Adhikarana 1 (1-2) · Śloka 2
অথাতোঽন্নপানবিধিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातोऽन्नपानविधिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অন্নং শাল্যাদি, পানমনুপানাদি, বিধির্বিধানং কল্পনং প্রকারো বা||১-২||
Adhikarana 2 (3) · Śloka 3
ধন্বন্তরিমভিবাদ্য সুশ্রুত উবাচ- প্রাগভিহিতঃ ‘প্রাণিনাং পুনর্মূলমাহারো বলবর্ণৌজসাং চ, স ষট্সু রসেষ্বাযত্তঃ, রসাঃ পুনর্দ্রব্যাশ্রযিণঃ,’ দ্রব্যরসগুণবীর্যবিপাকনিমিত্তে চ ক্ষযবৃদ্ধী দোষাণাং সাম্যং চ, ব্রহ্মাদেরপি চ লোকস্যাহারঃ স্থিত্যুত্পত্তিবিনাশহেতুঃ, আহারাদেবাভিবৃদ্ধির্বলমারোগ্যং বর্ণেন্দ্রিযপ্রসাদশ্চ, তথা হ্যাহারবৈষম্যাদস্বাস্থ্যং; তস্যাশিতপীতলীঢখাদিতস্য নানাদ্রব্যাত্মকস্যানেকবিধবিকল্পস্যানেকবিধপ্রভাবস্য পৃথক্ পৃথগ্দ্রব্যরসগুণবীর্যবিপাককর্মাণীচ্ছামি জ্ঞাতুং, ন হ্যনববুদ্ধস্বভাবা ভিষজঃ স্বস্থানুবৃত্তিং রোগনিগ্রহণং চ কর্তুং সমর্থাঃ; আহারাযত্তাশ্চ সর্বপ্রাণিনো যস্মাত্তস্মাদন্নপানবিধিমুপদিশতু মে ভগবানিত্যুক্তঃ প্রোবাচ ভগবান্ ধন্বন্তরিঃ- অথ খলু বত্স সুশ্রুত! যথাপ্রশ্নমুচ্যমানমুপধারযস্ব- ||৩||
धन्वन्तरिमभिवाद्य सुश्रुत उवाच- प्रागभिहितः ‘प्राणिनां पुनर्मूलमाहारो बलवर्णौजसां च, स षट्सु रसेष्वायत्तः, रसाः पुनर्द्रव्याश्रयिणः,’ द्रव्यरसगुणवीर्यविपाकनिमित्ते च क्षयवृद्धी दोषाणां साम्यं च, ब्रह्मादेरपि च लोकस्याहारः स्थित्युत्पत्तिविनाशहेतुः, आहारादेवाभिवृद्धिर्बलमारोग्यं वर्णेन्द्रियप्रसादश्च, तथा ह्याहारवैषम्यादस्वास्थ्यं; तस्याशितपीतलीढखादितस्य नानाद्रव्यात्मकस्यानेकविधविकल्पस्यानेकविधप्रभावस्य पृथक् पृथग्द्रव्यरसगुणवीर्यविपाककर्माणीच्छामि ज्ञातुं, न ह्यनवबुद्धस्वभावा भिषजः स्वस्थानुवृत्तिं रोगनिग्रहणं च कर्तुं समर्थाः; आहारायत्ताश्च सर्वप्राणिनो यस्मात्तस्मादन्नपानविधिमुपदिशतु मे भगवानित्युक्तः प्रोवाच भगवान् धन्वन्तरिः- अथ खलु वत्स सुश्रुत! यथाप्रश्नमुच्यमानमुपधारयस्व- ||३||
🔊 Audio coming soon
অথ শিষ্যো গুরুং প্রতি প্রশ্নং কুর্বন্নাহ- ধন্বন্তরিমিত্যাদি| অভিবাদ্য নমস্কৃত্য| উবাচ উক্তবান্| কিমুক্তবানিত্যাহ- প্রাগভিহিত ইত্যাদি| মূলং কারণম্| স ইতি আহারঃ| নিমিত্তে চেতি চকারাদিন্দ্রিযার্থাঃ কালো বিহারশ্চেতি ত্রযং সমুচ্চীযতে| দোষাণামিত্যুপলক্ষণং, তেন দোষধাত্বাদীনামিত্যর্থঃ| আহারস্য সর্বাপেক্ষণীযতামাহ- ব্রহ্মাদেরিত্যাদি| স্থিতিঃ অবস্থানম্, উত্পত্তিঃ জন্ম, বিনাশঃ প্রলযঃ; উত্পত্তিহেতুরপি সম্যগুপযোগাত্ প্রধানধাতূত্পত্তেঃ, বিনাশহেতুশ্চ মিথ্যোপযোগাত্; দেবানাং স্থিতিহেতুরেব, জরাযুজানাং স্থিত্যুত্পত্তিবিনাশানাং ত্রযাণামপি হেতুঃ; ধ্যানাহারত্বেঽপি ব্রহ্মাদের্যোগাদিদ্বারেণ তৃপ্তিসম্ভবাদমৃতপ্রাশার্থমাহারঃ| স্থিতিহেতুতামেব বিবৃণ্বন্নাহ- আহারাদেবেত্যাদি| অভিবৃদ্ধিঃ শরীরস্য| বলমুত্সাহোপচযলক্ষণম্| আরোগ্যং স্বাস্থ্যলক্ষণম্| বর্ণো গৌরাদিঃ; ইন্দ্রিযাণাং প্রসাদঃ স্বস্ববিষযগ্রহণসামর্থ্যম্| বৈষম্যম্ অন্যথোপযোগঃ| অস্বাস্থ্যং দোষাদিবৈষম্যম্| তস্য চাতুর্বিধ্যমাহ- অশিতেত্যাদি; অশিতং ভোজ্যমোদনাদি, পীতং পেযং ক্ষীরাদি, লীঢং লেহ্যং মধ্বাদি, খাদিতং ভক্ষ্যং মোদকাদি| নানাদ্রব্যাত্মকস্যেতি বহুবিধপৃথিব্যাদিদ্রব্যারব্ধস্য| অনেকবিধবিকল্পস্য অনেকবিধা মণ্ডপেযাবিলেপীভক্তাদযো বিকল্পাঃ প্রকারা যস্য স তথা| অনেকবিধপ্রভাবস্য নানাপ্রকারশক্তিকস্য| ন হীতি হি যস্মাদর্থে| অনববুদ্ধস্বভাবা আহারস্যাজ্ঞাতস্বরূপাঃ| ভিষজো বৈদ্যাঃ| মে মমেত্যর্থঃ| ভগবানিতি ধন্বন্তরিং প্রতি পূজাবচনম্| উত্তরমাহ- ইত্যুক্ত ইতি|- উক্তঃ পূর্বোক্তবচনৈঃ প্রেরিতঃ| প্রোবাচ উক্তবান্| অথেতি মঙ্গলে| খলু বাক্যালঙ্কারে||৩||
Adhikarana 3 (4) · Śloka 4
তত্র, লোহিতশালিকলমকর্দমকপাণ্ডুকসুগন্ধকশকুনাহৃতপুষ্পাণ্ডকপুণ্ডরীকমহাশালিশীতভীরুকরোধ্রপুষ্পক- দীর্ঘশূককাঞ্চনকমহিষমহাশূকহাযনকদূষকমহাদূষকপ্রভৃতযঃ শালযঃ ||৪||
तत्र, लोहितशालिकलमकर्दमकपाण्डुकसुगन्धकशकुनाहृतपुष्पाण्डकपुण्डरीकमहाशालिशीतभीरुकरोध्रपुष्पक- दीर्घशूककाञ्चनकमहिषमहाशूकहायनकदूषकमहादूषकप्रभृतयः शालयः ||४||
🔊 Audio coming soon
তত্রেত্যাদি| লোহিতশালী রক্তশালিঃ; কলমোঽন্তর্বেদ্যাং `কলবিঃ’ ইতি লোকে; কর্দমক ইতি সাতিশযে পঙ্কে নিষ্পদ্যত ইতি কর্দমকো লোকতোঽবগন্তব্যঃ; পাণ্ডুক ইতি পাণ্ডুতুষঃ পাণ্ডুশূকশ্চ পাণ্ডুকঃ; সুগন্ধকো দেবশালিঃ পাঞ্চালে; শকুনাহৃত উত্তরকুরোঃ সকাশাদ্ধংসৈরানীতঃ, অবন্ত্যাং নগর্যাং স এব বক্রনাম্না প্রসিদ্ধঃ, মগধদেশে তু ‘পাশক’ ইতি, বৃদ্ধবৈদ্যাস্তু “দ্বীপান্তরাত্ সমানীতো গরুডেন মহাত্মনা| শকুনাহৃতঃ সশালিঃ স্যাদ্গরুডাপরনামকঃ” ইত্যাহুঃ, পুষ্পাণীব সুগন্ধানি সুকুমারাণ্যণ্ডানি তণ্ডুলানি যস্য সঃ পুষ্পাণ্ডকো লোকতোঽবগন্তব্যঃ; পুণ্ডরীকং শ্বেতপদ্মং তত্সদৃশঃ সৌকুমার্যবর্ণসৌরভৈর্যঃ সঃ পুণ্ডরীকো দেবগ্রহাদেব বহুপোষনামা; মহাতণ্ডুলকো মহাশালিঃ; শীতাদ্বিভেতীত্যেবং শীতভীরুকো লোকাদবগন্তব্যঃ; রোধ্রপুষ্পাকারাঃ শূকা যস্য স রোধ্রপুষ্পকঃ; দীর্ঘাঃ শূকা যস্য স দীর্ঘশূকঃ; কাঞ্চনকঃ স্বর্ণশালিঃ; মহিষশূকো মধ্যদেশে ‘তিলবাসী’ ইতি প্রসিদ্ধঃ; হাযনকঃ ‘শঙ্গুবাক’ ইতি লোকে, জেজ্ঝটস্তু ‘ঘোটকপুচ্ছ’ ইত্যাহ; দূষকমহাদূষকৌ লোকাদবগন্তব্যৌ| প্রভৃতিগ্রহণাদ্যবকনৈষধাদযঃ| শালয ইতি অকণ্ডিতশুক্লা হৈমন্তাঃ, অন্যে তু ‘কণ্ডিতশুক্লা অকণ্ডিতশুক্লাশ্চ হৈমন্তাঃ শালযঃ, গ্রৈষ্মাঃ ষষ্টিকাঃ; ‘প্রাযেণ গর্ভপাকাঃ ষষ্টিকাঃ’ ইত্যন্যে; বার্ষিকাস্তু ব্রীহযঃ, ‘কণ্ডিতশুক্লাস্তু ব্রীহযঃ’ ইত্যন্যে| অত্র লোহিতশাল্যাদযস্তেষু তেষু দেশেষু তৈস্তৈর্নামভিঃ প্রসিদ্ধাঃ; একমেব হি দ্রব্যং নানাদেশেষু নানাশব্দৈরভিধীযতে; যথা- বহবোঽন্নং ভক্তমাহুঃ, দাক্ষিণাত্যাস্তু কূরমিতি; তত্র দাক্ষিণাত্যেষু ভক্তসঞ্জ্ঞযৈব প্রসিদ্ধস্তদিতরেষু পুনঃ কূরসঞ্জ্ঞেতি(?); তস্মাত্তু শূকশমীকুধান্যানি নানাদেশজকৃষীবলেভ্যো জ্ঞেযানি, মৃগাস্তু নানাদেশীযব্যাধেভ্যঃ, শাকুনিকেভ্যঃ পক্ষিণঃ, কন্দমূলফলাশিভ্যো বনেচরতপস্বিভ্যঃ কন্দমূলফলানি, শাকানি তু গ্রাম্যারণ্যবাসিভ্যঃ, কৃতান্নানি তু সূদেভ্যঃ, ভেষজদ্রব্যাণি পুনঃ ক্রয্যাণি বণিগ্ভ্যঃ, অক্রেযাণি পুনর্মূলাদীনি তাপসবনেচরেভ্য ইতি||৪||
Adhikarana 4 (5) · Śloka 5
মধুরা বীর্যতঃ শীতা লঘুপাকা বলাবহাঃ | পিত্তঘ্নাল্পানিলকফাঃ স্নিগ্ধা বদ্ধাল্পবর্চসঃ ||৫||
मधुरा वीर्यतः शीता लघुपाका बलावहाः | पित्तघ्नाल्पानिलकफाः स्निग्धा बद्धाल्पवर्चसः ||५||
🔊 Audio coming soon
তত্র শালীনাং সামান্যগুণমাহ- মধুরা ইত্যাদি| পূর্বং হি `দ্রব্যরসগুণবীর্যবিপাককর্মাণীচ্ছামি জ্ঞাতুং’ ইত্যুক্তং, তদেব দর্শযতি- তত্র লোহিতশালীত্যাদি যাবত্ দূষকমহাদূষকপ্রভৃতযঃ শালয ইতি দ্রব্যনির্দেশঃ, `মধুরা’ ইতি রসনির্দেশঃ, `বীর্যতঃ শীতা’ ইতি বীর্যনির্দেশঃ, `লঘুপাকা’ ইতি পাকনির্দেশঃ, স্নিগ্ধা’ ইত্যাদি গুণনির্দেশঃ, `পিত্তঘ্না’ ইত্যাদি স্বকর্মনির্দেশঃ| অল্পানিলকফাঃ অল্পং বাতং শ্লেষ্মাণং চ কুর্বন্তীত্যর্থঃ||৫||
Adhikarana 5 (6) · Śloka 7
তেষাং লোহিতকঃ শ্রেষ্ঠো দোষঘ্নঃ শুক্রমূত্রলঃ | চক্ষুষ্যো বর্ণবলকৃত্ স্বর্যো হৃদ্যস্তৃষাপহঃ ||৬|| ব্রণ্যো জ্বরহরশ্চৈব সর্বদোষবিষাপহঃ |৭|
तेषां लोहितकः श्रेष्ठो दोषघ्नः शुक्रमूत्रलः | चक्षुष्यो वर्णबलकृत् स्वर्यो हृद्यस्तृषापहः ||६|| व्रण्यो ज्वरहरश्चैव सर्वदोषविषापहः |७|
🔊 Audio coming soon
লোহিতশালিগুণমাহ- তেষামিত্যাদি| দোষঘ্নস্ত্রিদোষঘ্নঃ| সর্বদোষেত্যাদি অত্র দোষশব্দো ব্যাধিষু বর্ততে||৬||-
Adhikarana 6 (7) · Śloka 7
তস্মাদল্পান্তরগুণাঃ ক্রমশঃ শালযোঽবরাঃ ||৭||
तस्मादल्पान्तरगुणाः क्रमशः शालयोऽवराः ||७||
🔊 Audio coming soon
শালীনাং তারতম্যমাহ- তস্মাদিত্যাদি| তস্মাত্ লোহিতশালেঃ| অল্পান্তরগুণা ইতি অল্পমন্তরং ভেদঃ ক্রমেণাবরত্বেন যেষাং তে তথোক্তাঃ| গুণশব্দঃ কর্মবাচী| ক্রমশোঽবরা ইতি ক্রমাত্ ক্রমাদ্ধীনা ইত্যর্থঃ||৭||
Adhikarana 7 (8-9) · Śloka 9
ষষ্টিককাঙ্গুকমুকুন্দকপীতকপ্রমোদককাকলকাসনপুষ্পকমহাষষ্টিকচূর্ণককুরবককেদারপ্রভৃতযঃ ষষ্টিকাঃ ||৮|| রসে পাকে চ মধুরাঃ শমনা বাতপিত্তযোঃ | শালীনাং চ গুণৈস্তুল্যা বৃংহণাঃ কফশুক্রলাঃ ||৯||
षष्टिककाङ्गुकमुकुन्दकपीतकप्रमोदककाकलकासनपुष्पकमहाषष्टिकचूर्णककुरवककेदारप्रभृतयः षष्टिकाः ||८|| रसे पाके च मधुराः शमना वातपित्तयोः | शालीनां च गुणैस्तुल्या बृंहणाः कफशुक्रलाः ||९||
🔊 Audio coming soon
ষষ্টিকানাহ- ষষ্টিকেত্যাদি| অন্তে ষষ্টিকাভিধানং সর্বেষাং ষষ্টিকত্বসূচনার্থম্| ষষ্টিকো গৌরষষ্টিকঃ, মুকুন্দককাকলকাসনপুষ্পককুরবককেদারাঃ কৃষ্ণষষ্টিকাঃ, শেষা গৌরকৃষ্ণা ইতি| প্রভৃতিগ্রহণাচ্চীনদুর্দরশারদাদযঃ| ষষ্টিকো ব্রীহিভেদ এব, ‘ষষ্টিকো ব্রীহিষু শ্রেষ্ঠ’ ইত্যুক্তত্বাত্; কিন্তু ব্রীহিশ্চিরপাকী, ষষ্টিকস্তু শীঘ্রপাকী||৮-৯||
Adhikarana 8 (10) · Śloka 11
ষষ্টিকঃ প্রবরস্তেষাং কষাযানুরসো লঘুঃ | মৃদুঃ স্নিগ্ধস্ত্রিদোষঘ্নঃ স্থৈর্যকৃদ্বলবর্ধনঃ ||১০|| বিপাকে মধুরো গ্রাহী তুল্যো লোহিতশালিভিঃ |১১|
षष्टिकः प्रवरस्तेषां कषायानुरसो लघुः | मृदुः स्निग्धस्त्रिदोषघ्नः स्थैर्यकृद्बलवर्धनः ||१०|| विपाके मधुरो ग्राही तुल्यो लोहितशालिभिः |११|
🔊 Audio coming soon
গৌরষষ্টিকগুণমাহ- ষষ্টিক ইত্যাদি| স্থৈর্যকৃত্ দেহদার্ঢ্যকৃত্, তারুণ্যস্থাপকো বা||১০||
Adhikarana 9 (11) · Śloka 11
শেষাস্ত্বল্পান্তরাস্তস্মাত্ ষষ্টিকাঃ ক্রমশো গুণৈঃ ||১১||
शेषास्त्वल्पान्तरास्तस्मात् षष्टिकाः क्रमशो गुणैः ||११||
🔊 Audio coming soon
শেষাস্ত্বিত্যাদি| অল্পান্তরাঃ স্তোকভেদা গুণৈঃ কৃত্বা| তস্মাত্ গৌরষষ্টিকাত্||১১||
Adhikarana 10 (12) · Śloka 12
কৃষ্ণব্রীহিশালামুখজতুমুখনন্দীমুখলাবাক্ষকত্বরিতককুক্কুটাণ্ডকপারাবতকপাটলপ্রভৃতযো ব্রীহযঃ ||১২||
कृष्णव्रीहिशालामुखजतुमुखनन्दीमुखलावाक्षकत्वरितककुक्कुटाण्डकपारावतकपाटलप्रभृतयो व्रीहयः ||१२||
🔊 Audio coming soon
ব্রীহিবিশেষানাহ- কৃষ্ণব্রীহীত্যাদি| কৃষ্ণব্রীহিঃ কৃষ্ণতুষতণ্ডুলঃ , শালামুখঃ কৃষ্ণশুক্লাকারতণ্ডুলঃ, জতু লাক্ষা তদাকৃতি মুখং যস্যাসৌ জতুমুখঃ, নন্দীমুখঃ আডীচঞ্চুসদৃশমুখতণ্ডুলঃ, লাবাক্ষিসদৃশতণ্ডুলো লাবাক্ষঃ, ষষ্টিকবত্ত্বরিতং পচ্যত ইতি ত্বরিতকঃ, কুক্কুটাণ্ডানীব বর্ণেন বর্তুলতযা চ তণ্ডুলা যস্য সঃ কুক্কুটাণ্ডকঃ, পারাবতবচ্ছুক্লতণ্ডুলঃ পারাবতঃ, পাটলাপুষ্পবর্ণব্রীহিঃ পাটলঃ; প্রভৃতিগ্রহণাত্ খঞ্জরীটখঞ্জনকক্ষৌমকাদযো গৃহ্যন্তে||১২||
Adhikarana 11 (13) · Śloka 13
কষাযমধুরাঃ পাকেঽমধুরা বীর্যতোঽহিমাঃ | অল্পাভিষ্যন্দিনস্তুল্যাঃ ষষ্টিকৈর্বদ্ধবর্চসঃ ||১৩||
कषायमधुराः पाकेऽमधुरा वीर्यतोऽहिमाः | अल्पाभिष्यन्दिनस्तुल्याः षष्टिकैर्बद्धवर्चसः ||१३||
🔊 Audio coming soon
কষাযমধুরা রসে| অমধুরাঃ পাকে কটুকা ইত্যর্থঃ| বীর্যতোঽহিমা উষ্ণা ইত্যর্থঃ| অল্পাভিষ্যন্দিন ইতি পূর্ববত্| তুল্যাঃ ষষ্টিকৈরিতি এতেন কুধান্যেভ্য এষামুত্কর্ষঃ সূচ্যতে, ন তু ষষ্টিকানাং গুণকারিতা, চরকাদ্যৈস্ত্রিদোষকারিত্বেন পাটলস্যোক্তত্বাত্| ‘অনার্ষোঽযং পাঠঃ’ ইতি জেজ্ঝটঃ| ‘পাটলাশব্দো ব্রীহৌ সামান্যে বিশেষে চ বর্তত ইতি বিশেষবাচিনস্ত্রিদোষকর্তৃত্বং, সামান্যেন ব্রোহেস্তূক্ত এব গুণঃ’ ইতি গযী| ‘যস্ত্রিদোষকারী পাটলস্তত্র জাত্যন্তরম্, অযং তু যথোক্তগুণঃ’ ইতি ব্রহ্মদেবঃ||১৩||
Adhikarana 12 (14) · Śloka 14
কৃষ্ণব্রীহির্বরস্তেষাং কষাযানুরসো লঘুঃ | তস্মাদল্পান্তরগুণাঃ ক্রমশো ব্রীহযোঽপরে ||১৪||
कृष्णव्रीहिर्वरस्तेषां कषायानुरसो लघुः | तस्मादल्पान्तरगुणाः क्रमशो व्रीहयोऽपरे ||१४||
🔊 Audio coming soon
অথ কৃষ্ণব্রীহিগুণমাহ- কৃষ্ণব্রীহিরিত্যাদি||১৪||
Adhikarana 13 (15) · Śloka 15
দগ্ধাযামবনৌ জাতাঃ শালযো লঘুপাকিনঃ | কষাযা বদ্ধবিণ্মূত্রা রূক্ষাঃ শ্লেষ্মাপকর্ষণাঃ ||১৫||
दग्धायामवनौ जाताः शालयो लघुपाकिनः | कषाया बद्धविण्मूत्रा रूक्षाः श्लेष्मापकर्षणाः ||१५||
🔊 Audio coming soon
অথ ভূমিদ্বারেণ গুণমাহ- দগ্ধাযামিত্যাদি| দগ্ধাযামবনৌ জাতা ইতি দগ্ধভূমাবুত্পন্নাঃ||১৫||
Adhikarana 14 (16) · Śloka 16
স্থলজাঃ কফপিত্তঘ্নাঃ কষাযাঃ কটুকান্বযাঃ | কিঞ্চিত্সতিক্তমধুরাঃ পবনানলবর্ধনাঃ ||১৬||
स्थलजाः कफपित्तघ्नाः कषायाः कटुकान्वयाः | किञ्चित्सतिक्तमधुराः पवनानलवर्धनाः ||१६||
🔊 Audio coming soon
স্থলজা ইত্যাদি| স্থলজা জাঙ্গলভূমিসম্ভবাঃ| সতিক্তমধুরা ঈষত্তিক্তমধুরাঃ| পবনানলবর্ধনা ইতি অত্র কিঞ্চিচ্ছব্দঃ সম্বধ্যতে||১৬||
Adhikarana 15 (17) · Śloka 17
কৈদারা মধুরা বৃষ্যা বল্যাঃ পিত্তনিবর্হণাঃ | ঈষত্কষাযাল্পমলা গুরবঃ কফশুক্রলাঃ ||১৭||
कैदारा मधुरा वृष्या बल्याः पित्तनिबर्हणाः | ईषत्कषायाल्पमला गुरवः कफशुक्रलाः ||१७||
🔊 Audio coming soon
কৈদারা ইত্যাদি| কৈদারা অনূপজা ইত্যর্থঃ| বৃষ্যাঃ শুক্রবৈরেচনিকাঃ| শুক্রলাঃ শুক্রবৃদ্ধিকরাঃ||১৭||
Adhikarana 16 (18) · Śloka 18
রোপ্যাতিরোপ্যা লঘবঃ শীঘ্রপাকা গুণোত্তরাঃ | অদাহিনো দোষহরা বল্যা মূত্রবিবর্ধনাঃ ||১৮||
रोप्यातिरोप्या लघवः शीघ्रपाका गुणोत्तराः | अदाहिनो दोषहरा बल्या मूत्रविवर्धनाः ||१८||
🔊 Audio coming soon
রোপ্যাতিরোপ্যগুণমাহ- রোপ্যেত্যাদি| যে শালয একবারমুত্পাট্যাশ্বন্যত্র রোপ্যন্তে তে রোপ্যাঃ, যে তু দ্বিস্ত্রির্বাঽন্যত্র রোপ্যন্তে তেঽতিরোপ্যাঃ| মূত্রবিবর্ধনা ইতি অদাহিত্বাত্, ‘মূত্রলা’ ইত্যেকে, অন্যে তু ‘মূত্রবিবর্ধনা মুত্রাপকর্ষণাঃ প্রমেহিণাং হিতা ইত্যর্থঃ’||১৮||
Adhikarana 17 (19) · Śloka 19
শালযশ্ছিন্নরূঢা যে রূক্ষাস্তে বদ্ধবর্চসঃ | তিক্তাঃ কষাযাঃ পিত্তঘ্না লঘুপাকাঃ কফাপহাঃ ||১৯||
शालयश्छिन्नरूढा ये रूक्षास्ते बद्धवर्चसः | तिक्ताः कषायाः पित्तघ्ना लघुपाकाः कफापहाः ||१९||
🔊 Audio coming soon
ছিন্নরূঢশালিগুণমাহ- শালয ইত্যাদি| ছিন্নরূঢা ইতি পূর্বং ছিন্নাঃ পশ্চাদ্রূঢা ইত্যর্থঃ||১৯||
Adhikarana 18 (20) · Śloka 20
বিস্তরেণাযমুদ্দিষ্টঃ শালিবর্গো হিতাহিতঃ |২০| ইতি শালিবর্গঃ |
विस्तरेणायमुद्दिष्टः शालिवर्गो हिताहितः |२०| इति शालिवर्गः |
🔊 Audio coming soon
উপসংহারমাহ- বিস্তরেণেত্যাদি| উদ্দিষ্টঃ সঙ্ক্ষেপেণে কথিতঃ| অযং শালিবর্গঃ, কিংবিশিষ্টঃ শালিবর্গঃ? বিস্তরেণ সহ সবিস্তর ইত্যর্থঃ| সবিস্তরতা চ বক্ষ্যমাণশ্লোকেন দর্শিতা| তদ্যথা ‘ধান্যেন মাংসেষু ফলেষু চৈব শাকেষু চানুক্তমিহাপ্রমেযাত্’ ইতি| অত্র হি অপ্রমেযাদিতি আনন্ত্যাদিত্যর্থঃ|২০|
Adhikarana 19 (20) · Śloka 20
অথ কুধান্যবর্গঃ | তদ্বত্ কুধান্যমুদ্গাদিমাষাদীনাং চ বক্ষ্যতে ||২০||
अथ कुधान्यवर्गः | तद्वत् कुधान्यमुद्गादिमाषादीनां च वक्ष्यते ||२०||
🔊 Audio coming soon
তদ্বদিত্যাদি| তদ্বদিতি সবিস্তরাণামপি কুধান্যানাং মুদ্গাদীনাং মাষাদীনাং চোদ্দেশেমাত্রমেব ভবিষ্যতীত্যর্থঃ| মাষাদীনাং চেতি চকারেণ মাংসফলশাকবর্গেষু চোদ্দেশমাত্রমেব ভবিষ্যতীত্যনুক্তং সমুচ্চীযতে| অনেন পাঠেন মুদ্গাদীনাং ধান্যত্বং সূচ্যতে, তেন মুদ্গাদযঃ শিম্বীধান্যেষু পঠ্যন্তে| কুধান্যেতি কুত্সিতানি কুধান্যানি||২০||
Adhikarana 20 (21) · Śloka 21
কোরদূষকশ্যামাকনীবারশান্তনুবরকোদ্দালকপ্রিযঙ্গুমধূলিকানন্দীমুখী- কুরুবিন্দগবেধুকসরবরুকতোদ(য)পর্ণীমুকুন্দকবেণুযবপ্রভৃতযঃ কুধান্যবিশেষাঃ ||২১||
कोरदूषकश्यामाकनीवारशान्तनुवरकोद्दालकप्रियङ्गुमधूलिकानन्दीमुखी- कुरुविन्दगवेधुकसरबरुकतोद(य)पर्णीमुकुन्दकवेणुयवप्रभृतयः कुधान्यविशेषाः ||२१||
🔊 Audio coming soon
কুধান্যান্যাহ- কোরদূষকেত্যাদি| কোরদূষকঃ কোদ্রবঃ; শ্যামাকস্ত্রিবিধঃ- শ্যামাকঃ, উষ্ট্রশ্যামাকঃ, হস্তিশ্যামাকশ্চেতি; শ্যামাকশব্দেন তোযশ্যামাক উচ্যতে, উষ্ট্রশ্যামাকঃ স্থূলশ্যামাকঃ , হস্তিশ্যামাকঃ শ্যামিকেতি লোকে; নীবার উলিকাধান্যং, তদ্দ্বিবিধম্- একং ধান্যসদৃশবিটপং ধান্যক্ষেত্রজং, দ্বিতীযং মহাদলকাণ্ডং তু সলিলজং; তত্র সলিলজং সলিলবৃদ্ধিমাত্রস্তম্বপ্ররোহং রক্তশূকং চ, তদেব ‘প্রশান্তিকা’ ইতি তন্ত্রান্তরেঽপি পঠ্যতে; বরকো বরটিকা শাকম্ভরীভূমৌ প্রাযশঃ; উদ্দালকো বনকোদ্রবঃ; প্রিযঙ্গুঃ `কঙ্গুনিকা’ ইতি লোকে; মধূলিকা মর্কটহস্ততৃণং; তদ্ভেদো নন্দীমুখী; কুরুবিন্দকো ব্রীহিগুরুঃ; গবেধুকস্তৃণবিশেষঃ; ‘গলগোধূম’ ইতি লোকে, দেশান্তরে তু `গরল’ ইতি লোকে, অন্যে তু প্রভৃতিগ্রহণাদ্গবেধুকশব্দং গৃহ্ণন্তি; সরঃ সরকর্ণিকা; বরুকঃ ‘বরু’ ইতি লোকে, অন্যে তু বরুকশব্দং প্রভৃতিগ্রহণাদ্গৃহ্ণন্তি; তোদপর্ণী তোযপর্ণী স্বনামপ্রসিদ্ধা; মুকুন্দো মুলুন্দঃ; বেণুযবো বংশফলম্| শেষাণি তু বনচারিভ্যো জ্ঞেযানি| প্রভৃতিগ্রহণেন ঝণ্টীঘর্মূটীজোন্নলিকাদযঃ||২১||
Adhikarana 21 (22-23) · Śloka 23
উষ্ণাঃ কষাযমধুরা রূক্ষাঃ কটুবিপাকিনঃ | শ্লেষ্মঘ্না বদ্ধনিস্যন্দা বাতপিত্তপ্রকোপণাঃ ||২২|| কষাযমধুরস্তেষাং শীতঃ পিত্তাপহঃ স্মৃতঃ | কোদ্রবশ্চ সনীবারঃ শ্যামাকশ্চ সশান্তনুঃ ||২৩||
उष्णाः कषायमधुरा रूक्षाः कटुविपाकिनः | श्लेष्मघ्ना बद्धनिस्यन्दा वातपित्तप्रकोपणाः ||२२|| कषायमधुरस्तेषां शीतः पित्तापहः स्मृतः | कोद्रवश्च सनीवारः श्यामाकश्च सशान्तनुः ||२३||
🔊 Audio coming soon
উষ্ণা ইত্যাদি| বদ্ধনিস্যন্দা বদ্ধমূত্রাঃ| তেষামেব কেষাঞ্চিদ্বৈশেষিকং গুণমাহ- কষাযমধুরা ইত্যাদি| ‘সকোরদূষাঃ শ্যামাকা নীবারশ্চ’ ইতি কেচিত্ পঠন্তি| তত্র বহুবচনং শ্যামাকানাং ত্রিবিধত্বাত্||২২-২৩||
Adhikarana 22 (24) · Śloka 24
কৃষ্ণা রক্তাশ্চ পীতাশ্চ শ্বেতাশ্চৈব প্রিযঙ্গবঃ | যথোত্তরং প্রধানাঃ স্যূ রূক্ষাঃ কফহরাঃ স্মৃতাঃ ||২৪||
कृष्णा रक्ताश्च पीताश्च श्वेताश्चैव प्रियङ्गवः | यथोत्तरं प्रधानाः स्यू रूक्षाः कफहराः स्मृताः ||२४||
🔊 Audio coming soon
কঙ্গুনীগুণমাহ- কুষ্ণা ইত্যাদি| প্রাধান্যং কফহরত্বাদিগুণাপেক্ষম্||২৪||
Adhikarana 23 (25) · Śloka 25
মধূলী মধুরা শীতা স্নিগ্ধা নন্দীমুখী তথা |২৫|
मधूली मधुरा शीता स्निग्धा नन्दीमुखी तथा |२५|
🔊 Audio coming soon
মধূলিকানন্দীমুখীগুণমাহ- মধূলীত্যাদি| তথা মধুর শীতলস্নিগ্ধেত্যর্থঃ|২৫|
Adhikarana 24 (25) · Śloka 25
বিশোষী তত্র ভূযিষ্ঠং বরুকঃ সমুকুন্দকঃ ||২৫||
विशोषी तत्र भूयिष्ठं वरुकः समुकुन्दकः ||२५||
🔊 Audio coming soon
বরুকমুকুন্দকযোর্গুণমাহ- বিশোষীত্যাদি| বিশোষী দ্রবধাতোঃ| ভূযিষ্ঠমতিশযেন||২৫||
Adhikarana 25 (26) · Śloka 26
রূক্ষা বেণুযবা জ্ঞেযা বীর্যোষ্ণা কটুপাকিনঃ | বদ্ধমূত্রাঃ কফহরাঃ কষাযা বাতকোপনাঃ ||২৬||
रूक्षा वेणुयवा ज्ञेया वीर्योष्णा कटुपाकिनः | बद्धमूत्राः कफहराः कषाया वातकोपनाः ||२६||
🔊 Audio coming soon
বেণুযবগুণমাহ- রূক্ষা ইত্যাদি| কুধান্যানাং বার্গিকগুণপ্রস্তাবে ‘বদ্ধনিস্যন্দা’ ইত্যুক্তেঽপি বেণুযবা বদ্ধমূত্রা ইতি পৃথক্কৃত্য যদুক্তং তদতিশ্যপ্রতিপাদনার্থম্||২৬||
Adhikarana 26 (27) · Śloka 27
মুদ্গবনমুদ্গকলাযমকুষ্ঠমসূরমঙ্গল্যচণকসতীনত্রিপুটকহরেণ্বাঢকীপ্রভৃতযো বৈদলাঃ ||২৭||
मुद्गवनमुद्गकलायमकुष्ठमसूरमङ्गल्यचणकसतीनत्रिपुटकहरेण्वाढकीप्रभृतयो वैदलाः ||२७||
🔊 Audio coming soon
শমীধান্যানি গুণকর্মভ্যাং নির্দিশন্নাহ- মুদ্গেত্যাদি| মুদ্গা নানাবিধা হরিতপীতকৃষ্ণরক্তভেদেন; বনমুদ্গস্তু বনে জাযতে কৃষ্ণমুদ্গ ইতি প্রসিদ্ধঃ, `মুদ্গিকা’ ইতি লোকে; কলাযাস্ত্রিপুটাঃ; মকুষ্ঠকো মোঠঃ; মসূরা দ্বিবিধাঃ- কৃষ্ণাঃ পাণ্ডুরাশ্চ, তত্র কৃষ্ণবর্ণা মসূরাভিধানাঃ, পাণ্ডুবর্ণা মঙ্গল্যকাভিধানাঃ; চণকঃ প্রসিদ্ধঃ; সতীনো বর্তুলকঃ; স্বল্পাস্ত্রিপুটাঃ; হরেণুঃ স্বল্পবর্তুলঃ; আঢকী তুবরী| বৈদলা ইতি এষাং `বৈদলা’ ইতি সঞ্জ্ঞা, ন পুনরন্বযার্থেন বৈদলসঞ্জ্ঞা; এবং হি বিদলানামিতি বৈদলা ইতি মাষকুলত্থাদিষ্বপি বৈদলত্বং স্যাত্; তেন “বল্লূরং মূলকং মত্স্যান্ শুষ্কশাকানি বৈদলম্| বর্জযেচ্চালুকং গুল্মী মধুরাণি ফলানি চ” ইত্যাদিষু বৈদলত্বেন মুদ্গাদিষু নিষেধঃ, তেন গুল্মেষু মাষকুলত্থাদযো ন নিষিধ্যন্তে, ন হি তে বৈদলাঃ||২৭||
Adhikarana 27 (28) · Śloka 28
কষাযমধুরাঃ শীতাঃ কটুপাকা মরুত্করাঃ | বদ্ধমূত্রপুরীষাশ্চ পিত্তশ্লেষ্মহরাস্তথা ||২৮||
कषायमधुराः शीताः कटुपाका मरुत्कराः | बद्धमूत्रपुरीषाश्च पित्तश्लेष्महरास्तथा ||२८||
🔊 Audio coming soon
বৈদলানাং সামান্যগুণমাহ- কষাযেত্যাদি||২৮||
Adhikarana 28 (29) · Śloka 29
নাত্যর্থং বাতলাস্তেষু মুদ্গা দৃষ্টিপ্রসাদনাঃ | প্রধানা হরিতাস্তত্র বন্যা মুদ্গসমাঃ স্মৃতাঃ ||২৯||
नात्यर्थं वातलास्तेषु मुद्गा दृष्टिप्रसादनाः | प्रधाना हरितास्तत्र वन्या मुद्गसमाः स्मृताः ||२९||
🔊 Audio coming soon
মুদ্গগুণমাহ- নাত্যর্থমিত্যাদি||২৯||
Adhikarana 29 (30) · Śloka 30
বিপাকে মধুরাঃ প্রোক্তা মসূরা বদ্ধবর্চসঃ |৩০|
विपाके मधुराः प्रोक्ता मसूरा बद्धवर्चसः |३०|
🔊 Audio coming soon
মসূরগুণমাহ- বিপাক ইত্যাদি|৩০|
Adhikarana 30 (30) · Śloka 30
মকুষ্ঠকাঃ কৃমিকরাঃ... |৩০|
मकुष्ठकाः कृमिकराः... |३०|
🔊 Audio coming soon
মকুষ্ঠগুণমাহ- মকুষ্ঠকা ইত্যাদি|৩০|
Adhikarana 31 (30) · Śloka 30
... কলাযাঃ প্রচুরানিলাঃ ||৩০||
... कलायाः प्रचुरानिलाः ||३०||
🔊 Audio coming soon
কলাযগুণমাহ- কলাযা ইত্যাদি||৩০||
Adhikarana 32 (31) · Śloka 31
আঢকী কফপিত্তঘ্নী নাতিবাতপ্রকোপণী |৩১|
आढकी कफपित्तघ्नी नातिवातप्रकोपणी |३१|
🔊 Audio coming soon
আঢকীগুণমাহ- আঢকীত্যাদি|৩১|
Adhikarana 33 (31-32) · Śloka 32
বাতলাঃ শীতমধুরাঃ সকষাযা বিরূক্ষণাঃ ||৩১|| কফশোণিতপিত্তঘ্নাশ্চণকাঃ পুংস্ত্বনাশনাঃ | ত এব ঘৃতসংযুক্তাস্ত্রিদোষশমনাঃ পরম্ ||৩২||
वातलाः शीतमधुराः सकषाया विरूक्षणाः ||३१|| कफशोणितपित्तघ्नाश्चणकाः पुंस्त्वनाशनाः | त एव घृतसंयुक्तास्त्रिदोषशमनाः परम् ||३२||
🔊 Audio coming soon
চণকগুণমাহ- বাতলা ইত্যাদি||৩১-৩২||
Adhikarana 34 (33) · Śloka 33
হরেণবঃ সতীনাশ্চ বিজ্ঞেযা বদ্ধবর্চসঃ |৩৩|
हरेणवः सतीनाश्च विज्ञेया बद्धवर्चसः |३३|
🔊 Audio coming soon
হরেণুসতীনাবাহ- হরেণব ইত্যাদি|৩৩|
Adhikarana 35 (33) · Śloka 33
ঋতে মুদ্গমসূরাভ্যামন্যে ত্বাধ্মানকারকাঃ ||৩৩||
ऋते मुद्गमसूराभ्यामन्ये त्वाध्मानकारकाः ||३३||
🔊 Audio coming soon
ঋতে মুদ্গমসূরযোরাধ্মানকরত্বমাহ- ঋত ইত্যাদি| ঋতে বিনা| মুদ্গমসূরযোঃ স্বজাত্যপেক্ষযা আধ্মাননিষেধঃ, ন পুনঃ সর্বথাঽঽধ্মাননিষেধঃ||৩৩||
Adhikarana 36 (34) · Śloka 34
মাষো গুরুর্ভিন্নপুরীষমূত্রঃ স্নিগ্ধোষ্ণবৃষ্যো মধুরোঽনিলঘ্নঃ | সন্তর্পণঃ স্তন্যকরো বিশেষাদ্বলপ্রদঃ শুক্রকফাবহশ্চ ||৩৪||
माषो गुरुर्भिन्नपुरीषमूत्रः स्निग्धोष्णवृष्यो मधुरोऽनिलघ्नः | सन्तर्पणः स्तन्यकरो विशेषाद्बलप्रदः शुक्रकफावहश्च ||३४||
🔊 Audio coming soon
বৈদলত্বেনাগ্রাহ্যান্ মাষাদীনাহ- মাষ ইত্যাদি| ভিন্নপুরীষমূত্রো দ্রবপুরীষমূত্রঃ| সন্তর্পণস্তৃপ্তিকরঃ| বলপ্রদঃ বলমুপচযশক্তিলক্ষণম্| বৃষ্যত্বশুক্রলত্বে স্রুতিবৃদ্ধিকরত্বেন| `পিত্তকফাবহশ্চ’ ইতি ক্বচিত্||৩৪||
Adhikarana 37 (35) · Śloka 35
কষাযভাবান্ন পুরীষভেদী ন মূত্রলো নৈব কফস্য কর্তা | স্বাদুর্বিপাকে মধুরোঽলসান্দ্রঃ সন্তর্পণঃ স্তন্যরুচিপ্রদশ্চ ||৩৫||
कषायभावान्न पुरीषभेदी न मूत्रलो नैव कफस्य कर्ता | स्वादुर्विपाके मधुरोऽलसान्द्रः सन्तर्पणः स्तन्यरुचिप्रदश्च ||३५||
🔊 Audio coming soon
রাজমাষানাহ- কষাযেত্যাদি| অলসান্দ্রো রাজমাষঃ| কষাযরসপ্রভাবাত্ কফহারিত্বমবৃষ্যত্বং চ জ্ঞেযম্| স্বাদুরিতি রসে||৩৫||
Adhikarana 38 (36) · Śloka 36
মাষৈঃ সমানং ফলমাত্মগুপ্তমুক্তং চ কাকাণ্ডফলং তথৈব |৩৬|
माषैः समानं फलमात्मगुप्तमुक्तं च काकाण्डफलं तथैव |३६|
🔊 Audio coming soon
আত্মগুপ্তকাকাণ্ডযোর্গুণমাহ- মাষৈরিত্যাদি| আত্মগুপ্তা কপিকচ্ছুঃ, তস্যাঃ ফলমাত্মগুপ্তম্| কাকাণ্ডফলমশ্বকঃ; কপিকচ্ছুসদৃশশিম্বঃ কাকাণ্ডঃ `শূকরশিম্বী’ ইতি লোকে|৩৬|
Adhikarana 39 (36) · Śloka 36
আরণ্যমাষা গুণতঃ প্রদিষ্টা রূক্ষাঃ কষাযা অবিদাহিনশ্চ ||৩৬||
आरण्यमाषा गुणतः प्रदिष्टा रूक्षाः कषाया अविदाहिनश्च ||३६||
🔊 Audio coming soon
আরণ্যমাষগুণমাহ- আরণ্যমাষা ইত্যাদি| আরণ্যমাষাণাং রূক্ষত্বাবিদাহিত্বে স্বজাত্যপেক্ষযা||৩৬||
Adhikarana 40 (37) · Śloka 37
উষ্ণঃ কুলত্থো রসতঃ কষাযঃ কটুর্বিপাকে কফমারুতঘ্নঃ | শুক্রাশ্মরীগুল্মনিষূদনশ্চ সাঙ্গ্রাহিকঃ পীনসকাসহন্তা ||৩৭||
उष्णः कुलत्थो रसतः कषायः कटुर्विपाके कफमारुतघ्नः | शुक्राश्मरीगुल्मनिषूदनश्च साङ्ग्राहिकः पीनसकासहन्ता ||३७||
🔊 Audio coming soon
কুলত্থানাহ- উষ্ণ ইত্যাদি| উষ্ণো বীর্যেণ| কফমারুতঘ্ন ইতি কফমারুতৌ ভিন্নৌ মিলিতৌ চ হন্তীত্যর্থঃ||৩৭||
Adhikarana 41 (38) · Śloka 38
আনাহমেদোগুদকীলহিক্কাশ্বাসাপহঃ শোণিতপিত্তকৃচ্চ | কফস্য হন্তা নযনামযঘ্নো বিশেষতো বন্যকুলত্থ উক্তঃ ||৩৮||
आनाहमेदोगुदकीलहिक्काश्वासापहः शोणितपित्तकृच्च | कफस्य हन्ता नयनामयघ्नो विशेषतो वन्यकुलत्थ उक्तः ||३८||
🔊 Audio coming soon
বন্যকুলত্থমাহ- আনাহেত্যাদি| গুদকীলা অর্শাংসি||৩৮||
Adhikarana 42 (39) · Śloka 40
ঈষত্কষাযো মধুরঃ সতিক্তঃ সাঙ্গ্রাহিকঃ পিত্তকরস্তথোষ্ণঃ | তিলো বিপাকে মধুরো বলিষ্ঠঃ স্নিগ্ধো ব্রণে লেপন এব পথ্যঃ ||৩৯|| দন্ত্যোঽগ্নিমেধাজননোঽল্পমূত্রস্ত্বচ্যোঽথ কেশ্যোঽনিলহা গুরুশ্চ |৪০|
ईषत्कषायो मधुरः सतिक्तः साङ्ग्राहिकः पित्तकरस्तथोष्णः | तिलो विपाके मधुरो बलिष्ठः स्निग्धो व्रणे लेपन एव पथ्यः ||३९|| दन्त्योऽग्निमेधाजननोऽल्पमूत्रस्त्वच्योऽथ केश्योऽनिलहा गुरुश्च |४०|
🔊 Audio coming soon
তিলমাহ- ঈষদিত্যাদি| ঈষত্কষাযোঽনুরসত্বেন, মধুরো মুখ্যরসত্বেন, ঈষত্তিক্তোঽনুরসত্বেনৈব| ব্রণে লেপন এব পথ্য ইতি এতেন তিলানামালেপন এব ব্রণে পথ্যত্বম্, অভ্যবহারে পুনরপথ্যত্বমেব; অন্যে পুনঃ ‘স্নিগ্ধো ব্রণে সর্বত এব পথ্যঃ’ ইতি পঠন্তি, সর্বত ইতি পঞ্চদশধা প্রসরপ্রদুষ্টেষ্বিত্যর্থঃ, অন্যে তু ‘দ্বিব্রণীযোক্তভ্যো দোষহন্তৃভ্যো লেপেভ্যঃ সর্বেভ্যঃ পথ্যতম ইত্যর্থঃ| দন্তেভ্যো হিতো দন্ত্যঃ| ত্বচে হিতস্ত্বচ্যঃ| কেশেভ্যো হিতঃ কেশ্যঃ||৩৯||-
Adhikarana 43 (40) · Śloka 40
তিলেষু সর্বেষ্বসিতঃ প্রধানো মধ্যঃ সিতো হীনতরাস্তথাঽন্যে ||৪০||
तिलेषु सर्वेष्वसितः प्रधानो मध्यः सितो हीनतरास्तथाऽन्ये ||४०||
🔊 Audio coming soon
তিলানামুত্তমমধ্যমাধমত্বমাহ- তিলেষ্বিত্যাদি| অসিতঃ কৃষ্ণঃ| সিতঃ শ্বেতঃ| অন্যে ইতি পীতহরিতলোহিতাঃ||৪০||
Adhikarana 44 (41-42) · Śloka 42
যবঃ কষাযো মধুরো হিমশ্চ কটুর্বিপাকে কফপিত্তহারী | ব্রণেষু পথ্যস্তিলবচ্চ নিত্যং প্রবদ্ধমূত্রো বহুবাতবর্চাঃ ||৪১|| স্থৈর্যাগ্নিমেধাস্বরবর্ণকৃচ্চ সপিচ্ছিলঃ স্থূলবিলেখনশ্চ | মেদোমরুত্তৃড্হরণোঽতিরূক্ষঃ প্রসাদনঃ শোণিতপিত্তযোশ্চ ||৪২||
यवः कषायो मधुरो हिमश्च कटुर्विपाके कफपित्तहारी | व्रणेषु पथ्यस्तिलवच्च नित्यं प्रबद्धमूत्रो बहुवातवर्चाः ||४१|| स्थैर्याग्निमेधास्वरवर्णकृच्च सपिच्छिलः स्थूलविलेखनश्च | मेदोमरुत्तृड्हरणोऽतिरूक्षः प्रसादनः शोणितपित्तयोश्च ||४२||
🔊 Audio coming soon
যবমাহ- যব ইত্যাদি| হিমশ্চেতি চকারঃ কষাযানন্তরং বোদ্ধব্যঃ; তেন মধুররসাচ্চকারসমুচ্চিতং কষাযত্বং হীনমিতি জ্ঞেযম্| ব্রণেষু পথ্যস্তিলবদিতি তিলো যথা ব্রণে লেপে বাতপিত্তকফেষু চ শস্যতে, তথা যবোঽপি| নিত্যমিতি বচনেনাবিদগ্ধবিদগ্ধাভিন্নাশুদ্ধত্বাদ্যবস্থাস্বিত্যর্থঃ; অন্যে তু নিত্যগ্রহণেন ব্রণে যবমভ্যবহারেণাপি হিতমিচ্ছন্তি| প্রবদ্ধমূত্রঃ অল্পমূত্রঃ, অত এব প্রমেহিণাং হিতঃ| বহুবাতবর্চা ইতি বাতোঽত্র কুক্ষিবাতোঽভিপ্রেতঃ, অন্যথা মেদোমরুত্তৃড্হরণ ইতি বিরুধ্যতে| স্থৈর্যং বযঃস্থাপনকারিত্বম্| মেদোমরুত্তৃড্হরণ ইতি মেদোবাতং তৃষ্ণাং চ হন্তীত্যর্থঃ; যদি বা মেদসাঽঽবৃতো মরুন্মেদোমরুত্তং সাবরণং হন্তি, স্রোতঃশোধকত্বাত্; নিরাবরণে তু রূক্ষশীতকষাযকটুপাকৈর্নাতিবর্ধকো নাতিপ্রত্যনীকঃ| ‘যবোঽকষাযঃ’ ইতি কেচিত্; তত্রেষত্কষায ইত্যর্থঃ||৪১-৪২||
Adhikarana 45 (43) · Śloka 43
এভির্গুণৈর্হীনতরৈস্তু কিঞ্চিদ্বিদ্যাদ্যবেভ্যোঽতিযবানশেষৈঃ |৪৩|
एभिर्गुणैर्हीनतरैस्तु किञ्चिद्विद्याद्यवेभ्योऽतियवानशेषैः |४३|
🔊 Audio coming soon
অতিযবগুণমাহ- এভিরিত্যাদি| অতিযবা নিঃশূকাঃ কৃষ্ণারুণযবা এব| অশেষৈর্গুণৈরতিযবান্ বিদ্যাদিত্যর্থঃ| অন্যে তু পঠন্তি- ‘যবেভ্যোঽপি যবানশেষান্’ ইতি| তত্রাতিযবযবিকাদযোঽশেষশব্দবাচ্যাঃ| তত্র যবিকা নিঃশূকাঃ স্বল্পাঃ|৪৩|
Adhikarana 46 (43) · Śloka 44
গোধূম উক্তো মধুরো গুরুশ্চ বল্যঃ স্থিরঃ শুক্ররুচিপ্রদশ্চ ||৪৩|| স্নিগ্ধোঽতিশীতোঽনিলপিত্তহন্তা সন্ধানকৃচ্ছ্লেষ্মকরঃ সরশ্চ |৪৪|
गोधूम उक्तो मधुरो गुरुश्च बल्यः स्थिरः शुक्ररुचिप्रदश्च ||४३|| स्निग्धोऽतिशीतोऽनिलपित्तहन्ता सन्धानकृच्छ्लेष्मकरः सरश्च |४४|
🔊 Audio coming soon
গোধূমগুণমাহ- গোধূম ইত্যাদি| স্থিরো বযঃস্থাপনকারী| স্নিগ্ধোঽতিশীত ইত্যতিশব্দঃ কাকাক্ষিগোলকবদুভযত্রাপি সম্বধ্যতে| শ্লেষ্মকর ইতি নবগোধূমঃ, পুরাণগোধূমস্তু বসন্তেঽপ্যুপযোগার্হত্বান্ন শ্লেষ্মকরঃ||৪৩||-
Adhikarana 47 (44) · Śloka 45
রূক্ষঃ কষাযো বিষশোষশুক্রবলাসদৃষ্টিক্ষযকৃদ্বিদাহী ||৪৪|| কটুর্বিপাকে মধুরস্তু শিম্বঃ প্রভিন্নবিণ্মারুতপিত্তলশ্চ |৪৫|
रूक्षः कषायो विषशोषशुक्रबलासदृष्टिक्षयकृद्विदाही ||४४|| कटुर्विपाके मधुरस्तु शिम्बः प्रभिन्नविण्मारुतपित्तलश्च |४५|
🔊 Audio coming soon
সামান্যশিম্বিগুণমাহ- রূক্ষ ইত্যাদি| `বিষশোথমেহ’ ইতি কেচিত্ পঠন্তি||৪৪||-
Adhikarana 48 (45) · Śloka 46
সিতাসিতাঃ পীতকরক্তবর্ণা ভবন্তি যেঽনেকবিধাস্তু শিম্বাঃ ||৪৫|| যথাদিতস্তে গুণতঃ প্রধানা জ্ঞেযাঃ কটূষ্ণা রসপাকযোশ্চ |৪৬|
सितासिताः पीतकरक्तवर्णा भवन्ति येऽनेकविधास्तु शिम्बाः ||४५|| यथादितस्ते गुणतः प्रधाना ज्ञेयाः कटूष्णा रसपाकयोश्च |४६|
🔊 Audio coming soon
বর্ণবিশেষেণ শিম্বানাং গুণমাহ- সিতেত্যাদি| সিতাঃ শুক্লাঃ, অসিতাঃ কৃষ্ণাঃ| যথাদিতস্তে গুণতঃ প্রধানা ইতি অসিতাত্ কৃষ্ণাত্ সিতঃ প্রধানঃ, পীতাদসিতঃ প্রধানঃ, রক্তাদপি পীতঃ| গুণৈ রসবীর্যবিপাকলক্ষণৈঃ, প্রধানাঃ শ্রেষ্ঠাঃ| অন্যে তু ‘যথোদিতাস্তে গুণতস্তথাঽঽর্দ্রাঃ’ ইতি পঠন্তি| অত্রাযমর্থঃ- যে শিম্বা যেন প্রকারেণ রসপাকযোরুদিতাস্তে তথৈবার্দ্রা জ্ঞেযাঃ, ন তু শুষ্কাঃ||৪৫||-
Adhikarana 49 (46) · Śloka 47
সহাদ্বযং মূলকজাশ্চ শিম্বাঃ কুশিম্বিবল্লীপ্রভবাস্তু শিম্বাঃ ||৪৬|| জ্ঞেযা বিপাকে মধুরা রসে চ বলপ্রদাঃ পিত্তনিবর্হণাশ্চ |৪৭|
सहाद्वयं मूलकजाश्च शिम्बाः कुशिम्बिवल्लीप्रभवास्तु शिम्बाः ||४६|| ज्ञेया विपाके मधुरा रसे च बलप्रदाः पित्तनिबर्हणाश्च |४७|
🔊 Audio coming soon
সহাদ্বযমিতি সহাদ্বযং মুদ্গপর্ণীমাষপর্ণ্যৌ| মূলকজাশ্চ শিম্বা ইতি মূলকশিম্বী| কুশিম্বীবল্লী শুকশিম্বী| অন্যে তু `মূলকপর্ণিকাশ্চ’ ইতি পঠন্তি; তত্র মূলকপর্ণী শোভাঞ্জনকঃ||৪৬||
Adhikarana 50 (47) · Śloka 48
বিদাহবন্তশ্চ ভৃশং বিরূক্ষা বিষ্টভ্য জীর্যন্ত্যনিলপ্রদাশ্চ ||৪৭|| রুচিপ্রদাশ্চৈব সুদুর্জরাশ্চ সর্বে স্মৃতা বৈদলিকাস্তু শিম্বাঃ |৪৮|
विदाहवन्तश्च भृशं विरूक्षा विष्टभ्य जीर्यन्त्यनिलप्रदाश्च ||४७|| रुचिप्रदाश्चैव सुदुर्जराश्च सर्वे स्मृता वैदलिकास्तु शिम्बाः |४८|
🔊 Audio coming soon
ইদানীং বৈদলানাং মুদ্গাদীনাং সতীনান্তানামার্দ্রশিম্বীগুণমাহ- বিদাহবন্তশ্চেত্যাদি| বিষ্টভ্য জীর্যন্তি গুডগুডাশব্দং কৃত্বা পাকং গচ্ছন্তীত্যর্থঃ; অন্যে `সবাততোদশূলাং মলস্যাপ্রবৃত্তিং কৃত্বা পাকং গচ্ছন্তীত্যর্থঃ’| বৈদলিকাস্তু শিম্বা মুদ্গাদীনামার্দ্রফলিকাঃ| শুষ্কনির্গতত্বচাং তু প্রাগুক্ত এব গুণঃ||৪৭||-
Adhikarana 51 (48-49) · Śloka 50
কটুর্বিপাকে কটুকঃ কফঘ্নো বিদাহিভাবাদহিতঃ কুসুম্ভঃ ||৪৮|| উষ্ণাঽতসী স্বাদুরসাঽনিলঘ্নী পিত্তোল্বণা স্যাত্ কটুকা বিপাকে | পাকে রসে চাপি কটুঃ প্রদিষ্টঃ সিদ্ধার্থকঃ শোণিতপিত্তকোপী ||৪৯|| তীক্ষ্ণোষ্ণরূক্ষঃ কফমারুতঘ্নস্তথাগুণশ্চাসিতসর্ষপোঽপি |৫০|
कटुर्विपाके कटुकः कफघ्नो विदाहिभावादहितः कुसुम्भः ||४८|| उष्णाऽतसी स्वादुरसाऽनिलघ्नी पित्तोल्बणा स्यात् कटुका विपाके | पाके रसे चापि कटुः प्रदिष्टः सिद्धार्थकः शोणितपित्तकोपी ||४९|| तीक्ष्णोष्णरूक्षः कफमारुतघ्नस्तथागुणश्चासितसर्षपोऽपि |५०|
🔊 Audio coming soon
শমীধান্যসামান্যাদেব কুসুম্ভাতসীসর্ষপগুণমাহ- কটুর্বিপাকে ইত্যাদি|- রসে চ পাকে চ কটুক ইত্যর্থঃ| `মধুরোঽনিলঘ্নঃ’ ইত্যন্যে পঠন্তি| সিদ্ধার্থকঃ শ্বেতসর্ষপঃ| রক্তসর্ষপগুণমাহ- তথেত্যাদি| অসিতসর্ষপো রক্তসর্ষপঃ||৪৮-৪৯||-
Adhikarana 52 (50) · Śloka 50
অনার্তবং ব্যাধিহতমপর্যাগতমেব চ | অভূমিজং নবং চাপি ন ধান্যং গুণবত্ স্মৃতম্ ||৫০||
अनार्तवं व्याधिहतमपर्यागतमेव च | अभूमिजं नवं चापि न धान्यं गुणवत् स्मृतम् ||५०||
🔊 Audio coming soon
ত্যাজ্যমাহ- অনার্তবমিত্যাদি| অনার্তবম্ অন্যর্তুজাতম্| ব্যাধিহতং কুঙ্কুমাদিনা হতম্| অপর্যাগতম্ অপক্বম্| অভূমিজম্ ঊষরোপলকাদিসবিষভূমিজং; ‘যস্য ধান্যস্য যা উচিতা ভূমিস্ততোঽন্যত্র ভূমৌ জাতম্’ ইত্যপরে| নবং চাপীতি চকারেণ নবস্যানতিদোষকারিতা সূচ্যতে| ধান্যশব্দেন শূকশমীধান্যানি গৃহ্যন্তে||৫০||
Adhikarana 53 (51) · Śloka 51
নবং ধান্যমভিষ্যন্দি লঘু সংবত্সরোষিতম্ |৫১|
नवं धान्यमभिष्यन्दि लघु संवत्सरोषितम् |५१|
🔊 Audio coming soon
নবাদীনাং গুণমাহ- নবমিত্যাদি| নবমিতি বর্ষং যাবত্| অভিষ্যন্দি দোষধাতুমলস্রোতসাং ক্লেদপ্রাপ্তিজননম্| লঘু সংবত্সরোষিতমিতি লঘু পুরাণমিতি বাচ্যেঽত্র ‘সংবত্সরোষিতম্’ ইতি যত্ করোতি তজ্জ্ঞাপযতি- প্রথমবর্ষাদূর্ধ্বং দ্বিতীযং বর্ষং যাবত্ পুরাণং গুণবচ্চ ভবতি, তদূর্ধ্বং তু নীরসত্বান্ন গুণকরমিতি| উক্তং চ- “বর্ষোষিতং সর্বধান্যং পরিত্যজতি গৌরবম্| ন তু ত্যজতি তদ্বীর্যং ক্রমশো বিজহাতি তত্” ইতি; ‘মাষচণকাদযস্তু নূতনা এব স্বকার্যকরণসমর্থাঃ’ ইত্যেকে|৫১|
Adhikarana 54 (51) · Śloka 51
বিদাহি গুরু বিষ্টম্ভি বিরূঢং দৃষ্টিদূষণম্ ||৫১||
विदाहि गुरु विष्टम्भि विरूढं दृष्टिदूषणम् ||५१||
🔊 Audio coming soon
বিরূঢমাহ- বিদাহীত্যাদি| বিরূঢম্ অঙ্কুরজননশক্তিরহিতমিত্যর্থঃ, অন্যে `বিরূঢমঙ্কুরিতম্’ ইত্যাহুঃ, ঈষদ্ভৃষ্টং চণকমুদ্গাদিবিরূঢমাহুরপরে||৫১||
Adhikarana 55 (52) · Śloka 52
শাল্যাদেঃ সর্ষপান্তস্য বিবিধস্যাস্য ভাগশঃ | কালপ্রমাণসংস্কারমাত্রাঃ সম্পরিকীর্তিতাঃ ||৫২|| ইতি কুধান্যবর্গঃ |
शाल्यादेः सर्षपान्तस्य विविधस्यास्य भागशः | कालप्रमाणसंस्कारमात्राः सम्परिकीर्तिताः ||५२|| इति कुधान्यवर्गः |
🔊 Audio coming soon
উপসংহারমাহ- শাল্যাদেরিত্যাদি| ভাগশঃ কালপ্রমাণং সংবত্সরোষিতমিত্যনেনোক্তম্| সংস্কারো যথা- গুরোরপি ব্রীহেঃ সংস্কারবশাল্লাজা লঘবঃ, মাত্রা পুনরগ্নিবলাপেক্ষিণী হীনা মধ্যমোত্তমা চেতি| ``লঘু পথ্যতমং প্রোক্তং গুর্বপথ্যতমং স্মৃতম্| যদ্যদাগচ্ছতি ক্ষিপ্রং তত্তল্লঘুতরং স্মৃতম্’’- ইতি| কুধান্যবর্গঃ||৫২||
Adhikarana 56 (53) · Śloka 53
