Adhikarana 1 (1-2) · Śloka 2
অথাতঃ পঞ্চেন্দ্রিযার্থবিপ্রতিপত্তিমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातः पञ्चेन्द्रियार्थविप्रतिपत्तिमध्यायं व्याख्यास्यामः ||१||
यथोवाच भगवान् धन्वन्तरिः ||२||
পঞ্চেন্দ্রিযাণি শ্রোত্রাদীনি, তেষামর্থাঃ শব্দাদযঃ, অর্থানাং শব্দাদীনাং বিপ্রতিপত্তির্বিপরীতাববোধো হীনাতিযোগেনেত্যর্থঃ| পঞ্চগ্রহণং কর্মেন্দ্রিযাণামুভযাত্মকস্য মনসশ্চ নিষেধার্থং; কর্মেন্দ্রিযাণাং শরীরগ্রহণেনৈব গ্রহণাত্; মনসস্ত্বিন্দ্রিযগ্রহণেনৈব গ্রহণং, মনোব্যতিরেকেণেন্দ্রিযাণাং বিষযগ্রহণাভাবাত্||১-২||
Adhikarana 2 (3) · Śloka 3
শরীরশীলযোর্যস্য প্রকৃতের্বিকৃতির্ভবেত্ |
তত্ত্বরিষ্টং সমাসেন, ব্যাসতস্তু নিবোধ মে ||৩||
View original
शरीरशीलयोर्यस्य प्रकृतेर्विकृतिर्भवेत् |
तत्त्वरिष्टं समासेन, व्यासतस्तु निबोध मे ||३||
প্রাগধ্যাযে দূতাদিজ্ঞেযবাহ্যারিষ্টং প্রতিপাদ্যাস্মিন্নধ্যাযে আভ্যন্তরমরিষ্টমাশ্রযভেদেন ত্রিবিধং সঙ্ক্ষেপেণ দর্শযন্নাহ- শরীরশীলযোরিত্যাদি| শরীরং পাঞ্চভৌতিকং প্রাণিকাযঃ, শীলং মানসো ভাবঃ, অন্যে তু `শীলং সমাধানযুক্তং মনঃ' ইত্যাচক্ষতে; প্রকৃতিঃ স্বাভাবিকঃ প্রাণিনো নিজো ধর্মঃ; এতেষাং শরীরশীলপ্রকৃতীনাং ত্রযাণাং ভাবানাং বিকৃতির্বৈপরীত্যং যদ্ভবেত্তদরিষ্টং মরণলক্ষণং ভবতি| সমাসেন সঙ্ক্ষেপেণ| অন্যে তু `শরীরশীলযোর্দ্বযোর্যা প্রকৃতিস্তস্যা যা বিকৃতিস্তদরিষ্টং মরণলক্ষণং ভবতি' ইত্যাচক্ষতে| প্রকৃতেঃ প্রস্তাবাত্ কিঞ্চিদ্বিচারঃ ক্রিযতে, সা হি প্রকৃতির্জাত্যাদীন্ ষডুপাধীনপেক্ষতে| তদুক্তং চরকে- “প্রকৃতির্হি জাতিপ্রসক্তা চ কুলপ্রসক্তা চ দেশানুপাতিনী চ কালানুপাতিনী চ বযোনুপাতিনী চ প্রত্যাত্মনিযতা চ”- (চ. ই. অ. ১) ইতি| সর্বভেদেষু চকারকরণমন্যোন্যসমাবেশার্থং; তত্র জাতিপ্রসক্তা নাম তাসু তাসু মনুষ্যাদিজাতিষু তে তে করচরণাদযঃ স্বভাববিশেষাঃ; বচনেষু চ নানাবিবিধা এব ব্যক্তাব্যক্তাদযো ধর্মাঃ, মনসি চ ধর্মাধর্মমৈথুনাহারপ্রভৃতযোঽপি