Adhikarana 1 (1-2) · Śloka 2
অথাতঃ প্রনষ্টশল্যবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः प्रनष्टशल्यविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাতঃ প্রনষ্টশল্যেত্যাদি||১-২||
Adhikarana 2 (3) · Śloka 3
‘শল’ ‘শ্বল’ আশুগমনে ধাতূঃ; তযোরাদ্যস্য শল্যমিতি রূপম্ ||৩||
‘शल’ ‘श्वल’ आशुगमने धातूः; तयोराद्यस्य शल्यमिति रूपम् ||३||
🔊 Audio coming soon
তত্র শল্যস্য স্বকীযলক্ষণবোধার্থং নিরুক্তিং দর্শযন্নাহ- শলেত্যাদি| ‘শল’ ‘শ্বল’ আশুগমন ইতি ‘শল’ ‘শ্বল’ আশুগতৌ ধাতূঅনযোরাশুগমনমিত্যর্থঃ, তযোরাদ্যস্য শলধাতোঃ শল্যমিতি রূপং নিষ্পদ্যত ইত্যর্থঃ; ‘শল’ হিংসাযাং ধাতুঃ তস্য শল্যমিতি রূপম ইতি কেচিত্ পঠন্তি; অপরে ‘শল’ ‘রুজাযাম্’ ইতি পঠন্তি||৩||
Adhikarana 3 (4) · Śloka 4
তদ্দ্বিবিধং শারীরমাগন্তুকং চ ||৪||
तद्द्विविधं शारीरमागन्तुकं च ||४||
🔊 Audio coming soon
তস্য চিকিত্সোপযোগিভেদং দর্শযন্নাহ- তদবিত্যাদি||৪||
Adhikarana 4 (5) · Śloka 5
সর্বশরীরাবাধকরং শল্যং, তদিহোপদিশ্যত ইত্যতঃ শল্যশাস্ত্রম্ ||৫||
सर्वशरीराबाधकरं शल्यं, तदिहोपदिश्यत इत्यतः शल्यशास्त्रम् ||५||
🔊 Audio coming soon
কথং পুনঃ শল্যশাস্ত্রমেতদুচ্যত ইত্যাহ- সর্বশরীরেত্যাদি|- সর্বশরীরে যেন অবাধা ভবতি তত্ শল্যং; তদিহোপদিশ্যতে কথ্যতেঽতঃ, শল্যশাস্ত্রমেতদিত্যর্থঃ||৫||
Adhikarana 5 (6) · Śloka 6
তত্র শারীরং দন্তরোমনখাদি ধাতবোঽন্নমলা দোষাশ্চ দুষ্টাঃ; আগন্ত্বপি শারীরশল্যব্যতিরেকেণ যাবন্তো ভাবা দুঃখমুত্পাদযন্তি ||৬||
तत्र शारीरं दन्तरोमनखादि धातवोऽन्नमला दोषाश्च दुष्टाः; आगन्त्वपि शारीरशल्यव्यतिरेकेण यावन्तो भावा दुःखमुत्पादयन्ति ||६||
🔊 Audio coming soon
শারীরাগন্তুকযোর্ভেদমাহ- তত্রেত্যাদি| আদিশব্দাত্ কৈশ্চিত্ শ্মশ্রুপূযপক্ষ্মাণি গৃহ্যন্তে| ধাতবো রসাদযঃ; মলা মূত্রপুরীষকর্ণমলস্বেদনেত্রবিট্প্রভৃতযঃ, দোষা বাতাদযঃ| পরমেতে ধাত্বন্নদোষা দুষ্টাঃ সন্তঃ শল্যভূতাঃ; অমুমেবার্থং কেচিদ্দুষ্টাশ্চেতি চকারাত্ কথযন্তি| ধাতবোঽন্নমলা ইত্যাদ্যসমস্তানাং পৃথগুপাদানং যত্ কৃতং তদুপধাতুগ্রহণার্থম্| আগন্তুশল্যং প্রতিপাদযন্নাহ- আগন্ত্বপীত্যাদি| ভাবা ইতি পদার্থাতৃণকাষ্ঠপাষাণলোহলোষ্ট্রপ্রভৃতযঃ||৬||
Adhikarana 6 (7) · Śloka 7
অধিকারো হি লোহবেণুবৃক্ষতৃণশৃঙ্গাস্থিমযেষু; তত্রাপি বিশেষতো লোহেষ্বেব , বিশসনার্থোপপন্নত্বাল্লোহস্য; লোহানামপি দুর্বারত্বাদণুমুখত্বাদ্দূরপ্রযোজনকরত্বাচ্চ শর এবাধিকৃতঃ | স চ দ্বিবিধঃ কর্ণী , শ্লক্ষ্ণশ্চ; প্রাযেণ বিবিধবৃক্ষপত্রপুষ্পফলতুল্যাকৃতযো ব্যাখ্যাতাঃ, ব্যালমৃগপক্ষিবক্রসদৃশাশ্চ ||৭||
