Adhikarana 1 (1-2) · Śloka 2
অথাতো বমনদ্রব্যবিকল্পবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो वमनद्रव्यविकल्पविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাতো বমনদ্রব্যেত্যাদি| বিকল্পাঃ প্রযোগাঃ||১-২||
Adhikarana 2 (3) · Śloka 3
বমনদ্রব্যাণাং ফলাদীনাং মদনফলানি শ্রেষ্ঠতমানি ভবন্তি | অথ মদনপুষ্পাণামাতপপরিশুষ্কাণাং চূর্ণপ্রকুঞ্জং প্রত্যক্পুষ্পাসদাপুষ্পীনিম্বকষাযাণামন্যতমেনালোড্য মধুসৈন্ধবযুক্তাং পুষ্পচূর্ণমাত্রাং পাযযিত্বা বামযেত্ | মদনশলাটুচূর্ণান্যেবং বা বকুলরম্যকোপযুক্তানি মধুলবণযুক্তান্যভিপ্রতপ্তানি; মদনশলাটুচূর্ণসিদ্ধাং বা তিলতণ্ডুলযবাগূম্ | নির্বৃত্তানাং বা নাতিহরিতপাণ্ডূনাং কুশমূঢাববদ্ধমৃদ্গোমযপ্রলিপ্তানাং যববু(তু)ষমুদ্গমাষশাল্যাদিধান্যরাশাবষ্টরাত্রোষিতক্লিন্নভিন্নানাং ফলানাং ফলপিপ্পলীরুদ্ধৃত্যাতপে শোষযেত্, তাসাং দধিমধুপললবিমৃদিতপরিশুষ্কাণাং সুভাজনস্থানামন্তর্নখমুষ্টিমুষ্ণে যষ্টীমধুককষাযে কোবিদারাদীনামন্যতমে বা কষাযে প্রমৃদ্য রাত্রিপর্যুষিতং মধুসৈন্ধবযুক্তমাশীর্ভিরভিমন্ত্রিতমুদঙ্মুখঃ প্রাঙ্মুখমাতুরং পাযযেদনেন মন্ত্রেণাভিমন্ত্র্য- “ব্রহ্মদক্ষাশ্বিরুদ্রেন্দ্রভূচন্দ্রার্কানলানিলাঃ| ঋষযঃ সৌষধীগ্রামা ভূতসঙ্ঘাশ্চ পান্তু তে ||১|| রসাযনমিবর্ষীণাং দেবানামমৃতং যথা | সুধেবোত্তমনাগানাং ভৈষজ্যমিদমস্তু তে ||২|| বিশেষেণ শ্লেষ্মজ্বরপ্রতিশ্যাযান্তর্বিদ্রধিষু; অপ্রবর্তমানে বা দোষে পিপ্পলীবচাগৌরসর্ষপকল্কোন্মিশ্রৈঃ সলবণৈরুষ্ণাম্বুভিঃ পুনঃ পুনঃ প্রবর্তযেদাসম্যগ্বান্তলক্ষণাদিতি | মদনফলমজ্জচূর্ণং বা তত্ক্বাথপরিভাবিতং মদনফলকষাযেণ; মদনফলমজ্জসিদ্ধস্য বা পযসঃ সন্তানিকাং ক্ষৌদ্রযুক্তাং , মদনফলমজ্জসিদ্ধং বা পযঃ, মদনফলমজ্জসিদ্ধেন বা পযসা যবাগূম্, অধোভাগাসৃক্পিত্তহৃদ্দাহযোঃ; মদনফলমজ্জসিদ্ধস্য বা পযসো দধিভাবমুপগতস্য দধ্যুত্তরং দধি বা কফপ্রসেকচ্ছর্দিমূর্চ্ছাতমকেষু; মদনফলমজ্জরসং স্নেহং বা ভল্লাতকস্নেহবদাদায ফাণিতীভূতং লেহযেত্, আতপপরিশুষ্কং বা তমেব জীবন্তীকষাযেণ, পিত্তে কফস্থানগতে; মদনফলমজ্জক্বাথং বা পিপ্পল্যাদিপ্রতীবাপং, তচ্চূর্ণং বা নিম্বরূপিকাকষাযযোরন্যতরেণ সন্তর্পণকফজব্যাধিহরং, মদনফলমজ্জচূর্ণং বা মধূককাশ্মর্যদ্রাক্ষাকষাযেণ | মদনফলবিধানমুক্তম্ ||৩||
