Adhikarana 1 (1-2) · Śloka 2
অথাতো ব্রণপ্রশ্নমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातो व्रणप्रश्नमध्यायं व्याख्यास्यामः ||१||
यथोवाच भगवान् धन्वन्तरिः ||२||
অথাত ইত্যাদি| ব্রণবিষযঃ প্রশ্নো যস্মিন্ স ব্রণপ্রশ্নঃ| ব্রণশব্দেনাত্র বাতাদয উচ্যন্তে, ব্রণকারণত্বাত্; তেন বাতাদিবিষযঃ প্রশ্নো যস্মিন্নিত্যুক্তম্| অন্যে তু ব্রণমাশ্রিত্য প্রশ্নো ব্রণপ্রশ্নঃ, স বিদ্যতে যস্মিন্নিত্যর্থে উত্পন্নস্য ঈযপ্রত্যযস্য লোপং কৃত্বা ব্রণপ্রশ্নমিতি রূপং পঠন্তি| তেনাত্র ব্রণারম্ভকাণাং বাতাদীনাং সঙ্খ্যাস্বলক্ষণকর্মাদীনি ব্রণস্য চ নিরুক্ত্যাদি চ বক্তব্যমিত্যর্থঃ সিদ্ধঃ||১-২||
Adhikarana 2 (3) · Śloka 3
বাতপিত্তশ্লেষ্মাণ এব দেহসম্ভবহেতবঃ |
তৈরেবাব্যাপন্নৈরধোমধ্যোর্ধ্বসন্নিবিষ্টৈঃ শরীরমিদং ধার্যতেঽগারমিব স্থূণাভিস্তিসৃভিঃ অতশ্চ ত্রিস্থূণমাহুরেকে |
ত এব চ ব্যাপন্নাঃ প্রলযহেতবঃ |
তদেভিরেব শোণিতচতুর্থৈঃ সম্ভবস্থিতিপ্রলযেষ্বপ্যবিরহিতং শরীরং ভবতি ||৩||
View original
वातपित्तश्लेष्माण एव देहसम्भवहेतवः |
तैरेवाव्यापन्नैरधोमध्योर्ध्वसन्निविष्टैः शरीरमिदं धार्यतेऽगारमिव स्थूणाभिस्तिसृभिः अतश्च त्रिस्थूणमाहुरेके |
त एव च व्यापन्नाः प्रलयहेतवः |
तदेभिरेव शोणितचतुर्थैः सम्भवस्थितिप्रलयेष्वप्यविरहितं शरीरं भवति ||३||
ব্রণকারণানি বাতাদীনি প্রথমং সঙ্খ্যাদিভির্নির্দিশন্নাহ- বাতপিত্তশ্লেষ্মাণ ইত্যাদি| দেহসম্ভবহেতবো দেহোত্পত্তিহেতবঃ| ননু, শুক্রশোণিতে দেহোত্পত্তিহেতূ ? তত্ কথং বাতাদযো দেহসম্ভবহেতবঃ কথ্যন্তে ? উচ্যতে, অবিকৃতা বাতাদযঃ শুক্রার্তবাদিসহকারিতযা দেহজনকা অভিপ্রেতা ইত্যর্থঃ| শরীরসম্ভবে বাতাদীনাং হেতুত্বং প্রতিপাদ্য স্থিতিকারণত্বং দর্শযন্নাহ- তৈরেবেত্যাদি|- তৈরেব বাতপিত্তশ্লেষ্মভিঃ, অব্যাপন্নৈঃ প্রকৃতিস্থৈরিত্যর্থঃ| অধোমধ্যোর্ধ্বসন্নিবিষ্টৈরিতি যথাক্রমেণ বাতপিত্তকফৈঃ| দৃষ্টান্তমাহ- অগারমিবেত্যাদি|- অগারং গৃহম্| একীযমতমাহ- অতশ্চ ত্রিস্থূণমাহুরেকে| চকারোঽযং ত্রিস্থূণমিত্যত্র যোজ্যঃ, তেনাযমর্থঃ- ত্রিস্থূণমিতি চ অত এব হেতোরেকো আচার্যা আহুঃ| দেহবিনাশহেতুত্বমপি বাতাদীনাং নির্দিশন্নাহ- ত এব ব্যাপন্না ইত্যাদি| চকারোঽত্র ভিন্নক্রমে, তেনাযমর্থঃ- ত এব বাতাদযঃ, ব্যাপন্নাশ্চ বিকৃতিস্থাঃ প্রলযহেতবো বিনাশহেতবো ‘ভবন্তি’ ইত্যধ্যাহারঃ| অন্যে তু ‘প্রলযেঽপি’ ইত্যপিশব্দং পঠন্তি| শল্যশাস্ত্রে ব্রণারম্ভাধিষ্ঠানভূতত্বাত্ কস্যচিদ্দূষ্যস্য প্রাধান্যং দর্শযন্নাহ- তদিত্যাদি|- এভিরেব বাতপিত্তকফৈঃ| শোণিতচতুর্থৈরিতি ননু, পূর্বং শোণিতমনুপাত্তং, তত্কথমিহ সম্ভবাদিষু শোণিতস্যাবিরহিতত্বমুক্তং? সত্যং, পরমিহ শোণিতোপাদানং কুর্বন্নেকীযমতমিদমিতি দর্শযতি, তেন ব্রণপাকে দর্শনদ্বযং ভবতি; তথাহি- ‘নর্তেঽনিলাদস্তি রুজা’ (সূ. অ. ১৭) ইত্যাদিনা ব্রণপাকে দোষা এব ব্যাপ্রিযন্ত ইতি দর্শিতং, ‘কালান্তরেণাভ্যুদিতং তু পিত্তং’ (সূ. অ. ১৭) ইত্যাদিনা পুনঃ শোণিতচতুর্থা এব ব্রণপাকে ব্যাপ্রিযন্ত ইতি| অবিরহিতং সংযুক্তমিত্যর্থঃ||৩||
Adhikarana 3 (4) · Śloka 4
ভবতি চাত্র- নর্তে দেহঃ কফাদস্তি ন পিত্তান্ন চ মারুতাত্ |
শোণিতাদপি বা নিত্যং দেহ এতৈস্তু ধার্যতে ||৪||
View original
भवति चात्र- नर्ते देहः कफादस्ति न पित्तान्न च मारुतात् |
शोणितादपि वा नित्यं देह एतैस्तु धार्यते ||४||
এতদেব দ্বিতীযদর্শনং শ্লোকেনাপি দর্শযন্নাহ- নর্তে ইত্যাদি| ননু, বাতাদিক্রমং পরিত্যজ্য কফাদিক্রমেণ সূত্রণং কস্মাদিহ কৃতম্? উচ্যতে- দেহস্যোর্ধ্বমূলত্বমধঃশাখত্বং প্রতিপাদিতম্, ঊর্ধ্বভাগে চ কফাধিষ্ঠানমস্তি, তেনেহ কফ এব প্রথমং দর্শিতঃ| তদুক্তং- “ঊর্ধ্বমূলমধঃশাখং ত্রিস্থূণং পঞ্চদৈবতম্| ক্ষেত্রজ্ঞাধিষ্ঠিতং বিদ্বান্ যো বৈ বেদ স বেদবিত্”- ইতি| ন কেবলং কফাদীন্ বিনা দেহো ন ভবতি, অপি তু ধারণমপ্যেতৈরেব ক্রিযত ইত্যাহ- দেহ এতৈস্তু ধার্যত ইতি| তুশব্দশ্চার্থো ভিন্নক্রমশ্চ| তেনাযমর্থঃ- ধার্যতে চৈতৈরেবাব্যাপন্নৈঃ কফপিত্তবাতরক্তৈরিত্যর্থঃ; নর্তে দেহঃ কফাদিত্যেতস্যাদৌ ‘অতো গদ্যোক্তস্যার্থস্য সঙ্গ্রহশ্লোক’ ইত্যপাতনিকাং কেচিদাচার্যাঃ পঠন্তি||৪||
Adhikarana 4 (5) · Śloka 5
তত্র ‘বা’ গতিগন্ধনযোঃ, ইতি ধাতুঃ, ‘তপ’ সন্তাপে, ‘শ্লিষ’ আলিঙ্গনে, এতেষাং কৃদ্বিহিতৈঃ প্রত্যযৈর্বাতঃ পিত্তং শ্লেষ্মেতি চ রূপাণি ভবন্তি ||৫||
View original
तत्र ‘वा’ गतिगन्धनयोः, इति धातुः, ‘तप’ सन्तापे, ‘श्लिष’ आलिङ्गने, एतेषां कृद्विहितैः प्रत्ययैर्वातः पित्तं श्लेष्मेति च रूपाणि भवन्ति ||५||
বাতাদীনাং চিকিত্সোপযোগি স্বলক্ষণং দর্শযিতুং নিরুক্তিং কুর্বন্নাহ- তত্রেত্যাদি| গতিগন্ধোপাদানার্থস্য ‘বা’ ধাতোঃ ‘হসিভৃগ্রিণ্বাঽমিদমিলূপূধুর্বিভ্যস্তন্’ (উ.৩/৮৬) ইতি সূত্রোত্পন্নে ‘তন্’ প্রত্যযে বাত ইতি রূপম্; এতেন চ তত্স্বরূপত্বং বাতস্য দর্শিতম্| সন্তাপার্থস্য ‘তপ’ ধাতোরচিপ্রত্যযে অকারস্যেত্বে বর্ণবিপর্যযে তস্য চ দ্বিত্বে কৃতে পিত্তমিতি রূপম্; এতেন পিত্তস্য স্বাভাবিকং সন্তাপলক্ষণং দর্শিতম্| আলিঙ্গনার্থস্য ‘শ্লিষ’ ধাতোর্মনিন্প্রত্যযে (‘সর্বধাতুভ্যো মনিন্’ উ.৪/১৪৫) গুণে চ কৃতে শ্লেষ্মেতি রূপম্| এতেন শ্লেষ্মণঃ সন্ধ্যাদিযোজকত্বং দর্শিতম্||৫||
Adhikarana 5 (6) · Śloka 6
দোষস্থানান্যত ঊর্ধ্বং বক্ষ্যামঃ- তত্র সমাসেন বাতঃ শ্রোণিগুদসংশ্রযঃ; তদুপর্যধো নাভেঃ পক্বাশযঃ, পক্বামাশযমধ্যং পিত্তস্য; আমাশযঃ শ্লেষ্মণঃ ||৬||
View original
दोषस्थानान्यत ऊर्ध्वं वक्ष्यामः- तत्र समासेन वातः श्रोणिगुदसंश्रयः; तदुपर्यधो नाभेः पक्वाशयः, पक्वामाशयमध्यं पित्तस्य; आमाशयः श्लेष्मणः ||६||
