Adhikarana 1 (1-2) · Śloka 2
অথাতো মিশ্রকমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो मिश्रकमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ষষ্ট্যুপক্রমাণাং মধ্যে বিম্লাপনপাচনদারণপীডনশোধনরোপণোত্সাদনাবসাদনানামষ্টানাং প্রধানানামিহ নির্দিষ্টানাং মিশ্রীকৃত্য কথনান্মিশ্রকাখ্যোঽধ্যায ইত্যর্থঃ; অন্যে তু শোফস্য ব্রণস্য চ মিশ্রযোগকথনান্মিশ্রক ইতি বদন্তি||১-২||
Adhikarana 2 (3-7) · Śloka 7
মাতুলুঙ্গ্যগ্নিমন্থৌ চ ভদ্রদারু মহৌষধম্ | অহিংস্রা চৈব রাস্না চ প্রলেপো বাতশোফজিত্ ||৩|| দূর্বা চ নলমূলং চ মধুকং চন্দনং তথা | শীতলাশ্চ গণাঃ সর্বে প্রলেপঃ পিত্তশোফহৃত্ ||৪|| আগন্তুজে রক্তজে চ হ্যেষ এব বিধিঃ স্মৃতঃ | বিধির্বিষঘ্নো বিষজে পিত্তঘ্নোঽপি হিতস্তথা ||৫|| অজগন্ধাঽশ্বগন্ধা চ কালা সরলযা সহ | একৈষিকাজশৃঙ্গী চ প্রলেপঃ শ্লেষ্মশোফহৃত্ ||৬|| এতে বর্গাস্ত্রযো লোধ্রং পথ্যা পিণ্ডীতকানি চ | অনন্তা চেতি লেপোঽযং সান্নিপাতিকশোফহৃত্ ||৭||
मातुलुङ्ग्यग्निमन्थौ च भद्रदारु महौषधम् | अहिंस्रा चैव रास्ना च प्रलेपो वातशोफजित् ||३|| दूर्वा च नलमूलं च मधुकं चन्दनं तथा | शीतलाश्च गणाः सर्वे प्रलेपः पित्तशोफहृत् ||४|| आगन्तुजे रक्तजे च ह्येष एव विधिः स्मृतः | विधिर्विषघ्नो विषजे पित्तघ्नोऽपि हितस्तथा ||५|| अजगन्धाऽश्वगन्धा च काला सरलया सह | एकैषिकाजशृङ्गी च प्रलेपः श्लेष्मशोफहृत् ||६|| एते वर्गास्त्रयो लोध्रं पथ्या पिण्डीतकानि च | अनन्ता चेति लेपोऽयं सान्निपातिकशोफहृत् ||७||
🔊 Audio coming soon
তত্র প্রথমং বিম্লাপনং ক্রমেণ বাতাদিদোষজশোফপ্রত্যনীকং দর্শযন্নাহ- মাতুলুঙ্গীত্যাদি| মাতুলুঙ্গী বীজপূরকঃ, অগ্নিমন্থঃ অরণী, ভদ্রদারু দেবদারু, মহৌষধং শুণ্ঠী, অহিংস্রা বৃহদহিংস্রা, রাস্না সুরভিঃ| দূর্বেত্যাদি| দূর্বাদীনি দ্রব্যাণি প্রসিদ্ধানি| শীতলাশ্চ গণা ইতি কাকোল্যাদ্যুত্পলাদিন্যগ্রোধাদযঃ| পিত্তবিম্লাপনবদাগন্তুজরক্তজযোরপি দর্শযন্নাহ- আগন্তুজ ইত্যাদি| আগন্তুজে পাকপ্রতিবন্ধায শীতবিধিঃ স্মৃতঃ| বিষজনিতশোথস্যাগন্তুভেদস্য বক্ষ্যমাণাতিদেশেন চিকিত্সাং দর্শযন্নাহ- বিধিরিত্যাদি| বিধির্বিষঘ্নঃ কল্পোক্তঃ| অজগন্ধেত্যাদি| অজগন্ধা বোথযিকা, লতৌষধীত্যেকে, অন্যে যবানিকামাহুঃ; অশ্বগন্ধা