Adhikarana 1 (1-2) · Śloka 2
অথাতঃ সন্ধিগতরোগবিজ্ঞানীযমধ্যাযং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः सन्धिगतरोगविज्ञानीयमध्यायं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
পূর্বস্মিন্নধ্যাযে সন্ধ্যাদিক্রমেণ নযনগতরোগা অভিহিতাঃ, অত ঔপদ্রবিকানন্তরং প্রাক্ সন্ধিগতা রোগাঃ প্রতিপাদ্যা ভবন্তীত্যত আহ- অথাত ইত্যাদি| গতশব্দ আশ্রযবচনঃ||১-২||
Adhikarana 2 (3) · Śloka 3
পূযালসঃ সোপনাহঃ স্রাবাঃ পর্বণিকাঽলজী | ক্রিমিগ্রন্থিশ্চ বিজ্ঞেযা রোগাঃ সন্ধিগতা নব ||৩||
पूयालसः सोपनाहः स्रावाः पर्वणिकाऽलजी | क्रिमिग्रन्थिश्च विज्ञेया रोगाः सन्धिगता नव ||३||
🔊 Audio coming soon
স্রাবাঃ চত্বারঃ পূযাস্রাব ইত্যাদযঃ||৩||
Adhikarana 3 (4) · Śloka 4
পক্বঃ শোফঃ সন্ধিজঃ সংস্রবেদ্যঃ সান্দ্রং পূযং পূতি পূযালসঃ সঃ |৪|
पक्वः शोफः सन्धिजः संस्रवेद्यः सान्द्रं पूयं पूति पूयालसः सः |४|
🔊 Audio coming soon
ইদানীং তেষাং নবানামপি প্রত্যেকং লক্ষণমাহ- পক্ব ইত্যাদি| সন্ধিজঃ কনীনসন্ধিজঃ| পূতি দুর্গন্ধম্| অযং সন্নিপাতজঃ সাধ্যশ্চ|৪|-
Adhikarana 4 (4) · Śloka 4
গ্রন্থির্নাল্পো দৃষ্টিসন্ধাবপাকঃ কণ্ডূপ্রাযো নীরুজস্তূপনাহঃ ||৪||
ग्रन्थिर्नाल्पो दृष्टिसन्धावपाकः कण्डूप्रायो नीरुजस्तूपनाहः ||४||
🔊 Audio coming soon
গ্রন্থিরিত্যাদি| নাল্পো মহানিত্যর্থঃ| অপাক ঈষত্পাকঃ| উপনাহঃ শ্লেষ্মোপনাহঃ| কফজোঽযং সাধ্যশ্চ||৪||
Adhikarana 5 (5-7) · Śloka 7
গত্বা সন্ধীনশ্রুমার্গেণ দোষাঃ কুর্যুঃ স্রাবান্ রুগ্বিহীনান্ কনীনাত্ | তান্ বৈ স্রাবান্ নেত্রনাডীমথৈকে তস্যা লিঙ্গং কীর্তযিষ্যে চতুর্ধা ||৫|| পাকঃ সন্ধৌ সংস্রবেদ্যশ্চ পূযং পূযাস্রাবো নৈকরূপঃ প্রদিষ্টঃ | শ্বেতং সান্দ্রং পিচ্ছিলং সংস্রবেদ্যঃ শ্লেষ্মাস্রাবো নীরুজঃ স প্রদিষ্টঃ ||৬|| রক্তাস্রাবঃ শোণিতোত্থঃ সরক্তমুষ্ণং নাল্পং সংস্রবেন্নাতিসান্দ্রম্ | পীতাভাসং নীলমুষ্ণং জলাভং পিত্তাস্রাবঃ সংস্রবেত্ সন্ধিমধ্যাত্ ||৭||
गत्वा सन्धीनश्रुमार्गेण दोषाः कुर्युः स्रावान् रुग्विहीनान् कनीनात् | तान् वै स्रावान् नेत्रनाडीमथैके तस्या लिङ्गं कीर्तयिष्ये चतुर्धा ||५|| पाकः सन्धौ संस्रवेद्यश्च पूयं पूयास्रावो नैकरूपः प्रदिष्टः | श्वेतं सान्द्रं पिच्छिलं संस्रवेद्यः श्लेष्मास्रावो नीरुजः स प्रदिष्टः ||६|| रक्तास्रावः शोणितोत्थः सरक्तमुष्णं नाल्पं संस्रवेन्नातिसान्द्रम् | पीताभासं नीलमुष्णं जलाभं पित्तास्रावः संस्रवेत् सन्धिमध्यात् ||७||
