Adhikarana 1 (1-2) · Śloka 2
অথাতঃ সর্বগতরোগবিজ্ঞানীযমধ্যাযং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
View original
अथातः सर्वगतरोगविज्ञानीयमध्यायं व्याख्यास्यामः ||१||
यथोवाच भगवान् धन्वन्तरिः ||२||
অথাত ইত্যাদি| সর্বগতরোগবিজ্ঞানীযঃ সর্বাশ্রযরোগবিজ্ঞানীয ইত্যর্থঃ| কৃষ্ণমণ্ডলপ্রত্যাসত্ত্যা দৃষ্টিগতরোগবিজ্ঞানীযো যুজ্যতে, যশ্চ দৃষ্টিগতরোগবিজ্ঞানীযাত্ পূর্বং সর্বগতরোগবিজ্ঞানীযারম্ভঃ স দৃষ্টিগতানাং তিমিরাদীনামভিষ্যন্দনিমিত্তত্বং ন স্যাদিতি বোধযতি, সন্ধ্যাদিগতানাং চ স্যন্দকারণত্বং বোধযতি||১-২||
Adhikarana 2 (3-4) · Śloka 4
স্যন্দাস্তু চত্বার ইহোপদিষ্টাস্তাবন্ত এবেহ তথাঽধিমন্থাঃ |
শোফান্বিতোঽশোফযুতশ্চ পাকাবিত্যেবমেতে দশ সম্প্রদিষ্টাঃ ||৩||
হতাধিমন্থোঽনিলপর্যযশ্চ শুষ্কাক্ষিপাকোঽন্যত এব বাতঃ |
দৃষ্টিস্তথাঽম্লাধ্যুষিতা সিরাণামুত্পাতহর্ষাবপি সর্বভাগাঃ ||৪||
View original
स्यन्दास्तु चत्वार इहोपदिष्टास्तावन्त एवेह तथाऽधिमन्थाः |
शोफान्वितोऽशोफयुतश्च पाकावित्येवमेते दश सम्प्रदिष्टाः ||३||
हताधिमन्थोऽनिलपर्ययश्च शुष्काक्षिपाकोऽन्यत एव वातः |
दृष्टिस्तथाऽम्लाध्युषिता सिराणामुत्पातहर्षावपि सर्वभागाः ||४||
সর্বাক্ষিগতরোগাণাং সঙ্খ্যামাহ- স্যন্দা ইত্যাদি| তাবন্ত এব চত্বার এব| প্রথমশ্লোকেন দশ, দ্বিতীযশ্লোকেন সপ্ত, এবং সপ্তদশ সর্বাশ্রযাঃ কথিতাঃ||৩-৪||
Adhikarana 3 (5) · Śloka 5
প্রাযেণ সর্বে নযনামযাস্তু ভবন্ত্যভিষ্যন্দনিমিত্তমূলাঃ |
তস্মাদভিষ্যন্দমুদীর্যমাণমুপাচরেদাশু হিতায ধীমান্ ||৫||
View original
प्रायेण सर्वे नयनामयास्तु भवन्त्यभिष्यन्दनिमित्तमूलाः |
तस्मादभिष्यन्दमुदीर्यमाणमुपाचरेदाशु हिताय धीमान् ||५||
সর্বেষাং নেত্ররোগাণামভিষ্যন্দভবত্বাত্ তত্প্রতীকারস্যাশেষনযনামযপ্রতীকারভূতত্বাদ্যত্নতঃ পূর্বরূপ এবাসৌ প্রতিকরণীয ইত্যাহ- প্রাযেণেত্যাদি| অভিষ্যন্দনিমিত্তমূলা ইতি অভিষ্যন্দাশ্চ তন্নিমিত্তানি চ তান্যেব মূলং যেষাং তে তথা| নিমিত্তশব্দাদ্দুষ্টা দোষা দোষকোপনানি চ সঙ্গৃহ্যন্তে| উদীর্যমাণম্ উত্পদ্যমানম্| ‘অভিষ্যন্দনিমিত্তমূলা’ ইত্যত্র ‘অভিষ্যন্দসমুদ্ভবা হি’ ইতি কেচিত্ পঠন্তি||৫||
