Adhikarana 1 (1-2) · Śloka 2
অথাতো যোগ্যাসূত্রীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो योग्यासूत्रीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
অথাত ইতি| যোগ্যা সম্যক্কর্মাভ্যাসঃ, যোগ্যাযাঃ সূত্রং, তদ্বিদ্যতে যস্মিন্ স তথা; অন্যে তু যোগ্যাখ্যাপকং সূত্রং যোগ্যাসূত্রং, তদধিকৃত্য কৃতোঽধ্যাযো যোগ্যাসূত্রীযঃ, তং তথা||১-২||
Adhikarana 2 (3) · Śloka 3
অধিগতসর্বশাস্ত্রার্থমপি শিষ্যং যোগ্যাং কারযেত্ | স্নেহাদিষু ছেদ্যাদিষু চ কর্মপথমুপদিশেত্ | সুবহুশ্রুতোঽপ্যকৃতযোগ্যঃ কর্মস্বযোগ্যো ভবতি ||৩||
अधिगतसर्वशास्त्रार्थमपि शिष्यं योग्यां कारयेत् | स्नेहादिषु छेद्यादिषु च कर्मपथमुपदिशेत् | सुबहुश्रुतोऽप्यकृतयोग्यः कर्मस्वयोग्यो भवति ||३||
🔊 Audio coming soon
অধিগতেত্যাদি| স্নেহাদিষ্বিতি আদিশব্দাত্ স্বেদবমনবিরেচনাস্থাপনানুবাসনাদীনাং গ্রহণং, ছেদ্যাদিষ্বিতি আদিশব্দাদ্ভেদ্যাদীনাং সপ্তানাং গ্রহণং; যদ্যপ্যস্মিন্ তন্ত্রে ছেদ্যাদিকর্মণাং প্রাধান্যং তথাপি ছেদ্যাদিষ্বপি প্রাক্ স্নেহাদি প্রযুজ্যত ইতি প্রাক্ স্নেহাদিগ্রহণম্; অন্যে ‘ছেদ্যাদিষু স্নেহাদিষু চ’ ইতি পঠন্তি| কর্মপথং ক্রিযামার্গম্| কুতোঽধিগতসর্বশাস্ত্রার্থমপি শিষ্যং যোগ্যাং কারযেদিত্যাহ- সুবহুশ্রুতোঽপীত্যাদি| অকৃতযোগ্যঃ অকৃতকর্মাভ্যাসঃ| কর্মসু ক্রিযাসু||৩||
Adhikarana 3 (4) · Śloka 4
তত্র, পুষ্পফলালাবূকালিন্দকত্রপুসৈ(সো)র্বারুকর্কারুকপ্রভৃতিষু ছেদ্যবিশেষান্ দর্শযেত্, উত্কর্তনাপকর্তনানি চোপদিশেত্; দৃতিবস্তিপ্রসেবকপ্রভৃতিষূদকপঙ্কপূর্ণেষু ভেদ্যযোগ্যাং; সরোম্ণি চর্মণ্যাততে লেখ্যস্য; মৃতপশুসিরাসূত্পলনালেষু চ বেধ্যস্য; ঘুণোপহতকাষ্ঠবেণুনলনালীশুষ্কালাবূমুখেষ্বেষ্যস্য; পনসবিম্বীবিল্বফলমজ্জমৃতপশুদন্তেষ্বাহার্যস্য; মধূচ্ছিষ্টোপলিপ্তে শাল্মলীফলকে বিস্রাব্যস্য; সূক্ষ্মঘনবস্ত্রান্তযোর্মৃদুচর্মান্তযোশ্চ সীব্যস্য; পুস্তমযপুরুষাঙ্গপ্রত্যঙ্গবিশেষেষু বন্ধনযোগ্যাং; মৃদুষু মাংসখণ্ডেষ্বগ্নিক্ষারযোগ্যাং; মৃদুচর্মমাংসপেশীষূত্পলনালেষু চ কর্ণসন্ধিবন্ধযোগ্যাম্; উদকপূর্ণঘটপার্শ্বস্রোতস্যলাবূমুখাদিষু চ নেত্রপ্রণিধানবস্তিব্রণবস্তিপীডনযোগ্যামিতি ||৪||
तत्र, पुष्पफलालाबूकालिन्दकत्रपुसै(सो)र्वारुकर्कारुकप्रभृतिषु छेद्यविशेषान् दर्शयेत्, उत्कर्तनापकर्तनानि चोपदिशेत्; दृतिबस्तिप्रसेवकप्रभृतिषूदकपङ्कपूर्णेषु भेद्ययोग्यां; सरोम्णि चर्मण्यातते लेख्यस्य; मृतपशुसिरासूत्पलनालेषु च वेध्यस्य; घुणोपहतकाष्ठवेणुनलनालीशुष्कालाबूमुखेष्वेष्यस्य; पनसबिम्बीबिल्वफलमज्जमृतपशुदन्तेष्वाहार्यस्य; मधूच्छिष्टोपलिप्ते शाल्मलीफलके विस्राव्यस्य; सूक्ष्मघनवस्त्रान्तयोर्मृदुचर्मान्तयोश्च सीव्यस्य; पुस्तमयपुरुषाङ्गप्रत्यङ्गविशेषेषु बन्धनयोग्यां; मृदुषु मांसखण्डेष्वग्निक्षारयोग्यां; मृदुचर्ममांसपेशीषूत्पलनालेषु च कर्णसन्धिबन्धयोग्याम्; उदकपूर्णघटपार्श्वस्रोतस्यलाबूमुखादिषु च नेत्रप्रणिधानबस्तिव्रणबस्तिपीडनयोग्यामिति ||४||
