Adhikarana 1 (1-2) · Śloka 2
অথাতোঽগ্নিকর্মবিধিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातोऽग्निकर्मविधिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| অগ্নিনা কৃত্বা যত্ কর্ম, অগ্নেঃ সম্বন্ধি বা যত্ কর্ম, তদগ্নিকর্ম; তস্য বিধির্বিধানং; তদ্যস্মিন্নধ্যাযে বিদ্যতে তং ব্যাখ্যাস্যামঃ| ‘অগ্নিকর্মীযম্’ ইত্যন্যে পঠন্তি, “অগ্নিকর্মাধিকৃত্য কৃতোঽগ্নিকর্মীযঃ” ইতি ব্যাখ্যানযন্তি চ||১-২||
Adhikarana 2 (3) · Śloka 3
ক্ষারাদগ্নির্গরীযান্ ক্রিযাসু ব্যাখ্যাতঃ, তদ্দগ্ধানাং রোগাণামপুনর্ভাবাদ্ভেষজশস্ত্রক্ষারৈরসাধ্যানাং তত্সাধ্যত্বাচ্চ ||৩||
क्षारादग्निर्गरीयान् क्रियासु व्याख्यातः, तद्दग्धानां रोगाणामपुनर्भावाद्भेषजशस्त्रक्षारैरसाध्यानां तत्साध्यत्वाच्च ||३||
🔊 Audio coming soon
অগ্নিকর্মমাহাত্ম্যমাহ- ক্ষারাদিত্যাদি|- ক্ষারাদ্গুরোঃ সকাশাদগ্নির্গরীযান্ গুরুতরঃ| কুত্র পুনঃ ক্ষারাদগ্নির্গরীযানিত্যাহ- ক্রিযাসু কর্মসু, ন তু গুণেষু; গুণেষু পুনস্ত্রিদোষঘ্নচ্ছেদ্যভেদ্যলেখ্যকরণাদিষু ক্ষার এব প্রধানঃ; এতেন স্বে স্বে কৃত্যে দ্বযোরপি প্রাধান্যমিত্যুক্তং; যথা- দৃঢপ্রহারিত্বেনার্জুনাত্ কর্ণঃ, কর্ণাদ্দূরপাতিত্বেনার্জুনঃ প্রধানমিতি| ব্যাখ্যাত ইতি কথিত ইত্যর্থঃ| প্রতিজ্ঞাতস্য গরীযস্ত্বস্য সাধকং হেতুমাহ- তদ্দগ্ধানামিতি|- অগ্নিদগ্ধানাম্; অপুনর্ভাবাদিতি অপুনর্ভাবস্তু সাধ্যানাং সম্যগ্দগ্ধানাম্, এতদ্বিপর্যযে ত্বগ্নিদগ্ধস্যাপি পুনরুদ্ভবঃ; অন্যে ত্বন্যথা সমাদধতি- অর্বুদাদযোঽগ্নিনা সমূলমুন্মূলিতা মিথ্যাহারাদিভিঃ পুনর্দোষপ্রকোপাত্তত্স্থান এবান্যে জাযমানাস্তদ্বদুপলভ্যন্তে| হেত্বন্তরং সমুচ্চিন্বন্নাহ- ভেষজেত্যাদি| তত্সাধ্যত্বাত্ অগ্নিসাধ্যত্বাদিত্যর্থঃ| অন্যে তু ‘স্বেদশস্ত্রক্ষারৈঃ’ ইতি পঠন্তি, তত্রাযমর্থঃ- ভগন্দরার্শসাদযঃ পূর্বং স্বিদ্যন্তে, পশ্চাত্তেষু শস্ত্রমবচার্যতে; অথবা স্বেদগ্রহণং ভেষজোপলক্ষণং, ভেষজাশক্তৌ শস্ত্রাবচারণং, শস্ত্রাশক্তাবশেষব্যাধিশমনায ক্ষারঃ, ক্ষারাশক্যেঽবগাঢমূলে ব্যাধাবগ্নিরিতি||৩||
Adhikarana 3 (4) · Śloka 4
অথেমানি দহনোপকরণানি ভবন্তি- তদ্যথা- পিপ্পল্যজাশকৃদ্গোদন্তশরশলাকাজাম্ববৌষ্ঠেতরলৌহাঃ ক্ষৌদ্রগুডস্নেহাশ্চ | তত্র, পিপ্পল্যজাশকৃদ্গোদন্তশরশলাকাস্ত্বগ্গতানাং, জাম্ববৌষ্ঠেতরলৌহা মাংসগতানাং, ক্ষৌদ্রগুডস্নেহাঃ সিরাস্নাযুসন্ধ্যস্থিগতানাম্ ||৪||
अथेमानि दहनोपकरणानि भवन्ति- तद्यथा- पिप्पल्यजाशकृद्गोदन्तशरशलाकाजाम्बवौष्ठेतरलौहाः क्षौद्रगुडस्नेहाश्च | तत्र, पिप्पल्यजाशकृद्गोदन्तशरशलाकास्त्वग्गतानां, जाम्बवौष्ठेतरलौहा मांसगतानां, क्षौद्रगुडस्नेहाः सिरास्नायुसन्ध्यस्थिगतानाम् ||४||
🔊 Audio coming soon
অগ্ন্যবচারণোপকরণানি নিদর্শযন্নাহ- অথেমানীত্যাদি| অজাশকৃত্ ছাগপুরীষং; জাম্ববৌষ্টং জম্বূফলসদৃশমুখাগ্রা কৃষ্ণপাষাণরচিতা বর্তিঃ; ইতরলোহাস্তাম্ররজতাদযঃ, তেষাং বিকারা লৌহাঃ; ক্ষৌদ্রগুডস্নেহাশ্চেতি চকারাত্ সর্জরসমধূচ্ছিষ্টাদযঃ| অগ্ন্যুপকরণরাশিত্রযস্য প্রত্যেকং বিষযং দর্শযন্নাহ- তত্রেত্যাদি| ত্বগ্গতানামিতি বাতকফকৃতানাং সুপ্ত্যাদিবিকারাণাম্| মাংসগতানাং বাতকফজবিকারাণাম্| ক্ষৌদ্রগুডস্নেহা ইত্যত্রাপি বাতকফসম্ভূতানামিতি বোদ্ধব্যম্| ননু, কাশ্যপেন মুনিনা সিরাদিষ্বগ্নিকর্ম প্রতিষিদ্ধং; তথা চ তদ্বচনং- “ন সিরাস্নাযুসন্ধ্যস্থিমর্মস্বপি কথঞ্চন| দংশস্যোত্কর্তনং কার্যং দাহো বা ভিষজাঽগ্নিনা|”- ইতি; ইহ তু সিরাদিষ্বপ্যগ্নিকর্মোক্তম্, ইত্থং চ শাস্ত্রান্তরবিরোধঃ; তন্ন, অত্রাপি সিরাস্নাযুসন্ধ্যস্থিচ্ছেদাদ্রক্তাতিপ্রবৃত্তৌ ব্যাপত্প্রতীকারাযাগ্নিকর্মোক্তং, ন পুনঃ সিরাদিগতরোগোচ্ছেদনায, যতো মাংসদাহাদেব সিরাদিগতরোগোচ্ছেদো জাযত এব; তথা চ ভদ্রশৌনকঃ- “ত্বঙ্মাংসসংশ্রিতো বাযুস্ত্বগ্দাহেনৈব শাম্যতি| মাংসে দগ্ধে হি শাম্যন্তি সিরাস্নায্বস্থিসন্ধিজাঃ”- ইতি||৪||
