Adhikarana 1 (1-2) · Śloka 2
অথাতঃ কাসপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः कासप्रतिषेधमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
শ্বাসপ্রতিষেধানন্তরং বাতকফপ্রাধান্যত্বসাম্যাত্তুল্যচিকিত্সিতত্বাচ্চ কাসপ্রতিষেধারম্ভঃ- অথাত ইত্যাদি||১-২||
Adhikarana 2 (3) · Śloka 3
উক্তা যে হেতবো নৄণাং রোগযোঃ শ্বাসহিক্কযোঃ | কাসস্যাপি চ বিজ্ঞেযাস্ত এবোত্পত্তিহেতবঃ ||৩||
उक्ता ये हेतवो नॄणां रोगयोः श्वासहिक्कयोः | कासस्यापि च विज्ञेयास्त एवोत्पत्तिहेतवः ||३||
🔊 Audio coming soon
ইদানীমতিদেশেন কাসহেতূনাহ- উক্তা ইত্যাদি||৩||
Adhikarana 3 (4-5) · Śloka 5
ধূমোপঘাতাদ্রজসস্তথৈব ব্যাযামরূক্ষান্ননিষেবণাচ্চ | বিমার্গগত্বাদপি ভোজনস্য বেগাবরোধাত্ ক্ষবথোস্তথৈব ||৪|| প্রাণো হ্যুদানানুগতঃ প্রদুষ্টঃ সম্ভিন্নকাংস্যস্বনতুল্যঘোষঃ | নিরেতি বক্ত্রাত্ সহসা সদোষঃ কাসঃ স বিদ্বদ্ভিরুদাহৃতস্তু ||৫||
धूमोपघाताद्रजसस्तथैव व्यायामरूक्षान्ननिषेवणाच्च | विमार्गगत्वादपि भोजनस्य वेगावरोधात् क्षवथोस्तथैव ||४|| प्राणो ह्युदानानुगतः प्रदुष्टः सम्भिन्नकांस्यस्वनतुल्यघोषः | निरेति वक्त्रात् सहसा सदोषः कासः स विद्वद्भिरुदाहृतस्तु ||५||
🔊 Audio coming soon
কাসস্য সম্প্রাপ্তিনিরুক্তী আহ- প্রাণ ইত্যাদি| প্রাণো বাযুঃ, উদানানুগত উদানবাযুমিলিতঃ, ঊর্ধ্বগতিত্বাদুদানস্য, প্রদুষ্টঃ কোপমাপন্নঃ সন্, সম্ভিন্নকাংস্যস্বরতুল্যঘোষ ইতি জর্জরিতকাংস্যশব্দানুকারী স্বরঃ, নিরেতি নির্গচ্ছতি| সদোষঃ সদুষ্টিরিত্যর্থঃ; দুষ্টিশ্চাত্র তাদৃগ্বিধশব্দপ্রাণবাযুনির্গমনাত্মিকৈব; কেচিত্ ‘সদোষ’ ইত্যত্র ‘সঘোষ’ ইতি পঠন্তি, ব্যাখ্যানযন্তি চ- সঘোষঃ তাদৃগ্বিধপ্রাণনির্গমনোত্থস্বরযুক্তঃ| স প্রাণো বাযুঃ ‘কাস’ ইত্যুদাহৃতঃ||৪-৫||
Adhikarana 4 (6) · Śloka 6
স বাতপিত্তপ্রভবঃ কফাচ্চ ক্ষতাত্তথাঽন্যঃ ক্ষযজোঽপরশ্চ | পঞ্চপ্রকারঃ কথিতো ভিষগ্ভির্বিবর্ধিতো যক্ষ্মবিকারকৃত্ স্যাত্ ||৬||
स वातपित्तप्रभवः कफाच्च क्षतात्तथाऽन्यः क्षयजोऽपरश्च | पञ्चप्रकारः कथितो भिषग्भिर्विवर्धितो यक्ष्मविकारकृत् स्यात् ||६||
🔊 Audio coming soon
কাসসঙ্খ্যামাহ- স বাতপিত্তপ্রভব ইত্যাদি| স ইতি কাসঃ| ক্ষতাত্ ক্ষতজঃ| ক্ষযজঃ শুক্রক্ষযজঃ| সঙ্খ্যেযনির্দেশাদেব সঙ্খ্যাযাং সিদ্ধাযাং পঞ্চপ্রকার ইতি সঙ্খ্যাকরণং নিযমার্থম্| তেন বাতাদিকৃতকাসস্য পঞ্চপ্রকারাঃ, ন পুনর্নিমিত্তান্তরভেদাদ্ভেদঃ| যক্ষ্মবিকারকৃত্ রাজযক্ষ্মকৃত্, রোগস্যাপি ব্যাধিকারণত্বাত্| যদ্যপি ক্ষযাদুত্পন্নকাসস্য ক্ষযকর্তৃত্বং ন সম্ভবতি, তথাঽপি পূর্বাবস্থাতোঽধিকং ক্ষযং করোতি, অতঃ ক্ষযজকাসস্যাপি ক্ষযকর্তৃত্বম্, অথবা বহুষু ছত্রিষু গচ্ছত্সু কেষুচিদচ্ছত্রিষ্বপি ছত্রিণো যান্তীতি ব্যপদেশবত্ ক্ষযজকাসস্যাপি ক্ষযকর্তৃত্বব্যপদেশঃ| কেচিত্ ‘পঞ্চপ্রকারঃ পঠিতো ভিষগ্ভির্বিশেষতো লক্ষণতঃ পুরাণৈঃ’ ইতি পঠন্তি||৬||
Adhikarana 5 (7) · Śloka 7
ভবিষ্যতস্তস্য তু কণ্ঠকণ্ডূর্ভোজ্যোপরোধো গলতালুলেপঃ | স্বশব্দবৈষম্যমরোচকোঽগ্নিসাদশ্চ লিঙ্গানি ভবন্ত্যমূনি ||৭||
भविष्यतस्तस्य तु कण्ठकण्डूर्भोज्योपरोधो गलतालुलेपः | स्वशब्दवैषम्यमरोचकोऽग्निसादश्च लिङ्गानि भवन्त्यमूनि ||७||
🔊 Audio coming soon
কাসপূর্বরূপমাহ- ভবিষ্যতস্তস্যেত্যাদি| ভোজ্যোপরোধঃ গ্রাসস্য গলে সঙ্গঃ| স্বশব্দবৈষম্যমিতি ঈষত্প্রকৃতিস্বরবৈকৃতম্| অগ্নিসাদঃ অগ্নিমান্দ্যম্| কেচিত্ কাসপূর্বরূপং ন পঠন্তি, রূপাণামেবাব্যক্তানাং প্রাগ্রূপসদ্ভাবাত্; তন্ন, সমানতন্ত্রবিরোধাত্||৭||
Adhikarana 6 (8) · Śloka 8
হৃচ্ছঙ্খমূর্ধোদরপার্শ্বশূলী ক্ষামাননঃ ক্ষীণবলস্বরৌজাঃ | প্রসক্তমন্তঃকফমীরণেন কাসেত্তু শুষ্কং স্বরভেদযুক্তঃ ||৮||
हृच्छङ्खमूर्धोदरपार्श्वशूली क्षामाननः क्षीणबलस्वरौजाः | प्रसक्तमन्तःकफमीरणेन कासेत्तु शुष्कं स्वरभेदयुक्तः ||८||
🔊 Audio coming soon
