Adhikarana 1 (1-2) · Śloka 2
অথাতঃ কৃত্যাকৃত্যবিধিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः कृत्याकृत्यविधिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
তত্র কৃত্যাঃ সাধ্যাঃ; তে দ্বিবিধাঃ- সুখসাধ্যাঃ, কৃচ্ছ্রসাধ্যাশ্চ| অকৃত্যা অসাধ্যাঃ; তেঽপি দ্বিবিধাঃ- যাপ্যাঃ, প্রত্যাখ্যেযাশ্চ; ইতি কৃত্যাকৃত্যপদদ্বযেন সর্বমুক্তম্||১-২||
Adhikarana 2 (3) · Śloka 3
তত্র, বযঃস্থানাং দৃঢানাং প্রাণবতাং সত্ত্ববতাং (আত্মবতাং) চ সুচিকিত্স্যা ব্রণাঃ; একস্মিন্ বা পুরুষে যত্রৈতদ্গুণচতুষ্টযং তস্য সুখসাধনীযতমাঃ | তত্র, বযঃস্থানাং প্রত্যগ্রধাতুত্বাদাশু ব্রণা রোহন্তি; দৃঢানাং স্থিরবহুমাংসত্বাচ্ছস্ত্রমবচার্যমাণং সিরাস্নায্বাদিবিশেষান্ন প্রাপ্নোতি; প্রাণবতাং বেদনাভিঘাতাহারযন্ত্রণাদিভির্ন গ্লানিরুত্পদ্যতে; সত্ত্ববতাং দারুণৈরপি ক্রিযাবিশেষৈর্ন ব্যথা ভবতি; তস্মাদেতেষাং সুখসাধনীযতমাঃ ||৩||
तत्र, वयःस्थानां दृढानां प्राणवतां सत्त्ववतां (आत्मवतां) च सुचिकित्स्या व्रणाः; एकस्मिन् वा पुरुषे यत्रैतद्गुणचतुष्टयं तस्य सुखसाधनीयतमाः | तत्र, वयःस्थानां प्रत्यग्रधातुत्वादाशु व्रणा रोहन्ति; दृढानां स्थिरबहुमांसत्वाच्छस्त्रमवचार्यमाणं सिरास्नाय्वादिविशेषान्न प्राप्नोति; प्राणवतां वेदनाभिघाताहारयन्त्रणादिभिर्न ग्लानिरुत्पद्यते; सत्त्ववतां दारुणैरपि क्रियाविशेषैर्न व्यथा भवति; तस्मादेतेषां सुखसाधनीयतमाः ||३||
🔊 Audio coming soon
তত্র যথা ব্রণস্যাকৃতিগন্ধবর্ণাদিবিশেষাঃ সাধ্যাসাধ্যবিধৌ ভবন্তি, তথাঽঽতুরস্যাপি কেঽপি কেঽপি গুণা ভবন্তি, তাংস্তান্ দর্শযন্নাহ- তত্র বযঃস্থানামিত্যাদি| বযঃস্থানাং তরুণানাং; দৃঢা গূঢসন্ধিসিরাস্নাযবঃ, এতেন সুসংহতসমশরীরা অভিপ্রেতাঃ; প্রাণবতাং শক্তিযুক্তানাং; সত্ত্ববতাং ব্যসনেঽপ্যনাকুলানাং; চকারাদনুক্তাঽপ্যাতুরোপক্রমণীযোক্তা আতুরস্য গুণসম্পত্ সমুচ্চীযতে| প্রাণবতামিত্যস্যাগ্রে ‘আত্মবতাং’ ইতি পঞ্চমং গুণং কেচিত্ পঠন্তি| তত্র, আত্মবতাং জিতেন্দ্রিযাণামিত্যর্থঃ| অত্রৈকগুণেন সুখসাধ্যত্বং, দ্বাভ্যাং ত্রিভিশ্চ সুখসাধ্যতরত্বং, চতুর্ভিঃ সুখসাধ্যতমত্বং চ, এতদেব প্রকটযন্নাহ- একস্মিন্ বা পুরুষ ইত্যাদি| বাশব্দ একত্র সর্বগুণানাং দুষ্প্রাপ্তিখ্যাপনার্থঃ| তস্যেতি