Adhikarana 1 (1-2) · Śloka 2
অথাতো যন্ত্রবিধিমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो यन्त्रविधिमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইত্যাদি| যন্ত্রং শল্যানামাহরণোপাযঃ, বিধিঃ কল্পনং ভেদো বা||১-২||
Adhikarana 2 (3) · Śloka 3
যন্ত্রশতমেকোত্তরম্; অত্র হস্তমেব প্রধানতমং যন্ত্রাণামবগচ্ছ, (কিং কারণং ? যস্মাদ্ধস্তাদৃতে যন্ত্রাণামপ্রবৃত্তিরেব) তদধীনত্বাদ্যন্ত্রকর্মণাম্ ||৩||
यन्त्रशतमेकोत्तरम्; अत्र हस्तमेव प्रधानतमं यन्त्राणामवगच्छ, (किं कारणं ? यस्माद्धस्तादृते यन्त्राणामप्रवृत्तिरेव) तदधीनत्वाद्यन्त्रकर्मणाम् ||३||
🔊 Audio coming soon
যন্ত্রাণাং সঙ্খ্যামাহ- যন্ত্রশতমিত্যাদি| একোত্তরমেকাধিকম্; অন্যে তু শতশব্দোঽসঙ্খ্যেযবাচী , উত্তরশব্দঃ প্রধানবাচী; এতেন যন্ত্রাণামসঙ্খ্যেযত্বমুক্তমেকস্য প্রধানত্বং চেতি ব্যাখ্যানযন্তি| অত্র যত্ প্রধানং তদেব দর্শযতি- অত্র হস্তমেবেত্যাদি| প্রধানতমমতিশযেন প্রধানম্| অবগচ্ছ জানীহি| যদ্যপ্যগ্রে কঙ্কমুখস্য প্রধানত্বমুক্তমস্তি, তথাঽপি হস্তস্য প্রাধান্যং ন বিরুধ্যতে, প্রধানতমত্বাত্তস্যেতি| প্রধানত্বে হেতুমাহ- তদধীনত্বাদ্যন্ত্রকর্মণামিতি| হস্তাযত্তত্বাদ্যন্ত্রকর্মণামিত্যর্থঃ| অন্যে ত্বন্যথা পঠন্তি- ‘কিং কারণং? যস্মাদ্ধস্তাদৃতে যন্ত্রাণামপ্রবৃত্তিরেব তদধীনত্বাদ্যন্ত্রকর্মণাম্’ ইতি||৩||
Adhikarana 3 (4) · Śloka 4
তত্র, মনঃশরীরাবাধকরাণি শল্যানি; তেষামাহরণোপাযো যন্ত্রাণি ||৪||
तत्र, मनःशरीराबाधकराणि शल्यानि; तेषामाहरणोपायो यन्त्राणि ||४||
🔊 Audio coming soon
ইদানীং যন্ত্রব্যাপিলক্ষণপরিভাষাং প্রতিপাদযন্নাহ- তত্র মন ইত্যাদি| তত্রেতি তস্মিন্ বক্ষ্যমাণে শল্যবিনিশ্চযে||৪||
Adhikarana 4 (5) · Śloka 5
তানি ষট্প্রকারাণি; তদ্যথা- স্বস্তিকযন্ত্রাণি, সন্দংশযন্ত্রাণি, তালযন্ত্রাণি, নাডীযন্ত্রাণি, শলাকাযন্ত্রাণি, উপযন্ত্রাণি চেতি ||৫||
तानि षट्प्रकाराणि; तद्यथा- स्वस्तिकयन्त्राणि, सन्दंशयन्त्राणि, तालयन्त्राणि, नाडीयन्त्राणि, शलाकायन्त्राणि, उपयन्त्राणि चेति ||५||
🔊 Audio coming soon
তানীত্যাদি| প্রকারো ভেদঃ সাদৃশ্যং চ, তেষাং ষড্ভেদাঃ স্বস্তিকাদযঃ, সাদৃশ্যানি বা ষট্ স্বস্তিকাদীনাং সাদৃশ্যাদেব| প্রতিজ্ঞাতান্ ষট্প্রকারান্ দর্শযিতুমাহ- তদ্যথেত্যাদি| স্বস্তিকং চতুরঙ্গং পিষ্টঘটিতং, তদাকৃতীনি চতুরবযবানি স্বস্তিকযন্ত্রাণ্যুচ্যন্তে| শেষাণামপি নামভিরেবাকৃতযো জ্ঞাতব্যাঃ||৫||
Adhikarana 5 (6) · Śloka 6
তত্র চতুর্বিংশতিঃ স্বস্তিকযন্ত্রাণি , দ্বে সন্দংশযন্ত্রে, দ্বে এব তালযন্ত্রে , বিংশতির্নাড্যঃ, অষ্টাবিংশতিঃ শলাকাঃ, পঞ্চবিংশতিরুপযন্ত্রাণি ||৬||
तत्र चतुर्विंशतिः स्वस्तिकयन्त्राणि , द्वे सन्दंशयन्त्रे, द्वे एव तालयन्त्रे , विंशतिर्नाड्यः, अष्टाविंशतिः शलाकाः, पञ्चविंशतिरुपयन्त्राणि ||६||