ভাবাঃ; কুলপ্রসক্তা নাম দ্বিজকুলে তপঃপ্রিযতাদযঃ, ক্ষত্রিযকুলে সমরপ্রিযতাদযো ধর্মবিশেষা ভবন্তি; দেশানুপাতিনী নাম লাটকর্ণাটাদীনাং কাযে বাচি মনসি চ তে তে স্বভাববিশেষা বিশেষেণ ভবন্তি; কালানুপাতিনী নাম দেহাদিষু দৌর্বল্যাদ্যাদানাদ্যপেক্ষং, গদেষু চ দোষমলাদ্যপেক্ষিণী; বযোনুপাতিনী নাম বাল্যাদ্যবস্থাসু বালাদৌ সৌকুমার্যাদযো ধর্মাঃ; এতেষু ত্রিষ্বনুপাতিশব্দপ্রযোগাত্ সঞ্চারিত্বং স্বভাবগুণানামিষ্টং; প্রত্যাত্মনিযতেতি আত্মন্যাত্মনি নিযতা প্রতিপুরুষনিযতেত্যর্থঃ| তে পুনঃ কাযে বাচি মনসি চ স্বভাববিশেষাঃ প্রতিপুরুষভেদভিন্না দৃশ্যন্তে; এবং তাবত্ ষোঢা প্রকৃতির্ভবত্যেব| অন্যে তু “সপ্তম্যপি ভবেত্ প্রাযো দেহে লক্ষণহৈতুকী| উত্তমাধমমধ্যাযুর্লিঙ্গানাং কারণং হি সা”- ইতি মন্যন্তে| অন্যে তু প্রকৃতিং সত্ত্বরজস্তমোমযীং বাতপিত্তশ্লেষ্মমযীং বা মন্যন্তে| তস্যা বিকৃতির্বৈপরীত্যমন্যথাভাবঃ||৩||
Adhikarana 3 (4-6) · Śloka 6
শৃণোতি বিবিধাঞ্ শব্দান্ যো দিব্যানামভাবতঃ |
সমুদ্রপুরমেঘানামসম্পত্তৌ চ নিঃস্বনান্ ||৪||
তান্ স্বনান্নাবগৃহ্ণাতি মন্যতে চান্যশব্দবত্ |
গ্রাম্যারণ্যস্বনাংশ্চাপি বিপরীতাঞ্ শৃণোতি চ ||৫||
দ্বিষচ্ছব্দেষু রমতে সুহৃচ্ছব্দেষু কুপ্যতি |
ন শৃণোতি চ যোঽকস্মাত্তং ব্রুবন্তি গতাযুষম্ ||৬||
View original
शृणोति विविधाञ् शब्दान् यो दिव्यानामभावतः |
समुद्रपुरमेघानामसम्पत्तौ च निःस्वनान् ||४||
तान् स्वनान्नावगृह्णाति मन्यते चान्यशब्दवत् |
ग्राम्यारण्यस्वनांश्चापि विपरीताञ् शृणोति च ||५||
द्विषच्छब्देषु रमते सुहृच्छब्देषु कुप्यति |
न शृणोति च योऽकस्मात्तं ब्रुवन्ति गतायुषम् ||६||
আতুরগতগ্রাহ্যবিরুদ্ধশব্দপ্রতিপত্তিং নির্দিশন্নাহ- শৃণোতীত্যাদি| বিবিধান্ বহুপ্রকারান্ সঞ্জল্পপাঠগীতবাদ্যাদীন্| দিব্যানাং সিদ্ধকিন্নরগন্ধর্বাদীনাম্| সমুদ্রপুরমেঘানামিত্যত্র সমুদ্রাদিভিঃ সহ নিঃস্বনশব্দঃ প্রত্যেকং সম্বধ্যতে| এতেন সমুদ্রাদীনামসম্পত্তাবভাবেঽপি তেষাং