अधिकारो हि लोहवेणुवृक्षतृणशृङ्गास्थिमयेषु; तत्रापि विशेषतो लोहेष्वेव , विशसनार्थोपपन्नत्वाल्लोहस्य; लोहानामपि दुर्वारत्वादणुमुखत्वाद्दूरप्रयोजनकरत्वाच्च शर एवाधिकृतः | स च द्विविधः कर्णी , श्लक्ष्णश्च; प्रायेण विविधवृक्षपत्रपुष्पफलतुल्याकृतयो व्याख्याताः, व्यालमृगपक्षिवक्रसदृशाश्च ||७||
🔊 Audio coming soon
তত্রাপি প্রসিদ্ধশল্যভেদান্ দর্শযিতুমাহ- অধিকারো হীত্যাদি| অধিকারো যোগ্যত্বং শল্যত্বেন লোহাদিষু| লোহাদিভির্মযশব্দঃ প্রত্যেকং সম্বধ্যতে| তেষাং মধ্যে লৌহস্য প্রাধান্যং দর্শযন্নাহ- তত্রাপীতি; তেষামপি মধ্যে| বিশেষত অতিশযেন| লোহেষ্বেবেতি ‘অধিকারঃ’ ইত্যনুবর্ততে| কথং পুনর্লোহেষ্বেবাধিকার ইত্যত্র হেতুমাহ- বিশসনার্থোপপন্নত্বাল্লোহস্যেতি; মারণার্থুযুক্তত্বাল্লোহস্যেত্যর্থঃ| লোহেষ্বপি কুন্তাদিভেদেনানেকপ্রকারেষু শরস্যৈব প্রাধান্যং দর্শযন্নাহ- লোহানামিত্যাদি|- লোহাদীনামপি কুন্তাদীনামপি মধ্য ইত্যর্থঃ| শরঃ কাণ্ডঃ, অধিকৃত ইতি যোগ্য ইত্যর্থঃ| অন্যে তু ‘দুর্বারত্বাত্’ ইত্যত্র ‘নির্বাহিত্বাত্ ’ ইতি পঠন্তি, ব্যাখ্যানযন্তি চ- দেশাদ্দেশান্তরপ্রাপণশীলত্বাদিত্যর্থঃ; অন্যে তু ‘নির্বাসিত্বাত্’ ইতি পঠন্তি, তত্রাপি স এবার্থঃ| তস্য শরস্যাপহরণোপযোগিভেদং দর্শযন্নাহ- কর্ণীত্যাদি|- কর্ণীতি কর্ণযুক্তঃ, শ্লক্ষ্ণঃ অকর্ণ ইত্যর্থঃ| ‘কর্ণবান’ ইত্যন্যে পঠন্তি, তত্রাপি স এবার্থঃ| তদাকৃতীনামানন্ত্যেন দর্শযিতুমশক্যত্বাত্ সঙ্ক্ষেপেণ সদৃশনানাবিধবস্ত্বাকৃতিসারূপ্যেণ দর্শযন্নাহ- প্রাযেণেত্যাদি| প্রাযেণেতি বাহুল্যেনেত্যর্থঃ| বিবিধবৃক্ষপত্রাকৃতযঃ পিপ্পলপত্রকরবীরপত্রাদ্যাকারাঃ, পুষ্পাকৃতযো মালতীকুমুদোত্পলপত্রাদ্যাকারাঃ, ফলাকৃতয এলাদ্যাকারাঃ| সিংহব্যাঘ্রাদিমুখসদৃশাঃ সর্পফণাকারা বা; মৃগবক্ত্রসদৃশাঃ শ্রুগালমার্জারাদিমুখসমানাঃ; পক্ষিবক্ত্রসদৃশাঃ কাককঙ্কাদিবক্ত্রসদৃশাঃ ||৭||
Adhikarana 7 (8) · Śloka 8
সর্বশল্যানাং তু মহতামণূনাং বা পঞ্চবিধো গতিবিশেষ ঊর্ধ্বমধোঽর্বাচীনস্তির্যগৃজুরিতি ||৮||
सर्वशल्यानां तु महतामणूनां वा पञ्चविधो गतिविशेष ऊर्ध्वमधोऽर्वाचीनस्तिर्यगृजुरिति ||८||
🔊 Audio coming soon
শরাণামাহরণোপযোগিগতিভেদান্ দর্শযিতুমাহ- সর্বশল্যানামিত্যাদি| তত্র, ঊর্ধ্বগতিবিশেষোঽধস্তাদাগতস্য শরস্য, অধোগতিবিশেষ উপরিষ্টাদাগতস্য শরস্য, অর্বাচীনগতিবিশেষঃ পশ্চাদাগতস্য শরস্য, তির্যগ্গতিবিশেষঃ পার্শ্বাভ্যামাগতস্য শরস্য, ঋজুগতিবিশেষোঽগ্রদেশাদাগতস্য শরস্য| অন্যে তু ব্যত্যযেন পঞ্চগতিপাঠং পঠন্তি, কিঞ্চিদন্যথা ব্যাখ্যানযন্তি; তচ্চাস্মাভির্বিস্তরভযান্ন লিখিতম্| অন্যে তু ‘শরীরে সর্বশল্যানাং’ ইত্যাদিপাঠং পঠন্তি||৮||
Adhikarana 8 (9) · Śloka 9
তানি বেগক্ষযাত্ প্রতিঘাতাদ্বা ত্বগাদিষু ব্রণবস্তুষ্বতিষ্ঠন্তে, ধমনীস্রোতোঽস্থিবিবরপেশীপ্রভৃতিষু বা শরীরপ্রদেশেষু ||৯||
तानि वेगक्षयात् प्रतिघाताद्वा त्वगादिषु व्रणवस्तुष्वतिष्ठन्ते, धमनीस्रोतोऽस्थिविवरपेशीप्रभृतिषु वा शरीरप्रदेशेषु ||९||
