Adhikarana 1 (1-2) · Śloka 2
অথাতো দ্রব্যরসগুণবীর্যবিপাকবিজ্ঞানীযমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातो द्रव्यरसगुणवीर्यविपाकविज्ञानीयमध्यायं व्याख्यास्यामः ||१||
यथोवाच भगवान् धन्वन्तरिः ||२||
অথাত ইত্যাদি| দ্রব্যাদীনাং বিজ্ঞানং বিশিষ্টজ্ঞানং তদধিকৃত্য কৃতোঽধ্যায ইত্যর্থঃ| দ্রব্যমৌষধমুচ্যতে, রসো মধুরাদিকঃ, গুণাঃ শীতোষ্ণস্নিগ্ধরূক্ষমন্দতীক্ষ্ণগুরুলঘুপিচ্ছিলবিশদশ্লক্ষ্ণপরুষকঠিনমৃদুদ্রবসান্দ্রস্থিরসরস্থূলসূক্ষ্মা বিংশতিঃ, বীর্যং চাষ্টবিধং, তদ্যথা- শীতোষ্ণস্নিগ্ধরূক্ষবিশদপিচ্ছিলমৃদুতীক্ষ্ণানি, বিংশতিগুণানাং মধ্যে এতেষামষ্টানাং গুণানাং বীর্যমিতি সঞ্জ্ঞা| ননু, গুণাদ্বীর্যাণাং কো ভেদঃ? উচ্যতে- য এব গুণা আমলক্যাং ত এব হরীতক্যাম্, অস্তি চ বীর্যে বিশেষঃ; তথাহি- উষ্ণবীর্যা হরীতকী, শীতবীর্যমামলকমিতি; এতেনৈতদুক্তং ভবতি- দ্রব্যরসগুণবিপাকৈর্যত্ কর্ম কর্তুং ন শক্যতে তত্ কর্ম কুর্বন্ প্রভাবো বীর্যমুচ্যতে, তথাহি- “বীর্যং শক্তিরুত্পত্তিবিশেষঃ, সামর্থ্যং প্রভাব ইত্যনর্থান্তরম্”| যদ্দ্রব্যং পরিণামকালে স্বাভাবিকং রসং পরিত্যজ্য রসান্তরং ভজতে তত্র ‘বিপাক’ ইতি সঞ্জ্ঞা||১-২||
Adhikarana 2 (3) · Śloka 3
কেচিদাচার্যা ব্রুবতে- দ্রব্যং প্রধানং, কস্মাত্? ব্যবস্থিতত্বাত্, ইহ খলু দ্রব্যং ব্যবস্থিতং ন রসাদযঃ, যথা আমে ফলে যে রসাদযস্তে পক্বে ন সন্তি; নিত্যত্বাচ্চ, নিত্যং হি দ্রব্যমনিত্যা গুণাঃ, যথা কল্কাদিপ্রবিভাগঃ, স এব সম্পন্নরসগন্ধো ব্যাপন্নরসগন্ধো বা ভবতি; স্বজাত্যবস্থানাচ্চ, যথা হি পার্থিবং দ্রব্যমন্যভাবং ন গচ্ছত্যেবং শেষাণি; পঞ্চেন্দ্রিযগ্রহণাশ্চ, পঞ্চভিরিন্দ্রিযৈর্গৃহ্যতে দ্রব্যং ন রসাদযঃ; আশ্রযত্বাচ্চ, দ্রব্যমাশ্রিতা রসাদযঃ; আরম্ভসামর্থ্যাচ্চ, দ্রব্যাশ্রিত আরম্ভঃ, যথা- ‘বিদারিগন্ধাদিমাহৃত্য সঙ্ক্ষুদ্য বিপচেত্’ ইত্যেবমাদিষু ন রসাদিষ্বারম্ভঃ; শাস্ত্রপ্রামাণ্যাচ্চ, শাস্ত্রে হি দ্রব্যং প্রধানমুপদেশে যোগানাং, যথা- ‘মাতুলুঙ্গাগ্নিমন্থৌ চ’ ইত্যাদৌ ন রসাদয উপদিশ্যন্তে; ক্রমাপেক্ষিতত্বাচ্চ রসাদীনাং, রসাদযো হি দ্রব্যক্রমমপেক্ষন্তে, যথা- তরুণে তরুণাঃ সম্পূর্ণে সম্পূর্ণা ইতি; একদেশসাধ্যত্বাচ্চ, দ্রব্যাণামেকদেশেনাপি ব্যাধযঃ সাধ্যন্তে, যথা- মহাবৃক্ষক্ষীরেণেতি; তস্মাদ্দ্রব্যং প্রধানং, ন রসাদযঃ, কস্মাত্? নিরবযবত্বাত্ |
দ্রব্যলক্ষণং তু ‘ক্রিযাগুণবত্ সমবাযিকারণম্’ ইতি ||৩||
View original
केचिदाचार्या ब्रुवते- द्रव्यं प्रधानं, कस्मात्? व्यवस्थितत्वात्, इह खलु द्रव्यं व्यवस्थितं न रसादयः, यथा आमे फले ये रसादयस्ते पक्वे न सन्ति; नित्यत्वाच्च, नित्यं हि द्रव्यमनित्या गुणाः, यथा कल्कादिप्रविभागः, स एव सम्पन्नरसगन्धो व्यापन्नरसगन्धो वा भवति; स्वजात्यवस्थानाच्च, यथा हि पार्थिवं द्रव्यमन्यभावं न गच्छत्येवं शेषाणि; पञ्चेन्द्रियग्रहणाश्च, पञ्चभिरिन्द्रियैर्गृह्यते द्रव्यं न रसादयः; आश्रयत्वाच्च, द्रव्यमाश्रिता रसादयः; आरम्भसामर्थ्याच्च, द्रव्याश्रित आरम्भः, यथा- ‘विदारिगन्धादिमाहृत्य सङ्क्षुद्य विपचेत्’ इत्येवमादिषु न रसादिष्वारम्भः; शास्त्रप्रामाण्याच्च, शास्त्रे हि द्रव्यं प्रधानमुपदेशे योगानां, यथा- ‘मातुलुङ्गाग्निमन्थौ च’ इत्यादौ न रसादय उपदिश्यन्ते; क्रमापेक्षितत्वाच्च रसादीनां, रसादयो हि द्रव्यक्रममपेक्षन्ते, यथा- तरुणे तरुणाः सम्पूर्णे सम्पूर्णा इति; एकदेशसाध्यत्वाच्च, द्रव्याणामेकदेशेनापि व्याधयः साध्यन्ते, यथा- महावृक्षक्षीरेणेति; तस्माद्द्रव्यं प्रधानं, न रसादयः, कस्मात्? निरवयवत्वात् |
द्रव्यलक्षणं तु ‘क्रियागुणवत् समवायिकारणम्’ इति ||३||
তত্র প্রত্যেকং দ্রব্যাদিপ্রাধান্যমেকীযমতেন প্রতিপাদযিষ্যন্ দ্রব্যপ্রাধান্যং প্রথমং সকারণং প্রতিপাদযন্নাহ- কেচিদিত্যাদি| ব্যবস্থিতত্বাদিতি| দ্রব্যং হি ব্যবতিষ্ঠতে ন রসাদযঃ, যথা- আম্রফলমেকমেব প্রথমং কষাযাম্লং পশ্চাদম্লং ততো মধুরমপি ভবতি, ন তু তদেবাম্রফলমাম্রাতকং কোশাম্রং বা ভবতি| দ্রব্যপ্রাধান্যে দ্বিতীযং হেতুমাহ- নিত্যত্বাদিত্যাদি|- নিত্যত্বাত্ কিযত্কালাবস্থিতত্বাদিত্যর্থঃ| অনিত্যা গুণা ইতি বিনাশিন ইত্যর্থঃ| কল্কেত্যাদি আদিগ্রহণাত্ স্বরসশৃতশীতফাণ্টানামপি গ্রহণম্| স এব কল্কাদিপ্রবিভাগ এব| সম্পন্নরসগন্ধো বা ভবতীতি সংযুক্তরসঃ সংযুক্তগন্ধো বা ভবতীত্যর্থঃ| এতেনৈতদুক্তং ভবতি- কল্কাদ্যবস্থাস্বপি দ্রব্যং তদেব নান্যতরদ্দ্রব্যং, রসগন্ধৌ ত্বন্যৌ সংযুক্তৌ ভবত ইতি গুণাদনিত্যাত্ দ্রব্যং নিত্যম্| অন্যে কল্কাদিস্থানে ‘কালাদিপ্রবিভাগাত্’ ইতি পঠন্তি| তেষাং মতে আদিগ্রহণাজ্জলবাতদেশসোমসূর্যা গৃহ্যন্তে| তদ্যথা- ‘তা এবৌষধযো গ্রীষ্মে নিঃসারা রূক্ষা’ (সূ. অ.৬) ইত্যাদি| দ্রব্যপ্রাধান্যে তৃতীযং হেতুং দর্শযন্নাহ- স্বজাত্যবস্থানাচ্চেতি|- স্বস্যাং পার্থিবাদিজাতাববস্থিতত্বাদিত্যর্থঃ| অন্যভাবং ন গচ্ছতি আপ্যাদিজাতিং ন গচ্ছতি| চতুর্থং কারণং দর্শযন্নাহ- পঞ্চেত্যাদি| পঞ্চভিরিন্দ্রিযৈর্দ্রব্যং গৃহ্যতে, দ্রব্যে গৃহীতে তদাশ্রযা গুণা গৃহীতা ভবন্তি; গুণাশ্চ শব্দস্পর্শরূপরসগন্ধাঃ| দ্রব্যে শব্দোঽপ্যস্তি; যথা- পার্থিবদ্রব্যে কটকটাশব্দঃ, আপ্যে খলখলাশব্দঃ, তৈজসে তটতটাশব্দ ইত্যাদিকঃ| বাযব্যদ্রব্যমাকাশদ্রব্যং চানুমানগ্রাহ্যমমূর্তত্বাত্| ন রসাদয ইতি রসগুণবীর্যবিপাকাস্তু ন পঞ্চেন্দ্রিযগ্রাহ্যা ইত্যর্থঃ| পঞ্চমং হেতুং দর্শযন্নাহ- আশ্রযত্বাদিত্যাদি| আশ্রয ইদং দ্রব্যং রসাদীনাম্| ষষ্ঠং হেতুং দর্শযন্নাহ- আরম্ভেত্যাদি| আরম্ভসামর্থ্যাত্ উপক্রমসামর্থ্যাদিত্যর্থঃ| সঙ্ক্ষুদ্য চূর্ণযিত্বেত্যর্থঃ| সপ্তমং হেতুং দর্শযন্নাহ- শাস্ত্রেত্যাদি| অষ্টমং হেতুং দর্শযন্নাহ- ক্রমেত্যাদি| তরুণে তরুণা ইতি অভিনবে অভিনবা ইত্যর্থঃ| নবমং হেতুমাহ- একদেশেত্যাদি| দ্রব্যপ্রাধান্যমভিধায দ্রব্যলক্ষণমাহ- দ্রব্যলক্ষণমিত্যাদি| ক্রিযাগুণবদিতি ক্রিযাগুণবদ্দ্রব্যমিত্যর্থঃ; ক্রিযা কর্ম, গুণা উক্তা বিংশতিঃ| সমবাযিকারণমপি দ্রব্যমেব; যথা- পটে তন্তবঃ, ঘটে মৃত্পিণ্ড ইত্যাদি; ন চ ক্রিযাযাং ক্রিযা সমবেতা, ন গুণেষু গুণাশ্চ সমবেতা ইতি||৩||
Adhikarana 3 (4) · Śloka 4
