Adhikarana 1 (1-2) · Śloka 2
অথাতো মুখমণ্ডিকাপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
View original
अथातो मुखमण्डिकाप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
35. mukhamaṇḍikāpratiṣēdhādhyāyaḥ
Adhikarana 2 (3) · Śloka 3
কপিত্থবিল্বতর্কারীবাংশীগন্ধর্বহস্তকাঃ | কুবেরাক্ষী চ যোজ্যাঃ স্যুর্বালানাং পরিষেচনে ||৩||
View original
कपित्थबिल्वतर्कारीवांशीगन्धर्वहस्तकाः | कुबेराक्षी च योज्याः स्युर्बालानां परिषेचने ||३||
🔊 Audio coming soon
Adhikarana 3 (4) · Śloka 4
স্বরসৈর্ভৃঙ্গবৃক্ষাণাং তথাঽজহরিগন্ধযোঃ | তৈলং বসাং চ সংযোজ্য পচেদভ্যঞ্জনে শিশোঃ ||৪||
View original
स्वरसैर्भृङ्गवृक्षाणां तथाऽजहरिगन्धयोः | तैलं वसां च संयोज्य पचेदभ्यञ्जने शिशोः ||४||
🔊 Audio coming soon
Adhikarana 4 (5) · Śloka 5
মধূলিকাযাং পযসি তুগাক্ষীর্যাং গণে তথা | মধুরে পঞ্চমূলে চ কনীযসি ঘৃতং পচেত্ ||৫||
View original
मधूलिकायां पयसि तुगाक्षीर्यां गणे तथा | मधुरे पञ्चमूले च कनीयसि घृतं पचेत् ||५||
🔊 Audio coming soon
Adhikarana 5 (6-8) · Śloka 8
বচা সর্জরসঃ কুষ্ঠং সর্পিশ্চোদ্ধূপনং হিতম্ | ধারযেদপি জিহ্বাশ্চ চাষচীরল্লিসর্পজাঃ ||৬|| বর্ণকং চূর্ণকং মাল্যমঞ্জনং পারদং তথা | মনঃশিলাং চোপহরেদ্গোষ্ঠমধ্যে বলিং তথা ||৭|| পাযসং সপুরোডাশং বল্যর্থমুপসংহরেত্ | মন্ত্রপূতাভিরদ্ভিশ্চ তত্রৈব স্নপনং হিতম্ ||৮||
View original
वचा सर्जरसः कुष्ठं सर्पिश्चोद्धूपनं हितम् | धारयेदपि जिह्वाश्च चाषचीरल्लिसर्पजाः ||६|| वर्णकं चूर्णकं माल्यमञ्जनं पारदं तथा | मनःशिलां चोपहरेद्गोष्ठमध्ये बलिं तथा ||७|| पायसं सपुरोडाशं बल्यर्थमुपसंहरेत् | मन्त्रपूताभिरद्भिश्च तत्रैव स्नपनं हितम् ||८||
🔊 Audio coming soon
Adhikarana 6 (9) · Śloka 9
অলঙ্কৃতা রূপবতী সুভগা কামরূপিণী | গোষ্ঠমধ্যালযরতা পাতু ত্বাং মুখমণ্ডিকা ||৯||
View original
अलङ्कृता रूपवती सुभगा कामरूपिणी | गोष्ठमध्यालयरता पातु त्वां मुखमण्डिका ||९||
🔊 Audio coming soon
Adhikarana puShpikA · Śloka 35
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে মুখমণ্ডিকাপ্রতিষেধো নাম(নবমোঽধ্যাযঃ, আদিতঃ) পঞ্চত্রিংশত্তমোঽধ্যাযঃ ||৩৫||
View original
इति सुश्रुतसंहितायामुत्तरतन्त्रान्तर्गते कुमारतन्त्रे मुखमण्डिकाप्रतिषेधो नाम(नवमोऽध्यायः, आदितः) पञ्चत्रिंशत्तमोऽध्यायः ||३५||
🔊 Audio coming soon