🔊 Audio coming soon
তত্র চতুর্বিংশতিরিত্যাদি| দ্বে এব তালযন্ত্রে ইতি, ননু এবশব্দং বিনাঽপি দ্বে তালযন্ত্রে লব্ধে, তত্ কিমেবশব্দেন? উচ্যতে- এবশব্দোঽযং স্বস্তিকাদিষু নির্দিষ্টাং সঙ্খ্যাং ব্যভিচারযতি, তেন শল্যাকৃতিমবেক্ষ্য স্বস্তিকাদীনি যন্ত্রাণ্যধিকান্যপি কার্যাণি, তালযন্ত্রে দ্বে এব, এবং সতি ন দোষঃ||৬||
Adhikarana 6 (7) · Śloka 7
তানি প্রাযশো লৌহানি ভবন্তি; তত্প্রতিরূপকাণি বা তদলাভে ||৭||
तानि प्रायशो लौहानि भवन्ति; तत्प्रतिरूपकाणि वा तदलाभे ||७||
🔊 Audio coming soon
কিন্দ্রব্যাণি পুনর্যন্ত্রাণি কর্তব্যানীত্যাহ- তানি প্রাযশ ইত্যাদি| লোহাঃ পঞ্চ সুবর্ণাদযঃ, তত্কৃতানি লৌহানীত্যুচ্যন্তে| তত্প্রতিরূপকাণি লোহপ্রতিরূপকাণি বা লোহাভাবে; তানি দন্তশৃঙ্গদারূণি যন্ত্রযোনিত্বেনোক্তানীতি ব্যাখ্যানযন্তি| (লোহবেণুবৃক্ষসূত্রশৃঙ্গবল্কলতৃণানি স্নাযুপ্রতানা অশ্মানশ্চেত্যেতেভ্যো যন্ত্রাণি নিষ্পাদ্যন্তে) ||৭||
Adhikarana 7 (8) · Śloka 8
তত্র, নানাপ্রকারাণাং ব্যালানাং মৃগপক্ষিণাং মুখৈর্মুখানি যন্ত্রাণাং প্রাযশঃ সদৃশানি; তস্মাত্তত্সারূপ্যাদাগমাদুপদেশাদন্যযন্ত্রদর্শনাদ্যুক্তিতশ্চ কারযেত্ ||৮||
तत्र, नानाप्रकाराणां व्यालानां मृगपक्षिणां मुखैर्मुखानि यन्त्राणां प्रायशः सदृशानि; तस्मात्तत्सारूप्यादागमादुपदेशादन्ययन्त्रदर्शनाद्युक्तितश्च कारयेत् ||८||
🔊 Audio coming soon
তত্র যন্ত্রাণাং সমাসেনাকৃতিং প্রসিদ্ধসাধর্ম্যাদুদাহর্তুমিচ্ছুরাহ- তত্র নানাপ্রকারাণামিত্যাদি| নানাপ্রকারাণাং বিবিধভেদানাং, ব্যালানাং মৃগপক্ষিণাং হিংস্রাণাং পশুবিহঙ্গমানাং, মুখৈঃ সদৃশানি যন্ত্রাণাং মুখানি, ‘ভবন্তি’ ইত্যধ্যাহারঃ| অত্র মৃগাঃ সিংহাদযঃ পশবঃ, পক্ষিণো বাযসাদযঃ| ব্যালানামিতি পশূনামেব বিশেষণং, নতু পক্ষিণামিত্যেকে| তস্মাদিত্যাদি| তত্সারূপ্যাদিতি ব্যালপশুপক্ষিমুখসাদৃশ্যাত্| আগমাদিতি শাস্ত্রাত্, তথাহি- ‘স্বস্তিকযন্ত্রাণ্যষ্টাদশাঙ্গুলানি’| উপদেশাদিতি বৃদ্ধবৈদ্যবচনোপদেশাত্| যুক্তিতশ্চেতি প্রযোজনতঃ, পুরুষবযোঽবযবাদিবিভাগবিচারতশ্চ||৮||
Adhikarana 8 (9) · Śloka 9
সমাহিতানি যন্ত্রাণি খরশ্লক্ষ্ণমুখানি চ | সুদৃঢানি সুরূপাণি সুগ্রহাণি চ কারযেত্ ||৯||
समाहितानि यन्त्राणि खरश्लक्ष्णमुखानि च | सुदृढानि सुरूपाणि सुग्रहाणि च कारयेत् ||९||
🔊 Audio coming soon
গদ্যোক্তং শ্লোকেনোপসংহরন্নাহ- সমাহিতানীত্যাদি| সমাহিতানি ন্যূনাতিরিক্তমানবর্জিতানি| খরশ্লক্ষ্ণমুখানি দৃঢমসৃণমুখানি, অন্যে তু কার্যভেদাত্ কানিচিত্ খরমুখানি কানিচিত্ শ্লক্ষ্ণমুখানি; তত্র খরমুখানি কঙ্কমুখাদীনি, শ্লক্ষ্ণমুখানি সিংহমুখাদীনি| সুদৃঢানি সমুদাযেন| সুগ্রহাণি সুবারঙ্গাণি||৯||
Adhikarana 9 (10) · Śloka 10
