33. andhapūtanāpratiṣēdhādhyāyaḥ

Adhikarana 1 (1-2) · Śloka 2

ಅಥಾತೋಽನ್ಧಪೂತನಾಪ್ರತಿಷೇಧಂ ವ್ಯಾಖ್ಯಾಸ್ಯಾಮಃ ||೧|| ಯಥೋವಾಚ ಭಗವಾನ್ ಧನ್ವನ್ತರಿಃ ||೨||

Adhikarana 2 (3) · Śloka 3

ತಿಕ್ತಕದ್ರುಮಪತ್ರಾಣಾಂ ಕಾರ್ಯಃ ಕ್ವಾಥೋಽವಸೇಚನೇ |೩|

Adhikarana 3 (3-4) · Śloka 5

ಸುರಾ ಸೌವೀರಕಂ ಕುಷ್ಠಂ ಹರಿತಾಲಂ ಮನಃಶಿಲಾ ||೩|| ತಥಾ ಸರ್ಜರಸಶ್ಚೈವ ತೈಲಾರ್ಥಮುಪದಿಶ್ಯತೇ | ಪಿಪ್ಪಲ್ಯಃ ಪಿಪ್ಪಲೀಮೂಲಂ ವರ್ಗೋ ಮಧುರಕೋ ಮಧು ||೪|| ಶಾಲಪರ್ಣೀ ಬೃಹತ್ಯೌ ಚ ಘೃತಾರ್ಥಮುಪದಿಶ್ಯತೇ |೫|

Adhikarana 4 (5) · Śloka 5

ಸರ್ವಗನ್ಧೈಃ ಪ್ರದೇಹಶ್ಚ ಗಾತ್ರೇಷ್ವಕ್ಷ್ಣೋಶ್ಚ ಶೀತಲೈಃ ||೫||

Adhikarana 5 (6) · Śloka 6

ಪುರೀಷಂ ಕೌಕ್ಕುಟಂ ಕೇಶಾಂಶ್ಚರ್ಮ ಸರ್ಪತ್ವಚಂ ತಥಾ | ಜೀರ್ಣಾಂ ಚ ಭಿಕ್ಷುಸಙ್ಘಾಟೀಂ ಧೂಮನಾಯೋಪಕಲ್ಪಯೇತ್ ||೬||

Adhikarana 6 (7-9) · Śloka 9

ಕುಕ್ಕುಟೀಂ ಮರ್ಕಟೀಂ ಶಿಮ್ಬೀಮನನ್ತಾಂ ಚಾಪಿ ಧಾರಯೇತ್ | ಮಾಂಸಮಾಮಂ ತಥಾ ಪಕ್ವಂ ಶೋಣಿತಂ ಚ ಚತುಷ್ಪಥೇ ||೭|| ನಿವೇದ್ಯಮನ್ತಶ್ಚ ಗೃಹೇ ಶಿಶೋ ರಕ್ಷಾನಿಮಿತ್ತತಃ | ಶಿಶೋಶ್ಚ ಸ್ನಪನಂ ಕುರ್ಯಾತ್ ಸರ್ವಗನ್ಧೋದಕೈಃ ಶುಭೈಃ ||೮|| ಕರಾಲಾ ಪಿಙ್ಗಲಾ ಮುಣ್ಡಾ ಕಷಾಯಾಮ್ಬರವಾಸಿನೀ | ದೇವೀ ಬಾಲಮಿಮಂ ಪ್ರೀತಾ ಸಂರಕ್ಷತ್ವನ್ಧಪೂತನಾ ||೯||

Adhikarana puShpikA · Śloka 33

ಇತಿ ಸುಶ್ರುತಸಂಹಿತಾಯಾಮುತ್ತರತನ್ತ್ರಾನ್ತರ್ಗತೇ ಕುಮಾರತನ್ತ್ರೇಽನ್ಧಪೂತನಾಪ್ರತಿಷೇಧೋ ನಾಮ (ಸಪ್ತಮೋಽಧ್ಯಾಯಃ, ಆದಿತಃ) ತ್ರಯಸ್ತ್ರಿಂಶೋಽಧ್ಯಾಯಃ ||೩೩||