প্রসিদ্ধা; কালা অহিংস্রা; সরলা অরুণমূলা ত্রিবৃত্; একৈষিকা শুক্লমূলা ত্রিবৃত্; অজশৃঙ্গী কর্কটশৃঙ্গী, অন্যে অজশৃঙ্গী ছগলবিষাণিকা উত্তমারণী ‘মেঢিকা’ ইতি লোকে| প্রত্যেকদোষজশোথবিম্লাপনমভিধায সান্নিপাতিকস্য বিম্লাপনং নির্দেষ্টুমাহ- এত ইত্যাদি| এতে বর্গাস্ত্রযো মাতুলুঙ্গাদযঃ, লোধ্রং প্রসিদ্ধং, পথ্যা হরীতকী, পিণ্ডীতকো মদনঃ, অনন্তা দুরালভা| কেচিত্ পিণ্ডীতকত্রযমিত্যাদি পাঠং পঠন্তি||৩-৭||
Adhikarana 3 (8) · Śloka 8
স্নিগ্ধাম্ললবণো বাতে কোষ্ণঃ, শীতঃ পযোযুতঃ | পিত্তে, চোষ্ণঃ কফে ক্ষারমূত্রাঢ্যস্তত্প্রশান্তযে ||৮||
स्निग्धाम्ललवणो वाते कोष्णः, शीतः पयोयुतः | पित्ते, चोष्णः कफे क्षारमूत्राढ्यस्तत्प्रशान्तये ||८||
🔊 Audio coming soon
দোষভেদেন লেপস্য সংস্কারবিশেষং নির্দিশন্নাহ- স্নিগ্ধেত্যাদি| আঢ্যো বহুল ইত্যর্থঃ||৮||
Adhikarana 4 (9) · Śloka 9
শণমূলকশিগ্রূণাং ফলানি তিলসর্ষপাঃ | সক্তবঃ কিণ্বমতসী দ্রব্যাণ্যুষ্ণানি পাচনম্ ||৯||
शणमूलकशिग्रूणां फलानि तिलसर्षपाः | सक्तवः किण्वमतसी द्रव्याण्युष्णानि पाचनम् ||९||
🔊 Audio coming soon
বিম্লাপনমভিধায পাচনানি নির্দিশন্নাহ- শণমূলকেত্যাদি| ফলশব্দঃ শণাদিভিঃ সর্ষপান্তৈঃ সহ প্রত্যেকং সম্বধ্যতে| শণঃ পরিপাকে সস্বনফলঃ, শিগ্রুঃ শোভাঞ্জনকঃ, কিণ্বং সুরাবীজং যদ্বহিঃ প্রক্ষিপ্যতে, অতসী ‘অলসী’ ইতি লোকে প্রসিদ্ধা, দ্রব্যাণ্যুষ্ণানি উষ্ণবীর্যাণি কুষ্ঠাগুরুপ্রভৃতীনি| এতেনানুক্তপাচনদ্রব্যসঙ্গ্রহ উক্তঃ| পাচনং শোথস্য| শেষং প্রসিদ্ধম্| এতেষাং ব্যস্তানাং সমস্তানাং চ পাচনত্বং, সক্তূনাং শীতবীর্যত্বেঽপি প্রভাববিশেষাত্ পাচনত্বং সংযোগবিশেষাদ্বা||৯||
Adhikarana 5 (10) · Śloka 10
চিরবিল্বোঽগ্নিকো দন্তী চিত্রকো হযমারকঃ | কপোতকঙ্কগৃধ্রাণাং পুরীষাণি চ দারণম্ | ক্ষারদ্রব্যাণি বা যানি ক্ষারো বা দারণং পরম্ ||১০||
चिरबिल्वोऽग्निको दन्ती चित्रको हयमारकः | कपोतकङ्कगृध्राणां पुरीषाणि च दारणम् | क्षारद्रव्याणि वा यानि क्षारो वा दारणं परम् ||१०||
🔊 Audio coming soon