Adhikarana 4 (5) · Śloka 5
তত্রাগ্নিকর্ম সর্বর্তুষু কুর্যাদন্যত্র শরদ্গ্রীষ্মাভ্যাং; তত্রাপ্যাত্যযিকেঽগ্নিকর্মসাধ্যে ব্যাধৌ তত্প্রত্যনীকং বিধিং কৃত্বা ||৫||
तत्राग्निकर्म सर्वर्तुषु कुर्यादन्यत्र शरद्ग्रीष्माभ्यां; तत्राप्यात्ययिकेऽग्निकर्मसाध्ये व्याधौ तत्प्रत्यनीकं विधिं कृत्वा ||५||
🔊 Audio coming soon
তস্য কালং সাপবাদং নির্দিশন্নাহ- তত্রাগ্নীত্যাদি| তত্রাগ্নিকর্ম সর্বর্তুষু কুর্যাদিত্যুত্সর্গঃ, অন্যত্র শরদ্গ্রীষ্মাভ্যামিত্যপবাদঃ| শরদ্গ্রীষ্মযোরপ্যবস্থাযাং প্রবৃত্তিমাহ- তত্রাপীত্যাদি| তত্রাপীতি শরদ্গ্রীষ্মযোরপি, আত্যযিকে আশুপ্রাণবিনাশকে, তত্প্রত্যনীকবিধিং কৃত্বেতি তস্যাগ্নিসমানস্য শরদ্গ্রীষ্মাভিধানস্যর্তোঃ, প্রত্যনীকবিধিং বিপরীতবিধানং শীতাচ্ছাদনভোজনপ্রদেহাদিকং কৃত্বা; ‘অগ্নিকর্ম কুর্যাত্’ ইত্যনুবর্ততে| অত্র পাঠে কেচিদ্বিধিশব্দং ন পঠন্তি||৫||
Adhikarana 5 (6) · Śloka 6
সর্বব্যাধিষ্বৃতুষু চ পিচ্ছিলমন্নং ভুক্তবতঃ; মূঢগর্ভাশ্মরীভগন্দরোদরার্শোমুখরোগেষ্বভুক্তবতঃ কর্ম কুর্বীত ||৬||
सर्वव्याधिष्वृतुषु च पिच्छिलमन्नं भुक्तवतः; मूढगर्भाश्मरीभगन्दरोदरार्शोमुखरोगेष्वभुक्तवतः कर्म कुर्वीत ||६||
🔊 Audio coming soon
সর্বাগ্নিকর্মাঙ্গবিধিমাহ- সর্বব্যাধিষ্বিত্যাদি| অত্রাপি ‘অগ্নিকর্ম কুর্যাত্’ ইতি প্রত্যেকং সম্বধ্যতে| পিচ্ছিলমন্নং পিচ্ছিলবীর্যমন্নং; শীতমৃদুপিচ্ছিলানাং বীর্যাণাং পিত্তঘ্নত্বাত্| তত্র প্রদেশেষু ভোজনস্য প্রতিষেধমাহ- মূঢগর্ভাশ্মরীত্যাদি| এষু ভোজনে কৃতে ঊর্ধ্বাধোবেগাভ্যাং কর্মবিঘাতঃ স্যাত্ ক্বচিদুদরানবকাশত্বাত্| কেচিদত্র ‘মূঢগর্ভাশ্মরী’ ইত্যাদিপাঠং ন পঠন্তি||৬||
Adhikarana 6 (7) · Śloka 7
তত্র দ্বিবিধমগ্নিকর্মাহুরেকে- ত্বগ্দগ্ধং, মাংসদগ্ধং চ; ইহ তু সিরাস্নাযুসন্ধ্যস্থিষ্বপি ন প্রতিষিদ্ধোঽগ্নিঃ ||৭||
तत्र द्विविधमग्निकर्माहुरेके- त्वग्दग्धं, मांसदग्धं च; इह तु सिरास्नायुसन्ध्यस्थिष्वपि न प्रतिषिद्धोऽग्निः ||७||
🔊 Audio coming soon
অগ্নিকর্মণ্যেকীযমতং দর্শযন্নাহ- তত্র দ্বিবিধমিত্যাদি| স্বতন্ত্রসিদ্ধান্তং দর্শযন্নাহ- ইহ তু সিরেত্যাদি| সিরাদিষ্বপ্যগ্নিকর্ম কর্তব্যমিত্যর্থঃ পূর্বং ব্যাখ্যাতঃ; “সিরাদিষ্বপ্যগ্নিকর্মবিধিরাত্যযিকে ব্যাধাবেব, নান্যত্র” ইত্যন্যে ব্যাখ্যানযন্তি||৭||
Adhikarana 7 (8) · Śloka 8
তত্র, শব্দপ্রাদুর্ভাবো দুর্গন্ধতা ত্বক্সঙ্কোচশ্চ ত্বগ্দগ্ধে, কপোতবর্ণতাঽল্পশ্বযথুবেদনা শুষ্কসঙ্কুচিতব্রণতা চ মাংসদগ্ধে; কৃষ্ণোন্নতব্রণতা স্রাবসন্নিরোধশ্চ সিরাস্নাযুদগ্ধে, রূক্ষারুণতা কর্কশস্থিরব্রণতা চ সন্ধ্যস্থিদগ্ধে ||৮||
तत्र, शब्दप्रादुर्भावो दुर्गन्धता त्वक्सङ्कोचश्च त्वग्दग्धे, कपोतवर्णताऽल्पश्वयथुवेदना शुष्कसङ्कुचितव्रणता च मांसदग्धे; कृष्णोन्नतव्रणता स्रावसन्निरोधश्च सिरास्नायुदग्धे, रूक्षारुणता कर्कशस्थिरव्रणता च सन्ध्यस्थिदग्धे ||८||
🔊 Audio coming soon
ত্বগাদিষু কর্মণি কৃতে প্রতিবিষযং ভেদলক্ষণং দর্শযন্নাহ- তত্র শব্দেত্যাদি| স্থিরব্রণতা কঠিনব্রণতা||৮||
Adhikarana 8 (9) · Śloka 9