বাতকাসলক্ষণমাহ- হৃচ্ছঙ্খমূর্ধোদরেত্যাদি| ক্ষামাননঃ ক্ষীণমুখক্রিযঃ| ক্ষীণবলস্বরৌজা ইতি বলং কর্মনির্বর্তনক্ষমতা, ওজো হৃদি স্থিতং প্রসিদ্ধমেব| প্রসক্তমিত্যাদি| প্রসক্তং যথা ভবতি তথাঽন্তঃকফং যথা ভবতি শুষ্কং চ যথা ভবতি তথা কাসেদিত্যর্থঃ; প্রসক্তং নিরন্তরং, অন্তঃকফম্ অভ্যন্তরকফং, শুষ্কং শ্লেষ্মরহিতম্| ঈরণেন বাযুনা| স্বরভেদযুক্তো ভিন্নস্বর ইত্যর্থঃ| ‘হৃচ্ছঙ্খমূর্ধোদরপার্শ্বশূলম্’ ইতি কেচিত্ পঠন্তি, তত্রাপি স এবার্থঃ||৮||
Adhikarana 7 (9) · Śloka 9
উরোবিদাহজ্বরবক্ত্রশোষৈরভ্যর্দিতস্তিক্তমুখস্তৃষার্তঃ | পিত্তেন পীতানি বমেত্ কটূনি কাসেত্ স পাণ্ডুঃ পরিদহ্যমানঃ ||৯||
उरोविदाहज्वरवक्त्रशोषैरभ्यर्दितस्तिक्तमुखस्तृषार्तः | पित्तेन पीतानि वमेत् कटूनि कासेत् स पाण्डुः परिदह्यमानः ||९||
🔊 Audio coming soon
পিত্তকাসলক্ষণমাহ- উরোবিদাহজ্বরেত্যাদি| অভ্যর্দিতঃ পীডিতঃ| তিক্তমুখো নিম্বাদিভক্ষণেনেব| পাণ্ডুত্বমত্র পিত্তকৃতং বোদ্ধব্যং, তেন পাণ্ডুঃ পীতবর্ণঃ| পরিদহ্যমানো দাহযুক্তঃ||৯||
Adhikarana 8 (10) · Śloka 10
প্র(বি)লিপ্যমানেন মুখেন সীদন্ শিরোরুজার্তঃ কফপূর্ণদেহঃ | অভক্তরুগ্গৌরবসাদযুক্তঃ কাসেত না সান্দ্রকফং কফেন ||১০||
प्र(वि)लिप्यमानेन मुखेन सीदन् शिरोरुजार्तः कफपूर्णदेहः | अभक्तरुग्गौरवसादयुक्तः कासेत ना सान्द्रकफं कफेन ||१०||
🔊 Audio coming soon
কফকাসলক্ষণমাহ- প্রলিপ্যমানেনেত্যাদি| প্রলিপ্যমানেন মুখেন শ্লেষ্মণা লিপ্যমানেন মুখেন| সীদন্ পতন্| শিরোরুজার্তঃ শিরোব্যথাপীডিতঃ; যদ্যপি শিরোরুজা বাতজন্যা অতো বাতিক এব কাসে সম্ভবতি, তথাঽপি কফজেঽপি কাসে বাযুসদ্ভাবাত্ শিরোরুজা যুক্তৈব| কফপূর্ণদেহঃ গুরুশরীর ইত্যর্থঃ| অভক্তরুক্ ভোজনারুচিঃ| সাদঃ অঙ্গগ্লানিঃ| না পুরুষঃ||১০||
Adhikarana 9 (11) · Śloka 11
বক্ষোঽতিমাত্রং বিহতং তু যস্য ব্যাযামভারাধ্যযনাভিঘাতৈঃ | বিশ্লিষ্টবক্ষাঃ স নরঃ সরক্তং ষ্ঠীবত্যভীক্ষ্ণং ক্ষতজং তমাহুঃ ||১১||
वक्षोऽतिमात्रं विहतं तु यस्य व्यायामभाराध्ययनाभिघातैः | विश्लिष्टवक्षाः स नरः सरक्तं ष्ठीवत्यभीक्ष्णं क्षतजं तमाहुः ||११||
🔊 Audio coming soon
উরঃক্ষতকাসলক্ষণমাহ- বক্ষোঽতিমাত্রমিত্যাদি| বক্ষঃ স্তনযোরন্তরালং, অন্যে তু জত্রুক্রোডপার্শ্বানামন্তরালং বক্ষ ইত্যাহুঃ| বিহতং বিশেষেণ পীডিতম্| অভিঘাতো লগুডপ্রহারাদিঃ| বিশ্লিষ্টবক্ষাঃ অবসন্নবক্ষাঃ| সরক্তং ষ্ঠীবতি ‘কফং’ ইতি শেষঃ| তস্যাবস্থাযামসাধ্যত্বমাহ- স ইত্যাদি| স ক্ষতজকাসী| উরঃক্ষতস্য উরঃক্ষতজকাসস্য চাযং ভেদঃ- উরঃক্ষতী পূর্বমেব সরক্তাদিকং কফং ষ্ঠীবতি, উরঃক্ষতজকাসী তু পূর্বং শুষ্কং কাসতে পশ্চাত্ সশোণিতং ষ্ঠীবতি| তথা চোক্তং- “রূক্ষস্যোরঃক্ষতং বাযুর্গৃহীত্বা কাসমাবহেত্| স পূর্বং কাসতে শুষ্কং ততঃ ষ্ঠীবেত্ সশোণিতম্” (চ. চি. ১৮) ইতি| কিঞ্চ উরঃক্ষতে গাত্রশূলাদীনি লক্ষণানি পূর্বমেব ভবন্তি, তজ্জকাসে ত্বসাধ্যাবস্থাযামেবেত্যতোঽপি ভেদঃ||১১||
Adhikarana 10 (12) · Śloka 13
স গাত্রশূলজ্বরদাহমোহান্ প্রাণক্ষযং চোপলভেত কাসী | শুষ্যন্ বিনিষ্ঠীবতি দুর্বলস্তু প্রক্ষীণমাংসো রুধিরং সপূযম্ ||১২|| সসর্বলিঙ্গং ভৃশদুশ্চিকিত্স্যং চিকিত্সিতজ্ঞাঃ ক্ষযজং বদন্তি |১৩|
स गात्रशूलज्वरदाहमोहान् प्राणक्षयं चोपलभेत कासी | शुष्यन् विनिष्ठीवति दुर्बलस्तु प्रक्षीणमांसो रुधिरं सपूयम् ||१२|| ससर्वलिङ्गं भृशदुश्चिकित्स्यं चिकित्सितज्ञाः क्षयजं वदन्ति |१३|
🔊 Audio coming soon
ক্ষযজকাসলক্ষণমাহ- শুষ্যন্নিত্যাদি| ‘বিনিষ্ঠীবতি’ ইতি পদং রুধিরং সপূযমিত্যত্র সম্বধ্যতে| সসর্বলিঙ্গমিতি সহ সর্বৈর্লিঙ্গৈর্বর্ততে যঃ স সসর্বলিঙ্গঃ সর্বদোষলিঙ্গযুক্ত ইত্যর্থঃ| চিকিত্সিতজ্ঞাঃ কাযচিকিত্সাবিদঃ| ক্ষযজং শুক্রক্ষযজম্| যদ্যপি সামান্যক্ষযশব্দেন রসাদিক্ষযঃ প্রাপ্তস্তথাঽপ্যত্র শুক্রক্ষযো গ্রাহ্যঃ, তজ্জনিতত্বাত্ ক্ষযকাসস্য সর্বধাতুক্ষযস্য চ| যদ্যপি ক্ষযস্য ক্ষযকাসস্য চ ভেদো নোপলভ্যতে, তথাঽপি ক্ষযে যানি কাসজ্বরাদীনি লক্ষণানি ভবন্তি তান্যেকদোষারব্ধানি, ক্ষযজকাসে পুনস্তানি ত্রিদোষারব্ধানীত্যতো ভেদঃ| তথা চ তন্ত্রান্তরম্,- “ক্ষযে কাসাদিকং লিঙ্গমেকদোষকৃতং মতম্| তদেব তত্কৃতে কাসে সর্বদোষান্বিতং বুধৈঃ”- ইতি||১২||-
