Adhikarana 1 (1-2) · Śloka 2
অথাতো ব্যাধিসমুদ্দেশীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो व्याधिसमुद्देशीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ব্যাধিসমুদ্দেশীযমিত্যাদি| ব্যাধীনাং সমাসেনোদ্দেশঃ কথনং, তদধিকৃত্য কৃতোঽধ্যাযো ব্যাধিসমুদ্দেশীযঃ, ব্যাধিসঙ্ক্ষেপোদ্দেশীয ইত্যর্থঃ||১-২||
Adhikarana 2 (3) · Śloka 3
দ্বিবিধাস্তু ব্যাধযঃ- শস্ত্রসাধ্যাঃ, স্নেহাদিক্রিযাসাধ্যাশ্চ | তত্র শস্ত্রসাধ্যেষু স্নেহাদিক্রিযা ন প্রতিষিধ্যতে, স্নেহাদিক্রিযাসাধ্যেষু শস্ত্রকর্ম ন ক্রিযতে ||৩||
द्विविधास्तु व्याधयः- शस्त्रसाध्याः, स्नेहादिक्रियासाध्याश्च | तत्र शस्त्रसाध्येषु स्नेहादिक्रिया न प्रतिषिध्यते, स्नेहादिक्रियासाध्येषु शस्त्रकर्म न क्रियते ||३||
🔊 Audio coming soon
শস্ত্রসাধ্যত্বেন স্নেহাদিসাধ্যত্বেন চ ব্যাধীনাং দ্বৈবিধ্যং দর্শযন্নাহ,- দ্বিবিধা ইত্যাদি| শস্ত্রসাধ্যা ইতি ছেদ্যাদিপ্রকারেণ; স্নেহাদিক্রিযাসাধ্যা ইতি অত্রাদিশব্দেন স্বেদনবমনবিরেচনাদযঃ| তত্রেতি তযোর্মধ্যে| শস্ত্রসাধ্যেষু অষ্টবিধশস্ত্রকর্মীযোক্তেষু ভগন্দরগ্রন্থিপ্রভৃতিষু||৩||
Adhikarana 3 (4) · Śloka 4
অস্মিন্ পুনঃ শাস্ত্রে সর্বতন্ত্রসামান্যাত্ সর্বেষাং ব্যাধীনাং যথাস্থূলমবরোধঃ ক্রিযতে | প্রাগভিহিতং ‘তদ্দুঃখসংযোগা ব্যাধয’ (সূ. অ. ১) ইতি | তচ্চ দুঃখং ত্রিবিধম্- আধ্যাত্মিকম্, আধিভৌতিকম্, আধিদৈবিকমিতি | তত্তু সপ্তবিধে ব্যাধাবুপনিপততি | তে পুনঃ সপ্তবিধা ব্যাধযঃ; তদ্যথা- আদিবলপ্রবৃত্তাঃ, জন্মবলপ্রবৃত্তাঃ, দোষবলপ্রবৃত্তাঃ, সঙ্ঘাতবলপ্রবৃত্তাঃ, কালবলপ্রবৃত্তাঃ, দৈববলপ্রবৃত্তাঃ, স্বভাববলপ্রবৃত্তা ইতি ||৪||
अस्मिन् पुनः शास्त्रे सर्वतन्त्रसामान्यात् सर्वेषां व्याधीनां यथास्थूलमवरोधः क्रियते | प्रागभिहितं ‘तद्दुःखसंयोगा व्याधय’ (सू. अ. १) इति | तच्च दुःखं त्रिविधम्- आध्यात्मिकम्, आधिभौतिकम्, आधिदैविकमिति | तत्तु सप्तविधे व्याधावुपनिपतति | ते पुनः सप्तविधा व्याधयः; तद्यथा- आदिबलप्रवृत्ताः, जन्मबलप्रवृत्ताः, दोषबलप्रवृत्ताः, सङ्घातबलप्रवृत्ताः, कालबलप्रवृत्ताः, दैवबलप्रवृत्ताः, स्वभावबलप्रवृत्ता इति ||४||
🔊 Audio coming soon
শল্যতন্ত্রত্বাদস্য তন্ত্রস্য শস্ত্রক্রিযৈবার্হতি ন স্নেহাদিক্রিযেত্যাশঙ্ক্যোভযক্রিযাধিকারং দর্শযন্নাহ- অস্মিন্নিত্যাদি| অস্মিন্নিতি সৌশ্রুতে শল্যতন্ত্রে| পুনঃশব্দোঽত্র এবার্থে| সর্বতন্ত্রসামান্যাদিতি শালাক্যাদীনাং সামান্যাত্ তুল্যত্বাত্| যথাস্থূলমিতি স্থূলদৃষ্ট্যা, ন সূক্ষ্মদৃষ্ট্যেত্যর্থঃ| এতেন যে সনামকা ব্যাধযস্তেষামবরোধঃ, নির্নামকানাং পুনর্লক্ষণদ্বারেণ, অবরোধঃ সঙ্গ্রহঃ| কঃ পুনরযং ব্যাধিরিত্যাহ- প্রাগভিহিতমিত্যাদি| তদিতি তযোঃ শরীরশরীরিণোঃ; ‘শরীরমনসোঃ’ ইতি কেচিত্| তচ্চ দুঃখং ত্রিবিধমিতি চকারান্ন কেবলং