পাচনমভিধায দারণং নির্দিশন্নাহ- চিরবিল্ব ইত্যাদি| চিরবিল্বো বৃদ্ধকরঞ্জঃ ‘চিরিহিলি’ ইতি লোকে; অগ্নিকঃ কলিকারিকা, অন্যে ভল্লাতকমাহুঃ; দন্তী দন্তিনী; চিত্রকঃ প্রসিদ্ধঃ; হযমারঃ করবীরঃ| পুরীষশব্দঃ কপোতাদিভিঃ সহ প্রত্যেকং সম্বধ্যতে| কপোতো বনবাসী পাণ্ডুকঃ, কঙ্কঃ কঙ্কমল্লঃ ন পুনঃ কাকঃ; গৃধ্রো মাংসাশী পক্ষিবিশেষঃ| দারণং বিদারণং, পক্বশোথস্য| দারণদ্রব্যযোগভেদং দর্শযন্নাহ- ক্ষারদ্রব্যাণীত্যাদি| ক্ষারদ্রব্যাণি মুষ্কককুটজপলাশাশ্বকর্ণপারিভদ্রাদীনি| ক্ষারো বেতি এতৈর্দ্রব্যৈঃ সিদ্ধঃ প্রতিসারণীযঃ| পরমিতি কৃচ্ছ্রো দারণমিত্যর্থঃ; বালবৃদ্ধাদিষ্বযোজনীযঃ; দ্বিবিধং হি পক্বশোথদারণং সুকুমারং কৃচ্ছ্রং চেতি; তত্র কপোতপুরীষাদি সুকুমারং, ক্ষারঃ কৃচ্ছ্রমিতি||১০||
Adhikarana 6 (11) · Śloka 11
দ্রব্যাণাং পিচ্ছিলানাং তু ত্বঙ্মূলানি প্রপীডনম্ | যবগোধূমমাষাণাং চূর্ণানি চ সমাসতঃ ||১১||
द्रव्याणां पिच्छिलानां तु त्वङ्मूलानि प्रपीडनम् | यवगोधूममाषाणां चूर्णानि च समासतः ||११||
🔊 Audio coming soon
ততঃ পরং পীডনং দর্শযন্নাহ- দ্রব্যাণামিত্যাদি| পিচ্ছিলদ্রব্যাণি শাল্মলীশেলুবটপর্ণাদীনি| প্রপীডনং মর্মাদিসমীপসূক্ষ্মমুখব্রণপীডনম্| সমাসতঃ সঙ্ক্ষেপতঃ| প্রপীডনং চেত্থং কর্তব্যং- ব্রণমুখং বহিঃকৃত্য লেপযেত্, লিপ্ত্বা চ শোষযেত্ শুষ্কং সত্ পীডনং ভবতি||১১||
Adhikarana 7 (12) · Śloka 12
শাঙ্খিন্যঙ্কোঠসুমনঃকরবীরসুবর্চলাঃ | শোধনানি কষাযাণি বর্গশ্চারগ্বধাদিকঃ ||১২||
शाङ्खिन्यङ्कोठसुमनःकरवीरसुवर्चलाः | शोधनानि कषायाणि वर्गश्चारग्वधादिकः ||१२||
🔊 Audio coming soon
অথ শোধনং দর্শযন্নাহ- শঙ্খিনীত্যাদি| শঙ্খিনী যবতিক্তাভেদঃ সুদুগ্ধা বৃহত্পত্রা; অঙ্কোঠঃ সঙ্গ্রাহী চীরিতস্বল্পপত্রঃ,‘অঙ্কোল্ল’ ইতি লোকে; সুমনা জাতী; করবীরঃ প্রসিদ্ধঃ; সুবর্চলা সূর্যাবর্তঃ, সৌঞ্চ(চ)লীতি লোকে| শঙ্খিন্যাদীনাং কষাযা আরগ্বধাদিশ্চ ধাবনাদিদ্বারেণ শোধনঃ| শোধনং পুনরষ্টবিধং কষাযবর্তিকল্কঘৃততৈলরসক্রিযাচূর্ণধূপনভেদেন| এতচ্চাষ্টবিধমপি ক্রমেণাত্রৈব বক্ষ্যতি| কষাযস্তু শৃতশীতফাণ্টস্বরসভেদেন চতুর্বিধো গ্রাহ্যঃ| কল্কং চাত্র পঞ্চমং পৃথগেব বক্ষ্যতি||১২||
Adhikarana 8 (13-14) · Śloka 15
অজগন্ধাঽজশৃঙ্গী চ গবাক্ষী লাঙ্গলাহ্বযা | পূতীকশ্চিত্রকঃ পাঠা বিডঙ্গৈলাহরেণবঃ ||১৩|| কটুত্রিকং যবক্ষারো লবণানি মনঃশিলা | কাসীসং ত্রিবৃতা দন্তী হরিতালং সুরাষ্ট্রজা ||১৪|| সংশোধনীনাং বর্তীনাং দ্রব্যাণ্যেতানি নির্দিশেত্ |১৫|
