Adhikarana 1 (1-2) · Śloka 2
অথাতঃ স্বভাববিপ্রতিপত্তিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः स्वभावविप्रतिपत्तिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
স্বভাবশব্দানন্তরমাদিশব্দো লুপ্তো দ্রষ্টব্যঃ, তেন স্বভাবাদিবিপ্রতিপত্তিরিত্যর্থঃ| স্বভাবশব্দেনাত্র প্রকৃতিরুচ্যতে||১-২||
Adhikarana 2 (3) · Śloka 3
স্বভাবসিদ্ধানাং শরীরৈকদেশানামন্যভাবিত্বং মরণায | তদ্যথা- শুক্লানাং কৃষ্ণত্বং, কৃষ্ণানাং শুক্লতা, রক্তানামন্যবর্ণত্বং, স্থিরাণাং মৃদুত্বং , মৃদূনাং স্থিরতা, চলানামচলত্বং, অচলানাং চলতা, পৃথূনাং সঙ্ক্ষিপ্তত্বং, সঙ্ক্ষিপ্তানাং পৃথুতা, দীর্ঘাণাং হ্রস্বত্বং, হ্রস্বানাং দীর্ঘতা, অপতনধর্মিণাং পতনধর্মিত্বং , পতনধর্মিণামপতনধর্মিত্বমকস্মাত্, শৈত্যৌষ্ণ্যস্নৈগ্ধ্যরৌক্ষ্যপ্রস্তম্ভবৈবর্ণ্যাবসাদনং চাঙ্গানাম্ ||৩||
स्वभावसिद्धानां शरीरैकदेशानामन्यभावित्वं मरणाय | तद्यथा- शुक्लानां कृष्णत्वं, कृष्णानां शुक्लता, रक्तानामन्यवर्णत्वं, स्थिराणां मृदुत्वं , मृदूनां स्थिरता, चलानामचलत्वं, अचलानां चलता, पृथूनां सङ्क्षिप्तत्वं, सङ्क्षिप्तानां पृथुता, दीर्घाणां ह्रस्वत्वं, ह्रस्वानां दीर्घता, अपतनधर्मिणां पतनधर्मित्वं , पतनधर्मिणामपतनधर्मित्वमकस्मात्, शैत्यौष्ण्यस्नैग्ध्यरौक्ष्यप्रस्तम्भवैवर्ण्यावसादनं चाङ्गानाम् ||३||
🔊 Audio coming soon
তাং স্বভাববিপ্রতিপত্তিং সঙ্ক্ষেপেণ তাবন্নির্দিষ্টুমাহ- স্বভাবসিদ্ধানামিত্যাদি| অন্যভাবিত্বং গুণকর্মভ্যাং কৃত্বা, তথা বিশিষ্টদ্রব্যান্তরসংযোগাচ্চ; বিশিষ্টদ্রব্যান্তরসংযোগশ্চ ‘সিরাণাং দর্শনং ললাটে, নাসাবংশে বা পিডকোত্পত্তিঃ’ ইত্যাদিনা বক্ষ্যমাণঃ| তত্র স্বভাবসিদ্ধানাং শরীরৈকদেশানামন্যথাভাবিত্বং বিস্তরেণোপদর্শযন্নাহ- তদ্যথেত্যাদি| অকস্মাচ্চ শুক্লানাং নেত্রৈকদেশানাং নির্নিমিত্তং কার্ষ্ণ্যং মরণায| কৃষ্ণানাং লোচনমধ্যস্য তারুণ্যে কেশশ্মশ্রুলোম্নাং চ শুক্লত্বমরিষ্টম্| রক্তানাং নেত্রান্তপাদকরতলতাল্বোষ্ঠজিহ্বানামাকস্মিকমন্যবর্ণত্বং