পুরুষস্যেত্যর্থঃ| সুখসাধনীযতমা ‘ব্রণা’ ইতি শেষঃ| তত্র যেষাং গুণানাং যেন যেন সুখসাধ্যত্বং তত্তন্নির্দিশন্নাহ- তত্র বযঃস্থানামিত্যাদি| প্রত্যগ্রং নূতনম্| স্থিরম্ অচলম্| প্রাণবতামিত্যাদি| গ্লানিরত্র শরীরশৈথিল্যম্| অত্রাপি ‘আত্মবতাম্’ ইতি পঞ্চমগুণস্য কেচিদ্ধেতুং পঠন্তি, স চাভাবান্ন লিখিতঃ| সত্ত্ববতামিত্যাদি| দারুণৈর্দুঃসহৈঃ, ক্রিযাবিশেষৈশ্চিকিত্সাপ্রকারৈঃ| তস্মাদিত্যাদি| এতেষাং পুরুষাণামিত্যর্থঃ| সুখসাধনীযতমাঃ ‘ব্রণা’ ইতি শেষঃ||৩||
Adhikarana 3 (4) · Śloka 4
ত এব বিপরীতগুণা বৃদ্ধকৃশাল্পপ্রাণভীরুষু দ্রষ্টব্যাঃ ||৪||
त एव विपरीतगुणा वृद्धकृशाल्पप्राणभीरुषु द्रष्टव्याः ||४||
🔊 Audio coming soon
পূর্বোক্তগুণানাং বিপর্যযমাহ- ত এব বিপরীতগুণা ইত্যাদি| একগুণাভাবাত্ কৃচ্ছ্রসাধ্যত্বং, দ্বিত্রিগুণাভাবাত্ কৃচ্ছ্রসাধ্যতরত্বং, চতুর্গুণাভাবাত্ কৃচ্ছ্রসাধ্যতমত্বম্| অত্র কেচিত্ ‘অনাত্মবত্সু চ’ ইতি পঞ্চমং বিপরীতগুণং পঠন্তি| তেষাং মতে চকারেণাতুরোপক্রমণীযোক্তগুণাসম্পূর্ণতাঽনুক্তাঽপি সমুচ্চীযতে||৪||
Adhikarana 4 (5) · Śloka 5
স্ফিক্পাযুপ্রজননললাটগণ্ডৌষ্ঠপৃষ্ঠকর্ণফলকোষোদরজত্রুমুখাভ্যন্তরসংস্থাঃ সুখরোপণীযা ব্রণাঃ ||৫||
स्फिक्पायुप्रजननललाटगण्डौष्ठपृष्ठकर्णफलकोषोदरजत्रुमुखाभ्यन्तरसंस्थाः सुखरोपणीया व्रणाः ||५||
🔊 Audio coming soon
আতুরবিশেষেণ কৃত্যাকৃত্যান্ প্রতিপাদ্য তদবযববিশেষসম্ভবত্বেন ব্রণানাং কৃত্যত্বং দর্শযন্নাহ- স্ফিক্পাযুপ্রজননেত্যাদি| স্ফিচৌ কটিপ্রোথৌ ‘পোদৌ’ ইতি লোকে, পাযুর্গুদং, প্রজননং গুহ্যপ্রদেশঃ, গণ্ডৌ গল্লৌ, ফলকোষোঽণ্ডকোষঃ, জত্রু গ্রীবামূলম্||৫||
Adhikarana 5 (6-7) · Śloka 7
অক্ষিদন্তনাসাপাঙ্গশ্রোত্রনাভিজঠরসেবনীনিতম্বপার্শ্বকুক্ষিবক্ষঃকক্ষাস্তনসন্ধিভাগগতাঃ সফেনপূযরক্তানিলবাহিনোঽন্তঃশল্যাশ্চ দুশ্চিকিত্স্যাঃ; অধোভাগাশ্চোর্ধ্বভাগনির্বাহিণো , রোমান্তোপনখমর্মজঙ্ঘাস্থিসংশ্রিতাশ্চ, ভগন্দরমপি চান্তর্মুখং সেবনীকুটকাস্থিসংশ্রিতম্ ||৬|| কুষ্ঠিনাং বিষজুষ্টানাং শোষিণাং মধুমেহিনাম্ | ব্রণাঃ কৃচ্ছ্রেণ সিধ্যন্তি যেষাং চাপি ব্রণে ব্রণাঃ ||৭||
