Adhikarana 1 (1-2) · Śloka 2
অথাতশ্ছেদ্যরোগপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातश्छेद्यरोगप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ভেদ্যরোগপ্রতিষেধানন্তরং পারিশেষ্যাচ্ছেদ্যরোগপ্রতিষেধারম্ভো যুজ্যত ইত্যাহ- অথাত ইত্যাদি||১-২||
Adhikarana 2 (3) · Śloka 3
স্নিগ্ধং ভুক্তবতো হ্যন্নমুপবিষ্টস্য যত্নতঃ | সংরোষযেত্তু নযনং ভিষক্ চূর্ণৈস্তু লাবণৈঃ ||৩||
स्निग्धं भुक्तवतो ह्यन्नमुपविष्टस्य यत्नतः | संरोषयेत्तु नयनं भिषक् चूर्णैस्तु लावणैः ||३||
🔊 Audio coming soon
তত্রৈকাদশসু ছেদ্যেষু প্রথমং পঞ্চানামর্মণামেকমেব প্রকারমুপদর্শযিষ্যন্ প্রথমং তত্প্রাক্কর্মৈব নির্দিশন্নাহ- স্নিগ্ধমিত্যাদি| স্নিগ্ধং ভুক্তবত ইতি সংশুদ্ধদেহস্য কৃতসংসর্জনস্য বিচারণাপ্রকারেণ বা স্নিগ্ধং ভুক্তবতঃ| যত্নত ইতি যথা নাতিপীডা স্যাত্| সংরোষযেত্ অর্মশিথিলীকরণায সঙ্ক্ষোভযেত্| লাবণৈঃ সৈন্ধবোত্থৈঃ||৩||
Adhikarana 3 (4-9) · Śloka 10
ততঃ সংরোষিতং তূর্ণং সুস্বিন্নং পরিঘট্টিতম্ | অর্ম যত্র বলীজাতং তত্রৈতল্লগযেদ্ভিষক্ ||৪|| অপাঙ্গং প্রেক্ষমাণস্য বডিশেন সমাহিতঃ | মুচুণ্ড্যাঽঽদায মেধাবী সূচীসূত্রেণ বা পুনঃ ||৫|| ন চোত্থাপযতা ক্ষিপ্রং কার্যমভ্যুন্নতং তু তত্ | শস্ত্রাবাধভযাচ্চাস্য বর্ত্মনী গ্রাহযেদ্দৃঢম্ ||৬|| ততঃ প্রশিথিলীভূতং ত্রিভিরেব বিলম্বিতম্ | উল্লিখন্মণ্ডলাগ্রেণ তীক্ষ্ণেন পরিশোধযেত্ ||৭|| বিমুক্তং সর্বতশ্চাপি কৃষ্ণাচ্ছুক্লাচ্চ মণ্ডলাত্ | নীত্বা কনীনকোপান্তং ছিন্দ্যান্নাতিকনীনকম্ ||৮|| চতুর্ভাগস্থিতে মাংসে নাক্ষি ব্যাপত্তিমৃচ্ছতি | কনীনকবধাদস্রং নাডী বাঽপ্যুপজাযতে ||৯|| হীনচ্ছেদাত্ পুনর্বৃদ্ধিং শীঘ্রমেবাধিগচ্ছতি |১০|
ततः संरोषितं तूर्णं सुस्विन्नं परिघट्टितम् | अर्म यत्र वलीजातं तत्रैतल्लगयेद्भिषक् ||४|| अपाङ्गं प्रेक्षमाणस्य बडिशेन समाहितः | मुचुण्ड्याऽऽदाय मेधावी सूचीसूत्रेण वा पुनः ||५|| न चोत्थापयता क्षिप्रं कार्यमभ्युन्नतं तु तत् | शस्त्राबाधभयाच्चास्य वर्त्मनी ग्राहयेद्दृढम् ||६|| ततः