শ্বেতপীতকৃষ্ণনীলত্বমরিষ্টমিতি| স্থিরাণাং কঠিনানাং কেশশ্মশ্রুনখদন্তশিরাস্নাযুস্রোতঃপ্রভৃতীনাং মৃদুত্বং কোমলত্বমরিষ্টমিতি| মৃদূনাং মাংসশোণিতমেদোমজ্জশুক্রনাভিহৃদযযকৃত্প্লীহপ্রভৃতীনাং স্থিরত্বং কাঠিন্যং বিকৃতিরিতি| কেচিত ‘মৃদূনাম্’ ইত্যত্র ‘অদৃঢানাম্’ ইতি পঠন্তি| চলানাং বাতাশযশিরাসন্ধিজিহ্বাদীনামস্পন্দনত্বমরিষ্টমিতি| সিরা দশৈব চলা ভবন্তি, তাস্তু শারীরে বক্ষ্যতি| অচলা মাংসমেদোঽস্থিনাভযস্তেষাং চলত্বমরিষ্টম্, অন্যে তু নাসাকর্ণমাংসাদীনামিত্যাহুঃ| পৃথূনাং সঙ্ক্ষিপ্তত্বমিতি বিস্তীর্ণানাং স্বল্পত্বং; তত্র বিস্তীর্ণানি শিরোললাটবক্ত্রাংসোরঃপৃষ্ঠাদীনি, তেষাং সঙ্ক্ষিপ্তত্বমরিষ্টম্| সঙ্ক্ষিপ্তানাং দৃষ্টিমণ্ডলনখরোমগুল্ফাদীনাং পৃথুত্বমরিষ্টম্| দীর্ঘাণাং নযনভুজাঙ্গুলিপর্বোচ্ছ্বাসাদীনাং হ্রস্বত্বমরিষ্টম্| হ্রস্বানাং জঙ্ঘামেঢ্রগ্রীবাদীনাং দীর্ঘত্বমরিষ্টম্| অপতনধর্মিণাং পতনধর্মিত্বমিতি অপতনস্বভাবানাং পতনস্বভাবত্বমিত্যর্থঃ| তত্রাপতনধর্মিণঃ কেশশ্মশ্রুলোমনখাদযঃ, তেষাং পতনধর্মিত্বমরিষ্টম্| পতনধর্মিণামপতনধর্মিত্বমিতি পতনধর্মিণাং স্বেদমূত্রপুরীষাদীনামপতনধর্মিত্বমরিষ্টম্| অকস্মাদিতি অনিমিত্তমিত্যর্থঃ| অকস্মাদিত্যেতদুক্তৈঃ শুক্লানাং কৃষ্ণত্বমিত্যাদিভির্বক্ষ্যমাণৈশ্চ শৈত্যৌষ্ণ্যাদিভিঃ সহ প্রত্যেকং সম্বধ্যতে| শৈত্যেত্যাদি| হস্তপাদোচ্ছ্বাসাদিষু স্বভাবোষ্ণতাযুক্তেষু শৈত্যং, শীতত্বযুক্তেষু ফূত্কারাদিষু চৌষ্ণ্যং, স্নিগ্ধতাযুক্তেষু নযনতারকাদিষু রৌক্ষ্যম্, অনভ্যক্তকেশত্বগাদিষু রূক্ষেষু স্নিগ্ধত্বম্| প্রস্তম্ভঃ প্রকর্ষেণ স্তব্ধতা| নেত্রযোরঙ্গাবযবানাং চ বৈবর্ণ্যং গৌরশ্যামাদিবর্ণানাং বৈপরীত্যম্| অবসাদোঽপ্রবৃত্তির্বৈকল্যমিত্যর্থঃ| কেচিত্ ‘বৈবর্ণ্যোপসর্জনং চাঙ্গানাম্’ ইতি পঠন্তি, ব্যাখ্যানযন্তি চ- উপসর্জনং তদ্ভাবাপত্তিরিত্যর্থঃ||৩||
Adhikarana 3 (4) · Śloka 4