নেত্যাহুরন্যে , রসাস্তু প্রধানং; কস্মাত্? আগমাত্, আগমো হি শাস্ত্রমুচ্যতে; শাস্ত্রে হি রসা অধিকৃতাঃ, যথা- রসাযত্ত আহার ইতি, তস্মিংস্তু প্রাণাঃ; উপদেশাচ্চ, উপদিশ্যন্তে হি রসাঃ, যথা- মধুরাম্ললবণা বাতং শমযন্তি; অনুমানাচ্চ, রসেন হ্যনুমীযতে দ্রব্যং, যথা- মধুরমিতি; ঋষিবচনাচ্চ, ঋষিবচনং বেদো যথা- কিঞ্চিদিজ্যার্থং মধুরমাহরেদিতি, তস্মাদ্রসাঃ প্রধানং; রসেষু গুণসঞ্জ্ঞা |
রসলক্ষণমন্যত্রোপদেক্ষ্যামঃ ||৪||
View original
नेत्याहुरन्ये , रसास्तु प्रधानं; कस्मात्? आगमात्, आगमो हि शास्त्रमुच्यते; शास्त्रे हि रसा अधिकृताः, यथा- रसायत्त आहार इति, तस्मिंस्तु प्राणाः; उपदेशाच्च, उपदिश्यन्ते हि रसाः, यथा- मधुराम्ललवणा वातं शमयन्ति; अनुमानाच्च, रसेन ह्यनुमीयते द्रव्यं, यथा- मधुरमिति; ऋषिवचनाच्च, ऋषिवचनं वेदो यथा- किञ्चिदिज्यार्थं मधुरमाहरेदिति, तस्माद्रसाः प्रधानं; रसेषु गुणसञ्ज्ञा |
रसलक्षणमन्यत्रोपदेक्ष्यामः ||४||
রসপ্রাধান্যে একীযং দর্শনং নির্দিশন্নাহ- নেত্যাদি| নেত্যাহুরন্যে দ্রব্যপ্রাধান্যমন্যে ন ব্রুবত ইত্যর্থঃ| তস্মিংস্তু প্রাণা ইতি আহারে সতি প্রাণা ইত্যর্থঃ| রসপ্রাধান্যে দ্বিতীযং হেতুমাহ- উপদেশাদিত্যাদি| অত্রৈব তৃতীযং হেতুমাহ- অনুমানাদিত্যাদি| চতুর্থং হেতুমাহ- ঋষিবচনাদিত্যাদি| ইজ্যার্থং যাগার্থং; মধুরমাহরেদিতি মধুররসমাহরেত্ আনযেত্, ন তু দ্রব্যমানযেদিতি| গুণস্যাপি কিমিতি ন প্রাধান্যং সাধিতমিত্যাশঙ্ক্যাহ- রসেষ্বিত্যাদি| অত্রাদিশব্দো লুপ্তো দ্রষ্টব্যঃ; এতেনৈতদুক্তং ভবতি- রসাদিপ্রাধান্যেনৈব সাধিতেন গুণপ্রধান্যং সাধিতং ভবতি| যথা দ্রব্যলক্ষণমুক্তং তথা রসস্যাপি কিমিতি নোক্তমিত্যাহ- রসলক্ষণমিত্যাদি| অন্যত্র রসবিজ্ঞানীযে||৪||
Adhikarana 4 (5) · Śloka 5
নেত্যাহুরন্যে , বীর্যং প্রধানমিতি |
কস্মাত্? তদ্বশেনৌষধকর্মনিষ্পত্তেঃ |
ইহৌষধকর্মাণ্যূর্ধ্বাধোভাগোভযভাগসংশোধনসংশমনসঙ্গ্রাহিকাগ্নিদীপনপীডনলেখনবৃংহণ- রসাযনবাজীকরণশ্বযথুকরবিলযনদহনদারণমাদনপ্রাণঘ্নবিষপ্রশমনাদীনি বীর্যপ্রাধান্যাদ্ভবন্তি |
তচ্চ বীর্যং দ্বিবিধমুষ্ণং শীতং চ, অগ্নীষোমীযত্বাজ্জগতঃ |
কেচিদষ্টবিধমাহুঃ- শীতমুষ্ণং স্নিগ্ধং রূক্ষং বিশদং পিচ্ছিলং মৃদু তীক্ষ্ণং চেতি |
এতানি বীর্যাণি স্ববলগুণোত্কর্ষাদ্রসমভিভূযাত্মকর্ম কুর্বন্তি |
যথা তাবন্মহত্পঞ্চমূলং কষাযং তিক্তানুরসং বাতং শমযতি, উষ্ণবীর্যত্বাত্; তথা কুলত্থঃ কষাযঃ, কটুকঃ পলাণ্ডুঃ, স্নেহভাবাচ্চ; মধুরশ্চেক্ষুরসো বাতং বর্ধযতি, শীতবীর্যত্বাত্; কটুকা পিপ্পলী পিত্তং শমযতি, মৃদুশীতবীর্যত্বাত্; অম্লমামলকং লবণং সৈন্ধবং চ; তিক্তা কাকমাচী পিত্তং বর্ধযতি, উষ্ণবীর্যত্বাত্, মধুরা মত্স্যাশ্চ; কটুকং মূলকং শ্লেষ্মাণং বর্ধযতি, স্নিগ্ধবীর্যত্বাত্; অম্লং কপিত্থং শ্লেষ্মাণাং শমযতি, রূক্ষবীর্যত্বাত্, মধুরং ক্ষৌদ্রং চ; তদেতন্নিদর্শনমাত্রমুক্তম্ ||৫||
View original
नेत्याहुरन्ये , वीर्यं प्रधानमिति |
कस्मात्? तद्वशेनौषधकर्मनिष्पत्तेः |
इहौषधकर्माण्यूर्ध्वाधोभागोभयभागसंशोधनसंशमनसङ्ग्राहिकाग्निदीपनपीडनलेखनबृंहण- रसायनवाजीकरणश्वयथुकरविलयनदहनदारणमादनप्राणघ्नविषप्रशमनादीनि वीर्यप्राधान्याद्भवन्ति |