Adhikarana 11 (13) · Śloka 13
বৃদ্ধত্বমাসাদ্য ভবেত্তু যো বৈ যাপ্যং তমাহুর্ভিষজস্তু কাসম্ ||১৩||
वृद्धत्वमासाद्य भवेत्तु यो वै याप्यं तमाहुर्भिषजस्तु कासम् ||१३||
🔊 Audio coming soon
ইদানীং কাসস্যাবস্থাযাং যাপ্যত্বমাহ- বৃদ্ধত্বমিত্যাদি| বৃদ্ধত্বং স্থবিরত্বম্||১৩||
Adhikarana 12 (14) · Śloka 14
শৃঙ্গীবচাকট্ফলকত্তৃণাব্দধান্যাভযাভার্গ্যমরাহ্ববিশ্বম্ | উষ্ণাম্বুনা হিঙ্গুযুতং তু পীত্বা বদ্ধাস্যমপ্যাশু জহাতি কাসম্ ||১৪||
शृङ्गीवचाकट्फलकत्तृणाब्दधान्याभयाभार्ग्यमराह्वविश्वम् | उष्णाम्बुना हिङ्गुयुतं तु पीत्वा बद्धास्यमप्याशु जहाति कासम् ||१४||
🔊 Audio coming soon
ইদানীং সামান্যং কাসচিকিত্সিতমাহ- শৃঙ্গীবচাকট্ফলকত্তৃণাব্দেত্যাদি| শৃঙ্গী কর্কটশৃঙ্গী| অব্দং মুস্তা| অমরাহ্বো দেবদারুঃ| বদ্ধাস্যং চিরকালং ব্যাপ্য আস্যে স্থিতিকরং, চিরকালানুবদ্ধমিতি তাত্পর্যার্থঃ| অত্র পূর্বং সামান্যচিকিত্সাকরণং কাসে আশু চিকিত্সা কর্তব্যেতি দ্যোতনার্থম্| মধুপর্পটক রহিতঃ কট্ফলাদিরযম্||১৪||
Adhikarana 13 (15) · Śloka 15
ফলত্রিকব্যোষবিডঙ্গশৃঙ্গীরাস্নাবচাপদ্মকদেবকাষ্ঠৈঃ | লেহঃ সমৈঃ ক্ষৌদ্রসিতাঘৃতাক্তঃ কাসং নিহন্যাদচিরাদুদীর্ণম্ ||১৫||
फलत्रिकव्योषविडङ्गशृङ्गीरास्नावचापद्मकदेवकाष्ठैः | लेहः समैः क्षौद्रसिताघृताक्तः कासं निहन्यादचिरादुदीर्णम् ||१५||
🔊 Audio coming soon
ফলত্রিকব্যোষবিডঙ্গেত্যাদি| ফলত্রিকং ত্রিফলা, ব্যোষং ত্রিকটু, দেবকাষ্ঠং দেবদারু||১৫||
Adhikarana 14 (16) · Śloka 16
পথ্যাং সিতামামলকানি লাজাং সমাগধীং চাপি বিচূর্ণ্য শুণ্ঠীম্ | সর্পির্মধুভ্যাং বিলিহীত কাসী সসৈন্ধবাং বোষ্ণজলেন কৃষ্ণাম্ ||১৬||
पथ्यां सितामामलकानि लाजां समागधीं चापि विचूर्ण्य शुण्ठीम् | सर्पिर्मधुभ्यां विलिहीत कासी ससैन्धवां वोष्णजलेन कृष्णाम् ||१६||
🔊 Audio coming soon
পথ্যামিত্যাদি| পথ্যাদীনি চূর্ণযিত্বা মধুঘৃতাভ্যাং কাসী বিলিহীতেত্যর্থঃ| কেচিত্ পথ্যাদিকং লাজপর্যন্তমেকং যোগং, সমাগধীং বাঽপি বিচূর্ণ্য শুণ্ঠীমিতি দ্বিতীযং যোগং মন্যন্তে| সসৈন্ধবামিত্যাদি| কৃষ্ণা পিপ্পলী; ‘উষ্ণজলেন’ ইত্যত্র ‘পিবেত্’ ইত্যধ্যাহার্যং, সমানতন্ত্রদর্শনাত্| তথা চ- “পিবেত্ সসৈন্ধবাং কৃষ্ণাং কাসঘ্নীং কোষ্ণবারিণা”- ইতি||১৬||
Adhikarana 15 (17-18) · Śloka 18
খাদেদ্গুডং নাগরপিপ্পলীভ্যাং দ্রাক্ষাং চ সর্পির্মধুনাঽবলিহ্যাত্ | দ্রাক্ষাং সিতাং মাগধিকাং চ তুল্যাং সশৃঙ্গবেরং মধুকং তুগাং চ ||১৭|| লিহ্যাদ্ঘৃতক্ষৌদ্রযুতাং সমাংশাং সিতোপলাং বা মরিচাংশযুক্তাম্ | ধাত্রীকণাবিশ্বসিতোপলাশ্চ সঞ্চূর্ণ্য মণ্ডেন পিবেচ্চ দধ্নঃ ||১৮||
खादेद्गुडं नागरपिप्पलीभ्यां द्राक्षां च सर्पिर्मधुनाऽवलिह्यात् | द्राक्षां सितां मागधिकां च तुल्यां सशृङ्गवेरं मधुकं तुगां च ||१७|| लिह्याद्घृतक्षौद्रयुतां समांशां सितोपलां वा मरिचांशयुक्ताम् | धात्रीकणाविश्वसितोपलाश्च सञ्चूर्ण्य मण्डेन पिबेच्च दध्नः ||१८||
🔊 Audio coming soon
যোগদ্বযমাহ- খাদেদ্গুডমিত্যাদি| নাগরপিপ্পলীভ্যাং ‘যুক্তং’ ইতি শেষঃ| দ্রাক্ষাং সিতামিত্যাদি| দ্রাক্ষামিত্যাদিকো মাগধিকাং চ তুল্যামিত্যেতত্পর্যন্ত একো যোগঃ| অত্র চ ‘খাদেত্’ ইতি সম্বন্ধনীযং, সমানতন্ত্রদর্শনাত্| তথা চ,- “শর্করামাগধীদ্রাক্ষাঃ কাসী খাদেত্ সমাংশিকাঃ”-ইতি| সশৃঙ্গবেরমিত্যাদিকঃ ঘৃতক্ষৌদ্রযুতং সমাংশমিত্যন্তো দ্বিতীযো যোগঃ| তুগা বংশলোচনা, অন্যে বংশলোচনানুকারি পার্থিবং দ্রব্যমাহুঃ| সিতোপলামিত্যাদির্মরিচাংশযুক্তামিতিপর্যন্তস্তৃতীযঃ| সিতোপলাং শর্করাং, মরিচাংশযুক্তাং মরিচভাগযুক্তাম্| অত্রাপি লিহ্যাদিতি সম্বন্ধনীযম্| ধাত্রীকণেত্যাদি| ধাত্রী আমলকীফলং, কণা পিপ্পলী, বিশ্বং শুণ্ঠী, সিতোপলা শর্করা| দধ্নো মণ্ডেন মস্তুনা||১৭-১৮||