वमनद्रव्याणां फलादीनां मदनफलानि श्रेष्ठतमानि भवन्ति | अथ मदनपुष्पाणामातपपरिशुष्काणां चूर्णप्रकुञ्जं प्रत्यक्पुष्पासदापुष्पीनिम्बकषायाणामन्यतमेनालोड्य मधुसैन्धवयुक्तां पुष्पचूर्णमात्रां पाययित्वा वामयेत् | मदनशलाटुचूर्णान्येवं वा बकुलरम्यकोपयुक्तानि मधुलवणयुक्तान्यभिप्रतप्तानि; मदनशलाटुचूर्णसिद्धां वा तिलतण्डुलयवागूम् | निर्वृत्तानां वा नातिहरितपाण्डूनां कुशमूढावबद्धमृद्गोमयप्रलिप्तानां यवबु(तु)षमुद्गमाषशाल्यादिधान्यराशावष्टरात्रोषितक्लिन्नभिन्नानां फलानां फलपिप्पलीरुद्धृत्यातपे शोषयेत्, तासां दधिमधुपललविमृदितपरिशुष्काणां सुभाजनस्थानामन्तर्नखमुष्टिमुष्णे यष्टीमधुककषाये कोविदारादीनामन्यतमे वा कषाये प्रमृद्य रात्रिपर्युषितं मधुसैन्धवयुक्तमाशीर्भिरभिमन्त्रितमुदङ्मुखः प्राङ्मुखमातुरं पाययेदनेन मन्त्रेणाभिमन्त्र्य- “ब्रह्मदक्षाश्विरुद्रेन्द्रभूचन्द्रार्कानलानिलाः| ऋषयः सौषधीग्रामा भूतसङ्घाश्च पान्तु ते ||१|| रसायनमिवर्षीणां देवानाममृतं यथा | सुधेवोत्तमनागानां भैषज्यमिदमस्तु ते ||२|| विशेषेण श्लेष्मज्वरप्रतिश्यायान्तर्विद्रधिषु; अप्रवर्तमाने वा दोषे पिप्पलीवचागौरसर्षपकल्कोन्मिश्रैः सलवणैरुष्णाम्बुभिः पुनः पुनः प्रवर्तयेदासम्यग्वान्तलक्षणादिति | मदनफलमज्जचूर्णं वा तत्क्वाथपरिभावितं मदनफलकषायेण; मदनफलमज्जसिद्धस्य वा पयसः सन्तानिकां क्षौद्रयुक्तां , मदनफलमज्जसिद्धं वा पयः, मदनफलमज्जसिद्धेन वा पयसा यवागूम्, अधोभागासृक्पित्तहृद्दाहयोः; मदनफलमज्जसिद्धस्य वा पयसो दधिभावमुपगतस्य दध्युत्तरं दधि वा कफप्रसेकच्छर्दिमूर्च्छातमकेषु; मदनफलमज्जरसं स्नेहं वा भल्लातकस्नेहवदादाय फाणितीभूतं लेहयेत्, आतपपरिशुष्कं वा तमेव जीवन्तीकषायेण, पित्ते कफस्थानगते; मदनफलमज्जक्वाथं वा पिप्पल्यादिप्रतीवापं, तच्चूर्णं वा निम्बरूपिकाकषाययोरन्यतरेण सन्तर्पणकफजव्याधिहरं, मदनफलमज्जचूर्णं वा मधूककाश्मर्यद्राक्षाकषायेण | मदनफलविधानमुक्तम् ||३||
🔊 Audio coming soon
