41. śōṣapratiṣēdhādhyāyaḥ

Adhikarana 1 (1-2) · Śloka 2

অথাতঃ শোষপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||

অতীসারপ্রতিষেধানন্তরং শোষেঽপ্যতীসারসম্ভূতেরথবা জ্বরাতীসারাভ্যাং শোষস্যোত্পত্তেঃ শোষপ্রতিষেধারম্ভো যুক্ত ইত্যত আহ- অথাত ইত্যাদি| অথেত্যাদিকং পূর্ববদ্ব্যাখ্যেযম্| শোষপ্রতিষেধং শোষচিকিত্সিতম্||১-২||

Adhikarana 2 (3) · Śloka 3

অনেকরোগানুগতো বহুরোগপুরোগমঃ | দুর্বিজ্ঞেযো দুর্নিবারঃ শোষো ব্যাধির্মহাবলঃ ||৩||

ননু, শোষচিকিত্সিতং ব্যাখ্যাস্যাম ইতি প্রতিজ্ঞাং কৃত্বা নিদানাভিধানে কো হেতুঃ? উচ্যতে- অজ্ঞাতরোগস্য বৈদ্যস্য চিকিত্সাযাং প্রগল্ভ্যং ন স্যাদতো নিদানারম্ভ ইতি; তথা চোক্তং- “রোগমাদৌ পরীক্ষেত ততোঽনন্তরমৌষধম্”- ইতি| প্রাগেব বিকারস্বভাবাভিধানায বাক্যমাহ- অনেকরোগানুগত ইত্যাদি| অনেকরোগা উপদ্রবসঞ্জ্ঞকাঃ, তৈরনুগত আশ্রিতঃ| বহবো রোগাঃ শ্বাসকাসাঙ্গসাদকফসংস্রবাদযঃ, পুরোগমাঃ পূর্বরূপত্বেনোপস্থিতা যস্য স তথা| দুর্বিজ্ঞেয ইতি ত্রিদোষলিঙ্গত্বাদংশাংশবলবিকল্পনাভিঃ প্রকুপিতদোষাণাং লিঙ্গদর্শনাত্| দুর্নিবার ইতি দোষাণাং পরস্পরবিরুদ্ধোপক্রমত্বাত্; দুর্নিবারত্বাচ্চ কৃচ্ছ্রোঽযং মহাবলঃ||৩||

Adhikarana 3 (4-5) · Śloka 5

সংশোষণাদ্রসাদীনাং শোষ ইত্যভিধীযতে | ক্রিযাক্ষযকরত্বাচ্চ ক্ষয ইত্যুচ্যতে পুনঃ ||৪|| রাজ্ঞশ্চন্দ্রমসো যস্মাদভূদেষ কিলামযঃ | তস্মাত্তং রাজযক্ষ্মেতি কেচিদাহুঃ পুনর্জনাঃ ||৫||

ইদানীমস্য ব্যাধের্যথা শোষক্ষযরাজযক্ষ্মেতি নামানি তথাঽঽহ- সংশোষণাদ্রসাদীনামিত্যাদি| ক্রিযা চিকিত্সা, কাযবাঙ্মানসং বা কর্ম, তস্য ক্ষযকরত্বাত্| রাজ্ঞ ইতি ‘দ্বিজানাং’ ইতি শেষঃ| চন্দ্রমসঃ চন্দ্রস্য, আমযো যক্ষ্মা রোগঃ, কেচিদিতি আত্রেযপ্রভৃতযঃ; যস্মাদেষ আমযো দ্বিজানাং রাজ্ঞশ্চন্দ্রমসশ্চন্দ্রস্যাভূত্তস্মাত্ তং রোগং কেচিত্ পুনর্জনা রাজযক্ষ্মেতি ব্রুবতে; যতোঽযং যক্ষ্মা রোগো রোগাণাং রাজা অতো রাজযক্ষ্মেতি বাগ্ভটো ব্যাখ্যানযতি| কিলেতি বার্তাযাম্| এবং খলু যথা শ্রূযতে- পূর্বং দক্ষনামা প্রজাপতিরভূত্, তস্য বহ্বযো দুহিতরো বভূবুঃ, তেন চ সপ্তাধিকা বিংশতিঃ কন্যকাশ্চন্দ্রায বিবোঢে দত্তাঃ, স চন্দ্রমাস্তাসু মধ্যে রোহিণ্যামেবানুরক্তো বভূব, ততশ্চ সশোকাভিরশ্বিন্যাদিভির্দুহিতৃভিরাত্মপিতরি দক্ষসঞ্জ্ঞকে চন্দ্রস্য রোহিণ্যামাসক্তিবৃত্তান্তো নিবেদিতঃ, ততো দুহিতৄণাং বার্তামাকর্ণ্য, চন্দ্রমাহূয, সর্বাস্বপি নিজপুত্রীষু সমতযা বর্তনায চন্দ্রোঽভিহিতঃ, স চ তথেতি স্বীকৃত্যাপি স্বগুরোর্বচনমনাদৃত্য ন তাসু সমবর্তত, ততো দক্ষপ্রজাপতেঃ ক্রোধো নিশ্বাসরূপেণ মূর্তিমান্ ভূত্বা নিঃসৃত্য যক্ষ্মরূপেণ রোহিণ্যামতিপ্রসঙ্গেনাবিলং চন্দ্রমাবিশত্, ততোঽসৌ তেন রোগেণাভিভূতঃ সন্ গতপ্রভো গতোত্সাহশ্চ সঞ্জাতঃ, গুরুবচনাতিক্রমেণ দোষং মত্বা তমেব দক্ষনামানং গুরুং শরণং গতবান্, ততোঽনন্তরং দেববৈদ্যাভ্যামশ্বিভ্যাং স চিকিত্সিতঃ, ততঃ প্রাপ্তবলশ্চন্দ্রো (ররাজাতীব সুপ্রভঃ) লঘ্বগুরুপ্রসাদোঽশ্বিভ্যাং চিকিত্সিতোঽভূত্ | এবং চ সতি কর্মদোষজো ব্যাধিরিতি দর্শিতম্||৪-৫||