তত্র কস্য দোষস্য কিং স্থানং তদাহ- দোষেত্যাদি| ‘দোষস্থানানি’ ইত্যেতস্য স্থানে ‘তেষাং স্থানানি’ ইতি কেচিত্ পঠন্তি, তত্রাপি স এবার্থঃ| তত্রেতি দোষেষু মধ্যে, সমাসেন সঙ্ক্ষেপেণ; বিস্তরেণ তু স্থানানি বাতস্য নাভিমধ্যহৃদযকণ্ঠসর্বাঙ্গসন্ধযোঽপি বাতব্যাধৌ বক্ষ্যন্তে| শ্রোণিঃ কটিঃ, শ্রোণিশ্চ গুদং চ শ্রোণিগুদং, তত্ সংশ্রযঃ স্থানং যস্য স তথা| পক্বামাশযযোর্মধ্যং পিত্তস্থানং বক্ষ্যতি; অতঃ পক্বাশযমেব প্রাগ্দর্শযন্নাহ- তদুপর্যধো নাভেঃ পক্বাশয ইতি|- তদুপরি শ্রোণিগুদযোরুপরীত্যর্থঃ| পিত্তস্থানং দর্শযন্নাহ- পক্বামাশযমধ্যং পিত্তস্যেতি| সমাসেনেত্যত্রাপি সম্বধ্যতে| তেনাযমর্থঃ- পক্বামাশযমধ্যং পিত্তস্থানং সঙ্ক্ষেপেণ, বিস্তরেণ তু যকৃত্প্লীহাহৃদযদৃষ্টিত্বগিন্দ্রিযাণ্যপি পিত্তস্য স্থানানীতি| কফস্থানং নির্দেষ্টুমাহ- আমাশযঃ শ্লেষ্মণ ইতি|- ‘স্থানম্’ ইতি শেষঃ| যত্রাশিতপীতাদিকং পচ্যতে স আমাশযঃ| তথা চ মুনিঃ- “নাভিস্তনান্তরং জন্তোরামাশয ইতি স্মৃতঃ” ( চ. বি. অ. ২)- ইতি| অত্রাপি সমাসেনেতি সম্বধ্যতে; তেন বিস্তরেণোরঃশিরঃকণ্ঠসন্ধযোঽপি শ্লেষ্মস্থানম্||৬||
Adhikarana 6 (7) · Śloka 7
অতঃ পরং পঞ্চধা বিভজ্যন্তে |
তত্র বাতস্য বাতব্যাধৌ বক্ষ্যামঃ; পিত্তস্য যকৃত্প্লীহানৌ হৃদযং দৃষ্টিস্ত্বক্ পূর্বোক্তং চ; শ্লেষ্মণ উরঃ শিরঃ কণ্ঠো জিহ্বামূলং সন্ধয ইতি পূর্বোক্তং চ; এতানি খলু দোষাণাং স্থানান্যব্যাপন্নানাম্ ||৭||
View original
अतः परं पञ्चधा विभज्यन्ते |
तत्र वातस्य वातव्याधौ वक्ष्यामः; पित्तस्य यकृत्प्लीहानौ हृदयं दृष्टिस्त्वक् पूर्वोक्तं च; श्लेष्मण उरः शिरः कण्ठो जिह्वामूलं सन्धय इति पूर्वोक्तं च; एतानि खलु दोषाणां स्थानान्यव्यापन्नानाम् ||७||
বাতাদীনাং প্রধানানি স্থানানি নির্দিশ্যাপ্রধানানি নির্দেষ্টুমাহ- অতঃ পরমিত্যাদি| বিভজ্যন্তে প্রকটীক্রিযন্তে বাতাদীনাং স্থানানীত্যর্থঃ| কানি পুনর্বাতস্য স্থানানীতি পৃষ্ট আহ- তত্র বাতস্যেত্যাদি| বাতব্যাধাবিতি ‘নিদানে’ ইতি শেষঃ| পিত্তস্য পঞ্চস্থানান্যাহ- পিত্তস্যেত্যাদি| যকৃত্ কালখণ্ডং, প্লীহা বামপার্শ্বাশ্রযং মাংসখণ্ডং; হৃদযং কমলমুকুলাকারমধোমুখং, দৃষ্টিঃ কৃষ্ণতারকান্তর্বর্তিনী মসূরদলমাত্রা| চকারাত্ পরতন্ত্রোক্তং লসীকাদ্যনুক্তং সমুচ্চীযতে| পিত্তেন স্বিন্নমাংসাত্ স্রবদুদকং ‘লসীকা’ ইত্যুচ্যতে| কফস্য পঞ্চস্থানানি নির্দিশন্নাহ- শ্লেষ্মণ ইত্যাদি| উরঃস্তনযোরন্তরালং, পূর্বোক্তং চেত্যামাশযঃ| চকারাত্ পরতন্ত্রোক্তং মেদঃ সমুচ্চীযতে| এতানি স্থানানি প্রাযেণ প্রকৃতিস্থানামেব দোষাণাং ভবন্তীত্যাহ- এতানিত্যাদি| অব্যাপন্নানাম্ অকুপিতানাম্||৭||
Adhikarana 7 (8) · Śloka 8
ভবতি চাত্র- বিসর্গোদানবিক্ষেপৈঃ সোমসূর্যানিলা যথা |
ধারযন্তি জগদ্দেহং কফপিত্তানিলাস্তথা ||৮||
View original
भवति चात्र- विसर्गोदानविक्षेपैः सोमसूर्यानिला यथा |
धारयन्ति जगद्देहं कफपित्तानिलास्तथा ||८||
বিসর্গাদানেত্যাদি| বিসর্গাদানবিক্ষেপৈঃ কর্মভির্যথাসঙ্খ্যেন চন্দ্রাদিত্যবাতা যথা জগদ্ধারযন্তি, তথা কফাদযস্ত্রযো যথাসঙ্খ্যেন বিসর্গাদিভিঃ কর্মভির্দেহং ধারযন্তীতি সমুদাযার্থঃ| বিসর্গঃ সর্জনং ‘বলস্য’ ইতি শেষঃ; আদানং গ্রহণং বলস্যৈব; বিক্ষেপঃ শীতোষ্ণাদীনাং বিবিধপ্রকারেণ প্রেরণম্||৮||
Adhikarana 8 (9) · Śloka 9
তত্র জিজ্ঞাস্যং কিং পিত্তব্যতিরেকাদন্যোঽগ্নিঃ? আহোস্বিত্ পিত্তমেবাগ্নিরিতি? |
অত্রোচ্যতে- ন খলু পিত্তব্যতিরেকাদন্যোঽগ্নিরুপলভ্যতে, আগ্নেযত্বাত্ পিত্তে দহনপচনাদিষ্বভিপ্রবর্তমানেঽগ্নিবদুপচারঃ ক্রিযতেঽন্তরগ্নিরিতি; ক্ষীণে হ্যগ্নিগুণে তত্সমানদ্রব্যোপযোগাত্ , অতিবৃদ্ধে শীতক্রিযোপযোগাত্ , আগমাচ্চ পশ্যামো ন খলু পিত্তব্যতিরেকাদন্যোঽগ্নিরিতি ||৯||
View original
तत्र जिज्ञास्यं किं पित्तव्यतिरेकादन्योऽग्निः? आहोस्वित् पित्तमेवाग्निरिति? |
अत्रोच्यते- न खलु पित्तव्यतिरेकादन्योऽग्निरुपलभ्यते, आग्नेयत्वात् पित्ते दहनपचनादिष्वभिप्रवर्तमानेऽग्निवदुपचारः क्रियतेऽन्तरग्निरिति; क्षीणे ह्यग्निगुणे तत्समानद्रव्योपयोगात् , अतिवृद्धे शीतक्रियोपयोगात् , आगमाच्च पश्यामो न खलु पित्तव्यतिरेकादन्योऽग्निरिति ||९||
ইদানীমগ্নিপিত্তযোর্ভেদবিচারপ্রতিপাদকং গ্রন্থং নির্দেষ্টুমাহ- তত্রেত্যাদি| তত্রেতি পিত্তাগ্ন্যোর্ভেদাভেদবিচারে; ‘তত্রেতি তেষু মধ্যে’ ইত্যন্যে; ‘তত্রেত্যাদানকর্মণি বিসর্গাদানবিক্ষেপৈরিত্যাদিশ্লোকেনাদানং কর্ম যদুক্তং তত্ কিং পিত্তস্যাগ্নের্বেতি জিজ্ঞাস্যম্’ ইত্যপরে| জিজ্ঞাস্যং জ্ঞাতুমেষণীযম্| আহোস্বিত অথবার্থে| ইতি সংশযে| উত্তরমাহ- অত্রোচ্যতে ইত্যাদি| দহনং দাহঃ, পচনং পাক আহারাদেঃ, আদিশব্দাদ্রঞ্জনদর্শনাদীনি গৃহ্যন্তে| অগ্নিবদুপচারঃ অগ্নিবদ্ব্যবহারঃ ক্রিযতে- অন্তরগ্নিরিতি, পিত্তমন্তরগ্নিরিত্যুপচর্যত ইত্যর্থঃ| ন খল্বিত্যাদিসূত্রেণ প্রত্যক্ষেণৈব পিত্তমগ্নিরিত্যুক্তম্, অনুমানেনাপি পিত্তস্যাগ্নিত্বং সাধযন্নাহ- ক্ষীণে হ্যগ্নিগুণ ইতি|- অগ্নের্গুণো যস্য তদগ্নিগুণং পিত্তং, তস্মিন্ ক্ষীণে; হি যস্মাদর্থে| তত্সমানদ্রব্যোপযোগাত্ অগ্নিসমোষ্ণতীক্ষ্ণদ্রব্যোপযোগাদিত্যর্থঃ| ‘অগ্নিগুণশব্দেনোষ্মা কথ্যতে’ ইত্যন্যে; তত্র তত্সমানদ্রব্যোপযোগাত্ পিত্তসমানদ্রব্যোপযোগাদিত্যর্থঃ| অতিপ্রবৃদ্ধে শীতক্রিযোপযোগাদিতি ‘পিত্তমেবাগ্নিঃ’ ইতি শেষঃ| প্রত্যক্ষানুমানাভ্যাং পিত্তস্যাগ্নিত্বং প্রসাধ্যাগমেনাপি প্রসাধযন্নাহ- আগমাচ্চেতি|- আগমাত্ সমস্তাযুর্বেদশাস্ত্রতঃ| ননু, যদি পিত্তাগ্ন্যোরভেদস্তত্ কথং ঘৃতং পিত্তপ্রশমনমগ্নিদীপনম্, অজাপযশ্চ; মত্স্যাদযশ্চ পিত্তবৃদ্ধিং কুর্বন্তি নচাগ্নিদীপ্তিকরাঃ, দিবাস্বপ্নশ্চ পিত্তপ্রকোপণোঽপ্যগ্নিশমনঃ; তথেদমপি কথং স্যাত্- বিষমো বাতেন, তীক্ষ্ণঃ পিত্তেন, মন্দঃ শ্লেষ্মণেতি; ‘সমদোষঃ সমাগ্নিশ্চ’ (সূ. অ.১৫) ইত্যাদিকমপি কথং স্যাদিতি| নৈষ দোষঃ, যেনাযমগ্নিঃ পরমার্থতঃ পিত্তাদ্ভিন্ন এব সুশ্রুতাদিভিরঙ্গীকৃতঃ| তদুক্তং- “ক্রোধশোকশ্রমকৃতঃ শরীরোষ্মা শিরোগতঃ| পিত্তং চ কেশান্ পচতি পলিতং তেন জাযতে” (নি. অ.১৭) ইতি| শরীরোষ্মা অগ্নিঃ, স চাত্র পিত্তাদ্ভিন্ন এবোক্তঃ| তথাঽন্যদপি পিত্তাগ্ন্যোর্ভেদপ্রতিপাদকতন্ত্রমুচ্যতে- “দ্রবং স্নিগ্ধমধোগং চ পিত্তং বহ্নিরতোঽন্যথা”- ইতি| অন্যান্যপি পিত্তাগ্নিভেদপ্রতিপাদকানি বাক্যানি সন্তি, তানীহ বিস্তরভযান্ন দর্শিতানি | যত্ পুনরিহাগ্নিপিত্তযোরভেদকথনং কৃতং, তদ্রসবীর্যাদিগুণোপাধিযুক্তস্য পিত্তস্য চিকিত্সাদ্বারেণাগ্নেশ্চিকিত্সা কার্যেতি দর্শনার্থম্; অন্যথা রসাদিগুণোপাধিরহিতস্য বহ্নেশ্চিকিত্সা কর্তুং ন পার্যতে ইতি||৯||