तच्च वीर्यं द्विविधमुष्णं शीतं च, अग्नीषोमीयत्वाज्जगतः |
केचिदष्टविधमाहुः- शीतमुष्णं स्निग्धं रूक्षं विशदं पिच्छिलं मृदु तीक्ष्णं चेति |
एतानि वीर्याणि स्वबलगुणोत्कर्षाद्रसमभिभूयात्मकर्म कुर्वन्ति |
यथा तावन्महत्पञ्चमूलं कषायं तिक्तानुरसं वातं शमयति, उष्णवीर्यत्वात्; तथा कुलत्थः कषायः, कटुकः पलाण्डुः, स्नेहभावाच्च; मधुरश्चेक्षुरसो वातं वर्धयति, शीतवीर्यत्वात्; कटुका पिप्पली पित्तं शमयति, मृदुशीतवीर्यत्वात्; अम्लमामलकं लवणं सैन्धवं च; तिक्ता काकमाची पित्तं वर्धयति, उष्णवीर्यत्वात्, मधुरा मत्स्याश्च; कटुकं मूलकं श्लेष्माणं वर्धयति, स्निग्धवीर्यत्वात्; अम्लं कपित्थं श्लेष्माणां शमयति, रूक्षवीर्यत्वात्, मधुरं क्षौद्रं च; तदेतन्निदर्शनमात्रमुक्तम् ||५||
অপরেষাং বীর্যবাদিনাং মতং নির্দিশন্নাহ- নেত্যাহুরন্যে ইত্যাদি|- ঈদৃশমন্যে ন ব্রুবন্তি| তদ্বশেনেতি বীর্যবশেন| কানি পুনস্তান্যৌষধকর্মাণীত্যাহ- ইহৌষধেত্যাদি|- সংশোধনং ব্রণাদীনাং; সংশমনমিতি বমনবিরেচনাদিকং বিনা তত্স্থমেব শমযতি সংশমনং, সংশমনভেদা এব সাঙ্গ্রহিকাদযঃ; পীডনমিতি শাল্মলীত্বগাদীনাং ব্রণে কর্মবিশেষঃ; লেখনং পত্তলীকরণং; বৃংহণং শরীরবৃদ্ধিকরং; রসাযনং বযঃস্থাপনাদিকরণং; বাজীকরণং বাজিবদ্যেনাপ্রতিহতঃ স্ত্রিযং যাতি, অন্যে তু বাজিশব্দেন শুক্রমুচ্যতে, ততোঽবাজিনো বাজিনঃ ক্রিযন্তে যেনেতি বাজীকরণং, শুক্রোত্পাদকমিত্যাহুঃ; শ্বযথুকরবিলযনেতি করবিলযনশব্দৌ শ্বযথুশব্দেন সহ প্রত্যেকং সম্বধ্যেতে, ‘শ্বযথুহরবিলযন’ ইত্যেকে পঠন্তি; দহনং ক্ষারাদিনা; দারণং গৃধ্রপুরীষাদিনা; মাদনং মত্ততাকরণম্, এতচ্চ মদিরাদীনাং কর্ম; প্রাণঘ্নত্বং বিষাদেঃ; বিষপ্রশমনত্বমগদাদীনাং; বিষপ্রশমনাদীনীত্যত্রাদিশব্দেন ব্রণরোপণরোমসঞ্জননাদযো গৃহ্যন্তে| স্ববলগুণোত্কর্ষাদিতি স্ববলোত্কর্ষাত্ স্বগুণোত্কর্ষাচ্চেত্যর্থঃ| আত্মকর্ম কুর্বন্তি বাতাদিদোষশমনং কোপনং বা কুর্বন্তি| অভিভূয নিরাকরণং কৃত্বেত্যর্থঃ| স্নেহভাবাচ্চেত্যত্রাপি বাতং শমযতীতি যোজ্যম্| মধুরশ্চেক্ষুরস ইত্যাদি ন কেবলং বাতং শমযতীতি বীর্যং রসমভিভূয প্রকোপযত্যপি বাতমিত্যর্থঃ| কটুকা পিপ্পলীত্যাদি অত্রার্দ্রা পিপ্পলী যদি গৃহ্যতে তদা তস্যাঃ স্বাদুশীতত্বাত্ কটুকেতি বিশেষণং যুক্তং ন স্যাত্, অথ শুষ্কা তদা তস্যাঃ কটূষ্ণত্বাত্ পিত্তং হন্তীতি বিশেষণমযুক্তং ভবেত্; সত্যং, ‘তেষু গুর্বী স্বাদুশীতা পিপ্পল্যার্দ্রা কফাবহা’ ইত্যত্র পাঠে শীতা চেতি চকারো দ্রষ্টব্যঃ, তেন ন কেবলং শীতা কটুকা চেত্যর্থঃ, ততো নার্দ্রপক্ষে দোষঃ; শুষ্কপক্ষে তু ‘শুষ্কা কফানিলঘ্নী সা বৃষ্যা পিত্তাবিরোধিনী’ ইত্যত্র পিত্তেন সহেষদ্বিরোধিনীতি ব্যাখ্যানান্ন দোষঃ; কেষাঞ্চিন্মতে ‘পিত্তপ্রকোপণী’ ইতি পাঠঃ, তেষাং মতে পিত্তশমনীযত্বং পিপ্পল্যা বীর্যবাদিনাং মতং, ন পুনঃ সত্যমেষা পিত্তং শমযতি; যদি বা আর্দ্রা পিত্তপ্রশমনী শুষ্কা প্রকোপণীতি| অম্লমামলকং লবণং সৈন্ধবং চৈত্যত্রাপি মৃদুশীতবীর্যত্বাত্ পিত্তং শমযতীতি যোজ্যম্| তিক্তা কাকমাচীত্যাদি পিত্তং বর্ধযতি কেবলং ন তু প্রকোপযতি, তস্যাস্ত্রিদোষঘ্নীত্বাত্| অন্যে চাত্রৈবং বদন্তি- বীর্যবাদী এবমুষ্ণবীর্যাং কাকমাচীং মন্যতে, আচার্যস্তু নাত্যুষ্ণশীতাম্, অত এব ত্রিদোষঘ্নীত্বং কাকমাচ্যা ইতি| মধুরা মত্স্যাশ্চেত্যত্রাপি পিত্তং বর্ধযন্তীতি যোজ্যম্| মূলকং বৃহন্মূলকং ; ন পুনর্বালকং, ত্রিদোষঘ্নত্বাত্||৫||