Adhikarana 4 (6) · Śloka 6
নিস্তোদনং স্তম্ভনরোমহর্ষসঙ্ঘর্ষপারুষ্যশিরোভিতাপাঃ |
বিশুষ্কভাবঃ শিশিরাশ্রুতা চ বাতাভিপন্নে নযনে ভবন্তি ||৬||
View original
निस्तोदनं स्तम्भनरोमहर्षसङ्घर्षपारुष्यशिरोभितापाः |
विशुष्कभावः शिशिराश्रुता च वाताभिपन्ने नयने भवन्ति ||६||
ইদানীং বাতাভিষ্যন্দলক্ষণমাহ- নিস্তোদনমিত্যাদি| নিস্তোদনং সূচ্যেব ব্যধনম্| স্তম্ভনং স্তব্ধতা| সঙ্ঘর্ষঃ করকরিমা| শিরোভিতাপঃ শিরোব্যথা| ‘বিশুষ্কভাবঃ শিশিরাশ্রুতা চ’ ইত্যত্র ‘শুষ্কাল্পদূষিকহিমাশ্রুতা চ’ ইতি কেচিত্ পঠন্তি| তত্র দূষিকা নেত্রমলম্| সাধ্যোঽযম্||৬||
Adhikarana 5 (7) · Śloka 7
দাহপ্রপাকৌ শিশিরাভিনন্দা ধূমাযনং বাষ্পসমুচ্ছ্রযশ্চ |
উষ্ণাশ্রুতা পীতকনেত্রতা চ পিত্তাভিপন্নে নযনে ভবন্তি ||৭||
View original
दाहप्रपाकौ शिशिराभिनन्दा धूमायनं बाष्पसमुच्छ्रयश्च |
उष्णाश्रुता पीतकनेत्रता च पित्ताभिपन्ने नयने भवन्ति ||७||
পিত্তাভিষ্যন্দলক্ষণমাহ- দাহেত্যাদি| শিশিরাভিনন্দা শীতাভিলাষঃ| ধূমাযনং ধূমস্যেবোদ্বমনং, বাষ্পসমুচ্ছ্রযঃ অশ্রুবাহুল্যম্| অযমপি সাধ্যঃ||৭||
Adhikarana 6 (8) · Śloka 8
উষ্ণাভিনন্দা গুরুতাঽক্ষিশোফঃ কণ্ডূপদেহৌ সিততাঽতিশৈত্যম্ |
স্রাবো মুহুঃ পিচ্ছিল এব চাপি কফাভিপন্নে নযনে ভবন্তি ||৮||
View original
उष्णाभिनन्दा गुरुताऽक्षिशोफः कण्डूपदेहौ सितताऽतिशैत्यम् |
स्रावो मुहुः पिच्छिल एव चापि कफाभिपन्ने नयने भवन्ति ||८||
শ্লেষ্মাভিষ্যন্দলক্ষণমাহ- উষ্ণেত্যাদি| উপদেহো মলোপলিপ্ততা, সিততা শুক্লতা; এষোঽপি সাধ্যঃ||৮||
Adhikarana 7 (9) · Śloka 9
তাম্রাশ্রুতা লোহিতনেত্রতা চ রাজ্যঃ সমন্তাদতিলোহিতাশ্চ |
পিত্তস্য লিঙ্গানি চ যানি তানি রক্তাভিপন্নে নযনে ভবন্তি ||৯||
View original
ताम्राश्रुता लोहितनेत्रता च राज्यः समन्तादतिलोहिताश्च |
पित्तस्य लिङ्गानि च यानि तानि रक्ताभिपन्ने नयने भवन्ति ||९||
রক্তাভিষ্যন্দমাহ- তাম্রেত্যাদি| অসাবপি সাধ্যঃ||৯||
Adhikarana 8 (10) · Śloka 10
বৃদ্ধৈরেতৈরভিষ্যন্দৈর্নরাণামক্রিযাবতাম্ |
