Adhikarana 1 (1-2) · Śloka 2
অথাতশ্ছর্দিপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातश्छर्दिप्रतिषेधमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
তৃষ্ণাপ্রতিষেধানন্তরং তৃষ্ণোপচারতুল্যত্বাত্তৃষ্ণাপ্রতিষেধে ছর্দেরুপাদানাচ্চ ছর্দিপ্রতিষেধারম্ভো যুক্ত ইত্যত আহ- অথাত ইত্যাদি||১-২||
Adhikarana 2 (3-5) · Śloka 5
অতিদ্রবৈরতিস্নিগ্ধৈরহৃদ্যৈর্লবণৈরতি | অকালে চাতিমাত্রৈশ্চ তথাঽসাত্ম্যৈশ্চ ভোজনৈঃ ||৩|| শ্রমাত্ ক্ষযাত্তথোদ্বেগাদজীর্ণাত্ কৃমিদোষতঃ | নার্যাশ্চাপন্নসত্ত্বাযাস্তথাঽতিদ্রুতমশ্নতঃ ||৪|| অত্যন্তামপরীতস্য ছর্দের্বৈ সম্ভবো ধ্রুবম্ | (বীভত্সৈর্হেতুভিশ্চান্যৈর্দ্রুতমুত্ক্লেশিতো বলাত্ ) ||৫||
अतिद्रवैरतिस्निग्धैरहृद्यैर्लवणैरति | अकाले चातिमात्रैश्च तथाऽसात्म्यैश्च भोजनैः ||३|| श्रमात् क्षयात्तथोद्वेगादजीर्णात् कृमिदोषतः | नार्याश्चापन्नसत्त्वायास्तथाऽतिद्रुतमश्नतः ||४|| अत्यन्तामपरीतस्य छर्देर्वै सम्भवो ध्रुवम् | (बीभत्सैर्हेतुभिश्चान्यैर्द्रुतमुत्क्लेशितो बलात् ) ||५||
🔊 Audio coming soon
ছর্দের্হেতুমাহ- অতিদ্রবৈরিত্যাদি| এবম্ভূতস্য পুরুষস্য অতিদ্রবাদিভিঃ কারণৈশ্ছর্দেঃ সম্ভব উত্পত্তির্ভবেদিতি সম্বন্ধঃ| অহৃদ্যৈঃ অপ্রিযৈঃ| উদ্বেগ উদ্বেজনম্| আপন্নসত্ত্বাযা গর্ভিণ্যাঃ| অতিদ্রুতম্ অতিশীঘ্রম্| অশ্নতো ভোজনং কুর্বতঃ| অত্যন্তামপরীতস্য অত্যর্থমামবেষ্টিতস্য| কেচিত্ ‘অত্যন্তামপরীতস্য’ ইত্যত্র ‘বীভত্সৈর্হেতুভিশ্চান্যৈঃ’ ইতি পঠন্তি; পূযামেধ্যাদিদর্শনগন্ধাস্বাদৈর্ঘৃণাকরৈরিতি চ ব্যাখ্যানযন্তি||৩-৫||
Adhikarana 3 (6) · Śloka 6
ছাদযন্নাননং বেগৈরর্দযন্নঙ্গভঞ্জনৈঃ | নিরুচ্যতে ছর্দিরিতি দোষো বক্ত্রাদ্বিনিশ্চরন্ ||৬||
छादयन्नाननं वेगैरर्दयन्नङ्गभञ्जनैः | निरुच्यते छर्दिरिति दोषो वक्त्राद्विनिश्चरन् ||६||
🔊 Audio coming soon
ছর্দিনিরুক্তিমাহ- ছাদযন্নাননমিত্যাদি| ছাদযন্ পূরযন্, আননং বক্ত্রং, প্রবৃত্তেরাভিমুখ্যেনাবস্থিতত্বং বেগঃ, অর্দযন্ দুঃখযন্, অঙ্গভঞ্জনৈঃ অঙ্গব্যথাভিঃ, বক্ত্রাদ্বিনিশ্চরন্ বক্ত্রাদ্বিনির্গচ্ছন্; বেগৈঃ কৃত্বা মুখং পূরযন্ অঙ্গব্যথাভিশ্চ পীডযন্ বক্ত্রান্নির্গচ্ছন্ দোষচ্ছর্দিরিতি নিরুচ্যত ইতি সম্বন্ধঃ| কেচিত্ ‘বক্ত্রাদ্বিনিশ্চরন্’ ইত্যত্র ‘বক্ত্রং প্রধাবিতঃ’ ইতি পঠিত্বা মুখং গত ইতি ব্যাখ্যানযন্তি||৬||
Adhikarana 4 (7) · Śloka 7
দোষানুদীরযন্ বৃদ্ধানুদানো ব্যানসঙ্গতঃ | ঊর্ধ্বমাগচ্ছতি ভৃশং বিরুদ্ধাহারসেবনাত্ ||৭||
दोषानुदीरयन् वृद्धानुदानो व्यानसङ्गतः | ऊर्ध्वमागच्छति भृशं विरुद्धाहारसेवनात् ||७||
🔊 Audio coming soon