শব্দাঞ্ছৃণোতীত্যর্থঃ| পুরস্বনঃ পুরবাসিপ্রাণিশব্দঃ; অন্যে তু পুরস্থানে `তূর্য' ইতি পঠন্তি; অপরে `বাত' ইতি পঠন্তি| তান্ স্বনানিত্যাদি বিদ্যমানেষু বা সমুদ্রাদিস্বনেষু তান্ন গৃহ্ণাতি, বাঽন্যশব্দবন্মন্যতে| গ্রাম্যস্বনান্ গ্রামবাসিপ্রাণিশব্দান্, আরণ্যান্ অরণ্যবাসিপ্রাণিধ্বনীন্; বিপরীতানিতি গ্রাম্যানারণ্যানিব শৃণোতি, আরণ্যান্ গ্রাম্যানিব শৃণোতীত্যর্থঃ| দ্বিষচ্ছব্দেষু শত্রুশব্দেষু| সুহৃন্মিত্রাদিঃ| অকস্মাচ্ছ্রবণরোগং বিনা||৪-৬||
Adhikarana 4 (7-8) · Śloka 8
যস্তূষ্ণমিব গৃহ্ণাতি শীতমুষ্ণং চ শীতবত্ |
সঞ্জাতশীতপিডকো যশ্চ দাহেন পীড্যতে ||৭||
উষ্ণগাত্রোঽতিমাত্রং চ যঃ শীতেন প্রবেপতে |
প্রহারান্নাভিজানাতি যোঽঙ্গচ্ছেদমথাপি বা ||৮||
View original
यस्तूष्णमिव गृह्णाति शीतमुष्णं च शीतवत् |
सञ्जातशीतपिडको यश्च दाहेन पीड्यते ||७||
उष्णगात्रोऽतिमात्रं च यः शीतेन प्रवेपते |
प्रहारान्नाभिजानाति योऽङ्गच्छेदमथापि वा ||८||
আতুরগতগ্রাহ্যবিরুদ্ধস্পর্শপ্রতিপত্তিং দর্শযন্নাহ- যস্তূষ্ণমিত্যাদি| অত্র শীতপীডকা হি কফকৃতাঃ, তাসাং জাড্যাদযো বেদনাবিশেষাঃ প্রাকৃতাঃ, দাহস্তু বৈকৃত ইতি| প্রহারো লগুডাদিকৃতঃ| অঙ্গচ্ছেদঃ শস্ত্রাদিকৃতঃ||৭-৮||
Adhikarana 5 (9) · Śloka 9
পাংশুনেবাবকীর্ণানি যশ্চ গাত্রাণি মন্যতে |
বর্ণান্যতা বা রাজ্যো বা যস্য গাত্রে ভবন্তি হি ||৯||
View original
पांशुनेवावकीर्णानि यश्च गात्राणि मन्यते |
वर्णान्यता वा राज्यो वा यस्य गात्रे भवन्ति हि ||९||
আতুরগতগ্রাহ্যবিরুদ্ধরূপপ্রতিপত্তিং দর্শযন্নাহ- পাংশুনেত্যাদি| পাংশুর্ধূলিঃ, অবকীর্ণানি ব্যাপ্তানি| রাজ্যো লেখা নীললোহিতাদযঃ||৯||
Adhikarana 6 (10) · Śloka 10
স্নাতানুলিপ্তং যং চাপি ভজন্তে নীলমক্ষিকাঃ |১০|
View original
स्नातानुलिप्तं यं चापि भजन्ते नीलमक्षिकाः |१०|
