Adhikarana 1 (1-2) · Śloka 2
অথাতঃ ক্ষারপাকবিধিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः क्षारपाकविधिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| ক্ষারশব্দঃ পাকবিধিভ্যাং সহ সম্বধ্যতে||১-২||
Adhikarana 2 (3) · Śloka 3
শস্ত্রানুশস্ত্রেভ্যঃ ক্ষারঃ প্রধানতমঃ, ছেদ্যভেদ্যলেখ্যকরণাত্ ত্রিদোষঘ্নত্বাদ্বিশেষক্রিযাবচারণাচ্চ ||৩||
शस्त्रानुशस्त्रेभ्यः क्षारः प्रधानतमः, छेद्यभेद्यलेख्यकरणात् त्रिदोषघ्नत्वाद्विशेषक्रियावचारणाच्च ||३||
🔊 Audio coming soon
শস্ত্রানুশস্ত্রেভ্য ইতি শস্ত্রাণি মণ্ডলাগ্রাদীনি, অনুশস্ত্রাণি ত্বক্সারাদীনি, তেভ্যঃ ক্ষারঃ প্রধানতমঃ, দ্বে পুনরনুশস্ত্রে অগ্নিজলৌকাখ্যে পরিশিষ্টে; তদুক্তং- ‘বিধিঃ প্রবক্ষ্যতে পশ্চাদগ্নিক্ষারজলৌকসাম্’(সূ. অ. ৮)’- ইতি; এষাং ত্রযাণামপি প্রাধান্যমস্তি, অত এবৈষাং পৃথগধ্যাযঃ; অত্র জলৌকসঃ প্রধানম্, অগ্নিঃ প্রধানতরঃ, ক্ষারঃ প্রধানতমঃ; ‘ক্ষারাদগ্নির্গরীযান্’ (সূ. অ. ১২) ইত্যত্র যথা ন বিরোধস্তথা তত্রৈব বক্ষ্যামঃ| কস্মাত্ ক্ষারস্য প্রাধান্যমিত্যত আহ- ছেদ্যেত্যাদি| ছেদ্যাদীনি কর্মাণ্যগ্নিজলৌকসোর্ন সম্ভবন্তি, তেন তাভ্যাং সকাশাত্ ক্ষারস্য প্রাধান্যং, ত্রিদোষঘ্নত্বং ক্ষারস্য নানৌষধিসমবাযাদিত্যাদিনা সাধযিষ্যতি, বিশেষক্রিযাবচারণং যথা পিত্তার্শঃসু বিশেষেণাবচারণম্ ||৩||
Adhikarana 3 (4) · Śloka 4
তত্র ক্ষরণাত্ ক্ষণনাদ্বা ক্ষারঃ ||৪||
तत्र क्षरणात् क्षणनाद्वा क्षारः ||४||
🔊 Audio coming soon
ক্ষারস্য নিরুক্তিং কুর্বন্নাহ- তত্র ক্ষরণাদিত্যাদি| ক্ষরণাদ্ দুষ্টত্বঙ্মাংসাদিচালনাত্, শাতনাদিত্যর্থঃ; অন্যে তু ক্ষরণাদ্দোষাণাং চালনাত্| ক্ষণনাত্ ত্বঙ্মাংসাদিহিংসনাত্| ‘ক্ষরণাত্’ ইত্যত্র ‘ক্ষপণাত্’ ইতি কেচিত্ পঠন্তি; ক্ষপণং শোধনমভিপ্রেতম্||৪||
Adhikarana 4 (5) · Śloka 5
নানৌষধিসমবাযাত্ত্রিদোষঘ্নঃ , শুক্লত্বাত্ সৌম্যঃ; তস্য সৌম্যস্যাপি সতো দহনপচনদারণাদিশক্তিরবিরুদ্ধা, আগ্নেযৌষধিগুণভূযিষ্ঠত্বাত্ কটুক উষ্ণস্তীক্ষ্ণঃ পাচনো বিলযনঃ শোধনো রোপণঃ শোষণঃ স্তম্ভনো লেখনঃ কৃম্যামকফকুষ্ঠবিষমেদসামুপহন্তা পুংস্ত্বস্য চাতিসেবিতঃ ||৫||
नानौषधिसमवायात्त्रिदोषघ्नः , शुक्लत्वात् सौम्यः; तस्य सौम्यस्यापि सतो दहनपचनदारणादिशक्तिरविरुद्धा, आग्नेयौषधिगुणभूयिष्ठत्वात् कटुक उष्णस्तीक्ष्णः पाचनो विलयनः शोधनो रोपणः शोषणः स्तम्भनो लेखनः कृम्यामकफकुष्ठविषमेदसामुपहन्ता पुंस्त्वस्य चातिसेवितः ||५||
🔊 Audio coming soon
ক্ষারগুণকর্মাহ- নানৌষধিসমবাযাদিত্যাদি| সমবাযঃ সংযোগঃ; যতোঽযং ক্ষারোঽনেকৌষধিসমবাযাত্ত্রিদোষঘ্নঃ, অতঃ পিত্তার্শঃস্বপি যৌগিকত্বমস্য| শুক্লত্বাত্ সৌম্য ইত্যস্যাগ্রে কেচিদপিশব্দং লুপ্তনির্দিষ্টং বর্ণযন্তি, ব্যাখ্যানযন্তি চ- ন কেবলমুষ্ণঃ সৌম্যোঽপীতি, তেনাস্য বক্ষ্যমাণমুষ্ণত্বমপি ন বিরুধ্যতে| দহনপচনদারণশক্তিরবিরুদ্ধা হিমানীবত্| পাচন ইতি দ্বিবিধোঽপি ক্ষারঃ; অত্র ব্রণশোথস্য প্রতিসারণীযঃ পাচনঃ, অন্নাজীর্ণস্য পানীযঃ| বিলযনঃ শোফস্য বাতকফভূযিষ্টস্য| শোধনো দুষ্টব্রণস্য, রোপণঃ শুদ্ধব্রণস্য, অত্র যোগশক্তিপ্রভাবাত্তিলযবকল্কবত্ ক্ষারস্য শোধনরোপণত্বং ন বিরুধ্যতে; শোধন এবাযং ক্ষারঃ, শুদ্ধস্তু ব্রণঃ স্বযমেব রোহতীত্যন্যে; ন হি শুদ্ধে ব্রণে রোপণার্থং ক্ষারোঽবচার্যতে সিরাদিক্ষণনভযাত্, তস্মাত্ পারম্পর্যেণ রোপণ ইতি; কেচিদস্য রোপণত্বং ন পঠন্ত্যেব| শোষণো ব্রণক্লেদস্য| স্তম্ভনঃ শোণিতাতিপ্রবৃত্তেঃ| উপহন্তৃশব্দঃ কৃম্যাদিভিঃ সহ প্রত্যেকং সম্বধ্যতে; কৃমযো বাহ্যাভ্যন্তরাঃ, তেষাং দ্বিবিধঃ ক্ষার উপহন্তা; আমঃ অপক্বরসঃ, মেদসঃ পানীয এবোপহন্তা; পুংস্ত্বস্য শুক্রস্য||৫||
Adhikarana 5 (6) · Śloka 6
স দ্বিবিধঃ- প্রতিসারণীযঃ, পানীযশ্চ ||৬||
स द्विविधः- प्रतिसारणीयः, पानीयश्च ||६||
🔊 Audio coming soon
ইদানীমুক্তগুণকর্মণঃ ক্ষারস্য দ্বৈবিধ্যং দর্শযন্নাহ- স দ্বিবিধ ইত্যাদি| প্রতিসারণীযঃ প্রতিসারণার্হঃ; পানীযঃ পানার্হঃ, ক্ষারোদকমিত্যর্থঃ; যে চান্যেঽপি পাক্যসর্জিকাযবক্ষারা যথারোগং বক্তব্যাস্তেষাং চূর্ণবটকাবলেহাদিষু প্রযোগঃ কর্তব্যঃ||৬||
Adhikarana 6 (7) · Śloka 7
তত্র প্রতিসারণীযঃ কুষ্ঠকিটিভদদ্রুমণ্ডলকিলাসভগন্দরার্বুদার্শোদুষ্টব্রণনাডীচর্মকীল- তিলকালকন্যচ্ছব্যঙ্গমশকবাহ্যবিদ্রধিকৃমিবিষাদিষূপদিশ্যতে , সপ্তসু চ মুখরোগেষূপজিহ্বাধিজিহ্বোপকুশদন্তবৈদর্ভেষু তিসৃষু চ রোহিণীষু, এতেষ্বেবানুশস্ত্রপ্রণিধানমুক্তম্ ||৭||
तत्र प्रतिसारणीयः कुष्ठकिटिभदद्रुमण्डलकिलासभगन्दरार्बुदार्शोदुष्टव्रणनाडीचर्मकील- तिलकालकन्यच्छव्यङ्गमशकबाह्यविद्रधिकृमिविषादिषूपदिश्यते , सप्तसु च मुखरोगेषूपजिह्वाधिजिह्वोपकुशदन्तवैदर्भेषु तिसृषु च रोहिणीषु, एतेष्वेवानुशस्त्रप्रणिधानमुक्तम् ||७||
🔊 Audio coming soon
প্রতিসারণীযস্য বিষযং দর্শযন্নাহ- তত্র প্রতিসারণীয ইত্যাদি| কিটিভঃ কুষ্ঠবিশেষঃ; তস্য পৃথগবিধানং নিযমেন প্রতিসারণীযসাধ্যত্বজ্ঞাপনার্থং; দদ্রু মণ্ডলং দদ্রুমণ্ডলং; কিলাসং ত্বগ্গতং শ্বিত্রকুষ্ঠং; চর্মকীলঃ অর্শোনিদানপঠিতঃ; ন্যচ্ছব্যঙ্গৌ ক্ষুদ্ররোগনিদানোক্তৌ; বাহ্যশব্দঃ বিদ্রধিকৃমিবিষৈঃ প্রত্যেকং সম্বধ্যতে| বিষাদিষ্বিত্যাদিশব্দাদ্বল্মীকাদীনাং গ্রহণম্| ‘বাহ্যকৃমিবিশেষাদিষু’ ইতি কেচিত্ পঠন্তি| কে তে সপ্ত মুখরোগা যেষু ক্ষার উপযুজ্যতে, ইত্যাহ- উপজিহ্বেত্যাদি|- উপজিহ্বাদীন্ রোগান্ মুখরোগনিদানে বক্ষ্যতি| তিসৃণাং রোহিণীনাং গ্রহণং সন্নিপাতরক্তজযোরসাধ্যত্বজ্ঞাপনার্থম্| কুতঃ পুনরুপজিহ্বাদিভ্যোঽন্যেষু মুখরোগেষু ক্ষারো নোপযুজ্যত ইত্যাহ- এতেষ্বেবেত্যাদি| অত্রানুশস্ত্রং ক্ষার এব| ‘এতেষ্বনুশস্ত্রনিপাতনম্’ ইতি ক্বচিত্ পাঠঃ||৭||
Adhikarana 7 (8) · Śloka 8
পানীযস্তু গরগুল্মোদরাগ্নিসঙ্গাজীর্ণারোচকানাহ- শর্করাশ্মর্যাভ্যন্তরবিদ্রধিকৃমিবিষার্শঃসূপযুজ্যতে ||৮||
पानीयस्तु गरगुल्मोदराग्निसङ्गाजीर्णारोचकानाह- शर्कराश्मर्याभ्यन्तरविद्रधिकृमिविषार्शःसूपयुज्यते ||८||
🔊 Audio coming soon
পানীযবিষযং দর্শযন্নাহ- পানীযস্ত্বিত্যাদি| গরঃ কৃত্রিমং বিষং, দূষীবিষমিত্যন্যে; অগ্নিসঙ্গঃ ইতি অগ্নিঃ সজ্যতে লীযতে যস্মাদ্যেন যস্মিন্ বা সোঽগ্নিসঙ্গঃ, তেন বাতশ্লৈষ্মিকগ্রহণীবিসূচিকালসকবিলম্বিকাদিবিকারা গৃহ্যন্তে; শর্করা বাতেন ভিন্নাঽশ্মরী শর্করেত্যুচ্যতে||৮||
Adhikarana 8 (9) · Śloka 9
অহিতস্তু রক্তপিত্তজ্বরিতপিত্তপ্রকৃতিবালবৃদ্ধদুর্বলভ্রম- মদমূর্চ্ছাতিমিরপরীতেভ্যোঽন্যেভ্যশ্চৈবংবিধেভ্যঃ ||৯||
अहितस्तु रक्तपित्तज्वरितपित्तप्रकृतिबालवृद्धदुर्बलभ्रम- मदमूर्च्छातिमिरपरीतेभ्योऽन्येभ्यश्चैवंविधेभ्यः ||९||
🔊 Audio coming soon
ক্ষারস্য যেষ্বযৌগিকত্বং তানাহ- অহিতস্ত্বিত্যাদি| ভ্রমশ্চক্রারূঢস্যেব ভ্রমণং, মদো বিষমদ্যশোণিতোত্থো বিকারঃ পূগফলেনেব মত্ততা, মূর্চ্ছা চেতনাচ্যুতিঃ, পরীতশব্দো ভ্রমাদিভিঃ সহ প্রত্যেকং সম্বধ্যতে||৯||
Adhikarana 9 (10) · Śloka 10
তং চেতরক্ষারবদ্দগ্ধ্বা পরিস্রাবযেত্; তস্য বিস্তরোঽন্যত্র ||১০||
तं चेतरक्षारवद्दग्ध्वा परिस्रावयेत्; तस्य विस्तरोऽन्यत्र ||१०||
🔊 Audio coming soon
তত্র পানীযক্ষারপাকং বিধিং চ সঙ্ক্ষেপেণ দর্শযিতুমাহ- তং চেতরক্ষারবদিত্যাদি| ইতরক্ষারবত্ প্রতিসারণীযবত্; যথা প্রতিসারণীযস্য কাষ্ঠদাহঃ ষড্গুণোদকপাকস্ত্রিভাগাবশেষানন্তরং পরিস্রাবণং চ, তদ্বত্ পানীযস্যাপি পাকবিধিঃ স্রাবণং চ দ্বিতীযপাকবর্জং; পানীযক্ষারোদকপ্রমাণমুত্তমা মাত্রা পলং, মধ্যমা কর্ষত্রযম্, অধমা অর্ধপলম্| অন্যত্র গুল্মাদিষ্বধ্যাযেষু||১০||
Adhikarana 10 (11-12) · Śloka 12
অথেতরস্ত্রিবিধো মৃদুর্মধ্যস্তীক্ষ্ণশ্চ | তং চিকীর্ষুঃ শরদি গিরিসানুজং শুচিরুপোষ্য প্রশস্তেঽহনি প্রশস্তদেশজাতমনুপহতং মধ্যমবযসং মহান্তমসিতমুষ্ককমধিবাস্যাপরেদ্যুঃ পাটযিত্বা খণ্ডশঃ প্রকল্প্যাবপাট্য নিবাতে দেশে নিচিতিং কৃত্বা সুধাশর্করাশ্চ প্রক্ষিপ্য তিলনালৈরাদীপযেত্ | অথোপশান্তেঽগ্নৌ তদ্ভস্ম পৃথগ্গৃহ্ণীযাদ্ভস্মশর্করাশ্চ | অথানেনৈব বিধানেন কুটজপলাশাশ্বকর্ণপারিভদ্রকবিভীতকারগ্বধতিল্বকার্কস্নুহ্যপামার্গপাটলানক্তমালবৃষকদলী- চিত্রকপূতীকেন্দ্রবৃক্ষাস্ফোতাশ্বমারকসপ্তচ্ছদাগ্নিমন্থগুঞ্জাশ্চতস্রশ্চ কোশাতকীঃ সমূলফলপত্রশাখা দহেত্ | ততঃ ক্ষারদ্রোণমুদকদ্রোণৈঃ ষড্ভিরালোড্য মূত্রৈর্বা