ছর্দিসম্প্রাপ্তিমাহ- দোষানুদীরযন্নিত্যাদি| ব্যানসঙ্গতঃ ব্যানেন সহ একীভূত উদানঃ, বিরুদ্ধাহারসেবনাত্ বিরুদ্ধানামাহারাণাং সেবনাত্, বৃদ্ধান্ প্রকুপিতান্ দোষানুদীরযন্ ভৃশমূর্ধ্বমাগচ্ছতীতি সম্বন্ধঃ| কেচিত্ ‘ঈরযন্ শ্লেষ্মপিত্তে তু উদানো ব্যানসঙ্গতঃ| ঊর্ধ্বমাগচ্ছতি রসো বিরুদ্ধাহারসেবিনাম্’ ইতি পঠন্তি; তং চ কার্তিককুণ্ডো নেচ্ছতি, যতো ‘দোষো বক্ত্রং প্রধাবিত’ ইত্যনেন গতার্থং, তথা রসসহিতস্য চ দোষস্যোর্ধ্বগমনং রসদোষজত্বেন ছর্দ্যাঃ পঠিতত্বেন সিদ্ধম্||৭||
Adhikarana 5 (8) · Śloka 8
প্রসেকো হৃদযোত্ক্লেশো ভক্তস্যানভিনন্দনম্ | পূর্বরূপং মতং ছর্দ্যা... |৮|
प्रसेको हृदयोत्क्लेशो भक्तस्यानभिनन्दनम् | पूर्वरूपं मतं छर्द्या... |८|
🔊 Audio coming soon
কেচিত্ পূর্বরূপং ন পঠন্তি, যুক্তং চ পঠিতুং; সমানতন্ত্রপঠিতত্বাত্|৮|-
Adhikarana 6 (8) · Śloka 8
... যথাস্বং চ বিভাবযেত্ ||৮||
... यथास्वं च विभावयेत् ||८||
🔊 Audio coming soon
পূর্বরূপানন্তরং প্রব্যক্তরূপতা ভবতি, তল্লক্ষণান্যাহ- যথাস্বং চ বিভাবযেদিতি| পূর্বরূপং যথাত্মীযং প্রব্যক্তং রূপাবস্থাযাং বিভাবযেত্ বিশেষেণ প্রসেকস্য কষাযাম্লমধুররসত্বেন ভাবযেত্ জানীযাদিত্যর্থঃ||৮||
Adhikarana 7 (9) · Śloka 9
প্রচ্ছর্দযেত্ ফেনিলমল্পমল্পং শূলার্দিতোঽভ্যর্দিতপার্শ্বপৃষ্ঠঃ | শ্রান্তঃ সঘোষং বহুশঃ কষাযং জীর্ণেঽধিকং সাঽনিলজা বমিস্তু ||৯||
प्रच्छर्दयेत् फेनिलमल्पमल्पं शूलार्दितोऽभ्यर्दितपार्श्वपृष्ठः | श्रान्तः सघोषं बहुशः कषायं जीर्णेऽधिकं साऽनिलजा वमिस्तु ||९||
🔊 Audio coming soon
বাতজচ্ছর্দিলক্ষণমাহ- প্রচ্ছর্দযেদিত্যাদি| অভ্যর্দিতপার্শ্বপৃষ্ঠঃ পীডিতপার্শ্বপৃষ্ঠঃ| সঘোষং সশব্দম্| এবম্ভূতঃ পুরুষো যত্র রোগে এবংবিধং ছর্দযেত্ জীর্ণে চাধিকং ছর্দযেত্ সা বমিরনিলজা জ্ঞেযেতি সম্বন্ধঃ| কেচিদমুমন্যথা পঠন্তি, স চাভাবান্ন দর্শিতঃ||৯||
Adhikarana 8 (10) · Śloka 10
যোঽম্লং ভৃশং বা কটুতিক্তবক্ত্রঃ পীতং সরক্তং হরিতং বমেদ্বা | সদাহচোষজ্বরবক্ত্রশোষো মূর্চ্ছান্বিতঃ পিত্তনিমিত্তজা সা ||১০||
योऽम्लं भृशं वा कटुतिक्तवक्त्रः पीतं सरक्तं हरितं वमेद्वा | सदाहचोषज्वरवक्त्रशोषो मूर्च्छान्वितः पित्तनिमित्तजा सा ||१०||
🔊 Audio coming soon
পিত্তজচ্ছর্দিলক্ষণমাহ- যোঽম্লমিত্যাদি| ভৃশমম্লং কটুকং বা যো বমেত্| সদাহশব্দশ্চোষজ্বরাভ্যাং সম্বধ্যতে; চোষ আচূষ্যত ইব বেদনা||১০||
Adhikarana 9 (11) · Śloka 11
যো হৃষ্টরোমা মধুরং প্রভূতং শুক্লং হিমং সান্দ্রকফানুবিদ্ধম্ | অভক্তরুগ্গৌরবসাদযুক্তো বমেদ্বমী সা কফকোপজা স্যাত্ ||১১||
यो हृष्टरोमा मधुरं प्रभूतं शुक्लं हिमं सान्द्रकफानुविद्धम् | अभक्तरुग्गौरवसादयुक्तो वमेद्वमी सा कफकोपजा स्यात् ||११||