प्रशिथिलीभूतं त्रिभिरेव विलम्बितम् | उल्लिखन्मण्डलाग्रेण तीक्ष्णेन परिशोधयेत् ||७|| विमुक्तं सर्वतश्चापि कृष्णाच्छुक्लाच्च मण्डलात् | नीत्वा कनीनकोपान्तं छिन्द्यान्नातिकनीनकम् ||८|| चतुर्भागस्थिते मांसे नाक्षि व्यापत्तिमृच्छति | कनीनकवधादस्रं नाडी वाऽप्युपजायते ||९|| हीनच्छेदात् पुनर्वृद्धिं शीघ्रमेवाधिगच्छति |१०|
🔊 Audio coming soon
ইদানীং যাদৃশমর্ম বডিশেন গ্রাহ্যং তাদৃশং নির্দিশন্নাহ- তত ইত্যাদি| পরিঘট্টিতং চালিতম্| অর্ম যত্র বলীজাতমিত্যাদি| যত্র যস্মিন্ প্রদেশে অর্ম জাতবলীকং স্যাত্তত্র প্রদেশে এতদর্ম বডিশেন লগযেত্ সংযোজযেত্, গ্রাহযেদিত্যর্থঃ| মুচুণ্ড্যেত্যাদি|- তদনন্তরং বডিশং মুচুণ্ড্যা তর্জন্যঙ্গুষ্ঠসন্দংশেনাদায গৃহীত্বা সম্যগ্যোগেনোত্ক্ষেপযেত্| সূচীসূত্রেণ বা পুনরিতি মুচুণ্ড্যা বডিশোত্ক্ষেপাদনন্তরং প্রণিহিতং সসূত্রসূচীসূত্রেণ তদর্ম উত্ক্ষিপেত্| ন চোত্থাপযতেত্যাদি|- উত্থাপযতা বৈদ্যেন ক্ষিপ্রং সহসা তদর্মাত্যুন্নতং ন কার্যং, ত্রুটনভযাত্| বর্ত্মনী গ্রাহযেদিতি ঊর্ধ্বং স্থিতং বর্ত্ম ঊর্ধ্বমাকৃষ্য গ্রাহযেত্, অধঃ স্থিতমধ এবাকৃষ্য গ্রাহযেদিত্যর্থঃ| ততঃ প্রশিথিলীভূতমিত্যাদি|- প্রশিথিলীভূতং বিমুক্তনযনগোলকাশ্লেষম্ | ত্রিভিঃ বডিশাদিভিঃ, ন ত্বেকেন, ত্রুটনভযাত্; বিলম্বিতং বিশেষেণ লম্বিতং ধৃতমিত্যর্থঃ| উল্লিখন্নিত্যাদি- উল্লিখন্ ঊর্ধ্বমেবাধঃস্থিতং কুর্বন্| পরিশোধযেত্ সর্বত উন্মূলযেত্, ‘অর্মসন্তানং’ ইতি শেষঃ| কনীনকোপান্তং কনীনকসমীপং, কনীনকশ্চ নাসাসমীপস্থোঽক্ষিসন্ধিঃ| ছিন্দ্যাদিতি ক্রিযাসৌকর্যার্থং বডিশমপকৃষ্য প্রণিহিতসূচীসূত্রেণাবলম্ব্যার্ম ছিন্দ্যাদিত্যর্থঃ| নাতিকনীনকমিতি অতিক্রান্তকনীনকং যথা ন স্যাত্তথা ছিন্দ্যাদিত্যর্থঃ| চতুর্ভাগস্থিতে ইতি অক্ষিগোলকস্যোপরিতনে মাংসে চতুর্ভাগেন স্থিতে ইত্যর্থঃ, নান্তিকে | ব্যাপত্তিং ব্যাপদম্, ঋচ্ছতি প্রাপ্নোতীত্যর্থঃ| কনীনকবধাদিত্যাদি অতিচ্ছেদাত্ কনীনকবধঃ| অস্রং রক্তম্| নাডীতি নাডীব্রণঃ| অপিশব্দাদ্বেদনা চ| হীনচ্ছেদাত্ কিং স্যাদিত্যাহ- বৃদ্ধিমধিগচ্ছতি; ‘অর্ম’ ইতি শেষঃ||৪-৯||-
