Adhikarana 1 (1-2) · Śloka 2
অথাতো নবগ্রহাকৃতিবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातो नवग्रहाकृतिविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
শালাক্যতন্ত্রানন্তরং কৌমারতন্ত্রং প্রারভ্যতে- অথাত ইত্যাদি| বালশব্দোঽত্র লুপ্তনির্দিষ্টো দ্রষ্টব্যঃ| তত্র গ্রহা বালানাং নব, অষ্টৌ পুনরবালানাং ভূতবিদ্যাযাং নির্দেষ্টব্যাঃ| আকৃতিঃ আকারো লিঙ্গং কার্যভূতং, নতু স্বভাবাখ্যম্||১-২||
Adhikarana 2 (3) · Śloka 3
বালগ্রহাণাং বিজ্ঞানং সাধনং চাপ্যনন্তরম্ | উত্পত্তিং কারণং চৈব সুশ্রুতৈকমনাঃ শৃণু ||৩||
बालग्रहाणां विज्ञानं साधनं चाप्यनन्तरम् | उत्पत्तिं कारणं चैव सुश्रुतैकमनाः शृणु ||३||
🔊 Audio coming soon
তত্র প্রথমং কুমারতন্ত্রস্যার্থপিণ্ডমুদ্দিশন্নাহ- বালগ্রহাণামিত্যাদি| বিজ্ঞানং বিশিষ্টজ্ঞানম্| সাধনং চিকিত্সিতম্| উত্পত্তিঃ প্রভবঃ| কারণং হেতুঃ||৩||
Adhikarana 3 (4-5) · Śloka 5
স্কন্দগ্রহস্তু প্রথমঃ স্কন্দাপস্মার এব চ | শকুনী রেবতী চৈব পূতনা চান্ধপূতনা ||৪|| পূতনা শীতনামা চ তথৈব মুখমণ্ডিকা | নবমো নৈগমেষশ্চ যঃ পিতৃগ্রহসঞ্জ্ঞিতঃ ||৫||
स्कन्दग्रहस्तु प्रथमः स्कन्दापस्मार एव च | शकुनी रेवती चैव पूतना चान्धपूतना ||४|| पूतना शीतनामा च तथैव मुखमण्डिका | नवमो नैगमेषश्च यः पितृग्रहसञ्ज्ञितः ||५||
🔊 Audio coming soon
ইদানীং তেষাং নবগ্রহাণাং নামান্যাহ- স্কন্দগ্রহ ইত্যাদি| প্রথমঃ প্রধানমাদির্বা| নবমো নৈগমেষ ইতি সঙ্খ্যানির্দেশাদেব সঙ্খ্যাযাং লব্ধাযাং ভূযো নবম ইতি সঙ্খ্যাকরণং কাশ্যপাদিতন্ত্রান্তরোক্তাধিকসঙ্খ্যানিরাকরণার্থম্| পিতৃগ্রহসঞ্জ্ঞিত ইতি বালস্যান্যগ্রহেভ্যো রক্ষকত্বাত্পিতেব গ্রহঃ সৈব সঞ্জ্ঞা সঞ্জাতা যস্য স তথা| (নতু ভূতবিদ্যাবত্ পিতৃলোকাভিহিতগ্রহ ইতি)||৪-৫||
Adhikarana 4 (6) · Śloka 6
ধাত্রীমাত্রোঃ প্রাক্প্রদিষ্টাপচারাচ্ছৌচভ্রষ্টান্মঙ্গলাচারহীনান্ | ত্রস্তান্ হৃষ্টাংস্তর্জিতান্ তাডিতান্ বা পূজাহেতোর্হিংস্যুরেতে কুমারান্ ||৬||
धात्रीमात्रोः प्राक्प्रदिष्टापचाराच्छौचभ्रष्टान्मङ्गलाचारहीनान् | त्रस्तान् हृष्टांस्तर्जितान् ताडितान् वा पूजाहेतोर्हिंस्युरेते कुमारान् ||६||