স্বেভ্যঃ স্থানেভ্যঃ শরীরৈকদেশানামবস্ত্রস্তোত্ক্ষিপ্তভ্রান্তাবক্ষিপ্তপতিতবিমুক্তনির্গতান্তর্গতগুরুলঘুত্বানি, প্রবালবর্ণব্যঙ্গপ্রাদুর্ভাবো বাঽপ্যকস্মাত্, সিরাণাং চ দর্শনং ললাটে, নাসাবংশে বা পিডকোত্পত্তিঃ , ললাটে বা প্রভাতকালে স্বেদঃ, নেত্ররোগাদ্বিনা বাঽশ্রুপ্রবৃত্তিঃ, গোমযচূর্ণপ্রকাশস্য বা রজসো দর্শনমুত্তমাঙ্গে নিলযনং বা কপোতকঙ্ককাকপ্রভৃতীনাং, মূত্রপুরীষবৃদ্ধিরভুঞ্জানানাং, তত্প্রণাশো বা ভুঞ্জানানাং, স্তনমূলহৃদযোরঃসু চ শূলোত্পত্তযঃ, মধ্যে শূনত্বমন্তেষু পরিম্লাযিত্বং বিপর্যযো বা, তথাঽর্ধাঙ্গে শ্বযথুঃ শোষোঽঙ্গপক্ষযোর্বা, নষ্টহীনবিকলবিকৃতস্বরতা বা, বিবর্ণপুষ্পপ্রাদুর্ভাবো বা দন্তমুখনখশরীরেষু, যস্য বাঽপ্সু কফপুরীষরেতাংসি নিমজ্জন্তি, যস্য বা দৃষ্টিমণ্ডলে ভিন্নবিকৃতানি রূপাণ্যালোক্যন্তে, স্নেহাভ্যক্তকেশাঙ্গ ইব যো ভাতি, যশ্চ দুর্বলো ভক্তদ্বেষাতিসারাভ্যাং পীড্যতে, কাসমানশ্চ তৃষ্ণাভিভূতঃ, ক্ষীণশ্ছর্দিভক্তদ্বেষযুক্তঃ সফেনপূযরুধিরোদ্বামী হতস্বরঃ শূলাভিপন্নশ্চ মনুষ্যঃ, শূনকরচরণবদনঃক্ষীণোঽন্নদ্বেষী স্রস্তপিণ্ডিকাংসপাণিপাদো জ্বরকাসাভিভূতঃ, যস্তু পূর্বাহ্ণে ভুক্তমপরাহ্ণে ছর্দযত্যবিদগ্ধমতিসার্যতে বা স শ্বাসান্ম্রিযতে, বস্তবদ্বিলপন্ যশ্চ ভূমৌ পততি স্রস্তমুষ্কঃ, স্তব্ধমেঢ্রো ভগ্নগ্রীবঃ প্রনষ্টমেহনশ্চ মনুষ্যঃ, প্রাগ্বিশুষ্যমাণাহৃদয আর্দ্রশরীরঃ, যশ্চ লোষ্টং লোষ্টেনাভিহন্তি কাষ্ঠং কাষ্ঠেন, তৃণানি বা ছিনত্তি, অধরোষ্ঠং দশতি, উত্তরোষ্ঠং বা লেঢি, আলুঞ্চতি বা কর্ণৌ কেশাংশ্চ; দেবদ্বিজগুরুসুহৃদ্বৈদ্যাংশ্চ দ্বেষ্টি, যস্য বক্রানুবক্রগা গ্রহা গর্হিতস্থানগতাঃ পীডযন্তি, জন্মর্ক্ষং বা, যস্যোল্কাশনিভ্যামভিহন্যতে হোরা বা, গৃহদারশযনাসনযানবাহনমণিরত্নোপকরণগর্হিতলক্ষণনিমিত্তপ্রাদুর্ভাবো বেতি ||৪||
स्वेभ्यः स्थानेभ्यः शरीरैकदेशानामवस्त्रस्तोत्क्षिप्तभ्रान्तावक्षिप्तपतितविमुक्तनिर्गतान्तर्गतगुरुलघुत्वानि, प्रवालवर्णव्यङ्गप्रादुर्भावो वाऽप्यकस्मात्, सिराणां च दर्शनं ललाटे, नासावंशे वा पिडकोत्पत्तिः , ललाटे वा प्रभातकाले स्वेदः, नेत्ररोगाद्विना वाऽश्रुप्रवृत्तिः, गोमयचूर्णप्रकाशस्य वा रजसो दर्शनमुत्तमाङ्गे निलयनं वा कपोतकङ्ककाकप्रभृतीनां, मूत्रपुरीषवृद्धिरभुञ्जानानां, तत्प्रणाशो वा