🔊 Audio coming soon
যথা শল্যানি শরীরে স্থিতিং কুর্বন্তি তথা হেতুং দর্শযন্নাহ- তানীত্যাদি| তানি শল্যানি মর্মাবরণেষু সন্নাহাদিষু প্রতিঘাতাদ্বেগনিবৃত্তেরিত্যর্থঃ| ত্বগাদিষ্বিত্যত্রাদিশব্দান্মাংসসিরাস্নাযুসন্ধিকোষ্ঠাস্থিমর্মাণি গৃহ্যন্তে| অবতিষ্ঠন্ত ইতি ‘শল্যানি’ ইতি শেষঃ| শল্যাবস্থানে ত্বগাদিভ্যোঽধিকমপি স্থানং সম্ভবতীতি পক্ষান্তরমাহ- ধমনীত্যাদি| ধমন্যাদিভিস্ত্রিভিঃ সহ বিবরশব্দঃ প্রত্যেকমভিসম্বধ্যতে; বিবরং ছিদ্রং, পেশী মাংসখণ্ডঃ, বাশব্দেন পক্ষান্তরং সূচযতি| শরীরপ্রদেশেষ্বিতি ধমন্যাদয এব শরীরপ্রদেশাস্তেষ্বিত্যর্থঃ| অবতিষ্ঠন্তে শল্যানীতি সম্বধ্যতে||৯||
Adhikarana 9 (10) · Śloka 10
তত্র শল্যলক্ষণমুচ্যমানমুপধারয | তদ্দ্বিধং সামান্যং বৈশেষিকং চ | শ্যাবং পিডকাচিতং শোফবেদনাবন্তং মুহুর্মুহুঃ শোণিতাস্রাবিণং বুদ্বুদবদুন্নতং মৃদুমাংসং চ ব্রণং জানীযাত্ সশল্যোঽযমিতি; সামান্যমেতল্লক্ষণমুক্তম্ | বৈশেষিকং তু- ত্বগ্গতে বিবর্ণঃ শোফো ভবত্যাযতঃ কঠিনশ্চ; মাংসগতে শোফাভি(তি)বৃদ্ধিঃ শল্যমার্গানুপসংরোহঃ পীডনাসহিষ্ণুতা চোষপাকৌ চ; পেশ্যন্তরস্থেঽপ্যেতদেব চোষশোফবর্জং; সিরাগতে সিরাধ্মানং সিরাশূলং সিরাশোফশ্চ; স্নাযুগতে স্নাযুজালোত্ক্ষেপণং সংরম্ভশ্চোগ্রা রুক্ চ; স্রোতোগতে স্রোতসাং স্বকর্মগুণহানিঃ; ধমনীস্থে সফেনং রক্তমীরযন্ননিলঃ সশব্দো নির্গচ্ছত্যঙ্গমর্দঃ পিপাসা হৃল্লাসশ্চ; অস্থিগতে বিবিধবেদনাপ্রাদুর্ভাবঃ শোফশ্চ; অস্থিবিবরগতেঽস্থিপূর্ণতাঽস্থিতোদঃ সংহর্ষো বলবাংশ্চ; সন্ধিগতেঽস্থিবচ্চেষ্টোপরমশ্চ; কোষ্ঠগত আটোপানাহৌ মূত্রপুরীষাহারদর্শনং চ ব্রণমুখাত্; মর্মগতে মর্মবিদ্ধবচ্চেষ্টতে | সূক্ষ্মগতিষু শল্যেষ্বেতান্যেব লক্ষণান্যস্পষ্টানি ভবন্তি ||১০||
तत्र शल्यलक्षणमुच्यमानमुपधारय | तद्द्विधं सामान्यं वैशेषिकं च | श्यावं पिडकाचितं शोफवेदनावन्तं मुहुर्मुहुः शोणितास्राविणं बुद्बुदवदुन्नतं मृदुमांसं च व्रणं जानीयात् सशल्योऽयमिति; सामान्यमेतल्लक्षणमुक्तम् | वैशेषिकं तु- त्वग्गते विवर्णः शोफो भवत्यायतः कठिनश्च; मांसगते शोफाभि(ति)वृद्धिः शल्यमार्गानुपसंरोहः पीडनासहिष्णुता चोषपाकौ च; पेश्यन्तरस्थेऽप्येतदेव चोषशोफवर्जं; सिरागते सिराध्मानं सिराशूलं सिराशोफश्च; स्नायुगते स्नायुजालोत्क्षेपणं संरम्भश्चोग्रा रुक् च; स्रोतोगते स्रोतसां स्वकर्मगुणहानिः; धमनीस्थे सफेनं रक्तमीरयन्ननिलः सशब्दो निर्गच्छत्यङ्गमर्दः पिपासा हृल्लासश्च; अस्थिगते विविधवेदनाप्रादुर्भावः शोफश्च; अस्थिविवरगतेऽस्थिपूर्णताऽस्थितोदः संहर्षो बलवांश्च; सन्धिगतेऽस्थिवच्चेष्टोपरमश्च; कोष्ठगत आटोपानाहौ मूत्रपुरीषाहारदर्शनं च व्रणमुखात्; मर्मगते मर्मविद्धवच्चेष्टते | सूक्ष्मगतिषु शल्येष्वेतान्येव लक्षणान्यस्पष्टानि भवन्ति ||१०||
🔊 Audio coming soon