Adhikarana 16 (19-20) · Śloka 20
হরেণুকাং মাগধিকাং চ তুল্যাং দধ্না পিবেত্ কাসগদাভিভূতঃ | উভে হরিদ্রে সুরদারুশুণ্ঠীং গাযত্রিসারং চ পিবেত্ সমাংশম্ ||১৯|| বস্তস্য মূত্রেণ সুখাম্বুনা বা দন্তীং দ্রবন্তীং চ সতিল্বকাখ্যাম্ | ভৃষ্টানি সর্পীংষ্যথ বাদরাণি খাদেত্ পলাশানি সসৈন্ধবানি ||২০||
हरेणुकां मागधिकां च तुल्यां दध्ना पिबेत् कासगदाभिभूतः | उभे हरिद्रे सुरदारुशुण्ठीं गायत्रिसारं च पिबेत् समांशम् ||१९|| बस्तस्य मूत्रेण सुखाम्बुना वा दन्तीं द्रवन्तीं च सतिल्वकाख्याम् | भृष्टानि सर्पींष्यथ बादराणि खादेत् पलाशानि ससैन्धवानि ||२०||
🔊 Audio coming soon
হরেণুকামিত্যাদি| গাযত্রিসারঃ খদিরসারঃ| উভে হরিদ্রে ইত্যাদির্বস্তস্য মূত্রেণেতি পর্যন্তমেকো যোগঃ| সুখাম্বুনা বেত্যাদির্দ্বিতীযঃ; সুখাম্বু উষ্ণোদকম্| দ্রবন্তী চীরিতপত্রা দন্তীভেদঃ| সতিল্বকাখ্যামিতি পট্টিকালোধ্রসহিতামিত্যর্থঃ| ভৃষ্টানি সর্পীংষীত্যাদি| বাদরাণি পলাশানি বদরীপত্রাণি||১৯-২০||
Adhikarana 17 (21) · Śloka 21
কোলপ্রমাণং প্রপিবেদ্ধি হিঙ্গু সৌবীরকেণাম্লরসেন বাঽপি |২১|
कोलप्रमाणं प्रपिबेद्धि हिङ्गु सौवीरकेणाम्लरसेन वाऽपि |२१|
🔊 Audio coming soon
কোলপ্রমাণমিত্যাদি| কোলপ্রমাণং কর্ষপ্রমাণম্| সৌবীরকেণ কাঞ্জিকেন| অম্লরসেন বীজপূরকরসেন| যদ্যপি হিঙ্গু অল্পপ্রমাণমেব হিতং, তথাপ্যর্ধকর্ষপ্রমাণং হিঙ্গু প্রযুজ্যতে, রোগবিশেষেণাধিকপ্রমাণস্যাপি হিতত্বাত্| কেচিত্ ‘সৌবীরকেণাম্লরসেন বাঽপি’ ইত্যত্র ‘সৌবীরকেণাপি সমাতুলুঙ্গম্’ ইতি পঠিত্বা বীজপূরকেণ সহ হিঙ্গু পিবেদিতি ব্যাখ্যানযন্তি|২১|-
Adhikarana 18 (21) · Śloka 22
ক্ষৌদ্রেণ লিহ্যান্মরিচানি বাঽপি ভার্গীবচাহিঙ্গুকৃতা চ বর্তিঃ ||২১|| ধূমে প্রশস্তা ঘৃতসম্প্রযুক্তা বেণুত্বগেলালবণৈঃ কৃতা বা |২২|
क्षौद्रेण लिह्यान्मरिचानि वाऽपि भार्गीवचाहिङ्गुकृता च वर्तिः ||२१|| धूमे प्रशस्ता घृतसम्प्रयुक्ता वेणुत्वगेलालवणैः कृता वा |२२|
🔊 Audio coming soon
ক্ষৌদ্রেণেত্যাদি| ধূমে ধূমবিষযে, প্রশস্তা হিতা, বর্তিঃ ‘ষোডশাঙ্গুলনেত্রন্যস্তা পীতা সতী’ ইতি শেষঃ| বেণুত্বক্ বংশচ্ছল্লী| লবণৈঃ সৈন্ধবৈঃ||২১||-
Adhikarana 19 (22) · Śloka 23
মুস্তেঙ্গুদীত্বঙ্মধুকাহ্বমাংসীমনঃশিলালৈশ্ছগলাম্বুপিষ্টৈঃ ||২২|| বিধায বর্তীশ্চ পযোঽনুপানং ধূমং পিবেদ্বাতবলাসকাসী |২৩|
मुस्तेङ्गुदीत्वङ्मधुकाह्वमांसीमनःशिलालैश्छगलाम्बुपिष्टैः ||२२|| विधाय वर्तीश्च पयोऽनुपानं धूमं पिबेद्वातबलासकासी |२३|
🔊 Audio coming soon
অপরাণ্যপি ধূমদ্রব্যাণ্যাহ- মুস্তেত্যাদি| ইঙ্গুদীত্বক্ ইঙ্গুদীবল্কলম্| আলং হরিতালম্| ছগলাম্বু ছাগমূত্রম্| বিধায কৃত্বা| পযোনুপানং দুগ্ধানুপানম্| ধূমং পিবেত্ পূর্বোক্তবিধানেন| যদ্যপি পূর্বোক্তযোগানাং দোষাপেক্ষযা বিষযো নোক্তঃ, তথাঽপি যোগানাং রসাদীন্ বুদ্ধ্বা যথাদোষং বৈদ্যঃ পূর্বোক্তযোগান্ প্রযোজযেত্||২২||-
Adhikarana 20 (23) · Śloka 23
পিবেচ্চ সীধুং মরিচান্বিতং বা তেনাশু কাসং জযতি প্রসহ্য ||২৩||
पिबेच्च सीधुं मरिचान्वितं वा तेनाशु कासं जयति प्रसह्य ||२३||
🔊 Audio coming soon
পিবেচ্চ সীধুমিত্যাদি| সীধুঃ শস্যকঃ| তেন মরিচান্বিতসীধুনা| জযতি ‘আতুর’ ইতি শেষঃ| প্রসহ্য হঠাত্||২৩||
Adhikarana 21 (24) · Śloka 24
দ্রাক্ষাম্বুমঞ্জিষ্ঠপুরাহ্বযাভিঃ ক্ষীরং শৃতং মাক্ষিকসম্প্রযুক্তম্ |২৪|
द्राक्षाम्बुमञ्जिष्ठपुराह्वयाभिः क्षीरं शृतं माक्षिकसम्प्रयुक्तम् |२४|
🔊 Audio coming soon
দ্রাক্ষাম্বুমঞ্জিষ্ঠেত্যাদি| অম্বু বালকম্| পুরাহ্বযা শল্লকী, গুগ্গুলুমপরে| ক্ষীরমিত্যত্র ‘পিবেত্’ ইতি শেষঃ| ‘কেচিত্ মঞ্জিষ্ঠশুণ্ঠীজলগোস্তনীভিঃ ক্ষীরং ঘৃতং মাক্ষিকসংযুতং বা’ ইতীদৃশং পাঠং পঠন্তি|২৪|-
Adhikarana 22 (24) · Śloka 24