Adhikarana 9 (10) · Śloka 10
তচ্চাদৃষ্টহেতুকেন বিশেষেণ পক্বামাশযমধ্যস্থং পিত্তং চতুর্বিধমন্নপানং পচতি, বিবেচযতি চ দোষরসমূত্রপুরীষাণি; তত্রস্থমেব চাত্মশক্ত্যা শেষাণাং পিত্তস্থানানাং শরীরস্য চাগ্নিকর্মণাঽনুগ্রহং করোতি, তস্মিন্ পিত্তে পাচকোঽগ্নিরিতি সঞ্জ্ঞা; যত্তু যকৃত্প্লীহ্নোঃ পিত্তং তস্মিন্ রঞ্জকোঽগ্নিরিতি সঞ্জ্ঞা, স রসস্য রাগকৃদুক্তঃ; যত্ পিত্তং হৃদযস্থং তস্মিন্ সাধকোঽগ্নিরিতি সঞ্জ্ঞা, সোঽভিপ্রার্থিতমনোরথসাধনকৃদুক্তঃ; যদ্দৃষ্ট্যাং পিত্তং তস্মিন্নালোচকোঽগ্নিরিতি সঞ্জ্ঞা, স রূপগ্রহণাঽধিকৃতঃ; যত্তু ত্বচি পিত্তং তস্মিন্ ভ্রাজকোঽগ্নিরিতি সঞ্জ্ঞা, সোঽভ্যঙ্গপরিষেকাবগাহালেপনাদীনাং ক্রিযাদ্রব্যাণাং পক্তা ছাযানাং চ প্রকাশকঃ ||১০||
View original
तच्चादृष्टहेतुकेन विशेषेण पक्वामाशयमध्यस्थं पित्तं चतुर्विधमन्नपानं पचति, विवेचयति च दोषरसमूत्रपुरीषाणि; तत्रस्थमेव चात्मशक्त्या शेषाणां पित्तस्थानानां शरीरस्य चाग्निकर्मणाऽनुग्रहं करोति, तस्मिन् पित्ते पाचकोऽग्निरिति सञ्ज्ञा; यत्तु यकृत्प्लीह्नोः पित्तं तस्मिन् रञ्जकोऽग्निरिति सञ्ज्ञा, स रसस्य रागकृदुक्तः; यत् पित्तं हृदयस्थं तस्मिन् साधकोऽग्निरिति सञ्ज्ञा, सोऽभिप्रार्थितमनोरथसाधनकृदुक्तः; यद्दृष्ट्यां पित्तं तस्मिन्नालोचकोऽग्निरिति सञ्ज्ञा, स रूपग्रहणाऽधिकृतः; यत्तु त्वचि पित्तं तस्मिन् भ्राजकोऽग्निरिति सञ्ज्ञा, सोऽभ्यङ्गपरिषेकावगाहालेपनादीनां क्रियाद्रव्याणां पक्ता छायानां च प्रकाशकः ||१०||
অদৃষ্টহেতুকেন বিশেষেণেতি বিশেষেণ ভেদেন; কিংবিশিষ্টেন ?অদৃষ্টহেতুকেন প্রাক্তনকর্মহেতুকেনেত্যর্থঃ| পক্বামাশযমধ্যস্থমিতি নাভিস্থম্| চতুর্বিধমন্নপানং পচতীতি অশিতং খাদিতং লীঢং পীতং চ পচতীত্যর্থঃ| বিবেচযতি চ পৃথক্করোতি দোষরসমূত্রপুরীষাণি| অত্র কেচিত্ ‘অন্নরসমূত্রপুরীষাণি’ ইতি পঠন্তি, ‘বাতমূত্রপুরীষাণি’ ইত্যপরে| অনুগ্রহং করোতি উপকারং করোতি| যত্ পিত্তং হৃদযেত্যাদি| সোঽভিপ্রার্থিতমনোরথসাধনকৃদিতি ধর্মার্থকামমোক্ষলক্ষণপুরুষার্থস্য সাধক ইত্যর্থঃ; কস্মাত্? হৃদযস্থকফতমোঽপনোদবিস্পষ্টীকৃতমনঃপ্রাগুণ্যাত্| যদ্দৃষ্ট্যাং পিত্তমিত্যাদি আলোচকো দর্শকঃ| ত্বচীতি অবভাসিনীনামধেযাযাং বাহ্যত্বচীত্যর্থঃ| অভ্যঙ্গেত্যাদি| অভ্যঙ্গাদীনাং ক্রিযাদ্রব্যাণাং ক্রিযানিমিত্তানাং কর্মনিমিত্তানামিত্যর্থঃ| ছাযানাং চ প্রকাশক ইতি ছাযানাং পাঞ্চভৌতিকীনাং নীলাদীনাং, প্রকাশক উত্পাদকঃ; চকারাত্ প্রভাণাং চ পাঞ্চভৌতিকীনাং প্রকাশকঃ| ননু, ছাযাপ্রভযোঃ কো ভেদঃ? উচ্যতে- “আসন্না লক্ষ্যতে চ্ছাযা প্রভা দূরাত্ প্রকাশতে| বর্ণমাক্রমতি চ্ছাযা প্রভা বর্ণপ্রকাশিনী” (চ. ই. অ. ৭)- ইতি||১০||
Adhikarana 10 (11) · Śloka 11
ভবতি চাত্র- পিত্তং তীক্ষ্ণং দ্রবং পূতি নীলং পীতং তথৈব চ |
উষ্ণং কটুরসং চৈব বিদগ্ধং চাম্লমেব চ ||১১||
View original
भवति चात्र- पित्तं तीक्ष्णं द्रवं पूति नीलं पीतं तथैव च |
उष्णं कटुरसं चैव विदग्धं चाम्लमेव च ||११||
ইদানীং পিত্তস্য চিকিত্সোপযোগি স্বলক্ষণং দর্শযন্নাহ- পিত্তমিত্যাদি| তীক্ষ্ণং রাজিকামরিচাদিবত্| পূতি বিস্রগন্ধি| নীলং সামাবস্থাযাম্| পীতং নিরামাবস্থাযাম্| কটুরসং প্রকৃতিস্থং পিত্তম্| বিদগ্ধং চাম্লমেবেতি বিরুদ্ধপাকোপপন্নং পুনরম্লরসং ভবতি, ‘বিদগ্ধাজীর্ণসংসৃষ্টমম্লরসং ভবতি’ ইত্যন্যে, বিদগ্ধং পিত্তমম্লপিত্তমিতি রোগবিশেষং কেচিন্মন্যন্তে| ‘দ্রব’- স্থানে কেচিত্ ‘সরম্’ ইতি পঠন্তি||১১||
Adhikarana 11 (12) · Śloka 12
অত ঊর্ধ্বং শ্লেষ্মস্থানান্যনুব্যাখ্যাস্যামঃ |
তত্র, আমাশযঃ পিত্তাশযস্যোপরিষ্টাত্ তত্প্রত্যনীকত্বাদূর্ধ্বগতিত্বাত্তেজসঃ, চন্দ্র ইব আদিত্যস্য , চতুর্বিধস্যাহারস্যাধারঃ; স চ তত্রৌদকৈর্গুণৈরাহারঃ প্রক্লিন্নো ভিন্নসঙ্ঘাতঃ সুখজরো ভবতি ||১২||
View original
अत ऊर्ध्वं श्लेष्मस्थानान्यनुव्याख्यास्यामः |
तत्र, आमाशयः पित्ताशयस्योपरिष्टात् तत्प्रत्यनीकत्वादूर्ध्वगतित्वात्तेजसः, चन्द्र इव आदित्यस्य , चतुर्विधस्याहारस्याधारः; स च तत्रौदकैर्गुणैराहारः प्रक्लिन्नो भिन्नसङ्घातः सुखजरो भवति ||१२||
অত ঊর্ধ্বমিত্যাদি| অনুব্যাখ্যাস্যামঃ অনু ক্রমেণ ব্যাখ্যাস্যামঃ; যেনৈব ক্রমেণ পিত্তস্থানান্যুক্তানি তেনৈব কর্মণেত্যর্থঃ| প্রাগামাশযঃ শ্লেষ্মস্থানমুক্তঃ, তমেব প্রথমং দর্শযন্নাহ- তত্রামাশয ইত্যাদি|- তত্রেতি শ্লেষ্মস্থানেষু পঞ্চসু মধ্যে, উপরিষ্টাত্ উপরি| কস্মাত্ কারণাত্ পিত্তাশযোপরীত্যাহ- তত্প্রত্যনীকত্বাদিতি|- তস্য পিত্তস্য প্রত্যনীকত্বাত্ প্রতিপক্ষত্বাদ্, বিকূলত্বাদিত্যর্থঃ| দ্বিতীযং হেতুমাহ- ঊর্ধ্বগতিত্বাচ্চ তেজস ইতি| এতেনৈতদুক্তং ভবতি- যদি হি পার্শ্বযোরধো বাঽঽমাশযো ভবেত্তদোদকস্যাধোগামিত্বান্নিষ্প্রত্যনীকত্বং, ততশ্চ নিষ্প্রত্যনীকোঽগ্নিঃ শরীরমেব দহেদিতি| প্রত্যক্ষেণ পিত্তাশযস্যোপরি কফাশযং সাধযিত্বা, উপমানেনাপি সাধযন্নাহ- চন্দ্র ইবাদিত্যস্যেতি| প্রত্যক্ষোপমানাভ্যাং পিত্তাশযস্যোপর্যামাশযং প্রসাধ্যানুমানেনাপি সাধযন্নাহ- চতুর্বিধস্যাহারস্যাধারঃ; চতুর্বিধস্যাশিতপীতলীঢখাদিতস্য, আধারঃ স্থানম্| তেজস্তাবদূর্ধ্বগামি, যদি চাধ আমাশযো ভবেত্তদা চতুর্বিধমাহারং ন পচেত্, পচতি চ; তেনানুমীযতে- আমাশযঃ পিত্তাশযস্যোপর্যেবেতি| স চেতি চতুর্বিধাহারঃ| ঔদকৈর্গুণৈরিতি দ্রবস্নেহাদিভিঃ; দ্রবগুণৈর্ভিন্নসঙ্ঘাতঃ, স্নেহেন প্রক্লিন্ন ইতি বোদ্ধব্যম্| সুখজরো ভবতি সুখেন পরিণামং গচ্ছতীত্যর্থঃ||১২||
Adhikarana 12 (13) · Śloka 13
মাধুর্যাত্ পিচ্ছিলত্বাচ্চ প্রক্লেদিত্বাত্তথৈব চ |
আমাশযে সম্ভবতি শ্লেষ্মা মধুরশীতলঃ ||১৩||
View original
माधुर्यात् पिच्छिलत्वाच्च प्रक्लेदित्वात्तथैव च |
आमाशये सम्भवति श्लेष्मा मधुरशीतलः ||१३||
অথ কে ঔদকা গুণা ইত্যাহ- মাধুর্যাদিত্যাদি| মাধুর্যাত্ পিচ্ছিলত্বাচ্চ প্রক্লেদিত্বাত্তথৈব চেতি ‘আহারস্য’ ইতি শেষঃ| চকারদ্বযেন দ্রবস্নেহাদযো গুণা অনুক্তা অপি সমুচ্চীযন্তে| সম্ভবতীতি ইতি প্রকুপ্যতি, ন পুনরভূতপ্রাদুর্ভাবেণ, কফস্য রসধাতুত এবোত্পন্নত্বাত্||১৩||
Adhikarana 13 (14) · Śloka 14
