Adhikarana 1 (1-2) · Śloka 2
অথাতো ভূমিপ্রবিভাগীযমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातो भूमिप्रविभागीयमध्यायं व्याख्यास्यामः ||१||
यथोवाच भगवान् धन्वन्तरिः ||२||
ভূমেঃ প্রকৃষ্টো বিভাগো ভূমিপ্রবিভাগঃ, ভূমিপ্রবিভাগার্থোঽধ্যাযো ভূমিপ্রবিভাগীযঃ| পূর্বাধ্যাযে ভূমিপরীক্ষা ভূতকার্যৈঃ শীতোষ্ণবর্ষাদিভিস্তথা পর্বতবৃক্ষাদিভিঃ কৃতা, ইহ ত্বধ্যাযে ভূতগুণৈরেব পরীক্ষা কর্তব্যেতি| কেচিদত্রান্তরালে মিশ্রকাধ্যাযং পঠন্তি; তন্ন, পূর্বাচার্যৈরপঠিতত্বাত্||১-২||
Adhikarana 2 (3) · Śloka 3
শ্বভ্রশর্করাশ্মবিষমবল্মীকশ্মশানাঘাতনদেবতাযতনসিকতাভিরনুপহতামনূষরামভঙ্গুরামদূরোদকাং স্নিগ্ধাং প্ররোহবতীং মৃদ্বীং স্থিরাং সমাং কৃষ্ণাং গৌরীং লোহিতাং বা ভূমিমৌষধগ্রহণায পরীক্ষেত |
তস্যাং জাতমপি কৃমিবিষশস্ত্রাতপপবনদহনতোযসম্বাধমার্গৈরনুপহতমেকরসং পুষ্টং পৃথ্ববগাঢমূলমুদীচ্যাং চৌষধমাদদীতেত্যেষ ভূমিপরীক্ষাবিশেষঃ সামান্যঃ ||৩||
View original
श्वभ्रशर्कराश्मविषमवल्मीकश्मशानाघातनदेवतायतनसिकताभिरनुपहतामनूषरामभङ्गुरामदूरोदकां स्निग्धां प्ररोहवतीं मृद्वीं स्थिरां समां कृष्णां गौरीं लोहितां वा भूमिमौषधग्रहणाय परीक्षेत |
तस्यां जातमपि कृमिविषशस्त्रातपपवनदहनतोयसम्बाधमार्गैरनुपहतमेकरसं पुष्टं पृथ्ववगाढमूलमुदीच्यां चौषधमाददीतेत्येष भूमिपरीक्षाविशेषः सामान्यः ||३||
স ভূমিবিভাগো দ্বিবিধঃ- সামান্যো বিশিষ্টশ্চ| তত্র প্রথমং সামান্যমেব ভূমিবিভাগমাহ- শ্বভ্রেত্যাদি| অনুপহতামিতি শ্বভ্রাদিভিঃ সিকতান্তৈঃ সহ প্রত্যেকং সম্বধ্যতে| শ্বভ্রশর্করাশ্মভির্বিষমো নিম্নোন্নতঃ, তেনানুপহতামিতি সম্বন্ধঃ| শ্বভ্রং বিলং; শর্করা পক্বভাণ্ডসূক্ষ্মখণ্ডং শর্করেতি লোকে; অশ্মা পাষাণঃ; বল্মীকেতি, ননু বল্মীকমূর্ধন্যেব শ্বেতকপোতী গৃহ্যতে, তত্ কথং বল্মীকজাতৌষধিনিষেধঃ? সত্যম্, আশীবিষবিষৈস্তস্যা দিব্যৌষধের্বীর্যং ন হন্যতে, অথবা তত্রৈব সা বিশেষেণ বীর্যবতী ভবতিত্যদোষঃ; শ্মশানং মৃতমর্ত্যদাহস্থানম্; আঘাতনং বধস্থানং; সিকতা বালুকা; অনুপহতাম্; অনুপদ্রুতাম্; অনূষরাম্ ঊষরবর্জিতাম্; অভঙ্গুরাং রাজিরহিতাং; অদূরোদকত্বেন সাধারণত্বমুক্তং; স্নিগ্ধাং চিক্কণাং; প্ররোহবতীং বীজাঙ্কুরজননীং; মৃদ্বীং কোমলাং; অস্থিরাং বাততোযাদিভিরচলিতমৃত্তিকাম্; সমাম্ অনিম্নোন্নতাং; গৌরীং সুবর্ণবর্ণাং; ঔষধগ্রহণাযেতি ঔষধগ্রহণার্থম্| ন কেবলং ভূমিগুণৈরেব ভেষজানি বিভজনীযানি, কিং তর্হি স্বদোষগুণৈরপীতি দর্শযন্নাহ- তস্যাং জাতমিত্যাদি| ক্রিম্যাদিভিঃ সম্বাধমার্গান্তৈঃ সহ প্রত্যেকমনুপহতশব্দঃ সম্বধ্যতে; সম্বাধঃ সঙ্কটঃ| একরসম্ উত্কৃষ্টরসম্| পৃথ্ববগাঢমূলং চেতি পৃথু পৃথুবল্কলং, অবগাঢমূলং ভূম্যন্তঃস্থিতং মূলং যস্য তত্তথা; চকারাদনুপহতপ্রশস্তমূলত্বং চ সমুচ্চীযতে| উদীচ্যামিতি উত্তরস্যাং দিশি, এতেনোত্তরাভিমুখো ভূত্বা গৃহ্ণীযাদিত্যর্থঃ বিশেষো ভেদঃ||৩||
Adhikarana 3 (4) · Śloka 4
বিশেষতস্তু তত্র, অশ্মবতী স্থিরা গুর্বী শ্যামা কৃষ্ণা বা স্থূলবৃক্ষশস্যপ্রাযা স্বগুণভূযিষ্ঠা; স্নিগ্ধা শীতলাঽঽসন্নোদকা স্নিগ্ধশস্যতৃণকোমলবৃক্ষপ্রাযা শুক্লাঽম্বুগুণভূযিষ্ঠা; নানাবর্ণা লঘ্বশ্মবতী প্রবিরলাল্পপাণ্ডুবৃক্ষপ্ররোহাঽগ্নিগুণভূযিষ্ঠা; রূক্ষা ভস্মরাসভবর্ণা তনুবৃক্ষাল্পরসকোটরবৃক্ষপ্রাযাঽনিলগুণভূযিষ্ঠা; মৃদ্বী সমা শ্বভ্রবত্যব্যক্তরসজলা সর্বতোঽসারবৃক্ষা মহাপর্বতবৃক্ষপ্রাযা শ্যামা চাকাশগুণভূযিষ্ঠা ||৪||
View original
विशेषतस्तु तत्र, अश्मवती स्थिरा गुर्वी श्यामा कृष्णा वा स्थूलवृक्षशस्यप्राया स्वगुणभूयिष्ठा; स्निग्धा शीतलाऽऽसन्नोदका स्निग्धशस्यतृणकोमलवृक्षप्राया शुक्लाऽम्बुगुणभूयिष्ठा; नानावर्णा लघ्वश्मवती प्रविरलाल्पपाण्डुवृक्षप्ररोहाऽग्निगुणभूयिष्ठा; रूक्षा भस्मरासभवर्णा तनुवृक्षाल्परसकोटरवृक्षप्रायाऽनिलगुणभूयिष्ठा; मृद्वी समा श्वभ्रवत्यव्यक्तरसजला सर्वतोऽसारवृक्षा महापर्वतवृक्षप्राया श्यामा चाकाशगुणभूयिष्ठा ||४||
সামান্যভূমের্গুণং প্রদর্শ্য বিশিষ্টং প্রতিভূতং গুণং নির্দিশন্নাহ- বিশেষতস্ত্বিত্যাদি| স্বগুণভূযিষ্ঠেত্যর্থঃ| তনুবৃক্ষা হ্রস্ববৃক্ষেত্যর্থঃ| অস্য পাঞ্চভৌতিকবিশেষগুণকথনস্যাযমভিপ্রাযঃ- পৃথিব্যাদ্যুত্কটত্বেন দ্রব্যাণাং স্বস্যাং স্বস্যাং ভূমৌ জাতং গ্রাহ্যম্, এবং বলবত্তরাণ্যৌষধানি ভবন্তি||৪||