🔊 Audio coming soon
কস্মাদ্গ্রহা বালান্ বিশন্তীত্যাহ- ধাত্রীত্যাদি| ধাত্রী স্তনপাযিনী পোষযিত্রীত্যর্থঃ, মাতা প্রসবিত্রী| প্রাক্প্রদিষ্টাপচারাদিতি প্রাক্ শারীরস্থানে প্রদিষ্টোঽপচারঃ অকৃত্যবিধিঃ মাংসসুরাদীনাং লৌল্যাদাচরণং বা| শৌচং মূত্রপুরীষাদিপ্রক্ষালনং, মঙ্গলং স্বস্তিকস্রগ্দামদূর্বাবচাসর্ষপাদিস্পর্শনম্, আচারঃ পাপবিরোধী, ত্রস্তান্ উদ্বিগ্নান্, হৃষ্টান্ মুদিতান্, তর্জিতান্ অন্যেন কেনচিদ্বিভীষিতান্| তাডিতান্ অভিহতান্| কথং পূজা জাযতে? কুসুমাদিনা ভোজনাদিনা চ| অতো হেতোঃ ধাত্রীমাত্রোরপচারাদ্দূষণাদ্যন্বিতান্ বালান্| পূজা চাত্রোপলক্ষণং; তেন রতিহেতোরপি হিংস্যুরিতি| ননু, ধাত্রীমাত্রোপচারাদ্বালানামনপরাধিত্বাত্ কথং গ্রহহিংসনং? অত্রোচ্যতে- বালানাং প্রাক্তনকর্মযোগত এবাপচারং কুরুতঃ| কুমারানিত্যুপলক্ষণং; তেন কুমারিকা অপি হিংস্যুঃ| এতে গ্রহা ইত্যর্থঃ||৬||
Adhikarana 5 (7) · Śloka 7
ঐশ্বর্যস্থাস্তে ন শক্যা বিশন্তো দেহং দ্রষ্টুং মানুষৈর্বিশ্বরূপাঃ | আপ্তং বাক্যং তত্সমীক্ষ্যাভিধাস্যে লিঙ্গান্যেষাং যানি দেহে ভবন্তি ||৭||
ऐश्वर्यस्थास्ते न शक्या विशन्तो देहं द्रष्टुं मानुषैर्विश्वरूपाः | आप्तं वाक्यं तत्समीक्ष्याभिधास्ये लिङ्गान्येषां यानि देहे भवन्ति ||७||
🔊 Audio coming soon
কস্মাত্তে গ্রহা দেহং বিশন্তো নোপলভ্যন্তে ইত্যাহ - ঐশ্বর্যেত্যাদি| এষাং গ্রহাণাং যানি লিঙ্গানি ভবন্তি তানি আপ্তং বাক্যং সমীক্ষ্যাভিধাস্যে কথযিষ্যে ইতি পিণ্ডার্থঃ| আপ্তং বাক্যম্ আপ্তৈরুক্তং বাক্যম্; আপ্তাশ্চ যথার্থবাদিনঃ ||৭||
Adhikarana 6 (8) · Śloka 8
শূনাক্ষঃ ক্ষতজসগন্ধিকঃ স্তনদ্বিড্ বক্রাস্যো হতচলিতৈকপক্ষ্মনেত্রঃ | উদ্বিগ্নঃ সুলুলিতচক্ষুরল্পরোদী স্কন্দার্তো ভবতি চ গাঢমুষ্টিবর্চাঃ ||৮||
शूनाक्षः क्षतजसगन्धिकः स्तनद्विड् वक्रास्यो हतचलितैकपक्ष्मनेत्रः | उद्विग्नः सुलुलितचक्षुरल्परोदी स्कन्दार्तो भवति च गाढमुष्टिवर्चाः ||८||
🔊 Audio coming soon