তাবন্তস্ত্বধিমন্থাঃ স্যুর্নযনে তীব্রবেদনাঃ ||১০||
View original
वृद्धैरेतैरभिष्यन्दैर्नराणामक्रियावताम् |
तावन्तस्त्वधिमन्थाः स्युर्नयने तीव्रवेदनाः ||१०||
অধিমন্থানামভিষ্যন্দরোগকৃতত্বং দর্শযন্নাহ- বৃদ্ধৈরিত্যাদি| তাবন্তঃ চত্বার এব| তীব্রবেদনা ইত্যত্র বেদনাশব্দঃ সামান্যপীডাবচনঃ| তেন যথাস্বং বাতাদিদোষবেদনাযুক্তা ইত্যর্থঃ; এতেনেদমুক্তং ভবতি- বাতিকাদভিষ্যন্দাদ্বাতিক এবাধিমন্থস্তীব্রবাতিকনিস্তোদাদিসকলবেদনো ভবতি; এবং পৈত্তিকঃ, শ্লৈষ্মিকো, রক্তোত্থিতশ্চেতি||১০||
Adhikarana 9 (11) · Śloka 11
উত্পাট্যত ইবাত্যর্থং নেত্রং নির্মথ্যতে তথা |
শিরসোঽর্ধং চ তং বিদ্যাদধিমন্থং স্বলক্ষণৈঃ ||১১||
View original
उत्पाट्यत इवात्यर्थं नेत्रं निर्मथ्यते तथा |
शिरसोऽर्धं च तं विद्यादधिमन्थं स्वलक्षणैः ||११||
অধিমন্থানাং সামান্যলক্ষণমাহ- উত্পাট্যত ইত্যাদি| নেত্রং নির্মথ্যতে তথেতি ন কেবলং নেত্রমেব নির্মথ্যতে শিরসোঽর্ধং চ তথা নির্মথ্যত ইতি, অর্ধশিরসো বেদনা চ ব্যাধিস্বভাবাত্| স্বলক্ষণৈর্বাতাদীনাং স্বকীযৈর্লক্ষণৈঃ| কেচিদত্রাধিমন্থানাং সামান্যলক্ষণং ন পঠন্তি, পঞ্জিকাযাং পঠিতত্বাদস্মাভিঃ পঠিতম্||১১||
Adhikarana 10 (12-13) · Śloka 13
নেত্রমুত্পাট্যত ইব মথ্যতেঽরণিবচ্চ যত্ |
সঙ্ঘর্ষতোদনির্ভেদমাংসসংরব্ধমাবিলম্ ||১২||
কুঞ্চনাস্ফোটনাধ্মানবেপথুব্যথনৈর্যুতম্ |
শিরসোঽর্ধং চ যেন স্যাদধিমন্থঃ স মারুতাত্ ||১৩||
View original
नेत्रमुत्पाट्यत इव मथ्यतेऽरणिवच्च यत् |
सङ्घर्षतोदनिर्भेदमांससंरब्धमाविलम् ||१२||
कुञ्चनास्फोटनाध्मानवेपथुव्यथनैर्युतम् |
शिरसोऽर्धं च येन स्यादधिमन्थः स मारुतात् ||१३||
অধিমন্থানাং সামান্যলক্ষণমুক্ত্বা বিস্তরেণ বিশেষলক্ষণমাহ- নেত্রমিত্যাদি| সঙ্ঘর্ষঃ করকরিমা| অন্যে তু ‘সংহর্ষ’ ইতি পঠন্তি, তত্র সংহর্ষো রোমাঞ্চপ্রাযো বেদনাবিশেষঃ| তোদঃ সূচীব্যধনমিব বেদনা| নির্ভেদঃ শস্ত্রেণ বিদারণমিব| মাংসসংরব্ধং মাংসোপচিতমিত্যর্থঃ| আবিলং সমলম্| এষ সাধ্যঃ||১২-১৩||
Adhikarana 11 (14-15) · Śloka 15
রক্তরাজিচিতং স্রাবি বহ্নিনেবাবদহ্যতে |
যকৃত্পিণ্ডোপমং দাহি ক্ষারেণাক্তমিব ক্ষতম্ ||১৪||