তত্র শিরোরোগাধিমন্থযোর্ভ্রূললাটশঙ্খপ্রদেশেষু দহেত্, বর্ত্মরোগেষ্বার্দ্রালক্তকপ্রতিচ্ছন্নাং দৃষ্টিং কৃত্বা বর্ত্মরোমকূপান্ ||৯||
तत्र शिरोरोगाधिमन्थयोर्भ्रूललाटशङ्खप्रदेशेषु दहेत्, वर्त्मरोगेष्वार्द्रालक्तकप्रतिच्छन्नां दृष्टिं कृत्वा वर्त्मरोमकूपान् ||९||
🔊 Audio coming soon
রোগভেদাচ্ছরীরাবযববিশেষেষ্বগ্ন্যবচারণং দর্শযন্নাহ- তত্র শিরোরোগেত্যাদি| অধিমন্থঃ অক্ষিরোগোঽভিষ্যন্দপূর্বকঃ| ভ্রুবৌ অক্ষিকূটোপরি রোমরাজী, শঙ্খৌ ভ্রূকর্ণযোর্মধ্যম্| বর্ত্মদেশে যথাঽগ্ন্যবচারণং তথা দর্শযন্নাহ- বর্ত্মরোগেষ্বিত্যাদি| ‘দহেত্’ ইত্যনুবর্ততে| বর্ত্ম নেত্রচ্ছাদনম্| আর্দ্রালক্তক আর্দ্রকর্পটঃ||৯||
Adhikarana 9 (10) · Śloka 10
ত্বঙ্মাংসসিরাস্নাযুসন্ধ্যস্থিস্থিতেঽত্যুগ্ররুজি বাযাবুচ্ছ্রিতকঠিনসুপ্তমাংসে ব্রণে গ্রন্থ্যর্শোঽর্বুদভগন্দরাপচীশ্লীপদচর্মকীলতিলকালকান্ত্রবৃদ্ধিসন্ধিসিরাচ্ছেদনাদিষু নাডীশোণিতাতিপ্রবৃত্তিষু চাগ্নিকর্ম কুর্যাত্ ||১০||
त्वङ्मांससिरास्नायुसन्ध्यस्थिस्थितेऽत्युग्ररुजि वायावुच्छ्रितकठिनसुप्तमांसे व्रणे ग्रन्थ्यर्शोऽर्बुदभगन्दरापचीश्लीपदचर्मकीलतिलकालकान्त्रवृद्धिसन्धिसिराच्छेदनादिषु नाडीशोणितातिप्रवृत्तिषु चाग्निकर्म कुर्यात् ||१०||
🔊 Audio coming soon
শেষবিষযমবস্থাভেদেন দর্শযন্নাহ- ত্বঙ্মাংসেত্যাদি| অত্যুগ্ররুজে বাযৌ ইতি উগ্রশূলে বাযৌ| উচ্ছ্রিতকঠিনসুপ্তমাংসে ইতি উচ্ছ্রিতমুত্সেধবত্, সুপ্তমচেতনম্| নাডীতি ব্রণবিশেষঃ||১০||
Adhikarana 10 (11) · Śloka 11
তত্র বলয-বিন্দু-বিলেখা-প্রতিসারণানীতি দহনবিশেষাঃ ||১১||
तत्र वलय-बिन्दु-विलेखा-प्रतिसारणानीति दहनविशेषाः ||११||
🔊 Audio coming soon
প্রণিধানাকারবিশেষমাহ- তত্র বলযেত্যাদি| ব্যাধিমূলে বলযমিব বলযং, শলাকাগ্রনির্মিতো, বিন্দুরিব বিন্দুঃ, তির্যগৃজুবক্রা বিবিধা লেখা বিলেখা, তপ্তশলাকাপ্রভৃতিভিরবঘর্ষণং প্রতিসারণং; বিশেষা ইতি আশ্রযব্যাধিবশেনাকৃতিভেদাঃ| তত্র বলযেত্যাদিগদ্যস্যাদৌ কেচিত্ ‘রোগাকৃতিমবেক্ষ্য’ ইতি পঠন্তি; স চ নিবন্ধকারৈর্ন পঠিতঃ, কুতঃ? তস্যার্থস্যাগ্রিমশ্লোকেনৈবোক্তত্বাত্||১১||
Adhikarana 11 (12) · Śloka 12
ভবতি চাত্র- রোগস্য সংস্থানমবেক্ষ্য সম্যঙ্নরস্য মর্মাণি বলাবলং চ | ব্যাধিং তথর্তুং চ সমীক্ষ্য সম্যক্ ততোঽব্যবস্যেদ্ভিষগগ্নিকর্ম ||১২||
भवति चात्र- रोगस्य संस्थानमवेक्ष्य सम्यङ्नरस्य मर्माणि बलाबलं च | व्याधिं तथर्तुं च समीक्ष्य सम्यक् ततोऽव्यवस्येद्भिषगग्निकर्म ||१२||
🔊 Audio coming soon
বলযাদিদহনবিশেষারম্ভহেতুং পরিহার্যাণি চ দর্শযিতুমাহ- ভবতি চাত্রেত্যাদি| রোগস্য গ্রন্থ্যাদেঃ| সংস্থানম্ আযতাদ্যাকারম্| এতেন বলযাদ্যারম্ভহেতুঃ কথিতঃ| পরিহার্যাণি চ কথযন্নাহ- নরস্য মর্মাণীত্যাদি| বলাবলমিতি ‘আতুরস্য’ ইতি শেষঃ, বলবত্যাতুরে কর্মাধিকারঃ, অবলবতি পরিহারঃ| ব্যাধিং বাতকফাত্মকং, তত্রাগ্নিকর্মাধিকারঃ, পরিহারস্তু রক্তপিত্তাদৌ| ঋতুমিতি হেমন্তাদিপ্রবৃত্তিবিষযম্, অপ্রবৃত্তিস্তু শরদ্গ্রীষ্মযোঃ| অবেক্ষ্য সম্যগিতি অত্রৈকস্মিন্নেব শ্লোকে একার্থশব্দদ্বযকরণং প্রবৃত্তিনিবৃত্তিবিষযযোরুভযোরপ্যবেক্ষণে যত্নঃ কার্য ইতি প্রতিপাদনার্থম্| অধ্যবস্যেত্ কুর্যাদিত্যর্থঃ| প্রথমস্য ‘অবেক্ষ্য সম্যক্’ ইত্যেতস্য স্থানে ‘অথো বিদিত্বা’ ইতি কেচিত্ পঠন্তি, বিদিত্বা জ্ঞাত্বা||১২||
Adhikarana 12 (13) · Śloka 13
তত্র সম্যগ্দগ্ধে মধুসর্পির্ভ্যামভ্যঙ্গঃ ||১৩||
तत्र सम्यग्दग्धे मधुसर्पिर्भ्यामभ्यङ्गः ||१३||
🔊 Audio coming soon
