Adhikarana 1 (1-2) · Śloka 2
অথাতো মূত্রকৃচ্ছ্রপ্রতিষেধমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातो मूत्रकृच्छ्रप्रतिषेधमध्यायं व्याख्यास्यामः ||१||
यथोवाच भगवान् धन्वन्तरिः ||२||
মূত্রাঘাতপ্রতিষেধানন্তরং বস্তিগতত্বসামান্যান্মূত্রকৃচ্ছ্রপ্রতিষেধারম্ভঃ- অথাত ইত্যাদি| মূত্রকৃচ্ছ্রং দুঃখেন মূত্রপ্রবৃত্তিঃ| ‘মূত্রকৃচ্ছ্রপ্রতিষেধম্’ ইত্যত্র ‘মূত্রোপঘাতপ্রতিষেধং’ ইত্যন্যে পঠন্তি, তেঽপ্যুপঘাতশব্দেন কৃচ্ছ্রতাং বদন্তি; অপরে ‘মূত্রদোষপ্রতিষেধং’ ইতি পঠন্তি, তত্রাপি তাদৃগেবাভিপ্রাযঃ| ননু অশ্মরীমূত্রাঘাতোদাবর্তাদিষু মূত্রকৃচ্ছ্রস্যোক্তত্বাত্ কিমর্থ পুনরত্র তদভিধানং? সত্যং, চিকিত্সালক্ষণকার্যভেদাত্ তথা সমানতন্ত্রেঽপি পৃথঙ্নির্দিষ্টত্বাচ্চ পুনস্তেষামুপাদানম্ কেচিচ্চ পুনরুক্তিভযাদেবামুমধ্যাযং ন পঠন্তি||১-২||
Adhikarana 2 (3) · Śloka 3
বাতেন পিত্তেন কফেন সর্বৈস্তথাঽভিঘাতৈঃ শকৃদশ্মরীভ্যাম্ |
তথাঽপরঃ শর্করযা সুকষ্টো মূত্রোপঘাতঃ কথিতোঽষ্টমস্তু ||৩||
View original
वातेन पित्तेन कफेन सर्वैस्तथाऽभिघातैः शकृदश्मरीभ्याम् |
तथाऽपरः शर्करया सुकष्टो मूत्रोपघातः कथितोऽष्टमस्तु ||३||
বাতেনেত্যাদি| মূত্রোপঘাতো মূত্রকৃচ্ছ্র এবেত্যর্থঃ| অষ্টম ইতি সঙ্খ্যাকরণং নানাপ্রকারস্যাপ্যশ্মরীজস্য মূত্রকৃচ্ছ্রস্যৈকত্বেন গ্রহণমিতি প্রতিপাদনার্থম্| কেচিদুত্তরার্ধমীদৃশং পঠন্তি,- “শুক্তোদ্ভবং শর্করযা চ কষ্টং মূত্রস্য কৃচ্ছ্রং প্রবদন্তি তজ্জ্ঞাঃ” ইতি| স চানার্ষঃ পাঠঃ||৩||
Adhikarana 3 (4) · Śloka 4
অল্পমল্পং সমুত্পীড্য মুষ্কমেহনবস্তিভিঃ |
ফলদ্ভিরিব কৃচ্ছ্রেণ বাতাঘাতেন মেহতি ||৪||
View original
अल्पमल्पं समुत्पीड्य मुष्कमेहनबस्तिभिः |
फलद्भिरिव कृच्छ्रेण वाताघातेन मेहति ||४||
বাতকৃচ্ছ্রলক্ষণমাহ- অল্পমল্পমিত্যাদি| অল্পমল্পং স্তোকং স্তোকং, সমুত্পীড্য অর্থবশান্মুষ্কমেহনাদিকমেব পীডযিত্বা| মুষ্কঃ অণ্ডং, মেহনং লিঙ্গং, বস্তিঃ মূত্রাধারঃ| ফলদ্ভিরিব স্ফুটদ্ভিরিব| কৃচ্ছ্রেণ দুঃখন; এতত্ পদং মেহতীত্যত্র সম্বন্ধনীযম্| বাতাঘাতেন বাতকৃচ্ছ্রেণেত্যর্থঃ| মেহতি মূত্রযতি| কার্তিককুণ্ডোঽমুং পাঠামন্যথা পঠতি, স চাভাবান্ন দর্শিতঃ||৪||
Adhikarana 4 (5) · Śloka 5
হারিদ্রমুষ্ণং রক্তং বা মুষ্কমেহনবস্তিভিঃ |