Adhikarana 4 (5) · Śloka 5
অত্র কেচিদাহুরাচার্যাঃ- প্রাবৃড্বর্ষাশরদ্ধেমন্তবসন্তগ্রীষ্মেষু যথাসঙ্খ্যং মূলপত্রত্বক্ক্ষীরসারফলান্যাদদীতেতি; তত্তু ন সম্যক্, সৌম্যাগ্নেযত্বাজ্জগতঃ |
সৌম্যান্যৌষধানি সৌম্যেষ্বৃতুষ্বাদদীত, আগ্নেযান্যাগ্নেযেষু; এবমব্যাপন্নগুণানি ভবন্তি |
সৌম্যান্যৌষধ্মনি সৌম্যেষ্বৃতুষু গৃহীতানি সোমগুণভূযিষ্ঠাযাং ভূমৌ জাতান্যতিমধুরস্নিগ্ধশীতানি জাযন্তে |
এতেন শেষং ব্যাখ্যাতম্ ||৫||
View original
अत्र केचिदाहुराचार्याः- प्रावृड्वर्षाशरद्धेमन्तवसन्तग्रीष्मेषु यथासङ्ख्यं मूलपत्रत्वक्क्षीरसारफलान्याददीतेति; तत्तु न सम्यक्, सौम्याग्नेयत्वाज्जगतः |
सौम्यान्यौषधानि सौम्येष्वृतुष्वाददीत, आग्नेयान्याग्नेयेषु; एवमव्यापन्नगुणानि भवन्ति |
सौम्यान्यौषध्मनि सौम्येष्वृतुषु गृहीतानि सोमगुणभूयिष्ठायां भूमौ जातान्यतिमधुरस्निग्धशीतानि जायन्ते |
एतेन शेषं व्याख्यातम् ||५||
সৌম্যেষু বর্ষাহেমন্তশিশিরেষ্বিত্যর্থঃ| আগ্নেযেষু শরদ্বসন্তগ্রীষ্মেষু| আত্যযিকে কার্যে পুনঃ পূর্বাহ্ণাদিষু বসন্তাদিষু যথাযথমৌষধান্যাদদীত| অযমভিপ্রাযঃ- আগ্নেযান্যৌষধান্যাগ্নেযেষু ঋতুষু গৃহীতান্যাগ্নেযগুণভূযিষ্ঠাযাং ভূমাবতিকটুরূক্ষোষ্ণানি জাযন্ত ইতি||৫||
Adhikarana 5 (6) · Śloka 6
তত্র পৃথিব্যম্বুগুণভূযিষ্ঠাযাং ভূমৌ জাতানি বিরেচনদ্রব্যাণ্যাদদীত , অগ্ন্যাকাশমারুতগুণভূযিষ্ঠাযাং বমনদ্রব্যাণি, উভযগুণভূযিষ্ঠাযামুভযতোভাগানি, আকাশগুণভূযিষ্ঠাযাং সংশমনানি, এবং বলবত্তরাণি ভবন্তি ||৬||
View original
तत्र पृथिव्यम्बुगुणभूयिष्ठायां भूमौ जातानि विरेचनद्रव्याण्याददीत , अग्न्याकाशमारुतगुणभूयिष्ठायां वमनद्रव्याणि, उभयगुणभूयिष्ठायामुभयतोभागानि, आकाशगुणभूयिष्ठायां संशमनानि, एवं बलवत्तराणि भवन्ति ||६||
বমনাদিদ্রব্যাণি কীদৃশাযাং ভূমৌ গ্রহীতব্যানীত্যাহ- তত্রেত্যাদি| সংশমনানীতি যদ্দ্রব্যং ন বামযতি ন বিরেচযতি ব্যাধিনা সহৈকীভূয তত্স্থমেব ব্যাধিমুপশমযতি তত্ সংশমনমুচ্যতে||৬||
