Adhikarana 1 (1-2) · Śloka 2
অথাতশ্ছাযাবিপ্রতিপত্তিমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातश्छायाविप्रतिपत्तिमध्यायं व्याख्यास्यामः ||१||
यथोवाच भगवान् धन्वन्तरिः ||२||
অত্র ছাযাশব্দানন্তরং লুপ্তাদিশব্দনির্দেশাদ্ধ্রীশ্রীতুষ্ট্যাদিবিপ্রতিপত্তযো গ্রাহ্যাঃ| বর্ণপ্রভাশ্রিতা যা ভবতি সা ছাযাশব্দেনোচ্যতে| ছাযাপ্রভযোস্তু ভেদঃ শাস্ত্রকারৈরুক্তঃ; তথা চ- “বর্ণমাক্রামতি চ্ছাযা প্রভা বর্ণপ্রকাশিনী| আসন্না লক্ষ্যতে চ্ছাযা প্রভা দূরাচ্চ লক্ষ্যতে” (চ. ই. অ. ৭)- ইতি| ন কেবলং বর্ণপ্রভাচ্ছাযানাং লক্ষণভেদঃ, সঙ্খ্যাভেদোঽপ্যস্তি; তথাহি- চতুর্বিধো বর্ণঃ- গৌরঃ, কৃষ্ণঃ, শ্যামঃ, গৌরশ্যাম ইতি; প্রভা সপ্তবিধা- রক্তা, পীতা, সিতা, শ্যাবা, হরিতা, পাণ্ডুরা, অসিতা, ইতি; ছাযা পঞ্চবিধা- স্নিগ্ধা, বিমলা, রূক্ষা, মলিনা, সঙ্ক্ষিপ্তা, ইতি||১-২||
Adhikarana 2 (3) · Śloka 3
শ্যাবা লোহিতিকা নীলা পীতিকা বাঽপি মানবম্ |
অভিদ্রবন্তি যং ছাযাঃ স পরাসুরসংশযম্ ||৩||
View original
श्यावा लोहितिका नीला पीतिका वाऽपि मानवम् |
अभिद्रवन्ति यं छायाः स परासुरसंशयम् ||३||
ছাযাবিরুদ্ধপ্রতিপত্তিং দর্শযন্নাহ- শ্যাবেত্যাদি| অত্র যদ্যপি শ্যাবা লোহিতিকা নীলেত্যাদযঃ প্রাকৃতাশ্ছাযাঃ, তথাঽপ্যভূতপূর্বা আকস্মিকা বিপর্যযেণ যা পুরুষমভিদ্রবন্তি তা ইহ গৃহ্যন্তে; অভিদ্রবন্তি অনুসরন্তি উপতিষ্ঠন্তীত্যর্থঃ| পরাসুর্গতপ্রাণঃ||৩||
Adhikarana 3 (4) · Śloka 4
হ্রীরপক্রমতে যস্য প্রভাস্মৃতিধৃতিশ্রিযঃ |
অকস্মাদ্যং ভজন্তে বা স গতাসুরসংশযম্ ||৪||
View original
ह्रीरपक्रमते यस्य प्रभास्मृतिधृतिश्रियः |
अकस्माद्यं भजन्ते वा स गतासुरसंशयम् ||४||
পূর্বাধ্যাযনির্দিষ্টশীলবিকৃতীঃ, তথা ছাযাসদৃশীং প্রভাং নির্দিশন্নাহ- হ্রীরিত্যাদি| হ্রীর্লজ্জা, প্রভা পূর্বোক্তলক্ষণা, স্মৃতিঃ পূর্বানুভূতস্মরণং, ধৃতিঃ নিযমাত্মিকা তুষ্টিঃ সন্তোষ ইত্যর্থঃ, শ্রীঃ কমনীযতা| প্রভাবিকৃতিং বিহাযাপরাঃ শীলবিকৃতযো জ্ঞেযাঃ| কেচিত্ পঠন্তি- ‘হ্রীশ্রিযৌ নশ্যতো যস্য তেজ ওজঃ স্মৃতিঃ প্রভাঃ’ ইতি; শেষং সমং পঠন্তি, ব্যাখ্যানযন্তি চ- শ্রীর্ধনং; তেজোঽত্র চেষ্টালক্ষণং বলমভিধীযতে; ওজস্তু শুক্লং হৃদযস্থং ধাতুধাম; শোভাধনতেজসাং বৈপরীত্যং বার্ষিকমরিষ্টং, স্মৃতিবলাদিবিপর্যযঃ ষাণ্মাসিকমরিষ্টম্||৪||
