Adhikarana 1 (1-2) · Śloka 2
অথাতো ভেদ্যরোগপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो भेद्यरोगप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
লেখ্যপ্রতিষেধানন্তরং ভিত্ত্বা লিখেদিতি বচনাদ্ভেদ্যরোগপ্রতিষেধারম্ভঃ- অথাত ইত্যাদি||১-২||
Adhikarana 2 (3-4) · Śloka 4
স্বেদযিত্বা বিসগ্রন্থিং ছিদ্রাণ্যস্য নিরাশযম্ | পক্বং ভিত্ত্বা তু শস্ত্রেণ সৈন্ধবেনাবচূর্ণযেত্ ||৩|| কাসীসমাগধীপুষ্পনেপাল্যেলাযুতেন তু | ততঃ ক্ষৌদ্রঘৃতং দত্ত্বা সম্যগ্বন্ধমথাচরেত্ ||৪||
स्वेदयित्वा बिसग्रन्थिं छिद्राण्यस्य निराशयम् | पक्वं भित्त्वा तु शस्त्रेण सैन्धवेनावचूर्णयेत् ||३|| कासीसमागधीपुष्पनेपाल्येलायुतेन तु | ततः क्षौद्रघृतं दत्त्वा सम्यग्बन्धमथाचरेत् ||४||
🔊 Audio coming soon
স্বেদযিত্বেত্যাদি| বিসগ্রন্থিং পক্বং স্বেদযিত্বা, অনন্তরমস্য পক্বস্য বিসগ্রন্থেঃ স্বিন্নস্য ছিদ্রাণি নিরাশযং ভিত্ত্বা, সৈন্ধবেন কাসীসাদিযুক্তেনাবচূর্ণযেত্| নিরাশযমিতি আশযস্য উত্সঙ্গস্যাভাবো যথা স্যাত্তথা ভিত্ত্বেত্যর্থঃ| পুষ্পং পুষ্পাঞ্জনং, নেপালী মনঃশিলা| ততঃ প্রতিসারণাদনন্তরং সন্ধানার্থং ক্ষৌদ্রঘৃতদানম্| কেচিত্ ‘সম্যগ্বন্ধমথাচরেত্’ ইত্যত্র ‘বন্ধেনোক্তেন যোজযেত্’ ইতি পঠন্তি| সম্যক্শব্দেন শিথিলতা বন্ধস্য খ্যাপ্যতে||৩-৪||
Adhikarana 3 (5) · Śloka 6
রোচনাক্ষারতুত্থানি পিপ্পল্যঃ ক্ষৌদ্রমেব চ | প্রতিসারণমেকৈকং ভিন্নে লগণ ইষ্যতে ||৫|| মহত্যপি চ যুঞ্জীত ক্ষারাগ্নী বিধিকোবিদঃ |৬|
रोचनाक्षारतुत्थानि पिप्पल्यः क्षौद्रमेव च | प्रतिसारणमेकैकं भिन्ने लगण इष्यते ||५|| महत्यपि च युञ्जीत क्षाराग्नी विधिकोविदः |६|
🔊 Audio coming soon
লগণস্য চিকিত্সামাহ- রোচনেত্যাদি| রোচনা গোরোচনা, ক্ষারো যবক্ষারঃ| এতানি প্রতিসারণান্যল্পে লগণে ভিন্নে সতি যোজ্যানি| একৈকমিতি বচনেন গোরোচনাদিভিরেকৈকশঃ প্রতিসারণং বিধেযমিত্যর্থঃ| অল্পলগণচিকিত্সামভিধায মহালগণচিকিত্সামাহ- মহত্যপি চ যুঞ্জীতেত্যাদি| মহতি গুরুতরে ইতি| যুঞ্জীতেতি ভিন্নে সতি লগণে ক্ষারাগ্নী প্রযুঞ্জীত; তদনন্তরং তত্কালমেব ক্ষারাগ্নিদগ্ধব্রণবচ্চিকিত্সা, পশ্চাত্ সামান্যব্রণবত্| কোবিদঃ পণ্ডিতঃ||৫||-
Adhikarana 4 (6) · Śloka 7
স্বিন্নাং ভিন্নাং বিনিষ্পীড্য ভিষগঞ্জননামিকাম্ ||৬|| শিলৈলানতসিন্ধূত্থৈঃ সক্ষৌদ্রৈঃ প্রতিসারযেত্ |৭|
स्विन्नां भिन्नां विनिष्पीड्य भिषगञ्जननामिकाम् ||६|| शिलैलानतसिन्धूत्थैः सक्षौद्रैः प्रतिसारयेत् |७|
🔊 Audio coming soon
স্বযং ভিন্নাযা অঞ্জননামিকাযাশ্চিকিত্সামাহ- স্বিন্নামিত্যাদি| ভিন্নাং স্বযম্ভিন্নাম্| বিনিষ্পীড্যেতি স্নেহস্বেদপূর্বকং নিষ্পীডনং কৃত্বা, শিলা মনঃশিলা, এলা সূক্ষ্মৈলা, নতং তগরং, সিন্ধূত্থং সৈন্ধবম্| প্রতিসারযেত্ ঘর্ষযেত্||৬||-
Adhikarana 5 (7) · Śloka 8