অথ মাংসবর্গঃ | অত ঊর্ধ্বং মাংসবর্গানুপদেক্ষ্যামঃ; তদ্যথা- জলেশযা, আনূপা, গ্রাম্যাঃ, ক্রব্যভুজ, একশফা, জাঙ্গলাশ্চেতি ষণ্মাংসবর্গা ভবন্তি | এতেষাং বর্গাণামুত্তরোত্তরা প্রধানতমাঃ | তে পুনর্দ্বিবিধা জাঙ্গলা আনূপাশ্চেতি | তত্র জাঙ্গলবর্গোঽষ্টবিধঃ | তদ্যথা- জঙ্ঘালা, বিষ্কিরাঃ, প্রতুদা, গুহাশযাঃ, প্রসহাঃ, পর্ণমৃগা, বিলেশযা, গ্রাম্যাশ্চেতি | তেষাং জঙ্ঘালবিষ্কিরৌ প্রধানতমৌ ||৫৩||
अथ मांसवर्गः | अत ऊर्ध्वं मांसवर्गानुपदेक्ष्यामः; तद्यथा- जलेशया, आनूपा, ग्राम्याः, क्रव्यभुज, एकशफा, जाङ्गलाश्चेति षण्मांसवर्गा भवन्ति | एतेषां वर्गाणामुत्तरोत्तरा प्रधानतमाः | ते पुनर्द्विविधा जाङ्गला आनूपाश्चेति | तत्र जाङ्गलवर्गोऽष्टविधः | तद्यथा- जङ्घाला, विष्किराः, प्रतुदा, गुहाशयाः, प्रसहाः, पर्णमृगा, बिलेशया, ग्राम्याश्चेति | तेषां जङ्घालविष्किरौ प्रधानतमौ ||५३||
🔊 Audio coming soon
অন্নং ভক্তরূপং চোক্তং, প্রধানব্যঞ্জনং মাংসমাহ- তদ্যথেত্যাদি| জলেশযাঃ কোশস্থাঃ পাদিনো মত্স্যাশ্চ; আনূপাঃ কূলচরাঃ প্লবাশ্চ; গ্রাম্যশব্দেনৈকশফশব্দেন চ গ্রাম্যাঃ, শফঃ খুরঃ; ক্রব্যভুক্শব্দেন চ গুহাশযাঃ প্রসহাশ্চ, ক্রব্যং মাংসং; জাঙ্গলশব্দেন জঙ্ঘালবিষ্কিরপ্রতুদপর্ণমৃগবিলেশযা ইতি ত্রযোদশ ভেদাঃ ষট্স্বেবান্তর্ভূতাঃ| সঙ্খ্যেযনির্দেশাদেব ষট্সঙ্খ্যাযাং লব্ধাযাং ষড্গ্রহণং প্রতুদাদিভেদা এতেষ্বেবাবরুধ্যন্তে, তেন ষড্বর্গা ইতি নিযমার্থম্; `অন্যেঽপি জঙ্ঘালাদিভেদা ভবিষ্যন্তীতি সূচনার্থম্’ ইত্যপরে| অযং ষোঢা ভেদঃ সঙ্ক্ষেপেণোত্তরোত্তরপ্রাধান্যজ্ঞাপনায| বর্গাণামুত্তরোত্তরপ্রাধান্যমাহ- এতেষামিত্যাদি| পুনর্দ্বৈবিধ্যমাহ- তে পুনরিত্যাদি| দ্বৈবিধ্যকথনং জাঙ্গলত্বেনানূপত্বেন চ বক্ষ্যমাণভেদানাং গুণানুগমায| জাঙ্গলস্যাষ্টবিধত্বমাহ- তত্রেত্যাদি| তে সর্বেঽত্রৈব বক্ষ্যন্তে| তেষাং মধ্যে কস্য প্রাধান্যমিত্যাহ- তেষামিত্যাদি| `জাঙ্গলবিষ্কিরৌ’ ইতি ক্বচিত্||৫৩||
Adhikarana 57 (54) · Śloka 54
তাবেণহরিণর্ক্ষকুরঙ্গকরালকৃতমালশরভশ্বদংষ্ট্রাপৃষতচারুষ্করমৃগমাতৃকাপ্রভৃতযো জঙ্ঘালা মৃগাঃ কষাযা মধুরা লঘবো বাতপিত্তহরাস্তীক্ষ্ণা হৃদ্যা বস্তিশোধনাশ্চ ||৫৪||
तावेणहरिणर्क्षकुरङ्गकरालकृतमालशरभश्वदंष्ट्रापृषतचारुष्करमृगमातृकाप्रभृतयो जङ्घाला मृगाः कषाया मधुरा लघवो वातपित्तहरास्तीक्ष्णा हृद्या बस्तिशोधनाश्च ||५४||
🔊 Audio coming soon
জঙ্ঘালবিষ্কিরাবাহ- তাবেণেত্যাদিনা| তাবিতি যৌ জঙ্ঘালবিষ্কিরৌ কথ্যেতে ইত্যর্থঃ| এণঃ কৃষ্ণহরিণঃ, হরিণো গৌরহরিণঃ, ঋক্ষো নীলাণ্ডঃ `রোরু’ ইতি প্রসিদ্ধঃ, কুরঙ্গশ্চতুরগতিঃ `চতুরঙ্গ’ ইতি লোকে, করালোঽধোনিষ্ক্রান্তদন্তো হিমবদাদিপর্বতেষু `কস্তূরীমৃগ’ ইতি লোকে, কৃতমালা বহবঃ সঙ্ঘাতচারিণো মৃগা দেশান্তরে লোকাদবগন্তব্যাঃ, শরভোঽষ্টাপদ উষ্ট্রপ্রমাণো মহাশৃঙ্গঃ পৃষ্ঠগতচতুষ্পাদঃ কাশ্মীরে প্রসিদ্ধঃ, শ্বদংষ্ট্রশ্চতুর্দষ্ট্রোঽতিদুষ্টঃ `কর্কটক’ ইতি কার্তিকপুরে, পৃষতো বিন্দুচিত্রিতঃ `চিত্তল’ ইতি লোকে, চারুষ্কশ্চারুশরীরঃ, স্বল্পতনুর্মৃগভেদ এব, মৃগমাতৃকা অল্পা পৃথূদরা চতুরঙ্গস্ত্রী `মেদলী’ ইতি লোকে| প্রভৃতিগ্রহণাত্ কোট্টকারকরামাদযঃ| জঙ্ঘালা ইতি প্রশস্তজঙ্ঘাবন্তঃ| তেষাং সামান্যগুণমাহ- কষাযা ইত্যাদি| তীক্ষ্ণা ইতি তীক্ষ্ণগুণকর্মকরত্বাত্| বস্তিশোধনা ইতি অশ্মরীশর্করামূত্রকৃচ্ছ্রমূত্রাঘাতাদিষু পথ্যাঃ, মূত্রবিরেককারিণ ইত্যর্থঃ||৫৪||
Adhikarana 58 (55) · Śloka 55
কষাযমধুরো হৃদ্যঃ পিত্তাসৃক্কফরোগহা | সঙ্গ্রাহী রোচনো বল্যস্তেষামেণো জ্বরাপহঃ ||৫৫||
कषायमधुरो हृद्यः पित्तासृक्कफरोगहा | सङ्ग्राही रोचनो बल्यस्तेषामेणो ज्वरापहः ||५५||
🔊 Audio coming soon
তেষাং মধ্যে কৃষ্ণহরিণগুণমাহ- কষাযেত্যাদি| এণস্য ষড্রসত্বেঽপি কষাযমধুরোত্কটত্বাত্ কষাযমধুর ইত্যুক্তম্||৫৫||
Adhikarana 59 (56) · Śloka 56
মধুরো মধুরঃ পাকে দোষঘ্নোঽনলদীপনঃ | শীতলো বদ্ধবিণ্মূত্র সুগন্ধির্হরিণো লঘুঃ ||৫৬||
मधुरो मधुरः पाके दोषघ्नोऽनलदीपनः | शीतलो बद्धविण्मूत्र सुगन्धिर्हरिणो लघुः ||५६||
🔊 Audio coming soon
গৌরহরিণগুণমাহ- মধুর ইত্যাদি| বদ্ধবিণ্মূত্র ইতি এতেনাতীসারিণাং প্রমেহিণাং চ হিত ইত্যুক্তম্; এণস্তু প্রমেহিণামহিতঃ বস্তিশোধনত্বাত্||৫৬||
Adhikarana 60 (57) · Śloka 57
এণঃ কৃষ্ণস্তযোর্জ্ঞেযো হরিণস্তাম্র উচ্যতে | যো ন কৃষ্ণো ন তাম্রশ্চ কুরঙ্গঃ সোঽভিধীযতে ||৫৭||
एणः कृष्णस्तयोर्ज्ञेयो हरिणस्ताम्र उच्यते | यो न कृष्णो न ताम्रश्च कुरङ्गः सोऽभिधीयते ||५७||
🔊 Audio coming soon
সূত্রেণৈণহরিণযোর্ভেদমাহ- এণ ইত্যাদি||৫৭||
Adhikarana 61 (58) · Śloka 58
শীতাঽসৃক্পিত্তশমনী বিজ্ঞেযা মৃগমাতৃকা | সন্নিপাতক্ষযশ্বাসকাসহিক্কারুচিপ্রণুত্ ||৫৮||
शीताऽसृक्पित्तशमनी विज्ञेया मृगमातृका | सन्निपातक्षयश्वासकासहिक्कारुचिप्रणुत् ||५८||
🔊 Audio coming soon
মৃগমাতৃকামাহ- শীতেত্যাদি||৫৮||
Adhikarana 62 (59) · Śloka 60
লাবতিত্তিরিকপিঞ্জলবর্তীরবর্তিকাবর্তকনপ্তৃকাবার্তীকচকোরকলবিঙ্কমযূরক্রকরোপচক্র- কুক্কুটসারঙ্গশতপত্রকুতিত্তিরিকুরুবাহকযবালকপ্রভৃতযস্ত্র্যাহলা বিষ্কিরাঃ ||৫৯|| লঘবঃ শীতমধুরাঃ কষাযা দোষনাশনাঃ |৬০|
लावतित्तिरिकपिञ्जलवर्तीरवर्तिकावर्तकनप्तृकावार्तीकचकोरकलविङ्कमयूरक्रकरोपचक्र- कुक्कुटसारङ्गशतपत्रकुतित्तिरिकुरुवाहकयवालकप्रभृतयस्त्र्याहला विष्किराः ||५९|| लघवः शीतमधुराः कषाया दोषनाशनाः |६०|
🔊 Audio coming soon
লাবঃ প্রসিদ্ধঃ; তিত্তিরিঃ কৃষ্ণতিত্তিরিশ্চিত্রপক্ষঃ; কপিঞ্জলো গৌরতিত্তিরিঃ; বর্তীরঃ কপিঞ্জলানূকঃ কপিঞ্জলাদল্পো বর্তিকাতঃ কিঞ্চিন্মহান্ বর্তিকাসদৃশ এব, `ঘর্ঘরা’ ইতি লোকে; বর্তিকাবর্তিকৌ তদ্ভেদৌ; নপ্তৃকা লোকে ঘুডুরুকাভিধা হূঙ্কারকারিণ্যল্পা পাণ্ডুরোদরা; বার্তীকা বর্তিচটকাঃ স্বল্পাঃ সঙ্ঘাতচারিণঃ `বগেডা’ ইতি লোকে; চকোরো রক্তাক্ষো বিষসূচকঃ স্বনাম্না খ্যাতঃ; কলবিঙ্কঃ কালচটকো ভৃঙ্গরাজাদ্ভিন্নঃ, অপরে ভৃঙ্গরাজমাহুঃ, অন্যে তু রক্তশিরসং কৃষ্ণগ্রীবং গ্রামচটকাকারং কলবিঙ্কমাহুঃ; মযূরঃ প্রসিদ্ধঃ; ক্রকরো লাবান্তকো কপিঞ্জলাত্ স্থূলঃ, `কযর’ ইতি লোকে; উপচক্রঃ ক্রকরভেদঃ কৃশচঞ্চুর্মদাবিলঃ; কুক্কুটঃ প্রসিদ্ধঃ; সারঙ্গশ্চাতকঃ, অন্যে কৃষ্ণকর্বুরশ্চাতকাকারো বিষ্কিরঃ; শতপত্রো দার্বাঘাটঃ, `কাষ্ঠকুট্টক’ ইতি লোকে; কুতিত্তিরিস্তিত্তিরিভেদঃ পাণ্ডুঃ কপিলঃ; কুরুবাহকঃ কুরুকুরুকঃ; যবালকো যবগুডুরুকঃ| প্রভৃতিগ্রহণেনৈবঞ্জাতীযাঃ| বিকীর্য ভক্ষযন্তীতি বিষ্কিরাঃ; ত্রিভিশ্চরণযুগলচঞ্চুভিরাহলন্তি বিলিখন্তীতি ত্র্যাহলাঃ| এতেষাং সামান্যগুণমাহ- লঘবঃ শীতমধুরা ইত্যাদি| অন্যে লাবাদিবর্তিকাদিবর্গযোর্গুণাঞ্ শ্লোকেন পঠন্তি- “বর্গৌ স্বাদুরসাবেতৌ কষাযানুরসৌ লঘূ| বাতপিত্তহরৌ নাতিশীতলৌ বস্তিশোধনৌ” ইতি; অত্রাপি স এবার্থঃ||৫৯||-
Adhikarana 63 (60) · Śloka 60
সঙ্গ্রাহী দীপনশ্চৈব কষাযমধুরো লঘুঃ | লাবঃ কটুবিপাকশ্চ সন্নিপাতে তু পূজিতঃ ||৬০||
सङ्ग्राही दीपनश्चैव कषायमधुरो लघुः | लावः कटुविपाकश्च सन्निपाते तु पूजितः ||६०||
🔊 Audio coming soon
তেষাং মধ্যে লাবকগুণমাহ- সঙ্গ্রাহীত্যাদি| সন্নিপাতে তু পূজিত ইতি পূজিতঃ প্রশস্ত ইত্যর্থঃ| সামান্যগুণকথনে দোষশমন ইতি বচনাদত্র সন্নিপাতবচনাচ্চ বাতাদীন্ ব্যস্তান্ সমস্তানপি হন্তীত্যর্থঃ; অথবা সন্নিপাতজ্বরে নিবৃত্তে পুনরাগমননিবৃত্তযে প্রযোজ্য ইত্যর্থঃ| অত্র কেচিত্ পঠন্তি- “গৈরিকঃপাংশুলশ্চৈব পৌণ্ড্রকো দর্ভরস্তথা| লাবশ্চতুর্বিধঃ প্রোক্তস্তিত্তিরির্দ্বিবিধঃ স্মৃতঃ”- ইতি; গৈরিকপাংশুলৌ প্রাসিদ্ধৌ, পৌণ্ড্রকদর্ভরৌ দেশান্তরে লোকাদবগন্তব্যৌ| তিত্তিরির্ব্যাখ্যাতঃ| অস্যাগ্রে কেচিদ্ গৈরিকপাংশুলপৌণ্ড্রকদর্ভরভেদেন গুণান্ পৃথগ্ভিন্নান্ পঠন্তি; এতচ্চ ন বহুসম্মতং, তস্মান্ন পঠনীযম্||৬০||
Adhikarana 64 (61-62) · Śloka 63
ঈষদ্গুরূষ্ণমধুরো বৃষ্যো মেধাগ্নিবর্ধনঃ | তিত্তিরিঃ সর্বদোষঘ্নো গ্রাহী বর্ণপ্রসাদনঃ ||৬১|| রক্তপিত্তহরঃ শীতো লঘুশ্চাপি কপিঞ্জলঃ | কফোত্থেষু চ রোগেষু মন্দবাতে চ শস্যতে ||৬২|| হিক্কাশ্বাসানিলহরো বিশেষাদ্গৌরতিত্তিরিঃ |৬৩|
ईषद्गुरूष्णमधुरो वृष्यो मेधाग्निवर्धनः | तित्तिरिः सर्वदोषघ्नो ग्राही वर्णप्रसादनः ||६१|| रक्तपित्तहरः शीतो लघुश्चापि कपिञ्जलः | कफोत्थेषु च रोगेषु मन्दवाते च शस्यते ||६२|| हिक्काश्वासानिलहरो विशेषाद्गौरतित्तिरिः |६३|
🔊 Audio coming soon
কৃষ্ণতিত্তিরিগুণমাহ- ঈষদিত্যাদি| ঈষদ্গুরুত্বং লাবকাপেক্ষযা| সর্বগ্রহণং রক্তদুষ্টিঘ্নত্বপ্রাপ্তযে| গৌরতিত্তিরিগুণমাহ- রক্তেত্যাদি||৬১-৬২||-
Adhikarana 65 (63) · Śloka 64
বাতপিত্তহরা বৃষ্যা মেধাগ্নিবলবর্ধনাঃ ||৬৩|| লঘবঃ ক্রকরা হৃদ্যাস্তথা চৈবোপচক্রকাঃ |৬৪|
वातपित्तहरा वृष्या मेधाग्निबलवर्धनाः ||६३|| लघवः क्रकरा हृद्यास्तथा चैवोपचक्रकाः |६४|
🔊 Audio coming soon
ক্রকরগুণমাহ- বাতপিত্তেত্যাদি| উপচক্রগুণমাহ- তথেত্যাদি| তথেতি ক্রকরসদৃশগুণা ইত্যর্থঃ||৬৩|| -
Adhikarana 66 (64) · Śloka 65
কষাযঃ স্বাদুলবণস্ত্বচ্যঃ কেশ্যোঽরুচৌ হিতঃ ||৬৪|| মযূরঃ স্বরমেধাগ্নিদৃক্শ্রোত্রেন্দ্রিযদার্ঢ্যকৃত্ |৬৫|
कषायः स्वादुलवणस्त्वच्यः केश्योऽरुचौ हितः ||६४|| मयूरः स्वरमेधाग्निदृक्श्रोत्रेन्द्रियदार्ढ्यकृत् |६५|
🔊 Audio coming soon
মযূরগুণমাহ- কষায ইত্যাদি| দৃক্শ্রোত্রেন্দ্রিযদার্ঢ্যকৃদিতি চক্ষুঃশ্রবণেন্দ্রিযদার্ঢ্যকারীত্যর্থঃ||৬৪||-
Adhikarana 67 (65-66) · Śloka 66
স্নিগ্ধোষ্ণোঽনিলহা বৃষ্যঃ স্বেদস্বরবলাবহঃ ||৬৫|| বৃংহণঃ কুক্কুটো বন্যস্তদ্বদ্গ্রাম্যো গুরুস্তু সঃ | বাতরোগক্ষযবমীবিষমজ্বরনাশনঃ ||৬৬||
स्निग्धोष्णोऽनिलहा वृष्यः स्वेदस्वरबलावहः ||६५|| बृंहणः कुक्कुटो वन्यस्तद्वद्ग्राम्यो गुरुस्तु सः | वातरोगक्षयवमीविषमज्वरनाशनः ||६६||
🔊 Audio coming soon
বনকুক্কুটমাহ- স্নিগ্ধেত্যাদি| বন্যো বনজাতঃ| গ্রাম্যকুক্কুটমাহ- তদ্বদিত্যাদি| তদ্বদিতি বনকুক্কুটবদিত্যর্থঃ| গুরুস্ত্বিতি বন্যোঽপি গুরুঃ, গ্রাম্যস্তু গুরুতর ইত্যর্থঃ||৬৫-৬৬||
Adhikarana 68 (67) · Śloka 67
কপোতপারাবতভৃঙ্গরাজপরভৃতকোযষ্টিককুলিঙ্গগৃহকুলিঙ্গগোক্ষ্বেডকডিণ্ডিমাণবকশতপত্রক- মাতৃনিন্দকভেদাশিশুকসারিকাবল্গুলীগিরিশালট্বালট্টূষকসুগৃহাখঞ্জরীটহারীতদাত্যূহপ্রভৃতযঃ , প্রতুদাঃ ||৬৭||
कपोतपारावतभृङ्गराजपरभृतकोयष्टिककुलिङ्गगृहकुलिङ्गगोक्ष्वेडकडिण्डिमाणवकशतपत्रक- मातृनिन्दकभेदाशिशुकसारिकावल्गुलीगिरिशालट्वालट्टूषकसुगृहाखञ्जरीटहारीतदात्यूहप्रभृतयः , प्रतुदाः ||६७||
🔊 Audio coming soon
প্রতুদানাহ- কপোতেত্যাদি| কপোতো বনবাসী `পাণ্ডুক’ ইতি লোকে, স চ নানাবিধঃ; পারাবতো গৃহদেবকুলালযঃ; ভৃঙ্গরাজো ভ্রমরকো ধূম্যাটসদৃশঃ `পক্ষিরাজ’ ইতি লোকে; পরভৃতঃ কোকিলঃ; কোযষ্টিঃ কোযঙ্গকা দীর্ঘজঙ্ঘা `কোযঙ্গ’ ইতি লোকে; কুলিঙ্গো বন্যচটকো গ্রাম্যচটকাকারঃ; গৃহকুলিঙ্গঃ পুণ্ড্রচটকঃ ‘গ্রামচটক’ ইতি লোকে; গোক্ষ্বেডো গোনর্দঃ; ডিণ্ডিমাণবকঃ ডিণ্ডিমোত্কটধ্বনিঃ; শতপত্রো রাজশূকঃ; ভাতৃনিন্দকঃ প্রিযাত্মকঃ `পুত্ররঞ্জক’ ইতি লোকে; ভেদাশী পুত্রশুকঃ, ভেকাশীতি কেচিত্, তত্রাপি স এবার্থঃ; শুকসারিকে প্রসিদ্ধে; বল্গুলী `গদুলিকা’ ইতি লোকে; গিরিশা গিরিবর্তিকা, `পর্বতবাহী’ ইত্যেকে; লট্বা ফেঞ্জাতকো রক্তপুচ্ছাধোভাগঃ, অন্যে ভরদ্বাজভেদমাহুঃ, `লাট’ ইতি লোকে; লট্টূষকো দ্বিতীযফেঞ্জাতকঃ , অন্যে সঞ্চানচঞ্চ্বাকৃতিচঞ্চুভাগং দীর্ঘপুচ্ছাদিলক্ষণেন প্রতুদং বিহঙ্গমাহুঃ; সুগৃহা পীতমস্তকা `বযা’ ইতি লোকে; খঞ্জরীটঃ সিতাসিতবর্ণো দ্রুতললিতগতিঃ `কবডিযা’ ইতি লোকে; হারীতো হরিতপীতবর্ণঃ `হরিতাল’ ইতি লোকে; দাত্যূহঃ কালকণ্টকঃ `রাযুক’ ইতি লোকে| প্রভৃতিগ্রহণাদ্ গোপাপুত্রসারপদেন্দ্রাদযশ্চরকোক্তাঃ| প্রতুদা ইতি প্রতুদ্য ভক্ষযন্তীতি হেতোঃ||৬৭||
Adhikarana 69 (68) · Śloka 68
কষাযমধুরা রূক্ষাঃ ফলাহারা মরুত্করাঃ | পিত্তশ্লেষ্মহরাঃ শীতা বদ্ধমূত্রাল্পবর্চসঃ ||৬৮||
कषायमधुरा रूक्षाः फलाहारा मरुत्कराः | पित्तश्लेष्महराः शीता बद्धमूत्राल्पवर्चसः ||६८||
🔊 Audio coming soon
এষাং সামান্যগুণমাহ- কষাযেত্যাদি| ফলাহারা মরুত্করা ইতি ফলাহারত্বেন বাতকরাঃ, ফলাহারত্বং স্বভাবকথনং বা; বাতকরত্বং ন কলাযাদিবত্, কিন্তু মাংসান্তরাপেক্ষযা ন বাতং ঘ্নন্তীত্যর্থঃ||৬৮||
Adhikarana 70 (69) · Śloka 69
সর্বদোষকরস্তেষাং ভেদাশী মলদূষকঃ |৬৯|
सर्वदोषकरस्तेषां भेदाशी मलदूषकः |६९|
🔊 Audio coming soon
তেষাং মধ্যে ভেদাশিগুণমাহ- সর্বদোষকর ইত্যাদি| মলদূষক ইতি বাতাদিদোষজননো মূত্রাদিমলদূষকশ্চেতি, স্বভাবেন দোষাণাং মলানাং চ দূষযিতেত্যর্থঃ| কেচিত্ সর্বদোষকরস্থানে `সর্বদোষহর’ ইতি প্রমাদপাঠং দৃষ্ট্বা সর্বদোষহরস্য চ মলদূষকত্বাসম্ভবেন মলদূষকস্থানে `গলদূষক’ ইতি পঠন্তি; তচ্চ প্রমাদজত্বান্নাদেযম্|৬৯|
Adhikarana 71 (69) · Śloka 69
কষাযস্বাদুলবণো গুরুঃ কাণকপোতকঃ ||৬৯||
कषायस्वादुलवणो गुरुः काणकपोतकः ||६९||
🔊 Audio coming soon
কাণকপোতগুণমাহ- কষাযেত্যাদি| চকারোঽত্র লুপ্তনির্দিষ্টো দ্রষ্টব্যঃ, তেন কাণকপোতোঽপি ত্রিদোষকোপনো মলদূষযিতেতি চকারেণ পূর্বানুবৃত্তং সমুচ্চীযতে| কাণকপোতো বনবাসী পাণ্ডুকপোতঃ, অন্যেঽরুণবর্ণকমপি কপোতমাহুঃ||৬৯||
Adhikarana 72 (70) · Śloka 70
রক্তপিত্তপ্রশমনঃ কষাযবিশদোঽপি চ | বিপাকে মধুরশ্চাপি গুরুঃ পারাবতঃ স্মৃতঃ ||৭০||
रक्तपित्तप्रशमनः कषायविशदोऽपि च | विपाके मधुरश्चापि गुरुः पारावतः स्मृतः ||७०||
🔊 Audio coming soon
পারাবতগুণমাহ- রক্তেত্যাদি| বিশদঃ পিচ্ছিলবিপরীতঃ||৭০||
Adhikarana 73 (71) · Śloka 71
কুলিঙ্গো মধুরঃ স্নিগ্ধঃ কফশুক্রবিবর্ধনঃ |৭১|
कुलिङ्गो मधुरः स्निग्धः कफशुक्रविवर्धनः |७१|
🔊 Audio coming soon
বন্যকুলিঙ্গগুণমাহ- কুলিঙ্গ ইত্যাদি|৭১|
Adhikarana 74 (71) · Śloka 71
রক্তপিত্তহরো বেশ্মকুলিঙ্গস্ত্বতিশুক্রলঃ ||৭১||
रक्तपित्तहरो वेश्मकुलिङ्गस्त्वतिशुक्रलः ||७१||
🔊 Audio coming soon
গৃহকুলিঙ্গগুণমাহ- রক্তেত্যাদি| বেশ্ম গৃহম্||৭১||
Adhikarana 75 (72) · Śloka 72
সিংহব্যাঘ্রবৃকতরক্ষ্বৃক্ষদ্বীপিমার্জারশৃগালমৃগের্বারুকপ্রভৃতযো গুহাশযাঃ ||৭২||
सिंहव्याघ्रवृकतरक्ष्वृक्षद्वीपिमार्जारशृगालमृगेर्वारुकप्रभृतयो गुहाशयाः ||७२||
🔊 Audio coming soon
গুহাশযানাহ- সিংহেত্যাদি| সিংহঃ পরাক্রমী নিদ্রালুঃ; ব্যাঘ্রো বিকৃতমুখো নিদ্রালুর্হিংস্রঃ; বৃকঃ কুক্কুরসদৃশঃ পশুঃ ক্ষুদ্রঃ ; তরক্ষুর্মৃগশত্রুর্ব্যাঘ্রবিশেষঃ `জরখ’ ইতি লোকে; ঋক্ষো ভল্লূকোঽতিলোমশঃ `রিঞ্ছ’ ইতি লোকে; দ্বীপী ব্যাঘ্রভেদশ্চিত্রব্যাঘ্রঃ `চিত্রক’ ইতি লোকে; মার্জারো বিডালঃ, অত্র চ মার্জারো গুহাশযত্বাদরণ্যবিডালো বোদ্ধব্যঃ; শৃগালঃ প্রসিদ্ধঃ; মৃগের্বারুর্মৃগভক্ষঃ শৃগালাকৃতিঃ `হরিণডু(দ্র)ব’ ইতি লোকে| প্রভৃতিগ্রহণাদ্বান্তাদবভ্রুপ্রভৃতযঃ| গুহাসু পর্বতবিবরেষু শেরত ইতি গুহাশযাঃ||৭২||
Adhikarana 76 (73) · Śloka 73
মধুরা গুরবঃ স্নিগ্ধা বল্যা মারুতনাশনাঃ | উষ্ণবীর্যা হিতা নিত্যং নেত্রগুহ্যবিকারিণাম্ ||৭৩||
मधुरा गुरवः स्निग्धा बल्या मारुतनाशनाः | उष्णवीर्या हिता नित्यं नेत्रगुह्यविकारिणाम् ||७३||
🔊 Audio coming soon
তেষাং সামান্যগুণমাহ- মধুরা ইত্যাদি||৭৩||
Adhikarana 77 (74) · Śloka 74
কাককঙ্ককুররচাষভাসশশঘাত্যুলূকচিল্লিশ্যেনগৃধ্রপ্রভৃতযঃ প্রসহাঃ ||৭৪||
काककङ्ककुररचाषभासशशघात्युलूकचिल्लिश्येनगृध्रप्रभृतयः प्रसहाः ||७४||
🔊 Audio coming soon
প্রসহানাহ- কাকেত্যাদি| কাকঃ প্রসিদ্ধঃ; কঙ্কো দীর্ঘচঞ্চুর্মহাপ্রমাণঃ, উক্তং চ- “কঙ্কঃ স্যাত্ কঙ্কমল্লাখ্যো বাণপত্রার্হপক্ষকঃ| লোহপৃষ্ঠো দীর্ঘপাদঃ পক্ষাধঃ পাণ্ডুবর্ণভাক্’’- ইতি; কুররশ্চিল্ল্যাকারো নাদোত্থাপিতমত্স্যো হস্তমত্স্যগ্রাহী `কুরল’ ইতি লোকে প্রসিদ্ধঃ; চাষ ইন্দ্রনীলমণিসদৃশপক্ষঃ শস্তদর্শনঃ `করটাশন’ ইতি লোকে প্রসিদ্ধঃ; ভাসো গোকুলচারী গৃধ্রবিশেষঃ শ্বেতশিখাবান্; শশঘাতী চিল্ল্যাকারো মহাচরণনখঃ প্রহারেণ শশকাহরণশীলঃ `শশাগ্নি’ ইতি লোকে প্রসিদ্ধঃ, অন্যে `পাজী’ ইত্যাহুঃ; উলূকঃ কৌশিকঃ; চিল্লিঃ চিল্হঃ; শ্যেনঃ সিঞ্চানো গরুডান্বযঃ; গৃধ্রো মাংসাশী যোজনদৃষ্টিঃ; প্রভৃতিগ্রহণেন ধূমপিকাকরপত্রিকাদযো গৃহ্যন্তে| প্রসহ্য ভক্ষযন্তীতি প্রসহাঃ||৭৪||
Adhikarana 78 (75) · Śloka 75
এতে সিংহাদিভিঃ সর্বে সমানা বাযসাদযঃ | রসবীর্যবিপাকেষু বিশেষাচ্ছোষিণে হিতাঃ ||৭৫||
एते सिंहादिभिः सर्वे समाना वायसादयः | रसवीर्यविपाकेषु विशेषाच्छोषिणे हिताः ||७५||
🔊 Audio coming soon
তেষাং সামান্যং গুণমাহ- এতে ইত্যাদি| এতে বাযসাদযঃ সিংহাদিভিঃ সমানাস্তুল্যা ইতি সম্বন্ধঃ| বাযসঃ কাকঃ| তে কেষু সমানা ইত্যাহ- রসবীর্যবিপাকেষু| বিশেষাদতিশযেন| শোষিণে রাজযক্ষ্মিণে||৭৫||
Adhikarana 79 (76) · Śloka 76
মদ্গুমূষিকবৃক্ষশাযিকাবকুশপূতিঘাসবানরপ্রভৃতযঃ পর্ণমৃগাঃ ||৭৬||
मद्गुमूषिकवृक्षशायिकावकुशपूतिघासवानरप्रभृतयः पर्णमृगाः ||७६||
🔊 Audio coming soon
পর্ণমৃগানাহ- মদ্গ্বিত্যাদি| মদ্গুমূষিকো মালুযাসর্পঃ; অন্যে তু মদ্গুমূষিকৌ ভিন্নাবাচক্ষেতে; তত্র মদ্গুঃ পূর্বার্থ এব, মূষিকো বৃক্ষমূষিকঃ বৃক্ষশাযিকা বৃক্ষমর্কটিকা `গিলী’ ইতি লোকে; অবকুশো গোলাঙ্গুলো বানরবিশেষঃ; পূতিঘাসো বৃক্ষবিডালঃ সুগন্ধিবৃষণঃ `কর্পূরক’ ইতি লোকে; বানরো মর্কটঃ| প্রভৃতিগ্রহণাদেবঞ্জাতীযা অন্যেঽপি| প্রাযেণ বৃক্ষস্থাযিত্বাত্ পর্ণমৃগাঃ||৭৬||
Adhikarana 80 (77) · Śloka 77
মধুরা গুরবো বৃষ্যাশ্চক্ষুষ্যাঃ শোষিণে হিতাঃ | সৃষ্টমূত্রপুরীষাশ্চ কাসার্শঃশ্বাসনাশনাঃ ||৭৭||
मधुरा गुरवो वृष्याश्चक्षुष्याः शोषिणे हिताः | सृष्टमूत्रपुरीषाश्च कासार्शःश्वासनाशनाः ||७७||
🔊 Audio coming soon
এতেষাং সামান্যগুণমাহ- মধুরা ইত্যাদি||৭৭||
Adhikarana 81 (78) · Śloka 78
শ্বাবিচ্ছল্যকগোধাশশবৃষদংশলোপাকলোমশকর্ণকদলীমৃগপ্রিযকাজগরসর্পমূষিকনকুলমহাবভ্রুপ্রভৃতযো বিলেশযাঃ ||৭৮||
श्वाविच्छल्यकगोधाशशवृषदंशलोपाकलोमशकर्णकदलीमृगप्रियकाजगरसर्पमूषिकनकुलमहाबभ्रुप्रभृतयो बिलेशयाः ||७८||
🔊 Audio coming soon
বিলেশযানাহ- শ্বাবিদিত্যাদি| শ্বাবিত্ সূচিসদৃশরোমযুক্তা `সিহৈ' ইতি লোকে; শল্যকো বজ্রশকলো বৃহদ্গোধানুকারী `সালা' ইতি লোকে; গোধাশশৌ প্রসিদ্ধৌ; বৃষদংশো গ্রামমার্জারঃ, অন্যে বনমার্জারমাহুঃ; লোপাকঃ শৃগালভেদঃ, `লাঙ্গলক' ইতি লোকে; লোমশকর্ণো নলত্করঃ; কদলী মহাবিডালসমো ব্যাঘ্রাকারঃ `কদলীহণ্ড' ইতি পৌণ্ড্রে প্রসিদ্ধঃ, অন্যে সর্পবিশেষমাহুঃ, অপরে `কদলীমৃগ' ইতি সমস্তং পঠন্তি, তত্রাপি স এবার্থঃ; মৃগপ্রিযকো গোনসঃ; অজগরো মহাসর্পঃ, সর্পঃ পুনরল্পো রাজিলমণ্ডলিদর্বীকরভেদাত্ত্রিবিধঃ; মূষিকো ভূমিমূষিকঃ; নকুলো ভুজঙ্গশত্রুঃ; তদ্ভেদো মহাবভ্রুঃ; প্রভৃতিগ্রহণাদ্গণ্ডকজাহকপ্রভৃতযোঽপি দ্রষ্টব্যাঃ| বিলশাযিত্বাদ্বিলেশযাঃ||৭৮||
Adhikarana 82 (79) · Śloka 79
বর্চোমূত্রং সংহতং কুর্যুরেতে বীর্যে চোষ্ণাঃ পূর্ববত্ স্বাদুপাকাঃ | বাতং হন্যুঃ শ্লেষ্মপিত্তে চ কুর্যুঃ স্নিগ্ধাঃ কাসশ্বাসকার্শ্যাপহাশ্চ ||৭৯||
वर्चोमूत्रं संहतं कुर्युरेते वीर्ये चोष्णाः पूर्ववत् स्वादुपाकाः | वातं हन्युः श्लेष्मपित्ते च कुर्युः स्निग्धाः कासश्वासकार्श्यापहाश्च ||७९||
🔊 Audio coming soon
এতেষাং সামান্যগুণমাহ- বর্চ ইত্যাদি| সংহতং সান্দ্রম্| অন্যে তু `সাঙ্গ্রাহিকা বদ্ধমূত্রাস্তথৈতে' ইতি পঠন্তি||৭৯||
Adhikarana 83 (80) · Śloka 80
কষাযমধুরস্তেষাং শশঃ পিত্তকফাপহঃ | নাতিশীতলবীর্যত্বাদ্বাতসাধারণো মতঃ ||৮০||
कषायमधुरस्तेषां शशः पित्तकफापहः | नातिशीतलवीर्यत्वाद्वातसाधारणो मतः ||८०||
🔊 Audio coming soon
তেষামেব কেষাঞ্চিদ্গুণবিশেষমাহ- কষাযেত্যাদি| বাতে সাধারণো মধ্যস্থঃ, সাধারণদেশবত্; ন চাযং বাতং কোপযতি ন চ বাতশমং করোতি; মাধুর্যাদ্বাতশমহেতুঃ, কষাযাত্ সশৈত্যাচ্চাহেতুরিতি সাধারণত্বম্||৮০||
Adhikarana 84 (81-84) · Śloka 84
গোধা বিপাকে মধুরা কষাযকটুকা স্মৃতা | বাতপিত্তপ্রশমনী বৃংহণী বলবর্ধনী ||৮১|| শল্যকঃ স্বাদুপিত্তঘ্নো লঘুঃ শীতো বিষাপহঃ | প্রিযকো মারুতে পথ্যোঽজগরস্ত্বর্শসাং হিতঃ ||৮২|| দুর্নামানিলদোষঘ্নাঃ কৃমিদূষীবিষাপহাঃ | চক্ষুষ্যা মধুরাঃ পাকে সর্পা মেধাগ্নিবর্ধনাঃ ||৮৩|| দর্বীকরা দীপকাশ্চ তেষূক্তাঃ কটুপাকিনঃ | মধুরাশ্চাতিচক্ষুষ্যাঃ সৃষ্টবিণ্মূত্রমারুতাঃ ||৮৪||
गोधा विपाके मधुरा कषायकटुका स्मृता | वातपित्तप्रशमनी बृंहणी बलवर्धनी ||८१|| शल्यकः स्वादुपित्तघ्नो लघुः शीतो विषापहः | प्रियको मारुते पथ्योऽजगरस्त्वर्शसां हितः ||८२|| दुर्नामानिलदोषघ्नाः कृमिदूषीविषापहाः | चक्षुष्या मधुराः पाके सर्पा मेधाग्निवर्धनाः ||८३|| दर्वीकरा दीपकाश्च तेषूक्ताः कटुपाकिनः | मधुराश्चातिचक्षुष्याः सृष्टविण्मूत्रमारुताः ||८४||
🔊 Audio coming soon
গোধেত্যাদি| দূষীবিষাপহা ইতি বিষমেব দাবাগ্নিবাতাতপাদ্যভিভবেন মন্দতাং গতং বিষপীতস্য বা বিষং দূষীবিষম্| সর্পাঃ সামান্যসর্পাঃ| দর্বীকরাঃ ফণাকরা ইত্যর্থঃ| দীপকা রাজিমন্তঃ||৮১-৮৪||
Adhikarana 85 (85) · Śloka 85
অশ্বাশ্বতরগোখরোষ্ট্রবস্তোরভ্রমেদঃপুচ্ছকপ্রভৃতযো গ্রাম্যাঃ ||৮৫||
अश्वाश्वतरगोखरोष्ट्रबस्तोरभ्रमेदःपुच्छकप्रभृतयो ग्राम्याः ||८५||
🔊 Audio coming soon
গ্রাম্যানাহ- অশ্বাশ্বতরেত্যাদি| অশ্বো ঘোটকঃ; অশ্বাযাং গর্দভেন জনিতোঽশ্বতরঃ `বেসর’ ইতি লোকে; গৌঃ প্রসিদ্ধা; খরো গর্দভঃ; উষ্ট্রঃ করভঃ; বস্তশ্ছগলঃ, উরভ্রো মেষঃ; মেদঃপুচ্ছকো দুম্বকঃ, অন্যে এডকমাহুঃ, প্রভৃতিগ্রহণাদ্বেক্কপ্রভৃতযঃ| প্রাযো গ্রামবাসিত্বাদ্গ্রাম্যাঃ||৮৫||
Adhikarana 86 (86) · Śloka 86
গ্রাম্যা বাতহরাঃ সর্বে বৃংহণাঃ কফপিত্তলাঃ | মধুরা রসপাকাভ্যাং দীপনা বলবর্ধনাঃ ||৮৬||
ग्राम्या वातहराः सर्वे बृंहणाः कफपित्तलाः | मधुरा रसपाकाभ्यां दीपना बलवर्धनाः ||८६||
🔊 Audio coming soon
তেষাং সামান্যং গুণমাহ- গ্রাম্যা ইত্যাদি||৮৬||
Adhikarana 87 (87) · Śloka 87
নাতিশীতো গুরুঃ স্নিগ্ধো মন্দপিত্তকফঃ স্মৃতঃ | ছগলস্ত্বনভিষ্যন্দী তেষাং পীনসনাশনঃ ||৮৭||
नातिशीतो गुरुः स्निग्धो मन्दपित्तकफः स्मृतः | छगलस्त्वनभिष्यन्दी तेषां पीनसनाशनः ||८७||
🔊 Audio coming soon
অথ ছগলগুণমাহ- নাতিশীত ইত্যাদি| অল্পস্নেহগৌরবাভ্যামল্পকফঃ, উষ্ণানুবন্ধাদল্পশৈত্যাদল্পপিত্তঃ, কটুতিক্তব্যাযামাল্পাম্বুসেবনাদনভিষ্যন্দী অল্পাভিষ্যন্দী দোষধাতুমলস্রোতসামল্পক্লেদপ্রাপ্তিজনন ইত্যর্থঃ||৮৭||
Adhikarana 88 (88) · Śloka 88
বৃংহণং মাংসমৌরভ্রং পিত্তশ্লেষ্মাবহং গুরু |৮৮|
बृंहणं मांसमौरभ्रं पित्तश्लेष्मावहं गुरु |८८|
🔊 Audio coming soon
মেষগুণমাহ- বৃংহণমিত্যাদি| ঔরভ্রং মাংসং যদ্যপি পিত্তশ্লেষ্মকরমত্রোক্তং, তথাঽপি সাতিশযং পিত্তং শ্লেষ্মাণং চ ন করোতীতি ব্যাপ্যচন্দ্রাচার্যমতম্|৮৮|
Adhikarana 89 (88) · Śloka 88
মেদঃপুচ্ছোদ্ভবং বৃষ্যমৌরভ্রসদৃশং গুণৈঃ ||৮৮||
मेदःपुच्छोद्भवं वृष्यमौरभ्रसदृशं गुणैः ||८८||
🔊 Audio coming soon
মেদঃপুচ্ছগুণমাহ- মেদ ইত্যাদি||৮৮||
Adhikarana 90 (89) · Śloka 89
শ্বাসকাসপ্রতিশ্যাযবিষমজ্বরনাশনম্ | শ্রমাত্যগ্নিহিতং গব্যং পবিত্রমনিলাপহম্ ||৮৯||
श्वासकासप्रतिश्यायविषमज्वरनाशनम् | श्रमात्यग्निहितं गव्यं पवित्रमनिलापहम् ||८९||
🔊 Audio coming soon
গব্যগুণমাহ- শ্বাসকাসেত্যাদি||৮৯||
Adhikarana 91 (90) · Śloka 90
ঔরভ্রবত্সলবণং মাংসমেকশফোদ্ভবম্ |৯০|
औरभ्रवत्सलवणं मांसमेकशफोद्भवम् |९०|
🔊 Audio coming soon
সলবণমীষল্লবণম্| শফঃ খুরঃ|৯০|
Adhikarana 92 (90) · Śloka 90
অল্পাভিষ্যন্দ্যযং বর্গো জাঙ্গলঃ সমুদাহৃতঃ ||৯০||
अल्पाभिष्यन्द्ययं वर्गो जाङ्गलः समुदाहृतः ||९०||
🔊 Audio coming soon
অল্পেত্যাদি||৯০||
Adhikarana 93 (91-92) · Śloka 92
দূরে জনান্তনিলযা দূরে পানীযগোচরাঃ | যে মৃগাশ্চ বিহঙ্গাশ্চ তেঽল্পাভিষ্যন্দিনো মতাঃ ||৯১|| অতীবাসন্ননিলযাঃ সমীপোদকগোচরাঃ | যে মৃগাশ্চ বিহঙ্গাশ্চ মহাভিষ্যন্দিনস্তু তে ||৯২||
दूरे जनान्तनिलया दूरे पानीयगोचराः | ये मृगाश्च विहङ्गाश्च तेऽल्पाभिष्यन्दिनो मताः ||९१|| अतीवासन्ननिलयाः समीपोदकगोचराः | ये मृगाश्च विहङ्गाश्च महाभिष्यन्दिनस्तु ते ||९२||
🔊 Audio coming soon
সর্বেষামেব জাঙ্গলানামল্পাভিষ্যন্দিত্বং মাভূদিত্যাহ- দূর ইত্যাদি| জনশব্দোঽত্র গ্রামবাচী, তেন দূরে গ্রামাদ্গৃহা ইত্যর্থঃ; অন্যে ‘দূরে জনাত্তনিলযাঃ’ ইতি পঠিত্বা ব্যাখ্যানযন্তি- দূরে জনানামাত্তো গৃহীতো নিলযো যৈর্মৃগৈর্বিহঙ্গৈশ্চ তে তথা| দূরে পানীযগোচরা ইতি দূরে পানীযবিষযাঃ পানীযাদ্দূরনিবাসিন ইত্যর্থঃ| যে মৃগাশ্চেতি চকারাত্ সর্পাদযঃ| অতীবাসন্ননিলযা ইতি অতিশযেন গ্রামাসন্নগৃহা ইত্যর্থঃ| সমীপোদকগোচরা ইতি পানীযসমীপভূমিচারিণ ইত্যর্থঃ| অত্রাপি চকারাদ্ধন্বানূপচারিণামজাবিতিত্তিরীণাং জাঙ্গলপঠিতানামপি মিশ্রগোচরত্বান্নাত্যভিষ্যন্দিত্বম্||৯১-৯২||
Adhikarana 94 (93) · Śloka 93
আনূপবর্গস্তু পঞ্চবিধঃ | তদ্যথা- কূলচরাঃ, প্লবাঃ, কোষস্থাঃ, পাদিনো, মত্স্যাশ্চেতি ||৯৩||
आनूपवर्गस्तु पञ्चविधः | तद्यथा- कूलचराः, प्लवाः, कोषस्थाः, पादिनो, मत्स्याश्चेति ||९३||
🔊 Audio coming soon
আনূপবর্গপ্রকারানাহ- আনূপবর্গস্ত্বিত্যাদি| অনুগতা আপোঽস্মিন্নিতি সজলস্থলাত্মকো দেশঃ, তদ্ভবা আনূপাঃ| কূলং নদ্যাদিতটং, তত্র চরন্তি ভক্ষযন্তি ভ্রমন্তি চ যে তে কূলচরাঃ| প্লবন্তে পানীযে তরন্তি যে তে প্লবাঃ| কোশঃ শঙ্খাদীনাং সম্পুটঃ, তত্র তিষ্ঠন্তীতি কোশস্থাঃ| পাদিনঃ পাদবন্তঃ| মত্স্যাঃ প্রসিদ্ধাঃ||৯৩||
Adhikarana 95 (94) · Śloka 94
তত্র গজগবযমহিষরুরুচমরসৃমররোহিতবরাহখড্গিগোকর্ণকালপুচ্ছকোদ্রন্যঙ্ক্বরণ্যগবযপ্রভৃতযঃ কূলচরাঃ পশবঃ ||৯৪||
तत्र गजगवयमहिषरुरुचमरसृमररोहितवराहखड्गिगोकर्णकालपुच्छकोद्रन्यङ्क्वरण्यगवयप्रभृतयः कूलचराः पशवः ||९४||
🔊 Audio coming soon
তত্র কূলচরানাহ- তত্রেত্যাদি| গজো হস্তী; গবযো গোসদৃশঃ; মহিষঃ প্রসিদ্ধঃ; রুরুঃ শরদি শৃঙ্গত্যাগী, তল্লক্ষণং উচ্যতে- “বিকটবহুবিষাণঃ শম্বরাকারদেহঃ সলিলতটচরত্বাচ্ছম্বরেভ্যো বিচিত্রঃ| ত্যজতি শরদি শৃঙ্গং রৌত্যতোঽসৌ রুরুঃ স্যাত্ পৃথুলমৃগবিশেষঃ প্রাযশশ্চেদিদেশে’’ ইতি; চমরঃ কেশমৃত্যুর্গোসদৃশঃ; সৃমরো মহাশূকরঃ, অন্যে তু মহাশ্বাকারশ্চমরান্তকঃ; রোহিতো লোহিতবর্ণো মৃগজাতিঃ, অন্যে তু `রোহিষ’ ইতি পঠন্তি ব্যাখ্যানযন্তি চ- কচ্ছশূকর ইত্যর্থঃ, অপরে ফলশূকরমাহুঃ; বরাহঃ শূকরঃ; খড্গী গণ্ডকঃ; গোকর্ণো গোসদৃশকর্ণঃ `গোন’ ইতি প্রসিদ্ধঃ; কালপুচ্ছকো ললত্কৃষ্ণপুচ্ছকঃ; ওদ্রঃ পানীযবিডালঃ, `ওদন’ ইতি লোকে; ন্যঙ্কুঃ `ন্যঙ্গুণ’ ইতি লোকে; অরণ্যগবযো বন্যগবযঃ||৯৪||
Adhikarana 96 (95) · Śloka 95
বাতপিত্তহরা বৃষ্যা মধুরা রসপাকযোঃ | শীতলা বলিনঃ স্নিগ্ধা মূত্রলাঃ কফবর্ধনঃ ||৯৫||
वातपित्तहरा वृष्या मधुरा रसपाकयोः | शीतला बलिनः स्निग्धा मूत्रलाः कफवर्धनः ||९५||
🔊 Audio coming soon
তেষাং সামান্যগুণমাহ- বাতেত্যাদি| শীতলা ইতি অত্র চকারো লুপ্তনির্দিষ্টো দ্রষ্টব্যঃ, তেনৌষ্ণ্যমপি কেষাঞ্চিদ্দ্রষ্টব্যম্||৯৫||
Adhikarana 97 (96-97) · Śloka 97
বিরূক্ষণো লেখনশ্চ বীর্যোষ্ণঃ পিত্তদূষণঃ | স্বাদ্বম্ললবণস্তেষাং গজঃ শ্লেষ্মানিলাপহঃ ||৯৬|| গবযস্য তু মাংসং হি স্নিগ্ধং মধুরকাসজিত্ | বিপাকে মধুরং চাপি ব্যবাযস্য তু বর্ধনম্ ||৯৭||
विरूक्षणो लेखनश्च वीर्योष्णः पित्तदूषणः | स्वाद्वम्ललवणस्तेषां गजः श्लेष्मानिलापहः ||९६|| गवयस्य तु मांसं हि स्निग्धं मधुरकासजित् | विपाके मधुरं चापि व्यवायस्य तु वर्धनम् ||९७||
🔊 Audio coming soon
তেষাং কেষাঞ্চিদেব গুণবিশেষমাহ- বিরূক্ষণ ইত্যাদি| সমুদিতৌ কফবাতৌ হন্তি, কেবলং তু কফং করোত্যেব; গজাদিষু বিরূক্ষণকফঘ্নত্বাদি স্বজাত্যপেক্ষং পরিণতিবিশেষাত্||৯৬-৯৭||
Adhikarana 98 (98) · Śloka 98
স্নিগ্ধোষ্ণমধুরো বৃষ্যো মহিষস্তর্পণো গুরুঃ | নিদ্রাপুংস্ত্ববলস্তন্যবর্ধনো মাংসদার্ঢ্যকৃত্ ||৯৮||
स्निग्धोष्णमधुरो वृष्यो महिषस्तर्पणो गुरुः | निद्रापुंस्त्वबलस्तन्यवर्धनो मांसदार्ढ्यकृत् ||९८||
🔊 Audio coming soon
স্নিগ্ধোষ্ণেত্যাদি| বৃষ্যঃ পুংস্ত্ববর্ধন ইতি চ দ্বযং স্রুতিবৃদ্ধিপ্রাপ্তযে||৯৮||
Adhikarana 99 (99-104) · Śloka 104
রুরোর্মাংসং সমধুরং কষাযানুরসং স্মৃতম্ | বাতপিত্তোপশমনং গুরু শুক্রবিবর্ধনম্ ||৯৯|| তথা চমরমাংসং তু স্নিগ্ধং মধুরকাসজিত্ | বিপাকে মধুরং চাপি বাতপিত্তপ্রণাশনম্ ||১০০|| সৃমরস্য তু মাংসং চ কষাযানুরসং স্মৃতম্ | বাতপিত্তোপশমনং গুরু শুক্রবিবর্ধনম্ ||১০১|| স্বেদনং বৃংহণং বৃষ্যং শীতলং তর্পণং গুরু | শ্রমানিলহরং স্নিগ্ধং বারাহং বলবর্ধনম্ ||১০২|| কফঘ্নং খড্গিপিশিতং কষাযমনিলাপহম্ | পিত্র্যং পবিত্রমাযুষ্যং বদ্ধমূত্রং বিরূক্ষণম্ ||১০৩|| গোকর্ণমাংসং মধুরং স্নিগ্ধং মৃদু কফাবহম্ | বিপাকে মধুরং চাপি রক্তপিত্তবিনাশনম্ ||১০৪||
रुरोर्मांसं समधुरं कषायानुरसं स्मृतम् | वातपित्तोपशमनं गुरु शुक्रविवर्धनम् ||९९|| तथा चमरमांसं तु स्निग्धं मधुरकासजित् | विपाके मधुरं चापि वातपित्तप्रणाशनम् ||१००|| सृमरस्य तु मांसं च कषायानुरसं स्मृतम् | वातपित्तोपशमनं गुरु शुक्रविवर्धनम् ||१०१|| स्वेदनं बृंहणं वृष्यं शीतलं तर्पणं गुरु | श्रमानिलहरं स्निग्धं वाराहं बलवर्धनम् ||१०२|| कफघ्नं खड्गिपिशितं कषायमनिलापहम् | पित्र्यं पवित्रमायुष्यं बद्धमूत्रं विरूक्षणम् ||१०३|| गोकर्णमांसं मधुरं स्निग्धं मृदु कफावहम् | विपाके मधुरं चापि रक्तपित्तविनाशनम् ||१०४||
🔊 Audio coming soon
রুরোর্মাংসমিত্যাদি| স্বেদনং স্বেদজনকম্| বৃংহণমিতি বৃংহণং দেহবৃদ্ধিকরম্| বৃষ্যং শুক্রলম্| তর্পণং তৃপ্তিজনকম্| পিত্র্যমিতি পিতৃভ্যো হিতম্||৯৯-১০৪||
Adhikarana 100 (105) · Śloka 105
হংসসারসক্রৌঞ্চচক্রবাককুররকাদম্বকারণ্ডবজীবঞ্জীবকবকবলাকাপুণ্ডরীকপ্লবশরারীমুখ- নন্দীমুখমদ্গূত্ক্রোশকাচাক্ষমল্লিকাক্ষশুক্লাক্ষপুষ্করশাযিকাকোনালকাম্বুকুক্কুটিকামেঘরাবশ্বেতবারলপ্রভৃতযঃ প্লবাঃ সঙ্ঘাতচারিণঃ ||১০৫||
हंससारसक्रौञ्चचक्रवाककुररकादम्बकारण्डवजीवञ्जीवकबकबलाकापुण्डरीकप्लवशरारीमुख- नन्दीमुखमद्गूत्क्रोशकाचाक्षमल्लिकाक्षशुक्लाक्षपुष्करशायिकाकोनालकाम्बुकुक्कुटिकामेघरावश्वेतवारलप्रभृतयः प्लवाः सङ्घातचारिणः ||१०५||
🔊 Audio coming soon
প্লবানাহ- হংসেত্যাদি| হংসঃ কলস্বরো ললিতগতিঃ প্রসিদ্ধঃ; সারসো লক্ষ্মণো রক্তশিরাঃ প্রসিদ্ধ এব; ক্রৌঞ্চঃ ক্রৌচিরঃ; চক্রবাকো দ্বন্দ্বচরো নিশাবিযোগী; কুররঃ অস্য প্রসহেষ্বপি পাঠঃ, তেনোভযেষামপি গুণা বোদ্ধব্যাঃ, অন্যে তু কঙ্কমল্লসদৃশজলচরং কুররমাহুঃ; কাদম্বঃ কলহংসোঽতিধূসরপক্ষঃ, অন্যে তু রক্তচঞ্চুশিরঃকৃষ্ণপান্দাদীনাং লক্ষণেন কৃত্বা `কযম্ব’ ইতি পঠন্তি; কারণ্ডবঃ শুক্লহংসভেদোঽল্পঃ, অন্যে করহ(ঈ)বমাহুঃ, উক্তং চ- `কারণ্ডবঃ কাকবক্ত্রো দীর্ঘাঙ্ঘ্রিঃ কৃষ্ণবর্ণভাক্’’- ইতি; জীবঞ্জীবকো বিষদর্শনমৃত্যুঃ; বকঃ পাণ্ডুরপক্ষঃ প্রসিদ্ধঃ; বলাকা বকভেদঃ ‘বগুলী’ ইতি লোকে; পুণ্ডরীকো নলিননযনঃ, প্লবো মহাপ্রমাণঃ প্রসেবকগলঃ `সগড’ ইতি লোকে; শরারীমুখঃ খদিরবর্ণো `গির্গরাটী’ ইতি লোকে; নন্দীমুখঃ পত্রাটী আটীভেদঃ; মদ্গুর্জলকাকঃ; উত্কোশঃ কুররভেদো মত্স্যাশী; কাচাক্ষঃ কপর্দিযাকঃ `বহুডী’ ইতি লোকে; মল্লিকাক্ষঃ শুক্লশবলঃ; শুক্লাক্ষস্তদ্ভেদঃ, অন্যে তু মলিনচঞ্চুচরণো হংসভেদ এবেত্যাহুঃ; পুষ্করশাযিকা পদ্মপত্রশাযিকা; কোনালকঃ শ্যামপৃষ্ঠশ্বেতোদরঃ `পানীযবর্তিকা’ ইতি লোকে; অম্বুকুক্কুটিকা জলকুক্কুটী কৃষ্ণবর্ণা, `বুডিযাক’ ইতি লোকে; মেঘরাবশ্চাতকঃ, অন্যে তু চাতকং বিষ্কিরেষ্বামনন্তি; শ্বেতবারলঃ শুক্লপক্ষঃ প্রসেবকগলঃ `জ্যেষ্ঠবলাকা’ ইতি লোকে| প্রভৃতিগ্রহণাদারামণ্ডিতুণ্ডিকামৃণালকণ্ঠাদযঃ||১০৫||
Adhikarana 101 (106) · Śloka 106
রক্তপিত্তহরাঃ শীতাঃ স্নিগ্ধা বৃষ্যা মরুজ্জিতঃ | সৃষ্টমূত্রপুরীষাশ্চ মধুরা রসপাকযোঃ ||১০৬||
रक्तपित्तहराः शीताः स्निग्धा वृष्या मरुज्जितः | सृष्टमूत्रपुरीषाश्च मधुरा रसपाकयोः ||१०६||
🔊 Audio coming soon
তেষাং সামান্যগুণমাহ- রক্তেত্যাদি||১০৬||
Adhikarana 102 (107) · Śloka 107
গুরূষ্ণমধুরঃ স্নিগ্ধঃ স্বরবর্ণবলপ্রদঃ | বৃংহণঃ শুক্রলস্তেষাং হংসো বাতবিকারনুত্ ||১০৭||
गुरूष्णमधुरः स्निग्धः स्वरवर्णबलप्रदः | बृंहणः शुक्रलस्तेषां हंसो वातविकारनुत् ||१०७||
🔊 Audio coming soon
কেষাঞ্চিদ্বিশেষগুণমাহ- গুরূষ্ণেত্যাদি| অন্যে পুনরত্র সারসক্রৌঞ্চকুররকারণ্ডবকাদম্বকজীবঞ্জীবকানামপি বিশিষ্ঠং গুণং পঠন্তি, তন্নাতিপ্রসিদ্ধমিতি ন লিখিতম্||১০৭||
Adhikarana 103 (108) · Śloka 108
শঙ্খশঙ্খনকশুক্তিশম্বূকভল্লূকপ্রভৃতযঃ কোশস্থাঃ ||১০৮||
शङ्खशङ्खनकशुक्तिशम्बूकभल्लूकप्रभृतयः कोशस्थाः ||१०८||
🔊 Audio coming soon
কোশস্থানাহ- শঙ্খেত্যাদি| শঙ্গঃ প্রসিদ্ধঃ; শঙ্খনকঃ ক্ষুদ্রশঙ্খঃ শঙ্খভেদ এব; শুক্তিঃ সমুদ্রজা শিম্পিঃ; শম্বূক আবর্তকোশঃ, `সাঙ্খুলা’ ইতি লোকে; ভল্লূকঃ কপর্দকঃ, অন্যে শম্বূকভেদমাহুঃ| প্রভৃতিগ্রহণাত্ বোডিকজলশুক্তিশম্বূকভেদা বহুবিধা গৃহ্যন্তে||১০৮||
Adhikarana 104 (109) · Śloka 109
কূর্মকুম্ভীরকর্কটককৃষ্ণকর্কটকশিশুমারপ্রভৃতযঃ পাদিনঃ ||১০৯||
कूर्मकुम्भीरकर्कटककृष्णकर्कटकशिशुमारप्रभृतयः पादिनः ||१०९||
🔊 Audio coming soon
পাদিন আহ- কূর্মেত্যাদি| কূর্মঃ কচ্ছপঃ, স তু নানাবিধো বর্তুলদীর্ঘমহদাদিভেদেন; কুম্ভীরোঽপি নানাভেদো ঘডিযালগোধাদিভেদেন; কর্কটোঽপি দ্বিবিধঃ কৃষ্ণশুক্লভেদেন; শিশুমারো দৃত্যাকারোঽন্তর্বক্রো বহির্নিঃশ্বাসমুক্, সোঽপি দ্বিবিধো বর্তুলদীর্ঘভেদেন, দীর্ঘং `ফাণিত’ ইতি লোকাঃ প্রাহুঃ, স এবাত্র গৃহ্যতে পাদিত্বাত্| প্রভৃতিগ্রহণাদ্গ্রাহাদযঃ||১০৯||
Adhikarana 105 (110) · Śloka 110
শঙ্খকূর্মাদযঃ স্বাদুরসপাকা মরুন্নুদঃ | শীতাঃ স্নিগ্ধা হিতাঃ পিত্তে বর্চস্যাঃ শ্লেষ্মবর্ধনাঃ ||১১০||
शङ्खकूर्मादयः स्वादुरसपाका मरुन्नुदः | शीताः स्निग्धा हिताः पित्ते वर्चस्याः श्लेष्मवर्धनाः ||११०||
🔊 Audio coming soon
তেষাং কোশস্থানাং পাদিনাং চৈকগুণত্বাদুভযোর্বর্গযোর্গুণমেকীকৃত্যাহ- শঙ্খকূর্মাদয ইত্যাদি||১১০||
Adhikarana 106 (111) · Śloka 111
কৃষ্ণকর্কটকস্তেষাং বল্যঃ কোষ্ণোঽনিলাপহঃ | শুক্লঃ সন্ধানকৃত্ সৃষ্টবিণ্মূত্রোঽনিলপিত্তহা ||১১১||
कृष्णकर्कटकस्तेषां बल्यः कोष्णोऽनिलापहः | शुक्लः सन्धानकृत् सृष्टविण्मूत्रोऽनिलपित्तहा ||१११||
🔊 Audio coming soon
তেষাং মধ্যে কস্যচিদ্গুণমাহ- কৃষ্ণেত্যাদি||১১১||
Adhikarana 107 (112) · Śloka 112
মত্স্যাস্তু দ্বিবিধা নাদেযাঃ সামুদ্রাশ্চ ||১১২||
मत्स्यास्तु द्विविधा नादेयाः सामुद्राश्च ||११२||
🔊 Audio coming soon
মত্স্যানাহ- মত্স্যাস্ত্বিত্যাদি||১১২||
Adhikarana 108 (113) · Śloka 113
তত্র নাদেযাঃ- রোহিতপাঠীনপাটলারাজীববর্মিগোমত্স্যকৃষ্ণমত্স্যবাগুঞ্জারমুরলসহস্রদংষ্ট্রপ্রভৃতযঃ ||১১৩||
तत्र नादेयाः- रोहितपाठीनपाटलाराजीववर्मिगोमत्स्यकृष्णमत्स्यवागुञ्जारमुरलसहस्रदंष्ट्रप्रभृतयः ||११३||
🔊 Audio coming soon
তত্র নাদেযানাহ- তত্রেত্যাদি| রোহিতো ঘনশকলঃ প্রসিদ্ধঃ; পাঠিনঃ পুনরশকল এব দীর্ঘো নির্মলঃ সোঽপি `বোযাল ’ ইতি লোকে প্রসিদ্ধ এব; বর্মিঃ সর্পাকারো মত্স্যঃ; গোমত্স্যঃ স্বনামপ্রসিদ্ধঃ, ``কৃষ্ণমত্স্যস্তু শকলী বহুকণ্টকসংযুতঃ| কষাযবর্ণো রক্তাক্ষঃ, কথিতো মত্স্যবেদিভিঃ’’- ইতি; বাগুঞ্জারঃ `বাহস’ ইতি লোকে; সহস্রদংষ্ট্রো মহাপাঠিনঃ; শেষাস্তু কৈবর্তেভ্যো জ্ঞেযাঃ; প্রভৃতিগ্রহণাচ্ছফরাদযঃ||১১৩||