স্কন্দগ্রহার্তলক্ষণমাহ- শূনাক্ষ ইত্যাদি| ক্ষতজসগন্ধিকঃ রুধিরসমানগন্ধিকঃ, বিস্রগন্ধ ইত্যর্থঃ; অন্যে তু ক্ষতজং রক্তং তত্সগন্ধিক ঈষদ্রুধিরগন্ধিক ইত্যর্থঃ| স্তনদ্বিট্ স্তনদ্বেষী| বক্রাস্যঃ বক্রমুখঃ| হতচলিতৈকপক্ষ্মনেত্র ইতি হতং চলিতং চৈকপক্ষ্ম নেত্রে যস্য স তথা| উদ্বিগ্নঃ উদ্বিগ্নচিত্তঃ| সুলুলিতচক্ষুঃ কিঞ্চিন্মিলিতলোচনঃ| স্কন্দার্ত ইতি স্কন্দবিনোদনার্থং রুদ্রেণ সৃষ্টো গ্রহঃ তেনার্তঃ, স্কন্দোঽত্র ন পুনর্ভগবান্ কার্তিকেযঃ| গাঢে মুষ্টিবর্চসী যস্য স তথা| গযদাসস্তু ‘স্তব্ধাঙ্গঃ’ ক্ষতজসগন্ধিকঃ স্তনদ্বিট্ বক্রাস্যো হতচরণৈকপক্ষ্মনেত্রঃ’ ইতি পঠিত্বা ‘স্তব্ধমঙ্গং যস্য স তথা, হতানি একপাদৈকপক্ষ্মার্ধনযনানি যস্য স তথা’ ইতি ব্যাখ্যানযতি||৮||
Adhikarana 7 (9) · Śloka 9
নিঃসঞ্জ্ঞো ভবতি পুনর্ভবেত্সসঞ্জ্ঞঃ সংরব্ধঃ করচরণৈশ্চ নৃত্যতীব | বিণ্মূত্রে সৃজতি বিনদ্য জৃম্ভমাণঃ ফেনং চ প্রসৃজতি তত্সখাভিপন্নঃ ||৯||
निःसञ्ज्ञो भवति पुनर्भवेत्ससञ्ज्ञः संरब्धः करचरणैश्च नृत्यतीव | विण्मूत्रे सृजति विनद्य जृम्भमाणः फेनं च प्रसृजति तत्सखाभिपन्नः ||९||
🔊 Audio coming soon
স্কন্দাপস্মারার্তলক্ষণমাহ- নিঃসঞ্জ্ঞ ইত্যাদি| সংরব্ধঃ সম্যক্ কলিতঃ সন্, করচরণভ্যাং হস্তপাদাভ্যাং, নৃত্যতীব নর্তনমিব করোতি| বিনদ্য শব্দং কৃত্বা; ক্বচিত্ ‘বিনম্য’ ইতি পাঠঃ, তত্র গাত্রবিনমনং কৃত্বা; বিণ্মূত্রে মুঞ্চতীতি ব্যাখ্যানম্| তত্সখাভিপন্নঃ তচ্ছব্দেন স্কন্দঃ কথ্যতে, তস্য সখা স্কন্দাপস্মারঃ, তেনাক্রান্তঃ||৯||
Adhikarana 8 (10) · Śloka 10
স্রস্তাঙ্গো ভযচকিতো বিহঙ্গগন্ধিঃ সংস্রাবিব্রণপরিপীডিতঃ সমন্তাত্ | স্ফোটৈশ্চ প্রচিততনুঃ সদাহপাকৈর্বিজ্ঞেযো ভবতি শিশুঃ ক্ষতঃ শকুন্যা ||১০||
स्रस्ताङ्गो भयचकितो विहङ्गगन्धिः संस्राविव्रणपरिपीडितः समन्तात् | स्फोटैश्च प्रचिततनुः सदाहपाकैर्विज्ञेयो भवति शिशुः क्षतः शकुन्या ||१०||
🔊 Audio coming soon
শকুনিগ্রহার্তলক্ষণমাহ- স্রস্তাঙ্গ ইত্যাদি| স্রস্তাঙ্গঃ শিথিলাঙ্গঃ| ভযচকিতো ভীতঃ| বিহঙ্গা অত্র মাংসাদা জলচরাশ্চ| সংস্রাবিব্রণপরিপীডিতঃ পূযাস্রাবিব্রণপরিপীডিতঃ| সমন্তাত্ সর্বতঃ| অত্রোক্তব্রণস্ফোটযোর্বিদীর্ণাবিদীর্ণত্বেন ভেদঃ| ক্ষতঃ অভিভূতঃ||১০||
Adhikarana 9 (11) · Śloka 11
রক্তাস্যো হরিতমলোঽতিপাণ্ডুদেহঃ শ্যাবো বা জ্বরমুখপাকবেদনার্তঃ | রেবত্যা ব্যথিততনুশ্চ কর্ণনাসং মৃদ্নাতি ধ্রুবমভিপীডিতঃ কুমারঃ ||১১||
