Adhikarana 1 (1-3) · Śloka 3
অথাতঃ শিরোরোগপ্রতিষেধং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
বাতব্যাধিবিধিঃ কার্যঃ শিরোরোগেঽনিলাত্মকে |
পযোনুপানং সেবেত ঘৃতং তৈলমথাপি বা ||৩||
View original
अथातः शिरोरोगप्रतिषेधं व्याख्यास्यामः ||१||
यथोवाच भगवान् धन्वन्तरिः ||२||
वातव्याधिविधिः कार्यः शिरोरोगेऽनिलात्मके |
पयोनुपानं सेवेत घृतं तैलमथापि वा ||३||
বাতব্যাধিবিধিরিতি সমস্তো বাতব্যাধিবিধির্বাহ্য আভ্যন্তরোঽপি কর্তব্যঃ; তত্র বাহ্যঃ স্নেহস্বেদাভ্যঙ্গপরিষেকোপনাহশিরোবস্তিনস্যাদিঃ, আভ্যন্তরস্তু স্নেহপানানুবাসননিরূহাদিঃ| পযোনুপানমিতি বাতস্য পিত্তানুবন্ধস্য ঘৃতং, কফানুবন্ধস্য তৈলম্| যদ্যপি বাতব্যাধিচিকিত্সিতাতিদেশেনৈব ঘৃততৈলযোঃ পানং প্রাপ্তং, তথাঽপি নিযমার্থমেতদ্বচনং; অথবা পযোনুপানপ্রাপ্ত্যর্থং; অথবা স্নেহাদিপ্রযোগপরিসমাপ্তৌ প্রাযোগিকমেতদ্বিধানম্||১-৩||
Adhikarana 2 (4) · Śloka 5
মুদ্গান্ কুলত্থান্মাষাংশ্চ খাদেচ্চ নিশি কেবলান্ |
কটূষ্ণাংশ্চ সসর্পিষ্কানুষ্ণং চানু পযঃ পিবেত্ ||৪||
পিবেদ্বা পযসা তৈলং তত্কল্কং বাঽপি মানবঃ |৫|
View original
मुद्गान् कुलत्थान्माषांश्च खादेच्च निशि केवलान् |
कटूष्णांश्च ससर्पिष्कानुष्णं चानु पयः पिबेत् ||४||
पिबेद्वा पयसा तैलं तत्कल्कं वाऽपि मानवः |५|
মুদ্গানিত্যাদি| মুদ্গানাং বাতকরত্বেঽপি মাষাণাং শ্লেষ্মকরত্বেঽপি ব্যাধিপ্রত্যনীকত্বাদ্যোগশক্তেরচিন্ত্যত্বাচ্চোপযোগঃ| কটূষ্ণানিতি কটূষ্ণদ্রব্যসংস্কৃতান্, সসর্পিষ্কান্ সঘৃতান্| তৈলং তিলতৈলম্| তত্কল্কং মুদ্গাদিকল্কং; অন্যে তিলকল্কমাহুঃ, তন্নেচ্ছতি গযী জেজ্জটশ্চ||৪||-
Adhikarana 3 (5-9) · Śloka 10
বাতঘ্নসিদ্ধৈঃ ক্ষীরৈশ্চ সুখোষ্ণৈঃ সেকমাচরেত্ ||৫||
তত্সিদ্ধৈঃ পাযসৈর্বাঽপি সুখোষ্ণৈর্লেপযেচ্ছিরঃ |
স্বিন্নৈর্বা মত্স্যপিশিতৈঃ কৃশরৈর্বা সসৈন্ধবৈঃ ||৬||
চন্দনোত্পলকুষ্ঠৈর্বা সুশ্লক্ষ্ণৈর্মগধাযুতৈঃ |
স্নিগ্ধস্য তৈলং নস্যং স্যাত্ কুলীররসসাধিতম্ ||৭||
বরুণাদৌ গণে ক্ষুণ্ণে ক্ষীরমর্ধোদকং পচেত্ |
ক্ষীরশেষং চ তন্মথ্যং শীতং সারমুপাহরেত্ ||৮||
ততো মধুরকৈঃ সিদ্ধং নস্যে তত্ পূজিতং হবিঃ |
তস্মিন্ বিপক্বে ক্ষীরে তু পেযং সর্পিঃ সশর্করম্ ||৯||
ধূমং চাস্য যথাকালং স্নৈহিকং যোজযেদ্ভিষক্ |১০|
View original
वातघ्नसिद्धैः क्षीरैश्च सुखोष्णैः सेकमाचरेत् ||५||
तत्सिद्धैः पायसैर्वाऽपि सुखोष्णैर्लेपयेच्छिरः |
स्विन्नैर्वा मत्स्यपिशितैः कृशरैर्वा ससैन्धवैः ||६||
चन्दनोत्पलकुष्ठैर्वा सुश्लक्ष्णैर्मगधायुतैः |
स्निग्धस्य तैलं नस्यं स्यात् कुलीररससाधितम् ||७||
वरुणादौ गणे क्षुण्णे क्षीरमर्धोदकं पचेत् |
क्षीरशेषं च तन्मथ्यं शीतं सारमुपाहरेत् ||८||
ततो मधुरकैः सिद्धं नस्ये तत् पूजितं हविः |
तस्मिन् विपक्वे क्षीरे तु पेयं सर्पिः सशर्करम् ||९||
धूमं चास्य यथाकालं स्नैहिकं योजयेद्भिषक् |१०|