যথোক্তৈরেকবিংশতিকৃত্বঃ পরিস্রাব্য, মহতি কটাহে শনৈর্দর্ব্যাঽবঘট্টযন্ বিপচেত্ | স যদা ভবত্যচ্ছো রক্তস্তীক্ষ্ণঃ পিচ্ছিলশ্চ তমাদায মহতি বস্ত্রে পরিস্রাব্যেতরং বিভজ্য পুনরগ্নাবধিশ্রযেত্ | তত এব ক্ষারোদকাত্ কুডবমধ্যর্ধং বাঽপনযেত্ | ততঃ কটশর্করাভস্মশর্করাক্ষীরপাকশঙ্খনাভীরগ্নিবর্ণাঃ কৃত্বাঽঽযসে পাত্রে তস্মিন্নেব ক্ষারোদকে নিষিচ্য পিষ্ট্বা তেনৈব দ্বিদ্রোণেঽষ্টপলসম্মিতং শঙ্খনাভ্যাদীনাং প্রমাণং প্রতিবাপ্য , সততমপ্রমত্তশ্চৈনমবঘট্টযন্ বিপচেত্ | স যথা নাতিসান্দ্রো নাতিদ্রবশ্চ ভবতি তথা প্রযতেত | অথৈনমাগতপাকমবতার্যানুগুপ্তমাযসে কুম্ভে সংবৃতমুখে নিদধ্যাদেষ মধ্যমঃ ||১১|| এষ চৈবাপ্রতীবাপঃ পক্বঃ সংব্যূহিমো মৃদুঃ ||১২||
अथेतरस्त्रिविधो मृदुर्मध्यस्तीक्ष्णश्च | तं चिकीर्षुः शरदि गिरिसानुजं शुचिरुपोष्य प्रशस्तेऽहनि प्रशस्तदेशजातमनुपहतं मध्यमवयसं महान्तमसितमुष्ककमधिवास्यापरेद्युः पाटयित्वा खण्डशः प्रकल्प्यावपाट्य निवाते देशे निचितिं कृत्वा सुधाशर्कराश्च प्रक्षिप्य तिलनालैरादीपयेत् | अथोपशान्तेऽग्नौ तद्भस्म पृथग्गृह्णीयाद्भस्मशर्कराश्च | अथानेनैव विधानेन कुटजपलाशाश्वकर्णपारिभद्रकबिभीतकारग्वधतिल्वकार्कस्नुह्यपामार्गपाटलानक्तमालवृषकदली- चित्रकपूतीकेन्द्रवृक्षास्फोताश्वमारकसप्तच्छदाग्निमन्थगुञ्जाश्चतस्रश्च कोशातकीः समूलफलपत्रशाखा दहेत् | ततः क्षारद्रोणमुदकद्रोणैः षड्भिरालोड्य मूत्रैर्वा यथोक्तैरेकविंशतिकृत्वः परिस्राव्य, महति कटाहे शनैर्दर्व्याऽवघट्टयन् विपचेत् | स यदा भवत्यच्छो रक्तस्तीक्ष्णः पिच्छिलश्च तमादाय महति वस्त्रे परिस्राव्येतरं विभज्य पुनरग्नावधिश्रयेत् | तत एव क्षारोदकात् कुडवमध्यर्धं वाऽपनयेत् | ततः कटशर्कराभस्मशर्कराक्षीरपाकशङ्खनाभीरग्निवर्णाः कृत्वाऽऽयसे पात्रे तस्मिन्नेव क्षारोदके निषिच्य पिष्ट्वा तेनैव द्विद्रोणेऽष्टपलसम्मितं शङ्खनाभ्यादीनां प्रमाणं प्रतिवाप्य , सततमप्रमत्तश्चैनमवघट्टयन् विपचेत् | स यथा नातिसान्द्रो नातिद्रवश्च भवति तथा प्रयतेत | अथैनमागतपाकमवतार्यानुगुप्तमायसे कुम्भे संवृतमुखे निदध्यादेष मध्यमः ||११|| एष चैवाप्रतीवापः पक्वः संव्यूहिमो मृदुः ||१२||
🔊 Audio coming soon
অথেতর ইত্যাদি| ইতরঃ প্রতিসারণীযঃ; অথেতরো মৃদুরিত্যাদ্যত্র কেচিন্ন পঠন্তি| প্রতিসারণীযস্য পাকবিধিং নির্দেষ্টুমাহ- তং চিকীর্ষুরিত্যাদি| তং প্রতিসারণীযং, চিকীর্ষুঃ কর্তুমিচ্ছুঃ; তং চিকীর্ষুরিত্যত্র ‘অথেতরং চিকীর্ষুঃ’ ইতি কেচিত্ পঠন্তি; অথশব্দো মঙ্গলার্থঃ, ইতরং প্রতিসারণীযম্| গিরিসানুজং পর্বতোপরিজাতং, “গিরিসানুজমিতি জাঙ্গলদেশোপলক্ষণম্” ইত্যন্যে| ‘শুচিরুপোষ্য’ ইত্যত্র ‘শুচিরুপবসন্’ ইতি কেচিত্ পঠন্তি| অনুপহতং কৃমিদবাগ্নিগরাদ্যনুপহতম্| অসিতমুষ্ককং কৃষ্ণপুষ্পমোক্ষকং, ন শ্বেতাদিপুষ্পম্| অধিবাস্য মন্ত্রবদ্বলিকর্মোপহরেদিত্যর্থঃ| কেচিদস্যাগ্রে “মন্ত্রেণানেনাভিমন্ত্র্য- অগ্নিবীর্য! মহাবীর্য! মা তে বীর্যং প্রণশ্যতু| ইহৈব তিষ্ঠ কল্যাণ! মম কার্যং করিষ্যসি|| মম কার্যে কৃতে পশ্চাদ্দেবলোকং গমিষ্যসি| শ্বেতরক্তপুষ্পসহস্রং জুহুযাত্” ইতি পঠন্তি; অযং চ নিবন্ধেষু ন পঠ্যতে| অন্যে ত্বত্র “প্রাঙ্মুখোপগতস্তত্র বলিং দত্ত্বা চতুর্দিশম্| বৃক্ষাভ্যাশে ততো ব্রূযাত্ প্রাঞ্জলিঃ প্রযতঃ শুচিঃ|| নিবসন্তীহ ভূতানি যান্যস্মিন্ কানিচিদ্দ্রুমে| অপক্রামন্ত্বযং ছেদ্যঃ পরার্থে শ্বো মযা দ্রুমঃ| এবমামন্ত্রিতং বৃক্ষং লাজাধূপৈঃ সুরাসবৈঃ| প্রভাতে বৈকৃতং তত্র ন পশ্যেচ্ছেদযেত্ততঃ| শান্তে নীহারতিমিরে যুগমাত্রোদিতে রবৌ| পূর্বাগ্রমুত্তরাগ্রস্থং তং তরুং পাত(ট)যেদ্দ্রুতম্” “ইত্যধিবাসনমন্ত্রং পঠন্তি, ভোজেঽপ্যেবমেব পঠ্যতে” ইতি চ বদন্তি| অপরেদ্যুরপরস্মিন্ দিনে| খণ্ডশঃ প্রকল্প্য বহূন্ খণ্ডান্ কৃত্বা| অবপাট্য তান্ খণ্ডান্ পুনঃ পাটযিত্বা; ‘অপরেদ্যুঃ পাটযিত্বা ইত্যস্য স্থানে ‘প্রভাতে বৈকৃতমদ্ভুতং ন পশ্যেত্তদোপকল্পযেত্’ ইতি ক্বচিত্ পাঠঃ| বৈকৃতং তরুশাখাভঙ্গাদি, অদ্ভুতং রুধিরবর্ষাদি, ইতি চ তস্য ব্যাখ্যানম্| নিচিতিঃ কাষ্ঠানামৌত্তরাধর্যেণাবস্থিতিঃ; কেচিদত্র ‘চিতিং কৃত্বা’ ইতি পঠন্তি, চিতিং দাহস্থানমিতি