স তত্রস্থ এব স্বশক্ত্যা শেষাণাং শ্লেষ্মস্থানানাং শরীরস্য চোদককর্মণাঽনুগ্রহং করোতি; উরঃস্থস্ত্রিকসন্ধারণমাত্মবীর্যেণান্নরসসহিতেন হৃদযাবলম্বনং করোতি; জিহ্বামূলকণ্ঠস্থো জিহ্বেন্দ্রিযস্য সৌম্যত্বাত্ সম্যগ্রসজ্ঞানে বর্ততে; শিরঃস্থঃ স্নেহসন্তর্পণাধিকৃতত্বাদিন্দ্রিযাণামাত্মবীর্যেণানুগ্রহং করোত্; সন্ধিস্থঃ শ্লেষ্মা সর্বসন্ধিসংশ্লেষাত্ সর্বসন্ধ্যনুগ্রহং করোতি ||১৪||
View original
स तत्रस्थ एव स्वशक्त्या शेषाणां श्लेष्मस्थानानां शरीरस्य चोदककर्मणाऽनुग्रहं करोति; उरःस्थस्त्रिकसन्धारणमात्मवीर्येणान्नरससहितेन हृदयावलम्बनं करोति; जिह्वामूलकण्ठस्थो जिह्वेन्द्रियस्य सौम्यत्वात् सम्यग्रसज्ञाने वर्तते; शिरःस्थः स्नेहसन्तर्पणाधिकृतत्वादिन्द्रियाणामात्मवीर्येणानुग्रहं करोत्; सन्धिस्थः श्लेष्मा सर्वसन्धिसंश्लेषात् सर्वसन्ध्यनुग्रहं करोति ||१४||
স তত্রস্থ এবেত্যাদি| সঃ শ্লেষ্মা| তত্রস্থ আমাশযস্থঃ| স্বশক্তযা আত্মবীর্যেণ| উদককর্মণেতি ক্লেদনপূরণাদিনা| দ্বিতীযস্থানস্য কর্ম দর্শযন্নাহ- উরঃস্থ ইত্যাদি| ত্রিকসন্ধারণমিতি ত্রিকং শিরোবাহুদ্বযসন্ধানস্থানম্| আত্মবীর্যেণেতি প্রাকৃতগুণেন| হৃদযাবলম্বনং হৃদযস্য স্বকার্যসামার্থ্যং করোতি| স্নেহসন্তর্পণাধিকৃতত্বাত্ স্নেহনে সন্তর্পণে চাধিকৃতত্বাত্; অথবা স্নেহেন সন্তর্পণং তত্রাধিকৃতত্বাত্| অন্যে তু ব্যাখ্যানযন্তি- ‘স্নেহো মস্তকমজ্জা, তস্য সন্তর্পণং, তত্রাধিকৃতত্বাত্’| ইন্দ্রিযাণাং শ্রোত্রত্বক্চিক্ষুর্জিহ্বাঘ্রাণানাম্| অনুগ্রহং করোতি স্বকার্যসামর্থ্যং জনযতি| সন্ধিস্থঃ শ্লেষ্মেত্যাদি স্পষ্টম্||১৪||
Adhikarana 14 (15) · Śloka 15
ভবতি চাত্র- শ্লেষ্মা শ্বেতো গুরুঃ স্নিগ্ধঃ পিচ্ছিলঃ শীত এব চ |
মধুরস্ত্ববিদগ্ধঃ স্যাদ্বিদগ্ধো লবণ স্মৃতঃ ||১৫||
View original
भवति चात्र- श्लेष्मा श्वेतो गुरुः स्निग्धः पिच्छिलः शीत एव च |
मधुरस्त्वविदग्धः स्याद्विदग्धो लवण स्मृतः ||१५||
ইদানীং কফলিঙ্গজ্ঞানার্থং চিকিত্সার্থং চ লক্ষণং দর্শযন্নাহ- শ্লেষ্মা শ্বেত ইত্যাদি| শীত এব চেতি চকারো মৃদুস্থিরাদিগুণসমুচ্চযার্থঃ| অবিদগ্ধঃ অপক্বো মধুররসো ভবতি| বিদগ্ধঃ পক্বো লবণ ইতি| অন্যে ত্বন্যথা ব্যাখ্যানযন্তি- অবিদগ্ধঃ প্রকৃতিস্থোঽপ্রদুষ্টো মধুররসঃ শ্লেষ্মা ভবতি, বিদগ্ধো বিকৃতিস্থঃ প্রদুষ্টো লবণরসঃ; অথবা বিদগ্ধান্নপাকাল্লবণ ইতি||১৫||
Adhikarana 15 (16) · Śloka 16
শোণিতস্য স্থানং যকৃত্প্লীহানৌ, তচ্চ প্রাগভিহিতং; তত্রস্থমেব শেষাণাং শোণিতস্থানানামনুগ্রহং করোতি ||১৬||
View original
शोणितस्य स्थानं यकृत्प्लीहानौ, तच्च प्रागभिहितं; तत्रस्थमेव शेषाणां शोणितस्थानानामनुग्रहं करोति ||१६||
তদেবং দোষান্ প্রথমদর্শনোক্তানভিধায ‘শোণিতচতুর্থৈঃ’ ইত্যস্য দর্শনস্যাভিপ্রেতং শোণিতস্থানং দর্শযন্নাহ- শোণিতস্যেত্যদি| প্রাগভিহিতং শোণিতবর্ণনীয উক্তম্||১৬||
Adhikarana 16 (17) · Śloka 17
ভবতি চাত্র- অনুষ্ণশীতং মধুরং স্নিগ্ধং রক্তং চ বর্ণতঃ |
শোণিতং গুরু বিস্রং স্যাদ্বিদাহশ্চাস্য পিত্তবত্ ||১৭||
View original
भवति चात्र- अनुष्णशीतं मधुरं स्निग्धं रक्तं च वर्णतः |
शोणितं गुरु विस्रं स्याद्विदाहश्चास्य पित्तवत् ||१७||
শোণিতস্য নিদানলিঙ্গচিকিত্সাজ্ঞানার্থং স্বলক্ষণং দর্শযন্নাহ,-অনুষ্ণেত্যাদি| অনুষ্ণশীতমিতি সাধারণমিত্যর্থঃ| বিস্রম্ আমগন্ধি| বিদাহশ্চাস্য পিত্তবদিতি পিত্তস্যেব; পিত্তস্য যেন বস্তুনা যথা চ বিদাহস্তেন বস্তুনা তথা চ বিদাহঃ শোণিতস্যাপীত্যুক্তম্||১৭||
Adhikarana 17 (18) · Śloka 18
এতানি খলু দোষস্থানানি; এষু সঞ্চীযন্তে দোষাঃ |
প্রাক্ সঞ্চযহেতুরুক্তঃ |
তত্র সঞ্চিতানাং খলু দোষাণাং স্তব্ধপূর্ণকোষ্ঠতা পীতাবভাসতা মন্দোষ্মতা চাঙ্গানাং গৌরবমালস্যং চযকারণবিদ্বেষশ্চেতি লিঙ্গানি ভবন্তি |
তত্র প্রথমঃ ক্রিযাকালঃ ||১৮||
View original
एतानि खलु दोषस्थानानि; एषु सञ्चीयन्ते दोषाः |
प्राक् सञ्चयहेतुरुक्तः |
तत्र सञ्चितानां खलु दोषाणां स्तब्धपूर्णकोष्ठता पीतावभासता मन्दोष्मता चाङ्गानां गौरवमालस्यं चयकारणविद्वेषश्चेति लिङ्गानि भवन्ति |
तत्र प्रथमः क्रियाकालः ||१८||
প্রতিপাদিতং নিযমমন্নাহ- এতানিত্যাদি|- এষু সঞ্চীযন্তে দোষা ইতি এষু স্থানেষু দোষাঃ সঞ্চযং যান্তীত্যর্থঃ| কঃ পুনর্দোষাণাং সঞ্চযে হেতুরিত্যাহ- প্রাক্ সঞ্চযহেতুরিতি|- প্রাগিতি ঋতুচর্যাধ্যাযে| সঞ্চিতানাং বাতাদীনাং যথাসঙ্খ্যং লিঙ্গং দর্শযন্নাহ- তত্র সঞ্চিতানামিত্যাদি| সংহতীরূপা বৃদ্ধিশ্চযঃ, বিলযনরূপা বৃদ্ধিঃ প্রকোপঃ| স্তব্ধপূর্ণকোষ্ঠতেতি কোষ্ঠতাশব্দঃ স্তব্ধপূর্ণাভ্যাং প্রত্যেকং সম্বধ্যতে, তেন স্তব্ধকোষ্ঠতাপূর্ণকোষ্ঠতে বাযোর্লিঙ্গং, পীতাবভাসতা মন্দোষ্ণতা চ পিত্তস্য, গৌরবমালস্যং চ শ্লেষ্মণঃ| এতানি স্তব্ধপূর্ণকোষ্ঠতাদিলিঙ্গানি সামান্যেন সর্বেষামেব সঞ্চিতানামিত্যপি কেচিন্মন্যন্তে| চযকারণবিদ্বেষশ্চেতি সামান্যেন সর্বেষাং বাতাদীনামিদং লিঙ্গম্| ‘চযকারণবিদ্বেষশ্চ’ ইতি বাক্যং কেচিন্ন পঠন্তি| কেচিদাচার্যা অস্যাগ্রে চযপ্রকোপযোর্লক্ষণং শ্লোকেন পঠন্তি ‘স্বস্থানবৃদ্ধির্দোষাণাম্’ ইত্যাদি| অযং শ্লোকোঽভাবাত্ সমগ্রো ন লিখিত ইতি| তত্রেতি তত্র বাতাদীনাং সঞ্চযে| প্রথমঃ ক্রিযাকালঃ আদ্যঃ কর্মাবসরঃ||১৮||
Adhikarana 18 (19) · Śloka 19
অত ঊর্ধ্বং প্রকোপণানি বক্ষ্যামঃ |
তত্র বলবদ্বিগ্রহাতিব্যাযামব্যবাযাধ্যযনপ্রপতনপ্রধাবনপ্রপীডনাভিঘাতলঙ্ঘনপ্লবনতরণরাত্রিজাগরণভারহরণ- গজতুরগরথপদাতিচর্যাকটুকষাযতিক্তরূক্ষলঘুশীতবীর্যশুষ্কশাকবল্লূরবরকোদ্দালককোরদূষশ্যামাকনীবার- মুদ্গমসূরাঢকীহরেণুকলাযনিষ্পাবানশনবিষমাশনাধ্যশনবাতমূত্রপুরীষশুক্রচ্ছর্দিক্ষবথূদ্গারবাষ্পবেগবিঘাতাদিভির্বিশেষৈর্বাযুঃ প্রকোপমাপদ্যতে ||১৯||
View original
अत ऊर्ध्वं प्रकोपणानि वक्ष्यामः |
तत्र बलवद्विग्रहातिव्यायामव्यवायाध्ययनप्रपतनप्रधावनप्रपीडनाभिघातलङ्घनप्लवनतरणरात्रिजागरणभारहरण- गजतुरगरथपदातिचर्याकटुकषायतिक्तरूक्षलघुशीतवीर्यशुष्कशाकवल्लूरवरकोद्दालककोरदूषश्यामाकनीवार- मुद्गमसूराढकीहरेणुकलायनिष्पावानशनविषमाशनाध्यशनवातमूत्रपुरीषशुक्रच्छर्दिक्षवथूद्गारबाष्पवेगविघातादिभिर्विशेषैर्वायुः प्रकोपमापद्यते ||१९||