ত্বগাদিশল্যানাং লক্ষণানি নির্দিশন্নাহ- তত্রেত্যাদি| তত্র তেষু ত্বগাদিষ্বিত্যর্থঃ| লক্ষণং চিহ্নম্| উপধারয শৃণু| তত্র প্রথমং সামান্যলক্ষণমাহ- শ্যাবমিত্যাদি| পিডকাচিতমিতি পিডকাব্যাপ্তম্|| সামান্যমভিধায বৈশেষিকং লক্ষণমাহ- বৈশেষিকমিত্যাদি| চোষঃ চূষ্যত ইব বেদনাবিশেষঃ, পিপাসেত্যন্যে| চোষশোফবর্জং পাকাভাবাত্| স্নাযুগত ইত্যাদি| স্নাযুজালোত্ক্ষেপণং স্নাযুসমূহস্যোর্ধ্বং নযনং, সংরম্ভঃ শ্বযথুঃ| স্রোতসাং স্বকর্মগুণহানিরিতি রসাদিবহানাং স্রোতসাং রসাদিবহনাদিকর্ম, গুণাঃ পুনরেষাং বাতাদিবহানামরুণপীতসিতরক্তাদযো বর্ণাঃ, তেষাং হানিরিত্যর্থঃ| ধমনীস্থ ইত্যাদি| অঙ্গমর্দঃ স্ফুটনিকা, হৃল্লাসঃ অসকৃত্ষ্ঠীবনম্| সংহর্ষ ইতি মারুতোপদ্রবো রোমাঞ্চপ্রাযো বেদনাবিশেষঃ ‘সংহর্ষঃ সঙ্ঘটনম্’ ইত্যন্যে| চেষ্টোপরম ইতি আকুঞ্চনপ্রসারণাদিহানিঃ| কোষ্ঠগতে ইত্যাদি| আটোপঃ সতোদো বাতসঙ্ক্ষোভঃ, আনাহো বাতমূত্রপুরীষাদিনিরোধঃ| মর্মবিদ্ধবত্ চেষ্টতে ইতি সিরাদিমর্মবিদ্ধে যানি লিঙ্গানি ভবন্তি তানীত্যর্থঃ; চেষ্টতে চেষ্টাং কুরুতে| স্থূলশল্যানাং লক্ষণমভিধায সূক্ষ্মশল্যলক্ষণমাহ- সূক্ষ্মগতিষু শল্যেষ্বিতি| অস্পষ্টানি ইতি অস্ফুটানীত্যর্থঃ||১০||
Adhikarana 10 (11) · Śloka 11
মহান্ত্যল্পানি বা শুদ্ধদেহানামনুলোমসন্নিবিষ্টানি রোহন্তি বিশেষতঃ কণ্ঠস্রোতঃসিরাত্বক্পেশ্যস্থিবিবরেষঃ | দোষপ্রকোপব্যাযামাভিঘাতাজীর্ণেভ্যঃ প্রচলিতানি পুনর্বাধন্তে ||১১||
महान्त्यल्पानि वा शुद्धदेहानामनुलोमसन्निविष्टानि रोहन्ति विशेषतः कण्ठस्रोतःसिरात्वक्पेश्यस्थिविवरेषः | दोषप्रकोपव्यायामाभिघाताजीर्णेभ्यः प्रचलितानि पुनर्बाधन्ते ||११||
🔊 Audio coming soon
ইদানীং শল্যপ্রনষ্টস্য হেতুং দর্শযন্নাহ- মহান্তীত্যাদি| শুদ্ধদেহানামিতি বাতাদ্যদূষিতদেহানাং পাকাভাবাদ্রোহন্তীত্যর্থঃ| অনুলোমসন্নিবিষ্টানীতি রোমমানুকূল্যেন প্রবিষ্টানীত্যর্থঃ| বিশেষতঃ ইত্যতিশযেন, কণ্ঠাদিষু প্রবিষ্টানি শল্যানি ‘রোহন্তি' ইতি শেষঃ| কেচিত্ ‘মহান্তি’ ইত্যত্র স্থানে ‘মৃদূন্যল্পানি’ ইতি পাঠং পঠন্তি| যদি রূঢান্যপ্যদোষকরাণি তত্ কিং তেষাং বিজ্ঞানেনাহরণেন চেত্যাহ- দোষপ্রকোপেত্যাদি||১১||
Adhikarana 11 (12) · Śloka 12
তত্র, ত্বক্প্রনষ্টে স্নিগ্ধস্বিন্নাযাং মৃন্মাষযবগোধূমগোমযমৃদিতাযাং ত্বচি যত্র সংরম্ভো বেদনা বা ভবতি তত্র শল্যং বিজানীযাত্, স্ত্যানঘৃতমৃচ্চন্দনকল্কৈর্বা প্রদিগ্ধাযাং শল্যোষ্মণাঽঽশু বিসরতি ঘৃতমুপশুষ্যতি চালেপো যত্র তত্র শল্যং বিজানীযাত্; মাংসপ্রনষ্টে স্নেহস্বেদাদিভিঃ ক্রিযাবিশেষৈরবিরুদ্ধৈরাতুরমুপপাদযেত্, কর্শিতস্য তু শিথিলীভূতমনববদ্ধং ক্ষুভ্যমাণং যত্র সংরম্ভং বেদনাং বা জনযতি তত্র শল্যং বিজানীযাত্; কোষ্ঠাস্থিসন্ধিপেশীবিবরেষ্ববস্থিতমেবমেব পরীক্ষেত; সিরাধমনীস্রোতঃস্নাযুপ্রনষ্টে খণ্ডচক্রসংযুক্তে যানে ব্যাধিতমারোপ্যাশু বিষমেঽধ্বনি