Adhikarana 4 (10) · Śloka 11
অর্ম যজ্জালবদ্ব্যাপি তদপ্যুন্মার্জ্য লম্বিতম্ ||১০|| ছিন্দ্যাদ্বক্রেণ শস্ত্রেণ বর্ত্মশুক্লান্তমাশ্রিতম্ |১১|
अर्म यज्जालवद्व्यापि तदप्युन्मार्ज्य लम्बितम् ||१०|| छिन्द्याद्वक्रेण शस्त्रेण वर्त्मशुक्लान्तमाश्रितम् |११|
🔊 Audio coming soon
যত্র পুনঃ প্রস্তার্যর্মণি বিস্তরত্বাদর্মণো বর্ত্মদ্বযসমীপশুক্লাবযবব্যাপিনো বলীভাবো নাস্তি তত্র কিং করণীযমিতি দর্শযন্নাহ- অর্মেত্যাদি| যদর্ম জালবন্মত্স্যবন্ধনজালসদৃশং ব্যাপি ব্যাপনশীলং তদপি সৈন্ধবচূর্ণেন সহোর্ধ্বঘৃষ্টং শিথিলীভূতং বক্রশস্ত্রেণ বডিশেন লম্বিতং মণ্ডলাগ্রেণ ছিন্দ্যাদিত্যর্থঃ| বর্ত্মশুক্লান্তমাশ্রিতমিতি অত্র বর্ত্মনোঽন্ত শব্দঃ সমীপবাচী, শুক্লে পুনরবযববাচী| কেচিত্ ‘অর্মবজ্জালকং ব্যাপি’ ইতি পঠন্তি; জালকং স্নায্বর্ম, তচ্চ বক্রেণ শস্ত্রেণ লম্বিতমর্মবচ্ছিন্দ্যাত্, বর্ত্মশুক্লান্তমাশ্রিতং পুনরর্ম উল্লেখপ্রকারেণ ছিন্দ্যাদিতি চ ব্যাখ্যানযন্তি||১০||-
Adhikarana 5 (11-13) · Śloka 14
প্রতিসারণমক্ষ্ণোস্তু ততঃ কার্যমনন্তরম্ ||১১|| যাবনালস্য চূর্ণেন ত্রিকটোর্লবণস্য চ | স্বেদযিত্বা ততঃ পশ্চাদ্বধ্নীযাত্ কুশলো ভিষক্ ||১২|| দোষর্তুবলকালজ্ঞঃ স্নেহং দত্ত্বা যথাহিতম্ | ব্রণবত্ সংবিধানং তু তস্য কুর্যাদতঃ পরম্ ||১৩|| ত্র্যহান্মুক্ত্বা করস্বেদং দত্ত্বা শোধনমাচরেত্ |১৪|
प्रतिसारणमक्ष्णोस्तु ततः कार्यमनन्तरम् ||११|| यावनालस्य चूर्णेन त्रिकटोर्लवणस्य च | स्वेदयित्वा ततः पश्चाद्बध्नीयात् कुशलो भिषक् ||१२|| दोषर्तुबलकालज्ञः स्नेहं दत्त्वा यथाहितम् | व्रणवत् संविधानं तु तस्य कुर्यादतः परम् ||१३|| त्र्यहान्मुक्त्वा करस्वेदं दत्त्वा शोधनमाचरेत् |१४|
🔊 Audio coming soon