ত্রিবিধং সপ্তবিধং চ| আত্মশব্দেন সমনস্কং শরীরমুচ্যতে| তত্র বাতপিত্তকফোত্থাঃ শরীরভবা আধ্যাত্মিকাঃ, তথা রজস্তমোভবাশ্চ; আত্মন্যধি অধ্যাত্মং, তত্র ভবমাধ্যাত্মিকম্| ভূতানি প্রাণিনঃ, ভূতেষ্বধিকৃত্য যদ্বর্ততে তদাধিভৌতিকম্| দেবাঃ সুরাঃ সুরযোনযশ্চ, দেবেষ্বধিকৃত্য যদ্বর্ততে তদাধিদৈবিকম্| তদেব ত্রিবিধং দুঃখং ভেদান্তরহেতুভির্বহুপ্রকারভূতে ব্যাধৌ সমবৈতীত্যাহ- তদিত্যাদি|- তদিতি ত্রিবিধং দুঃখম্| উপনিপততি মধ্যে নিপততি| তে পুনরিতি তে ত্রিবিধা ব্যাধযঃ পুনঃ সপ্তবিধা ভবন্তীত্যর্থঃ||৪||
Adhikarana 4 (5) · Śloka 5
তত্র, আদিবলপ্রবৃত্তা যে শুক্রশোণিতদোষান্বযাঃ কুষ্ঠার্শঃপ্রভৃতযঃ; তেঽপি দ্বিবিধাঃ- মাতৃজাঃ, পিতৃজাশ্চ | জন্মবলপ্রবৃত্তা যে মাতুরপচারাত্ পঙ্গুজাত্যন্ধবধিরমূকমিন্মিনবামনপ্রভৃতযো জাযন্তে; তেঽপি দ্বিবিধাঃ রসকৃতাঃ, দৌহৃদাপচারকৃতাশ্চ | দোষবলপ্রবৃত্তা যে আতঙ্কসমুত্পন্না মিথ্যাহারাচারকৃতাশ্চ; তেঽপি দ্বিবিধাঃ আমাশযসমুত্থাঃ , পক্বাশযসমুত্থাশ্চ; পুনশ্চ দ্বিবিধাঃ- শারীরা, মানসাশ্চ | ত এতে আধ্যাত্মিকাঃ ||৫||
तत्र, आदिबलप्रवृत्ता ये शुक्रशोणितदोषान्वयाः कुष्ठार्शःप्रभृतयः; तेऽपि द्विविधाः- मातृजाः, पितृजाश्च | जन्मबलप्रवृत्ता ये मातुरपचारात् पङ्गुजात्यन्धबधिरमूकमिन्मिनवामनप्रभृतयो जायन्ते; तेऽपि द्विविधाः रसकृताः, दौहृदापचारकृताश्च | दोषबलप्रवृत्ता ये आतङ्कसमुत्पन्ना मिथ्याहाराचारकृताश्च; तेऽपि द्विविधाः आमाशयसमुत्थाः , पक्वाशयसमुत्थाश्च; पुनश्च द्विविधाः- शारीरा, मानसाश्च | त एते आध्यात्मिकाः ||५||
🔊 Audio coming soon
তেষাং সপ্তবিধব্যাধীনাং ক্রমেণ লক্ষণান্যাহ- তত্র আদিবলপ্রবৃত্তা ইত্যাদি| তত্র তেষু মধ্যে| আদিবলপ্রবৃত্তা দুষ্টশুক্রশোণিতবলজাতাঃ| কে তে ইত্যাহ- যে শুক্রশোণিতদোষান্বযা ইতি; শুক্রশোণিতস্থিতবাতাদিদোষজনিতাঃ| তানেব নামতো দর্শযতি- কুষ্ঠার্শঃপ্রভৃতয ইতি| প্রভৃতিগ্রহণান্মেহক্ষযাদযঃ| মাতৃজা ইতি মাতুঃ শোণিতজাঃ, পিতৃজাশ্চেতি পিতুঃ শুক্রজাঃ| দ্বিতীযং ব্যাধিভেদং দর্শযন্নাহ- জন্মবলপ্রবৃত্তা ইত্যাদি| জন্মবলপ্রবৃত্তা ইতি শুক্রশোণিতদুষ্টিং বিনাঽপি মাতুরপচারবলজাতাঃ; অপচার ইতি দুষ্টাহারাচারাবপচারঃ| মূকা অবাচঃ, মিন্মিনাঃ সানুনাসিকাঃ, বামনা অত্যন্তহ্রস্বশরীরাঃ| দৌহৃদাপচারকৃতাশ্চেতি গর্ভানুভাবান্মাতুশ্চতুর্থাদিমাসেষ্বিন্দ্রিযার্থপ্রার্থনা ‘দৌহৃদম্’ ইত্যাচক্ষতে; তস্যাপচারস্তু দৌহৃদমেবাপমানিতম্, অপমানিতমলব্ধং গর্ভস্যাহিতং বা| অত্র ‘মূকমিন্মিনবামনপ্রভৃতযো জাযন্তে’ ইত্যস্যাগ্রে কেচিত্ ‘ভুঞ্জতে’ ইত্যাদি পাঠং পঠন্তি, স চ পূর্ণো ন দৃশ্যতে নিবন্ধেষ্বিতি ন লিখিতঃ| তৃতীযং ব্যাধিভেদং নির্দিশন্নাহ- দোষেত্যাদি| দোষা বাতাদযো রজস্তমসী চ, বলং শক্তিঃ, প্রবৃত্তা জাতাঃ| কে পুনস্ত ইত্যাহ- যে আতঙ্কসমুত্পন্না ইতি| আতঙ্কা রোগাঃ; যথা- প্রতিশ্যাযাত্ কাসঃ, কাসাত্ ক্ষয ইত্যাদি| এতে আধ্যাত্মিকা ইতি এতে আদিবলপ্রবৃত্তা জন্মবলপ্রবৃত্তা দোষবলপ্রবৃত্তাস্ত্রয আধ্যাত্মিকাঃ; শরীরস্থবাতাদিরজঃপ্রভৃতিদোষজনিতত্বাত্||৫||