কানি পুনস্তানীত্যাহ- তত্র বলবদ্বিগ্রহেত্যাদি| বলবদ্ভির্বিগ্রহো বলবদ্বিগ্রহঃ, মল্লাদিভিঃ সহ বাহুযুদ্ধাদিঃ| অতিশব্দো ব্যাযামাদিভিস্ত্রিভিঃ সম্বধ্যতে| ব্যবাযঃ স্ত্রীসেবা| অভিঘাতো লগুডাদিপ্রহারঃ| লঙ্ঘনং রবেণ গর্তাদ্যুত্ক্রমণম্| প্লবনম্ উত্প্লুত্যোত্প্লুত্য গমনম্| প্রতরণং নদ্যাদীনাং বাহুভ্যাং তরণম্| অতিচর্যা অত্যটনং, সা চ গজাদিভিঃ পদাত্যন্তৈঃ প্রত্যেকং সম্বধ্যতে| বল্লূরং শুষ্কমাংসম্| বরকঃ বরটীকা কুধান্যবিশেষঃ| উদ্দালকঃ অরণ্যকোদ্রবঃ| নীবারঃ প্রসাতিকা, ধান্যমধ্যে রক্তশূকো ভবতি; ‘উলজীধান্যম্’ ইতি লোকে| আঢকী তুবরী| হরেণুঃ বর্তুলকলাযঃ| কলাযঃ ত্রিপুটকঃ| নিষ্পাবকঃ রাজশিম্বিঃ| অনশনম্ অল্পভোজনমুপবাসশ্চ| বিষমাশনং বহ্বল্পাকালভোজনম্| অধ্যশনং সাজীর্ণভোজনম্| বেগবিঘাতো বেগাবরোধঃ, স চ বাতমূত্রাদিভিঃ প্রত্যেকং সম্বধ্যতে| ক্ষবথুঃ ছিক্কা| বাষ্পশব্দেন রোদনজলং কথ্যতে| আদিশব্দাত্ ক্ষুদাদিবেগবিঘাতাদযো গৃহ্যন্তে||১৯||
Adhikarana 19 (20) · Śloka 20
স শীতাভ্রপ্রবাতেষু ঘর্মান্তে চ বিশেষতঃ |
প্রত্যূষস্যপরাহ্ণে তু জীর্ণেঽন্নে চ প্রকুপ্যতি ||২০||
View original
स शीताभ्रप्रवातेषु घर्मान्ते च विशेषतः |
प्रत्यूषस्यपराह्णे तु जीर्णेऽन्ने च प्रकुप्यति ||२०||
বাতস্য প্রকোপহেতুং পৃথঙ্নির্দিশন্নাহ- স শীতেত্যাদি| সঃ বাযুঃ| শীতে শীতকালে| অভ্রে মেঘোপলক্ষিতকালে| প্রবাতে প্রকৃষ্টবাতে কালে| ঘর্মান্তে বর্ষাকালে| বিশেষতঃ অতিশযেন| আর্তবং কালমুক্ত্বাঽঽহ্নিকমাহ- প্রত্যূষস্যপরাহ্ণে চেতি| ভুক্তাপেক্ষং কালমাহ- জীর্ণেঽন্নে চ প্রকুপ্যতীতি||২০||
Adhikarana 20 (21) · Śloka 21
ক্রোধশোকভযাযাসোপবাসবিদগ্ধমৈথুনোপগমনকট্বম্ললবণ- তীক্ষ্ণোষ্ণলঘুবিদাহিতিলতৈলপিণ্যাককুলত্থসর্ষপাতসীহরিতকশাক- গোধামত্স্যাজাবিকমাংসদধিতক্রকূর্চিকামস্তুসৌবীরকসুরাবিকারাম্লফলকট্বরপ্রভৃতিভিঃ পিত্তং প্রকোপমাপদ্যতে ||২১||
View original
क्रोधशोकभयायासोपवासविदग्धमैथुनोपगमनकट्वम्ललवण- तीक्ष्णोष्णलघुविदाहितिलतैलपिण्याककुलत्थसर्षपातसीहरितकशाक- गोधामत्स्याजाविकमांसदधितक्रकूर्चिकामस्तुसौवीरकसुराविकाराम्लफलकट्वरप्रभृतिभिः पित्तं प्रकोपमापद्यते ||२१||
পিত্তপ্রকোপণানি দর্শযন্নাহ- ক্রোধশোকভযেত্যাদি| আযাসঃ শরীরপীডা| বিদগ্ধং বিদাহঃ, স চ শোথারাগাহারাদিকৃতঃ| বিদাহীতি যদম্লোদ্গারদাহতৃষ্ণাপ্রভৃতীনুদীর্য কৃচ্ছ্রাত্ পাকমুপগচ্ছতি তদ্বিদাহি| হরিতশাকমিতি “কুঠেরশিগ্রুসুরসসুমুখাসুরিভূস্তৃণাঃ| চুক্রাকশ্চুক্রিকা চেতি বর্গং হরিতকং বিদুঃ”- ইতি| দধি সস্নেহং গব্যং দধি| কূর্চিকা বিগ্রথিতং তক্রম্| মস্তু দধিমস্তু| সৌবীরকং নিস্তুষযবত্রিবৃদাদিকৃতং সন্ধানং ধান্যাম্লং বা| সুরাবিকারাঃ পৈষ্টিকাদযঃ| অম্লফলানি আম্রাতকাদীনি| কট্বরমিতি অস্নেহং দধি| অন্যে ভাষন্তে- “সৌবীরাম্লমথাত্যম্লং কাঞ্জিকং কট্বরং বিদুঃ| অন্যে তু তদধোভাগং তক্রং চাত্যম্লতাঙ্গতম্|| সস্নেহং দধিজং তক্রমাহুরন্যে তু কট্বরম্”- ইতি| প্রভৃতিশব্দাচ্চুক্রাদীনাং গ্রহণম্||২১||
Adhikarana 21 (22) · Śloka 22
তদুষ্ণৈরুষ্ণকালে চ ঘনান্তে চ বিশেষতঃ |
মধ্যাহ্নে চার্ধরাত্রে চ জীর্যত্যন্নে চ কুপ্যতি ||২২||
View original
तदुष्णैरुष्णकाले च घनान्ते च विशेषतः |
मध्याह्ने चार्धरात्रे च जीर्यत्यन्ने च कुप्यति ||२२||
পিত্তপ্রকোপস্য কালং দর্শযন্নাহ- তদুষ্ণৈরিত্যাদি| তদিতি পিত্তম্| উষ্ণৈরিতি উষ্ণত্বমত্র ঘর্মাদিকৃতম্| উষ্ণকালে গ্রীষ্মে| ঘনান্তে শরদি| আহ্নিকং পিত্তপ্রকোপস্য কালমাহ- মধ্যাহ্নে ইত্যাদি| ভুক্তাপেক্ষং পিত্তপ্রকোপস্য কালমাহ- জীর্যত্যন্নে চ কুপ্যতীতি| ‘পিত্তপ্রকোপণেষু মধ্যে শোকভযযোর্বাতপ্রকোপণযোঃ পাঠোঽনার্ষঃ’ ইতি জৈজ্ঝটঃ; স চান্যৈর্নিবন্ধকারৈরনুপহৃতত্বাদস্মাভিরপি গৃহীতা ইতি||২২||
Adhikarana 22 (23) · Śloka 23
দিবাস্বপ্নাব্যাযামালস্যমধুরাম্ললবণশীতস্নিগ্ধগুরুপিচ্ছিলাভিষ্যন্দিহাযনকযবকনৈষধেত্কট- মাষমহামাষগোধূমতিলপিষ্টবিকৃতিদধিদুগ্ধকৃশরাপাযসেক্ষুবিকারানূপৌদকমাংসবসাবিসমৃণাল- কসেরুকশৃঙ্গাটকমধুরবল্লীফলসমশনাধ্যশনপ্রভৃতিভিঃ শ্লেষ্মা প্রকোপমাপদ্যতে ||২৩||
View original
दिवास्वप्नाव्यायामालस्यमधुराम्ललवणशीतस्निग्धगुरुपिच्छिलाभिष्यन्दिहायनकयवकनैषधेत्कट- माषमहामाषगोधूमतिलपिष्टविकृतिदधिदुग्धकृशरापायसेक्षुविकारानूपौदकमांसवसाबिसमृणाल- कसेरुकशृङ्गाटकमधुरवल्लीफलसमशनाध्यशनप्रभृतिभिः श्लेष्मा प्रकोपमापद्यते ||२३||
কফপ্রকোপণানি নির্দিশন্নাহ- দিবাস্বপ্নাব্যাযামেত্যাদি| অভিষ্যন্দি দোষধাতুমলস্রোতসামতিশযক্লেদপ্রাপ্তিজননম্| হাযনকো ঘোটকপুচ্ছঃ, স চ শালিবিশেষঃ| যবকঃ শূকধান্যবিশেষঃ, তস্য চ যবাকারাস্তণ্ডুলাঃ| নৈষধঃ ‘কোরক’ ইত্যাখ্যাযতে, স চ ধান্যবিশেষঃ| ইত্কটঃ খগ্গলী| পিষ্টং তণ্ডুলপিষ্টম্| কৃশরা তিলতণ্ডুলমাষৈঃ কৃতা যবাগূঃ| পাযসঃ ক্ষীরসিদ্ধাস্তণ্ডুলাঃ| বিসং পদ্মমূলং ‘বিসাণ্ড’ ইতি লোকে| মৃণালং পদ্মমূলাত্ স্থূলঃ প্ররোহাঙ্কুরঃ| শৃঙ্গাটকং জলমধ্যে ত্রিকণ্টকম্| মধুরবল্লীফলমিতি মধুরফলং তালনারিকেলাদি; বল্লীফলম্ অলাবূপ্রভৃতি, অন্যে কূষ্মাণ্ডকাদীনি||২৩||
Adhikarana 23 (24) · Śloka 24
স শীতৈঃ শীতকালে চ বসন্তে চ বিশেষতঃ |
পূর্বাহ্ণে চ প্রদোষে চ ভুক্তমাত্রে প্রকুপ্যতি ||২৪||
View original
स शीतैः शीतकाले च वसन्ते च विशेषतः |
पूर्वाह्णे च प्रदोषे च भुक्तमात्रे प्रकुप्यति ||२४||
কফস্য কোপকালবিশেষং নির্দিশন্নাহ- স শীতৈরিত্যাদি| শীতৈঃ শীতলদ্রব্যৈঃ| পূর্বাহ্ণে প্রথমপ্রহরে| প্রদোষে রজনীমুখে||২৪||
Adhikarana 24 (25) · Śloka 25
পিত্তপ্রকোপণৈরেব চাভীক্ষ্ণং দ্রবস্নিগ্ধগুরুভিরাহারৈর্দিবাস্বপ্নক্রোধানলাতপশ্রমাভিঘাতাজীর্ণবিরুদ্ধাধ্যশনাদিভির্বিশেষৈরসৃক্ প্রকোপমাপদ্যতে ||২৫||
View original
पित्तप्रकोपणैरेव चाभीक्ष्णं द्रवस्निग्धगुरुभिराहारैर्दिवास्वप्नक्रोधानलातपश्रमाभिघाताजीर्णविरुद्धाध्यशनादिभिर्विशेषैरसृक् प्रकोपमापद्यते ||२५||