Adhikarana 4 (6) · Śloka 6

স ব্যস্তৈর্জাযতে দোষৈরিতি কেচিদ্বদন্তি হি |৬|

একীযমতেনাস্য ব্যাধেঃ পৃথগ্দোষজত্বমাহ- স ব্যস্তৈরিত্যাদি| স ব্যাধিঃ| ব্যস্তৈঃ পৃথগ্ভূতৈঃ|৬|-

Adhikarana 5 (6-7) · Śloka 7

একাদশানামেকস্মিন্ সান্নিধ্যাত্তন্ত্রযুক্তিতঃ ||৬|| ক্রিযাণামবিভাগেন প্রাগেকোত্পাদনেন চ | এক এব মতঃ শোষঃ সন্নিপাতাত্মকো হ্যতঃ ||৭||

পরমতনিরাকরণায স্বমতমাহ- একাদশানামিত্যাদি| একাদশানামিতি স্বরভেদশূলাদীনাম্| একস্মিন্নিতি রাজযক্ষ্মরোগে; অন্যে তু রাজযক্ষ্মাতুর ইতি ব্যাখ্যানযন্তি, সান্নিধ্যাদিতি বিদ্যমানত্বাত্| তন্ত্রযুক্তিতঃ অর্থযুক্তিতঃ ; অন্যে তন্ত্রেত্যত্র তত্রেতি পঠন্তি; তত্র তস্মিন্, যুক্তিতো যুক্তিবশাদিতি ব্যাখ্যানযন্তি| কা সা যুক্তিঃ? যদ্বশেনৈক এব শোষ ইত্যাহ- ক্রিযাণামবিভাগেনেতি|- চিকিত্সানামপৃথক্ত্বেন দর্শিতত্বাদিত্যর্থঃ| একত্বে তৃতীযং হেতুমাহ- প্রাগেকোত্পাদনেন চেতি|- যস্মাত্ পূর্বং দক্ষেণ ক্রুদ্ধেনৈকস্যোত্পাদনং কৃতম্| হিঃ যস্মাদর্থে; যস্মাত্ শোষস্যৈকত্বে হেতুত্রিতযমত্রোক্তম্, অত এক এব শোষঃ সন্নিপাতাত্মকো মত ইতি সম্বন্ধঃ||৬-৭||

Adhikarana 6 (8) · Śloka 8

উদ্রেকাত্তত্র লিঙ্গানি দোষাণাং নিপতন্তি হি |৮|

ননু, যদি সন্নিপাতাত্মক এক এবাযং তত্ কথমত্র একৈকদোষপৃথগ্লিঙ্গজ্ঞানমিত্যাহ - উদ্রেকাদিত্যাদি| উদ্রেকাত্ আধিক্যাত্| তত্র শোষে| হিশব্দো হেতৌ, স চ হেতুর্বহুপ্রকারোঽপি চতুর্বিধত্বং ন ত্যজতি|৮|-

Adhikarana 7 (8) · Śloka 9

ক্ষযাদ্বেগপ্রতীঘাতাদাঘাতাদ্বিষমাশনাত্ ||৮|| জাযতে কুপিতৈর্দোষৈর্ব্যাপ্তদেহস্য দেহিনঃ |৯|

তমেব চতুর্বিধং হেতুমাহ- ক্ষযাদ্বেগপ্রতীঘাতাদিত্যাদি| ক্ষযাত্ রসাদিশুক্রান্তানাং ধাতূনাং ক্ষযাত্| বেগপ্রতীঘাতাত্ বাতমূত্রপুরীষাদীনাং প্রবৃত্ত্যুন্মুখানামবরোধাত্| আঘাতাত্ পতনাদিতঃ, অযথাবলমারম্ভাদিতি বোদ্ধব্যম্| বিষমাশনাদিতি অপ্রাপ্তাতীতকালবহ্বল্পভোজনাত্| ক্ষযাদিত্যাদিহেতুভিঃ কুপিতৈর্দোষৈর্ব্যাপ্তদেহস্য শোষো জাযতে ইতি সম্বন্ধঃ| অন্যে ত্বেবং পঠন্তি- ‘বেগাঘাতাত্ পূরণাদ্বা সঙ্ঘাতাত্ সঙ্ক্ষযাদপি’ ইতি; ব্যাখ্যানযন্তি চ- পূরণং বিষমাশনমভিপ্রেতং, সঙ্ঘাতোঽত্র সাহসঃ, শেষং পূর্ববদ্ব্যাখ্যেযম্||৮||-

Adhikarana 8 (9) · Śloka 9

কফপ্রধানৈর্দোষৈর্হি রুদ্ধেষু রসবর্ত্মসু ||৯||

কফপ্রধানৈরিত্যাদি| কফপ্রধানৈঃ উত্কটকফৈঃ| হিশব্দো হেতৌ| রসবর্ত্মস্বিত্যত্রাদিশব্দো লুপ্তো জ্ঞেযঃ; বর্ত্ম মার্গঃ, তেন রসাদিবাহিনীষু ধমনীষ্বিত্যর্থঃ||৯||