তত্র স্বস্তিকযন্ত্রাণি- অষ্টাদশাঙ্গুলপ্রমাণানি, সিংহব্যাঘ্রবৃকতরক্ষ্বৃক্ষদ্বীপিমার্জারশৃগালমৃগৈর্বারুককাককঙ্ককুররচাসভাসশশঘাত্যুলূকচিল্লিশ্যেন- গৃধ্রক্রৌঞ্চভৃঙ্গরাজাঞ্জলিকর্ণাবভঞ্জননন্দীমুখমুখানি , মসূরাকৃতিভিঃ কীলৈরববদ্ধানি , মূলেঽঙ্কুশবদাবৃত্তবারঙ্গাণি , অস্থিবিদষ্টশল্যোদ্ধরণার্থমুপদিশ্যন্তে ||১০||
तत्र स्वस्तिकयन्त्राणि- अष्टादशाङ्गुलप्रमाणानि, सिंहव्याघ्रवृकतरक्ष्वृक्षद्वीपिमार्जारशृगालमृगैर्वारुककाककङ्ककुररचासभासशशघात्युलूकचिल्लिश्येन- गृध्रक्रौञ्चभृङ्गराजाञ्जलिकर्णावभञ्जननन्दीमुखमुखानि , मसूराकृतिभिः कीलैरवबद्धानि , मूलेऽङ्कुशवदावृत्तवारङ्गाणि , अस्थिविदष्टशल्योद्धरणार्थमुपदिश्यन्ते ||१०||
🔊 Audio coming soon
তত্র স্বস্তিকযন্ত্রাণ্যেব প্রমাণাকারাভ্যাং দর্শযন্নাহ- তত্র স্বস্তিকেত্যাদি| তত্র সিংহাদযো নব ব্যালমৃগাঃ, কাকাদযঃ পঞ্চদশ পক্ষিণঃ, এষাং মুখসাদৃশ্যাচ্চতুর্বিংশতিঃ| তরক্ষুঃ ‘জরখ’ ইতি লোকে; ঋক্ষঃ ভল্লূকোঽতিলোমশঃ, ‘রীঞ্ছ’ ইতি লোকে; দ্বীপী চিত্রব্যাঘ্রঃ, ‘চিত্রক’ (চিতা) ইতি লোকে; মার্জারঃ বিডালঃ; মৃগৈর্বারুকঃ ‘হরিণদ্রু’ ইতি লোকে; কঙ্কঃ কঙ্কমল্লো দীর্ঘচঞ্চুর্মহাপ্রমাণঃ, দহা(গ্ধ)কাকমন্যে; কুররশ্চিরিল্লাকারো নাদোত্থাপিতমত্স্যঃ, ‘কুরল’ ইতি লোকে; ভাসঃ গোকুলচারী গৃধ্রবিশেষঃ; শশঘাতী ‘শশারি’ ইতি লোকে; চিল্লিঃ ‘চিল্ল’ ইতি লোকে; শ্যেনঃ সিঞ্চানো গরুডান্বযে; গৃধ্রঃ মহাপ্রমাণঃ স তু যোজনদৃষ্টিরামিষাশী চ; ক্রৌঞ্চঃ ‘কুরঞ্জ’ (কোঞ্চি) ইতি লোকে; ভৃঙ্গরাজঃ ‘কালচটক’ ইতি পারিযাত্রীযাঃ, কান্যকুব্জাস্তু ‘পেঙ্গি’ ইতি; অঞ্জলিকর্ণাবভঞ্জনযোঃ সুশ্রুতচরকাদিটীকাসু পর্যাযো ন দৃশ্যতে তস্মাদ্দেশান্তরে লোকাদবগন্তব্যৌ; নন্দীমুখঃ পত্রাটী| মসূরাকৃতিভিঃ কীলৈঃ শল্যৈরববদ্ধানি কীলিতানি, ‘স্কন্ধপ্রদেশে’ ইতি বাক্যশেষঃ; অন্যে তু ‘তৃতীযে ভাগে’ ইতি বাক্যশেষং মন্যন্তে| মূলেঽঙ্কুশবদাবৃত্তবারঙ্গাণীতি অঙ্কুশবদাবৃত্তং বক্রং বারঙ্গং গ্রহণস্থানং যেষাং তানি তথোক্তানি| অস্থিবিদষ্টম্ অস্থিনিমগ্নম্||১০||
Adhikarana 10 (11) · Śloka 11
সনিগ্রহোঽনিগ্রহশ্চ সন্দংশৌ ষোডশাঙ্গুলৌ ভবতঃ, ত্বঙ্মাংসসিরাস্নাযুগতশল্যোদ্ধরণার্থমুপদিশ্যেতে ||১১||
सनिग्रहोऽनिग्रहश्च सन्दंशौ षोडशाङ्गुलौ भवतः, त्वङ्मांससिरास्नायुगतशल्योद्धरणार्थमुपदिश्येते ||११||
🔊 Audio coming soon
সনিগ্রহোঽনিগ্রহশ্চেতি সনিগ্রহানিগ্রহৌ দ্বৌ সন্দংশৌ, একঃ সনিগ্রহঃ সবারঙ্গো নাপিতস্যেব, অন্যশ্চানিগ্রহোঽনিবন্ধনঃ সুবর্ণকারস্যেব; অন্যে তু সনিগ্রহো লোহকারসন্দংশ ইব কীলবদ্ধ ইতি মন্যন্তে||১১||
Adhikarana 11 (12) · Śloka 12
তালযন্ত্রে - দ্বাদশাঙ্গুলে মত্স্যতালবদেকতালদ্বিতালকে, কর্ণনাসানাডীশল্যানামাহরণার্থম্ ||১২||