নিদিগ্ধিকানাগরপিপ্পলীভিঃ খাদেচ্চ মুদ্গান্মধুনা সুসিদ্ধান্ ||২৪||
निदिग्धिकानागरपिप्पलीभिः खादेच्च मुद्गान्मधुना सुसिद्धान् ||२४||
🔊 Audio coming soon
নিদিগ্ধিকেত্যাদি| সুসিদ্ধান্ সুপক্বান্ মুদ্গান্ নিদিগ্ধিকাদিভিশ্চূর্ণিতাভিঃ সার্ধং মধুনা চ খাদেদিতি| তথা চ,- “ক্ষুদ্রামৃতানাগরপিপ্পলীভিঃ খাদেচ্চ মুদ্গানথ সাধুসিদ্ধান্” ইতি| কেচিত্ ‘নিদিগ্ধিকামূলসমাংশসিদ্ধান্’ ইতি পঠন্তি, তত্র কণ্টকারীমূলতুল্যভাগেন সহ স্বিন্নানিত্যর্থঃ| অপরে ‘কটুকোপগাঢান্’ ইতি পঠিত্বা ত্রিকটুপ্রগাঢানিতি ব্যাখ্যানযন্তি||২৪||
Adhikarana 23 (25) · Śloka 25
উত্কারিকাং সর্পিষি নাগরাঢ্যাং পক্ত্বা সমূলৈস্ত্রুটিকোলপত্রৈঃ | এভির্নিষেবেত কৃতাং চ পেযাং তন্বীং সুশীতাং মধুনা বিমিশ্রাম্ ||২৫||
उत्कारिकां सर्पिषि नागराढ्यां पक्त्वा समूलैस्त्रुटिकोलपत्रैः | एभिर्निषेवेत कृतां च पेयां तन्वीं सुशीतां मधुना विमिश्राम् ||२५||
🔊 Audio coming soon
উত্কারিকামিত্যাদি| উত্কারিকাং লপ্সিকাম্| নাগরাঢ্যাং শুণ্ঠ্যধিকাম্| অত্রাপি ‘খাদেত্’ ইতি সম্বন্ধনীযম্| ‘ত্রুটিকোলপত্রৈঃ’ ইত্যত্র ‘বটকোলপত্রৈঃ’ ইত্যন্যে পঠন্তি| এভিরিত্যাদি| এভিরিতি পূর্বোক্তৈঃ উত্কারিকাদিদ্রব্যৈঃ| তন্বীম্ অল্পসিক্থাং বহুদ্রবাম্||২৫||
Adhikarana 24 (26) · Śloka 26
যত্ প্লীহ্নি সর্পির্বিহিতং ষডঙ্গং তদ্বাতকাসং জযতি প্রসহ্য | বিদারিগন্ধাদিকৃতং ঘৃতং বা রসেন বা বাসকজেন পক্বম্ ||২৬||
यत् प्लीह्नि सर्पिर्विहितं षडङ्गं तद्वातकासं जयति प्रसह्य | विदारिगन्धादिकृतं घृतं वा रसेन वा वासकजेन पक्वम् ||२६||
🔊 Audio coming soon
সামান্যচিকিত্সিতমভিধাযেদানীমতিদেশেন বাতকাসচিকিত্সিতমাহ- যত্ প্লীহ্নি সর্পিরিত্যাদি| ষডঙ্গং ষট্পলং ষট্পলস্য ষডঙ্গাখ্যা দ্বিতীযা সঞ্জ্ঞেতি প্রতিপাদনার্থং ষডঙ্গকথনম্| তচ্চ ষট্পলপ্রমাণং পক্তব্যম্| বিদারিগন্ধাদিগণক্বাথকল্কসংস্কৃতম্| রসেন ক্বাথেন||২৬||
Adhikarana 25 (27) · Śloka 28
বিরেচনং স্নৈহিকমত্র চোক্তমাস্থাপনং চাপ্যনুবাসনং চ | ধূমং পিবেত্ স্নৈহিকমপ্রমত্তঃ পিবেত্ সুখোষ্ণং ঘৃতমেব চাত্র ||২৭|| হিতা যবাগ্বশ্চ রসেষু সিদ্ধাঃ পযাংসি লেহাঃ সঘৃতাস্তথৈব |২৮|
विरेचनं स्नैहिकमत्र चोक्तमास्थापनं चाप्यनुवासनं च | धूमं पिबेत् स्नैहिकमप्रमत्तः पिबेत् सुखोष्णं घृतमेव चात्र ||२७|| हिता यवाग्वश्च रसेषु सिद्धाः पयांसि लेहाः सघृतास्तथैव |२८|
🔊 Audio coming soon
বিরেচনমিত্যাদি| অত্র বাতকাসে| আস্থাপনং নিরূহণম্| ননু, কাসে বস্তিনিষেধাত্ কথমত্রাস্থাপনমুচ্যতে? সত্যং; নিষিদ্ধমপ্যাস্থাপনং বাতকাসে প্রযুজ্যতে, দোষপ্রত্যনীকত্বাত্| ধূমং পিবেদিত্যাদি| অত্র ‘যথোক্তবিধিনা’ ইতি শেষঃ| স্নৈহিকং মধূচ্ছিষ্টসর্জরসবসাদিভিঃ কৃতম্| অপ্রমত্তঃ সাবধানঃ| সুখোষ্ণম্ ঈষদুষ্ণম্| ঘৃতম্ অসংস্কৃতম্| অত্র বাতকাসেঽন্যদপি যদ্ধিতং তদাহ- হিতা যবাগ্বশ্চেত্যাদি| রসেষু সিদ্ধাঃ মাংসরসেষু সিদ্ধাঃ| পযাংসি বাতহরদ্রব্যসিদ্ধানি| লেহাঃ পূর্বোক্তাঃ||২৭||-
Adhikarana 26 (28-31) · Śloka 32
প্রচ্ছর্দনং কাযশিরোবিরেকাস্তথৈব ধূমাঃ কবলগ্রহাশ্চ ||২৮|| উষ্ণাশ্চ লেহাঃ কটুকা নিহন্যুঃ কফং বিশেষেণ বিশোষণং চ | কটুত্রিকং চাপি বদন্তি পথ্যং ঘৃতং কৃমিঘ্নস্বরসে বিপক্বম্ ||২৯|| নির্গুণ্ডিপত্রস্বরসে চ পক্বং সর্পিঃ কফোত্থং বিনিহন্তি কাসম্ | পাঠাবিডব্যোষবিডঙ্গসিন্ধুত্রিকণ্টরাস্নাহুতভুগ্বলাভিঃ ||৩০|| শৃঙ্গীবচাম্ভোধরদেবদারুদুরালভাভার্গ্যভযাশটীভিঃ | সম্যগ্বিপক্বং দ্বিগুণেন সর্পির্নিদিগ্ধিকাযাঃ স্বরসেন চৈতত্ ||৩১|| শ্বাসাগ্নিসাদস্বরভেদভিন্নান্নিহন্ত্যুদীর্ণানপি পঞ্চ কাসান্ |৩২|
प्रच्छर्दनं कायशिरोविरेकास्तथैव धूमाः कवलग्रहाश्च ||२८|| उष्णाश्च लेहाः कटुका निहन्युः कफं विशेषेण विशोषणं च | कटुत्रिकं चापि वदन्ति पथ्यं घृतं कृमिघ्नस्वरसे विपक्वम् ||२९|| निर्गुण्डिपत्रस्वरसे च पक्वं सर्पिः कफोत्थं विनिहन्ति कासम् | पाठाविडव्योषविडङ्गसिन्धुत्रिकण्टरास्नाहुतभुग्बलाभिः ||३०|| शृङ्गीवचाम्भोधरदेवदारुदुरालभाभार्ग्यभयाशटीभिः | सम्यग्विपक्वं द्विगुणेन सर्पिर्निदिग्धिकायाः स्वरसेन चैतत् ||३१|| श्वासाग्निसादस्वरभेदभिन्नान्निहन्त्युदीर्णानपि पञ्च कासान् |३२|