Adhikarana 5 (6-9) · Śloka 9
ভবন্তি চাত্র- যে রসা বাতশমনা ভবন্তি যদি তেষু বৈ |
রৌক্ষ্যলাঘবশৈত্যানি ন তে হন্যুঃ সমীরণম্ ||৬||
যে রসাঃ পিত্তশমনা ভবন্তি যদি তেষু বৈ |
তৈক্ষ্ণ্যৌষ্ণ্যলঘুতাশ্চৈব ন তে তত্কর্মকারিণঃ ||৭||
যে রসাঃ শ্লেষ্মশমনা ভবন্তি যদি তেষু বৈ |
স্নেহগৌরবশৈত্যানি ন তে তত্কর্মকারিণঃ ||৮||
তস্মাদ্বীর্যং প্রধানমিতি ||৯||
View original
भवन्ति चात्र- ये रसा वातशमना भवन्ति यदि तेषु वै |
रौक्ष्यलाघवशैत्यानि न ते हन्युः समीरणम् ||६||
ये रसाः पित्तशमना भवन्ति यदि तेषु वै |
तैक्ष्ण्यौष्ण्यलघुताश्चैव न ते तत्कर्मकारिणः ||७||
ये रसाः श्लेष्मशमना भवन्ति यदि तेषु वै |
स्नेहगौरवशैत्यानि न ते तत्कर्मकारिणः ||८||
तस्माद्वीर्यं प्रधानमिति ||९||
দ্রব্যাশ্রিতং বীর্যকর্মাভিধায রসাশ্রিতং বীর্যকর্মাহ- ভবন্তি চাত্রেত্যাদি| যে রসা বাতশমনা মধুরাম্ললবণাঃ, যে রসাঃ পিত্তশমনা মধুরতিক্তকষাযাঃ, যে রসাঃ শ্লেষ্মশমনাঃ কটুতিক্তকষাযাঃ||৬-৯||
Adhikarana 6 (10) · Śloka 10
নেত্যাহুরন্যে , বিপাকঃ প্রধানমিতি |
কস্মাত্? সম্যঙ্মিথ্যাবিপক্বত্বাত্; ইহ সর্বদ্রবাণ্যভ্যবহৃতানি সম্যঙ্মিথ্যাবিপক্বানি গুণং দোষং বা জনযন্তি |
তত্রাহুরন্যে- প্রতি রসং পাক ইতি |
কেচিত্ত্রিবিধমিচ্ছন্তি- মধুরমম্লং কটুকং চেতি |
তত্তু ন সম্যক্, ভূতগুণাদামাচ্চান্যোঽম্লো বিপাকো নাস্তি; পিত্তং হি বিদগ্ধমম্লতামুপৈত্যাগ্নেযত্বাত্; যদ্যেবং লবণোঽপ্যন্যঃ পাকো ভবিষ্যতি, শ্লেষ্মা হি বিদগ্ধো লবণতামুপৈতীতি |
মধুরো মধুরস্যাম্লোঽম্লস্যৈবং সর্বেষামিতি কেচিদাহুঃ; দৃষ্টান্তং চোপদিশন্তি- যথা তাবত্ ক্ষীরমুখাগতং পচ্যমানং মধুরমেব স্যাত্তথা শালিযবমুদ্গাদযঃ প্রকীর্ণাঃ স্বভাবমুত্তরকালেঽপি ন পরিত্যজন্তি তদ্বদিতি |
কেচিদ্বদন্তি- অবলবন্তো বলবতাং বশমাযান্তীতি |
এবমনবস্থিতিঃ, তস্মাদসিদ্ধান্ত এষঃ |
আগমে হি দ্বিবিধ এব পাকো মধুরঃ কটুকশ্চ |
তযোর্মধুরাখ্যো গুরুঃ, কটুকাখ্যো লঘুরিতি |
তত্র পৃথিব্যপ্তেজোবায্বাকাশানাং দ্বৈবিধ্যং ভবতি গুণসাধর্ম্যাদ্গুরুতা লঘুতা চ; পৃথিব্যাপশ্চ গুর্ব্যঃ, শেষাণি লঘূনি; তস্মাদ্দ্বিবিধ এব পাক ইতি ||১০||
View original
नेत्याहुरन्ये , विपाकः प्रधानमिति |
कस्मात्? सम्यङ्मिथ्याविपक्वत्वात्; इह सर्वद्रवाण्यभ्यवहृतानि सम्यङ्मिथ्याविपक्वानि गुणं दोषं वा जनयन्ति |
तत्राहुरन्ये- प्रति रसं पाक इति |
केचित्त्रिविधमिच्छन्ति- मधुरमम्लं कटुकं चेति |
तत्तु न सम्यक्, भूतगुणादामाच्चान्योऽम्लो विपाको नास्ति; पित्तं हि विदग्धमम्लतामुपैत्याग्नेयत्वात्; यद्येवं लवणोऽप्यन्यः पाको भविष्यति, श्लेष्मा हि विदग्धो लवणतामुपैतीति |
मधुरो मधुरस्याम्लोऽम्लस्यैवं सर्वेषामिति केचिदाहुः; दृष्टान्तं चोपदिशन्ति- यथा तावत् क्षीरमुखागतं पच्यमानं मधुरमेव स्यात्तथा शालियवमुद्गादयः प्रकीर्णाः स्वभावमुत्तरकालेऽपि न परित्यजन्ति तद्वदिति |
केचिद्वदन्ति- अबलवन्तो बलवतां वशमायान्तीति |
एवमनवस्थितिः, तस्मादसिद्धान्त एषः |
आगमे हि द्विविध एव पाको मधुरः कटुकश्च |
तयोर्मधुराख्यो गुरुः, कटुकाख्यो लघुरिति |
तत्र पृथिव्यप्तेजोवाय्वाकाशानां द्वैविध्यं भवति गुणसाधर्म्याद्गुरुता लघुता च; पृथिव्यापश्च गुर्व्यः, शेषाणि लघूनि; तस्माद्द्विविध एव पाक इति ||१०||
অপরং বিপাকবাদিমতং নির্দিশন্নাহ- নেত্যাহুরিত্যাদি| নেত্যাহুরন্যে বীর্যং প্রধানমিতি কেচিন্ন ব্রুবতে| তর্হি কিং প্রধানং? বিপাকঃ প্রধানমিতি, বিশিষ্টঃ পাকো বিপাকঃ| সর্বদ্রব্যাণ্যভ্যবহৃতানীতি ইহ সর্বশব্দো বামনীযদ্রব্যাণি বর্জযিত্বা জ্ঞেযঃ| গুণং দোষং বা জনযন্তি গুণং সম্যগ্বিপক্বানি, দোষং মিথ্যাবিপক্বানি| প্রতিরসং পাক ইতি রসং রসং প্রতি পাক উত্পদ্যত ইত্যর্থঃ| তত্তু ন সম্যক্, ত্রৈবিধ্যং ন সম্যগিত্যর্থঃ| কথং পুনস্ত্রৈবিধ্যং ন সম্যগিত্যাহ- ভূতগুণাদিত্যাদি| এতেন ত্রৈবিধ্যং নিরস্তম্| প্রতিরসং পাক ইতি পূর্বোক্তং স্থাপযন্নাহ- মধুরো মধুরস্যেত্যাদি| অম্লো অম্লস্যৈবং সর্বেষামিতি কেচিদাহুরিতি পদচ্ছেদঃ| দৃষ্টান্তং চোপদিশন্তীতি প্রতিরসপাকে ইত্যর্থঃ| উখাগতং স্থালীগতম্| প্রকীর্ণা ইতি ভূমৌ নিক্ষিপ্তাঃ ফলিতপর্যন্তা ইত্যর্থঃ| তদ্বদিতি এবং রসা অপি জঠরাগ্নিপক্বাঃ স্বং রূপং মধুরাদিকং ন ত্যজন্তি| তস্মাদিত্যাদি|- তস্মাত্ কেচিত্ প্রতিরসং পাকঃ, কেচিত্ত্রিবিধঃ, অন্যেঽবলবন্তো বলবতাং বশমাযান্তীতি মতানামনিযতত্বম্; তস্মাদসিদ্ধান্ত এষ অনাগম এষ ইত্যর্থঃ| স্বমতমিদানীং দর্শযন্নাহ- আগমে ইত্যাদি| আগমে শাস্ত্রে| অন্যে ‘আগমস্ত্বিহ’ ইতি পঠন্তি; তত্র তুশব্দোঽপ্যর্থঃ, অথবা বিশেষার্থস্তুশব্দঃ, তেন প্রত্যক্ষাদিপ্রমাণাবিরুদ্ধোঽপি শিষ্টাগম ইত্যর্থঃ; অথবা, আগমশব্দোঽযং সিদ্ধান্তবচনঃ, তেন সিদ্ধান্তঃ পুনরিহেত্যর্থঃ| পৃথিব্যপ্তেজ ইত্যাদি| পৃথিব্যাদীনাং গুণসাধর্ম্যাদ্ গুণসমানতযা দ্বৈবিধ্যং ভবতীত্যর্থঃ| গুণমেবাহ- গুরুতা লঘুতা চেতি||১০||
Adhikarana 7 (11-12) · Śloka 12
ভবন্তি চাত্র- দ্রব্যেষু পচ্যমানেষু যেষ্বম্বুপৃথিবীগুণাঃ |
নির্বর্তন্তেঽধিকাস্তত্র পাকো মধুর উচ্যতে ||১১||
তেজোঽনিলাকাশগুণাঃ পচ্যমানেষু যেষু তু |
নির্বর্তন্তেঽধিকাস্তত্র পাকঃ কটুক উচ্যতে ||১২||
View original
भवन्ति चात्र- द्रव्येषु पच्यमानेषु येष्वम्बुपृथिवीगुणाः |
निर्वर्तन्तेऽधिकास्तत्र पाको मधुर उच्यते ||११||
तेजोऽनिलाकाशगुणाः पच्यमानेषु येषु तु |
निर्वर्तन्तेऽधिकास्तत्र पाकः कटुक उच्यते ||१२||
ভবন্তি চাত্রেত্যাদি| নির্বর্তন্তেঽধিকা ইতি জাযন্তে উত্কটা ইত্যর্থঃ||১১-১২||
Adhikarana 8 (13) · Śloka 13
পৃথক্ত্বদর্শিনামেষ বাদিনাং বাদসঙ্গ্রহঃ |
চতুর্ণামপি সামগ্র্যমিচ্ছন্ত্যত্র বিপশ্চিতঃ ||১৩||
View original
पृथक्त्वदर्शिनामेष वादिनां वादसङ्ग्रहः |
चतुर्णामपि सामग्र्यमिच्छन्त्यत्र विपश्चितः ||१३||