तालयन्त्रे - द्वादशाङ्गुले मत्स्यतालवदेकतालद्वितालके, कर्णनासानाडीशल्यानामाहरणार्थम् ||१२||
🔊 Audio coming soon
তালযন্ত্রে ইত্যাদি| তালসঞ্জ্ঞকে দ্বে যন্ত্রে, দ্বে অপি দ্বাদশাঙ্গুলপ্রমাণে| তযোরাকারমাহ- মত্স্যতালবদিতি| তালমত্র শকলমাহুঃ, মত্স্যস্য মীনস্য, তালতুল্যে প্রতনুমুখে ইত্যর্থঃ| কে তে দ্বে ইত্যাহ- একতালদ্বিতালকে ইতি| অত্র তালশব্দেন প্রদেশ উচ্যতে; এতেন একং তালম্ একঃ প্রদেশো যস্য তদেকতালং, দ্বে তালে দ্বৌ প্রদেশৌ যস্য তদ্দ্বিতালকম্; এতেন মত্স্যস্য শকলবত্প্রতনুমুখৈকপ্রদেশমেকতালং, মত্স্যশকলবত্প্রতনুমুখদ্বিপ্রদেশং দ্বিতালমিত্যুক্তম্| পরিণাহস্তু কর্ণাদিপ্রবেশী জ্ঞেযঃ| অন্যে তু ‘মত্স্যতালুকবদেকতালকদ্বিতালকে’ ইতি পঠন্তি, ব্যাখ্যানযন্তি চ- মত্স্যোঽত্র ভেদুলির্নামমত্স্যঃ, তস্য লৌহমযতালকাকারং মুখং ভবতি, অতস্তন্মুখার্ধাকারং যন্ত্রমেকতালকং, সর্বমুখাকারং দ্বিতালকং, তালকোঽত্রাপবারকাদিকপাটসন্ধিবন্ধনং লৌহমযমুচ্যতে| কর্ণনাসাশল্যং গূথকেশাদি||১২||
Adhikarana 12 (13) · Śloka 13
নাডীযন্ত্রাণি - অনেকপ্রকারাণি, অনেকপ্রযোজনানি, একতোমুখান্যুভযতোমুখানি চ; তানি স্রোতোগতশল্যোদ্ধরণার্থং, রোগদর্শনার্থম্, আচূষণার্থং, ক্রিযাসৌকর্যার্থং চেতি; তানি স্রোতোদ্বারপরিণাহানি, যথাযোগদীর্ঘাণি চ | তত্র ভগন্দরার্শোব্রণবস্ত্যুত্তরবস্তিমূত্রবৃদ্ধিদকোদরধূমনিরুদ্ধপ্রকশসন্নিরুদ্ধগুদযন্ত্রাণ্যলাবূশৃঙ্গযন্ত্রাণি চোপরিষ্টাদ্বক্ষ্যামঃ ||১৩||
नाडीयन्त्राणि - अनेकप्रकाराणि, अनेकप्रयोजनानि, एकतोमुखान्युभयतोमुखानि च; तानि स्रोतोगतशल्योद्धरणार्थं, रोगदर्शनार्थम्, आचूषणार्थं, क्रियासौकर्यार्थं चेति; तानि स्रोतोद्वारपरिणाहानि, यथायोगदीर्घाणि च | तत्र भगन्दरार्शोव्रणबस्त्युत्तरबस्तिमूत्रवृद्धिदकोदरधूमनिरुद्धप्रकशसन्निरुद्धगुदयन्त्राण्यलाबूशृङ्गयन्त्राणि चोपरिष्टाद्वक्ष्यामः ||१३||
🔊 Audio coming soon
নাডীযন্ত্রাণ্যপীত্যাদি| নাডী(লী)যন্ত্রাণীতি নাডী(লী)বন্মধ্যচ্ছিদ্রাণি| একতোমুখানি রক্তাহরণার্থান্যলাবূভগন্দরার্শোযন্ত্রাদীনি; উভযতোমুখানি বস্ত্যুত্তরবস্তিধূমযন্ত্রাদীনি| তানি স্রোতোগতশল্যোদ্ধরণার্থমিতি তানি নাডীযন্ত্রাণি স্রোতোগতশল্যোদ্ধরণপ্রযোজনানি; তথাহি- ‘লাক্ষাশল্যে কণ্ঠাসক্তে কণ্ঠে নাডীং দত্ত্বা তপ্তযা লোহশলাকযাঽঽকর্ষযেত্’- (সূ. অ. ২৭) ইত্যাদিকম্| রোগদর্শনার্থমিতি রোগা আভ্যন্তরার্শঃপ্রভৃতযঃ| আচূষণার্থমিতি অস্থিগতবাযোর্দুষ্টরক্তস্তন্যযোরাকর্ষ(চূষ)ণার্থম্| ক্রিযাসৌকর্যার্থমিতি আভ্যন্তরার্শঃপ্রভৃতিষু শস্ত্রক্ষারাগ্ন্যাদিক্রিযাযাঃ সুকরত্বায সুখকরণাযেত্যর্থঃ| তানি স্রোতোদ্বারপরিণাহানীতি বর্তুলত্বেন স্রোতোদ্বারতুল্যানি| ননু, ‘বিংশতির্নাড্যঃ’ ইতি পূর্বমেবোক্তং, ইহ তু ভগন্দরার্শোব্রণেত্যাদিনা নাডীযন্ত্রাণ্যলাবুশৃঙ্গান্তানি দ্বাদশ, তত্ কথং বিংশতিঃ পূর্যতে? উচ্যতে , ভগন্দরযন্ত্রে দ্বে একমেকচ্ছিদ্রম্, অপরং দ্বিচ্ছিদ্রম্; অর্শোযন্ত্রে অপি দ্বে একচ্ছিদ্রদ্বিচ্ছিদ্রভেদেন; ব্রণযন্ত্রমেকং ব্রণচ্ছিদ্রাযামপরিণাহং; বস্তিনেত্রং চতুর্বিধং বযোভেদেন, অন্যে ত্রিবিধমাহুঃ; উত্তরবস্তিনেত্রং দ্বিবিধং পুংসাং স্ত্রীণাং চ, একে ত্রিবিধমাহুঃ; মূত্রবৃদ্ধিদকোদরযোর্দ্বে-মূত্রবৃদ্ধিস্রাবণার্থমেকং, দকোদরস্রাবণার্থং চৈকং; ধূমনেত্রাণি ত্রীণি একং বৈরেচনিকম্, অপরং স্নৈহিকম্, অন্যচ্চ প্রাযোগিকং; নিরুদ্ধপ্রকশযন্ত্রমেকং; সন্নিরুদ্ধগুদযন্ত্রমেকম্; অলাবুযন্ত্রমেকং, শৃঙ্গযন্ত্রমেকম্; এবং বিংশতির্নাডীযন্ত্রাণি||১৩||
Adhikarana 13 (14) · Śloka 14
শলাকাযন্ত্রাণ্যপি নানাপ্রকারাণি, নানাপ্রযোজনানি, যথাযোগপরিণাহদীর্ঘাণি চ; তেষাং গণ্ডূপদসর্পফণশরপুঙ্খবডিশমুখে দ্বে দ্বে, এষণব্যূহনচালনাহরণার্থমুপদিশ্যেতে ; মসূরদলমাত্রমুখে দ্বে কিঞ্চিদানতাগ্রে স্রোতোগতশল্যোদ্ধরণার্থং; ষট্ কার্পাসকৃতোষ্ণীষাণি , প্রমার্জনক্রিযাসু; ত্রীণি দর্ব্যাকৃতীনি খল্লমুখানি, ক্ষারৌষধপ্রণিধানার্থং ; ত্রীণ্যন্যানি জাম্বববদনানি, ত্রীণ্যঙ্কুশবদনানি, ষডেবাগ্নিকর্মস্বভিপ্রেতানি; নাসার্বুদহরণার্থমেকং কোলাস্থিদলমাত্রমুখং খল্লতীক্ষ্ণৌষ্ঠং ; অঞ্জনার্থমেকং কলাযপরিমণ্ডলমুভযতো মুকুলাগ্রং; মূত্রমার্গবিশোধনার্থমেকং মালতীপুষ্পবৃন্তাগ্রপ্রমাণপরিমণ্ডলমিতি ||১৪||
शलाकायन्त्राण्यपि नानाप्रकाराणि, नानाप्रयोजनानि, यथायोगपरिणाहदीर्घाणि च; तेषां गण्डूपदसर्पफणशरपुङ्खबडिशमुखे द्वे द्वे, एषणव्यूहनचालनाहरणार्थमुपदिश्येते ; मसूरदलमात्रमुखे द्वे किञ्चिदानताग्रे स्रोतोगतशल्योद्धरणार्थं; षट् कार्पासकृतोष्णीषाणि , प्रमार्जनक्रियासु; त्रीणि दर्व्याकृतीनि खल्लमुखानि, क्षारौषधप्रणिधानार्थं ; त्रीण्यन्यानि जाम्बववदनानि, त्रीण्यङ्कुशवदनानि, षडेवाग्निकर्मस्वभिप्रेतानि; नासार्बुदहरणार्थमेकं कोलास्थिदलमात्रमुखं खल्लतीक्ष्णौष्ठं ; अञ्जनार्थमेकं कलायपरिमण्डलमुभयतो मुकुलाग्रं; मूत्रमार्गविशोधनार्थमेकं मालतीपुष्पवृन्ताग्रप्रमाणपरिमण्डलमिति ||१४||
🔊 Audio coming soon
শলাকাযন্ত্রাণি নির্দেষ্টুমাহ- শলাকাযন্ত্রাণ্যপীত্যাদি| যথাযোগপরিণাহদীর্ঘাণীতি পরিণাহো বর্তুলতা| তেষাং শলাকাযন্ত্রাণাং মধ্যে| গণ্ডূপদেত্যাদৌ মুখশব্দো গণ্ডূপদাদিভিঃ সহ প্রত্যেকং সম্বধ্যতে; তেন গণ্ডূপদমুখে দ্বে, সর্পফণমুখে দ্বে, এবং শেষযোরপি| শরপুঙ্খঃ শরগুণসন্ধানস্থানম্| বডিশো মত্স্যবন্ধনম্| তেষাং চতুর্ণাং গণ্ডূপদমুখাদীনাং যথাসঙ্খ্যেন প্রযোজনমাহ- এষণেত্যাদি|- এষণং গম্ভীরপাকাদৌ পূযাদ্যন্বেষণং; ব্যূহনমূর্ধ্বীকরণং ছিত্ত্বোত্তুণ্ডিতস্যোদ্ধরণার্থং, বারঙ্গেণানুসরণমিত্যেকে | মসূরদলেতি মসূরস্য দলিতস্য নিস্তুষখণ্ডং দলমিত্যুচ্যতে| কিঞ্চিদানতাগ্রে ইতি মনাগ্বক্রাগ্রে| ষট্ কার্পাসকৃতোষ্ণীষাণীতি তূলবেষ্টিতাগ্রাণি, প্রমার্জনক্রিযাসু প্রোঞ্ছনক্রিযাসু| ত্রীণি দর্ব্যাকৃতীনীতি দর্বী দারুহস্তকঃ| খল্লমুখানি নিম্নমুখানি| জাম্বববদনানীতি জম্বুফলমুখাকৃতীনি| কোলাস্থিদলমাত্রমুখমিতি বদরাস্থিমজ্জবিদলপ্রমাণং; খল্লতীক্ষ্ণৌষ্ঠমিতি খল্লং নিম্নং মধ্যে বোদ্ধব্যং, তীক্ষ্ণৌষ্ঠং ত্বন্তে| কলাযপরিমণ্ডলমিতি কলাযমাত্রং পরিতো মণ্ডলং বর্তুলম্, উভযতো মুকুলাগ্রমিতি দ্বযোরন্তযোঃ কলিকাবদগ্রং; দৈর্ঘ্যেণ ত্বষ্টাঙ্গুলং শালাক্যোক্তত্বাত্| গণ্ডূপদমুখাদীনামঙ্কুশবদনান্তানাং শলাকাযন্ত্রাণাং তুল্যাকৃতিত্বেঽপি দ্বিত্বষট্ত্বাদীনি কার্যাপেক্ষীণি||১৪||
Adhikarana 14 (15-16) · Śloka 16
উপযন্ত্রাণ্যপি- রজ্জুবেণিকাপট্টচর্মান্তবল্কললতাবস্ত্রাষ্ঠীলাশ্মমুদ্গরপাণিপাদতলাঙ্গুলিজিহ্বা- দন্তনখমুখবালাশ্বকটকশাখাষ্ঠীবনপ্রবাহণহর্ষাযস্কান্তমযানি ক্ষারাগ্নিভেষজানি চেতি ||১৫|| এতানি দেহে সর্বস্মিন্ দেহস্যাবযবে তথা | সন্ধৌ কোষ্ঠে ধমন্যাং চ যথাযোগং প্রযোজযেত্ ||১৬||
उपयन्त्राण्यपि- रज्जुवेणिकापट्टचर्मान्तवल्कललतावस्त्राष्ठीलाश्ममुद्गरपाणिपादतलाङ्गुलिजिह्वा- दन्तनखमुखबालाश्वकटकशाखाष्ठीवनप्रवाहणहर्षायस्कान्तमयानि क्षाराग्निभेषजानि चेति ||१५|| एतानि देहे सर्वस्मिन् देहस्यावयवे तथा | सन्धौ कोष्ठे धमन्यां च यथायोगं प्रयोजयेत् ||१६||
🔊 Audio coming soon
উপযন্ত্রাণি নির্দেষ্টুমাহ- উপযন্ত্রাণ্যপীত্যাদি| উপযন্ত্রাণীতি যন্ত্রসমীপবর্তীনি, হীনযন্ত্রাণীত্যন্যে | রজ্জুঃ মুঞ্জাদিবিরচিতো গুণঃ; বেণিকা গুণত্রযগ্রথিতা; চর্মান্তং চর্মাবযবঃ, অত্র `বর্মান্তম্’ ইত্যেকে পঠন্তি, বর্ম সন্নাহঃ; বল্কলং পলাশোদুম্বরাদীনাং ত্বক্, সা চ ভগ্নাদিবন্ধনযন্ত্রার্থং; লতা প্রতানিনী ‘বেলি’ ইতি লোকে; বস্ত্রং কর্পটঃ; অষ্ঠীলাশ্মেতি অষ্ঠীলা দীর্ঘবর্তুলপাষাণঃ, অন্যে লৌহকারাণাং লৌহীং দীর্ঘবর্তুলভাণ্ডিকামাহুঃ, তযা তুল্যোঽশ্মা অষ্ঠীলাশ্মা, স চাষ্ঠীলাশ্মা প্রসিদ্ধঃ; মুদ্গরঃ কাষ্ঠাদিকৃতঃ, অযমস্থিবিদষ্টশল্যস্য চালনার্থং; পাণিপাদতলমিতি তলশব্দঃ পাণিপাদাভ্যাং সহ প্রত্যেকং সম্বধ্যতে; অশ্বকটকঃ ঘোটককবিকাচূডকং, শাখা বৃক্ষস্য, অনযোঃ প্রযোজনং শল্যাপনযনীযে বক্ষ্যতি; ষ্ঠীবনং শ্লেষ্মাদিনিরসনং; প্রবাহণং বমনবিরেচনাশ্রুপ্রবর্তনাদি যথাসঙ্খ্যং কফপিত্তাক্ষিরজঃশল্যাদিষু; হর্ষঃ তুষ্টিঃ; অযস্কান্তঃ পাষাণবিশেষঃ, আকর্ষকদ্রাবকচুম্বকভ্রামকভেদাচ্চতুর্বিধঃ| ইতিশব্দঃ সমাপ্তৌ, সমাপ্তানি যন্ত্রাণীতি| স্বভাবপাচনপ্রমার্জনাদযোঽনববদ্ধশল্যোদ্ধরণহেতবো রজ্জ্বাদ্যুপযন্ত্রেষ্বেবান্তর্ভূতা ইতি পৃথঙ্নোক্তাঃ| তদ্যথা- প্রবাহণগ্রহণেন তাবদশ্রুক্ষবথুপ্রভৃতীনামপ্যত্র গ্রহণমিত্যাদিকং বোদ্ধব্যম্||১৫-১৬||
Adhikarana 15 (17) · Śloka 17