Adhikarana 109 (114) · Śloka 114
নাদেযা মধুরা মত্স্যা গুরবো মারুতাপহাঃ | রক্তপিত্তকরাশ্চোষ্ণা বৃষ্যাঃ স্নিগ্ধাল্পবর্চসঃ ||১১৪||
नादेया मधुरा मत्स्या गुरवो मारुतापहाः | रक्तपित्तकराश्चोष्णा वृष्याः स्निग्धाल्पवर्चसः ||११४||
🔊 Audio coming soon
তেষাং সামান্যগুণমাহ- নাদেযা ইত্যাদি||১১৪||
Adhikarana 110 (115) · Śloka 115
কষাযানুরসস্তেষাং শষ্পশৈবালভোজনঃ | রোহিতো মারুতহরো নাত্যর্থং পিত্তকোপনঃ ||১১৫||
कषायानुरसस्तेषां शष्पशैवालभोजनः | रोहितो मारुतहरो नात्यर्थं पित्तकोपनः ||११५||
🔊 Audio coming soon
নাদেযানামেব কেষাঞ্চিদ্গুণবিশেষমাহ- কষাযেত্যাদি| শষ্পং বালতৃণং, শৈবালং শৈবলম্||১১৫||
Adhikarana 111 (116) · Śloka 116
পাঠীনঃ শ্লেষ্মলো বৃষ্যো নিদ্রালুঃ পিশিতাশনঃ | দূষযেদ্রক্তপিত্তং তু কুষ্ঠরোগং করোত্যসৌ | মুরলো বৃংহণো বৃষ্যঃ স্তন্যশ্লেষ্মকরস্তথা ||১১৬||
पाठीनः श्लेष्मलो वृष्यो निद्रालुः पिशिताशनः | दूषयेद्रक्तपित्तं तु कुष्ठरोगं करोत्यसौ | मुरलो बृंहणो वृष्यः स्तन्यश्लेष्मकरस्तथा ||११६||
🔊 Audio coming soon
পাঠীনমাহ- পাঠীন ইত্যাদি| পিশিতাশনো মাংসভক্ষকঃ||১১৬||
Adhikarana 112 (117) · Śloka 117
সরস্তডাগসম্ভূতাঃ স্নিগ্ধাঃ স্বাদুরসাঃ স্মৃতাঃ | মহাহ্রদেষু বলিনঃ, স্বল্পেঽম্ভস্যবলাঃ স্মৃতাঃ ||১১৭||
सरस्तडागसम्भूताः स्निग्धाः स्वादुरसाः स्मृताः | महाह्रदेषु बलिनः, स्वल्पेऽम्भस्यबलाः स्मृताः ||११७||
🔊 Audio coming soon
সরস্তডাগাদিজান্ মত্স্যানাহ- সর ইত্যাদি| হ্রদঃ `দ্রহঃ’ ইতি লোকে||১১৭||
Adhikarana 113 (118) · Śloka 118
তিমিতিমিঙ্গিলকুলিশপাকমত্স্যনিরুলনন্দিবার(রু)লকমকরগর্গরচন্দ্রকমহামীনরাজীবপ্রভৃতযঃ সামুদ্রাঃ ||১১৮||
तिमितिमिङ्गिलकुलिशपाकमत्स्यनिरुलनन्दिवार(रु)लकमकरगर्गरचन्द्रकमहामीनराजीवप्रभृतयः सामुद्राः ||११८||
🔊 Audio coming soon
সামুদ্রানাহ- তিমীত্যাদি| তিমির্মহত্তমো মত্স্যঃ; তিমিঙ্গিলস্ততোঽপি মহত্তমঃ; কুলিশঃ `কুডিশ’ ইতি লোকে; নন্দিবারলকঃ ‘সমুদ্রশিম্বাক’ ইতি লোকে; মকরো হিংস্রদংষ্ট্রকঃ ; গর্গরঃ স্বনাম্না প্রসিদ্ধঃ; চন্দ্রকঃ পার্শ্বেষু কণ্টকবলযিতো বর্তুলো মত্স্যঃ; রাজীবো বজ্রাভো বহ্বাযতঃ স্বনামপ্রসিদ্ধঃ; শেষাস্তু সমুদ্রতীরবাসিভ্যো জ্ঞেযাঃ| প্রভৃতিগ্রহণাদন্যেঽপি তেভ্য এব জ্ঞেযাঃ||১১৮||
Adhikarana 114 (119) · Śloka 120
সামুদ্রা গুরবঃ স্নিগ্ধা মধুরা নাতিপিত্তলাঃ | উষ্ণা বাতহরা বৃষ্যা বর্চস্যাঃ শ্লেষ্মবর্ধনাঃ ||১১৯|| বলাবহা বিশেষেণ মাংসাশিত্বাত্ সমুদ্রজাঃ |১২০|
सामुद्रा गुरवः स्निग्धा मधुरा नातिपित्तलाः | उष्णा वातहरा वृष्या वर्चस्याः श्लेष्मवर्धनाः ||११९|| बलावहा विशेषेण मांसाशित्वात् समुद्रजाः |१२०|
🔊 Audio coming soon
সামুদ্রমত্স্যানাং সামান্যগুণমাহ- সামুদ্রা ইত্যাদি||১১৯||
Adhikarana 115 (120-121) · Śloka 121
সমুদ্রজেভ্যো নাদেযা বৃংহণত্বাদ্গুণোত্তরাঃ ||১২০|| তেষামপ্যনিলঘ্নত্বাচ্চৌণ্ট্যকৌপ্যৌ গুণোত্তরৌ | স্নিগ্ধত্বাত্ স্বাদুপাকত্বাত্তযোর্বাপ্যা গুণাধিকাঃ ||১২১||
समुद्रजेभ्यो नादेया बृंहणत्वाद्गुणोत्तराः ||१२०|| तेषामप्यनिलघ्नत्वाच्चौण्ट्यकौप्यौ गुणोत्तरौ | स्निग्धत्वात् स्वादुपाकत्वात्तयोर्वाप्या गुणाधिकाः ||१२१||
🔊 Audio coming soon
সামুদ্রাদীনাং সারতরত্বমাহ- সমুদ্রজেভ্য ইত্যাদি| গুণোত্তরাঃ গুণোত্কৃষ্টাঃ| তেষাং নাদেযমত্স্যানাম্||১২০-১২১||
Adhikarana 116 (122-125) · Śloka 125
নাদেযা গুরবো মধ্যে যস্মাত্ পুচ্ছাস্যচারিণঃ | সরস্তডাগজানাং তু বিশেষেণ শিরো লঘু ||১২২|| অদূরগোচরা যস্মাত্তস্মাদুত্সোদপানজাঃ | কিঞ্চিন্মুক্ত্বা শিরোদেশমত্যর্থং গুরবস্তু তে ||১২৩|| অধস্তাদ্গুরবো জ্ঞেযা মত্স্যাঃ সাগরসম্ভবাঃ | উরোবিচরণাত্তেষাং পূর্বমঙ্গং লঘু স্মৃতম্ ||১২৪|| ইত্যানূপো মহাষ্যন্দী মাংসবর্গ উদীরিতঃ ||১২৫||
नादेया गुरवो मध्ये यस्मात् पुच्छास्यचारिणः | सरस्तडागजानां तु विशेषेण शिरो लघु ||१२२|| अदूरगोचरा यस्मात्तस्मादुत्सोदपानजाः | किञ्चिन्मुक्त्वा शिरोदेशमत्यर्थं गुरवस्तु ते ||१२३|| अधस्ताद्गुरवो ज्ञेया मत्स्याः सागरसम्भवाः | उरोविचरणात्तेषां पूर्वमङ्गं लघु स्मृतम् ||१२४|| इत्यानूपो महाष्यन्दी मांसवर्ग उदीरितः ||१२५||
🔊 Audio coming soon
নাদেযাদিমত্স্যাবযবানাং গুরুলাঘবমাহ- নাদেযা গুরবো মধ্যে ইত্যাদি| আস্যং মুখম্| অদূরগোচরা অদূরবিষযা অল্পব্যাযামা ইত্যর্থঃ| উত্সোদপানজা গিরিপ্রস্রবণজাঃ| মহাভিষ্যন্দীতি দোষধাতুমলস্রোতসামতিশযক্লেদকারীত্যর্থঃ; অন্যে ত্বন্যথা কৃত্বা পঠন্তি, তদুচ্যতে- ``হৃদযস্থান্ননির্যাসবাহিস্রোতোমুখানি যত্| ভুক্তং লিম্পতি পৈচ্ছিল্যাদভিষ্যন্দি তদুচ্যতে|| বৈশদ্যাত্ কফহন্তৃত্বাত্তান্যেব বিবৃণোতি যত্| তদুক্তমনভিষ্যন্দি দ্রব্যং দ্রব্যবিশারদৈঃ’’- ইতি||১২২-১২৫||
Adhikarana 117 (126) · Śloka 126
তত্র শুষ্কপূতিব্যাধিবিষসর্পহতদিগ্ধবিদ্ধজীর্ণকৃশবালানামসাত্ম্যচারিণাং চ মাংসান্যভক্ষ্যাণি, যস্মাদ্বিগতব্যাপন্নাপহতপরিণতাল্পাসম্পূর্ণবীর্যত্বাদ্দোষকরাণি ভবন্তি; এভ্যোঽন্যেষামুপাদেযং মাংসমিতি ||১২৬||
तत्र शुष्कपूतिव्याधिविषसर्पहतदिग्धविद्धजीर्णकृशबालानामसात्म्यचारिणां च मांसान्यभक्ष्याणि, यस्माद्विगतव्यापन्नापहतपरिणताल्पासम्पूर्णवीर्यत्वाद्दोषकराणि भवन्ति; एभ्योऽन्येषामुपादेयं मांसमिति ||१२६||
🔊 Audio coming soon
মাংসমনুপাদেযমাহ- তত্রেত্যাদি| পূতিঃ শটিতঃ; হতশব্দো ব্যাধিবিষসর্পৈঃ প্রত্যেকং সম্বধ্যতে; দিগ্ধবিদ্ধঃ বিষাদিলিপ্তশস্রাদিবিদ্ধঃ, জীর্ণো বৃদ্ধঃ, কৃশো দুর্বলঃ, অসাত্ম্যচারিণাম্ অনুচিতাহারভক্ষিণাম্| কস্মাদনুপাদেযানিত্যাহ- যস্মাদিত্যাদি| বালানামসম্পূর্ণবীর্যত্বাদিত্যর্থঃ| অসাত্ম্যচারিণামনুপাদেযত্বে হেতুঃ সূত্রকারেণ নিবন্ধকারৈশ্চানুক্তোঽপি স্বযমূহ্যঃ| মাংসমুপাদেযমাহ- এভ্য ইত্যাদি| দোষরহিতং গুণবত্, গ্রাহ্যমিত্যর্থঃ||১২৬||
Adhikarana 118 (127-128) · Śloka 128
অরোচকং প্রতিশ্যাযং গুরু শুষ্কং প্রকীর্তিতম্ | বিষব্যাধিহতং মৃত্যুং বালং ছর্দিং চ কোপযেত্ ||১২৭|| কাসশ্বাসকরং বৃদ্ধং ত্রিদোষং ব্যাধিদূষিতম্ | ক্লিন্নমুত্ক্লেশজননং কৃশং বাতপ্রকোপণম্ ||১২৮||
अरोचकं प्रतिश्यायं गुरु शुष्कं प्रकीर्तितम् | विषव्याधिहतं मृत्युं बालं छर्दिं च कोपयेत् ||१२७|| कासश्वासकरं वृद्धं त्रिदोषं व्याधिदूषितम् | क्लिन्नमुत्क्लेशजननं कृशं वातप्रकोपणम् ||१२८||
🔊 Audio coming soon
শুষ্কাদীনাং দোষমাহ- অরোচকমিত্যাদি| শুষ্কং মাংসমরোচকং প্রতিশ্যাযং চ `করোতি’ ইত্যধ্যাহারঃ| মৃত্যুমিতি অত্রাপি `করোতি’ ইত্যধ্যাহারঃ| ক্লিন্নং শটিতম্| উত্ক্লেশঃ থূত্করণম্| অসাত্ম্যচারিণাং দোষঃ স্বযমপ্যূহ্যঃ||১২৭-১২৮||
Adhikarana 119 (129) · Śloka 129
স্ত্রিযশ্চতুষ্পাত্সু, পুমাংসো বিহঙ্গেষু, মহাশরীরেষ্বল্পশরীরাঃ, অল্পশরীরেষু মহাশরীরাঃ, প্রধানতমাঃ; এবমেকজাতীযানাং মহাশরীরেভ্যঃ কৃশশরীরাঃপ্রধানতমাঃ ||১২৯||
स्त्रियश्चतुष्पात्सु, पुमांसो विहङ्गेषु, महाशरीरेष्वल्पशरीराः, अल्पशरीरेषु महाशरीराः, प्रधानतमाः; एवमेकजातीयानां महाशरीरेभ्यः कृशशरीराःप्रधानतमाः ||१२९||
🔊 Audio coming soon
গুণবন্মাংসপ্রসঙ্গেন লিঙ্গাদ্যধিকৃত্যাহ- স্ত্রিয ইত্যাদি| চতুষ্পদাং মধ্যে স্ত্রিযঃ প্রধানতমাঃ, বিহঙ্গানাং মধ্যে পুমাংসঃ পুরুষাঃ প্রধানতমাঃ| মহাশরীরেষ্বিত্যাদি মহাশরীরেষু খড্গিমহিষাদিষু, অল্পশরীরা আনূপা এব রুরুপ্রভৃতযঃ প্রধানতমাঃ| অল্পশরীরেষ্বিতি অল্পশরীরা বিষ্কিরা লাবাদযঃ, তেষু মহাশরীরাঃ; কৃশমাংসস্য নিষিদ্ধত্বাত্||১২৯||
Adhikarana 120 (130-133) · Śloka 133
স্থানাদিকৃতং মাংসস্য গুরুলাঘবমুপদেক্ষ্যামঃ | তদ্যথা- রক্তাদিষু শুক্রান্তেষু ধাতুষূত্তরোত্তরা গুরুতরাঃ, তথা সক্থিস্কন্ধক্রোডশিরঃপাদকরকটীপৃষ্ঠচর্মকালেযকযকৃদন্ত্রাণি ||১৩০|| শিরঃস্কন্ধং কটী পৃষ্ঠং সক্থিনী চাত্মপক্ষযোঃ | গুরু পূর্বং বিজানীযাদ্ধাতবস্তু যথোত্তরম্ ||১৩১|| সর্বস্য প্রাণিনো দেহে মধ্যো গুরুরুদাহৃতঃ | পূর্বভাগো গুরুঃ পুংসামধোভাগস্তু যোষিতাম্ ||১৩২|| উরোগ্রীবং বিহঙ্গানাং বিশেষেণ গুরু স্মৃতম্ | পক্ষোত্ক্ষেপাত্সমো দৃষ্টো মধ্যভাগস্তু পক্ষিণাম্ ||১৩৩||
स्थानादिकृतं मांसस्य गुरुलाघवमुपदेक्ष्यामः | तद्यथा- रक्तादिषु शुक्रान्तेषु धातुषूत्तरोत्तरा गुरुतराः, तथा सक्थिस्कन्धक्रोडशिरःपादकरकटीपृष्ठचर्मकालेयकयकृदन्त्राणि ||१३०|| शिरःस्कन्धं कटी पृष्ठं सक्थिनी चात्मपक्षयोः | गुरु पूर्वं विजानीयाद्धातवस्तु यथोत्तरम् ||१३१|| सर्वस्य प्राणिनो देहे मध्यो गुरुरुदाहृतः | पूर्वभागो गुरुः पुंसामधोभागस्तु योषिताम् ||१३२|| उरोग्रीवं विहङ्गानां विशेषेण गुरु स्मृतम् | पक्षोत्क्षेपात्समो दृष्टो मध्यभागस्तु पक्षिणाम् ||१३३||
🔊 Audio coming soon
স্থানাদিকৃতমিত্যাদি| রক্তাদিধাতূনাং গুরুলাঘবমুক্ত্বেতরাবযবানাহ- তথেত্যাদি| তথেতি যথোত্তরং গুরবঃ| সক্থিনী ঊরূ, স্কন্ধো বাহুশিরঃ, ক্রোডো হৃদযস্থানং, পশ্চাদ্ভাগস্থিতৌ পাদৌ, অগ্রিমভাগস্থিতৌ করৌ, কালেযকং বৃক্কং, যকৃত্ কালখণ্ডং দক্ষিণভাগস্থিতম্| দ্বযং দ্বযমধিকৃত্যাহ- শির ইত্যাদি| স্কন্ধাচ্ছিরো গুরু, পৃষ্ঠাত্ কটিঃ| সক্থিনী চাত্মপক্ষযোরিতি সক্থিনী দ্বে, তে চাত্মপক্ষযোঃ স্বাংশযোর্যথাপূর্বং গুরুণী জ্ঞেযে; তেন সক্থ্ন উত্তরভাগাপেক্ষযা পূর্বো ভাগো গুরুরিত্যর্থঃ | অন্যে তু `আমপক্বযোঃ’ ইতি পঠন্তি, `পক্বাদামমাংসং গুরু’ ইতি ব্যাখ্যানযন্তি; তন্ন, পঞ্জিকাকারাভ্যাং দূষিতত্বাত্| জেজ্জটস্তু শির ইত্যাদি সঙ্গ্রহশ্লোকত্বেন পঠতি, তদপি পঞ্জিকাকারৌ ন মন্যেতে| সর্বস্যাপি শরীরস্য মধ্যে কো ভাগো গুরুরিত্যাহ- সর্বস্যেত্যাদি| স্ত্রীপুরুষবিভাগেনাহ- পূর্বভাগ ইত্যাদি| পূর্বভাগ উপরিষ্টাদ্ভাগঃ| পক্ষিণামাহ- উরোগ্রীবমিত্যাদি| সম ইতি নাতিগুরুর্নাতিলঘুরিত্যর্থঃ||১৩০-১৩৩||
Adhikarana 121 (134) · Śloka 135
অতীব রূক্ষং মাংসং তু বিহঙ্গানাং ফলাশিনাম্ | বৃংহণং মাংসমত্যর্থং খগানাং পিশিতাশিনাম্ ||১৩৪|| মত্স্যাশিনাং পিত্তকরং বাতঘ্নং ধান্যচারিনাম্ |১৩৫|
अतीव रूक्षं मांसं तु विहङ्गानां फलाशिनाम् | बृंहणं मांसमत्यर्थं खगानां पिशिताशिनाम् ||१३४|| मत्स्याशिनां पित्तकरं वातघ्नं धान्यचारिनाम् |१३५|
🔊 Audio coming soon
আহারবিশেষেণাপি মাংসেষু রৌক্ষ্যাদিবিশেষমাহ- অতীবেত্যাদি| ফলাশিনাং মাংসমিতরমাংসাপেক্ষযা রূক্ষম্||১৩৪||-
Adhikarana 122 (135-136) · Śloka 136
জলজানূপজা গ্রাম্যা ক্রচ্যাদৈকশফাস্তথা ||১৩৫|| প্রসহা বিলবাসাশ্চ যে চ জঙ্ঘালসঞ্জ্ঞিতাঃ | প্রতুদা বিষ্কিরাশ্চৈব লঘবঃ স্যুর্যথোত্তরম্ | অল্পাভিষ্যন্দিনশ্চৈব যথাপূর্বমতোঽন্যথা ||১৩৬||
जलजानूपजा ग्राम्या क्रच्यादैकशफास्तथा ||१३५|| प्रसहा बिलवासाश्च ये च जङ्घालसञ्ज्ञिताः | प्रतुदा विष्किराश्चैव लघवः स्युर्यथोत्तरम् | अल्पाभिष्यन्दिनश्चैव यथापूर्वमतोऽन्यथा ||१३६||
🔊 Audio coming soon
উক্তবর্গাণাং গুরুলাঘবমাহ- জলজেত্যাদি| অতোঽস্মাল্লঘুত্বাদল্পাভিষ্যন্দিত্বাচ্চ| অন্যথেতি মহাভিষ্যন্দিনো গুরবশ্চেত্যর্থঃ||১৩৫-১৩৬||
Adhikarana 123 (137) · Śloka 137
প্রামাণাধিকাস্তু স্বজাতাবল্পসারা গুরবশ্চ | সর্বপ্রাণিনাং সর্বশরীরেভ্যঃ প্রধানতমা ভবন্তি যকৃত্প্রদেশবর্তিনস্তানাদদীত; প্রধানালাভে মধ্যমবযস্কং সদ্যস্কমক্লিষ্টমুপাদেযং মাংসমিতি ||১৩৭||
प्रामाणाधिकास्तु स्वजातावल्पसारा गुरवश्च | सर्वप्राणिनां सर्वशरीरेभ्यः प्रधानतमा भवन्ति यकृत्प्रदेशवर्तिनस्तानाददीत; प्रधानालाभे मध्यमवयस्कं सद्यस्कमक्लिष्टमुपादेयं मांसमिति ||१३७||
🔊 Audio coming soon
প্রমাণেত্যাদি| স্বজাতৌ আত্মীযজাতৌ| অল্পসারাঃ তুচ্ছবলা ইত্যর্থঃ| সত্যাং কৃত্স্নশরীরপ্রাপ্তৌ গুণবচ্ছরীরাবযবগ্রহণং নির্দিশন্নাহ- সর্বেত্যাদি| যকৃত্প্রদেশবর্তিশব্দেন যকৃত্প্রদেশে যা দীর্ঘাকারা মাংসবর্তযো ভবন্তি তা ইহ গৃহ্যন্তে; এতেন সমস্তশরীরপ্রাপ্তাবপি বিশিষ্টশরীরাবযবগ্রহণমুক্তম্| অন্যে তু `সর্বপ্রাণিনাং সর্বশরীরেভ্যঃ প্রধানতমা যা বর্তির্ভবতি তামাদদীত’ ইতি পঠন্তি; `মাংসলেষ্ববকাশেষু যা বর্তযো ভবন্তি তা গ্রাহ্যা’ ইতি ব্যাখ্যানযন্তি| তদলাভে মধ্যমবযঃস্থং সামান্যদেশজমপি গ্রাহ্যমিত্যাহ- প্রধানালাভে ইত্যাদি| মধ্যমবযস্থং মাংসমিতি মধ্যমবযঃস্থস্য প্রাণিন ইত্যর্থঃ| অন্যে `মধ্যং বযঃস্থং’ ইতি পঠন্তি, ব্যাখ্যানযন্তি চ- মধ্যং গ্রাহ্যমিতি তদ্বযঃস্থস্য তরুণস্যেত্যর্থঃ| সদ্যস্কং সদ্যোহতমাংসম্| অক্লিষ্টং মনোঽনুকূলম্||১৩৭||
Adhikarana 124 (138) · Śloka 138
ভবতি চাত্র- চরঃ শরীরাবযবাঃ স্বভাবো ধাতবঃ ক্রিযা | লিঙ্গং প্রমাণং সংস্কারো মাত্রা চাস্মিন্ পরীক্ষ্যতে ||১৩৮|| ইতি মাংসবর্গঃ |
भवति चात्र- चरः शरीरावयवाः स्वभावो धातवः क्रिया | लिङ्गं प्रमाणं संस्कारो मात्रा चास्मिन् परीक्ष्यते ||१३८|| इति मांसवर्गः |
🔊 Audio coming soon
ইদানীমুক্তং সর্বং গুরুলাঘবহেতুং সুখস্মরণার্থমেকীকৃত্য শ্লোকেন নির্দিশন্নাহ- চর ইত্যাদি| পরীক্ষ্যত ইতি চরাদিভিঃ সর্বৈঃ প্রত্যেকং সম্বধ্যতে| চরশব্দোঽত্রাহারবিহারযোর্বর্ততে; তদ্যথা- কস্মিন্ দেশেঽযং বিহরতি ধন্বনি অনূপে বা জলে বা বিযতি বা; কিং পুনরযমাহরতি অতিগুর্বতিলঘু বা, শীতমুষ্ণং বা, স্নিগ্ধং রূক্ষং বা; তত্তদাহারবিহারগুণভাবিতশরীরধাতোর্মৃগস্য পক্ষিণো বা তত্তদ্গুণমেব মাংসমিতি ভাবঃ| আহারো যথা- `শষ্পশৈবালভোজনা’ ইত্যাদি| বিহারো যথা- `অতীবাসন্ননিলযা’ ইত্যাদি| শরীরাবযবাঃ পরীক্ষ্যন্তে; তদ্যথা- `উরোগ্রীবং বিহঙ্গানাং বিশেষেণ গুরু স্মৃতম্’ ইত্যাদি| স্বভাবো যথা- `স্বভাবাল্লঘবো মুদ্গাস্তথা লাবকপিঞ্জলাঃ’ ইতি| স্বভাবোঽত্রাচার্যেণ নোক্তঃ, সর্বত্রৈব চরাদিষ্বষ্টাস্বপি স্বভাবস্যানুষঙ্গাত্| `ধাতবস্তু যথোত্তরম্’ ইত্যাদি ধাতুপরীক্ষা| ক্রিযা যথা- `উরোবিচরণাত্তেষাং পূর্বমঙ্গং লঘু স্মৃতম্’ ইত্যাদি| লিঙ্গং যথা- `স্ত্রিযশ্চতুষ্পাদেষু, পুমাংসো বিহঙ্গেষু’ ইতি| প্রমাণমিতি `মহাশরীরেষ্বল্পশরীরা’ ইত্যাদি| সংস্কারো যথা- `স্নেহগোরসধান্যাম্লফলাম্লৈরম্লিতং চ যত্| যথোত্তরং লঘু’ ইত্যাদি| মাত্রা চাস্মিন্নিতি `গুরূণামর্ধসৌহিত্যং লঘূনাং তৃপ্তিরিষ্যতে’; মাত্রা চেতি চকারাদগ্নিরপি পরীক্ষ্যতে, তেনাগ্নিবলাপেক্ষিণী দ্রব্যগুরুলাঘবাপেক্ষিণী চ মাত্রা| তদেবং চরাদীন্ পরীক্ষ্য মাংসেষু গুরুলাঘবং বাচ্যমিত্যর্থঃ| ইতি মাংসবর্গঃ||১৩৮||
Adhikarana 125 (139) · Śloka 139
অথ ফলবর্গঃ | অত ঊর্ধ্বং ফলান্যুপদেক্ষ্যামঃ | তদ্যথা- দাডিমামলকবদরকোলকর্কন্ধুসৌবীরসিঞ্চিতিকাফলকপিত্থমাতুলুঙ্গাম্রাম্রাতককরমর্দপ্রিযালনারঙ্গ- জম্বীরলকুচভব্যপারাবতবেত্রফলপ্রাচীনামলকতিন্তিডীকনীপকোশাম্রাম্লীকাপ্রভৃতীনি ||১৩৯||
अथ फलवर्गः | अत ऊर्ध्वं फलान्युपदेक्ष्यामः | तद्यथा- दाडिमामलकबदरकोलकर्कन्धुसौवीरसिञ्चितिकाफलकपित्थमातुलुङ्गाम्राम्रातककरमर्दप्रियालनारङ्ग- जम्बीरलकुचभव्यपारावतवेत्रफलप्राचीनामलकतिन्तिडीकनीपकोशाम्राम्लीकाप्रभृतीनि ||१३९||
🔊 Audio coming soon
দাডিমেত্যাদি| দাডিমামলকে প্রসিদ্ধে; বদরং মহত্; কোলং মধ্যপ্রমাণং বদরং; কর্কন্ধু অল্পং; সৌবীরং মহত্তমমামপক্বাবস্থাসু মধুরং মরুদেশজং; সিঞ্চিতিকাফলং তদ্ভেদ এবাতিমধুরো মুষ্ঠিপ্রমাণ উত্তরাপথজঃ; কপিত্থং স্বনামপ্রসিদ্ধং; মাতুলুঙ্গং বীজপূরকং; আম্রং প্রসিদ্ধম্; আম্রাতকমাম্রফলসদৃশম্ ‘অম্রাটকং’ ইতি লোকে; করমর্দঃ স্বনামপ্রসিদ্ধঃ; প্রিযালশ্চারো মধুরাম্লফলঃ প্রাযশো মগধেষু; নারঙ্গজম্বীরলকুচানি প্রসিদ্ধানি; ভব্যমারুকং কার্তিকেযপুরে প্রসিদ্ধম্, অন্যে তু কর্মরঙ্গফলং ভব্যমাহুঃ, `ভব্যং তালফলোপমং কেবলবল্কলসংহতিমাত্রম্’ ইত্যপরে; পারাবতঃ কামরূপে ফলং পাককালে ধবললোহিতং মধুরাম্লং চ; বেত্রফলং পদ্মবীজসমং; প্রাচীনামলকং প্রাগ্দেশোদ্ভবং `পানীযামলকং’ ইতি লোকে; তিন্তিডীকং বৃক্ষাম্লং; নীপং কদম্বফলং; কোশাম্রং ‘কৌসিম্ব’ ইতি প্রসিদ্ধং; অম্লিকা প্রসিদ্ধা চিঞ্চা বক্রফলা; প্রভৃতিগ্রহণাদেবঞ্জাতীযান্যন্যান্যপি||১৩৯||
Adhikarana 126 (140) · Śloka 140
অম্লানি রসতঃ পাকে গুরূণ্যুষ্ণানি বীর্যতঃ | পিত্তলান্যনিলঘ্নানি কফোত্ক্লেশকরাণি চ ||১৪০||
अम्लानि रसतः पाके गुरूण्युष्णानि वीर्यतः | पित्तलान्यनिलघ्नानि कफोत्क्लेशकराणि च ||१४०||
🔊 Audio coming soon
তেষাং সামান্যগুণমাহ- অম্লানীত্যাদি| অম্লানি অম্লরসোত্কটানি||১৪০||
Adhikarana 127 (141-142) · Śloka 142
কষাযানুরসং তেষাং দাডিমং নাতিপিত্তলম্ | দীপনীযং রুচিকরং হৃদ্যং বর্চোবিবন্ধনম্ ||১৪১|| দ্বিবিধং তত্তু বিজ্ঞেযং মধুরং চাম্লমেব চ | ত্রিদোষঘ্নং তু মধুরমম্লং বাতকফাপহম্ ||১৪২||
कषायानुरसं तेषां दाडिमं नातिपित्तलम् | दीपनीयं रुचिकरं हृद्यं वर्चोविबन्धनम् ||१४१|| द्विविधं तत्तु विज्ञेयं मधुरं चाम्लमेव च | त्रिदोषघ्नं तु मधुरमम्लं वातकफापहम् ||१४२||
🔊 Audio coming soon
এষাং কেষাঞ্চিদ্গুণবিশেষমাহ- কষাযানুরসমিত্যাদি| নাতিপিত্তলমিতি অম্লদাডিমফলবিশেষণম্, ঈষত্ পিত্তকরমিত্যর্থঃ| চরকেঽপি `সর্বং পিত্তলমম্লমন্যত্র দাডিমামলকাত্’ (চ. সূ. অ. ২৭) ইত্যত্র ভট্টারহরিচন্দ্রেণ দাডিমগ্রহণং নিরস্য `অন্যত্রামলকাত্’ ইত্যেষ এব পাঠঃ পুরস্কৃত ইতি পঞ্জিকাকারৌ, জেজ্ঝটস্তু `অম্লং দাডিমং পিত্তং ন করোতি ন শমযতি’ ইতি ব্যাখ্যানযতি, ঈষত্পিত্তলপাঠং চ যুক্তং মন্যতে| সর্বমপি মধুরাম্লং; মধুররসোত্কটং মধুরমিত্যুচ্যতে, অম্লরসোত্কটমম্লমিত্যুচ্যত ইতি দ্বিবিধম্||১৪১-১৪২||
Adhikarana 128 (143-148) · Śloka 148
অম্লং সমধুরং তিক্তং কষাযং কটুকং সরম্ | চক্ষুষ্যং সর্বদোষঘ্নং বৃষ্যমামলকীফলম্ ||১৪৩|| হন্তি বাতং তদম্লত্বাত্ পিত্তং মাধুর্যশৈত্যতঃ | কফং রূক্ষকষাযত্বাত্ ফলেভ্যোঽভ্যধিকং চ তত্ ||১৪৪|| কর্কন্ধুকোলবদরমামং পিত্তকফাবহম্ | পক্বং পিত্তানিলহরং স্নিগ্ধং সমধুরং সরম্ ||১৪৫|| পুরাতনং তৃট্শমনং শ্রমঘ্নং দীপনং লঘু | সৌবীরং বদরং স্নিগ্ধং মধুরং বাতপিত্তজিত্ ||১৪৬|| কষাযং স্বাদু সঙ্গ্রাহি শীতং সিঞ্চিতিকাফলম্ | আমং কপিত্থমস্বর্যং কফঘ্নং গ্রাহি বাতলম্ ||১৪৭|| কফানিলহরং পক্বং মধুরাম্লরসং গুরু | শ্বাসকাসারুচিহরং তৃষ্ণাঘ্নং কণ্ঠশোধনম্ ||১৪৮||
अम्लं समधुरं तिक्तं कषायं कटुकं सरम् | चक्षुष्यं सर्वदोषघ्नं वृष्यमामलकीफलम् ||१४३|| हन्ति वातं तदम्लत्वात् पित्तं माधुर्यशैत्यतः | कफं रूक्षकषायत्वात् फलेभ्योऽभ्यधिकं च तत् ||१४४|| कर्कन्धुकोलबदरमामं पित्तकफावहम् | पक्वं पित्तानिलहरं स्निग्धं समधुरं सरम् ||१४५|| पुरातनं तृट्शमनं श्रमघ्नं दीपनं लघु | सौवीरं बदरं स्निग्धं मधुरं वातपित्तजित् ||१४६|| कषायं स्वादु सङ्ग्राहि शीतं सिञ्चितिकाफलम् | आमं कपित्थमस्वर्यं कफघ्नं ग्राहि वातलम् ||१४७|| कफानिलहरं पक्वं मधुराम्लरसं गुरु | श्वासकासारुचिहरं तृष्णाघ्नं कण्ठशोधनम् ||१४८||
🔊 Audio coming soon
অম্লমিত্যাদি| ফলেভ্যোঽভ্যধিকং চ তদিতি অপরেভ্যঃ ফলেভ্যো যদামলকীফলং তদ্গুণেন কৃত্বাঽধিকমিত্যর্থঃ| আমলকে প্রভাবান্ন সমানগুণৈঃ কোপঃ||১৪৩-১৪৮||
Adhikarana 130 (149-151) · Śloka 152
লঘ্বম্লং দীপনং হৃদ্যং মাতুলুঙ্গমুদাহৃতম্ | ত্বক্ তিক্তা দুর্জরা তস্য বাতক্রিমিকফাপহা ||১৪৯|| স্বাদু শীতং গুরু স্নিগ্ধং মাংসং মারুতপিত্তজিত্ | মেধ্যং শূলানিলচ্ছর্দিকফারোচকনাশনম্ ||১৫০|| দীপনং লঘু সঙ্গ্রাহি গুল্মার্শোঘ্নং তু কেসরম্ | শূলাজীর্ণবিবন্ধেষু মন্দেঽগ্নৌ কফমারুতে ||১৫১|| অরুচৌ চ বিশেষেণ রসস্তস্যোপদিশ্যতে |১৫২|
लघ्वम्लं दीपनं हृद्यं मातुलुङ्गमुदाहृतम् | त्वक् तिक्ता दुर्जरा तस्य वातक्रिमिकफापहा ||१४९|| स्वादु शीतं गुरु स्निग्धं मांसं मारुतपित्तजित् | मेध्यं शूलानिलच्छर्दिकफारोचकनाशनम् ||१५०|| दीपनं लघु सङ्ग्राहि गुल्मार्शोघ्नं तु केसरम् | शूलाजीर्णविबन्धेषु मन्देऽग्नौ कफमारुते ||१५१|| अरुचौ च विशेषेण रसस्तस्योपदिश्यते |१५२|
🔊 Audio coming soon
মাংসং কটাহমিত্যর্থঃ| মেধ্যং মেধাযৈ হিতম্| কেশরং বীজপূরান্তর্গতং তন্তুজালং ‘চডুডী’ ইতি লোকে||১৪৯-১৫১||-
Adhikarana 131 (152-154) · Śloka 155
পিত্তানিলকরং বালং পিত্তলং বদ্ধকেসরম্ ||১৫২|| হৃদ্যং বর্ণকরং রুচ্যং রক্তমাংসবলপ্রদম্ | কষাযানুরসং স্বাদু বাতঘ্নং বৃংহণং গুরু ||১৫৩|| পিত্তাবিরোধি সম্পক্বমাম্রং শুক্রবিবর্ধনম্ | বৃংহণং মধুরং বল্যং গুরু বিষ্টভ্য জীর্যতি ||১৫৪|| আম্রাতকফলং বৃষ্যং সস্নেহং শ্লেষ্মবর্ধনম্ |১৫৫|
पित्तानिलकरं बालं पित्तलं बद्धकेसरम् ||१५२|| हृद्यं वर्णकरं रुच्यं रक्तमांसबलप्रदम् | कषायानुरसं स्वादु वातघ्नं बृंहणं गुरु ||१५३|| पित्ताविरोधि सम्पक्वमाम्रं शुक्रविवर्धनम् | बृंहणं मधुरं बल्यं गुरु विष्टभ्य जीर्यति ||१५४|| आम्रातकफलं वृष्यं सस्नेहं श्लेष्मवर्धनम् |१५५|
🔊 Audio coming soon
পিত্তেত্যাদি| বদ্ধকেশরং বদ্ধতন্তুজালম্| পিত্তাবিরোধীতি ঈষত্ পিত্তবিরোধি ঈষত্ পিত্তশমনমিত্যর্থঃ; অন্যে পিত্তলং ভবতীত্যাহুঃ||১৫২-১৫৪||-
Adhikarana 132 (155) · Śloka 155
ত্রিদোষবিষ্টম্ভকরং লকুচং শুক্রনাশনম্ ||১৫৫||
त्रिदोषविष्टम्भकरं लकुचं शुक्रनाशनम् ||१५५||
🔊 Audio coming soon
ত্রিদোষেত্যাদি| সবাততোদশূলা মলস্যাপ্রবৃত্তির্বিষ্টম্ভঃ, অন্যে গুডগুডাশব্দমাহুঃ||১৫৫||
Adhikarana 133 (156-162) · Śloka 162
অম্লং তৃষাপহং রুচ্যং পিত্তকৃত্ করমর্দকম্ | বাতপিত্তহরং বৃষ্যং প্রিযালং গুরু শীতলম্ ||১৫৬|| হৃদ্যং স্বাদু কষাযাম্লং ভব্যমাস্যবিশোধনম্ | পিত্তশ্লেষ্মহরং গ্রাহি গুরু বিষ্টম্ভি শীতলম্ ||১৫৭|| পারাবতং সমধুরং রুচ্যমত্যগ্নিবাতনুত্ | গরদোষহরং নীপং প্রাচীনামলকং তথা ||১৫৮|| বাতাপহং তিন্তিডীকমামং পিত্তবলাসকৃত্ | গ্রাহ্যুষ্ণং দীপনং রুচ্যং সম্পক্বং কফবাতনুত্ ||১৫৯|| তস্মাদল্পান্তরগুণং কোশাম্রফলমুচ্যতে | অম্লীকাযাঃ ফলং পক্বং তদ্বদ্ভেদি তু কেবলম্ ||১৬০|| অম্লং সমধুরং হৃদ্যং বিশদং ভক্তরোচনম্ | বাতঘ্নং দুর্জরং প্রোক্তং নারঙ্গস্য ফলং গুরু ||১৬১|| তৃষ্ণাশূলকফোত্ক্লেশচ্ছর্দিশ্বাসনিবারণম্ | বাতশ্লেষ্মবিবন্ধঘ্নং জম্বীরং গুরু পিত্তকৃত্ | ঐরাবতং দন্তশঠমম্লং শোণিতপিত্তকৃত্ ||১৬২||
अम्लं तृषापहं रुच्यं पित्तकृत् करमर्दकम् | वातपित्तहरं वृष्यं प्रियालं गुरु शीतलम् ||१५६|| हृद्यं स्वादु कषायाम्लं भव्यमास्यविशोधनम् | पित्तश्लेष्महरं ग्राहि गुरु विष्टम्भि शीतलम् ||१५७|| पारावतं समधुरं रुच्यमत्यग्निवातनुत् | गरदोषहरं नीपं प्राचीनामलकं तथा ||१५८|| वातापहं तिन्तिडीकमामं पित्तबलासकृत् | ग्राह्युष्णं दीपनं रुच्यं सम्पक्वं कफवातनुत् ||१५९|| तस्मादल्पान्तरगुणं कोशाम्रफलमुच्यते | अम्लीकायाः फलं पक्वं तद्वद्भेदि तु केवलम् ||१६०|| अम्लं समधुरं हृद्यं विशदं भक्तरोचनम् | वातघ्नं दुर्जरं प्रोक्तं नारङ्गस्य फलं गुरु ||१६१|| तृष्णाशूलकफोत्क्लेशच्छर्दिश्वासनिवारणम् | वातश्लेष्मविबन्धघ्नं जम्बीरं गुरु पित्तकृत् | ऐरावतं दन्तशठमम्लं शोणितपित्तकृत् ||१६२||
🔊 Audio coming soon
অম্লমিত্যাদি| গরদোষহরমিতি গরহরং ত্রিদোষহরং চ| দুর্জরং দুঃখমুত্পাদ্য পাকং গচ্ছতি| গুরু চিরপাকি| তৃষ্ণেত্যাদি| ইমং জম্বীরগুণপাঠং পঞ্জিকাকারো ন মন্যতে, ‘ঐরাবতং দন্তশঠমম্লং শোণিতপিত্তকৃত্’ ইতি দন্তশঠশব্দেন জম্বীরস্য বক্ষ্যমাণত্বাত্; ‘জম্বীরনানাবিধত্বাদুভযপাঠ’ ইত্যন্যে||১৫৬-১৬২||
Adhikarana 134 (163) · Śloka 163
ক্ষীরবৃক্ষফলজাম্ববরাজাদনতোদনশীতফলতিন্দুকবকুলধন্বনাশ্মন্তকাশ্বকর্ণফল্গু- পরূষকগাঙ্গেরুকীপুষ্করবর্তিবিল্ববিম্বীপ্রভৃতীনি ||১৬৩||
क्षीरवृक्षफलजाम्बवराजादनतोदनशीतफलतिन्दुकबकुलधन्वनाश्मन्तकाश्वकर्णफल्गु- परूषकगाङ्गेरुकीपुष्करवर्तिबिल्वबिम्बीप्रभृतीनि ||१६३||
🔊 Audio coming soon
কষাযরসপ্রাযমাহ- ক্ষীরবৃক্ষেত্যাদি| ক্ষীরবৃক্ষা ন্যগ্রোধোদুম্বরাশ্বত্থপ্লক্ষাদযঃ; জাম্ববং জম্বূঃ; রাজাদনং ক্ষীরিকা; তোদনং রাজপ্রিযং; শীতফলং ‘রাবণাম্লিকা’ ইতি প্রসিদ্ধং,. ‘কাশ্মীরাম্লিকা’ ইত্যেকে; তিন্দুকঃ কালসারো বৃক্ষঃ; বকুলঃ স্বনামপ্রসিদ্ধঃ; ধন্বনং ধনুর্বৃক্ষফলং `ধামণ’ ইতি লোকে; অশ্মন্তকো যমলপত্রকঃ `আসন্ত’ ইতি লোকে; অশ্বকর্ণঃ পূর্বদেশে গন্ধমুণ্ডোঽশ্বত্থসদৃশঃ; ফল্গুঃ কাকোদুম্বরিকা, `কদুম্বরী’ ইতি লোকে| পরূষকোঽল্পাস্থিমৃদুফলঃ `ফালসা ’ ইতি লোকে; গাঙ্গেরুকী নাগবলা; পুষ্করবর্তিঃ `আমোদং’ ইত্যুত্তরাপথে; বিল্বঃ প্রসিদ্ধঃ; বিম্বী কুন্দরিকা | প্রভৃতিগ্রহণাত্ টঙ্কাদযঃ||১৬৩||
Adhikarana 135 (164) · Śloka 164
ফলান্যেতানি শীতানি কফপিত্তহরাণি চ | সঙ্গ্রাহকাণি রূক্ষাণি কষাযমধুরাণি চ ||১৬৪||
फलान्येतानि शीतानि कफपित्तहराणि च | सङ्ग्राहकाणि रूक्षाणि कषायमधुराणि च ||१६४||
🔊 Audio coming soon
এষাং সামান্যগুণমাহ- ফলান্যেতানীত্যাদি||১৬৪||
Adhikarana 136 (164-176) · Śloka 176
ক্ষীরবৃক্ষফলং তেষাং গুরু বিষ্টম্ভি শীতলম্ | কষাযং মধুরং সাম্লং নাতিমারুতকোপনম্ ||১৬৫|| অত্যর্থং বাতলং গ্রাহি জাম্ববং কফপিত্তজিত্ | স্নিগ্ধং স্বাদু কষাযং চ রাজাদনফলং গুরু ||১৬৬|| কষাযং মধুরং রূক্ষং তোদনং কফবাতজিত্ | অম্লোষ্ণং লঘু সঙ্গ্রাহি স্নিগ্ধং পিত্তাগ্নিবর্ধনম্ ||১৬৭|| আমং কষাযং সঙ্গ্রাহি তিন্দুকং বাতকোপনম্ | বিপাকে গুরু সম্পক্বং মধুরং কফপিত্তজিত্ ||১৬৮|| মধুরং চ কষাযং চ স্নিগ্ধং সঙ্গ্রাহি বাকুলম্ | স্থিরীকরং চ দন্তানাং বিশদং ফলমুচ্যতে ||১৬৯|| সকষাযং হিমং স্বাদু ধান্বনং কফবাতজিত্ | তদ্বদ্গাঙ্গেরুকং বিদ্যাদশ্মন্তকফলানি চ ||১৭০|| বিষ্টম্ভি মধুরং স্নিগ্ধং ফল্গুজং তর্পণং গুরু | অত্যম্লমীষন্মধুরং কষাযানুরসং লঘু ||১৭১|| বাতঘ্নং পিত্তজনমামং বিদ্যাত্ পরুষকম্ | তদেব পক্বং মধুরং বাতপিত্তনিবর্হণম্ ||১৭২|| বিপাকে মধুরং শীতং রক্তপিত্তপ্রসাদনম্ | পৌষ্করং স্বাদু বিষ্টম্ভি বল্যং কফকরং ফলম্ ||১৭৩|| কফানিলহরং তীক্ষ্ণং স্নিগ্ধং সঙ্গ্রাহি দীপনম্ | কটুতিক্তকষাযোষ্ণং বালং বিল্বমুদাহৃতম্ ||১৭৪|| বিদ্যাত্তদেব সম্পক্বং মধুরানুরসং গুরু | বিদাহি বিষ্টম্ভকরং দোষকৃত্ পূতিমারুতম্ ||১৭৫|| বিম্বীফলং সাশ্বকর্ণং স্তন্যকৃত্ কফপিত্তজিত্ | তৃড্দাহজ্বরপিত্তাসৃক্কাসশ্বাসক্ষযাপহম্ ||১৭৬||
क्षीरवृक्षफलं तेषां गुरु विष्टम्भि शीतलम् | कषायं मधुरं साम्लं नातिमारुतकोपनम् ||१६५|| अत्यर्थं वातलं ग्राहि जाम्बवं कफपित्तजित् | स्निग्धं स्वादु कषायं च राजादनफलं गुरु ||१६६|| कषायं मधुरं रूक्षं तोदनं कफवातजित् | अम्लोष्णं लघु सङ्ग्राहि स्निग्धं पित्ताग्निवर्धनम् ||१६७|| आमं कषायं सङ्ग्राहि तिन्दुकं वातकोपनम् | विपाके गुरु सम्पक्वं मधुरं कफपित्तजित् ||१६८|| मधुरं च कषायं च स्निग्धं सङ्ग्राहि बाकुलम् | स्थिरीकरं च दन्तानां विशदं फलमुच्यते ||१६९|| सकषायं हिमं स्वादु धान्वनं कफवातजित् | तद्वद्गाङ्गेरुकं विद्यादश्मन्तकफलानि च ||१७०|| विष्टम्भि मधुरं स्निग्धं फल्गुजं तर्पणं गुरु | अत्यम्लमीषन्मधुरं कषायानुरसं लघु ||१७१|| वातघ्नं पित्तजनमामं विद्यात् परुषकम् | तदेव पक्वं मधुरं वातपित्तनिबर्हणम् ||१७२|| विपाके मधुरं शीतं रक्तपित्तप्रसादनम् | पौष्करं स्वादु विष्टम्भि बल्यं कफकरं फलम् ||१७३|| कफानिलहरं तीक्ष्णं स्निग्धं सङ्ग्राहि दीपनम् | कटुतिक्तकषायोष्णं बालं बिल्वमुदाहृतम् ||१७४|| विद्यात्तदेव सम्पक्वं मधुरानुरसं गुरु | विदाहि विष्टम्भकरं दोषकृत् पूतिमारुतम् ||१७५|| बिम्बीफलं साश्वकर्णं स्तन्यकृत् कफपित्तजित् | तृड्दाहज्वरपित्तासृक्कासश्वासक्षयापहम् ||१७६||
🔊 Audio coming soon
তেষাং কেষাঞ্চিদ্গুণবিশেষমাহ- ক্ষীরবৃক্ষফলমিত্যাদি| পূতিমারুতমিতি পূতিঃ সুগন্ধির্মারুতো যস্যেতি তত্ পূতিমারুতম্| পূতিশব্দোঽযং সুগন্ধিবাচী; যথা- পূতিঃ খট্বাশঃ, বনজা মধুকর্কটী পূতিপুষ্পেতি সুগন্ধিপুষ্পেত্যর্থঃ; এতেন পূতিমারুতং সুগন্ধিগন্ধং পক্বং ভবতীত্যর্থঃ| কেচিদ্বিগন্ধিকুক্ষিমারুতকরমিত্যাহুঃ, তন্নেচ্ছতি গযী বালপক্বযোর্মধ্যে কেচিত্ পঠন্তি- ‘তদ্বদ্বিদ্যাদসম্পক্বং মধুরানুরসং গুরু’ ইতি মধ্যাবস্থগুণম্| কেচিদ্ ‘বালং বিল্বমুদাহৃতম্’ ইত্যস্য স্থানে ‘আমং বিল্বমুদাহৃতম্’ ইতি পঠন্তি; তন্নেচ্ছতি গযী||১৬৪-১৭৬||
Adhikarana 137 (177) · Śloka 177
তালনালিকেরপনসমোচপ্রভৃতীনি ||১৭৭||
तालनालिकेरपनसमोचप्रभृतीनि ||१७७||
🔊 Audio coming soon
মধুরফলান্যাহ- তালেত্যাদি| তাডঃ(লঃ) তাডী; নালিকেরঃ স্বনামপ্রসিদ্ধাঃ; পনসো বহিঃকণ্টকী মহাফলঃ `কটীহল’ ইতি লোকে; মোচঃ কদলীফলম্|প্রভৃতিগ্রহণাদেবঞ্জাতীযান্যন্যানি||১৭৭||
Adhikarana 138 (178) · Śloka 178
স্বাদুপাকরসান্যাহুর্বাতপিত্তহরাণি চ | বলপ্রদানি স্নিগ্ধানি বৃংহণানি হিমানি চ ||১৭৮||
स्वादुपाकरसान्याहुर्वातपित्तहराणि च | बलप्रदानि स्निग्धानि बृंहणानि हिमानि च ||१७८||
🔊 Audio coming soon
তেষাং সামান্যগুণমাহ- স্বাদ্বিত্যাদি||১৭৮||
Adhikarana 139 (179-181) · Śloka 181
ফলং স্বাদুরসং তেষাং তালজং গুরু পিত্তজিত্ | তদ্বীজং স্বাদুপাকং তু মূত্রলং বাতপিত্তজিত্ ||১৭৯|| নালিকেরং গুরু স্নিগ্ধং পিত্তঘ্নং স্বাদু শীতলম্ | বলমাংসপ্রদং হৃদ্যং বৃংহণং বস্তিশোধনম্ ||১৮০|| পনসং সকষাযং তু স্নিগ্ধং স্বাদুরসং গুরু | মৌচং স্বাদুরসং প্রোক্তং কষাযং নাতিশীতলম্ | রক্তপিত্তহরং বৃষ্যং রুচ্যং শ্লেষ্মকরং গুরু ||১৮১||
फलं स्वादुरसं तेषां तालजं गुरु पित्तजित् | तद्बीजं स्वादुपाकं तु मूत्रलं वातपित्तजित् ||१७९|| नालिकेरं गुरु स्निग्धं पित्तघ्नं स्वादु शीतलम् | बलमांसप्रदं हृद्यं बृंहणं बस्तिशोधनम् ||१८०|| पनसं सकषायं तु स्निग्धं स्वादुरसं गुरु | मौचं स्वादुरसं प्रोक्तं कषायं नातिशीतलम् | रक्तपित्तहरं वृष्यं रुच्यं श्लेष्मकरं गुरु ||१८१||
🔊 Audio coming soon
তেষাং কস্যচিদ্গুণবিশেষমাহ- ফলমিত্যাদি||১৭৯-১৮১||
Adhikarana 140 (182) · Śloka 182
দ্রাক্ষাকাশ্মর্যমধূকপুষ্পখর্জূরপ্রভৃতীনি ||১৮২||
द्राक्षाकाश्मर्यमधूकपुष्पखर्जूरप्रभृतीनि ||१८२||
🔊 Audio coming soon
অপরাণ্যপি মধুরাণ্যাহ- দ্রাক্ষেত্যাদি| দ্রাক্ষা প্রসিদ্ধা; কাশ্মর্যং গম্ভারীফলং; মধূকং প্রসিদ্ধং; খর্জূরং দ্বিবিধং বৃক্ষবিটপভেদেন, ত্রিবিধমিত্যপরে, ত্রৈবিধ্যং চ বৃক্ষখর্জূরং দ্বিবিধমিতি কৃত্বা, তত্র পারসীকেষু দেশেষু মহত্প্রমাণং স্বাদু ভিন্নং পিণ্ডখর্জূরমিত্যতো হেতোঃ||১৮২||
Adhikarana 141 (183) · Śloka 183
রক্তপিত্তহরাণ্যাহুর্গুরূণি মধুরাণি চ |১৮৩|
रक्तपित्तहराण्याहुर्गुरूणि मधुराणि च |१८३|
🔊 Audio coming soon
তেষাং সামান্যগুণমাহ- রক্তেত্যাদি|১৮৩|
Adhikarana 142 (183-186) · Śloka 186
তেষাং দ্রাক্ষা সরা স্বর্যা মধুরা স্নিগ্ধশীতলা ||১৮৩|| রক্তপিত্তজ্বরশ্বাসতৃষ্ণাদাহক্ষযাপহা | হৃদ্যং মূত্রবিবন্ধঘ্নং পিত্তাসৃগ্বাতনাশনম্ ||১৮৪|| কেশ্যং রসাযনং মেধ্যং কাশ্মর্যং ফলমুচ্যতে | ক্ষতক্ষযাপহং হৃদ্যং শীতলং তর্পণং গুরু ||১৮৫|| রসে পাকে চ মধুরং খার্জূরং রক্তপিত্তনুত্ | বৃংহণীযমহৃদ্যং চ মধূককুসুমং গুরু | বাতপিত্তোপশমনং ফলং তস্যোপদিশ্যতে ||১৮৬||
तेषां द्राक्षा सरा स्वर्या मधुरा स्निग्धशीतला ||१८३|| रक्तपित्तज्वरश्वासतृष्णादाहक्षयापहा | हृद्यं मूत्रविबन्धघ्नं पित्तासृग्वातनाशनम् ||१८४|| केश्यं रसायनं मेध्यं काश्मर्यं फलमुच्यते | क्षतक्षयापहं हृद्यं शीतलं तर्पणं गुरु ||१८५|| रसे पाके च मधुरं खार्जूरं रक्तपित्तनुत् | बृंहणीयमहृद्यं च मधूककुसुमं गुरु | वातपित्तोपशमनं फलं तस्योपदिश्यते ||१८६||
🔊 Audio coming soon
তেষাং কেষাঞ্চিদ্গুণবিশেষমাহ- তেষামিত্যাদি||১৮৩-১৮৬||
Adhikarana 143 (187) · Śloka 187
বাতামাক্ষোডাভিষুকনিচুলপিচুনিকোচকোরুমাণপ্রভৃতীনি ||১৮৭||
वातामाक्षोडाभिषुकनिचुलपिचुनिकोचकोरुमाणप्रभृतीनि ||१८७||
🔊 Audio coming soon
অপরানপি মধুরফলবিশেষানেকজাতীযানাহ- বাতামেত্যাদি| বাতামাদীন্যুরুমাণান্তান্যুত্তরাপথে জাতানি, তত্রৈব প্রসিদ্ধানি| কেচিদ্ব্যাখ্যানযন্তি- তত্র বাতামো মজ্জমধুরস্নিগ্ধো দীর্ঘাকারঃ; অক্ষোডো মদনফলাকারফলো মধ্যে কিঞ্চিদুন্নতরেখান্বিতঃ পর্বতপিলুঃ `অখ্রোট্’ ইতি লোকে; অভিষুকঃ `অভিষুঃ’ ইতি লোকে, নিকোচকমৌত্তরাপথিকং কোল্লকফলমুত্তরাপথাদবগন্তব্যম্| প্রভৃতিগ্রহণাল্লবলীফলানি||১৮৭||
Adhikarana 144 (188) · Śloka 188
পিত্তশ্লেষ্মহরাণ্যাহুঃ স্নিগ্ধোষ্ণানি গুরূণি চ | বৃংহণান্যনিলঘ্নানি বল্যানি মধুরাণি চ ||১৮৮||
पित्तश्लेष्महराण्याहुः स्निग्धोष्णानि गुरूणि च | बृंहणान्यनिलघ्नानि बल्यानि मधुराणि च ||१८८||
🔊 Audio coming soon
তেষাং সামান্যগুণমাহ- পিত্তশ্লেষ্মহরাণ্যাহুরিত্যাদি||১৮৮||
Adhikarana 145 (189) · Śloka 189
কষাযং কফপিত্তঘ্নং কিঞ্চিত্তিক্তং রুচিপ্রদম্ | হৃদ্যং সুগন্ধি বিশদং লবলীফলমুচ্যতে ||১৮৯||
कषायं कफपित्तघ्नं किञ्चित्तिक्तं रुचिप्रदम् | हृद्यं सुगन्धि विशदं लवलीफलमुच्यते ||१८९||
🔊 Audio coming soon
তেষাং মধ্যে কেষাঞ্চিদ্গুণবিশেষমাহ- কষাযমিত্যাদি| লবলীফলং সুগন্ধিফলং স্বনামপ্রসিদ্ধম্| তল্লক্ষণমুচ্যতে- ‘ঘনস্নিগ্ধা হরিতাংশুঃ প্রপুন্নাটসদৃক্চ্ছদা| সুগন্ধিমূলা লবলী পাণ্ডুকোমলবল্কলা’ ইতি||১৮৯||
Adhikarana 146 (190) · Śloka 191
বসিরং শীতপাক্যং চ সারুষ্করনিবন্ধনম্ | বিষ্টম্ভি দুর্জরং রূক্ষং শীতলং বাতকোপনম্ ||১৯০|| বিপাকে মধুরং চাপি রক্তপিত্তপ্রসাদনন্ |১৯১|
वसिरं शीतपाक्यं च सारुष्करनिबन्धनम् | विष्टम्भि दुर्जरं रूक्षं शीतलं वातकोपनम् ||१९०|| विपाके मधुरं चापि रक्तपित्तप्रसादनन् |१९१|
🔊 Audio coming soon
বসিরাদীনাং গুণমাহ- বসিরমিত্যাদি| বসিরং সূর্যাবর্তফলং দেশান্তরে জ্ঞেযমিত্যর্থঃ| শীতপাক্যং বলাফলম্| অরুষ্করনিবন্ধনং ভল্লাতকবৃন্তম্||১৯০||-
Adhikarana 147 (191-193) · Śloka 193
ঐরাবতং দন্তশঠমম্লং শোণিতপিত্তকৃত্ ||১৯১|| শীতং কষাযং মধুরং টঙ্কং মারুতকৃদ্গুরু | স্নিগ্ধোষ্ণং তিক্তমধুরং বাতশ্লেষ্মঘ্নমৈঙ্গুদম্ ||১৯২|| শমীফলং গুরু স্বাদু রূক্ষোষ্ণং কেশনাশনম্ | গুরু শ্লেষ্মাতকফলং কফকৃন্মধুরং হিমম্ ||১৯৩||
ऐरावतं दन्तशठमम्लं शोणितपित्तकृत् ||१९१|| शीतं कषायं मधुरं टङ्कं मारुतकृद्गुरु | स्निग्धोष्णं तिक्तमधुरं वातश्लेष्मघ्नमैङ्गुदम् ||१९२|| शमीफलं गुरु स्वादु रूक्षोष्णं केशनाशनम् | गुरु श्लेष्मातकफलं कफकृन्मधुरं हिमम् ||१९३||
🔊 Audio coming soon
ঐরাবতদন্তশঠযোর্গুণমাহ- ঐরাবতমিত্যাদি| ঐরাবতমৈরাবণিকা কৃষ্ণলোহিতাল্পফলা| দন্তশঠং জম্বীরফলম্, অন্যে জম্বীরভেদমাহুঃ| টঙ্কং কাশ্মীরে স্বনামপ্রসিদ্ধং বহুপ্রকারম্| ঐঙ্গুদমিঙ্গুদীফলম্, অন্যে পুত্রঞ্জীবকমাহুঃ| শমীফলমিতি শমীফলং সঙ্গরমুচ্যতে||১৯১-১৯৩||
Adhikarana 148 (194) · Śloka 194
করীরাক্ষিকপীলূনি তৃণশূন্যফলানি চ | স্বাদুতিক্তকটূষ্ণানি কফবাতহরাণি চ ||১৯৪||
करीराक्षिकपीलूनि तृणशून्यफलानि च | स्वादुतिक्तकटूष्णानि कफवातहराणि च ||१९४||
🔊 Audio coming soon
করীরাদিগুণমাহ- করীরেত্যাদি| করীরো মরুজদ্রুমঃ স্বনামখ্যাতঃ; আক্ষিকমক্ষিকীফলং; পীলু পীলুফলম্| তৃণশূন্যং মল্লিকা, কেতকীফলমিত্যন্যে| তেষাং সামান্যগুণমাহ- স্বাদুতিক্তমিত্যাদি||১৯৪||
Adhikarana 149 (195) · Śloka 195
তিক্তং পিন্ত্তকরং তেষাং সরং কটুবিপাকি চ | তীক্ষ্ণোষ্ণং কটুকং পীলু সস্নেহং কফবাতজিত্ ||১৯৫||
तिक्तं पिन्त्तकरं तेषां सरं कटुविपाकि च | तीक्ष्णोष्णं कटुकं पीलु सस्नेहं कफवातजित् ||१९५||
🔊 Audio coming soon