আভ্যন্তরবিধিং প্রতিপাদ্য বাহ্যবিধিমাহ- বাতঘ্নসিদ্ধৈরিত্যাদি| বাতঘ্নানি ভদ্রদার্বাদীনি| সেকো ধারাসেকঃ| তত্সিদ্ধৈঃ পাযসৈঃ বাতহরদ্রব্যসিদ্ধগোক্ষীরপাযসৈরিত্যর্থঃ| লেপযেত্ উপনাহযেত্| স্বিন্নৈর্বা মত্স্যপিশিতৈরিতি মত্স্যমাংসৈঃ স্বিন্নৈর্বা শিরস্যুপনাহঃ| কৃশরৈর্বেতি তিলতণ্ডুলমাষকৃতযবাগ্বোপনাহঃ; কৃশরশব্দোঽকারান্তোঽপ্যস্তি| চন্দনাদিভির্বা শ্লক্ষ্ণপিষ্টৈরুপনাহঃ| স্নিগ্ধস্যেত্যাদি| স্নিগ্ধস্য কুলীররসচতুর্গুণে সাধিতং তৈলং নস্যং স্যাদিতি পিণ্ডার্থঃ| বরুণাদাবিত্যাদি| ক্ষুণ্ণে জর্জরীকৃতে| তস্মিন্ বিপক্বে ক্ষীরে ত্বিতি বরুণাদিগণসিদ্ধে ক্ষীরে চতুর্গুণে সাধিতং কাকোল্যাদিপ্রতিবাপং যত্ সর্পিস্তচ্ছর্করাপ্রক্ষেপং পেযমিতি তাত্পর্যার্থঃ| অন্যে তু ‘তস্মিন্ বিপক্বং ক্ষীরে চ’ ইতি পঠন্তি; তস্মিন্ বরুণাদিক্বাথে ক্ষীরে চ সাধিতং সর্পিঃ সশর্করং পিবেদিতি চ ব্যাখ্যানযন্তি| ধূমং চাস্যেত্যাদি| যথাকালং যথাবস্থং মধূচ্ছিষ্টপ্রভৃতিভিঃ স্নেহমিশ্রৈঃ কৃতো ধূমঃ স্নৈহিকঃ||৫-৯||-
Adhikarana 4 (10) · Śloka 11
পানাভ্যঞ্জননস্যেষু বস্তিকর্মণি সেচনে ||১০||
বিদধ্যাত্ত্রৈবৃতং ধীমান্ বলাতৈলমথাপি বা |১১|
View original
पानाभ्यञ्जननस्येषु बस्तिकर्मणि सेचने ||१०||
विदध्यात्त्रैवृतं धीमान् बलातैलमथापि वा |११|
পানাভ্যঞ্জনেত্যাদি| ত্রৈবৃতম্ অপতানকচিকিত্সিতোক্তং, বলাতৈলং মূঢগর্ভচিকিত্সিতোক্তম্||১০||-
Adhikarana 5 (11) · Śloka 11
ভোজযেচ্চ রসৈঃ স্নিগ্ধৈঃ পযোভির্বা সুসংস্কৃতৈঃ ||১১||
View original
भोजयेच्च रसैः स्निग्धैः पयोभिर्वा सुसंस्कृतैः ||११||
ভোজযেদিত্যাদি| রসৈঃ মাংসরসৈঃ| সুসংস্কৃতৈঃ বাতহরদ্রব্যসাধিতৈঃ||১১||
Adhikarana 6 (12) · Śloka 13
পিত্তরক্তসমুত্থানৌ শিরোরোগৌ নিবারযেত্ |
শিরোলেপৈঃ সসর্পিষ্কৈঃ পরিষেকৈশ্চ শীতলৈঃ ||১২||
ক্ষীরেক্ষুরসধান্যাম্লমস্তুক্ষৌদ্রসিতাজলৈঃ |১৩|
View original
पित्तरक्तसमुत्थानौ शिरोरोगौ निवारयेत् |
शिरोलेपैः ससर्पिष्कैः परिषेकैश्च शीतलैः ||१२||
क्षीरेक्षुरसधान्याम्लमस्तुक्षौद्रसिताजलैः |१३|
ইদানীং পিত্তজরক্তজযোস্তুল্যচিকিত্সিতত্বাত্ সঙ্ক্ষেপার্থমুভযোরেকং চিকিত্সিতমাহ- পিত্তরক্তেত্যাদি| শিরোলেপৈঃ মধুরকাদিদ্রব্যকৃতৈঃ পরিষেকৈশ্চ শীতলৈঃ ক্ষীরেক্ষুরসাদিকৃতৈঃ| তান্যেব পরিষেকদ্রব্যাণ্যাহ- ক্ষীরক্ষ্বিত্যাদি| সিতাজলং শর্করোদকম্||১২||-
Adhikarana 7 (13-14) · Śloka 15
নলবঞ্জুলকহ্লারচন্দনোত্পলপদ্মকৈঃ ||১৩||
বংশশৈবলযষ্ট্যাহ্বমুস্তাম্ভোরুহসংযুতৈঃ |
শিরঃপ্রলেপৈঃ সঘৃতৈর্বৈসর্পৈশ্চ তথাবিধৈঃ ||১৪||
মধুরৈশ্চ মুখালৈপৈর্নস্যকর্মভিরেব চ |১৫|
View original
नलवञ्जुलकह्लारचन्दनोत्पलपद्मकैः ||१३||
वंशशैवलयष्ट्याह्वमुस्ताम्भोरुहसंयुतैः |
शिरःप्रलेपैः सघृतैर्वैसर्पैश्च तथाविधैः ||१४||
मधुरैश्च मुखालैपैर्नस्यकर्मभिरेव च |१५|