Adhikarana 5 (6) · Śloka 6
সঙ্ঘাতবলপ্রবৃত্তা য আগন্তবো দুর্বলস্য বলবদ্বিগ্রহাত্; তেঽপি দ্বিবিধাঃ- শস্ত্রকৃতা, ব্যালকৃতাশ্চ | এতে আধিভৌতিকাঃ ||৬||
सङ्घातबलप्रवृत्ता य आगन्तवो दुर्बलस्य बलवद्विग्रहात्; तेऽपि द्विविधाः- शस्त्रकृता, व्यालकृताश्च | एते आधिभौतिकाः ||६||
🔊 Audio coming soon
চতুর্থং ব্যাধিভেদং নির্দিশন্নাহ- সঙ্ঘাতেত্যাদি| সঙ্ঘাতবলপ্রবৃত্তা ইতি প্রহারশক্তিজাতাঃ| কে পুনস্ত ইত্যাহ- য আগন্তব ইত্যাদি| ব্যালকৃতা ইতি ব্যালা দুষ্টব্যাঘ্রাদযঃ| এতে আধিভৌতিকা ইতি এতে পূর্বোক্তা আগন্তবঃ; আধিভৌতিকত্বং ভূতেষু প্রাণিষ্বধিকৃতত্বাত্||৬||
Adhikarana 6 (7) · Śloka 7
কালবলপ্রবৃত্তা যে শীতোষ্ণবাতবর্ষাতপপ্রভৃতিনিমিত্তাঃ; তেঽপি দ্বিবিধাঃ- ব্যাপন্নর্তুকৃতাঃ, অব্যাপন্নর্তুকৃতাশ্চ | দৈববলপ্রবৃতা যে দেবদ্রোহাদভিশপ্তকা অথর্বণকৃতা উপসর্গজাশ্চ; তেঽপি দ্বিবিধাঃ- বিদ্যুদশনিকৃতাঃ, পিশাচাদিকৃতাশ্চ; পুনশ্চ দ্বিবিধাঃ- সংসর্গজা , আকস্মিকাশ্চ | স্বভাববলপ্রবৃত্তা যে ক্ষুত্পিপাসাজরামৃত্যুনিদ্রাপ্রভৃতযঃ; তেঽপি দ্বিবিধাঃ- কালজা, অকালজাশ্চ; তত্র পরিরক্ষণকৃতাঃ কালজাঃ, অপরিরক্ষণকৃতা অকালজাঃ | এতে আধিদৈবিকাঃ | অত্র সর্বব্যাধ্যবরোধঃ ||৭||
कालबलप्रवृत्ता ये शीतोष्णवातवर्षातपप्रभृतिनिमित्ताः; तेऽपि द्विविधाः- व्यापन्नर्तुकृताः, अव्यापन्नर्तुकृताश्च | दैवबलप्रवृता ये देवद्रोहादभिशप्तका अथर्वणकृता उपसर्गजाश्च; तेऽपि द्विविधाः- विद्युदशनिकृताः, पिशाचादिकृताश्च; पुनश्च द्विविधाः- संसर्गजा , आकस्मिकाश्च | स्वभावबलप्रवृत्ता ये क्षुत्पिपासाजरामृत्युनिद्राप्रभृतयः; तेऽपि द्विविधाः- कालजा, अकालजाश्च; तत्र परिरक्षणकृताः कालजाः, अपरिरक्षणकृता अकालजाः | एते आधिदैविकाः | अत्र सर्वव्याध्यवरोधः ||७||
🔊 Audio coming soon
পঞ্চমং ব্যাধিভেদং নির্দিশন্নাহ- কালবলপ্রবৃত্তা ইত্যাদি| কালঃ শীতোষ্ণবর্ষলক্ষণঃ ষডৃতুকঃ| কে পুনস্ত ইত্যাহ- শীতোষ্ণবাতবর্ষাতপপ্রভৃতিনিমিত্তাঃ; তে পুনর্জাড্যদাহকম্পাদযঃ, তথা ব্রণজ্বরাশ্চ| অত্র ব্যাপন্নর্তুকৃতানাং পূর্বোদ্ধৃতান্নপানৌষধিভিরুপচারঃ, যথাস্বং চ ব্যাধিবিহিতং ভেষজম্ ঋতুব্যাপত্প্রশমনং চ, দৈবব্যপাশ্রযং চ হোমাদি; অব্যাপন্নর্তুকৃতানাং পুনর্যথাদোষং যথারোগমেবোপচারঃ| ষষ্ঠং ব্যাধিভেদং নির্দিশন্নাহ- দৈববলপ্রবৃত্তা ইত্যাদি| দৈববলপ্রবৃত্তা ইতি দেবশক্তিজাতা ইত্যর্থঃ| কে পুনস্ত ইত্যাহ- যে দেবদ্রোহাদিত্যাদি| দেবগোগুরুসিদ্ধানাং দ্রোহাত্| অভিশপ্তকা ইতি ঋষীণামাক্রোশজাঃ| আথর্বণকৃতা অথর্ববেদপ্রণীতাভিচারিকমন্ত্রৈঃ কৃতা মারণাত্মকা ব্যাধযঃ| উপসর্গজা ইতি উপসৃজ্যন্ত ইত্যুপসর্গাঃ পীডিতজনসমীপোত্পন্না জ্বরাদযঃ| বিদ্যুদশনিকৃতা ইতি লতাকারা তির্যক্পতন্তী বহ্নিরূপা বিদ্যুত্, মুশলবদধঃপতনশীলো মারণাত্মকোঽশনিঃ| সংসর্গজা ইতি দেবাদিদ্রোহকজনসম্পর্কজা ইত্যর্থঃ| আকস্মিকা ইতি বিনৈব সংসর্গং প্রাক্তনকর্মপীডিতত্বেন জাতা ইত্যর্থঃ| উপসর্গজসংসর্গজযোরযং বিশেষঃ- উপসর্গজা জ্বরাদিরোগপীডিতজনসম্পর্কাদ্ভবন্তি; সংসর্গজাশ্চ দেবাদিদ্রোহকজনসম্পর্কাদ্ভবন্তি| ‘দেবদ্রোহাভিশপ্তকা’ ইত্যত্র কেচিত্ ‘উপসর্গাভিশাপাভিচারাভিষঙ্গজা’ ইতি পঠন্তি, স চাভাবান্ন লিখিতঃ| সপ্তমং ব্যাধিভেদং দর্শযন্নাহ- স্বভাববলপ্রবৃত্তা ইত্যাদি| স্বভাববলপ্রবৃত্তা ইতি প্রকৃতিশক্তিজাতা ইত্যর্থঃ| কে পুনস্ত ইত্যাহ- ক্ষুত্পিপাসেত্যাদি| কালজা ইতি যে সমযে প্রাপ্তা ভবন্তি| অকালজা অসমযে জাতা ইত্যর্থঃ| তত্র কালজাকালজযোর্হেতুভেদেন ভেদ ইতি দর্শযতি- তত্র পরিরক্ষণকৃতা ইত্যাদি| পরিরক্ষণং রক্ষাপ্রযত্নঃ, তস্মিন্নপি পরিরক্ষণে যে ভবন্তি তে কালজাঃ; অত এব কালকৃতানাং নোপচারোঽস্তি যাপ্যতৈবাস্তি ভোজনপানরসাযনাদিভিঃ, আত্যন্তিকপ্রতীকারো বা স্বভাবব্যাধিচিকিত্সিতোক্তরসাযনবিধিনা| অপরিরক্ষণকৃতা ইতি অপরিরক্ষণং রক্ষণেঽপ্রযত্নঃ, তস্মিন্ যে ভবন্তি তে অকালকৃতাঃ| তেষাং চ যথাদোষং যথারোগং চ প্রতীকারঃ| এতে আধিদৈবিকা ইতি এতে ক্ষুত্পিপাসাদযো দৈবমধিকৃত্য ভবন্তীত্যাধিদৈবিকাঃ| কেচিত্ “এত আধিদৈবিকাঃ” ইত্যমুং পাঠং ন পঠন্তি| তেষাং মতে স্বভাববলপ্রবৃত্তাঃ ক্ষুত্পিপাসাদয আধ্যাত্মিকমধ্যে নিপতন্তি| তত্র তেষ্বেব সপ্তসু ব্যাধিভেদেষু সর্বব্যাধ্যুপরোধং দর্শযন্নাহ- অত্র সর্বব্যাধ্যুপরোধ ইতি| অত্রেতি অত্রোক্তসপ্তবিধব্যাধৌ, উপরোধঃ সঙ্গ্রহঃ||৭||
Adhikarana 7 (8) · Śloka 8
সর্বেষাং চ ব্যাধীনাং বাতপিত্তশ্লেষ্মাণ এব মূলং; তল্লিঙ্গত্বাদ্দৃষ্টফলত্বাদাগমাচ্চ | যথা হি কৃত্স্নং বিকারজাতং বিশ্বরূপেণাবস্থিতং সত্ত্বরজস্তমাংসি ন ব্যতিরিচ্যন্তে, এবমেব কৃত্স্নং বিকারজাতং বিশ্বরূপেণাবস্থিতমব্যতিরিচ্য বাতপিত্তশ্লেষ্মাণো বর্তন্তে | দোষধাতুমলসংসর্গাদাযতনবিশেষান্নিমিত্ততশ্চৈষাং বিকল্পঃ | দোষদূষিতেষ্বত্যর্থং ধাতুষু সঞ্জ্ঞা- রসজোঽযং, শোণিতজোঽযং, মাংসজোঽযং, মেদোজোঽযং, অস্থিজোঽযং মজ্জজোঽযং, শুক্রজোঽযং ব্যাধিরিতি ||৮||
सर्वेषां च व्याधीनां वातपित्तश्लेष्माण एव मूलं; तल्लिङ्गत्वाद्दृष्टफलत्वादागमाच्च | यथा हि कृत्स्नं विकारजातं विश्वरूपेणावस्थितं सत्त्वरजस्तमांसि न व्यतिरिच्यन्ते, एवमेव कृत्स्नं विकारजातं विश्वरूपेणावस्थितमव्यतिरिच्य वातपित्तश्लेष्माणो वर्तन्ते | दोषधातुमलसंसर्गादायतनविशेषान्निमित्ततश्चैषां विकल्पः | दोषदूषितेष्वत्यर्थं धातुषु सञ्ज्ञा- रसजोऽयं, शोणितजोऽयं, मांसजोऽयं, मेदोजोऽयं, अस्थिजोऽयं मज्जजोऽयं, शुक्रजोऽयं व्याधिरिति ||८||
🔊 Audio coming soon