এবং দ্রব্যরসবীর্যবিপাকবাদিনাং সবিবাদহেতূনি মতানি নির্দিশ্য স্বমতং দ্রব্যাদিসামগ্র্যলক্ষণং নির্দিশন্নাহ- পৃথক্ত্বদর্শিনামিত্যাদি| পৃথক্ত্বদর্শিনাং ভেদদর্শিনাম্, এষ বাদসঙ্গ্রহ ইতি যোজ্যম্| বাদসঙ্গ্রহশ্চ দ্রব্যং প্রধানং, রসাঃ প্রধানমিত্যাদিকঃ| স্বমতমাহ- চতুর্ণামিত্যাদি| চতুর্ণাং রসগুণবীর্যবিপাকানাম্| অপিশব্দঃ সমুচ্চযে| ন কেবলমেকস্য দ্বযোস্ত্রযাণাং বা, চতুর্ণামপীত্যর্থঃ| সামগ্র্যং সমুদাযত্বম্| ইচ্ছন্তি মন্যন্তে| অত্র দ্রব্যে| বিপশ্চিতঃ পণ্ডিতাঃ||১৩||
Adhikarana 9 (14) · Śloka 14
তদ্দ্রব্যমাত্মনা কিঞ্চিত্কিঞ্চিদ্বীর্যেণ সেবিতম্ |
কিঞ্চিদ্রসবিপাকাভ্যাং দোষং হন্তি করোতি বা ||১৪||
View original
तद्द्रव्यमात्मना किञ्चित्किञ्चिद्वीर्येण सेवितम् |
किञ्चिद्रसविपाकाभ्यां दोषं हन्ति करोति वा ||१४||
ননু, তর্হি দ্রব্যমেব ক্রিযাকারি ন রসাদয ইত্যাশঙ্ক্যাহ- তদিত্যাদি|| আত্মনা স্বযমেব, দ্রব্যমাত্মনা কৃত্বা কিঞ্চিদ্দোষং হন্তি করোতি বা, কিঞ্চিদ্দ্রব্যমেব বীর্যেণ কৃত্বা হন্তি করোতি বা, কিঞ্চিদ্ধন্তি করোতি বা রসবিপাকাভ্যাং কৃত্বা, সর্বত্র দ্রব্যং হননে করণে চ কর্তৃকারকং; তত্র দ্রব্যমাত্মনা পার্থিবাপ্যতৈজসবাযব্যাকাশীযস্বরূপেণ দোষং হন্তি, যথা- খদিরঃ কুষ্ঠং, দোষশব্দোঽত্র ব্যাধাবপি বর্ততে; বীর্যেণ দ্বিবিধেনাষ্টবিধেন বা সেবিতং দ্রব্যং দোষং হন্তি, তচ্চ মহত্পঞ্চমূলাদিকমেতস্মিন্নধ্যাযে কথিতমেব; রসেন কৃত্বা দ্রব্যং দোষং হন্তি, যথা- তিক্তা গুডূচ্যুষ্ণবীর্যাঽপি পিত্তং শমযতি; বিপাকেন কৃত্বা দ্রব্যং দোষং হন্তি, যথা- শুণ্ঠী কটুকাঽপি বাতং শমযতি, মধুরবিপাকত্বাত্||১৪||
Adhikarana 10 (15) · Śloka 15
পাকো নাস্তি বিনা বীর্যাদ্বীর্যং নাস্তি বিনা রসাত্ |
রসো নাস্তি বিনা দ্রব্যাদ্দ্রব্যং শ্রেষ্ঠতমং স্মৃতম্ ||১৫||
View original
पाको नास्ति विना वीर्याद्वीर्यं नास्ति विना रसात् |
रसो नास्ति विना द्रव्याद्द्रव्यं श्रेष्ठतमं स्मृतम् ||१५||
রসাদীনাং দ্রব্যকার্যত্বাদ্দ্রব্যস্য প্রাধান্যং দর্শযন্নাহ- পাক ইত্যাদি| শ্রেষ্ঠতমং প্রশস্যতমম্| এতেনাশ্রযো দ্রব্যম্, আশ্রযিণো রসাদযঃ||১৫||
Adhikarana 11 (16-18) · Śloka 18
জন্ম তু দ্রব্যরসযোরন্যোন্যাপেক্ষিকং স্মৃতম্ |
অন্যোন্যাপেক্ষিকং জন্ম যথা স্যাদ্দেহদেহিনোঃ ||১৬||
বীর্যসঞ্জ্ঞা গুণা যেঽষ্টৌ তেঽপি দ্রব্যাশ্রযাঃ স্মৃতাঃ |
রসেষু ন ভবন্ত্যেতে নির্গুণাস্তু গুণাঃ স্মৃতাঃ ||১৭||
দ্রব্যে দ্রব্যাণি যস্মাদ্ধি বিপচ্যন্তে ন ষড্রসাঃ |
শ্রেষ্ঠং দ্রব্যমতো জ্ঞেযং, শেষা ভাবাস্তদাশ্রযাঃ ||১৮||
View original
जन्म तु द्रव्यरसयोरन्योन्यापेक्षिकं स्मृतम् |
अन्योन्यापेक्षिकं जन्म यथा स्याद्देहदेहिनोः ||१६||
वीर्यसञ्ज्ञा गुणा येऽष्टौ तेऽपि द्रव्याश्रयाः स्मृताः |
रसेषु न भवन्त्येते निर्गुणास्तु गुणाः स्मृताः ||१७||
द्रव्ये द्रव्याणि यस्माद्धि विपच्यन्ते न षड्रसाः |
श्रेष्ठं द्रव्यमतो ज्ञेयं, शेषा भावास्तदाश्रयाः ||१८||