Adhikarana 6 (7-9) · Śloka 9
সর্বাণ্যেব চাভিনবানি, অন্যত্র মধুঘৃতগুডপিপ্পলীবিডঙ্গেভ্যঃ ||৭||
বিডঙ্গং পিপ্পলী ক্ষৌদ্রং সর্পিশ্চাপ্যনবং হিতম্ |
শেষমন্যত্বভিনবং গৃহ্ণীযাদ্দোষবর্জিতম্ ||৮||
(সর্বাণ্যেব সক্ষীরাণি বীর্যবন্তি;) তেষামসম্পত্তাবতিক্রান্তসংবত্সরাণ্যাদদীতেতি ||৯||
View original
सर्वाण्येव चाभिनवानि, अन्यत्र मधुघृतगुडपिप्पलीविडङ्गेभ्यः ||७||
विडङ्गं पिप्पली क्षौद्रं सर्पिश्चाप्यनवं हितम् |
शेषमन्यत्वभिनवं गृह्णीयाद्दोषवर्जितम् ||८||
(सर्वाण्येव सक्षीराणि वीर्यवन्ति;) तेषामसम्पत्तावतिक्रान्तसंवत्सराण्याददीतेति ||९||
সর্বাণীত্যাদি| সর্বাণ্যেব চাভিনবানি ‘বলবত্তরাণী’ ইত্যত্রাপি সম্বধ্যতে| অভিনবমত্র পরিণতিকালানন্তরত্বমভিপ্রেতং, ন পুনর্জন্মনবত্বম্| এতস্যৈবাপবাদসূত্রং দর্শযন্নাহ- অন্যত্রেত্যাদি| দোষবর্জিতমিতি ক্রিমিবিষশস্ত্রাদ্যুপঘাতাদিদোষৈস্ত্যক্তম্| অত্রান্তরে বৃদ্ধৈঃ পঠিতঃ পাঠঃ- সর্বাণীত্যাদি| তত্র সক্ষীরাণি সরসানীত্যর্থঃ| মধ্বাদীনি যথোক্তানি যদা ন প্রাপ্যন্তে তদা কিং কর্তব্যমিত্যাহ- তেষামিত্যাদি | তেষাং মধুঘৃতাদীনাম্ অসম্পত্তৌ অত্যন্তপুরাণানামপ্রাপ্তৌ||৭-৯||
Adhikarana 7 (10) · Śloka 10
ভবন্তি চাত্র- গোপালাস্তাপসা ব্যাধা যে চান্যে বনচারিণঃ |
মূলাহারাশ্চ যে তেভ্যো ভেষজব্যক্তিরিষ্যতে ||১০||
View original
भवन्ति चात्र- गोपालास्तापसा व्याधा ये चान्ये वनचारिणः |
मूलाहाराश्च ये तेभ्यो भेषजव्यक्तिरिष्यते ||१०||
কুতঃ পুনর্ভেষজানি জ্ঞাতব্যানীত্যাহ- গোপালা ইত্যাদি| গোপালা গোমহিষ্যজাদিপালকাঃ প্রোচ্যন্তে, তাপসাঃ তপস্বিনো জটাধারিপ্রভৃতযঃ, ব্যাধা বাগুরিকাদযঃ, বনচারিণো ম্লেচ্ছাদযঃ||১০||
Adhikarana 8 (11) · Śloka 11
সর্বাবযবসাধ্যেষু পলাশলবণাদিষু |
ব্যবস্থিতো ন কালোঽস্তি তত্র সর্বো বিধীযতে ||১১||
View original
सर्वावयवसाध्येषु पलाशलवणादिषु |
व्यवस्थितो न कालोऽस्ति तत्र सर्वो विधीयते ||११||