যন্ত্রকর্মাণি তু- নির্ঘাতনপূরণবন্ধনব্যূহনবর্তনচালনবিবর্তনবিবরণপীডনমার্গবিশোধনবিকর্ষণাহরণাঞ্ছনোন্নমন- বিনমনভঞ্জনোন্মথনাচূষণৈষণদারণর্জূকরণপ্রক্ষালনপ্রধমনপ্রমার্জনানি চতুর্বিংশতিঃ ||১৭||
यन्त्रकर्माणि तु- निर्घातनपूरणबन्धनव्यूहनवर्तनचालनविवर्तनविवरणपीडनमार्गविशोधनविकर्षणाहरणाञ्छनोन्नमन- विनमनभञ्जनोन्मथनाचूषणैषणदारणर्जूकरणप्रक्षालनप्रधमनप्रमार्जनानि चतुर्विंशतिः ||१७||
🔊 Audio coming soon
কানি পুনর্যন্ত্রাণাং কর্মাণীত্যাহ- যন্ত্রকর্মাণি ত্বিত্যাদি| নির্ঘাতনম্ ইতশ্চেতশ্চ বিচাল্য নির্হরণম্, ইতশ্চেতশ্চ ঘট্টনমিত্যেকে; পূরণং বস্তিনেত্রপ্রভৃতিভিস্তৈলাদিনা; বন্ধনং রজ্জ্বাদিনা; ব্যূহনম্ অত্রৈবাধ্যাযে ব্যাখ্যাতং প্রাক্; বর্তনং বিসৃতস্য বর্তুলীকরণং; চালনং স্থানাত্ স্থানান্তরনযনম্, অন্যে শল্যকম্পনমাহুঃ; বিবর্তনং কর্ণবাযোর্নিষ্কাসযিতুমিষ্টস্য কর্ণলগ্নস্য পুনর্নিবর্তনম্, অন্যে যন্ত্রস্য ভ্রামণমন্তরে বা; বিবরণং প্রকাশনং, মাংসচ্ছেদাবকাশদানেন বিবরণমিত্যেকে, ‘বিবরণং প্রসারণম্’ ইতি লক্ষ্মণটিপ্পণকেনোক্তং; পীডনং ব্রণস্য পূযাদিনির্গমনার্থমঙ্গুল্যাদিনা; মার্গবিশোধনং মূত্রপুরীষসঙ্গে; বিকর্ষণং বিগৃহ্য কর্ষণম, অন্যে মাংসাদিপ্রতিবদ্ধশল্যস্য মোচনমাহুঃ; আহরণমানযনম্; আঞ্ছনম্ ঈষন্মুখানযনম্, ঈষন্মুখে আনযনমিত্যর্থঃ; উন্নমনমধঃস্থিতস্য শরকর্ণাদেরূর্ধ্বং নযনং; বিনমনং নিম্নী(নম্রী)করণং; ভঞ্জনং শরকর্ণাদেরামর্দনং, সমন্ততো মর্দনমিত্যন্যে; উন্মথনং প্রনষ্টস্য শল্যস্য মার্গে শলাকাদিভিরালোডনম্; আচূষণং বিষদুষ্টস্তন্যরুধিরেষু শৃঙ্গালাবূভ্যাং মুখেন বা; এষণং গণ্ডূপদমুখেন গতিব্রণোত্সঙ্গশল্যাদীনাং; দারণং শরকর্ণাদিদ্বিধাকরণম্; ঋজূকরণং কুটিলশল্যস্য; প্রক্ষালনং তোযাদিভির্ব্রণোত্সঙ্গাদীনাং; প্রধমনং শ্লেষ্মশল্যসঙ্গে নাসিকাযাং নাড্যা চূর্ণক্ষেপণং; প্রমার্জনং প্রোঞ্ছনং বালাঙ্গুলিবস্ত্রৈরক্ষিরজঃশল্যাদিষু||১৭||
Adhikarana 16 (18) · Śloka 18
স্ববুদ্ধ্যা চাপি বিভজেদ্যন্ত্রকর্মাণি বুদ্ধিমান্ | অসঙ্খ্যেযবিকল্পত্বাচ্ছল্যানামিতি নিশ্চযঃ ||১৮||
स्वबुद्ध्या चापि विभजेद्यन्त्रकर्माणि बुद्धिमान् | असङ्ख्येयविकल्पत्वाच्छल्यानामिति निश्चयः ||१८||
🔊 Audio coming soon
ইদানীং নানাবিধশল্যাকারেণ কর্মণাং বহুত্বাত্ সঙ্খ্যাযামনিযমং দর্শযন্নাহ- স্ববুদ্ধ্যা চাপীত্যাদি||১৮||
Adhikarana 17 (19) · Śloka 19
তত্র, অতিস্থূলম্, অসারম্, অতিদীর্ঘম্, অতিহ্রস্বম্, অগ্রাহি, বিষমগ্রাহি, বক্রং, শিথিলম্, অত্যুন্নতম্, মৃদুকীলং, মৃদুমুখং, মৃদুপাশম্, ইতি দ্বাদশ যন্ত্রদোষাঃ ||১৯||
तत्र, अतिस्थूलम्, असारम्, अतिदीर्घम्, अतिह्रस्वम्, अग्राहि, विषमग्राहि, वक्रं, शिथिलम्, अत्युन्नतम्, मृदुकीलं, मृदुमुखं, मृदुपाशम्, इति द्वादश यन्त्रदोषाः ||१९||
🔊 Audio coming soon