अजगन्धाऽजशृङ्गी च गवाक्षी लाङ्गलाह्वया | पूतीकश्चित्रकः पाठा विडङ्गैलाहरेणवः ||१३|| कटुत्रिकं यवक्षारो लवणानि मनःशिला | कासीसं त्रिवृता दन्ती हरितालं सुराष्ट्रजा ||१४|| संशोधनीनां वर्तीनां द्रव्याण्येतानि निर्दिशेत् |१५|
🔊 Audio coming soon
কষাযমভিধায বর্তিমাহ- অজগন্ধেত্যাদি| গবাক্ষী ইন্দ্রবারুণী; লাঙ্গলাহ্বযা কলিকারিকা; পূতীকঃ চিরবিল্বঃ, ‘কণ্টকী বিটপকরঞ্জ’ ইত্যেকে; হরেণবো রেণুকাঃ; লবণানি সৈন্ধবসৌবর্চলবিডগডসামুদ্রিকাণি পঞ্চ, অন্যে গডস্থানে কাললবণেন সহ পঞ্চসঙ্খ্যামাহুঃ, কাললবণং তু নির্গন্ধং সৌবর্চলভেদঃ; সুরাষ্ট্রজা তুম্বুরুমৃত্ ‘তুরী’ ইতি লোকে, অপরে সামান্যেন কৃষ্ণমৃত্তিকামাহুঃ| শেষাণি দ্রব্যাণি কিঞ্চিত্পূর্বং ব্যাখ্যাতানি কিঞ্চিত্প্রসিদ্ধানি| এতৈর্দ্রব্যৈঃ সূত্রবর্তিং লিপ্ত্বা ব্রণে নিক্ষিপেত্, এবং বর্তির্ভবতি||১৩-১৪||-
Adhikarana 9 (15) · Śloka 15
এতৈরেবৌষধৈঃ কুর্যাত্কল্কানপি চ শোধনান্ ||১৫||
एतैरेवौषधैः कुर्यात्कल्कानपि च शोधनान् ||१५||
🔊 Audio coming soon
বর্তিমুক্ত্বা কল্কমাহ- এতৈরেবৌষধৈরিত্যাদি| এতৈরৌষধৈরজগন্ধাদিভিঃ সুরাষ্ট্রজান্তৈঃ||১৫||
Adhikarana 10 (16) · Śloka 17
অর্কোত্তমাং স্নুহীক্ষীরং পিষ্ট্বা ক্ষারোত্তমানি চ | জাতীমূলং হরিদ্রে দ্বে কাসীসং কটুরোহিণীম্ ||১৬|| পূর্বোদ্দিষ্টানি চান্যানি কুর্যাত্ সংশোধনং ঘৃতম্ |১৭|
अर्कोत्तमां स्नुहीक्षीरं पिष्ट्वा क्षारोत्तमानि च | जातीमूलं हरिद्रे द्वे कासीसं कटुरोहिणीम् ||१६|| पूर्वोद्दिष्टानि चान्यानि कुर्यात् संशोधनं घृतम् |१७|
🔊 Audio coming soon
কল্কমভিধায শোধনঘৃতমাহ- অর্কোত্তমামিত্যাদি| অর্কঃ অকর্মূলম্, উত্তমা ত্রিফলা, অন্যে তু পুনরর্কোত্তমমিত্যভিন্নপদেন মন্দারকমাহুঃ; স্নুহীক্ষীরং সেহুণ্ডদুগ্ধং; ক্ষারোত্তমানি ক্ষারশ্রেষ্ঠদ্রব্যাণি মুষ্কককুটজপলাশাশ্বকর্ণাদীনি; জাতীমূলং জাত্যা জটা; অন্যে ‘জাতুকন্দ’, ইতি পঠন্তি, তত্র জাতুকন্দো গুগ্গুলুক উত্তরাপথে প্রসিদ্ধঃ; পূর্বোদ্দিষ্টানি শোধনবর্তিনির্দিষ্টানি| শেষং সুগমম্||১৬||-
Adhikarana 11 (17-18) · Śloka 18
মযূরকো রাজবৃক্ষো নিম্বঃ কোশাতকী তিলাঃ ||১৭|| বৃহতী কণ্টকারী চ হরিতালং মনঃশিলা | শোধনানি চ যোজ্যানি তৈলে দ্রব্যাণি শোধনে ||১৮||