দ্বিতীযে দর্শনে ‘শোণিতচতুর্থৈঃ’ ইত্যুক্তেঃ শোণিতস্য চতুর্থস্য কোপনানি দর্শযন্নাহ- পিত্তেত্যাদি|- পিত্তপ্রকোপণৈরেব চেতি পিত্তস্য শোণিতসমানত্বাত্| তস্যৈব বিশিষ্টমপি হেতুং দর্শযন্নাহ- অভীক্ষ্ণং দ্রবেত্যাদি| অভীক্ষ্ণং পুনঃ পুনঃ ‘সেবিতৈঃ’ ইতি শেষঃ||২৫||
Adhikarana 25 (26) · Śloka 26
যস্মাদ্রক্তং বিনা দোষৈর্ন কদাচিত্ প্রকুপ্যতি |
তস্মাত্তস্য যথাদোষং কালং বিদ্যত্ প্রকোপণে ||২৬||
View original
यस्माद्रक्तं विना दोषैर्न कदाचित् प्रकुप्यति |
तस्मात्तस्य यथादोषं कालं विद्यत् प्रकोपणे ||२६||
ন চ স্বাতন্ত্র্যেণাস্য প্রকোপঃ, কিন্তু সর্বদা পরতন্ত্রেণৈব, তত্প্রতিপাদযন্নাহ- যস্মাদিত্যাদি| তত্র বাতদুষ্টং বাতপ্রকোপকালে কুপ্যতি; এবং পিত্তকফদুষ্টস্য রক্তস্য পিত্তকফকালা ইতি||২৬||
Adhikarana 26 (27) · Śloka 27
তেষাং প্রকোপাত্ কোষ্ঠতোদসঞ্চরণাম্লীকাপিপাসাপরিদাহান্নদ্বেষহৃদযোত্ক্লেদাশ্চ জাযন্তে |
তত্র দ্বিতীযঃ ক্রিযাকালঃ ||২৭||
View original
तेषां प्रकोपात् कोष्ठतोदसञ्चरणाम्लीकापिपासापरिदाहान्नद्वेषहृदयोत्क्लेदाश्च जायन्ते |
तत्र द्वितीयः क्रियाकालः ||२७||
তেষাং প্রকোপলিঙ্গানি দর্শযন্নাহ- তেষাং প্রকোপাদিত্যাদি কোষ্ঠতোদসঞ্চরণে দ্বে বাতস্য; সঞ্চরণমিতি কোষ্ঠে বাতপরিভ্রমণমিত্যর্থঃ| অম্লীকাপিপাসাপরিদাহাঃ পিত্তস্য; অম্লীকা অম্লোদ্গারঃ, পরিদাহঃ সর্বতোদাহঃ, অন্যেঽপরিদাহ ইত্যকারপ্রশ্লেষং মন্যন্তে, তত্র ‘নঞ্’ ঈষদর্থে, যথা ‘অনুদরা কন্যা’ ইতি, তেনেষদ্দাহ ইতি ব্যাখ্যানযন্তি| অন্নদ্বেষহৃদযোত্ক্লেদৌ কফস্য, হৃদযোত্ক্লেদো হৃল্লাসঃ| দ্বিতীযঃ ক্রিযাকাল ইতি দ্বিতীযশ্চিকিত্সাবসরঃ||২৭||
Adhikarana 27 (28) · Śloka 28
অত ঊর্ধ্বং প্রসরং বক্ষ্যামঃ- তেষামেভিরাতঙ্কবিশেষৈঃ প্রকুপিতানাং কিণ্বোদকপিষ্টসমবায ইবোদ্রিক্তানাং প্রসরো ভবতি |
তেষাং বাযুর্গতিমত্ত্বাত্ প্রসরণহেতুঃ সত্যপ্যচৈতন্যে |
স হি রজোভূযিষ্ঠঃ; রজশ্চ প্রবর্তকং সর্বভাবানাম্ |
যথা- মহানুদকসঞ্চযোঽতিবৃদ্ধঃ সেতুমবদার্যাপরেণোদকেন ব্যামিশ্রঃ সর্বতঃ প্রধাবতি, এবং দোষাঃ কদাচিদেকশো দ্বিশঃ সমস্তাঃ শোণিতসহিতা বাঽনেকধা প্রসরন্তি |
তদ্যথা- বাতঃ, পিত্তং, শ্লেষ্মা, শোণিতং, বাতপিত্তে, বাতশ্লেষ্মাণৌ, পিত্তশ্লেষ্মাণৌ, বাতশোণিতে, পিত্তশোণিতে, শ্লেষ্মশোণিতে, বাতপিত্তশোণিতানি, বাতশ্লেষ্মশোণিতানি, পিত্তশ্লেষ্মশোণিতানি, বাতপিত্তকফাঃ, বাতপিত্তকফশোণিতানীতি; এবং পঞ্চদশধা প্রসরন্তি ||২৮||
View original
अत ऊर्ध्वं प्रसरं वक्ष्यामः- तेषामेभिरातङ्कविशेषैः प्रकुपितानां किण्वोदकपिष्टसमवाय इवोद्रिक्तानां प्रसरो भवति |
तेषां वायुर्गतिमत्त्वात् प्रसरणहेतुः सत्यप्यचैतन्ये |
स हि रजोभूयिष्ठः; रजश्च प्रवर्तकं सर्वभावानाम् |
यथा- महानुदकसञ्चयोऽतिवृद्धः सेतुमवदार्यापरेणोदकेन व्यामिश्रः सर्वतः प्रधावति, एवं दोषाः कदाचिदेकशो द्विशः समस्ताः शोणितसहिता वाऽनेकधा प्रसरन्ति |
तद्यथा- वातः, पित्तं, श्लेष्मा, शोणितं, वातपित्ते, वातश्लेष्माणौ, पित्तश्लेष्माणौ, वातशोणिते, पित्तशोणिते, श्लेष्मशोणिते, वातपित्तशोणितानि, वातश्लेष्मशोणितानि, पित्तश्लेष्मशोणितानि, वातपित्तकफाः, वातपित्तकफशोणितानीति; एवं पञ्चदशधा प्रसरन्ति ||२८||
অত ঊর্ধ্বং প্রকোপবিশেষমেব প্রসরাখ্যং দর্শযন্নাহ- অত ঊর্ধ্বমিত্যাদি| তেষাং বাতপিত্তশ্লেষ্মণাম্| এভিরাতঙ্কবিশেষৈঃ প্রকুপিতানামিতি পূর্বোক্তৈর্বলবদ্বিগ্রহাদিভিঃ, কোষ্ঠতোদসঞ্চরণাদিভির্বা| কথং তে প্রসরন্তীত্যত আহ- কিণ্বোদকপিষ্টেত্যাদি| অন্যোন্যগুণানুপ্রবেশাদ্যথা কিণ্বোদকপিষ্টানামুদ্রেকঃ, এবং দুষ্টিহেতূনাং সমবাযে বাতাদীনামুদ্রেকো ভবতি; কিণ্বং সুরাবীজং, পিষ্টং তণ্ডুলপিষ্টং, সমবাযঃ সংযোগঃ| কুতো দোষাণাং মধ্যে বাযুরেব প্রসরণহেতুরিত্যাহ- তেষাং বাযুর্গতিমত্ত্বাদিত্যাদি| স হি রজোভূযিষ্ঠ ইতি সঃ বাযুঃ, হি যস্মাদর্থে, রজোভূযিষ্ঠঃ ‘রজোবহুলো বাযুঃ’ (শা. অ. ১) ইত্যুক্তত্বাত্| সর্বভাবানাং সর্বপদার্থানাম্| এতেন বাযোর্গতিমত্ত্বে হেতুরুক্তঃ| প্রসরস্য পুনর্দৃষ্টান্তমাহ- যথা মহানুদকসঞ্চযোঽতিপ্রবৃদ্ধ ইত্যাদি| সেতুমবদার্যেতি পালীং ভিত্ত্বা| তমেব সংযোগিনাং সংযোগসঙ্খ্যযা দর্শযন্নাহ- তদ্যথা- বাতঃ, পিত্তমিত্যাদি||২৮||
Adhikarana 28 (29-30) · Śloka 30
কৃত্স্নেঽর্ধেঽবযবে বাঽপি যত্রাঙ্গে কুপিতো ভৃশম্ |
দোষো বিকারং নভসি মেঘবত্তত্র বর্ষতি ||২৯||
নাত্যর্থং কুপিতশ্চাপি লীনো মার্গেষু তিষ্ঠতি |
নিষ্প্রত্যনীকঃ কালেন হেতুমাসাদ্য কুপ্যতি ||৩০||
View original
कृत्स्नेऽर्धेऽवयवे वाऽपि यत्राङ्गे कुपितो भृशम् |
दोषो विकारं नभसि मेघवत्तत्र वर्षति ||२९||
नात्यर्थं कुपितश्चापि लीनो मार्गेषु तिष्ठति |
निष्प्रत्यनीकः कालेन हेतुमासाद्य कुप्यति ||३०||
তেষামেকদেশপ্রসরণেন দৃষ্টান্তেনৈকদেশে বিকারং দর্শযন্নাহ- কৃত্স্নে ইত্যাদি| যত্রাঙ্গে ইতি অত্রাঙ্গশব্দেন শিরোবাহুজঙ্ঘাঃ কথ্যন্তে| কিংবিশিষ্টেঽঙ্গে? ইত্যাহ- কৃত্স্ন ইত্যাদি|- কৃত্স্নে সমস্তে, অর্ধে ইতি প্রসিদ্ধম্, অবযবে চিবুকচরণাদৌ| প্রসৃতোঽপি কোঽপি কোপাল্পত্বান্ন সহসা বিকারকারীতি দর্শযন্নাহ- নাত্যর্থমিত্যাদি| লীন একদেশস্থিতঃ| নিষ্প্রত্যনীকা নিষ্প্রতিক্রিযঃ||২৯-৩০||
Adhikarana 29 (31) · Śloka 31
তত্র বাযোঃ পিত্তস্থানগতস্য পিত্তবত্ প্রতীকারঃ, পিত্তস্য চ কফস্থানগতস্য কফবত্, কফস্য চ বাতস্থানগতস্য বাতবত্ ; এষ ক্রিযাবিভাগঃ ||৩১||
View original
तत्र वायोः पित्तस्थानगतस्य पित्तवत् प्रतीकारः, पित्तस्य च कफस्थानगतस्य कफवत्, कफस्य च वातस्थानगतस्य वातवत् ; एष क्रियाविभागः ||३१||
তত্র প্রসরেণান্যদোষস্থানগতস্য দোষস্য স্থানিবত্ প্রতীকারাতিদেশং দর্শযন্নাহ- তত্র বাযোঃ পিত্তস্থানেত্যাদি||৩১||
Adhikarana 30 (32) · Śloka 32
এবং প্রকুপিতানাং প্রসরতাং বাযোর্বিমার্গগমনাটোপৌ, ওষচোষপরিদাহধূমাযনানি পিত্তস্য, অরোচকাবিপাকাঙ্গসাদাশ্ছর্দিশ্চেতি শ্লেষ্মণো লিঙ্গানি ভবন্তি; তত্র তৃতীযঃ ক্রিযাকালঃ ||৩২||
View original
एवं प्रकुपितानां प्रसरतां वायोर्विमार्गगमनाटोपौ, ओषचोषपरिदाहधूमायनानि पित्तस्य, अरोचकाविपाकाङ्गसादाश्छर्दिश्चेति श्लेष्मणो लिङ्गानि भवन्ति; तत्र तृतीयः क्रियाकालः ||३२||