🔊 Audio coming soon
কফজবমিলক্ষণমাহ- যো হৃষ্টরোমেত্যাদি| হৃষ্টরোমা উদ্ধর্ষিতরোমাঞ্চঃ| প্রভূতং বহু| সান্দ্রং ঘনং| কফানুবিদ্ধং কফমিশ্রম্| অভক্তরুক্ অন্নারুচিঃ| সাদঃ অঙ্গগ্লানিঃ||১১||
Adhikarana 10 (12) · Śloka 12
সর্বাণি রূপাণি ভবন্তি যস্যাং সা সর্বদোষপ্রভবা মতা তু |১২|
सर्वाणि रूपाणि भवन्ति यस्यां सा सर्वदोषप्रभवा मता तु |१२|
🔊 Audio coming soon
সান্নিপাতিকবমিলক্ষণমাহ- সর্বাণীত্যাদি| সর্বাণি রূপাণি বাতজাদিসমস্তচ্ছর্দিরূপাণি| যদ্যপি তন্ত্রান্তরে সন্নিপাতাখ্যচ্ছর্দিলক্ষণমুক্তং , তথাঽপ্যত্র ক্ষীণস্যেত্যাদিনা বক্ষ্যমাণেন সা দ্বিতীযা সূচিতা, অতশ্চ নোক্তা|১২|-
Adhikarana 11 (12) · Śloka 12
বীভত্সজা দৌহৃদজাঽঽমজা চ সাত্ম্যপ্রকোপাত্ কৃমিজা চ যা হি | সা পঞ্চমী তাং চ বিভাবযেত্তু দোষোচ্ছ্রযেণৈব যথোক্তমাদৌ ||১২||
बीभत्सजा दौहृदजाऽऽमजा च सात्म्यप्रकोपात् कृमिजा च या हि | सा पञ्चमी तां च विभावयेत्तु दोषोच्छ्रयेणैव यथोक्तमादौ ||१२||
🔊 Audio coming soon
ইদানীং কারণভেদাদনেকপ্রকারামপি পঞ্চমীমেকামেব নির্দিশন্নাহ- বীভত্সজেত্যাদি| বীভত্সজা দ্বিষ্টাশুচিপূত্যমেধ্যাদিকাদ্ঘৃণাকরাজ্জাতা| দৌহৃদজা দৌহৃদবিমাননাজ্জাতা, অন্যে দৌহৃদজাং গর্ভনিমিত্তামাহুঃ| আমজা বিসূচ্যাদিজাতা| সাত্ম্যপ্রকোপাত্ অকস্মাত্ সাত্ম্যত্যাগাত্| কৃমিভিঃ কৃতা কৃমিজা| বীভত্সজাদি যাবত্সা পঞ্চমী, তাং চ দোষোচ্ছ্রযেণৈব বিভাবযেত্| অন্যে তু ব্যাখ্যানযন্তি- যা কৃমিজা সা পঞ্চমী, তাং চ দোষোচ্ছ্রযেণৈব বিভাবযেদিতি||১২||
Adhikarana 12 (13) · Śloka 13
শূলহৃল্লাসবহুলা কৃমিজা চ বিশেষতঃ | কৃমিহৃদ্রোগতুল্যেন লক্ষণেন চ লক্ষিতা ||১৩||
शूलहृल्लासबहुला कृमिजा च विशेषतः | कृमिहृद्रोगतुल्येन लक्षणेन च लक्षिता ||१३||
🔊 Audio coming soon
ইদানীং কৃমিজাযা বিশিষ্টলিঙ্গমাহ- শূলহৃল্লাসবহুলেত্যাদি| হৃল্লাসঃ থূত্করণম্||১৩||
Adhikarana 13 (14) · Śloka 14
ক্ষীণস্যোপদ্রবৈর্যুক্তাং সাসৃক্পূযাং সচন্দ্রিকাম্ | ছর্দি প্রসক্তাং কুশলো নারভেত চিকিত্সিতুম্ ||১৪||
क्षीणस्योपद्रवैर्युक्तां सासृक्पूयां सचन्द्रिकाम् | छर्दि प्रसक्तां कुशलो नारभेत चिकित्सितुम् ||१४||
🔊 Audio coming soon
ইদানীং সর্বাসামেব চ বমীনামবস্থাযামসাধ্যত্বমাহ- ক্ষীণস্যেত্যাদি| নারভেতেতি পদং ক্ষীণস্যেত্যাদিভিঃ প্রত্যেকং যোজনীযম্| তেন ক্ষীণস্য ছর্দিং চিকিত্সিতুং নারভেত, তথা উপদ্রবৈর্যুক্তাং নারভেত, তথা সাসৃক্পূযাং নারভেতেত্যাদি দ্রষ্টব্যম্| প্রসক্তাং নিরন্তরপ্রবৃত্তাম্||১৪||
Adhikarana 14 (15) · Śloka 15
আমাশযোত্ক্লেশভবা হি সর্বাস্তস্মাদ্ধিতং লঙ্ঘনমেব তাসু ||১৫||