কথং পুনঃ সর্বব্যাধ্যুপরোধ ইত্যাহ- সর্বেষাং চ ব্যাধীনামিত্যাদি| মূলমিতি কারণমিত্যর্থঃ| তল্লিঙ্গত্বাদিতি বাতাদিলিঙ্গত্বাত্| লিঙ্গং তু বাতাদীনাং রৌক্ষ্যাল্পস্নেহাদযঃ, তথা তোদদাহকণ্ড্বাদীনি কার্যাণি চ| দৃষ্টফলত্বাদিতি বাতাদিহরৌষধৈর্বাতাদিব্যাধেরুপশমনদর্শনাত্| আগমাচ্চ সবিংশত্যেকাদশশতনাং ব্যাধীনাং কার্যভূতানাং বাতপিত্তশ্লেষ্মাণো হি কারণম্| যথাহি কৃত্স্নমিত্যাদি| বিকারজাতমিতি বিকারসমূহং; বিকারাশ্চাত্র ত্রযোবিংশতির্মহদাদ্যাঃ| বিশ্বরূপেণাবস্থিতমিতি জগদ্রূপেণ ব্যাপ্য স্থিতমিত্যর্থঃ| ন ব্যতিরিচ্যন্ত ইতি ন পৃথগ্ভবন্তীত্যর্থঃ| এবমেব কৃত্স্নং বিকারজাতমিত্যাদি বিকারজাতমিতি রোগসমূহম্| অব্যতিরিচ্যেতি অপরিত্যজ্যেত্যর্থঃ| এতেন তাল্লিঙ্গত্বাদিত্যাদিনা অনুমানপ্রত্যক্ষাগমোপমানানি চত্বারি প্রমাণান্যুক্তানি| ননু, দোষত্রযাত্ কথমাদিবলপ্রবৃত্তাদযোঽনেকে ব্যাধয ইত্যাহ- দোষেত্যাদি| দোষধাতুমলসংসর্গাদিতি সংসর্গঃ সংযোগঃ; তদ্যথা- বাতাদিদোষরসধাতুসংসর্গাজ্জ্বরাদযো রসাধিষ্ঠানাঃ,বাতাদিদোষরসধাতুপুরীষমলসংসর্গাদতীসারাদযঃ, বাতাদিদোষরসাদিদূষ্যমূত্রমলসংসর্গাদ্বিংশতির্মোহাঃ, তথা বাতাদিদোষরক্তধাতুসংসর্গাদ্বাতরক্তরক্তপিত্তবিদ্রধিরক্তগুল্মাদযঃ| আযতনবিশেষাদিতি আযতনানি স্থানানি, তেষাং বিশেষো ভেদ ইত্যর্থঃ; তদ্যথা- সপ্তস্বাযতনেষু পঞ্চষষ্টির্মুখরোগাঃ, চক্ষুরিন্দ্রিযাযতনেষু ষট্সপ্ততির্নেত্ররোগাঃ, নিমিত্ততশ্চেতি নিমিত্তানি বাতাদযঃ; তদ্যথা- প্রত্যেকং বাতাদিজ্বরাস্ত্রযঃ, সান্নিপাতিক একঃ, দ্বন্দ্বজাস্ত্রযঃ, আগন্তুশ্চাষ্টমঃ; এবমন্যদপি নিমিত্ততো ব্যাধীনাং নানাত্বং জ্ঞেযম্| এষামিতি ব্যাধীনাং, বিকল্পো ভেদঃ নানাত্বমিত্যর্থঃ| দূষ্যজন্মসঞ্জ্ঞা লক্ষণযা ভবতীতি দর্শযন্নাহ- দোষদূষিতেষ্বত্যর্থমিত্যাদি| দোষৈরেব দূষিতেষু ধাতুষ্বত্যর্থং দোষজেষু বিকারেষু রসজাদিসঞ্জ্ঞা; যথা- ঘৃতদগ্ধস্তৈলদগ্ধস্তাম্রদগ্ধো লোহদগ্ধ ইতি| অত্র ঘৃতাদিশব্দেন ঘৃতাদিস্থো বহ্নির্লক্ষ্যতে, এবং রসাদিজো ব্যাধিরিত্যত্র রসাদিস্থিতবাতাদিদোষা লক্ষ্যন্তে||৮||
Adhikarana 8 (9) · Śloka 9
তত্র, অন্নাশ্রদ্ধারোচকাবিপাকাঙ্গমর্দজ্বরহৃল্লাসতৃপ্তিগৌরবহৃত্পাণ্ডুরোগমার্গোপরোধকার্শ্যবৈরস্যাঙ্গসাদাকালজবলীপলিতদর্শনপ্রভৃতযো রসদোষজা বিকারাঃ; কুষ্ঠবিসর্পপিডকামশকনীলিকাতিলকালকন্যচ্ছব্যঙ্গেন্দ্রলুপ্তপ্লীহবিদ্রধিগুল্মবাতশোণিতার্শোঽর্বুদাঙ্গমর্দাসৃগ্দররক্তপিত্তপ্রভৃতযো রক্তদোষজাঃ , গুদমুখমেঢ্রপাকাশ্চ; অধিমাংসার্বুদার্শোঽধিজিহ্বোপজিহ্বোপকুশগলশুণ্ডিকালজীমাংসসঙ্ঘাতৌষ্ঠপ্রকোপগলগণ্ডগণ্ডমালাপ্রভৃতযো মাংসদোষজাঃ; গ্রন্থিবৃদ্ধিগলগণ্ডার্বুদমেদোজৌষ্ঠপ্রকোপমধুমেহাতিস্থৌল্যাতিস্বেদপ্রভৃতযো মেদোদোষজাঃ; অধ্যস্থ্যধিদন্তাস্থিতোদশূলকুনখপ্রভৃতযোঽস্থিদোষজাঃ; তমোদর্শনমূর্চ্ছাভ্রমপর্বস্থূলমূলারুর্জন্মনেত্রাভিষ্যন্দপ্রভৃতযো মজ্জদোষজাঃ; ক্লৈব্যাপ্রহর্ষশুক্রাশ্মরীশুক্রমেহশুক্রদোষাদযশ্চ তদ্দোষাঃ; ত্বগ্দোষাঃ সঙ্গোঽতিপ্রবৃত্তিরযথাপ্রবৃত্তির্বা মলাযতনদোষাঃ; ইন্দ্রিযাণামপ্রবৃত্তিরযথাপ্রবৃত্তির্বেন্দ্রিযাযতনদোষাঃ; ইত্যেষ সমাস উক্তঃ; বিস্তরং নিমিত্তানি চৈষাং প্রতিরোগং বক্ষ্যামঃ ||৯||