अक्षिदन्तनासापाङ्गश्रोत्रनाभिजठरसेवनीनितम्बपार्श्वकुक्षिवक्षःकक्षास्तनसन्धिभागगताः सफेनपूयरक्तानिलवाहिनोऽन्तःशल्याश्च दुश्चिकित्स्याः; अधोभागाश्चोर्ध्वभागनिर्वाहिणो , रोमान्तोपनखमर्मजङ्घास्थिसंश्रिताश्च, भगन्दरमपि चान्तर्मुखं सेवनीकुटकास्थिसंश्रितम् ||६|| कुष्ठिनां विषजुष्टानां शोषिणां मधुमेहिनाम् | व्रणाः कृच्छ्रेण सिध्यन्ति येषां चापि व्रणे व्रणाः ||७||
🔊 Audio coming soon
সাধ্যভেদান্ কৃচ্ছ্রসাধ্যান্ দর্শযন্নাহ- অক্ষিদন্তনাসেত্যাদি| অপাঙ্গো ভ্রূপুচ্ছান্তঃ| নিতম্বঃ কটেঃ পশ্চাদ্ভাগঃ| বক্ষ উরঃ, সন্ধিভাগঃ সন্ধিপ্রদেশঃ| বাহিশব্দঃ সফেনপূযাদিভিঃ সহ প্রত্যেকং সম্বধ্যতে| অন্তঃশল্যা আভ্যন্তরশল্যাঃ| অধোভাগাশ্চোর্ধ্বভাগনির্বাহিণ ইতি অধোভাগগতা যে ব্রণাস্তে যদোর্ধ্বমুখা ভবন্তি তদোর্ধ্বভাগনির্বাহিণ উচ্যন্তে| রোমান্তোপনখেত্যাদি রোমান্তঃ কেশান্তঃ, উপনখং নখসমীপং, জঙ্ঘাস্থি গুল্ফজান্বন্তরাস্থি| ভগন্দরমপি চান্তর্মুখমিতি গুদে অভ্যন্তরং মুখং যস্যেত্যর্থঃ| সেবনীকুটকাস্থিসংশ্রিতং ‘ভগন্দরম্’ ইতি শেষঃ, কুটকাস্থি শ্রোণিকাণ্ডাস্থি, ‘মযূরাস্থি’ ইতি লোকো ব্রূতে| অন্যে তু ‘কুটকাস্থিসংশ্রিতং’ ইত্যত্র ‘উপস্থসংশ্রিতং’ ইতি পঠন্তি; তেষাং মতে উপস্থো মূত্রমার্গঃ| বিষজুষ্টানামিতি দূষীবিষজুষ্টানাং পুরুষাণাং যে ব্রণা ইত্যর্থঃ||৬-৭||
Adhikarana 6 (8) · Śloka 8
অবপাটিকানিরুদ্ধপ্রকশসন্নিরুদ্ধগুদজঠরাণি, গ্রন্থিক্ষতক্রিমযঃ প্রতিশ্যাযজাঃ কোষ্ঠজাশ্চ ত্বগ্দোষিণাং প্রমেহিণাং বা যে পরিক্ষতেষু দৃশ্যন্তে, শর্করা সিকতামেহো বাতকুণ্ডলিকাঽষ্ঠীলা দন্তশর্করোপকুশঃ কণ্ঠশালূকং নিষ্কোষণদূষিতাশ্চ দন্তবেষ্টা বিসর্পাস্থিক্ষতোরঃক্ষতব্রণগ্রন্থিপ্রভৃতযশ্চ যাপ্যাঃ ||৮||
अवपाटिकानिरुद्धप्रकशसन्निरुद्धगुदजठराणि, ग्रन्थिक्षतक्रिमयः प्रतिश्यायजाः कोष्ठजाश्च त्वग्दोषिणां प्रमेहिणां वा ये परिक्षतेषु दृश्यन्ते, शर्करा सिकतामेहो वातकुण्डलिकाऽष्ठीला दन्तशर्करोपकुशः कण्ठशालूकं निष्कोषणदूषिताश्च दन्तवेष्टा विसर्पास्थिक्षतोरःक्षतव्रणग्रन्थिप्रभृतयश्च याप्याः ||८||
🔊 Audio coming soon