বমনেত্যাদি| ফলাদীনামিতি ফলং মদনফলম্, আদিগ্রহণাত্ কুটজজীমূতকেক্ষ্বাকুধামার্গবকৃতবেধনানি গৃহ্যন্তে| মদনপুষ্পাণামিতি অত্র পুষ্পশব্দঃ ফলে বর্ততে, কারণে কার্যোপচারাত্| চূর্ণপ্রকুঞ্চং পুনরস্য মধ্যমা মাত্রা; প্রকুঞ্চঃ পলং, ‘মুষ্টিঃ’ ইত্যেকে, ‘করাঙ্গুলিচতুষ্কমূলাবধিমিতং চূর্ণম্’ ইত্যপরে| প্রত্যক্পুষ্পা অপামার্গঃ, সদাপুষ্পী অর্কস্তস্য মূলং, নিম্বঃ প্রসিদ্ধঃ; কষাযাণাং ত্রিত্বাদ্যোগত্রযমুক্তম্| পুষ্পচূর্ণমাত্রামিতি মাত্রা চ তন্ত্রান্তরে চূর্ণশরাবঃ, অত্র চ মাত্রাশব্দো যথাযোগবচনোঽভিপ্রেতঃ| অস্যাগ্রে ‘অক্রূরাশযমুপস্থিতদোষং মৃদুপ্রচ্ছর্দনং’ ইতি কেচিত্ পঠন্তি; তন্ন, নিবন্ধকারৈরপঠিতত্বাত্| মদনেত্যাদি| শলাটু আমং ফলম্| এবমিতি এবংশব্দাত্ প্রত্যক্পুষ্পাদীনাং ত্রযঃ কষাযা জ্ঞেযাঃ, তেন যোগা অপি ত্রযঃ| রম্যকো মহানিম্বঃ| অভিপ্রতপ্তানি উষ্ণীকৃতানি, ‘পাযযিত্বা বামযেত্’ ইত্যনুবর্তনীযম্| শলাটুচূর্ণেষু যোগান্তরং নির্দিশন্নাহ- মদনেত্যাদি| অত্রাপি চূর্ণস্য প্রকুঞ্চ এব, তিলতণ্ডুলযোস্তু যবাগূপ্রমাণেন মাত্রাকল্পনং; লেহযিত্বা বামযেদিতি জ্ঞেযং, লেহ্যত্বাদ্যবাগ্বাঃ| তদেবং শলাটুচূর্ণেষু মদনস্য চত্বারো যোগাঃ| মদনফলানাং পক্বানাং প্রধানং যোগং নির্দিশন্নাহ- নির্বৃত্তানামিত্যাদি| নির্বৃত্তানাং নিষ্পন্নানাং নাতিহরিতপাণ্ডুত্বেন, পরিপাকাতিপাণ্ডুত্বে হি বীর্যাতিক্রমঃ স্যাত্| কুশমূঢঃ কুশবিরচিতঃ পুটকঃ| ফলপিপ্পলীঃ মদনফলবীজানি| তাসামিতি তাসাং ফলপিপ্পলীনাম্| অন্তর্নখমুষ্টিমিতি নখানাং মধ্যে মুষ্টির্ন তু পরিভাষিকা পলাভিধানা, অন্তর্নখমুষ্টিং যষ্টীমধুককষাযে আতুরং পাযযেদিতি সম্বন্ধঃ| কোবিদারেত্যাদি| কোবিদারাদীনাং সংশোধনসংশমনীযোক্তানামেকাদশানামন্যতমস্যৈকতমস্য কষাযে| এতেনৈকাদশযোগা উক্তাঃ| প্রমৃদ্যেতি ফলপিপ্পলীনামন্তর্নখমুষ্টিমিতি সম্বন্ধঃ| কিংবিশিষ্টমন্তর্নখমুষ্টিং? রাত্রিপর্যুষিতং মধুসৈন্ধবযুক্তং চ| আশীর্ভিরভিমন্ত্রিতমিতি ইষ্টাশানিষ্পাদনমন্ত্রোঽপ্যাশীঃ, তাভির্বেদোক্তাভিরভিমন্ত্রিতমন্তর্নখমুষ্টিম্| উদঙ্মুখ উত্তরাভিমুখো বৈদ্যঃ, প্রাঙ্মুখং পূর্বাভিমুখমাতুরম্| অভিমন্ত্রণমন্ত্রমাহ- ব্রহ্মদক্ষেত্যাদি| মন্ত্রার্থস্ত্বদর্শনীযঃ, আবৃত্ত্যৈব