Adhikarana 1 (1-2) · Śloka 2
অথাতো ভেদ্যরোগপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो भेद्यरोगप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
14. bhēdyarōgapratiṣēdhādhyāyaḥ
Adhikarana 2 (3-4) · Śloka 4
স্বেদযিত্বা বিসগ্রন্থিং ছিদ্রাণ্যস্য নিরাশযম্ | পক্বং ভিত্ত্বা তু শস্ত্রেণ সৈন্ধবেনাবচূর্ণযেত্ ||৩|| কাসীসমাগধীপুষ্পনেপাল্যেলাযুতেন তু | ততঃ ক্ষৌদ্রঘৃতং দত্ত্বা সম্যগ্বন্ধমথাচরেত্ ||৪||
View original
स्वेदयित्वा बिसग्रन्थिं छिद्राण्यस्य निराशयम् | पक्वं भित्त्वा तु शस्त्रेण सैन्धवेनावचूर्णयेत् ||३|| कासीसमागधीपुष्पनेपाल्येलायुतेन तु | ततः क्षौद्रघृतं दत्त्वा सम्यग्बन्धमथाचरेत् ||४||
🔊 Audio coming soon
Adhikarana 3 (5) · Śloka 6
রোচনাক্ষারতুত্থানি পিপ্পল্যঃ ক্ষৌদ্রমেব চ | প্রতিসারণমেকৈকং ভিন্নে লগণ ইষ্যতে ||৫|| মহত্যপি চ যুঞ্জীত ক্ষারাগ্নী বিধিকোবিদঃ |৬|
View original
रोचनाक्षारतुत्थानि पिप्पल्यः क्षौद्रमेव च | प्रतिसारणमेकैकं भिन्ने लगण इष्यते ||५|| महत्यपि च युञ्जीत क्षाराग्नी विधिकोविदः |६|
🔊 Audio coming soon
Adhikarana 4 (6) · Śloka 7
স্বিন্নাং ভিন্নাং বিনিষ্পীড্য ভিষগঞ্জননামিকাম্ ||৬|| শিলৈলানতসিন্ধূত্থৈঃ সক্ষৌদ্রৈঃ প্রতিসারযেত্ |৭|
View original
स्विन्नां भिन्नां विनिष्पीड्य भिषगञ्जननामिकाम् ||६|| शिलैलानतसिन्धूत्थैः सक्षौद्रैः प्रतिसारयेत् |७|
🔊 Audio coming soon
Adhikarana 5 (7) · Śloka 8
রসাঞ্জনমধুভ্যাং তু ভিত্ত্বা বা শস্ত্রকর্মবিত্ ||৭|| প্রতিসার্যাঞ্জনৈর্যুঞ্জ্যাদুষ্ণৈর্দীপশিখোদ্ভবৈঃ |৮|
View original
रसाञ्जनमधुभ्यां तु भित्त्वा वा शस्त्रकर्मवित् ||७|| प्रतिसार्याञ्जनैर्युञ्ज्यादुष्णैर्दीपशिखोद्भवैः |८|
🔊 Audio coming soon
Adhikarana 6 (8) · Śloka 9
সম্যক্স্বিন্নে কৃমিগ্রন্থৌ ভিন্নে স্যাত্ প্রতিসারণম্ ||৮|| ত্রিফলাতুত্থকাসীসসৈন্ধবৈশ্চ রসক্রিযা |৯|
View original
सम्यक्स्विन्ने कृमिग्रन्थौ भिन्ने स्यात् प्रतिसारणम् ||८|| त्रिफलातुत्थकासीससैन्धवैश्च रसक्रिया |९|
🔊 Audio coming soon
Adhikarana 7 (9) · Śloka 10
ভিত্ত্বোপনাহং কফজং পিপ্পলীমধুসৈন্ধবৈঃ ||৯|| লেখযেন্মণ্ডলাগ্রেণ সমন্তাত্ প্রচ্ছযেদপি |১০|
View original
भित्त्वोपनाहं कफजं पिप्पलीमधुसैन्धवैः ||९|| लेखयेन्मण्डलाग्रेण समन्तात् प्रच्छयेदपि |१०|
🔊 Audio coming soon
Adhikarana 8 (10-11) · Śloka 11
সংস্নেহ্য পত্রভঙ্গৈশ্চ স্বেদযিত্বা যথাসুখম্ ||১০|| আপাকাদ্বিধিনোক্তেন পঞ্চমেদ্যানুপাচরেত্ | সর্বেষ্বেতেষু বিহিতং বিধানং স্নেহপূর্বকম্ | সম্পক্বে প্রযতো ভূত্বা কুর্বীত ব্রণরোপণম্ ||১১||
View original
संस्नेह्य पत्रभङ्गैश्च स्वेदयित्वा यथासुखम् ||१०|| आपाकाद्विधिनोक्तेन पञ्चमेद्यानुपाचरेत् | सर्वेष्वेतेषु विहितं विधानं स्नेहपूर्वकम् | सम्पक्वे प्रयतो भूत्वा कुर्वीत व्रणरोपणम् ||११||
🔊 Audio coming soon
Adhikarana puShpikA · Śloka 14
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে ভেদ্যরোগপ্রতিষেধো নাম চতুর্দশোঽধ্যাযঃ ||১৪||
View original
इति सुश्रुतसंहितायामुत्तरतन्त्रान्तर्गते शालाक्यतन्त्रे भेद्यरोगप्रतिषेधो नाम चतुर्दशोऽध्यायः ||१४||
🔊 Audio coming soon