ছেদানন্তরং প্রতিসারণং নির্দিশন্নাহ- প্রতিসারণমিত্যাদি| তত ইতি কর্মণঃ| যাবনালস্য যবক্ষারস্য, লবণস্য সৈন্ধবস্য| স্বেদযিত্বেত্যাদি| স্বেদযিত্বা ‘করেণ’ ইতি শেষঃ| কুশলো বন্ধাদিবেত্তা| ‘দোষর্তুবলকালজ্ঞ’ ইতি দোষাণাং চযাদিমুখেন বলকালজ্ঞঃ, ঋতূনামাদিমধ্যাবসানেন; অথবা দোষা বাতাদযঃ, ঋতবো হেমন্তাদযঃ, বলং ক্রিযাসু সামর্থ্যং, কালশ্চাবস্থিকঃ, তান্ জানাতি যঃ স তাদৃশঃ| স্নেহং দত্ত্বা যথাহিতমিতি সন্ধানার্থং ঘৃতাদীনাং মধ্যে যো যস্মৈ হিতস্তং দত্ত্বেত্যর্থঃ| তথাঽনুক্তমপি চক্ষুষ্যং সদ্যোব্রণহিতং ত্রিফলালোধ্রচন্দনাদিকষাযদ্রবকল্কপিণ্ডং দত্ত্বা বধ্নীযাত্, তেনৈব চ প্রক্ষালনম্| ব্রণবদিত্যাদি ব্রণবত্ সংবিধানং শোধনরোপণাদিকম্| তদেব শোধনবিধানং দর্শযন্নাহ- ত্র্যহাদিত্যাদি||১১-১৩||-
Adhikarana 6 (14-15) · Śloka 16
করঞ্জবীজামলকমধুকৈঃ সাধিতং পযঃ ||১৪|| হিতমাশ্চ্যোতনং শূলে দ্বিরহ্নঃ ক্ষৌদ্রসংযুতম্ | মধুকোত্পলকিঞ্জল্কদূর্বাকল্কৈশ্চ মূর্ধনি ||১৫|| প্রলেপঃ সঘৃতঃ শীতঃ ক্ষীরপিষ্টঃ প্রশস্যতে |১৬|
करञ्जबीजामलकमधुकैः साधितं पयः ||१४|| हितमाश्च्योतनं शूले द्विरह्नः क्षौद्रसंयुतम् | मधुकोत्पलकिञ्जल्कदूर्वाकल्कैश्च मूर्धनि ||१५|| प्रलेपः सघृतः शीतः क्षीरपिष्टः प्रशस्यते |१६|
🔊 Audio coming soon
ইদানীমাবস্থিকশূলস্য চিকিত্সামাহ- করঞ্জবীজেত্যাদি| আশ্চ্যোতনম্ অক্ষিপূরণম্| দ্বিরহ্ন ইতি দিবসস্য কালদ্বযম্| তস্মিন্নেব শূলে শিরোলেপং দর্শযন্নাহ- মধুকোত্পলকিঞ্জল্কেত্যাদি| উত্পলং নীলোত্পলং, কিঞ্জল্কঃ পদ্মকেশরম্||১৪-১৫||-
Adhikarana 7 (16) · Śloka 16
লেখ্যাঞ্জনৈরপহরেদর্মশেষং ভবেদ্যদি ||১৬||
लेख्याञ्जनैरपहरेदर्मशेषं भवेद्यदि ||१६||
🔊 Audio coming soon
শস্ত্রকর্মাবশিষ্টস্যার্মণো লেখ্যাঞ্জনৈরেবাপহরণং নির্দিশন্নাহ- লেখ্যাঞ্জনৈরিত্যাদি| লেখ্যাঞ্জনৈরিতি ‘লোহচূর্ণানি সর্বাণি ধাতবো লবণানি চ’ ইত্যাদিনা শুক্রনির্দিষ্টৈঃ||১৬||
Adhikarana 8 (17) · Śloka 17
অর্ম চাল্পং দধিনিভং নীলং রক্তমথাপি বা | ধূসরং তনু যচ্চাপি শুক্রবত্তদুপাচরেত্ ||১৭||
अर्म चाल्पं दधिनिभं नीलं रक्तमथापि वा | धूसरं तनु यच्चापि शुक्रवत्तदुपाचरेत् ||१७||
🔊 Audio coming soon