কেবলযা মন্ত্রাণাং ফলদত্বাত্| অস্য যোগস্য বিষযং নিযমযন্নাহ- বিশেষেণেত্যাদি| বিশেষেণ অতিশযেন, শ্লেষ্মজ্বরাদিষু ‘দেয’ ইত্যধ্যাহারঃ| অপ্রবর্তমানস্য দোষস্য প্রবর্তনে হেতুং দর্শযন্নাহ- অপ্রবর্তমান ইত্যাদি| দুর্বমনবহুদোষবিষযযোগমাহ- মদনেত্যাদি| মদনফলমজ্জা মদনফলমধ্যস্য স্নিগ্ধো ভাগঃ, ‘সকলমেব মদনফলম্’ ইত্যন্যে| মদনফলকষাযেণ ‘পাযযেত্’ ইত্যধ্যাহারঃ| মদনেত্যাদি| সন্তানিকামিতি লেহযেদিতি সম্বন্ধঃ; সন্তানিকা ক্ষীরস্যোপরিতনঃ স্ত্যানো ভাগঃ| মদনফলমজ্জসিদ্ধং বা পযঃ পাযযেদিত্যধ্যাহারঃ; অত্রাপি প্রকুঞ্চঃ| মদনফলপক্বসিদ্ধেন বা পযসা যবাগূং লেহযেদিতি সম্বন্ধঃ| পযঃসন্তানিকাযবাগূনাং বিষযমাহ- অধোভবরক্তপিত্তে পিত্তকৃতহৃদযদাহে চ| মদনেত্যাদি| দধ্যুত্তরং সরং, লেহযেদিতি সম্বন্ধঃ| দধি বা ‘পাযযেত্’ ইত্যধ্যাহারঃ| এতদ্যোগদ্বযমুক্তম্| মদনেত্যাদি| মদনফলমজ্জরসং ফাণিতীভূতং কাকবীভূতং লেহযেদিতি সম্বন্ধঃ| ভল্লাতকস্নেহবদাদাযেতি দ্বিব্রণীযোক্তেন বিধিনা| আতপেত্যাদি জীবন্তীকষাযেণ আতপবিশুষ্কং তমেব মদনফলমজ্জরসং ‘পাযযেত্’ ইতি শেষঃ| জীবন্তী শুষ্কযাবনালবর্ণা লতৌষধী পর্ববতী| এতযোর্যোগযোর্বিষযমাহ- পিত্তে কফস্থানগতে ইতি| মদনফলমজ্জক্বাথং বেত্যাদি মদনফলমজ্জক্বাথং বেত্যাদ্যেকো যোগঃ| তচ্চূর্ণং বা নিম্বরূপিকাকষাযযোরন্যতরেণেতি যোগদ্বযং; তচ্চূর্ণং মদনফলমজ্জচূর্ণং, রূপিকা অর্কঃ| এতেষাং ত্রযাণাং যোগানাং বিষযং নিযমযন্নাহ- সন্তর্পণেত্যাদি| মদনফলমজ্জচূর্ণং বা মধুককাশ্মর্যদ্রাক্ষাকষাযেণেত্যাদি দ্বাত্রিংশত্তমং যোগং কেচিত্ পঠন্তি, তন্নেচ্ছতি গযী| ব্যাখ্যাতমেবোপসংহরন্নাহ- মদনেত্যাদি| এতেনাপ্রবর্তনব্যাপচ্চিকিত্সাং বিহায মদনফলযোগা একত্রিংশদুক্তাঃ||৩||
Adhikarana 3 (4) · Śloka 4
জীমূতককুসুমচূর্ণং পূর্ববদেব ক্ষীরেণ, নির্বৃত্তেষু ক্ষীরযবাগূং, রোমশেষু সন্তানিকাং, অরোমশেষু দধ্যুত্তরং, হরিতপাণ্ডুষু দধি, তত্কষাযসংসৃষ্টাং বা সুরাং কফারোচককাসশ্বাসপাণ্ডুরোগযক্ষ্মসু; পর্যাগতেষু মদনফলমজ্জবদুপযোগঃ ||৪||
जीमूतककुसुमचूर्णं पूर्ववदेव क्षीरेण, निर्वृत्तेषु क्षीरयवागूं, रोमशेषु सन्तानिकां, अरोमशेषु दध्युत्तरं, हरितपाण्डुषु दधि, तत्कषायसंसृष्टां वा सुरां कफारोचककासश्वासपाण्डुरोगयक्ष्मसु; पर्यागतेषु मदनफलमज्जवदुपयोगः ||४||
