59. mūtrakr̥cchrapratiṣēdhādhyāyaḥ

Adhikarana 1 (1-2) · Śloka 2

অথাতো মূত্রকৃচ্ছ্রপ্রতিষেধমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

Adhikarana 2 (3) · Śloka 3

বাতেন পিত্তেন কফেন সর্বৈস্তথাঽভিঘাতৈঃ শকৃদশ্মরীভ্যাম্ | তথাঽপরঃ শর্করযা সুকষ্টো মূত্রোপঘাতঃ কথিতোঽষ্টমস্তু ||৩||

Adhikarana 3 (4) · Śloka 4

অল্পমল্পং সমুত্পীড্য মুষ্কমেহনবস্তিভিঃ | ফলদ্ভিরিব কৃচ্ছ্রেণ বাতাঘাতেন মেহতি ||৪||

Adhikarana 4 (5) · Śloka 5

হারিদ্রমুষ্ণং রক্তং বা মুষ্কমেহনবস্তিভিঃ | অগ্নিনা দহ্যামানাভৈঃ পিত্তঘাতেন মেহতি ||৫||

Adhikarana 5 (6) · Śloka 6

স্নিগ্ধং শুক্লমনুষ্ণং চ মুষ্কমেহনবস্তিভিঃ | সংহৃষ্টরোমা গুরুভিঃ শ্লেষ্মাঘাতেন মেহতি ||৬||

Adhikarana 6 (7) · Śloka 7

দাহশীতরুজাবিষ্টো নানাবর্ণং মহুর্মুহুঃ | তাম্যমানস্তু কৃচ্ছ্রেণ সান্নিপাতেন মেহতি ||৭||

Adhikarana 7 (8-9) · Śloka 10

মূত্রবাহিষু শল্যেন ক্ষতেষ্বভিহতেষু চ | স্রোতঃসু মূত্রাঘাতস্তু জাযতে ভৃশবেদনঃ ||৮|| বাতবস্তেস্তু তুল্যানি তস্য লিঙ্গানি লক্ষযেত্ | শকৃতস্তু প্রতীঘাতাদ্বাযুর্বিগুণতাং গতঃ ||৯|| আধ্মানং চ সশূলং চ মূত্রসঙ্গং করোতি হি |১০|

Adhikarana 8 (10) · Śloka 10

অশ্মরীহেতুকঃ পূর্বং মূত্রাঘাত উদাহৃতঃ ||১০||

Adhikarana 9 (11-14) · Śloka 15

অশ্মরী শর্করা চৈব তুল্যে সম্ভবলক্ষণৈঃ | শর্করাযা বিশেষং তু শৃণু কীর্তযতো মম ||১১|| পচ্যমানস্য পিত্তেন ভিদ্যমানস্য বাযুনা | শ্লেষমণোঽবযবা ভিন্নাঃ শর্করা ইতি সঞ্জ্ঞিতাঃ ||১২|| হৃত্পীডা বেপথুঃ শূলং কুক্ষৌ বহ্নিঃ সুদুর্বলঃ | তাভির্ভবতি মূর্চ্ছা চ মূত্রাঘাতশ্চ দারুণঃ ||১৩|| মূত্রবেগনিরস্তাসু তাসু শাম্যতি বেদনা | যাবদন্যা পুনর্নৈতি গুডিকা স্রোতসো মুখম্ ||১৪|| শর্করাসম্ভবস্যৈতন্মূত্রাঘাতস্য লক্ষণম্ |১৫|

Adhikarana 10 (15) · Śloka 15

চিকিত্সিতমথৈতেষামষ্টানামপি বক্ষ্যতে ||১৫||

Adhikarana 11 (16) · Śloka 16

অশ্মরীং চ সমাশ্রিত্য যদুক্তং প্রসমীক্ষ্য তত্ | যথাদোষং প্রযুঞ্জীত স্নেহাদিমপি চ ক্রমম্ ||১৬||

Adhikarana 12 (17-18) · Śloka 19

শ্বদংষ্ট্রাশ্মভিদৌ কুম্ভীং হপুষাং কণ্টকারিকাম্ | বলাং শতাবরীং রাস্নাং বরুণং গিরিকর্ণিকাম্ ||১৭|| তথা বিদারিগন্ধাদিং সংহৃত্য ত্রৈবৃতং পচেত্ | তৈলং ঘৃতং বা তত্ পেযং তেন বাঽপ্যনুবাসনম্ ||১৮|| দদ্যাদুত্তরবস্তিং চ বাতকৃচ্ছ্রোপশান্তযে |১৯|

Adhikarana 13 (19) · Śloka 20

শ্বদংষ্ট্রাস্বরসে তৈলং সগুডক্ষীরনাগরম্ ||১৯|| পক্ত্বা তত্ পূর্ববদ্যোজ্যং তত্রানিলরুজাপহম্ |২০|

Adhikarana 14 (20) · Śloka 21

তৃণোত্পলাদিকাকোলীন্যগ্রোধাদিগণৈঃ কৃ(শৃ)তম্ ||২০|| পীতং ঘৃতং পিত্তকৃচ্ছ্রং নাশযেত ক্ষীরমেব বা |২১|

Adhikarana 15 (21) · Śloka 21

দদ্যাদুত্তরবস্তিং চ পিত্তকৃচ্ছ্রোপশান্তযে ||২১||

Adhikarana 16 (22) · Śloka 22

এভিরেব কৃতঃ স্নেহস্ত্রিবিধেষ্বপি বস্তিষু | হিতং বিরেচনং চেক্ষুক্ষীরদ্রাক্ষারসৈর্যুতম্ ||২২||

Adhikarana 17 (23) · Śloka 23

সুরসোষকমুস্তাদৌ বরুণাদৌ চ যত্ কৃতম্ | তৈলং তথা যবাগ্বাদি কফাঘাতে প্রশস্যতে ||২৩||

Adhikarana 18 (24) · Śloka 24

যথাদোষোচ্ছ্র্যং কুর্যাদেতানেব চ সর্বজে |২৪|

Adhikarana 19 (24) · Śloka 25

ফল্গুবৃশ্চীরদর্ভাশ্মসারচূর্ণং চ বারিণা ||২৪|| সুরেক্ষুরসদর্ভাম্বুপীতং কৃচ্ছ্ররুজাপহম্ |২৫|

Adhikarana 20 (25) · Śloka 25

তথাঽভিঘাতজে কুর্যাত্ সদ্যোব্রণচিকিত্সিতম্ ||২৫||

Adhikarana 21 (26) · Śloka 26

মূত্রকৃচ্ছ্রে শকৃজ্জাতে কার্যা বাতহরী ক্রিযা | স্বেদাবগাহাবভ্যঙ্গবস্তিচূর্ণক্রিযাস্তথা ||২৬||

Adhikarana 22 (27) · Śloka 27

যে ত্বন্যে তু তথা কৃচ্ছ্রে তযো প্রোক্তঃ ক্রিযাবিধিঃ ||২৭||

Adhikarana puShpikA · Śloka 59

ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে মূত্রকৃচ্ছ্রপ্রতিষেধো নাম (একবিংশতিতমোঽধ্যাযঃ, আদিতঃ) একোনষষ্ঠতমোঽধ্যাযঃ ||৫৯||