তত্র কেচিদাহুরাচার্যাঃ প্রাবৃড্বর্ষাশরদ্ধেমন্তেত্যাদি গদ্যেন ব্যভিচার্য, শ্লোকৈর্ব্যাভিচারযিতুমাহ- সর্বাবযবসাধ্যেষ্বিত্যাদি| সর্বাবযবসাধ্যেষু অশেষমূলাদ্যবযবগ্রাহ্যেষু যোগেষ্বিত্যর্থঃ| পলাশলবণাদিষু পত্রলবণাদিষু; পত্রলবণযোগশ্চ বাতব্যাধিপঠিতো জ্ঞেযঃ| তত্র সর্বো বিধীযত ইতি তত্র তেষু পত্রলবণাদিযোগেষু, সর্বঃ সমস্তোঽপি কালঃ প্রাবৃডাদির্বিধীযতে কথ্যত ইত্যর্থঃ| এতেন সর্বস্মিন্নপি কালে মেলাপকঃ ক্রিযত ইত্যর্থঃ||১১||
Adhikarana 9 (12) · Śloka 12
গন্ধবর্ণরসোপেতা ষড্বিধা ভূমিরিষ্যতে |
তস্মাদ্ভূমিস্বভাবেন বীজিনঃ ষড্রসাযুতাঃ ||১২||
View original
गन्धवर्णरसोपेता षड्विधा भूमिरिष्यते |
तस्माद्भूमिस्वभावेन बीजिनः षड्रसायुताः ||१२||
যেন চ হেতুনা স্বগুণপরিত্যাগস্তমাহ- গন্ধেত্যাদি| গন্ধবর্ণরসোপেতেতি লুপ্তাদিশব্দনির্দেশাদ্ গন্ধবর্ণরসস্পর্শশব্দোপেতা কথিতা| ষড্বিধা পঞ্চভূতাত্মিকা সর্বলক্ষণা চ| বীজিনো বৃক্ষাদযঃ| তে চ ভূমিস্বভাবেন যুতাঃ ষড্রসোপেতা ভবন্তি; অথবা এতে ষড্রসা ভূমিস্বভাবেন যুতা মিলিতাঃ সন্তো বীজিনো ভবন্তি বৃক্ষাদিরূপা ভবন্তীত্যর্থঃ||১২||
Adhikarana 10 (13) · Śloka 13
অব্যক্তঃ কিল তোযস্য রসো নিশ্চযনিশ্চিতঃ |
রসঃ স এব চাব্যক্তো ব্যক্তো ভূমিরসাদ্ভবেত্ ||১৩||
View original
अव्यक्तः किल तोयस्य रसो निश्चयनिश्चितः |
रसः स एव चाव्यक्तो व्यक्तो भूमिरसाद्भवेत् ||१३||
যদি দ্রব্যাণাং পরিণামবিশেষেণ মধুরাদিরসতা তত্কথমুচ্যতে আপ্যো রস ইত্যাহ- অব্যক্ত ইত্যাদি| অব্যক্ত ইতি মধুরাদিভাবেনাপরিস্ফুট ইত্যর্থঃ| কিল অবধারণে| নিশ্চযনিশ্চিতো রসোঽস্তীত্যর্থঃ| যদ্যেবং মধুরাদিভেদানুপপত্তিরিত্যত আহ- রসঃ স এবেত্যাদি| স এবাব্যক্তো রসো ব্যক্তো ভবতি মধুরাদিভাবং যাতি| কস্মাত্? ভূমিরসাদিতি সম্বন্ধঃ||১৩||
Adhikarana 11 (14) · Śloka 14
সর্বলক্ষণসম্পন্না ভূমিঃ সাধারণা স্মৃতা |
দ্রব্যাণি যত্র তত্রৈব তদ্গুণানি বিশেষতঃ ||১৪||
View original
सर्वलक्षणसम्पन्ना भूमिः साधारणा स्मृता |
द्रव्याणि यत्र तत्रैव तद्गुणानि विशेषतः ||१४||
ভূমিদ্রব্যযোঃ সাধারণযোঃ কারণমাহ- সর্বেত্যাদি| সর্বলক্ষণসম্পন্নেতি পৃথিব্যাদিপঞ্চমহাভূতলক্ষণযুক্তেত্যর্থঃ| তদ্গুণানি সাধারণানি দ্রব্যাণীত্যর্থঃ||১৪||