तत्र, अन्नाश्रद्धारोचकाविपाकाङ्गमर्दज्वरहृल्लासतृप्तिगौरवहृत्पाण्डुरोगमार्गोपरोधकार्श्यवैरस्याङ्गसादाकालजवलीपलितदर्शनप्रभृतयो रसदोषजा विकाराः; कुष्ठविसर्पपिडकामशकनीलिकातिलकालकन्यच्छव्यङ्गेन्द्रलुप्तप्लीहविद्रधिगुल्मवातशोणितार्शोऽर्बुदाङ्गमर्दासृग्दररक्तपित्तप्रभृतयो रक्तदोषजाः , गुदमुखमेढ्रपाकाश्च; अधिमांसार्बुदार्शोऽधिजिह्वोपजिह्वोपकुशगलशुण्डिकालजीमांससङ्घातौष्ठप्रकोपगलगण्डगण्डमालाप्रभृतयो मांसदोषजाः; ग्रन्थिवृद्धिगलगण्डार्बुदमेदोजौष्ठप्रकोपमधुमेहातिस्थौल्यातिस्वेदप्रभृतयो मेदोदोषजाः; अध्यस्थ्यधिदन्तास्थितोदशूलकुनखप्रभृतयोऽस्थिदोषजाः; तमोदर्शनमूर्च्छाभ्रमपर्वस्थूलमूलारुर्जन्मनेत्राभिष्यन्दप्रभृतयो मज्जदोषजाः; क्लैब्याप्रहर्षशुक्राश्मरीशुक्रमेहशुक्रदोषादयश्च तद्दोषाः; त्वग्दोषाः सङ्गोऽतिप्रवृत्तिरयथाप्रवृत्तिर्वा मलायतनदोषाः; इन्द्रियाणामप्रवृत्तिरयथाप्रवृत्तिर्वेन्द्रियायतनदोषाः; इत्येष समास उक्तः; विस्तरं निमित्तानि चैषां प्रतिरोगं वक्ष्यामः ||९||
🔊 Audio coming soon
চিকিত্সাবিশেষবিজ্ঞানার্থং সুখসাধ্যত্বাদিকর্মবোধার্থং চ প্রত্যেকং রসাদিধাতুবিকারান্ দর্শযিতুমাহ- তত্রান্নাশ্রদ্ধারোচকেত্যাদি| অন্নাশ্রদ্ধা অন্নবিদ্বেষঃ| অঙ্গমর্দ ইতি বেদনাবিশেষঃ ‘স্ফুটনিকা’ ইতি লোকে| হৃল্লাসো হৃদযোত্ক্লেদোঽসকৃত্ষ্ঠীবনম্| অঙ্গসাদ ইতি অঙ্গানামনুত্সাহঃ| রসদোষজা ইতি দোষদূষিতরসজাতাঃ| রসজানভিধায রক্তজানভিধাতুমাহ- কুষ্ঠেত্যাদি| রক্তজানুক্ত্বা মাংসজানাহ- অধিমাংসেত্যাদি| মাংসসঙ্ঘাত ইতি মাংসতানো নাম মুখরোগেষু; ‘মাংসোচ্ছ্রাযঃ সামান্য এব’ ইত্যন্যে| মাংসজান্ কথযিত্বা মেদোজানাহ- গ্রন্থীত্যাদি| মেদোজানুক্ত্বাঽস্থিজানাহ- অধ্যস্থ্যধিদন্তেত্যাদি| অধ্যস্থীনি অধিকাস্থীনীত্যর্থঃ| অধিদন্তা ইতি অধিকা দন্তা ইত্যর্থঃ| তোদশূলাভ্যাং সহাস্থিশব্দঃ প্রত্যেকং সম্বধ্যতে| অস্থিদোষানভিধায মজ্জজানাহ- তমোদর্শনেত্যাদি|- তমোদর্শনম্ অন্ধকারদর্শনম্| মূর্চ্ছা চেতনাচ্যুতিঃ| ভ্রমঃ চক্রারূঢস্যেব| পূর্বস্থূলমূলারুর্জন্মেতি স্থূলমূলানামরুষাং ব্রণানাং পর্বসু জন্মেত্যর্থঃ | অন্যে ত্বত্র ‘পর্বগৌরবস্থূলমূলারুর্জন্ম’ ইতি পঠন্তি| মজ্জদোষানভিধায শুক্রদোষান্ দর্শযতি- ক্লৈব্যাপ্রহর্ষেত্যাদি|- ক্লৈব্যমিতি ষণ্ঢতেত্যর্থঃ| অপ্রহর্ষ ইতি স্ত্রীবিষযেঽনভিলাষঃ| তদ্দোষা ইতি শুক্রদোষা ইত্যর্থঃ| শুক্রজানুক্ত্বা মলাযতনদোষানাহ- ত্বগ্দোষা ইত্যাদি| ত্বগ্দোষাঃ কুষ্ঠানি| কর্ণনাসামুখাক্ষিমলাযতনেষ্বন্যেষু চ প্রজননাদ্যপত্যপথেষ্বপ্রবৃত্তিঃ ‘সঙ্গ’ উচ্যতে| মলাযতনদোষানভিধাযেন্দ্রিযাযতনদোষানাহ- ইন্দ্রিযাণামপ্রবৃত্তিরিত্যাদি| সমাসঃ সঙ্ক্ষেপঃ| দোষধাতুমলসংসর্গাদিতি যত্ প্রাগুক্তং ব্যাধিনানাত্বকারণং, তথাঽঽযতনবিশেষাদিতি যদ্দ্বিতীযং ব্যাধিনানাত্বকারণমুক্তম্, এতদ্দ্বযমপি সঙ্ক্ষেপেণাভিধায নিমিত্ততশ্চেতি যদুক্তং তৃতীযং ব্যাধিনানাত্বকারণং তদভিধাতুমাহ- বিস্তরমিত্যাদি| নিমিত্তানি বাতাদযঃ তত্কারণানি বলবদ্বিগ্রহাদীনি মিথ্যাপ্রযুক্তানি স্নেহাদীনি চ; জ্বরে তদ্যথা কামজ্বরঃ ক্রোধজ্বরো মৃত্পাণ্ডুরোগ ইত্যাদি; তথাঽতীসারে ‘গুর্বতিস্নিগ্ধরূক্ষোষ্ণদ্রবস্থূলাতিশীতলৈঃ’ (উ. ত. অ. ৪০) ইত্যাদি প্রতিরোগং নির্দিষ্টানি| প্রতিরোগং বক্ষ্যাম ইতি রোগে রোগে বক্ষ্যামঃ||৯||
Adhikarana 9 (10) · Śloka 10
ভবতি চাত্র- কুপিতানাং হি দোষাণাং শরীরে পরিধাবতাম্ | যত্র সঙ্গঃ খবৈগুণ্যাদ্ব্যাধিস্তত্রোপজাযতে ||১০||
भवति चात्र- कुपितानां हि दोषाणां शरीरे परिधावताम् | यत्र सङ्गः खवैगुण्याद्व्याधिस्तत्रोपजायते ||१०||
🔊 Audio coming soon
বাতাদীনাং শরীরে প্রসরতাং স্থানসংশ্রযস্য ব্যাধিনানাত্বকারণস্য হেতুং দর্শযন্নাহ- কুপিতানামিত্যাদি| খবৈগুণ্যাত্ স্রোতোবৈগুণ্যাদিত্যর্থঃ||১০||
Adhikarana 10 (11) · Śloka 11
ভূযোঽত্র জিজ্ঞাস্যং, কিং বাতাদীনাং জ্বরাদীনাং চ নিত্যঃ সংশ্লেষঃ পরিচ্ছেদো বা? ইতি; যদি নিত্যঃ সংশ্লেষঃ স্যাত্তর্হি নিত্যাতুরাঃ সর্ব এব প্রাণিনঃ স্যুঃ; অথাপ্যন্যথা বাতাদীনাং জ্বরাদীনাং চ, ‘অন্যত্র বর্তমানানামন্যত্র লিঙ্গং ন ভবতি’ ইতি কৃত্বা যদুচ্যতে বাতাদযো জ্বরাদীনাং মূলানীতি তন্ন | অত্রোচ্যতে- দোষান্ প্রত্যাখ্যায জ্বরাদযো ন ভবন্তি; অথ চ ন (নিত্যঃ) সম্বন্ধঃ; যথাহি বিদ্যুদ্বাতাশনিবর্ষাণ্যাকাশং প্রত্যাখ্যায ন ভবন্তি, সত্যপ্যাকাশে কদাচিন্ন ভবন্তি, অথ চ নিমিত্ততস্তত এবোত্পত্তিরিতি; তরঙ্গবুদ্বুদাদযশ্চোদকবিশেষাঃ এব; বাতাদীনাং জ্বরাদীনাং চ নাপ্যেবং সংশ্লেষো ন পরিচ্ছেদঃ শাশ্বতিকঃ, অথ চ নিমিত্তত এবোত্পত্তিরিতি ||১১||
भूयोऽत्र जिज्ञास्यं, किं वातादीनां ज्वरादीनां च नित्यः संश्लेषः परिच्छेदो वा? इति; यदि नित्यः संश्लेषः स्यात्तर्हि नित्यातुराः सर्व एव प्राणिनः स्युः; अथाप्यन्यथा वातादीनां ज्वरादीनां च, ‘अन्यत्र वर्तमानानामन्यत्र लिङ्गं न भवति’ इति कृत्वा यदुच्यते वातादयो ज्वरादीनां मूलानीति तन्न | अत्रोच्यते- दोषान् प्रत्याख्याय ज्वरादयो न भवन्ति; अथ च न (नित्यः) सम्बन्धः; यथाहि विद्युद्वाताशनिवर्षाण्याकाशं प्रत्याख्याय न भवन्ति, सत्यप्याकाशे कदाचिन्न भवन्ति, अथ च निमित्ततस्तत एवोत्पत्तिरिति; तरङ्गबुद्बुदादयश्चोदकविशेषाः एव; वातादीनां ज्वरादीनां च नाप्येवं संश्लेषो न परिच्छेदः शाश्वतिकः, अथ च निमित्तत एवोत्पत्तिरिति ||११||
🔊 Audio coming soon