অগ্নিনা দহ্যামানাভৈঃ পিত্তঘাতেন মেহতি ||৫||
View original
हारिद्रमुष्णं रक्तं वा मुष्कमेहनबस्तिभिः |
अग्निना दह्यामानाभैः पित्तघातेन मेहति ||५||
পিত্তকৃচ্ছ্রলক্ষণমাহ- হারিদ্রমুষ্ণমিত্যাদি| হারিদ্রং হরিদ্রাবর্ণ, রক্তং রক্তবর্ণম্ এতদ্দ্বযং ন্যূনাধিকপিত্তপ্রকোপবশত্| দহ্যমানাভৈঃ অত্যন্তদাহপরীতৈঃ| পিত্তাঘাতেন পিত্তকৃচ্ছ্রেণ||৫||
Adhikarana 5 (6) · Śloka 6
স্নিগ্ধং শুক্লমনুষ্ণং চ মুষ্কমেহনবস্তিভিঃ |
সংহৃষ্টরোমা গুরুভিঃ শ্লেষ্মাঘাতেন মেহতি ||৬||
View original
स्निग्धं शुक्लमनुष्णं च मुष्कमेहनबस्तिभिः |
संहृष्टरोमा गुरुभिः श्लेष्माघातेन मेहति ||६||
কফকৃচ্ছ্রলক্ষণমাহ- স্নিগ্ধমিত্যাদি| অনুষ্ণম্ ঈষদুষ্ণম্| সংহৃষ্টরোমা উদ্ধর্ষিতরোমা| গুরুভিঃ ভারিকৈঃ| শ্লেষ্মাঘাতেন শ্লেষ্মকৃচ্ছ্রেণ||৬||
Adhikarana 6 (7) · Śloka 7
দাহশীতরুজাবিষ্টো নানাবর্ণং মহুর্মুহুঃ |
তাম্যমানস্তু কৃচ্ছ্রেণ সান্নিপাতেন মেহতি ||৭||
View original
दाहशीतरुजाविष्टो नानावर्णं महुर्मुहुः |
ताम्यमानस्तु कृच्छ्रेण सान्निपातेन मेहति ||७||
সান্নিপাতিকলক্ষণমাহ- দাহশীতেত্যাদি| আবিষ্টো যুক্তঃ| নানাবর্ণ পীতরক্তশুক্লাদিবর্ণম্| তাম্যমানোঽত্যর্থ তমঃ প্রবিশন্| কৃচ্ছ্রেণ অতিকষ্টেন||৭||
Adhikarana 7 (8-9) · Śloka 10
মূত্রবাহিষু শল্যেন ক্ষতেষ্বভিহতেষু চ |
স্রোতঃসু মূত্রাঘাতস্তু জাযতে ভৃশবেদনঃ ||৮||
বাতবস্তেস্তু তুল্যানি তস্য লিঙ্গানি লক্ষযেত্ |
শকৃতস্তু প্রতীঘাতাদ্বাযুর্বিগুণতাং গতঃ ||৯||
আধ্মানং চ সশূলং চ মূত্রসঙ্গং করোতি হি |১০|
View original
मूत्रवाहिषु शल्येन क्षतेष्वभिहतेषु च |
स्रोतःसु मूत्राघातस्तु जायते भृशवेदनः ||८||
वातबस्तेस्तु तुल्यानि तस्य लिङ्गानि लक्षयेत् |
शकृतस्तु प्रतीघाताद्वायुर्विगुणतां गतः ||९||
आध्मानं च सशूलं च मूत्रसङ्गं करोति हि |१०|
মূত্রবাহিষু শল্যেনেত্যাদি||৮-৯||
Adhikarana 8 (10) · Śloka 10
অশ্মরীহেতুকঃ পূর্বং মূত্রাঘাত উদাহৃতঃ ||১০||
View original
अश्मरीहेतुकः पूर्वं मूत्राघात उदाहृतः ||१०||
অশ্মরীত্যাদি| পূর্ব নিদানস্থানেঽশ্মরীহেতুকো মূত্রাঘাত উদাহৃতঃ||১০||
Adhikarana 9 (11-14) · Śloka 15
অশ্মরী শর্করা চৈব তুল্যে সম্ভবলক্ষণৈঃ |