ব্যাখ্যানযন্তি| তিলনালৈরাদীপযেত্ তিলনালদীপনাচ্ছক্ত্যতিশযো ভবতি| নিচিতিং কৃত্বেত্যস্যাগ্রে কেচিত্ ‘সুধাশর্করাঃ প্রক্ষিপ্য’ ইতি পঠন্তি, ব্যাখ্যানযন্তি চ- সুধাশর্করাঃ সুধাপাষাণাঃ| ভস্মশর্করাশ্চেতি দহ্যমানার্দ্রকাষ্ঠরসাচ্ছর্করেবান্যোন্যসংহতং ভস্মজাতং ভস্মশর্করেত্যুচ্যতে, তাং চ পৃথক্ গৃহ্ণীযাত্; পৃথগ্গ্রহণং ভিন্নপ্রযোজনার্থং; তেন ভস্মনঃ ক্ষারোদককরণং, ভস্মশর্করা পুনঃ ক্ষারদ্রব্যসমবাপিনী| অন্যে তু ‘পৃথক্ গৃহ্ণীযাত্’ ইত্যস্যাগ্রে ‘কটশর্করা ভস্মশর্করাশ্চ’ ইতি পঠন্তি, ‘কটশর্করা অদগ্ধসুধাপাষাণাঃ, ভস্মশর্করাস্তু ক্ষারদ্রব্যৈঃ সহ দগ্ধাশ্চূর্ণপাষাণাঃ’ ইতি চ ব্যাখ্যানযন্তি| এষ দাহকল্পঃ| অথানেনৈবেত্যাদি| অথানেনৈব বিধানেনেত্যনেন নিবাতদেশনিচিতিস্তিলনালদীপনং চ লভ্যতে, গিরিসানুজমিত্যস্য জাঙ্গলদেশোপলক্ষণত্বং, তেনেহাপি কুটজাদীন্যপি জাঙ্গলানি গৃহ্যন্তে| মুষ্ককস্য কুটজাদীনাং চৈকদেশকল্পনত্বেঽপি পৃথগ্দাহবিধানং কুটজাদিভস্মনো মুষ্ককভস্মনো ভাগাধিক্যখ্যাপনার্থং, ভাগাধিক্যং চ ‘ততঃ ক্ষারদ্রোণমুদকদ্রোণৈঃ ষড্ভিঃ’- ইত্যত্র বক্ষ্যামঃ| অন্যে তু মুষ্ককেণৈকেনাপি ক্ষারো ভবতীতি পৃথগ্বিধানং বোধযতি| পলাশঃ কিংশুকঃ; অশ্বকর্ণঃ পূর্বদেশে গন্ধমুণ্ডঃ পিপ্পলসদৃশঃ , পারিভদ্রকো দেবদারুঃ, অন্যে তু রক্তকুসুমঃ কণ্টকীবৃক্ষবিশেষঃ স্বনাম্না প্রসিদ্ধঃ, তিল্বকঃ স্বনামপ্রসিদ্ধঃ; ইন্দ্রবৃক্ষঃ কুটজ এব, দ্বিবিধো হি কুটজো বৃহত্ফলঃ শ্বেতপুষ্পঃ স্নিগ্ধপত্রঃ পুমান্, অণুফলবৃন্তা শ্যাবারুণপুষ্পা স্ত্রী; আস্ফোতা সারিবা; কোশাতকী ঘোষকঃ; সা চতুর্বিধা- বৃহত্ফলা, অল্পফলা, পীতপুষ্পা, শ্বেতপুষ্পা, ইতি| সমূলফলপত্রশাখা ইতি কুটজাদিভিঃ সহ প্রত্যেকং সম্বধ্যতে| কেচিত্ কুটজাদিকোশাতক্যন্তং সমস্য পঠন্তি| ততঃ ক্ষারদ্রোণমিত্যাদি ততো মুষ্কককুটজাদিদাহানন্তরম্| ক্ষারদ্রোণমিতি মুষ্ককভস্মনো দ্বৌ ভাগৌ কুটজাদিভস্মন একো ভাগ ইতি মিশ্রীকৃতং ক্ষারদ্রোণমুচ্যতে| উদকদ্রোণৈঃ ষড্ভিরিতি ভস্মদ্রব্যাত্ ষড্গুণোদকপরিভাষেযম্, অনযৈবান্যত্রাপি ক্ষারপাকবিধৌ ক্ষারকল্পনং; পক্ষান্তরং দর্শযতি- মূত্রৈর্বা যথোক্তৈরিতি দুন্দুভিস্বনীযকল্পোক্তৈরিত্যর্থঃ ; তথাহি- ‘গবাং মূত্রেণ ক্ষারকল্পেন পরিস্রাব্য বিপচেত্’ (ক. অ. ৬)- ইতি; অত্রাপি ক্ষারকল্পেনেতি বচনাদ্ভস্মদ্রব্যান্মূত্রস্য ষড্গুণত্বমুক্তম্| একবিংশতিকৃত্বঃ পরিস্রাব্যেতি একবিংশতিবারান্ বস্ত্রেণ গালযিত্বা| অবঘট্টযন্ চালযন্, তাবত্ পচেত্ স যদা ভবত্যচ্ছো রক্তস্তীক্ষ্ণঃ পিচ্ছিলশ্চেতি| এতেঽচ্ছাদযো গুণাস্ত্রিভাগাবশেষে ক্ষারোদকে ভবন্তি| তং ক্ষারক্বাথম্| আদায গৃহীত্বা| ইতরং বিভজ্য ক্ষারভস্মকল্কং; ‘ইতরদ্বিসৃজ্য’ ইতি ক্বচিত্ পাঠঃ, তত্রেতরত্ ভস্ম কিট্টভূতম্| অধিশ্রযেত্ আরোপযেত্| তত এব ক্ষারোদকাত্ কুডবমধ্যর্ধং বাঽপনযেদিতি কুডবমষ্টৌ পলান্যপনযেত্; অধ্যর্ধমিত্যত্র কুডবমিতি সম্বধ্যতে, তেনাধ্যর্ধং কুডবং দ্বাদশপলানি বাঽপনযেত্| অন্যে ত্বত্র দ্বৈগুণ্যং ন মন্যন্তে| এতচ্চ ক্ষারোদকাপনযনং কটশর্করাদীনাং নিষেকার্থং পেষণার্থং চ; অন্যে তু কটশর্করাদীনাং ভাগপ্রমাণজ্ঞাপনার্থমিতি বদন্তি, তেন কটশর্করাদীনি দ্রব্যাণি প্রত্যেকং কুডবপ্রমাণান্যধ্যর্ধকুডবপ্রমাণানি বা আবপেদিত্যর্থঃ| ততঃ কটশর্করেত্যাদি কটশর্করা গাঙ্গেষ্ঠী, ভস্মশর্করা অত্রৈবাধ্যাযে পূর্বং ব্যাখ্যাতা; অন্যে তু কটশর্করাভস্মশর্করযোরন্যথা ব্যাখ্যানং কুর্বন্তি তদপ্যত্রৈবাধ্যাযে কথিতম্| ক্ষীরপাকো জলশুক্তিঃ| আযসে পাত্রে লৌহে ভাজনে, এতে অগ্নিবর্ণাঃ কৃত্বা, তস্মিন্নেব ক্ষারোদকে পূর্বোপনীতে কুডবেঽধ্যর্ধকুডবে বা, নিষিচ্য প্রক্ষিপ্য| ত্রৈষাং কটশর্করাদীনামনির্দিষ্টপ্রমাণত্বাত্ সমা ভাগা ইত্যেকে; সমভাগশ্চাত্র প্রত্যেকমষ্টৌ পলানি; এবং চ দ্বাত্রিংশত্ পলানি ভবন্তি; এতেন দ্বিদ্রোণেঽষ্টপলসম্মিতমিত্যপি প্রমাণমনুকূলিতং ভবতি; দ্বিদ্রোণে ষোডশাংশশ্চাবাপভাগো জ্ঞাপিতো ভবতি| অন্যে ত্বষ্টপলসম্মিতমিতি কটশর্করাদীনাং প্রত্যেকং দ্বে দ্বে পলে ইত্যেবমষ্টপলত্বং মন্যন্তে| তন্ন, শঙ্খনাভিপ্রধানত্বাদেব ক্ষারস্য; এবং চ বিশ্বামিত্রভোজোক্তভাগকল্পনা নিরস্তা; তদুক্তভাগগ্রহণেঽপি