Adhikarana 4 (5-10) · Śloka 10
যস্যাধরৌষ্ঠঃ পতিতঃ ক্ষিপ্তশ্চোর্ধ্বং তথোত্তরঃ |
উভৌ বা জাম্ববাভাসৌ দুর্লভং তস্য জীবিতম্ ||৫||
আরক্তা দশনা যস্য শ্যাবা বা স্যুঃ পতন্তি বা |
খঞ্জনপ্রতিমা বাঽপি তং গতাযুষমাদিশেত্ ||৬||
কৃষ্ণা স্তব্ধাঽবলিপ্তা বা জিহ্বা শূনা চ যস্য বৈ |
কর্কশা বা ভবেদ্যস্য সোঽচিরাদ্বিজহাত্যসূন্ ||৭||
কুটিলা স্ফুটিতা বাঽপি শুষ্কা বা যস্য নাসিকা |
অবস্ফূর্জতি মগ্না বা ন স জীবতি মানবঃ ||৮||
সঙ্ক্ষিপ্তে বিষমে স্তব্ধে রক্তে স্রস্তে চ লোচনে |
স্যাতাং বা প্রস্রুতে যস্য স গতাযুর্নরো ধ্রুবম্ ||৯||
কেশাঃ সীমন্তিনো যস্য সঙ্ক্ষিপ্তে বিনতে ভ্রুবৌ |
লুণ্ডন্তি চাক্ষিপক্ষ্মাণি সোঽচিরাদ্যাতি মৃত্যবে ||১০||
View original
यस्याधरौष्ठः पतितः क्षिप्तश्चोर्ध्वं तथोत्तरः |
उभौ वा जाम्बवाभासौ दुर्लभं तस्य जीवितम् ||५||
आरक्ता दशना यस्य श्यावा वा स्युः पतन्ति वा |
खञ्जनप्रतिमा वाऽपि तं गतायुषमादिशेत् ||६||
कृष्णा स्तब्धाऽवलिप्ता वा जिह्वा शूना च यस्य वै |
कर्कशा वा भवेद्यस्य सोऽचिराद्विजहात्यसून् ||७||
कुटिला स्फुटिता वाऽपि शुष्का वा यस्य नासिका |
अवस्फूर्जति मग्ना वा न स जीवति मानवः ||८||
सङ्क्षिप्ते विषमे स्तब्धे रक्ते स्रस्ते च लोचने |
स्यातां वा प्रस्रुते यस्य स गतायुर्नरो ध्रुवम् ||९||
केशाः सीमन्तिनो यस्य सङ्क्षिप्ते विनते भ्रुवौ |
लुण्डन्ति चाक्षिपक्ष्माणि सोऽचिराद्याति मृत्यवे ||१०||
ছাযাদিবিপ্রতিপত্ত্যনন্তরং বৈপরীত্যসামান্যাদোষ্ঠাদীনামপ্যবযবানাং বিকৃতিং দর্শযন্নাহ- যস্যেত্যাদি| অধরৌষ্ঠঃ অধস্তন ওষ্ঠঃ| পতিতঃ লম্বাযমানঃ| উত্তর উপরিতন ওষ্ঠঃ| ঊর্ধ্বং ক্ষিপ্তঃ ঊর্ধ্বং চঢি(লি)ত ইত্যর্থঃ| জাম্ববাভাসাবিতি পক্বজম্বূফলসদৃশবর্ণৌ| ওষ্ঠারিষ্টেন দন্তারিষ্টেন চ সান্নিপাতিককালপ্রমাণেন ম্রিযতে| আরক্তা ইত্যাদি| অত্র