Adhikarana 12 (15) · Śloka 15
বিগন্ধেনাপরামৃষ্টমবিপন্নং রসাদিভিঃ |
নবং দ্রব্যং পুরাণং বা গ্রাহ্যমেবং বিনির্দিশেত্ ||১৫||
View original
विगन्धेनापरामृष्टमविपन्नं रसादिभिः |
नवं द्रव्यं पुराणं वा ग्राह्यमेवं विनिर्दिशेत् ||१५||
নবং পুরাণং বা কীদৃশং দ্রব্যং গৃহ্যত ইত্যাহ- বিগন্ধেনেত্যাদি| বিগন্ধেনাপরামৃষ্টমিতি বিরোধিনা গন্ধেনাস্পৃষ্টমিত্যর্থঃ| অবিপন্নং রসাদিভিরিতি অক্ষীণং রসাদিভিরিত্যর্থঃ||১৫||
Adhikarana 13 (16) · Śloka 16
জঙ্গমানাং বযঃস্থানাং রক্তরোমনখাদিকম্ |
ক্ষীরমূত্রপুরীষাণি জীর্ণাহারেষু সংহরেত্ ||১৬||
View original
जङ्गमानां वयःस्थानां रक्तरोमनखादिकम् |
क्षीरमूत्रपुरीषाणि जीर्णाहारेषु संहरेत् ||१६||
স্থাবরাণি নিযম্য জঙ্গমানি নিযন্তুমাহ- জঙ্গমানামিত্যাদি| বযঃস্থানামিতি তরুণানাং, ন বালবৃদ্ধানামিত্যর্থঃ||১৬||
Adhikarana 14 (17) · Śloka 17
প্লোতমৃদ্ভাণ্ডফলকশঙ্কুবিন্যস্তভেষজম্ |
প্রশস্তাযাং দিশি শুচৌ ভেষজাগারমিষ্যতে ||১৭||
View original
प्लोतमृद्भाण्डफलकशङ्कुविन्यस्तभेषजम् |
प्रशस्तायां दिशि शुचौ भेषजागारमिष्यते ||१७||
গৃহীতৌষধস্থাপনোপাযং দর্শযন্নাহ- প্লোতেত্যাদি| প্লোতঃ; কর্পটঃ| মৃদ্ভাণ্ডং মৃত্তিকাপাত্রং, ফলকং পট্টকং, শঙ্কুঃ কীলকঃ এতেষু প্লোতাদিষু বিন্যস্তং ঘৃতমৌষধং যস্মিন্ গৃহে তদ্ভেষজাগারং ভেষজগৃহমিষ্যত ইতি সম্বন্ধঃ| প্রশস্তাযাং পূর্বস্যামুত্তরস্যাং বা| শুচৌ দেশে| ভূমিপ্রবিভাগীযাধ্যাযে নিবন্ধেষু ব্যত্যযেন পাঠো দৃশ্যতে; অস্মাভিস্তু বৃদ্ধক্রমরীত্যৈব পাঠো লিখিত ইতি| সর্বাবযবসাধ্যেষ্বিত্যাদি যাবন্নবং দ্রব্যং পুরাণং বেতি পাঠং কেচিদাচার্যা ন পঠন্তি||১৭||
Adhikarana puShpikA · Śloka 36
ইতি সুশ্রুতসংহিতাযাং সূত্রস্থানে ভূমিপ্রবিভাগীযো নাম ষট্ত্রিংশোঽধ্যাযঃ ||৩৬||
View original
इति सुश्रुतसंहितायां सूत्रस्थाने भूमिप्रविभागीयो नाम षट्त्रिंशोऽध्यायः ||३६||
ইতি শ্রীডল্হ(হ্ণ)ণবিরচিতাযাং নিবন্ধসঙ্গ্রহাখ্যাযাং সুশ্রুত ব্যাখ্যাযাং সূত্রস্থানে ষট্ত্রিংশোঽধ্যাযঃ||৩৬||