তেষাং মধ্যে পীলুগুণমাহ- তিক্তমিত্যাদি||১৯৫||
Adhikarana 150 (196) · Śloka 196
আরুষ্করং তৌবরকং কষাযং কটুপাকি চ | উষ্ণং কৃমিজ্বরানাহমেহোদাবর্তনাশনম্ | কুষ্ঠগুল্মোদরার্শোঘ্নং কটুপাকি তথৈব চ ||১৯৬||
आरुष्करं तौवरकं कषायं कटुपाकि च | उष्णं कृमिज्वरानाहमेहोदावर्तनाशनम् | कुष्ठगुल्मोदरार्शोघ्नं कटुपाकि तथैव च ||१९६||
🔊 Audio coming soon
আরুষ্করতৌবরফলগুণমাহ- আরুষ্করমিত্যাদি| তুবরকঃ পশ্চিমোদধিতীরে||১৯৬||
Adhikarana 151 (197-198) · Śloka 198
করঞ্জকিংশুকারিষ্টফলং জন্তুপ্রমেহনুত্ | অঙ্কোলস্য ফলং বিস্রং গুরু শ্লেষ্মহরং হিমম্ ||১৯৭|| রূক্ষোষ্ণং কটুকং পাকে লঘু বাতকফাপহম্ | তিক্তমীষদ্বিষহিতং বিডঙ্গং কৃমিনাশনম্ ||১৯৮||
करञ्जकिंशुकारिष्टफलं जन्तुप्रमेहनुत् | अङ्कोलस्य फलं विस्रं गुरु श्लेष्महरं हिमम् ||१९७|| रूक्षोष्णं कटुकं पाके लघु वातकफापहम् | तिक्तमीषद्विषहितं विडङ्गं कृमिनाशनम् ||१९८||
🔊 Audio coming soon
করঞ্জাদীনাহ- করঞ্জেত্যাদি| করঞ্জো বৃক্ষকরঞ্জঃ; কিংশুকঃ পলাশঃ; অরিষ্টো নিম্বঃ| অত্র জন্তুশব্দো বিংশতিকৃমিবাচী| বিডঙ্গমাহ- রূক্ষোষ্ণমিত্যাদি||১৯৭-১৯৮||
Adhikarana 152 (199) · Śloka 199
ব্রণ্যমুষ্ণং সরং মেধ্যং দোষঘ্নং শোফকুষ্ঠনুত্ | কষাযং দীপনং চাম্লং চক্ষুষ্যং চাভযাফলম্ ||১৯৯||
व्रण्यमुष्णं सरं मेध्यं दोषघ्नं शोफकुष्ठनुत् | कषायं दीपनं चाम्लं चक्षुष्यं चाभयाफलम् ||१९९||
🔊 Audio coming soon
হরীতকীমাহ- ব্রণ্যমিত্যাদি| ব্রণেভ্যো হিতং ব্রণ্যম্| চক্ষুষে হিতং চক্ষুষ্যম্||১৯৯||
Adhikarana 153 (200) · Śloka 200
ভেদনং লঘু রূক্ষোষ্ণং বৈস্বর্যক্রিমিনাশনম্ | চক্ষুষ্যং স্বাদুপাক্যাক্ষং কষাযং কফপিত্তজিত্ ||২০০||
भेदनं लघु रूक्षोष्णं वैस्वर्यक्रिमिनाशनम् | चक्षुष्यं स्वादुपाक्याक्षं कषायं कफपित्तजित् ||२००||
🔊 Audio coming soon
বিভীতকফলগুণমাহ- ভেদনমিত্যাদি| স্বাদুপাক্যাক্ষমিতি আক্ষং বিভীতকফলং; কীদৃক্? স্বাদুপাকি||২০০||
Adhikarana 154 (201) · Śloka 201
কফপিত্তহরং রূক্ষং বক্ত্রক্লেদমলাপহম্ | কষাযমীষন্মধুরং কিঞ্চিত্ পূগফলং সরম্ ||২০১||
कफपित्तहरं रूक्षं वक्त्रक्लेदमलापहम् | कषायमीषन्मधुरं किञ्चित् पूगफलं सरम् ||२०१||
🔊 Audio coming soon
পূগফলমাহ- কফপিত্তহরমিত্যাদি||২০১||
Adhikarana 155 (202) · Śloka 203
জাতীকোশোঽথ কর্পূরং জাতীকটুকযোঃ ফলম্ | কক্কো(ঙ্কো)লকং লবঙ্গং চ তিক্তং কটু কফাপহম্ ||২০২|| লঘু তৃষ্ণাপহং বক্ত্রক্লেদদৌর্গন্ধ্যনাশনম্ |২০৩|
जातीकोशोऽथ कर्पूरं जातीकटुकयोः फलम् | कक्को(ङ्को)लकं लवङ्गं च तिक्तं कटु कफापहम् ||२०२|| लघु तृष्णापहं वक्त्रक्लेददौर्गन्ध्यनाशनम् |२०३|
🔊 Audio coming soon
জাতীকোশাদীন্যাহ- জাতীকোশ ইত্যাদি| জাতীকোশো জাতীপত্রিকা ‘জাতিবনী’ ইতি লোকে| কর্পূরং প্রসিদ্ধম্| জাতীকটুকযোঃ ফলমিতি জাতীফলং প্রসিদ্ধং; কটুকাফলং লতাকস্তূরিকেতি পঞ্জিকাকারৌ, শ্রীব্রহ্মদেবস্তু লঘুকক্কো(ঙ্কো)লকমাহ; কক্কো(ঙ্কো)লকং বৃহত্কক্কো(ঙ্কো)লম্| লবঙ্গং শ্রীচন্দনপুষ্পম্||২০২||-
Adhikarana 156 (203) · Śloka 204
সতিক্তঃ সুরভিঃ শীতঃ কর্পূরো লঘু লেখনঃ ||২০৩|| তৃষ্ণাযাং মুখশোষে চ বৈরস্যে চাপি পূজিতঃ |২০৪|
सतिक्तः सुरभिः शीतः कर्पूरो लघु लेखनः ||२०३|| तृष्णायां मुखशोषे च वैरस्ये चापि पूजितः |२०४|
🔊 Audio coming soon
তেষাং মধ্যে কর্পূরগুণমাহ- সতিক্ত ইত্যাদি||২০৩||-
Adhikarana 157 (204) · Śloka 204
লতাকস্তূরিকা তদ্বচ্ছীতা বস্তিবিশোধনী ||২০৪||
लताकस्तूरिका तद्वच्छीता बस्तिविशोधनी ||२०४||
🔊 Audio coming soon
লতাকস্তূরিকামাহ- লতাকস্তূরিকেত্যাদি| লতাকস্তূরিকা দক্ষিণাপথে বিটপঃ, শকুনাপিতুল্যঃ | বস্তিবিশোধনী বস্তিবিবন্ধঘ্নী||২০৪||
Adhikarana 158 (205-207) · Śloka 207
প্রিযালমজ্জা মধুরো বৃষ্যঃ পিত্তানিলাপহঃ | বৈভীতকো মদকরঃ কফমারুতনাশনঃ ||২০৫|| কষাযমধুরো মজ্জা কোলানাং পিত্তনাশনঃ | তৃষ্ণাচ্ছর্দ্যনিলঘ্নশ্চ তদ্বদামলকস্য চ ||২০৬|| বীজপূরকশম্যাকমজ্জা কোশাম্রসম্ভবঃ | স্বাদুপাকোঽগ্নিবলদঃ স্নিগ্ধঃ পিত্তানিলাপহঃ ||২০৭||
प्रियालमज्जा मधुरो वृष्यः पित्तानिलापहः | बैभीतको मदकरः कफमारुतनाशनः ||२०५|| कषायमधुरो मज्जा कोलानां पित्तनाशनः | तृष्णाच्छर्द्यनिलघ्नश्च तद्वदामलकस्य च ||२०६|| बीजपूरकशम्याकमज्जा कोशाम्रसम्भवः | स्वादुपाकोऽग्निबलदः स्निग्धः पित्तानिलापहः ||२०७||
🔊 Audio coming soon
ফলানাং মজ্জানমাহ- প্রিযালেত্যাদি| প্রিযালমজ্জা ‘চারুলী’ ইতি লোকে প্রসিদ্ধঃ| শম্পাকঃ কিরমালকঃ||২০৫-২০৭||
Adhikarana 159 (208) · Śloka 208
যস্য যস্য ফলস্যেহ বীর্যং ভবতি যাদৃশম্ | তস্য তস্যৈব বীর্যেণ মজ্জানমপি নির্দিশেত্ ||২০৮||
यस्य यस्य फलस्येह वीर्यं भवति यादृशम् | तस्य तस्यैव वीर्येण मज्जानमपि निर्दिशेत् ||२०८||
🔊 Audio coming soon
অনুক্তফলমজ্জানমাহ- যস্যেত্যাদি| যস্য যস্য ফলস্য যে গুণা যানি কর্মাণি চোক্তানি তস্য মজ্জ্ঞোঽপি তান্যেব গুণকর্মাণি বদেদিত্যর্থঃ, যেন কুর্বন্তি তদ্বীর্যম্||২০৮||
Adhikarana 160 (209) · Śloka 209
ফলেষু পরিপক্বং যদ্গুণবত্তদুদাহৃতম্ | বিল্বাদন্যত্র বিজ্ঞেযমামং তদ্ধি গুণোত্তরম্ | গ্রাহ্যুষ্ণং দীপনং তদ্ধি কষাযকটুতিক্তকম্ ||২০৯||
फलेषु परिपक्वं यद्गुणवत्तदुदाहृतम् | बिल्वादन्यत्र विज्ञेयमामं तद्धि गुणोत्तरम् | ग्राह्युष्णं दीपनं तद्धि कषायकटुतिक्तकम् ||२०९||
🔊 Audio coming soon
কিঞ্চিচ্ছেষমাহ- ফলেষ্বিত্যাদি| হি যস্মাদর্থে| গুণোত্তরং গুণোত্কৃষ্টম্| তদ্ধীতি তদ্ বিল্বং, হি যস্মাদর্থে, গুণোত্তরং গুণোত্কৃষ্টম্| গ্রাহ্যুষ্ণং দীপনং তদ্ধীতি তত্ বিল্বং, হি স্ফুটম্||২০৯||
Adhikarana 161 (210) · Śloka 210
ব্যাধিতং কৃমিজুষ্টং চ পাকাতীতমকালজম্ | বর্জনীযং ফলং সর্বমপর্যাগতমেব চ ||২১০|| ইতি ফলবর্গঃ |
व्याधितं कृमिजुष्टं च पाकातीतमकालजम् | वर्जनीयं फलं सर्वमपर्यागतमेव च ||२१०|| इति फलवर्गः |
🔊 Audio coming soon
ফলেষু হেযাদিদোষজ্ঞাপনার্থমাহ- ব্যাধিতমিত্যাদি| জুষ্টং সেবিতং; কেচিত্ ‘জগ্ধং’ ইতি পঠন্তি, তত্র জগ্ধং ভক্ষিতমিত্যর্থঃ| পাকাতীতং পাকাদতীতমতিগতমতীতপাককালমিত্যর্থঃ| অকালজম্ অনুচিতকালোত্পন্নম্| অপর্যাগতম্ অপক্বম্| ইতি ফলবর্গঃ||২১০||
Adhikarana 162 (211) · Śloka 211
অথ শাকবর্গঃ | শাকান্যত ঊর্ধ্বং বক্ষ্যামঃ | তত্র পুষ্পফলালাবুকালিন্দকপ্রভৃতীনি ||২১১||
अथ शाकवर्गः | शाकान्यत ऊर्ध्वं वक्ष्यामः | तत्र पुष्पफलालाबुकालिन्दकप्रभृतीनि ||२११||
🔊 Audio coming soon
তত্রেত্যাদি| পুষ্পফলং কূষ্মাণ্ডকঃ; অলাবূঃ তুম্বিনী, সা চ দীর্ঘবর্তুলাদিভেদাদনেকধা; কালিন্দং কৃষ্ণবীজং কূষ্মাণ্ডসদৃশং ‘কলিন্দ’ ইতি লোকে| প্রভৃতিগ্রহণাদেবংবিধান্যপরাণ্যপি||২১১||
Adhikarana 163 (212) · Śloka 212
পিত্তঘ্নান্যনিলং কুর্যুস্তথা মন্দকফানি চ | সৃষ্টমূত্রপুরীষাণি স্বাদুপাকরসানি চ ||২১২||
पित्तघ्नान्यनिलं कुर्युस्तथा मन्दकफानि च | सृष्टमूत्रपुरीषाणि स्वादुपाकरसानि च ||२१२||
🔊 Audio coming soon
এষাং সামান্যগুণমাহ- পিত্তঘ্নানীত্যাদি| সৃষ্টমূত্রপুরীষাণি মূত্রপুরীষপ্রবৃত্তিকরাণি||২১২||
Adhikarana 164 (213-215) · Śloka 215
পিত্তঘ্নং তেষু কূষ্মাণ্ডং বালং মধ্যং কফাবহম্ | শুক্লং লঘূষ্ণং সক্ষারং দীপনং বস্তিশোধনম্ ||২১৩|| সর্বদোষহরং হৃদ্যং পথ্যং চেতোবিকারিণাম্ | দৃষ্টিশুক্রক্ষযকরং কালিন্দং কফবাতকৃত্ ||২১৪|| অলাবুর্ভিন্নবিট্কা তু রূক্ষা গুর্ব্যতিশীতলা | তিক্তালাবুরহৃদ্যা তু বামিনী বাতপিত্তজিত্ ||২১৫||
पित्तघ्नं तेषु कूष्माण्डं बालं मध्यं कफावहम् | शुक्लं लघूष्णं सक्षारं दीपनं बस्तिशोधनम् ||२१३|| सर्वदोषहरं हृद्यं पथ्यं चेतोविकारिणाम् | दृष्टिशुक्रक्षयकरं कालिन्दं कफवातकृत् ||२१४|| अलाबुर्भिन्नविट्का तु रूक्षा गुर्व्यतिशीतला | तिक्तालाबुरहृद्या तु वामिनी वातपित्तजित् ||२१५||
🔊 Audio coming soon
তেষাং বিশিষ্টমপি গুণমাহ- পিত্তঘ্নমিত্যাদি| কফমাবহতি করোতীতি কফাবহম্| শুক্লং কার্পাসবর্ণং পরিপক্বমিত্যর্থঃ| সক্ষারমীষত্ক্ষারম্| বস্তিশোধনং বস্তিবিবন্ধঘ্নম্| সর্বদোষহরমিতি সর্বগ্রহণং রক্তোপসঙ্গ্রহার্থং; ‘সর্বদোষসহং’ ইত্যন্যে পঠন্তি, তত্রাযমর্থঃ- ন করোতি ন শমযতীত্যর্থঃ| হৃদ্যং হৃদযায হিতম্| চেতোবিকারিণামিতি চেতোবিকারা উন্মাদাপস্মারমূর্চ্ছামদাদযঃ| ভিন্নবিট্কা দ্রবমলা||২১৩-২১৫||
Adhikarana 165 (216) · Śloka 216
ত্রপুসৈর্বারুকর্কারুকশীর্ণবৃন্তপ্রভৃতীনি ||২১৬||
त्रपुसैर्वारुकर्कारुकशीर्णवृन्तप्रभृतीनि ||२१६||
🔊 Audio coming soon
অপরাণ্যপি ফলশাকান্যাহ- ত্রপুসেত্যাদি| ত্রপুসং সুধাবাসঃ, ‘তেবসা’ ইতি লোকে; এর্বারুর্লোমশা কর্কটী; কর্কারুর্বাডবং ত্রপুষং ‘খরবারূ’ ইতি লোকে; শীর্ণবৃন্তং সুবাসকং ত্রপুসভেদঃ, অন্যে তু শীর্ণবৃন্তং কর্বুরমাহুঃ, একে তু শীর্ণবৃন্তং পাকাবস্থাযাং যস্য বৃন্তং শটিতং ভবতীত্যর্থঃ, অপরে তু কর্বুরভেদং খুদপুত্রকমাহুঃ; প্রভৃতিগ্রহণাদ্ বালপাণ্ড্ববস্থাযাং গৃহ্যতে||২১৬||
Adhikarana 166 (217) · Śloka 217
স্বাদুতিক্তরসান্যাহুঃ কফবাতকরাণি চ | সৃষ্টমূত্রপুরীষাণি রক্তপিত্তহরাণি চ ||২১৭||
स्वादुतिक्तरसान्याहुः कफवातकराणि च | सृष्टमूत्रपुरीषाणि रक्तपित्तहराणि च ||२१७||
🔊 Audio coming soon
তেষাং সামান্যগুণমাহ- স্বাদ্বিত্যাদি||২১৭||
Adhikarana 167 (218-219) · Śloka 219
বালং সনীলং ত্রপুসং তেষাং পিত্তহরং স্মৃতম্ | তত্পাণ্ডু কফকৃজ্জীর্ণমম্লং বাতকফাপহম্ ||২১৮|| এর্বারুকং সকর্কারু সম্পক্বং কফবাতকৃত্ | সক্ষারং মধুরং রুচ্যং দীপনং নাতিপিত্তলম্ ||২১৯||
बालं सनीलं त्रपुसं तेषां पित्तहरं स्मृतम् | तत्पाण्डु कफकृज्जीर्णमम्लं वातकफापहम् ||२१८|| एर्वारुकं सकर्कारु सम्पक्वं कफवातकृत् | सक्षारं मधुरं रुच्यं दीपनं नातिपित्तलम् ||२१९||
🔊 Audio coming soon
তেষাং কেষাঞ্চিদ্গুণবিশেষমাহ- বালমিত্যাদি| অযং পরিপক্বস্য গুণঃ, অপক্বস্য তু সামান্যগুণাঃ||২১৮-২১৯||
Adhikarana 168 (220) · Śloka 220
সক্ষারং মধুরং চৈব শীর্ণবৃন্তং কফাপহম্ | ভেদনং দীপনং হৃদ্যমানাহাষ্ঠীলনুল্লঘু ||২২০||
सक्षारं मधुरं चैव शीर्णवृन्तं कफापहम् | भेदनं दीपनं हृद्यमानाहाष्ठीलनुल्लघु ||२२०||
🔊 Audio coming soon
শীর্ণবৃন্তস্যাবস্থাত্রযেণ গুণমাহ- সক্ষারমিত্যাদি| সক্ষারমিত্যাদযো বালস্য গুণাঃ, ভেদনাদযো মধ্যস্য, আনাহেত্যাদি জীর্ণস্য| আনাহ আমপক্বাশযজো দ্বিবিধঃ; অষ্ঠীলা মূত্রাষ্ঠীলা ন পুনরনিলাষ্ঠীলা, শীর্ণবৃন্তস্য মূত্রবিকারহারিত্বাদবস্থাত্রযেঽপি; আনাহশ্চাষ্ঠীলা চানাহাষ্ঠীলং, তন্নুদতীতি||২২০||
Adhikarana 169 (221) · Śloka 221
পিপ্পলীমরিচশৃঙ্গবেরার্দ্রকহিঙ্গুজীরককুস্তুম্বুরুজম্বীরসুমুখসুরসার্জকভূস্তৃণসুগন্ধক- কাসমর্দককালমালকুঠেরকক্ষবকখরপুষ্পশিগ্রুমধুশিগ্রুফণিজ্ঝকসর্ষপরাজিকাকুলাহলাবগুত্থগণ্ডীরতিলপর্ণিকা- বর্ষাভূচিত্রকমূলকলশুনকলাযপলাণ্ডুপ্রভৃতীনি ||২২১||
पिप्पलीमरिचशृङ्गवेरार्द्रकहिङ्गुजीरककुस्तुम्बुरुजम्बीरसुमुखसुरसार्जकभूस्तृणसुगन्धक- कासमर्दककालमालकुठेरकक्षवकखरपुष्पशिग्रुमधुशिग्रुफणिज्झकसर्षपराजिकाकुलाहलावगुत्थगण्डीरतिलपर्णिका- वर्षाभूचित्रकमूलकलशुनकलायपलाण्डुप्रभृतीनि ||२२१||
🔊 Audio coming soon
বৃদ্ধাঃ পিপ্পল্যাদীনি বর্গীকৃত্য পঠন্তি; তত্র কিঞ্চিত্ সংস্কারকং, কিঞ্চিচ্ছাকং, কিঞ্চিদ্ভেষজং, কিঞ্চিদাহারযোগীতি, তান্যেবাহ- পিপ্পলীত্যাদি|- পিপ্পলীমরিচে দ্বে প্রসিদ্ধে; শৃঙ্গবেরকং শুণ্ঠী; আর্দ্রকহিঙ্গুজীরকাঃ প্রসিদ্ধাঃ; কুস্তুম্বুরুকং ধান্যকং; জম্বীরো হরিতশাকমুত্তরাপথে জম্বীরগন্ধি কিঞ্চিদম্লং; সুমুখো বনবর্বরিকা; সুরসা সুরভিপর্ণী ‘তুলসী’ ইতি লোকে; অর্জকঃ শ্বেতকুঠেরকঃ; ভূস্তৃণং রোহিষঃ, তুম্বাকমন্যে; সুগন্ধকো গন্ধতৃণমল্পং ভূস্তৃণং, সুগন্ধিতৃণমিতি কেচিত্, তত্রাপি নার্থভেদঃ; কাসমর্দঃ প্রসিদ্ধঃ; কালমালো বর্বরিকা; কুঠেরকস্তদ্ভেদ এব; ক্ষবকশ্ছিক্কাকরঃ ‘ছিঙ্কণী’ ইতি লোকে; খরপুষ্পো মরুবকঃ, অন্যে ক্ষবকভেদমাহুঃ, কেচিত্ ‘বোডযিকা’ ইত্যাহুঃ; শিগ্রুঃ শোভাঞ্জনকঃ, সুবাসমিত্যন্যে; মধুশিগ্রুর্লোহিতকুসুমোঽল্পবিটপঃ শোভাঞ্জনকভেদঃ; ‘শুণ্ঠ’ ইত্যত্র ক্বচিত্ (পঠ্যতে), স চ স্বনামখ্যাতঃ; ফণিজ্ঝকঃ ‘ফাণিজ’ ইতি লোকে, অন্যে মরুবকমাহুঃ; সর্ষপরাজিকে প্রসিদ্ধে; কুলাহলো মুণ্ডিতিকা; অবগুত্থং বেগনামা, কাকাদনীত্যর্থঃ; গণ্ডীরোঽপি দ্বিবিধঃ স্থলজো জলশ্চেতি, তত্র স্থলজো হরিতশাকং; তিলপর্ণিকা চোরকঃ, শ্রীহস্তিনীত্যপরে; বর্ষাভূঃ পুনর্নবা; চিত্রকমূলকলশুনাঃ প্রসিদ্ধাঃ; কলাযোঽত্র ত্রিপুটকভেদঃ; ত্রিপুটকস্যাগ্রে বক্ষ্যমাণত্বাত্, কেচিত্ পুনরুক্তভযাদগ্রেতনং পাঠং ন মন্যন্তে, তেষাং মতেঽত্র কলাযস্ত্রিপুটকঃ; পলাণ্ডুর্লশুনভেদঃ| প্রভৃতিগ্রহণাদেবঞ্জাতীযান্যপরাণি||২২১||
Adhikarana 170 (222) · Śloka 222
কটূন্যুষ্ণানি রুচ্যানি বাতশ্লেষ্মহরাণি চ | কৃতান্নেষূপযুজ্যন্তে সংস্কারার্থমনেকধা ||২২২||
कटून्युष्णानि रुच्यानि वातश्लेष्महराणि च | कृतान्नेषूपयुज्यन्ते संस्कारार्थमनेकधा ||२२२||
🔊 Audio coming soon
এষাং সামান্যগুণমাহ- কটূনীত্যাদি| কৃতান্নেষু মুদ্গযূষাদিষু||২২২||
Adhikarana 171 (223) · Śloka 223
তেষাং গুর্বী স্বাদুশীতা পিপ্পল্যার্দ্রা কফাবহা | শুষ্কা কফানিলঘ্নী সা বৃষ্যা পিত্তাবিরোধিনী ||২২৩||
तेषां गुर्वी स्वादुशीता पिप्पल्यार्द्रा कफावहा | शुष्का कफानिलघ्नी सा वृष्या पित्ताविरोधिनी ||२२३||
🔊 Audio coming soon
তেষাং মধ্যে কেষাঞ্চিদ্গুণবিশেষমাহ- তেষামিত্যাদি| কফাবহা স্ববর্গাপেক্ষযা| পিত্তাবিরোধিনী ঈষত্পিত্তবিরোধিনী, ঈষত্পিত্তশমনীত্যর্থঃ; ‘পিত্তপ্রকোপণী’ ইতি কেচিত্ পঠন্তি, ব্যাখ্যানযন্তি চ “সা পিত্তশমনী পূর্বং দর্শিতা বীর্যবাদিনা| শাস্ত্রকারেণ নির্দিষ্টা সা সত্যং পিত্তকোপনী| যদ্বাঽঽর্দ্রা পিত্তশমনী শুষ্কা পিত্তপ্রকোপণী”- ইতি||২২৩||
Adhikarana 172 (224-225) · Śloka 225
স্বাদুপাক্যার্দ্রমরিচং গুরু শ্লেষ্মপ্রসেকি চ | কটূষ্ণং লঘু তচ্ছুষ্কমবৃষ্যং কফবাতজিত্ ||২২৪|| নাত্যুষ্ণং নাতিশীতং চ বীর্যতো মরিচং সিতম্ | গুণবন্মরিচেভ্যশ্চ চক্ষুষ্যং চ বিশেষতঃ ||২২৫||
स्वादुपाक्यार्द्रमरिचं गुरु श्लेष्मप्रसेकि च | कटूष्णं लघु तच्छुष्कमवृष्यं कफवातजित् ||२२४|| नात्युष्णं नातिशीतं च वीर्यतो मरिचं सितम् | गुणवन्मरिचेभ्यश्च चक्षुष्यं च विशेषतः ||२२५||
🔊 Audio coming soon
নাতীত্যাদি| সিতং মরিচং শোভাঞ্জনকবীজং, ‘শুক্লমপি মরিচমস্তি’ ইত্যেকে| গুণবন্মরিচেভ্যশ্চেতি মরিচেভ্যঃ সকাশাদতিশযগুণকারীত্যর্থঃ||২২৪-২২৫||
Adhikarana 173 (226-228) · Śloka 228
নাগরং কফবাতঘ্নং বিপাকে মধুরং কটু | বৃষ্যোষ্ণং রোচনং হৃদ্যং সস্নেহং লঘু দীপনম্ ||২২৬|| কফানিলহরং স্বর্যং বিবন্ধানাহশূলনুত্ | কটূষ্ণং রোচনং হৃদ্যং বৃষ্যং চৈবার্দ্রকং স্মৃতম্ ||২২৭|| লঘূষ্ণং পাচনং হিঙ্গু দীপনং কফবাতজিত্ | কটু স্নিগ্ধং সরং তীক্ষ্ণং শূলাজীর্ণবিবন্ধনুত্ ||২২৮||
नागरं कफवातघ्नं विपाके मधुरं कटु | वृष्योष्णं रोचनं हृद्यं सस्नेहं लघु दीपनम् ||२२६|| कफानिलहरं स्वर्यं विबन्धानाहशूलनुत् | कटूष्णं रोचनं हृद्यं वृष्यं चैवार्द्रकं स्मृतम् ||२२७|| लघूष्णं पाचनं हिङ्गु दीपनं कफवातजित् | कटु स्निग्धं सरं तीक्ष्णं शूलाजीर्णविबन्धनुत् ||२२८||
🔊 Audio coming soon
নাগরমিত্যাদি| সস্নেহমীষত্স্নেহম্| লঘু আর্দ্রকাদিতি বোদ্ধব্যম্| বিবন্ধানাহশূলনুদিতি বিবন্ধো বাতাদ্যপ্রবৃত্তিঃ, আনাহ উদরাপূরঃ||২২৬-২২৮||
Adhikarana 174 (229) · Śloka 230
তীক্ষ্ণোষ্ণং কটুকং পাকে রুচ্যং পিত্তাগ্নিবর্ধনম্ | কটু শ্লেষ্মানিলহরং গন্ধাঢ্যং জীরকদ্বযম্ ||২২৯|| কারবী করবী তদ্বদ্বিজ্ঞেযা সোপকুঞ্চিকা |২৩০|
तीक्ष्णोष्णं कटुकं पाके रुच्यं पित्ताग्निवर्धनम् | कटु श्लेष्मानिलहरं गन्धाढ्यं जीरकद्वयम् ||२२९|| कारवी करवी तद्वद्विज्ञेया सोपकुञ्चिका |२३०|
🔊 Audio coming soon
তীক্ষ্ণেত্যাদি| জীরকদ্বযং শুক্লপীতভেদেন| কারবী কৃষ্ণজীরক উত্তরাপথে প্রসিদ্ধঃ; করবী যবানীত্যেকে, অজমোদেত্যপরে, অন্যে রাজিকামাহুঃ| উপকুঞ্চিকা স্থূলজীরক ঈষত্কৃষ্ণো ‘বৃহজ্জীরক’ ইতি লোকে||২২৯||-
Adhikarana 175 (230-231) · Śloka 232
ভক্ষ্যব্যঞ্জনভোজ্যেষু বিবিধেষ্ববচারিতা ||২৩০|| আর্দ্রা কুস্তুম্বরী কুর্যাত্ স্বাদুসৌগন্ধ্যহৃদ্যতাম্ | সা শুষ্কা মধুরা পাকে স্নিগ্ধা তৃড্দাহনাশনী ||২৩১|| দোষঘ্নী কটুকা কিঞ্চিত্ তিক্তা স্রোতোবিশোধনী |২৩২|
भक्ष्यव्यञ्जनभोज्येषु विविधेष्ववचारिता ||२३०|| आर्द्रा कुस्तुम्बरी कुर्यात् स्वादुसौगन्ध्यहृद्यताम् | सा शुष्का मधुरा पाके स्निग्धा तृड्दाहनाशनी ||२३१|| दोषघ्नी कटुका किञ्चित् तिक्ता स्रोतोविशोधनी |२३२|
🔊 Audio coming soon
ভক্ষ্যাণি বটকাদীনি, ব্যঞ্জনানি শাকাদীনি সংস্কৃতানি, ভোজ্যানি অন্নযবাগ্বাদীনি, অবচারিতা প্রক্ষিপ্তা| আর্দ্রা কুস্তুম্বরীতি পুষ্পফলোপেতো হরিতধান্যবিটপ আর্দ্রা কুস্তুম্বরীত্যুচ্যতে, অল্লেতি লোকে||২৩০-২৩১||-
Adhikarana 176 (232-237) · Śloka 237
জম্বীরঃ পাচনস্তীক্ষ্ণঃ কৃমিবাতকফাপহঃ ||২৩২|| সুরাভির্দীপনো রুচ্যো মুখবৈশদ্যকারকঃ | কফানিলবিষশ্বাসকাসদৌর্গন্ধ্যনাশনঃ ||২৩৩|| পিত্তকৃত্ পার্শ্বশূলঘ্নঃ সুরসঃ সমুদাহৃতঃ | তদ্বত্তু সুমুখো জ্ঞেযো বিশেষাদ্গরনাশনঃ ||২৩৪|| কফঘ্না লঘবো রূক্ষাস্তীক্ষ্ণোষ্ণাঃ পিত্তবর্ধনাঃ | কটুপাকরসাশ্চৈব সুরসার্জকভূস্তৃণাঃ ||২৩৫|| মধুরঃ কফবাতঘ্নঃ পাচনঃ কণ্ঠশোধনঃ | বিশেষতঃ পিত্তহরঃ সতিক্তঃ কাসমর্দকঃ ||২৩৬|| কটুঃ সক্ষারমধুরঃ শিগ্রুস্তিক্তোঽথ পিচ্ছিলঃ | মধুশিগ্রুঃ সরস্তিক্তঃ শোফঘ্নো দীপনঃ কটুঃ ||২৩৭||
जम्बीरः पाचनस्तीक्ष्णः कृमिवातकफापहः ||२३२|| सुराभिर्दीपनो रुच्यो मुखवैशद्यकारकः | कफानिलविषश्वासकासदौर्गन्ध्यनाशनः ||२३३|| पित्तकृत् पार्श्वशूलघ्नः सुरसः समुदाहृतः | तद्वत्तु सुमुखो ज्ञेयो विशेषाद्गरनाशनः ||२३४|| कफघ्ना लघवो रूक्षास्तीक्ष्णोष्णाः पित्तवर्धनाः | कटुपाकरसाश्चैव सुरसार्जकभूस्तृणाः ||२३५|| मधुरः कफवातघ्नः पाचनः कण्ठशोधनः | विशेषतः पित्तहरः सतिक्तः कासमर्दकः ||२३६|| कटुः सक्षारमधुरः शिग्रुस्तिक्तोऽथ पिच्छिलः | मधुशिग्रुः सरस्तिक्तः शोफघ्नो दीपनः कटुः ||२३७||
🔊 Audio coming soon
জম্বীর ইত্যাদি| সুরসে দ্বে শ্বেতকৃষ্ণকুসুমে| প্রথমা শ্বেতা, ইযং তু কৃষ্ণেতি ন পৌনরুক্ত্যপ্রসঙ্গঃ||২৩২-২৩৭||
Adhikarana 177 (238-239) · Śloka 239
বিদাহি বদ্ধবিণ্মূত্রং রূক্ষং তীক্ষ্ণোষ্ণমেব চ | ত্রিদোষং সার্ষপং শাকং গাণ্ডীরং বেগনাম চ ||২৩৮|| চিত্রকস্তিলপর্ণী চ কফশোফহরে লঘূ | বর্ষাভূঃ কফবাতঘ্নী হিতা শোফোদরার্শসাম্ ||২৩৯||
विदाहि बद्धविण्मूत्रं रूक्षं तीक्ष्णोष्णमेव च | त्रिदोषं सार्षपं शाकं गाण्डीरं वेगनाम च ||२३८|| चित्रकस्तिलपर्णी च कफशोफहरे लघू | वर्षाभूः कफवातघ्नी हिता शोफोदरार्शसाम् ||२३९||
🔊 Audio coming soon
বিদাহীত্যাদি| ত্রিদোষং সার্ষপমিতি ‘কফঘ্নং সার্ষপং শাকমাসুরং শাকমেব চ’ ইতি ক্বচিত্| তত্র আসুরী রাজিকা||২৩৮-২৩৯||
Adhikarana 178 (240-242) · Śloka 242
কটুতিক্তরসা হৃদ্যা রোচনী বহ্নিদীপনী | সর্বদোষহরা লঘ্বী কণ্ঠ্যা মূলকপোতিকা ||২৪০|| মহত্তদ্গুরু বিষ্টম্ভি তীক্ষ্ণমামং ত্রিদোষকৃত্ | তদেব স্নেহসিদ্ধং তু পিত্তনুত্ কফবাতজিত্ ||২৪১|| ত্রিদোষশমনং শুষ্কং বিষদোষহরং লঘু | বিষ্টম্ভি বাতলং শাকং শুষ্কমন্যত্র মূলকাত্ ||২৪২||
कटुतिक्तरसा हृद्या रोचनी वह्निदीपनी | सर्वदोषहरा लघ्वी कण्ठ्या मूलकपोतिका ||२४०|| महत्तद्गुरु विष्टम्भि तीक्ष्णमामं त्रिदोषकृत् | तदेव स्नेहसिद्धं तु पित्तनुत् कफवातजित् ||२४१|| त्रिदोषशमनं शुष्कं विषदोषहरं लघु | विष्टम्भि वातलं शाकं शुष्कमन्यत्र मूलकात् ||२४२||
🔊 Audio coming soon
কণ্ঠায হিতা কণ্ঠ্যা| মূলকপোতিকা বালমূলকম্| আমম্ অনগ্নিপক্বং, স্নেহসিদ্ধং ঘৃততৈলাদিপক্বং, মূলকস্য বালমহদামস্নেহসিদ্ধশুষ্কভেদেনাত্র গুণোক্তিঃ| বিষ্টম্ভীত্যাদি অমুং কেচিদনার্ষমাচক্ষতে, অন্যে তু মন্যন্তে||২৪০-২৪২||
Adhikarana 179 (243) · Śloka 243
পুষ্পং চ পত্রং চ ফলং তথৈব যথোত্তরং তে গুরবঃ প্রদিষ্টাঃ | তেষাং তু পুষ্পং কফপিত্তহন্তৃ ফলং নিহন্যাত্ কফমারুতৌ তু ||২৪৩||
पुष्पं च पत्रं च फलं तथैव यथोत्तरं ते गुरवः प्रदिष्टाः | तेषां तु पुष्पं कफपित्तहन्तृ फलं निहन्यात् कफमारुतौ तु ||२४३||
🔊 Audio coming soon
পুষ্পমিত্যাদি| মূলকবিষযোঽযং, যদ্বন্মূলককন্দেষু বালমধ্যবৃদ্ধস্নিগ্ধসিদ্ধশুষ্কেষু ফলনির্দেশস্তদ্বত্ পুষ্পপত্রফলেষ্বপি বাচ্যঃ||২৪৩||
Adhikarana 180 (244-248) · Śloka 248
স্নিগ্ধোষ্ণতীক্ষ্ণঃ কটুপিচ্ছিলশ্চ গুরুঃ সরঃ স্বাদুরসশ্চ বল্যঃ | বৃষ্যশ্চ মেধাস্বরবর্ণচক্ষুর্ভগ্নাস্থিসন্ধানকরো রসোনঃ ||২৪৪|| হৃদ্রোগজীর্ণজ্বরকুক্ষিশূলবিবন্ধগুল্মারুচিকাসশোফান্ | দুর্নামকুষ্ঠানলসাদজন্তুসমীরণশ্বাসকফাংশ্চ হন্তি ||২৪৫|| নাত্যুষ্ণবীর্যোঽনিলহা কটুশ্চ তীক্ষ্ণো গুরুর্নাতিকফাবহশ্চ | বলাবহঃ পিত্তকরোঽথ কিঞ্চিত্ পলাণ্ডুরগ্নিং চ বিবর্ধযেত্তু ||২৪৬|| স্নিগ্ধো রুচিষ্যঃ স্থিরধাতুকারী বল্যোঽথ মেধাকফপুষ্টিদশ্চ | স্বাদুর্গুরুঃ শোণিতপিত্তশস্তঃ সপিচ্ছিলঃ ক্ষীরপলাণ্ডুরুক্তঃ ||২৪৭|| কলাযশাকং পিত্তঘ্নং কফঘ্নং বাতলং গুরু | কষাযানুরসং চৈব বিপাকে মধুরং চ তত্ ||২৪৮||
स्निग्धोष्णतीक्ष्णः कटुपिच्छिलश्च गुरुः सरः स्वादुरसश्च बल्यः | वृष्यश्च मेधास्वरवर्णचक्षुर्भग्नास्थिसन्धानकरो रसोनः ||२४४|| हृद्रोगजीर्णज्वरकुक्षिशूलविबन्धगुल्मारुचिकासशोफान् | दुर्नामकुष्ठानलसादजन्तुसमीरणश्वासकफांश्च हन्ति ||२४५|| नात्युष्णवीर्योऽनिलहा कटुश्च तीक्ष्णो गुरुर्नातिकफावहश्च | बलावहः पित्तकरोऽथ किञ्चित् पलाण्डुरग्निं च विवर्धयेत्तु ||२४६|| स्निग्धो रुचिष्यः स्थिरधातुकारी बल्योऽथ मेधाकफपुष्टिदश्च | स्वादुर्गुरुः शोणितपित्तशस्तः सपिच्छिलः क्षीरपलाण्डुरुक्तः ||२४७|| कलायशाकं पित्तघ्नं कफघ्नं वातलं गुरु | कषायानुरसं चैव विपाके मधुरं च तत् ||२४८||
🔊 Audio coming soon
রসোনভেদানাহ- স্নিগ্ধেত্যাদি| রসোনঃ পঞ্চরসঃ স্বল্পকন্দো লশুন ইত্যর্থঃ| অনলসাদোঽগ্নিমান্দ্যম্| জন্তবঃ কৃমযঃ| নাত্যুষ্ণেত্যাদি| পলাণ্ডুঃ স্থূলনালাগ্রপত্রো গুন্দ্রালিকাভেদঃ, স এব সক্ষীরো মধুররসঃ ক্ষীরপলাণ্ডুরিত্যুচ্যতে||২৪৪-২৪৮||
Adhikarana 181 (249) · Śloka 249
চুচ্চূযূথিকাতরুণীজীবন্তীবিম্বীতিকানদী(ন্দী)ভল্লাতকচ্ছগলান্ত্রী- বৃক্ষাদনীফঞ্জীশাল্মলীশেলুবনস্পতিপ্রসবশণকর্বুদারকোবিদারপ্রভৃতীনি ||২৪৯||
चुच्चूयूथिकातरुणीजीवन्तीबिम्बीतिकानदी(न्दी)भल्लातकच्छगलान्त्री- वृक्षादनीफञ्जीशाल्मलीशेलुवनस्पतिप्रसवशणकर्बुदारकोविदारप्रभृतीनि ||२४९||
🔊 Audio coming soon
কষাযমধুরশাকমাহ- চুচ্চ্বিত্যাদি| চুচ্চূর্নাডিকাকারপত্রঃ, ‘চুচু’ ইতি লোকে; যূথিকা বৃক্ষবিশেষঃ, সা ত্রিধা ঈষচ্ছ্বেতপুষ্পা, অতিশ্বেতপুষ্পা, পীতপুষ্পা চ; তরুণী স্বনামপ্রসিদ্ধা, অন্যে ‘বরুণ’ ইতি পঠন্তি, বরুণকস্তিক্তশাকো জলকূলজঃ; জীবন্তী জীবা ‘তণ্ডুলীযকসদৃশী’ ইত্যন্যে, ‘ডোডিকা’ ইত্যপরে; বিম্বীতিকা কুন্দুরিকা তস্যাঃ পত্রাণ্যত্র গৃহ্যন্তে; নদীভল্লাতকঃ লী(লো)জনকঃ, অন্যে ‘অনন্তাভল্লাতক’ ইতি পঠন্তি, তত্র অনন্তা লাঙ্গলিকা ‘কলিহারী’ ইতি লোকে, ভল্লাতকবৃক্ষস্য ফলান্যামানি পল্লবাশ্চ শাকত্বেনাভিপ্রেতাঃ; ছগলান্ত্রী বৃদ্ধদারকঃ, তস্য পত্রাণি, বুহ্নেত্যপরে; বৃক্ষাদনী বন্দাকঃ, বৃক্ষকলিম্বুকেত্যন্যে; ফঞ্জীশাকো ‘বাড’ ইতি প্রসিদ্ধঃ, ভার্গীমেকে মন্যন্তে; শাল্মলী প্রসিদ্ধঃ; শেলুঃ শ্লেষ্মাতকঃ ‘লিসাড’ ইতি লোকে; বনস্পতিপ্রসবাঃ বনস্পতিরুদুম্বরাদিঃ; তস্য প্রসবাঃ পল্লবাঃ; শণঃ প্রসিদ্ধঃ; কর্বুদারঃ শ্লেষ্মাতকভেদঃ; কোবিদারঃ কাঞ্চনারঃ| প্রভৃতিগ্রহণাদেবঞ্জাতীযান্যন্যান্যপি শাকানি||২৪৯||
Adhikarana 182 (250) · Śloka 250
কষাযস্বাদুতিক্তানি রক্তপিত্তহরাণি চ | কফঘ্নান্যনিলং কুর্যুঃ সঙ্গ্রাহীণি লঘূনি চ ||২৫০||
कषायस्वादुतिक्तानि रक्तपित्तहराणि च | कफघ्नान्यनिलं कुर्युः सङ्ग्राहीणि लघूनि च ||२५०||
🔊 Audio coming soon
তেষাং সামান্যগুণমাহ- কষাযেত্যাদি||২৫০||
Adhikarana 183 (251-253) · Śloka 253
লঘুঃ পাকে চ জন্তুঘ্নঃ পিচ্ছিলো ব্রণিনাং হিতঃ | কষাযমধুরো গ্রাহী চুচ্চূস্তেষাং ত্রিদোষহা ||২৫১|| চক্ষুষ্যা সর্বদোষঘ্নী জীবন্তী সমুদাহৃতা | বৃক্ষাদনী বাতহরা, ফঞ্জী ত্বল্পবলা মতা ||২৫২|| ক্ষীরবৃক্ষোত্পলাদীনাং কষাযাঃ পল্লবাঃ স্মৃতাঃ | শীতাঃ সঙ্গ্রাহিণঃ শস্তা রক্তপিত্তাতিসারিণাম্ ||২৫৩||
लघुः पाके च जन्तुघ्नः पिच्छिलो व्रणिनां हितः | कषायमधुरो ग्राही चुच्चूस्तेषां त्रिदोषहा ||२५१|| चक्षुष्या सर्वदोषघ्नी जीवन्ती समुदाहृता | वृक्षादनी वातहरा, फञ्जी त्वल्पबला मता ||२५२|| क्षीरवृक्षोत्पलादीनां कषायाः पल्लवाः स्मृताः | शीताः सङ्ग्राहिणः शस्ता रक्तपित्तातिसारिणाम् ||२५३||
🔊 Audio coming soon
তেষাং কেষাঞ্চিদ্গুণবিশেষমাহ- লঘুরিত্যাদি| ক্ষীরবৃক্ষা অশ্বত্থাদযঃ ; উত্পলানি নীলোত্পলপ্রভৃতীনি, তেষাং পল্লবাঃ||২৫১-২৫৩||
Adhikarana 184 (254) · Śloka 255
পুনর্নবাবরুণতর্কার্যুরুবূকবত্সাদনীবিল্বশাকপ্রভৃতীনি ||২৫৪|| উষ্ণানি স্বাদুতিক্তানি বাতপ্রশমনানি চ |২৫৫|
पुनर्नवावरुणतर्कार्युरुबूकवत्सादनीबिल्वशाकप्रभृतीनि ||२५४|| उष्णानि स्वादुतिक्तानि वातप्रशमनानि च |२५५|
🔊 Audio coming soon
পুনর্নবেত্যাদি| পুনর্নবা শ্বেতপুনর্নবা; বরুণো বৃক্ষবিশেষঃ স্বনামপ্রসিদ্ধঃ; তর্কারী অরণিকা; উরুবূকঃ শুক্লৈরণ্ডঃ; বত্সাদনী বত্সপুত্রকঃ ‘বত্সবতিযা’ ইতি লোকে, গুডূচীত্যপরে; বিল্বশাকং বিল্বজং; প্রভৃতিগ্রহণাদন্যান্যপি| তেষাং সামান্যগুণমাহ- উষ্ণানীত্যাদি||২৫৪||-
Adhikarana 185 (255) · Śloka 255
তেষু পৌনর্নবং শাকং বিশেষাচ্ছোফনাশনম্ ||২৫৫||
तेषु पौनर्नवं शाकं विशेषाच्छोफनाशनम् ||२५५||
🔊 Audio coming soon
বিশেষগুণমাহ- তেষ্বিত্যাদি||২৫৫||
Adhikarana 186 (256) · Śloka 256
তণ্ডুলীযকোপোদকাঽশ্ববলাচিল্লীপালঙ্ক্যাবাস্তূকপ্রভৃতীনি ||২৫৬||
तण्डुलीयकोपोदकाऽश्वबलाचिल्लीपालङ्क्यावास्तूकप्रभृतीनि ||२५६||
🔊 Audio coming soon
তণ্ডুলীযকঃ ‘চুলাই’ ইতি লোকে; উপোদিকা পোই; অশ্ববলা তুরুষ্কদেশে বৃহত্পত্রা মেথিকাভেদ এব ‘হিস্ফিত্থ’ ইতি লোকে, তন্ত্রান্তরে মেথিকাহিস্ফিত্থযোঃ পৃথগ্গুণনির্দেশঃ কৃতঃ- “বাতপিত্তহরা তিক্তা লঘ্বী শ্লেষ্মাবিরোধিনী| মেথিকা তত্সমং কিঞ্চিদ্ধিস্ফিত্থং পুষ্টিদং গুরু”- ইতি| চিল্লী ক্ষেত্রবাস্তুকঃ, ‘গৌডবাস্তুক’ ইত্যন্যে, যবশাকমাহুরেকে, অন্যে তু যবশাকান্তরমাহুঃ; পালঙ্ক্যা ‘পালক্ ’ ইতি লোকে; বাস্তূকষ্টঙ্কবাস্তূকঃ ‘টঙ্কচুচ্চূ’ ইতি লোকে; প্রভৃতিগ্রহণাদপরাণ্যপি||২৫৬||
Adhikarana 187 (257) · Śloka 257
সৃষ্টমূত্রপুরীষাণি সক্ষারমধুরাণি চ | মন্দবাতকফান্যাহূ রক্তপিত্তহরাণি চ ||২৫৭||
सृष्टमूत्रपुरीषाणि सक्षारमधुराणि च | मन्दवातकफान्याहू रक्तपित्तहराणि च ||२५७||
🔊 Audio coming soon
তেষাং সামান্যগুণমাহ- সৃষ্টমূত্রেত্যাদি||২৫৭||
Adhikarana 188 (258-261) · Śloka 261
মধুরো রসপাকাভ্যাং রক্তপিত্তমদাপহঃ | তেষাং শীততমো রূক্ষস্তণ্ডুলীযো বিষাপহঃ ||২৫৮|| স্বাদুপাকরসা বৃষ্যা বাতপিত্তমদাপহা | উপোদকা সরা স্নিগ্ধা বল্যা শ্লেষ্মকরী হিমা ||২৫৯|| কটুর্বিপাকে কৃমিহা মেধাগ্নিবলবর্ধনঃ | সক্ষারঃ সর্বদোষঘ্নো বাস্তূকো রোচনঃ সরঃ ||২৬০|| চিল্লী বাস্তূকবজ্জ্ঞেযা পালঙ্ক্যা তণ্ডুলীযবত্ | বাতকৃদ্বদ্ধবিণ্মূত্রা রূক্ষা পিত্তকফে হিতা | শাকমাশ্ববলং রূক্ষং বদ্ধবিণ্মূত্রমারুতম্ ||২৬১||
मधुरो रसपाकाभ्यां रक्तपित्तमदापहः | तेषां शीततमो रूक्षस्तण्डुलीयो विषापहः ||२५८|| स्वादुपाकरसा वृष्या वातपित्तमदापहा | उपोदका सरा स्निग्धा बल्या श्लेष्मकरी हिमा ||२५९|| कटुर्विपाके कृमिहा मेधाग्निबलवर्धनः | सक्षारः सर्वदोषघ्नो वास्तूको रोचनः सरः ||२६०|| चिल्ली वास्तूकवज्ज्ञेया पालङ्क्या तण्डुलीयवत् | वातकृद्बद्धविण्मूत्रा रूक्षा पित्तकफे हिता | शाकमाश्वबलं रूक्षं बद्धविण्मूत्रमारुतम् ||२६१||
🔊 Audio coming soon
তেষাং বিশেষগুণমাহ- মধুর ইত্যাদি| মদাপহ ইতি মদো বিষমদ্যশোণিতোত্থো বিকারঃ||২৫৮-২৬১||
Adhikarana 189 (262) · Śloka 262
মণ্ডূকপর্ণীসপ্তলাসুনিষণ্ণকসুবর্চলাপিপ্পলীগুডূচীগোজিহ্বা- কাকমাচীপ্রপুন্নাডাবল্গুজসতীনবৃহতীকণ্টকারিকাফল- পটোলবার্তাককারবেল্লককটুকিকাকেবু(ম্বু)কোরুবূকপর্পটককিরাততিক্ত- কর্কোটকারিষ্টকোশাতকীবেত্রকরীরাটরূষকার্কপুষ্পীপ্রভৃতীনি ||২৬২||
मण्डूकपर्णीसप्तलासुनिषण्णकसुवर्चलापिप्पलीगुडूचीगोजिह्वा- काकमाचीप्रपुन्नाडावल्गुजसतीनबृहतीकण्टकारिकाफल- पटोलवार्ताककारवेल्लककटुकिकाकेबु(म्बु)कोरुबूकपर्पटककिराततिक्त- कर्कोटकारिष्टकोशातकीवेत्रकरीराटरूषकार्कपुष्पीप्रभृतीनि ||२६२||
🔊 Audio coming soon
তিক্তপ্রাযাণ্যাহ- মণ্ডূকপর্ণীত্যাদি| মণ্ডূকপর্ণী ব্রাহ্মী; সপ্তলা সেহুণ্ডঃ, জেজ্ঝটস্তু সপ্তলাং যবতিক্তাভেদমাহ; সুনিষণ্ণকঃ ‘সিরিবালিকা’ ইতি লোকে, শ্রীব্রহ্মদেবস্তু চতুর্দলমাহ, তল্লক্ষণং কথ্যতে- “চাঙ্গেরীসদৃশৈঃ পত্রৈঃ সুনিষণ্ণশ্চতুর্দলঃ| শাকো জলান্বিতে দেশে চতুষ্পত্রীতি কথ্যতে”- ইতি; সুবর্চলা সূর্যাবর্তঃ, কেচিন্মারিষসদৃশদণ্ডমার্তগলসদৃশপত্রং লপ্পসমাহুঃ; পিপ্পলীগুডূচ্যৌ প্রসিদ্ধে, পূর্বং পিপ্পলীফলমুক্তম্, অত্র তু পত্রং; গোজিহ্বা দার্বিপত্রিকা কর্কশা দীর্ঘপত্রা ‘গোজীভী’ ইতি লোকে; কাকমাচীপ্রপুন্নাডৌ প্রসিদ্ধৌ; অবল্গুজঃ ‘বাকুচী’ ইতি লোকে; সতীনো বর্তুলকলাযঃ; বৃহতীফলং সামান্যাদ্বৃহতীদ্বযস্য ফলম্, অন্যে তু কণ্টকারিকামপি পঠন্তি; পটোলস্য ফলং পত্রং চ; বার্তাকো বৃন্তাকো বর্তুলফলঃ ‘বংইগণ’ ইতি লোকে; কারবেল্লকঃ স্বনামপ্রসিদ্ধঃ; কটুকিকা অরণ্যকাসমর্দিকা, অন্যে তিক্তারিকামাহুঃ, অপরে তু কটুতিক্তপুষ্পামর্কফলাকারফলাং প্রসিদ্ধামাহুঃ; কেবু(ম্বু)কো গ্রাম্যো বন্যশ্চ স্বনামপ্রসিদ্ধঃ; উরুবূকো রক্তৈরণ্ডঃ, অন্যে তূরুবূকস্য পত্রমত্র গৃহ্যতে; পর্পটকঃ প্রসিদ্ধঃ; কিরাততিক্তকো ভূনিম্বঃ; কর্কোটকঃ প্রসিদ্ধঃ; অরিষ্টো নিম্বঃ; কোশাতকী ঘোষকঃ ‘তোরযি’ ইতি লোকে; বেত্রকরীরং বেত্রাগ্রং; আটরূষকো বাসকঃ; অর্কপুষ্পী অর্কপত্রসদৃশী লতা, অন্যে অর্কপর্ণমাহুঃ| প্রভৃতিগ্রহণাদন্যতিক্তশাকানি জ্ঞেযানি||২৬২||
Adhikarana 190 (263) · Śloka 263
রক্তপিত্তহরাণ্যাহুর্হৃদ্যানি সুলঘূনি চ | কুষ্ঠমেহজ্বরশ্বাসকাসারুচিহরাণি চ ||২৬৩||
रक्तपित्तहराण्याहुर्हृद्यानि सुलघूनि च | कुष्ठमेहज्वरश्वासकासारुचिहराणि च ||२६३||
🔊 Audio coming soon
তেষাং সামান্যগুণমাহ- রক্তপিত্তেত্যাদি||২৬৩||
Adhikarana 191 (264-271) · Śloka 271
কষাযা তু হিতা পিত্তে স্বাদুপাকরসা হিমা | লঘ্বী মণ্ডূকপর্ণী তু তদ্বদ্গোজিহ্বিকা মতা ||২৬৪|| অবিদাহী ত্রিদোষঘ্নঃ সঙ্গ্রাহী সুনিষণ্ণকঃ | অবল্গুজঃ কটুঃ পাকে তিক্তঃ পিত্তকফাপহঃ ||২৬৫|| ঈষত্তিক্তং ত্রিদোষঘ্নং শাকং কটু সতীনজম্ | নাত্যুষ্ণশীতং কুষ্ঠঘ্নং কাকমাচ্যাস্তু তদ্বিধম্ ||২৬৬|| কণ্ডূকুষ্ঠকৃমিঘ্নানি কফবাতহরাণি চ | ফলানি বৃহতীনাং তু কটুতিক্তলঘূনি চ ||২৬৭|| কফপিত্তহরং ব্রণ্যমুষ্ণং তিক্তমবাতলম্ | পটোলং কটুকং পাকে বৃষ্যং রোচনদীপনম্ ||২৬৮|| কফবাতহরং তিক্তং রোচনং কটুকং লঘু | বার্তাকং দীপনং প্রোক্তং জীর্ণং সক্ষারপিত্তলম্ | তদ্বত্ কর্কোটকং বিদ্যাত্ কারবেল্লকমেব চ ||২৬৯|| আটরূষকবেত্রাগ্রগুডূচীনিম্বপর্পটাঃ | কিরাততিক্তসহিতাস্তিক্তাঃ পিত্তকফাপহাঃ ||২৭০|| কফাপহং শাকমুক্তং বরুণপ্রপুনাড(ট)যোঃ | রূক্ষং লঘু চ শীতং চ বাতপিত্তপ্রকোপণম্ ||২৭১||
कषाया तु हिता पित्ते स्वादुपाकरसा हिमा | लघ्वी मण्डूकपर्णी तु तद्वद्गोजिह्विका मता ||२६४|| अविदाही त्रिदोषघ्नः सङ्ग्राही सुनिषण्णकः | अवल्गुजः कटुः पाके तिक्तः पित्तकफापहः ||२६५|| ईषत्तिक्तं त्रिदोषघ्नं शाकं कटु सतीनजम् | नात्युष्णशीतं कुष्ठघ्नं काकमाच्यास्तु तद्विधम् ||२६६|| कण्डूकुष्ठकृमिघ्नानि कफवातहराणि च | फलानि बृहतीनां तु कटुतिक्तलघूनि च ||२६७|| कफपित्तहरं व्रण्यमुष्णं तिक्तमवातलम् | पटोलं कटुकं पाके वृष्यं रोचनदीपनम् ||२६८|| कफवातहरं तिक्तं रोचनं कटुकं लघु | वार्ताकं दीपनं प्रोक्तं जीर्णं सक्षारपित्तलम् | तद्वत् कर्कोटकं विद्यात् कारवेल्लकमेव च ||२६९|| आटरूषकवेत्राग्रगुडूचीनिम्बपर्पटाः | किराततिक्तसहितास्तिक्ताः पित्तकफापहाः ||२७०|| कफापहं शाकमुक्तं वरुणप्रपुनाड(ट)योः | रूक्षं लघु च शीतं च वातपित्तप्रकोपणम् ||२७१||
🔊 Audio coming soon
বিশেষগুণমাহ- কষাযেত্যাদি| তদ্বিধমিতি ত্রিদোষঘ্নম্| জীর্ণং পক্বম্| গুডূচীহ কফপিত্তহরা, চরকে চ ‘বাযুং বত্সাদনী হন্যাত্’ (চ. সূ. অ. ২৭) ইতি স্নিগ্ধোষ্ণবীর্যত্বাত্, তস্মাত্ত্রিদোষঘ্নী| পূর্ববর্গপঠিতোঽপি বরুণঃ প্রপুন্নাডসামান্যগুণত্বাদত্র পঠিতঃ| শীতং চেতি চকারান্নাত্যুষ্ণশীতং, তেন সংযুক্তবাতপিত্তকর্তৃত্বং; যদি বা শীতমপি পিত্তকৃত্ প্রভাবাত্||২৬৪-২৭১||
Adhikarana 192 (272-273) · Śloka 273
দীপনং কালশাকং তু গরদোষহরং কটু | কৌসুম্ভং মধুরং রূক্ষমুষ্ণং শ্লেষ্মহরং লঘু ||২৭২|| বাতলং নালিকাশাকং পিত্তঘ্নং মধুরং চ তত্ | গ্রহণ্যর্শোবিকারঘ্নী সাম্লা বাতকফে হিতা | উষ্ণা কষাযমধুরা চাঙ্গেরী চাগ্নিদীপনী ||২৭৩||
दीपनं कालशाकं तु गरदोषहरं कटु | कौसुम्भं मधुरं रूक्षमुष्णं श्लेष्महरं लघु ||२७२|| वातलं नालिकाशाकं पित्तघ्नं मधुरं च तत् | ग्रहण्यर्शोविकारघ्नी साम्ला वातकफे हिता | उष्णा कषायमधुरा चाङ्गेरी चाग्निदीपनी ||२७३||
🔊 Audio coming soon
প্রভৃতিশব্দগৃহীতান্যাহ- দীপনমিত্যাদি| কালশাকং কালিযাশাকং শ্রাদ্ধার্হম্| কৌসুম্ভং প্রসিদ্ধম্| নাডিকা ‘নালী’ ইতি লোকে| চাঙ্গেরী ‘অম্লচাঙ্গেরী’ ইতি লোকে||২৭২-২৭৩||
Adhikarana 193 (274) · Śloka 274
লোণিকাজাতুকত্রিপর্ণিকাপত্তূরজীবকসুবর্চলাডুডুরককুতুম্বককুঠিঞ্জরকুন্তলিকাকুরণ্টিকাপ্রভৃতযঃ ||২৭৪||
लोणिकाजातुकत्रिपर्णिकापत्तूरजीवकसुवर्चलाडुडुरककुतुम्बककुठिञ्जरकुन्तलिकाकुरण्टिकाप्रभृतयः ||२७४||
🔊 Audio coming soon
লোণিকেত্যাদি| লোণিকা লোণিযা; জাতুকং শুক্লশালপর্ণী; ত্রিপর্ণিকা দুগ্ধিকা, বনকার্পাসীত্যপরে; পত্তূরঃ শিরবালিকাভেদো মহাপত্রঃ; জীবকো জীবনামা স্বনামপ্রসিদ্ধঃ; সুবর্চলা সূর্যাবর্তভেদঃ, ডুডুরকঃ স্বনামপ্রসিদ্ধঃ; কুতুম্বকো দ্রোণপুষ্পঃ; কুঠিঞ্জরঃ কুরহঞ্জনকঃ ‘কোল্হসুআ’ ইতি লোকে; কুনাডিকেতি ক্বচিত্, তত্র কুনাডিকা গোনাডীকঃ; কুন্তলিকা চুচ্চূসদৃশা দীর্ঘপত্রা; কুরুণ্টিকা অম্লানসদৃশপত্রকুসুমা হরিতপুষ্পা, অন্যে ‘কুনালিকাকুরণ্টিকে উত্তরাপথজে’ ইত্যাহুঃ, কেচিত্ত্রিপর্ণ্যাদীনাং শ্লোকেন নির্দেশং কুর্বন্তি||২৭৪||
Adhikarana 194 (275) · Śloka 275
স্বাদুপাকরসাঃ শীতাঃ কফঘ্না নাতিপিত্তলাঃ | লবণানুরসা রূক্ষাঃ সক্ষারা বাতলাঃ সরাঃ ||২৭৫||
स्वादुपाकरसाः शीताः कफघ्ना नातिपित्तलाः | लवणानुरसा रूक्षाः सक्षारा वातलाः सराः ||२७५||
🔊 Audio coming soon
তেষাং সামান্যং গুণমাহ- স্বাদুপাকেত্যাদি||২৭৫||
Adhikarana 195 (276) · Śloka 276
স্বাদুতিক্তা কুন্তলিকা কষাযা সকুরণ্টিকা |২৭৬|
स्वादुतिक्ता कुन्तलिका कषाया सकुरण्टिका |२७६|
🔊 Audio coming soon
বিশেষগুণমাহ- স্বাদ্বিত্যাদি|২৭৬|