ইদানীং লেখ্যাঞ্জনপ্রসঙ্গেন যাদৃশং লেখনসাধ্যমর্ম তাদৃশং দর্শযন্নাহ- অর্ম চাল্পমিত্যাদি| অল্পং বিস্তারেণ, দধিনিভং শুক্লার্ম, নীলং প্রস্তারি, রক্তং লোহিতার্ম, ধূসরং পাণ্ডুরং, তনু স্নায্বর্ম, তনু যচ্চাপীত্যত্র চকারাপিশব্দাভ্যাং মাংসার্মাপি যকৃত্প্রকাশং শ্যাবং বা; এতত্ পঞ্চবিধমপ্যর্ম বিস্তীর্ণং তনু বা শুক্রবদেব লেখ্যাঞ্জনৈরেবোপচরণীযম্||১৭||
Adhikarana 9 (18) · Śloka 18
চর্মাভং বহলং যত্তু স্নাযুমাংসঘনাবৃতম্ | ছেদ্যমেব তদর্ম স্যাত্ কৃষ্ণমণ্ডলগং চ যত্ ||১৮||
चर्माभं बहलं यत्तु स्नायुमांसघनावृतम् | छेद्यमेव तदर्म स्यात् कृष्णमण्डलगं च यत् ||१८||
🔊 Audio coming soon
ইদানীং যাদৃশং ছেদ্যমর্ম তাদৃশং দর্শযন্নাহ- চর্মাভমিত্যাদি| চর্মবদাভাসতে যত্তত্তথা চর্মখণ্ডবদিত্যর্থঃ| বহলং স্থূলম্| স্নাযুমাংসঘনং স্নাযুমাংসাভ্যাং ঘনং যথা স্যাদেবমাবৃতং; ‘স্নাযুমাংসসিরাবৃতং’ ইতি কেচিত্ পঠন্তি| কৃষ্ণমণ্ডলগমিতি দৃষ্টিমার্গাবরণকারীত্যর্থঃ||১৮||
Adhikarana 10 (19) · Śloka 19
বিশুদ্ধবর্ণমক্লিষ্টং ক্রিযাস্বক্ষি গতক্লমম্ | ছিন্নেঽর্মণি ভবেত্ সম্যগ্যথাস্বমনুপদ্রবম্ ||১৯||
विशुद्धवर्णमक्लिष्टं क्रियास्वक्षि गतक्लमम् | छिन्नेऽर्मणि भवेत् सम्यग्यथास्वमनुपद्रवम् ||१९||
🔊 Audio coming soon
সম্যক্ছিন্নস্যার্মণো লক্ষণমাহ- বিশুদ্ধবর্ণমিত্যাদি| বিশুদ্ধবর্ণমর্মাপনযনাত্ প্রকৃতিবর্ণমক্ষি ভবেত্| অক্লিষ্টং ক্রিযাস্বিতি নিমেষোন্মেষাদিষু ন ক্লেশবত্| গতক্লমম্ অনাযাসক্লেশরহিতম্| কেচিদক্লিষ্টং নির্দোষং, ক্রিযাস্বক্ষি গতক্লমং ক্রিযাসূন্মেষাদিষ্বপি নিরাবাধং স্যাদিতি ব্যাখ্যানযন্তি| যথাস্বমনুপদ্রবমিতি হীনাতিচ্ছেদযোর্যে প্রত্যেকমুপদ্রবাস্তে ন বিদ্যমানা যস্য তত্তথেত্যর্থঃ||১৯||
Adhikarana 11 (20) · Śloka 20
সিরাজালে সিরা যাস্তু কঠিনাস্তাশ্চ বুদ্ধিমান্ | উল্লিখেন্মণ্ডলাগ্রেণ বডিশেনাবলম্বিতাঃ ||২০||
सिराजाले सिरा यास्तु कठिनास्ताश्च बुद्धिमान् | उल्लिखेन्मण्डलाग्रेण बडिशेनावलम्बिताः ||२०||
🔊 Audio coming soon
অর্মচ্ছেদং প্রতিপাদ্য সিরাজালচ্ছেদং প্রতিপাদযন্নাহ- সিরাজালে ইত্যাদি| পূর্ববদেব স্নিগ্ধস্বিন্নসংরোষিতনযনস্য বডিশেনাবলম্বিতাঃ কঠিনসিরা মণ্ডলাগ্রেণোর্ধ্বং লিখেত্ ঊর্ধ্বং ছিন্দ্যাদিতি পিণ্ডার্থঃ| কঠিনসিরাগ্রহণান্মৃদূনাং সিরাণাং লেখ্যাঞ্জনং যোজ্যমিতি জ্ঞেযম্||২০||