সাধ্যান্ দ্বিবিধানভিধাযাসাধ্যভেদং যাপ্যং দর্শযন্নাহ- অবপাটিকেত্যাদি| গ্রন্থিক্ষতক্রিময ইতি গ্রন্থ্যুপলক্ষিতো যো ক্ষতস্তত্র যে কৃময ইত্যর্থঃ| প্রতিশ্যাযজাঃ কোষ্ঠজাশ্চ কৃময ইতি সম্বন্ধঃ| ত্বগ্দোষিণাং প্রমেহিণাং বা যে পরিক্ষতেষু দৃশ্যন্ত ইতি ত্বগ্দোষপ্রমেহরোগযোঃ ক্ষতে সতি যে কৃমযো দৃশ্যন্ত ইত্যর্থঃ| শর্করেতি অশ্মরী বাতভিন্নেত্যর্থঃ| সিকতামেহো মেহবিশেষঃ| বাতকুণ্ডলিকাষ্ঠীলে মূত্রাঘাতবিশেষৌ| নিষ্কোষণদূষিতাশ্চ দন্তবেষ্টা ইতি নিষ্কোষণং সবিষো দন্তরঞ্জকানাং শাণোঽভিধীযতে; এতেনৈতদুক্তং ভবতি- দন্তান্ রঞ্জযন্তি যে পুরুষাস্তেষাং যদ্দন্তনিশানার্থং সবিষং দন্তকাষ্ঠং তেন যদা দূষিতা দন্তবেষ্টা ইত্যর্থঃ| ‘নিশ্চক্ষণদূষিতা’ ইত্যন্যে পঠন্তি, ‘নিষ্কর্ষণদূষিতা’ ইত্যপরে, তত্রাপি স এবার্থঃ| অত্রাবপাটিকেত্যাদৌ পাঠে যে ব্রণাঃ সম্ভবন্তি তে ব্রণা এব যাপ্যাঃ, যে চ ব্যাধযস্তেষু ব্যাধিষু সত্সু যে ব্রণাস্তে যাপ্যা ইত্যভিপ্রাযঃ||৮||
Adhikarana 7 (9) · Śloka 9
সাধ্যা যাপ্যত্বমাযান্তি যাপ্যাশ্চাসাধ্যতাং তথা | ঘ্নন্তি প্রাণানসাধ্যাস্তু নরাণামক্রিযাবতাম্ ||৯||
साध्या याप्यत्वमायान्ति याप्याश्चासाध्यतां तथा | घ्नन्ति प्राणानसाध्यास्तु नराणामक्रियावताम् ||९||
🔊 Audio coming soon
ত এতে নির্দিষ্টা ন নিযমেন সাধ্যাঃ সাধ্যা এব, যাপ্যা বা যাপ্যা এবেত্যুক্তেষ্বনিযমং ক্রিযযা দর্শযন্নাহ- সাধ্যা ইত্যাদি| ঘ্নন্তি প্রাণানসাধ্যাস্ত্বিতি কালান্তরপ্রাণহারিণঃ সদ্যঃ প্রাণান্ ঘ্নন্তীত্যর্থঃ| অক্রিযাবতামিতি ক্রিযারহিতানাং বিরুদ্ধক্রিযাকারিণাং চ||৯||
Adhikarana 8 (10-11) · Śloka 11
যাপনীযং বিজানীযাত্ ক্রিযা ধারযতে তু যম্ | ক্রিযাযাং তু নিবৃত্তাযাং সদ্য এব বিনশ্যতি ||১০|| প্রাপ্তা ক্রিযাং ধারযতি যাপ্যব্যাধিতমাতুরম্ | প্রপতিষ্যদিবাগারং বিষ্কম্ভঃ সাধুযোজিতঃ ||১১||
यापनीयं विजानीयात् क्रिया धारयते तु यम् | क्रियायां तु निवृत्तायां सद्य एव विनश्यति ||१०|| प्राप्ता क्रियां धारयति याप्यव्याधितमातुरम् | प्रपतिष्यदिवागारं विष्कम्भः साधुयोजितः ||११||
🔊 Audio coming soon
অথ কীদৃশো যাপ্যস্তমাহ- যাপনীযং বিজানীযাদিত্যাদি| যাপ্যে প্রাণধারণমেব ক্রিযা করোতি ন পুনর্ব্যাধিমূলোচ্ছেদমিতি দর্শযন্নাহ- প্রাপ্তা ক্রিযেত্যাদি|- প্রাপ্তা বৈদ্যেন প্রযুক্তা| বিষ্কম্ভঃ স্থূণা||১০-১১||
Adhikarana 9 (12) · Śloka 12
