Adhikarana 1 (1-2) · Śloka 2
ಅಥಾತೋಽನ್ಧಪೂತನಾಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||
अथातोऽन्धपूतनाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ಪೂತನಾಪ್ರತಿಷೇಧಾನನ್ತರಂ ಪೂತನಾಸಾಮಾನ್ಯಾದನ್ಧಪೂತನಾಪ್ರತಿಷೇಧಾರಮ್ಭೋ ಯುಜ್ಯತ ಇತ್ಯಾಹ- ಅಥಾತ ಇತ್ಯಾದಿ||೧-೨||
Adhikarana 2 (3) · Śloka 3
ತಿಕ್ತಕದ್ರುಮಪತ್ರಾಣಾಂ ಕಾರ್ಯಃ ಕ್ವಾಥೋಽವಸೇಚನೇ |೩|
तिक्तकद्रुमपत्राणां कार्यः क्वाथोऽवसेचने |३|
🔊 Audio coming soon
ತಿಕ್ತಕೇತ್ಯಾದಿ| ತಿಕ್ತಕದ್ರುಮಾ ನಿಮ್ಬಾದಯಃ, ತತ್ಪತ್ರಕ್ವಾಥೇನ ಪರಿಷೇಕಃ ಕಾರ್ಯಃ|೩|-
Adhikarana 3 (3-4) · Śloka 5
ಸುರಾ ಸೌವೀರಕಂ ಕುಷ್ಠಂ ಹರಿತಾಲಂ ಮನಃಶಿಲಾ ||೩|| ತಥಾ ಸರ್ಜರಸಶ್ಚೈವ ತೈಲಾರ್ಥಮುಪದಿಶ್ಯತೇ | ಪಿಪ್ಪಲ್ಯಃ ಪಿಪ್ಪಲೀಮೂಲಂ ವರ್ಗೋ ಮಧುರಕೋ ಮಧು ||೪|| ಶಾಲಪರ್ಣೀ ಬೃಹತ್ಯೌ ಚ ಘೃತಾರ್ಥಮುಪದಿಶ್ಯತೇ |೫|
सुरा सौवीरकं कुष्ठं हरितालं मनःशिला ||३|| तथा सर्जरसश्चैव तैलार्थमुपदिश्यते | पिप्पल्यः पिप्पलीमूलं वर्गो मधुरको मधु ||४|| शालपर्णी बृहत्यौ च घृतार्थमुपदिश्यते |५|
🔊 Audio coming soon
ಸುರೇತ್ಯಾದಿ| ಸೌವೀರಕಂ ವಿರೇಚನಾಧ್ಯಾಯೋಪದಿಷ್ಟಕಾಞ್ಜಿಕಪ್ರಕಾರಃ| ಅತ್ರ ತೈಲೇ ಸುರಾಸೌವೀರಕೇ ತೈಲಾತ್ ಪ್ರತ್ಯೇಕಂ ಚತುರ್ಗುಣೇ, ಕುಷ್ಠಾದೀನಿ ಕಲ್ಕದ್ರವ್ಯಾಣಿ ಚತುರ್ಥಾಂಶಾನಿ| ಪಿಪ್ಪಲ್ಯ ಇತ್ಯಾದಿ| ವರ್ಗೋ ಮಧುರಕಃ ಕಾಕೋಲ್ಯಾದಿಃ, ವರ್ಗಗ್ರಹಣಂ ಯಥಾಲಾಭನಿಷೇಧಾರ್ಥಂ, ಪಿಪ್ಪಲ್ಯಾದೀನಾಂ ಕಲ್ಕಕ್ವಾಥಾಭ್ಯಾಂ ಘೃತಂ ವಿಪಾಚ್ಯ ಶೀತೀಭೂತೇ ಘೃತೇ ಮಧು ಕ್ಷಿಪೇತ್| ಇದಂ ಘೃತಂ ಪಾನಾಯ||೩-೪||-