Adhikarana 9 (10) · Śloka 10

অতিব্যবাযিনো বাঽপি ক্ষীণে রেতস্যনন্তরম্ | ক্ষীযন্তে ধাতবঃ সর্বে ততঃ শুষ্যতি মানবঃ ||১০||

অপরপ্রকারেণ ধাতুক্ষযাদ্রাজযক্ষ্মসম্ভবং দর্শযন্নাহ- অতীত্যাদি| অতিব্যবাযিনঃ অত্যর্থং গ্রাম্যধর্মসেবিনঃ| ক্ষীণে রেতসি শুক্রে, শুক্রক্ষযশ্চ মেঢ্রবৃষণবেদনেত্যাদিনা জ্ঞেযঃ| অনন্তরং রেতসঃ ক্ষযাদিত্যর্থঃ| ক্ষীযন্তে ধাতবঃ সর্বে ইতি পরং যদি স্ত্রীভ্যো ন নিবর্ততে| ননু, রসবর্ত্মরোধাদ্রসেন রক্তস্যাবৃংহণাত্তদপচযঃ রক্তাপচযাচ্চ মাংসস্যাপচয ইত্যাদিপূর্বপূর্বধাতুক্ষীণতযা কৃত্বা শুক্রস্য যুক্তঃ ক্ষযঃ, শুক্রক্ষযে তু পূর্বধাতূনাং কথং ক্ষযঃ? উচ্যতে- যথা মহাজলাধারপরিক্ষযে তত্র প্রবিশতাং জলপ্রাযাণাং (জন্তূনাং) ক্ষযস্তদ্বদত্রাপীতি| স্বমার্গাবরোধাদ্রসোঽসঞ্চরন্ কিং করোতি? হৃদযে বিদহ্যতে, কাসবেগেন মুখমার্গাত্ পিচ্ছিলবহলবিস্রহরিতপীতশ্বেতঃ প্রবর্ততে||১০||

Adhikarana 10 (11) · Śloka 11

ভক্তদ্বেষো জ্বরঃ শ্বাসঃ কাসঃ শোণিতদর্শনম্ | স্বরভেদশ্চ জাযেত ষড্রূপে রাজযক্ষ্মণি ||১১||

ইদানীং মধ্যবলদোষারব্ধস্য শোষস্য ষড্রূপাণি দর্শযন্নাহ- ভক্তদ্বেষো জ্বর ইত্যাদি| স্বরভেদঃ ঘর্ঘরাদিস্বরঃ||১১||

Adhikarana 11 (12-13) · Śloka 13

স্বরভেদোঽনিলাঞ্ছূলং সংলোচশ্চাংসপার্শ্বযোঃ | জ্বরো দাহোঽতিসারশ্চ পিত্তাদ্রক্তস্য চাগমঃ ||১২|| শিরসঃ পরিপূর্ণত্বমভক্তচ্ছন্দ এব চ | কাসঃ কণ্ঠস্য চোদ্ধ্বংসো বিজ্ঞেযঃ কফকোপতঃ ||১৩||

ষড্রূপাণি নির্দিশ্য দোষভেদেনৈকাদশরূপাণি বলবত্সমদোষারব্ধস্য শোষস্য দর্শযন্নাহ- স্বরভেদ ইত্যাদি| সংলোচো লুঞ্চনমিব, অংসযোঃ পার্শ্বযোঃ; ‘সংলোচ’ ইত্যত্রান্যে ‘সঙ্কোচ’ ইতি পঠন্তি, তত্র সঙ্কোচনমিবেত্যর্থঃ| শিরসঃ পরিপূর্ণত্বং ‘কফেন’ ইতি শেষঃ| অভক্তচ্ছন্দো ভক্তারুচিঃ| কণ্ঠস্য চোদ্ধ্বংসঃ কণ্ঠভঙ্গঃ; অন্যে উদ্ধ্বংস উত্কাসিকেতি ব্যাখ্যানযন্তি| স্বরভেদাদিলিঙ্গত্রযং রাজযক্ষ্মণি বাতেন, জ্বরাদীনি চত্বারি পিত্তেন, শিরসঃ পরিপূর্ণত্বাদীনি চত্বারি কফেন; এবং ষড্রূপাণ্যপি বাতাদিভেদেন জ্ঞেযানি||১২-১৩||

Adhikarana 12 (14-15) · Śloka 15

একাদশভিরেভির্বা ষড্ভির্বাঽপি সমন্বিতম্ | (কাসাতীসারপার্শ্বার্তিস্বরভেদারুচিজ্বরৈঃ ||১৪|| ত্রিভির্বা পীডিতং লিঙ্গৈর্জ্বরকাসাসৃগামযৈঃ) | জহ্যাচ্ছোষার্দিতং জন্তুমিচ্ছন্ সুবিপুলং যশঃ ||১৫||