অত ঊর্ধ্বমসাধ্যান্ বক্ষ্যামঃ- মাংসপিণ্ডবদুদ্গতাঃ প্রসেকিনোঽন্তঃপূযবেদনাবন্তোঽশ্বাপানবদুদ্বৃত্তৌষ্ঠাঃ , কেচিত্ কঠিনা গোশৃঙ্গবদুদ্গতমৃদুমাংসপ্ররোহাঃ, অপরে দুষ্টরুধিরাস্রাবিণস্তনুশীতপিচ্ছিলাস্রাবিণো বা মধ্যোন্নতাঃ, কেচিদবসন্নশুষিরপর্যন্তাঃ শণতূলবত্ স্নাযুজালবন্তো দুর্দর্শনাঃ, বসামেদোমজ্জমস্তুলুঙ্গস্রাবিণশ্চ দোষসমুত্থাঃ, পীতাসিতমূত্রপুরীষবাতবাহিনশ্চ কোষ্ঠস্থাঃ, ত এবোভযতোভাগব্রণমুখেষু পূযরক্তনির্বাহিণঃ, (ক্ষীণমাংসানাং চ ) সর্বতোগতযশ্চাণুমুখা মাংসবুদ্বুদবন্তঃ, সশব্দবাতবাহিনশ্চ শিরঃকণ্ঠস্থাঃ, ক্ষীণমাংসানাং চ পূযরক্তনির্বাহিণোঽরোচকাবিপাককাসশ্বাসোপদ্রবযুক্তাঃ, ভিন্নে বা শিরঃকপালে যত্র মস্তুলুঙ্গদর্শনং ত্রিদোষলিঙ্গপ্রাদুর্ভাবঃ কাসশ্বাসৌ বা যস্যেতি ||১২||
अत ऊर्ध्वमसाध्यान् वक्ष्यामः- मांसपिण्डवदुद्गताः प्रसेकिनोऽन्तःपूयवेदनावन्तोऽश्वापानवदुद्वृत्तौष्ठाः , केचित् कठिना गोशृङ्गवदुद्गतमृदुमांसप्ररोहाः, अपरे दुष्टरुधिरास्राविणस्तनुशीतपिच्छिलास्राविणो वा मध्योन्नताः, केचिदवसन्नशुषिरपर्यन्ताः शणतूलवत् स्नायुजालवन्तो दुर्दर्शनाः, वसामेदोमज्जमस्तुलुङ्गस्राविणश्च दोषसमुत्थाः, पीतासितमूत्रपुरीषवातवाहिनश्च कोष्ठस्थाः, त एवोभयतोभागव्रणमुखेषु पूयरक्तनिर्वाहिणः, (क्षीणमांसानां च ) सर्वतोगतयश्चाणुमुखा मांसबुद्बुदवन्तः, सशब्दवातवाहिनश्च शिरःकण्ठस्थाः, क्षीणमांसानां च पूयरक्तनिर्वाहिणोऽरोचकाविपाककासश्वासोपद्रवयुक्ताः, भिन्ने वा शिरःकपाले यत्र मस्तुलुङ्गदर्शनं त्रिदोषलिङ्गप्रादुर्भावः कासश्वासौ वा यस्येति ||१२||
🔊 Audio coming soon
মাংসপিণ্ডবদুদ্গতা ইত্যাদি| প্রসেকিনঃ স্রাববহুলাঃ| অশ্বাপানবত্ বডবাযোনিবত্, উদ্বৃত্তৌষ্ঠা উত্সন্নবর্ত্মানঃ| কেচিদবসন্নশুষিরপর্যন্তা ইতি নিম্নচ্ছিদ্রাবসানা ইত্যর্থঃ| বসা মাংসনির্যাসঃ, মস্তুলুঙ্গঃ অর্ধবিলীনঘৃতাকারো মস্তকমজ্জা| দোষসমুত্থা ইতি বাতাদিদোষজা ন পুনরভিঘাতজাঃ, তে হ্যেবম্ভূতা অপি সিধ্যন্তি| দোষজানসাধ্যানভিধায কোষ্ঠস্থান্ দর্শযিতুমাহ- পীতাসিতমূত্রেত্যাদি| ত এব কোষ্ঠস্থা এব| উভযতোভাগব্রণমুখেষ্বিতি গুদবদনোভযমার্গাভ্যাং ব্রণমুখমার্গেণ পূযাদিবাহিনঃ| সর্বব্রণবস্তুগতা ব্রণাঃ কীদৃশা অসাধ্যা ইত্যাহ- সর্বত ইত্যাদি| শিরঃকণ্ঠস্থাঃ কীদৃশা অসাধ্যা ইত্যাহ- সশব্দেত্যাদি| ক্ষীণমাংসানাং কীদৃশা অসাধ্যা ইত্যাহ- ক্ষীণেত্যাদি| শিরঃকপালে ভিন্নে| কীদৃশা অসাধ্যা ইত্যাহ- ভিন্নে বা শিরঃকপাল ইত্যাদি||১২||