🔊 Audio coming soon
মদনফলস্য পশ্চাজ্জীমূতকং দর্শযন্নাহ- জীমূতকেত্যাদি| জীমূতকো দেবদালী| পূর্ববদেবেতি প্রত্যক্পুষ্পাদিদ্রব্যত্রযক্বাথৈস্ত্রযো যোগাঃ পুষ্পচূর্ণস্য| অন্যে তু চরকে প্রত্যক্পুষ্পাদিযোগা ন সন্তীতি ক্ষীরেণৈবান্যমেকং যোগমিচ্ছন্তি, পূর্ববদিত্যনেন প্রকুঞ্চং মধুসৈন্ধবাদিযুক্তং চামনন্তি| নির্বৃত্তেষ্বিত্যাদি| নির্বৃত্তেষু জাতমাত্রেষু; ক্ষীরযবাগূং জীমূতশলাটুক্বথিতক্ষীরযবাগূম্| রোমশেষ্বিত্যাদি| রোমশেষু কঠিনাবস্থাং প্রাপ্তেষু; সন্তানিকামিতি জীমূতচূর্ণক্বথিতক্ষীরসন্তানিকাম্| অরোমশেষ্বিত্যাদি অরোমশেষু বৃহত্তমেষু, চূর্ণক্বথিতক্ষীরস্য দধিভাবং গতস্যোত্তরং সরকম্| হরিতপাণ্ডুষ্বিত্যাদি হরিতপাণ্ডুষু কঠিনতমেষু তচ্চূর্ণক্বথিতক্ষীরস্য দধি| তত্কষাযসংসৃষ্টামিতি জীমূতককষাযকৃতাম্| তস্যাস্তু কল্পনং- জীমূতক্বাথে মাষাঃ সাধনীযাঃ, জীমূতকস্য ক্বাথেনৈব শালিতণ্ডুলাঃ প্রক্ষালনীযাঃ, মাষাঃ শালিতণ্ডুলাস্তে চ সঙ্ক্ষুদ্যৈকত্র পিণ্ডাঃ কার্যাঃ, তাঞ্ শুষ্কচূর্ণিতান্ কৃত্বাঽপরশালীতণ্ডুলচূর্ণং পিষ্টপাচনিকাযাং জীমূতকষাযোষ্মণা সম্যগুত্স্বেদ্যাবতারযেত্, ততঃ স্বিন্নশীতলস্য তস্য পিষ্টস্য ত্রযো ভাগাঃ, কিণ্বভাগশ্চতুর্থঃ, সন্ধানার্থে ভার্গীক্বাথঃ, তত্সর্বং কলশে নিধাপিতং জাতরসং সুরা ভবতি; পৈষ্টীযং, তেনাত্র নাস্তি গুডো ন বা মধু; অন্যে পুনঃ ‘অত্রানুক্তোঽপি গুডো দাতব্যঃ’ ইত্যাহুঃ| গুডপ্রমাণং ত্বর্শোনির্দিষ্টাভযারিষ্টক্বাথশেষদ্রোণে গুডপলশতদ্বযং প্রক্ষেপবিভাগপরিভাষারূপেণ সর্বত্র| অন্যে তু ‘জীমূতকষাযেণ সহ সুরামেব, ন পুনর্জীমূতকষাযসাধিতাম্’ ইতি বদন্তি| জীমূতকুসুমচূর্ণং বেত্যাদীনাং যোগানাং বিষযমাহ- কফেত্যাদি| ‘দদ্যাত্’ ইতি শেষঃ| পর্যাগতেষু নাতিহরিতপাণ্ডুষ্বতিদেশেন যোগং নির্দিশন্নাহ- পর্যাগতেষ্বিত্যাদি| মদনফলমজ্জবদিতিবত্করণান্মদনপুষ্পশলাটুযোগান্ বর্জযিত্বাঽন্যে যে মদনফলযোগাস্তে সর্বে পর্যাগতেষু জীমূতকেষু বিজ্ঞেযাঃ| এতেন পর্যাগতজীমূতকযোগাশ্চতুর্বিংশতিরুক্তাঃ| ‘পর্যাগতেষু পরিপক্বেষু’ ইত্যন্যে||৪||
Adhikarana 4 (5) · Śloka 5