रक्तास्यो हरितमलोऽतिपाण्डुदेहः श्यावो वा ज्वरमुखपाकवेदनार्तः | रेवत्या व्यथिततनुश्च कर्णनासं मृद्नाति ध्रुवमभिपीडितः कुमारः ||११||
🔊 Audio coming soon
রেবতীগ্রহার্তস্য লক্ষণমাহ- রক্তাস্য ইত্যাদি| হরিতমল ইতি মলোঽত্র বিষ্ঠা মূত্রং চ| জ্বরমুখপাকবেদনার্তঃ জ্বরার্তো মুখপাকবেদনার্তশ্চ| ব্যথিততনুরিতি সরুজশরীরঃ| অভিপীডিতো রেবত্যা ইতি সম্বন্ধঃ||১১||
Adhikarana 10 (12) · Śloka 12
স্রস্তাঙ্গঃ স্বপিতি সুখং দিবা ন রাত্রৌ বিড্ ভিন্নং সৃজতি চ কাকতুল্যগন্ধিঃ | ছর্দ্যাঽঽর্তো হৃষিততনূরুহঃ কুমারস্তৃষ্ণালুর্ভবতি চ পূতনাগৃহীতঃ ||১২||
स्रस्ताङ्गः स्वपिति सुखं दिवा न रात्रौ विड् भिन्नं सृजति च काकतुल्यगन्धिः | छर्द्याऽऽर्तो हृषिततनूरुहः कुमारस्तृष्णालुर्भवति च पूतनागृहीतः ||१२||
🔊 Audio coming soon
পূতনাগ্রহার্তলক্ষণমাহ- স্রস্তাঙ্গ ইত্যাদি| ন দিবা সুখং স্বপিতি ন চ রাত্রৌ সুখং স্বপিতি| সৃজতি মুঞ্চতি| ‘স্রস্তাঙ্গ’ ইত্যত্র কেচিত্ ‘স্বস্থাঙ্গ’ ইতি পঠন্তি, স্বস্থাঙ্গোঽপি ন দিবা ন রাত্রৌ স্বপিতীতি ব্যাখ্যানযন্তি||১২||
Adhikarana 11 (13) · Śloka 13
যো দ্বেষ্টি স্তনমতিসারকাসহিক্কাচ্ছর্দীভির্জ্বরসহিতাভিরর্দ্যমানঃ | দুর্বর্ণঃ সততমধঃশযোঽম্লগন্ধিস্তং ব্রূযুর্ভিষজ ইহান্ধপূতনার্তম্ ||১৩||
यो द्वेष्टि स्तनमतिसारकासहिक्काच्छर्दीभिर्ज्वरसहिताभिरर्द्यमानः | दुर्वर्णः सततमधःशयोऽम्लगन्धिस्तं ब्रूयुर्भिषज इहान्धपूतनार्तम् ||१३||
🔊 Audio coming soon
অন্ধপূতনার্তলক্ষণমাহ- য ইত্যাদি| অধঃশযঃ অধোমুখশাযী| অম্লগন্ধিঃ কাঞ্জিকাদ্যম্লদ্রব্যগন্ধিঃ||১৩||
Adhikarana 12 (14) · Śloka 14
উদ্বিগ্নো ভৃশমতিবেপতে প্ররুদ্যাত্ সংলীনঃ স্বপিতি চ যস্য চান্ত্রকূজঃ | বিস্রাঙ্গো ভৃশমতিসার্যতে চ যস্তং জানীযাদ্ভিষগিহ শীতপূতনার্তম্ ||১৪||
उद्विग्नो भृशमतिवेपते प्ररुद्यात् संलीनः स्वपिति च यस्य चान्त्रकूजः | विस्राङ्गो भृशमतिसार्यते च यस्तं जानीयाद्भिषगिह शीतपूतनार्तम् ||१४||
🔊 Audio coming soon
শীতপূতনার্তলক্ষণমাহ- উদ্বিগ্ন ইত্যাদি| সংলীনঃ সম্যগ্লীনঃ, শয্যৈকদেশে লগ্ন ইত্যর্থঃ| বিস্রাঙ্গো বিস্রগন্ধাঙ্গঃ| ‘উদ্বিগ্নো ভৃশমতি’ ইত্যত্র কেচিত্ ‘আক্রন্দত্যতিচকিতঃ’ ইতি পঠন্তি||১৪||