শিরোলেপদ্রব্যাণ্যাহ- নলেত্যাদি| নলঃ শুষিরপর্বা স্বনামখ্যাতঃ, বঞ্জুলো বেতসঃ কহ্লারং রক্তোত্পলং, চন্দনং রক্তচন্দনম্, উত্পলং নীলোত্পলং, শৈবলং দূর্বা, অম্ভোরুহং পদ্মম্| বৈসর্পৈশ্চ তথাবিধৈরিতি বিসর্পচিকিত্সিতোক্তৈঃ প্রলেপৈঃ (চি. ১৭); তানি তু উশীরলামজ্জকচন্দনস্রোতোজমুক্তামণিগৈরিকাণি| তথাবিধৈরিতি বচনাদ্রক্তপিত্তবিসর্পপ্রলেপপ্রকারৈর্ন তু কফবাতবিসর্পলেপদ্রব্যপ্রকারৈরিত্যর্থঃ| মধুরৈঃ কাকোল্যাদিভিঃ| নস্যমত্র মধুরদ্রব্যসংস্কৃতেন স্নেহেন কৃতম্| পিত্তরক্তসমুত্থানৌ শিরোরোগৌ নিবারযেদিত্যত্রাপি সম্বন্ধনীযম্||১৩-১৪||-
Adhikarana 8 (15) · Śloka 16
আস্থাপনৈর্বিরেকৈশ্চ পথ্যৈশ্চ স্নেহবস্তিভিঃ ||১৫||
ক্ষীরসর্পির্হিতং নস্যং বসা বা জাঙ্গলা শুভা |১৬|
View original
आस्थापनैर्विरेकैश्च पथ्यैश्च स्नेहबस्तिभिः ||१५||
क्षीरसर्पिर्हितं नस्यं वसा वा जाङ्गला शुभा |१६|
ইদানীং রক্তজে পিত্তজে চ শিরোরোগে বমনং বিহায কর্মচতুষ্টযং নির্দিশন্নাহ- আস্থাপনৈরিত্যাদি| আস্থাপনাদিভিঃ পিত্তরক্তসমুত্থিতৌ শিরোরোগৌ নিবারযেদিতি সম্বন্ধঃ| পথ্যশব্দ আস্থাপনাদিভিস্ত্রিভিঃ সম্বন্ধনীযঃ| পথ্যৈঃ হিতৈঃ| তেন বক্ষ্যমাণোত্পলাদিনাঽঽস্থাপনং বিরেচনং চ মধুরদ্রব্যকৃতং, স্নেহবস্তযস্তু মধুরকন্দক্ষীরঘৃতাদিকৃতাঃ| ক্ষীরসর্পিরত্র মথ্যমানক্ষীরোত্পন্ননবনীতজাতম্||১৫||-
Adhikarana 9 (16-17) · Śloka 17
উত্পলাদিবিপক্বেন ক্ষীরেণাস্থাপনং হিতম্ ||১৬||
ভোজনং জাঙ্গলরসৈঃ সর্পিষা চানুবাসনম্ |
মধুরৈঃ ক্ষীরসর্পিস্তু স্নেহনে চ সশর্করম্ ||১৭||
View original
उत्पलादिविपक्वेन क्षीरेणास्थापनं हितम् ||१६||
भोजनं जाङ्गलरसैः सर्पिषा चानुवासनम् |
मधुरैः क्षीरसर्पिस्तु स्नेहने च सशर्करम् ||१७||
আস্থাপনোপযোগিদ্রব্যাণ্যাহ- উত্পলেত্যাদি| সর্পিষা চানুবাসনমিত্যুক্তং তদেব নির্দিশন্নাহ- মধুরৈরিত্যাদি| মধুরৈঃ কাকোল্যাদিভিঃ, পক্বমিতি শেষঃ| ক্ষীরসর্পিঃ ক্ষীরমথনাদুত্থিতং, স্নেহনে স্নেহবস্তৌ, সশর্করং সিতশর্করাচূর্ণপ্রক্ষেপম্| অন্যে তু ‘মধুরৈঃ ক্ষীরসর্পিস্তু পক্বং পানে সশর্করম্’ ইতি পঠন্তি, তন্নেচ্ছতি গযী||১৬-১৭||
Adhikarana 10 (18) · Śloka 18
পিত্তরক্তঘ্নমুদ্দিষ্টং যচ্চান্যদপি তদ্ধিতম্ |১৮|
View original
पित्तरक्तघ्नमुद्दिष्टं यच्चान्यदपि तद्धितम् |१८|
ইদানীং সঙ্ক্ষেপার্থমতিদেশেনাপরমপি চিকিত্সিতমাহ- পিত্তরক্তঘ্নমিত্যাদি| অন্যদপি পানালেপনস্যাদি রক্তপিত্তঘ্নং যদুদ্দিষ্টং তদত্রাপি হিতমিতি পিণ্ডার্থঃ|১৮|-
Adhikarana 11 (18-20) · Śloka 20
কফোত্থিতং শিরোরোগং জযেত্ কফনিবারণৈঃ ||১৮||
শিরোবিরেকৈর্বমনৈস্তীক্ষ্ণৈর্গণ্ডূষধারণৈঃ |
অচ্ছং চ পাযযেত্সর্পিঃ স্বেদযেচ্চাপ্যভীক্ষ্ণশঃ ||১৯||
শিরো মধূকসারেণ স্নিগ্ধং চাপি বিরেচযেত্ |
ইঙ্গুদস্য ত্বচা বাঽপি মেষশৃঙ্গস্য বা ভিষক্ ||২০||
View original
कफोत्थितं शिरोरोगं जयेत् कफनिवारणैः ||१८||
शिरोविरेकैर्वमनैस्तीक्ष्णैर्गण्डूषधारणैः |
अच्छं च पाययेत्सर्पिः स्वेदयेच्चाप्यभीक्ष्णशः ||१९||
शिरो मधूकसारेण स्निग्धं चापि विरेचयेत् |