आमाशयोत्क्लेशभवा हि सर्वास्तस्माद्धितं लङ्घनमेव तासु ||१५||
🔊 Audio coming soon
ইদানীং সামান্যেন সর্বাসামপি বমীনাং চিকিত্সামাহ- আমাশযোত্ক্লেশভবা ইত্যাদি| আমাশযোত্ক্লেশভবা ইতি আমাশযমুত্ক্লিশ্য দোষৈর্জন্যন্ত ইতি তাত্পর্যার্থঃ| হিতং লঙ্ঘনং ‘বলিন’ ইতি বাক্যশেষঃ| তাসু ছর্দিষু||১৫||
Adhikarana 15 (16) · Śloka 16
বমীষু বহুদোষাসু ছর্দনং হিতমুচ্যতে | বিরেচনং বা কুর্বীত যথাদোষোচ্ছ্রযং ভিষক্ ||১৬||
वमीषु बहुदोषासु छर्दनं हितमुच्यते | विरेचनं वा कुर्वीत यथादोषोच्छ्रयं भिषक् ||१६||
🔊 Audio coming soon
বমীষু বহুদোষাস্বিত্যাদি| বহুদোষস্বিতি প্রবলকফাসু, অন্যথা সান্নিপাতিক্যামেব বমনং প্রাপ্নুযাত্; ততশ্চ বহুবচনং ঘটতে| যথাদোষোচ্ছ্রযমিতি দোষোচ্ছ্রযং দোষাধিক্যমবেক্ষ্য||১৬||
Adhikarana 16 (17) · Śloka 17
সংসর্গশ্চানুপূর্বেণ যথাস্বং ভেষজাযুতঃ |১৭|
संसर्गश्चानुपूर्वेण यथास्वं भेषजायुतः |१७|
🔊 Audio coming soon
শোধনানন্তরং কিং কর্তব্যমিত্যাহ- সংসর্গশ্চানুপূর্বেণেত্যাদি| সংসর্গোঽন্নসংসর্গঃ পেযাদিঃ, তর্পণাদিকমন্যে, অনুপূর্বেণ ‘পেযাং বিলেপীমকৃতং কৃতং চ যূষং’ ইত্যাদিক্রমেণ| যথাস্বং ভেষজাযুত ইতি বাতাদের্যদাত্মীযং প্রত্যনীকমৌষধং তেন আযুতঃ ঈষদ্যুত ইত্যর্থঃ|১৭|-
Adhikarana 17 (17) · Śloka 17
লঘূনি পরিশুষ্কাণি সাত্ম্যান্যন্নানি চাচরেত্ ||১৭||
लघूनि परिशुष्काणि सात्म्यान्यन्नानि चाचरेत् ||१७||
🔊 Audio coming soon
অন্নসংসর্জনানন্তরং কিং কর্তব্যমিত্যাহ- লঘূনীত্যাদি| লঘূনি মাত্রাস্বভাবাভ্যাং লঘূনি| পরিশুষ্কাণি শষ্কুল্যাদীনি| সাত্ম্যানি ঋতুব্যাধিবিপরীতানি| কেচিল্লঘূনীত্যাদিকং বমনার্হসংশমনমিচ্ছন্তি, বমনাবশিষ্টদোষশেষস্য শমনসাধ্যত্বাত্||১৭||
Adhikarana 18 (18) · Śloka 18
যথাস্বং চ কষাযাণি জ্বরঘ্নানি প্রযোজযেত্ |১৮|
यथास्वं च कषायाणि ज्वरघ्नानि प्रयोजयेत् |१८|
🔊 Audio coming soon
ইদানীং বমীষু সামান্যং চিকিত্সিতমতিদেশেনাহ- যথাস্বমিত্যাদি| যথাস্বং যথাত্মীযম্| এতেন বাতাদিজ্বরহরাণি কষাযাণি বাতাদিজাসু ছর্দিষু যোজযেদিত্যর্থঃ|১৮|-
Adhikarana 19 (18-20) · Śloka 20
হন্যাত্ ক্ষীরঘৃতং পীতং ছর্দিং পবনসম্ভবাম্ ||১৮|| সসৈন্ধবং পিবেত্ সর্পির্বাতচ্ছর্দিনিবারণম্ | মুদ্গামলকযূষো বা সসর্পিষ্কঃ সসৈন্ধবঃ | যবাগূং মধুমিশ্রাং বা পঞ্চমূলীকৃতাং পিবেত্ ||১৯|| পিবেদ্বা ব্যক্তসিন্ধূত্থং ফলাম্লং বৈষ্কিরং রসম্ | সুখোষ্ণলবণং চাত্র হিতং স্নেহবিরেচনম্ ||২০||
हन्यात् क्षीरघृतं पीतं छर्दिं पवनसम्भवाम् ||१८|| ससैन्धवं पिबेत् सर्पिर्वातच्छर्दिनिवारणम् | मुद्गामलकयूषो वा ससर्पिष्कः ससैन्धवः | यवागूं मधुमिश्रां वा पञ्चमूलीकृतां पिबेत् ||१९|| पिबेद्वा व्यक्तसिन्धूत्थं फलाम्लं वैष्किरं रसम् | सुखोष्णलवणं चात्र हितं स्नेहविरेचनम् ||२०||