Adhikarana 196 (276) · Śloka 276
সঙ্গ্রাহি শীতলং চাপি লঘু দোষাপহং তথা | রাজক্ষবকশাকং তু শটীশাকং চ তদ্বিধম্ ||২৭৬||
सङ्ग्राहि शीतलं चापि लघु दोषापहं तथा | राजक्षवकशाकं तु शटीशाकं च तद्विधम् ||२७६||
🔊 Audio coming soon
প্রভৃতিগৃহীতমাহ- সঙ্গ্রাহীত্যাদি ‘দোষাপহং তথা’ ইত্যত্র ‘দোষবিরোধি চ’ ইতি কেচিত্ পঠন্তি, তন্নেচ্ছতি জেজ্ঝটঃ| রাজক্ষবকশাকং কৃষ্ণরাজিকা, অন্যে তু ‘রাজক্ষবকো বৃহত্পত্রঃ ক্ষবথুকাকর’ ইত্যাহুঃ| শটী স্বনামপ্রসিদ্ধা| তদ্বিধমিতি রাজক্ষবকসদৃশম্||২৭৬||
Adhikarana 197 (277) · Śloka 277
স্বাদুপাকরসং শাকং দুর্জরং হরিমন্থজম্ |২৭৭|
स्वादुपाकरसं शाकं दुर्जरं हरिमन्थजम् |२७७|
🔊 Audio coming soon
স্বাদ্বিত্যাদি| হরিমন্থশ্চণকঃ|২৭৭|
Adhikarana 198 (277) · Śloka 277
ভেদনং মধুরং রূক্ষং কালাযমতিবাতলম্ ||২৭৭||
भेदनं मधुरं रूक्षं कालायमतिवातलम् ||२७७||
🔊 Audio coming soon
ভেদনমিত্যাদি| পূর্বং সতীনো বর্তুলকলাযঃ, ইহ তু ত্রিপুটককলাযঃ||২৭৭||
Adhikarana 199 (278) · Śloka 278
স্রংসনং কটুকং পাকে লঘু বাতকফাপহম্ | শোফঘ্নমুষ্ণবীর্যং চ পত্রং পূতিকরঞ্জজম্ ||২৭৮||
स्रंसनं कटुकं पाके लघु वातकफापहम् | शोफघ्नमुष्णवीर्यं च पत्रं पूतिकरञ्जजम् ||२७८||
🔊 Audio coming soon
স্রংসনমিত্যাদি| পূতিকরঞ্জঃ কণ্টকিকরঞ্জঃ, অন্যে তু পূতিকশ্চিরবিল্বঃ, করঞ্জো নক্তমালঃ||২৭৮||
Adhikarana 200 (279-280) · Śloka 280
তাম্বূলপত্রং তীক্ষ্ণোষ্ণং কটু পিত্তপ্রকোপণম্ | সুগন্ধি বিশদং তিক্তং স্বর্যং বাতকফাপহম্ ||২৭৯|| স্রংসনং কটুকং পাকে কষাযং বহ্নিদীপনম্ | বক্ত্রকণ্ডূমলক্লেদদৌর্গন্ধ্যাদিবিশোধনম্ ||২৮০||
ताम्बूलपत्रं तीक्ष्णोष्णं कटु पित्तप्रकोपणम् | सुगन्धि विशदं तिक्तं स्वर्यं वातकफापहम् ||२७९|| स्रंसनं कटुकं पाके कषायं वह्निदीपनम् | वक्त्रकण्डूमलक्लेददौर्गन्ध्यादिविशोधनम् ||२८०||
🔊 Audio coming soon
তাম্বূলেত্যাদি| তাম্বূলপত্রং নাগবল্লীপত্রং ‘পর্ণম্’ ইতি লোকে| স্রংসনং কটুকং পাকে ইত্যন্তং পর্ণমুক্ত্বা কষাযমিত্যাদি পূগফলং, তস্য ফলবর্গ এব পঠিতত্বান্ন পঠনীযমিত্যেকে, অন্যে ফলবর্গে পক্বমিত্যুক্তং শাকেষু ত্বপক্বমার্দ্রং চেত্যাহুঃ||২৭৯-২৮০||
Adhikarana 201 (281) · Śloka 281
অথ পুষ্পবর্গঃ | কোবিদারশণশাল্মলীপুষ্পাণি মধুরাণি মধুরবিপাকানি রক্তপিত্তহরাণি চ; বৃষাগস্ত্যযোঃ পুষ্পাণি তিক্তানি কটুবিপাকানি ক্ষযকাসাপহানি চ ||২৮১||
अथ पुष्पवर्गः | कोविदारशणशाल्मलीपुष्पाणि मधुराणि मधुरविपाकानि रक्तपित्तहराणि च; वृषागस्त्ययोः पुष्पाणि तिक्तानि कटुविपाकानि क्षयकासापहानि च ||२८१||
🔊 Audio coming soon
অথ পুষ্পশাকান্যাহ- কোবিদারেত্যাদি| কোবিদারঃ কাঞ্চনারস্তদ্ভেদো বা; শণো বন্ধনার্হত্বক্ প্রসিদ্ধঃ| তেষাং সামান্যগুণমাহ- মধুরাণীত্যাদি| বৃষেত্যাদি| বৃষো বাসকঃ, অগস্ত্যঃ ‘অগথীযা’ ইতি লোকে||২৮১||
Adhikarana 202 (282) · Śloka 282
আগস্ত্যং নাতিশীতোষ্ণং নক্তান্ধানাং প্রশস্যতে ||২৮২||
आगस्त्यं नातिशीतोष्णं नक्तान्धानां प्रशस्यते ||२८२||
🔊 Audio coming soon
তযোরগস্ত্যপুষ্পস্য গুণবিশেষমাহ- আগস্ত্যমিত্যাদি||২৮২||
Adhikarana 203 (283) · Śloka 283
করীরকুসুমানি কটুবিপাকানি বাতহরাণি সৃষ্টমূত্রপুরীষাণি চ ||২৮৩||
करीरकुसुमानि कटुविपाकानि वातहराणि सृष्टमूत्रपुरीषाणि च ||२८३||
🔊 Audio coming soon
করীরেত্যাদি| অত্রাপি রসবীর্যবিপাকপ্রভাবিতং কার্যং যোজনীযম্||২৮৩||
Adhikarana 204 (284) · Śloka 284
রক্তবৃক্ষস্য নিম্বস্য মুষ্ককার্কাসনস্য চ | কফপিত্তহরং পুষ্পং কুষ্ঠঘ্নং কুটজস্য চ ||২৮৪||
रक्तवृक्षस्य निम्बस्य मुष्ककार्कासनस्य च | कफपित्तहरं पुष्पं कुष्ठघ्नं कुटजस्य च ||२८४||
🔊 Audio coming soon
রক্তবৃক্ষস্যেত্যাদি| রক্তবৃক্ষস্য রক্তচন্দনস্য| মুষ্ককস্য ক্ষারবৃক্ষস্য ‘মোখ-উ’ ইতি লোকে, অসনো বীজকঃ| শেষং প্রসিদ্ধম্||২৮৪||
Adhikarana 205 (285) · Śloka 285
সতিক্তং মধুরং শীতং পদ্মং পিত্তকফাপহম্ | মধুরং পিচ্ছিলং স্নিগ্ধং কুমুদং হ্লাদি শীতলম্ | তস্মাদল্পান্তরগুণে বিদ্যাত্ কুবলযোত্পলে ||২৮৫||
सतिक्तं मधुरं शीतं पद्मं पित्तकफापहम् | मधुरं पिच्छिलं स्निग्धं कुमुदं ह्लादि शीतलम् | तस्मादल्पान्तरगुणे विद्यात् कुवलयोत्पले ||२८५||
🔊 Audio coming soon
সতিক্তমিত্যাদি| পদ্মং পদ্মপুষ্পং সূর্যোদযবিকাসি| কুমুদং চন্দ্রোদযবিকাসি| কুবলযং কুমুদভেদঃ, উত্পলং স্বনামপ্রসিদ্ধম্||২৮৫||
Adhikarana 206 (286) · Śloka 286
সিন্ধুবারং বিজানীযাদ্ধিমং পিত্তবিনাশনম্ |২৮৬|
सिन्धुवारं विजानीयाद्धिमं पित्तविनाशनम् |२८६|
🔊 Audio coming soon
সিন্ধুবারমিত্যাদি| সিন্ধুবারং নির্গুণ্ডীপুষ্পম্|২৮৬|
Adhikarana 207 (286) · Śloka 286
মালতীমল্লিকে তিক্তে সৌরভ্যাত্ পিত্তনাশনে ||২৮৬||
मालतीमल्लिके तिक्ते सौरभ्यात् पित्तनाशने ||२८६||
🔊 Audio coming soon
মালতীত্যাদি| মালতী জাতী; মল্লিকা প্রসিদ্ধা| সৌরভ্যাত্ সৌগন্ধ্যাত্||২৮৬||
Adhikarana 208 (287) · Śloka 287
সুগন্ধি বিশদং হৃদ্যং বাকুলং পাটলানি চ | শ্লেষ্মপিত্তবিষঘ্নং তু নাগং তদ্বচ্চ কুঙ্কুমম্ ||২৮৭||
सुगन्धि विशदं हृद्यं बाकुलं पाटलानि च | श्लेष्मपित्तविषघ्नं तु नागं तद्वच्च कुङ्कुमम् ||२८७||
🔊 Audio coming soon
সুগন্ধীত্যাদি| নাগং নাগকেশরম্| তদ্বন্নাগবত্| কুঙ্কুমং প্রসিদ্ধম্||২৮৭||
Adhikarana 209 (288) · Śloka 288
চম্পকং রক্তপিত্তঘ্নং শীতোষ্ণং কফনাশনম্ | কিংশুকং কফপিত্তঘ্নং তদ্বদেব কুরণ্টকম্ ||২৮৮||
चम्पकं रक्तपित्तघ्नं शीतोष्णं कफनाशनम् | किंशुकं कफपित्तघ्नं तद्वदेव कुरण्टकम् ||२८८||
🔊 Audio coming soon
কিংশুকং পলাশপুষ্পং, কুরণ্টকং সহচরপুষ্পম্||২৮৮||
Adhikarana 210 (289) · Śloka 289
যথাবৃক্ষং বিজানীযাত্ পুষ্পং বৃক্ষোচিতং তথা |২৮৯|
यथावृक्षं विजानीयात् पुष्पं वृक्षोचितं तथा |२८९|
🔊 Audio coming soon
উপসংহারমাহ- যথেন্যাদি| বৃক্ষোচিতং বৃক্ষানুসারেণেত্যর্থঃ|২৮৯|
Adhikarana 211 (289) · Śloka 289
মধুশিগ্রুকরীরাণি কটূনি শ্লেষ্মহরাণি চ ||২৮৯||
मधुशिग्रुकरीराणि कटूनि श्लेष्महराणि च ||२८९||
🔊 Audio coming soon
মধ্বিত্যাদি| মধুশিগ্রূ রক্তশোভাঞ্জনকঃ, তস্য করীরাণি কোমলা নালাঃ; অন্যে তু ‘মধুশিগ্রূকরীরাণি’ ইত্যত্র ‘মধুশিগ্রুকরীরযোঃ পুষ্পাণি’ ইতি ব্যাচক্ষতে, তে তু ‘করীরকুসুমানি’ ইতি পূর্বপাঠং ন মন্যন্তে||২৮৯||
Adhikarana 212 (290) · Śloka 290
ক্ষবককুলেবরবংশকরীরপ্রভৃতীনি কফকরাণি সৃষ্টমূত্রপুরীষাণি চ ||২৯০||
क्षवककुलेवरवंशकरीरप्रभृतीनि कफकराणि सृष्टमूत्रपुरीषाणि च ||२९०||
🔊 Audio coming soon
উদ্ভিদশাকান্যাহ- ক্ষবকেত্যাদি| ক্ষবকশ্ছত্রকঃ, কুলেবরং খুখুণ্ডকঃ , বংশকরীরো বংশাঙ্কুরঃ; অন্যে তু ক্ষবকং দ্রোণপুষ্পীসদৃশং বিটপমাহুঃ, তন্ন, তস্যানুদ্ভিদত্বাত্| প্রভৃতিগ্রহণাদন্যান্যপ্যুদ্ভিদানি| তেষাং সামান্যগুণমাহ- কফহরাণীত্যাদি||২৯০||
Adhikarana 213 (291-292) · Śloka 292
ক্ষবকং কৃমিলং তেষু স্বাদুপাকং সপিচ্ছলম্ | বিস্যন্দি বাতলং নাতিপিত্তশ্লেষ্মকরং চ তত্ ||২৯১|| বেণোঃ করীরাঃ কফলা মধুরা রসপাকতঃ | বিদাহিনো বাতকরাঃ সকষাযা বিরূক্ষণাঃ ||২৯২||
क्षवकं कृमिलं तेषु स्वादुपाकं सपिच्छलम् | विस्यन्दि वातलं नातिपित्तश्लेष्मकरं च तत् ||२९१|| वेणोः करीराः कफला मधुरा रसपाकतः | विदाहिनो वातकराः सकषाया विरूक्षणाः ||२९२||
🔊 Audio coming soon
তেষাং কস্যচিদ্বিশেষগুণমাহ- ক্ষবকমিত্যাদি| বিস্যন্দি শ্লেষ্মস্রাবি, এতেন শ্লেষ্মণো জনকপ্রবর্তকত্বমুক্তম্| বেণোঃ করীরা ইতি কেচিন্মধুররসপাকিত্ববিদাহিত্বযোর্বিরোধমাহুঃ, তন্ন প্রভাবাত্||২৯১-২৯২||
Adhikarana 214 (293) · Śloka 293
উদ্ভিদানি পলালেক্ষুকরীষবেণুক্ষিতিজানি | তত্র পলালজাতং মধুরং মধুরবিপাকং রূক্ষং দোষপ্রশমনং চ | ইক্ষুজং মধুরং কষাযানুরসং কটুপাকং শীতলং চ | তদ্বদেবোষ্ণং কারীষং কষাযং বাতকোপনং চ, (বেণুজাতং কষাযং বাতকোপনং চ,) ভূমিজং গুরু নাতিবাতলং ভূমিতশ্চাস্যানুরসঃ ||২৯৩||
उद्भिदानि पलालेक्षुकरीषवेणुक्षितिजानि | तत्र पलालजातं मधुरं मधुरविपाकं रूक्षं दोषप्रशमनं च | इक्षुजं मधुरं कषायानुरसं कटुपाकं शीतलं च | तद्वदेवोष्णं कारीषं कषायं वातकोपनं च, (वेणुजातं कषायं वातकोपनं च,) भूमिजं गुरु नातिवातलं भूमितश्चास्यानुरसः ||२९३||
🔊 Audio coming soon
আধারবিশেষেণাপ্যুদ্ভিদানাং গুণবিশেষমাহ- উদ্ভিদানীত্যাদি| উদ্ভিদানি ছত্রকাদীনি| তদ্বদিতি ইক্ষুজসদৃশম্| ভূমিতশ্চাস্যানুরস ইতি ভূমিসদৃশগুণমিত্যর্থঃ| যদ্যপি বেণুজস্য গুণা নোক্তাঃ, তথাঽপি তদাধারসদৃশগুণমূহ্যম্||২৯৩||
Adhikarana 215 (294) · Śloka 294
পিণ্যাকতিলকল্কস্থূণিকাশুষ্কশাকানি সর্বদোষপ্রকোপণানি ||২৯৪||
पिण्याकतिलकल्कस्थूणिकाशुष्कशाकानि सर्वदोषप्रकोपणानि ||२९४||
🔊 Audio coming soon
শুষ্কশাকবিশেষগুণমাহ- পিণ্যাকেত্যাদি| উমাসর্ষপাদীনাং যন্ত্রাদিপীডিতানাং নিঃস্নেহকল্কঃ পিণ্যাকঃ| তিলকল্কস্তিলপিণ্যাকঃ, সোঽপি যন্ত্রাদিপীডিতঃ| স্থূণিকাশুষ্কশাকানি নানাশাকৈঃ কৃতা বটকাঃ; ন তু শুষ্কশাকমিতি ভিন্নং, তস্যোক্তগুণত্বাত্; স্থূণিকারূপাণি শুষ্কশাকানীতি বাঽর্থঃ, তত্রাপি স্থূণিকা বটকাঃ; অন্যে তু ‘পিণ্যাকীতিলপত্রস্থূণিকাশুষ্কশাকানি’ ইতি পঠন্তি ব্যাখ্যানযন্তি চ- পিণ্যাকীশাকং কচ্ছবিষযে প্রাযশঃ , তিলপত্রং তিলবিপটশাকং, স্থূণিকা অতরুণশুষ্কশাকং মূলকশাকং বিহাযান্যত্ সর্বং, তন্নেচ্ছতি গযী||২৯৪||
Adhikarana 216 (295) · Śloka 295
বিষ্টম্ভিনঃ স্মৃতাঃ সর্বে বটকা বাতকোপনাঃ |২৯৫|
विष्टम्भिनः स्मृताः सर्वे वटका वातकोपनाः |२९५|
🔊 Audio coming soon
স্থূণিকাশুষ্কশাকানাং গুণকর্মাহ- বিষ্টম্ভিন ইত্যাদি| বটকাঃ পিষ্টকাসমর্দককূষ্মাণ্ডকমূলকাদিকৃতা মুদ্গাদিকৃতাশ্চ| সবাততোদশূলা মলাপ্রবৃত্তির্বিষ্টম্ভঃ|২৯৫|
Adhikarana 217 (295) · Śloka 295
সিণ্ডাকী বাতলা সার্দ্রা রুচিষ্যাঽনলদীপনী ||২৯৫||
सिण्डाकी वातला सार्द्रा रुचिष्याऽनलदीपनी ||२९५||
🔊 Audio coming soon
শুষ্কশাকপ্রকরণাচ্ছুষ্কশাকবিশেষস্য গুণমাহ- সিণ্ডাকীত্যাদি| মূলকাদিশাকমেব কিঞ্চিত্ স্বিন্নং ক্ষুণ্ণং সুগন্ধিকটুদ্রব্যান্বিতং বটকীকৃতং সূদেষু ‘সিণ্ডাকী’ ইত্যুচ্যতে; সা দ্বিবিধা- আর্দ্রা, শুষ্কা চ; শুষ্কা বটকান্তর্গতা, আর্দ্রাযাস্ত্বযমেব গুণনির্দেশঃ||২৯৫||
Adhikarana 218 (296) · Śloka 296
বিড্ভেদি গুরু রূক্ষং চ প্রাযো বিষ্টম্ভি দুর্জরম্ | সকষাযং চ সর্বং হি স্বাদু শাকমুদাহৃতম্ | পুষ্পং পত্রং ফলং নালং কন্দাশ্চ গুরবঃ ক্রমাত্ ||২৯৬||
विड्भेदि गुरु रूक्षं च प्रायो विष्टम्भि दुर्जरम् | सकषायं च सर्वं हि स्वादु शाकमुदाहृतम् | पुष्पं पत्रं फलं नालं कन्दाश्च गुरवः क्रमात् ||२९६||
🔊 Audio coming soon
স্বাদুশাকবিষযাং পরিভাষামাহ- বিড্ভেদীত্যাদি| স্বাদু যচ্ছাকং তত্সর্বমেবৈবঙ্গুণমিত্যর্থঃ| পুষ্পমিত্যাদি ক্বচিত্ পাঠঃ||২৯৬||
Adhikarana 219 (297) · Śloka 297
কর্কশং পরিজীর্ণং চ কৃমিজুষ্টমদেশজম্ | বর্জযেত্ পত্রশাকং তদ্যদকালবিরোহি চ ||২৯৭|| ইতি শাকবর্গঃ |
कर्कशं परिजीर्णं च कृमिजुष्टमदेशजम् | वर्जयेत् पत्रशाकं तद्यदकालविरोहि च ||२९७|| इति शाकवर्गः |
🔊 Audio coming soon
বর্জনীযপত্রশাকবিষযাং পরিভাষামাহ- কর্কশমিত্যাদি| কর্কশং খরস্পর্শম্| পরিজীর্ণং পুরাতনম্, কৃমিজুষ্টং কৃমিভক্ষিতম্| অদেশজমনুচিতদেশোত্পন্নম্| অকালবিরোহি অকালজম্||২৯৭||
Adhikarana 220 (298) · Śloka 298
অথ কন্দবর্গঃ | কন্দানাত ঊর্ধ্বং বক্ষ্যামঃ- বিদারীকন্দশতাবরীবিসমৃণালশৃঙ্গাটককশেরুকপিণ্ডালুকমধ্বালুক- হস্ত্যালুককাষ্ঠালুকশঙ্খালুকরক্তালুকেন্দীবরোত্পলকন্দপ্রভৃতীনি ||২৯৮||
अथ कन्दवर्गः | कन्दानात ऊर्ध्वं वक्ष्यामः- विदारीकन्दशतावरीबिसमृणालशृङ्गाटककशेरुकपिण्डालुकमध्वालुक- हस्त्यालुककाष्ठालुकशङ्खालुकरक्तालुकेन्दीवरोत्पलकन्दप्रभृतीनि ||२९८||
🔊 Audio coming soon
কেচিত্ ফলবদুপযুজ্যমানত্বাত্ ফলবর্গাদনন্তরং কন্দান্ পঠন্তি, শাকবিষযত্বাদন্যে শাকানন্তরমিতি কন্দানাহ- কন্দানত ইত্যাদি| বিদারী বিদারীকন্দঃ; শতাবরী শতমূলী স্বানামপ্রসিদ্ধা; বিসং পদ্মমূলম্, অন্যে স্থূলপদ্মনালং বিসমাহুঃ; মৃণালং পদ্মমূলাত্ স্থূলপ্ররোহঃ, অন্যে তু সূক্ষ্মং নালমাহুঃ; শৃঙ্গাটকং জলমধ্যে ত্রিকণ্টকং ‘সিঙ্ঘাডা’ ইতি লোকে; কশেরুকপিণ্ডালূপ্রসিদ্ধৌ; মধ্বালুকং রোমশং মধুরাস্বাদমেব; হস্ত্যালুকং মহত্কাষ্ঠালুকমিত্যেকে; কাষ্ঠালুকশঙ্খালুকরক্তালুকোত্পলকন্দাঃ স্বনামপ্রসিদ্ধাঃ| প্রভৃতিগ্রহণাত্ কেলূটমুঞ্জাতকাদযঃ||২৯৮||
Adhikarana 221 (299) · Śloka 299
রক্তপিত্তহরাণ্যাহুঃ শীতানি মধুরাণি চ | গুরূণি বহুশুক্রাণি স্তন্যবৃদ্ধিকরাণি চ ||২৯৯||
रक्तपित्तहराण्याहुः शीतानि मधुराणि च | गुरूणि बहुशुक्राणि स्तन्यवृद्धिकराणि च ||२९९||
🔊 Audio coming soon
তেষাং সামান্যগুণমাহ- রক্তপিত্তেত্যাদি||২৯৯||
Adhikarana 222 (300-302) · Śloka 302
মধুরো বৃংহণো বৃষ্যঃ শীতঃ স্বর্যোঽতিমূত্রলঃ | বিদারীকন্দো বল্যশ্চ পিত্তবাতহরশ্চ সঃ ||৩০০|| বাতপিত্তহরী বৃষ্যা স্বাদুতিক্তা শতাবরী | মহতী চৈব হৃদ্যা চ মেধাগ্নিবলবর্ধিনী ||৩০১|| গ্রহণ্যর্শোবিকারঘ্নী বৃষ্যা শীতা রসাযনী | কফপিত্তহরাস্তিক্তাস্তস্যা এবাঙ্কুরাঃ স্মৃতাঃ ||৩০২||
मधुरो बृंहणो वृष्यः शीतः स्वर्योऽतिमूत्रलः | विदारीकन्दो बल्यश्च पित्तवातहरश्च सः ||३००|| वातपित्तहरी वृष्या स्वादुतिक्ता शतावरी | महती चैव हृद्या च मेधाग्निबलवर्धिनी ||३०१|| ग्रहण्यर्शोविकारघ्नी वृष्या शीता रसायनी | कफपित्तहरास्तिक्तास्तस्या एवाङ्कुराः स्मृताः ||३०२||
🔊 Audio coming soon
তেষাং বিশেষগুণমাহ- মধুর ইত্যাদি| মহদল্পভেদেন শতাবরী দ্বিবিধা| তস্যা এবাঙ্কুরাঃ শতাবর্যঙ্কুরা ইত্যর্থঃ||৩০০-৩০২||
Adhikarana 223 (303-304) · Śloka 305
অবিদাহি বিসং প্রোক্তং রক্তপিত্তপ্রসাদনম্ | বিষ্টম্ভি দুর্জরং রূক্ষং বিরসং মারুতাবহম্ ||৩০৩|| গুরূ বিষ্টম্ভিশীতৌ চ শৃঙ্গাটককশেরুকৌ | পিণ্ডালুকং কফকরং গুরু বাতপ্রকোপণম্ ||৩০৪|| সুরেন্দ্রকন্দঃ শ্লেষ্মঘ্নো বিপাকে কটু পিত্তকৃত্ |৩০৫|
अविदाहि बिसं प्रोक्तं रक्तपित्तप्रसादनम् | विष्टम्भि दुर्जरं रूक्षं विरसं मारुतावहम् ||३०३|| गुरू विष्टम्भिशीतौ च शृङ्गाटककशेरुकौ | पिण्डालुकं कफकरं गुरु वातप्रकोपणम् ||३०४|| सुरेन्द्रकन्दः श्लेष्मघ्नो विपाके कटु पित्तकृत् |३०५|
🔊 Audio coming soon
সুরেন্দ্রকন্দো বজ্রকন্দঃ||৩০৩-৩০৪||-
Adhikarana 224 (305) · Śloka 305
বেণোঃ করীরা গুরবঃ কফমারুতকোপনাঃ ||৩০৫||
वेणोः करीरा गुरवः कफमारुतकोपनाः ||३०५||
🔊 Audio coming soon
বেণোরিত্যাদি| বেণোঃ করীরা বংশমূলাঙ্কুরাঃ||৩০৫||
Adhikarana 225 (306) · Śloka 306
স্থূলসূরণমাণকপ্রভৃতযঃ কন্দা ঈষত্কষাযাঃ কটুকা রূক্ষা বিষ্টম্ভিনো গুরবঃ কফবাতলাঃ পিত্তহরাশ্চ ||৩০৬||
स्थूलसूरणमाणकप्रभृतयः कन्दा ईषत्कषायाः कटुका रूक्षा विष्टम्भिनो गुरवः कफवातलाः पित्तहराश्च ||३०६||
🔊 Audio coming soon
অন্যানপি কন্দানেকগুণান্ বর্গীকৃত্যাহ- স্থূলেত্যাদি| স্থূলকন্দো গ্রাম্যকন্দঃ; কেচিত্ ‘সকলকন্দ’ ইতি পঠন্তি, তত্রাপি স এবার্থঃ; শূরণঃ স্বনামপ্রসিদ্ধঃ; মাণকং মহাপত্রং যথাপূর্বমধঃপত্রপরিত্যাগি| প্রভৃতিশব্দাত্ কেবদাদিকন্দাঃ| তেষাং সামান্যগুণমাহ- ঈষত্কষাযা ইত্যাদি||৩০৬||
Adhikarana 226 (307) · Śloka 307
মান(ণ)কং স্বাদু শীতং চ গুরু চাপি প্রকীর্তিতম্ | স্থূলকন্দস্তু নাত্যুষ্ণঃ সূরণো গুদকীলহা ||৩০৭||
मान(ण)कं स्वादु शीतं च गुरु चापि प्रकीर्तितम् | स्थूलकन्दस्तु नात्युष्णः सूरणो गुदकीलहा ||३०७||
🔊 Audio coming soon
বিশেষণগুণমাহ- মানকমিত্যাদি||৩০৭||
Adhikarana 227 (308-309) · Śloka 309
কুমুদোত্পলপদ্মানাং কন্দা মারুতকোপনাঃ | কষাযাঃ পিত্তশমনা বিপাকে মধুরা হিমাঃ ||৩০৮|| বারাহকন্দঃ শ্লেষ্মঘ্নঃ কটুকো রসপাকতঃ | মেহকুষ্ঠকৃমিহরো বল্যো বৃষ্যো রসাযনঃ ||৩০৯||
कुमुदोत्पलपद्मानां कन्दा मारुतकोपनाः | कषायाः पित्तशमना विपाके मधुरा हिमाः ||३०८|| वाराहकन्दः श्लेष्मघ्नः कटुको रसपाकतः | मेहकुष्ठकृमिहरो बल्यो वृष्यो रसायनः ||३०९||
🔊 Audio coming soon
তদন্যকন্দানাহ- কুমুদেত্যাদি| কুমুদং শ্বেতোত্পলম্, উত্পলং নীলোত্পলম্| তেষাং সামান্যগুণমাহ- মারুতকোপনা ইত্যাদি| বরাহকন্দ ইতি বরাহকন্দো ‘বকালুক’ ইতি প্রসিদ্ধঃ, অন্যে তু ‘বারাহী’ ইতি পঠন্তি, বারাহী গৃষ্টিকোচ্যতে||৩০৮-৩০৯||
Adhikarana 228 (310) · Śloka 310
তালনারিকেলখর্জূরপ্রভৃতীনাং মস্তকমজ্জানঃ ||৩১০||
तालनारिकेलखर्जूरप्रभृतीनां मस्तकमज्जानः ||३१०||
🔊 Audio coming soon
মূলপ্রসঙ্গেনাগ্রগুণমপি কেষাঞ্চিদাহ- তালেত্যাদি| তালাদযঃ প্রসিদ্ধাঃ| মস্তকমজ্জানস্তালাদিবৃক্ষাগ্রমজ্জানঃ||৩১০||
Adhikarana 229 (311) · Śloka 311
স্বাদুপাকরসানাহূ রক্তপিত্তহরাংস্তথা | শুক্রলাননিলঘ্নাংশ্চ কফবৃদ্ধিকরানপি ||৩১১||
स्वादुपाकरसानाहू रक्तपित्तहरांस्तथा | शुक्रलाननिलघ्नांश्च कफवृद्धिकरानपि ||३११||
🔊 Audio coming soon
সামান্যগুণমাহ- স্বাদুপাকেত্যাদি||৩১১||
Adhikarana 230 (312) · Śloka 312
বালং হ্যনার্তবং জীর্ণং ব্যাধিতং ক্রিমিভক্ষিতম্ | কন্দং বিবর্জযেত্ সর্বং যো বা সম্যঙ্ন রোহতি ||৩১২||
बालं ह्यनार्तवं जीर्णं व्याधितं क्रिमिभक्षितम् | कन्दं विवर्जयेत् सर्वं यो वा सम्यङ्न रोहति ||३१२||
🔊 Audio coming soon
হেযমাহ- বালমিত্যাদি| ইতি কন্দবর্গঃ||৩১২||
Adhikarana 231 (313) · Śloka 313
অথ লবণবর্গঃ | অথ লবণানি- সৈন্ধবসামুদ্রবিডসৌবর্চলরোমকৌদ্ভিদপ্রভৃতীনি যথোত্তরমুষ্ণানি বাতহরাণি কফপিত্তকরাণি কটুপাকীনি যথাপূর্বং স্নিগ্ধানি স্বাদূনি সৃষ্টমূত্রপুরীষাণি চেতি ||৩১৩||
अथ लवणवर्गः | अथ लवणानि- सैन्धवसामुद्रविडसौवर्चलरोमकौद्भिदप्रभृतीनि यथोत्तरमुष्णानि वातहराणि कफपित्तकराणि कटुपाकीनि यथापूर्वं स्निग्धानि स्वादूनि सृष्टमूत्रपुरीषाणि चेति ||३१३||
🔊 Audio coming soon
অথেত্যাদি| সৈন্ধবং প্রসিদ্ধং; দক্ষিণসমুদ্রসমীপভবং সামুদ্রং; বিডং কৃত্রিমং স্বনাম্না খ্যাতং, তচ্চ প্রসারণীকল্কভক্তলবণসংযোগাদগ্নিদাহেন নির্বৃত্তং; সৌবর্চলং প্রসিদ্ধং; তদেব নির্গন্ধং কাললবণমিত্যুচ্যতে; রোমকং শাকম্ভরীদেশোত্থং, ‘রুমাসরঃসম্ভবম্’ ইত্যন্যে; ভূমিমুদ্ভিদ্যোত্পন্নস্য ক্ষারোদকস্য সূর্যরশ্মিভির্বহ্নিনা বা ক্বথনাদ্যল্লবণমুত্পদ্যতে তদৌদ্ভিদং; প্রভৃতিগ্রহণাদূষরপ্রসবাদীনি| তেষাং সামান্যগুণমাহ- যথোত্তরমিত্যাদি| জেজ্ঝটশ্চরকমতানুসারেণ সৈন্ধবানন্তরং সৌবর্চলং পঠতি; ‘তদসম্যক্, সামুদ্রাত্ সৌবর্চলস্যোষ্ণত্বাত্; উত্তরোত্তরমুষ্ণানীতি বচনাত্’ ইতি গযী||৩১৩||
Adhikarana 232 (314-320) · Śloka 320
চক্ষুষ্যং সৈন্ধবং হৃদ্যং রুচ্যং লঘ্বগ্নিদীপনম্ | স্নিগ্ধং সমধুরং বৃষ্যং শীতং দোষঘ্নমুত্তমম্ ||৩১৪|| সামুদ্রং মধুরং পাকে নাত্যুষ্ণমবিদাহি চ | ভেদন স্নিগ্ধমীষচ্চ শূলঘ্নং নাতিপিত্তলম্ ||৩১৫|| সক্ষারং দীপনং সূক্ষ্মং শূলহৃদ্রোগনাশনম্ | রোচনং তীক্ষ্ণমুষ্ণং চ বিডং বাতানুলোমনম্ ||৩১৬|| লঘু সৌবর্চলং পাকে বীর্যোষ্ণং বিশদং কটু | গুল্মশূলবিবন্ধঘ্নং হৃদ্যং সুরভি রোচনম্ ||৩১৭|| রোমকং তীক্ষ্ণমত্যুষ্ণং ব্যবাযি কটুপাকি চ | বাতঘ্নং লঘু বিস্যন্দি সূক্ষ্মং বিড্ভেদি মূত্রলম্ ||৩১৮|| লঘু তীক্ষ্ণোষ্ণমুত্ক্লেদি সূক্ষ্মং বাতানুলোমনম্ | সতিক্তং কটু সক্ষারং বিদ্যাল্লবণমৌদ্ভিদম্ ||৩১৯|| কফবাতক্রিমিঘ্নং চ লেখনং পিত্তকোপনম্ | দীপনং পাচনং ভেদি লবণং গুটিকাহ্বযম্ ||৩২০||
चक्षुष्यं सैन्धवं हृद्यं रुच्यं लघ्वग्निदीपनम् | स्निग्धं समधुरं वृष्यं शीतं दोषघ्नमुत्तमम् ||३१४|| सामुद्रं मधुरं पाके नात्युष्णमविदाहि च | भेदन स्निग्धमीषच्च शूलघ्नं नातिपित्तलम् ||३१५|| सक्षारं दीपनं सूक्ष्मं शूलहृद्रोगनाशनम् | रोचनं तीक्ष्णमुष्णं च विडं वातानुलोमनम् ||३१६|| लघु सौवर्चलं पाके वीर्योष्णं विशदं कटु | गुल्मशूलविबन्धघ्नं हृद्यं सुरभि रोचनम् ||३१७|| रोमकं तीक्ष्णमत्युष्णं व्यवायि कटुपाकि च | वातघ्नं लघु विस्यन्दि सूक्ष्मं विड्भेदि मूत्रलम् ||३१८|| लघु तीक्ष्णोष्णमुत्क्लेदि सूक्ष्मं वातानुलोमनम् | सतिक्तं कटु सक्षारं विद्याल्लवणमौद्भिदम् ||३१९|| कफवातक्रिमिघ्नं च लेखनं पित्तकोपनम् | दीपनं पाचनं भेदि लवणं गुटिकाह्वयम् ||३२०||
🔊 Audio coming soon
তেষাং বিশেষমাহ- চক্ষুষ্যমিত্যাদি| বৃষ্যত্বং পুনরস্য জাত্যুত্কর্ষাত্, অন্যেষামবৃষ্যত্বমাহুঃ| সূক্ষ্মং সূক্ষ্মস্রোতোঽবগাহনশীলম্| বাতানুলোমনং মার্গাবৃতবাতস্য স্রোতঃশুদ্ধিকরত্বেন প্রবর্তনং, ধাতুক্ষযকৃতস্য তু সূক্ষ্মত্বসামান্যান্নাতিপ্রশমনমিত্যর্থঃ| ব্যবাযীতি অপক্বমেব দেহমখিলং ব্যাপ্নোতি পশ্চাদ্দেহস্থমেব পাকমুপৈতি| লঘ্বিত্যাদি| উত্ক্লেদি আর্দ্রীভাবকারি, অন্যে ‘প্রকোপযতি শ্লেষ্মপিত্তাদীন্’ ইত্যাহুঃ| প্রভৃতিশব্দোপগৃহীতং কেচিদ্গুডিকালবণং পঠন্তি- দীপনমিত্যাদি| পাকাভিনির্বৃত্তত্বাদ্গুডিকাভূতমেব গুডিকালবণং ভবতি, তচ্চ ‘বৃক্ষলবণম্’ ইতি খ্যাতম্||৩১৪-৩২০||
Adhikarana 233 (321) · Śloka 321
ঊষসূতং বালুকৈলং শৈলমূলাকরোদ্ভবম্ | লবণং কটুকং ছেদি বিহিতং কটু চোচ্যতে ||৩২১||
ऊषसूतं वालुकैलं शैलमूलाकरोद्भवम् | लवणं कटुकं छेदि विहितं कटु चोच्यते ||३२१||
🔊 Audio coming soon
অপরমপি প্রভৃতিগ্রহণোপগৃহীতমাহ- ঊষসূতমিত্যাদি| ঊষসূতমূষরপ্রজাতম্| বালুকৈলমিতি বালুকাঃ সিকতাঃ, তাভির্যুক্তা ইলা পৃথ্বী বালুকৈলা, তত্র সম্ভবং বালুকৈলম্| মূলাকরোদ্ভবমিতি মূলভূত আকরো মূলাকরঃ, প্রশস্যতরতুরঙ্গমোত্পত্তিভূমিঃ, তত্রোদ্ভবং মূলাকরোদ্ভবম্| কটু চোচ্যত ইতি কটুলবণমিতি প্রসিদ্ধমিত্যর্থঃ||৩২১||
Adhikarana 234 (322-325) · Śloka 325
যবক্ষারস্বর্জিকাক্ষারোষক্ষারপাকিমটঙ্কণক্ষারপ্রভৃতযঃ | গুল্মার্শোগ্রহণীদোষশর্করাশ্মরিনাশনাঃ | ক্ষারাস্তু পাচনাঃ সর্বে রক্তপিত্তকরাঃ সরাঃ | জ্ঞেযৌ বহ্নিসমৌ ক্ষারৌ স্বর্জিকাযাবশূকজৌ | শুক্রশ্লেষ্মবিবন্ধার্শোগুল্মপ্লীহবিনাশনৌ ||৩২৩|| উষ্ণোঽনিলঘ্নঃ প্রক্লেদী চোষক্ষারো বলাপহঃ | মেদোঘ্নঃ পাকিমঃ ক্ষারস্তেষাং বস্তিবিশোধনঃ ||৩২৪|| বিরূক্ষণোঽনিলকরঃ শ্লেষ্মঘ্নঃ পিত্তদূষণঃ | অগ্নিদীপ্তিকরস্তীক্ষ্ণষ্টঙ্কণঃ ক্ষার উচ্যতে ||৩২৫||
यवक्षारस्वर्जिकाक्षारोषक्षारपाकिमटङ्कणक्षारप्रभृतयः | गुल्मार्शोग्रहणीदोषशर्कराश्मरिनाशनाः | क्षारास्तु पाचनाः सर्वे रक्तपित्तकराः सराः | ज्ञेयौ वह्निसमौ क्षारौ स्वर्जिकायावशूकजौ | शुक्रश्लेष्मविबन्धार्शोगुल्मप्लीहविनाशनौ ||३२३|| उष्णोऽनिलघ्नः प्रक्लेदी चोषक्षारो बलापहः | मेदोघ्नः पाकिमः क्षारस्तेषां बस्तिविशोधनः ||३२४|| विरूक्षणोऽनिलकरः श्लेष्मघ्नः पित्तदूषणः | अग्निदीप्तिकरस्तीक्ष्णष्टङ्कणः क्षार उच्यते ||३२५||
🔊 Audio coming soon
লবণসারূপ্যাদাহ- যবক্ষারেত্যাদি| যবক্ষারো যবশূকোদ্ভবঃ ‘শীতলিকা’ ‘যবক্ষার’ ইতি চ লোকে; স্বর্জিক্ষারঃ ‘সাজী’ ইতি লোকে; পাকেন নির্বৃত্তঃ পাকিমঃ ক্ষারপাকবিধানোক্তঃ প্রতিসারণীযঃ পানীযশ্চ, ‘পাকিমং তূষরপাংশুকাভিনির্বৃত্তম্’ ইত্যন্যে, অপরে পাকিমাদ্ভিন্নমূষরক্ষারমাহুঃ; টঙ্কণক্ষারঃ সৌভাগ্যাপরপর্যাযঃ ‘সুহাগা’ ইতি লোকে; প্রভৃতিগ্রহণাদেবঞ্জাতীযানাং ক্ষারাণামবরোধঃ| তেষাং সামান্যগুণমাহ- গুল্মেত্যাদি| বিশেষগুণমাহ- জ্ঞেযাবিত্যাদি||৩২২-৩২৫||
Adhikarana 235 (326-330) · Śloka 330
সুবর্ণং স্বাদু হৃদ্যং চ বৃংহণীযং রসাযনম্ | দোষত্রযাপহং শীতং চক্ষুষ্যং বিষসূদনম্ ||৩২৬|| রূপ্যমম্লং সরং শীতং সস্নেহং পিত্তবাতনুত্ | তাম্রং কষাযং মধুরং লেখনং শীতলং সরম্ ||৩২৭|| সতিক্তং লেখনং কাংস্যং চক্ষুষ্যং কফবাতজিত্ | বাতকৃচ্ছীতলং লোহং তৃষ্ণাপিত্তকফাপহম্ ||৩২৮|| কটু ক্রিমিঘ্নং লবণং ত্রপু সীসং চ লেখনম্ | মুক্তাবিদ্রুমবজ্রেন্দ্রবৈদূর্যস্ফটিকাদযঃ ||৩২৯|| চক্ষুষ্যা মণযঃ শীতা লেখনা বিষসূদনাঃ | পবিত্রা ধারণীযাশ্চ পাপ্মালক্ষ্মীমলাপহাঃ ||৩৩০|| ইতি লবণাদিবর্গঃ |
सुवर्णं स्वादु हृद्यं च बृंहणीयं रसायनम् | दोषत्रयापहं शीतं चक्षुष्यं विषसूदनम् ||३२६|| रूप्यमम्लं सरं शीतं सस्नेहं पित्तवातनुत् | ताम्रं कषायं मधुरं लेखनं शीतलं सरम् ||३२७|| सतिक्तं लेखनं कांस्यं चक्षुष्यं कफवातजित् | वातकृच्छीतलं लोहं तृष्णापित्तकफापहम् ||३२८|| कटु क्रिमिघ्नं लवणं त्रपु सीसं च लेखनम् | मुक्ताविद्रुमवज्रेन्द्रवैदूर्यस्फटिकादयः ||३२९|| चक्षुष्या मणयः शीता लेखना विषसूदनाः | पवित्रा धारणीयाश्च पाप्मालक्ष्मीमलापहाः ||३३०|| इति लवणादिवर्गः |
🔊 Audio coming soon
অত্র কেচিত্ সুবর্ণাদীনামপি গুণমাহুঃ- সুবর্ণমিত্যাদি||৩২৬-৩৩০||
Adhikarana 236 (331) · Śloka 331
ধান্যেষু মাংসেষু ফলেষু চৈব শাকেষু চানুক্তমিহাপ্রমেযাত্ | আস্বাদতো ভূতগুণৈশ্চ মত্বা তদাদিশেদ্দ্রব্যমনল্পবুদ্ধিঃ ||৩৩১||
धान्येषु मांसेषु फलेषु चैव शाकेषु चानुक्तमिहाप्रमेयात् | आस्वादतो भूतगुणैश्च मत्वा तदादिशेद्द्रव्यमनल्पबुद्धिः ||३३१||
🔊 Audio coming soon
দ্রব্যানন্ত্যাদনুক্তদ্রব্যজ্ঞানোপাযমাহ- ধান্যেষ্বিত্যাদি| চকারাত্ কন্দলবণদ্রবকৃতান্নাদীনাং সমুচ্চযঃ| ইহেতি শাস্ত্রে| অপ্রমেযাত্ আনন্ত্যাদিত্যর্থঃ| ‘অপ্রমোহাত্’ ইতি ‘অপ্রমাদাত্’ ইতি চ ক্বচিত্ পাঠঃ; তত্রাপ্রমোহো জ্ঞানমেব| তেষ্বনুক্তদ্রব্যেষু পরমৌপযৌগিকমুক্তং, ন সর্বং বিস্তরভযাদিত্যর্থঃ| তত্রাপ্রমাদঃ সাবধানত্বমেবাস্মাকম্| আস্বাদতো রসাত্| ভূতগুণৈরিতি দ্রব্যারম্ভকভূতগুণৈর্বীর্যপাকাদিভিশ্চ| অন্যে তু পঠন্তি(?) তেষাং জডত্বেন প্রমাদপাঠ এবাযম্||৩৩১||
Adhikarana 237 (332-339) · Śloka 339
ষষ্টিকা যবগোধূমা লোহিতা যে চ শালযঃ | মুদ্গাঢকীমসূরাশ্চ ধান্যেষু প্রবরাঃ স্মৃতাঃ ||৩৩২|| লাবতিত্তিরিসারঙ্গকুরঙ্গৈণকপিঞ্জলাঃ | মযূরবর্মিকূর্মাশ্চ শ্রেষ্ঠা মাংসগণেষ্বিহ ||৩৩৩|| দাডিমামলকং দ্রাক্ষা খর্জূরং সপরূষকম্ | রাজাদনং মাতুলুঙ্গং ফলবর্গে প্রশস্যতে ||৩৩৪|| সতীনো বাস্তুকশ্চুচ্চূচিল্লীমূলকপোতিকাঃ | মণ্ডূকপর্ণী জীবন্তী শাকবর্গে প্রশস্যতে ||৩৩৫|| গব্যং ক্ষীরং ঘৃতং শ্রেষ্ঠং, সৈন্ধবং লবণেষু চ | ধাত্রীদাডিমমম্লেষু, পিপ্পলী নাগরং কটৌ ||৩৩৬|| তিক্তে পটোলবার্তাকং, মধুরে ঘৃতমুচ্যতে | ক্ষৌদ্রং, পূগফলং শ্রেষ্ঠং কষাযে সপরূষকম্ ||৩৩৭|| শর্করেক্ষুবিকারেষু, পানে মধ্বাসবৌ তথা | পরিসংবত্সরং ধান্যং, মাংসং বযসি মধ্যমে ||৩৩৮|| অপর্যুষিতমন্নং তু সংস্কৃতং মাত্রযা শুভম্ | ফলং পর্যাগতং, শাকমশুষ্কং তরুণং নবম্ ||৩৩৯||
षष्टिका यवगोधूमा लोहिता ये च शालयः | मुद्गाढकीमसूराश्च धान्येषु प्रवराः स्मृताः ||३३२|| लावतित्तिरिसारङ्गकुरङ्गैणकपिञ्जलाः | मयूरवर्मिकूर्माश्च श्रेष्ठा मांसगणेष्विह ||३३३|| दाडिमामलकं द्राक्षा खर्जूरं सपरूषकम् | राजादनं मातुलुङ्गं फलवर्गे प्रशस्यते ||३३४|| सतीनो वास्तुकश्चुच्चूचिल्लीमूलकपोतिकाः | मण्डूकपर्णी जीवन्ती शाकवर्गे प्रशस्यते ||३३५|| गव्यं क्षीरं घृतं श्रेष्ठं, सैन्धवं लवणेषु च | धात्रीदाडिममम्लेषु, पिप्पली नागरं कटौ ||३३६|| तिक्ते पटोलवार्ताकं, मधुरे घृतमुच्यते | क्षौद्रं, पूगफलं श्रेष्ठं कषाये सपरूषकम् ||३३७|| शर्करेक्षुविकारेषु, पाने मध्वासवौ तथा | परिसंवत्सरं धान्यं, मांसं वयसि मध्यमे ||३३८|| अपर्युषितमन्नं तु संस्कृतं मात्रया शुभम् | फलं पर्यागतं, शाकमशुष्कं तरुणं नवम् ||३३९||
🔊 Audio coming soon
উক্তেষু প্রধানতমমাহ- ষষ্টিকা ইত্যাদি| রক্তশালিষষ্টিকৌ শূকধান্যেষু, যবগোধূমৌ কুধান্যেষু, মুদ্গাঢকীমসূরাঃ শমীধান্যেষু| লাবেত্যাদি- লাবতিত্তিরিকপিঞ্জলমযূরা বিষ্কিরেষু পক্ষিষু; সারঙ্গকুরঙ্গৈণা জাঙ্গলমৃগেষু, সারঙ্গোঽত্র গৌরহরিণঃ, কুরঙ্গশ্চতুরঙ্গো, ভেদুলাপতিঃ , এণঃ কৃষ্ণহরিণঃ; বর্মীর্মত্স্যেষু, বর্মী রোহিতক ইত্যেকে, “রোহিতো মত্স্যানাং” (চ. সূ. অ. ২৫) ইতি চরকবচনাত্, অন্যে সর্পাকারমত্স্যমাহুঃ, শ্রীব্রহ্মদেবস্তু ‘বর্মী মহাশকলো রোহিতভেদোঽত্র, ন পুনঃ সর্পাকারমত্স্যঃ’ ইত্যাহ; কূর্মঃ কচ্ছপঃ, স চ পাদিষু| দাডিমেত্যাদি দাডিমামলকমাতুলুঙ্গানি ফলেষ্বম্লেষু; দ্রাক্ষাখর্জূররাজাদনানি মধুরফলেষু, খর্জূরং পিণ্ডখর্জূরং, রাজাদনং ক্ষীরিকা; পরূষকং কষাযেষু, পরুষকং ‘ফালসা’ ইতি লোকে, ‘পরূষকমাতুলুঙ্গে মধুরাম্লেষু’ ইতি কেচিত্| সতীন ইতি সতীনাদযঃ শাকবর্গে, সতীনো বর্তুলকঃ, বাস্তুকষ্টঙ্কবাস্তুকঃ, চূচূঃ ‘চূচ্চ’ ইতি লোকে, চিল্লী ক্ষেত্রবাস্তুকঃ, মূলকপোতিকা বালমূলকং, মণ্ডূকপর্ণী ব্রাহ্মী, জীবন্তী ‘ডোডী’ ইতি লোকে, ‘জীবন্তী জীবা, তণ্ডূলীযকসদৃশী’ ইত্যন্যে| ‘শাকমাংসফলৈর্যুক্তা’ ইত্যাদৌ বিশেষানুক্তাবপ্যেষামেব প্রাধান্যাদ্গ্রহণম্| গোরসেষু গব্যং ক্ষীরঘৃতং শ্রেষ্ঠং; সৈন্ধবমিতি লবণেষু সৈন্ধবম্| ধাত্রীত্যাদি ‘ঈষদম্লৈরনম্লৈর্বা’ ইত্যাদাবম্লীকরণেঽনুক্তযোরপি ধাত্রীদাডিমযোরেব প্রযোগঃ, এবং কটুকাদিষ্বপি জ্ঞেযং; ধাত্রীদাডিমেত্যাদিরসদ্বারেণেতি ন পুনরুক্তম্| পিপ্পলীত্যাদি| ঘৃতং ক্ষৌদ্রং চ মধুরে, কষাযে পূগফলং পরূষকং চ| শর্করেক্ষুবিকারেষু অনুক্তবিশেষেষু শর্করা| পানে ইত্যাদি মধুশব্দেন মার্দ্বীকম্, আসবশব্দেন দ্রাক্ষাসবঃ| পরিসংবত্সরমিতি পরিসংবত্সরোষিতং বর্ষোষিতং ধান্যমিত্যর্থঃ| মাংসমিত্যাদি মধ্যমে বযস্যেণাদের্মাংসং প্রধানমিত্যর্থঃ| অপর্যুষিতমিতি অপর্যুষিতমন্নং তদ্দিনসিদ্ধম্| মাত্রযেতি মাত্রযা প্রযুক্তমিত্যর্থঃ| শুভং পথ্যম্| পর্যাগতং পক্বমিত্যর্থঃ| শাকমিত্যাদি অশুষ্কমার্দ্রং, তরুণং প্রত্যগ্রং, নবং তত্কালত্রোটিতম্| সলিলদধ্যাদিতৈলমাক্ষিকমূত্রাণাং স্ববর্গ এব প্রাধান্যমিতি ন পুনরিহ কথনং কৃতম্||৩৩২-৩৩৯||
Adhikarana 238 (340) · Śloka 341
অথ কৃতান্নবর্গঃ | অতঃ পরং প্রবক্ষ্যামি কৃতান্নগুণবিস্তরম্ | লাজমণ্ডো বিশুদ্ধানাং পথ্যঃ পাচনদীপনঃ ||৩৪০|| বাতানুলোমনো হৃদ্যঃ পিপ্পলীনাগরাযুতঃ |৩৪১|
अथ कृतान्नवर्गः | अतः परं प्रवक्ष्यामि कृतान्नगुणविस्तरम् | लाजमण्डो विशुद्धानां पथ्यः पाचनदीपनः ||३४०|| वातानुलोमनो हृद्यः पिप्पलीनागरायुतः |३४१|
🔊 Audio coming soon
সংস্কৃতানাং গুণমাহ- অত ইত্যাদি| কৃতান্নং সংস্কৃতান্নং সাধিতান্নমিত্যর্থঃ| লাজেত্যাদি| কেচিদত্র ‘অবিশুদ্ধানাং’ ইতি ঈষদর্থমকারমুত্পাদ্য মন্দবিরেচনাদবিশুদ্ধানামিত্যর্থং বদন্তি; চরকাভিপ্রাযেণ তু ‘বিশুদ্ধানাং’ ইত্যেব পাঠঃ, ন তু ‘অবিশুদ্ধানাং’ ইতি| পথ্যো হিত ইত্যর্থঃ| পাচন আমাদীনাং, দীপনো জঠরাগ্নেঃ| হৃদযায হিতো হৃদ্যঃ| আযুত ঈষদ্যুক্তঃ||৩৪০||-
Adhikarana 239 (341) · Śloka 342
স্বেদাগ্নিজননী লঘ্বী দীপনী বস্তিশোধনী ||৩৪১|| ক্ষুত্তৃট্শ্রমগ্লানিহরী পেযা বাতানুলোমনী |৩৪২|
स्वेदाग्निजननी लघ्वी दीपनी बस्तिशोधनी ||३४१|| क्षुत्तृट्श्रमग्लानिहरी पेया वातानुलोमनी |३४२|
🔊 Audio coming soon
পেযামাহ- স্বেদাগ্নিজননীত্যাদি|- উষ্ণত্বাত্ স্বেদজননী| ক্ষুত্তৃট্শ্রমগ্লানিহরীত্যত্র ‘ক্ষুধং তৃষং দ্রবত্বাত্, শ্রমগ্লানী তৃপ্তিজনকত্বাত্, হরতি’ ইত্যেকে ব্যাচক্ষতে; বৃদ্ধবৈদ্যাস্তু ‘ক্ষুত্তৃট্শ্রমেভ্য উত্পন্নাং গ্লানিং হরতি’ ইতি ব্যাখ্যানযন্তি| পেযা যবাগূঃ; সা বিরলদ্রবা, তদুপরিতনো ভাগো মণ্ডঃ; এতদ্দ্বযমপি পেযম্||৩৪১||-
Adhikarana 240 (342) · Śloka 343
বিলেপী তর্পণী হৃদ্যা গ্রাহিণী বলবর্ধনী ||৩৪২|| পথ্যা স্যাদুরসা লঘ্বী দীপনী ক্ষুত্তৃষাপহা |৩৪৩|
विलेपी तर्पणी हृद्या ग्राहिणी बलवर्धनी ||३४२|| पथ्या स्यादुरसा लघ्वी दीपनी क्षुत्तृषापहा |३४३|
🔊 Audio coming soon
যবাগূগুণকর্মাভিধায বিলেপীগুণকর্মাহ- বিলেপীত্যাদি| বিলেপী ঘনসিক্থা, সা চ লেহ্যা; তত্র মণ্ডপেযাবিলেপীনাং তণ্ডুলজলপ্রমাণাদিকং সূপকারা এব জানন্তি, বিস্তরভযাত্ পরিভাষাযা অপ্যনবস্থানাচ্চ ন প্রমাণং লিখিতম্||৩৪২||-
Adhikarana 241 (343) · Śloka 344
হৃদ্যা সন্তর্পণী বৃষ্যা বৃংহণী বলবর্ধনী ||৩৪৩|| শাকমাংসফলৈর্যুক্তা বিলেপ্যম্লা চ দুর্জরা |৩৪৪|
हृद्या सन्तर्पणी वृष्या बृंहणी बलवर्धनी ||३४३|| शाकमांसफलैर्युक्ता विलेप्यम्ला च दुर्जरा |३४४|
🔊 Audio coming soon
তস্যা এব বিলেপ্যা অন্যসংযোগে গুণকর্মাহ- হৃদ্যেত্যাদি| হৃদ্যা হৃদযায হিতা| সন্তর্পণী তৃপ্তিজননী| বৃষ্যা শুক্রলা| বৃংহণী শরীরবৃদ্ধিকরী| অম্লা অম্লাদিভিঃ কৃতসংস্কারা| জেজ্ঝটস্তু হৃদ্যা সন্তর্পণীত্যাদিশ্লোকার্ধং বিমুচ্য “শাকমাংসফলৈর্যুক্তা যবাগ্বোঽম্লাশ্চ দুর্জরাঃ”- ইত্যেবং পঠতি||৩৪৩||-
Adhikarana 242 (344) · Śloka 345
সিক্থৈর্বিরহিতো মণ্ডঃ পেযা সিক্থসমন্বিতা ||৩৪৪|| বিলেপী বহুসিক্থা স্যাদ্যবাগূর্বিরলদ্রবা |৩৪৫|
सिक्थैर्विरहितो मण्डः पेया सिक्थसमन्विता ||३४४|| विलेपी बहुसिक्था स्याद्यवागूर्विरलद्रवा |३४५|
🔊 Audio coming soon
কঃ পুনর্মণ্ডাদীনাং ভেদ ইত্যাহ- সিক্থৈরিত্যাদি| পেযা সিক্থসমন্বিতেতি অত্র পেযা যবাগূরুচ্যতে, সা চ সিক্থসমন্বিতা ভবতি| বিলেপী বহুসিক্থা স্যাদিতি বহুসিক্থা ঘনসিক্থা পৃথগ্দ্রবরহিতা, অত এব লেহ্যা| প্রাগুক্তা যা পেযা যবাগ্বপরপর্যাযা তস্যা বিলেপীসকাশাদ্ভেদজ্ঞাপনাযাহ- যবাগূর্বিরলদ্রবেতি| যবাগূঃ পেযেত্যর্থঃ| এতেনাসিক্থো মণ্ডঃ, পেযা যবাগ্বপরপর্যাযা সিক্থসমন্বিতা বিরলদ্রবা, বিলেপী ঘনসিক্থা লেহ্যা পৃথগ্দ্রবরহিতেতি ভেদত্রযং সিক্থৈর্বিরহিত ইত্যাদিনা শ্লোকেনোক্তম্| কেচিত্ “অন্নং পঞ্চগুণে তোযে, যবাগূং ষড্গুণে পচেত্| চতুর্দশগুণে মণ্ডং, বিলেপীং তু চতুর্গুণে”- ইতি পরিভাষাদর্শনাত্ পেযাযবাগ্বোর্ভেদমাহুঃ||৩৪৪||-
Adhikarana 243 (345) · Śloka 345
বিষ্টম্ভী পাযসো বল্যো মেদঃকফকরো গুরুঃ ||৩৪৫||
विष्टम्भी पायसो बल्यो मेदःकफकरो गुरुः ||३४५||
🔊 Audio coming soon
বিলেপীসাধর্ম্যাত্ পাযসস্যাপি গুণমাহ- বিষ্টম্ভীত্যাদি| পাযসো দুগ্ধতণ্ডুলসিদ্ধঃ| বিষ্টম্ভী প্রভাবাত্, সবাততোদশূলা মলাপ্রবৃত্তির্বিষ্টম্ভঃ||৩৪৫||
Adhikarana 244 (346) · Śloka 346
কফপিত্তকরী বল্যা কৃশরাঽনিলনাশনী |৩৪৬|
कफपित्तकरी बल्या कृशराऽनिलनाशनी |३४६|
🔊 Audio coming soon
কৃশরাগুণমাহ- কফেত্যাদি| কৃশরা তিলতণ্ডুলমাষকৃতা যবাগূঃ|৩৪৬|
Adhikarana 245 (346) · Śloka 347
ধৌতস্তু বিমলঃ শুদ্ধো মনোজ্ঞঃ সুরভিঃ সমঃ ||৩৪৬|| স্বিন্নঃ সুপ্রস্রুতস্তূষ্ণো বিশদস্ত্বোদনো লঘুঃ |৩৪৭|
धौतस्तु विमलः शुद्धो मनोज्ञः सुरभिः समः ||३४६|| स्विन्नः सुप्रस्रुतस्तूष्णो विशदस्त्वोदनो लघुः |३४७|
🔊 Audio coming soon
ভক্তগুণমাহ- ধৌতস্ত্বিত্যাদি| শুদ্ধঃ স্বযমেব ধবলঃ, বিগতমলস্তু কণ্ডনাদ্ধৌতত্বেন চাপগতাবশিষ্টমলঃ| মনোজ্ঞো মনোরমঃ| সুরভিঃ সুগন্ধিঃ| সমঃ স্বিন্নঃ সর্বোঽপি স্বিন্ন ইত্যর্থঃ| সুপ্রস্রুতঃ সুষ্ঠুগালিতঃ| উষ্ণঃ প্রসিদ্ধঃ| বিশদঃ সুসিদ্ধঃ, স চ সক্তত্বাদিদোষরহিতঃ| এবম্ভূত ওদনো লঘুঃ||৩৪৬||-
Adhikarana 246 (347) · Śloka 347
অধৌতোঽপ্রস্রুতোঽস্বিন্নঃ শীতশ্চাপ্যোদনো গুরুঃ ||৩৪৭||
अधौतोऽप्रस्रुतोऽस्विन्नः शीतश्चाप्योदनो गुरुः ||३४७||
🔊 Audio coming soon
পূর্বোক্তবিপরীতগুণমাহ- অধৌত ইত্যাদি| এবম্ভূত ওদনো গুরুঃ||৩৪৭||
Adhikarana 247 (348) · Śloka 348
লঘুঃ সুগন্ধিঃ কফহা বিজ্ঞেযো ভৃষ্টতণ্ডুলঃ |৩৪৮|
लघुः सुगन्धिः कफहा विज्ञेयो भृष्टतण्डुलः |३४८|
🔊 Audio coming soon
ভৃষ্টতণ্ডুলৌদনগুণমাহ- লঘ্বিত্যাদি| ভৃষ্টতণ্ডুলো ভৃষ্টতণ্ডুলসাধিত ওদন ইত্যর্থঃ|৩৪৮|
Adhikarana 248 (348) · Śloka 349
