Adhikarana 1 (1-2) · Śloka 2
অথাতঃ কর্ণগতরোগবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः कर्णगतरोगविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
ইন্দ্রিযগতরোগসামান্যাচ্ছ্রবণগতরোগবিজ্ঞানীযারম্ভো যুক্ত ইত্যত আহ- অথাত ইত্যাদি| গতশব্দ আশ্রিতপর্যাযঃ||১-২||
Adhikarana 2 (3-5) · Śloka 5
কর্ণশূলং প্রণাদশ্চ বাধির্যং ক্ষ্বেড এব চ | কর্ণস্রাবঃ কর্ণকণ্ডূঃ কর্ণবর্চস্তথৈব চ ||৩|| কৃমিকর্ণপ্রতিনাহৌ বিদ্রধির্দ্বিবিধস্তথা | কর্ণপাকঃ পূতিকর্ণস্তথৈবার্শশ্চতুর্বিধম্ ||৪|| কর্ণার্বুদং সপ্তবিধং শোফশ্চাপি চতুর্বিধঃ | এতে কর্ণগতা রোগা অষ্টাবিংশতিরীরিতাঃ ||৫||
कर्णशूलं प्रणादश्च बाधिर्यं क्ष्वेड एव च | कर्णस्रावः कर्णकण्डूः कर्णवर्चस्तथैव च ||३|| कृमिकर्णप्रतिनाहौ विद्रधिर्द्विविधस्तथा | कर्णपाकः पूतिकर्णस्तथैवार्शश्चतुर्विधम् ||४|| कर्णार्बुदं सप्तविधं शोफश्चापि चतुर्विधः | एते कर्णगता रोगा अष्टाविंशतिरीरिताः ||५||
🔊 Audio coming soon
তানেব কর্ণগতরোগান্নামভিঃ সঙ্খ্যযা চাহ- কর্ণশূলমিত্যাদি| কর্ণশূলস্য কষ্টসাধ্যত্বাত্ প্রাগেব নির্দেশঃ| বিদ্রধির্দ্বিবিধঃ- দোষবিদ্রধিঃ ক্ষতবিদ্রধিশ্চ; অর্শশ্চতুর্বিধং- বাতপিত্তকফসন্নিপাতৈঃ; অর্বুদং সপ্তবিধং- বাতেন পিত্তেন কফেন চাপি রক্তেন মাংসেন চ মেদসা চ, সপ্তমং শালাক্যতন্ত্রে; শোফশ্চতুর্বিধঃ- বাতপিত্তকফসন্নিপাতৈঃ| সঙ্খ্যেযনির্দেশাদেব সঙ্খ্যাযাং লব্ধাযামষ্টাবিংশতিরিতি ভূযঃ সঙ্খ্যাকরণং নিযমার্থং, তেন চ বিদেহসঙ্খ্যযা অধিকত্বং মা ভূদিত্যর্থঃ||৩-৫||
Adhikarana 3 (6) · Śloka 6
সমীরণঃ শ্রোত্রগতোঽন্যথাচরঃ সমন্ততঃ শূলমতীব কর্ণযোঃ | করোতি দোষৈশ্চ যথাস্বমাবৃতঃ স কর্ণশূলঃ কথিতো দুরাচরঃ ||৬||
समीरणः श्रोत्रगतोऽन्यथाचरः समन्ततः शूलमतीव कर्णयोः | करोति दोषैश्च यथास्वमावृतः स कर्णशूलः कथितो दुराचरः ||६||
🔊 Audio coming soon
কর্ণশূলমাহ- সমীরণ ইত্যাদি| অন্যথাচর ইতি বিমার্গগঃ| সমন্ততঃ শূলমতীব কর্ণযোঃ করোতীতি সম্বন্ধনীযম্| দোষৈঃ কফপিত্তরক্তৈঃ, অন্যে তু বাযোরেব বায্বন্তরাবরণাদ্বহুবচনং সমর্থযন্তি| স্বস্য স্বস্য দোষস্য অনতিক্রমেণ যথাস্বম্| দুরাচরো দুঃখেনোপচর্যত ইত্যর্থঃ| অন্যে ‘দুরাসদ’ ইতি পঠন্তি, দুর্বার ইতি ব্যাখ্যানযন্তি| যদ্যপি শূলবাধির্যবিদ্রধ্যর্শোর্বুদশোফাঃ প্রাঙ্নির্দিষ্টাস্তথাঽপি কর্ণরোগসঙ্গ্রহার্থং সাধ্যাসাধ্যবিভাগার্থং চ পুনর্নির্দিষ্টাঃ; শূলস্তু বাতব্যাধিনিদানে কেবলবাতজ উক্তঃ অত্র পুনর্দোষৈরাবৃত ইতি ন পৌনরুক্ত্যম্||৬||