मयूरको राजवृक्षो निम्बः कोशातकी तिलाः ||१७|| बृहती कण्टकारी च हरितालं मनःशिला | शोधनानि च योज्यानि तैले द्रव्याणि शोधने ||१८||
🔊 Audio coming soon
তৈলং শোধনং নির্দিশন্নাহ- মযূরক ইত্যাদি| মযূরকোঽপামার্গঃ; রাজবৃক্ষঃ কিরমালকঃ| কোশাতকী ঘোষকঃ, ‘ঘুসুণ্ডী’ ইতি লোকে| শোধনানি চ যোজ্যানীতি শোধনবর্তিনির্দিষ্টানি, বমনবিরেচননির্দিষ্টানীত্যন্যে| শেষং প্রসিদ্ধম্||১৭-১৮||
Adhikarana 12 (19) · Śloka 19
কাসীসে সৈন্ধবে কিণ্বে বচাযাং রজনীদ্বযে | শোধনাঙ্গেষু চান্যেষু চূর্ণং কুর্বীত শোধনম্ ||১৯||
कासीसे सैन्धवे किण्वे वचायां रजनीद्वये | शोधनाङ्गेषु चान्येषु चूर्णं कुर्वीत शोधनम् ||१९||
🔊 Audio coming soon
শোধনচূর্ণানি নির্দিশন্নাহ- কাসীস ইত্যাদি| শোধনাঙ্গেষু চান্যেষ্বিতি শোধনবর্তিনির্দিষ্টেষু বমনবিরেচনাঙ্গদ্রব্যেষু চ; কানিচিত্ পূর্বং ব্যাখ্যাতানি কানিচিত্ প্রসিদ্ধানি দ্রব্যাণি||১৯||
Adhikarana 13 (20) · Śloka 20
সালসারাদিসারেষু পটোলত্রিফলাসু চ | রসক্রিযা বিধাতব্যা শোধনী শোধনেষু চ ||২০||
सालसारादिसारेषु पटोलत्रिफलासु च | रसक्रिया विधातव्या शोधनी शोधनेषु च ||२०||
🔊 Audio coming soon
রসক্রিযাং শোধনীং নির্দিশন্নাহ- সালসারাদিসারেষ্বিত্যাদি| রসক্রিযা ফাণিতাকৃতিঃ, ‘কাকবী’ ইতি লোকে| বিধাতব্যা কর্তব্যা| শোধনেষু চেতি শোধনবর্তিনির্দিষ্টেষু, অথবোর্ধ্বাধঃশোধনেষু বমনবিরেচনদ্রব্যেষু, শেষং প্রসিদ্ধম্| রসক্রিযাকল্পনা চেযং- দ্রব্যাপেক্ষযাঽষ্টগুণং ষোডশগুণং বা জলং দত্ত্বাঽষ্টভাগাবশেষঃ ষোডশভাগাবশেষো বা ক্বাথঃ কার্যঃ, ততঃ পূতং কষাযং পুনস্তাবত্ পচেদ্যাবত্ ফাণিতাকৃতিঃ||২০||
Adhikarana 14 (21) · Śloka 21
শ্রীবেষ্টকে সর্জরসে সরলে দেবদারুণি | সারেষ্বপি চ কুর্বীত মতিমান্ ব্রণধূপনম্ ||২১||
श्रीवेष्टके सर्जरसे सरले देवदारुणि | सारेष्वपि च कुर्वीत मतिमान् व्रणधूपनम् ||२१||
🔊 Audio coming soon
পরিশিষ্টমষ্টমং ধূপনং দর্শযন্নাহ- শ্রীবেষ্টক ইত্যাদি| শ্রীবেষ্টকঃ সরলরসো নবনীতপিণ্ডপ্রাযঃ, ‘গুগ্গুলী’ ইতি লোকে প্রসিদ্ধঃ; সর্জরসঃ ‘রালা’ ইতি লোকে প্রসিদ্ধঃ; সরলে সরলবৃক্ষত্বচীত্যর্থঃ| সারেষ্বিতি অনুক্তেষু সালসারাদিসারেষ্বিত্যর্থঃ| শেষং প্রসিদ্ধম্| অত্র শোধনপ্রকরণে কেচিত্ “এতৈরেবৌষধৈঃ কুর্যাত্ কল্কানপি চ শোধনান্” অস্যাগ্রে “কাসীসকটুরোহিণ্যোর্জাতীকন্দহরিদ্রযোঃ| পূর্বোদ্দিষ্টেষু