Adhikarana 10 (13) · Śloka 13
ভবতি চাত্র- বসাং মেদোঽথ মজ্জানং মস্তুলুঙ্গং চ যঃ স্রবেত্ | আগন্তুস্তু ব্রণঃ সিধ্যেন্ন সিধ্যেদ্দোষসম্ভবঃ ||১৩||
भवति चात्र- वसां मेदोऽथ मज्जानं मस्तुलुङ्गं च यः स्रवेत् | आगन्तुस्तु व्रणः सिध्येन्न सिध्येद्दोषसम्भवः ||१३||
🔊 Audio coming soon
অনন্তরোক্তমেবার্থং সুখাববোধায শ্লোকেন দর্শযন্নাহ- ভবতি চাত্রেত্যাদি||১৩||
Adhikarana 11 (13-14) · Śloka 14
অমর্মোপহিতে দেশে সিরাসন্ধ্যস্থিবর্জিতে | বিকারোযোঽনুপর্যেতি তদসাধ্যস্য লক্ষণম্ ||১৪||
अमर्मोपहिते देशे सिरासन्ध्यस्थिवर्जिते | विकारोयोऽनुपर्येति तदसाध्यस्य लक्षणम् ||१४||
🔊 Audio coming soon
অপরিগৃহীতানামপি ব্রণানামবস্থাবিশেষপ্রাপ্ত্যাঽসাধ্যত্বং দর্শযন্নাহ- অমর্মেত্যাদি|- অমর্মোপহিতে ন মর্মসমীপব্যবস্থিতে, দেশে শরীরাবযবে ত্বচীত্যর্থঃ| সিরাসন্ধ্যস্থিবর্জিত ইত্যত্রাদিশব্দো লুপ্তো দ্রষ্টব্যঃ, তেন সিরাসন্ধ্যস্থ্যাদিবর্জিত ইত্যর্থঃ; এতেন স্নাযুধমনীবর্জিত ইত্যুক্তম্| অন্যে সিরাদিপদেন স্থূলসিরাবর্জিত ইত্যাহুঃ| বিকারো যোঽনুপর্যেতি বিকারোঽত্র ব্রণঃ, অনুপর্যেতি সর্বতো ধাতূন্ ব্যাপ্নোতি চিকিত্স্যমানোঽপি, তদসাধ্যস্য লক্ষণম্; এতেন সুবৈদ্যোপক্রমেঽপি সুপ্রদেশজাতেঽপি যদা সর্বধাতুব্যাপ্তির্দৃশ্যতে, তদা জ্ঞাযতে কর্মজোঽযং ব্যাধিরিতি| অন্যে তু বিকারশব্দেন কুষ্ঠবাতরক্তক্ষযাদীনপি কথযন্তি||১৩-১৪||
Adhikarana 12 (15-16) · Śloka 16
ক্রমেণোপচযং প্রাপ্য ; ধাতূননুগতঃ শনৈঃ | ন শক্য উন্মূলযিতুং বৃদ্ধো বৃক্ষ ইবামযঃ ||১৫|| স স্থিরত্বান্মহত্ত্বাচ্চ ধাত্বনুক্রমণেন চ | নিহন্ত্যৌষধবীর্যাণি মন্ত্রান্ দুষ্টগ্রহো যথা ||১৬||
क्रमेणोपचयं प्राप्य ; धातूननुगतः शनैः | न शक्य उन्मूलयितुं वृद्धो वृक्ष इवामयः ||१५|| स स्थिरत्वान्महत्त्वाच्च धात्वनुक्रमणेन च | निहन्त्यौषधवीर्याणि मन्त्रान् दुष्टग्रहो यथा ||१६||
🔊 Audio coming soon