প্রপক্বোচ্ছূনবর্ত্মান্তং সস্বেদং পীতদর্শনম্ |
মূর্চ্ছাশিরোদাহযুতং পিত্তেনাক্ষ্যধিমন্থিতম্ ||১৫||
View original
रक्तराजिचितं स्रावि वह्निनेवावदह्यते |
यकृत्पिण्डोपमं दाहि क्षारेणाक्तमिव क्षतम् ||१४||
प्रपक्वोच्छूनवर्त्मान्तं सस्वेदं पीतदर्शनम् |
मूर्च्छाशिरोदाहयुतं पित्तेनाक्ष्यधिमन्थितम् ||१५||
পিত্তাধিমন্থলক্ষণমাহ- রক্তরাজীত্যাদি| দাহি ক্ষারেণাক্তমিব ক্ষতমিতি ক্ষারলিপ্তক্ষতমিব দহনশীলম্| এষ ব্যাধিঃ সাধ্যঃ||১৪-১৫||
Adhikarana 12 (16-17) · Śloka 17
শোফবন্নাতিসংরব্ধং স্রাবকণ্ডূসমন্বিতম্ |
শৈত্যগৌরবপৈচ্ছিল্যদূষিকাহর্ষণান্বিতম্ ||১৬||
রূপং পশ্যতি দুঃখেন পাংশুপূর্ণমিবাবিলম্ |
নাসাধ্মানশিরোদুঃখযুতং শ্লেষ্মাধিমন্থিতম্ ||১৭||
View original
शोफवन्नातिसंरब्धं स्रावकण्डूसमन्वितम् |
शैत्यगौरवपैच्छिल्यदूषिकाहर्षणान्वितम् ||१६||
रूपं पश्यति दुःखेन पांशुपूर्णमिवाविलम् |
नासाध्मानशिरोदुःखयुतं श्लेष्माधिमन्थितम् ||१७||
শ্লেষ্মাধিমন্থলক্ষণমাহ- শোফবদিত্যাদি| দূষিকা নেত্রমলম্| অযমপি রোগঃ সাধ্যঃ||১৬-১৭||
Adhikarana 13 (18-19) · Śloka 19
বন্ধুজীবপ্রতীকাশং তাম্যতি স্পর্শনাক্ষমম্ |
রক্তাস্রাবং সনিস্তোদং পশ্যত্যগ্নিনিভা দিশঃ ||১৮||
রক্তমগ্নারিষ্টবচ্চ কৃষ্ণভাগশ্চ লক্ষ্যতে |
যদ্দীপ্তং রক্তপর্যন্তং তদ্রক্তেনাধিমন্থিতম্ ||১৯||
View original
बन्धुजीवप्रतीकाशं ताम्यति स्पर्शनाक्षमम् |
रक्तास्रावं सनिस्तोदं पश्यत्यग्निनिभा दिशः ||१८||
रक्तमग्नारिष्टवच्च कृष्णभागश्च लक्ष्यते |
यद्दीप्तं रक्तपर्यन्तं तद्रक्तेनाधिमन्थितम् ||१९||
রক্তাধিমন্থলক্ষণমাহ- বন্ধুজীবেত্যাদি| বন্ধুজীবো মধ্যাহ্নপুষ্পকঃ, অরিষ্টকং কৃষ্ণফলং ‘অরীঠা’ ইতি লোকে| অসাবপি সাধ্যঃ||১৮-১৯||
Adhikarana 14 (20) · Śloka 20
হন্যাদ্দৃষ্টিং সপ্তরাত্রাত্ কফোত্থোঽধীমন্থোঽসৃক্সম্ভবঃ পঞ্চরাত্রাত্ |
ষড্রাত্রাদ্বৈ মারুতোত্থো নিহান্যান্মিথ্যাচারাত্ পৈত্তিকঃ সদ্য এব ||২০||
View original
हन्याद्दृष्टिं सप्तरात्रात् कफोत्थोऽधीमन्थोऽसृक्सम्भवः पञ्चरात्रात् |