Adhikarana 4 (7) · Śloka 7
যদা তু নাডীষু বিমার্গমাগতঃ স এব শব্দাভিবহাসু তিষ্ঠতি | শৃণোতি শব্দান্ বিবিধাংস্তদা নরঃ প্রণাদমেনং কথযন্তি চামযম্ ||৭||
यदा तु नाडीषु विमार्गमागतः स एव शब्दाभिवहासु तिष्ठति | शृणोति शब्दान् विविधांस्तदा नरः प्रणादमेनं कथयन्ति चामयम् ||७||
🔊 Audio coming soon
কর্ণনাদমাহ- যদা তু নাডীষ্বিত্যাদি| বিমার্গমাগতঃ বিরুদ্ধমার্গং প্রাপ্তঃ, বিমার্গোঽত্র শির এব, বিমার্গগঃ তির্যগ্গো যদা তিষ্ঠতি, (স এবেত্যেবশব্দেন কফাদ্যাবরণাবৃতঃ| অন্যে তু শব্দবহাসু নাডীষু স এব বাযুর্বিমার্গগো যদা নিরুদ্ধ্যতি) তদা বিবিধান্ শব্দান্ নরঃ শৃণোতীতি ব্যাখ্যানযন্তি| অস্য রোগস্যাপীডাকরত্বাদরোগত্বং মা ভূদিতি দ্যোতনার্থমামযবচনম্||৭||
Adhikarana 5 (8) · Śloka 8
স এব শব্দানুবহা যদা সিরাঃ কফানুযাতো ব্যনুসৃত্য তিষ্ঠতি | তদা নরস্যাপ্রতিকারসেবিনো ভবেত্তু বাধির্যমসংশযং খলু ||৮||
स एव शब्दानुवहा यदा सिराः कफानुयातो व्यनुसृत्य तिष्ठति | तदा नरस्याप्रतिकारसेविनो भवेत्तु बाधिर्यमसंशयं खलु ||८||
🔊 Audio coming soon
বাধির্যমাহ- স এব শব্দানুবহা ইত্যাদি| স এব শুদ্ধো বাযুঃ কফানুযাতঃ কফানুগতঃ| স এবেত্যত্রাপিশব্দো লুপ্তো দ্রষ্টব্যঃ, তেন ন কেবলং শুদ্ধো বাযুঃ শ্লেষ্মান্বিতোঽপি বেত্যর্থঃ| ব্যনুসৃত্য বিবিধমার্গমাবৃত্য| অপ্রতিকারসেবিনঃ চিকিত্সামকুর্বতঃ||৮||
Adhikarana 6 (9) · Śloka 9
শ্রমাত্ ক্ষযাদ্রূক্ষকষাযভোজনাত্ সমীরণঃ শব্দপথে প্রতিষ্ঠিতঃ | বিরিক্তশীর্ষস্য চ শীতসেবিনঃ করোতি হি ক্ষ্বেডমতীব কর্ণযোঃ ||৯||
श्रमात् क्षयाद्रूक्षकषायभोजनात् समीरणः शब्दपथे प्रतिष्ठितः | विरिक्तशीर्षस्य च शीतसेविनः करोति हि क्ष्वेडमतीव कर्णयोः ||९||
🔊 Audio coming soon
কর্ণক্ষ্বেডমাহ- শ্রমাদিত্যাদি| ক্ষযো ধাতুক্ষযঃ| ক্ষ্বেডঃ শব্দঃ| কর্ণনাদঃ কেবলবাতারব্ধো নানাবিধশব্দান্বিতঃ, কর্ণক্ষ্বেডস্তু দোষসংসৃষ্টবাতারব্ধো বংশঘোষানুকারিশব্দান্বিতঃ| তথা চ বিদেহঃ,- “মারুতঃ কফবাতাভ্যাং সংসৃষ্টঃ শোণিতেন চ| কর্ণক্ষ্বেডনং সঞ্জনযেত্ ক্ষ্বেডনং বেণুঘোষবত্”- ইতি; এষ কর্ণনাদক্ষ্বেডযোর্ভেদঃ||৯||
Adhikarana 7 (10) · Śloka 10
শিরোভিঘাতাদথবা নিমজ্জতো জলে প্রপাকাদথবাঽপি বিদ্রধেঃ | স্রবেত্তু পূযং শ্রবণোঽনিলাবৃতঃ স কর্ণসংস্রাব ইতি প্রকীর্তিতঃ ||১০||