ইদানীং সম্যগ্দগ্ধং চিকিত্সন্নাহ- তত্র সম্যগ্দগ্ধে ইত্যাদি| অগ্নিকর্মদূষিতরক্তপিত্তযোঃ প্রসাদায বেদনোপশমায চ||১৩||
Adhikarana 13 (14) · Śloka 14
অথেমানগ্নিনা পরিহরেত্- পিত্তপ্রকৃতিমন্তঃশোণিতং ভিন্নকোষ্ঠমনুদ্ধৃতশল্যং দুর্বলং বালং বৃদ্ধং ভীরুমনেকব্রণপীডিতমস্বেদ্যাংশ্চেতি ||১৪||
अथेमानग्निना परिहरेत्- पित्तप्रकृतिमन्तःशोणितं भिन्नकोष्ठमनुद्धृतशल्यं दुर्बलं बालं वृद्धं भीरुमनेकव्रणपीडितमस्वेद्यांश्चेति ||१४||
🔊 Audio coming soon
অগ্নের্নিবৃত্তিবিষযং দর্শযন্নাহ- অথেমানিত্যাদি| অন্তঃশোণিতং ভিন্নকোষ্ঠমিতি ইত্থম্ভূতস্য পুরুষস্য শোণিতনিরোধেন দাহপাকাদিসম্ভবাত্| ‘অনেকব্রণপীডিতম্’ ইত্যস্য স্থানে কেচিত্ ‘অনেকব্যাধিপরিপীডিতম্’ ইতি পঠন্তি| অস্বেদ্যাঃ ‘পাণ্ডুর্মেহী রক্তপিত্তী তৃষার্তঃ’ (চি. অ. ৩২) ইত্যাদযঃ||১৪||
Adhikarana 14 (15) · Śloka 15
অত ঊর্ধ্বমিতরথাদগ্ধলক্ষণং বক্ষ্যামঃ | তত্র, স্নিগ্ধং রূক্ষং বাঽঽ(চা)শ্রিত্য দ্রব্যমগ্নির্দহতি; অগ্নিসন্তপ্তো হি স্নেহঃ সূক্ষ্মসিরানুসারিত্বাত্ত্বগাদীননুপ্রবিশ্যাশু দহতি; তস্মাত্ স্নেহদগ্ধেঽধিকা রুজো ভবন্তি ||১৫||
अत ऊर्ध्वमितरथादग्धलक्षणं वक्ष्यामः | तत्र, स्निग्धं रूक्षं वाऽऽ(चा)श्रित्य द्रव्यमग्निर्दहति; अग्निसन्तप्तो हि स्नेहः सूक्ष्मसिरानुसारित्वात्त्वगादीननुप्रविश्याशु दहति; तस्मात् स्नेहदग्धेऽधिका रुजो भवन्ति ||१५||
🔊 Audio coming soon
বলযাদিপ্রকারাত্ প্রকারান্তরেণাগ্নিদগ্ধলক্ষণং বক্তুমাহ- অত ঊর্ধ্বমিত্যাদি| ইতরথা দগ্ধমিতি প্রকারান্তরেণ বৈদ্যাদৃতে প্রমাদাদ্দগ্ধম্| তত্রেত্যাদি দ্রব্যং স্নিগ্ধং সর্পিরাদি, রূক্ষং দ্রব্যং কাষ্ঠপাষাণলোষ্টাদি||১৫||
Adhikarana 15 (16) · Śloka 16
তত্র প্লুষ্টং দুর্দগ্ধং সম্যগ্দগ্ধমতিদগ্ধং চেতি চতুর্বিধমগ্নিদগ্ধম্ | তত্র যদ্বিবর্ণং প্লুষ্যতেঽতিমাত্রং তত্ প্লুষ্টং; যত্রোত্তিষ্ঠন্তি স্ফোটাস্তীব্রাশ্চোষদাহরাগপাকবেদনাশ্চিরাচ্চোপশাম্যন্তি তদ্দুর্দগ্ধং; সম্যগ্দগ্ধমনবগাঢং তালবর্ণং সুসংস্থিতং পূর্বলক্ষণযুক্তং চ; অতিদগ্ধে মাংসাবলম্বনং গাত্রবিশ্লেষঃ সিরাস্নাযুসন্ধ্যস্থিব্যাপাদনমতিমাত্রং জ্বরদাহপিপাসামূর্চ্ছাশ্চোপদ্রবা ভবন্তি, ব্রণশ্চাস্য চিরেণ রোহতি, রূঢশ্চ বিবর্ণো ভবতি | তদেতচ্চতুর্বিধমগ্নিদগ্ধলক্ষণমাত্মকর্মপ্রসাধকং ভবতি ||১৬||
तत्र प्लुष्टं दुर्दग्धं सम्यग्दग्धमतिदग्धं चेति चतुर्विधमग्निदग्धम् | तत्र यद्विवर्णं प्लुष्यतेऽतिमात्रं तत् प्लुष्टं; यत्रोत्तिष्ठन्ति स्फोटास्तीव्राश्चोषदाहरागपाकवेदनाश्चिराच्चोपशाम्यन्ति तद्दुर्दग्धं; सम्यग्दग्धमनवगाढं तालवर्णं सुसंस्थितं पूर्वलक्षणयुक्तं च; अतिदग्धे मांसावलम्बनं गात्रविश्लेषः सिरास्नायुसन्ध्यस्थिव्यापादनमतिमात्रं ज्वरदाहपिपासामूर्च्छाश्चोपद्रवा भवन्ति, व्रणश्चास्य चिरेण रोहति, रूढश्च विवर्णो भवति | तदेतच्चतुर्विधमग्निदग्धलक्षणमात्मकर्मप्रसाधकं भवति ||१६||
🔊 Audio coming soon
তত্রাগ্নিদগ্ধং বৈদ্যদোষাত্ প্রমাদাদ্বা চতুর্বিধং দর্শযন্নাহ- তত্র প্লুষ্টমিত্যাদি| প্লুষ্টদুর্দগ্ধযোর্হীনদগ্ধত্বেঽপি পৃথক্করণং লক্ষণচিকিত্সাভেদাত্| ‘তত্র প্লুষ্টম্’ ইত্যাদিগণনযৈব চতুঃসঙ্খ্যা লব্ধা, পুনঃ ‘চতুর্বিধম্’ ইতিকরণং প্লুষ্টদুর্দগ্ধাভ্যাং ভেদাভ্যাং হীনদগ্ধস্য ত্রিপ্রকারদাহশঙ্কানিরাসার্থম্| এষাং লক্ষণমাহ- তত্র যদ্বিবর্ণমিত্যাদি| তত্র তেষু মধ্যে| বিবর্ণং প্রাকৃতবর্ণাদন্যবর্ণম্| প্লুষ্যতেঽতিমাত্রম্ অত্যর্থং দহ্যতে ন চ স্ফোটোত্পত্তিঃ স্যাত্| অন্যে ত্বত্র ‘প্লুষ্টমতিমাত্রং