Adhikarana 13 (15) · Śloka 15
ম্লানাঙ্গঃ সুরুচিরপাণিপাদবক্ত্রো বহ্বাশী কলুষসিরাবৃতোদরো যঃ | সোদ্বেগো ভবতি চ মূত্রতুল্যগন্ধিঃ স জ্ঞেযঃ শিশুরিহ বক্ত্রমণ্ডিকার্তঃ ||১৫||
म्लानाङ्गः सुरुचिरपाणिपादवक्त्रो बह्वाशी कलुषसिरावृतोदरो यः | सोद्वेगो भवति च मूत्रतुल्यगन्धिः स ज्ञेयः शिशुरिह वक्त्रमण्डिकार्तः ||१५||
🔊 Audio coming soon
মুখমণ্ডিকাগ্রহার্তলক্ষণমাহ- ম্লানাঙ্গ ইত্যাদি| ম্লানাঙ্গো দুর্বলমধ্যশরীরঃ| সুরুচিরপাণিপাদবক্ত্র ইতি সুষ্ঠু রুচিরং শোভনং হস্তপাদবক্ত্রং যস্য সঃ| বক্ত্রমণ্ডিকর্তো মুখমণ্ডিকার্ত ইত্যর্থঃ||১৫||
Adhikarana 14 (16) · Śloka 16
যঃ ফেনং বমতি বিনম্যতে চ মধ্যে সোদ্বেগম্ বিলপতি চোর্ধ্বমীক্ষমাণঃ | জ্বর্যেত প্রততমথো বসাসগন্ধির্নিঃসঞ্জ্ঞো ভবতি হি নৈগমেষজুষ্টঃ ||১৬||
यः फेनं वमति विनम्यते च मध्ये सोद्वेगम् विलपति चोर्ध्वमीक्षमाणः | ज्वर्येत प्रततमथो वसासगन्धिर्निःसञ्ज्ञो भवति हि नैगमेषजुष्टः ||१६||
🔊 Audio coming soon
নৈগমেষগ্রহার্তলক্ষণমাহ- য ইত্যাদি| মধ্যে মধ্যাঙ্গে| সোদ্বেগং সত্রাসং, বিলপতি অতিশযেন শব্দং করোতি, ঊর্ধ্বমীক্ষমাণঃ ঊর্ধ্বং পশ্যন্| ‘বিলপতি’ ইত্যত্র কেচিত্ ‘বিহসতি’ ইতি পঠন্তি| জ্বর্যেত প্রততং সততম্| বসাসগন্ধিঃ বসযা তুল্যগন্ধিঃ| নিঃসঞ্জ্ঞঃ নির্গতসম্যগ্জ্ঞানঃ||১৬||
Adhikarana 15 (17) · Śloka 17
প্রস্তব্ধো যঃ স্তনদ্বেষী মুহ্যতে চাবিশন্মুহুঃ | তং বালমচিরাদ্ধন্তি গ্রহঃ সম্পূর্ণলক্ষণঃ ||১৭||
प्रस्तब्धो यः स्तनद्वेषी मुह्यते चाविशन्मुहुः | तं बालमचिराद्धन्ति ग्रहः सम्पूर्णलक्षणः ||१७||
🔊 Audio coming soon
সাম্প্রতমসাধ্যগ্রহার্তলক্ষণমাহ- প্রস্তব্ধ ইত্যাদি| প্রস্তব্ধোঽত্যর্থং স্তব্ধাঙ্গঃ| মুহ্যতে মোহং যাতি| আবিশন্ আবেশং কুর্বন্| মুহুঃ বারংবারম্||১৭||
Adhikarana 16 (18) · Śloka 18
বিপরীতমতঃ সাধ্যং চিকিত্সেদচিরার্দিতম্ |১৮|
विपरीतमतः साध्यं चिकित्सेदचिरार्दितम् |१८|
🔊 Audio coming soon
সাধ্যগ্রহার্তলক্ষণমাহ- বিপরীতমিত্যাদি| বিপরীতং প্রস্তব্ধ স্তনদ্বেষাদিলক্ষণৈরনুপহতম্| অচিরার্দিতম্ অল্পকালপীডিতম্|১৮|-