🔊 Audio coming soon
শল্যতন্ত্রস্য ছেদ্যাদিকর্মপ্রাধান্যাত্ প্রাক্ ছেদ্যাদিযোগ্যামুপদর্শযন্নাহ- তত্র পুষ্পফলেত্যাদি| পুষ্পফলং কূষ্মাণ্ডঃ, কালিন্দকো জোন্নালঃ কূষ্মাণ্ডভেদঃ, ত্রপুসাদযঃ কর্কটীভেদাঃ, প্রভৃতিগ্রহণাচ্ছীর্ণবৃন্তাদীনাং গ্রহণম্| ছেদ্যবিশেষানিতি গোতীর্থার্ধলাঙ্গলকপ্রভৃতীন্| উত্কর্তনম্ ঊর্ধ্বকর্তনম্, অপরকর্তনম্ অধশ্ছেদঃ| দৃতিবস্তীত্যাদি দৃতিঃ চর্মপুটকং , বস্তিঃ মূত্রপুটকং, প্রসেবকঃ চর্মখল্লপুটঃ , উদকপঙ্কমিতি উদকমিশ্রঃ পঙ্কঃ উদকপঙ্কঃ| সরোম্ণীত্যাদি| আততে প্রসারিতে| মৃতপশুসিরাস্বিতি মৃতাঃ পশবোঽজাদযস্তেষাং সিরাসু| পনসেত্যাদি পনসো বহিঃকণ্টকী মহাফলঃ ‘কটহল’ ইতি লোকে; পনসাদীনাং ফলানি তেষাং মজ্জা| মধূচ্ছিষ্টেত্যাদি মধূচ্ছিষ্টং মধুসিক্থকম্| শাল্মলীফলকে শাল্মলীপট্টকে| পুস্তমযেত্যাদি পুস্তমযঃ পুরুষো বস্ত্রাদিরচিতো মনুষ্যঃ| মৃদুচর্মেত্যাদি মাংসপেশী মাংসবর্তিঃ| উদকেত্যাদি| নেত্রপ্রণিধানং নেত্রপ্রবেশনং, বস্তিব্রণবস্তিপীডনং চ, অনযোর্যোগ্যাং কারযেত্; ক্ব কারযেত্? উদকপূর্ণঘটপার্শ্বস্রোতসি; ন কেবলং জলপূর্ণঘটপার্শ্বচ্ছিদ্রে অলাবূমুখাদিষু চেত্যর্থঃ||৪||
Adhikarana 4 (5) · Śloka 5
ভবতশ্চাত্র- এবমাদিষু মেধাবী যোগ্যার্হেষু যথাবিধি | দ্রব্যেষু যোগ্যাং কুর্বাণো ন প্রমুহ্যতি কর্মসু ||৫||
भवतश्चात्र- एवमादिषु मेधावी योग्यार्हेषु यथाविधि | द्रव्येषु योग्यां कुर्वाणो न प्रमुह्यति कर्मसु ||५||
🔊 Audio coming soon
ভবতশ্চাত্রেত্যাদি| এবমাদিষ্বিতি আদিশব্দঃ প্রকারে, এবম্প্রকারেষু যোগ্যার্হেষু পুষ্পফলাদিষু||৫||
Adhikarana 5 (6) · Śloka 6
তস্মাত্ কৌশলমন্বিচ্ছন্ শস্ত্রক্ষারাগ্নিকর্মসু | যস্য যত্রেহ সাধর্ম্যং তত্র যোগ্যাং সমাচরেত্ ||৬||
तस्मात् कौशलमन्विच्छन् शस्त्रक्षाराग्निकर्मसु | यस्य यत्रेह साधर्म्यं तत्र योग्यां समाचरेत् ||६||
🔊 Audio coming soon
তস্মাদিত্যাদি| যস্য কর্মণঃ, যত্র যস্মিন্ দ্রব্যে, সাধর্ম্যং সাম্যং, তস্য তত্র যোগ্যাং সমাচরেদিতি| কেচিদেবমাদিষু মেধাবীত্যাদিশ্লোকস্যাগ্রে আপাতনিকাপূর্বং শ্লোকমেকং পঠন্তি; তদ্যথা- অনুক্তং যোগ্যাবিষযমুপগ্রহীতুমাহ- ‘দৃষ্টান্তমাত্রমুদ্দিষ্টং’- ইত্যাদি, স চ বর্তমানেষু পুস্তকেষু ন পঠ্যত ইত্যস্মাভিরুপেক্ষিতঃ||৬||
Adhikarana puShpikA · Śloka 9
ইতি সুশ্রুতসংহিতাযাং সূত্রস্থানে যোগ্যাসূত্রীযো নাম নবমোঽধ্যাযঃ ||৯||
इति सुश्रुतसंहितायां सूत्रस्थाने योग्यासूत्रीयो नाम नवमोऽध्यायः ||९||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযাং সূত্রস্থানে যোগ্যাসূত্রীযো নাম নবমোঽধ্যাযঃ|