যন্ত্রদোষান্ বক্তুমাহ- তত্রাতিস্থূলমিত্যাদি| অসারমশুদ্ধলোহাদিঘটিতম্| অগ্রাহি বিকৃতমুখম্| বিষমগ্রাহি একদেশগ্রাহি| বক্রম্ অনৃজু| শিথিলং পীডনাক্ষমম্| অত্যুন্নতম্ উচ্ছ্রিতকীলকাদি| মৃদুকীলং দুর্বলশল্যম্| অন্যে তু ‘বক্রশিথিলাত্যুন্নতমৃদুকীলং’ ইতি পঠন্তি, ব্যাখ্যানযন্তি চ- অত্র কীলশব্দো বক্রাদিভিঃ সহ প্রত্যেকং সম্বধ্যতে; তেন বক্রকীলমিত্যাদি যোজ্যম্| মৃদুপাশং তনুপাশম্| মৃদুমুখং শল্যপীডনাসহমুখম্| এতে প্রাযেণ স্বস্তিকযন্ত্রাণাং দোষা বোদ্ধব্যাঃ||১৯||
Adhikarana 18 (20) · Śloka 20
এতৈর্দোষৈর্বিনির্মুক্তং যন্ত্রমষ্টাদশাঙ্গুলম্ | প্রশস্তং ভিষজা জ্ঞেযং তদ্ধি কর্মসু যোজযেত্ ||২০||
एतैर्दोषैर्विनिर्मुक्तं यन्त्रमष्टादशाङ्गुलम् | प्रशस्तं भिषजा ज्ञेयं तद्धि कर्मसु योजयेत् ||२०||
🔊 Audio coming soon
যন্ত্রস্য প্রশস্তত্বং বক্তুমাহ- এতৈর্দোষৈরিত্যাদি||২০||
Adhikarana 19 (21) · Śloka 21
দৃশ্যং সিংহমুখাদ্যৈস্তু গূঢং কঙ্কমুখাদিভিঃ | নির্হরেত শনৈঃ শল্যং শাস্ত্রযুক্তিব্যপেক্ষযা ||২১||
दृश्यं सिंहमुखाद्यैस्तु गूढं कङ्कमुखादिभिः | निर्हरेत शनैः शल्यं शास्त्रयुक्तिव्यपेक्षया ||२१||
🔊 Audio coming soon
স্বস্তিকযন্ত্রাণাং বিষযভেদং দর্শযন্নাহ- দৃশ্যমিত্যাদি| দৃশ্যং দর্শনগতং শল্যং, গূঢম্ অদৃশ্যম্| কঙ্কমুখাদিভিরিতি অত্রাদিশব্দঃ প্রধানবাচী, তেন কঙ্কমুখমাদি প্রধানং যেষাং তৈর্নির্হরেদিত্যর্থঃ; যদি পুনরিহাদিশব্দঃ প্রধানবাচী ন স্যাত্তদা কাকমুখস্য গ্রহণং ন স্যাদিতি| শাস্ত্রযুক্তিব্যপেক্ষযেতি বিবিধা অপেক্ষা ব্যপেক্ষা, বিশিষ্টা অপেক্ষা বা||২১||
Adhikarana 20 (22) · Śloka 22
নি(বি)বর্ততে সাধ্ববগাহতে চ শল্যং নিগৃহ্যোদ্ধরতে চ যস্মাত্ | যন্ত্রেষ্বতঃ কঙ্কমুখং প্রধানং স্থানেষু সর্বেষ্বধি(বি)কারি চৈব ||২২||
नि(वि)वर्तते साध्ववगाहते च शल्यं निगृह्योद्धरते च यस्मात् | यन्त्रेष्वतः कङ्कमुखं प्रधानं स्थानेषु सर्वेष्वधि(वि)कारि चैव ||२२||
🔊 Audio coming soon
কঙ্কমুখস্য প্রাধান্যং দর্শযন্নাহ- নিবর্তত ইত্যাদি| নিবর্ততে সাধ্বিতি সাধু ঝটিতি নিঃসরতীত্যর্থঃ, অবগাহতে প্রবিশতি চ সাধু, অন্যেষাং সিংহমুখাদীনাং স্থূলমুখত্বেন সাধ্ববগাহনসাধুনিবর্তনাভাবাত্; অন্যে বিবর্ততে বৃত্তত্বাদন্তর্ভ্রমতীত্যাহুঃ| শল্যং নিগৃহ্য গৃহীত্বা, উদ্ধরতে আকর্ষতি| স্থানেষু সর্বেষ্বিতি সন্ধিধমন্যাদিষু| অধিকারি অস্য কঙ্কমুখস্য অধিকারোঽস্তি নান্যস্য; অন্যে তু ‘অবিকারি’ ইতি পঠন্তি, তত্রাপি স এব তাত্পর্যার্থ ইতি||২২||
Adhikarana puShpikA · Śloka 7
ইতি সুশ্রুতসংহিতাযাং সূত্রস্থানে যন্ত্রবিধির্নাম সপ্তমোঽধ্যাযঃ ||৭||
इति सुश्रुतसंहितायां सूत्रस्थाने यन्त्रविधिर्नाम सप्तमोऽध्यायः ||७||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযাং সূত্রস্থানে সপ্তমোঽধ্যাযঃ||৭||