যাযাত্ যত্র সংরম্ভো বেদনা বা ভবতি তত্র শল্যং বিজানীযাত্; অস্থিপ্রনষ্টে স্নেহস্বেদোপপন্নান্যস্থীনি বন্ধনপীডনাভ্যাং ভৃশমুপাচরেত্, যত্র সংরম্ভো বেদনা ভবতি তত্র শল্যং বিজানীযাত্; সন্ধিপ্রনষ্টে স্নেহস্বেদোপপন্নান্ সন্ধীন্ প্রসরণাকুঞ্চনবন্ধনপীডনৈঃ ভৃশমুপাচরেত্, যত্র সংরম্ভো বেদনা বা ভবতি তত্র শল্যং বিজানীযাত্, সন্ধিপ্রনষ্টে স্নেহস্বেদোপপন্নান্ সন্ধীন্ প্রসরণাকুঞ্চনবন্ধনপীডনৈর্ভৃশমুপাচরেত্; যত্র সংরম্ভো বেদনা বা ভবতি তত্র শল্যং বিজানীযাত্, মর্মপ্রনষ্টে ত্বনন্যভাবান্মর্মণামুক্তং পরীক্ষণং ভবতি ||১২||
तत्र, त्वक्प्रनष्टे स्निग्धस्विन्नायां मृन्माषयवगोधूमगोमयमृदितायां त्वचि यत्र संरम्भो वेदना वा भवति तत्र शल्यं विजानीयात्, स्त्यानघृतमृच्चन्दनकल्कैर्वा प्रदिग्धायां शल्योष्मणाऽऽशु विसरति घृतमुपशुष्यति चालेपो यत्र तत्र शल्यं विजानीयात्; मांसप्रनष्टे स्नेहस्वेदादिभिः क्रियाविशेषैरविरुद्धैरातुरमुपपादयेत्, कर्शितस्य तु शिथिलीभूतमनवबद्धं क्षुभ्यमाणं यत्र संरम्भं वेदनां वा जनयति तत्र शल्यं विजानीयात्; कोष्ठास्थिसन्धिपेशीविवरेष्ववस्थितमेवमेव परीक्षेत; सिराधमनीस्रोतःस्नायुप्रनष्टे खण्डचक्रसंयुक्ते याने व्याधितमारोप्याशु विषमेऽध्वनि यायात् यत्र संरम्भो वेदना वा भवति तत्र शल्यं विजानीयात्; अस्थिप्रनष्टे स्नेहस्वेदोपपन्नान्यस्थीनि बन्धनपीडनाभ्यां भृशमुपाचरेत्, यत्र संरम्भो वेदना भवति तत्र शल्यं विजानीयात्; सन्धिप्रनष्टे स्नेहस्वेदोपपन्नान् सन्धीन् प्रसरणाकुञ्चनबन्धनपीडनैः भृशमुपाचरेत्, यत्र संरम्भो वेदना वा भवति तत्र शल्यं विजानीयात्, सन्धिप्रनष्टे स्नेहस्वेदोपपन्नान् सन्धीन् प्रसरणाकुञ्चनबन्धनपीडनैर्भृशमुपाचरेत्; यत्र संरम्भो वेदना वा भवति तत्र शल्यं विजानीयात्, मर्मप्रनष्टे त्वनन्यभावान्मर्मणामुक्तं परीक्षणं भवति ||१२||
🔊 Audio coming soon
ত্বগাদিপ্রবিষ্টানাং বিজ্ঞানোপাযং দর্শযন্নাহ- তত্রেত্যাদি| সংরম্ভো রাগশোথাভিসম্ভবঃ| আশু বিসরতীতি শীঘ্রং বিলীযতে| মাংসেত্যাদি| ক্রিযাবিশেষৈঃ সহাতুরমুপপাদযেত্ যোজযেদিত্যর্থঃ| কর্শিতস্য আতুরস্যেত্যর্থঃ| শিথিলীভূতমনববদ্ধং ক্ষুভ্যমাণং ‘শল্যং’ ইতি শেষঃ, ক্ষুভ্যমাণমিতি চলদিত্যর্থঃ| এবমেবেতি পূর্বোক্তন্যাযেনেত্যর্থঃ| খণ্ডচক্রসংযুক্তে যান ইতি খণ্ডিতচক্রসমন্বিতে রথ ইত্যর্থঃ| আরোপ্যেতি আরোহ্যেত্যর্থঃ, বিষমেঽধ্বনি নিম্নোন্নতমার্গে ইত্যর্থঃ| স্নেহস্বেদোপপন্নানি স্নেহস্বেদযুক্তানীত্যর্থঃ| মর্মপ্রনষ্টে ইত্যাদি মর্মাণি ত্বগাদিষ্বষ্টসু ব্রণবস্তুষ্বেব ভবন্তি, নান্যত্র ভবন্তিত্যনন্যভাবান্মর্মণাং প্রনষ্টশল্যে ত্বগাদ্যুক্তমেব পরীক্ষণং কর্তব্যমিত্যর্থঃ||১২||
Adhikarana 12 (13) · Śloka 13