Adhikarana 12 (21) · Śloka 21
সিরাসু পিডকা জাতা যা ন সিধ্যন্তি ভেষজৈঃ | অর্মবন্মণ্ডলাগ্রেণ তাসাং ছেদনমিষ্যতে ||২১||
सिरासु पिडका जाता या न सिध्यन्ति भेषजैः | अर्मवन्मण्डलाग्रेण तासां छेदनमिष्यते ||२१||
🔊 Audio coming soon
সিরাজপিডকাসু ভেষজৈরসিধ্যমানাসু ছেদং দর্শযন্নাহ- সিরাস্বিত্যাদি| অর্মবচ্ছেদনমিতি অর্মোক্তং পূর্বকর্মাদিকং কৃত্বা ছেদঃ কার্যঃ||২১||
Adhikarana 13 (22) · Śloka 22
রোগযোশ্চৈতযোঃ কার্যমর্মোক্তং প্রতিসারণম্ | বিধিশ্চাপি যথাদোষং লেখনদ্রব্যসম্ভৃতঃ ||২২||
रोगयोश्चैतयोः कार्यमर्मोक्तं प्रतिसारणम् | विधिश्चापि यथादोषं लेखनद्रव्यसम्भृतः ||२२||
🔊 Audio coming soon
রোগযোরিত্যাদি| এতযোঃ সিরাজালসিরাপিডকযোঃ| অর্মোক্তং প্রতিসারণমিতি ‘যাবনালস্য চূর্ণেন’ ইত্যাদ্যুক্তম্| যথাদোষং যো বিধির্বাতাভিষ্যন্দনাদিষু নির্দিষ্টঃ স চ কার্যো লেখনৈর্দ্রব্যৈঃ সম্পাদিত ইত্যর্থঃ||২২||
Adhikarana 14 (13-14) · Śloka 25
সন্ধৌ সংস্বেদ্য শস্ত্রেণ পর্বণীকাং বিচক্ষণঃ | উত্তরে চ ত্রিভাগে চ বডিশেনাবলম্বিতাম্ ||২৩|| ছিন্দ্যাত্ততোঽর্ধমগ্রে, স্যাদশ্রুনাডী হ্যতোঽন্যথা | প্রতিসারণমত্রাপি সৈন্ধবক্ষৌদ্রমিষ্যতে ||২৪|| লেখনীযানি চূর্ণানি ব্যাধিশেষস্য ভেষজম্ |২৫|
सन्धौ संस्वेद्य शस्त्रेण पर्वणीकां विचक्षणः | उत्तरे च त्रिभागे च बडिशेनावलम्बिताम् ||२३|| छिन्द्यात्ततोऽर्धमग्रे, स्यादश्रुनाडी ह्यतोऽन्यथा | प्रतिसारणमत्रापि सैन्धवक्षौद्रमिष्यते ||२४|| लेखनीयानि चूर्णानि व्याधिशेषस्य भेषजम् |२५|
🔊 Audio coming soon
পর্বণিকাপিডকাচ্ছেদনমাহ- সন্ধাবিত্যাদি| সন্ধৌ কৃষ্ণশুক্লসন্ধৌ, সংস্বেদ্য সম্যক্ স্বেদযিত্বা, পরং যথা দৃশোঃ পীডা ন স্যাত্, উত্তরে ত্রিভাগে বডিশেনাবলম্বিতাং বিদ্ধা গৃহীতাং, ছিন্দ্যাত্ততোঽর্ধমগ্রে ইতি তদনন্তরমগ্রেঽর্ধং ছিন্দ্যাত্ মূলাগ্রযোর্মিত্বা মধ্যে তাং ছিন্দ্যাদিত্যর্থঃ| তস্যাং ছিন্নাযাং প্রতিসারণমাহ- প্রতিসারণমিত্যাদি| শস্ত্রকর্মাবশিষ্টস্য পর্বণীশেষস্য চিকিত্সামাহ- লেখনীযানীত্যাদি||১৩-১৪||-