🔊 Audio coming soon
ইদানীং বাতজবমীচিকিত্সিতমাহ- হন্যাদিত্যাদি| ক্ষীরঘৃতমিতি ক্ষীরমথনোদ্ভূতং ঘৃতং ক্ষীরযুক্তং বা ঘৃতং ক্ষীরঘৃতং; ক্ষীরোদকমিতি বা পাঠঃ| সলবণং সর্পিরাহ- সসৈন্ধবমিত্যাদি| সর্পিরপক্বমেব| উক্তং চ বাগ্ভটেন- “হন্তি মারুতজাং ছর্দিং সর্পিঃ পীতং সসৈন্ধবম্” (বা. চি. ৬) ইতি| পঞ্চমূলীকৃতাং শালপর্ণ্যাদিকেন বিল্বাদিকেন বা কৃতাম্| যূষমাহ- মুদ্গামলকযূষো বেত্যাদি| সর্পিরিহ যূষসন্তলনার্থম্| সসৈন্ধবঃ সৈন্ধবযুক্তঃ| যবাগূমিত্যাদি| পঞ্চমূলী মহতীতি চন্দ্রিকাকারঃ; স্বল্পেতি চক্রপাণিঃ| রসমাহ- পিবেদ্বা ব্যক্তসিন্ধূত্থমিত্যাদি| কিম্ভূতং? ব্যক্তসিন্ধূত্থং প্রকটলবণম্| বৈষ্কিরং লাবাদিমাংসরসম্| তথা ফলাম্লং ফলেন দাডিমমাতুলুঙ্গাদিনাঽম্লমম্লতাং প্রাপ্তম্| বিরেচনমাহ- সুখোষ্ণলবণং চাত্রেতি| অত্র বাতচ্ছর্দ্যাং, স্নেহবিরেচনং স্নেহেন এরণ্ডতৈলাদিনা বিরেচনং স্নেহবিরেচনম্| সুখোষ্ণলবণং সুখং সুখকরমুষ্ণং লবণং যস্মিন্ তত্| উক্তং চ বাগ্ভটেন,- “কোষ্ণং সলবণং চাত্র হিতং স্নেহবিরেচনম্” (বা. চি. ৬)- ইতি| অথবা সুখোষ্ণং লবণং চাত্র’ ইতি পাঠঃ||১৮-২০||
Adhikarana 20 (21-22) · Śloka 22
পিত্তোপশমনীযানি পাক্যানি শিশিরাণি চ | কষাযাণ্যুপযুক্তানি ঘ্নন্তি পিত্তকৃতাং বমীম্ ||২১|| শোধনং মধুরৈশ্চাত্র দ্রাক্ষারসসমাযুতৈঃ | বলবত্যাং প্রশংসন্তি সর্পিস্তৈল্বকমেব চ ||২২||
पित्तोपशमनीयानि पाक्यानि शिशिराणि च | कषायाण्युपयुक्तानि घ्नन्ति पित्तकृतां वमीम् ||२१|| शोधनं मधुरैश्चात्र द्राक्षारससमायुतैः | बलवत्यां प्रशंसन्ति सर्पिस्तैल्वकमेव च ||२२||
🔊 Audio coming soon
ইদানীং পিত্তজবমীচিকিত্সিতমাহ- পিত্তোপশমনীযানীত্যাদি| পিত্তোপশমনীযানি পিত্তজ্বরশমনানি, ‘যথাস্বং চ কষাযাণি জ্বরঘ্নানি প্রযোজযেত্’ ইত্যুক্তত্বাত্| পাক্যানি শৃতানি| শিশিরাণি শীতকষাযাণি| শোধনং বমনং বিরেচনং বা; কেচিচ্ছোধনশব্দেন বিরেচনমেব কথযন্তি, পিত্তজাযাং তস্য প্রশস্তত্বাত্| অত্র পিত্তচ্ছর্দ্যাম্| মধুরৈঃ শোধনদ্রব্যৈর্দ্রাক্ষারসসমাযুতৈঃ শোধনং বিরেকবমনরূপং প্রশংসন্তি| বলবত্যাং তৈল্বকং সর্পিঃ বাতব্যাধ্যুক্তং, রোধ্রসংস্কৃতং বা||২১-২২||
Adhikarana 21 (23) · Śloka 23
আরগ্বধাদিনির্যূহং দশাঙ্গযোগমেব বা | পাযযেতাথ সক্ষৌদ্রং কফজাযাং চিকিত্সকঃ ||২৩||
आरग्वधादिनिर्यूहं दशाङ्गयोगमेव वा | पाययेताथ सक्षौद्रं कफजायां चिकित्सकः ||२३||
🔊 Audio coming soon