শ্যাবদন্তত্বমরিষ্টং সামান্যবিষযং, ন পুনর্বিসূচীবিষযমেব| খঞ্জনপ্রতিমা ইতি মর্দনাদিনা আমাগারধূমানুরচিতমুপস্তরণং খঞ্জনমুচ্যতে, যং খরজিমিত্যাহুর্মৃদঙ্গবাদকাঃ; অন্যে খঞ্জরীটমাহুঃ, তদ্বর্ণঃ শুক্লকৃষ্ণ ইত্যর্থঃ| কৃষ্ণেত্যাদি| বিশেষতস্তু জিহ্বা অবলিপ্তেবাবলিপ্তা, ন পুনর্মলোত্পত্ত্যাদিনা; প্রমেহপূর্বরূপে তু মলোত্পত্ত্যাঽনুলেপো লক্ষ্যনিমিত্তত্বাদরিষ্টং ন ভবতি| শূনা শ্বযথুযুক্তা| বিজহাতি বিশেষেণ ত্যজতি| অসূন্ প্রাণান্| এতদরিষ্টং পাক্ষিকম্| কুটিলেত্যাদি|- কুটিলা বক্রা| স্ফুটিতা বিকসিতা| অবস্ফূর্জতি শব্দাযতে| মগ্না বুডিতা| এতদরিষ্টং চক্ষুররিষ্টং চ সপ্তরাত্রিকম্| সঙ্ক্ষিপ্তে সঙ্কুচিতে| বিষমে নিম্নোন্নতে| স্তব্ধেঽত্র নিশ্চেষ্টে| স্রস্তে অধঃপতিতে| স্যাতাং ভবেতাম্| কেশা ইত্যাদি| সীমন্তঃ কেশমার্গঃ| সঙ্ক্ষিপ্তে সঙ্কুচিতে, বিনতে অধঃপতিতে| লুণ্ডন্তি অনবরতং চলন্তীত্যর্থঃ| পক্ষ্মাণি চক্ষুরাচ্ছাদনরোমাণি | ভ্রুবাবপি সীমন্তিন্যাবিতি সম্বধ্নন্তি কেচিত্| এতদরিষ্টং স্বস্থস্য ষড্রাত্রাদাতুরস্য ত্রিরাত্রান্মরণায| কেচিদত্র সীমন্তারিষ্টং তথা জিহ্বানেত্রবিকারারিষ্টং চ জ্বরবিষযমেবাচক্ষতে, জ্বর এবৈষাং তেষু প্রদেশেষূক্তত্বাত্; নৈতদিত্যন্যে, পুনর্বচনাত্; তেষাং জ্বর এবোক্তত্বাত্ পুনরিহ তদ্বচনমনর্থকমেব স্যাত্||৫-১০||
Adhikarana 5 (11-16) · Śloka 16
নাহরত্যন্নমাস্যস্থং ন ধারযতি যঃ শিরঃ |
একাগ্রদৃষ্টির্মূঢাত্মা সদ্যঃ প্রাণান্ জহাতি সঃ ||১১||
বলবান্ দুর্বলো বাঽপি সম্মোহং যোঽধিগচ্ছতি |
উত্থাপ্যমানো বহুশস্তং পক্বং ভিষগাদিশেত্ ||১২||
উত্তানঃ সর্বদা শেতে পাদৌ বিকুরুতে চ যঃ |
বিপ্রসারণশীলো বা ন স জীবতি মানবঃ ||১৩||
শীতপাদকরোচ্ছ্বাসশ্ছিন্নোচ্ছ্বাসশ্চ যো ভবেত্ |
কাকোচ্ছ্বাসশ্চ যো মর্ত্যস্তং ধীরঃ পরিবর্জযেত্ ||১৪||
নিদ্রা ন ছিদ্যতে যস্য যো বা জাগর্তি সর্বদা |
মুহ্যেদ্বা বক্তুকামশ্চ প্রত্যাখ্যেযঃ স জানতা ||১৫||
উত্তরৌষ্ঠং চ যো লিহ্যাদুত্কারাংশ্চ করোতি যঃ |
প্রেতৈর্বা ভাষতে সার্ধং প্রেতরূপং তমাদিশেত্ ||১৬||
View original
नाहरत्यन्नमास्यस्थं न धारयति यः शिरः |