🔊 Audio coming soon
কফকাসচিকিত্সিতমাহ- প্রচ্ছর্দনমিত্যাদি| প্রচ্ছর্দনং বমনম্| কাযশিরোবিরেকা ইতি কাযবিরেকো বিরেচনং, শিরোবিরেকো নস্যভেদঃ; স চ পিপ্পল্যাদিকৃতঃ| তথৈব ধূমা বিরেচনা ইত্যর্থঃ| উষ্ণা লেহাঃ কটুদ্রব্যকৃতা ইত্যর্থঃ| কটুকাঃ কফহরকটুকদ্রব্যকৃতাঃ| কফং কফকাসং, কারণে কার্যোপচারাত্| বিশোষণং লঘুরূক্ষাল্পভোজনম্, অন্যে নানাপ্রকারলঙ্ঘনমাহুঃ; তথা চোক্তম্,- “চতুঃপ্রকারা সংশুদ্ধিঃ পিপাসা মারুতাতপৌ| পাচনান্যুপবাসশ্চ ব্যাযামশ্চেতি লঙ্ঘনম্”- ইতি| পথ্যং হিতম্| কৃমিঘ্নস্বরসে বিপক্বমার্দ্রবিডঙ্গস্বরসবিপক্বং, স্বরসালাভে চ পূর্বোক্তকল্পনযা সবিডঙ্গচূর্ণং রাত্রিপর্যুষিতং জলং গ্রাহ্যম্| অন্যে তু কৃমিঘ্নশব্দেন কৃমিঘ্নানি যানি দ্রব্যাণি সুরসাদীনি তান্যাহুঃ| নির্গুণ্ডিপত্রস্বরসে চ পক্বমিত্যাদি নির্গুণ্ডিপত্রস্বরসে নীলসিন্ধুবারস্বরসে, নীলসিন্ধুবারশ্চ শেফালিকেতি লোকে| পাঠেত্যাদি| ব্যোষং ত্রিকটুকম্| সিন্ধু সৈন্ধবম্| ত্রিকণ্টো গোক্ষুরকঃ| হুতভুক্ চিত্রকঃ| অম্ভোধরঃ মুস্তম্| স্বরভেদভিন্নান্ কাংস্যপাত্রাদিস্বরভেদেন ভিন্নান্| পঞ্চ কাসান্ হন্তীতি স্তুতিবাক্যং, তস্মাত্ কফকাসং হন্তীতি জ্ঞাতব্যং, কফকাসপ্রস্তাবাত্| যদ্যপি বাতকাসানন্তরং পিত্তকাসাভিধানং যুক্তং ন কফকাসাভিধানং , তথাঽপি কফকাসপ্রতিকারস্যোভযহিতত্বপ্রতিপাদনার্থং কথনম্||২৮-৩১||-
Adhikarana 27 (32-33) · Śloka 33
বিদারিগন্ধোত্পলসারিবাদীন্ নিষ্ক্বাথ্য বর্গং মধুরং চ কৃত্স্নম্ ||৩২|| ঘৃতং পচেদিক্ষুরসাম্বুদুগ্ধৈঃ কাকোলিবর্গে চ সশর্করং তত্ | প্রাতঃ পিবেত্ পিত্তকৃতে চ কাসে রতিপ্রসূতে ক্ষতজে চ কাসে ||৩৩||
विदारिगन्धोत्पलसारिवादीन् निष्क्वाथ्य वर्गं मधुरं च कृत्स्नम् ||३२|| घृतं पचेदिक्षुरसाम्बुदुग्धैः काकोलिवर्गे च सशर्करं तत् | प्रातः पिबेत् पित्तकृते च कासे रतिप्रसूते क्षतजे च कासे ||३३||
🔊 Audio coming soon
ইদানীং পিত্তজক্ষযজক্ষতকাসানাং চিকিত্সিতমাহ- বিদারিগন্ধেত্যাদি| আদিশব্দো বিদারিগন্ধাদিভিঃ সহ প্রত্যেকং সম্বধ্যতে; তেন বিদারিগন্ধাদিঃ, উত্পলাদিঃ, সারিবাদিশ্চ| মধুরং বর্গং কাকোল্যাদিকম্| কৃত্স্নং সমগ্রম্| অত্রাপি নিষ্ক্বাথ্যেতি সম্বধ্যতে| দ্রবপ্রমাণং চ প্রত্যেকং স্নেহসমম্| তথা চ পরিভাষা- “পঞ্চপ্রভৃতি যত্র স্যুর্দ্রবাণি স্নেহসংবিধৌ| তত্র স্নেহসমান্যাহুরর্বাক্চ স্যাচ্চতুর্গুণম্”- ইতি| কাকোলিবর্গে ‘কল্কীকৃতে’ ইতি শেষঃ| সশর্করং শর্করাপ্রক্ষেপম্| প্রাতঃ পূর্বাহ্ণে, পিত্তাদিকাসে পিবেত্||৩২-৩৩||
Adhikarana 28 (34) · Śloka 34
খর্জূরভার্গীমগধাপ্রিযালমধূলিকৈলামলকৈঃ সমাংশৈঃ | চূর্ণং সিতাক্ষৌদ্রঘৃতপ্রগাঢং ত্রীন্ হন্তি কাসানুপযুজ্যমানম্ ||৩৪||
खर्जूरभार्गीमगधाप्रियालमधूलिकैलामलकैः समांशैः | चूर्णं सिताक्षौद्रघृतप्रगाढं त्रीन् हन्ति कासानुपयुज्यमानम् ||३४||
🔊 Audio coming soon
খর্জূরভার্গীত্যাদি| প্রিযালঃ চারঃ| মধূলিকা মর্কটকঃ| সমাংশৈঃ তুল্যপ্রমাণৈঃ| ত্রীন্ কাসান্ পিত্তোরঃক্ষতক্ষযজান্| খর্জূরাদিভিস্তুল্যভাগৈঃ কৃতং চূর্ণং সিতাক্ষৌদ্রঘৃতপ্রগাঢং লেহত্বেনোপযুজ্যমানং ত্রীন্ কাসান্ হন্তীতি পিণ্ডার্থঃ| পিত্তকাসচিকিত্সিতং যদত্রোরঃক্ষতক্ষযকাসাভ্যাং সহৈব কথিতং তদুভযতুল্যচিকিত্সিতখ্যাপনার্থম্||৩৪||
Adhikarana 29 (35) · Śloka 35
রক্তাহরিদ্রাঞ্জনবহ্নিপাঠামূর্বোপকুল্যা বিলিহেত্ সমাংশাঃ | ক্ষৌদ্রেণ কাসে ক্ষতজে ক্ষযোত্থে পিবেদ্ঘৃতং চেক্ষুরসে বিপক্বম্ ||৩৫||
रक्ताहरिद्राञ्जनवह्निपाठामूर्वोपकुल्या विलिहेत् समांशाः | क्षौद्रेण कासे क्षतजे क्षयोत्थे पिबेद्घृतं चेक्षुरसे विपक्वम् ||३५||
🔊 Audio coming soon