সামান্যলক্ষমপি চ হস্তিস্কন্ধাশ্বপৃষ্ঠপর্বতদ্রুমারোহণধনুর্ব্যাযামদ্রুতযাননিযুদ্ধাধ্বগমনলঙ্ঘনপ্লবনপ্রতরণ- ব্যাযামৈর্জৃম্ভোদ্গারকাসক্ষবথুষ্ঠীবনহসনপ্রাণাযামৈর্বাতমূত্রপুরীষশুক্রোত্সর্গৈর্বা যত্র সংরম্ভো বেদনা বা ভবতি তত্র শল্যং বিজানীযাত্ ||১৩||
सामान्यलक्षमपि च हस्तिस्कन्धाश्वपृष्ठपर्वतद्रुमारोहणधनुर्व्यायामद्रुतयाननियुद्धाध्वगमनलङ्घनप्लवनप्रतरण- व्यायामैर्जृम्भोद्गारकासक्षवथुष्ठीवनहसनप्राणायामैर्वातमूत्रपुरीषशुक्रोत्सर्गैर्वा यत्र संरम्भो वेदना वा भवति तत्र शल्यं विजानीयात् ||१३||
🔊 Audio coming soon
সামান্যবিজ্ঞানোপাযমপি দর্শযন্নাহ- সামান্যলক্ষণমিত্যাদি| অষ্টস্বপি ত্বগাদিব্রণবস্তুষ্ববস্থিতশল্যস্য লক্ষণং সামান্যলক্ষণম্| হস্তিস্কন্ধাদিভিঃ সহারোহণশব্দঃ প্রত্যেকং সম্বধ্যতে| ধনুর্ব্যাযামঃ ইতি ধনুরাকর্ষণজনিতশ্রমঃ, দ্রুতযানমিতি শীঘ্রগমনং, নিযুদ্ধং বাহুযুদ্ধং, লঙ্ঘনমিতি কুড্যাদীনামুত্প্লুত্যাতিক্রমণং, প্লবনং উত্পতনং, প্রতরণং নদ্যাদৌ, ব্যাযামঃ শরীরাযাসজনকং কর্ম| জৃম্ভেতি পীতৈকমারুতোচ্ছ্বাসস্য ব্যাত্তমুখেন পরিমোক্ষণং, উদ্গারেতি উদ্গতস্য বাযোরুদ্গিরণমুদ্গারঃ, কাসেতি দোষদুষ্টোদানানুগতপ্রাণবাযোর্নির্গমনং ভিন্নকাংস্যধ্বনিকং কাসঃ, ক্ষবথুরিতি ঊর্ধ্বস্রোতোঽবস্থিতপ্রাণোদানযোরাকুলিতযোর্নাসাবিবরতো নির্গমনং ক্ষবথুঃ, ষ্ঠীবনং কফাদেস্থূত্করণং, হসনং হাসো বিকৃতাঙ্গবচঃকৃত্যজাতস্য হাস্যরসস্য স্থাযীভাবোঽঙ্গকপোলনাসৌষ্ঠস্পন্দনলক্ষণঃ, প্রাণাযামেতি প্রাণবাযোরাযমনমবরোধনং প্রাণাযামঃ, উত্সর্গশব্দো বাতাদিভিঃ সহ প্রত্যেকং সম্বধ্যতে, উত্সর্গঃ প্রমোচনম্| কেচিদ্ ‘যত্র সংরম্ভো বেদনা বা’ ইত্যত্র’ স্থানে ‘উত্সর্গের্বা যত্র তোদাদযস্তত্র শল্যং বিজানীযাত্’ ইতি পাঠং পঠন্তি, ব্যাখ্যানযন্তি চ- আদিশব্দাত্ পাকরাগশোথাদযঃ| শ্যাবং পিডকাচিতমিত্যাদীনি পূর্বোক্তসামান্যলক্ষণানি সন্নিকৃষ্টানি; এতানি পুনর্হস্তিস্কন্ধারোহণাদীনি বিপ্রকৃষ্টানি; যত এতৈরেব শ্যাবং পিডকাচিতমিত্যাদি লক্ষযিতব্যম্; ইত্যনযোঃ সামান্যলক্ষণপাঠযোর্ন পৌনরুক্ত্যম্||১৩||
Adhikarana 13 (14-15) · Śloka 15
ভবন্তি চাত্র- যস্মিংস্তোদাদযো দেশে সুপ্ততা গুরুতাঽপি চ | ঘট্টতে বহুশো যত্র শূযতে রুজ্যতেঽপি চ ||১৪|| আতুরশ্চাপি যং দেশমভীক্ষ্ণং পরিরক্ষতি | সংবাহ্যমানো বহুশস্তত্র শল্যং বিনির্দিশেত্ ||১৫||
भवन्ति चात्र- यस्मिंस्तोदादयो देशे सुप्तता गुरुताऽपि च | घट्टते बहुशो यत्र शूयते रुज्यतेऽपि च ||१४|| आतुरश्चापि यं देशमभीक्ष्णं परिरक्षति | संवाह्यमानो बहुशस्तत्र शल्यं विनिर्दिशेत् ||१५||
🔊 Audio coming soon