भुञ्जानानां, स्तनमूलहृदयोरःसु च शूलोत्पत्तयः, मध्ये शूनत्वमन्तेषु परिम्लायित्वं विपर्ययो वा, तथाऽर्धाङ्गे श्वयथुः शोषोऽङ्गपक्षयोर्वा, नष्टहीनविकलविकृतस्वरता वा, विवर्णपुष्पप्रादुर्भावो वा दन्तमुखनखशरीरेषु, यस्य वाऽप्सु कफपुरीषरेतांसि निमज्जन्ति, यस्य वा दृष्टिमण्डले भिन्नविकृतानि रूपाण्यालोक्यन्ते, स्नेहाभ्यक्तकेशाङ्ग इव यो भाति, यश्च दुर्बलो भक्तद्वेषातिसाराभ्यां पीड्यते, कासमानश्च तृष्णाभिभूतः, क्षीणश्छर्दिभक्तद्वेषयुक्तः सफेनपूयरुधिरोद्वामी हतस्वरः शूलाभिपन्नश्च मनुष्यः, शूनकरचरणवदनःक्षीणोऽन्नद्वेषी स्रस्तपिण्डिकांसपाणिपादो ज्वरकासाभिभूतः, यस्तु पूर्वाह्णे भुक्तमपराह्णे छर्दयत्यविदग्धमतिसार्यते वा स श्वासान्म्रियते, बस्तवद्विलपन् यश्च भूमौ पतति स्रस्तमुष्कः, स्तब्धमेढ्रो भग्नग्रीवः प्रनष्टमेहनश्च मनुष्यः, प्राग्विशुष्यमाणाहृदय आर्द्रशरीरः, यश्च लोष्टं लोष्टेनाभिहन्ति काष्ठं काष्ठेन, तृणानि वा छिनत्ति, अधरोष्ठं दशति, उत्तरोष्ठं वा लेढि, आलुञ्चति वा कर्णौ केशांश्च; देवद्विजगुरुसुहृद्वैद्यांश्च द्वेष्टि, यस्य वक्रानुवक्रगा ग्रहा गर्हितस्थानगताः पीडयन्ति, जन्मर्क्षं वा, यस्योल्काशनिभ्यामभिहन्यते होरा वा, गृहदारशयनासनयानवाहनमणिरत्नोपकरणगर्हितलक्षणनिमित्तप्रादुर्भावो वेति ||४||
🔊 Audio coming soon
স্বেভ্য ইত্যাদি| অবস্ত্রস্তত্বং ভ্রূপক্ষ্মপ্রভৃতীনাং স্থানাদধঃ প্রলম্বনম্, উত্ক্ষিপ্তত্বং তেষামেবোর্ধ্বগমনং, ভ্রান্তত্বং চক্ষুরাদীনাং ভ্রমণম্, অবক্ষিপ্তত্বং তেষামেব তির্যক্ক্ষিপ্তত্বং, পতিতত্বং শিরোগ্রীবাদীনামধার্যমাণতা, বিমুক্তত্বং সন্ধীনাং মোক্ষঃ, নির্গতত্বং বহির্নিঃসরণং জিহ্বানেত্রপ্রভৃতীনাম্, অন্তর্গতত্বং জিহ্বানেত্রনাসাদীনামন্তঃপ্রবেশঃ, ‘অনির্গতত্বম্’ ইতি কেচিত্ পঠন্তি তত্রাপি স এবার্থঃ; গুরুলঘুত্বানি গুরূণি বাহুশিরঃসক্থ্যাদীনি, লঘূন্যক্ষিপক্ষ্মাদীনি, তেষাং বিপরীতত্বমরিষ্টম্; ‘অবক্ষিপ্তত্বম্’ ইত্যত্র ‘অবক্ষিপ্তম্’ ইতি কেচিত্ পঠন্তি, তত্রাপি স এবার্থঃ| প্রবালবর্ণেত্যাদি