স্নেহৈর্মাংসৈঃ ফলৈঃ কন্দৈর্বিদলাম্লৈশ্চ সংযুতাঃ ||৩৪৮|| গুরবো বৃংহণা বল্যা যে চ ক্ষীরোপসাধিতাঃ |৩৪৯|
स्नेहैर्मांसैः फलैः कन्दैर्विदलाम्लैश्च संयुताः ||३४८|| गुरवो बृंहणा बल्या ये च क्षीरोपसाधिताः |३४९|
🔊 Audio coming soon
ওদনবিশেষেণ বিশিষ্টদ্রব্যসংযোগানাং গুণমাহ- স্নেহৈরিত্যাদি| স্নেহৈর্ঘৃতাদিভিঃ| মাংসফলকন্দাঃ প্রসিদ্ধাঃ| বিদলং শমীধান্যাবযবঃ, চকারাচ্ছাকাদীনামপ্যবরোধঃ| ক্ষীরোপসাধিতা উদকাদিসংযুক্তাঃ পাযসাদন্যে||৩৪৮||-
Adhikarana 249 (349) · Śloka 349
সুস্বিন্নো নিস্তুষো ভৃষ্ট ঈষত্ সূপো লঘুর্হিতঃ ||৩৪৯||
सुस्विन्नो निस्तुषो भृष्ट ईषत् सूपो लघुर्हितः ||३४९||
🔊 Audio coming soon
প্রহিতমাহ- সুস্বিন্ন ইত্যাদি| ঈষত্ সূপ ইতি ঈষদ্ভৃষ্ট ইতি সম্বন্ধঃ| তত্র, অভর্জিতাপেক্ষযা ভর্জিতমুদ্গাদিসূপস্য লাঘবং; মাষসূপস্য তু ভর্জিতাদিনা লাঘবমিত্যেকে, ভর্জিতস্যাপি ন লাঘবমিত্যন্যে; অন্যে তু ‘ঈষত্সূপ’ ইতি ন পঠন্তি, কিন্তু পাঠান্তরং পঠন্তি, তচ্চাদৃষ্টত্বান্ন লিখিতম্||৩৪৯||
Adhikarana 250 (350) · Śloka 350
স্বিন্নং নিষ্পীডিতং শাকং হিতং স্যাত্ স্নেহসংস্কৃতম্ | অস্বিন্নং স্নেহরহিতমপীডিতমতোঽন্যথা ||৩৫০||
स्विन्नं निष्पीडितं शाकं हितं स्यात् स्नेहसंस्कृतम् | अस्विन्नं स्नेहरहितमपीडितमतोऽन्यथा ||३५०||
🔊 Audio coming soon
প্রহিতমভিধাযাপরাণ্যপি ব্যঞ্জনান্যাহ- স্বিন্নমিত্যাদি| অতঃ পূর্বোক্তাত্, অন্যথেতি অহিতমিত্যর্থঃ||৩৫০||
Adhikarana 251 (351) · Śloka 352
মাংসং স্বভাবতো বৃষ্যং স্নেহনং বলবর্ধনম্ | স্নেহগোরসধান্যাম্লফলাম্লকটুকৈঃ সহ ||৩৫১|| সিদ্ধং মাংসং হিতং বল্যং রোচনং বৃংহণং গুরু |৩৫২|
मांसं स्वभावतो वृष्यं स्नेहनं बलवर्धनम् | स्नेहगोरसधान्याम्लफलाम्लकटुकैः सह ||३५१|| सिद्धं मांसं हितं बल्यं रोचनं बृंहणं गुरु |३५२|
🔊 Audio coming soon
মাংসস্য ব্যঞ্জনোত্তমস্য সংযোগসংস্কারজং গুণকর্ম নির্দিশন্নাহ- মাংসমিত্যাদি| স্নেহো ঘৃতাদিঃ, গোরসো দধ্যাদিঃ, ধান্যাম্লং কাঞ্জিকং, ফলাম্লং দাডিমাদি, কটুকং মরিচাদি, প্রকৃত্যনুরূপং সংস্কারানুরূপং চ বল্যত্বাদি জ্ঞেযম্, অযং তলিতমাংসানাং গুণ উক্তঃ||৩৫১||-
Adhikarana 252 (352) · Śloka 353
তদেব গোরসাদানং সুরভিদ্রব্যসংস্কৃতম্ ||৩৫২|| বিদ্যাত্পিত্তকফোদ্রেকী বলমাংসাগ্নিবর্ধনম্ |৩৫৩|
तदेव गोरसादानं सुरभिद्रव्यसंस्कृतम् ||३५२|| विद्यात्पित्तकफोद्रेकी बलमांसाग्निवर्धनम् |३५३|
🔊 Audio coming soon
তস্যৈব মাংসস্য প্রদিগ্ধত্বেন সিদ্ধস্য গুণমাহ- তদেবেত্যাদি| তদেবেতি মাংসম্| আদানং ঘনদ্রবাবাপঃ| সুরভিদ্রব্যসংস্কৃতং হিঙ্গুমরিচাজাজিপ্রভৃতিসংস্কৃতম্, অযং প্রলেহমাংসানাং গুণ উক্তঃ||৩৫২||-
Adhikarana 253 (353) · Śloka 354
পরিশুষ্কং স্থিরং স্নিগ্ধং হর্ষণং প্রীণনং গুরু ||৩৫৩|| রোচনং বলমেধাগ্নিমাংসৌজঃশুক্রবর্ধনম্ |৩৫৪|
परिशुष्कं स्थिरं स्निग्धं हर्षणं प्रीणनं गुरु ||३५३|| रोचनं बलमेधाग्निमांसौजःशुक्रवर्धनम् |३५४|
🔊 Audio coming soon
মাংসস্য পরিশুষ্কত্বেন সিদ্ধস্য গুণমাহ- পরিশুষ্কমিত্যাদি| পরিশুষ্কপ্রদিগ্ধযোরযং বিশেষঃ- “ভৃষ্টং বহুঘৃতে সিক্তং মুহুরুষ্ণাম্বুনা মৃদু| জীরকাদ্যৈর্ঘনং মাংসং পরিশুষ্কং তদুচ্যতে|| তদেব গোরসাদানং প্রদিগ্ধমিতি বিশ্রুতম্”- ইতি| স্থিরং কঠিনম্| হর্ষণং হর্ষোত্পাদকম্| বলমুত্সাহঃ, ওজো হৃদি স্থিতং ধাতুধাম| অযং শূল্যগুণ উক্তঃ||৩৫৩||-
Adhikarana 254 (354) · Śloka 354
তদেবোল্লুপ্তপিষ্টত্বাদুল্লুপ্তমিতি পাচকাঃ ||৩৫৪||
तदेवोल्लुप्तपिष्टत्वादुल्लुप्तमिति पाचकाः ||३५४||
🔊 Audio coming soon
পরিশুষ্কস্য শূল্যস্য প্রসঙ্গেন শূল্যবিশেষাণামপি গুণমাহ- তদেবেত্যাদি| তদেব পরিশুষ্কমেব; ঊর্ধ্বং নিরন্তরং ছেদনাতিশযেনাণুশশ্ছিন্নত্বাত্ পিষ্টমিবোল্লুপ্তপিষ্টম্; উল্লুপ্তমিতি পাচকা ইতি ‘বদন্তি’ ইতি শেষঃ; পাচকাঃ সূপকারাঃ||৩৫৪||
Adhikarana 255 (355) · Śloka 355
পরিশুষ্কগুণৈর্যুক্তং বহ্নৌ পক্বমতো লঘু |৩৫৫|
परिशुष्कगुणैर्युक्तं वह्नौ पक्वमतो लघु |३५५|
🔊 Audio coming soon
তস্যৈবাঙ্গারপক্বস্য পরিশুষ্কস্য গুণমাহ- পরিশুষ্কেত্যাদি| বহ্নাবিতি অঙ্গারতাপিতত্বাত্, অতঃ পূর্বোক্তপরিশুষ্কাল্লঘু ভবতি|৩৫৫|-
Adhikarana 256 (356) · Śloka 356
তদেব শূলিকাপ্রোতমঙ্গারপরিপাচিতম্ ||৩৫৫|| জ্ঞেযং গুরুতরং কিঞ্চিত্ প্রদিগ্ধং গুরুপাকতঃ |৩৫৬|
तदेव शूलिकाप्रोतमङ्गारपरिपाचितम् ||३५५|| ज्ञेयं गुरुतरं किञ्चित् प्रदिग्धं गुरुपाकतः |३५६|
🔊 Audio coming soon
উল্লুপ্তপিষ্টপ্রদিগ্ধগুণমাহ- তদেবেত্যাদি| শূলিকাপ্রোতমিতি লোহাদিশলাকারোপিতম্| প্রদিগ্ধমিতি স্নেহধান্যাম্লতক্রাদিনা প্রদিগ্ধম্| পরিশুষ্কাদ্গুরুপাকাত্ কিঞ্চিদ্গুরুতরং, স্নেহাদিপ্রদিগ্ধত্বাদেব||৩৫৬||
Adhikarana 257 (356-358) · Śloka 358
উল্লুপ্তং ভর্জিতং পিষ্টং প্রতপ্তং কন্দুপাচিতম্ ||৩৫৬|| পরিশুষ্কং প্রদিগ্ধং চ শূল্যং যচ্চান্যদীদৃশম্ | মাংসং যত্তৈলসিদ্ধং তদ্বীর্যোষ্ণং পিত্তকৃদ্গুরু ||৩৫৭|| লঘ্বগ্নিদীপনং হৃদ্যং রুচ্যং দৃষ্টিপ্রসাদনম্ | অনুষ্ণবীর্যং পিত্তঘ্নং মনোজ্ঞং ঘৃতসাধিতম্ ||৩৫৮||
उल्लुप्तं भर्जितं पिष्टं प्रतप्तं कन्दुपाचितम् ||३५६|| परिशुष्कं प्रदिग्धं च शूल्यं यच्चान्यदीदृशम् | मांसं यत्तैलसिद्धं तद्वीर्योष्णं पित्तकृद्गुरु ||३५७|| लघ्वग्निदीपनं हृद्यं रुच्यं दृष्टिप्रसादनम् | अनुष्णवीर्यं पित्तघ्नं मनोज्ञं घृतसाधितम् ||३५८||
🔊 Audio coming soon
উক্তানুক্তশূল্যান্যাহ- উল্লুপ্তমিত্যাদি| উল্লুপ্তং পূর্ববত্| ভর্জিতাদীনি ব্যাখ্যানযন্তি- “ভর্জিতং স্যাদ্ঘৃতাদৌ তু পিষ্ট্বা যত্ সাধিতং পুনঃ| অপূপাদিকৃতং পিষ্টং দধিদাডিমসৌরভৈঃ|| সিদ্ধং সাজ্যৈস্তথাঽজাজীসামুদ্রমরিচৈরপি| অঙ্গারাদিষু যত্ পক্বং প্রতপ্তং তদুদাহৃতম্|| পিশিতং সৌরভৈর্লিপ্তং কন্দুপক্বং মধুপ্রভম্| রাজিকাকল্কলিপ্তং চ কন্দুপাচিতমুচ্যতে”- ইতি| পরিশুষ্কপ্রদিগ্ধে পূর্ববত্| “হিঙ্গূদকে পরিক্ষিপ্তং শূলে নিষ্পীডিতং ততঃ| সিক্ত্বা সিক্ত্বাঽম্বুধারাভির্বিধূমেঽগ্নৌ প্রতাপযেত্|| ফলাম্লেনাপি যত্ পক্বং শূল্যং তত্ সৌরভান্বিতম্”- ইতি| যচ্চান্যদীদৃশমিতি যদেবংবিধং মাংসং তৈলসাধিতং ভবতি তদুষ্ণাদিগুণকং জ্ঞেযম্| ঘৃতসাধিতমাহ- লঘ্বিত্যাদি||৩৫৬-৩৫৮||
Adhikarana 258 (359-360) · Śloka 361
প্রীণনঃ প্রাণজননঃ শ্বাসকাসক্ষযাপহঃ | বাতপিত্তশ্রমহরো হৃদ্যো মাংসরসঃ স্মৃতঃ ||৩৫৯|| স্মৃত্যোজঃস্বরহীনানাং জ্বরক্ষীণক্ষতোরসাম্ | ভগ্নবিশ্লিষ্টসন্ধীনাং কৃশানামল্পরেতসাম্ ||৩৬০|| আপ্যাযনঃ সংহননঃ শুক্রদো বলবর্ধনঃ |৩৬১|
प्रीणनः प्राणजननः श्वासकासक्षयापहः | वातपित्तश्रमहरो हृद्यो मांसरसः स्मृतः ||३५९|| स्मृत्योजःस्वरहीनानां ज्वरक्षीणक्षतोरसाम् | भग्नविश्लिष्टसन्धीनां कृशानामल्परेतसाम् ||३६०|| आप्यायनः संहननः शुक्रदो बलवर्धनः |३६१|
🔊 Audio coming soon
শূল্যং মাংসমুক্তং প্রদিগ্ধপরিশুষ্কভেদাভ্যাং দ্বিভেদমেব, তদভিধায দ্রবমভিধাতুমাহ- প্রীণন ইত্যাদি| আপ্যাযন ইতি স্মৃতিস্বরহীনজ্বরক্ষীণকৃশাল্পরেতসাং স্বাস্থ্যকরঃ, সংহনন ইতি ক্ষতোরসাং তথা ভগ্নবিশ্লিষ্টসন্ধীনাং সন্ধানকরঃ, শুক্রদ ইতি অল্পরেতসাং, বলবর্ধন ওজোহীনস্য| এণাদিপ্রকৃত্যনুবিধানেন রসস্যোত্কর্ষাপকর্ষাবূহ্যৌ, অন্যথা প্রকৃতিগুণাভিধানং ব্যর্থং স্যাত্||৩৫৯-৩৬০||-
Adhikarana 259 (361) · Śloka 361
স দাডিমযুতো বৃষ্যঃ সংস্কৃতো দোষনাশনঃ ||৩৬১||
स दाडिमयुतो वृष्यः संस्कृतो दोषनाशनः ||३६१||
🔊 Audio coming soon
তস্যৈব রসস্য সংযোগজং গুণমাহ- স দাডিমেত্যাদি| স ইতি মাংসরসঃ| সংস্কৃতঃ কটুকাদিনা| দোষশমনস্ত্রিদোষহরঃ||৩৬১||
Adhikarana 260 (362) · Śloka 362
প্রীণনঃ সর্বভূতানাং বিশেষান্মুখশোষিণাম্ | ক্ষুত্তৃষ্ণাপহরঃ শ্রেষ্ঠঃ সৌরাবঃ স্বাদুশীতলঃ ||৩৬২||
प्रीणनः सर्वभूतानां विशेषान्मुखशोषिणाम् | क्षुत्तृष्णापहरः श्रेष्ठः सौरावः स्वादुशीतलः ||३६२||
🔊 Audio coming soon
সৌরাবগুণমাহ- প্রীণন ইত্যাদি| সৌরাবো রসস্যোপরিতনোঽচ্ছো ভাগঃ| শীতলঃ সুশীতঃ||৩৬২||
Adhikarana 260 (363) · Śloka 363
যন্মাংসমুদ্ধৃতরসং ন তত্ পুষ্টিবলাবহম্ | বিষ্টম্ভি দুর্জরং রূক্ষং বিরসং মারুতাবহম্ ||৩৬৩||
यन्मांसमुद्धृतरसं न तत् पुष्टिबलावहम् | विष्टम्भि दुर्जरं रूक्षं विरसं मारुतावहम् ||३६३||
🔊 Audio coming soon
মাংসরসপ্রসঙ্গেনোদ্ধৃতরসস্য মাংসস্য গুণমাহ- যদিত্যাদি| যতঃ পিষ্টক্বথিতগালিতমাংসাদ্রসো গৃহীতঃ স নিঃসারত্বাদুক্তগুণঃ||৩৬৩||
Adhikarana 262 (364) · Śloka 364
দীপ্তাগ্নীনাং সদা পথ্যঃ খানিষ্কস্তু পরং গুরুঃ |৩৬৪|
दीप्ताग्नीनां सदा पथ्यः खानिष्कस्तु परं गुरुः |३६४|
🔊 Audio coming soon
কেচিদত্র খানিষ্কগুণং পঠন্তি- দীপ্তাগ্নীনামিত্যাদি| তমন্যে পরিশুষ্কভেদং মন্যন্তে, অন্যে বেসবারভেদং খানিষ্কমাহুঃ|৩৬৪|
Adhikarana 263 (364-365) · Śloka 366
মাংসং নিরস্থি সুস্বিন্নং পুনর্দৃষদি পেষিতম্ ||৩৬৪|| পিপ্পলীশুণ্ঠিমরিচগুডসর্পিঃসমন্বিতম্ | ঐকধ্যং পাচযেত্ সম্যগ্বেসবার ইতি স্মৃতঃ ||৩৬৫|| বেসবারো গুরুঃ স্নিগ্ধো বল্যো বাতরুজাপহঃ |৩৬৬|
मांसं निरस्थि सुस्विन्नं पुनर्दृषदि पेषितम् ||३६४|| पिप्पलीशुण्ठिमरिचगुडसर्पिःसमन्वितम् | ऐकध्यं पाचयेत् सम्यग्वेसवार इति स्मृतः ||३६५|| वेसवारो गुरुः स्निग्धो बल्यो वातरुजापहः |३६६|
🔊 Audio coming soon
বেসবারগুণমাহ- মাংসমিত্যাদি| অত্র গুডং বিহায ‘হিঙ্গুসর্পিঃসমন্বিতম্’ ইতি কেচিত্ পঠন্তি, তন্ন সর্বৈরাচার্যৈর্নিষিদ্ধত্বাত্| বেসবারমপ্যন্যে পরিশুষ্কং মন্যন্তে||৩৬৪-৩৬৫||-
Adhikarana 264 (366) · Śloka 367
কফঘ্নো দীপনো হৃদ্যঃ শুদ্ধানাং ব্রণিনামপি ||৩৬৬|| জ্ঞেযঃ পথ্যতমশ্চৈব মুদ্গযূষঃ কৃতাকৃতঃ |৩৬৭|
कफघ्नो दीपनो हृद्यः शुद्धानां व्रणिनामपि ||३६६|| ज्ञेयः पथ्यतमश्चैव मुद्गयूषः कृताकृतः |३६७|
🔊 Audio coming soon
রসস্য প্রসঙ্গেন মুদ্গযূষস্য গুণমাহ- কফঘ্ন ইত্যাদি| কৃতযূষস্য ব্যবহারার্থং স্বযমেব লক্ষণং বক্ষ্যতি, কফঘ্নস্থানে কেচিদ্ ‘জ্বরঘ্ন’ ইতি পঠন্তি||৩৬৬||-
Adhikarana 265 (367) · Śloka 368
স তু দাডিমমৃদ্বীকাযুক্তঃ স্যাদ্রাগষাডবঃ ||৩৬৭|| রুচিষ্যো লঘুপাকশ্চ দোষাণাং চাবিরোধকৃত্ |৩৬৮|
स तु दाडिममृद्वीकायुक्तः स्याद्रागषाडवः ||३६७|| रुचिष्यो लघुपाकश्च दोषाणां चाविरोधकृत् |३६८|
🔊 Audio coming soon
মুদ্গযূষস্য সংযোগান্তরেণ নামান্তরং দর্শযন্নাহ- স ত্বিত্যাদি| স ইতি মুদ্গযূষঃ| দোষাণাং চাবিরোধকৃদিতি বাতাদীনামীষদ্বিরোধকৃদ্বাতাদীনামীষচ্ছমন ইত্যর্থঃ||৩৬৭||-
Adhikarana 266 (368) · Śloka 369
মসূরমুদ্গগোধূমকুলত্থলবণৈঃ কৃতঃ ||৩৬৮|| কফপিত্তাবিরোধী স্যাদ্বাতব্যাধৌ চ শস্যতে |৩৬৯|
मसूरमुद्गगोधूमकुलत्थलवणैः कृतः ||३६८|| कफपित्ताविरोधी स्याद्वातव्याधौ च शस्यते |३६९|
🔊 Audio coming soon
মসূরাদিপঞ্চকযূষমাহ- মসুরেত্যাদি| বাতব্যাধৌ চ শস্যত ইতি কথং মুদ্গমসূরযোর্যূষো বাতে শস্তঃ, কথং কুলত্থলবণযোর্যোগে পিত্তাবিরোধীতি? উচ্যতে- মসূরাদিত্রযাণাং শৈত্যাত্ কুলত্থলবণযোরৌষ্ণ্যেঽপি পিত্তাবিরোধিত্বং; কুলত্থলবণযোগাদেব চ বাতে শস্তঃ; সংযোগশক্তের্বাঽচিন্ত্যত্বাত্||৩৬৮||-
Adhikarana 267 (369) · Śloka 370
মৃদ্বীকাদাডিমৈর্যুক্তঃ স চাপ্যুক্তোঽনিলার্দিতে ||৩৬৯|| রোচনো দীপনো হৃদ্যো লঘুপাক্যুপদিশ্যতে |৩৭০|
मृद्वीकादाडिमैर्युक्तः स चाप्युक्तोऽनिलार्दिते ||३६९|| रोचनो दीपनो हृद्यो लघुपाक्युपदिश्यते |३७०|
🔊 Audio coming soon
তস্য পঞ্চকযূষস্য সংযোগান্তরেণ গুণান্তরমাহ- মৃদ্বীকেত্যাদি| মসূরাদিযূষো মৃদ্বীকাদাডিমাভ্যাং সংযুক্তোঽতীব বাতহরঃ||৩৬৯||-
Adhikarana 268 (370) · Śloka 371
পটোলনিম্বযূষৌ তু কফমেদোবিশোষিণৌ ||৩৭০|| পিত্তঘ্নৌ দীপনৌ হৃদ্যৌ কৃমিকুষ্ঠজ্বরাপহৌ |৩৭১|
पटोलनिम्बयूषौ तु कफमेदोविशोषिणौ ||३७०|| पित्तघ्नौ दीपनौ हृद्यौ कृमिकुष्ठज्वरापहौ |३७१|
🔊 Audio coming soon
অন্যযূষানাহ- পটোলেত্যাদি| পটোলাদিষু চ যূষস্য সূপযোনিত্বান্মুদ্গাদিকং ত্রিগুণমিচ্ছন্তি| ইমৌ দ্বাবপি যূষৌ ভিন্নৌ জ্ঞেযৌ, ন তু দ্বযোরপ্যেকঃ||৩৭০||-
Adhikarana 269 (371-372) · Śloka 373
শ্বাসকাসপ্রতিশ্যাযপ্রসেকারোচকজ্বরান্ ||৩৭১|| হন্তি মূলকযূষস্তু কফমেদোগলগ্রহান্ | কুলত্থযূষোঽনিলহা শ্বাসপীনসনাশনঃ ||৩৭২|| তূণীপ্রতূণীকাসাশ্মগুল্মমেদঃকফাবহঃ |৩৭৩|
श्वासकासप्रतिश्यायप्रसेकारोचकज्वरान् ||३७१|| हन्ति मूलकयूषस्तु कफमेदोगलग्रहान् | कुलत्थयूषोऽनिलहा श्वासपीनसनाशनः ||३७२|| तूणीप्रतूणीकासाश्मगुल्ममेदःकफावहः |३७३|
🔊 Audio coming soon
কাসেত্যাদি| মূলকযূষো বালশুষ্কমূলকযূষঃ, জেজ্ঝটস্ত ‘যদ্যপি বালমূলকং ত্রিদোষঘ্নং তথাপি তস্য ন যূষকরণে শ্রুতিরস্তি” ইত্যাহ| অযমপি মুদ্গাদিসহিতো জ্ঞেযঃ||৩৭১-৩৭২||-
Adhikarana 270 (373) · Śloka 374
দাডিমামলকৈর্যূষো হৃদ্যঃ সংশমনো লঘুঃ ||৩৭৩|| প্রাণাগ্নিজননো মূর্চ্ছামেদোঘ্নো বাতপিত্তজিত্ |৩৭৪|
दाडिमामलकैर्यूषो हृद्यः संशमनो लघुः ||३७३|| प्राणाग्निजननो मूर्च्छामेदोघ्नो वातपित्तजित् |३७४|
🔊 Audio coming soon
দাডিমেত্যাদি| অযমেক এব সমুদ্গশ্চ| ন বিরেকং করোতি নাপি বমনং কিন্তু তত্স্থমেব দোষং শমযতীতি সংশমনঃ| প্রাণো ভারহরণাদিশক্তিঃ||৩৭৩||-
Adhikarana 271 (374) · Śloka 374
মুদ্গামলকযূষস্তু গ্রাহী পিত্তকফে হিতঃ ||৩৭৪||
मुद्गामलकयूषस्तु ग्राही पित्तकफे हितः ||३७४||
🔊 Audio coming soon
মুদ্গেত্যাদি| গ্রাহী অতিসারাদীনাং সঙ্গ্রাহী| অযমপ্যেকঃ||৩৭৪||
Adhikarana 272 (375) · Śloka 375
যবকোলকুলত্থানাং যূষঃ কণ্ঠ্যোঽনিলাপহঃ |৩৭৫|
यवकोलकुलत्थानां यूषः कण्ठ्योऽनिलापहः |३७५|
🔊 Audio coming soon
যবকোলেত্যাদি| অযমপ্যেকঃ|৩৭৫|-
Adhikarana 273 (375) · Śloka 375
সর্বধান্যকৃতস্তদ্বদ্বৃংহণঃ প্রাণবর্ধনঃ ||৩৭৫||
सर्वधान्यकृतस्तद्वद्बृंहणः प्राणवर्धनः ||३७५||
🔊 Audio coming soon
সর্বধান্যেত্যাদি| সর্বধান্যকৃত অযূষযোনিত্বাচ্ছূকধান্যকুধান্যে বিহায মুদ্গাদিশমীধান্যানামপথ্যবর্জ্যং যূষঃ| অযং তন্ত্রান্তরে নবমুষ্টিনাম্নাঽভিহিতঃ||৩৭৫||
Adhikarana 274 (376) · Śloka 376
খডকাম্বলিকৌ হৃদ্যৌ তথা বাতকফে হিতৌ |৩৭৬|
खडकाम्बलिकौ हृद्यौ तथा वातकफे हितौ |३७६|
🔊 Audio coming soon
খডেত্যাদি| খডকাম্বলিকৌ যূষবিশেষৌ| তত্র খডো দ্বিবিধঃ- সতক্রশমীধান্যঃ, সতক্রশাকশ্চ| তথাহি- “সতক্রাণি শমীধান্যানি স্নিগ্ধানি সঙ্গ্রাহকাণি খডানি” ইতি, সতক্রশাকস্তু “কপিত্থতক্রচাঙ্গেরীমরিচাজাজীচিত্রকৈঃ| সুপক্বঃ খডযূষোঽযমথ কাম্বলিকোঽপরঃ|| দধ্যম্ললবণস্নেহতিলমাষসমন্বিতঃ”- ইতি| তক্রাম্লসিদ্ধঃ কাম্বলিকঃ, অম্লানাং বহুত্বাত্| জেজ্ঝটমতে তু দধিদাডিমমাষশাকস্নেহযুক্তং ব্যঞ্জনং খড ইত্যুচ্যতে নলমতে তু “তিলং সুলুঞ্চিতং কৃত্বা পিষ্টং ক্ষীরে ত্র্যহোষিতম্| পটে পূতং পচেদ্ধীমানার্দ্রকাবাপিতে ঘৃতে| মরিচাজাজিসামুদ্রৈর্যুক্তস্তিলখডো ভবেত্”- ইতি| কাম্বলিকলক্ষণং তত্রৈবোক্তং “দধিমস্ত্বম্লসিদ্ধস্তু যূষঃ কাম্বলিকঃ স্মৃতঃ| পুনঃ সৌবর্চলাজাজীবীজপূরকসৌরভৈঃ|| সংযোজ্য মথিতঃ স্বচ্ছ এষ কাম্বলিকো ভবেত্”- ইতি|৩৭৬|-
Adhikarana 275 (376-377) · Śloka 377
বল্যঃ কফানিলৌ হন্তি দাডিমাম্লোঽগ্নিদীপনঃ ||৩৭৬|| দধ্যম্লঃ কফকৃদ্বল্যঃ স্নিগ্ধো বাতহরো গুরুঃ | তক্রাম্লঃ পিত্তকৃত্ প্রোক্তো বিষরক্তপ্রদূষণঃ ||৩৭৭||
बल्यः कफानिलौ हन्ति दाडिमाम्लोऽग्निदीपनः ||३७६|| दध्यम्लः कफकृद्बल्यः स्निग्धो वातहरो गुरुः | तक्राम्लः पित्तकृत् प्रोक्तो विषरक्तप्रदूषणः ||३७७||
🔊 Audio coming soon
যেন যেনাম্লেন সিদ্ধো যূষো যং যং গুণং করোতি তং তং গুণং দর্শযন্নাহ- বল্য ইত্যাদি| দাডিমেন ক্রিযতে যোঽম্লো যূষঃ স দাডিমাম্লঃ| দধ্যম্ল ইতি দধ্না ক্রিযতে যোঽম্লো যূষঃ স দধ্যম্লঃ| তক্রাম্লোঽপ্যেবম্| প্রদূষণঃ প্রকোপণঃ| ‘দাডিমধান্যাম্লদধিতক্রৈরম্লত্বং কাম্বলিকস্যৈব’ ইত্যেকে||৩৭৬-৩৭৭||
Adhikarana 276 (378) · Śloka 378
খডাঃ খডযবাগ্বশ্চ ষা(খা)ডবাঃ পানকানি চ | এবমাদীনি চান্যানি ক্রিযন্তে বৈদ্যবাক্যতঃ ||৩৭৮||
खडाः खडयवाग्वश्च षा(खा)डवाः पानकानि च | एवमादीनि चान्यानि क्रियन्ते वैद्यवाक्यतः ||३७८||
🔊 Audio coming soon
খডা ইত্যাদি| খডাঃ পূর্বোক্তাঃ| খডযবাগ্ব ইতি খডৈরুক্তলক্ষণৈঃ সিদ্ধা যবাগ্বঃ খডযবাগ্বঃ| ষা(খা)ডবলক্ষণমুচ্যতে- “স্পষ্টাম্লমধুরোঽস্পষ্টকষাযলবণোষণঃ| অতিক্তঃ খাডবঃ কোলকপিত্থাদ্যুপবৃংহিতঃ”- ইতি; খাডবা ইতি বহুবচনং খাডবভূযস্ত্বপ্রাপ্তযে, তচ্চ বিস্তরভযান্ন লিখিতম্| পানকানি অম্লিকাদ্রাক্ষাদিকৃতানি, এবমাদিগ্রহণাত্ সট্টকপ্রভৃতীনি||৩৭৮||
Adhikarana 277 (379) · Śloka 379
অস্নেহলবণং সর্বমকৃতং কটুকৈর্বিনা | বিজ্ঞেযং লবণস্নেহকটুকৈঃ সংযুতং কৃতম্ ||৩৭৯||
अस्नेहलवणं सर्वमकृतं कटुकैर्विना | विज्ञेयं लवणस्नेहकटुकैः संयुतं कृतम् ||३७९||
🔊 Audio coming soon
ব্যবহারার্থং কৃতাকৃতযূষযোঃ পরিভাষাং দর্শযন্নাহ- অস্নেহলবণমিত্যাদি| কটুকৈঃ শুণ্ঠ্যাদিভিঃ||৩৭৯||
Adhikarana 278 (380) · Śloka 380
অথ গোরসধান্যাম্লফলাম্লৈরম্লিতং চ যত্ | যথোত্তরং লঘু হিতং সংস্কৃতাসংস্কৃতং রসম্ ||৩৮০||
अथ गोरसधान्याम्लफलाम्लैरम्लितं च यत् | यथोत्तरं लघु हितं संस्कृतासंस्कृतं रसम् ||३८०||
🔊 Audio coming soon
তযোর্যূষযোরম্লান্তরসংযোগেন সংস্কৃতাসংস্কৃতযোরপি গুরুলাঘবং দর্শযন্নাহ- অথেত্যাদি| নপুংসকনির্দেশাদ্রসমিতি সামান্যেনাভীষ্টং, তেন যূষরসযোরুভযোরপি গুরুলাঘবমুক্তং ভবতি; সংস্কৃতাদসংস্কৃতং লঘ্বিতি সম্বধ্যতে, রসোঽত্র মাংসরসঃ||৩৮০||
Adhikarana 279 (381) · Śloka 381
দধিমস্ত্বম্লসিদ্ধস্তু যূষঃ কাম্বলিকঃ স্মৃতঃ |৩৮১|
दधिमस्त्वम्लसिद्धस्तु यूषः काम्बलिकः स्मृतः |३८१|
🔊 Audio coming soon
যূষকাম্বলিকযূষলক্ষণমুচ্যতে- দধীত্যাদি|৩৮১|-
Adhikarana 280 (381) · Śloka 382
তিলপিণ্যাকবিকৃতিঃ শুষ্কশাকং বিরূঢকম্ ||৩৮১|| সিণ্ডাকী চ গুরূণি স্যুঃ কফপিত্তকরাণি চ |৩৮২|
तिलपिण्याकविकृतिः शुष्कशाकं विरूढकम् ||३८१|| सिण्डाकी च गुरूणि स्युः कफपित्तकराणि च |३८२|
🔊 Audio coming soon
শুষ্কশাকবিশেষাণাং কৃতান্নানাং গুণং নির্দিশন্নাহ- তিলেত্যাদি| তিলবিকৃতির্মোদকাদিঃ, পিণ্যাকবিকৃতিঃ ফুট্টাঢকাদিঃ| তিলপিণ্যাকস্য শুষ্কশাকস্য বিরূঢকস্য চ ব্যঞ্জনানি দেশপুরুষবিশেষতো জ্ঞেযানি| বিরূঢমঙ্কুরিতং বিগতরোহং বা, অন্যে শাকমেবাত্যন্তরূঢং বিরূঢমাহুঃ| সিণ্ডাকী অনাসুতা শুষ্কার্দ্রা সুহ্মেষু, ‘অন্নাদিষ্বাসুতসিণ্ডাকী শুক্তগুণা নোক্তগুণা’ ইত্যেকে, ‘অনাসুতসিণ্ডাকী শাকবর্গে উক্তগুণেত্যাসুতসিণ্ডাক্যা এবাযং গুণঃ’ ইত্যেকে, মূলকাদিশাকমেব কিঞ্চিত্ স্বিন্নং ক্ষুণ্ণং সুগন্ধিকটুকদ্রব্যান্বিতং বটকীকৃতং সুহ্মেষু ‘সিণ্ডাকী’ ইত্যুচ্যতে, অন্যে তু ‘শাকসিক্থমণ্ডাসুতিঃ সিণ্ডাকী’ ইত্যাহুঃ||৩৮১||-
Adhikarana 281 (382) · Śloka 382
তদ্বচ্চ বটকান্যাহুর্বিদাহীনি গুরূণি চ ||৩৮২||
तद्वच्च वटकान्याहुर्विदाहीनि गुरूणि च ||३८२||
🔊 Audio coming soon
তদ্বদিত্যাদি বটকানীতি সিণ্ডাকীবটকানি||৩৮২||
Adhikarana 282 (383) · Śloka 383
লঘবো বৃংহণা বৃষ্যা হৃদ্যা রোচনদীপনাঃ | তৃষ্ণামূর্চ্ছাভ্রমচ্ছর্দিশ্রমঘ্না রাগষাডবাঃ ||৩৮৩||
लघवो बृंहणा वृष्या हृद्या रोचनदीपनाः | तृष्णामूर्च्छाभ्रमच्छर्दिश्रमघ्ना रागषाडवाः ||३८३||
🔊 Audio coming soon
রাগষাডবগুণমাহ- লঘব ইত্যাদি| তত্র রাগঃ- “সিতারুচকসিন্ধূত্থৈঃ সবৃক্ষাম্লপরূষকৈঃ| জম্বূফলরসৈর্যুক্তো রাগো রাজিকযা কৃতঃ”- ইতি| ষাডবাঃ পুনর্মধুরাম্ললবণসংযোগজা নানাবিধাঃ||৩৮৩||
Adhikarana 282 (384) · Śloka 384
রসালা বৃংহণী বল্যা স্নিগ্ধা বৃষ্যা চ রোচনী |৩৮৪|
रसाला बृंहणी बल्या स्निग्धा वृष्या च रोचनी |३८४|
🔊 Audio coming soon
রসালাগুণমাহ- রসালেত্যাদি| রসালা শিখরিণী|৩৮৪|-
Adhikarana 283 (384) · Śloka 384
স্নেহনং গুডসংযুক্তং হৃদ্যং দধ্যনিলাপহম্ ||৩৮৪||
स्नेहनं गुडसंयुक्तं हृद्यं दध्यनिलापहम् ||३८४||
🔊 Audio coming soon
সগুডদধিগুণমাহ- স্নেহনমিত্যাদি||৩৮৪||
Adhikarana 284 (385-387) · Śloka 388
সক্তবঃ সর্পিষাঽভ্যক্তাঃ শীতবারিপরিপ্লুতাঃ | নাতিদ্রবা নাতিসান্দ্রা মন্থ ইত্যুপদিশ্যতে ||৩৮৫|| মন্থঃ সদ্যোবলকরঃ পিপাসাশ্রমনাশনঃ | সাম্লস্নেহগুডো মূত্রকৃচ্ছ্রোদাবর্তনাশনঃ ||৩৮৬|| শর্করেক্ষুরসদ্রাক্ষাযুক্তঃ পিত্তবিকারনুত্ | দ্রাক্ষামধূদকযুতঃ কফরোগনিবর্হণঃ ||৩৮৭|| বর্গত্রযেণোপহিতো মলদোষানুলোমনঃ |৩৮৮|
सक्तवः सर्पिषाऽभ्यक्ताः शीतवारिपरिप्लुताः | नातिद्रवा नातिसान्द्रा मन्थ इत्युपदिश्यते ||३८५|| मन्थः सद्योबलकरः पिपासाश्रमनाशनः | साम्लस्नेहगुडो मूत्रकृच्छ्रोदावर्तनाशनः ||३८६|| शर्करेक्षुरसद्राक्षायुक्तः पित्तविकारनुत् | द्राक्षामधूदकयुतः कफरोगनिबर्हणः ||३८७|| वर्गत्रयेणोपहितो मलदोषानुलोमनः |३८८|
🔊 Audio coming soon
সক্তুমন্থমাহ- সক্তব ইত্যাদি| মন্থঃ সদ্যোবলকর ইতি সদ্যোবলকরোঽযং নোত্তরকালে(লং) বলকরো, রূক্ষত্বাত্; অবিশেষোক্তাবপি যবাদিশক্তবো গ্রাহ্যাঃ| মন্থস্যৈব দ্রব্যান্তরসংযুক্তস্য গুণান্তরমাহ- সাম্লস্নেহেত্যাদি| উদাবর্তনাশনত্বেনাস্য বাতহরত্বমুক্তম্||৩৮৫-৩৮৭||-
Adhikarana 285 (388-391) · Śloka 391
গৌডমম্লমনম্লং বা পানকং গুরু মূত্রলম্ ||৩৮৮|| তদেব খণ্ডমৃদ্বীকাশর্করাসহিতং পুনঃ | সাম্লং সতীক্ষ্ণং সহিমং পানকং স্যান্নিরত্যযম্ ||৩৮৯|| মার্দ্বীকং তু শ্রমহরং মূর্চ্ছাদাহতৃষাপহম্ | পরূষকাণাং কোলানাং হৃদ্যং বিষ্টম্ভি পানকম্ ||৩৯০|| দ্রব্যসংযোগসংস্কারং জ্ঞাত্বা মাত্রাং চ সর্বতঃ | পানকানাং যথাযোগং গুরুলাঘবমাদিশেত্ ||৩৯১|| ইতি কৃতান্নবর্গঃ |
गौडमम्लमनम्लं वा पानकं गुरु मूत्रलम् ||३८८|| तदेव खण्डमृद्वीकाशर्करासहितं पुनः | साम्लं सतीक्ष्णं सहिमं पानकं स्यान्निरत्ययम् ||३८९|| मार्द्वीकं तु श्रमहरं मूर्च्छादाहतृषापहम् | परूषकाणां कोलानां हृद्यं विष्टम्भि पानकम् ||३९०|| द्रव्यसंयोगसंस्कारं ज्ञात्वा मात्रां च सर्वतः | पानकानां यथायोगं गुरुलाघवमादिशेत् ||३९१|| इति कृतान्नवर्गः |
🔊 Audio coming soon
পানকগুণমাহ- গৌডমিত্যাদি| গুডশব্দোপলক্ষণত্বাত্ সর্বেক্ষুবিকারপানকগুণ উক্তঃ| অনম্লম্ ঈষদম্লম্| পানকস্য নানাদ্রব্যপরিভাষামাহ- তদেবেত্যাদি| তদেব গৌডমেব, সাম্লং সতিন্তিডীকাদিদ্রব্যং, সতীক্ষ্ণমিতি মরিচাদিতীক্ষ্ণদ্রব্যসহিতং, সহিমং সকর্পূরং, পানকং স্যাদ্ভবেত্, নিরত্যযং শ্রেষ্ঠম্; এবং খণ্ডমৃদ্বীকাশর্করাপানকেষ্বম্লাদিদ্রব্য সংস্কারো জ্ঞেযঃ; মৃদ্বীকাগ্রহণং পানকযোনিফলোপলক্ষণম্| দ্রাক্ষাপানকগুণমাহ- মার্দ্বীকমিত্যাদি| পরূষককোলপানকযোর্গুণমাহ- পরূষকাণামিত্যাদি| পরূষকং ‘ফালসা’ ইতি লোকে, কোলং বদরঃ| অনুক্তপানকগুণমাহ- দ্রব্যেত্যাদি| সর্বতঃ সর্বস্মিন্ পানকে| উক্তানুক্তপানকগুণোঽযমিত্যেকে| ইতি কৃতান্নবর্গঃ||৩৮৮-৩৯১||
Adhikarana 286 (392) · Śloka 392
অথ ভক্ষ্যবর্গঃ | বক্ষ্যাম্যতঃ পরং ভক্ষ্যান্ রসবীর্যবিপাকতঃ |৩৯২|
अथ भक्ष्यवर्गः | वक्ष्याम्यतः परं भक्ष्यान् रसवीर्यविपाकतः |३९२|
🔊 Audio coming soon
ভক্ষ্যান্নির্দেষ্টুমাহ- বক্ষ্যামীত্যাদি| ভক্ষ্যা লড্ডুকাদযঃ| রসবীর্যবিপাকত ইতি রসাদিভিঃ কৃত্বেত্যর্থঃ|৩৯২|-
Adhikarana 287 (392) · Śloka 393
ভক্ষ্যাঃ ক্ষীরকৃতা বল্যা বৃষ্যা হৃদ্যাঃ সুগন্ধিনঃ ||৩৯২|| অদাহিনঃ পুষ্টিকরা দীপনাঃ পিত্তনাশনাঃ |৩৯৩|
भक्ष्याः क्षीरकृता बल्या वृष्या हृद्याः सुगन्धिनः ||३९२|| अदाहिनः पुष्टिकरा दीपनाः पित्तनाशनाः |३९३|
🔊 Audio coming soon
ভক্ষ্যাণাং যোনিবিশেষেণ গুণবিশেষং নির্দিশন্নাহ- ভক্ষ্যা ইত্যাদি| গোধূমপিষ্টবিকৃতিং ক্ষীরেণালোড্য যে ক্রিযন্তে তে ক্ষীরকৃতা ভক্ষ্যাঃ| বল্যা ইতি উত্সাহকরাঃ| অদাহিন ইতি ঈষদ্দাহিনঃ| দীপনাঃ পুনঃ স্ববর্গাপেক্ষযা বাতোপহতাগ্নেঃ, সংস্কারপ্রভাবাদ্বা||৩৯২||-
Adhikarana 288 (393) · Śloka 394
তেষাং প্রাণকরা হৃদ্যা ঘৃতপূরাঃ কফাবহাঃ ||৩৯৩|| বাতপিত্তহরা বৃষ্যা গুরবো রক্তমাংসলাঃ |৩৯৪|
तेषां प्राणकरा हृद्या घृतपूराः कफावहाः ||३९३|| वातपित्तहरा वृष्या गुरवो रक्तमांसलाः |३९४|
🔊 Audio coming soon
ক্ষীরভক্ষ্যবিশেষমাহ- তেষামিত্যাদি| “মর্দিতাঃ সমিতাঃ ক্ষীরনালিকেরসিতাদিভিঃ| অবগাহ্য ঘৃতে পক্বো ঘৃতপূরোঽযমুত্তমঃ” ‘ঘেব(উ)র’ ইতি লোকে||৩৯৩||-
Adhikarana 289 (394) · Śloka 395
বৃংহণা গৌডিকা ভক্ষ্যা গুরবোঽনিলনাশনাঃ ||৩৯৪|| অদাহিনঃ পিত্তহরাঃ শুক্রলাঃ কফবর্ধনাঃ |৩৯৫|
बृंहणा गौडिका भक्ष्या गुरवोऽनिलनाशनाः ||३९४|| अदाहिनः पित्तहराः शुक्रलाः कफवर्धनाः |३९५|
🔊 Audio coming soon
গুডকৃতান্ ভক্ষ্যানাহ- বৃংহণা ইত্যাদি| সমিতাবেষ্টিতা গুডপ্রধানোদরা ‘গৌডিকা’ ইত্যুচ্যন্তে||৩৯৪||-
Adhikarana 290 (395) · Śloka 396
মধুশীর্ষকসংযাবাঃ পূপা যে তে বিশেষতঃ ||৩৯৫|| গুরবো বৃংহণাশ্চৈব মোদকাস্তু সুদুর্জরাঃ |৩৯৬|
मधुशीर्षकसंयावाः पूपा ये ते विशेषतः ||३९५|| गुरवो बृंहणाश्चैव मोदकास्तु सुदुर्जराः |३९६|
🔊 Audio coming soon
মধ্বিত্যাদি| সমিতাবেষ্টিতাঃ পাকঘনীভূতা মধুরা ঘৃতোদরা মধুমস্তকাঃ, ত এব ‘মধুশীর্ষকা’ উচ্যন্তে; কেচিন্মধুমস্তকশব্দেন খজ্জকমাহুঃ| সংযাবাঃ পুনঃ- “সমিতাং মধু(ঘৃত)দুগ্ধেন মোদযিত্বা সুশোভনাম্| পচেদ্ঘৃতোত্তরে খণ্ডে ক্ষিপেদ্ভাণ্ডে নবে ততঃ|| সংযাবোঽসৌ যুতশ্চূর্ণৈঃ খণ্ডৈলামরিচার্দ্রকৈঃ”- ইতি| পূপাঃ ‘পূআ’ ইতি লোকে| মোদকা লড্ডুকাঃ||৩৯৫||-
Adhikarana 291 (396) · Śloka 397
রোচনো দীপনঃ স্বর্যঃ পিত্তঘ্নঃ পবনাপহঃ ||৩৯৬|| গুরুর্মৃষ্টতরমশ্চৈব সট্টকঃ প্রাণবর্ধনঃ |৩৯৭|
रोचनो दीपनः स्वर्यः पित्तघ्नः पवनापहः ||३९६|| गुरुर्मृष्टतरमश्चैव सट्टकः प्राणवर्धनः |३९७|
🔊 Audio coming soon
সট্টকগুণমাহ- দীপন ইত্যাদি| মৃষ্টতরঃ অতিশযেন স্বাদুঃ| সট্টকভেদা বহবঃ; তত্রৈক এব লিখ্যতে- “লবঙ্গব্যোষখণ্ডৈস্তু দধি নির্মথ্য গালিতম্| দাডিমীবীজসংযুক্তং চন্দ্রচূর্ণাবচূর্ণিতম্|| সট্টকং সুপ্রমোদাখ্যং নলাদিভিরুদাহৃতম্”- ইতি| অপরে বিস্তরভযান্ন লিখিতাঃ||৩৯৬||-
Adhikarana 292 (397) · Śloka 398
হৃদ্যঃ সুগন্ধির্মধুরঃ স্নিগ্ধঃ কফকরো গুরুঃ ||৩৯৭|| বাতাপহস্তৃপ্তিকরো বল্যো বিষ্যন্দ উচ্যতে |৩৯৮|
हृद्यः सुगन्धिर्मधुरः स्निग्धः कफकरो गुरुः ||३९७|| वातापहस्तृप्तिकरो बल्यो विष्यन्द उच्यते |३९८|
🔊 Audio coming soon
বিষ্যন্দগুণমাহ- হৃদ্য ইত্যাদি| “আমগোধূমচূর্ণং চ সর্পিঃক্ষীরগুডান্বিতম্| নাতিসান্দ্রো নাতিঘনো বিষ্যন্দো নাম নামতঃ”- অন্যে তু ঘৃতভ্রষ্টতণ্ডুলান্ বিষ্যন্দশব্দেনাহুঃ, তন্নেচ্ছতি গযী||৩৯৭||-
Adhikarana 293 (398) · Śloka 399
বৃংহণা বাতপিত্তঘ্না ভক্ষ্যা বল্যাস্তু সামিতাঃ ||৩৯৮|| হৃদ্যাঃ পথ্যতমাস্তেষাং লঘবঃ ফেনকাদযঃ |৩৯৯|
बृंहणा वातपित्तघ्ना भक्ष्या बल्यास्तु सामिताः ||३९८|| हृद्याः पथ्यतमास्तेषां लघवः फेनकादयः |३९९|
🔊 Audio coming soon
সমিতাকৃতং সামান্যং গুণং কেষুচিত্ কিঞ্চিন্নিরাকুর্বন্নাহ- বৃংহণা ইত্যাদি| সামিতা ইতি ফেনকাদিবিশেষণং, সমিতা গোধূমচূর্ণং, তযা কৃতাঃ সামিতাঃ; অন্যে ‘বৃংহণা ইত্যাদযঃ সমিতাকৃতভক্ষ্যাণাং সামান্যগুণাঃ, হৃদ্যা ইত্যাদযস্তু সমিতাকৃতভক্ষ্যবিশেষফেনকাদিগুণাঃ’ ইত্যাহুঃ| তত্র ফেনকাঃ “বিমর্দ্য বিমলাং শুক্লাং সমিতাং নাতিশর্করাম্| সংবেষ্টনায গর্ভার্থং খরপাকং ঘৃতে পচেত্|| ফেনকং ফেনসঙ্কাশং সম্পূর্ণশশিসন্নিভম্”- ইতি||৩৯৮||-
Adhikarana 294 (399) · Śloka 400
মুদ্গাদিবেসবারাণাং পূর্ণা বিষ্টম্ভিনো মতাঃ ||৩৯৯|| বেসবারৈঃ সপিশিতৈঃ সম্পূর্ণা গুরুবৃংহণাঃ |৪০০|
मुद्गादिवेसवाराणां पूर्णा विष्टम्भिनो मताः ||३९९|| वेसवारैः सपिशितैः सम्पूर्णा गुरुबृंहणाः |४००|
🔊 Audio coming soon
ত এব সামিতাদযো মুদ্গাদিন্যস্তগর্ভা ভবন্তি, তদা তদ্গুণং নির্দিশন্নাহ- মুদ্গাদীত্যাদি| স্বিন্নপিষ্টমুদ্গাদিকল্কো বেসবারঃ, পূর্ণা ভরিতাঃ| পিশিতবেশবারভরিতগুণমাহ- বেসবারৈরিত্যাদি| সপিশিতৈরিতি পিশিতবেসবারৈরিত্যর্থঃ; অপরে বেসবারং শুণ্ঠ্যাদিকৃতমাহুঃ| সম্পূর্ণা ভরিতাঃ| ইমেঽপি সামিতাঃ||৩৯৯||-
Adhikarana 295 (400) · Śloka 400
পাললাঃ শ্লেষ্মজননাঃ, শষ্কুল্যঃ কফপিত্তলাঃ ||৪০০||
पाललाः श्लेष्मजननाः, शष्कुल्यः कफपित्तलाः ||४००||
🔊 Audio coming soon
পললং তিলপিষ্টং গুডাদ্যুপেতং, তেন কৃতাঃ পাললাঃ; ইমেঽপি সামিতাঃ| শষ্কুল্য ইতি শষ্কুল্যঃ ‘শাঙ্কুলী’ ইতি লোকে||৪০০||
Adhikarana 296 (401) · Śloka 401
বীর্যোষ্ণাঃ পৈষ্টিকা ভক্ষ্যাঃ কফপিত্তপ্রকোপণাঃ | বিদাহিনো নাতিবলা গুরবশ্চ বিশেষতঃ ||৪০১||
वीर्योष्णाः पैष्टिका भक्ष्याः कफपित्तप्रकोपणाः | विदाहिनो नातिबला गुरवश्च विशेषतः ||४०१||
🔊 Audio coming soon
সামিতান্ ভক্ষ্যানভিধায পিষ্টভক্ষ্যান্নির্দিশন্নাহ- বীর্যোষ্ণা ইত্যাদি| পৈষ্টিকাঃ তণ্ডুলপিষ্টকৃতাঃ||৪০১||
Adhikarana 297 (402) · Śloka 403
বৈদলা লঘবো ভক্ষ্যাঃ কষাযাঃ সৃষ্টমারুতাঃ | বিষ্টম্ভিনঃ পিত্তসমাঃ শ্লেষ্মঘ্না ভিন্নবর্চসঃ ||৪০২|| বল্যা বৃষ্যাস্তু গুরবো বিজ্ঞেযা মাষসাধিতাঃ |৪০৩|
वैदला लघवो भक्ष्याः कषायाः सृष्टमारुताः | विष्टम्भिनः पित्तसमाः श्लेष्मघ्ना भिन्नवर्चसः ||४०२|| बल्या वृष्यास्तु गुरवो विज्ञेया माषसाधिताः |४०३|
🔊 Audio coming soon
বৈদলা ইত্যাদি| বৈদলা মুদ্গাদিকৃতাঃ||৪০২||
Adhikarana 298 (403) · Śloka 403
কূর্চিকাবিকৃতা ভক্ষ্যা গুরবো নাতিপিত্তলাঃ ||৪০৩||
कूर्चिकाविकृता भक्ष्या गुरवो नातिपित्तलाः ||४०३||
🔊 Audio coming soon
বিগ্রথিতং ক্ষীরং ঘনত্বমাপন্নং কূর্চিকা, তযা বিবিধপ্রকারাঃ কৃতাঃ কূর্চিকাবিকৃতাঃ||৪০৩||
Adhikarana 299 (404) · Śloka 404
বিরূঢককৃতা ভক্ষ্যা গুরবোঽনিলপিত্তলাঃ | বিদাহোত্ক্লেশজননা রূক্ষা দৃষ্টিপ্রদূষণাঃ ||৪০৪||
विरूढककृता भक्ष्या गुरवोऽनिलपित्तलाः | विदाहोत्क्लेशजनना रूक्षा दृष्टिप्रदूषणाः ||४०४||
🔊 Audio coming soon
বিরূঢককৃতা ইত্যাদি| বিরূঢককৃতা অঙ্কুরিতমুদ্গাদিকৃতাঃ||৪০৪||
Adhikarana 300 (405-406) · Śloka 406
হৃদ্যাঃ সুগন্ধিনো ভক্ষ্যা লঘবো ঘৃতপাচিতাঃ | বাতপিত্তহরা বল্যা বর্ণদৃষ্টিপ্রসাদনাঃ ||৪০৫|| বিদাহিনস্তৈলকৃতা গুরবঃ কটুপাকিনঃ | উষ্ণা মারুতদৃষ্টিঘ্নাঃ পিত্তলাস্ত্বক্প্রদূষণাঃ ||৪০৬||
हृद्याः सुगन्धिनो भक्ष्या लघवो घृतपाचिताः | वातपित्तहरा बल्या वर्णदृष्टिप्रसादनाः ||४०५|| विदाहिनस्तैलकृता गुरवः कटुपाकिनः | उष्णा मारुतदृष्टिघ्नाः पित्तलास्त्वक्प्रदूषणाः ||४०६||
🔊 Audio coming soon
ঘৃততৈলপক্বভক্ষ্যস্য গুণবিশেষমাহ- হৃদ্যা ইত্যাদি||৪০৫-৪০৬||
Adhikarana 301 (407) · Śloka 407
ফলমাংসেক্ষুবিকৃতিতিলমাষোপসংস্কৃতাঃ | ভক্ষ্যা বল্যাশ্চ গুরবো বৃংহণা হৃদযপ্রিযাঃ ||৪০৭||
फलमांसेक्षुविकृतितिलमाषोपसंस्कृताः | भक्ष्या बल्याश्च गुरवो बृंहणा हृदयप्रियाः ||४०७||
🔊 Audio coming soon
যোনিবিশেষেণ ভক্ষ্যাণাং গুণাগুণবিশেষং দর্শযন্নাহ- ফলেত্যাদি| ফলানি তালাদীনি||৪০৭||
Adhikarana 302 (408) · Śloka 408
কপালাঙ্গারপক্বাস্তু লঘবো বাতকোপনাঃ | সুপক্বাস্তনবশ্চৈব ভূযিষ্ঠং লঘবো মতাঃ ||৪০৮||
कपालाङ्गारपक्वास्तु लघवो वातकोपनाः | सुपक्वास्तनवश्चैव भूयिष्ठं लघवो मताः ||४०८||
🔊 Audio coming soon
কপালাঙ্গারপক্বানাং স্নেহসিদ্ধেভ্যো লঘুত্বং দর্শযন্নাহ- কপালাঙ্গারপক্বা ইত্যাদি| কপালং কর্পরঃ, তত্র পক্বা মণ্ডকাদযঃ; অঙ্গারপক্বা অঙ্গারকর্কটীপ্রভৃতযঃ||৪০৮||
Adhikarana 303 (409) · Śloka 409
সকিলাটাদযো ভক্ষ্যা গুরবঃ কফবর্ধনাঃ |৪০৯|
सकिलाटादयो भक्ष्या गुरवः कफवर्धनाः |४०९|
🔊 Audio coming soon
সকিলাটাদয ইত্যাদি| কিলাটঃ ক্ষীরকূর্চিকাপিণ্ডঃ, আদিশব্দাত্তক্রপিণ্ডকাদযঃ|৪০৯|-
Adhikarana 304 (409) · Śloka 409
কুল্মাষা বাতলা রূক্ষা গুরবো ভিন্নবর্চসঃ ||৪০৯||
कुल्माषा वातला रूक्षा गुरवो भिन्नवर्चसः ||४०९||
🔊 Audio coming soon
কুল্মাষা ইত্যাদি| যবপিষ্টমুষ্ণোদকে সিক্তমীষত্স্বিন্নমৃদিতং শৃঙ্গাটাদিপ্রকারং কুল্মাষমাহুঃ, ‘যবাদযঃ স্বিন্না’ ইত্যেকে| ভিন্নবর্চসো দ্রবমলাঃ||৪০৯||
Adhikarana 305 (410) · Śloka 410
উদাবর্তহরো বাট্যঃ কাসপীনসমেহনুত্ |৪১০|
उदावर्तहरो वाट्यः कासपीनसमेहनुत् |४१०|
🔊 Audio coming soon
উদাবর্তেত্যাদি| বাট্যো যবগোধূমাদিভির্দলিতৈঃ কৃতঃ, অন্যে তু ভৃষ্টযবকৃতো ভক্ষ্য ইত্যাহুঃ|৪১০|-
Adhikarana 306 (410) · Śloka 410
ধানোলুম্বাস্তু লঘবঃ কফমেদোবিশোষণাঃ ||৪১০||
धानोलुम्बास्तु लघवः कफमेदोविशोषणाः ||४१०||
🔊 Audio coming soon
ধানেত্যাদি| ধানা ভৃষ্টযবাঃ; উলুম্বা হোলকাঃ, অত্র মুদ্গকলাযাদিশিম্বা অগ্নিপক্বা ‘হোলকা’ ইত্যুচ্যন্তে||৪১০||
Adhikarana 307 (411-412) · Śloka 412
শক্তবো বৃংহণা বৃষ্যাস্তৃষ্ণাপিত্তকফাপহাঃ | পীতাঃ সদ্যোবলকরা ভেদিনঃ পবনাপহাঃ ||৪১১|| গুর্বী পিণ্ডী খরাঽত্যর্থং লঘ্বী সৈব বিপর্যযাত্ | শক্তূনামাশু জীর্যেত মৃদুত্বাদবলেহিকা ||৪১২||
शक्तवो बृंहणा वृष्यास्तृष्णापित्तकफापहाः | पीताः सद्योबलकरा भेदिनः पवनापहाः ||४११|| गुर्वी पिण्डी खराऽत्यर्थं लघ्वी सैव विपर्ययात् | शक्तूनामाशु जीर्येत मृदुत्वादवलेहिका ||४१२||
🔊 Audio coming soon
বাট্যধানাপ্রসঙ্গেন যবশক্তূনাহ- শক্তব ইত্যাদি| শক্তবো যবশক্তবঃ| বৃংহণা ন লেখনা মাংসকরা ইত্যর্থঃ| ‘তৃষ্ণাপিত্তকফাপহাঃ’ ইত্যত্র ‘তৃষ্ণাপিত্তমলাপহাঃ’ ইতি ক্বচিত্, তত্র মলাপহত্বমল্পমলকর্তৃত্বাত্| সদ্যোবলকরত্বং রৌক্ষ্যান্নোত্তরকালম্| খরমার্দবভেদেন গুরুলাঘবমাহ- গুর্বীত্যাদি| খরা কঠিনেত্যর্থঃ| বিপর্যযাদিতি মৃদ্বীত্যর্থঃ| পিণ্ডীমভিধাযাবলেহিকামাহ- শক্তূনামিত্যাদি| শক্তূনামবলেহিকেতি সম্বন্ধঃ||৪১১-৪১২||
Adhikarana 308 (413) · Śloka 413
লাজাশ্ছর্দ্যতিসারঘ্না দীপনাঃ কফনাশনাঃ | বল্যাঃ কষাযমধুরা লঘবস্তৃণ্মলাপহাঃ ||৪১৩||
लाजाश्छर्द्यतिसारघ्ना दीपनाः कफनाशनाः | बल्याः कषायमधुरा लघवस्तृण्मलापहाः ||४१३||
🔊 Audio coming soon
অধুনা লাজগুণমাহ- লাজা ইত্যাদি| মলাপহত্বমল্পকর্তৃত্বাত্||৪১৩||
Adhikarana 309 (414) · Śloka 414
তৃট্ছর্দিদাহঘর্মার্তিনুদস্তত্সক্তবো মতাঃ | রক্তপিত্তহরাশ্চৈব দাহজ্বরবিনাশনাঃ ||৪১৪||
तृट्छर्दिदाहघर्मार्तिनुदस्तत्सक्तवो मताः | रक्तपित्तहराश्चैव दाहज्वरविनाशनाः ||४१४||
🔊 Audio coming soon
লাজশক্তুগুণমাহ- তৃডিত্যাদি| তত্সক্তবো লাজশক্তবঃ||৪১৪||
Adhikarana 310 (415) · Śloka 415
পৃথুকা গুরবঃ স্নিগ্ধা বৃংহণাঃ কফবর্ধনাঃ | বল্যাঃ সক্ষীরভাবাত্তু বাতঘ্না ভিন্নবর্চসঃ ||৪১৫||
पृथुका गुरवः स्निग्धा बृंहणाः कफवर्धनाः | बल्याः सक्षीरभावात्तु वातघ्ना भिन्नवर्चसः ||४१५||
🔊 Audio coming soon
পৃথুকগুণমাহ- পৃথুকা ইত্যাদি| আর্দ্রশালিধান্যং মৃদুভৃষ্টং মুসলাঘাতচিপ্পটীভূতাবযবং ‘পৃথুকা’ ইত্যুচ্যতে||৪১৫||
Adhikarana 311 (416) · Śloka 416
সন্ধানকৃত্পিষ্টমামং তণ্ডুলং কৃমিমেহনুত্ |৪১৬|
सन्धानकृत्पिष्टमामं तण्डुलं कृमिमेहनुत् |४१६|
🔊 Audio coming soon
ধান্যপিষ্টগুণমাহ- সন্ধানকৃদিত্যাদি| সন্ধানং ভগ্নস্য, আমমপক্বমিত্যর্থঃ|৪১৬|-
Adhikarana 312 (416) · Śloka 417
সুদুর্জরঃ স্বাদুরসো বৃংহণস্তণ্ডুলো নবঃ ||৪১৬|| সন্ধানকৃন্মেহহরঃ পুরাণস্তণ্ডুলঃ স্মৃতঃ |৪১৭|
सुदुर्जरः स्वादुरसो बृंहणस्तण्डुलो नवः ||४१६|| सन्धानकृन्मेहहरः पुराणस्तण्डुलः स्मृतः |४१७|
🔊 Audio coming soon
নবানবতণ্ডুলগুণমাহ - সুদুর্জর ইত্যাদি||৪১৬||-
Adhikarana 313 (417-418) · Śloka 418