इङ्गुदस्य त्वचा वाऽपि मेषशृङ्गस्य वा भिषक् ||२०||
ইদানীং কফজশিরোরোগচিকিত্সামাহ- কফোত্থিতমিত্যাদি| কফোত্থিতং শিরোরোগং কফনিবারণৈর্জযেদিতি সম্বন্ধঃ; তানি চ কফনিবারণানি শিরোবিরেচনাদীনি| অচ্ছং চেতি অচ্ছং কেবলং, বমননির্জিতকফস্য প্রকুপিতবাতবিজযার্থং সর্পিঃপানং অথবা সর্পিঃপানং বমনস্য প্রাক্কর্ম| অভীক্ষ্ণশঃ পুনঃ পুনঃ||১৮-২০||
Adhikarana 12 (21-22) · Śloka 22
আভ্যামেব কৃতাং বর্তিং ধূমপানে প্রযোজযেত্ |
ঘ্রেযং কট্ফলচূর্ণং চ কবলাশ্চ কফাপহাঃ ||২১||
সরলাকুষ্ঠশার্ঙ্গেষ্টাদেবকাষ্ঠৈঃ সরোহিষৈঃ |
ক্ষারপিষ্টৈঃ সলবণৈঃ সুখোষ্ণৈর্লেপযেচ্ছিরঃ ||২২||
View original
आभ्यामेव कृतां वर्तिं धूमपाने प्रयोजयेत् |
घ्रेयं कट्फलचूर्णं च कवलाश्च कफापहाः ||२१||
सरलाकुष्ठशार्ङ्गेष्टादेवकाष्ठैः सरोहिषैः |
क्षारपिष्टैः सलवणैः सुखोष्णैर्लेपयेच्छिरः ||२२||
শিরোবিরেচনাবশেষিতকফস্যোপশমনার্থং ধূমমাহ- আভ্যামিত্যাদি| আভ্যাম্ ইঙ্গুদীমেষশৃঙ্গীত্বগ্ভ্যাম্| কট্ফলচূর্ণং ঘ্রেযং ঘ্রাতব্যং, প্রধমনবিশেষোঽযম্| কফাপহাঃ কফহরদ্রব্যকৃতাঃ| সরলেত্যাদি| ক্ষারপিষ্টৈঃ ক্ষারোদকপিষ্টৈঃ , সলবণৈঃ ঈষল্লবণৈঃ||২১-২২||
Adhikarana 13 (23) · Śloka 23
যবষষ্টিকযোশ্চান্নং ব্যোষক্ষারসমাযুতম্ |
পটোলমুদ্গকৌলত্থৈর্মাত্রাবদ্ভোজযেদ্রসৈঃ ||২৩||
View original
यवषष्टिकयोश्चान्नं व्योषक्षारसमायुतम् |
पटोलमुद्गकौलत्थैर्मात्रावद्भोजयेद्रसैः ||२३||
আহারমাহ- যবেত্যাদি| ব্যোষং ত্রিকটুকং, ক্ষারো যবক্ষারঃ, যবষষ্টিকযোশ্চান্নং ত্রিকটুকেন কটূকৃতং, যবক্ষারেণ লবণিতং, পটোলাদীনাং যূষৈঃ সহ মাত্রাবদ্ভোজযেদিতি সম্বন্ধঃ||২৩||
Adhikarana 14 (24) · Śloka 24
শিরোরোগে ত্রিদোষোত্থে ত্রিদোষঘ্নো বিধির্হিতঃ |২৪|
View original
शिरोरोगे त्रिदोषोत्थे त्रिदोषघ्नो विधिर्हितः |२४|
অধুনা ত্রিদোষজশিরোরোগস্য সামান্যাং চিকিত্সামাহ- শিরোরোগে ইত্যাদি| ত্রিদোষঘ্নো বিধিরনন্তরোক্তবাতাদিজশিরোরোগঘ্নো বিধিঃ|২৪|-
Adhikarana 15 (24) · Śloka 24
সর্পিঃপানং বিশেষেণ পুরাণং বা দিশন্তি হি ||২৪||
View original
सर्पिःपानं विशेषेण पुराणं वा दिशन्ति हि ||२४||
সামান্যচিকিত্সিতমভিধায বিশেষচিকিত্সিতমাহ- সর্পিঃপানমিতি| অত্র নিবন্ধকারৈর্বহূক্তং, তচ্চ বিস্তরভযান্ন লিখিতম্||২৪||
Adhikarana 16 (25) · Śloka 26
ক্ষযজে ক্ষযমাসাদ্য কর্তব্যো বৃংহণো বিধিঃ |
পানে নস্যে চ সর্পিঃ স্যাদ্বাতঘ্নমধুরৈঃ শৃতম্ ||২৫||
ক্ষযকাসাপহং চাত্র সর্পিঃ পথ্যতমং বিদুঃ |২৬|
View original
क्षयजे क्षयमासाद्य कर्तव्यो बृंहणो विधिः |
पाने नस्ये च सर्पिः स्याद्वातघ्नमधुरैः शृतम् ||२५||
क्षयकासापहं चात्र सर्पिः पथ्यतमं विदुः |२६|