শঙ্খনাভেরপ্রাধান্যং স্যাত্| দ্বিদ্রোণগ্রহণেন ত্রিভাগাবশেষং ক্ষারোদকং সর্বত্র পরিভাষযন্তি বৃদ্ধাঃ, প্রাযেণ হি বিমিশ্রিতং ক্ষারদ্রোণমাহুঃ; উদকদ্রোণৈঃ ষড্ভিরিতি ষট্ত্রিংশদধিকপঞ্চদশশতোদকপলৈঃ সহ বিপচেদিত্যর্থঃ; ততস্তস্য পচ্যমানস্য তৈক্ষ্ণ্যাচ্ছরক্তপিচ্ছিলাদযো গুণাঃ ষোডশাংশাবশিষ্টে ষণ্ণবতিপলপ্রমাণে ভবন্তি| অন্যে তু বদন্তি- ন চাত্র চতুর্ভাগাদ্যবশেষণাদিপরিভাষা ব্যাপ্রিযতে, তস্মাচ্ছনৈঃ শনৈস্তাবদ্বিপচেদ্যাবদ্রাগাদিগুণযুক্তঃ ক্বাথো ভবতি ক্ষারসঞ্জ্ঞিত ইতি| ষণ্ণবতিপলপ্রমাণে তু ক্ষারোদকে কটশর্করাদীনাং সমভাগানাং চতুর্থাংশমাবাপমিচ্ছন্তি ||১১-১২||
Adhikarana 11 (13) · Śloka 13
প্রতীবাপে যথালাভং দন্তীদ্রবন্তীচিত্রকলাঙ্গলীপূতিকপ্রবালতালপত্রীবিডসুবর্চিকাকনকক্ষীরীহিঙ্গুবচাতিবিষাঃ সমাঃ শ্লক্ষ্ণচূর্ণাঃ শুক্তিপ্রমাণাঃ প্রতীবাপঃ | স এব সপ্রতীবাপঃ পক্বঃ পাক্যস্তীক্ষ্ণঃ ||১৩||
प्रतीवापे यथालाभं दन्तीद्रवन्तीचित्रकलाङ्गलीपूतिकप्रवालतालपत्रीविडसुवर्चिकाकनकक्षीरीहिङ्गुवचातिविषाः समाः श्लक्ष्णचूर्णाः शुक्तिप्रमाणाः प्रतीवापः | स एव सप्रतीवापः पक्वः पाक्यस्तीक्ष्णः ||१३||
🔊 Audio coming soon
সপ্রতীবাপং পাক্যসঞ্জ্ঞং তীক্ষ্ণং প্রতিপাদযন্নাহ- প্রতীবাপে যথালাভমিত্যাদি| প্রতীবাপে ইতি ক্ষিপ্তে আবাপে পুনরপরদ্রব্যপ্রক্ষেপঃ প্রতীবাপঃ| দ্রবন্তী দন্তীভেদঃ, সংবরীতি ভাদানকে, লাঙ্গলী কলিকা(হা)রিকা; পূতীকপ্রবালাঃ কণ্টকিকরঞ্জপল্লবাঃ, অন্যে তু ‘চিরিবিল্বপল্লবপত্রং চ’ ইতি পঠন্তি; তালপত্রী মূষলী, কনকক্ষীরী সুবর্ণক্ষীরী , কঙ্গুষ্ঠমিত্যন্যে| শুক্তিপ্রমাণাঃ প্রত্যেকমর্ধপলপ্রমাণাঃ| স এব সপ্রতীবাপঃ পক্বঃ পাক্যস্তীক্ষ্ণ ইতি স এব সংব্যূহিমসঞ্জ্ঞঃ ক্ষারো দন্ত্যাদিদ্রব্যপ্রতিবাপেন সহিতঃ পক্বঃ পাক্যসঞ্জ্ঞো ভবতি তীক্ষ্ণশ্চেত্যর্থঃ| ন চাস্য তীক্ষ্ণদোষঃ, কুতঃ? অতিতীক্ষ্ণঃ ক্ষারস্য দোষঃ| অন্যে তু ‘স এব সপ্রতীবাপ’ ইত্যাদিপাঠস্থানে ‘স চ পূর্ববত্ পক্বস্তীক্ষ্ণ’ ইতি পঠন্তি||১৩||
Adhikarana 12 (14) · Śloka 14
তেষাং যথাব্যাধিবলমুপযোগঃ ||১৪||
तेषां यथाव्याधिबलमुपयोगः ||१४||
🔊 Audio coming soon
তেষাং ক্ষারাণাম্||১৪||
Adhikarana 13 (15) · Śloka 15
ক্ষীণবলে তু ক্ষারোদকমাবপেদ্বলকরণার্থম্ ||১৫||
क्षीणबले तु क्षारोदकमावपेद्बलकरणार्थम् ||१५||
🔊 Audio coming soon
কালবশাদ্ধীনৌষধিবশাদ্বা মৃদৌ ক্ষারে বলকরণাযাবাপমাহ- ক্ষীণবলে ত্বিত্যাদি| ক্ষীণবলে হীনশক্তৌ ক্ষারে ক্ষারোদকমাবপেত্, পূর্বকল্পেন কৃতং ক্ষারোদকং প্রক্ষিপেত্, প্রক্ষিপ্য পুনর্বিপচেদিতি| বলকরণার্থং তীক্ষ্ণাদিশক্ত্যুপচযার্থম্||১৫||
Adhikarana 14 (16) · Śloka 16
ভবতশ্চাত্র- নৈবাতিতীক্ষ্ণো ন মৃদুঃ শুক্লঃ শ্লক্ষ্ণোঽথ পিচ্ছিলঃ | অবিষ্যন্দী শিবঃ শীঘ্রঃ ক্ষারো হ্যষ্টগুণঃ স্মৃতঃ ||১৬||
भवतश्चात्र- नैवातितीक्ष्णो न मृदुः शुक्लः श्लक्ष्णोऽथ पिच्छिलः | अविष्यन्दी शिवः शीघ्रः क्षारो ह्यष्टगुणः स्मृतः ||१६||
🔊 Audio coming soon
ক্ষারগুণদোষান্ প্রতিপাদযন্নাহ- ভবতশ্চাত্র নৈবাতীত্যাদি| অতিশব্দস্তীক্ষ্ণমৃদুশুক্লৈঃ সহ প্রত্যেকং সম্বধ্যতে; অনতিশুক্লত্বাত্ প্রতিবাপাল্পতা সূচিতা ভবতি; অন্যে ত্বনতিশব্দং শুক্লেন সম্বধ্নন্তি| শ্লক্ষ্ণঃ অকর্কশঃ; অন্যে তু শ্লক্ষ্ণস্থানে ‘মৃত্স্ন’ ইতি পঠন্তি, মৃত্স্নস্ত্বগিন্দ্রিযসুখঃ| অবিষ্যন্দী যোঽবচারিতো ন প্রসর্পতি| শিব ইতি সৌম্য উচ্যতে; শিবস্থানে কেচিত্ ‘সম’ ইতি পঠন্তি, তত্র নাতিসান্দ্রো নাতিদ্রব ইত্যর্থঃ| শীঘ্রঃ শীঘ্রকারী| কেচিত্ ক্ষারগুণেষু মধ্যে ‘সুখনির্গ্রাহ্যো দোষঘ্নঃ’ ইতি গুণদ্বযং পঠন্তি; ‘সুখনির্গ্রাহ্যঃ সুখনির্বর্ত্যঃ, দোষঘ্নো দোষমাত্রানুসারী; দোষশব্দোঽত্র ব্যাধৌ বর্ততে’ ইতি চ ব্যাখ্যানযন্তি| নৈবাতিতীক্ষ্ণ ইত্যাদিনৈবাষ্টসঙ্খ্যা লব্ধা, ‘পুনরষ্টগুণ’ ইতি যত্ কৃতং তত্ কটুরসাদিগুণাতিরেকত্বনিষেধার্থম্||১৬||
Adhikarana 15 (17) · Śloka 17
অতিমার্দবশ্বৈত্যৌষ্ণ্যতৈক্ষ্ণ্যপৈচ্ছিল্যসর্পিতাঃ | সান্দ্রতাঽপক্বতা হীনদ্রব্যতা দোষ উচ্যতে ||১৭||
अतिमार्दवश्वैत्यौष्ण्यतैक्ष्ण्यपैच्छिल्यसर्पिताः | सान्द्रताऽपक्वता हीनद्रव्यता दोष उच्यते ||१७||