শর্করাযা বিশেষং তু শৃণু কীর্তযতো মম ||১১||
পচ্যমানস্য পিত্তেন ভিদ্যমানস্য বাযুনা |
শ্লেষমণোঽবযবা ভিন্নাঃ শর্করা ইতি সঞ্জ্ঞিতাঃ ||১২||
হৃত্পীডা বেপথুঃ শূলং কুক্ষৌ বহ্নিঃ সুদুর্বলঃ |
তাভির্ভবতি মূর্চ্ছা চ মূত্রাঘাতশ্চ দারুণঃ ||১৩||
মূত্রবেগনিরস্তাসু তাসু শাম্যতি বেদনা |
যাবদন্যা পুনর্নৈতি গুডিকা স্রোতসো মুখম্ ||১৪||
শর্করাসম্ভবস্যৈতন্মূত্রাঘাতস্য লক্ষণম্ |১৫|
View original
अश्मरी शर्करा चैव तुल्ये सम्भवलक्षणैः |
शर्कराया विशेषं तु शृणु कीर्तयतो मम ||११||
पच्यमानस्य पित्तेन भिद्यमानस्य वायुना |
श्लेषमणोऽवयवा भिन्नाः शर्करा इति सञ्ज्ञिताः ||१२||
हृत्पीडा वेपथुः शूलं कुक्षौ वह्निः सुदुर्बलः |
ताभिर्भवति मूर्च्छा च मूत्राघातश्च दारुणः ||१३||
मूत्रवेगनिरस्तासु तासु शाम्यति वेदना |
यावदन्या पुनर्नैति गुडिका स्रोतसो मुखम् ||१४||
शर्करासम्भवस्यैतन्मूत्राघातस्य लक्षणम् |१५|
যদ্যপি শর্করাকৃচ্ছ্রমশ্মরীজকৃচ্ছ্রং চ তুল্যং তথাঽপি কিঞ্চিদ্ভেদমাশ্রিত্য শর্করাকৃচ্ছ্রং ভিন্নমাহ- অশ্মরীত্যাদি| পচ্যমানস্যেতি পক্বস্যেত্যর্থঃ, অর্থবশাত্ শ্লেষ্মণ এব; ভিদ্যমানস্যেতি ভিন্নস্যেত্যর্থঃ, ভাবিনি ভূতবদুপচারাত্| বেপথুঃ কম্পঃ| সুদুর্বলো মন্দঃ| তাভিঃ শর্করাভিঃ| মূত্রবেগনিরস্তাসু মূত্রস্যাধোবেগেন নিঃসৃতাস্বিত্যর্থঃ| নৈতি নাগচ্ছতি| কার্তিককুণ্ডস্ত্বমুং পাঠং বহুধা ব্যাকুলীকৃত্য পঠতি, স তু গ্রন্থগৌরবভযাত্ পরিত্যক্তঃ| যদ্যপি অশ্মরীশর্করামূত্রকৃচ্ছ্রে নিদানস্থানে ভণিতে, তথাঽপি প্রকরণবশাত্ কিঞ্চিল্লক্ষণাধিক্যাচ্চাত্রাপি ভণিতে||১১-১৪||
Adhikarana 10 (15) · Śloka 15
চিকিত্সিতমথৈতেষামষ্টানামপি বক্ষ্যতে ||১৫||
View original
चिकित्सितमथैतेषामष्टानामपि वक्ष्यते ||१५||
ইদানীং মূত্রকৃচ্ছ্রচিকিত্সামাহ- চিকিত্সিতমিত্যাদি| এতেষাং মূত্রকৃচ্ছ্রাণাম্||১৫||
Adhikarana 11 (16) · Śloka 16
অশ্মরীং চ সমাশ্রিত্য যদুক্তং প্রসমীক্ষ্য তত্ |
যথাদোষং প্রযুঞ্জীত স্নেহাদিমপি চ ক্রমম্ ||১৬||
View original
अश्मरीं च समाश्रित्य यदुक्तं प्रसमीक्ष्य तत् |
यथादोषं प्रयुञ्जीत स्नेहादिमपि च क्रमम् ||१६||
