33. andhapūtanāpratiṣēdhādhyāyaḥ

Adhikarana 1 (1-2) · Śloka 2

અથાતોઽન્ધપૂતનાપ્રતિષેધં વ્યાખ્યાસ્યામઃ ||૧|| યથોવાચ ભગવાન્ ધન્વન્તરિઃ ||૨||

Adhikarana 2 (3) · Śloka 3

તિક્તકદ્રુમપત્રાણાં કાર્યઃ ક્વાથોઽવસેચને |૩|

Adhikarana 3 (3-4) · Śloka 5

સુરા સૌવીરકં કુષ્ઠં હરિતાલં મનઃશિલા ||૩|| તથા સર્જરસશ્ચૈવ તૈલાર્થમુપદિશ્યતે | પિપ્પલ્યઃ પિપ્પલીમૂલં વર્ગો મધુરકો મધુ ||૪|| શાલપર્ણી બૃહત્યૌ ચ ઘૃતાર્થમુપદિશ્યતે |૫|

Adhikarana 4 (5) · Śloka 5

સર્વગન્ધૈઃ પ્રદેહશ્ચ ગાત્રેષ્વક્ષ્ણોશ્ચ શીતલૈઃ ||૫||

Adhikarana 5 (6) · Śloka 6

પુરીષં કૌક્કુટં કેશાંશ્ચર્મ સર્પત્વચં તથા | જીર્ણાં ચ ભિક્ષુસઙ્ઘાટીં ધૂમનાયોપકલ્પયેત્ ||૬||

Adhikarana 6 (7-9) · Śloka 9

કુક્કુટીં મર્કટીં શિમ્બીમનન્તાં ચાપિ ધારયેત્ | માંસમામં તથા પક્વં શોણિતં ચ ચતુષ્પથે ||૭|| નિવેદ્યમન્તશ્ચ ગૃહે શિશો રક્ષાનિમિત્તતઃ | શિશોશ્ચ સ્નપનં કુર્યાત્ સર્વગન્ધોદકૈઃ શુભૈઃ ||૮|| કરાલા પિઙ્ગલા મુણ્ડા કષાયામ્બરવાસિની | દેવી બાલમિમં પ્રીતા સંરક્ષત્વન્ધપૂતના ||૯||

Adhikarana puShpikA · Śloka 33

ઇતિ સુશ્રુતસંહિતાયામુત્તરતન્ત્રાન્તર્ગતે કુમારતન્ત્રેઽન્ધપૂતનાપ્રતિષેધો નામ (સપ્તમોઽધ્યાયઃ, આદિતઃ) ત્રયસ્ત્રિંશોઽધ્યાયઃ ||૩૩||