বিবর্ণং যত্ প্লুষ্যতে’ ইতি পঠন্তি ব্যাখ্যানযন্তি চ- অতিমাত্রং বিবর্ণং যত্ প্লুষ্যত ইতি অগ্নিতাপেনোত্স্বিন্নমিব ভবতি; বিবর্ণমত্র পাণ্ডুবর্ণম্| যত্রেত্যাদি| চোষ আকৃষ্যত ইব বেদনাবিশেষঃ, দাহো ভস্মসাদ্ভবতীব, রাগো রক্ততা, বেদনা ওষাদযঃ| সম্যগ্দগ্ধমিত্যাদি| অনবগাঢম্ অতিদগ্ধলক্ষণরহিতম্| তালবর্ণং পক্বতালফলবর্ণমিত্যর্থঃ; ‘পক্বতালবর্ণং’ ইত্যেকে পঠন্তি, অপরে তু ‘তালপক্বফলবর্ণং’ ইতি| সুসংস্থিতম্ অত্যুন্নতাবনতাদিদোষবর্জিতম্| পূর্বলক্ষণযুক্তং চেতি ত্বঙ্মাংসসিরাস্নাযুসন্ধ্যস্থিদাহলিঙ্গযুক্তম্| অতিদগ্ধে ইত্যাদি| গাত্রবিশ্লেষো বিষটনং, ব্যাপাদনং হিংসনম্| অতিমাত্রশব্দো জ্বরাদিভিঃ সহ প্রত্যেকং সম্বধ্যতে| মূর্চ্ছাশ্চেতি চকারাচ্ছোণিতস্রাবাদযশ্চ| তদেতদিত্যাদি| প্লুষ্টাদিভেদেন চতুর্বিধমপ্যগ্নিকর্ম বৈদ্যস্য যদাত্মকর্ম চিকিত্সারূপং তস্য প্রসাধকং ভবতীত্যর্থঃ| ননু, সম্যগ্দগ্ধলক্ষণমেব বৈদ্যস্যাত্মকর্মপ্রসাধকং ভবতি, ন পুনঃ প্লুষ্টদুর্দগ্ধাতিদগ্ধলক্ষণং, সত্যং, সম্যগ্দগ্ধলক্ষণং বৈদ্যকর্মপ্রসাধকমুপাদেযত্বেন, প্লুষ্টদুর্দগ্ধাতিদগ্ধলক্ষণং পরিহার্যত্বেনেতি ন দোষঃ| অন্যে চান্যথা পঠন্তি- ‘তদেতচ্চতুর্বিধমগ্নিদগ্ধলক্ষণং পূর্বোক্তকর্মপ্রসাধকং ভবতি’- ইতি, ব্যাখ্যানযন্তি চ- “পূর্বোক্তং ত্বঙ্মাংসাশ্রিতং যদগ্নিকর্ম তল্লক্ষণপ্রসাধকং দ্যোতকং ভবতি; অথবা পূর্বোক্তেষ্বগ্নিসাধ্যেষু শিরোরোগাধিমন্থাদিষু যদগ্নিকর্ম তত্প্রসাধকং হেযোপাদেযরূপতযেত্যর্থঃ” ইতি| অপরে তু ‘তদেতচ্চতুর্বিধমগ্নিদগ্ধলক্ষণং পূর্বোক্তকর্মপ্রসাধনং চ ভবতি’ ইতি চকারং পঠন্তি ব্যাখ্যানযন্তি চ; তেষাং মতে যদেতচ্চতুর্বিধমগ্নিকর্ম তত্কথং চিকিত্সনীযমিত্যাহ- পূর্বোক্তকর্মপ্রসাধনং; পূর্বপ্রতিপাদিতা যা ক্রিযা তত্প্রতীকারং তচ্চিকিত্সিতমিত্যর্থঃ| পূর্বপ্রতিপাদিতক্রিযা তু ‘সম্যগ্দগ্ধে মধুসর্পির্ভ্যামভ্যঙ্গ’ ইত্যাদিকা| চকারাদ্বক্ষ্যমাণাপরাগ্নিপ্লুষ্টপ্রতপনাদিকর্মপ্রসাধকমিতি জ্ঞেযম্||১৬||
Adhikarana 16 (17-18) · Śloka 19
ভবন্তি চাত্র- অগ্নিনা কোপিতং রক্তং ভৃশং জন্তোঃ প্রকুপ্যতি | ততস্তেনৈব বেগেন পিত্তমস্যাভ্যুদীর্যতে ||১৭|| তুল্যবীর্যে উভে হ্যেতে রসতো দ্রব্যতস্তথা | তেনাস্য বেদনাস্তীব্রাঃ প্রকৃত্যা চ বিদহ্যতে ||১৮|| স্ফোটাঃ শীঘ্রং প্রজাযন্তে জ্বরস্তৃষ্ণা চ বাধতে |১৯|
भवन्ति चात्र- अग्निना कोपितं रक्तं भृशं जन्तोः प्रकुप्यति | ततस्तेनैव वेगेन पित्तमस्याभ्युदीर्यते ||१७|| तुल्यवीर्ये उभे ह्येते रसतो द्रव्यतस्तथा | तेनास्य वेदनास्तीव्राः प्रकृत्या च विदह्यते ||१८|| स्फोटाः शीघ्रं प्रजायन्ते ज्वरस्तृष्णा च बाधते |१९|
🔊 Audio coming soon
ইদানীং সর্বাগ্নিদগ্ধেষু চিকিত্সার্থং বিশিষ্টদূষ্যদোষযোর্দুষ্টিং দর্শযন্নাহ- ভবন্তি চাত্রেত্যাদি| ততস্তদনন্তরং; তেনৈবাগ্নিনা রক্তেন চেত্যর্থঃ| কুতঃ পুনঃ প্রাধান্যেনাগ্নিদগ্ধে পিত্তমেবোদীর্যত ইত্যাহ- তুল্যবীর্যে ইত্যাদি| হি যস্মাত্ কারণাত্, এতে দ্বে অপ্যগ্নিপিত্তে, তুল্যবীর্যে উষ্ণবীর্যে, রসতো রসাত্ দ্বে অপি কটুকে, দ্রব্যতো দ্রব্যাদপি তুল্যে; তথাহি- সদৃশ এবাধারো বহ্নেঃ পিত্তস্যাপি, দ্রব্যং চাত্র রসাদ্যাধার উচ্যতে; ততঃ কারণাত্তেনাগ্নিনাঽস্য পিত্তস্য কোপিতস্য বেদনা দাহাদিকা ‘ভবন্তি’ ইতি বাক্যশেষঃ| প্রকৃত্যা চ বিদহ্যত ইতি প্রকৃত্যা স্বভাবেন, বিদহ্যতে বিদাহমুপযাতি| তাভ্যামেব রক্তপিত্তাভ্যাং স্ফোটা জ্বরাদযশ্চ শীঘ্রং প্রজাযন্ত ইতি| অন্যে তু ‘উভে’ ইত্যত্র ‘রক্তপিত্তে’ ইতি ব্যাখ্যানযন্তি| উষ্ণবীর্যত্বং চ মধুররসস্যাপি রক্তপিত্তস্য যান্ত্রিকেক্ষুরসবদ্বিদাহিত্বাত্| দ্রব্যত ইতি এতে দ্বে অপি রক্তপিত্তে দ্রব্যাদপি তুল্যে, দ্রব্যশব্দেনাত্র হেত্বাধারৌ কথ্যেতে; তদ্যথা- রক্তপিত্তযোর্দ্বযোরপি তেজো হেতুঃ, আধারশ্চ দ্বযোরপি তেজ এবেতি||১৭-১৮||-