षड्रात्राद्वै मारुतोत्थो निहान्यान्मिथ्याचारात् पैत्तिकः सद्य एव ||२०||
ইদানীং বাতাদ্যধিমন্থানাং সম্যগুপচারসাধ্যানাং বৈদ্যাতুরযোর্যত্নাধানার্থং মিথ্যাচারাদ্দৃষ্টিবিনাশাবধিং যথাদোষং নির্দিশন্নাহ- হন্যাদিত্যাদি| মিথ্যাচারাদিতি পদং শ্লেষ্মোদ্ভবাদ্যধিমন্থেষু সর্বেষ্বপি সম্বধ্যতে| দৃষ্টিনাশকালাবধিরপ্যত্র ব্যাধিস্বভাবাত্||২০||
Adhikarana 15 (21-22) · Śloka 22
কণ্ডূপদেহাশ্রুযুতঃ পক্বোদুম্বরসন্নিভঃ |
দাহসংহর্ষতাম্রত্বশোফনিস্তোদগৌরবৈঃ ||২১||
জুষ্টো মুহুঃ স্রবেচ্চাস্রমুষ্ণশীতাম্বু পিচ্ছিলম্ |
সংরম্ভী পচ্যতে যশ্চ নেত্রপাকঃ সশোফজঃ ||২২||
View original
कण्डूपदेहाश्रुयुतः पक्वोदुम्बरसन्निभः |
दाहसंहर्षताम्रत्वशोफनिस्तोदगौरवैः ||२१||
जुष्टो मुहुः स्रवेच्चास्रमुष्णशीताम्बु पिच्छिलम् |
संरम्भी पच्यते यश्च नेत्रपाकः सशोफजः ||२२||
সশোফপাকমাহ- কণ্ড্বিত্যাদি| সংরম্ভী শোফযুক্তঃ||২১-২২||
Adhikarana 16 (23) · Śloka 23
শোফহীনানি লিঙ্গানি নেত্রপাকে ত্বশোফজে |২৩|
View original
शोफहीनानि लिङ्गानि नेत्रपाके त्वशोफजे |२३|
অশোফপাকমাহ- শোফেত্যাদি| লিঙ্গানি সশোফপাকলিঙ্গানীত্যর্থঃ| উভাবপি পাকৌ ত্রিদোষজৌ সাধ্যৌ চ|২৩|-
Adhikarana 17 (23) · Śloka 23
উপেক্ষণাদক্ষি যদাঽধিমন্থো বাতাত্মকঃ সাদযতি প্রসহ্য |
রুজাভিরুগ্রাভিরসাধ্য এষ হতাধিমন্থঃ খলু নাম রোগঃ ||২৩||
View original
उपेक्षणादक्षि यदाऽधिमन्थो वातात्मकः सादयति प्रसह्य |
रुजाभिरुग्राभिरसाध्य एष हताधिमन्थः खलु नाम रोगः ||२३||
সকলনযনশোষলক্ষণং হতাধিমন্থং দর্শযন্নাহ- উপেক্ষণাদিত্যাদি| সাদযতি অবসাদযতি, শোষযতীত্যর্থঃ||২৩||
Adhikarana 18 (24) · Śloka 24
অন্তঃসিরাণাং শ্বসনঃ স্থিতো দৃষ্টিং প্রতিক্ষিপন্ |
হতাধিমন্থং জনযেত্তমসাধ্যং বিদুর্বুধাঃ ||২৪||
View original
अन्तःसिराणां श्वसनः स्थितो दृष्टिं प्रतिक्षिपन् |
हताधिमन्थं जनयेत्तमसाध्यं विदुर्बुधाः ||२४||