আতুরগতামেব বিরুদ্ধরসপ্রতিপত্তিং দর্শযন্নাহ- স্নাতেত্যাদি| পূর্বং স্নাতঃ পশ্চাদনুলিপ্ত ইত্থম্ভূতমপি সুগন্ধিকাযং বহির্মলবর্জিতং যদা নীলমক্ষিকাঃ শ্রযন্তে তদাঽসৌ কালপক্বত্বাদতিমধুরীভূতশরীরঃ, যেন নির্মলশরীরোঽপি মক্ষিকাভিঃ কাম্যত ইতি| স্নাতানুলিপ্তমিত্যেতদরিষ্টং বর্ষাবধি|১০|-
Adhikarana 7 (10) · Śloka 10
সুগন্ধির্বাঽতি যোঽকস্মাত্তং ব্রুবন্তি গতাযুষম্ ||১০||
View original
सुगन्धिर्वाऽति योऽकस्मात्तं ब्रुवन्ति गतायुषम् ||१०||
আতুরগতগ্রাহ্যবিরুদ্ধগন্ধপ্রতিপত্তিং দর্শযন্নাহ- সুগন্ধিরিত্যাদি| অতি সুগন্ধির্বাঽকস্মাত্ `সুগন্ধিপ্রযোগং বিনা ভবতি' ইতি শেষঃ, ইদমপি বার্ষিকমরিষ্টম্||১০||
Adhikarana 8 (11-12) · Śloka 12
বিপরীতেন গৃহ্ণাতি রসান্ যশ্চোপযোজিতান্ |
উপযুক্তাঃ ক্রমাদ্যস্য রসা দোষাভিবৃদ্ধযে ||১১||
যস্য দোষাগ্নিসাম্যং চ কুর্যুর্মিথ্যোপযোজিতাঃ |
যো বা রসান্ন সংবেত্তি গতাসুং তং প্রচক্ষতে ||১২||
View original
विपरीतेन गृह्णाति रसान् यश्चोपयोजितान् |
उपयुक्ताः क्रमाद्यस्य रसा दोषाभिवृद्धये ||११||
यस्य दोषाग्निसाम्यं च कुर्युर्मिथ्योपयोजिताः |
यो वा रसान्न संवेत्ति गतासुं तं प्रचक्षते ||१२||
আতুরগতপঞ্চেন্দ্রিযার্থবিপ্রতিপত্তিং নির্দিশ্যাঽঽতুরগ্রাহ্যপঞ্চেন্দ্রিযার্থবিপ্রতিপত্তিনির্দেশাভিপ্রাযঃ, তত্র রসস্য দেহমূলত্বেন প্রধানত্বাত্তস্যৈব বিপ্রতিপত্তিং দর্শযন্নাহ- বিপরীতেনেত্যাদি| বিপরীতেনেতি মধুরোঽম্লঃ, অম্লো মধুর ইত্যাদি| উপযুক্তাঃ ক্রমাদিতি ‘পূর্বং মধুরমশ্নীযাত্’ ইত্যাদিক্রমঃ| গতাসুং গতপ্রাণম্| এতদরিষ্টং মাসিকম্||১১-১২||
Adhikarana 9 (13) · Śloka 14
সুগন্ধং বেত্তি দুর্গন্ধং দুর্গন্ধস্য সুগন্ধিতাম্ |
গৃহ্ণীতে বাঽন্যথা গন্ধং শান্তে দীপে চ নীরুজঃ ||১৩||
যো বা গন্ধং ন জানাতি গতাসুং তং বিনির্দিশেত্ |১৪|
View original
सुगन्धं वेत्ति दुर्गन्धं दुर्गन्धस्य सुगन्धिताम् |
गृह्णीते वाऽन्यथा गन्धं शान्ते दीपे च नीरुजः ||१३||
यो वा गन्धं न जानाति गतासुं तं विनिर्दिशेत् |१४|
গন্ধগ্রহণমধিকৃত্যাহ- সুগন্ধমিত্যাদি| শান্তে দীপে নির্বাণে প্রদীপে, যো গন্ধং ন জানাতি| নীরুজো নীরোগঃ পীনসাদিরোগবর্জিতঃ||১৩||-