Adhikarana 4 (5) · Śloka 5
ಸರ್ವಗನ್ಧೈಃ ಪ್ರದೇಹಶ್ಚ ಗಾತ್ರೇಷ್ವಕ್ಷ್ಣೋಶ್ಚ ಶೀತಲೈಃ ||೫||
सर्वगन्धैः प्रदेहश्च गात्रेष्वक्ष्णोश्च शीतलैः ||५||
🔊 Audio coming soon
ಸರ್ವೇತ್ಯಾದಿ| ಪ್ರದೇಹೋ ಲೇಪಃ| ಶೀತಲೈರನ್ಯೈರಪಿ ದ್ರವ್ಯೈಃ||೫||
Adhikarana 5 (6) · Śloka 6
ಪುರೀಷಂ ಕೌಕ್ಕುಟಂ ಕೇಶಾಂಶ್ಚರ್ಮ ಸರ್ಪತ್ವಚಂ ತಥಾ | ಜೀರ್ಣಾಂ ಚ ಭಿಕ್ಷುಸಙ್ಘಾಟೀಂ ಧೂಮನಾಯೋಪಕಲ್ಪಯೇತ್ ||೬||
पुरीषं कौक्कुटं केशांश्चर्म सर्पत्वचं तथा | जीर्णां च भिक्षुसङ्घाटीं धूमनायोपकल्पयेत् ||६||
🔊 Audio coming soon
ಪುರೀಷಂ ಕೌಕ್ಕುಟಮಿತಿ ಕುಕ್ಕುಟಪುರೀಷಂ, ಕೇಶಾಂಶ್ಚರ್ಮ ಚ ಕುಕ್ಕುಟಸ್ಯ, ಕೇಶಾಶ್ಚರ್ಮ ಚ ಮಾನುಷಸ್ಯೇತ್ಯೇಕೇ; ಕೇಚಿತ್ ಚರ್ಮೇತಿ ಸರ್ಪಸ್ಯ ವದನ್ತಿ, ತೇನ ಚರ್ಮ ತ್ವಕ್ ಕಞ್ಚುಲಿಕಾ ಸರ್ಪಸ್ಯ| ಜೀರ್ಣಾಂ ಚ ಭಿಕ್ಷುಸಙ್ಘಾಟೀಮಿತಿ ಭಿಕ್ಷುರತ್ರ ಶಾಕ್ಯಭಿಕ್ಷುರ್ಬೌದ್ಧಾಖ್ಯಃ ಪರಿವ್ರಾಜಕಶ್ಚ, ತಯೋರ್ಜೀರ್ಣಸಙ್ಘಾಟೀ ಜೀರ್ಣವಸ್ತ್ರಂ; ತದೇಕದೇಶೋ ಗೃಹ್ಯತೇ, ಏಕದೇಶೇಽಪಿ ಸಮುದಾಯಪ್ರವೃತ್ತೇಃ; ಭಿಕ್ಷುರತ್ರ ಶಾಕ್ಯಭಿಕ್ಷುರೇವೇತಿ ಜೇಜ್ಜಟಃ||೬||
Adhikarana 6 (7-9) · Śloka 9
ಕುಕ್ಕುಟೀಂ ಮರ್ಕಟೀಂ ಶಿಮ್ಬೀಮನನ್ತಾಂ ಚಾಪಿ ಧಾರಯೇತ್ | ಮಾಂಸಮಾಮಂ ತಥಾ ಪಕ್ವಂ ಶೋಣಿತಂ ಚ ಚತುಷ್ಪಥೇ ||೭|| ನಿವೇದ್ಯಮನ್ತಶ್ಚ ಗೃಹೇ ಶಿಶೋ ರಕ್ಷಾನಿಮಿತ್ತತಃ | ಶಿಶೋಶ್ಚ ಸ್ನಪನಂ ಕುರ್ಯಾತ್ ಸರ್ವಗನ್ಧೋದಕೈಃ ಶುಭೈಃ ||೮|| ಕರಾಲಾ ಪಿಙ್ಗಲಾ ಮುಣ್ಡಾ ಕಷಾಯಾಮ್ಬರವಾಸಿನೀ | ದೇವೀ ಬಾಲಮಿಮಂ ಪ್ರೀತಾ ಸಂರಕ್ಷತ್ವನ್ಧಪೂತನಾ ||೯||