ব্যঙ্গানাং ক্ষুদ্ররোগবিশেষাণামকস্মাদনিমিত্তং প্রবালসদৃশবর্ণতাপ্রাদুর্ভাবো ভবতীত্যর্থঃ; প্রবালো বিদ্রুমঃ, স চ সমুদ্রজাতোঽত্যন্তরক্তো বল্লীবিশেষঃ; ব্যঙ্গরোগস্য শ্যাবত্বং প্রাকৃতং, রক্তত্বং বৈকৃতম্| সিরাণামিতি প্রবালবর্ণানামিতি অত্রাপি চকারাত্ সম্বন্ধনীযম্; অথবাঽপ্রাকৃতসিরাণাং দর্শনমরিষ্টমিতি| নাসেত্যাদি ‘পিডকাযাঃ প্রবালবর্ণাযাঃ’ ইত্যত্রাপি জ্ঞেযং, নাসাবংশো নাসাস্থিদণ্ডঃ, অন্যে তু নাসাবংশে ললাটে চ পিডকাযা উত্পত্তিং বাশব্দান্মন্যন্তে| ললাটে ইতি অত্র ‘লেপজ্বরিণ ’ ইতি শেষো জ্ঞেযস্তন্ত্রান্তরদর্শনাত্| নেত্ররোগাদিত্যাদি- অযং পাঠো নিবন্ধেষু ন পঠিতঃ, বৃদ্ধৈঃ পঠিতত্বাদস্মাভিরপি পঠিতঃ| গোমযেত্যাদি|- গোমযং গোপুরীষং, তস্য রজঃপ্রকাশস্যেত্যাদি প্রথমং মাসিকমরিষ্টং; নিলযনং বেত্যাদি দ্বিতীযম্, ‘উত্তমাঙ্গে’ ইত্যত্রাপি সম্বধ্যতে, নিলযনমিতি উপবিশনম্| স্তনমূলেত্যাদি|- অত্রাপি ভুঞ্জানানামেবেতি বোদ্ধব্যম্, এতচ্চ মলপ্রণাশেন সহ যদা সমুদিতং ভবতি তদাঽরিষ্টমিতি জ্ঞেযম্| মধ্য ইত্যাদি|- মধ্যে শূনত্বং, অন্তেষু হস্তপাদাদিষু পরিম্লাযিত্বং শুষ্কতা, বিপর্যযো বেতি অন্তে শূনত্বং মধ্যে চ পরিম্লাযিত্বমিত্যর্থঃ| এতদরিষ্টং মাসিকম্| তথেত্যাদি|- অর্ধাঙ্গে শ্বযথৌ সত্যর্ধে পরিম্লাযিত্বমিতি যোজ্যম্| অঙ্গপক্ষযোরিতি পক্ষঃ শরীরার্ধম্| নষ্টেত্যাদি|- নষ্টস্বরতা অত্যন্তস্বরাভাবঃ, হীনস্বরতা শব্দহ্রস্বত্বং, বিকলস্বরতা গদ্গদাদিস্বরত্বং, বিকৃতস্বরতা স্বাভাবিকস্বরস্য বৈপরীত্যম্| বিবর্ণেত্যাদি|- বিবর্ণপুষ্পপ্রাদুর্ভাবঃ অনুজ্জ্বলবর্ণবিন্দুপ্রাদুর্ভাবো দন্তাদিষ্বরিষ্টম্| যস্যেত্যাদি|- যস্য পুরুষস্য, অপ্সু পানীযেষু, নিমজ্জন্তি বুডন্তি; এতদরিষ্টং তু যদা ত্রযাণামপি নিমজ্জনং ভবতি তদা রিষ্টমিতি জ্ঞেযং, মাসিকং চৈতদরিষ্টম্| যস্যেত্যাদি| ভিন্নানি নানাবিধানি গবাশ্বপ্রভৃতীনাং, বিকৃতানি বীভত্সানি ত্রিভুজত্রিশিরআদিত্বেনাধিকাঙ্গানি, একাক্ষ্যেকভুজৈককর্ণাদিত্বেন বা ন্যূনাঙ্গানি; যস্য পুরুষস্য দৃষ্টিমণ্ডলাভ্যন্তর এবংবিধানি রূপাণ্যালোক্যন্তে দৃশ্যন্তে