Adhikarana 10 (14) · Śloka 15
দ্বন্দ্বান্যুষ্ণহিমাদীনি কালাবস্থা দিশস্তথা ||১৪||
বিপরীতেন গৃহ্ণাতি ভাবানন্যাংশ্চ যো নরঃ |১৫|
View original
द्वन्द्वान्युष्णहिमादीनि कालावस्था दिशस्तथा ||१४||
विपरीतेन गृह्णाति भावानन्यांश्च यो नरः |१५|
স্পর্শগ্রহণমধিকৃত্যাহ- দ্বন্দ্বানীত্যাদি| দ্বন্দ্বানি কষ্টকরাণি; আদিগ্রহণাত্ স্পর্শগ্রাহ্যাণি স্নিগ্ধাদিবীর্যাণি| কালাবস্থা প্রবাতনির্বাতবর্ষাদ্যাঃ| দিশ ইতি পূর্বাদিকাঃ| অনেন মানসঃ স্পর্শ উক্তঃ| দ্বিবিধো হি স্পর্শঃ- স্পর্শেন্দ্রিযগ্রাহ্যঃ, মানসশ্চ| তথা চ তন্ত্রান্তরম্- “স্পর্শেনেন্দ্রিযসংস্পর্শঃ স্পর্শো মানস এব চ” (চ. শা. ১) ইতি| অন্যাংশ্চ ভাবান্ দ্রব্যগুণকর্মাণি, বিপরীতেন গৃহ্ণাতি| দ্বন্দ্বান্যুষ্ণহিমাদীন্যেতদরিষ্টমেকমাসিকমিতি; দিশো বৈপরীত্যেন গৃহ্ণাত্যেতদরিষ্টং ত্রিমাসিকম্||১৪||
Adhikarana 11 (15-23) · Śloka 23
দিবা জ্যোতীংষি যশ্চাপি জ্বলিতানীব পশ্যতি ||১৫||
রাত্রৌ সূর্যং জ্বলন্তং বা দিবা বা চন্দ্রবর্চসম্ |
অমেঘোপপ্লবে যশ্চ শক্রচাপতডিদ্গুণান্ ||১৬||
তডিত্ত্বতোঽসিতান্ যো বা নির্মলে গগনে ঘনান্ |
বিমানযানপ্রাসাদৈর্যশ্চ সঙ্কুলমম্বরম্ ||১৭||
যশ্চানিলং মূর্তিমন্তমন্তরিক্ষং চ পশ্যতি |
ধূমনীহারবাসোভিরাবৃতামিব মেদিনীম্ ||১৮||
প্রদীপ্তমিব লোকং চ যো বা প্লুতমিবাম্ভসা |
ভূমিমষ্টাপদাকারাং লেখাভির্যশ্চ পশ্যতি ||১৯||
ন পশ্যতি সনক্ষত্রাং যশ্চ দেবীমরুন্ধতীম্ |
ধ্রুবমাকাশগঙ্গাং বা তং বদন্তি গতাযুষম্ ||২০||
জ্যোত্স্নাদর্শোষ্ণতোযেষু ছাযাং যশ্চ ন পশ্যতি |
পশ্যত্যেকাঙ্গহীনাং বা বিকৃতাং বাঽন্যসত্ত্বজাম্ ||২১||
শ্বকাককঙ্কগৃধ্রাণাং প্রেতানাং যক্ষরক্ষসাম্ |
পিশাচোরগনাগানাং ভূতানাং বিকৃতামপি ||২২||
যো বা মযূরকণ্ঠাভং বিধূমং বহ্নিমীক্ষতে |
আতুরস্য ভবেন্মৃত্যুঃ স্বস্থো ব্যাধিমবাপ্নুযাত্ ||২৩||
View original
दिवा ज्योतींषि यश्चापि ज्वलितानीव पश्यति ||१५||