দৃষ্টিনির্গমলক্ষণং হতাধিমন্থং দর্শযন্নাহ- অন্তঃসিরাণামিত্যাদি| প্রতিক্ষিপন্ নিষ্কাসযন্নিত্যর্থঃ| যদ্যপি হতাধিমন্থলক্ষণদ্বিত্বং জ্ঞাযতে তথাঽপ্যেক এব, অতো ন সঙ্খ্যাতিরেকঃ| জেজ্জটাচার্যস্তু নযনশোষলক্ষণহতাধিমন্থস্য পাঠং ন পঠতি, দৃষ্টিনির্গমলক্ষণস্য হতাধিমন্থস্য পাঠং পঠতি, পঞ্জিকাকারেণ চ বিদেহোক্তং প্রকারদ্বযেন হতাধিমন্থলক্ষণং দৃষ্ট্বা ন্যূনতাদোষভযাত্ পাঠদ্বযমপি পঠিতম্| তথা চ বিদেহঃ- “অন্তর্গতঃ সিরাণাং তু যদা তিষ্ঠতি মারুতঃ| স তদা নযনং প্রাপ্য শীঘ্রং দৃষ্টিং নিরস্যতি|| তস্যাং নিরস্যমানাযাং নির্মথ্নন্নিব মারুতঃ| নযনং নির্বমত্যাশু শূলতোদাধিমন্থনৈঃ|| অথবা শোষযেদক্ষি ক্ষীণতেজোবলানলম্| উত্পদ্মমিব সংশুষ্কমবসীদতি লোচনম্|| হতাধিমন্থং তং বিদ্যাদসাধ্যং বাতকোপতঃ”- ইতি||২৪||
Adhikarana 19 (25) · Śloka 25
পক্ষ্মদ্বযাক্ষিভ্রুবমাশ্রিতস্তু যত্রানিলঃ সঞ্চরতি প্রদুষ্টঃ |
পর্যাযশশ্চাপি রুজঃ করোতি তং বাতপর্যাযমুদাহরন্তি ||২৫||
View original
पक्ष्मद्वयाक्षिभ्रुवमाश्रितस्तु यत्रानिलः सञ्चरति प्रदुष्टः |
पर्यायशश्चापि रुजः करोति तं वातपर्यायमुदाहरन्ति ||२५||
বাতপর্যাযমাহ- পক্ষ্মেত্যাদি| অক্ষি লোচনং, ভ্রূঃ প্রসিদ্ধা| পর্যাযশশ্চাপি রুজঃ করোতি কদাচিত্ পক্ষ্মদ্বযে, কদাচিদক্ষিণি, কদাচিদ্ভ্রুবীতি পর্যাযশব্দার্থঃ| সাধ্যোঽযম্||২৫||
Adhikarana 20 (26) · Śloka 26
যত্ কূণিতং দারুণরূক্ষবর্ত্ম বিলোকনে চাবিলদর্শনং যত্ |
সুদারুণং যত্ প্রতিবোধনে চ শুষ্কাক্ষিপাকোপহতং তদক্ষি ||২৬||
View original
यत् कूणितं दारुणरूक्षवर्त्म विलोकने चाविलदर्शनं यत् |
सुदारुणं यत् प्रतिबोधने च शुष्काक्षिपाकोपहतं तदक्षि ||२६||
শুষ্কাক্ষিপাকমাহ- যদিত্যাদি| কূণিতং নিমীলিতং, দারুণং কঠিনং রূক্ষং বর্ত্ম যস্য তত্তথা| বিলোকনে চাবিলদর্শনমিতি যদতিদর্শনে আকুলদর্শনমিত্যর্থঃ| সুদারুণং যত্ প্রতিবোধনে চেতি প্রতিবোধনে উন্মেষে চ যদতিশযেন কঠিনং; অন্যে সুদারুণং কৃচ্ছ্রোন্মীলনম্| বাতিকোঽযং সাধ্যশ্চ||২৬||
Adhikarana 21 (27) · Śloka 27
যস্যাবটূকর্ণশিরোহনুস্থো মন্যাগতো বাঽপ্যনিলোঽন্যতো বা |
কুর্যাদ্রুজোঽতি ভ্রুবি লোচনে বা তমন্যতোবাতমুদাহরন্তি ||২৭||
View original
यस्यावटूकर्णशिरोहनुस्थो मन्यागतो वाऽप्यनिलोऽन्यतो वा |
कुर्याद्रुजोऽति भ्रुवि लोचने वा तमन्यतोवातमुदाहरन्ति ||२७||
