Adhikarana 1 (1-2) · Śloka 2
অথাতো মুখমণ্ডিকাপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो मुखमण्डिकाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
শীতপূতনাপ্রতিষেধানন্তরং স্ত্রীগ্রহসামান্যান্মুখমণ্ডিকাপ্রতিষেধারম্ভো যুজ্যত ইত্যাহ- অথাত ইত্যাদি||১-২||
Adhikarana 2 (3) · Śloka 3
কপিত্থবিল্বতর্কারীবাংশীগন্ধর্বহস্তকাঃ | কুবেরাক্ষী চ যোজ্যাঃ স্যুর্বালানাং পরিষেচনে ||৩||
कपित्थबिल्वतर्कारीवांशीगन्धर्वहस्तकाः | कुबेराक्षी च योज्याः स्युर्बालानां परिषेचने ||३||
🔊 Audio coming soon
কপিত্থেত্যাদি| তর্কারী অরণিকা, বাংশী বংশলোচনা, কুবেরাক্ষী কাষ্ঠপাটলা, পেটিকেত্যন্যে||৩||
Adhikarana 3 (4) · Śloka 4
স্বরসৈর্ভৃঙ্গবৃক্ষাণাং তথাঽজহরিগন্ধযোঃ | তৈলং বসাং চ সংযোজ্য পচেদভ্যঞ্জনে শিশোঃ ||৪||
स्वरसैर्भृङ्गवृक्षाणां तथाऽजहरिगन्धयोः | तैलं वसां च संयोज्य पचेदभ्यञ्जने शिशोः ||४||
🔊 Audio coming soon
ভৃঙ্গবৃক্ষাণামিতি বাতহরবিল্বাদিকানাং ভৃঙ্গাঃ পত্রভঙ্গাঃ, তদুপযোগিকা বৃক্ষাঃ| অজহরিগন্ধযোরিতি বস্তগন্ধাশ্বগন্ধযোঃ, অজাশ্বগন্ধাচতুর্গুণরসেন তৈলং বসাং চ সংযোজ্য যমকং পচেদিতি মন্যন্তে; ‘অজহরিগন্ধযোঃ’ ইত্যত্র চ ‘তথৈব হরিগন্ধযা’ ইতি পঠন্তি||৪||
Adhikarana 4 (5) · Śloka 5
মধূলিকাযাং পযসি তুগাক্ষীর্যাং গণে তথা | মধুরে পঞ্চমূলে চ কনীযসি ঘৃতং পচেত্ ||৫||
मधूलिकायां पयसि तुगाक्षीर्यां गणे तथा | मधुरे पञ्चमूले च कनीयसि घृतं पचेत् ||५||
🔊 Audio coming soon
মধূলিকাযামিত্যাদি| মধূলিকা মর্কটহস্ততৃণম্| পযসি গোক্ষীরে| অত্র গযী পযঃস্বিনীতি পঠতি; তত্র ক্ষীরবিদারীগণে; তথা মধুরে কাকোল্যাদিকে, পঞ্চমূলে কনীযসি শালপর্ণ্যাদিকে| মধূলিকাদিকল্কক্বাথাভ্যাং ঘৃতং পচেত্||৫||
Adhikarana 5 (6-8) · Śloka 8
বচা সর্জরসঃ কুষ্ঠং সর্পিশ্চোদ্ধূপনং হিতম্ | ধারযেদপি জিহ্বাশ্চ চাষচীরল্লিসর্পজাঃ ||৬|| বর্ণকং চূর্ণকং মাল্যমঞ্জনং পারদং তথা | মনঃশিলাং চোপহরেদ্গোষ্ঠমধ্যে বলিং তথা ||৭|| পাযসং সপুরোডাশং বল্যর্থমুপসংহরেত্ | মন্ত্রপূতাভিরদ্ভিশ্চ তত্রৈব স্নপনং হিতম্ ||৮||
वचा सर्जरसः कुष्ठं सर्पिश्चोद्धूपनं हितम् | धारयेदपि जिह्वाश्च चाषचीरल्लिसर्पजाः ||६|| वर्णकं चूर्णकं माल्यमञ्जनं पारदं तथा | मनःशिलां चोपहरेद्गोष्ठमध्ये बलिं तथा ||७|| पायसं सपुरोडाशं बल्यर्थमुपसंहरेत् | मन्त्रपूताभिरद्भिश्च तत्रैव स्नपनं हितम् ||८||
🔊 Audio coming soon
বচেত্যাদি| চাষঃ কর্ণাযসঃ, চীরল্লিঃ ‘চিল্ল’ ইতি লোকে, চাষাদিজিহ্বাং ধারযেত্| বর্ণকো রোচনিকা কম্পিল্লক ইত্যর্থঃ, কঙ্কুষ্ঠমিত্যন্যে| মাল্যং পুষ্পম্| অঞ্জনং রসাঞ্জনং, সৌবীরাঞ্জনমিত্যন্যে| পারদং শম্ভুরেতঃ| পূর্বকল্পেন শাল্যাদিকৃতমণ্ডলে গোষ্ঠমধ্যে বর্ণকাদিবলিমুপহরেত্, অন্যে তু বর্ণকাদিদ্রব্যাণি মণ্ডলার্থং মন্যন্তে| পাযসং ক্ষীরসংসিদ্ধাস্তণ্ডুলাঃ, পুরোডাশঃ অষ্টাকপালঃ পিষ্টমযঃ কপালোপরি পক্বস্তৃণাগ্নিনা| মন্ত্রেত্যাদি মন্ত্রপূতাভিঃ গাযত্র্যা অভিমন্ত্রিতাভিঃ| তত্রৈব গোষ্ঠমধ্যে||৬-৮||
Adhikarana 6 (9) · Śloka 9
অলঙ্কৃতা রূপবতী সুভগা কামরূপিণী | গোষ্ঠমধ্যালযরতা পাতু ত্বাং মুখমণ্ডিকা ||৯||
अलङ्कृता रूपवती सुभगा कामरूपिणी | गोष्ठमध्यालयरता पातु त्वां मुखमण्डिका ||९||
🔊 Audio coming soon
রক্ষামাহ- অলঙ্কৃতেত্যাদি||৯||
Adhikarana puShpikA · Śloka 35
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে মুখমণ্ডিকাপ্রতিষেধো নাম(নবমোঽধ্যাযঃ, আদিতঃ) পঞ্চত্রিংশত্তমোঽধ্যাযঃ ||৩৫||
इति सुश्रुतसंहितायामुत्तरतन्त्रान्तर्गते कुमारतन्त्रे मुखमण्डिकाप्रतिषेधो नाम(नवमोऽध्यायः, आदितः) पञ्चत्रिंशत्तमोऽध्यायः ||३५||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে মুখমণ্ডিকাপ্রতিষেধাধ্যাযঃ পঞ্চত্রিংশত্তমঃ||৩৫||