চাঙ্গেষু কুর্যাত্তৈলঘৃতানি বৈ”- ইতি পাঠং পঠন্তি, ব্যাখ্যানযন্তি চ- কন্দহরিদ্রযোরিত্যত্র কন্দশব্দো দারুহরিদ্রাপরিহারায| ‘জাতুকন্দহরিদ্রযোঃ’ ইত্যন্যে পঠন্তি, অত্র জাতুকন্দো গুগ্গুলুঃ| পূর্বোদ্দিষ্টেষু চাঙ্গেষ্বিতি শঙ্খিন্যাদিষু অজগন্ধাদিষু চ| এষাং কষাযাদীনাং ব্রণধাবনাদৌ দ্বিব্রণীযে যথোক্তবিষযমবচারণম্||২১||
Adhikarana 15 (22-23) · Śloka 23
কষাযাণামনুষ্ণানাং বৃক্ষাণাং ত্বক্ষু সাধিতঃ | শৃতঃ শীতকষাযো বা রোপণার্থং প্রশস্যতে ||২২|| সোমামৃতাশ্বগন্ধাসু কাকোল্যাদৌ গণে তথা | ক্ষীরিপ্ররোহেষ্বপি চ বর্তযো রোপণাঃ স্মৃতাঃ ||২৩||
कषायाणामनुष्णानां वृक्षाणां त्वक्षु साधितः | शृतः शीतकषायो वा रोपणार्थं प्रशस्यते ||२२|| सोमामृताश्वगन्धासु काकोल्यादौ गणे तथा | क्षीरिप्ररोहेष्वपि च वर्तयो रोपणाः स्मृताः ||२३||
🔊 Audio coming soon
রোপণমপি ধূপনবর্জ্যং শোধনমিব সপ্তবিধং কষাযাদিভেদেন দর্শযন্নাহ- কষাযাণামিত্যাদি| কষাযাণামনুষ্ণানামিতি ন্যগ্রোধোদুম্বরাশ্বত্থপ্লক্ষপ্রভৃতীনাম্| শৃতং শীতকষাযং বেত্যুপলক্ষণং, তেন ফাণ্টস্বরসাবপি গৃহ্যেতে| দ্রব্যমুষ্ণোদকে রাত্রৌ স্থাপিতং ‘শীতকষাযঃ’ ইত্যুচ্যতে| রোপণার্থং সংরোহণার্থম্| রোপণবর্তীদ্রব্যাণি নির্দিশন্নাহ- সোমেত্যাদি| সোমঃ সোম এব, ‘সোমবল্কল’ ইত্যন্যে, অপরে ‘সোমা ব্রাহ্মী’ ইত্যাহুঃ; অমৃতা গুডূচী; ক্ষীরিপ্ররোহা ন্যগ্রোধোদুম্বরাদীনামঙ্কুরাঃ| শেষং প্রসিদ্ধম্||২২-২৩||
Adhikarana 16 (24) · Śloka 24
সমঙ্গা সোমসরলা সোমবল্কঃ সচন্দনঃ | কাকোল্যাদিশ্চ কল্কঃ স্যাত্ প্রশস্তো ব্রণরোপণে ||২৪||
समङ्गा सोमसरला सोमवल्कः सचन्दनः | काकोल्यादिश्च कल्कः स्यात् प्रशस्तो व्रणरोपणे ||२४||
🔊 Audio coming soon
রোপণকল্কদ্রব্যং নির্দিশন্নাহ-সমঙ্গেত্যাদি|- সমঙ্গা অঞ্জলিকারিকা ‘লজ্জালুকী’ ইতি লোকে প্রসিদ্ধা, বরাহক্রান্তামপরে; সোমঃ সোম এব; সরলা সরলঃ, বিশংসিকামন্যে; সোমবল্কঃ কট্ফলঃ| শেষং প্রসিদ্ধম্||২৪||
Adhikarana 17 (25) · Śloka 25
পৃথক্পর্ণ্যাত্মগুপ্তা চ হরিদ্রে মালতী সিতা | কাকোল্যাদিশ্চ যোজ্যঃ স্যাদ্ভিষজা রোপণে ঘৃতে ||২৫||
पृथक्पर्ण्यात्मगुप्ता च हरिद्रे मालती सिता | काकोल्यादिश्च योज्यः स्याद्भिषजा रोपणे घृते ||२५||
🔊 Audio coming soon