Adhikarana 17 (19-21) · Śloka 21
দগ্ধস্যোপশমার্থায চিকিত্সা সম্প্রবক্ষ্যতে ||১৯|| প্লুষ্টস্যাগ্নিপ্রতপনং কার্যমুষ্ণং তথৌষধম্ | শরীরে স্বিন্নভূযিষ্ঠে স্বিন্নং ভবতি শোণিতম্ ||২০|| প্রকৃত্যা হ্যুদকং শীতং স্কন্দযত্যতিশোণিতম্ | তস্মাত্ সুখযতি হ্যুষ্ণং ননু শীতং কথঞ্চন ||২১||
दग्धस्योपशमार्थाय चिकित्सा सम्प्रवक्ष्यते ||१९|| प्लुष्टस्याग्निप्रतपनं कार्यमुष्णं तथौषधम् | शरीरे स्विन्नभूयिष्ठे स्विन्नं भवति शोणितम् ||२०|| प्रकृत्या ह्युदकं शीतं स्कन्दयत्यतिशोणितम् | तस्मात् सुखयति ह्युष्णं ननु शीतं कथञ्चन ||२१||
🔊 Audio coming soon
দগ্ধস্যেত্যাদি| অগ্নিপ্রতপনং স্বেদনম্| উষ্ণং তথৌষধমিতি আলেপনান্নপানাদিকম্| কুতঃ কারণাদত্র শরীরমুপচর্যতে নাগ্নিকোপিতং রক্তপিত্তমিত্যাহ- শরীরে ইত্যাদি| স্বিন্নভূযিষ্ঠে অত্যর্থং স্বিন্নে| স্বল্পমপি রক্তং যদ্যস্বিন্নং ভবতি তদা রক্তপিত্তোপশমনেন শীতোপচারেণ দুঃখমুত্পাদযতীতি দর্শযন্নাহ- প্রকৃত্যেত্যাদি| স্কন্দযত্যতিশোণিতমিতি রক্তমত্যর্থং স্ত্যানতাং নযতীত্যর্থঃ; স্ত্যানেন রক্তেন চ রুদ্ধমার্গো বাযুরূষ্মাঽপ্যনির্গচ্ছন্ প্লুষ্টে শূলশোফরাগাদিকাং বেদনাং করোতি, অতঃ শীতক্রিযা ন সুখং করোতি; উষ্ণক্রিযা পুনা রক্তবিলযনকরী ভবতি, অত ঊষ্মনিঃসরণবাতানুলোমহেতুঃ সাঽতিসুখযতি||১৯-২১||
Adhikarana 18 (22) · Śloka 22
শীতামুষ্ণাং চ দুর্দগ্ধে ক্রিযাং কুর্যাদ্ভিষক্ পুনঃ | ঘৃতালেপনসেকাংস্তু শীতানেবাস্য কারযেত্ ||২২||
शीतामुष्णां च दुर्दग्धे क्रियां कुर्याद्भिषक् पुनः | घृतालेपनसेकांस्तु शीतानेवास्य कारयेत् ||२२||
🔊 Audio coming soon
দুর্দগ্ধক্রিযাং নির্দিশন্নাহ- শীতামিত্যাদি| দুর্দগ্ধেঽবগাঢমূলদগ্ধভাগস্য স্বিন্নরক্তস্য নির্বাপণার্থং শীতাং ক্রিযাং কুর্যাত্, অনবগাঢমূলদগ্ধভাগস্যাস্বিন্নরক্তস্য বিলযনার্থমুষ্ণাং ক্রিযাং কুর্যাত্; অন্যে তু শীতাং দাহাতিশযে, নাতিদাহে উষ্ণামিতি| পুনঃ কিং কুর্যাদিত্যাহ- ঘৃতালেপনাদীনপি শীতানেব কারযেদিতি| এবং সুখীভবতি ব্রণরোহণং চ||২২||
Adhikarana 19 (23-24) · Śloka 24
সম্যগ্দগ্ধে তুগাক্ষীরীপ্লক্ষচন্দনগৈরিকৈঃ | সামৃতৈঃ সর্পিষা স্নিগ্ধৈরালেপং কারযেদ্ভিষক্ ||২৩|| গ্রাম্যানূপৌদকৈশ্চৈনং পিষ্টৈর্মাংসৈঃ প্রলেপযেত্ | পিত্তবিদ্রধিবচ্চৈনং সন্ততোষ্মাণমাচরেত্ ||২৪||
सम्यग्दग्धे तुगाक्षीरीप्लक्षचन्दनगैरिकैः | सामृतैः सर्पिषा स्निग्धैरालेपं कारयेद्भिषक् ||२३|| ग्राम्यानूपौदकैश्चैनं पिष्टैर्मांसैः प्रलेपयेत् | पित्तविद्रधिवच्चैनं सन्ततोष्माणमाचरेत् ||२४||
🔊 Audio coming soon
সম্যগ্দগ্ধে চিকিত্সামাহ- সম্যগ্দগ্ধ ইত্যাদি| তুগাক্ষীরী বংশরোচনা, অন্যে তু বংশরোচনানুকারি পার্থিবং দ্রব্যং, প্লক্ষঃ পর্কটী, চন্দনং রক্তচন্দনং, সামৃতৈরিতি গুডূচীসহিতৈঃ; এতৈস্তুগাক্ষীর্যাদিদ্রব্যৈর্ঘৃতস্নিগ্ধীকৃতৈঃ পিত্তপ্রত্যনীকমবিশোষিণং লেপং সম্যগ্দগ্ধে কারযেদিত্যর্থঃ| বাতশান্ত্যর্থং প্রলেপমাহ- গ্রাম্যেত্যাদি| গ্রাম্যা অশ্বাদযঃ, আনূপা বরাহমহিষাদযঃ, ঔদকাঃ কূর্মাদযঃ| পিত্তবিদ্রধিবদিত্যাদি এনং সম্যগ্দগ্ধং, সন্ততোষ্মাণং বলবত্তরোষ্মাণম্||২৩-২৪||
Adhikarana 20 (25-26) · Śloka 27