কার্যকারণভাবেঽপি যথাঽগ্নের্ধূমো জাযতে নৈবং রসাদযো দ্রব্যাজ্জাযন্তে কিং তর্হি দ্রব্যরসাদীনাং চ সহৈব জন্মেতি দর্শযন্নাহ- জন্ম ত্বিত্যাদি| অন্যোন্যাপেক্ষিকমিতি অন্যোন্যাশ্রিতমেকবেলোত্পত্তিরিত্যর্থঃ| কিমিবেত্যাহ- অন্যোন্যেত্যাদি| দেহঃ শরীরং, দেহী আত্মা| এবং রসং দ্রব্যাশ্রযং প্রতিপাদ্য বীর্যমপি দ্রব্যাশ্রযং প্রতিপাদযন্নাহ- বীর্যসঞ্জ্ঞা ইত্যাদি| অপিশব্দাদন্যেঽপি স্থূলসূক্ষ্মাদযো গুণা দ্রব্যাশ্রযা এব| নির্গুণাস্তু গুণাঃ স্মৃতা ইতি| এতে শীতাদযঃ স্থূলসূক্ষ্মাদযশ্চান্যে গুণাঃ, রসোঽপি গুণঃ, অতো গুণেষু গুণা ন সম্ভবন্তি তস্মাদ্দ্রব্যস্যৈবৈতে শীতাদযো গুণা ইতি| তথা বিপাকমপি দ্রব্যাশ্রযমেব প্রতিপাদযন্নাহ- দ্রব্যে ইত্যাদি| দ্রব্যে পঞ্চভূতাত্মকদেহে, দ্রব্যাণি আহারদ্রব্যাণি; ন ষড্রসাঃ, নিরবযবত্বাত্| শেষা ভাবা ইতি রসাদয ইত্যর্থঃ, তদাশ্রযা ইতি দ্রব্যাশ্রযা ইত্যর্থঃ| অত্র পাঠান্তরাণি তদ্ব্যাখ্যানান্তরাণি চ বহূনি সন্তি, তানি বিস্তরভযান্ন লিখিতানি||১৬-১৮||
Adhikarana 12 (19) · Śloka 19
অমীমাংস্যান্যচিন্ত্যানি প্রসিদ্ধানি স্বভাবতঃ |
আগমেনোপযোজ্যানি ভেষজানি বিচক্ষণৈঃ ||১৯||
View original
अमीमांस्यान्यचिन्त्यानि प्रसिद्धानि स्वभावतः |
आगमेनोपयोज्यानि भेषजानि विचक्षणैः ||१९||
যথোক্তভেষজানাং স্ববুদ্ধ্যা বিচারনিষেধং নিদর্শযন্নাহ- অমীমাংস্যানীত্যাদি| অমীমাংস্যানি ন বিচার্যাণি, অচিন্ত্যানি যান্যেবাচিন্ত্যানি তান্যেবামীমাংস্যানি| কানি পুনস্তানি? খদিরতুবরকরসাঞ্জনহরিদ্রাদীনি কুষ্ঠঘ্নানি, ন তু সর্বাণি দ্রব্যাণি; অন্যথা ‘বর্গমপি বর্গেণোপসৃজেত্’, তথা ‘বীজেনানেন মতিমান্ কুর্যাদ্বস্তিশতান্যপি’(চি. অ. ৩৮) ইত্যাদি বিরুদ্ধং ভবেত্| স্বভাবতো জন্মতঃ| অন্যে তু আগমে যানি ভেষজানি প্রসিদ্ধানি তান্যমীমাংসান্যবিচারণীযানি, কুতো হেতোরবিচার্যাণি? যতঃ স্বভাবতোঽচিন্ত্যানি তেষাং স্বভাবশ্চিন্তযিতুং ন শক্যত ইত্যর্থঃ; যথা দ্রবত্বমপামুষ্ণত্বমগ্নেরিত্যাদি| কথং পুনস্তানি প্রযোজ্যানীত্যাহ- আগমেনোপযোজ্যানি; আগমেনৈবৈকেনোপযোগঃ কার্য ইত্যর্থঃ||১৯||
Adhikarana 13 (20-21) · Śloka 21
প্রত্যক্ষলক্ষণফলাঃ প্রসিদ্ধাশ্চ স্বভাবতঃ |
নৌষধীর্হেতুভির্বিদ্বান্ পরীক্ষেত কদাচন ||২০||
সহস্রেণাপি হেতূনাং নাম্বষ্ঠাদির্বিরচযেত্ |
তস্মাত্তিষ্ঠেত্তু মতিমানাগমে ন তু হেতুষু ||২১||
View original
प्रत्यक्षलक्षणफलाः प्रसिद्धाश्च स्वभावतः |
नौषधीर्हेतुभिर्विद्वान् परीक्षेत कदाचन ||२०||
सहस्रेणापि हेतूनां नाम्बष्ठादिर्विरचयेत् |
तस्मात्तिष्ठेत्तु मतिमानागमे न तु हेतुषु ||२१||
ননু, অনুমানবিরুদ্ধানি কথমাগমৈকপ্রযোজ্যানীত্যাশঙ্ক্য, আগমস্য প্রত্যক্ষফলত্বেন বলীযস্ত্বং দর্শযন্নাহ- প্রত্যক্ষেত্যাদি| প্রত্যক্ষলক্ষণফলা হিতাহিতভেদেন| কুতঃ পুনর্হেতুভির্ন পরীক্ষণীযং ভেষজং প্রসিদ্ধলক্ষণফলমিত্যাহ- সহস্রেণেত্যাদি||২০-২১||
Adhikarana puShpikA · Śloka 40
ইতি সুশ্রুতসংহিতাযাং সূত্রস্থানে দ্রব্যগুণরসবীর্যবিপাকবিজ্ঞানীযো নাম চত্বারিংশত্তমোঽধ্যাযঃ ||৪০||
View original
इति सुश्रुतसंहितायां सूत्रस्थाने द्रव्यगुणरसवीर्यविपाकविज्ञानीयो नाम चत्वारिंशत्तमोऽध्यायः ||४०||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে চত্বারিংশোঽধ্যাযঃ||৪০||