एकाग्रदृष्टिर्मूढात्मा सद्यः प्राणान् जहाति सः ||११||
बलवान् दुर्बलो वाऽपि सम्मोहं योऽधिगच्छति |
उत्थाप्यमानो बहुशस्तं पक्वं भिषगादिशेत् ||१२||
उत्तानः सर्वदा शेते पादौ विकुरुते च यः |
विप्रसारणशीलो वा न स जीवति मानवः ||१३||
शीतपादकरोच्छ्वासश्छिन्नोच्छ्वासश्च यो भवेत् |
काकोच्छ्वासश्च यो मर्त्यस्तं धीरः परिवर्जयेत् ||१४||
निद्रा न छिद्यते यस्य यो वा जागर्ति सर्वदा |
मुह्येद्वा वक्तुकामश्च प्रत्याख्येयः स जानता ||१५||
उत्तरौष्ठं च यो लिह्यादुत्कारांश्च करोति यः |
प्रेतैर्वा भाषते सार्धं प्रेतरूपं तमादिशेत् ||१६||
কাযাবযবক্রিযাবিপ্রতিপত্তিমধিকৃত্যাহ- নাহরতীত্যাদি|- নাহরতি ন গিলতি, আস্যস্থং মুখস্থম্| মূঢাত্মা বিস্মৃতিশীলঃ| সদ্য ইতি তস্মিন্নেবাহনি প্রাণপরিক্ষয ইত্যবগন্তব্যম্| বলবানিত্যাদি| অত্র সম্মোহং মূর্চ্ছাম্| বহুশো বারংবারম্| পক্বং কালপক্বং মৃত্যুগ্রস্তমিত্যর্থঃ| অস্মিন্নরিষ্টে সপ্তরাত্রং জীবিতাবধিঃ| উত্তান ইত্যাদি| শেতে স্বপিতি| বিকুরুতে মুহুর্মুহুস্তত্প্রসারণসঙ্কোচৌ করোতি| বিপ্রসারণশীলঃ পাদসঙ্কোচনশীলঃ| এতদরিষ্টং সদ্যোমরণকরম্| শীতপাদেত্যাদি পাদৌ করাবুচ্ছ্বাসশ্চ ত্রযমেতদ্যদৈকদৈব শীতং ভবতি তদৈতদরিষ্টং জ্ঞেযম্| ছিন্নোচ্ছ্বাসশ্চ ছিত্বা চ্ছিত্বা ঊর্ধ্বং শ্বসিতীত্যর্থঃ| কাকোচ্ছ্বাস ইতি কাকবদ্ব্যাত্তাননঃ শ্বসিতীত্যর্থঃ| এতদরিষ্টং সদ্যোমরণকরম্| নিদ্রেত্যাদি| লিহ্যাত্ স্বাদযেত্| উত্কারান্ উদ্গারানিত্যর্থঃ| প্রেতৈঃ মৃতৈঃ| সার্ধং সহেত্যর্থঃ||১১-১৬||
Adhikarana 6 (17-29) · Śloka 29
খেভ্যঃ সরোমকূপেভ্যো যস্য রক্তং প্রবর্ততে |
পুরুষস্যাবিষার্তস্য সদ্যো জহ্যাত্ স জীবিতম্ ||১৭||
বাতাষ্ঠীলা তু হৃদযে যস্যোর্ধ্বমনুযাযিনী |
রুজান্নবিদ্বেষকরী স পরাসুরসংশযম্ ||১৮||
অনন্যোপদ্রবকৃতঃ শোফঃ পাদসমুত্থিতঃ |
পুরুষং হন্তি, নারীং তু মুখজো গুহ্যজো দ্বযম্ ||১৯||
অতিসারো জ্বরো হিক্কা ছর্দিঃ শূনাণ্ডমেঢ্রতা |
শ্বাসিনঃ কাসিনো বাঽপি যস্য তং ক্ষীণমাদিশেত্ ||২০||
স্বেদো দাহশ্চ বলবান্ হিক্কা শ্বাসশ্চ মানবম্ |