অতিদগ্ধে বিশীর্ণানি মাংসান্যুদ্ধৃত্য শীতলাম্ | ক্রিযাং কুর্যাদ্ভিষক্ পশ্চাচ্ছালিতণ্ডুলকণ্ডনৈঃ ||২৫|| তিন্দুকীত্বক্কপালৈর্বা ঘৃতমিশ্রৈঃ প্রলেপযেত্ | ব্রণং গুডূচীপত্রৈর্বা ছাদযেদথবৌদকৈঃ ||২৬|| ক্রিযাং চ নিখিলাং কুর্যাদ্ভিষক্ পিত্তবিসর্পবত্ |২৭|
अतिदग्धे विशीर्णानि मांसान्युद्धृत्य शीतलाम् | क्रियां कुर्याद्भिषक् पश्चाच्छालितण्डुलकण्डनैः ||२५|| तिन्दुकीत्वक्कपालैर्वा घृतमिश्रैः प्रलेपयेत् | व्रणं गुडूचीपत्रैर्वा छादयेदथवौदकैः ||२६|| क्रियां च निखिलां कुर्याद्भिषक् पित्तविसर्पवत् |२७|
🔊 Audio coming soon
অতিদগ্ধে চিকিত্সামাহ- অতিদগ্ধে ইত্যাদি| বিশীর্ণানি অবলম্বিতানি| শালিতণ্ডুলকণ্ডনৈরিতি শালিতণ্ডুলকণ্ডনোদ্ভবৈর্গুণ্ডনৈঃ কণৈরিত্যর্থঃ; কণৈশ্চ চূর্ণপ্রযোগকালে ‘অবচূর্ণযেত্’ ইত্যধ্যাহারঃ| তিন্দুকীত্বক্কপালৈর্বেতি তিন্দুকীবল্কলকর্পরৈঃ; ‘তিন্দুকীত্বচা তিন্দুকীবল্কলেন, কপালৈর্মৃত্খর্পরৈঃ’ ইত্যন্যে| ‘তিন্দুকীত্বক্কষাযৈর্বা’ ইতি কেচিত্ পঠন্তি; তিন্দুক্যা যা ত্বক্ তযা প্রলেপযেত্, কষাযাঃ কষাযবৃক্ষাশ্চ যে তৈরপীত্যর্থঃ| অন্যে তু কষাযশব্দেন চূর্ণমাহুঃ; তত্র তিন্দুকীবল্কলচূর্ণৈরিত্যর্থঃ| ঔদকৈঃ পদ্মোত্পলাদিপত্রৈঃ; পিত্তরক্তোপদ্রুতো ব্রণো গুডূচ্যাদিপত্রচ্ছাদনেনোষ্মাণং ত্যক্ত্বা সুখং সংরোহতি||২৫-২৬||-
Adhikarana 21 (27-28) · Śloka 28
মধূচ্ছিষ্টং সমধুকং রোধ্রং সর্জরসং তথা ||২৭|| মঞ্জিষ্ঠাং চন্দনং মূর্বাং পিষ্ট্বা সর্পির্বিপাচযেত্ | সর্বেষামগ্নিদগ্ধানামেতদ্রোপণমুত্তমম্ ||২৮||
मधूच्छिष्टं समधुकं रोध्रं सर्जरसं तथा ||२७|| मञ्जिष्ठां चन्दनं मूर्वां पिष्ट्वा सर्पिर्विपाचयेत् | सर्वेषामग्निदग्धानामेतद्रोपणमुत्तमम् ||२८||
🔊 Audio coming soon
সর্বেষ্বগ্নিদগ্ধেষু রোপণার্থং চিকিত্সাং দর্শযন্নাহ- মধূচ্ছিষ্টমিত্যাদি| ইদং চ সামান্যং রোপণং ঘৃতং কেচিত্ পঠন্তি, ন তু নিবন্ধকারা ইতি; সূপযোগিত্বান্মযাঽপি লিখিতম্||২৭-২৮||
Adhikarana 22 (29) · Śloka 29
স্নেহদগ্ধে ক্রিযাং রূক্ষাং বিশেষেণাবচারযেত্ |২৯|
स्नेहदग्धे क्रियां रूक्षां विशेषेणावचारयेत् |२९|
🔊 Audio coming soon
স্নেহদগ্ধে চিকিত্সামাহ- স্নেহদগ্ধে ইত্যাদি| রূক্ষদগ্ধে পুনরনুক্তামপি স্নিগ্ধাং ক্রিযামবচারযেত্|২৯|-
Adhikarana 23 (29-37) · Śloka 37
অত ঊর্ধ্বং প্রবক্ষ্যামি ধূমোপহতলক্ষণম্ ||২৯|| শ্বসিতি ক্ষৌতি চাত্যর্থমপ্যাধমতি কাসতে | চক্ষুষোঃ পরিদাহশ্চ রাগশ্চৈবোপজাযতে ||৩০|| সধূমকং নিশ্বসিতি ঘ্রেযমন্যন্ন বেত্তি চ | তথৈব চ রসান্ সর্বান্ শ্রুতিশ্চাস্যোপহন্যতে ||৩১|| তৃষ্ণাদাহজ্বরযুতঃ সীদত্যথ চ মূর্চ্ছতি | ধূমোপহত ইত্যেষঃ শৃণু তস্য চিকিত্সিতম্ ||৩২|| সর্পিরিক্ষুরসং দ্রাক্ষাং পযো বা শর্করাম্বু বা | মধুরাম্লৌ রসৌ বাঽপি বমনায প্রদাপযেত্ ||৩৩|| বমতঃ কোষ্ঠশুদ্ধিঃ স্যাদ্ধূমগন্ধশ্চ নশ্যতি | বিধিনাঽনেন শাম্যন্তি সদনক্ষবথুজ্বরাঃ ||৩৪|| দাহমূর্চ্ছাতৃডাধ্মানশ্বাসকাসাশ্চ দারুণাঃ | মধুরৈর্লবণাম্লৈশ্চ কটুকৈঃ কবলগ্রহৈঃ ||৩৫|| সম্যগ্গৃহ্ণাতীন্দ্রিযার্থান্ মনশ্চাস্য প্রসীদতি | শিরোবিরেচনং চাস্মৈ দদ্যাদ্যোগেন শাস্ত্রবিত্ ||৩৬|| দৃষ্টির্বিশুধ্যতে চাস্য শিরোগ্রীবং চ দেহিনঃ | অবিদাহি লঘু স্নিগ্ধমাহারং চাস্য কল্পযেত্ ||৩৭||