ক্ষযজচিকিত্সামাহ- ক্ষযজ ইত্যাদি| ক্ষযমাসাদ্য রক্তাদিক্ষযেষ্বন্যতমং ক্ষযমবধার্য, শোণিতাদিক্রিযানতিক্রমেণ চিকিত্সিতমিত্যর্থঃ; অন্যে তু ক্ষযার্থং শোষপ্রতিষেধমধ্যাযমাসাদ্য, যো বৃংহণো বিধিরাহারৌষধাখ্যঃ স কার্যঃ| পানে নস্যে চেত্যত্র চকারো ভিন্নক্রমে সর্পিশ্চেত্যত্র দ্রষ্টব্যঃ, তেন তৈলমপি মধুরদ্রব্যসংস্কৃতং সমুচ্চীযতে| ক্ষযকাসাপহং সর্পিঃ “কুলীরশুক্তিচটকৈণলাবান্ নিষ্ক্বাথ্য বর্গং মধুরং চ কৃত্স্নম্” ইত্যাদিনা প্রোক্তম্||২৫||-
Adhikarana 17 (26-27) · Śloka 27
কৃমিভির্ভক্ষ্যমাণস্য বক্ষ্যতে শিরসঃ ক্রিযা ||২৬||
নস্যে হি শোণিতং দদ্যাত্তেন মূর্চ্ছন্তি জন্তবঃ |
মত্তাঃ শোণিতগন্ধেন সমাযান্তি যতস্ততঃ ||২৭||
View original
कृमिभिर्भक्ष्यमाणस्य वक्ष्यते शिरसः क्रिया ||२६||
नस्ये हि शोणितं दद्यात्तेन मूर्च्छन्ति जन्तवः |
मत्ताः शोणितगन्धेन समायान्ति यतस्ततः ||२७||
ইদানীং ক্রিমিজশিরোরোগাবসরে সুদূরবিস্তৃতবহুক্রিমীণামুত্ক্লেশনেনাহরণোপাযমুদ্দিশন্নাহ- কৃমিভিরিত্যাদি| ক্রিমিভির্ভক্ষ্যমাণস্যেব, ভক্ষিতস্য দুঃশক্যত্বাত্; শিরসঃ ক্রিযা বক্ষ্যতে ইতি সম্বন্ধঃ| শোণিতনস্যং কৃমীণামুত্ক্লেশনার্থং, স্রোতোমুখগমনার্থং চ| মূর্চ্ছন্তি মূর্চ্ছিতা ভবন্তি মদযুক্তা ভবন্তি| সমাযান্তি সমাগচ্ছন্তি| যতস্ততো নাসাস্রোতঃপ্রভৃতিভিঃ তত্র চাগতানাং কৃমীণাং কূর্চকাদিভির্নির্হরণং কর্তব্যম্||২৬-২৭||
Adhikarana 18 (28-29) · Śloka 29
তেষাং নির্হরণং কার্যং ততো মূর্ধবিরেচনৈঃ |
হ্রস্বশিগ্রুকবীজৈর্বা কাংস্যনীলীসমাযুতৈঃ ||২৮||
কৃমিঘ্নৈরবপীডৈশ্চ মূত্রপিষ্টৈরুপাচরেত্ |
পূতিমত্স্যযুতান্ ধূমান্ কৃমিঘ্নাংশ্চ প্রযোজযেত্ ||২৯||
View original
तेषां निर्हरणं कार्यं ततो मूर्धविरेचनैः |
ह्रस्वशिग्रुकबीजैर्वा कांस्यनीलीसमायुतैः ||२८||
कृमिघ्नैरवपीडैश्च मूत्रपिष्टैरुपाचरेत् |
पूतिमत्स्ययुतान् धूमान् कृमिघ्नांश्च प्रयोजयेत् ||२९||
ইদানীং কূর্চকাদিভিরগম্যানাং ক্রিমীণাং নির্হরণার্থং চিকিত্সিতমাহ- তেষামিত্যাদি| মূর্ধবিরেচনৈঃ বিডঙ্গমরিচাপামার্গশিগ্রুবীজাদিভিঃ; গযী তু বক্ষ্যমাণানি হ্রস্বশিগ্রুকবীজানি শিরোবিরেচনদ্রব্যাণি মন্যন্তে| হ্রস্বশিগ্রুকবীজৈরিত্যাদি| কৃমিঘ্নৈঃ বিডঙ্গাদিভিঃ||২৮-২৯||
Adhikarana 19 (30) · Śloka 30
ভোজনানি কৃমিঘ্নানি পানানি বিবিধানি চ |৩০|
View original
भोजनानि कृमिघ्नानि पानानि विविधानि च |३०|
আহারমাহ- ভোজনানীত্যাদি| কৃমিঘ্নানি কৃমিপ্রতিষেধ পঠিতানি ধান্যাম্লপ্রভৃতীনি সুরসাদিসংস্কৃতানি|৩০|-
Adhikarana 20 (30) · Śloka 30
সূর্যাবর্তে বিধাতব্যং নস্যকর্মাদিভেষজম্ ||৩০||
View original
सूर्यावर्ते विधातव्यं नस्यकर्मादिभेषजम् ||३०||
সূর্যাবর্তকচিকিত্সামাহ- সূর্যাবর্তে ইত্যাদি| নস্যকর্মাদীত্যাদিশব্দাল্লেপপরিষেককবলগ্রহশিরোবস্ত্যাদযঃ| অন্যে তু নস্যকর্ম আদৌ যস্য তন্নস্যকর্মাদি, তচ্চ বমনং বিহায বিরেকাদিকর্মচতুষ্টযম্| যে তু সূর্যাবর্তবিপর্যযং পঠন্তি তত্রাপীদমেব চিকিত্সিতম্||৩০||
Adhikarana 21 (31) · Śloka 31
ভোজনং জাঙ্গলপ্রাযং ক্ষীরান্নবিকৃতির্ঘৃতম্ |৩১|
View original
भोजनं जाङ्गलप्रायं क्षीरान्नविकृतिर्घृतम् |३१|