রোপণঘৃতং নির্দিশন্নাহ- পৃথক্পর্ণীত্যাদি| পৃথক্পর্ণী পৃশ্নিপর্ণী, আত্মগুপ্তা কপিকচ্ছূঃ, মালতী জাতী, সিতা শর্করা, শ্বেতদূর্বেত্যন্যে| শেষং প্রসিদ্ধম্||২৫||
Adhikarana 18 (26) · Śloka 26
কালানুসার্যাগুরুণী হরিদ্রে দেবদারু চ | প্রিযঙ্গবশ্চ রোধ্রং চ তৈলে যোজ্যানি রোপণে ||২৬||
कालानुसार्यागुरुणी हरिद्रे देवदारु च | प्रियङ्गवश्च रोध्रं च तैले योज्यानि रोपणे ||२६||
🔊 Audio coming soon
রোপণতৈলমুদ্দিশন্নাহ- কালানুসার্যেত্যাদি| কালানুসার্যং তগরং, শৈলজমিতি কেচিত্| শেষং প্রসিদ্ধম্||২৬||
Adhikarana 19 (27-28) · Śloka 28
কঙ্গুকা ত্রিফলা রোধ্রং কাসীসং শ্রবণাহ্বযা | ধবাশ্বকর্ণযোস্ত্বক্ চ রোপণং চূর্ণমিষ্যতে ||২৭|| প্রিযঙ্গুকা সর্জরসঃ পুষ্পকাসীসমেব চ | ত্বক্চূর্ণং ধবজং চৈব রোপণার্থং প্রশস্যতে ||২৮||
कङ्गुका त्रिफला रोध्रं कासीसं श्रवणाह्वया | धवाश्वकर्णयोस्त्वक् च रोपणं चूर्णमिष्यते ||२७|| प्रियङ्गुका सर्जरसः पुष्पकासीसमेव च | त्वक्चूर्णं धवजं चैव रोपणार्थं प्रशस्यते ||२८||
🔊 Audio coming soon
রোপণচূর্ণমাহ- কঙ্গুকেত্যাদি| কঙ্গুকাঃ কঙ্গবঃ, ‘অন্নবিশেষা’ ইত্যপরে| শ্রবণাহ্বযা মুণ্ডিতিকা| ধবঃ শকটাখ্যঃ, অনেনৈব নাম্না প্রসিদ্ধঃ; অশ্বকর্ণঃ পূর্বদেশে গন্ধমুণ্ডোঽশ্বত্থসদৃশবৃক্ষঃ| শেষং প্রসিদ্ধম্| কঙ্গুকাস্থানে কেচিত্ ‘কিংশুকা’ ইতি পঠন্তি| দ্বিতীযং রোপণচূর্ণমাহ- প্রিযঙ্গুকেত্যাদি| অত্র সর্বং সুবোধম্||২৭-২৮||
Adhikarana 20 (29) · Śloka 29
ত্বক্ষু ন্যগ্রোধবর্গস্য ত্রিফলাযাস্তথৈব চ | রসক্রিযাং রোপণার্থে বিদধীত যথাক্রমম্ ||২৯||
त्वक्षु न्यग्रोधवर्गस्य त्रिफलायास्तथैव च | रसक्रियां रोपणार्थे विदधीत यथाक्रमम् ||२९||
🔊 Audio coming soon
রসক্রিযাং রোপণীমাহ- ত্বক্ষ্বিত্যাদি| রসক্রিযাবস্থাযাং রোপণরসক্রিযা কর্তব্যেত্যর্থঃ| শেষং সুগমম্||২৯||
Adhikarana 21 (30) · Śloka 30
অপামার্গোঽশ্বগন্ধা চ তালপত্রী সুবর্চলা | উত্সাদনে প্রশস্যন্তে কাকোল্যাদিশ্চ যো গণঃ ||৩০||
अपामार्गोऽश्वगन्धा च तालपत्री सुवर्चला | उत्सादने प्रशस्यन्ते काकोल्यादिश्च यो गणः ||३०||
🔊 Audio coming soon