তস্যারিষ্টম্| অন্যে তু “যস্য বা দৃষ্টিমণ্ডলেঽভিন্নে ইতি দৃষ্টিমণ্ডলবিশেষণং ‘অভিন্নে’ ইতি কুর্বন্তি; তত্রাঽভিন্ন ইত্যত্রাভিঘাতজো ভেদ আধ্যাত্মিকদোষেভ্যো বা ভেদোঽভিপ্রেতঃ| তত্র বিকৃতরূপাবলোকনং সদ্যোঽরিষ্টং পাঞ্চবার্ষিকং বা” ইতি ব্যাখ্যানযন্তি| স্নেহেত্যাদি|- সর্বদা যদ্যেবং ভবতি তদেদমরিষ্টম্| যশ্চেত্যাদি|- যঃ পুমান্ দুর্বলো বলহীনো মাংসহীনো বা; তত্র কাসতৃষ্ণারুচ্যতীসারা ইতি সমুদিতমরিষ্টং দুর্বলে নরে| ক্ষীণেত্যাদি ক্ষীণে নরে যদা ছর্দ্যাদয উপদ্রবাঃ সমুদিতা ভবন্তি তদাঽরিষ্টম্| শূনেত্যাদি|- জ্বরকাসাভিভূতে ক্ষীণে নরে যদা শূনকরচরণাদ্যুপদ্রবা ভবন্তি তদাঽরিষ্টম্| স্রস্তপিণ্ডিকঃ শিথিলজানুগুল্ফান্তরালস্থিতমাংসপিণ্ডঃ; স্রস্তশব্দঃ পিণ্ডিকাদিভিঃ সহ প্রত্যেকং সম্বধ্যতে| অংসঃ স্কন্ধঃ| যস্ত্বিত্যাদি|- যথা শৌনিকেন ব্যাপাদ্যমানো বস্তশ্ছগলকঃ, বিলপন্ শব্দং কুর্বন্, ভূমৌ পততি তদ্বন্মনুষ্যোঽপ্যরিষ্টযুক্ত ইতি| স্রস্তমুষ্ক ইতি স্থানাচ্চ্যুতাণ্ডঃ, স্তব্ধমেঢ্রঃ স্তব্ধলিঙ্গ; ভগ্নগ্রীব ইতি নতগ্রীবঃ, প্রনষ্টমেহনশ্চেতি অন্তঃপ্রবিষ্টলিঙ্গ ইত্যর্থঃ; অত্র চকারো বাশব্দার্থঃ, তেন স্তব্ধমেঢ্রো ভবতি প্রনষ্টমেহনো বা ভবতীত্যর্থঃ| অত্রাপি শ্বাসান্ম্রিযত ইতি যোজ্যম্| প্রাগিত্যাদি| যস্য মনুষ্যস্য শরীরমার্দ্রমেবাবতিষ্ঠতে হৃদযং প্রথমমেব শুষ্যতি তস্যারিষ্টং, এতদরিষ্টং পাক্ষিকম্| যশ্চেত্যাদি|- তৃণানি ছিনত্তি ‘নখৈঃ’ ইতি শেষঃ| অধরৌষ্ঠং দশতীতি অধস্তনমোষ্ঠং দন্তৈর্গৃহ্ণাতীত্যর্থঃ| উত্তরৌষ্ঠং বা লেঢীতি উপরিতনৌষ্ঠং জিহ্বযা স্পৃশতীত্যর্থঃ| অযং পাঠো নিবন্ধেষু ন দৃশ্যতে, বৃদ্ধৈঃ পঠিতত্বাদস্মাভিঃ পঠিতঃ| আলুঞ্চতীত্যাদি| আলুঞ্চতি উত্পাটযতীত্যর্থঃ| দেবেত্যাদি| সুহৃন্মিত্রম্| দ্বেষ্টি অপ্রীতো ভবতি| এতদরিষ্টং বার্ষিকম্| যস্যেত্যাদি| সমাক্রান্তং রাশিং মুক্ত্বা পুনঃ পূর্বমেব ভুক্তরাশিং নক্ষত্রং বা যাতি সঃ বক্রগঃ, পুনশ্চানুগত এবোত্তরে স্থানেঽনুবক্রগঃ; গর্হিতস্থানগতা ইতি ‘গ্রহা’ ইতি সম্বধ্যতে, তচ্চ গর্হিতং নিন্দিতং স্থানং