আহারং নিযমযন্নাহ- ভোজনেত্যাদি|৩১|-
Adhikarana 22 (31-33) · Śloka 34
তথাঽর্ধভেদকে ব্যাধৌ প্রাপ্তমন্যচ্চ যদ্ভবেত্ ||৩১||
শিরীষমূলকফলৈরবপীডোঽনযোর্হিতঃ |
বংশমূলককর্পূরৈরবপীডং প্রযোজযেত্ ||৩২||
অবপীডো হিতশ্চাত্র বচামাগধিকাযুতঃ |
মধুকেনাবপীডো বা মধুনা সহ সংযুতঃ ||৩৩||
মনঃশিলাবপীডো বা মধুনা চন্দনেন বা |৩৪|
View original
तथाऽर्धभेदके व्याधौ प्राप्तमन्यच्च यद्भवेत् ||३१||
शिरीषमूलकफलैरवपीडोऽनयोर्हितः |
वंशमूलककर्पूरैरवपीडं प्रयोजयेत् ||३२||
अवपीडो हितश्चात्र वचामागधिकायुतः |
मधुकेनावपीडो वा मधुना सह संयुतः ||३३||
मनःशिलावपीडो वा मधुना चन्दनेन वा |३४|
অর্ধাবভেদকচিকিত্সিতমাহ- তথাঽর্ধভেদকে ইত্যাদি| ন কেবলং সূর্যাবর্তে নস্যকর্মাদিভেষজং জাঙ্গলপ্রাযং ভোজনং ক্ষীরান্নবিকৃতির্ঘৃতং প্রযোজযেত্ তথাঽর্ধাবভেদকেঽপি| প্রাপ্তমন্যচ্চ যদ্ভবেদিতি অন্যদপি স্নেহসিরাব্যধাবপীডকর্ণশূলোক্তদীপিকাতৈলাদি যত্ প্রাপ্তং যুক্তং ভবেত্ তত্ কর্তব্যম্| গযী তু অন্যচ্ছব্দেন বক্ষ্যমাণং শিরীষমূলকফলৈরিত্যাদিকমিচ্ছতি| শিরীষেত্যাদি| অনযোঃ সূর্যাবর্তার্ধভেদকযোঃ| অবপীড্য দীযত ইত্যবপীডো নস্যভেদ ইত্যর্থঃ| বংশেত্যাদি| অত্রেতি অনযোঃ সূর্যাবর্তার্ধভেদকযোঃ| মধুকং যষ্টীমধুকং, মনঃশিলাবপীডো মধুনেত্যেকো যোগঃ, চন্দনেন চেতি দ্বিতীযঃ| কেচিদত্র চন্দনশব্দেন মধূকসারং ব্যাখ্যানযন্তি||৩১-৩৩||-
Adhikarana 23 (34) · Śloka 34
তেষামন্তে হিতং নস্যং সর্পির্মধুরসান্বিতম্ ||৩৪||
View original
तेषामन्ते हितं नस्यं सर्पिर्मधुरसान्वितम् ||३४||
অবপীডৈর্নির্জিতকফস্য পশ্চাত্কর্মাহ- তেষামিত্যাদি| তেষাম্ অবপীডানাম্, অন্তে অবসানে, মধুরকান্বিতং কাকোল্যাদিগণকল্কশৃতং ঘৃতং নস্যে প্রযোজ্যম্| অন্যে মধুরসাং মূর্বাং মন্যন্তে| কেচিত্তেষামিত্যত্র তযোরিতি পঠন্তি, ব্যাখ্যানযন্তি চ- অন্তেঽবপীডানামবসানে মধুরসান্বিতসর্পিস্তযোঃ সূর্যাবর্তার্ধভেদকযোর্নস্যে হিতং, বাতপিত্তোত্তরাবস্থাযাং ঘৃতনস্যম্||৩৪||
Adhikarana 24 (35) · Śloka 36
সারিবোত্পলকুষ্ঠানি মধুকং চাম্লপেষিতম্ |
সর্পিস্তৈলযুতো লেপো দ্বযোরপি সুখাবহঃ ||৩৫||
এষ এব প্রযোক্তব্যঃ শিরোরোগে কফাত্মকে |৩৬|
View original
सारिवोत्पलकुष्ठानि मधुकं चाम्लपेषितम् |
सर्पिस्तैलयुतो लेपो द्वयोरपि सुखावहः ||३५||
एष एव प्रयोक्तव्यः शिरोरोगे कफात्मके |३६|
ইদানীং শিরোলেপমাহ- সারিবেত্যাদি| সারিবা প্রসিদ্ধা, উত্পলং নীলোত্পলম্| অম্লপেষিতং কাঞ্জিকপেষিতম্| দ্বযোঃ সূর্যাবর্তার্ধাবভেদকযোঃ| অযমপি শিরোলেপো বাতপিত্তোত্তরাবস্থাযাং প্রযোক্তব্যঃ| এষ ইত্যাদি| এষ এবেতি শিরীষফলাদ্যবপীডঃ কফনিমিত্তে শিরোরোগে প্রযোক্তব্যঃ| যদ্যপি কফশিরোরোগস্য চিকিত্সোক্তা তথাঽপ্যবসরপ্রাপ্তত্বাত্ পুনরুক্তা| অন্যে ‘শিরোরোগে কফাত্মকে’ ইত্যত্র ‘ক্ষযাত্মকে’ ইতি পঠন্তি| তন্নেচ্ছতি জেজ্জটাচার্যঃ| অপরে তু ‘এভিরেব প্রযোক্তব্যঃ শিরোরোগেঽনিলাত্মকে’ ইতি পঠন্তি| এভিরেবেতি অনন্তরোক্তসারিবোত্পলকুষ্ঠাদিভিঃ||৩৫||-