বলবন্তমপি প্রাণৈর্বিযুঞ্জন্তি ন সংশযঃ ||২১||
শ্যাবা জিহ্বা ভবেদ্যস্য সব্যং চাক্ষি নিমজ্জতি |
মুখং চ জাযতে পূতি যস্য তং পরিবর্জযেত্ ||২২||
বক্ত্রমাপূর্যতেঽশ্রূণাং স্বিদ্যতশ্চরণাবুভৌ |
চক্ষুশ্চাকুলতাং যাতি যমরাষ্ট্রং গমিষ্যতঃ ||২৩||
অতিমাত্রং লঘূনি স্যুর্গাত্রাণি গুরুকাণি বা |
যস্যাকস্মাত্ স বিজ্ঞেযো গন্তা বৈবস্বতালযম্ ||২৪||
পঙ্কমত্স্যবসাতৈলঘৃতগন্ধাংশ্চ যে নরাঃ |
মৃষ্টগন্ধাংশ্চ যে বান্তি গন্তারস্তে যমালযম্ ||২৫||
যূকা ললাটমাযান্তি বলিং নাশ্নন্তি বাযসাঃ |
যেষাং চাপি রতির্নাস্তি যাতারস্তে যমালযম্ ||২৬||
জ্বরাতিসারশোফাঃ স্যুর্যস্যান্যোন্যাবসাদিনঃ |
প্রক্ষীণবলমাংসস্য নাসৌ শক্যশ্চিকিত্সিতম্ ||২৭||
ক্ষীণস্য যস্য ক্ষুত্তৃষ্ণে হৃদ্যৈর্মিষ্টৈর্হিতৈস্তথা |
ন শাম্যতোঽন্নপানৈশ্চ তস্য মৃত্যুরুপস্থিতঃ ||২৮||
প্রবাহিকা শিরঃশূলং কোষ্ঠশূলং চ দারুণম্ |
পিপাসা বলহানিশ্চ তস্য মৃত্যুরুপস্থিতঃ ||২৯||
View original
खेभ्यः सरोमकूपेभ्यो यस्य रक्तं प्रवर्तते |
पुरुषस्याविषार्तस्य सद्यो जह्यात् स जीवितम् ||१७||
वाताष्ठीला तु हृदये यस्योर्ध्वमनुयायिनी |
रुजान्नविद्वेषकरी स परासुरसंशयम् ||१८||
अनन्योपद्रवकृतः शोफः पादसमुत्थितः |
पुरुषं हन्ति, नारीं तु मुखजो गुह्यजो द्वयम् ||१९||
अतिसारो ज्वरो हिक्का छर्दिः शूनाण्डमेढ्रता |
श्वासिनः कासिनो वाऽपि यस्य तं क्षीणमादिशेत् ||२०||
स्वेदो दाहश्च बलवान् हिक्का श्वासश्च मानवम् |
बलवन्तमपि प्राणैर्वियुञ्जन्ति न संशयः ||२१||
श्यावा जिह्वा भवेद्यस्य सव्यं चाक्षि निमज्जति |
मुखं च जायते पूति यस्य तं परिवर्जयेत् ||२२||
वक्त्रमापूर्यतेऽश्रूणां स्विद्यतश्चरणावुभौ |
चक्षुश्चाकुलतां याति यमराष्ट्रं गमिष्यतः ||२३||
अतिमात्रं लघूनि स्युर्गात्राणि गुरुकाणि वा |
यस्याकस्मात् स विज्ञेयो गन्ता वैवस्वतालयम् ||२४||
पङ्कमत्स्यवसातैलघृतगन्धांश्च ये नराः |
मृष्टगन्धांश्च ये वान्ति गन्तारस्ते यमालयम् ||२५||
यूका ललाटमायान्ति बलिं नाश्नन्ति वायसाः |
येषां चापि रतिर्नास्ति यातारस्ते यमालयम् ||२६||