Adhikarana 15 (25-28) · Śloka 28
শঙ্খং সমুদ্রফেনং চ মণ্ডূকীং চ সমুদ্রজাম্ ||২৫|| স্ফটিকং কুরুবিন্দং চ প্রবালাশ্মন্তকং তথা | বৈদূর্যং পুলকং মুক্তামযস্তাম্ররজাংসি চ ||২৬|| সমভাগানি সম্পিষ্য সার্ধং স্রোতোঞ্জনেন তু | চূর্ণাঞ্জনং কারযিত্বা ভাজনে মেষশৃঙ্গজে ||২৭|| সংস্থাপ্যোভযতঃ কালমঞ্জযেত্ সততং বুধঃ | অর্মাণি পিডকাং হন্যাত্ সিরাজালানি তেন বৈ ||২৮||
शङ्खं समुद्रफेनं च मण्डूकीं च समुद्रजाम् ||२५|| स्फटिकं कुरुविन्दं च प्रवालाश्मन्तकं तथा | वैदूर्यं पुलकं मुक्तामयस्ताम्ररजांसि च ||२६|| समभागानि सम्पिष्य सार्धं स्रोतोञ्जनेन तु | चूर्णाञ्जनं कारयित्वा भाजने मेषशृङ्गजे ||२७|| संस्थाप्योभयतः कालमञ्जयेत् सततं बुधः | अर्माणि पिडकां हन्यात् सिराजालानि तेन वै ||२८||
🔊 Audio coming soon
তান্যেব লেখনীযচূর্ণান্যাহ- শঙ্খমিত্যাদি| মণ্ডূকীং চ সমুদ্রজামিতি সমুদ্রজা মণ্ডূকী মুক্তানাং শুক্তিঃ| কুরুবিন্দঃ পদ্মরাগঃ, ‘নিশানোপল’ ইত্যন্যে, অশ্মন্তকং সলৌপমং(?) মণিবিশেষঃ| বৈদূর্যমিতি বিদূরগিরিসম্ভবম্ অত্যচ্ছমানীলং, পুলকং স্ফটিকমেব পাকাদ্বর্ণান্তরমাপন্নং; কেচিত্ ‘বৈদূর্যোপলকং’ ইতি পঠন্তি, তত্র বৈদূর্যোপলকং বেরুডিকেতি ব্যাখ্যানযন্তি| মেষশৃঙ্গ ইঙ্গুদীভেদঃ; কেচিত্ মেষবিষাণরচিতভাজনং মন্যন্তে||২৫-২৮||
Adhikarana 16 (29) · Śloka 29
অর্শস্তথা যচ্চ নাম্না শুষ্কার্শোঽর্বুদমেব চ | অভ্যন্তরং বর্ত্মশযা বিধানং তেষু বক্ষ্যতে ||২৯||
अर्शस्तथा यच्च नाम्ना शुष्कार्शोऽर्बुदमेव च | अभ्यन्तरं वर्त्मशया विधानं तेषु वक्ष्यते ||२९||
🔊 Audio coming soon
অর্শ ইত্যাদি| অভ্যন্তরং বর্ত্মশযা ইতি বর্ত্মাভ্যন্তরাশ্রযা ইত্যর্থঃ||২৯||
Adhikarana 17 (30-32) · Śloka 33
বর্ত্মোপস্বেদ্য নির্ভুজ্য সূচ্যোত্ক্ষিপ্য প্রযত্নতঃ | মণ্ডলাগ্রেণ তীক্ষ্ণেন মূলে ভিন্দ্যাদ্ভিষগ্বরঃ ||৩০|| ততঃ সৈন্ধবকাসীসকৃষ্ণাভিঃ প্রতিসারযেত্ | স্থিতে চ রুধিরে বর্ত্ম দহেত্ সম্যক্ শলাকযা ||৩১|| ক্ষারেণাবলিখেচ্চাপি ব্যাধিশেষো ভবেদ্যদি | তীক্ষ্ণৈরুভযতোভাগৈস্ততো দোষমধিক্ষিপেত্ ||৩২|| বিতরেচ্চ যথাদোষমভিষ্যন্দক্রিযাবিধিম্ |৩৩|