Adhikarana 17 (18-20) · Śloka 20
গৃহে পুরাণহবিষাঽভ্যজ্য বালং শুচৌ শুচিঃ ||১৮|| সর্ষপান্ প্রকিরেত্তেষাং তৈলৈর্দীপং চ কারযেত্ | সদা সন্নিহিতং চাপি জুহুযাদ্ধব্যবাহনম্ ||১৯|| সর্বগন্ধৌষধীবীজৈর্গন্ধমাল্যৈরলঙ্ক্রতম্ | অগ্নযে কৃত্তিকাভ্যশ্চ স্বাহা স্বাহেতি সন্ততম্ ||২০||
गृहे पुराणहविषाऽभ्यज्य बालं शुचौ शुचिः ||१८|| सर्षपान् प्रकिरेत्तेषां तैलैर्दीपं च कारयेत् | सदा सन्निहितं चापि जुहुयाद्धव्यवाहनम् ||१९|| सर्वगन्धौषधीबीजैर्गन्धमाल्यैरलङ्क्रतम् | अग्नये कृत्तिकाभ्यश्च स्वाहा स्वाहेति सन्ततम् ||२०||
🔊 Audio coming soon
সাধ্যস্য চিকিত্সামাহ- গৃহে ইত্যাদি| পুরাণহবিষা জীর্ণঘৃতেন, অভ্যজ্য বালং চুপাটিত্বা| শুচৌ পবিত্রদেশে, শুচিঃ ‘ভিষগ্’ ইতি শেষঃ| তেষাং তৈলৈঃ সর্ষপাণাং তৈলৈঃ, দীপং কারযেত্ দীপং প্রজ্বালযেদিত্যর্থঃ| সদেত্যাদি| জুহুযাত্ হোমং কুর্যাদিত্যর্থঃ| হব্যবাহনম্ অগ্নিম্| কৈর্জুহুযাত্? সর্বগন্ধৌষধীবীজৈরিতি; সর্বগন্ধা এলাদিপরিপঠিতাঃ, ওষধীবীজনি যবধান্যতিলাদীনি, তৈর্জুহুযাত্| গন্ধমাল্যৈরলঙ্কৃতমগ্নিং বালং বা, সততং বারংবারং ন সকৃত্| অযং বিধিঃ সর্বগ্রহাণাং সামান্যঃ| অগ্নয ইত্যাদি| অগ্নিং হুত্বা ততো মধ্যাহ্নে বলিং দদ্যাত্||১৮-২০||
Adhikarana 18 (21) · Śloka 21
নমঃ স্কন্দায দেবায গ্রহাধিপতযে নমঃ | শিরসা ত্বাঽভিবন্দেঽহং প্রতিগৃহ্ণীষ্ব মে বলিম্ | নীরুজো নির্বিকারশ্চ শিশুর্মে জাযতাং দ্রুতম্ ||২১||
नमः स्कन्दाय देवाय ग्रहाधिपतये नमः | शिरसा त्वाऽभिवन्देऽहं प्रतिगृह्णीष्व मे बलिम् | नीरुजो निर्विकारश्च शिशुर्मे जायतां द्रुतम् ||२१||
🔊 Audio coming soon
তত্র যং মন্ত্রমুচ্চরেত্তমাহ- নম ইত্যাদি||২১||
Adhikarana puShpikA · Śloka 27
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে নবগ্রহাকৃতিবিজ্ঞানীযো নাম (প্রথমোঽধ্যাযঃ, আদিতঃ) সপ্তবিংশোঽধ্যাযঃ ||২৭||
इति सुश्रुतसंहितायामुत्तरतन्त्रान्तर्गते कुमारतन्त्रे नवग्रहाकृतिविज्ञानीयो नाम (प्रथमोऽध्यायः, आदितः) सप्तविंशोऽध्यायः ||२७||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে নবগ্রহাকৃতিবিজানীযো নাম সপ্তবিংশতিতমোঽধ্যাযঃ||২৭||