ज्वरातिसारशोफाः स्युर्यस्यान्योन्यावसादिनः |
प्रक्षीणबलमांसस्य नासौ शक्यश्चिकित्सितम् ||२७||
क्षीणस्य यस्य क्षुत्तृष्णे हृद्यैर्मिष्टैर्हितैस्तथा |
न शाम्यतोऽन्नपानैश्च तस्य मृत्युरुपस्थितः ||२८||
प्रवाहिका शिरःशूलं कोष्ठशूलं च दारुणम् |
पिपासा बलहानिश्च तस्य मृत्युरुपस्थितः ||२९||
শরীরদেশবিশেষাশ্রিতব্যাধিবিশেষানরিষ্টকৃতান্ দর্শযন্নাহ- খেভ্য ইত্যাদি| খেভ্যঃ স্রোতোভ্যঃ| জহ্যাত্ ত্যজেত্| বাতাষ্ঠীলেত্যাদি|- বাতাষ্ঠীলেব বাতাষ্ঠীলা, ন তু বাতব্যাধিপঠিতা বাতাষ্ঠীলেহ গৃহ্যতে; অথ সৈব হৃদযমাগত্যৈবংলক্ষণা যদা ভবতি তদাঽরিষ্টমিতি| রুজান্নবিদ্বেষকরী চেতি রুজাকরী অন্নবিদ্বেষকরী চেত্যর্থঃ| অনন্যেত্যাদি অনন্যোপদ্রবৈঃ কৃতঃ, কোঽর্থঃ? শোফস্যৈবোপদ্রবৈঃ শ্বাসপিপাসাদৌর্বল্যাদিভিঃ কৃত ইত্যর্থঃ; ইত্থম্ভূতঃ শোফঃ পাদসমুত্থিতঃ পুরুষং হন্তি, ইত্থম্ভূতঃ শ্বযথুর্মুখজো নারীম্, ইত্থম্ভূত এব শোফো গুহ্যজো দ্বযং পুরুষং নারীং চ হন্তীতি সম্বন্ধঃ| অন্যে তু “অন্যৈরুপদ্রবৈঃ পাণ্ডুরোগাদিভিঃ কৃতোঽন্যোপদ্রবকৃতঃ, নান্যোপদ্রবৈঃ কৃতোঽনন্যোপদ্রবকৃতঃ; পাণ্ডুরোগোদরার্শঃপ্রভৃতি শ্বযথুকারণং বিহাযান্যকারণসমুত্থঃ পাদশোফোঽসাধ্যঃ, পাণ্ডুরোগাদিকৃতস্তু সাধ্য” ইতি মন্যতে| অপরে তু ‘অনন্যোপদ্রবগত’ ইতি পঠন্তি, অত্রানন্যঃ স্বকীযোপদ্রব উচ্যতে, তমনন্যোপদ্রবং স্বকীযোপদ্রবং শ্বাসপিপাসাদৌর্বল্যাদিকং গতঃ প্রাপ্ত ইত্যর্থঃ, স্বকীযোপদ্রবং বিহাযান্যোপদ্রবপাণ্ডুরোগাদিগতো নারিষ্টমিতি ভাবঃ| অপরে ‘আননোপদ্রবগত’ ইতি মন্যন্তে, তত্র ‘পাদাচ্ছোফ আননং মুখমুপদ্রবৈঃ সহ গতঃ প্রাপ্তঃ’ ইত্যর্থঃ| অতিসার ইত্যাদি| কাসবতঃ শ্বাসবতো বা পুরুষস্য যদাঽতিসারাদযো ভবন্তি তদা তং পুরুষং, ক্ষীণং মৃতমাদিশেত্ কথযেদিত্যর্থঃ| এতদরিষ্টং সপ্তরাত্রিকম্| স্বেদ ইত্যাদি| বলবান্ অতিশযেন| বিযুঞ্জন্তি প্রাণৈঃ সহ বিযোগং কুর্বন্তি মারযন্তীত্যর্থঃ| এতদরিষ্টং ত্রিরাত্রিকম্| শ্যাবেত্যাদি| সব্যং চাক্ষি নিমজ্জতি বামমক্ষি বুডতীত্যর্থঃ| যস্য মুখং চ জাযতে পূতি মুখং শটিতং ভবতীত্যর্থঃ; এতত্ত্রিতযমপি