দ্রব্যসংযোগসংস্কারবিকারান্ সমবেক্ষ্য চ ||৪১৭|| যথাকারণমাসাদ্য ভোক্তৄণাং ছন্দতোঽপি বা | অনেকদ্রব্যযোনিত্বাচ্ছাস্ত্রতস্তান্ বিনির্দিশেত্ ||৪১৮|| ইতি ভক্ষ্যবর্গঃ |
द्रव्यसंयोगसंस्कारविकारान् समवेक्ष्य च ||४१७|| यथाकारणमासाद्य भोक्तॄणां छन्दतोऽपि वा | अनेकद्रव्ययोनित्वाच्छास्त्रतस्तान् विनिर्दिशेत् ||४१८|| इति भक्ष्यवर्गः |
🔊 Audio coming soon
কিম্বহুনা আনন্ত্যাদন্নসংযোগসংস্কারাণাং ন শক্যতে সর্বোপসঙ্গ্রহঃ কর্তুং, তস্মাদুক্তানুক্তসঙ্গ্রহাযাহ- দ্রব্যেত্যাদি| বিকারান্ ভক্ষ্যবিশেষান্| কারণমাসাদ্যেতি দোষাদিপ্রকোপং প্রাপ্যেত্যর্থঃ| ভোক্তৄণাং ছন্দতোঽপি বেতি পুরুষাভিলাষত ইত্যর্থঃ| ইতি ভক্ষ্যবর্গঃ||৪১৭-৪১৮||
Adhikarana 314 (419) · Śloka 419
অতঃ সর্বানুপানান্যুপদেক্ষ্যামঃ | - অম্লেন কেচিদ্বিহতা মনুষ্যা মাধুর্যযোগে প্রণযীভবন্তি | তথাম্লযোগে মধুরেণ তৃপ্তাস্তেষাং যথেষ্টং প্রবদন্তি পথ্যম্ ||৪১৯||
अतः सर्वानुपानान्युपदेक्ष्यामः | - अम्लेन केचिद्विहता मनुष्या माधुर्ययोगे प्रणयीभवन्ति | तथाम्लयोगे मधुरेण तृप्तास्तेषां यथेष्टं प्रवदन्ति पथ्यम् ||४१९||
🔊 Audio coming soon
অনুপানং নির্দেষ্টুমাহ- অনুপানানীত্যাদি| অন্নাদনু পশ্চাত্ পীযত ইত্যনুপানম্| অনুপানং কুত্র হিতাবহমিত্যাহ- অম্লেনেত্যাদি| বিহতা উদ্বেজিতাঃ| মাধুর্যযোগ ইতি মাধুর্যোপযোগে ইত্যর্থঃ| প্রণযীভবন্তি সুখীভবন্তীতি, তথাঽম্লযোগ ইত্যত্রাপি প্রণযীভবন্তীতি সম্বন্ধনীযম্| তেষামুভযেষামপি অম্লতৃপ্তানাং মধুরতৃপ্তানাং চেত্যর্থঃ| যথেষ্টং যথাভিলষিতম্; অম্লতৃপ্তস্য মধুরং পথ্যং, মধুরতৃপ্তস্য চাম্লমিত্যর্থঃ; তস্মাদ্রসষট্কেঽপি পরস্পরবিরুদ্ধমনুপানং জ্ঞেযং, রসদ্বযস্যোপলক্ষণত্বাত্; অথবা শেষরসানাং তৃপ্ত্যা ভোক্তুমশক্যত্বাচ্ছেষরসানামনুক্তিঃ||৪১৯||
Adhikarana 315 (420-421) · Śloka 422
শীতোষ্ণতোযাসবমদ্যযূষফলাম্লধান্যাম্লপযোরসানাম্ | যস্যানুপানং তু হিতং ভবেদ্যত্তস্মৈ প্রদেযং ত্বিহ মাত্রযা তত্ ||৪২০|| ব্যাধিং চ কালং চ বিভাব্য ধীরৈর্দ্রব্যাণি ভোজ্যানি চ তানি তানি | সর্বানুপানেষু বরং বদন্তি মৈধ্যং যদম্ভঃ শুচিভাজনস্থম্ ||৪২১|| লোকস্য জন্মপ্রভৃতি প্রশস্তং তোযাত্মকাঃ সর্বরসাশ্চ দৃষ্টাঃ | সঙ্ক্ষেপ এষোঽভিহিতোঽনুপানে... |৪২২|
शीतोष्णतोयासवमद्ययूषफलाम्लधान्याम्लपयोरसानाम् | यस्यानुपानं तु हितं भवेद्यत्तस्मै प्रदेयं त्विह मात्रया तत् ||४२०|| व्याधिं च कालं च विभाव्य धीरैर्द्रव्याणि भोज्यानि च तानि तानि | सर्वानुपानेषु वरं वदन्ति मैध्यं यदम्भः शुचिभाजनस्थम् ||४२१|| लोकस्य जन्मप्रभृति प्रशस्तं तोयात्मकाः सर्वरसाश्च दृष्टाः | सङ्क्षेप एषोऽभिहितोऽनुपाने... |४२२|
🔊 Audio coming soon
অনুপানদ্রব্যাণি সঙ্কলয্যাহ- শীতোষ্ণেত্যাদি| দ্রবপ্রধান আসবঃ, দ্রবপ্রধানং দ্রব্যপ্রধানং চ মদ্যমুচ্যতে, যূষো মুদ্গাদীনাং, ফলাম্লানি বীজপূরাদীনি, ধান্যাম্লং কাঞ্জিকং, পযো দুগ্ধং, রসো মাংসরসঃ| যস্য পুরুষস্য, ব্যাধিং ব্রণজ্বরাদিকং, কালমাবস্থিকমার্তবং চ, বিভাব্য বিশেষেণ জ্ঞাত্বা, দ্রব্যাণি তৈলাদীনি, ভোজ্যানি রক্তশাল্যাদীনি, এতত্সর্বমূহাপোহবিদা জ্ঞাত্বা অনুপানং বিধেযমিতি| (কিম্বহুনা সর্বানুপানেষ্বপি ) মেধ্যম্ আন্তরিক্ষং জলম্||৪২০-৪২১||-
Adhikarana 316 (422-431) · Śloka 431
... ষ্বতঃ পরং বিস্তরতোঽভিধাস্যে ||৪২২|| উষ্ণোদকানুপানং তু স্নেহানামথ শস্যতে | ঋতে ভল্লাতকস্নেহাত্ স্নেহাত্তৌবরকাত্তথা ||৪২৩|| অনুপানং বদন্ত্যেকে তৈলে যূষাম্লকাঞ্জিকম্ | শীতোদকং মাক্ষিকস্য পিষ্টান্নস্য চ সর্বশঃ ||৪২৪|| দধিপাযসমদ্যার্তিবিষজুষ্টে তথৈব চ | কেচিত্ পিষ্টমযস্যাহুরনুপানং সুখোদকম্ ||৪২৫|| পযো মাংসরসো বাঽপি শালিমুদ্গাদিভোজিনাম্ | যুদ্ধাধ্বাতপসন্তাপবিষমদ্যরুজাসু চ ||৪২৬|| মাষাদেরনুপানং তু ধান্যাম্লং দধিমস্তু বা | মদ্যং মদ্যোচিতানাং তু সর্বমাংসেষু পূজিতম্ ||৪২৭|| অমদ্যপানামুদকং ফলাম্লং বা প্রশস্যতে | ক্ষীরং ঘর্মাধ্বভাষ্যস্ত্রীক্লান্তানামমৃতোপমম্ ||৪২৮|| সুরা কৃশানাং স্থূলানামনুপানং মধূদকম্ | নিরামযানাং চিত্রং তু ভুক্তমধ্যে প্রকীর্তিতম্ ||৪২৯|| স্নিগ্ধোষ্ণং মারুতে পথ্যং, কফে রূক্ষোষ্ণমিষ্যতে | অনুপানং হিতং চাপি পিত্তে মধুরশীতলম্ ||৪৩০|| হিতং শোণিতপিত্তিভ্যঃ ক্ষীরমিক্ষুরসস্তথা | অর্কশেলুশিরীষাণামাসবাস্তু বিষার্তিষু ||৪৩১||
... ष्वतः परं विस्तरतोऽभिधास्ये ||४२२|| उष्णोदकानुपानं तु स्नेहानामथ शस्यते | ऋते भल्लातकस्नेहात् स्नेहात्तौवरकात्तथा ||४२३|| अनुपानं वदन्त्येके तैले यूषाम्लकाञ्जिकम् | शीतोदकं माक्षिकस्य पिष्टान्नस्य च सर्वशः ||४२४|| दधिपायसमद्यार्तिविषजुष्टे तथैव च | केचित् पिष्टमयस्याहुरनुपानं सुखोदकम् ||४२५|| पयो मांसरसो वाऽपि शालिमुद्गादिभोजिनाम् | युद्धाध्वातपसन्तापविषमद्यरुजासु च ||४२६|| माषादेरनुपानं तु धान्याम्लं दधिमस्तु वा | मद्यं मद्योचितानां तु सर्वमांसेषु पूजितम् ||४२७|| अमद्यपानामुदकं फलाम्लं वा प्रशस्यते | क्षीरं घर्माध्वभाष्यस्त्रीक्लान्तानाममृतोपमम् ||४२८|| सुरा कृशानां स्थूलानामनुपानं मधूदकम् | निरामयानां चित्रं तु भुक्तमध्ये प्रकीर्तितम् ||४२९|| स्निग्धोष्णं मारुते पथ्यं, कफे रूक्षोष्णमिष्यते | अनुपानं हितं चापि पित्ते मधुरशीतलम् ||४३०|| हितं शोणितपित्तिभ्यः क्षीरमिक्षुरसस्तथा | अर्कशेलुशिरीषाणामासवास्तु विषार्तिषु ||४३१||
🔊 Audio coming soon
সঙ্ক্ষেপমভিধায বিস্তরমাহ- অতঃ পরমিত্যাদি| ঋতে বিনেত্যর্থঃ| ভল্লাতকস্যাত্যন্তোষ্ণত্বাচ্ছীতজলম্| তৌবরকাদিতি “পত্রৈস্তু কেশরাকারৈঃ কলাযসদৃশৈঃ ফলৈঃ| বৃক্ষাস্তুবরনামানঃ পশ্চিমার্ণবতীরজাঃ” ইতি, তদ্ভবস্তৌবরকঃ| স্নেহপ্রসঙ্গেনৈকীযমতং তৈলানুপানে নির্দিশন্নাহ- অনুপানমিত্যাদি| উষ্ণকালে যূষং, শীতকালে কাঞ্জিকম্| মাক্ষিকস্যেতি মাক্ষিকস্য মধুনঃ| পিষ্টান্নস্য তণ্ডুলপিষ্টস্য| দধি প্রসিদ্ধং; পাযসং ক্ষীরসিদ্ধাস্তণ্ডুলাঃ, পাযসস্য গুরুত্বেন বিদাহসম্ভবাচ্ছীতোদকং পেযং; মদ্যার্তির্মদ্যবিদাহঃ; বিষজুষ্টে বিষব্যাপ্তে | তথৈব চেতি শীতোদকমেব| কেচিদিত্যাদি| সুখোদকম্ ঈষদুষ্ণমুদকম্| পয ইত্যাদি| যুদ্ধং সঙ্গ্রামঃ, আতপো ঘর্মঃ, সন্তাপোঽগ্ন্যাদীনাং, বিষমদ্যরুজাস্বিতি বিষরোগেষু মদাত্যযে চেত্যর্থঃ| শালিষু পযোঽনুপানং সমানমপ্যচিন্ত্যত্বাত্ সংযোগশক্তীনাং; জেজ্ঝটস্তু পযঃস্থানে মস্ত্বিচ্ছতি, ‘পযোগ্রহণস্য গোরসোপলক্ষণত্বাত্তদপি লভ্যত এব’ ইত্যন্যে| মাষাদেরিত্যাদি ধান্যাম্লং কাঞ্জিকম্| মদ্যোচিতানাং মদ্যযোগ্যানাম্| পূজিতং প্রশস্তম্| অমদ্যেত্যাদি| ফলাম্লং দাডিমাদি| ক্ষীরমিত্যাদি| ঘর্মাদিক্লান্তানাম্ আতপাদিপীডিতনাম্| কৃশানাং দুর্বলানাং, সুরাঽনুশস্তেতি সম্বন্ধঃ| মধূদকং মধুমিশ্রং জলম্| নিরামযানাং স্বস্থানাম্| চিত্রং নানাপ্রকারম্| স্নিগ্ধোষ্ণমিতি অনুপানমিতি সম্বন্ধঃ| শোণিতপিত্তিভ্যো রক্তপিত্তিভ্য ইত্যর্থঃ| অত্রাপি ‘অনুপানম্’ ইত্যনুবর্ততে| অর্কশেল্বিত্যাদি| বিষার্তিষু বিষপীডাসু, অর্কাদীনামাসবা অনুপানানি| শেলুঃ শ্লেষ্মান্তকঃ||৪২২-৪৩১||
Adhikarana 317 (432-433) · Śloka 433
অতঃ পরং তু বর্গাণামনুপানং পৃথক্ পৃথক্ | প্রবক্ষ্যাম্যনুপূর্বেণ সর্বেষামেব মে শৃণু ||৪৩২|| তত্র পূর্বশস্যজাতানাং বদরাম্লং, বৈদলানাং ধান্যাম্লং, জঙ্ঘালানাং ধন্বজানাং চ পিপ্পল্যাসবঃ, বিষ্কিরাণাং কোলবদরাসবঃ, প্রতুদানাং ক্ষীরবৃক্ষাসবঃ, গুহাশযানাং খর্জূরনালিকেরাসবঃ, প্রসহানামশ্বগন্ধাসবঃ, পর্ণমৃগাণাং কৃষ্ণগন্ধাসবঃ, বিলেশযানাং ফলাসবঃ , একশফানাং ত্রিফলাসবঃ, অনেকশফানাং খদিরাসবঃ, কূলচরাণাং শৃঙ্গাটককশেরুকাসবঃ, কোশবাসিনাং পাদিনাং চ স এব, প্লবানামিক্ষুরসাসবঃ, নাদেযানাং মত্স্যানাং মৃণালাসবঃ, সামুদ্রাণাং মাতুলুঙ্গাসবঃ, অম্লানাং ফলানাং পদ্মোত্পলকন্দাসবঃ, কষাযাণাং দাডিমবেত্রাসবঃ, মধুরাণাং ত্রিকটুকযুক্তঃ খণ্ডাসবঃ, তালফলাদীনাং ধান্যাম্লং, কটুকানাং দূর্বানলবেত্রাসবঃ, পিপ্পল্যাদীনাং শ্বদংষ্ট্রাবসুকাসবঃ, কূষ্মাণ্ডাদীনাং দার্বীকরীরাসবঃ, চুচ্চুপ্রভৃতীনাং লোধ্রাসবঃ, জীবন্ত্যাদীনাং ত্রিফলাসবঃ, কুসুম্ভশাকস্য স এব, মণ্ডূকপর্ণ্যাদীনাং মহাপঞ্চমূলাসবঃ, তালমস্তকাদীনামম্লফলাসবঃ, সৈন্ধবাদীনাং সুরাসব আরনালং চ, তোযং বা সর্বত্রেতি ||৪৩৩||
अतः परं तु वर्गाणामनुपानं पृथक् पृथक् | प्रवक्ष्याम्यनुपूर्वेण सर्वेषामेव मे शृणु ||४३२|| तत्र पूर्वशस्यजातानां बदराम्लं, वैदलानां धान्याम्लं, जङ्घालानां धन्वजानां च पिप्पल्यासवः, विष्किराणां कोलबदरासवः, प्रतुदानां क्षीरवृक्षासवः, गुहाशयानां खर्जूरनालिकेरासवः, प्रसहानामश्वगन्धासवः, पर्णमृगाणां कृष्णगन्धासवः, बिलेशयानां फलासवः , एकशफानां त्रिफलासवः, अनेकशफानां खदिरासवः, कूलचराणां शृङ्गाटककशेरुकासवः, कोशवासिनां पादिनां च स एव, प्लवानामिक्षुरसासवः, नादेयानां मत्स्यानां मृणालासवः, सामुद्राणां मातुलुङ्गासवः, अम्लानां फलानां पद्मोत्पलकन्दासवः, कषायाणां दाडिमवेत्रासवः, मधुराणां त्रिकटुकयुक्तः खण्डासवः, तालफलादीनां धान्याम्लं, कटुकानां दूर्वानलवेत्रासवः, पिप्पल्यादीनां श्वदंष्ट्रावसुकासवः, कूष्माण्डादीनां दार्वीकरीरासवः, चुच्चुप्रभृतीनां लोध्रासवः, जीवन्त्यादीनां त्रिफलासवः, कुसुम्भशाकस्य स एव, मण्डूकपर्ण्यादीनां महापञ्चमूलासवः, तालमस्तकादीनामम्लफलासवः, सैन्धवादीनां सुरासव आरनालं च, तोयं वा सर्वत्रेति ||४३३||
🔊 Audio coming soon
অত ইত্যাদি| অনুপূর্বেণ যথাক্রমেণ| সর্বেষামেব শাল্যাদিবর্গাণামিত্যর্থঃ| মে মত্সকাশাত্ | তত্রেত্যাদি| পূর্বশস্যজাতানাং প্রাগুক্তান্নসমূহানাং, তানি চ শূকধান্যকুধান্যশমীধান্যানি| জঙ্ঘালানাম্ এণাদীনাম্| ধন্বজানাং বর্তকাদীনাং পক্ষিণাম্| বিষ্কিরাণাং তেষামেব বর্তকাদীনাম্, এতেন বিষ্কিরাণাং পিপ্পলীকোলবদরাসবৌ দ্বাবপ্যনুপানং, কোলবদরং মধ্যমপ্রমাণং বদরম্| কৃষ্ণগন্ধঃ শোভাঞ্জনকঃ| একশফানাম্ অশ্বাদীনাম্| অনেকশফানামিতি অনেকশফাশ্ছাগাদযঃ| এবমযং মাংসবর্গো জঙ্ঘালাদিভেদেনাষ্টবিধোঽনুপানেনোক্তঃ| অনূপবর্গস্য পঞ্চবিধস্যানুপানং নির্দিশন্নাহ- কূলচরাণামিত্যাদি| স এবেতি শৃঙ্গাটককশেরুকাসবোঽনুপানমিত্যর্থঃ| অনূপবর্গমপি পঞ্চবিধমভিধায ফলানামনুপানং নির্দিশন্নাহ- অম্লানামিত্যাদি| অম্লফলানাং দাডিমাদীনাম্| কষাযাণাং ক্ষীরবৃক্ষাদিফলানাম্| মধুরাণাং দ্রাক্ষাদীনাং, বাতামাভিষুকাদীনাং চ| কটুকানাং ফলানামিত্যর্থঃ| শ্বদংষ্ট্রা গোক্ষুরকঃ; বসুকো বুকঃ, কেদারগিরৌ ‘বগহুল’ ইতি প্রসিদ্ধঃ| শাকানামনুপানং নির্দিশন্নাহ- কূষ্মাণ্ডাদীনামিত্যাদি| জীবন্তী ডোডী| স এব ত্রিফলাসবঃ| মণ্ডূকপর্ণী ব্রাহ্মী| তালমস্তকাদীনামনুপানমাহ- তালমস্তকাদীনামিত্যাদি| তালমস্তকাদীনাং তালমস্তকমজ্জাদীনাম্| সর্বত্র সর্ববর্গেষু||৪৩২-৪৩৩||
Adhikarana 318 (434) · Śloka 434
ভবন্তি চাত্র- সর্বেষামনুপানানাং মাহেন্দ্রং তোযমুত্তমম্ |৪৩৪|
भवन्ति चात्र- सर्वेषामनुपानानां माहेन्द्रं तोयमुत्तमम् |४३४|
🔊 Audio coming soon
সর্বেষ্বেবানুপানেষু তোযস্য প্রাধান্যং দর্শযন্নাহ- সর্বেষামিত্যাদি| মাহেন্দ্রতোযম্ আন্তরিক্ষমুদকম্|৪৩৪|-
Adhikarana 319 (434) · Śloka 434
সাত্ম্যং বা যস্য যত্তোযং তত্তস্মৈ হিতমুচ্যতে ||৪৩৪||
सात्म्यं वा यस्य यत्तोयं तत्तस्मै हितमुच्यते ||४३४||
🔊 Audio coming soon
শেষমপি ভৌমমুদকং নিযমযন্নাহ- সাত্ম্যং বেত্যাদি| যত্তোযমিতি নদীনদসরস্তডাগাদ্যুদকমিত্যর্থঃ||৪৩৪||
Adhikarana 320 (435) · Śloka 435
উষ্ণং বাতে কফে তোযং পিত্তে রক্তে চ শীতলম্ |৪৩৫|
उष्णं वाते कफे तोयं पित्ते रक्ते च शीतलम् |४३५|
🔊 Audio coming soon
উষ্ণশীতভেদেনানুপানমাহ- উষ্ণমিত্যাদি|৪৩৫|-
Adhikarana 321 (435-437) · Śloka 438
দোষবদ্গুরু বা ভুক্তমতিমাত্রমথাপি বা ||৪৩৫|| যথোক্তেনানুপানেন সুখমন্নং প্রজীর্যতি | রোচনং বৃংহণং বৃষ্যং দোষসঙ্ঘাতভেদনম্ ||৪৩৬|| তর্পণং মার্দবকরং শ্রমক্লমহরং সুখম্ | দীপনং দোষশমনং পিপাসাচ্ছেদনং পরম্ ||৪৩৭|| বল্যং বর্ণকরং সম্যগনুপানং সদোচ্যতে |৪৩৮|
दोषवद्गुरु वा भुक्तमतिमात्रमथापि वा ||४३५|| यथोक्तेनानुपानेन सुखमन्नं प्रजीर्यति | रोचनं बृंहणं वृष्यं दोषसङ्घातभेदनम् ||४३६|| तर्पणं मार्दवकरं श्रमक्लमहरं सुखम् | दीपनं दोषशमनं पिपासाच्छेदनं परम् ||४३७|| बल्यं वर्णकरं सम्यगनुपानं सदोच्यते |४३८|
🔊 Audio coming soon
সর্বেষামেবানুপানানামুক্তানাং গুণং নির্দিশন্নাহ- দোষবদিত্যাদি| দোষবদিতি বাতাদিদোষকরম্| সুখমিতি অদোষমিত্যর্থঃ| দোষসঙ্ঘাতভেদনং দোষসমূহপৃথক্করণম্| তর্পণং তৃপ্তিজনকম্| মার্দবকরং শরীরকোমলতোত্পাদকম্| সুখং স্বাস্থ্যোত্যাদকম্| দোষশমনং বাতাদিশমনম্| পিপাসাচ্ছেদনং পিপাসাবিনাশকম্| পরমতিশযেন সদোচ্যত ইতি এবংবিধমনুপানং সর্বদা কথ্যতে| অন্যে ‘দোষবদিত্যাদ্যনুপানস্য ফলং, রোচনমিত্যাদযস্তু সামান্যানুপানগুণাঃ’ ইত্যাহুঃ||৪৩৫-৪৩৭||-
Adhikarana 322 (438) · Śloka 439
তদাদৌ কর্শযেত্পীতং স্থাপযেন্মধ্যসেবিতম্ ||৪৩৮|| পশ্চাত্পীতং বৃংহযতি তস্মাদ্বীক্ষ্য প্রযোজযেত্ |৪৩৯|
तदादौ कर्शयेत्पीतं स्थापयेन्मध्यसेवितम् ||४३८|| पश्चात्पीतं बृंहयति तस्माद्वीक्ष्य प्रयोजयेत् |४३९|
🔊 Audio coming soon
তদনুপানং ভোজনাদিমধ্যান্তবিভাগেন গুণবিশেষং করোতীতি দর্শযন্নাহ- তদাদাবিত্যাদি| তত্ অনুপানম্| আদৌ ভোজনস্য| কর্শযেদতিশযেন শরীরস্য কৃশত্বমাপাদযেত্| স্থাপযেত্ ন কর্শযতি নাপি স্থূলযত্যপি তু মধ্যং করোতীত্যর্থঃ| পশ্চাত্ পীতং বৃংহযতি পুষ্টিমাপাদযতি| তস্মাদ্বীক্ষ্য প্রযোজযেদিতি কার্শ্যমিচ্ছন্নাদৌ, মধ্যবপুরিচ্ছন্ মধ্য এব, পুষ্টিমিচ্ছন্নন্ত ইতি| অনুপানমিতি অনুশব্দং লক্ষণার্থমাহুঃ, আহারং লক্ষীকৃত্য পানমিতি, আহারমাশ্রিত্য যত্ পীযত ইত্যর্থঃ; তেন মধ্যাদ্যযোরপ্যনুপানশব্দঃ প্রযুক্তো ভবতি||৪৩৮||-
Adhikarana 323 (439) · Śloka 440
স্থিরতাং গতমল্কিন্নমন্নমদ্রবপাযিনাম্ ||৪৩৯|| ভবত্যাবাধজননমনুপানমতঃ পিবেত্ |৪৪০|
स्थिरतां गतमल्किन्नमन्नमद्रवपायिनाम् ||४३९|| भवत्याबाधजननमनुपानमतः पिबेत् |४४०|
🔊 Audio coming soon
অনুপানব্যতিরেকে দোষং দর্শযন্নাহ- স্থিরতামিত্যাদি| স্থিরতাম্ অচলতাম্| অক্লিন্নং শুষ্কমিত্যর্থঃ| অদ্রবপাযিনাম্ অনুপানমপিবতাম্| আবাধজননং পীডাকরম্||৪৩৯||-
Adhikarana 324 (440) · Śloka 441
ন পিবেচ্ছ্বাসকাসার্তো রোগে চাপ্যূর্ধ্বজত্রুগে ||৪৪০|| ক্ষতোরস্কঃ প্রসেকী চ যস্য চোপহতঃ স্বরঃ |৪৪১|
न पिबेच्छ्वासकासार्तो रोगे चाप्यूर्ध्वजत्रुगे ||४४०|| क्षतोरस्कः प्रसेकी च यस्य चोपहतः स्वरः |४४१|
🔊 Audio coming soon
কস্যচিত্ পুরুষবিশেষস্যানুপাননিষেধমাহ- ন পিবেদিত্যাদি| আর্তঃ পীডিতঃ| ঊর্ধ্বজত্রুগে ইতি জত্রু গ্রীবামূলং, তস্যোর্ধ্বগে| ক্ষতোরস্ক ইতি উরঃক্ষতরোগবানিত্যর্থঃ| প্রসেকী লালাস্রাবী| উপহত ইতি বাতাদিভিরিত্যর্থঃ||৪৪০||
Adhikarana 325 (441-442) · Śloka 442
পীত্বাঽধ্বভাষ্যাধ্যযনগেযস্বপ্নান্ন শীলযেত্ ||৪৪১|| প্রদূষ্যামাশযং তদ্ধি তস্য কণ্ঠোরসি স্থিতম্ | স্যন্দাগ্নিসাদচ্ছর্দ্যাদীনামযাঞ্জনযেদ্বহূন্ ||৪৪২||
पीत्वाऽध्वभाष्याध्ययनगेयस्वप्नान्न शीलयेत् ||४४१|| प्रदूष्यामाशयं तद्धि तस्य कण्ठोरसि स्थितम् | स्यन्दाग्निसादच्छर्द्यादीनामयाञ्जनयेद्बहून् ||४४२||
🔊 Audio coming soon
অনুপানে পীতে সতি যদ্বর্জনীযং তদাহ- পীত্বেত্যাদি| অধ্বা মার্গঃ, ভাষ্যং বহুভাষণম্, অধ্যযনং পঠনং, গেযং গীতম্| ন শীলযেদিতি ন সেবেতেত্যর্থঃ| কস্মাদেতান্ন শীলযেদিত্যাহ- প্রদূষ্যেত্যাদি| প্রদূষ্য বাতাদীনাং প্রকোপং কৃত্বা| তদ্ধীতি তদনুপানং, হি যস্মাদর্থে| তস্য পুরুষস্য| স্যন্দং শ্লেষ্মস্রবণম্||৪৪১-৪৪২||
Adhikarana 326 (443) · Śloka 443
গুরুলাঘবচিন্তেযং স্বভাবং নাতিবর্ততে | তথা সংস্কারমাত্রান্নকালাংশ্চাপ্যুত্তরোত্তরম্ ||৪৪৩||
गुरुलाघवचिन्तेयं स्वभावं नातिवर्तते | तथा संस्कारमात्रान्नकालांश्चाप्युत्तरोत्तरम् ||४४३||
🔊 Audio coming soon
গুরুলাঘবস্য দ্রব্যরসবীর্যবিপাকাশ্রযস্য চরশরীরাদিভেদেনোক্তস্য যথাস্বাতিশযেন ব্যবস্থাং কুর্বন্নাহ- গুর্বিত্যাদি| নাতিবর্ততে ন ত্যজতি| ‘জঙ্ঘালা জাঙ্গলচারিণঃ কুতো লঘবঃ?’ ইত্যুক্তেঽবশ্যমেব স্বভাবো বাচ্যঃ, এবং শরীরধাত্ববযবাদিষ্বপি বাচ্যং; তথা সংস্কারং নাতিবর্ততে, যথা- স্বভাবাদ্গুরোরপি ব্রীহের্লাজা লঘবঃ, লঘোরপি শালেঃ সংস্কারাত্ পিষ্টমেব গুরু; তথা মাত্রাং নাতিবর্ততে, যথা- “গুরূণামর্ধসৌহিত্যং লঘূনাং তৃপ্তিরিষ্যতে”- ইতি; অন্নং চ নাতিবর্ততে, তদ্যথা- মণ্ডপেযাবিলেপীভক্তাপূপাদি যথোত্তরং গুরু, যথাপূর্বং লঘ্বিতি; কালং চ নাতিবর্ততে, যথা|- “নবং ধান্যমভিষ্যন্দি লঘু সংবত্সরোষিতম্”-ইতি| উত্তরোত্তরমিতি স্বভাবাত্ সংস্কারং, সংস্কারান্মাত্রাং, মাত্রাতোঽন্নং, অন্নাত্ কালং, গুরুলাঘবচিন্তা নাতিবর্তত ইত্যর্থঃ; চকারাদিহাপি চরাদযশ্চানুক্তা অপি সমুচ্চীযন্তে||৪৪৩||
Adhikarana 327 (444) · Śloka 444
মন্দকর্মানলারোগ্যাঃ সুকুমারাঃ সুখোচিতাঃ | জন্তবো যে তু তেষাং হি চিন্তেযং পরিকীর্ত্যতে ||৪৪৪||
मन्दकर्मानलारोग्याः सुकुमाराः सुखोचिताः | जन्तवो ये तु तेषां हि चिन्तेयं परिकीर्त्यते ||४४४||
🔊 Audio coming soon
ইযং গুরুলাঘবচিন্তা বিশিষ্টপুরুষাশ্রযেতি জ্ঞাপনাযাহ- মন্দকর্মেত্যাদি| মন্দকর্মাণঃ অলসাঃ, মন্দানলা মন্দাগ্নযঃ, মন্দারোগ্যাঃ রোগিণঃ| সুকুমারা মৃদুদেহাঃ| সুখোচিতাঃ সুখিনঃ| জন্তবঃ প্রাণিনঃ| চিন্তেযমিতি গুরুলাঘবলক্ষণা| পরিকীর্ত্যতে কথ্যত ইত্যর্থঃ||৪৪৪||
Adhikarana 328 (445) · Śloka 445
বলিনঃ খরভক্ষ্যা যে যে চ দীপ্তাগ্নযো নরাঃ | কর্মনিত্যাশ্চ যে তেষাং নাবশ্যং পরিকীর্ত্যতে ||৪৪৫|| ইত্যনুপানবর্গঃ |
बलिनः खरभक्ष्या ये ये च दीप्ताग्नयो नराः | कर्मनित्याश्च ये तेषां नावश्यं परिकीर्त्यते ||४४५|| इत्यनुपानवर्गः |
🔊 Audio coming soon
যান্ প্রতি নেযং চিন্তা তানপি দর্শযন্নাহ- বলিন ইত্যাদি| বলিনঃ শক্ত্যুপচযযুক্তাঃ, এতেনৈবারোগ্যত্বমুক্তম্| খরভক্ষ্যা অমৃদুভোজনাঃ| কর্মনিত্যাঃ সদা কর্মকারিণঃ| পরিকীর্ত্যতে ইতি ‘গুরুলাঘবচিন্তেযম্’ ইতি শেষঃ| ইত্যনুপানবর্গঃ||৪৪৫||
Adhikarana 329 (446) · Śloka 446
অথাহারবিধিং বত্স! বিস্তরেণাখিলং শৃণু |৪৪৬|
अथाहारविधिं वत्स! विस्तरेणाखिलं शृणु |४४६|
🔊 Audio coming soon
অথাহারবিধিমাহ- অথেত্যাদি| অখিলং সমস্তম্| শৃণু আকর্ণয|৪৪৬|
Adhikarana 330 (446) · Śloka 446
আপ্তাস্থিতমসঙ্কীর্ণং শুচি কার্যং মহানসম্ ||৪৪৬||
आप्तास्थितमसङ्कीर्णं शुचि कार्यं महानसम् ||४४६||
🔊 Audio coming soon
পাকস্থানং কীদৃক্কার্যমিত্যাহ- আপ্তান্বিতমিত্যাদি| আপ্তা অব্যভিচারিণঃ, তৈরাস্থিতমাশ্রিতম্| অসঙ্কীর্ণং অসঙ্কটম্| মহানসমিতি পাকস্থানং, ‘রসবতী’ ইতি লোকে||৪৪৬||
Adhikarana 331 (447) · Śloka 447
তত্রাপ্তৈর্গুণসম্পন্নং ভক্ষ্যমন্নং সুসংস্কৃতম্ | শুচৌ দেশে সুসঙ্গুপ্তং সমুপস্থাপযেদ্ভিষক্ ||৪৪৭||
तत्राप्तैर्गुणसम्पन्नं भक्ष्यमन्नं सुसंस्कृतम् | शुचौ देशे सुसङ्गुप्तं समुपस्थापयेद्भिषक् ||४४७||
🔊 Audio coming soon
সুসংস্কৃতস্যান্নস্য স্থাপনমাহ- তত্রেত্যাদি| আপ্তৈঃ সুসংস্কৃতমিতি সম্বন্ধঃ| গুণসম্পন্নমিতি ইষ্টরসগন্ধস্পর্শবর্ণোপেতম্| ভক্ষ্যমন্নমভ্যবহরণীযম্| সুসঙ্গুপ্তম্| অতিশযেনাদৃশ্যম্ সমুপস্থাপযেত্ নিবেশযেত্| শুচৌ প্রদেশ ইতি সম্বন্ধঃ| ভিষক্ বৈদ্যঃ||৪৪৭||
Adhikarana 332 (448) · Śloka 448
বিষঘ্নৈরগদৈঃ স্পৃষ্টং প্রোক্ষিতং ব্যজনোদকৈঃ | সিদ্ধৈর্মন্ত্রৈর্হতবিষং সিদ্ধমন্নং নিবেদযেত্ ||৪৪৮||
विषघ्नैरगदैः स्पृष्टं प्रोक्षितं व्यजनोदकैः | सिद्धैर्मन्त्रैर्हतविषं सिद्धमन्नं निवेदयेत् ||४४८||
🔊 Audio coming soon
তস্যাহারস্যৈবঙ্গুণস্য দূষণকরবিষনাশনং নির্দিশন্নাহ- বিষঘ্নৈরিত্যাদি| বিষঘ্নৈর্বিষহারিভিঃ, অগদৈরৌষধৈঃ, স্পৃষ্টং ছুপ্তম্| প্রোক্ষিতং ব্যজনোদকৈরিতি অথর্বমন্ত্রৈরভিমন্ত্রিতম্; অন্যে তু ব্যজনোদকৈরিত্যগদস্যৈব বিশেষণং কথযন্তি, তেষাং মতে অগদোদকক্ষালিতব্যজনৈর্বীজিতমবিষীভবত্যন্নম্| তন্ত্রমভিধায মন্ত্রমপি নির্দিশন্নাহ- সিদ্ধৈরিত্যাদি| সিদ্ধৈরব্যভিচারিভিঃ, কুরুকুল্লাফেরণ্ডপ্রভৃতিভির্হতবিষমন্নমিতি সম্বন্ধঃ| নিবেদযেত্ ‘নৃপতযে’ ইতি শেষঃ||৪৪৮||
Adhikarana 333 (449-457) · Śloka 457
বক্ষ্যাম্যতঃ পরং কৃত্স্নামাহারস্যোপকল্পনাম্ | ঘৃতং কার্ষ্ণাযসে দেযং, পেযা দেযা তু রাজতে ||৪৪৯|| ফলানি সর্বভক্ষ্যাংশ্চ প্রদদ্যাদ্বৈ দলেষু তু | পরিশুষ্কপ্রদিগ্ধানি সৌবর্ণেষু প্রকল্পযেত্ ||৪৫০|| প্রদ্রবাণি রসাংশ্চৈবং রাজতেষূপহারযেত্ | কট্বরাণি খডাংশ্চৈব সর্বাঞ্ছৈলেষু দাপযেত্ ||৪৫১|| দদ্যাত্তাম্রমযে পাত্রে সুশীতং সুশৃতং পযঃ | পানীযং, পানকং মদ্যং মৃন্মযেষু প্রদাপযেত্ ||৪৫২|| কাচস্ফটিকপাত্রেষু শীতলেষু শুভেষু চ | দদ্যাদ্বৈদূর্যচিত্রেষু রাগষাডবসট্টকান্ ||৪৫৩|| পুরস্তাদ্বিমলে পাত্রে সুবিস্তীর্ণে মনোরমে | সূদঃ সূপৌদনং দদ্যাত্ প্রদেহাংশ্চ সুসংস্কৃতান্ ||৪৫৪|| ফলানি সর্বভক্ষ্যাংশ্চ পরিশুষ্কাণি যানি চ | তানি দক্ষিণপার্শ্বে তু ভুঞ্জানস্যোপকল্পযেত্ ||৪৫৫|| প্রদ্রবাণি রসাংশ্চৈব পানীযং পানকং পযঃ | খডান্ যূষাংশ্চ পেযাংশ্চ সব্যে পার্শ্বে প্রদাপযেত্ ||৪৫৬|| সর্বান্ গুডবিকারাংশ্চ রাগষাডবসট্টকান্ | পুরস্তাত্ স্থাপযেত্ প্রাজ্ঞো দ্বযোরপি চ মধ্যতঃ ||৪৫৭||
वक्ष्याम्यतः परं कृत्स्नामाहारस्योपकल्पनाम् | घृतं कार्ष्णायसे देयं, पेया देया तु राजते ||४४९|| फलानि सर्वभक्ष्यांश्च प्रदद्याद्वै दलेषु तु | परिशुष्कप्रदिग्धानि सौवर्णेषु प्रकल्पयेत् ||४५०|| प्रद्रवाणि रसांश्चैवं राजतेषूपहारयेत् | कट्वराणि खडांश्चैव सर्वाञ्छैलेषु दापयेत् ||४५१|| दद्यात्ताम्रमये पात्रे सुशीतं सुशृतं पयः | पानीयं, पानकं मद्यं मृन्मयेषु प्रदापयेत् ||४५२|| काचस्फटिकपात्रेषु शीतलेषु शुभेषु च | दद्याद्वैदूर्यचित्रेषु रागषाडवसट्टकान् ||४५३|| पुरस्ताद्विमले पात्रे सुविस्तीर्णे मनोरमे | सूदः सूपौदनं दद्यात् प्रदेहांश्च सुसंस्कृतान् ||४५४|| फलानि सर्वभक्ष्यांश्च परिशुष्काणि यानि च | तानि दक्षिणपार्श्वे तु भुञ्जानस्योपकल्पयेत् ||४५५|| प्रद्रवाणि रसांश्चैव पानीयं पानकं पयः | खडान् यूषांश्च पेयांश्च सव्ये पार्श्वे प्रदापयेत् ||४५६|| सर्वान् गुडविकारांश्च रागषाडवसट्टकान् | पुरस्तात् स्थापयेत् प्राज्ञो द्वयोरपि च मध्यतः ||४५७||
🔊 Audio coming soon
বক্ষ্যামীত্যাদি| কৃত্স্নাং সমস্তাম্| উপকল্পনাং সমীপঢৌকনাম্| আধারাপেক্ষণীযমেব প্রথমং কল্পনং নির্দিশন্নাহ- ঘৃতমিত্যাদি| কার্ষ্ণাযসে কৃষ্ণলোহপাত্রে, ‘কান্তলোহপাত্রে’ ইত্যন্যে| রাজতে রৌপ্যমযে| ভক্ষ্যা লড্ডুকাদযঃ| বৈশব্দঃ পাদপূরণে, দলেষু পত্রেষু; অন্যে তু ‘বৈদলেষু বেত্রবংশাদিত্বগ্গ্রথিতেষু পর্ণমযেষু’ ইতি মন্যন্তে| পরিশুষ্কেত্যাদি| “সিক্ত্বা বহুঘৃতে ভৃষ্টং মুহুরুষ্ণাম্বুনা মৃদু| জীরকাদ্যৈর্ঘনং মাংসং পরিশুষ্কং তদুচ্যতে|| তদেব গোরসাদানং প্রদিগ্ধমিতি বিশ্রুতম্”- | প্রদ্রবাণি প্রকৃষ্টদ্রবাণি মণ্ডাদীনি, রসো মাংসরসঃ, উপহারযেত্ দদ্যাত্| কট্বরং তক্রম্, অন্যে তু- “সৌবীরাম্লমথাত্যম্লং কাঞ্জিকং কট্বরং বিদুঃ| অন্যে তু তদধোভাগং তক্রং বাঽত্যম্লতাং গতম্|| সস্নেহং দধিজং তক্রমাহুরন্যে তু কট্বরম্”- ইতি খডো যূষবিশেষঃ; স চ সতক্রশমীধান্যঃ, সতক্রশাকশ্চ| শৈলেষু পাষাণমযেষু| দদ্যাদিত্যাদি| পযো জলম্ | মৃন্মযেষু মৃত্তিকামযেষু শরাবাদিষু| শুভেষু ভব্যেষু| বৈদূর্যং রত্নবিশেষঃ, চিত্রেষু বিচিত্রেষু| তত্র রাগঃ “সিতারুচকসিন্ধূত্থৈঃ সবৃক্ষাম্লপরূষকৈঃ| জম্বূফলরসৈর্যুঙ্ক্তো রাগো রাজিকযা কৃতঃ”- ইতি| ষাডবাঃ পুনর্মধুরাম্ললবণসংযোগজা নানাবিধাঃ, বিশেষতঃ সূদেভ্যো জ্ঞেযাঃ| সট্টকস্তু “লবঙ্গব্যোষখণ্ডৈস্তু দধি নির্মথ্য গালিতম্| দাডিমোবীজসংযুক্তং চন্দ্রচূর্ণাবচূর্ণিতম্|| সট্টকং তু প্রমোদাখ্যং নলাদিভিরুদাহৃতম্” - ইতি| ‘দদ্যাদ্বৈদূর্যচিত্রেষু’ ইত্যস্য স্থানে ‘বজ্রবৈদূর্যচিত্রেষু’ ইতি কেচিত্ পঠন্তি; তত্র বজ্রং ষট্কোটিকং রত্নং হীরক ইত্যর্থঃ| এষ্বাধারেষু দীযমানানামেষাং হিতকারিত্বম্| আধারবিশেষমভিধায দেশবিশেষেণাহারবিশেষং দর্শযন্নাহ- পুরস্তাদিত্যাদি| পুরস্তাদগ্রতঃ, পুরৌদনং হি গ্রহণসৌকর্যার্থম্| পাত্র স্থাল্যাদিকে| সুবিস্তীর্ণে বহুলে | মনোরমে রুচিজনকে| সূদঃ সূপকারঃ| সূপপ্রহিতমোদনং ভক্তম্| প্রদেহান্ প্রলেহান্| পরিশুষ্কাণি পূর্ববত্| দক্ষিণপার্শ্বে দক্ষিণভাগে, ভুঞ্জানস্য ভোজনং কুর্বতঃ, উপকল্পযেত্ সমীপং ঢৌকযেত্| প্রদ্রবাণীতি প্রদ্রবাদযঃ পূর্ববত্| সব্যে পার্শ্বে বামভাগে| রাগষাডবসট্টকাঃ পূর্ববত্, পুরস্তাদগ্রত ইত্যর্থঃ; ন কেবলং পুরস্তাত্, দ্বযোরপি চ মধ্যতঃ দ্বযোঃ পক্ষযোর্মধ্যে একস্মিন্ পক্ষে দদ্যাত্; এতেন সর্বত্র দাতব্যমিত্যুক্তং ভবতি||৪৪৯-৪৫৭||
Adhikarana 334 (458) · Śloka 459
এবং বিজ্ঞায মতিমান্ ভোজনস্যোপকল্পনাম্ | ভোক্তারং বিজনে রম্যে নিঃসম্পাতে শুভে শুচৌ ||৪৫৮|| সুগন্ধপুষ্পরচিতে সমে দেশে চ ভোজযেত্ |৪৫৯|
एवं विज्ञाय मतिमान् भोजनस्योपकल्पनाम् | भोक्तारं विजने रम्ये निःसम्पाते शुभे शुचौ ||४५८|| सुगन्धपुष्परचिते समे देशे च भोजयेत् |४५९|
🔊 Audio coming soon
এবমিত্যাদি| এবমুক্তপ্রকারেণ ভোজনস্যোপকল্পনাং বিজ্ঞায, ভোক্তারং চ বিজ্ঞাযেতি সম্বন্ধঃ| বিজনে একান্তে, বিজনে হি ভুঞ্জানস্য দুষ্টদৃষ্টিনিপাতাদিদোষো ন ভবতি| রম্যে মনোহরে| নিঃসম্পাতে উল্লোচসহিতে, নিঃসম্পাতে ভুঞ্জানস্য পাংশুপ্রক্ষেপাদিদোষো ন ভবতি| শুভে বাস্তুদোষরহিতে| শুচৌ পবিত্রে, তত্র ন ভূতাদ্যাবেশঃ| সমে নিম্নোন্নতত্বরহিতে||৪৫৮||-
Adhikarana 335 (459) · Śloka 460
বিশিষ্টমিষ্টসংস্কারৈঃ পথ্যৈরিষ্টৈ রসাদিভিঃ ||৪৫৯|| মনোজ্ঞং শুচি নাত্যুষ্ণং প্রত্যগ্রমশনং হিতম্ |৪৬০|
विशिष्टमिष्टसंस्कारैः पथ्यैरिष्टै रसादिभिः ||४५९|| मनोज्ञं शुचि नात्युष्णं प्रत्यग्रमशनं हितम् |४६०|
🔊 Audio coming soon
কীদৃগশনং হিতমিত্যাহ- বিশিষ্টমিত্যাদি| বিশিষ্টং শ্রেষ্ঠং, কৈঃ কৃত্বা? ইষ্টসংস্কারৈঃ| পথ্যৈরিষ্টৈ রসাদিভিরিতি পথ্যৈর্হিতৈঃ, ইষ্টৈঃ প্রিযৈঃ, আদিশব্দাদ্গন্ধবর্ণস্পর্শা গৃহ্যন্তে| প্রত্যগ্রম্ অভিনবম্| অশনং ভোজনম্||৪৫৯||-
Adhikarana 336 (460-464) · Śloka 464
পূর্বং মধুরমশ্নীযান্মধ্যেঽম্ললবণৌ রসৌ ||৪৬০|| পশ্চাচ্ছেষান্ রসান্ বৈদ্যো ভোজনেষ্ববচারযেত্ | আদৌ ফলানি ভুঞ্জীত দাডিমাদীনি বুদ্ধিমান্ ||৪৬১|| ততঃ পেযাংস্ততো ভোজ্যান্ ভক্ষ্যাংশ্চিত্রাংস্ততঃ পরম্ | ঘনং পূর্বং সমশ্নীযাত্, কেচিদাহুর্বিপর্যযম্ ||৪৬২|| আদাবন্তে চ মধ্যে চ ভোজনস্য তু শস্যতে | নিরত্যযং দোষহরং ফলেষ্বামলকং নৃণাম্ ||৪৬৩|| মৃণালবিসশালূককন্দেক্ষুপ্রভৃতীনি চ | পূর্বং যোজ্যানি ভিষজা ন তু ভুক্তে কদাচন ||৪৬৪||
पूर्वं मधुरमश्नीयान्मध्येऽम्ललवणौ रसौ ||४६०|| पश्चाच्छेषान् रसान् वैद्यो भोजनेष्ववचारयेत् | आदौ फलानि भुञ्जीत दाडिमादीनि बुद्धिमान् ||४६१|| ततः पेयांस्ततो भोज्यान् भक्ष्यांश्चित्रांस्ततः परम् | घनं पूर्वं समश्नीयात्, केचिदाहुर्विपर्ययम् ||४६२|| आदावन्ते च मध्ये च भोजनस्य तु शस्यते | निरत्ययं दोषहरं फलेष्वामलकं नृणाम् ||४६३|| मृणालबिसशालूककन्देक्षुप्रभृतीनि च | पूर्वं योज्यानि भिषजा न तु भुक्ते कदाचन ||४६४||
🔊 Audio coming soon
কালভেদেনাপ্যাহারবিধিং নির্দিশন্নাহ- পূর্বমিত্যাদি| বুভুক্ষিতে পুরুষে বাতপিত্তপ্রশমনায প্রথমং মধুরো রসঃ পক্বাশযগতং বাযুং জযতি, অম্ললবণৌ মধ্যভোজনস্থৌ পিত্তাশযেঽগ্নিদীপ্তিং কুরুতঃ, অন্তে কফজযায কট্বাদযঃ| আদৌ ফলানি ভুঞ্জীত, বাতজযার্থং দাডিমাদ্যম্লোপযোগঃ; ‘আদাবিতি মতান্তরে’ ইত্যন্যে| ততঃ পেযান্ পাতব্যান্ দাডিমাদিকঠিনাহারমৃদুকরণার্থং বযঃস্থাপনার্থং চ, ততো ভোজ্যং রক্তশাল্যাদি, চিত্রান্ নানাপ্রকারান্| ঘনং ভোজ্যং ভক্ষ্যাদি কঠিনম্| বিপর্যযমুক্তবিপর্যযং, পূর্বং দ্রবং পশ্চাত্ কঠিনমিতি| ‘ঘৃতং পূর্বং সমশ্নীযাত্’ ইতি কেচিত্ পঠন্তি| অম্লফলস্যাদাবেব নিযতস্য কস্যচিদেব ফলস্যাদিমধ্যান্তেষু প্রযোগং দর্শযন্নাহ- আদাবিত্যাদি| নিরত্যযম্ অবাধম্| মৃণালং পদ্মনালং, বিসং ভিসণ্ডকং, শালূকং প্রসিদ্ধম্||৪৬০-৪৬৪||
Adhikarana 337 (465) · Śloka 466
সুখমুচ্চৈঃ সমাসীনঃ সমদেহোঽন্নতত্পরঃ | কালে সাত্ম্যং লঘু স্নিগ্ধমুষ্ণং ক্ষিপ্রং দ্রবোত্তরম্ ||৪৬৫|| বুভুক্ষিতোঽন্নমশ্নীযান্মাত্রাবদ্বিদিতাগমঃ |৪৬৬|
सुखमुच्चैः समासीनः समदेहोऽन्नतत्परः | काले सात्म्यं लघु स्निग्धमुष्णं क्षिप्रं द्रवोत्तरम् ||४६५|| बुभुक्षितोऽन्नमश्नीयान्मात्रावद्विदितागमः |४६६|
🔊 Audio coming soon
ভুঞ্জানঃ কথং ভুঞ্জীতেত্যাহ- সুখমুচ্চৈরিত্যাদি| সমাসীন ইতি সম্যগাসীন উপবিষ্টঃ| অন্নতত্পর ইতি ন কামাদিব্যগ্রমনা| ভুঞ্জানঃ কিম্ভূতঃ কদা কীদৃশং ভুঞ্জীতেত্যাহ- কালে সাত্ম্যমিত্যাদি| কালো দ্বিবিধো নিত্যগ আবস্থিকশ্চ; তত্র নিত্যগ আর্তবঃ, স পুনঃ ‘অতীবাযতযামা’ ইত্যাদিনা নিযমিতঃ; আবস্থিকঃ পুনর্জীর্ণলক্ষণাপেক্ষঃ, আমে ত্বন্নেঽকালঃ| সাত্ম্যং দেশামযাদিভেদেনানেকবিধম্, অসাত্ম্যং পুনর্দোষকারি| ক্ষিপ্রং নাতিদ্রুতং নাতিবিলম্বিতম্, অতিদ্রুতাতিবিলম্বিতযোর্দোষকারিত্বাত্| দ্রবোত্তরং দ্রবপ্রধানম্| বুভুক্ষিতগ্রহণমকালবুভুক্ষানিষেধায, বক্ষ্যতি চ- “ভবত্যকালেঽপিং তদা বুভুক্ষা যা মন্দবুদ্ধিং বিষবন্নিহন্তি”- ইতি| মাত্রালক্ষণমাহ- “অপীডনং ভবেত্ কুক্ষেঃ পার্শ্বযোরবিপাটনম্| অন্নেন হৃদযাবা(রো)ধো জঠরস্য ত্বগৌরবম্|| প্রীণনং চক্ষুরাদীনাং শমনং ক্ষুত্পিপাসযোঃ| উচ্ছ্বাসশ্বাসহাস্যাদিকথাসু সুখবর্তনম্|| সুখেন পরিণামঃ স্যাদন্নে ভুক্তে দিবানিশি”- ইতি| বিদিতাগম ইতি হেযোপাদেযবিবেকার্থং বিদিতং হিতাহিতং যেন স বিদিতাগমঃ||৪৬৫||-
Adhikarana 338 (466-467) · Śloka 468
কালে প্রীণযতে ভুক্তং সাত্ম্যমন্নং ন বাধতে ||৪৬৬|| লঘু শীঘ্রং ব্রজেত্ পাকং স্নিগ্ধোষ্ণং বলবহ্নিদম্ | ক্ষিপ্রং ভুক্তং সমং পাকং যাত্যদোষং দ্রবোত্তরম্ ||৪৬৭|| সুখং জীর্যতি মাত্রাবদ্ধাতুসাম্যং করোতি চ |৪৬৮|
काले प्रीणयते भुक्तं सात्म्यमन्नं न बाधते ||४६६|| लघु शीघ्रं व्रजेत् पाकं स्निग्धोष्णं बलवह्निदम् | क्षिप्रं भुक्तं समं पाकं यात्यदोषं द्रवोत्तरम् ||४६७|| सुखं जीर्यति मात्रावद्धातुसाम्यं करोति च |४६८|
🔊 Audio coming soon
এষাং কালাদিভোজনানাং ফলানুশংসাং দর্শযন্নাহ- কালে ইত্যাদি| প্রীণযতে তৃপ্তিং জনযতি| সাত্ম্যমন্নং ভুক্তং ন বাধতে ন পীডাং জনযতি| লঘ্বিত্যাদি| লঘ্বন্নং ভুক্তমিতি সম্বন্ধঃ| স্নিগ্ধোষ্ণং বলবহ্নিদমিতি স্নিগ্ধং বলপ্রদম্, উষ্ণং বহ্নিপ্রদমিত্যর্থঃ| ক্ষিপ্রমিত্যাদি| সমম্ এককালম্| অদোষং দ্রবোত্তরমিতি দ্রবোত্তরমন্নং ভুক্তং সদদোষং দোষরহিতং পাকং যাতি| সুখমিত্যাদি মাত্রাবদন্নং ভুক্তং সুখেন পাকং গচ্ছতি ধাতুসাম্যং চ করোতি; ধাতুশব্দোঽযং দোষধাতুমলেষু বর্ততে||৪৬৬-৪৬৭||-
Adhikarana 339 (468-470) · Śloka 471
অতীবাযতযামাস্তু ক্ষপা যেষ্বৃতুষু স্মৃতাঃ ||৪৬৮|| তেষু তত্প্রত্যনীকাঢ্যং ভুঞ্জীত প্রাতরেব তু | যেষু চাপি ভবেযুশ্চ দিবসা ভৃশমাযতাঃ ||৪৬৯|| তেষু তত্কালবিহিতমপরাহ্ণে প্রশস্যতে | রজন্যো দিবসাশ্চৈব যেষু চাপি সমাঃ স্মৃতাঃ ||৪৭০|| কৃত্বা সমমহোরাত্রং তেষু ভুঞ্জীত ভোজনম্ |৪৭১|
अतीवायतयामास्तु क्षपा येष्वृतुषु स्मृताः ||४६८|| तेषु तत्प्रत्यनीकाढ्यं भुञ्जीत प्रातरेव तु | येषु चापि भवेयुश्च दिवसा भृशमायताः ||४६९|| तेषु तत्कालविहितमपराह्णे प्रशस्यते | रजन्यो दिवसाश्चैव येषु चापि समाः स्मृताः ||४७०|| कृत्वा सममहोरात्रं तेषु भुञ्जीत भोजनम् |४७१|
🔊 Audio coming soon
আর্তবলক্ষণং কালমাহ- অতীবাযতযামা ইত্যাদি| অতীবাযতযামা অতীব দীর্ঘপ্রহরাঃ| ক্ষপাঃ রজন্যঃ| যেষ্বৃতুষ্বিতি হেমন্তে শিশিরে চ| তত্প্রত্যনীকাঢ্যমিতি কালবলপ্রবৃত্তদোষগুণানাং বাধকভূতং বিরোধিদ্রব্যগুণবহুলমিত্যর্থঃ| প্রাতরিতি সপাদে যামে, যেষ্বৃতুষু গ্রীষ্মপ্রাবৃষোঃ| ভৃশমাযতা দীর্ঘতরাঃ| তত্কালবিহিতং দ্রবস্নিগ্ধমধুরপ্রাযম্| অপরাহ্ণ ইতি অর্ধতৃতীযযামোপরি| রজন্য ইত্যাদি| যেষ্বৃতুষু শরদি বসন্তে চ, সমমহোরাত্রমিতি মধ্যাহ্ন ইত্যর্থঃ| ‘অযমেকাশনস্য পুরুষস্য বিধিঃ; দ্বিরশ্নতঃ পুনঃ প্রাতর্ভোজনমাত্রযোরর্ধমাত্রং ত্রিভাগং বা লঘু মৃষ্টং চ; তচ্চ প্রাতর্ভোজনং সপাদে প্রহরে, দ্বিতীযং ভোজনং ত্বর্ধচতুর্থপ্রহরোপরি’ ইতি পঞ্জিকাকারঃ; জেজ্ঝটস্তু ‘সত্রিভাগে প্রহরে দিবসস্য রাত্রেশ্চ সত্রিভাগপ্রহরে ভুঞ্জানস্য রজনীদিবসযোঃ সমত্বং ভবতি’ ইত্যাহ| অযমার্তবকাল উক্তঃ| আবস্থিকং পুনঃ স্বাস্থ্যবৃত্তিকেঽধ্যাযে দশৌষধকালানভিধায বক্ষ্যতি||৪৬৮-৪৭০||-
Adhikarana 340 (471-474) · Śloka 474
নাপ্রাপ্তাতীতকালং বা হীনাধিকমথাপি বা ||৪৭১|| অপ্রাপ্তকালং ভুঞ্জানঃ শরীরে হ্যলঘৌ নরঃ | তাংস্তান্ ব্যাধীনবাপ্নোতি মরণং বা নিযচ্ছতি ||৪৭২|| অতীতকালং ভুঞ্জানো বাযুনোপহতেঽনলে | কৃচ্ছ্রাদ্বিপচ্যতে ভুক্তং দ্বিতীযং চ ন কাঙ্ক্ষতি ||৪৭৩|| হীনমাত্রমসন্তোষং করোতি চ বলক্ষযম্ | আলস্যগৌরবাটোপসাদাংশ্চ কুরুতেঽধিকম্ ||৪৭৪||
नाप्राप्तातीतकालं वा हीनाधिकमथापि वा ||४७१|| अप्राप्तकालं भुञ्जानः शरीरे ह्यलघौ नरः | तांस्तान् व्याधीनवाप्नोति मरणं वा नियच्छति ||४७२|| अतीतकालं भुञ्जानो वायुनोपहतेऽनले | कृच्छ्राद्विपच्यते भुक्तं द्वितीयं च न काङ्क्षति ||४७३|| हीनमात्रमसन्तोषं करोति च बलक्षयम् | आलस्यगौरवाटोपसादांश्च कुरुतेऽधिकम् ||४७४||
🔊 Audio coming soon
কালমাত্রাবতো বিপর্যযমকালমাত্রাবত্ত্বং নির্দিশন্নাহ- নাপ্রাপ্তেত্যাদি| অপ্রাপ্তকালমতীতকালং বা ন ভুঞ্জীতেত্যর্থঃ| হীনাধিকমিতি হীনমাত্রমধিকমাত্রং বা ন ভুঞ্জীত| তযোরপ্রাপ্তাতীতকালযোরধিকন্যূনযোশ্চ দোষং দর্শযন্নাহ- অপ্রাপ্তকালমিত্যাদি| অপ্রাপ্তকালং ভুঞ্জানো নরঃ শরীরেঽলঘৌ সতি তাংস্তাঞ্ছিরোরুজাদীন্ ব্যাধীন্ নিযচ্ছতি প্রাপ্নোতি| অসন্তোষম্ অসন্তৃপ্তিম্| আটোপ উদরস্যাধ্মানং, সাদোঽঙ্গগ্লানিঃ| অধিকমিতি অধিকমন্নং ভুক্তমিত্যর্থঃ||৪৭১-৪৭৪||
Adhikarana 341 (475) · Śloka 476
তস্মাত্ সুসংস্কৃতং যুক্ত্যা দোষৈরেতৈর্বিবর্জিতম্ | যথোক্তগুণসম্পন্নমুপসেবেত ভোজনম্ ||৪৭৫|| বিভজ্য দোষকালাদীন্ কালযোরুভযোরপি |৪৭৬|
तस्मात् सुसंस्कृतं युक्त्या दोषैरेतैर्विवर्जितम् | यथोक्तगुणसम्पन्नमुपसेवेत भोजनम् ||४७५|| विभज्य दोषकालादीन् कालयोरुभयोरपि |४७६|
🔊 Audio coming soon
কীদৃক্ পুনরন্নং সেবিতব্যমিত্যাহ- তস্মাদিত্যাদি| যুক্ত্যা মাত্রযা| কালযোরুভযোরপি প্রাতঃ সাযং চ||৪৭৫||-
Adhikarana 342 (476-477) · Śloka 478
অচোক্ষং দুষ্টমুত্সৃষ্টং পাষাণতৃণলোষ্টবত্ ||৪৭৬|| দ্বিষ্টং ব্যুষিতমস্বাদু পূতি চান্নং বিবর্জযেত্ | চিরসিদ্ধং স্থিরং শীতমন্নমুষ্ণীকৃতং পুনঃ ||৪৭৭|| অশান্তমুপদগ্ধং চ তথা স্বাদু ন লক্ষ্যতে |৪৭৮|
अचोक्षं दुष्टमुत्सृष्टं पाषाणतृणलोष्टवत् ||४७६|| द्विष्टं व्युषितमस्वादु पूति चान्नं विवर्जयेत् | चिरसिद्धं स्थिरं शीतमन्नमुष्णीकृतं पुनः ||४७७|| अशान्तमुपदग्धं च तथा स्वादु न लक्ष्यते |४७८|
🔊 Audio coming soon