ইদানীং রূপপ্রস্তাবাদ্বহুরূপান্বিতস্যাসাধ্যত্বমাহ- একাদশভিরিত্যাদি| এতৈরেভিঃ স্বরভেদোঽনিলাচ্ছূলমিত্যাদিকৈঃ, ষড্ভির্বাঽপীতি ভক্তদ্বেষো জ্বর ইত্যাদিভিঃ, অপিশব্দাত্ত্রিভির্বা শ্বাসকাসাসৃগামযৈস্তন্ত্রান্তরোক্তৈঃ, সমন্বিতমিতি সমুচ্চীযতে| জহ্যাদিতি ত্যজেত্, পরং বহ্নৌ মন্দে বলমাংসক্ষযে সতীতি বোদ্ধব্যম্| ননু, সর্বরূপাদর্ধত্রিরূপৌ লঘুতরৌ, তত্কথং তাবপ্যসাধ্যৌ? উচ্যতে- বলবহ্নযপচযে কালপ্রকর্ষাত্তযোরপি মহত্ত্বাত্; এতেন সর্বরূপোপপন্ন এবাসাধ্যঃ, ইতরৌ তু কালপ্রকর্ষেণেতি| অযং পাঠঃ পুস্তকান্তরেষ্বন্যথা পঠ্যতে, স চ নিবন্ধকারৈর্ন পঠিতঃ||১৪-১৫||

Adhikarana 13 (16) · Śloka 16

ব্যবাযশোকস্থাবির্যব্যাযামাধ্বোপবাসতঃ | ব্রণোরঃক্ষতপীডাভ্যাং শোষনন্যে বদন্তি হি ||১৬||

একীযমতেন শোষভেদান্নির্দিশন্নাহ- ব্যবাযশোকেত্যাদি| ব্যবাযঃ স্ত্রীসেবা, শোকঃ পুত্রাদিবিযোগেন চিত্তোদ্বেগঃ, স্থাবির্যং বৃদ্ধত্বং; অন্যে বার্ধক্যমিতি পঠন্তি, তত্রাপ্যেকোঽর্থঃ; ব্যাযামঃ শরীরাযাসজনকং কর্ম; অধ্বা দীর্ঘমার্গাটনং; ব্যবাযাদ্যুপবাসান্তৈর্হেতুভিস্তথা ব্রণপীডযা উরঃক্ষতপীডযা চান্যে শোষান্ বদন্তীতি সম্বন্ধঃ||১৬||

Adhikarana 14 (17) · Śloka 17

ব্যবাযশোষী শুক্রস্য ক্ষযলিঙ্গৈরুপদ্রুতঃ | পাণ্ডুদেহো যথাপূর্বং ক্ষীযন্তে চাস্য ধাতবঃ ||১৭||

ব্যবাযশোষিণো লক্ষণান্যাহ- ব্যবাযেত্যাদি| শুক্রস্য ক্ষযলিঙ্গৈরিতি ‘শুক্রক্ষযে মেঢ্রবৃষণবেদনা’ ইত্যাদিভিঃ| যথাপূর্বমিতি যথাপূর্বং তত্র শুক্রস্য পূর্বং মজ্জা, মজ্জ্ঞোঽস্থি, অস্থ্নো মেদঃ, মেদসো মাংসং, মাংসস্য রক্তমিত্যেবং ক্ষীযন্তে ধাতবঃ প্রাগ্বদেব দর্শিতন্যাযাত্, পরং যদি স্ত্রীভ্যো ন নিবর্ততে||১৭||

Adhikarana 15 (18) · Śloka 18

প্রধ্যানশীলঃ স্রস্তাঙ্গঃ শোকশোষ্যপি তাদৃশঃ | বিনা শুক্রক্ষযকৃতৈর্বিকারৈরভিলক্ষিতঃ ||১৮||

শোকশোষিণমাহ- প্রধ্যানশীল ইত্যাদি| প্রধ্যানশীলঃ চিন্তাপরঃ, স্রস্তাঙ্গঃ অবসন্নগাত্রঃ| তাদৃশ ইতি ব্যবাযশোষিতবদভিলক্ষিতঃ, পরং শুক্রক্ষযকৃতৈর্লিঙ্গৈর্বিনা; এতেন পাণ্ডুদেহ ইত্যর্থঃ||১৮||

Adhikarana 16 (19-20) · Śloka 20

জরাশোষী কৃশো মন্দবীর্যবুদ্ধিবলেন্দ্রিযঃ | কম্পনোঽরুচিমান্ ভিন্নকাংস্যপাত্রহতস্বরঃ(নঃ) ||১৯|| ষ্ঠীবতি শ্লেষ্মণা হীনং গৌরবারুচিপীডিতঃ | সম্প্রস্রুতাস্যনাসাক্ষঃ সুপ্তরূক্ষমলচ্ছবিঃ ||২০||

জরাশোষিণমাহ- জরাশোষী কৃশো মন্দেত্যাদি| মন্দশব্দো বীর্যাদিভিঃ প্রত্যেকং সম্বধ্যতে, বীর্যং শক্তিঃ, বলম্ ওজো হৃদি স্থিতং সপ্তধাতুধামভূতম্| পুনররুচিকথনমত্যন্তারোচকখ্যাপনার্থম্ | সম্প্রস্রুতেত্যাদি সম্প্রস্রুতশব্দ আস্যাদিভিস্ত্রিভিঃ প্রত্যেকং সম্বধ্যতে| আস্যং মুখকুহরম্, অক্ষি লোচনম্| সুপ্তরূক্ষত্বং প্রভাযাঃ, রূক্ষত্বং চ মলস্য; যদ্যপি সত্পরূক্ষত্বং ত্বচি ভবতি ন প্রভাযাং, তথাঽপি ‘মঞ্চাঃ ক্রোশন্তি’ ইতিবদুপচারাত্ প্রভাযাং বোদ্ধব্যম্| জেজ্জটাচার্যস্তু জরাশোষিণো লক্ষণমত্র ন পঠতি, সপ্ততেস্তূর্ধ্বং ক্ষীযমাণেত্যাদিনা আতুরোপক্রমণীযে উক্তত্বাত্||১৯-২০||