ইদানীমুত্সাদনমাহ- অপামার্গ ইত্যাদি| অপামার্গস্য মূলং শীতলং গৃহ্যতে; ন তু ফলং, তস্যোষ্ণবীর্যত্বাত্| তালপত্রী মুশলী| সুবর্চলা সূর্যাবর্তঃ; অস্যা অপি মূলং ন তু ফলং, তস্যোষ্ণবীর্যত্বাত্| উত্সাদন ইতি উত্সাদনং মাংসবর্ধনং, লেপপ্রযোগাদুত্সাদনং ভবতি| শেষং সুগমম্||৩০||
Adhikarana 22 (31-32) · Śloka 32
কাসীসং সৈন্ধবং কিণ্বং কুরুবিন্দো মনঃশিলা | কুক্কুটাণ্ডকপালানি সুমনোমুকুলানি চ ||৩১|| ফলে শৈরীষকারঞ্জে ধাতুচূর্ণানি যানি চ | ব্রণেষূত্সন্নমাংসেষু প্রশস্তান্যবসাদনে ||৩২||
कासीसं सैन्धवं किण्वं कुरुविन्दो मनःशिला | कुक्कुटाण्डकपालानि सुमनोमुकुलानि च ||३१|| फले शैरीषकारञ्जे धातुचूर्णानि यानि च | व्रणेषूत्सन्नमांसेषु प्रशस्तान्यवसादने ||३२||
🔊 Audio coming soon
অবসাদনং নির্দিশন্নাহ- কাসীসমিত্যাদি| কুরুবিন্দো লোহিতরত্নং ‘পদ্মরাগ’ ইত্যুচ্যতে| কুক্কুটাণ্ডকপালানি কুক্কুটাণ্ডকর্পরাণি| সুমনোমুকুলানি চেতি জাতিকলিকেত্যর্থঃ|ধাতুচূর্ণানি যানি চেতি হরিতালপুষ্পকাসীসরসাঞ্জনপ্রভৃতীনি| উত্সন্নমাংসেষু উন্নতমাংসেষ্বিত্যর্থঃ| অবসাদন ইতি মাংসস্ফোটনে||৩১-৩২||
Adhikarana 23 (33) · Śloka 33
সমস্তং বর্গমর্ধং বা যথালাভমথাপি বা | প্রযুঞ্জীত ভিষক্ প্রাজ্ঞো যথোদ্দিষ্টেষু কর্মসু ||৩৩||
समस्तं वर्गमर्धं वा यथालाभमथापि वा | प्रयुञ्जीत भिषक् प्राज्ञो यथोद्दिष्टेषु कर्मसु ||३३||
🔊 Audio coming soon
এষাং শোধনরোপণাদিবর্গাণাং সমস্তানামলাভে কল্পান্তরং দর্শযন্নাহ- সমস্তমিত্যাদি| মিশ্রকীযেষু দ্রব্যগণেষু তথা দ্রব্যসঙ্গ্রহণীযোক্তেষু তথা সংশোধনসংশমনীযোক্তেষু যানি দ্রব্যাণি তেষাং সমস্তানামলাভে ত্রিচতুঃপঞ্চষডাদিদ্রব্যাণামপি যোগঃ কর্তব্য ইত্যর্থঃ| তেনাধ্যাযত্রযনির্দিষ্টগণবিষযিণ্যেবেযং পরিভাষা, ন সমস্ততন্ত্রব্যাপিনী| অন্যে সমস্তমুত্তমবলে ব্যাধৌ, অর্ধং মধ্যবলে, যথালাভং হীনবলে, ইতি কথযন্তি| অযং পক্ষো গযদাসাচার্যেণ দূষিতঃ| যথালাভমিতি যস্য যস্য লাভঃ স্যাত্তত্তত্ প্রযুঞ্জীতেত্যর্থঃ| যথোদ্দিষ্টেষু কর্মস্বিতি উক্তেষু বিম্লাপনাদিকর্মস্বিত্যর্থঃ||৩৩||
Adhikarana puShpikA · Śloka 37
ইতি সুশ্রুতসংহিতাযাং সূত্রস্থানে মিশ্রকাধ্যাযো নাম সপ্তত্রিংশত্তমোঽধ্যাযঃ ||৩৭||
इति सुश्रुतसंहितायां सूत्रस्थाने मिश्रकाध्यायो नाम सप्तत्रिंशत्तमोऽध्यायः ||३७||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে সপ্তত্রিংশত্তমোঽধ্যাযঃ||৩৭||