তদৈব চিকিত্সিতমতিদেশেনাহ- অশ্মরীত্যাদি| অশ্মরীমাশ্রিত্য যত্ প্রাক্ চিকিত্সিতমুক্তং স্নেহাদিক্তমশ্চ, তদ্যথাদোষং প্রসমীক্ষ্য প্রযুঞ্জীত কুর্যাত্| এতেনৈতদুক্তম্- অশ্মরীচিকিত্সিতে বাতাদিভেদেন যো বিধিরুক্তস্তং তথা স্নেহাদিমপি চ ক্রমং প্রযুঞ্জীত কুর্যাত্| চকারাত্ প্রাগুক্তমূত্রাঘাতচিকিত্সিতমপি||১৬||
Adhikarana 12 (17-18) · Śloka 19
শ্বদংষ্ট্রাশ্মভিদৌ কুম্ভীং হপুষাং কণ্টকারিকাম্ |
বলাং শতাবরীং রাস্নাং বরুণং গিরিকর্ণিকাম্ ||১৭||
তথা বিদারিগন্ধাদিং সংহৃত্য ত্রৈবৃতং পচেত্ |
তৈলং ঘৃতং বা তত্ পেযং তেন বাঽপ্যনুবাসনম্ ||১৮||
দদ্যাদুত্তরবস্তিং চ বাতকৃচ্ছ্রোপশান্তযে |১৯|
View original
श्वदंष्ट्राश्मभिदौ कुम्भीं हपुषां कण्टकारिकाम् |
बलां शतावरीं रास्नां वरुणं गिरिकर्णिकाम् ||१७||
तथा विदारिगन्धादिं संहृत्य त्रैवृतं पचेत् |
तैलं घृतं वा तत् पेयं तेन वाऽप्यनुवासनम् ||१८||
दद्यादुत्तरबस्तिं च वातकृच्छ्रोपशान्तये |१९|
ইদানীং বাতকৃচ্ছ্রচিকিত্সিতমাহ- শ্বদংষ্ট্রেত্যাদি| শ্বদংষ্ট্রাগোক্ষুরকঃ| অশ্মভিত্ পাষাণভেদঃ| কুম্ভী স্থলকুম্ভী যস্যাস্ত্বক্ বক্রা ভবতি| গিরিকর্ণিকা অপরাজিতাভেদঃ | বিদারিগন্ধাদিঃ প্রথমো গণঃ সংহৃত্য একীকৃত্য| ত্রৈবৃতং তৈলং ঘৃতং বেতি তত্র ত্রিভির্ঘৃতবসামজ্জভির্বৃতং তৈলং, তৈলবসামজ্জভির্বৃতং ঘৃতং বা ত্রৈবৃতম্| তৈলং ঘৃতং বেতি বিকল্পঃ সাত্ম্যাপেক্ষযা বাতাদিবলাপেক্ষযা বা জ্ঞেযঃ||১৭-১৮||
Adhikarana 13 (19) · Śloka 20
শ্বদংষ্ট্রাস্বরসে তৈলং সগুডক্ষীরনাগরম্ ||১৯||
পক্ত্বা তত্ পূর্ববদ্যোজ্যং তত্রানিলরুজাপহম্ |২০|
View original
श्वदंष्ट्रास्वरसे तैलं सगुडक्षीरनागरम् ||१९||
पक्त्वा तत् पूर्ववद्योज्यं तत्रानिलरुजापहम् |२०|
অপরমপি বাতকৃচ্ছ্রচিকিত্সিতমাহ- শ্বদংষ্ট্রেত্যাদি| কল্কদ্রব্যমধ্যে পঠিতমপি ক্ষীরং দ্রবত্বেন বোদ্ধব্যম্| যোজ্যং পানানুবাসনোত্তরবস্তিষু| অনিলরুজাপহং বাতোত্থকৃচ্ছ্রনাশনমিত্যর্থঃ||১৯||-
Adhikarana 14 (20) · Śloka 21
তৃণোত্পলাদিকাকোলীন্যগ্রোধাদিগণৈঃ কৃ(শৃ)তম্ ||২০||
পীতং ঘৃতং পিত্তকৃচ্ছ্রং নাশযেত ক্ষীরমেব বা |২১|
View original
तृणोत्पलादिकाकोलीन्यग्रोधादिगणैः कृ(शृ)तम् ||२०||
पीतं घृतं पित्तकृच्छ्रं नाशयेत क्षीरमेव वा |२१|
পিত্তত্থকৃচ্ছ্রভেষজমাহ- তৃণোত্পলাদীত্যাদি| ঘৃতং তৃণাদিসংস্কৃতং গ্রাহ্যাং; ক্ষীরমেব বেতি বিকল্পঃ সাত্ম্যাপেক্ষযাঽগ্নিবলাপেক্ষযা চ ভবতি||২০||-