রক্তেত্যাদি| রক্তা মঞ্জিষ্ঠা, অঞ্জনং সৌবীরাঞ্জনং, সমানতন্ত্রদর্শনাত্, বহ্নিঃ অজমোদা, মূর্বা চোরস্নাযুঃ, উপকুল্যা পিপ্পলী| সমাংশাঃ তুল্যভাগাঃ| মঞ্জিষ্ঠাদীনি পিপ্পল্যন্তানি দ্রব্যাণি তুল্যভাগানি চূর্ণীকৃতানি ক্ষতজে ক্ষযোত্থে চ কাসে মধুনা বিলিহেত্, চকারাত্ পিত্তকাসেঽপি; ইক্ষুরসে বিপক্বং বা ঘৃতং পিবেদিতি পিণ্ডার্থঃ||৩৫||
Adhikarana 30 (36) · Śloka 36
চূর্ণং পিবেদামলকস্য বাঽপি ক্ষীরেণ পক্বং সঘৃতং হিতাশী |৩৬|
चूर्णं पिबेदामलकस्य वाऽपि क्षीरेण पक्वं सघृतं हिताशी |३६|
🔊 Audio coming soon
তেষামপরমপি চিকিত্সিতমাহ- চূর্ণমিত্যাদি| আমলকস্য চূর্ণং সঘৃতং বিপক্বং হিতাশী ক্ষীরেণ সহ পিবেদিতি সম্বন্ধঃ| ‘হিতাশী’ ইত্যত্র ‘হিতায’ ইতি কেচিত্ পঠন্তি; তত্র কাসশান্তযে ইতি ব্যাখ্যানম্|৩৬|-
Adhikarana 31 (36) · Śloka 37
চূর্ণানি গোধূমযবোদ্ভবানি কাকোলিবর্গশ্চ কৃতঃ সুসূক্ষ্মঃ ||৩৬|| কাসেষু পেযস্ত্রিষু কাসবদ্ভিঃ ক্ষীরেণ সক্ষৌদ্রঘৃতেন বাঽপি |৩৭|
चूर्णानि गोधूमयवोद्भवानि काकोलिवर्गश्च कृतः सुसूक्ष्मः ||३६|| कासेषु पेयस्त्रिषु कासवद्भिः क्षीरेण सक्षौद्रघृतेन वाऽपि |३७|
🔊 Audio coming soon
পিত্তজাদিকাসত্রযেঽপরমপি চিকিত্সিতমাহ- চূর্ণানীত্যাদি| গোধূমাদিচূর্ণানি চূর্ণীকৃতঃ কাকোল্যাদিগণশ্চ মধুঘৃতযুক্তেন দুগ্ধেন পিত্তোরঃক্ষতক্ষযজকাসবদ্ভিঃ পুরুষৈঃ পেয ইত্যর্থঃ| কেচিদ্গোধূমচূর্ণাদিচূর্ণত্রযং যথাক্রমং ত্রিষু কাসেষু ত্রিভিরেব ক্ষীরাদিভির্দ্রবৈঃ পেযমিচ্ছন্তি||৩৬||-
Adhikarana 32 (37) · Śloka 37
গুডোদকং বা ক্বথিতং পিবেদ্ধি ক্ষৌদ্রেণ শীতং মরিচোপদংশম্ ||৩৭||
गुडोदकं वा क्वथितं पिबेद्धि क्षौद्रेण शीतं मरिचोपदंशम् ||३७||
🔊 Audio coming soon
গুডোদকমিত্যাদি| গুডোদকং শীতকষাযবিধিনা গৃহীতং, ক্বথিতমিতি পক্বমিত্যর্থঃ; এতেন শীতকষাযীকৃতস্য গুডোদকস্য পশ্চাত্কিঞ্চিত্পক্বস্য শীতীভূতস্য ক্ষৌদ্রেণ সহ পানমিত্যর্থঃ| বেতি বিকল্পস্তু পূর্বযোগাপেক্ষযা| মরিচোপদংশং সমরিচভক্ষণম্||৩৭||
Adhikarana 33 (38-41) · Śloka 41
প্রস্থত্রযেণামলকীরসস্য শুদ্ধস্য দত্ত্বাঽর্ধতুলাং গুডস্য | চূর্ণীকৃতৈর্গ্রন্থিকচব্যজীরব্যোষেভকৃষ্ণাহপুষাজমোদৈঃ ||৩৮|| বিডঙ্গসিন্ধুত্রিফলাযবানীপাঠাগ্নিধান্যৈশ্চ পিচুপ্রমাণৈঃ | দত্ত্বা ত্রিবৃচ্চূর্ণপলানি চাষ্টাবষ্টৌ চ তৈলস্য পচেদ্যথাবত্ ||৩৯|| তং ভক্ষযেদক্ষফলপ্রমাণং যথেষ্টচেষ্টস্ত্রিসুগন্ধিযুক্তম্ | অনেন সর্বে গ্রহণীবিকারাঃ সশ্বাসকাসস্বরভেদশোথাঃ ||৪০|| শাম্যন্তি চাযং চিরমন্তরগ্নের্হতস্য পুংস্ত্বস্য চ বৃদ্ধিহেতুঃ | স্ত্রীণাং চ বন্ধ্যামযনাশনঃ স্যাত্ কল্যাণকো নাম গুডঃ প্রতীতঃ ||৪১||
प्रस्थत्रयेणामलकीरसस्य शुद्धस्य दत्त्वाऽर्धतुलां गुडस्य | चूर्णीकृतैर्ग्रन्थिकचव्यजीरव्योषेभकृष्णाहपुषाजमोदैः ||३८|| विडङ्गसिन्धुत्रिफलायवानीपाठाग्निधान्यैश्च पिचुप्रमाणैः | दत्त्वा त्रिवृच्चूर्णपलानि चाष्टावष्टौ च तैलस्य पचेद्यथावत् ||३९|| तं भक्षयेदक्षफलप्रमाणं यथेष्टचेष्टस्त्रिसुगन्धियुक्तम् | अनेन सर्वे ग्रहणीविकाराः सश्वासकासस्वरभेदशोथाः ||४०|| शाम्यन्ति चायं चिरमन्तरग्नेर्हतस्य पुंस्त्वस्य च वृद्धिहेतुः | स्त्रीणां च वन्ध्यामयनाशनः स्यात् कल्याणको नाम गुडः प्रतीतः ||४१||
🔊 Audio coming soon
কল্যাণগুডমাহ- প্রস্থত্রযেণেত্যাদি| শুদ্ধস্য নির্মলস্য| অর্ধতুলাং পঞ্চাশত্পলানি| গ্রন্থিকং পিপ্পলীমূলং, ব্যোষং ত্রিকটু, ইভকৃষ্ণা হস্তিপিপ্পলী, সিন্ধু সৈন্ধবং, অগ্নিঃ চিত্রকঃ| পিচুপ্রমাণৈঃ কর্ষপ্রমাণৈঃ; ‘পলপ্রমাণৈঃ’ ইত্যন্যে পঠন্তি; তন্ন, সমানতন্ত্রবিরোধাত্| ‘দত্ত্বা ত্রিবৃচ্চূর্ণপলানি চাষ্টৌ’ ইত্যত্র ‘ঈষত্তৈলভৃষ্টানি’ ইতি শেষঃ, ত্রিবৃতো রেচনীযতাস্ফোটনার্থং বৃদ্ধপারম্পর্যস্মরণাত্| যথাবত্ মৃদুমধ্যক্রূরকোষ্ঠক্রমানুরূপং খরমৃদুমধ্যপাকেনেত্যর্থঃ| অযমিতি কল্যাণকঃ| পুংস্ত্বস্য শুক্রস্য, অত্রাপি হতস্যেতি সম্বধ্যতে| কল্যাণক ইতি কল্যাণকরণাত্||৩৮-৪১||-