Adhikarana 17 (21) · Śloka 21

অধ্বপ্রশোষী স্রস্তাঙ্গঃ সম্ভৃষ্টপরুষচ্ছবিঃ | প্রসুপ্তগাত্রাবযবঃ শুষ্কক্লোমগলাননঃ ||২১||

অধ্বশোষিণমাহ- অধ্বপ্রশোষীত্যাদি| স্রস্তাঙ্গঃ শিথিলগাত্রাবযবঃ| প্রসুপ্তমাত্রাবযব ইত্যনেন অকর্মণ্যশরীরপ্রদেশ উক্তঃ| শুষ্কশব্দঃ ক্লোমাদিভিঃ প্রত্যেকং সম্বধ্যতে; ক্লোম তিলকম্, আননং মুখকুহরম্| সম্ভৃষ্টপরুষচ্ছবিরিতি দগ্ধস্যেব পরুষা ছবির্যস্যেত্যর্থঃ; কেচিত্ ‘সম্ভৃষ্টপরুষচ্ছবিঃ’ ইত্যত্র ‘সংসৃষ্টপরুষচ্ছবিঃ’ ইতি পঠিত্বা সংসৃষ্টা পরুষা ছবিঃ যস্য স ইতি ব্যাখ্যানযন্তি| যদ্যপি জরাশোষ্যনন্তরং ব্যাযামশোষী বাচ্যো নাধ্বশোষী, তথাঽপ্যধ্বশোষিলক্ষণানাং ব্যাযামশোষিণ্যতিদেশাত্ পূর্বমত্রাধ্বশোষি নির্দিষ্টঃ| যদ্যেবং তর্হি ব্যাযামশোষিলক্ষণান্যেব কুতোঽধ্বশোষিণি নাতিদিশ্যন্তে? সত্যম্, উরঃক্ষতলিঙ্গানামধিকানাং ব্যাযামশোষিণি সদ্ভাবাত্| কেচিদত্র ‘তৃডঙ্গমর্দদৌর্বল্যপারুষ্যৈরর্দিতোঽধ্বনা’ ইতি পাঠং পঠন্তি, তত্রাপি স এবার্থঃ||২১||

Adhikarana 18 (22) · Śloka 22

ব্যাযামশোষী ভূযিষ্ঠমেভিরেব সমন্বিতঃ | উরঃক্ষতকৃতৈর্লিঙ্গৈঃ সংযুক্তশ্চ ক্ষতাদ্বিনা ||২২||

ব্যাযামশোষিণমাহ- ব্যাযামশোষী ভূযিষ্ঠমিত্যাদি| এভিরেবেতি অনন্তরোক্তৈঃ অধ্বশোষিলক্ষণৈরিত্যর্থঃ| উপবাসশোষিলক্ষণং দোষধাতুমলক্ষযবৃদ্ধিবিজ্ঞানীযোক্তং ‘তত্র বাতলাহারসেবিন’ ইত্যাদিকং জ্ঞাতব্যম্||২২||

Adhikarana 19 (23) · Śloka 23

রক্তক্ষযাদ্বেদনাভিস্তথৈবাহারযন্ত্রণাত্ | ব্রণিতস্য ভবেচ্ছোষঃ স চাসাধ্যতমঃ স্মৃতঃ ||২৩||

ব্রণশোষিলক্ষণমাহ- রক্তক্ষযাদিত্যাদি| ব্রণশোষিণো বৈশেষিকলক্ষণানুপদেশাত্ সামান্যলক্ষণং জ্ঞেযম্| যদ্যেবং কুতোঽস্য পৃথগভিধানমিতি চেত্, বিশিষ্টকারণতযা অসাধ্যতমত্বখ্যাতেঃ ||২৩||

Adhikarana 20 (24-25) · Śloka 26

ব্যাযামভারাধ্যযনৈরভিঘাতাতিমৈথুনৈঃ | কর্মণা চাপ্যুরস্যেন বক্ষো যস্য বিদারিতম্ | তস্যোরসি ক্ষতে রক্তং পূযঃ শ্লেষ্মা চ গচ্ছতি ||২৪|| কাসমানশ্ছর্দযেচ্চ পীতরক্তাসিতারুণম্ | সন্তপ্তবক্ষাঃ সোঽত্যর্থং দূযনাত্পরিতাম্যতি ||২৫|| দুর্গন্ধবদনোচ্ছ্বাসো ভিন্নবর্ণস্বরো নরঃ |২৬|

উরঃক্ষতশোষিণমাহ- ব্যাযামেত্যাদি| কর্মণা চাপ্যুরস্যেনেতি ধনুরাকর্ষণাদিনেত্যর্থঃ| ক্ষতে অতিদারিতে| অসিতম্ ঈষত্কৃষ্ণম্, অরুণম্ ঈষদ্রক্তম্| দূযনাত্ অতিবেদনাত্, পরিতাম্যতি মোহং যাতি| দুর্গন্ধশব্দো বদনোচ্ছ্বাসাভ্যাং সম্বধ্যতে||২৪-২৫||-

Adhikarana 21 (26) · Śloka 27

কেষাঞ্চিদেবং শোষো হি কারণৈর্ভেদমাগতঃ ||২৬|| ন তত্র দোষলিঙ্গানাং সমস্তানাং নিপাতনম্ |২৭|