शिरोभिघातादथवा निमज्जतो जले प्रपाकादथवाऽपि विद्रधेः | स्रवेत्तु पूयं श्रवणोऽनिलावृतः स कर्णसंस्राव इति प्रकीर्तितः ||१०||
🔊 Audio coming soon
কর্ণস্রাবমাহ- শিরোভিঘাতাদিত্যাদি| বিদ্রধেঃ কর্ণবিদ্রধেঃ||১০||
Adhikarana 8 (11) · Śloka 11
কফেন কণ্ডূঃ প্রচিতেন কর্ণযোর্ভৃশং ভবেত্ স্রোতসি কর্ণসঞ্জ্ঞিতে |১১|
कफेन कण्डूः प्रचितेन कर्णयोर्भृशं भवेत् स्रोतसि कर्णसञ्ज्ञिते |११|
🔊 Audio coming soon
কর্ণকণ্ডূমাহ- কফেনেত্যাদি| কর্ণযোঃ প্রচিতেন সঞ্চিতেন শ্লেষ্মণা কর্ণস্রোতসি ভৃশমত্যর্থং কণ্ডূর্ভবেদিতি সম্বন্ধঃ|১১|-
Adhikarana 9 (11) · Śloka 11
বিশোষিতে শ্লেষ্মণি পিত্ততেজসা নৃণাং ভবেত্ স্রোতসি কর্ণগূথকঃ ||১১||
विशोषिते श्लेष्मणि पित्ततेजसा नृणां भवेत् स्रोतसि कर्णगूथकः ||११||
🔊 Audio coming soon
কর্ণগূথকমাহ- বিশোষিত ইত্যাদি| স্রোতসি সঞ্চিতে শ্লেষ্মণি পিত্ততেজসা বিশোষিতে সতি কর্ণগূথকো ভবেদিতি সম্বন্ধঃ||১১||
Adhikarana 10 (12) · Śloka 12
স কর্ণবিট্কো দ্রবতাং যদা গতো বিলাযিতো ঘ্রাণমুখং প্রপদ্যতে | তদা স কর্ণপ্রতিনাহসঞ্জ্ঞিতো ভবেদ্বিকারঃ শিরসোঽভিতাপনঃ ||১২||
स कर्णविट्को द्रवतां यदा गतो विलायितो घ्राणमुखं प्रपद्यते | तदा स कर्णप्रतिनाहसञ्ज्ञितो भवेद्विकारः शिरसोऽभितापनः ||१२||
🔊 Audio coming soon
কর্ণপ্রতিনাহমাহ- স কর্ণেত্যাদি| বিলযনং পুনঃ স্নেহস্বেদাভ্যাম্| কফমারুতাভ্যাং সন্নিপাতেন বা বিদেহোক্তত্বাত্| শিরসোঽভিতাপনঃ সকলশিরোবিকারকারীত্যর্থঃ||১২||
Adhikarana 11 (13) · Śloka 13
যদা তু মূর্চ্ছন্ত্যথবাঽপি জন্তবঃ সৃজন্ত্যপত্যান্যথবাঽপি মক্ষিকাঃ | তদঞ্জনত্বাচ্ছ্রবণো নিরুচ্যতে ভিষগ্ভিরাদ্যৈঃ কৃমিকর্ণকো গদঃ ||১৩||
यदा तु मूर्च्छन्त्यथवाऽपि जन्तवः सृजन्त्यपत्यान्यथवाऽपि मक्षिकाः | तदञ्जनत्वाच्छ्रवणो निरुच्यते भिषग्भिराद्यैः कृमिकर्णको गदः ||१३||
🔊 Audio coming soon
কৃমিকর্ণমাহ- যদেত্যাদি| মূর্চ্ছন্তি পতন্তি| জন্তবো মাংসকোথজাঃ কৃমযঃ| অপত্যানি সূক্ষ্মকৃমীন্| মক্ষিকা মম্ভণাখ্যা নীলমক্ষিকাঃ| তদঞ্জনত্বাদিত্যাদি| আদ্যৈর্ভিষগ্ভিস্তদঞ্জনত্বাচ্ছ্রবণঃ কৃমিকর্ণকো নিরুক্ত ইতি সম্বন্ধঃ| তদঞ্জনত্বাত্ কৃমিলক্ষণত্বাত্| আদ্যৈর্ভিষগ্ভিঃ বিদেহাদিভিঃ| অযং রোগঃ সান্নিপাতিকঃ, বিদেহপ্রোক্তত্বাত্||১৩||
Adhikarana 12 (14) · Śloka 14
ক্ষতাভিঘাতপ্রভবস্তু বিদ্রধির্ভবেত্তথা দোষকৃতোঽপরঃ পুনঃ | সরক্তপীতারুণমস্রমাস্রবেত্ প্রতোদধূমাযনদাহচোষবান্ ||১৪||