Adhikarana 25 (36-37) · Śloka 38
অনন্তবাতে কর্তব্যঃ সূর্যাবর্তহরো বিধিঃ ||৩৬||
সিরাব্যধশ্চ কর্তব্যোঽনন্তবাতপ্রশান্তযে |
আহারশ্চ বিধাতব্যো বাতপিত্তবিনাশনঃ ||৩৭||
মধুমস্তকসংযাবঘৃতপূরৈশ্চ ভোজনম্ |৩৮|
View original
अनन्तवाते कर्तव्यः सूर्यावर्तहरो विधिः ||३६||
सिराव्यधश्च कर्तव्योऽनन्तवातप्रशान्तये |
आहारश्च विधातव्यो वातपित्तविनाशनः ||३७||
मधुमस्तकसंयावघृतपूरैश्च भोजनम् |३८|
কেচিদত্রানন্তবাতচিকিত্সিতং পঠন্তি; তদাহ- অনন্তবাতে ইত্যাদি| মধুমস্তকাঃ রবজুকাঃ, সংযাবঃ কণ্ডকঘৃতৈশ্চাতুর্জাতককর্পূরসুগন্ধঃ লপ্সিকেতি লোকে, ঘৃতপূরঃ ‘ঘেবর’ ইতি প্রসিদ্ধঃ||৩৬-৩৭||-
Adhikarana 26 (38) · Śloka 39
ক্ষীরসর্পিঃ প্রশংসন্তি নস্যে পানে চ শঙ্খকে ||৩৮||
জাঙ্গলানাং রসৈঃ স্নিগ্ধৈরাহারশ্চাত্র শস্যতে |৩৯|
View original
क्षीरसर्पिः प्रशंसन्ति नस्ये पाने च शङ्खके ||३८||
जाङ्गलानां रसैः स्निग्धैराहारश्चात्र शस्यते |३९|
শঙ্খকচিকিত্সামাহ- ক্ষীরেত্যাদি| ক্ষীরসর্পিরিতি অর্দিতচিকিত্সিতেঽক্ষিতর্পণার্থং যদুক্তম্| জাঙ্গলানামিত্যত্র কেচিদৌদকানামিতি পঠন্তি, তন্নেচ্ছতি গযী||৩৮||-
Adhikarana 27 (39-40) · Śloka 40
শতাবরীং তিলান্ কৃষ্ণান্ মধুকং নীলমুত্পলম্ ||৩৯||
দূর্বাং পুনর্নবাং চৈব লেপে সাধ্ববচারযেত্ |
মহাসুগন্ধামথবা পালিন্দীং চাম্লপেষিতাম্ ||৪০||
View original
शतावरीं तिलान् कृष्णान् मधुकं नीलमुत्पलम् ||३९||
दूर्वां पुनर्नवां चैव लेपे साध्ववचारयेत् |
महासुगन्धामथवा पालिन्दीं चाम्लपेषिताम् ||४०||
শিরোলেপমাহ- শতাবরীমিত্যাদি| শতাবর্যাদিভিঃ ক্ষীরপিষ্টৈঃ শিরোলেপঃ| মহাসুগন্ধামিত্যাদি| মহাসুগন্ধা উত্পলসারিবা, সর্পসুগন্ধামপরে| পালিন্দী কালবল্লী| অম্লং কাঞ্জিকম্||৩৯-৪০||
Adhikarana 28 (41) · Śloka 41
শীতাংশ্চাত্র পরীষেকান্ প্রদেহাংশ্চ প্রযোজযেত্ |৪১|
View original
शीतांश्चात्र परीषेकान् प्रदेहांश्च प्रयोजयेत् |४१|
অনুক্তানপ্যত্র পরিষেকপ্রদেহান্নির্দিশন্নাহ- শীতানিত্যাদি| শীতপরিষেকান্ শীতবীর্যবিদারিগন্ধাদিকাকোল্যাদ্যুত্পলাদিকষাযকৃতান্, শীতপ্রদেহানেতেষামেব কল্কৈরম্লপিষ্টৈঃ কৃতান্|৪১|-
Adhikarana 29 (41) · Śloka 41
অবপীডশ্চ দেযোঽত্র সূর্যাবর্তনিবারণঃ ||৪১||
View original
अवपीडश्च देयोऽत्र सूर्यावर्तनिवारणः ||४१||
অবপীডশ্চেত্যাদি| সূর্যাবর্তনিবারণোঽবপীডঃ ‘শিরীষমূলকফলৈরবপীডোঽনযোর্হিত’ ইত্যাদ্যুক্তঃ||৪১||
Adhikarana 30 (42) · Śloka 43
কৃমিক্ষযকৃতৌ হিত্বা শিরোরোগেষু বুদ্ধিমান্ |
মধুতৈলসমাযুক্তৈঃ শিরাংস্যতিবিরেচযেত্ ||৪২||
পশ্চাত্সর্ষপতৈলেন ততো নস্যং প্রযোজযেত্ |৪৩|
View original
कृमिक्षयकृतौ हित्वा शिरोरोगेषु बुद्धिमान् |
मधुतैलसमायुक्तैः शिरांस्यतिविरेचयेत् ||४२||
पश्चात्सर्षपतैलेन ततो नस्यं प्रयोजयेत् |४३|