अत ऊर्ध्वं प्रवक्ष्यामि धूमोपहतलक्षणम् ||२९|| श्वसिति क्षौति चात्यर्थमप्याधमति कासते | चक्षुषोः परिदाहश्च रागश्चैवोपजायते ||३०|| सधूमकं निश्वसिति घ्रेयमन्यन्न वेत्ति च | तथैव च रसान् सर्वान् श्रुतिश्चास्योपहन्यते ||३१|| तृष्णादाहज्वरयुतः सीदत्यथ च मूर्च्छति | धूमोपहत इत्येषः शृणु तस्य चिकित्सितम् ||३२|| सर्पिरिक्षुरसं द्राक्षां पयो वा शर्कराम्बु वा | मधुराम्लौ रसौ वाऽपि वमनाय प्रदापयेत् ||३३|| वमतः कोष्ठशुद्धिः स्याद्धूमगन्धश्च नश्यति | विधिनाऽनेन शाम्यन्ति सदनक्षवथुज्वराः ||३४|| दाहमूर्च्छातृडाध्मानश्वासकासाश्च दारुणाः | मधुरैर्लवणाम्लैश्च कटुकैः कवलग्रहैः ||३५|| सम्यग्गृह्णातीन्द्रियार्थान् मनश्चास्य प्रसीदति | शिरोविरेचनं चास्मै दद्याद्योगेन शास्त्रवित् ||३६|| दृष्टिर्विशुध्यते चास्य शिरोग्रीवं च देहिनः | अविदाहि लघु स्निग्धमाहारं चास्य कल्पयेत् ||३७||
🔊 Audio coming soon
ইদানীং কণ্ঠনাসাদিষু কর্মণি কৃতে ধূমোপঘাতলক্ষণং চিকিত্সাং চ দর্শযন্নাহ- অত ঊর্ধ্বমিত্যাদি| শ্বসিতি শ্বাসং করোতি| ক্ষৌতি চাত্যর্থমিতি অতিশযেন ছিক্কতি | আধমতি আধ্মানযুক্তো ভবতি| রাগঃ পীতলোহিততা অক্ষ্ণোঃ| ঘ্রেযমন্যত্র বেত্তি চেতি নাসাগতদোষেণ ধূমাদন্যদ্ ঘ্রেযং ন বেত্তি, ‘ঘ্রেযং তাবন্ন বেত্তি অন্যত্ স্পৃশ্যং দৃশ্যং চ ন বেত্তি’ ইত্যন্যে| রসান্ সর্বানিত্যত্র ‘ন বেত্তি’ ইতি সম্বধ্যতে| শ্রুতিশ্চাস্যোপহন্যত ইতি ন শৃণোতীত্যর্থঃ; শ্রোত্রগতদোষেণ| তৃষ্ণাদাহজ্বরযুত ইতি স্পর্শদোষেণ| সীদতি ক্রিযাস্বসমর্থো ভবতীত্যর্থঃ| শৃণু তস্যেত্যাদি| সর্পিরিক্ষুরসমিত্যেকো যোগঃ, দ্রাক্ষাং পযো বেতি দ্বিতীযঃ, শর্করাম্বু বেতি তৃতীযঃ, মধুরাম্লৌ রসৌ বাঽপীতি চতুর্থঃ| সদনম্ অঙ্গগ্লানিঃ| যোগেন মাত্রযা||২৯-৩৭||
Adhikarana 24 (38-39) · Śloka 39
উষ্ণবাতাতপৈর্দগ্ধে শীতঃ কার্যো বিধিঃ সদা | শীতবর্ষানিলৈর্দগ্ধে স্নিগ্ধমুষ্ণং চ শস্যতে ||৩৮|| তথাঽতিতেজসা দগ্ধে সিদ্ধর্নাস্তি কথঞ্চন | ইন্দ্রবজ্রাগ্নিদগ্ধেঽপি জীবতি প্রতিকারযেত্ | স্নেহাভ্যঙ্গপরীষেকৈঃ প্রদেহৈশ্চ তথা ভিষক্ ||৩৯||
उष्णवातातपैर्दग्धे शीतः कार्यो विधिः सदा | शीतवर्षानिलैर्दग्धे स्निग्धमुष्णं च शस्यते ||३८|| तथाऽतितेजसा दग्धे सिद्धर्नास्ति कथञ्चन | इन्द्रवज्राग्निदग्धेऽपि जीवति प्रतिकारयेत् | स्नेहाभ्यङ्गपरीषेकैः प्रदेहैश्च तथा भिषक् ||३९||
🔊 Audio coming soon
ইদানীং দগ্ধচিকিত্সাপ্রসঙ্গেন দগ্ধসদৃশস্য চিকিত্সাং দর্শযন্নাহ- উষ্ণেত্যাদি| উষ্ণবাতো গ্রৈষ্মিকঃ শারদো বা; উষ্ণবাতেনাতপেন চ দগ্ধ ইব দগ্ধঃ; উষ্ণবাতাতপাভ্যামিতি দ্বিবচনে প্রাপ্তে বহুবচনমনুক্তোষ্ণপ্রাপণার্থম্| সদাস্থানে কেচিদ্ ‘ব্রণে’ ইতি পঠন্তি ব্যাখ্যানযন্তি চ- ব্রণে ইতি ত্বগাদিব্রণবস্তুনি| শীতবর্ষানিলৈর্দগ্ধে ইতি শীতং হিমং, হিমদগ্ধস্তুষারদগ্ধ ইতি লোকোক্ত্যা হিমদগ্ধেঽপি দাহসাদৃশ্যমস্তি; বর্ষানিল ইতি বৃষ্টিসংযুক্তো বাতঃ, অত্রাপি বহুবচনমনুক্তশীতপ্রাপণার্থম্| ‘দগ্ধে’ ইত্যস্য স্থানে কেচিত্ ‘হতে’ ইতি পঠন্তি| তথাঽতিতেজসা দগ্ধে ইতি অতিতেজসা বজ্রাগ্নিনা | ‘তথাঽতিতেজসা দগ্ধে ন সিধ্যতি কথঞ্চন’ ইতি যত্ কৃতং তত্ কিঞ্চিদ্দগ্ধে সিদ্ধিরপি ভবতীতি জ্ঞাপনার্থম্| তত্র চ পূর্বোক্তেন বিধিনা শীতোষ্ণাদিনা প্রতিকর্তব্যমিতি| অস্যাগ্রে কেচিত্ “ইন্দ্রবজ্রাগ্নিদগ্ধেঽপি জীবতি প্রতিকারযেত্| স্নেহাভ্যঙ্গপরীষেকৈঃ প্রদেহৈশ্চ তথা ভিষক্”- ইতি পঠন্তি; তং চ নিবন্ধকারা ন পঠন্তি||৩৮-৩৯||
Adhikarana puShpikA · Śloka 12
ইতি সুশ্রুতসংহিতাযাং সূত্রস্থানেঽগ্নিকর্মবিধির্নাম দ্বাদশোঽধ্যাযঃ ||১২||
इति सुश्रुतसंहितायां सूत्रस्थानेऽग्निकर्मविधिर्नाम द्वादशोऽध्यायः ||१२||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে দ্বাদশোঽধ্যাযঃ||১২||