এবং ব্যাধেঃ কস্যচিদুত্পত্তাবেবাসাধ্যত্বং প্রতিপাদ্যাপরস্যাপি ব্যাধেঃ সাধ্যস্যাপ্যুপেক্ষযাঽসাধ্যত্বং দর্শযন্নাহ- ক্রমেণেত্যাদি| কুতঃ পুনঃ কারণাদৃষ্টফলৈরৌষধৈঃ স ব্যাধির্নোপশাম্যতীত্যাহ- স স্থিরত্বাদিত্যাদি|- স ইতি উপেক্ষিতো ব্যাধিরিত্যর্থঃ; স্থিরত্বাদিতি স্থিরত্বমপথ্যকারিণো দোষবাহুল্যাত্| কশ্চিদনুপেক্ষিতোঽপ্যুত্পত্তাবেব ব্যাধিরৌষধবীর্যাণি হন্তীত্যত্র হেত্বন্তরমাহ- মহত্ত্বাচ্চেতি|- মহত্ত্বং চোদরাদিব্যাধিনিদানবলপ্রাক্তনকর্মপরিণামসম্প্রাপ্তিবিশেষৈর্দ্রষ্টব্যং, চকারেণ রোহিণিকাবলযমুখরোগিণামৌষধবীর্যোপঘাতে স্বভাবোঽপি হেতুরিতি সমুচ্চীযতে| ধাত্বনুক্রমণেন চেতি কুষ্ঠাদিষু চৈতদ্দ্রষ্টব্যম্| দুষ্টগ্রহ ইতি স্কন্দাপস্মারাদিক ইত্যর্থঃ||১৫-১৬||
Adhikarana 13 (17) · Śloka 17
অতো যো বিপরীতঃ স্যাত্ সুখসাধ্যঃ স উচ্যতে | অবদ্ধমূলঃ ক্ষুপকো যদ্বদুত্পাটনে সুখঃ ||১৭||
अतो यो विपरीतः स्यात् सुखसाध्यः स उच्यते | अबद्धमूलः क्षुपको यद्वदुत्पाटने सुखः ||१७||
🔊 Audio coming soon
এতন্নির্দিষ্টার্থপ্রকরণবিপর্যযেণাপি সুখসাধ্যত্বং দর্শযন্নাহ- অতো যো বিপরীতঃ স্যাদিত্যাদি| মর্মসিরাস্নাযুসন্ধ্যস্থিধমনীস্থিতো যো নানুপর্যেতি স সুখসাধ্য উচ্যতে| কিংবদিত্যাহ - অবদ্ধমূল ইত্যাদি| ক্ষুপকঃ অতিবালবৃক্ষঃ||১৭||
Adhikarana 14 (18) · Śloka 18
ত্রিভির্দোষৈরনাক্রান্তঃ শ্যাবৌষ্ঠঃ পিডকী সমঃ | অবেদনো নিরাস্রাবো ব্রণঃ শুদ্ধ ইহোচ্যতে ||১৮||
त्रिभिर्दोषैरनाक्रान्तः श्यावौष्ठः पिडकी समः | अवेदनो निरास्रावो व्रणः शुद्ध इहोच्यते ||१८||
🔊 Audio coming soon
ইদানীং ব্রণস্য শুদ্ধিলক্ষণমাহ- ত্রিভির্দোষৈরনাক্রান্ত ইত্যাদি| দোষশব্দোঽত্র দোষকার্যেষু ব্রণাকৃতিগন্ধবর্ণস্রাববেদনাসু বর্ততে, কার্যে কারণোপচারাত্; যথা- ঘৃতমাযুরিতি ; তৈর্দোষাকৃতিগন্ধাদিভিরনাক্রান্তঃ| ‘ত্রিভির্দ্বন্দ্বৈঃ’ ইত্যন্যে পঠন্তি; তে তু দ্বন্দ্বশব্দমভিব্যক্তৌ বর্ণযন্তি, তেন দোষত্রযাভিব্যক্তিভিরাকৃত্যাদিভিরনাক্রান্ত ইতি স এবার্থঃ| অন্যে তু শীতোষ্ণং, মৃদুকঠিনং সংবৃতবিবৃতমিতি দ্বন্দ্বত্রযং মন্যন্তে| অপরে তু ‘দ্বন্দ্বানি দোষাঃ, তে চাত্র বাতাদযঃ,তৈরনাক্রান্ত’ ইতি ব্যাখ্যানযন্তি| শ্যাবৌষ্ঠ ইতি কিঞ্চিত্কৃষ্ণপাণ্ডুঃ, প্রসীদচ্ছোণিতত্বাত্; অন্যে শ্যাবৌষ্ঠতাং কষাযপরিষেকাভ্যঙ্গাদিকৃতাং বদন্তি| পিডকাঃ যস্য সন্তি স পিডকী, পিডকা ব্রণৌষ্ঠেঽণুমাংসাঙ্কুরাঃ| ‘অপিডকী’ ইত্যন্যে পঠন্তি, তত্র ন বিদ্যন্তে পিডকা অস্যেতি| সমঃ সমতলঃ| অবেদন ইতি ন বিদ্যতে বাতাদীনাং তোদাদিবেদনা যস্য স অবেদনঃ, সামান্যশুদ্ধব্রণবেদনা তু বিদ্যত এব, যেন সুরূঢে বক্ষ্যতি- ‘অশূনমরুজং ব্রণম্’ ইতি||১৮||