অন্যতোবাতমাহ- যস্যেত্যাদি| অবটুঃ গ্রীবাযাঃ পশ্চিমো ভাগঃ| মন্যা গ্রীবাযাঃ পার্শ্বযোঃ সিরাবিশেষঃ| অন্যতো বেতি পৃষ্ঠতো বেত্যর্থঃ| অন্যতোবাত ইতি যথার্থেযং সঞ্জ্ঞা, যতোঽন্যতঃ স্থিতো বাযুরন্যতো বেদনাং করোতি| বাতিকোঽযং সাধ্যশ্চ||২৭||
Adhikarana 22 (28) · Śloka 28
অম্লেন ভুক্তেন বিদাহিনা চ সঞ্ছাদ্যতে সর্বত এব নেত্রম্ |
শোফান্বিতং লোহিতকৈঃ সনীলৈরেতাদৃগম্লাধ্যুষিতং বদন্তি ||২৮||
View original
अम्लेन भुक्तेन विदाहिना च सञ्छाद्यते सर्वत एव नेत्रम् |
शोफान्वितं लोहितकैः सनीलैरेतादृगम्लाध्युषितं वदन्ति ||२८||
অম্লাধ্যুষিতমাহ- অম্লেনেত্যাদি| বিদাহিনা বেতি কটুকেন লবণেন বেত্যর্থঃ| লোহিতকৈ রাগৈরিত্যর্থঃ| সনীলৈঃ ঈষন্নীলৈঃ| এতাদৃক্ ঈদৃশমিত্যর্থঃ| অম্লাধ্যুষিতম্ অম্লজনিতপিত্তাধ্যুষিতম্| এষ রোগঃ পৈত্তিকঃ সাধ্যশ্চ||২৮||
Adhikarana 23 (29) · Śloka 29
অবেদনা বাঽপি সবেদনা বা যস্যাক্ষিরাজ্যো হি ভবন্তি তাম্রাঃ |
মুহুর্বিরজ্যন্তি চ তাঃ সমন্তাদ্ ব্যাধিঃ সিরোত্পাত ইতি প্রদিষ্টঃ ||২৯||
View original
अवेदना वाऽपि सवेदना वा यस्याक्षिराज्यो हि भवन्ति ताम्राः |
मुहुर्विरज्यन्ति च ताः समन्ताद् व्याधिः सिरोत्पात इति प्रदिष्टः ||२९||
সিরোত্পাতমাহ- অবেদনেত্যাদি| বিরজ্যন্তি বিরক্তা ভবন্তি প্রকৃতবর্ণা ভবন্তীত্যর্থঃ | রক্তজোঽযং সাধ্যশ্চ||২৯||
Adhikarana 24 (30) · Śloka 30
মোহাত্ সিরোত্পাত উপেক্ষিতস্তু জাযেত রোগস্তু সিরাপ্রহর্ষঃ |
তাম্রাচ্ছমস্রং স্রবতি প্রগাঢং তথা ন শক্নোত্যভিবীক্ষিতুং চ ||৩০||
View original
मोहात् सिरोत्पात उपेक्षितस्तु जायेत रोगस्तु सिराप्रहर्षः |
ताम्राच्छमस्रं स्रवति प्रगाढं तथा न शक्नोत्यभिवीक्षितुं च ||३०||
সিরাহর্ষমাহ- মোহাদিত্যাদি| অযমপি রক্তজঃ সাধ্যশ্চ||৩০||
Adhikarana puShpikA · Śloka 6
ইতি সুশ্রুতসংহিতাযামুত্তরতন্ত্রে সর্বগতরোগবিজ্ঞানীযো নাম ষষ্ঠোঽধ্যাযঃ ||৬||
View original
इति सुश्रुतसंहितायामुत्तरतन्त्रे सर्वगतरोगविज्ञानीयो नाम षष्ठोऽध्यायः ||६||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতশালাক্যতন্ত্রে ষষ্ঠোঽধ্যাযঃ সমাপ্তঃ||৬||