🔊 Audio coming soon
সন্ধযো নেত্রান্তর্গতাশ্চত্বারঃ| অশ্রুমার্গশব্দেনাত্র সিরা অভিপ্রেতাঃ| তথাচ বিদেহঃ,- “অশ্রুস্রাবঃ সিরা গত্বা নেত্রসন্ধিষু তিষ্ঠতি| ততঃ কনীনকং গত্বা চাশ্রু কৃত্বা কনীনকে|| ততঃ স্রবত্যথাস্রাবং যথাদোষমবেদনম্”- ইতি| অশ্রুস্রাবশব্দেনাত্র তত্সহিতো দোষোঽভিধীযতে| কথং চতুর্ধেত্যাহ- পাক ইত্যাদি|- নৈকরূপ ইতি অস্য সন্নিপাতজত্বাদ্বহুরূপত্বম্| সন্ধিরত্র কনীনকসন্ধিঃ| অসাধ্যোঽযম্| শ্বেত ইত্যাদি|- অযমপ্যসাধ্যঃ| রক্তেত্যাদি|- অসাবপ্যসাধ্যঃ| পীতেত্যাদি|- কনীনকসন্ধিমধ্যাদিত্যর্থঃ| ব্যাধিস্বভাবতো বাতাস্রাবো নাস্তি, পিত্তজগলগণ্ডচাতুর্থিকবত্| এষোঽপ্যসাধ্যঃ||৫-৭||
Adhikarana 6 (8) · Śloka 8
তাম্রা তন্বী দাহশূলোপপন্না রক্তাজ্জ্ঞেযা পর্বণী বৃত্তশোফা | জাতা সন্ধৌ কৃষ্ণশুক্লেঽলজী স্যাত্তস্মিন্নেব খ্যাপিতা পূর্বলিঙ্গৈঃ ||৮||
ताम्रा तन्वी दाहशूलोपपन्ना रक्ताज्ज्ञेया पर्वणी वृत्तशोफा | जाता सन्धौ कृष्णशुक्लेऽलजी स्यात्तस्मिन्नेव ख्यापिता पूर्वलिङ्गैः ||८||
🔊 Audio coming soon
তাম্রেত্যাদি| অসাধ্যোঽযম্| অলজীত্যাদি| তস্মিন্নেব কৃষ্ণশুক্লসন্ধাবেব| পূর্বলিঙ্গৈঃ পর্বণীলিঙ্গৈরিত্যর্থঃ| পর্বণ্যলজ্যোঃ স্থানস্য লক্ষণস্য চৈক্যেঽপি তনুত্বস্থূলত্বাভ্যাং ভেদঃ| তন্বী পর্বণী, ততঃ স্থূলা পুনরলজী| ইযং সন্নিপাতজা অসাধ্যা চ||৮||
Adhikarana 7 (9) · Śloka 9
ক্রিমিগ্রন্থির্বর্ত্মনঃ পক্ষ্মণশ্চ কণ্ডূং কুর্যুঃ ক্রিমযঃ সন্ধিজাতাঃ | নানারূপা বর্ত্মশুক্লস্য সন্ধৌ চরন্তোঽন্তর্নযনং দূষযন্তি ||৯||
क्रिमिग्रन्थिर्वर्त्मनः पक्ष्मणश्च कण्डूं कुर्युः क्रिमयः सन्धिजाताः | नानारूपा वर्त्मशुक्लस्य सन्धौ चरन्तोऽन्तर्नयनं दूषयन्ति ||९||
🔊 Audio coming soon
ক্রিমীত্যাদি| ক্রিমীগ্রন্থির্বর্ত্মশুক্লযোঃ সন্ধৌ ভবতি| তত্রৈব নানারূপাঃ ক্রিমযো বর্ত্মনঃ পক্ষ্মণশ্চ সন্ধিং প্রাপ্তাঃ কণ্ডূং জনযন্তি, অন্তশ্চরন্তো ভক্ষযন্তো নযনং দূষযন্তি| অসৌ কফজঃ সাধ্যশ্চ||৯||
Adhikarana puShpikA · Śloka 2
ইতি সুশ্রুতসংহিতাযামুত্তরতন্ত্রে সন্ধিগতরোগবিজ্ঞানীযো নাম দ্বিতীযোঽধ্যযঃ ||২||
इति सुश्रुतसंहितायामुत्तरतन्त्रे सन्धिगतरोगविज्ञानीयो नाम द्वितीयोऽध्ययः ||२||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যামুত্তরতন্ত্রান্তর্গতে শালাক্যতন্ত্রে দ্বিতীযোঽধ্যাযঃ||২||