Adhikarana 15 (21) · Śloka 21
দদ্যাদুত্তরবস্তিং চ পিত্তকৃচ্ছ্রোপশান্তযে ||২১||
View original
दद्यादुत्तरबस्तिं च पित्तकृच्छ्रोपशान्तये ||२१||
অন্যদপি পিত্তকৃচ্ছ্রভেষজমাহ- দদ্যাদিত্যাদি| দদ্যাদুত্তরবস্তিমিতি ‘তৃণাদিসংস্কৃতস্নেহেন’ ইতি শেষঃ| যদ্যপি বক্ষ্যমাণত্রিবিধবস্তিগ্রহণেনোত্তরবস্তির্গৃহীতঃ, তথাঽপি পিত্তকৃচ্ছ্রে উত্তরবস্তিরত্যন্তং হিত ইতি জ্ঞাপানার্থ পৃথগপ্যুত্তরবস্তিতর্নির্দিষ্টঃ||২১||
Adhikarana 16 (22) · Śloka 22
এভিরেব কৃতঃ স্নেহস্ত্রিবিধেষ্বপি বস্তিষু |
হিতং বিরেচনং চেক্ষুক্ষীরদ্রাক্ষারসৈর্যুতম্ ||২২||
View original
एभिरेव कृतः स्नेहस्त्रिविधेष्वपि बस्तिषु |
हितं विरेचनं चेक्षुक्षीरद्राक्षारसैर्युतम् ||२२||
অপরমপি পিত্তকৃচ্ছ্রবিধিমাহ- এভিরিত্যাদি| এভিরেব অনন্তরোক্তৈস্তৃণোত্পলাদিপ্রভৃতিভিরেব| ত্রিবিধেষু বস্তিষু নিরুহানুবাসনোত্তরবস্তিষু| অন্যে নিরুহস্থানে শিরোবস্তিং মন্যন্তে; তন্ন, সমানতন্ত্রবিরোধাত্| রসশব্দ ইক্ষাবপি সম্বন্ধনীযঃ||২২||
Adhikarana 17 (23) · Śloka 23
সুরসোষকমুস্তাদৌ বরুণাদৌ চ যত্ কৃতম্ |
তৈলং তথা যবাগ্বাদি কফাঘাতে প্রশস্যতে ||২৩||
View original
सुरसोषकमुस्तादौ वरुणादौ च यत् कृतम् |
तैलं तथा यवाग्वादि कफाघाते प्रशस्यते ||२३||
কফকৃচ্ছ্রচিকিত্সিতমাহ- সুরসোষকেত্যাদি| সুরসাদৌ ঊষকাদৌ মুস্তাদৌ বরুণাদৌ চ যত্ কৃতং তৈলং, তথা যবাগ্বাদি, তত্ কফাঘাতে প্রশস্যতে| যবাগ্বাদিরিত্যত্র আদিশব্দাদ্বিলেপ্যাদযঃ; তে চ সুরসাদিসংস্কৃতা এব বোদ্বব্যাঃ| কফাঘাতে কফকৃচ্ছ্রে||২৩||
Adhikarana 18 (24) · Śloka 24
যথাদোষোচ্ছ্র্যং কুর্যাদেতানেব চ সর্বজে |২৪|
View original
यथादोषोच्छ्र्यं कुर्यादेतानेव च सर्वजे |२४|
সন্নিপাতোত্থমূত্রকৃচ্ছ্রচিকিত্সামাহ- যথাদোষোচ্ছ্র্যমিত্যাদি|- যথাদোষাধিক্যম্| এতানেবেতি অনন্তরোক্তবাতাদিকৃচ্ছ্রহরযোগান্| সর্বজে সান্নিপাতিকে কৃচ্ছ্রে| এতেনৈতদুক্তং ভবতি- সান্নিপাতিকে কৃচ্ছ্রে যস্য দোষস্যাধিক্যং দ্দশ্যতে তদ্দোষোক্তকৃচ্ছ্রহরযোগোত্কটান্ পূর্বোক্তবাতাদিকৃচ্ছ্রযোগানেকীকৃত্য কুর্যাদিতি|২৪|-
Adhikarana 19 (24) · Śloka 25
ফল্গুবৃশ্চীরদর্ভাশ্মসারচূর্ণং চ বারিণা ||২৪||
সুরেক্ষুরসদর্ভাম্বুপীতং কৃচ্ছ্ররুজাপহম্ |২৫|