वर्त्मोपस्वेद्य निर्भुज्य सूच्योत्क्षिप्य प्रयत्नतः | मण्डलाग्रेण तीक्ष्णेन मूले भिन्द्याद्भिषग्वरः ||३०|| ततः सैन्धवकासीसकृष्णाभिः प्रतिसारयेत् | स्थिते च रुधिरे वर्त्म दहेत् सम्यक् शलाकया ||३१|| क्षारेणावलिखेच्चापि व्याधिशेषो भवेद्यदि | तीक्ष्णैरुभयतोभागैस्ततो दोषमधिक्षिपेत् ||३२|| वितरेच्च यथादोषमभिष्यन्दक्रियाविधिम् |३३|
🔊 Audio coming soon
তদেব বিধানমাহ- বর্ত্মেত্যাদি| নির্ভুজ্য পরিবর্ত্য, উত্তানং কৃত্বেত্যর্থঃ| কেচিদমুমেব পাঠমন্যথা কৃত্বা পঠন্তি, স চ বর্তমানপুস্তকেষু ন দৃশ্যতে, অতো ন লিখিতঃ| তেষাং কর্মণি কৃতে প্রতিসারণমাহ- তত ইত্যাদি| প্রতিসারযেদ্ ঘর্ষযেত্| শস্ত্রকর্মাবশিষ্টানামর্শআদীনাং চিকিত্সামাহ- স্থিত ইত্যাদি| সম্যগ্ যোগেন, শলাকযেতি বস্ত্রাচ্ছাদিতাং দৃষ্টিং কৃত্বা অগ্নিতপ্তশলাকযা ব্যাধিশেষং দহেত্, ক্ষারেণাবলিখেচ্চ| সর্বেষ্বেবোক্তেষু ছেদ্যরোগেষ্বনির্দিষ্টং ভেষজং নির্দিশন্নাহ- তীক্ষ্ণৈরিত্যাদি| উভযতোভাগৈঃ বামনীযবিরেচনদ্রব্যৈঃ| দোষং ব্রণগতাং দোষদুষ্টিং; এতেনৈতদুক্তং ভবতি- বামনীযবিরেচনীযদ্রব্যাণাং কল্ককষাযাদিনা ব্রণশুদ্ধিঃ কর্তব্যেত্যর্থঃ| কেচিদ্বমনবিরেচনৈরেব কফাদিকং দোষং নির্হরেদিতি মন্যন্তে; এতচ্চ পঞ্জিকাকারেণ দূষিতম্||৩০-৩২||-
Adhikarana 18 (33) · Śloka 33
শস্ত্রকর্মণ্যুপরতে মাসং চ স্যাত্ সুযন্ত্রিতঃ ||৩৩||
शस्त्रकर्मण्युपरते मासं च स्यात् सुयन्त्रितः ||३३||
🔊 Audio coming soon
ইদানীং ছেদ্যাদিষু পরিহার্যপরিহারাবধিং দর্শযন্নাহ- শস্ত্রকর্মণীত্যাদি||৩৩||
Adhikarana puShpikA · Śloka 15
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে ছেদ্যরোগপ্রতিষেধো নাম পঞ্চদশোঽধ্যাযঃ ||১৫||
इति सुश्रुतसंहितायामुत्तरतन्त्रान्तर्गते शालाक्यतन्त्रे छेद्यरोगप्रतिषेधो नाम पञ्चदशोऽध्यायः ||१५||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে শালাক্যতন্ত্রে পঞ্চদশোঽধ্যাযঃ||১৫||