তেষাং প্রসরণলিঙ্গানি দর্শযন্নাহ- এবং প্রকুপিতানামিত্যাদি| প্রসরপ্রস্তাবেঽত্র প্রকুপিতানামিতি যত্ কৃতং তত্ প্রকোপবিশেষ এব প্রসর ইতি জ্ঞাপনার্থম্| প্রকোপপ্রসরযোশ্চ কো ভেদঃ? উচ্যতে- স্ত্যানস্য সর্পিষঃ ক্বাথ্যমানস্য প্রথমং সঞ্চলনমাত্রমেব প্রকোপঃ, তস্যৈব চাতিক্বাথ্যমানস্য ফেনমণ্ডলেনোত্সর্পতা দেশান্তরসরণমিব প্রসরঃ| বাযোর্বিমার্গগমনেত্যাদি| বিমার্গগমনাটোপৌ বাযোঃ; বাযোঃ; প্রকৃতবাযুমার্গাদন্যো বিমার্গঃ, আটোপো রুজাপূর্বক উদরক্ষোভঃ| ওষাদীনি পিত্তস্য; ওষ একদেশিকো দাহঃ, চোষঃ চূষ্যত ইব বেদনাবিশেষঃ, ধূমাযনং ধূমোদ্বমনমিব| কেচিদোষচোষৌ ন পঠন্তি, ‘দাহো ধূমাযনং পিত্তস্য’ ইতি চ পঠন্তি| অরোচকাদযঃ কফস্য; অঙ্গসাদঃ অঙ্গগ্লানিঃ| অবিপাকাঙ্গসাদৌ কেচিন্ন পঠন্তি, ‘অরোচকশ্ছর্দিশ্চ’ ইত্যেতদেব চ পঠন্তি| তত্র প্রসরং যাবদ্দোষাণামেব হেতুলিঙ্গচিকিত্সা, তদনন্তরং ব্যাধেরিতি||৩২||
Adhikarana 31 (33) · Śloka 33
অত ঊর্ধ্বং স্থানসংশ্রযং বক্ষ্যামঃ |
এবং প্রকুপিতাতাংস্তাঞ্ শরীরপ্রদেশানাগম্য তাংস্তান্ ব্যাধীন্ জনযন্তি |
তে যদোদরসন্নিবেশং কুর্বন্তি তদা গুল্ম বিদ্রধ্যুদরাগ্নিসঙ্গানাহবিসূচিকাতিসারপ্রভৃতীঞ্জনযন্তি; বস্তিগতাঃ প্রমেহাশ্মরীমূত্রাঘাতমূত্রদোষপ্রভৃতীন্; মেঢ্রগতা নিরুদ্ধপ্রকশোপদংশশূকদোষপ্রভৃতীন্; গুদগতা ভগন্দরার্শঃপ্রভৃতীন্; বৃষণগতা বৃদ্ধীঃ; ঊর্ধ্বজত্রুগতাস্তূর্ধ্বজান্; ত্বঙ্মংসশোণিতস্থাঃ ক্ষুদ্ররোগান্ কুষ্ঠানি বিসর্পাংশ্চ; মেদোগতা গ্রন্থ্যপচ্যর্বুদগলগণ্ডালজীপ্রভৃতীন্; অস্থিগতা বিদ্রধ্যনুশযীপ্রভৃতীন্; পাদগতাঃ শ্লীপদবাতশোণিতবাতকণ্টকপ্রভৃতীন্; সর্বাঙ্গগতা জ্বরসর্বাঙ্গরোগপ্রভৃতীন্; তেষামেবমভিসন্নিবিষ্টানাং পূর্বরূপপ্রাদুর্ভাবঃ ; তং প্রতিরোগং বক্ষ্যামঃ |
তত্র পূর্বরূপগতেষু চতুর্থঃ ক্রিযাকালঃ ||৩৩||
View original
अत ऊर्ध्वं स्थानसंश्रयं वक्ष्यामः |
एवं प्रकुपितातांस्ताञ् शरीरप्रदेशानागम्य तांस्तान् व्याधीन् जनयन्ति |
ते यदोदरसन्निवेशं कुर्वन्ति तदा गुल्म विद्रध्युदराग्निसङ्गानाहविसूचिकातिसारप्रभृतीञ्जनयन्ति; बस्तिगताः प्रमेहाश्मरीमूत्राघातमूत्रदोषप्रभृतीन्; मेढ्रगता निरुद्धप्रकशोपदंशशूकदोषप्रभृतीन्; गुदगता भगन्दरार्शःप्रभृतीन्; वृषणगता वृद्धीः; ऊर्ध्वजत्रुगतास्तूर्ध्वजान्; त्वङ्मंसशोणितस्थाः क्षुद्ररोगान् कुष्ठानि विसर्पांश्च; मेदोगता ग्रन्थ्यपच्यर्बुदगलगण्डालजीप्रभृतीन्; अस्थिगता विद्रध्यनुशयीप्रभृतीन्; पादगताः श्लीपदवातशोणितवातकण्टकप्रभृतीन्; सर्वाङ्गगता ज्वरसर्वाङ्गरोगप्रभृतीन्; तेषामेवमभिसन्निविष्टानां पूर्वरूपप्रादुर्भावः ; तं प्रतिरोगं वक्ष्यामः |
तत्र पूर्वरूपगतेषु चतुर्थः क्रियाकालः ||३३||
প্রসৃতানাং পুনর্দোষাণাং স্রোতোবৈগুণ্যাদ্যত্র সঙ্গঃ স স্থানসংশ্রযঃ, তং নির্দিশন্নাহ- অত ঊর্ধ্বমিত্যাদি| তত্র স্রোতোবৈগুণ্যাদ্যত্র সক্তা যান্ যান্ রোগান্ কুর্বিন্তি তাংস্তান্ নির্দেষ্টুমাহ- তে যদোদরসন্নিবেশমিত্যাদি| সন্নিবেশং সম্যক্স্থিতিম্| প্রভৃতিগ্রহণাত্ প্রবাহিকাবিলম্বিকাপ্রভৃতযঃ| জত্রু গ্রীবামূলম্| ত্বঙ্মাংসশোণিতস্থা ইতি ত্বক্শব্দেনাত্র রসো বিবক্ষিতঃ| মেদোগতদোষব্যাধিপাঠানন্তরং ‘অস্থিগতা বিদ্রধ্যাদিন্’ ইতি পাঠো যুক্তঃ, সূত্রে চাদর্শনাত্ সমগ্রো ন লিখিতঃ| মজ্জশুক্রগতানাং দোষাণাং ব্যাধযো ন নির্দিষ্টাঃ, স্বল্পত্বাত্ কাদাচিত্কত্বাচ্চেতি| সর্বাঙ্গগতা ইত্যাদি সর্বাঙ্গরোগঃ সর্বাঙ্গবাতব্যাধিঃ, প্রমেহপাণ্ডুরোগশোষাদযো বা| সূক্ষ্মত্বাত্ স্থানসংশ্রযস্য ন পৃথগুক্তং লক্ষণং, নাপি ক্রিযাকাল ইতি| অভিসন্নিবিষ্টানাম্ অত্যর্থং সন্নিবেশং কৃতবতাম্| পূর্বরূপপ্রাদুর্ভাব ইতি ‘ব্যাধেঃ’ ইতি শেষঃ| কিং তত্ পূর্বরূপমিতি পৃষ্টো ব্যাধিভেদবাহুল্যেন পূর্বরূপভেদবাহুল্যাত্ সাক্ষান্নির্দেশেন দর্শযিতুমশক্যমিত্যতিদেশেন দর্শযন্নাহ- তং প্রতিরোগং বক্ষ্যামঃ; তং পূর্বরূপপ্রাদুর্ভাবং, রোগে রোগে প্রতিবক্ষ্যাম ইত্যর্থঃ, ন প্রতিদোষং চযাদিলিঙ্গবদিত্যর্থঃ| পূর্বরূপগতেষ্বিতি গতেষু জ্ঞাতেষু; ‘পূর্বরূপেষু বর্তমানেষু’ ইতি কেচিত্ পঠন্তি| চতুর্থঃ ক্রিযাকাল ইতি চতুর্থশ্চিকিত্সাবসরঃ| চিকিত্সা চাত্র দোষস্য দূষ্যস্য চেত্যুভযাশ্রিতা||৩৩||
Adhikarana 32 (34) · Śloka 34
অত ঊর্ধ্বং ব্যাধের্দর্শনং বক্ষ্যামঃ- শোফার্বুদগ্রন্থিবিদ্রধিবিসর্পপ্রভৃতীনাং প্রব্যক্তলক্ষণতা জ্বরাতীসারপ্রভৃতীনাং চ |
তত্র পঞ্চমঃ ক্রিযাকালঃ ||৩৪||
View original
अत ऊर्ध्वं व्याधेर्दर्शनं वक्ष्यामः- शोफार्बुदग्रन्थिविद्रधिविसर्पप्रभृतीनां प्रव्यक्तलक्षणता ज्वरातीसारप्रभृतीनां च |
तत्र पञ्चमः क्रियाकालः ||३४||
ব্যাধেঃ প্রব্যক্তং রূপং ব্যক্তিঃ, তাং দর্শযন্নাহ- অত ঊর্ধ্বমিত্যাদি| ব্যাধের্দর্শনং ব্যাধ্যুপলব্ধিঃ, শোফাদীনাং জ্বরাদীনাং চ প্রব্যক্তলক্ষণতা ব্যক্তিঃ; প্রব্যক্তলক্ষণতা চ ব্যাধিজাতিলক্ষণকথনং; তদ্যথা- শোফার্বুদাদীনাং ত্বঙ্মাংসস্থানস্য দোষস্য সঙ্ঘাততা, তথা সন্তাপলক্ষণো জ্বরঃ, সরণলক্ষণোঽতীসারঃ, পূরণলক্ষণমুদরমিতি| অত্র ব্যাধেঃ প্রত্যনীকৈব চিকিত্সা||৩৪||
Adhikarana 33 (35) · Śloka 35
অত ঊর্ধ্বমেতেষামবদীর্ণানাং ব্রণভাবমাপন্নানাং ষষ্ঠঃ ক্রিযাকালঃ, জ্বরাতিসারপ্রভৃতীনাং চ দীর্ঘকালানুবন্ধঃ |
তত্রাপ্রতিক্রিযমাণেঽসাধ্যতামুপযান্তি ||৩৫||
View original
अत ऊर्ध्वमेतेषामवदीर्णानां व्रणभावमापन्नानां षष्ठः क्रियाकालः, ज्वरातिसारप्रभृतीनां च दीर्घकालानुबन्धः |
तत्राप्रतिक्रियमाणेऽसाध्यतामुपयान्ति ||३५||
ব্যক্তিমভিধায ভেদং কথযন্নাহ- অত ঊর্ধ্বমিত্যাদি| এতেষাং শোফাদীনামিত্যর্থঃ| অবদীর্ণানাং বিদরণঙ্গতানাং ভিন্নানামিত্যর্থঃ| অবদীর্ণত্বং চ শোফাদীনাং বিশেষলক্ষণং, তচ্চ ভেদঃ| ব্রণভাবমাপন্নানামিতি যত এব বিদীর্ণা অত এব ব্রণত্বং গতা ইত্যর্থঃ| জ্বরাতীসারপ্রভৃতীনাং চ দীর্ঘকালানুবন্ধ ইতি যথা ব্যক্তিপ্রস্তাবে জ্বরাদীনাং সন্তাপসরণপূরণাদিকং সামান্যলক্ষণমুক্তং, তথাঽত্র ভেদপ্রস্তাবাদ্বিশেষলক্ষণং দীর্ঘকালানুবন্ধো জ্বরাদিজাতিষু ভেদ ইতি জ্ঞাতব্যঃ| কেচিদত্র ‘দীর্ঘকালানুবন্ধো ন প্রতিব্যাধিজাতিষু সম্ভবতীতি বাতাদিলক্ষণভেদাদ্ভিন্নত্বং ভেদঃ’ ইত্যাচক্ষতে, যথা- অষ্টানাং জ্বরাণামিত্যাদি| অত্র পক্ষে দীর্ঘকালানুবন্ধ ইতি স্বরূপকথনম্, এতেন সঞ্চযাদিষ্বপ্রতীকারাদ্দীর্ঘকালানুবন্ধোঽসাধ্যতা চ ভবতীত্যুক্তম্| পূর্বাসু গতিষ্বপ্রতীকারেঽপি প্রতীকারাবসরোঽস্ত্যেব, অত্র তূত্তরগত্যভাবাত্ পশ্চাত্ প্রতীকারাশা নাস্ত্যেবেতি দর্শযন্নাহ- তত্রাপ্রতিক্রিযমাণ ইত্যাদি|- তত্রেতি ভেদে ইত্যর্থঃ||৩৫||