সমুদাযেনৈবারিষ্টং; কেচিদিদমরিষ্টং সান্নিপাতিকমাহুঃ; অত এব মরণমর্যাদাঽপি তত্প্রমাণেনৈব| বক্ত্রমিত্যাদি| আপূর্যতে ভ্রিযতে, অশ্রূণাং চক্ষুরম্ভসাম্| স্বিদ্যত ইতি স্বেদযুক্তৌ ভবতঃ| আকুলতাং যাতীতি ওদনমণ্ডাদিনেব পূর্ণে অক্ষিণীত্যর্থঃ| গমিষ্যতো গন্তুমিচ্ছতঃ পুরুষস্য| চরণাবিতি দ্বিবচনেন দ্বিত্বে লব্ধে উভশব্দো যৌগপদ্যজ্ঞাপনার্থঃ| এতদরিষ্টং মৌহূর্তিকং প্রাহরিকং চ| অতিমাত্রমিত্যাদি| অত্র গাত্রাণি পরিচারকৈঃ সংবাহকৈশ্চোত্থাপ্যমানান্যকস্মাত্ কারণং বিনা লঘূনি লঘুতরাণি, গুরূণি ভারবন্তি; অথবা গুরূণি স্থূলানি, লঘূনি কৃশানি; স্যুর্ভবেযুঃ| বৈবস্বতো যমঃ, আলযং গৃহং, গন্তাঃ গমিষ্যতীত্যর্থঃ| পঙ্কেত্যাদি| মৃষ্টান্ গন্ধান্ যে পুরুষা বান্তি শোভনগন্ধান্ মুঞ্চন্তীত্যর্থঃ| এতদরিষ্টং বার্ষিকম্| যূকেত্যাদি| বলিং কাকবলিম্| যস্য রতির্নাস্তি যস্য সুখং নাস্তি, ন রমতে ক্বাপীত্যর্থঃ, পরলোকে বদ্ধরতিত্বাত্; এতদরিষ্টং বার্ষিকম্| জ্বরেত্যাদি| অন্যোন্যাবসাদিন ইতি পরস্পরোপদ্রবিণঃ| বলমুত্সাহলক্ষণম্| প্রবাহিকা অতিসারভেদঃ| উপস্থিতঃ সমীপস্থিত ইত্যর্থঃ||১৭-২৯||
Adhikarana 7 (30) · Śloka 30
বিষমেণোপচারেণ কর্মভিশ্চ পুরাকৃতৈঃ |
অনিত্যত্বাচ্চ জন্তূনাং জীবিতং নিধনং ব্রজেত্ ||৩০||
View original
विषमेणोपचारेण कर्मभिश्च पुराकृतैः |
अनित्यत्वाच्च जन्तूनां जीवितं निधनं व्रजेत् ||३०||
কস্মাদেতান্যরিষ্টান্যুত্পদ্যন্তে যেভ্যো জীবিতং নিধনং যাতীত্যাহ- বিষমেণেত্যাদি| প্রকৃতের্বলাদীন্ ভাবানবেক্ষ্য কৃত উপচারঃ সমোপচারঃ, তদ্বিপরীতো বিষমোপচারঃ| পুরাকৃতৈঃ পূর্বজন্মার্জিতৈঃ, কর্মভিঃ শরীরস্থাপকৈঃ, ‘ক্ষীণৈঃ’ ইত্যধ্যাহারঃ| অনিত্যত্বাদিতি বিনাশিত্বাদিত্যর্থঃ| নিধনং বিনাশঃ| অন্যে, অরিষ্টাদন্যতোঽপি মরণমুত্পদ্যত ইত্যাহুঃ| তথাহি- যুক্তিব্যপাশ্রযং মরণমুক্তং ‘বিষমেণোপচারেণ’ ইত্যনেন, দৈবব্যপাশ্রযং তু মরণং ‘কর্মভিশ্চ পুরাকৃতৈঃ’ ইত্যনেনোক্তং, স্বভাবাদপ্যনিত্যং জীবিতং ভবতীতি ‘অনিত্যত্বাচ্চ’ ইত্যনেনোচ্যতে, এতেন ত্রিহেতুকং মরণমুক্তম্| ননু, সর্বত্রারিষ্টমন্তে মরণাযোত্পদ্যতে, তত্ কথং মরণে হেত্বন্তরাণ্যুক্তানি? সত্যম্, উল্লঙ্ঘিতচিকিত্সামার্গৈর্দোষৈর্জন্যতে মরণং, রিষ্টমপি চ তথাবিধৈরেব দোষৈর্জন্যতে, অত একসামগ্রীজনিতমেবারিষ্টমিতি ন দোষ ইতি মন্যন্তে||৩০||