क्षताभिघातप्रभवस्तु विद्रधिर्भवेत्तथा दोषकृतोऽपरः पुनः | सरक्तपीतारुणमस्रमास्रवेत् प्रतोदधूमायनदाहचोषवान् ||१४||
🔊 Audio coming soon
কর্ণবিদ্রধিমাহ- ক্ষতাভিঘাতপ্রভব ইত্যাদি| ক্ষতাভিঘাতপ্রভবস্তু বিদ্রধির্ভবেদিতি ছেদঃ| এতেন ক্ষতবিদ্রধির্দর্শিতঃ| দোষকৃতোঽপরঃ দোষজনিতো দ্বিতীযো বিদ্রধিঃ| এতেন দোষজো দর্শিতঃ| স চতুর্বিধঃ| ক্ষতবিদ্রধের্লক্ষণমাহ- সরক্তপীতারুণমিত্যাদি| অস্রং রক্তম্| ধূমাযনং ধূমোদ্বমনমিব বেদনাবিশেষঃ| চোষবান্ আচূষ্যত ইব| দোষবিদ্রধের্লক্ষণং দোষলিঙ্গৈরেব জ্ঞাতব্যম্| সরক্তপিত্তারুণেত্যাদিনা কর্ণপাকলক্ষণমুক্তমিতি কেচিত্ কথযন্তি; তচ্চ মহ্যং ন রোচতে, যতো জেজ্জটাদীনামীদৃশোঽভিপ্রাযো নাস্তি||১৪||
Adhikarana 13 (15) · Śloka 15
ভবেত্ প্রপাকঃ খলু পিত্তকোপতো বিকোথবিক্লেদকরশ্চ কর্ণযোঃ |১৫|
भवेत् प्रपाकः खलु पित्तकोपतो विकोथविक्लेदकरश्च कर्णयोः |१५|
🔊 Audio coming soon
কর্ণপাকলক্ষণমাহ- ভবেত্ প্রপাক ইত্যাদি|১৫|-
Adhikarana 14 (15) · Śloka 16
স্থিতে কফে স্রোতসি পিত্ততেজসা বিলায্যমানে ভৃশসম্প্রতাপবান্ ||১৫|| অবেদনো বাঽপ্যথবা সবেদনো ঘনং স্রবেত্ পূতি চ পূতিকর্ণকঃ |১৬|
स्थिते कफे स्रोतसि पित्ततेजसा विलाय्यमाने भृशसम्प्रतापवान् ||१५|| अवेदनो वाऽप्यथवा सवेदनो घनं स्रवेत् पूति च पूतिकर्णकः |१६|
🔊 Audio coming soon
পূতিকর্ণমাহ- স্থিত ইত্যাদি| ঘনং নিরন্তরং বারংবারমিত্যর্থঃ| অন্যে ঘনমিতি পূযস্য বিশেষণমাহুঃ| পূতি পূযম্||১৫||-
Adhikarana 15 (16) · Śloka 16
প্রদিষ্টলিঙ্গান্যরশাংসি তত্ত্বতস্তথৈব শোফার্বুদলিঙ্গমীরিতম্ | মযা পুরস্তাত্ প্রসমীক্ষ্য যোজযেদিহৈব তাবত্ প্রযতো ভিষগ্বরঃ ||১৬||
प्रदिष्टलिङ्गान्यरशांसि तत्त्वतस्तथैव शोफार्बुदलिङ्गमीरितम् | मया पुरस्तात् प्रसमीक्ष्य योजयेदिहैव तावत् प्रयतो भिषग्वरः ||१६||
🔊 Audio coming soon
অর্শঃশোফার্বুদান্যাহ- প্রদিষ্টেত্যাদি| শোফার্বুদলিঙ্গং শোফস্য অর্বুদস্য চ লক্ষণমিত্যর্থঃ| তত্ত্বতঃ পরমার্থতঃ| প্রসমীক্ষ্য জ্ঞাত্বা| প্রযোগজ্ঞো বৈদ্যঃ||১৬||
Adhikarana puShpikA · Śloka 20
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে কর্ণগতরোগবিজ্ঞানীযো নাম বিংশতিতমোঽধ্যাযঃ ||২০||
इति सुश्रुतसंहितायामुत्तरतन्त्रान्तर्गते शालाक्यतन्त्रे कर्णगतरोगविज्ञानीयो नाम विंशतितमोऽध्यायः ||२०||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে শালাক্যতন্ত্রে বিংশোঽধ্যাযঃ||২০||