একীযমতমাহ- কেষাঞ্চিদিত্যাদি| কেষাঞ্চিদাচার্যাণাং মতে এবং ব্যবাযাদিভিরনেকৈঃ কারণৈঃ কৃত্বা হি যস্মাত্ শোষো ভেদমাগতঃ; অত এক এব স্বমতে শোষো নেতরে ব্যবাযাদিজাঃ| কুতো ব্যবাযাদিজাঃ শোষা ন ভবন্তীত্যাহ- ন তত্রেত্যাদি| তত্র তেষু ব্যবাযাদিজেষু||২৬||-

Adhikarana 22 (27) · Śloka 27

ক্ষযা এব হি তে জ্ঞেযাঃ প্রত্যেকং ধাতুসঞ্জ্ঞিতাঃ ||২৭||

যদি তে ব্যবাযাদিজাঃ শোষাঃ ন ভবন্তি তর্হি কিন্নামধেযা ভবন্তীত্যাহ- ক্ষযা এবেত্যাদি| তে ব্যবাযাদিজাঃ ক্ষযা এব, কিংবিশিষ্টাঃ? প্রত্যেকং ধাতুসঞ্জ্ঞিতাঃ ধাতুক্ষযসঞ্জ্ঞকা ইত্যর্থঃ| যতঃ শুক্রমারভ্য বিলোমেন ব্যবাযাদিভির্ধাতূনাং যথাপূর্বং সঙ্ক্ষযাত্||২৭||

Adhikarana 23 (28) · Śloka 28

চিকিত্সিতং তু তেষাং হি প্রাগুক্তং ধাতুসঙ্ক্ষযে ||২৮||

তেষাং কিঞ্চিচ্চিকিত্সিতমাহ- চিকিত্সিতং তু তেষামিত্যাদি| ধাতুসঙ্ক্ষযে দোষধাতুমলক্ষযবৃদ্ধিবিজ্ঞানীযাধ্যাযে||২৮||

Adhikarana 24 (29-30) · Śloka 30

শ্বাসাঙ্গসাদকফসংস্রবতালুশোষচ্ছর্দ্যগ্নিসাদমদপীনসপাণ্ডুনিদ্রাঃ | শোষে ভবিষ্যতি ভবন্তি স চাপি জন্তুঃ শুক্লেক্ষণো ভবতি মাংসপরো রিরংসুঃ ||২৯|| স্বপ্নেষু কাকশুকশল্লকিনীলকণ্ঠগৃধ্রাস্তথৈব কপযঃ কৃকলাসকাশ্চ | তং বাহযন্তি স নদীর্বিজলাশ্চ পশ্যেচ্ছুষ্কাংস্তরূন্ পবনধূমদবার্দিতাংশ্চ ||৩০||

ইদানীমেকীযমতং প্রদর্শ্য সম্প্রাপ্ত্যনন্তরং রাজযক্ষ্মণঃ পূর্বরূপাণ্যাহ- শ্বাসাঙ্গসাদকফসংস্রবেত্যাদি| অঙ্গসাদঃ অঙ্গানামনুত্সাহঃ, অগ্নিসাদঃ অগ্নিমান্দ্যম্| মদঃ পূগফলেনেব মত্ততা| মাংসপরো মাংসাভিলাষী| রিরংসুঃ রন্তুমিচ্ছুঃ| শল্লকী গোধানুকারী বজ্রশকলঃ, ‘শল্লক’ ইতি লোকে প্রসিদ্ধঃ, নীলকণ্ঠো মযূরঃ, গৃধ্রঃ আমিষাশী যোজনদৃষ্টিঃ| কপযো বানরাঃ| কৃকলাসঃ কৃকণ্টকঃ ‘গিরগিট’ ইতি পূর্বদেশীযা ভাষন্তে| তং শোষিণং, বাহযন্তি প্রাপযন্তি স শোষী| ননু, সম্প্রাপ্ত্যনন্তরং পূর্বরূপেষু বক্তব্যেষু কথং রূপাণ্যভিধায পূর্বরূপোপাদানং কৃতম্? উচ্যতে- রূপাণ্যব্যক্তানি পূর্বরূপাণ্যস্যেতি প্রতিপাদনার্থম্||২৯-৩০||

Adhikarana 25 (31) · Śloka 31

মহাশনং ক্ষীযমাণমতীসারনিপীডিতম্ | শূনমুষ্কোদরং চৈব যক্ষ্মিণং পরিবর্জযেত্ ||৩১||

বর্জ্যমাহ- মহাশনমিত্যাদি| মুষ্কো বৃষণম্| ‘যক্ষ্মিণম্’ ইত্যত্রান্যে ‘শোষিণম্’ ইতি পঠন্তি||৩১||

Adhikarana 26 (32) · Śloka 32

উপাচরেদাত্মবন্তং দীপ্তাগ্নিমকৃশং নবম্ |৩২|

উপক্রম্যমাহ- উপাচরেদাত্মবন্তমিত্যাদি| আত্মবন্তং জিতেন্দ্রিযম্|৩২|-

Adhikarana 27 (32-33) · Śloka 33

স্থিরাদিবর্গসিদ্ধেন ঘৃতেনাজাবিকেন চ ||৩২|| স্নিগ্ধস্য মৃদু কর্তব্যমূর্ধ্বং চাধশ্চ শোধনম্ | আস্থাপনং তথা কার্যং শিরসশ্চ বিরেচনম্ ||৩৩||