সাত্ম্যাদ্যুপাদেযং প্রদর্শ্য হেযং প্রদর্শযন্নাহ- অচোক্ষমিত্যাদি| অচোক্ষম্ অপবিত্রং, মলিনমিত্যন্যে| দুষ্টং বিষাদিভিঃ, দোষকরত্বাত্| উত্সৃষ্টং ভুক্তোত্সৃষ্টম্| পাষাণতৃণলোষ্টবদিতি পাষাণাদিযুক্তমিত্যর্থঃ| দ্বিষ্টং মনঃপ্রতিঘাতি| ব্যুষিতং বিশেষেণোষিতম্| পূতি শটিতং; পূতি চান্নমিতি চকারাদত্র সত্রশত্রুগণগণিকাদীনামপ্যন্নং বাহ্যদূষণান্বিতং বর্জনীযমিতি সমুচ্চীযতে| অস্বাদ্বন্নং পূর্বং বর্জনীযমুক্তমিতি তদ্ভেদানাহ- চিরসিদ্ধমিত্যাদি| স্থিরং কঠিনম্| অশান্তং কিঞ্চিদবশিষ্টবিস্রাবণম্| উপদগ্ধমিতি অতিপাকিত্বেন জ্বলিতম্| চকারেণ দুঃসিদ্ধমপি সমুচ্চীযতে| তথা স্বাদু ন লক্ষ্যত ইতি যস্যান্নস্য স্বাদো ন লক্ষ্যতে তদপি বর্জযেদিতি সম্বন্ধঃ||৪৭৬-৪৭৭||-
Adhikarana 343 (478) · Śloka 478
যদ্যত্ স্বাদুতরং তত্তদ্বিদধ্যাদুত্তরোত্তরম্ ||৪৭৮||
यद्यत् स्वादुतरं तत्तद्विदध्यादुत्तरोत्तरम् ||४७८||
🔊 Audio coming soon
অন্নেষু স্বাদুষু সত্সু বিধানং দর্শযন্নাহ- যদিত্যাদি| স্বাদুশব্দঃ সংস্কৃতে রসে বর্ততে, ন তু মধুর এব| বিদধ্যাত্ দদ্যাত্| কথম্? উত্তরোত্তরমেকস্মিন্ স্বাদুনি দত্তে সতি তস্মাদধিকতরস্বাদু দদ্যাত্, তস্মিন্নপি দত্তে তস্মাদধিকতরস্বাদু দদ্যাদিত্যর্থঃ||৪৭৮||
Adhikarana 344 (479-480) · Śloka 480
প্রক্ষালযেদদ্ভিরাস্যং ভুঞ্জানস্য মুহুর্মুহুঃ | বিশুদ্ধে রসনে তস্য রোচতেঽন্নমপূর্ববত্ ||৪৭৯|| স্বাদুনা তস্য রসনং প্রথমেনাতিতর্পিতম্ | ন তথা স্বাদযেদন্যত্তস্মাত্ প্রক্ষাল্যমন্তরা ||৪৮০||
प्रक्षालयेदद्भिरास्यं भुञ्जानस्य मुहुर्मुहुः | विशुद्धे रसने तस्य रोचतेऽन्नमपूर्ववत् ||४७९|| स्वादुना तस्य रसनं प्रथमेनातितर्पितम् | न तथा स्वादयेदन्यत्तस्मात् प्रक्षाल्यमन्तरा ||४८०||
🔊 Audio coming soon
প্রক্ষালযেদদ্ভিরাস্যং গণ্ডূষং কারযেদিত্যর্থঃ| গণ্ডূষকরণস্য ফলমাহ- বিশুদ্ধে ইত্যাদি| স্বাদুনা মিষ্টেন| তস্য ভুঞ্জানস্য| অন্যদপরমতঃ স্বাদোরস্বাদোর্বা||৪৭৯-৪৮০||
Adhikarana 345 (481) · Śloka 481
সৌমনস্যং বলং পুষ্টিমুত্সাহং হর্ষণং সুখম্ | স্বাদু সঞ্জনযত্যন্নমস্বাদু চ বিপর্যযম্ ||৪৮১||
सौमनस्यं बलं पुष्टिमुत्साहं हर्षणं सुखम् | स्वादु सञ्जनयत्यन्नमस्वादु च विपर्ययम् ||४८१||
🔊 Audio coming soon
তস্য গুণমাহ- সৌমনস্যমিত্যাদি| সৌমনস্যং সুমনস্কতা| বলং সর্বধাতুস্নেহঃ| পুষ্টিঃ শরীরোপচযঃ| উত্সাহঃ প্রসিদ্ধঃ| হর্ষণং তুষ্টিঃ| সুখং নীরোগতা| স্বাদু সঞ্জনযত্যন্নং স্বাদ্বন্নং সৌমনস্যাদীন্ সম্যগ্ জনযতীতি সম্বন্ধঃ| অস্বাদ্বিত্যাদি অস্বাদ্বন্নং সৌমনস্যাদীনাং বিপর্যযং বিপরীততাং জনযতীত্যর্থঃ||৪৮১||
Adhikarana 346 (482) · Śloka 482
ভুক্ত্বাঽপি যত্ প্রার্থযতে ভূযস্তত্ স্বাদু ভোজনম্ |৪৮২|
भुक्त्वाऽपि यत् प्रार्थयते भूयस्तत् स्वादु भोजनम् |४८२|
🔊 Audio coming soon
স্বাদোরেবান্নস্য লক্ষণং নির্দিশন্নাহ- ভুক্ত্বেত্যাদি| ভুক্তবান্ হি অবশ্যং মৃষ্টমেব কামযতেঽন্নং, নামৃষ্টম্ | অন্যে তু ‘তত্ সাধু ভোজনম্’ ইতি পঠন্তি, মাত্রাবদ্ভুঞ্জীতেতি তস্যৈব লক্ষণমিতি চ বদন্তি; তন্নেচ্ছতি গযী|৪৮২|
Adhikarana 347 (482) · Śloka 482
অশিতশ্চোদকং যুক্ত্যা ভুঞ্জানশ্চান্তরা পিবেত্ ||৪৮২||
अशितश्चोदकं युक्त्या भुञ्जानश्चान्तरा पिबेत् ||४८२||
🔊 Audio coming soon
অশিত ইত্যাদি| অশিতঃ কৃতভোজনঃ, উদকং জলং যুক্ত্যা পিবেদিতি সম্বন্ধঃ| যুক্ত্যা মাত্রযা; ভুঞ্জানশ্চান্তরা পিবেত্ ভোজনমধ্যে ইত্যর্থঃ||৪৮২||
Adhikarana 348 (483) · Śloka 483
দন্তান্তরগতং চান্নং শোধনেনাহরেচ্ছনৈঃ | কুর্যাদনির্হৃতং তদ্ধি মুখস্যানিষ্টগন্ধতাম্ ||৪৮৩||
दन्तान्तरगतं चान्नं शोधनेनाहरेच्छनैः | कुर्यादनिर्हृतं तद्धि मुखस्यानिष्टगन्धताम् ||४८३||
🔊 Audio coming soon
অন্যদপি ভুক্তে কার্যান্তরং দর্শযন্নাহ- দন্তেত্যাদি| শোধনেন তৃণাদিনা||৪৮৩||
Adhikarana 349 (484) · Śloka 484
জীর্ণেঽন্নে বর্ধতে বাযুর্বিদগ্ধে পিত্তমেব তু | ভুক্তমাত্রে কফশ্চাপি,... |৪৮৪|
जीर्णेऽन्ने वर्धते वायुर्विदग्धे पित्तमेव तु | भुक्तमात्रे कफश्चापि,... |४८४|
🔊 Audio coming soon
ভোজনোত্তরকালক্রিযাপ্রসঙ্গেন জরণজীর্ণকালযোরপি দোষপ্রকোপং দর্শযন্নাহ- জীর্ণে ইত্যাদি| জীর্ণে পরিণামঙ্গতে, বিদগ্ধে কিঞ্চিত্পক্বে|৪৮৪|-
Adhikarana 350 (484-486) · Śloka 486
... তস্মাদ্ভুক্তেরিতং কফম্ ||৪৮৪|| ধূমেনাপোহ্য হৃদ্যৈর্বা কষাযকটুতিক্তকৈঃ | পূগকঙ্কোলকর্পূরলবঙ্গসুমনঃফলৈঃ ||৪৮৫|| ফলৈঃ কটুকষাযৈর্বা মুখবৈশদ্যকারকৈঃ | তাম্বূলপত্রসহিতৈঃ সুগন্ধৈর্বা বিচক্ষণঃ ||৪৮৬||
... तस्माद्भुक्तेरितं कफम् ||४८४|| धूमेनापोह्य हृद्यैर्वा कषायकटुतिक्तकैः | पूगकङ्कोलकर्पूरलवङ्गसुमनःफलैः ||४८५|| फलैः कटुकषायैर्वा मुखवैशद्यकारकैः | ताम्बूलपत्रसहितैः सुगन्धैर्वा विचक्षणः ||४८६||
🔊 Audio coming soon
ভুক্তে সতি কুপিতশ্লেষ্মণঃ প্রতীকারমাহ- তস্মাদিত্যাদি| ভুক্তেরিতং ভোজনেন প্রেরিতম্| অপোহ্য স্ফোটযিত্বা| কষাযকটুতিক্তকৈরিতি অফলৈর্দ্রব্যৈরিতি বিজ্ঞেযং, ফলৈঃ কটুকষাযৈর্বেতি বক্ষ্যমাণত্বাত্| সুমনঃফলৈঃ জাতীফলৈঃ||৪৮৪-৪৮৬||
Adhikarana 351 (487) · Śloka 487
ভুক্ত্বা রাজবদাসীত যাবদন্নক্লমো গতঃ | ততঃ পাদশতং গত্বা বামপার্শ্বেন সংবিশেত্ ||৪৮৭||
भुक्त्वा राजवदासीत यावदन्नक्लमो गतः | ततः पादशतं गत्वा वामपार्श्वेन संविशेत् ||४८७||
🔊 Audio coming soon
তদনন্তরং কিং কুর্যাদিত্যাহ- তত ইত্যাদি| সংবিশেত্ শয্যাযাং শযীত||৪৮৭||
Adhikarana 352 (488) · Śloka 488
শব্দান্রূপান্রসান্ গন্ধান্ স্পর্শাংশ্চ মনসঃ প্রিযান্ | ভুক্তবানুপসেবেত তেনান্নং সাধু তিষ্ঠতি ||৪৮৮||
शब्दान्रूपान्रसान् गन्धान् स्पर्शांश्च मनसः प्रियान् | भुक्तवानुपसेवेत तेनान्नं साधु तिष्ठति ||४८८||
🔊 Audio coming soon
অন্নস্য সংস্থাপনহেতূন্ শব্দাদিবিষযানাহ- শব্দেত্যাদি| সাধু তিষ্ঠতি ভব্যেন স্থিতিং করোতি, ‘শব্দাদীন্ বিষযাংশ্চ’ ইত্যন্যে পঠন্তি||৪৮৮||
Adhikarana 353 (489) · Śloka 489
শব্দরূপরসা গন্ধাঃ স্পর্শাশ্চাপি জুগুপ্সিতাঃ | অশুচ্যন্নং তথা ভুক্তমতিহাস্যং চ বামযেত্ ||৪৮৯||
शब्दरूपरसा गन्धाः स्पर्शाश्चापि जुगुप्सिताः | अशुच्यन्नं तथा भुक्तमतिहास्यं च वामयेत् ||४८९||
🔊 Audio coming soon
কুতঃ পুনরেতে অপ্রিযা ইত্যাহ- শব্দেত্যাদি| জুগুপ্সিতাঃ নিন্দিতাঃ| অশুচি অপবিত্রম্||৪৮৯||
Adhikarana 354 (490-491) · Śloka 491
শযনং চাসনং বাঽপি নেচ্ছেদ্বাঽপি দ্রবোত্তরম্ | নাগ্ন্যাতপৌ ন প্লবনং ন যানং নাপি বাহনম্ ||৪৯০|| ন চৈকরসসেবাযাং প্রসজ্যেত কদাচন | শাকাবরান্নভূযিষ্ঠমম্লং চ ন সমাচরেত্ ||৪৯১||
शयनं चासनं वाऽपि नेच्छेद्वाऽपि द्रवोत्तरम् | नाग्न्यातपौ न प्लवनं न यानं नापि वाहनम् ||४९०|| न चैकरससेवायां प्रसज्येत कदाचन | शाकावरान्नभूयिष्ठमम्लं च न समाचरेत् ||४९१||
🔊 Audio coming soon
অন্যদপি সর্বং বর্জনীযমাহ- শযনমিত্যাদি| শযনমাসনং বা নেচ্ছেত্, চিরকালমিত্যর্থঃ| দ্রবোত্তরং দ্রবাঢ্যং ভোজনম্| নাগ্ন্যাতপাবিত্যাদি| অগ্ন্যাতপাদীন্নেচ্ছেদিতি সম্বন্ধঃ| প্লবনং স্নানং জলপ্রতরণং বা| যানং গমনমেব| বাহনং রথাশ্বাদি| ন প্রসজ্যেত নাভ্যসেত্ ন পুনঃ পুনঃ শীলযেদিত্যর্থঃ| শাকং প্রসিদ্ধম্, অবরান্নং বৈদলান্নম্, এতদ্ভূযিষ্ঠং তদ্বহুলং; ন সমাচরেত্ ন ভক্ষযেত্, তথাঽম্লং চ||৪৯০-৪৯১||
Adhikarana 355 (492) · Śloka 492
একৈকশঃ সমস্তান্ বা নাধ্যশ্নীযাদ্রসান্ সদা |৪৯২|
एकैकशः समस्तान् वा नाध्यश्नीयाद्रसान् सदा |४९२|
🔊 Audio coming soon
রসানামতিমাত্রাশনদোষং দর্শযন্নাহ- একৈকশ ইত্যাদি| একৈকশ একৈকং রসং, সমস্তান্ বা রসান্ নাধ্যশ্নীযাত্ নাধিকং ভক্ষযেদিত্যর্থঃ| দোষরোগাপেক্ষযেকৈকরসবিধিঃ, স্বস্থাপেক্ষযা তু সমস্তরসবিধিঃ| ‘নাত্যশ্নীযাত্ ইত্যন্যে, অপরে তু ‘একশোঽথ সমস্তান্ বা ন ভুঞ্জীত রসান্ সদা’- ইতি পঠন্তি, ব্যাখ্যানযন্তি চ- একীকৃত্য ন সর্বমশ্নীযাত্; যথাক্রমমেব ষড্রসং স্বস্থেন ভোক্তব্যং, বাশব্দঃ সমুচ্চযে|৪৯২|-
Adhikarana 356 (492) · Śloka 493
প্রাগ্ভুক্তে ত্ববিবিক্তেঽগ্নৌ দ্বিরন্নং ন সমাচরেত্ ||৪৯২|| পূর্বভুক্তে বিদগ্ধেঽন্নে ভুঞ্জানো হন্তি পাবকম্ |৪৯৩|
प्राग्भुक्ते त्वविविक्तेऽग्नौ द्विरन्नं न समाचरेत् ||४९२|| पूर्वभुक्ते विदग्धेऽन्ने भुञ्जानो हन्ति पावकम् |४९३|
🔊 Audio coming soon
অগ্নৌ মন্দে দ্বিরন্নসমাচারনিষেধং দর্শযন্নাহ- প্রাগিত্যাদি| প্রাগ্ভুক্তে প্রাতর্ভোজনে কৃতে, অবিবিক্তেঽগ্নৌ দ্বিরন্নং ন সমাচরেদিতি দ্বিতীযং বারং ন ভুঞ্জীতেত্যর্থঃ| কুত ইত্যাহ- পূর্বভুক্তে ইত্যাদি| বিদগ্ধে জঠরানলেন কিঞ্চিত্পক্বে কিঞ্চিচ্চামে| ভুঞ্জানো দ্বির্ভুঞ্জান ইত্যর্থঃ| পাবকং জঠরানলম্||৪৯২||-
Adhikarana 357 (493) · Śloka 493
মাত্রাগুরুং পরিহরেদাহারং দ্রব্যতশ্চ যঃ ||৪৯৩||
मात्रागुरुं परिहरेदाहारं द्रव्यतश्च यः ||४९३||
🔊 Audio coming soon
মন্দাগ্নেরেবাহারবিশেষপরিহারং নির্দিশন্নাহ- মাত্রেত্যাদি| মুদ্গাদীনাং লঘূনামপি মাত্রযা গুরুমাহারং পরিহরেত্, দ্রব্যতো গুরুং মাষমহিষবরাহপিশিতাদিকম্||৪৯৩||
Adhikarana 358 (494) · Śloka 494
পিষ্টান্নং নৈব ভুঞ্জীত মাত্রযা বা বুভুক্ষিতঃ | দ্বিগুণং চ পিবেত্তোযং সুখং সম্যক্ প্রজীর্যতি |৪৯৪|
पिष्टान्नं नैव भुञ्जीत मात्रया वा बुभुक्षितः | द्विगुणं च पिबेत्तोयं सुखं सम्यक् प्रजीर्यति |४९४|
🔊 Audio coming soon
সংস্কারগুরোর্দ্রব্যবিশেষস্য নিষেধং দর্শযন্নাহ- পিষ্টান্নমিত্যাদি| অথ কথঞ্চিত্ পিষ্টান্নসেবা তদা ক্ষুধিতস্য মাত্রযৈব নান্যথেতি, তত্র মাত্রাশব্দোঽল্পতাবাচকঃ; পিষ্টান্নভোজনে দ্বিগুণং বা পিবেত্তোযম্|৪৯৪|-
Adhikarana 359 (494) · Śloka 494
পেযলেহ্যাদ্যভক্ষ্যাণাং গুরু বিদ্যাদ্যথোত্তরম্ ||৪৯৪||
पेयलेह्याद्यभक्ष्याणां गुरु विद्याद्यथोत्तरम् ||४९४||
🔊 Audio coming soon
গুরুত্বপ্রসঙ্গেন চতুর্ণাং পেযলেহ্যাদীনাং গুরুলাঘবং নির্দিশন্নাহ- পেযেত্যাদি| পেযং পানীযাদি, লেহ্যং মধ্বাদি, অদ্যং ভক্তাদি, ভক্ষ্যং মোদকাদি||৪৯৪||
Adhikarana 360 (495) · Śloka 495
গুরূণামর্ধসৌহিত্যং লঘূনাং তৃপ্তিরিষ্যতে | দ্রবোত্তরো দ্রবশ্চাপি ন মাত্রাগুরুরিষ্যতে ||৪৯৫||
गुरूणामर्धसौहित्यं लघूनां तृप्तिरिष्यते | द्रवोत्तरो द्रवश्चापि न मात्रागुरुरिष्यते ||४९५||
🔊 Audio coming soon
তত্রোক্তানাং পেযাদীনাং লঘূনাং গুরূণাং চ কা মাত্রা যামপেক্ষ্য মাত্রাগুরুরিত্যুপদিশ্যত ইত্যাহ- গুরূণামিত্যাদি| গুরূণাং সংস্কারস্বভাবকৃতানাং মোদকমাষাদীনাং সংস্কারস্বভাবাভ্যামেব গুরুতরাণাং পিষ্টমযবরাহপিশিতাদীনাং ত্রিভাগসৌহিত্যমেব, অযং চার্থোঽর্ধশব্দাদবযববচনাল্লভ্যতে| লঘূনাং তৃপ্তিরিষ্যত ইতি লঘুতরাণামেব তৃপ্তিঃ, লঘূনাং পুনরীষত্তৃপ্তিঃ| ন চ দ্রবদ্রবোত্তরযোঃ পেযত্বাল্লঘুলঘুতরযোঃ কদাচিত্কিঞ্চিন্মাত্রাগৌরবেণ তৌ ভজেতেত্যাহ- দ্রবোত্তর ইত্যাদি| দ্রবোত্তরস্তক্রাদ্যধিকঃ, দ্রবঃ পেযাদিঃ||৪৯৫||
Adhikarana 361 (496) · Śloka 496
দ্রবাঢ্যমপি শুষ্কং তু সম্যগেবোপপদ্যতে |৪৯৬|
द्रवाढ्यमपि शुष्कं तु सम्यगेवोपपद्यते |४९६|
🔊 Audio coming soon
শুষ্কস্যাপি স্রোতোঽবরোধকারণস্য সংযোগান্তরেণাদোষং প্রতিপাদযন্নাহ- দ্রবাঢ্যমিত্যাদি| শুষ্কমপি দ্রবাঢ্যং সম্যগেবোপপদ্যতে অদোষকরং সম্যগ্ভবতীত্যর্থঃ|৪৯৬|-
Adhikarana 362 (496) · Śloka 497
বিশুষ্কমন্নমভ্যস্তং ন পাকং সাধু গচ্ছতি ||৪৯৬|| পিণ্ডীকৃতমসঙ্ক্লিন্নং বিদাহমুপগচ্ছতি |৪৯৭|
विशुष्कमन्नमभ्यस्तं न पाकं साधु गच्छति ||४९६|| पिण्डीकृतमसङ्क्लिन्नं विदाहमुपगच्छति |४९७|
🔊 Audio coming soon
কেবলবিশুষ্কস্য পুনরাহরণে দোষং নির্দিশন্নাহ- বিশুষ্কমিত্যাদি| অভ্যস্তং সেবিতম্, সাধু ভব্যেন| কথং তর্হি পাকং গচ্ছতীত্যাহ- পিণ্ডীকৃতমিত্যাদি| অসঙ্ক্লিন্নম্ অসম্যগার্দ্রীভাবমাপন্নম্| বিদাহমুপগচ্ছতি বিদগ্ধতামুপযাতি||৪৯৬||-
Adhikarana 363 (497) · Śloka 498
স্রোতস্যন্নবহে পিত্তং পক্তৌ বা যস্য তিষ্ঠতি ||৪৯৭|| বিদাহি ভুক্তমন্যদ্বা তস্যাপ্যন্নং বিদহ্যতে |৪৯৮|
स्रोतस्यन्नवहे पित्तं पक्तौ वा यस्य तिष्ठति ||४९७|| विदाहि भुक्तमन्यद्वा तस्याप्यन्नं विदह्यते |४९८|
🔊 Audio coming soon
শুষ্কান্নস্য বিপ্রকৃষ্টবিদাহপ্রসঙ্গেন সন্নিকৃষ্টহেতুজমপি বিদাহং দর্শযন্নাহ- স্রোতসীত্যাদি| স্রোতস্যন্নবহে আমাশযে| পক্তৌ অগ্নিস্থানে| বিদাহি ভুক্তমিতি অন্নম্, অন্যদ্বেতি অবিদাহ্যন্নম্| বিদহ্যতে বিদগ্ধতামুপযাতি||৪৯৭||-
Adhikarana 364 (498) · Śloka 498
শুষ্কং বিরুদ্ধং বিষ্টম্ভি বহ্নিব্যাপদমাবহেত্ ||৪৯৮||
शुष्कं विरुद्धं विष्टम्भि वह्निव्यापदमावहेत् ||४९८||
🔊 Audio coming soon
শুষ্কান্নপ্রসঙ্গেন শুষ্কস্যেতরস্য চ বহ্নিমান্দ্যকরত্বমাহ- শুষ্কমিত্যাদি| শুষ্কং পিষ্টান্নাদি| বিরুদ্ধং ক্ষীরমত্স্যাদিকম্| বিষ্টম্ভি চণকমসূরাদি| বহ্নিব্যাপদম্ অগ্নিমান্দ্যম্| আবহেত্ কুর্যাত্||৪৯৮||
Adhikarana 365 (499) · Śloka 499
আমং বিদগ্ধং বিষ্টব্ধং কফপিত্তানিলৈস্ত্রিভিঃ | অজীর্ণং কেচিদিচ্ছন্তি চতুর্থং রসশেষতঃ ||৪৯৯||
आमं विदग्धं विष्टब्धं कफपित्तानिलैस्त्रिभिः | अजीर्णं केचिदिच्छन्ति चतुर्थं रसशेषतः ||४९९||
🔊 Audio coming soon
তামেব বহ্নিব্যাপদং বিপ্রকৃষ্টকারণোপজনিতামভিধায সন্নিকৃষ্টবাতাদিকৃতাজীর্ণলক্ষণাং নির্দিশন্নাহ- আমমিত্যাদি| আহারস্যৈব পক্বস্যোর্বরিতো রসো রসশেষঃ; তস্মাদল্পদোষদূষিতত্বান্ন তস্য দোষব্যপদেশো ভবতি||৪৯৯||
Adhikarana 366 (500-501) · Śloka 501
অত্যম্বুপানাদ্বিষমাশনাদ্বা সন্ধারণাত্ স্বপ্নবিপর্যযাচ্চ | কালেঽপি সাত্ম্যং লঘু চাপি ভুক্তমন্নং ন পাকং ভজতে নরস্য ||৫০০|| ঈর্ষ্যাভযক্রোধপরিক্ষতেন লুব্ধেন শুগ্দৈন্যনিপীডিতেন | প্রদ্বেষযুক্তেন চ সেব্যমানমন্নং ন সম্যক্ পরিণামমেতি ||৫০১||
अत्यम्बुपानाद्विषमाशनाद्वा सन्धारणात् स्वप्नविपर्ययाच्च | कालेऽपि सात्म्यं लघु चापि भुक्तमन्नं न पाकं भजते नरस्य ||५००|| ईर्ष्याभयक्रोधपरिक्षतेन लुब्धेन शुग्दैन्यनिपीडितेन | प्रद्वेषयुक्तेन च सेव्यमानमन्नं न सम्यक् परिणाममेति ||५०१||
🔊 Audio coming soon
কস্মাদজীর্ণং ভবতীত্যাহ- অত্যম্বুপানাদিত্যাদি| রাত্রৌ জাগরণং দিবসে চ স্বপ্নঃ স্বপ্নবিপর্যযঃ| কাযিককারণমভিধায মানসরজস্তমোদোষকৃতমজীর্ণমাহ- ঈর্ষ্যেত্যাদি| ঈর্ষ্যা পরসম্পত্তাবসহিষ্ণুতা, ভযং পরস্মাত্ত্রাসঃ, ক্রোধঃ পরাভিদ্রোহলক্ষণঃ, পরিক্ষতেন ঈর্ষ্যাদিভিঃ পরিভূতেন| লুব্ধেন লোভসহিতেন| শুগ্দৈন্যনিপীডিতেন শোকদৈন্যব্যাপ্তেন, দৈন্যং নির্গতিত্বম্| প্রদ্বেষো মাত্সর্যম্||৫০০-৫০১||
Adhikarana 367 (502-503) · Śloka 503
মাধুর্যমন্নং গতমামসঞ্জ্ঞং বিদগ্ধসঞ্জ্ঞং গতমম্লভাবম্ | কিঞ্চিদ্বিপক্বং, ভৃশতোদশূলং বিষ্টব্ধমানদ্ধবিরুদ্ধবাতম্ ||৫০২|| উদ্গারশুদ্ধাবপি ভক্তকাঙ্ক্ষা ন জাযতে হৃদ্গুরুতা চ যস্য | রসাবশেষেণ তু সপ্রসেকং চতুর্থমেতত্ প্রবদন্ত্যজীর্ণম্ ||৫০৩||
माधुर्यमन्नं गतमामसञ्ज्ञं विदग्धसञ्ज्ञं गतमम्लभावम् | किञ्चिद्विपक्वं, भृशतोदशूलं विष्टब्धमानद्धविरुद्धवातम् ||५०२|| उद्गारशुद्धावपि भक्तकाङ्क्षा न जायते हृद्गुरुता च यस्य | रसावशेषेण तु सप्रसेकं चतुर्थमेतत् प्रवदन्त्यजीर्णम् ||५०३||
🔊 Audio coming soon
তেষামেবাজীর্ণানাং লক্ষণং দর্শযন্নাহ- মাধুর্যমিত্যাদি| শ্লেষ্মদূষণপ্রভাবোপজনিতমাধুর্যং গতমামং, তদেব কফদূষিতং বা তত্স্বভাবকত্বমাপন্ন ; কফকার্যাণি তু তত্র গৌরবস্নেহকণ্ডূপ্রভৃতীনি চ দ্রষ্টব্যানি| বিদগ্ধসঞ্জ্ঞমিতি কিঞ্চিদ্বিপক্বমম্লভাবং গতমন্নং বিদগ্ধসঞ্জ্ঞং কথ্যতে| তত্ কথম্ভূতং? কিঞ্চিদ্বিপক্বম্| অত্রাপি শুক্ততিক্তাম্লোদ্গারাদীনি পিত্তকার্যাণি দ্রষ্টব্যানি| আনদ্ধবিরুদ্ধবাতং বিষ্টব্ধং কথ্যতে| তত্ কথম্ভূতং? ভৃশতোদশূলম্| আনদ্ধোঽপ্রবৃত্তো বিরুদ্ধো বিশেষেণ রুদ্ধো বাতো যস্মিন্ তত্তথা| অত্রাপি বাতকার্যাণি জৃম্ভাঙ্গমর্দশিরোরুজাদীনি দ্রষ্টব্যানি| ভৃশতোদশূলম্ অত্যর্থতোদশূলম্| উদ্গারশুদ্ধাবিত্যাদি| ভক্তকাঙ্ক্ষা ন জাযতে নোত্পদ্যতে| হৃদ্গুরুতা হৃদযগৌরবং ভবতি| যস্যাজীর্ণস্য| রসাবশেষেণ কৃত্বা| সপ্রসেকং লালাস্রাবসহিতম্| এতানি সঙ্ক্ষেপেণাজীর্ণলক্ষণান্যুক্তানি||৫০২-৫০৩||
Adhikarana 368 (504) · Śloka 504
মূর্চ্ছা প্রলাপো বমথুঃ প্রসেকঃ সদনং ভ্রমঃ | উপদ্রবা ভবন্ত্যেতে মরণং চাপ্যজীর্ণতঃ ||৫০৪||
मूर्च्छा प्रलापो वमथुः प्रसेकः सदनं भ्रमः | उपद्रवा भवन्त्येते मरणं चाप्यजीर्णतः ||५०४||
🔊 Audio coming soon
অজীর্ণদোষলিঙ্গং প্রদর্শ্য ব্যাধিসামান্যলক্ষণভূতপ্রভাবোপজনিতকার্যাণি নির্দিশন্নাহ- মূর্চ্ছেত্যাদি| মূর্চ্ছা চেতনাচ্যুতিঃ প্রলাপঃ অসম্বদ্ধভাষণম্| বমথুঃ ছর্দিঃ| সদনম্ অঙ্গগ্লানিঃ, অন্যে তু ‘স্ফুটনমিবাঙ্গানাম্’ ইতি বদন্তি| ভ্রমঃ চক্রারূঢস্যেব||৫০৪||
Adhikarana 369 (505-507) · Śloka 507
তত্রামে লঙ্ঘনং কার্যং, বিদগ্ধে বমনং হিতম্ | বিষ্টব্ধে স্বেদনং পথ্যং, রসশেষে শযীত চ ||৫০৫|| বামযেদাশু তং তস্মাদুষ্ণেন লবণাম্বুনা | কার্যং বাঽনশনং তাবদ্যাবন্ন প্রকৃতিং ভজেত্ ||৫০৬|| লঘুকাযমতশ্চৈনং লঙ্ঘনৈঃ সমুপাচরেত্ | যাবন্ন প্রকৃতিস্থঃ স্যাদ্দোষতঃ প্রাণতস্তথা ||৫০৭||
तत्रामे लङ्घनं कार्यं, विदग्धे वमनं हितम् | विष्टब्धे स्वेदनं पथ्यं, रसशेषे शयीत च ||५०५|| वामयेदाशु तं तस्मादुष्णेन लवणाम्बुना | कार्यं वाऽनशनं तावद्यावन्न प्रकृतिं भजेत् ||५०६|| लघुकायमतश्चैनं लङ्घनैः समुपाचरेत् | यावन्न प्रकृतिस्थः स्याद्दोषतः प्राणतस्तथा ||५०७||
🔊 Audio coming soon
অজীর্ণানাং চিকিত্সামাহ- তত্রেত্যাদি| আমে লঙ্ঘনং কার্যামিতি উত্ক্লেদে তত্রাপি বমনমাবস্থিকম্| বিদগ্ধে বমনং হিতমিতি রসস্যাম্লস্য ব্যাপন্নস্যানুদ্ধরণে কুষ্ঠাবাধভযাত্| তত্র কেচিত্, ‘আমে তু বমনং কার্যং বিদগ্ধে লঙ্ঘনং হিতম্’ ইতি পঠন্তি, তন্নেচ্ছতি গযী| বিষ্টব্ধে স্বেদনমিতি স্বেদনস্যামবাতাবজযকারিপাচনত্বাত্| রসশেষে শযীত চেতি চকারেণ স্বেদোঽপি রসশেষে, তথা পাচনমপি; তচ্চ পাচনমন্নকালেঽন্নসহিতং দেযমিতি সমুচ্চীযতে| তত্র বিদগ্ধে বমনং কর্তব্যং তত্ কেনেত্যাহ- বামযেদিত্যাদি| আমে লঙ্ঘনমিতি তত্কিযন্তং কালমিত্যবধিং দর্শযন্নাহ- কার্যমিত্যাদি| বাশব্দঃ সমুচ্চযে| প্রকৃতিরত্রাজীর্ণনিবৃত্তিঃ| লঘ্বিত্যাদি| অতঃ পূর্বোক্তবিধানাদনন্তরম্| এনম্ অজীর্ণিনম্| প্রাণো বলম্||৫০৫-৫০৭||
Adhikarana 370 (508-509) · Śloka 509
হিতাহিতোপসংযুক্তমন্নং সমশনং স্মৃতম্ | বহু স্তোকমকালে বা তজ্জ্ঞেযং বিষমাশনম্ ||৫০৮|| অজীর্ণে ভুজ্যতে যত্তু তদধ্যশনমুচ্যতে | ত্রযমেতন্নিহন্ত্যাশু বহূন্ব্যাধীন্করোতি বা ||৫০৯||
हिताहितोपसंयुक्तमन्नं समशनं स्मृतम् | बहु स्तोकमकाले वा तज्ज्ञेयं विषमाशनम् ||५०८|| अजीर्णे भुज्यते यत्तु तदध्यशनमुच्यते | त्रयमेतन्निहन्त्याशु बहून्व्याधीन्करोति वा ||५०९||
🔊 Audio coming soon
তত্রাজীর্ণপ্রসঙ্গেন তস্যাজীর্ণে ভুজ্যমানস্যান্নস্যাত্যশনসঞ্জ্ঞকস্যানর্থাবহত্বাত্তত্তুল্যানাং সমশনাদীনামপি লক্ষণং দর্শযন্নাহ- হিতাহিতেত্যাদি| হিতাহিতোপসংযুক্তমিতি হিতমহিতং চান্নমৈকধ্যমুপযুক্তম্| যথা- “ধান্যং নবং পুরাণং যচ্ছাকং জীর্ণং চ কোমলম্| ঐকধ্যং তদ্বিরুদ্ধং স্যাচ্ছীতোষ্ণং চ স্বজাতিতঃ”- ইতি|| অন্যে তু হিতমেবাহিতং যেন সম্পদ্যতে তত্ হিতাহিতোপসংযুক্তং; যথা- গোক্ষীরং মত্স্যেন সহিতমহিতং সম্পদ্যতে| বিষমাশনং নির্দিশন্নাহ- বহ্বিত্যাদি| বহু প্রচুরং, স্তোকমল্পম্, অকাল ইতি অকালোঽপ্রাপ্তোঽতীতো বা কালস্তত্র ভুক্তম্| অধ্যশনং নির্দিশন্নাহ- অজীর্ণে ইত্যাদি| ত্রযাণামপি সমশনাদীনাং ফলমাহ- ত্রযমিত্যাদি||৫০৮-৫০৯||
Adhikarana 371 (510) · Śloka 510
অন্নং বিদগ্ধং হি নরস্য শীঘ্রং শীতাম্বুনা বৈ পরিপাকমেতি | তদ্ধ্যস্য শৈত্যেন নিহন্তি পিত্তমাক্লেদিভাবাচ্চ নযত্যধস্তাত্ ||৫১০||
अन्नं विदग्धं हि नरस्य शीघ्रं शीताम्बुना वै परिपाकमेति | तद्ध्यस्य शैत्येन निहन्ति पित्तमाक्लेदिभावाच्च नयत्यधस्तात् ||५१०||
🔊 Audio coming soon
পুনরপি বিদগ্ধাজীর্ণস্য চিকিত্সামাহ- অন্নমিত্যাদি| তত্ শীতাম্বু হিশব্দো যস্মাদর্থে, অস্য নরস্য, আক্লেদিভাবাত্ পিত্তং নিহন্তি| কেচিত্ ‘অন্নং বিদগ্ধং হী’ ইত্যারভ্য ‘যা মন্দবুদ্ধিং বিষবন্নিহন্তি’ ইতি যাবত্ সকলমপি পাঠমনার্ষং বর্ণযন্তি; তন্ন, গযদাসেনাঙ্গীকৃতত্বাত্||৫১০||
Adhikarana 372 (511) · Śloka 511
বিদহ্যতে যস্য তু ভুক্তমাত্রে দহ্যেত হৃত্কোষ্ঠগলং চ যস্য | দ্রাক্ষাভযাং মাক্ষিকসম্প্রযুক্তাং লীঢ্বাঽভযাং বা স সুখং লভেত ||৫১১||
विदह्यते यस्य तु भुक्तमात्रे दह्येत हृत्कोष्ठगलं च यस्य | द्राक्षाभयां माक्षिकसम्प्रयुक्तां लीढ्वाऽभयां वा स सुखं लभेत ||५११||
🔊 Audio coming soon
আমাশযগতান্নবিদাহস্য চিকিত্সামাহ- বিদহ্যতে ইত্যাদি| যস্য পুরুষস্য, ভুক্তমাত্রে সতি আমাশযো বিদহ্যতে বিশেষেণ দাহবান্ ভবতি| হৃত্ হৃদযং কমলমুকুলাকারমধোমুখং, কোষ্ঠমুদরম্| দ্রাক্ষাযুক্তামভযাং লীঢ্বেতি সম্বন্ধঃ, অযমেকো যোগঃ; মাক্ষিকসম্প্রযুক্তাং লীঢ্বাঽভযাং বেতি দ্বিতীযো যোগঃ| অন্যে তু ‘ভুক্তমাত্রং’ ইতি পঠন্তি, ভুক্তমাত্রমেব প্রাপ্যামাশযো বিদহ্যত ইত্যর্থঃ||৫১১||
Adhikarana 373 (512) · Śloka 512
ভবেদজীর্ণং প্রতি যস্য শঙ্কা স্নিগ্ধস্য জন্তোর্বলিনোঽন্নকালে | প্রাতঃ সশুণ্ঠীমভযামশঙ্কো ভুঞ্জীত সম্প্রাশ্য হিতং হিতার্থী ||৫১২||
भवेदजीर्णं प्रति यस्य शङ्का स्निग्धस्य जन्तोर्बलिनोऽन्नकाले | प्रातः सशुण्ठीमभयामशङ्को भुञ्जीत सम्प्राश्य हितं हितार्थी ||५१२||
🔊 Audio coming soon
রসাবশেষাজীর্ণবিষযং সংশমনমাহ- ভবেদিত্যাদি| প্রাতর্যস্যাজীর্ণশঙ্কা ভবতি স পুরুষঃ শুণ্ঠীমভযাসমেতামন্নকালে সম্প্রাশ্য ভক্ষযিত্বা, অশঙ্কো নিঃশঙ্কঃ সন্ হিতমন্নং ভুঞ্জীত||৫১২||
Adhikarana 374 (513) · Śloka 513
স্বল্পং যদা দোষবিবদ্ধমামং লীনং ন তেজঃপথমাবৃণোতি | ভবত্যজীর্ণেঽপি তদা বুভুক্ষা যা মন্দবুদ্ধিং বিষবন্নিহন্তি ||৫১৩||
स्वल्पं यदा दोषविबद्धमामं लीनं न तेजःपथमावृणोति | भवत्यजीर्णेऽपि तदा बुभुक्षा या मन्दबुद्धिं विषवन्निहन्ति ||५१३||
🔊 Audio coming soon
অজীর্ণেঽপি বুভুক্ষাং দর্শযন্নাহ- স্বল্পমিত্যাদি| স্বল্পমিত্যামবিশেষণম্, অন্যে তু স্বল্পমপি তেজঃপথমাবৃণোতীতি তেজঃপথস্যেদং বিশেষণমাহুঃ| লীনং তদ্গতেন বাযুনৈকপার্শ্বে লীনমিত্যামবিশেষণম্| তেজঃপথং জঠরানলমার্গম্| যা বুভুক্ষা মন্দবুদ্ধিং প্রাণিনং বিষবন্নিহন্তীতি সম্বন্ধঃ| অত্র কেচিত্ পঠন্তি- “অন্নেন কুক্ষের্দ্বাবংশৌ পানেনৈকং চ পূরযেত্| আশ্রযং পবনাদীনাং চতুর্থমবশেষযেত্- ইতি|” সর্বনিবন্ধকারৈরপঠিতত্বান্ন পঠনীযম্||৫১৩||
Adhikarana 375 (514-524) · Śloka 525
অত উর্ধ্বং প্রবক্ষ্যামি গুণানাং কর্মবিস্তরম্ | কর্মভিস্ত্বনুমীযন্তে নানাদ্রব্যাশ্রযা গুণাঃ ||৫১৪|| হ্লাদনঃ স্তম্ভনঃ শীতো মূর্চ্ছাতৃট্স্বেদদাহজিত্ | উষ্ণস্তদ্বিপরীতঃ স্যাত্পাচনশ্চ বিশেষতঃ ||৫১৫|| স্নেহমার্দবকৃত্ স্নিগ্ধো বলবর্ণকরস্তথা | রূক্ষস্তদ্বিপরীতঃ স্যাদ্বিশেষাত্ স্তম্ভনঃ খরঃ ||৫১৬|| পিচ্ছিলো জীবনো বল্যঃ সন্ধানঃ শ্লেষ্মলো গুরুঃ | বিশদো বিপরীতোঽস্মাত্ ক্লেদাচূষণরোপণঃ ||৫১৭|| দাহপাককরস্তীক্ষ্ণঃ স্রাবণো, মৃদুরন্যথা | সাদোপলেপবলকৃদ্গুরুস্তর্পণবৃংহণঃ ||৫১৮|| লঘুস্তদ্বিপরীতঃ স্যাল্লেখনো রোপণস্তথা | দশাদ্যাঃ কর্মতঃ প্রোক্তাস্তেষাং কর্মবিশেষণৈঃ ||৫১৯|| দশৈবান্যান্ প্রবক্ষ্যামি দ্রবাদীংস্তান্নিবোধ মে | দ্রবঃ প্রক্লেদনঃ, সান্দ্রঃ স্থূলঃ স্যাদ্বন্ধকারকঃ ||৫২০|| শ্লক্ষ্ণঃ পিচ্ছিলবজ্জ্ঞেযঃ কর্কশো বিশদো যথা | সুখানুবন্ধী সূক্ষ্মশ্চ সুগন্ধো রোচনো মৃদুঃ ||৫২১|| দুর্গন্ধো বিপরীতোঽস্মাদ্ধৃল্লাসারুচিকারকঃ | সরোঽনুলোমনঃ প্রোক্তো, মন্দো যাত্রাকরঃ স্মৃতঃ ||৫২২|| ব্যবাযী চাখিলং দেহং ব্যাপ্য পাকায কল্পতে | বিকাসী বিকসন্নেবং ধাতুবন্ধান্ বিমোক্ষযেত্ ||৫২৩|| আশুকারী তথাঽঽশুত্বাদ্ধাবত্যম্ভসি তৈলবত্ | সূক্ষ্মস্তু সৌক্ষ্ম্যাত্ সূক্ষ্মেষু স্রোতঃস্বনুসরঃ স্মৃতঃ ||৫২৪|| গুণা বিংশতিরিত্যেবং যথাবত্পরিকীর্তিতাঃ |৫২৫|
अत उर्ध्वं प्रवक्ष्यामि गुणानां कर्मविस्तरम् | कर्मभिस्त्वनुमीयन्ते नानाद्रव्याश्रया गुणाः ||५१४|| ह्लादनः स्तम्भनः शीतो मूर्च्छातृट्स्वेददाहजित् | उष्णस्तद्विपरीतः स्यात्पाचनश्च विशेषतः ||५१५|| स्नेहमार्दवकृत् स्निग्धो बलवर्णकरस्तथा | रूक्षस्तद्विपरीतः स्याद्विशेषात् स्तम्भनः खरः ||५१६|| पिच्छिलो जीवनो बल्यः सन्धानः श्लेष्मलो गुरुः | विशदो विपरीतोऽस्मात् क्लेदाचूषणरोपणः ||५१७|| दाहपाककरस्तीक्ष्णः स्रावणो, मृदुरन्यथा | सादोपलेपबलकृद्गुरुस्तर्पणबृंहणः ||५१८|| लघुस्तद्विपरीतः स्याल्लेखनो रोपणस्तथा | दशाद्याः कर्मतः प्रोक्तास्तेषां कर्मविशेषणैः ||५१९|| दशैवान्यान् प्रवक्ष्यामि द्रवादींस्तान्निबोध मे | द्रवः प्रक्लेदनः, सान्द्रः स्थूलः स्याद्बन्धकारकः ||५२०|| श्लक्ष्णः पिच्छिलवज्ज्ञेयः कर्कशो विशदो यथा | सुखानुबन्धी सूक्ष्मश्च सुगन्धो रोचनो मृदुः ||५२१|| दुर्गन्धो विपरीतोऽस्माद्धृल्लासारुचिकारकः | सरोऽनुलोमनः प्रोक्तो, मन्दो यात्राकरः स्मृतः ||५२२|| व्यवायी चाखिलं देहं व्याप्य पाकाय कल्पते | विकासी विकसन्नेवं धातुबन्धान् विमोक्षयेत् ||५२३|| आशुकारी तथाऽऽशुत्वाद्धावत्यम्भसि तैलवत् | सूक्ष्मस्तु सौक्ष्म्यात् सूक्ष्मेषु स्रोतःस्वनुसरः स्मृतः ||५२४|| गुणा विंशतिरित्येवं यथावत्परिकीर्तिताः |५२५|
🔊 Audio coming soon
পূর্বং হি সম্পাদিতং ‘তদস্য শৈত্যেন নিহন্তি পিত্তং’ ইতি, তত্র ন জ্ঞাযন্তে কে পুনস্তে শীতাদয ইতি তান্ নির্দিশন্ লক্ষণমাহ- অত ইত্যাদি| অথ শীতগুণঃ কথং জ্ঞাযত ইত্যাহ- হ্লাদন ইত্যাদি| হ্লাদনঃ সুখকারীত্যর্থঃ; তৃট্স্বেদমূর্চ্ছাদাহজিদিত্যর্থঃ| পাচনো ব্রণাদীনাম্| স্নেহেত্যাদি স্নিগ্ধো গুণঃ স্নেহাদিকারণ ইত্যর্থঃ| রূক্ষো গুণস্তদ্বিপরীতো রৌক্ষ্যকাঠিন্যকর ইত্যর্থঃ| বিশেষাত্ বিশেষতঃ| স্তম্ভনঃ অতীসারাদীনাম্| খরঃ কর্কশঃ| পিচ্ছিলো গুণঃ| জীবনঃ প্রাণধারণঃ| সন্ধানো ভগ্নস্য| বিশদো গুণঃ| বিপরীতোঽস্মাদিতি অসন্ধানোঽজীবনোঽশ্লেষী চ| ক্লেদাচূষণ আর্দ্রীভাববিনাশকর ইত্যর্থঃ| দাহেত্যাদি অন্যথেতি অদাহপাককরোঽস্রাবণ ইত্যর্থঃ| সাদেত্যাদি সাদোঽঙ্গগ্লানিঃ, উপলেপো মলবৃদ্ধিঃ, বলং শ্লেষ্মা| গুরুর্গুণঃ| তর্পণঃ তৃপ্তিজনকঃ| বৃংহণো দেহবৃদ্ধিকরঃ| লঘুরিত্যাদি| লঘুস্তদ্বিপরীত ইতি অসাদানুপলেপাদিকৃত্ কফহরশ্চেত্যর্থঃ| লেখনঃ পত্তলীকরণঃ| দশাদ্যা ইতি দশসঙ্খ্যোপেতা আদ্যাঃ শীতাদযো গুণাঃ| কর্মতঃ প্রোক্তাঃ কর্মভিঃ সহ প্রোক্তা ইত্যর্থঃ| তেষামিতি তেষাং মধ্যে, কর্মবিশেষণৈঃ কৃত্বা| দ্রবো গুণঃ| প্রক্লেদন আর্দ্রভাবকরঃ| সান্দ্রো গুণঃ| বন্ধকারক উপচযকারক ইত্যর্থঃ| ‘দ্রবঃ প্রক্লেদনো ব্যাপী শুষ্কঃ স্যাদ্বন্ধকারকঃ’ ইতি কেচিত্ পঠন্তি| শুষ্কো গুণঃ বন্ধকারকঃ শুষ্কস্য শোষণত্বেনাবযবাপৃথক্ত্বমিত্যর্থঃ| শ্লক্ষ্ণ ইত্যাদি| শ্লক্ষ্ণো গুণঃ পিচ্ছিলবজ্জ্ঞেযঃ| জীবনঃ শ্লেষ্মসন্ধানকৃদিত্যর্থঃ| কর্কশো গুণঃ| বিশদো যথেতি অজীবনোঽশ্লেষ্মী চ, তথাঽসন্ধানকার্শ্যকৃচ্চ| সুখানুবন্ধী সুখোত্পাদক ইত্যর্থঃ| সূক্ষ্মোঽবগাহকঃ| সুগন্ধো গুণঃ| হৃল্লাসারুচিকারক ইতি পুনররুচিগ্রহণং দ্বিবিধারুচিপ্রাপণার্থং, তেনাহারং ন কাঙ্ক্ষতি ক্রিযমাণাচ্চ বিরসীভবতি, হৃল্লাসঃ থূত্করণং, ছর্দিরিত্যন্যে| সরো গুণঃ| অনুলোমনো বাতমলপ্রবর্তনঃ| মন্দো গুণঃ| যাত্রাকর ইতি শরীরস্থাযিত্বাদ্দেহস্য যাত্রাং বর্তনং করোতি| ব্যবাযী গুণঃ| অখিলমিত্যাদি অপক্ব এবাখিলং দেহং ব্যাপ্নোতি পশ্চান্মদ্যবিষবত্ পাকং যাতি; অন্যে ‘ভাবায কল্পতে’ ইতি পঠন্তি, তত্রাপি স্থিতযে কল্পতে নোর্ধ্বমধো বা প্রবর্তত ইতি স এবার্থঃ, অপরে তু পুনর্ভাবশব্দমভিপ্রাযার্থমিচ্ছন্তি, তত্র নিযতদ্রবপ্রভাবেণাত্মশক্ত্যনুরূপং তত্তদ্দ্রব্যং মদ্যবিষবদ্বিশিষ্টাভিপ্রাযায কল্পত ইত্যর্থঃ|| ব্যবাযিনঃ সকাশাদ্বিকাসিদ্রব্যস্য কিঞ্চিদ্ভেদং দর্শযন্নাহ- বিকাসিত্যাদি| বিকাসী গুণঃ| বিকসন্ প্রসর্পন্| এবমিতি অপক্ব এব সকলং দেহং ব্যাপ্য| ধাতুবন্ধান্ বিমোক্ষযেত্ ধাতুশৈথিল্যং করোতীত্যর্থঃ| অন্যে তু ‘সরবিশেষো ব্যবাযী, তীক্ষ্ণবিশেষো বিকাসি’ ইতি ব্রুবতে, তন্নেচ্ছতি গযী| আশুকারী গুণঃ, আশুত্বাত্| সূক্ষ্মো গুণঃ, অত্র স্থূলগুণমপি কেচিত্ পঠন্তি, স চ পাঠোঽভাবান্ন লিখিতঃ| গুণা ইতি নন্বত্র স্থূলগুণেন সহ ত্রযোবিংশতির্গুণা ভবন্তি, কথং বিংশতিঃ কথ্যন্তে? উচ্যতে, কেচিদত্র সঙ্খ্যাভঙ্গভযাদ্ব্যবাযিবিকাস্যাশুকারিণামপাঠমেব মন্যন্তে; অন্যে পুনরাহুঃ- অধিকাযামপি গুণাবিংশতাবুক্তাযাং গুণা বিংশতিরুক্তাঃ, ন চাত্র নিযমো বিংশতিরেবেতি; ব্যবাযিবিকাস্যাশুকারিণাং তু স্বতন্ত্রে পরতন্ত্রে চ দর্শনাত্ পাঠো ন্যায্য এব; অপরে পুনঃ প্রাগেব ‘দশৈবান্যান্’ ইত্যস্য স্থানে ‘দশ চান্যান্’ ইতি চকারং পঠন্তি; তেন ব্যবাযিবিকাস্যাশুকারিণোঽপি সমুচ্চীযন্তে||৫১৪-৫২৪||-
Adhikarana 376 (525) · Śloka 525
সম্প্রবক্ষ্যাম্যতশ্চোর্ধ্বমাহারগতিনিশ্চযম্ ||৫২৫||
सम्प्रवक्ष्याम्यतश्चोर्ध्वमाहारगतिनिश्चयम् ||५२५||
🔊 Audio coming soon
সম্প্রবক্ষ্যামীত্যাদি| আহারস্য গতিনিশ্চযো যদ্যদাত্মকমন্নমভ্যবহৃতং পক্বং যদ্দ্রব্যগুণং যাতি গতমপি যদ্যত্ পুষ্ণাতি তস্য নির্ণয ইত্যর্থঃ||৫২৫||
Adhikarana 377 (526) · Śloka 526
পঞ্চভূতাত্মকে দেহে হ্যাহারঃ পাঞ্চভৌতিকঃ | বিপক্বঃ পঞ্চধা সম্যগ্গুণান্ স্বানভিবর্ধযেত্ ||৫২৬||
पञ्चभूतात्मके देहे ह्याहारः पाञ्चभौतिकः | विपक्वः पञ्चधा सम्यग्गुणान् स्वानभिवर्धयेत् ||५२६||
🔊 Audio coming soon
তমেবাহারগুণং নির্দিশন্নাহ- পঞ্চেত্যাদি| পঞ্চভূতাত্মকে ইতি পৃথিব্যাদিপঞ্চভূতহেতুকে| আহারঃ পাঞ্চভৌতিক ইতি আহারোঽপি পঞ্চমহাভূতস্বভাবঃ| বিপক্বঃ পঞ্চধা সম্যগিতি পঞ্চভির্মহাভূতাগ্নিভিঃ| গুণানিতি গুণশব্দেনাত্র গুণিনঃ পৃথিব্যাদয উচ্যন্তে| তেন পার্থিবাঃ পার্থিবানভিবর্ধযন্তি, এবং শেষেষ্বপি| অন্যে তু গুণানিতি গন্ধাদীন্, স্বানিতি পঞ্চ গুণিনো দ্রব্যাণি পার্থিবাদীনি; এতেন গন্ধাদীনাত্মনশ্চ পার্থিবাদীনি দ্রব্যাণ্যভিবর্ধযেদিত্যর্থঃ||৫২৬||
Adhikarana 378 (527) · Śloka 527
অবিদগ্ধঃ কফং, পিত্তং বিদগ্ধঃ, পবনং পুনঃ | সম্যগ্বিপক্বো নিঃসার আহারঃ পরিবৃংহযেত্ ||৫২৭||
अविदग्धः कफं, पित्तं विदग्धः, पवनं पुनः | सम्यग्विपक्वो निःसार आहारः परिबृंहयेत् ||५२७||
🔊 Audio coming soon
দোষাণামাহারাবস্থাপাকাত্ প্রকোপবর্ধনলক্ষণং প্রতিপাদযন্নাহ- অবিদগ্ধ ইত্যাদি| অবিদগ্ধো মধুরাহারঃ, কফং পরিবৃংহযেত্ অতিশযেন বর্ধযেদিত্যর্থঃ| পিত্তং বিদগ্ধোঽম্লীভূত আহারঃ পরিবৃংহযেত্, পবনং পুনঃ সম্যগ্বিপক্ব আহারঃ, নিঃসারো নির্গতসারঃ, রৌক্ষ্যেণ পরিবৃংহযেদিত্যর্থঃ||৫২৭||
Adhikarana 379 (528) · Śloka 528
বিণ্মূত্রমাহারমলঃ সারঃ প্রাগীরিতো রসঃ |৫২৮|
विण्मूत्रमाहारमलः सारः प्रागीरितो रसः |५२८|
🔊 Audio coming soon
এবং দোষাণামবস্থাপাকাদ্বর্ধনং প্রতিপাদ্য পর্যন্তপাকাদ্বিণ্মূত্রযোর্মলযো রসস্য ধাতুস্বভাবস্য চোত্পত্তিং দর্শযন্নাহ- বিণ্মূত্রমিত্যাদি| প্রাগীরিতঃ পূর্বং কথিতঃ শোণিতবর্ণনীযে|৫২৮|-
Adhikarana 380 (528) · Śloka 528
স তু ব্যানেন বিক্ষিপ্তঃ সর্বান্ ধাতূন্ প্রতর্পযেত্ ||৫২৮||
स तु व्यानेन विक्षिप्तः सर्वान् धातून् प्रतर्पयेत् ||५२८||
🔊 Audio coming soon
তস্মাদেব রসাদন্যেষামপি ধাতূনামুত্পাত্তিং দর্শযন্নাহ- স ত্বিত্যাদি| স রসঃ| ব্যানেন বাতবিশেষেণ| বিক্ষিপ্তঃ প্রেরিতঃ| প্রতর্পযেত্ অতিশযেন বর্ধযেত্| ব্যানস্য সর্বাঙ্গব্যাপিত্বেন দোষধাতুমলব্যাপিত্বাত্; স চ কুল্যাকেদারন্যাযেন সর্বান্ ধাতূন্ প্রতর্পযতি||৫২৮||
Adhikarana 381 (529) · Śloka 529
কফঃ পিত্তং মলঃ খেষু স্বেদঃ স্যান্নখরোম চ | নেত্রবিট্ ত্বক্ষু চ স্নেহো ধাতূনাং ক্রমশো মলাঃ ||৫২৯||
कफः पित्तं मलः खेषु स्वेदः स्यान्नखरोम च | नेत्रविट् त्वक्षु च स्नेहो धातूनां क्रमशो मलाः ||५२९||
🔊 Audio coming soon
তেষামেব দোষমলানাং যতো যতো যস্যোত্পত্তিস্তাং দর্শযন্নাহ- কফ ইত্যাদি| তত্রাহারস্য মলৌ বিণ্মূত্রে প্রাগুক্তে| কফো রসস্য মলঃ| পিত্তং রক্তস্য| মলঃ| খেষ্বিতি খেষু কর্ণশ্রোত্রমুখাদিষু স্রোতঃসু মাংসস্য| স্বেদঃ প্রস্বেদঃ, স মেদসো মলঃ| নখরোম পুনরস্থ্নো মলঃ| নেত্রবিট্ ত্বক্ষু চ স্নেহ ইতি নেত্রবিট্ অক্ষিপুরীষং, ত্বক্ষু চ স্নেহস্ত্বাচাং চ যঃ স্নেহঃ স মজ্জ্ঞো মলঃ| ধাতূনামিত্যাদি রসাদিমজ্জান্তানাং যথাক্রমং মলা ইত্যর্থঃ| শুক্রং পুনরমলং সহস্রধা ধ্মাতাক্ষযসুবর্ণবদিতি; আকৃষ্টাণ্ডকোষস্য পুংসঃ শ্মশ্রুপাতাত্ শ্মশ্রু এব শুক্রমল ইত্যেকে, তন্নেচ্ছতি গযী||৫২৯||
Adhikarana 382 (530-531) · Śloka 531
দিবা বিবুদ্ধে হৃদযে জাগ্রতঃ পুণ্ডরীকবত্ | অন্নমক্লিন্নধাতুত্বাদজীর্ণেঽপি হিতং নিশি ||৫৩০|| হৃদি সম্মীলিতে রাত্রৌ প্রসুপ্তস্য বিশেষতঃ | ক্লিন্নবিস্রস্তধাতুত্বাদজীর্ণে ন হিতং দিবা ||৫৩১||
दिवा विबुद्धे हृदये जाग्रतः पुण्डरीकवत् | अन्नमक्लिन्नधातुत्वादजीर्णेऽपि हितं निशि ||५३०|| हृदि सम्मीलिते रात्रौ प्रसुप्तस्य विशेषतः | क्लिन्नविस्रस्तधातुत्वादजीर्णे न हितं दिवा ||५३१||
🔊 Audio coming soon
ননু, যদন্নমজীর্ণে ভুজ্যতে তদধ্যশনমুচ্যতে, প্রাতর্ভুক্তে যদ্দিনান্তে ভুজ্যতে তত্ কথমধ্যশনং ভবতীত্যাহ- দিবেত্যাদি| দিবা দিবসে| পুণ্ডরীকবত্ পদ্মবত্| বিবুদ্ধে বিকসিতে হৃদযে| জাগ্রতঃ পুরুষস্য| অক্লিন্নধাতুত্বাত্ অনার্দ্রধাতুত্বাত্| অজীর্ণেঽপ্যন্নং হিতমিতি সম্বন্ধঃ| যথা- অজাতে পযসি অন্যদাহৃতং পযঃ| দিবা বিবুদ্ধে হৃদযে ইত্যুক্তেঽপি যজ্জাগ্রত ইতি কৃতং তদেতদধিকং বোধযতি- অজাগ্রতোঽপি স্বভাবাদেব বিবুদ্ধং হৃদযং ভবতি| সাযং ভুক্তেঽজীর্ণে প্রাতর্ভোজনং ন হিতমিত্যর্থমাহ- হৃদীত্যাদি| রাত্রৌ হৃদি হৃদযে সম্মীলিতে সঙ্কুচিতে, প্রসুপ্তস্য বিশেষতঃ সম্মীলিত ইতি সম্বন্ধঃ| ক্লিন্নবিস্রস্তধাতুত্বাত্ আর্দ্রশিথিলধাতুত্বাত্| অজীর্ণে ‘সাযং ভুক্তে’ ইতি শেষঃ| ন হিতং দিবেতি দিবা অন্নং হিতং ন ভবতীত্যর্থঃ||৫৩০-৫৩১||
Adhikarana 383 (532) · Śloka 532
ইমং বিধিং যোঽনুমতং মহামুনের্নৃপর্ষিমুখ্যস্য পঠেদ্ধি যত্নতঃ | স ভূমিপালায বিধাতুমৌষধং মহাত্মনাং চার্হতি সূরিসত্তমঃ ||৫৩২||
इमं विधिं योऽनुमतं महामुनेर्नृपर्षिमुख्यस्य पठेद्धि यत्नतः | स भूमिपालाय विधातुमौषधं महात्मनां चार्हति सूरिसत्तमः ||५३२||
🔊 Audio coming soon
উক্তসূত্রপাঠানুশংসাং দর্শযন্নাহ- ইমমিত্যাদি| ইমং বিধিং সূত্রস্থানোদিতমাহারবিধিং বা; যঃ পঠেত্ প্রযত্নত ইতি সম্বন্ধঃ| অনুমতং মহামুনের্ধন্বন্তরেঃ| কিম্ভূতস্য মহামুনেঃ? নৃপর্ষিমুখ্যস্য রাজর্ষিপ্রধানস্য| স সূরিসত্তমঃ পণ্ডিতপ্রধানঃ| বিধাতুং কর্তুম্| মহাত্মনাং রাজসদৃশানাম্| অর্হতি যোগ্যো ভবতি||৫৩২||
Adhikarana puShpikA · Śloka 46
ইতি ভগবতা শ্রীধন্বন্তরিণোপদিষ্টাযাং তচ্ছিষ্যেণ মহর্ষিণা সুশ্রুতেন বিরচিতাযাং সুশ্রুতসংহিতাযাং সূত্রস্থানে ষট্চত্বারিংশত্তমোঽধ্যাযঃ ||৪৬|| ইতি ভগবতা শ্রীধন্বন্তরিণোপদিষ্টাযাং তচ্ছিষ্যেণ মহর্ষিণা সুশ্রুতেন বিরচিতাযাং সুশ্রুতসংহিতাযাং প্রথমং সূত্রস্থানং সমাপ্তম্ |
इति भगवता श्रीधन्वन्तरिणोपदिष्टायां तच्छिष्येण महर्षिणा सुश्रुतेन विरचितायां सुश्रुतसंहितायां सूत्रस्थाने षट्चत्वारिंशत्तमोऽध्यायः ||४६|| इति भगवता श्रीधन्वन्तरिणोपदिष्टायां तच्छिष्येण महर्षिणा सुश्रुतेन विरचितायां सुश्रुतसंहितायां प्रथमं सूत्रस्थानं समाप्तम् |
🔊 Audio coming soon
ইতি শ্রীডল্হণবিরচিতাযাং নিবন্ধসঙ্গ্রহাখ্যাযাং সমস্তনিবন্ধার্থজ্ঞাপিকাযাং সুশ্রুতটীকাযাং ষট্চত্বারিংশোঽধ্যাযঃ||৪৬||