তদ্বদেব কুটজফলবিধানম্ ||৫||
तद्वदेव कुटजफलविधानम् ||५||
🔊 Audio coming soon
কুটজফলযোগান্নির্দিশন্নাহ- তদ্বদিত্যাদি| অত্রাপি জীমূতকবচ্চতুর্বিংশতিযোগা জ্ঞেযাঃ||৫||
Adhikarana 5 (6) · Śloka 6
কৃতবেধনানামপ্যেষ এব কল্পঃ ||৬||
कृतवेधनानामप्येष एव कल्पः ||६||
🔊 Audio coming soon
কৃতবেধনযোগান্নির্দিশন্নাহ- কৃতবেধনানামিত্যাদি| অত্রাপি কুটজবচ্চতুর্বিংশতিযোগা ইত্যর্থঃ| কৃতবেধনং কোশাতকী||৬||
Adhikarana 6 (7) · Śloka 7
ইক্ষ্বাকুকুসুমচূর্ণং বা পূর্ববত্ , এবং ক্ষীরেণ, কাসশ্বাসচ্ছর্দিকফরোগেষূপযোগঃ ||৭||
इक्ष्वाकुकुसुमचूर्णं वा पूर्ववत् , एवं क्षीरेण, कासश्वासच्छर्दिकफरोगेषूपयोगः ||७||
🔊 Audio coming soon
ইক্ষ্বাকুযোগান্নির্দিশন্নাহ- ইক্ষ্বাক্বিত্যাদি| ইক্ষ্বাকুঃ কটুকালাবূঃ| এবং ক্ষীরেণ তথা পূর্ববন্মদনফলবত্; ন পুনঃ কুটজবত্ কৃতবেধনবচ্চ, তযোঃ পুষ্পশলাটুবর্জনাত্| ইতি মদনফলবদেকত্রিংশত্, তথা পূর্বগ্রহণেন সুরা গৃহ্যতে, এতেনেক্ষ্বাকুযোগাস্ত্রযস্ত্রিংশদুক্তাঃ||৭||
Adhikarana 7 (8) · Śloka 8
ধামার্গবস্যাপি মদনফলমজ্জবদুপযোগঃ; বিশেষতস্তু গরগুল্মোদরকাসশ্বাসশ্লেষ্মামযেষু বাযৌ চ কফস্থানগতে ||৮||
धामार्गवस्यापि मदनफलमज्जवदुपयोगः; विशेषतस्तु गरगुल्मोदरकासश्वासश्लेष्मामयेषु वायौ च कफस्थानगते ||८||
🔊 Audio coming soon
ধামার্গবযোগান্নির্দিশন্নাহ- ধামার্গবস্যেত্যাদি| এতেন ধামার্গবস্য চতুর্বিংশতিযোগাঃ| অপিশব্দাত্ পুষ্পশলাটুক্ষীরসুরাযোগাশ্চ| বমনদ্রব্যেষু সর্বেষামেবাতিদেশযোগানাং মদনফলতুল্যকল্পানাং মদনফলযোগবিষয এব বিষযো নাপূর্বঃ||৮||
Adhikarana 8 (9) · Śloka 9
কৃতবেধনফলপিপ্পলীনাং বমনদ্রব্যকষাযপরিপীতানাং বহুশশ্চূর্ণমুত্পলাদিষু দত্তমাঘ্রাতং বামযতি, তত্ত্বনববদ্ধদোষেষু যবাগূমাকণ্ঠাত্পীতবত্সু চ বিদধ্যাত্ | বমনবিরেচনশিরোবিরোচনদ্রব্যাণ্যেবং বা প্রধানতমানি ভবন্তি ||৯||
कृतवेधनफलपिप्पलीनां वमनद्रव्यकषायपरिपीतानां बहुशश्चूर्णमुत्पलादिषु दत्तमाघ्रातं वामयति, तत्त्वनवबद्धदोषेषु यवागूमाकण्ठात्पीतवत्सु च विदध्यात् | वमनविरेचनशिरोविरोचनद्रव्याण्येवं वा प्रधानतमानि भवन्ति ||९||
🔊 Audio coming soon