🔊 Audio coming soon
পরিহারার্থং দোষানধিকৃত্যাহ- অতিমার্দবেত্যাদি| অতিশব্দো মার্দবশ্বৈত্যাদিভিঃ সহ প্রত্যেকং সম্বধ্যতে| শ্বৈত্যং শুক্লতা| কেচিত্ ক্ষারদোষান্ সার্ধশ্লোকেনাধীযতে| তদ্যথা- “অত্যৌষ্ণ্যমতিপৈচ্ছিল্যমতিতৈক্ষ্ণ্যং বিসর্পিতা| অত্যর্থং মার্দবং শ্বৈত্যমত্যর্থং সান্দ্রমেব চ| হীনৌষধমবিপক্বত্বং ক্ষারদোষা নব স্মৃতাঃ”- ইতি| অত্যর্থংশব্দঃ প্রত্যেকং সম্বধ্যতে| সঙ্খ্যেযনির্দেশাদেব সঙ্খ্যা প্রাপ্তা, পুনর্নবেতি সঙ্খ্যাকরণং ক্ষারাতিসেবযা পুংস্ত্বহন্তৃত্বদোষসঙ্খ্যাশঙ্কানিরাসার্থম্| কেচিত্ ক্ষারদোষান্ন পঠন্তি, উক্তগুণবিপর্যযেণৈব দোষাণাং লব্ধত্বাদিতি||১৭||
Adhikarana 16 (18) · Śloka 18
তত্র ক্ষারসাধ্যব্যাধিব্যাধিতমুপবেশ্য নিবাতাতপে দেশেঽসম্বাধেঽগ্রোপহরণীযোক্তেন বিধানেনোপসম্ভৃতসম্ভারং, ততোঽস্য তমবকাশং নিরীক্ষ্যাবঘৃষ্যাবলিখ্য প্রচ্ছযিত্বা , শলাকযা ক্ষারং প্রতিসারযেত্, দত্ত্বা বাক্শতমাত্রমুপেক্ষেত ||১৮||
तत्र क्षारसाध्यव्याधिव्याधितमुपवेश्य निवातातपे देशेऽसम्बाधेऽग्रोपहरणीयोक्तेन विधानेनोपसम्भृतसम्भारं, ततोऽस्य तमवकाशं निरीक्ष्यावघृष्यावलिख्य प्रच्छयित्वा , शलाकया क्षारं प्रतिसारयेत्, दत्त्वा वाक्शतमात्रमुपेक्षेत ||१८||
🔊 Audio coming soon
ইদানীং ক্ষারপ্রতিসারণবিধিমধিকৃত্যাহ- তত্র ক্ষারসাধ্যেত্যাদি| ক্ষারসাধ্যব্যাধিব্যাধিতমিতি ক্ষারস্য সাধ্যো যো ব্যাধিস্তেন ব্যাধিতং দুঃখিতম্| নিবাতাতপে দেশে ইতি নিশব্দো বাতাতপাভ্যাং সহ প্রত্যেকং সম্বধ্যতে| অসম্বাধেঽসঙ্কীর্ণদেশে, অগ্রোপহরণীযোক্তেন বিধানেনেতি ‘প্রশস্তেষু তিথিকরণমুহূর্তনক্ষত্রেষু’ (সূ. অ. ৫) ইত্যাদিকেন বিধিনা; অস্য চ ক্ষারং প্রতিসারযেদিত্যনযা ক্রিযযা সম্বন্ধঃ| উপসম্ভৃতসম্ভারমিতি যন্ত্রশস্ত্রক্ষারাগ্নিশলাকেত্যাদিসমীপস্থাপিতোপকরণম্| ততঃ সম্ভৃতসম্ভারানন্তরম্| অস্য ব্যাধিতস্য, তমবকাশং তং প্রদেশং, নিরীক্ষ্যেতি ব্যাধ্যাকারবিজ্ঞানার্থম্, অবঘৃষ্যেতি পিত্তদুষ্টম্, অবলিখ্যেতি বাতদুষ্টং সুপ্তকঠিনত্বচং, প্রচ্ছযিত্বেতি কফদুষ্টং কণ্ডূশ্বযথুপ্রবলং, পশ্চাচ্ছলাকযা ক্ষারং প্রতিসারযেদিত্যর্থঃ; ‘ক্ষারং প্রতিসারযেত্’ ইত্যস্য স্থানে ‘ক্ষারং পাতযিত্বা’ ইতি কেচিত্ পঠন্তি| কালাবধিং প্রতিপাদযতি- দত্ত্বা বাক্শতমাত্রমিত্যাদি|- বাক্ লঘ্বক্ষরোচ্চারণং ; বাক্শতমাত্রমিতি মাত্রগ্রহণেনৈতদ্বোধযতি- এতাবতা কালেন যো দহতি স যথোক্তগুণঃ ক্ষারঃ| অন্যে মাত্রস্থানে এবশব্দং পঠন্তি, “বাক্শতমেব নাধিকং ন ন্যূনং চ’’ ইতি চ ব্যাখ্যানযন্তি| ইদানীং ক্ষারস্য প্রতিদোষং লেপপ্রমাণমবচারণকালং চ নিযমযন্নাহ- পদ্মপত্রসম ইত্যাদি| ইমং চ পাঠং কেচিদাচার্যা ন পঠন্তি, স চাভাবাত্ সমগ্রো ন লিখিত ইতি||১৮||
Adhikarana 17 (19) · Śloka 19
তস্মিন্নিপতিতে ব্যাধৌ কৃষ্ণতা দগ্ধলক্ষণম্ |১৯|
तस्मिन्निपतिते व्याधौ कृष्णता दग्धलक्षणम् |१९|
🔊 Audio coming soon
সম্যগ্দগ্ধলক্ষণং বক্তুমাহ- তস্মিন্নিপতিত ইত্যাদি| ব্যাধিশব্দোঽত্র দুষ্টমাংসাদিষু বর্ততে, নতু দুঃখসঞ্জ্ঞিকে ব্যাধৌ; কুতঃ? তত্র কৃষ্ণতাভাবাত্| এতত্তু সামান্যং সম্যগ্দগ্ধলক্ষণম্|১৯|-
Adhikarana 18 (19-21) · Śloka 21
তত্রাম্লবর্গঃ শমনঃ সর্পির্মধুকসংযুতঃ ||১৯|| অথ চেত্ স্থিরমূলত্বাত্ ক্ষারদগ্ধং ন শীর্যতে | ইদমালেপনং তত্র সমগ্রমবচারযেত্ ||২০|| অম্লকাঞ্জিকবীজানি তিলান্ মধুকমেব চ | প্রপেষ্য সমভাগানি তেনৈনমনুলেপযেত্ ||২১||
तत्राम्लवर्गः शमनः सर्पिर्मधुकसंयुतः ||१९|| अथ चेत् स्थिरमूलत्वात् क्षारदग्धं न शीर्यते | इदमालेपनं तत्र समग्रमवचारयेत् ||२०|| अम्लकाञ्जिकबीजानि तिलान् मधुकमेव च | प्रपेष्य समभागानि तेनैनमनुलेपयेत् ||२१||
🔊 Audio coming soon
সম্যগ্দগ্ধে পশ্চাত্কর্মাহ- তত্রাম্লবর্গ ইত্যাদি| অম্লবর্গঃ সৌবীরকতুষোদকধান্যাম্লাদিঃ| স্থিরমূলত্বাত্ দৃঢমূলত্বাদিত্যর্থঃ| ন শীর্যতে ন শটতি| ইদমিতি অগ্রে বক্ষ্যমাণম্| তত্রেতি অশীর্যমাণে ক্ষারদগ্ধে| সমগ্রং সর্বম্| অবচারযেত্ প্রযোজযেত্| তদেবালেপনমাহ- অম্লেত্যাদি| অম্লকাঞ্জিকবীজানিতি অম্লকাঞ্জিকাধঃস্থিতং দ্রব্যম্| তেনেতি সমভাগপিষ্টেনাম্লকাঞ্জিকবীজাদিনা| এনং ক্ষারদগ্ধম্||১৯-২১||