Adhikarana 34 (42-46) · Śloka 46
দ্বিপঞ্চমূলেভকণাত্মগুপ্তাভার্গীশটীপুষ্করমূলবিশ্বান্ | পাঠামৃতাগ্রন্থিকশঙ্খপুষ্পীরাস্নাগ্ন্যপামার্গবলাযবাসান্ ||৪২|| দ্বিপালিকান্ ন্যস্য যবাঢকং চ হরীতকীনাং চ শতং গুরূণাম্ | দ্রোণে জলস্যাঢকসংযুতে চ ক্বাথে কৃতে পূতচতুর্থভাগে ||৪৩|| পচেত্তুলাং শুদ্ধগুডস্য দত্ত্বা পৃথক্ চ তৈলাত্ কুডবং ঘৃতাচ্চ | চূর্ণং চ তাবন্মগধোদ্ভবাযা দেযং চ তস্মিন্মধু সিদ্ধশীতে ||৪৪|| রসাযনাত্ কর্ষমতো বিলিহ্যাদ্দ্বে চাভযে নিত্যমথাশু হন্যাত্ | তদ্রাজযক্ষ্মগ্রহণীপ্রদোষশোফাগ্নিমান্দ্যস্বরভেদকাসান্ ||৪৫|| পাণ্ড্বামযশ্বাসশিরোবিকারান্ হৃদ্রোগহিক্কাবিষমজ্বরাংশ্চ | মেধাবলোত্সাহমতিপ্রদং চ চকার চৈতদ্ভগবানগস্ত্যঃ ||৪৬||
द्विपञ्चमूलेभकणात्मगुप्ताभार्गीशटीपुष्करमूलविश्वान् | पाठामृताग्रन्थिकशङ्खपुष्पीरास्नाग्न्यपामार्गबलायवासान् ||४२|| द्विपालिकान् न्यस्य यवाढकं च हरीतकीनां च शतं गुरूणाम् | द्रोणे जलस्याढकसंयुते च क्वाथे कृते पूतचतुर्थभागे ||४३|| पचेत्तुलां शुद्धगुडस्य दत्त्वा पृथक् च तैलात् कुडवं घृताच्च | चूर्णं च तावन्मगधोद्भवाया देयं च तस्मिन्मधु सिद्धशीते ||४४|| रसायनात् कर्षमतो विलिह्याद्द्वे चाभये नित्यमथाशु हन्यात् | तद्राजयक्ष्मग्रहणीप्रदोषशोफाग्निमान्द्यस्वरभेदकासान् ||४५|| पाण्ड्वामयश्वासशिरोविकारान् हृद्रोगहिक्काविषमज्वरांश्च | मेधाबलोत्साहमतिप्रदं च चकार चैतद्भगवानगस्त्यः ||४६||
🔊 Audio coming soon
অগস্ত্যাবলেহমাহ- দ্বিপঞ্চমূলেত্যাদি| দ্বিপঞ্চমূলং দশমূলম্| ইভকণা গজপিপ্পলী| আত্মগুপ্তা কপিকচ্ছূঃ| গ্রন্থিকং পিপ্পলীমূলম্| অগ্নিঃ চিত্রকঃ| যবাসো ধন্বযবাসকঃ, পূর্বপদলোপাত্| ন্যস্য প্রক্ষিপ্য| যবাঢকং চতুঃষষ্টিপলানি| গুরূণাম্ অতিস্থূলানাম্| জলদ্রোণে দ্বাদশাধিকপঞ্চশতপলেষু| দ্বিপঞ্চমূলাদীন্ প্রত্যেকং দ্বিপলপ্রমাণান্ যবাঢকং চ তথা হরীতকীশতং জলদ্রোণে প্রক্ষিপ্য তাবত্ পচেদ্যাবত্ পাদাবশেষিতং, ততশ্চ তস্মিন্ কষাযে বস্ত্রপূতে গুডতুলাং শুদ্ধস্বিন্নহরীতকীশতং তথা ঘৃততৈলযোঃ প্রত্যেকমষ্টৌ পলানি প্রক্ষিপ্য পচেত্ যাবত্তন্তুমত্ত্বাজ্জলপতিতং ন শীর্যতে, ততশ্চ পিপ্পলীচূর্ণং চতুষ্পলং মধু চাষ্টপলপ্রমাণং দত্ত্বা স্থাপযেত্, ততঃ তস্মাদ্রসাযনাত্, কল্কম্ অর্ধপলপ্রমাণং লিহ্যাত্, হরীতকীদ্বযং চ খাদেত্| এতদ্রসাযনং ভগবতা অগস্ত্যেন কৃতম্||৪২-৪৬||
Adhikarana 35 (47-48) · Śloka 48
কুলীরশুক্তীচটকৈণলাবান্নিষ্ক্বাথ্য বর্গং মধুরং চ কৃত্স্নম্ | পচেদ্ঘৃতং তত্তু নিষেব্যমাণং হন্যাত্ ক্ষতোত্থং ক্ষযজং চ কাসম্ ||৪৭|| শতাবরীনাগবলাবিপক্বং ঘৃতং বিধেযং চ হিতায কাসিনাম্ ||৪৮||
कुलीरशुक्तीचटकैणलावान्निष्क्वाथ्य वर्गं मधुरं च कृत्स्नम् | पचेद्घृतं तत्तु निषेव्यमाणं हन्यात् क्षतोत्थं क्षयजं च कासम् ||४७|| शतावरीनागबलाविपक्वं घृतं विधेयं च हिताय कासिनाम् ||४८||
🔊 Audio coming soon
কুলীরশুক্তীত্যাদি| কুলীরঃ কর্কটঃ, শুক্তিঃ জলশুক্তিঃ, চটকো গ্রামচটকঃ, এণঃ কৃষ্ণমৃগঃ, মধুরবর্গঃ কাকোল্যাদিঃ, কৃত্স্নং সমগ্রম্| কেচিত্ ‘নিষ্ক্বাথ্য বর্গৈর্মধুরৈস্তথাঽন্যং’ ইতি পঠিত্বা কাকোল্যাদিসহিতানি লাবাদীনি নিষ্ক্বাথ্য তথা অন্যৈর্মধুরৈর্জীবনীযৈঃ কল্কীকৃতৈর্ঘৃতং পচেদিতি ব্যাখ্যানযন্তি| চকারাত্ পিত্তজকাসমপি| শতাবরীনাগবলেত্যাদি| কেচিত্ শতাবরীনাগবলাকল্কে ঘৃতং সিদ্ধমিচ্ছন্তি; তন্ন, সমানতন্ত্রবিরোধাত্||৪৭-৪৮||-
Adhikarana puShpikA · Śloka 52
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে কাসপ্রতিষেধো নাম (চতুর্দশোঽধ্যাযঃ, আদিতঃ) দ্বিপঞ্চাশত্তমোঽধ্যাযঃ ||৫২||
इति सुश्रुतसंहितायामुत्तरतन्त्रान्तर्गते कायचिकित्सातन्त्रे कासप्रतिषेधो नाम (चतुर्दशोऽध्यायः, आदितः) द्विपञ्चाशत्तमोऽध्यायः ||५२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে কাসপ্রতিষেধো নাম দ্বিপঞ্চাশত্তমোঽধ্যাযঃ||৫২||