Adhikarana 8 (31-32) · Śloka 32
প্রেতা ভূতাঃ পিশাচাশ্চ রক্ষাংসি বিবিধানি চ |
মরণাভিমুখং নিত্যমুপসর্পন্তি মানবম্ ||৩১||
তানি ভেষজবীর্যাণি প্রতিঘ্নন্তি জিঘাংসযা |
তস্মান্মোঘাঃ ক্রিযাঃ সর্বা ভবন্ত্যেব গতাযুষাম্ ||৩২||
View original
प्रेता भूताः पिशाचाश्च रक्षांसि विविधानि च |
मरणाभिमुखं नित्यमुपसर्पन्ति मानवम् ||३१||
तानि भेषजवीर्याणि प्रतिघ्नन्ति जिघांसया |
तस्मान्मोघाः क्रियाः सर्वा भवन्त्येव गतायुषाम् ||३२||
কস্মাত্ পুনর্মরণমপ্রতিসাধনমিত্যত আহ- প্রেতা ইত্যাদি| প্রেতাঃ প্রাণিনো বিগতিং প্রাপ্তাঃ, ভূতা যমানুচরাঃ, পিশাচাঃ পিশিতাশনা দেবযোনযঃ, রক্ষাংসি রাবণানুচরাদীনি, উপসর্পন্তি সমীপং গচ্ছন্তি, প্রতিঘ্নন্তি বিনাশযন্তি, জিঘাংসযা হন্তুমিচ্ছযা, মোঘা নিষ্ফলাঃ| অন্যে ব্যাখ্যানযন্তি- শারীরব্যাধিষু ক্রিযাবৈফল্যহেতবঃ প্রাগুক্তাঃ; তথাহি- “স স্থিরত্বান্মহত্ত্বাচ্চ ধাত্বনুক্রমণেন চ| নিহন্ত্যৌষধবীর্যাণি মন্ত্রান্ দুষ্টগ্রহো যথা”- (সূ. অ. ২৩) ইতি| আগন্তুষু পুনরত্র ভূতানুবন্ধাচ্চ ক্রিযাবৈফল্যং দর্শযতি- প্রেতা ইত্যাদিনা| তত্র প্রেতা অকৃতৈকোদ্দিষ্টা ভবিষ্যত্পিতৃভেদাঃ, ভূতাঃ পিশাচভেদাঃ, রক্ষাংসি বিবিধানি চেতি ব্রহ্মরাক্ষসাদিভেদাদ্বিবিধানি নানাপ্রকারাণীত্যর্থঃ| চকারদ্বযমৌষধবীর্যোপঘাতে তুল্যসামর্থ্যং সমুচ্চিনোতি| তথাহি- যথা ‘স স্থিরত্বাত্’ ইত্যাদৌ শারীরব্যাধিক্রিযাপ্রতিঘাতসামর্থ্যমুক্তং, তথাঽঽগন্তুব্যাধিক্রিযাপ্রতিঘাতসামর্থ্যমপ্যত্র ‘প্রেতা’ ইত্যাদৌ||৩১-৩২||
Adhikarana puShpikA · Śloka 31
ইতি সুশ্রুতসংহিতাযাং সূত্রস্থানে ছাযাবিপ্রতিপত্তির্নামৈকত্রিংশত্তমোঽধ্যাযঃ ||৩১||
View original
इति सुश्रुतसंहितायां सूत्रस्थाने छायाविप्रतिपत्तिर्नामैकत्रिंशत्तमोऽध्यायः ||३१||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে একত্রিংশত্তমোঽধ্যাযঃ||৩১||