জ্যোতিঃশাস্ত্রাদেবাবগন্তব্যম্| জন্মর্ক্ষং জন্মনক্ষত্রম্| তেজঃপিণ্ডনিপতনমুল্কা, অশনির্বিদ্যুদগ্নিভেদঃ, এতাভ্যাং যদা আকাশে উদিতং জন্মনক্ষত্রং জন্মনক্ষত্রবেলা বা অভিহন্যতে তদাঽরিষ্টমিত্যর্থঃ| হোরা জন্মলগ্নং, তদপি যদোল্কাশনিভ্যাং হন্যত ইত্যর্থঃ| গৃহেত্যাদি|- গৃহাদীনাং যানি গর্হিতলক্ষণানি বাস্তুবিদ্যাদিষূক্তানি তন্নিমিত্তস্তত্কারণঃ প্রাদুর্ভাব উত্পত্তিররিষ্টস্যেত্যর্থঃ; দারা ভার্যা, যানং শিবিকারথাদি, বাহনং হস্ত্যাদি, মণযঃ স্ফটিকাদযঃ| রত্নশব্দো গৃহাদিভিঃ সহ প্রত্যেকং সম্বধ্যতে| উপকরণানি ঘটপিঠরসূর্পাদীনি||৪||
Adhikarana 4 (5-6) · Śloka 6
ভবন্তি চাত্র- চিকিত্স্যমানঃ সম্যক্ চ বিকারো যোঽভিবর্ধতে | প্রক্ষীণবলমাংসস্য লক্ষণং তদ্গতাযুষঃ ||৫|| নিবর্ততে মহাব্যাধিঃ সহসা যস্য দেহিনঃ | ন চাহারফলং যস্য দৃশ্যতে স বিনশ্যতি ||৬||
भवन्ति चात्र- चिकित्स्यमानः सम्यक् च विकारो योऽभिवर्धते | प्रक्षीणबलमांसस्य लक्षणं तद्गतायुषः ||५|| निवर्तते महाव्याधिः सहसा यस्य देहिनः | न चाहारफलं यस्य दृश्यते स विनश्यति ||६||
🔊 Audio coming soon
সর্ববিকারাণামনুক্তমরিষ্টমভিনির্দিশন্নাহ- চিকিত্স্যমান ইত্যাদি| মহাব্যাধির্বাতব্যাধিপ্রমেহাদিরষ্টবিধঃ; শোষাদিঃ কাযচিকিত্সাপঠিতো বা| সহসা বেগেনেত্যর্থঃ||৫-৬||
Adhikarana 5 (7) · Śloka 7
এতান্যরিষ্টরূপাণি সম্যগ্ বুধ্যেত যো ভিষক্ | সাধ্যাসাধ্যপরীক্ষাযাং স রাজ্ঞঃ সম্মতো ভবেত্ ||৭||
एतान्यरिष्टरूपाणि सम्यग् बुध्येत यो भिषक् | साध्यासाध्यपरीक्षायां स राज्ञः सम्मतो भवेत् ||७||
🔊 Audio coming soon
অরিষ্টজ্ঞানফলং দর্শযন্নাহ- এতানীত্যাদি| সাধ্যাসাধ্যেত্যাদি স বৈদ্যঃ সাধ্যাসাধ্যযোঃ পরীক্ষাযাং নৃপতেঃ শ্লাঘ্যো ভবেত্||৭||
Adhikarana puShpikA · Śloka 32
ইতি সুশ্রুতসংহিতাযাং সূত্রস্থানে স্বভাববিপ্রতিপত্তির্নাম দ্বাত্রিংশোঽধ্যাযঃ ||৩২||
इति सुश्रुतसंहितायां सूत्रस्थाने स्वभावविप्रतिपत्तिर्नाम द्वात्रिंशोऽध्यायः ||३२||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে দ্বাত্রিংশত্তমোঽধ্যাযঃ||৩২||