প্রনষ্টশল্যবিজ্ঞানোপাযমুদ্দিশ্যাপরাণ্যপি রাজার্ষিঃ পুনর্লিঙ্গানি নিশ্চযার্থমাহ- যস্মিন্নিত্যাদি| যস্মিন্ দেশে শরীরাবযবে| তোদাদযো ‘ভবন্তি’ ইত্যধ্যাহারঃ| আদিগ্রহণাদ্ রাগপাকাদযঃ| সুপ্ততা স্পর্শনানভিজ্ঞত্বম্| ঘট্টতে বহুশো যত্রেতি যস্মিন্ প্রদেশে বহুশো বারংবারং পুরুষঃ স্বযমেব ঘট্টতে চালযতি| তুদ্যতেঽপি চেত্যত্র পীডাযা অতিশযখ্যাপনং ন পুনরুক্তিঃ| আতুরশ্চাপি যং দেশমিত্যাদি| আতুরো যং দেশমভীক্ষ্ণমনবরতং রক্ষতি, কিংবিশিষ্টঃ? সংবাহ্যমানো মৃদ্যমানঃ, কথং বহুশো বারংবারং; এতেন যদা যদাঽঽতুরো মৃদ্যতে তদা তদা তং দেশং রক্ষতীত্যর্থঃ||১৪-১৫||
Adhikarana 14 (16-17) · Śloka 17
অল্পাবাধমশূনং চ নীরুজং নিরুপদ্রবম্ | প্রসন্নং মৃদুপর্যন্তং নিরাঘট্টমনুন্নতম্ ||১৬|| এষণ্যা সর্বতো দৃষ্ট্বা যথামার্গং চিকিত্সকঃ | প্রসারাকুঞ্চনান্নূনং নিঃশল্যমিতি নির্দিশেত্ ||১৭||
अल्पाबाधमशूनं च नीरुजं निरुपद्रवम् | प्रसन्नं मृदुपर्यन्तं निराघट्टमनुन्नतम् ||१६|| एषण्या सर्वतो दृष्ट्वा यथामार्गं चिकित्सकः | प्रसाराकुञ्चनान्नूनं निःशल्यमिति निर्दिशेत् ||१७||
🔊 Audio coming soon
নিঃশল্যস্য লক্ষণং দর্শযন্নাহ- অল্পাবাধমিত্যাদি| অল্পাবাধম্ অল্পদুঃখম্| নীরুজং নির্গতশূলাদিবেদনম্| মৃদুপর্যন্তং মৃদ্বন্তম্, নিরাঘট্টং নিশ্চলম্| এষণেত্যাদি| চিকিত্সকো বৈধঃ, নিঃশল্যমিতি নির্দিশেত্ কথযেত্; কিং কৃত্বা? দৃষ্ট্বা, কযা এষণ্যা লোহাদিশলাকযা, সর্বতঃ সর্বত্র, কথং? যথামার্গং মার্গানতিক্রমেণ; কথং কথযেত্ নূনং নিশ্চিতং, কস্মাত্? প্রসারণাদাকুঞ্চনাচ্চ অল্পাপি যদি বাধা ন ভবতীত্যর্থঃ| ‘অল্পবাধং’ ইত্যত্র ‘অল্পতাপং ইত্যন্যে পঠন্তি,| কেচিত ‘অনুন্নতম্’ ইতি ন পঠন্তি, অশূনমিত্যনেনৈব গতার্থত্বাত্||১৬-১৭||
Adhikarana 15 (18) · Śloka 18
অস্থ্যাত্মকং ভজ্যতে তু শল্যমন্তশ্চ শীর্যতে | প্রাযো নির্ভুজ্যতে শার্ঙ্গমাযসং চেতি নিশ্চযঃ ||১৮||
अस्थ्यात्मकं भज्यते तु शल्यमन्तश्च शीर्यते | प्रायो निर्भुज्यते शार्ङ्गमायसं चेति निश्चयः ||१८||
🔊 Audio coming soon
আহরণোপযোগিনীং হেতুভেদেনান্তঃ স্থশল্যাবস্থাং দর্শযন্নাহ- অস্থ্যাত্মকমিত্যাদি| অস্থ্যাত্মকম্ অস্থিজং; ভজ্যত ইতি স্বযং দ্বিধা ত্রিধা বা ভবতীত্যর্থঃ| এতেনৈবাস্যাহরণেঽবযবান্তরং বিচার্যাহরণং কর্তব্যমিত্যভিপ্রাযঃ| শীর্যতে ইতি শটতীত্যর্থঃ| ননু, ‘কেশাস্থিবেণুদারুপলানি তু ন বিশীর্যন্তে’ ইত্যগ্রে বক্ষ্যতি, অত্র তু ‘অন্তশ্চ শীর্যতে’ ইতি কথযতি, তত্কথং ন বিরোধঃ? উচ্যতে অন্তশ্চ শীর্যত ইতি চকারো বিষযভেদপ্রতিপাদনার্থং; তেন কেষাঞ্চিদেবাস্থনাং শীর্ণত্বং ন সর্বেষামিতি নাস্তি বিরোধঃ| নির্ভুজ্যতে ইতি কুটিলীভবতি| শার্ঙ্গমিতি শৃঙ্গমযম্| আযসং চেতি লোহমযমপি নির্ভুজ্যত ইত্যর্থঃ||১৮||
Adhikarana 16 (19) · Śloka 19
বার্ক্ষবৈণবতার্ণানি নির্হ্রিযন্তে তু নো যদি | পচন্তি রক্তং মাংসং চ ক্ষিপ্রমেতানি দেহিনাম্ ||১৯||
वार्क्षवैणवतार्णानि निर्ह्रियन्ते तु नो यदि | पचन्ति रक्तं मांसं च क्षिप्रमेतानि देहिनाम् ||१९||
🔊 Audio coming soon