Adhikarana 34 (36) · Śloka 36
ভবন্তি চাত্র- সঞ্চযং চ প্রকোপং চ প্রসরং স্থানসংশ্রযম্ |
ব্যক্তিং ভেদং চ যো বেত্তি দোষাণাং স ভবেদ্ভিষক্ ||৩৬||
View original
भवन्ति चात्र- सञ्चयं च प्रकोपं च प्रसरं स्थानसंश्रयम् |
व्यक्तिं भेदं च यो वेत्ति दोषाणां स भवेद्भिषक् ||३६||
অতীতং সঙ্ক্ষিপ্য সঙ্গ্রহং প্রতিপাদযন্নাহ- সঞ্চযং চ প্রকোপং চেত্যাদি| চকারেণ সঞ্চযাদিহেতুস্থানাদ্যনুক্তং সর্বং সমুচ্চীযতে||৩৬||
Adhikarana 35 (37) · Śloka 37
সঞ্চযেঽপহৃতা দোষা লভন্তে নোত্তরা গতীঃ |
তে তূত্তরাসু গতিষু ভবন্তি বলবত্তরাঃ ||৩৭||
View original
सञ्चयेऽपहृता दोषा लभन्ते नोत्तरा गतीः |
ते तूत्तरासु गतिषु भवन्ति बलवत्तराः ||३७||
যথাপূর্বং প্রতীকারাল্পত্বং যথোত্তরং প্রতিকারবাহুল্যং দর্শযন্নাহ- সঞ্চযেঽপহৃতা দোষা ইত্যাদি| তেষামপহরণং চ বহুদোষে শোধনং, মধ্যদোষে লঙ্ঘনপাচনম্, অল্পদোষে সংশমনমিতি||৩৭||
Adhikarana 36 (38) · Śloka 38
সর্বৈর্ভাবৈস্ত্রিভির্বাঽপি দ্বাভ্যামেকেন বা পুনঃ |
সংসর্গে কুপিতঃ ক্রুদ্ধং দোষং দোষোঽনুধাবতি ||৩৮||
View original
सर्वैर्भावैस्त्रिभिर्वाऽपि द्वाभ्यामेकेन वा पुनः |
संसर्गे कुपितः क्रुद्धं दोषं दोषोऽनुधावति ||३८||
ইদানীং সংসর্গে সন্নিপাতে চ প্রসরাভিহিতেংঽশাংশবলবিকল্পেনানুবন্ধানুবন্ধিভাবং চিকিত্সার্থং দর্শযন্নাহ- সর্বৈর্ভাবৈস্ত্রিভির্বেত্যাদি| অনুধাবতি অনুলগ্নো ভবতি| কোঽসৌ? দোষঃ, কিংবিশিষ্টঃ? কুপিতঃ, কৈঃ কৃত্বা? ভাবৈঃ, কোঽর্থঃ? স্বভাবৈঃ রূক্ষোষ্ণস্নিগ্ধাদিভিঃ, কতিসঙ্খ্যোপেতৈঃ? ত্রিভিঃ, ন কেবলং ত্রিভিঃ দ্বাভ্যামেকেন বা; এতেন ত্র্যাদিস্বভাবকুপিতোঽপ্রধানোঽনুবন্ধভূতঃ প্রধানদোষমর্গানুলগ্নো ভবতীত্যুক্তম্| কমনুধাবতি? ইত্যাহ- দোষং, কিংবিশিষ্টং? ক্রুদ্ধং প্রকোপং গতং, কৈঃ কৃত্বা? ভাবৈঃ, কতিসঙ্খ্যৈঃ? ইত্যাহ- সর্বৈঃ, কোঽর্থঃ? সমস্তৈঃ রূক্ষোষ্ণস্নিগ্ধাদিভিঃ, এতেন সর্বভাবক্রুদ্ধঃ প্রধানভূতো ব্যক্তলিঙ্গোঽনুবন্ধ্যো দোষ উক্তঃ| ক্ব? সংসর্গে, কোঽর্থঃ? দোষদ্বযসংযোগে| অত্রাপ্যেবমুক্তং ভবতি- যদা কিল দোষদ্বযসংসর্গো ভবতি তদা প্রধানস্যানুবন্ধ্যভূতস্য দোষস্য চিকিত্সা কর্তব্যা, তত্প্রশমাদেবাপ্রধানস্যানুবন্ধভূতস্য প্রশমো ভবিষ্যতীতি; যদা তু সর্বৈর্ভাবৈঃ কুপ্যন্তি তদা সর্বে প্রধানভূতাঃ পরস্পরমনুবন্ধ্যভূতাশ্চ ভবন্তি, এবং চ সমসন্নিপাতো ভবতি, তদা পিত্তমুপচরণীযম্| অন্যে তু সর্বৈর্ভাবৈরিত্যত্র ‘ভাবা ব্যাধিহেতবঃ; তে চাহারবিহারদেশকালাশ্চত্বারঃ’ ইতি বর্ণযন্তি| অপরে তু রসগুণবীর্যবিপাকাংশ্চতুরো ভাবান্ কথযন্তি| দ্রব্যগুণকর্মাণি ভাবা ইতি চরকব্যাখ্যাতারো ভট্টারকহরিচন্দ্রপ্রভৃতযঃ প্রতিপাদযন্তি| অন্যে তু ‘সর্বৈর্ভাগৈঃ’ ইতি পঠন্তি| তত্র, বাতস্য রূক্ষলঘুবিশদবিষ্টম্ভা ভাগাঃ, পিত্তস্য তীক্ষ্ণদ্রবপূতিনীলপীতা ভাগাঃ, শ্লেষ্মণঃ শীতগুরুপিচ্ছিলস্নিগ্ধাদযো ভাগাঃ; তত্র বাতাদযো যদা সর্বৈস্ত্রিভির্দ্বাভ্যামেকেন বা ভাগেন কুপ্যন্তি তদা তাবদ্ভিস্তদ্বিপরীতৈর্ভাগৈশ্চিকিত্সা কর্তব্যা| তত্র শ্লেষ্মণঃ ক্ষযে বলবদ্বিগ্রহাদিভিঃ ক্রিযমাণে যদা রূক্ষো ভাগো বাতস্য কুপ্যতি তদা স্নিগ্ধেনৈকেন ভাগেন তদ্বিপরীতেন প্রতিকর্তব্যঃ; যদা তু রূক্ষশীতৌ দ্বৌ ভাগৌ কুপ্যতস্তদা স্নিগ্ধোষ্ণাভ্যাং দ্বাভ্যাং ভাগাভ্যাং চিকিত্স্য ইত্যাদি| সর্বৈর্বেতি স্বযমূহ্যম্| সংসর্গে দোষদ্বযসংযোগে ইত্যর্থঃ| এতেনৈতদুক্তং ভবতি- যদা ক্রুদ্ধং দোষং কুপিতোঽনুগচ্ছতি তদা সংসর্গো ভবতি; স চ সংসর্গো দ্বিধা ভবতি- প্রকৃতিসমসমবেততযা, বিকৃতিবিষমসমবেততযা চ; তত্র যদা বাযুপিত্তযোঃ সংসর্গস্তদা শোষণাত্মকতযা স্বভাবসদৃশেন পিত্তেন বাযুঃ সমবেত ইতি প্রকৃতিসমসমবেত উচ্যতে, যদা তু পিত্তশ্লেষ্মণোঃ সংযোগস্তদা পিত্তমুষ্ণং শীতেন শ্লেষ্মণা যুক্তমতঃ স্বভাববিপরীতেন সমবেত ইতি বিকৃতিবিষমসমবেত উচ্যতে||৩৮||
Adhikarana 37 (39) · Śloka 39
সংসর্গে যো গরীযান্ স্যাদুপক্রম্যঃ স বৈ ভবেত্ |
শেষদোষাবিরোধেন সন্নিপাতে তথৈব চ ||৩৯||
View original
संसर्गे यो गरीयान् स्यादुपक्रम्यः स वै भवेत् |
शेषदोषाविरोधेन सन्निपाते तथैव च ||३९||
সংসর্গসন্নিপাতযোশ্চিকিত্সাসূত্রমাহ- সংসর্গে ইত্যাদি| গরিযানিতি গুরুতরঃ| কথমুপক্রমণীয ইত্যাহ- শেষদোষাবিরোধেনেতি|- যথা ন কুপ্যতীত্যর্থঃ| সংসর্গক্রিযাং সন্নিপাতেঽপ্যতিদেষ্টুমাহ- সন্নিপাতে তথৈব চেতি| ননু, যদি শেষদোষাবিরোধেন সংসর্গে যো গরীযান্ সোপক্রম্যস্তর্হি কথমিদমুচ্যতে- “শমযেত্ পিত্তমেবাদৌ জ্বরেষু সমবাযিষু| দুর্নিবারতমং তদ্ধি জ্বরার্তেষু বিশেষতঃ” (উ.৩৯); তথা- “সমবাযে হি দোষাণাং পূর্বং পিত্তমুপাচরেত্| জ্বরে চৈবাতিসারে চ, সর্বত্রান্যত্র মারুতম্”- (উ.৪০) ইতি| সত্যং, সমসন্নিপাতমাশ্রিত্য তত্রোক্তং, ন পুনরন্যান্ দ্বাদশেতি ন দোষঃ||৩৯||
Adhikarana 38 (40) · Śloka 40
বৃণোতি যস্মাদ্রূঢেঽপি ব্রণবস্তু ন নশ্যতি |
আদেহধারণাত্তস্মাদ্ব্রণ ইত্যুচ্যতে বুধৈঃ ||৪০||
View original
वृणोति यस्माद्रूढेऽपि व्रणवस्तु न नश्यति |
आदेहधारणात्तस्माद्व्रण इत्युच्यते बुधैः ||४०||
কথং পুনরযং শরীরৈকদেশোত্থো দোষসঙ্ঘাতো ব্রণ ইত্যুচ্যত ইত্যাহ- বৃণোতীত্যাদি| স বৃণোতি আচ্ছাদযতি যস্মাত্ তস্মাত্ ‘ব্রণ’ ইতি; অথবা ব্রণবস্তু ব্রণচিহ্নং, রূঢেঽপি ন নশ্যতি তথৈবাস্তে আদেহধারণাত্ যাবজ্জীবং, তস্মাত্ ‘ব্রণ’ ইতি||৪০||
Adhikarana puShpikA · Śloka 21
ইতি সুশ্রুতসংহিতাযাং সূত্রস্থানে ব্রণপ্রশ্নাধ্যাযো নামৈকবিংশোধ্যাযঃ ||২১||
View original
इति सुश्रुतसंहितायां सूत्रस्थाने व्रणप्रश्नाध्यायो नामैकविंशोध्यायः ||२१||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে একবিংশোঽধ্যাযঃ||২১||