Adhikarana 15 (19) · Śloka 19
কপোতবর্ণপ্রতিমা যস্যান্তাঃ ক্লেদবর্জিতাঃ | স্থিরাশ্চিপিটিকাবন্তো রোহতীতি তমাদিশেত্ ||১৯||
कपोतवर्णप्रतिमा यस्यान्ताः क्लेदवर्जिताः | स्थिराश्चिपिटिकावन्तो रोहतीति तमादिशेत् ||१९||
🔊 Audio coming soon
রোহদ্ব্রণলক্ষণং নির্দিশন্নাহ- কপোতবর্ণপ্রতিমা ইত্যাদি|- কপোতবর্ণপ্রতিমাঃ পাণ্ডুধূসরাঃ| স্থিরাঃ কঠিনা ইত্যর্থঃ| চিপিটিকাবন্ত ইতি চর্মচেলীযুক্তাঃ; বিশুষ্যমাণত্বাত্ত্বচশ্চর্মচেলীসম্ভবঃ| ব্রণে শুষ্কসূক্ষ্মশ্বেতা যা উচ্চটতি ত্বক্ সা ‘চর্মচেলী’ ইতি কথ্যতে| অন্যে তু ‘অপিটিকাবন্ত’ ইতি পঠন্তি| রোহতি রোহং গচ্ছতি||১৯||
Adhikarana 16 (20) · Śloka 20
রূঢবর্ত্মানমগ্রন্থিমশূনমরুজং ব্রণম্ | ত্বক্সবর্ণং সমতলং সম্যগ্রূঢং বিনির্দিশেত্ ||২০||
रूढवर्त्मानमग्रन्थिमशूनमरुजं व्रणम् | त्वक्सवर्णं समतलं सम्यग्रूढं विनिर्दिशेत् ||२०||
🔊 Audio coming soon
সম্যগ্রূঢব্রণস্য লক্ষণং দর্শযন্নাহ- রূঢবর্ত্মানমগ্রন্থিমিত্যাদি| রূঢবর্ত্মানং রূঢমার্গং রূঢব্রণবস্ত্বিত্যর্থঃ| অগ্রন্থিপদেনোপরিষ্টাচ্ছূনতা নিষিদ্ধা| ত্বক্সবর্ণং ত্বচা সমানবর্ণমিত্যর্থঃ| সমতলমিতি সদৃশং করতলেন জিহ্বাতলেন বেত্যর্থঃ, অন্যে ‘ত্বগ্রন্থিপদেনোপরিষ্টাচ্ছূনতা নিষিদ্ধা,সমতলশব্দেনাধোনিম্নতা নিষিধ্যতে’ ইতি বদন্তি| তেষাং মতে ‘সমস্তলে স সমতল’ ইতি যোজ্যতে||২০||
Adhikarana 17 (21) · Śloka 21
দোষপ্রকোপাদ্ব্যাযামাদভিঘাতাদজীর্ণতঃ | হর্ষাত্ ক্রোধাদ্ভযাদ্বাঽপি ব্রণো রূঢোঽপি দীর্যতে ||২১||
दोषप्रकोपाद्व्यायामादभिघातादजीर्णतः | हर्षात् क्रोधाद्भयाद्वाऽपि व्रणो रूढोऽपि दीर्यते ||२१||
🔊 Audio coming soon
কেচিদত্রাধ্যাযান্তে রূঢব্রণব্যাপত্পাঠং পঠন্তি ‘দোষপ্রকোপাত্’ ইত্যাদি; অযং চ শ্লোকঃ সর্বেষ্বপি নিবন্ধেষ্বপরিগৃহীত ইত্যনার্ষঃ, তস্মান্ন পঠনীয ইতি||২১||
Adhikarana puShpikA · Śloka 23
ইতি সুশ্রুতসংহিতাযাং সূত্রস্থানে কৃত্যাকৃত্যবিধির্নাম ত্রযোবিংশোঽধ্যাযঃ ||২৩||
इति सुश्रुतसंहितायां सूत्रस्थाने कृत्याकृत्यविधिर्नाम त्रयोविंशोऽध्यायः ||२३||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে ত্রযোবিংশোঽধ্যাযঃ||২৩||