कुक्कुटीं मर्कटीं शिम्बीमनन्तां चापि धारयेत् | मांसमामं तथा पक्वं शोणितं च चतुष्पथे ||७|| निवेद्यमन्तश्च गृहे शिशो रक्षानिमित्ततः | शिशोश्च स्नपनं कुर्यात् सर्वगन्धोदकैः शुभैः ||८|| कराला पिङ्गला मुण्डा कषायाम्बरवासिनी | देवी बालमिमं प्रीता संरक्षत्वन्धपूतना ||९||
🔊 Audio coming soon
ಕುಕ್ಕುಟೀಮಿತ್ಯಾದಿ| ಕುಕ್ಕುಟೀ ಸ್ಫಟಿಕರಚಿತಕುಕ್ಕುಟಾಣ್ಡಸದೃಶಕನ್ದಾ ಕುಕ್ಕುಟೀಶರೀರವತ್ ಕುಸುಮಚಿತ್ರಾ ವಲ್ಲೀ| ಮರ್ಕಟೀ ಕಪಿಕಚ್ಛುಃ, ಮರ್ಕಟಮೂಲೀತ್ಯನ್ಯೇ, ಶುಕಶಿಮ್ಬೀತ್ಯಪರೇ| ಅನನ್ತಾ ಸಾರಿವಾ| ಅನ್ತಶ್ಚ ಖಣ್ಡಗೃಹಾಭ್ಯನ್ತರೇ| ಶಿಶೋಶ್ಚೇತಿ ಚಕಾರಾತ್ ಧಾತ್ರ್ಯಾಶ್ಚ ಸ್ನಪನಮ್| ಸರ್ವಗನ್ಧಾ ಏಲಾದಿಕಾಃ| ದೇವೀ ಪ್ರೀತಾ ಸತೀ ಇಮಂ ಬಾಲಂ ರಕ್ಷತ್ವಿತಿ ಸಮ್ಬನ್ಧಃ||೭-೯||
Adhikarana puShpikA · Śloka 33
ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇಽನ್ಧಪೂತನಾಪ್ರತಿಷೇಧೋ ನಾಮ (ಸಪ್ತಮೋಽಧ್ಯಾಯಃ, ಆದಿತಃ) ತ್ರಯಸ್ತ್ರಿಂಶೋಽಧ್ಯಾಯಃ ||೩೩||
इति सुश्रुतसंहितायामुत्तरतन्त्रान्तर्गते कुमारतन्त्रेऽन्धपूतनाप्रतिषेधो नाम (सप्तमोऽध्यायः, आदितः) त्रयस्त्रिंशोऽध्यायः ||३३||
🔊 Audio coming soon
ಇತಿ ಶ್ರೀಡಲ್ಹ(ಹ್ಲ)ಣವಿರಚಿತಾಯಾಂ ನಿಬನ್ಧಸಙ್ಗ್ರಹಾಖ್ಯಾಯಾಂ ಸುಶ್ರುತವ್ಯಾಖ್ಯಾಯಾಮುತ್ತರತನ್ತ್ರಾನ್ತರ್ಗತೇ ಕೌಮಾರಭೃತ್ಯತನ್ತ್ರೇಽನ್ಧಪೂತನಾಪ್ರತಿಷೇಧೋ ನಾಮ ತ್ರಯಸ್ತ್ರಿಂಶತ್ತಮೋಽಧ್ಯಾಯಃ||೩೩||