ইদানীং শিরোরোগাণাং সামান্যচিকিত্সামাহ- কৃমীত্যাদি| কৃমিক্ষযকৃতৌ শিরোরোগৌ পরিত্যজ্যান্যেষু শিরোরোগেষু মধুতৈলসমাযুক্তৈঃ শিরোবিরেচনদ্রব্যৈর্বুদ্ধিমান্ বৈদ্যঃ শিরাংসি অতিবিরেচযেত্, নস্যং দদ্যাদিত্যর্থঃ| মূলানিলোন্মূলনত্বাত্ স্ত্যানভূতকফবিনাশনত্বাচ্চ সর্ষপতৈলেন নস্যম্| অন্যে তু ‘পশ্চাত্ সর্পিঃ সুখোষ্ণং তু নস্যতস্তু প্রশস্যতে’ ইতি পঠন্তি; তেষামযমভিপ্রাযঃশিরোবিরেচনেন কফে বিজিতে সতি বাতপিত্তজযার্থং সর্পির্নস্যম্||৪২||-
Adhikarana 31 (43) · Śloka 44
ন চেচ্ছান্তিং ব্রজন্ত্যেবং স্নিগ্ধস্বিন্নাংস্ততো ভিষক্ ||৪৩||
পশ্চাদুপাচরেত্সম্যক্ সিরাণামথ মোক্ষণৈঃ |৪৪|
View original
न चेच्छान्तिं व्रजन्त्येवं स्निग्धस्विन्नांस्ततो भिषक् ||४३||
पश्चादुपाचरेत्सम्यक् सिराणामथ मोक्षणैः |४४|
ইদানীমেতৈরপ্যুপাযৈর্যদা শান্তিং শিরোরোগা ন যান্তি তদা কিং কর্তব্যমিত্যাহ- ন চেচ্ছান্তিমিত্যাদি||৪৩||-
Adhikarana 32 (44-46) · Śloka 46
ষট্সপ্ততির্নেত্ররোগা দশাষ্টাদশ কর্ণজাঃ ||৪৪||
একত্রিংশদ্ ঘ্রাণগতাঃ শিরস্যেকাদশৈব তু |
ইতি বিস্তরতো দৃ(দি)ষ্টাঃ সলক্ষণচিকিত্সিতাঃ ||৪৫||
সংহিতাযামভিহিতাঃ সপ্তষষ্টির্মুখামযাঃ |
এতাবন্তো যথাস্থূলমুত্তমাঙ্গগতা গদাঃ |
অস্মিঞ্ছাস্ত্রে নিগদিতাঃ সঙ্খ্যারূপচিকিত্সিতৈঃ ||৪৬||
View original
षट्सप्ततिर्नेत्ररोगा दशाष्टादश कर्णजाः ||४४||
एकत्रिंशद् घ्राणगताः शिरस्येकादशैव तु |
इति विस्तरतो दृ(दि)ष्टाः सलक्षणचिकित्सिताः ||४५||
संहितायामभिहिताः सप्तषष्टिर्मुखामयाः |
एतावन्तो यथास्थूलमुत्तमाङ्गगता गदाः |
अस्मिञ्छास्त्रे निगदिताः सङ्ख्यारूपचिकित्सितैः ||४६||
ইদানীং শালাক্যতন্ত্রস্যার্থপিণ্ডমুক্তমুপসংহরন্নাহ- ষট্সপ্ততিরিত্যাদি| দশাষ্টাদশ অষ্টাবিংশতিরিত্যর্থঃ| ইতি শব্দ উক্তস্মরণে| যে বিস্তরতো দৃ(দি)ষ্টাঃ বিস্তরেণ বিদেহাদৌ ভাষিতাঃ| যথাস্থূলং স্থূলানতিক্রমেণ, অণুশো ভিদ্যমানাঃ পুনরসঙ্খ্যেযাঃ| অস্মিন্নিতি শালাক্যশাস্ত্রে||৪৪-৪৬||
Adhikarana puShpikA · Śloka 26
ইতি সুশ্রুতসংহিতাযামুত্তরতন্ত্রান্তর্গতে শালাক্যতন্ত্রে শিরোরোগপ্রতিষেধো নাম ষড্বিংশোঽধ্যাযঃ ||২৬||
ইতি শ্রীভগবতা ধন্বন্তরিণোপদিষ্টাযাং মহর্ষিণা সুশ্রুতাচার্যেণ বিরচিতাযাং সুশ্রুতসংহিতাযামুত্তরতন্ত্রান্তর্গতং শালাক্যতন্ত্রং সমাপ্তম্ |
View original
इति सुश्रुतसंहितायामुत्तरतन्त्रान्तर्गते शालाक्यतन्त्रे शिरोरोगप्रतिषेधो नाम षड्विंशोऽध्यायः ||२६||
इति श्रीभगवता धन्वन्तरिणोपदिष्टायां महर्षिणा सुश्रुताचार्येण विरचितायां सुश्रुतसंहितायामुत्तरतन्त्रान्तर्गतं शालाक्यतन्त्रं समाप्तम् |
সদ্বুদ্ধেঃ প্রসবঃ পদং সুযশসঃ সদ্বৈদ্যবন্দ্যঃ শ্রিযামাবাসঃ সুকৃতী ক্রিযাসু নিপুণঃ শ্রীডল্হণাখ্যো ভিষক্| শ্রীভাদানকনাথসাহলনৃপস্যাতীব যো বল্লভঃ শাস্ত্রং তস্য নিবন্ধসঙ্গ্রহ ইতি খ্যাতং ধরিত্রীতলে| ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে শালাক্যতন্ত্রে ষড্বিংশোঽধ্যাযঃ সমাপ্তঃ||২৬||