কফচ্ছর্দিচিকিত্সিতমাহ- আরগ্বধাদিনির্যূহমিত্যাদি| নির্যূহং কষাযম্| দশাঙ্গযোগমিতি “নাগরং ধান্যকং ভার্গীমভযাং সুরদারু চ| বচাং পর্পটকং মুস্তং ভূতীকমথ কট্ফলম্|| বিনিষ্ক্বাথ্য পিবেত্” ইতি কেচিদ্দশাঙ্গশব্দমূলমাহুঃ; তং চ কার্তিককুণ্ডো নেচ্ছতি, ছর্দিহরত্বেনানভ্যুপগমাত্| কার্তিকস্তু দশাঙ্গশব্দেন ‘কটুকা চিত্রকম্’ ইত্যাদিকং কফজ্বরোক্তমাহ| যদ্যপি ‘কটুকা চিত্রকম্’ ইত্যাদিকং ‘যথাস্বং চ কষাযাণি জ্বরঘ্নানি প্রযোজযেত্’ ইত্যনেনৈব প্রাপ্তং, তথাঽপি পুনস্তদুপাদানং মরিচরহিতস্যোপযোগার্থম্| অন্যে দশাঙ্গশব্দেনাতিসারোক্তং শালিপর্ণ্যাদিকমাহুঃ; তমপি দশমূলং নিরামহেতুনৈব নেচ্ছতি কার্তিককুণ্ডঃ||২৩||
Adhikarana 22 (24) · Śloka 24
কৃতং গুডূচ্যা বিধিবত্ কষাযং হিমসঞ্জ্ঞিতম্ | তিসৃষ্বপি ভবেত্ পথ্যং মাক্ষিকেণ সমন্বিতম্ ||২৪||
कृतं गुडूच्या विधिवत् कषायं हिमसञ्ज्ञितम् | तिसृष्वपि भवेत् पथ्यं माक्षिकेण समन्वितम् ||२४||
🔊 Audio coming soon
সন্নিপাতজাযাশ্চিকিত্সিতমাহ- কৃতমিত্যাদি| বিধিবত্ যথোক্তশীতকষাযবিধিনা| হিমসঞ্জ্ঞিতং শীতকষাযাখ্যম্| তিসৃষু বাতপিত্তকফজাসু, অপিশব্দাত্ সন্নিপাতজাস্বপি| সান্নিপাতিকী ছর্দির্বাহুল্যেনাসাধ্যা, অতস্তস্যাশ্চিকিত্সিতং নোক্তম্| শীতকষাযবিধানং চ ভেষজপলং ক্ষুণ্ণমুষ্ণাম্বুচতুষ্পলাপ্লুতং নিশি সংস্থিতং গ্রাহ্যমিতি| তন্ত্রান্তরে যথা- “দ্রব্যাদাপোত্থিতাত্তোযে প্রতপ্তে নিশি সংস্থিতাত্| কষাযো যোঽভিনির্যাতি স শীতঃ সমুদাহৃতঃ|| ষড্ভিঃ পলৈশ্চতুর্ভির্বা সলিলাচ্ছীতফাণ্টযোঃ| আপ্লুতং ভেষজপলং রসাখ্যস্য পলদ্বযম্”- ইতি| প্রচারস্তু ভিষজাং ভেষজপল এব জলপলদ্বযেনেতি| ননু, গুডূচী শাকবর্গে কফপিত্তমাত্রশমনী পঠিতা, তত্কথমস্যাঃ শীতকষাযো বাতাদিত্রযজাসু শস্তত্বেনোপদিশ্যতে? উচ্যতে- মধুযোগমহিম্না দোষত্রযেঽপি হিতত্বমস্যাঃ| কিংবা শাকবর্গে পত্রমস্যাঃ কফপিত্তহরমুক্তং, লতা তু বাতং শমযতি; তদুক্তং চরকে- “অমৃতা সঙ্গ্রাহকদীপনীযবাতহরশ্লেষ্মশোণিতবিবন্ধপ্রশমনানাং”- ইতি||২৪||
Adhikarana 23 (25) · Śloka 26
বীভত্সজাং হৃদ্যতমৈর্দৌহৃদীং কাঙ্ক্ষিতৈঃ ফলৈঃ | লঙ্ঘনৈর্বমনৈশ্চামাং সাত্ম্যৈঃ সাত্ম্যপ্রকোপজাম্ ||২৫|| কৃমিহৃদ্রোগবচ্চাপি কৃমিজাং সাধযেদ্বমীম্ |২৬|
बीभत्सजां हृद्यतमैर्दौहृदीं काङ्क्षितैः फलैः | लङ्घनैर्वमनैश्चामां सात्म्यैः सात्म्यप्रकोपजाम् ||२५|| कृमिहृद्रोगवच्चापि कृमिजां साधयेद्वमीम् |२६|
🔊 Audio coming soon
বীভাত্সজাদিষ্বৌষধমাহ- বীভত্সজামিত্যাদি| দৌহৃদীং দৌহৃদবিমাননজাতাং বমিং; অন্যে গর্ভজামাহুঃ| আমাম্ আমজাম্| বমনং তাবত্ সর্বাস্বেবোপদিষ্টম্, আমজাযাং পুনর্বমনকথনং বলং বিনাঽপ্যত্র বমনং কার্যমিতি প্রতিপাদনার্থম্, অন্যথা হ্যামাদ্ব্যাপত্তিঃ| সাত্ম্যপ্রকোপজাং সাত্ম্যপরিত্যাগজাম্||২৫||-
Adhikarana 24 (26) · Śloka 26
বিতরেচ্চ যথাদোষং শস্তং বিধিমনন্তরম্ ||২৬||
