविलम्बितमविशङ्कितमननुनासिकं सुव्यक्ताक्षरमपीडितवर्णमक्षिभ्रुवौष्ठहस्तैरनभिनीतं सुसंस्कृतं नात्युच्चैर्नातिनीचैश्च स्वरैः पठेत् | न चान्तरेण कश्चिद्व्रजेत् तयोरधीयानयोः ||५४||
🔊 Audio coming soon
ইদানীং প্রকৃতমধ্যযনং প্রস্তৌতি- অথ বত্সেত্যাদি| অথেতি আহ্নিকাদ্যাবশ্যকাদানন্তর্যে, আবশ্যকমাহ্নিকং কৃত্বেত্যর্থঃ| শুচযে কৃতাহ্নিকত্বেন পবিত্রায| কৃতোত্তরাসঙ্গায গৃহীতোত্তরীযবস্ত্রায| অব্যাকুলায একচিত্তায| উপস্থিতায সমীপস্থিতায, দূরস্থিতাবন্তরাযসম্ভবঃ; উপস্থিতায অভিবাদনানন্তরং কৃতোপস্থানাযেত্যন্যে| অধ্যযনকালে প্রাতরাদাবনধ্যযনবর্জিতে| শিষ্যায উপনযনবিধানেনাগ্নিসাক্ষিকমনুশিষ্টায| যথাশক্তি শিষ্যস্য শক্ত্যনতিক্রমেণ| পদং পাদং শ্লোকং বেতি অনেন ত্রিবিধাং গ্রহণশক্তিং স্থাপযতি; তেন হীনশক্তযে পদং, তচ্চ পদং স্বাদ্যন্তং ত্যাদ্যন্তং বা; তথাহি- “শুচযে কৃতোত্তরাসঙ্গায” ইত্যাদি স্বাদ্যন্তং ভবতি, উপদিশ্যতে ইতি ত্যাদ্যন্তং; মধ্যমশক্তযে পাদং শ্লোকচতুর্থাংশম্; উত্তমশক্তযে শ্লোকং চতুষ্পাদপরিপূর্ণম্| তে চ পদপাদশ্লোকা উপদিষ্টাঃ, ভূযঃ পুনঃ পুনঃ, অনুক্রমেণ, সন্ধেযাঃ সন্ধানীযাঃ; তথাহি- পদেন পাদঃ সন্ধানীযঃ, পদপাদাভ্যাং শ্লোকঃ সন্ধানীযঃ| এবমেকৈকশো ঘটযেত্ অনেন প্রকারেণ একমেকং শিষ্যং প্রতি যোজনিকাং কারযেত্| আত্মনা চানুপঠেত্ পঠতঃ শিষ্যস্য পশ্চাদাচার্যঃ স্বযং পঠেত্| শিষ্যস্য সুখপঠনার্থম | কাযমনোভ্যাং শিষ্যং নিযম্য পাঠে বাচি নিযন্তুমাহ- অদ্রুতমিত্যাদি|- অদ্রুতম্ অসন্নিকৃষ্টবর্ণপদপাদোচ্চারণম্| অবিলম্বিতং নাতিবিস্রস্তম্| অশঙ্কিতং ত্রাসরহিতম্| অননুনাসিকং ডঞণনমান্ বর্জযিত্বা নাসিকোচ্চরিতবর্জ্যম্| অপীডিতবর্ণং বর্ণমপীডযন্| অক্ষিভ্রুবৌষ্ঠহস্তৈরনভিনীতম্ অক্ষ্যাদিভির্নর্তক ইবাভিনযং ন কুর্যাদিত্যর্থঃ| সুসংস্কৃতম্ অক্লিষ্টবর্ণশ্রুতিকম্| নাত্যুচ্চৈর্নাতিনীচৈরিতি এতেনৈতদুক্তং- মধ্যমেন স্বরেণ পঠেত্| ন চান্তরেণেত্যাদি তযোর্গুরুশিষ্যযোর্মধ্যে ন কশ্চিদ্গচ্ছেদিত্যর্থঃ| অন্যে ত্বন্যথা পঠন্তি ব্যাখ্যানযন্তি চ- শাস্ত্রমুদ্দিশ্য তস্য সম্প্রদানাযাহ- অথ বত্সেত্যাদি|- বত্স সুশ্রুত ইতি গম্যতে, শাস্ত্রপ্রশ্নে তস্যাধিকৃতত্বাত্| কস্মৈ তদ্দেযমিত্যাহ- শুচয ইত্যাদি||৫৪||
Adhikarana 22 (55) · Śloka 55
ভবতশ্চাত্র | শুচির্গুরুপরো দক্ষস্তন্দ্রানিদ্রাবিবর্জিতঃ | পঠন্নেতেন বিধিনা শিষ্যঃ শাস্ত্রান্তমাপ্নুযাত্ ||৫৫||
भवतश्चात्र | शुचिर्गुरुपरो दक्षस्तन्द्रानिद्राविवर्जितः | पठन्नेतेन विधिना शिष्यः शास्त्रान्तमाप्नुयात् ||५५||
🔊 Audio coming soon
পঠতঃ শিষ্যস্য শাস্ত্রান্তাবাপ্তিহেতুমাহ- ভবতশ্চাত্রেত্যাদি| শুচিঃ বাহ্যাভ্যন্তরশৌচযুক্তঃ| গুরুপরঃ গুরুকার্যরতঃ| দক্ষঃ নিত্যাভিযুক্তঃ| তন্দ্রা আলস্যম্||৫৫||
Adhikarana 23 (56) · Śloka 56
বাক্সৌষ্ঠবেঽর্থবিজ্ঞানে প্রাগল্ভ্যে কর্মনৈপুণে | তদভ্যাসে চ সিদ্ধৌ চ যতেতাধ্যযনান্তগঃ ||৫৬||
वाक्सौष्ठवेऽर्थविज्ञाने प्रागल्भ्ये कर्मनैपुणे | तदभ्यासे च सिद्धौ च यतेताध्ययनान्तगः ||५६||
🔊 Audio coming soon
অধ্যযনান্তগঃ শিষ্যঃ কিং কুর্যাদিত্যাহ- বাগিত্যাদি| বাক্সৌষ্ঠবে অতিস্পষ্টবাক্ত্বে| প্রাগল্ভ্যে ধার্ষ্ট্যে; প্রাগল্ভ্যান্মহতোঽপি রোগান্ সাধ্যানুত্সাহী সাধযতি| তদভ্যাসে কর্মাভ্যাসে, চশব্দাত্ কর্মদর্শনেঽপি| সিদ্ধৌ চেতি আরব্ধাভিপ্রেতার্থসাধনং সিদ্ধিঃ; চকারোঽত্রাসাধ্যানামনারম্ভমনুক্তং সমুচ্চিনোতি||৫৬||
Adhikarana puShpikA · Śloka 3
ইতি সুশ্রুতসংহিতাযাং সূত্রস্থানেঽধ্যযনসম্প্রদানীযো নাম তৃতীযোঽধ্যাযঃ ||৩||
इति सुश्रुतसंहितायां सूत्रस्थानेऽध्ययनसम्प्रदानीयो नाम तृतीयोऽध्यायः ||३||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে তৃতীযোঽধ্যাযঃ||৩||