Adhikarana 19 (22) · Śloka 22
তিলকল্কঃ সমধুকো ঘৃতাক্তো ব্রণরোপণঃ |২২|
तिलकल्कः समधुको घृताक्तो व्रणरोपणः |२२|
🔊 Audio coming soon
ক্ষারকৃতব্রণরোপণোপাযমাহ- তিলকল্ক ইত্যাদি|২২|-
Adhikarana 20 (22-25) · Śloka 25
রসেনাম্লেন তীক্ষ্ণেন বীর্যোষ্ণেন চ যোজিতঃ ||২২|| আগ্নেযেনাগ্নিনা তুল্যঃ কথং ক্ষারঃ প্রশাম্যতি | এবং চেন্মন্যসে বত্স! প্রোচ্যমানং নিবোধ মে ||২৩|| অম্লবর্জান্ রসান্ ক্ষারে সর্বানেব বিভাবযেত্ | কটুকস্তত্র ভূযিষ্ঠো লবণোঽনুরসস্তথা | অম্লেন সহ সংযুক্তঃ স তীক্ষ্ণলবণো রসে ||২৪|| মাধুর্যং ভজতেঽত্যর্থং তীক্ষ্ণভাবং বিমুঞ্চতি | মাধুর্যাচ্ছমমাপ্নোতি বহ্নিরদ্ভিরিবাপ্লুতঃ ||২৫||
रसेनाम्लेन तीक्ष्णेन वीर्योष्णेन च योजितः ||२२|| आग्नेयेनाग्निना तुल्यः कथं क्षारः प्रशाम्यति | एवं चेन्मन्यसे वत्स! प्रोच्यमानं निबोध मे ||२३|| अम्लवर्जान् रसान् क्षारे सर्वानेव विभावयेत् | कटुकस्तत्र भूयिष्ठो लवणोऽनुरसस्तथा | अम्लेन सह संयुक्तः स तीक्ष्णलवणो रसे ||२४|| माधुर्यं भजतेऽत्यर्थं तीक्ष्णभावं विमुञ्चति | माधुर्याच्छममाप्नोति वह्निरद्भिरिवाप्लुतः ||२५||
🔊 Audio coming soon
অগ্নিতুল্যস্য ক্ষারস্যাগ্নেযেন কাঞ্জিকেন কথং শমনমিত্যাশঙ্ক্যাহ- রসেনেত্যাদি| অম্লেন তীক্ষ্ণেন বীর্যোষ্ণেনাগ্নেযেন রসেন যোজিতোঽগ্নিতুল্যঃ ক্ষারঃ কথং প্রশাম্যতীত্যর্থপিণ্ডঃ| উত্তরমাহ- এবং চেন্মন্যসে বত্সেত্যাদি| বিভাবযেত্ জানীযাদিত্যর্থঃ| কটুকস্তত্র ভূযিষ্ঠ ইতি তত্র পঞ্চরসে ক্ষারে কটুকোঽনুরসঃ, লবণস্তু ভূযিষ্ঠ ইতি যোজ্যং; কেচিত্ কটুকমেব ভূযিষ্ঠং মন্যন্তে; তন্ন, যতো জনা অম্লভক্ষণে মাধুর্যার্থং লবণমেব রসং প্রযুঞ্জতে, লবণবর্গে ক্ষারস্য পঠিতত্বাচ্চ, কটুবর্গে চাপঠিতত্বাত্; যদ্যেবং ‘স খল্বাগ্নেযৌষধিভূযিষ্ঠত্বাত্ কটুক’ ইতি তর্হি কথম্? উচ্যতে, লবণবর্গপাঠাদেব ক্ষারস্য লবণত্বে সিদ্ধে কটুক ইতি বিধ্যর্থমেব| স তীক্ষ্ণলবণো রসে ইতি স ক্ষার এবঙ্গুণঃ| অদ্ভিঃ পানীযৈঃ আপ্লুতো ‘বোলি(ডি)ত’ ইতি লোকে||২২-২৫||
Adhikarana 21 (26) · Śloka 26
তত্র সম্যগ্দগ্ধে বিকারোপশমো লাঘবমনাস্রাবশ্চ |২৬|
तत्र सम्यग्दग्धे विकारोपशमो लाघवमनास्रावश्च |२६|
🔊 Audio coming soon
ইদানীং চিকিত্সান্তরকথনায পুনঃ সম্যগ্দগ্ধলক্ষণমাহ- তত্র সম্যগ্দগ্ধ ইত্যাদি| তত্রেতি সম্যগ্দগ্ধাদিমধ্যে| লাঘবমঙ্গানাম্| কৃতে ক্ষারনির্বাপণ এতে বিকারোপশমাদযো লক্ষণান্যুত্তরকালং জ্ঞেযানি; “এতদ্বিকারোপশমাদিকং কিঞ্চিত্তাত্কালিকং লক্ষণং, কিঞ্চিদুত্তরকালিকম্” ইত্যন্যে|২৬|-
Adhikarana 22 (26) · Śloka 26
হীনদগ্ধে তোদকণ্ডুজাড্যানি ব্যাধিবৃদ্ধিশ্চ |২৬|
हीनदग्धे तोदकण्डुजाड्यानि व्याधिवृद्धिश्च |२६|
🔊 Audio coming soon
হীনদগ্ধলক্ষণমাহ- হীনদগ্ধে ইত্যাদি| হীনদগ্ধে তোদাদযো বাতশ্লৈষ্মিকাঃ| জাড্যং জডতা| অন্যে ত্বত্র ‘দুর্দগ্ধে তোদদাহকণ্ডূজাড্যানি ব্যাধিবৃদ্ধিশ্চ’ ইতি পঠন্তি, “তস্মিন্ স্থানে এতানি বাতপিত্তরক্তকফপ্রকোপকার্যাণি” ইতি চ ব্যাখ্যানযন্তি|২৬|-
Adhikarana 23 (26) · Śloka 26
অতিদগ্ধে দাহপাকরাগস্রাবাঙ্গমর্দক্লমপিপাসামূর্চ্ছাঃ স্যুর্মরণং বা ||২৬||
अतिदग्धे दाहपाकरागस्रावाङ्गमर्दक्लमपिपासामूर्च्छाः स्युर्मरणं वा ||२६||
🔊 Audio coming soon
অতিদগ্ধলক্ষণমাহ- অতিদগ্ধে দাহেত্যাদি| অতিদগ্ধে দাহপাকাদযঃ পৈত্তিকাঃ, রাগো রক্ততা, অঙ্গমর্দো বেদনাবিশেষঃ, ক্লমো গ্লানিঃ||২৬||
Adhikarana 24 (27) · Śloka 27
ক্ষারদগ্ধব্রণং তু যথাদোষং যথাব্যাধি চোপক্রমেত্ ||২৭||
क्षारदग्धव्रणं तु यथादोषं यथाव्याधि चोपक्रमेत् ||२७||
🔊 Audio coming soon
ক্ষারদগ্ধব্রণব্যাপচ্চিকিত্সাং বক্তুমাহ- ক্ষারদগ্ধব্রণমিত্যাদি| অন্যে তু ‘যথাবিধি যথাদোষম্’ ইতি পঠন্তি, “হেতুব্যাধিপ্রত্যনীকেন বিধিনা” ইতি ব্যাখ্যানযন্তি||২৭||
Adhikarana 25 (28) · Śloka 28
অথ নৈতে ক্ষারকৃত্যাঃ- তদ্যথা- দুর্বলবালস্থবিরভীরুসর্বাঙ্গশূনোদরিরক্তপিত্তিগর্ভিণ্যৃতুমতীপ্রবৃদ্ধজ্বরিপ্রমেহিরূক্ষক্ষতক্ষীণ- তৃষ্ণামূর্চ্ছোপদ্রুতক্লীবাপবৃত্তোদ্বৃত্তফলযোনযঃ ||২৮||