रात्रौ सूर्यं ज्वलन्तं वा दिवा वा चन्द्रवर्चसम् |
अमेघोपप्लवे यश्च शक्रचापतडिद्गुणान् ||१६||
तडित्त्वतोऽसितान् यो वा निर्मले गगने घनान् |
विमानयानप्रासादैर्यश्च सङ्कुलमम्बरम् ||१७||
यश्चानिलं मूर्तिमन्तमन्तरिक्षं च पश्यति |
धूमनीहारवासोभिरावृतामिव मेदिनीम् ||१८||
प्रदीप्तमिव लोकं च यो वा प्लुतमिवाम्भसा |
भूमिमष्टापदाकारां लेखाभिर्यश्च पश्यति ||१९||
न पश्यति सनक्षत्रां यश्च देवीमरुन्धतीम् |
ध्रुवमाकाशगङ्गां वा तं वदन्ति गतायुषम् ||२०||
ज्योत्स्नादर्शोष्णतोयेषु छायां यश्च न पश्यति |
पश्यत्येकाङ्गहीनां वा विकृतां वाऽन्यसत्त्वजाम् ||२१||
श्वकाककङ्कगृध्राणां प्रेतानां यक्षरक्षसाम् |
पिशाचोरगनागानां भूतानां विकृतामपि ||२२||
यो वा मयूरकण्ठाभं विधूमं वह्निमीक्षते |
आतुरस्य भवेन्मृत्युः स्वस्थो व्याधिमवाप्नुयात् ||२३||
রূপগ্রহণমধিকৃত্যাহ- দিবেত্যাদি| জ্যোতীংষি তারকাদীনি| চন্দ্রবর্চসমিতি সূর্যমেব চন্দ্রতেজঃসমং পশ্যতীত্যর্থঃ| অমেঘোপপ্লব ইত্যাদি| মেঘৈরনাবৃতেঽপি নভসীন্দ্রধনুর্বিদ্যুল্লতাঃ `পশ্যতি' ইতি শেষঃ| তডিত্ত্বতো বিদ্যুদ্যুক্তান্, অসিতান্ কৃষ্ণান্, মেঘানিতি সম্বন্ধঃ| অমেঘোপপ্লবে শক্রচাপতডিল্লতাবলোকনমিত্যরিষ্টং দ্বিত্রিমাসিকম্| সঙ্কুলং ব্যাপ্তম্| অম্বরম্ আকাশম্| মূর্তিমন্তং দেবতাকারম্; অন্যে পুরুষাকারমিত্যাহুঃ| মেদিনীং পৃথিবীং, নীহারঃ কুহেডী, যেন প্রত্যূষকালে দিনং ধূমাবৃতমিব ভাতি; নেত্ররোগং বিনাঽপি ধূমাদিভিরাবৃতাং মেদিনীং পশ্যতীত্যর্থঃ| লোকং জগত্, প্রদীপ্তমিব গ্রীষ্মকালাদৃতেঽপি জ্বলিতমিব| আপ্লুতমিব বুডিতমিব, অম্ভসা পানীযেন| ভূমিমষ্টাপদাকারামিতি অষ্টাপদশব্দেন লেখাভিঃ কোষ্ঠসন্তাননির্মিতং চতুরঙ্গক্রীডনার্থমুচ্যতে| অরুন্ধতীং বসিষ্ঠভার্যাং, ধ্রুবং তারকাবিশেষম্, আকাশগঙ্গাশব্দেন শ্লক্ষ্ণঘনতারকাসন্ততির্নদ্যাকারোচ্যতে| আদর্শঃ প্রতিবিম্বদর্শনার্থং সম্পূর্ণচন্দ্রমাকারঃ কাংস্যময উচ্যতে| উষ্ণো ঘর্মঃ| জ্যোত্স্নাতপযোস্তু প্রতিচ্ছাযাং