View original
फल्गुवृश्चीरदर्भाश्मसारचूर्णं च वारिणा ||२४||
सुरेक्षुरसदर्भाम्बुपीतं कृच्छ्ररुजापहम् |२५|
অপরমপি সান্নিপাতিককৃচ্ছ্রযোগমাহ- ফল্গুবৃশ্চীরেত্যাদি| ফল্গুবৃশ্চীরাদীনাং চূর্ণ বারিণা পীতং যথাদোষং সুরেক্ষুরসাদিভিশ্চ পীতং কৃচ্ছ্ররুজাপহং, অর্থবশাত্ সান্নিপাতিককৃচ্ছ্ররুজাপহং ভবতীতি পিণ্ডার্থঃ| ফল্গুঃ কাকোদুম্বরিকা| বৃশ্চীরঃ শুক্লপুনর্নবা| অশ্মসারং শিলাজতু ||২৪||-
Adhikarana 20 (25) · Śloka 25
তথাঽভিঘাতজে কুর্যাত্ সদ্যোব্রণচিকিত্সিতম্ ||২৫||
View original
तथाऽभिघातजे कुर्यात् सद्योव्रणचिकित्सितम् ||२५||
অভিঘাতজকৃচ্ছ্রস্যাতিদেশেন চিকিত্সিতমাহ- তথেত্যাদি| অভিঘাতজে অভিঘাতজমূত্রকৃচ্ছ্রে, সদ্যোব্রণচিকিত্সিতমিত্যত্র লুপ্তচকারনির্দেশাত্ বাতকৃচ্ছ্রশান্তিক্রিযা কার্যা||২৫||
Adhikarana 21 (26) · Śloka 26
মূত্রকৃচ্ছ্রে শকৃজ্জাতে কার্যা বাতহরী ক্রিযা |
স্বেদাবগাহাবভ্যঙ্গবস্তিচূর্ণক্রিযাস্তথা ||২৬||
View original
मूत्रकृच्छ्रे शकृज्जाते कार्या वातहरी क्रिया |
स्वेदावगाहावभ्यङ्गबस्तिचूर्णक्रियास्तथा ||२६||
পরীষকৃচ্ছ্রেঽতিদেশেন চিকিত্সিতমাহ- মূত্রেত্যাদি| শকৃজ্জে তামেব বাতহরীং ক্রিযাং বিবৃণোতি- স্বেদাবগাহাবিত্যাদি| স্বেদাদযশ্চাত্র বাতব্যাধ্যুক্তা গ্রাহ্যাঃ||২৬||
Adhikarana 22 (27) · Śloka 27
যে ত্বন্যে তু তথা কৃচ্ছ্রে তযো প্রোক্তঃ ক্রিযাবিধিঃ ||২৭||
View original
ये त्वन्ये तु तथा कृच्छ्रे तयो प्रोक्तः क्रियाविधिः ||२७||
অশ্মরীশর্করোত্পন্নযোঃ কৃচ্ছ্রযোশ্চিকিত্সামাহ- যে ইত্যাদি| যে দ্বে অন্যে কৃচ্ছ্রে অশ্মরীশর্করোত্থে তযোঃ ক্রিযাবিধিঃ প্রোক্তঃ অশ্মরীশর্করাচিকিত্সিতে| অপরে ‘দ্বৌ তথাঽন্যৌ তু যৌ কৃচ্ছ্রৌ’ ইতি পঠন্তি, তত্রাপি স এবার্থঃ||২৭||
Adhikarana puShpikA · Śloka 59
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে মূত্রকৃচ্ছ্রপ্রতিষেধো নাম (একবিংশতিতমোঽধ্যাযঃ, আদিতঃ) একোনষষ্ঠতমোঽধ্যাযঃ ||৫৯||
View original
इति सुश्रुतसंहितायामुत्तरतन्त्रान्तर्गते कायचिकित्सातन्त्रे मूत्रकृच्छ्रप्रतिषेधो नाम (एकविंशतितमोऽध्यायः, आदितः) एकोनषष्ठतमोऽध्यायः ||५९||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে একোনষষ্ঠিতমোঽধ্যাযঃ||৫৯||