বার্ক্ষাদীনাং বিশল্যঘ্নে মর্মণি পাকাত্ স্বযং পতিতানামবশ্যমনির্হরণীযত্বং দর্শযন্নাহ- বার্ক্ষেত্যাদি|- বার্ক্ষ্যং বৃক্ষমযং, বৈণবং বেণুমযং, তার্ণং তৃণমযম্| নির্হ্রিযন্তে তু নো যদীতি অনির্হরণং চ বিশল্যপ্রাণহরপ্রদেশে বোদ্ধব্যম্| পচন্তি রক্তং মাংসং চেত্যাদিনা বার্ক্ষাদীনি শল্যানি পাকাত্ স্বযং পতন্তীত্যুক্তং ভবতি||১৯||
Adhikarana 17 (20) · Śloka 20
কানকং রাজতং তাম্রং রৈতিকং ত্রপু সীসকম্ | চিরস্থানাদ্বিলীযন্তে পিত্ততেজঃপ্রতাপনাত্ ||২০||
कानकं राजतं ताम्रं रैतिकं त्रपु सीसकम् | चिरस्थानाद्विलीयन्ते पित्ततेजःप्रतापनात् ||२०||
🔊 Audio coming soon
বিশল্যপ্রাণহরাদিষু প্রদেশেষু কানকাদীনামনাহরণেঽদোষং দর্শযন্নাহ- কানকমিত্যাদি| রৈতিকমিতি রীতিঃ পিত্তলভেদঃ, তন্মযং রৈতিকম্| কেচিদত্র রৈতিকমিতি পদং বিহায কৃষ্ণাযস্ত্রপুসীসকম্’ ইতি পঠন্তি||২০||
Adhikarana 18 (21) · Śloka 21
স্বভাবশীতা মৃদবো যে চান্যেঽপীদৃশা মতাঃ | দ্রবীভূতাঃ শরীরেঽস্মিন্নেকত্বং যান্তি ধাতুভিঃ ||২১||
स्वभावशीता मृदवो ये चान्येऽपीदृशा मताः | द्रवीभूताः शरीरेऽस्मिन्नेकत्वं यान्ति धातुभिः ||२१||
🔊 Audio coming soon
অন্যেষামপি কাংস্যপ্রভৃতীনাং কানকাদিধর্মং দর্শযন্নাহ- স্বভাবেত্যাদি||২১||
Adhikarana 19 (22) · Śloka 22
বিষাণদন্তকেশাস্থিবেণুদারুপলানি তু | শল্যানি ন বিশীর্যন্তে শরীরে মৃন্মযানি চ ||২২||
विषाणदन्तकेशास्थिवेणुदारुपलानि तु | शल्यानि न विशीर्यन्ते शरीरे मृन्मयानि च ||२२||
🔊 Audio coming soon
অপরেষাং চিরকালসংস্থিতাবপি ন শরীরধাতুভিরেকত্বমিতি দর্শযন্নাহ- বিষাণেত্যাদি|- বিষাণং শৃঙ্গং, দারু কাষ্ঠং, উপলঃ পাষাণঃ, ন বিশীর্যন্ত ইতি ন শটন্তীত্যর্থঃ| মৃন্মযানি মৃত্তিকামযানি||২২||
Adhikarana 20 (23) · Śloka 23
দ্বিবিধং পঞ্চগতিমত্ত্বগাদিব্রণবস্তুষু | যো বেত্তি বিষ্টিতং শল্যং স রাজ্ঞঃ কর্তুমর্হতি ||২৩||
द्विविधं पञ्चगतिमत्त्वगादिव्रणवस्तुषु | यो वेत्ति विष्टितं शल्यं स राज्ञः कर्तुमर्हति ||२३||
🔊 Audio coming soon
অধ্যাযপিণ্ডার্থজ্ঞানেন বৈদ্যস্তুতি দর্শযন্নাহ- দ্বিবিধমিত্যাদি|- দ্বিবিধং দ্বিপ্রকারং কর্ণী শ্লক্ষ্ণশ্চেতি; অন্যে শরীরাগন্তুভেদেন দ্বৈবিধ্যং মন্যন্তে| পঞ্চগতিমদিতি ঊর্ধ্বাধোঽর্বাচীনতির্যগৃজুগতিকম্| ত্বগাদিব্রণবস্তুষ্বিতি ত্বগাদিব্রণবস্তুষ্বষ্টাসু বিষ্টিতং বিবিধপ্রকারং স্থিতম্| রাজগ্রহণং প্রধানসঙ্গ্রহার্থম্| কর্তুমিতি প্রতীকারং কর্তুমিত্যর্থঃ, অর্হতি যোগ্যো ভবতি| ‘যো বেত্ত্যধিষ্ঠিতং শল্যং’ ইতি কেচিত্ পঠন্তি||২৩||
Adhikarana puShpikA · Śloka 26
ইতি সুশ্রুতসংহিতাযাং সূত্রস্থানে প্রনষ্টশল্যবিজ্ঞানীযো নাম ষড্বিংশতিতমোঽধ্যাযঃ ||২৬||
इति सुश्रुतसंहितायां सूत्रस्थाने प्रनष्टशल्यविज्ञानीयो नाम षड्विंशतितमोऽध्यायः ||२६||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে ষড্বিংশতিতমোঽধ্যাযঃ||২৬||