ছাযাপুরুষং কেচিন্মন্যন্তে| বিকৃতাং প্রকৃতেরন্যথাভূতাম্| অন্যসত্ত্বজাম্ অন্যেভ্যঃ প্রাণিভ্যো জাতামন্যসত্ত্বজাতাম্| শ্বা কুক্কুরঃ, কঙ্কঃ কঙ্কমল্লঃ; তস্য লক্ষণমাহ- কঙ্কঃ স্যাত্ কঙ্কমল্লাখ্যো বাণপক্ষার্হপক্ষকঃ| লোহপৃষ্ঠো দীর্ঘপাদঃ পক্ষাধঃপাণ্ডুবর্ণভাক্- ইতি| ভূতানাং দেবযোনীনাম্, অথবা ভূতানি প্রাণিনস্তেষাং; বিকৃতামপি বিকৃতাং বিকৃতিং গতাং ছাযাং পশ্যতীতি সম্বন্ধঃ| যো বা মযূরকণ্ঠাভমিত্যাদি সুদীপ্তখদিরাঙ্গারজ্বলিতং ধূমরহিতমপি মযূরকণ্ঠাভং নীলং ধূমসদৃশং পশ্যতীত্যর্থঃ| অত্র `দিবা জ্যোতীংষি' ইত্যাদিনা `বিধূমং বহ্নিমীক্ষতে' ইত্যেতত্পর্যন্তেন গ্রন্থেন পঞ্চবিধং রূপমুক্তম্| তথাহি- `দিবা জ্যোতীংষি' ইত্যাদিনাঽঽকাশস্থরূপিদ্রব্যরূপমুক্তম্, আকাশরূপাসম্ভবাত্; `যশ্চানিলং' ইত্যাদিনা বাযুরূপমুক্তং; `ধূমনীহার' ইত্যাদিনা পৃথ্বীরূপমুক্তং; `প্রদীপ্তমিব' ইত্যাদিনা বহ্নিরূপমুক্তম্, `আপ্লুতমিবাম্ভসা' ইত্যনেনাপাং রূপমুক্তং, এবং পঞ্চবিধং রূপমুক্তম্| `ভূমিমষ্টাপদাকারাম্' ইত্যনেন ভূমের্বিকৃতিদর্শনমুক্তং, পূর্বং তু ধূমাদ্যাবরণদর্শনমেবেতি ন পৌনরুক্ত্যম্| `ন পশ্যতি সনক্ষত্রাম্' ইত্যনেন ব্যোমস্থানামদর্শনমুক্তং, `দিবা জ্যোতীংষি' ইত্যাদিনা তু পূর্বং দর্শনমুক্তম্, অতো ন পৌনরুক্ত্যম্| `জ্যোত্স্নাদর্শোষ্ণতোযেষু' ইত্যাদিনা রূপস্যাযোগ উক্তঃ, `পশ্যত্যেকাঙ্গহীনাং বা' ইত্যনেন রূপহীনযোগ উক্তঃ, `বিকৃতাং চ' ইত্যনেন মিথ্যাযোগো রূপস্যোক্তঃ| অগ্নের্মিথ্যাগ্রহণমধিকৃত্যোক্তং `যো বা মযূরকণ্ঠাভম্' ইত্যাদিনা| এতদরিষ্টফলং দর্শযন্নাহ- আতুরস্য ভবেন্মৃত্যুরিত্যাদি||১৫-২৩||
Adhikarana puShpikA · Śloka 30
ইতি সুশ্রুতসংহিতাযাং সূত্রস্থানে পঞ্চেন্দ্রিযার্থবিপ্রতিপত্তির্নাম ত্রিংশোঽধ্যাযঃ ||৩০||
View original
इति सुश्रुतसंहितायां सूत्रस्थाने पञ्चेन्द्रियार्थविप्रतिपत्तिर्नाम त्रिंशोऽध्यायः ||३०||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে ত্রিংশত্তমোঽধ্যাযঃ||৩০||