वितरेच्च यथादोषं शस्तं विधिमनन्तरम् ||२६||
🔊 Audio coming soon
যথাদোষমতিদেশেন চিকিত্সামাহ- বিতরেচ্চ যথাদোষমিত্যাদি| যথাদোষমিতি দোষানতিক্রমেণ; যথাদোষপ্রকৃত্যাপাদনায স্বং স্বং চিকিত্সিতং কার্যং, তদনন্তরং দোষচিকিত্সিতং; অত এবৌষধমত্র ন নির্দিষ্টম্| অন্যে তু সর্বাস্বেব ছর্দিষু পুনরাবৃত্তিনিবারণার্থমেতত্ কর্তব্যমিত্যাহুঃ| ‘শস্তং’ ইত্যত্র ‘ব্যস্তং’ ইত্যন্যে পঠন্তি||২৬||
Adhikarana 25 (27-35) · Śloka 35
দধিত্থরসসংসক্তাং পিপ্পলীং মাক্ষিকান্বিতাম্ | মুহুর্মুহুর্নরো লীঢ্বা ছর্দিভ্যঃ প্রবি(তি)মুচ্যতে ||২৭|| সমাক্ষিকা মধুরসা পীতা বা তণ্ডুলাম্বুনা | তর্পণং বা মধুযুতং তিসৃণামপি ভেষজম্ ||২৮|| স্বযঙ্গুপ্তাং সযষ্ট্যাহ্বাং তণ্ডুলাম্বুমধুদ্রবাম্ | পিবেদ্যবাগূমথবা সিদ্ধাং পত্রৈঃ করঞ্জজৈঃ ||২৯|| যুক্তাম্ললবণাঃ পিষ্টাঃ কুস্তুম্বুর্যোঽথবা হিতাঃ | তণ্ডুলাম্বুযুতং খাদেত্ কপিত্থং ত্র্যূষণেন বা ||৩০|| সিতাচন্দনমধ্বাক্তং লিহ্যাদ্বা মক্ষিকাশকৃত্ | পিবেত্ পযোঽগ্নিতপ্তং চ নির্বাপ্য গৃহগোধিকাম্ ||৩১|| সর্পিঃক্ষৌদ্রযুতান্ বাঽপি লাজশক্তূন্ পিবেত্তথা | সর্পিঃক্ষৌদ্রসিতোপেতাং মাগধীং বা লিহেত্তথা ||৩২|| ধাত্রীরসে চন্দনং বা ঘৃষ্টং মুদ্গদলাম্বুনা | কোলামলকমজ্জানং লিহ্যাদ্বা ত্রিসুগন্ধিকম্ ||৩৩|| সক্ষৌদ্রাং শালিলাজানাং যবাগূং বা পিবেন্নরঃ | ঘ্রেযাণ্যুপহরেচ্চাপি মনোঘ্রাণসুখানি চ ||৩৪|| জাঙ্গলানি চ মাংসানি শুভানি পানকানি চ | ভোজনানি বিচিত্রাণি কুর্যাত্সর্বাস্বতন্দ্রিতঃ ||৩৫||
दधित्थरससंसक्तां पिप्पलीं माक्षिकान्विताम् | मुहुर्मुहुर्नरो लीढ्वा छर्दिभ्यः प्रवि(ति)मुच्यते ||२७|| समाक्षिका मधुरसा पीता वा तण्डुलाम्बुना | तर्पणं वा मधुयुतं तिसृणामपि भेषजम् ||२८|| स्वयङ्गुप्तां सयष्ट्याह्वां तण्डुलाम्बुमधुद्रवाम् | पिबेद्यवागूमथवा सिद्धां पत्रैः करञ्जजैः ||२९|| युक्ताम्ललवणाः पिष्टाः कुस्तुम्बुर्योऽथवा हिताः | तण्डुलाम्बुयुतं खादेत् कपित्थं त्र्यूषणेन वा ||३०|| सिताचन्दनमध्वाक्तं लिह्याद्वा मक्षिकाशकृत् | पिबेत् पयोऽग्नितप्तं च निर्वाप्य गृहगोधिकाम् ||३१|| सर्पिःक्षौद्रयुतान् वाऽपि लाजशक्तून् पिबेत्तथा | सर्पिःक्षौद्रसितोपेतां मागधीं वा लिहेत्तथा ||३२|| धात्रीरसे चन्दनं वा घृष्टं मुद्गदलाम्बुना | कोलामलकमज्जानं लिह्याद्वा त्रिसुगन्धिकम् ||३३|| सक्षौद्रां शालिलाजानां यवागूं वा पिबेन्नरः | घ्रेयाण्युपहरेच्चापि मनोघ्राणसुखानि च ||३४|| जाङ्गलानि च मांसानि शुभानि पानकानि च | भोजनानि विचित्राणि कुर्यात्सर्वास्वतन्द्रितः ||३५||
🔊 Audio coming soon