কৃতবেধনেত্যাদি| কৃতবেধনগ্রহণং সমস্তজীমূতকভেদজ্ঞাপকম্| পরিপীতানামিতি ভাবিতানাম্| উত্পলাদিষ্বিতি আদিগ্রহণাদ্রক্তোত্পলকুমুদপুণ্ডরীকসৌগন্ধিকানি গৃহ্যন্তে| তস্য প্রযোগবিশেষস্য বিষযং দর্শযন্নাহ- তত্ত্বিত্যাদি| তত্তু প্রাগুক্তং চূর্ণং বিদধ্যাদিতি সম্বন্ধঃ| কেষু? অনববদ্ধদোষেষু অত্যুত্ক্লিষ্টদোষেষু পুরুষেষ্বিত্যর্থঃ| পুনরপি কিংবিশিষ্টেষু? যবাগূমাকণ্ঠাত্ পীতবত্সু চ| ‘তদনববদ্ধদোষেষু’ ইতি কেচিত্ পঠন্তি| ভাবনাযাঃ ফলাতিশযং দর্শযন্নাহ- বমনেত্যাদি| এবমিতি তদ্দ্রব্যস্বরসৈর্বহুশো ভাবিতানি||৯||
Adhikarana 9 (10-11) · Śloka 11
ভবতশ্চাত্র- বমনদ্রব্যযোগাণাং দিগিযং সম্প্রকীর্তিতা | তান্ বিভজ্য যথাব্যাধি কালশক্তিবিনিশ্চযাত্ ||১০|| কষাযৈঃ স্বরসৈঃ কল্কৈশ্চূর্ণৈরপি চ বুদ্ধিমান্ | পেযলেহ্যাদ্যভোজ্যেষু বমনান্যুপকল্পযেত্ ||১১||
भवतश्चात्र- वमनद्रव्ययोगाणां दिगियं सम्प्रकीर्तिता | तान् विभज्य यथाव्याधि कालशक्तिविनिश्चयात् ||१०|| कषायैः स्वरसैः कल्कैश्चूर्णैरपि च बुद्धिमान् | पेयलेह्याद्यभोज्येषु वमनान्युपकल्पयेत् ||११||
🔊 Audio coming soon
বমনদ্রব্যেত্যাদি| দিগিযং সম্প্রকীর্তিতেতি ইযং দিক্ সম্প্রকীর্তিতা কথিতেত্যর্থঃ| তান্ বান্তিদ্রব্যবিকল্পান্, বিভজ্য পৃথক্কৃত্য, যথাব্যাধি ‘বমনান্যুপকল্পযেত্’ ইত্যগ্রেতনেন সম্বন্ধঃ| কস্মাত্? কালশক্তিবিনিশ্চযাত্| কেষু বমনান্যুপকল্পযেদিত্যাহ- পেযলেহ্যাদ্যভোজ্যেষু| কৈঃ কৃত্বা? কষাযৈরিত্যাদিভিঃ| কষাযৈঃ শৃতশীতফাণ্টভেদাত্ত্রিবিধৈঃ, স্বরসৈঃ যন্ত্রাদিপীডিতার্দ্রদ্রব্যোত্থৈঃ, কল্কৈর্দৃষদি পিষ্টৈঃ, চূর্ণৈঃ শুষ্কপেষণাণূকৃতাবযবৈঃ| অপিশব্দাদ্বমনদ্রব্যপক্বৈঃ স্নেহৈরিত্যনুক্তং সমুচ্চীযতে| ভোজ্যগ্রহণান্মোদকোত্কারিকাশষ্কুলীপ্রভৃতীনাং গ্রহণম্||১০-১১||
Adhikarana puShpikA · Śloka 43
ইতি সুশ্রুতসংহিতাযাং সূত্রস্থানে বমনদ্রব্যবিকল্পবিজ্ঞানীযো নাম ত্রিচত্বারিংশত্তমোঽধ্যাযঃ ||৪৩||
इति सुश्रुतसंहितायां सूत्रस्थाने वमनद्रव्यविकल्पविज्ञानीयो नाम त्रिचत्वारिंशत्तमोऽध्यायः ||४३||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে ত্রিচত্বারিংশত্তমোঽধ্যাযঃ||৪৩||