প্রতিপাদ্য ব্যাধীনাং দোষাণাং চ কার্যকারণসম্বন্ধং পুনরন্যথা জিজ্ঞাস্যমাহ- ভূয ইত্যাদি|- ভূযঃশব্দঃ পুনরর্থে| জিজ্ঞাস্যং জ্ঞাতুমভিলষণীযম্| এতেনৈতদুক্তং ভবতি- প্রাক্কিল ব্যাধীনাং বাতাদিমূলত্বং জিজ্ঞাসিতম্, অত্রান্যত্ পুনরপি জ্ঞাতুমেষ্টব্যমিত্যর্থঃ; অন্যে ভূযো বহুতরমিতি ব্যাখ্যানযন্তি| কেচিত্ ‘ভূযোঽত্র জিজ্ঞাস্যতে’ ইতি পঠন্তি| নিত্যঃ সংশ্লেষ ইতি সর্বদা অপৃথক্ত্বং, যথা- সূর্যাতপযোশ্চন্দ্রজ্যোত্স্নযোঃ পাবকোষ্ণত্বযোরিতি| পরিচ্ছেদো বিশ্লেষঃ পৃথক্ত্বং; যথা- পটকুবিন্দকযোর্ঘটকুম্ভকারযোঃ কুণ্ডলসুবর্ণকারযোরিত্যাদি| অথাপ্যন্যথেতি কোঽর্থঃ? অনিত্যঃ সংশ্লেষঃ| পূর্বপক্ষমাশঙ্ক্য সমাধানমাহ- অত্রোচ্যত ইত্যাদি| প্রত্যাখ্যাযেতি পরিত্যজ্যেত্যর্থঃ| ননু, যদি দোষান্ পরিত্যজ্য জ্বরাদযো ন ভবন্তি, তর্হি সম্বন্ধোঽস্তীত্যাশঙ্কানিরাকরণাযাহ- অথ চ ন সম্বন্ধ ইতি|- ‘সর্বদা’ ইতি শেষঃ| কথং ন সর্বদা সম্বন্ধ ইত্যত্র দৃষ্টান্তমাহ- বিদ্যুদ্বাতেত্যাদি| আকাশশব্দেনাকাশস্থো মেঘ উচ্যতে; সত্যপ্যাকাশ ইতি বিদ্যমানেঽপি জলদ ইত্যর্থঃ| নিমিত্তত ইতি সামগ্রীত ইত্যর্থঃ| তত এবেতি তস্যাঃ সামগ্র্যা এবেত্যর্থঃ| অপরদৃষ্টান্তমাহ- তরঙ্গবুদ্বুদাদয ইতি| তরঙ্গঃ জললহরী| শাশ্বতিক ইতি নিত্য ইত্যর্থঃ||১১||
Adhikarana 11 (12) · Śloka 12
ভবতি চাত্র- বিকারপরিমাণং চ সঙ্খ্যা চৈষাং পৃথক্ পৃথক্ | বিস্তরেণোত্তরে তন্ত্রে সর্বাবাধাশ্চ বক্ষ্যতে ||১২||
भवति चात्र- विकारपरिमाणं च सङ्ख्या चैषां पृथक् पृथक् | विस्तरेणोत्तरे तन्त्रे सर्वाबाधाश्च वक्ष्यते ||१२||
🔊 Audio coming soon
‘বিস্তরং নিমিত্তানি চৈষাং প্রতিরোগং বক্ষ্যাম’ ইতি যদুক্তং প্রাক্ তত্ প্রতিপাদযন্নাহ- বিকারপরিমাণং চেত্যাদি| বিকারপরিমাণং চেতি ইযং সমুদাযসঙ্খ্যা, তথা চ ‘ব্যাধীনাং তু সহস্রং যচ্ছতং বিংশতিরেব চ’- (উ. তং. অ. ৬৬) ইত্যুত্তরে তন্ত্রে বক্ষ্যতে| সঙ্খ্যা চৈষাং পৃথক্ পৃথগিতি ইযমবযবসঙ্খ্যা; তথা চ- ষডর্শাংসি, চতস্রোঽশ্মর্যঃ, অষ্টাদশ কুষ্ঠানীতি নিদানস্থানে বক্ষ্যতে| সর্বাবাধাশ্চ বক্ষ্যত ইতি জ্বরাতীসারশোষাদযঃ| চকারোঽত্র ভিন্নক্রমে| তেন বিকারপরিমাণং চ সর্বাবাধাশ্চোত্তরে তন্ত্রে বক্ষ্যত ইতি সম্বধ্যতে; ন পুনঃ ‘উত্তরে তন্ত্রে’ ইতি ‘সঙ্খ্যা চৈষাং পৃথক্ পৃথগ্’ ইত্যত্র সম্বধ্যতে| অন্যে তু ব্যাখ্যানযন্তি “ বিকারা জ্বরাদীনামুপদ্রবরূপতযা তৃট্ছর্দিপ্রভৃতযঃ, তত্পরিমাণমধিকমধ্যহীনভেদেন বিকারপরিমাণম্; ‘অষ্টৌ জ্বরাঃ, ষডতীসারাঃ’ ইত্যাদি সঙ্খ্যা চ পৃথক্ পৃথক্; সর্বাবাধাশ্চ শারীরমানসা ইতি; সর্বমেতদুত্তরে তন্ত্রে বক্ষ্যতে ব্যাখ্যাস্যত্যাচার্যঃ” ইতি||১২||
Adhikarana puShpikA · Śloka 24
ইতি সুশ্রুতসংহিতাযাং সূত্রস্থানে ব্যাধিসমুদ্দেশীযো নাম চতুর্বিংশোঽধ্যাযঃ ||২৪||
इति सुश्रुतसंहितायां सूत्रस्थाने व्याधिसमुद्देशीयो नाम चतुर्विंशोऽध्यायः ||२४||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে চতুর্বিংশতিতমোঽধ্যাযঃ||২৪||