সামান্যেন ছর্দিচিকিত্সামাহ- দধিত্থরসসংযুক্তামিত্যাদি| দধিত্থঃ কপিত্থঃ, মাক্ষিকান্বিতাং মধুযুক্তাং; দধিত্থরসং পিপ্পলীমধুকযুক্তং পীত্বা ছর্দিং জযতীতি পিণ্ডার্থঃ| সমাক্ষিকেত্যাদি| মধুরসা মূর্বা| তণ্ডুলাম্বুনা তণ্ডুলধাবনোদকেন| তর্পণং লাজসক্তুকৃতং, লাজানাং ছর্দিহরত্বাত্| তিসৃণামিতি তিসৃণাং বাতাদিজানাং, ছর্দীনাং, এতেন ত্রিদোষজচ্ছর্দিহরত্বমস্যোক্তং ভবতি; যতো যত্ বাতাদিজাসু পৃথক্ তিসৃষু ভেষজং তদেব মিলিতবাতাদিত্রযজাযা অপি প্রকৃতিসমবেতাযা হিতম্| তথা চোক্তম্,- “যৈষা পৃথক্ত্বেন মযা ক্রিযোক্তা তাং সন্নিপাতেষু চ তীক্ষ্ণবুদ্ধ্যা| রোগেষু দোষাগ্নিবলাদ্যপেক্ষযা কুর্যাদ্ভিষক্ শাস্ত্রবিধৌ বিচক্ষণঃ”- ইতি| স্বযঙ্গুপ্তামিত্যাদি| স্বযঙ্গুপ্তা কপিকচ্ছূঃ| তণ্ডুলাম্বুমধুদ্রবামিতি তাণ্ডুলাম্বুমধূনি দ্রবে যস্যাং সা তামিত্যর্থঃ; মধু কর্ষপ্রমাণং, তণ্ডুলাম্বু চতুর্গুণম্| অথবা করঞ্জজৈঃ পত্রৈঃ সহ সিদ্ধাং যবাগূং পিবেত্, শ্লেষ্মভূযিষ্ঠাযামিত্যুপস্কারঃ| যুক্তাম্ললবণা ইত্যাদি| যুক্তাম্ললবণা উচিতপ্রমাণাম্ললবণযুক্তাঃ| পিষ্টা দৃষদি পিষ্টাঃ| কুস্তুম্বুর্যো ধান্যকাঃ| কেচিদ্যুক্তাম্ললবণা ইতি পদং যবাগ্বাঽপি সম্বধ্নন্তি| তণ্ডুলাম্ব্বিত্যাদি| ত্র্যূষণং ত্রিকটুকং; যোগদ্বযমেতত্; অথবা কপিত্থং তণ্ডুলাম্বুযুতং খাদেত্; ত্র্যূষণেন বা যুতং খাদেত্| সিতা শর্করা| চন্দনং রক্তচন্দনম্| সিতাদিযুক্তং মক্ষিকাপুরীষং বা লিহ্যাত্| পিবেদিত্যাদি| অগ্নিতপ্তাং গৃহগোধিকাং পযসি নির্বাপ্য তত্ পযঃ পিবেদিত্যর্থঃ| পযো জলম্| অত্র গৃহগোধি(পি)কাশব্দেন বরমঠীকৃতং মৃন্মযং গৃহমুচ্যতে উপচারাত্| অথবা সর্পিঃক্ষৌদ্রযুতান্ লাজশক্তূন্ পিবেত্| ধাত্রীরসে চন্দনং বা ঘৃষ্টং মুদ্গদলাম্বুনা পিবেত্| কোলাদিমজ্জানং মধুনা লিহ্যাত্| ত্রিসুগন্ধিকং ত্রিজাতকং বা মধুনা লিহ্যাত্| অথবা শালিলাজানাং যবাগূং পিবেত্| ঘ্রেযাণ্যুপাহরেদিত্যাদি| মনোজ্ঞানি সুখানি চেতি চেতোনাসিকাহ্লাদজনকানি ঘ্রেযাণি সুগন্ধদ্রব্যাণি, তথা সুখানি আযত্যাং সুখজনকানি| তথা জাঙ্গলানি মাংসানি শূল্যানি শূলপ্রোতানি পক্বানি তথা শুভানি পানকানি চ সুখজনকানি উপাহরেত্| ভোজনানি বিচিত্রাণি নানাপ্রকারাণি কুর্যাত্| অতন্দ্রিতঃ অনলসঃ||২৭-৩৫||
Adhikarana puShpikA · Śloka 49
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে ছর্দিপ্রতিষেধো নাম (একাদশোঽধ্যাযঃ, আদিতঃ) একোনপঞ্চাশত্তমোঽধ্যাযঃ ||৪৯||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे छर्दिप्रतिषेधो नाम (एकादशोऽध्यायः, आदितः) एकोनपञ्चाशत्तमोऽध्यायः ||४९||
🔊 Audio coming soon
ইতি শ্রীডল্হ(হ্ল)ণবিরচিতাযাং সুশ্রুতব্যাখ্যাযাং নিবন্ধসঙ্গ্রহাখ্যাযামুত্তরতন্ত্রে ছর্দিপ্রতিষেধো নামৈকোনপঞ্চাশত্তমোঽধ্যাযঃ||৪৯||