তদেব চিকিত্সিতমাহ- স্থিরাদিবর্গসিদ্ধেনেত্যাদি| স্থিরাদিঃ বিদারিগন্ধাদিঃ| মৃদু যত্ কর্শনং ন ভবতীত্যর্থঃ| আস্থাপনং নিরূহঃ| তথেতি মৃদ্বিত্যর্থঃ| শিরসো বিরেচনং নস্যম্||৩২-৩৩||

Adhikarana 28 (34) · Śloka 34

যবগোধূমশালীংশ্চ রসৈর্ভুঞ্জীত শোধিতঃ |৩৪|

শোধিতস্য পশ্চাত্কর্ম আহ- যবগোধূমেত্যাদি| রসৈঃ জাঙ্গলমাংসরসৈঃ|৩৪|-

Adhikarana 29 (34) · Śloka 34

দৃঢেঽগ্নৌ বৃংহযেচ্চাপি নিবৃত্তোপদ্রবং নরম্ ||৩৪||

বৃংহণবিষযমাহ- দৃঢেঽগ্নাবিত্যাদি| নিবৃত্তোপদ্রবমিতি প্রশান্তস্বরভেদাদিকমিত্যর্থঃ||৩৪||

Adhikarana 30 (35) · Śloka 35

ব্যবাযশোষিণং প্রাযো ভজন্তে বাতজা গদাঃ | বৃংহণীযো বিধিস্তস্মৈ হিতঃ স্নিগ্ধোঽনিলাপহঃ ||৩৫||

ইদানীং ব্যবাযশোষিণো বিশিষ্টং চিকিত্সিতমাহ- ব্যবাযেত্যাদি| ‘ব্যবাযশোষিণম্’ ইত্যাদিবাক্যং কেচিন্নেচ্ছন্তি, ‘ক্রিযাণাং চাবিভাগেন’ ইত্যুক্তস্য ব্যাঘাতাত্||৩৫||

Adhikarana 31 (36-39) · Śloka 39

কাকানুলূকান্নকুলান্ বিডালান্ গণ্ডূপদান্ ব্যালবিলেশযাখূন্ | গৃধ্রাংশ্চ দদ্যাদ্বিবিধৈঃ প্রবাদৈঃ সসৈন্ধবান্ সর্ষপতৈলভৃষ্টান্ ||৩৬|| দেযানি মাংসানি চ জাঙ্গলানি মুদ্গাঢকীসূপরসাশ্চ হৃদ্যাঃ | খরোষ্ট্রনাগাশ্বতরাশ্বজানি দেযানি মাংসানি সুকল্পিতানি ||৩৭|| মাংসোপদংশাংশ্চ পিবেদরিষ্টান্ মার্দ্বীকযুক্তান্ মদিরাশ্চ সেব্যাঃ | অর্কামৃতাক্ষারজলোষিতেভ্যঃ কৃত্বা যবেভ্যো বিবিধাংশ্চ ভক্ষ্যান্ ||৩৮|| খাদেত্, পিবেত্ সর্পিরজাবিকং বা কৃশো যবাগ্বা সহ ভক্তকালে | সর্পির্মধুভ্যাং ত্রিকটু প্রলিহ্যাচ্চব্যাবিডঙ্গোপহিতং ক্ষযার্তঃ ||৩৯||

শোষিণাং যানি মাংসান্যাদেযানি তান্যাহ- কাকানুলূকান্নকুলানিত্যাদি| বিডালা গ্রাম্যাদিভেদেন ষট্প্রকারা মার্জারাঃ; তথা চ- “গ্রাম্যো বন্যস্তোযজাতঃ পক্ষিমার্জারবিজ্জকৌ| সুগন্ধবৃষণশ্চেতি মার্জারাঃ ষট্ প্রকীর্তিতাঃ”- ইতি| ব্যালা ব্যাঘ্রাদযঃ, বিলেশযাঃ শ্বাবিচ্ছল্লকীপ্রভৃতযঃ আখুরত্র বৃক্ষমূষিকঃ| বিবিধৈঃ প্রবাদৈরিতি “কাকাংস্তিত্তিরিশব্দেন মত্স্যশব্দেন চোরগান্| ভৃষ্টমত্স্যান্ত্রশব্দেন দদ্যাদ্গণ্ডূপদানপি” ইত্যাদিভির্নানাপ্রকারৈর্বচনৈঃ| এবং প্রকারেণ দানে কিং প্রযোজনমিতি চেত্? অজুগুপ্সযা ভক্ষণং ভক্ষিতস্য চানুল্লেখনম্| তথা চোক্তং- “জানন্ জুগুপ্সুর্নৈবাদ্যাদ্ভুক্তং বা পুনরুল্লিখেত্| তস্মাচ্ছদ্মোপসিদ্ধানি মাংসান্যেতানি দাপযেত্”- ইতি| জাঙ্গলানি জঙ্ঘালবিষ্কিরপ্রতুদজানি, শেষজাঙ্গলবর্গাণামত্র বিশেষেণাভিধানত্| যদ্যপি জাঙ্গলশব্দেনৈব গৃধ্রাদযোঽপি লব্ধাঃ, তথাঽপ্যত্যন্তবৃংহণত্বাদ্গৃধ্রাদীনাং পৃথগুপাদানম্| মুদ্গাঢকীসূপরসাঃ স্রোতঃশুদ্ধিকত্বাদ্দেযাঃ| নাগো হস্তী, অশ্বতরো বেশরঃ| সুকল্পিতানি বেশবারীকৃতানি নানাপ্রকারপ্রকল্পিতানি | তথা চ বৃদ্ধভোজঃ- “খরোষ্ট্রাশ্বতরং নাগং মাংসং মাংসাভিবৃদ্ধযে| দদ্যান্মাহিষশব্দেন বেসবারীকৃতং ভিষক্”- ইতি| মাংসোপদংশানরিষ্টান্ অভযারিষ্টপ্রভৃতীন্, মার্দ্বীকযুক্তান্ দ্রাক্ষাসবযুক্তান্, মদিরা মদ্যম্| ভক্ষ্যান্নির্দেষ্টুমাহ- অর্কামৃতক্ষারজলোষিতেভ্য ইত্যাদি| অর্কগুডূচীক্ষারপানীযোষিতেভ্যো যবেভ্যো ভক্ষ্যান্ কৃত্বা খাদেদিতি সম্বন্ধঃ| উষিতেভ্যো রাত্রৌ স্থিতেভ্যঃ| অর্কাদিভস্ম চতুর্গুণেন জলেন গালযিত্বা পচেদ্যাবদর্ধাবশিষ্টং ভবতি| তথা চোক্তং- “পানায ভোজনাযাথ ভস্ম স্রাব্যং চতুর্গুণে| জলেঽর্ধমবশিষ্টে(ষ্টং) তু ক্ষারাম্ভো গ্রাহ্যমিষ্যতে”- ইতি| পিবেদিত্যাদি| অজাবিকং বেতি আজং বা আবিকং বেত্যর্থঃ| অজেত্যত্র হ্রস্বত্বং ছন্দোঽনুরোধাত্| ভক্তকালে ভোজনকালে| সর্পির্মধুভ্যামিত্যাদি| উপহিতং সংযুক্তম্||৩৬-৩৯||