রসাঞ্জনমধুভ্যাং তু ভিত্ত্বা বা শস্ত্রকর্মবিত্ ||৭|| প্রতিসার্যাঞ্জনৈর্যুঞ্জ্যাদুষ্ণৈর্দীপশিখোদ্ভবৈঃ |৮|
रसाञ्जनमधुभ्यां तु भित्त्वा वा शस्त्रकर्मवित् ||७|| प्रतिसार्याञ्जनैर्युञ्ज्यादुष्णैर्दीपशिखोद्भवैः |८|
🔊 Audio coming soon
অভিন্নাঞ্জননামিকাচিকিত্সামাহ- রসাঞ্জনেত্যাদি| স্বযমভিন্নামঞ্জননামিকাং পূর্বং স্বিন্নাং শস্ত্রকর্মবিদ্ভিত্ত্বা রসাঞ্জনমধুভ্যাং প্রতিসার্য তদুত্তরকালং দীপশিখোদ্ভবৈঃ কজ্জলাখ্যৈরঞ্জনৈর্যোজযেদিতি পিণ্ডার্থঃ||৭||-
Adhikarana 6 (8) · Śloka 9
সম্যক্স্বিন্নে কৃমিগ্রন্থৌ ভিন্নে স্যাত্ প্রতিসারণম্ ||৮|| ত্রিফলাতুত্থকাসীসসৈন্ধবৈশ্চ রসক্রিযা |৯|
सम्यक्स्विन्ने कृमिग्रन्थौ भिन्ने स्यात् प्रतिसारणम् ||८|| त्रिफलातुत्थकासीससैन्धवैश्च रसक्रिया |९|
🔊 Audio coming soon
ক্রিমিগ্রন্থিচিকিত্সামাহ- সম্যগিত্যাদি| সম্যক্স্বিন্নে ইতি লোচনোচিতস্বেদস্বিন্নে, অনন্তরং ভেদিতে প্রতিসারণমিতি; অনুক্তমপ্যঞ্জননামিকোদ্দিষ্টমঞ্জনমধুভ্যাং প্রতিসারণং, তদনন্তরং ত্রিফলাক্বাথেন তুত্থকাসীসসৈন্ধবাবাপেন রসক্রিযা||৮||-
Adhikarana 7 (9) · Śloka 10
ভিত্ত্বোপনাহং কফজং পিপ্পলীমধুসৈন্ধবৈঃ ||৯|| লেখযেন্মণ্ডলাগ্রেণ সমন্তাত্ প্রচ্ছযেদপি |১০|
भित्त्वोपनाहं कफजं पिप्पलीमधुसैन्धवैः ||९|| लेखयेन्मण्डलाग्रेण समन्तात् प्रच्छयेदपि |१०|
🔊 Audio coming soon
শ্লেষ্মোপনাহচিকিত্সামাহ- ভিত্ত্বেত্যাদি| শ্লেষ্মোপনাহো ভেদ্যঃ, মহান্নীরুজশ্চ লেখ্যঃ, রক্তানুবন্ধশ্চ প্রচ্ছনীযঃ; শ্লেষ্মোপনাহে ভিন্নে লিখিতে প্রচ্ছিতেঽপি চ পিপ্পল্যাদিভিরেকমেব প্রতিসারণম্||৯||-
Adhikarana 8 (10-11) · Śloka 11
সংস্নেহ্য পত্রভঙ্গৈশ্চ স্বেদযিত্বা যথাসুখম্ ||১০|| আপাকাদ্বিধিনোক্তেন পঞ্চমেদ্যানুপাচরেত্ | সর্বেষ্বেতেষু বিহিতং বিধানং স্নেহপূর্বকম্ | সম্পক্বে প্রযতো ভূত্বা কুর্বীত ব্রণরোপণম্ ||১১||
संस्नेह्य पत्रभङ्गैश्च स्वेदयित्वा यथासुखम् ||१०|| आपाकाद्विधिनोक्तेन पञ्चमेद्यानुपाचरेत् | सर्वेष्वेतेषु विहितं विधानं स्नेहपूर्वकम् | सम्पक्वे प्रयतो भूत्वा कुर्वीत व्रणरोपणम् ||११||
🔊 Audio coming soon
এষাং পঞ্চানামপি মেদ্যানাং বিসগ্রন্থ্যাদীনামামানামাদৌ সংশমনং নির্দিশন্নাহ- সংস্নেহ্যেত্যাদি| পত্রভঙ্গৈঃ পত্রখণ্ডৈঃ; অন্যে পত্রভঙ্গশব্দেন পল্লবমাহুঃ| বিধিনা অপতর্পণাদিনা সামান্যশোথপ্রতীকারেণ| স্নেহপূর্বকং বিধানমিতি স্নেহস্বেদরক্তাস্রাববিরেচনাদি, নযনবুদ্বুদজান্যত্র বমনং চ||১০-১১||
Adhikarana puShpikA · Śloka 14
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে ভেদ্যরোগপ্রতিষেধো নাম চতুর্দশোঽধ্যাযঃ ||১৪||
इति सुश्रुतसंहितायामुत्तरतन्त्रान्तर्गते शालाक्यतन्त्रे भेद्यरोगप्रतिषेधो नाम चतुर्दशोऽध्यायः ||१४||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে শালাক্যতন্ত্রে চতুর্দশোঽধ্যাযঃ||১৪||