अथ नैते क्षारकृत्याः- तद्यथा- दुर्बलबालस्थविरभीरुसर्वाङ्गशूनोदरिरक्तपित्तिगर्भिण्यृतुमतीप्रवृद्धज्वरिप्रमेहिरूक्षक्षतक्षीण- तृष्णामूर्च्छोपद्रुतक्लीबापवृत्तोद्वृत्तफलयोनयः ||२८||
🔊 Audio coming soon
অতঃ ক্ষারস্য দ্বিবিধস্যাপি যেষু প্রতিষেধস্তানাহ- অথ নৈতে ক্ষারকৃত্যা ইত্যাদি| এষু চ যথাদোষং কেষুচিদেব প্রতিসারণীযক্ষারনিষেধঃ, কেষুচিত্ পানীযনিষেধঃ, কেষুচিদুভযনিষেধঃ| সর্বাঙ্গশূনোদরীতি সর্বাঙ্গেন শূনো য উদরী তস্যৈব ক্ষারনিষেধঃ কৃতঃ; ক্ষত উরঃক্ষতঃ, তেন ক্ষীণঃ; তৃষ্ণামূর্চ্ছোপদ্রুত ইতি উপদ্রুতশব্দস্তৃষ্ণামূর্চ্ছাভ্যাং সহ প্রত্যেকং সম্বধ্যতে; ক্লীবঃ ক্ষীণশুক্রঃ, অশুক্রস্য পুনঃ ক্ষারাধিকার এব নাস্তি ; উদ্বৃত্তাপবৃত্তফলযোনয ইতি উদ্বৃত্তাপবৃত্তশব্দৌ ফলযোনিভ্যাং সহ প্রত্যেকং সম্বধ্যেতে; ফলমণ্ডং, যোনির্গর্ভাশযঃ; উদ্বৃত্তফলঃ স্থানাদূর্ধ্বগতাণ্ডঃ, অপবৃত্তফলঃ স্থানাত্ স্রস্তাণ্ডঃ; উদ্বৃত্তযোনিঃ স্থানাদূর্ধ্বগতযোনিঃ, অপবৃত্তযোনিঃ স্থানাত্ স্রস্তযোনিঃ; অন্যে তু ফলযোনিশব্দেন সমুদিতেন গর্ভাশযমাচক্ষতে, তত্রাযমর্থঃ- উদ্বৃত্তফলযোনিঃ স্থানাদূর্ধ্বগতগর্ভাশযা, অপবৃত্তফলযোনিঃ স্থানাত্ স্রস্তগর্ভাশযেত্যর্থঃ; অপরে তু ফলশব্দং রজসি বর্তযন্তি, কুতঃ? গর্ভস্য ফলসাধনত্বাত্; তেন যস্যাঃ যোনেঃ সকাশাত্ ফলং রজ উদ্বৃত্তমূর্ধ্বগতং অপবৃত্তমধোগতম্, সা উদ্বৃত্তাপবৃত্তফলযোনিঃ ||২৮||
Adhikarana 26 (29) · Śloka 29
তথা মর্মসিরাস্নাযুসন্ধিতরুণাস্থিসেবনীধমনীগলনাভিনখান্তঃশেফঃস্রোতঃস্বল্পমাংসেষু চ দেশেষ্বক্ষ্ণোশ্চ ন দদ্যাদন্যত্র বর্ত্মরোগাত্ ||২৯||
तथा मर्मसिरास्नायुसन्धितरुणास्थिसेवनीधमनीगलनाभिनखान्तःशेफःस्रोतःस्वल्पमांसेषु च देशेष्वक्ष्णोश्च न दद्यादन्यत्र वर्त्मरोगात् ||२९||
🔊 Audio coming soon
ব্যাধিপুরুষবিশেষেণ নিষেধমুক্ত্বা প্রদেশবিশেষেণ বক্তুমাহ- তথেত্যাদি| তরুণাস্থীনি ঘ্রাণকর্ণগ্রীবাক্ষিপুটেষু তরুণসঞ্জ্ঞান্যস্থীনি; সেবন্যঃ সপ্ত, পঞ্চ শিরসি, একা জিহ্বাযাম্, একা শেফসি; ধমন্যশ্চতুর্বিংশতির্নাভিপ্রভবাঃ; নাভিরিতি মর্মগ্রহণাদেব নাভিঃ প্রাপ্তা, পুনর্নাভিগ্রহণং নাভ্যাং দোষাতিশযসূচনার্থং; শেফো মেঢ্রঃ| অনুক্তমুপগৃহ্ণন্নাহ- অল্পমাংসেষু চ প্রদেশেষু জানুপাদোপরি ললাটাদিষু চ| অক্ষ্ণোশ্চ ন দদ্যাদন্যত্র বর্ত্মরোগাদিতি অন্যত্রান্যস্মিন্ রোগে, বর্ত্মরোগে পুনরক্ষ্ণোরপি ক্ষারং দদ্যাদিত্যর্থঃ||২৯||
Adhikarana 27 (30) · Śloka 30
তত্র ক্ষারসাধ্যেষ্বপি ব্যাধিষু শূনগাত্রমস্থিশূলিনমন্নদ্বেষিণং হৃদযসন্ধিপীডোপদ্রুতং চ ক্ষারো ন সাধযতি (দুর্বলবালস্থবিরাদীন্ প্রতিসারণীয ইতি) ||৩০||
तत्र क्षारसाध्येष्वपि व्याधिषु शूनगात्रमस्थिशूलिनमन्नद्वेषिणं हृदयसन्धिपीडोपद्रुतं च क्षारो न साधयति (दुर्बलबालस्थविरादीन् प्रतिसारणीय इति) ||३०||
🔊 Audio coming soon
অবস্থাবশান্নিষেধার্থং দর্শযন্নাহ- তত্র ক্ষারসাধ্যেষ্বিত্যাদি ||৩০||
Adhikarana 28 (31) · Śloka 31
ভবতি চাত্র- বিষাগ্নিশস্ত্রাশনিমৃত্যুকল্পঃ ক্ষারো ভবত্যল্পমতিপ্রযুক্তঃ | স ধীমতা সম্যগনুপ্রযুক্তো রোগান্নিহন্যাদচিরেণ ঘোরান্ ||৩১||
भवति चात्र- विषाग्निशस्त्राशनिमृत्युकल्पः क्षारो भवत्यल्पमतिप्रयुक्तः | स धीमता सम्यगनुप्रयुक्तो रोगान्निहन्यादचिरेण घोरान् ||३१||
🔊 Audio coming soon
ইদানীং সম্যক্প্রযুক্তস্য ক্ষারস্য মহাগুণত্বমসম্যক্প্রযুক্তস্য তু মহাদোষত্বং নিদর্শযন্নাহ- ভবতি চাত্রেত্যাদি| বিষাগ্নিশস্ত্রাশনিমৃত্যুকল্প ইতি মৃত্যুশব্দো বিষাদিভিঃ সহ প্রত্যেকং সম্বধ্যতে, তেনাযমর্থঃ- বিষাদিভিঃ কৃত্বা যো মৃত্যুস্তেন মৃত্যুনা কল্পঃ সদৃশো ভবতি; তত্র বিষবদ্বেদনাভিঃ সর্বাঙ্গানুসারী ভূত্বা মারযতি, অগ্নিবদ্বিস্ফোটকাদিকারণো ভূত্বা, শস্ত্রবত্ সিরাদিচ্ছেদী ভূত্বা, অশনিবত্ সদ্যো মারযতীতি দৃষ্টান্তচতুষ্টযমুপন্যস্তম্||৩১||
Adhikarana puShpikA · Śloka 11
ইতি সুশ্রুতসংহিতাযাং সূত্রস্থানে ক্ষারপাকবিধির্নামৈকাদশোঽধ্যাযঃ ||১১||
इति सुश्रुतसंहितायां सूत्रस्थाने क्षारपाकविधिर्नामैकादशोऽध्यायः ||११||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে ক্ষারপাকবিধির্নামৈকদশোঽধ্যাযঃ||১১||