Adhikarana 32 (40) · Śloka 40

মাংসাদমাংসেষু ঘৃতং চ সিদ্ধং শোষাপহং ক্ষৌদ্রকণাসমেতম্ |৪০|

মাংসাদমাংসেষ্বিত্যাদি| মাংসাদা গৃধ্রাদযঃ, তন্মাংসরসে চতুর্গুণে সিদ্ধং সর্পিঃ ক্ষৌদ্রপিপ্পলীযুক্তং শোষাপহং ভবতি| ক্ষৌদ্রকণেত্যত্র দন্তিকণেতি কেচিত্ পঠন্তি|৪০|-

Adhikarana 33 (41) · Śloka 41

দ্রাক্ষাসিতামাগধিকাবলেহঃ সক্ষৌদ্রতৈলঃ ক্ষযরোগঘাতী ||৪০|| ঘৃতেন চাজেন সমাক্ষিকেণ তুরঙ্গগন্ধাতিলমাষচূর্ণম্ |৪১|

দ্রাক্ষেত্যাদি| অবলেহোঽযম্|৪১|-

Adhikarana 34 (41) · Śloka 41

সিতাশ্বগন্ধামগধোদ্ভবানাং চূর্ণং ঘৃতক্ষৌদ্রযুতং প্রলিহ্যাত্ ||৪১||

সিতাশ্বগন্ধেত্যাদি| সিতা শর্করা, মগধোদ্ভবা পিপ্পলী||৪১||

Adhikarana 35 (42) · Śloka 42

ক্ষীরং পিবেদ্বাঽপ্যথ বাজিগন্ধাবিপক্বমেবং লভতেঽঙ্গপুষ্টিম্ |৪২|

ক্ষীরমিত্যাদি| বাজিগন্ধাবিপক্বং সামান্যক্ষীরপাকপরিভাষযা| বাজিগন্ধা অশ্বগন্ধা|৪২|-

Adhikarana 36 (42) · Śloka 42

তদুত্থিতং ক্ষীরঘৃতং সিতাঢ্যং প্রাতঃ পিবেদ্বাঽপি পযোনুপানম্ ||৪২||

তদুত্থিতং ক্ষীরঘৃতমিত্যাদি| তদুত্থিতম্ অশ্বগন্ধাবিপক্বক্ষীরোত্থং, ক্ষীরঘৃতং ক্ষীরদ্বিলোডিতাদুদ্ভূতং ঘৃতম্||৪২||

Adhikarana 37 (43) · Śloka 43

উত্সাদনে চাপি তুরঙ্গগন্ধা যোজ্যা যবাশ্চৈব পুনর্নবে চ |৪৩|

উদ্বর্তনমুপচর্যার্থমাহ- উত্সাদনে ইত্যাদি| উত্সাদনম্ উদ্বর্তনম্| তুরঙ্গগন্ধা অশ্বগন্ধা| পুনর্নবে শ্বেতরক্তে দ্বে| ননু, শোষে বৃংহণমুপযুজ্যতে, এতাশ্চ বিলেখনাঃ, ততঃ কথং তদুপযোগঃ? সত্যং, বাহ্যোপযোগেন তেষাং বৃংহণত্বেনোপযোগাত্|৪৩|-

Adhikarana 38 (43) · Śloka 44

কৃত্স্নে বৃষে তত্কুসুমৈশ্চ সিদ্ধং সর্পিঃ পিবেত্ক্ষৌদ্রযুতং হিতাশী ||৪৩|| যক্ষ্মাণমেতত্ প্রবলং চ কাসং শ্বাসং চ হন্যাদপি পাণ্ডুতাং চ |৪৪|

কৃত্স্নে ইত্যাদি| কৃত্স্নে বৃষে ইতি সমূলপত্রশাখাঙ্কুরে| বাসকাঙ্গেভ্যঃ ক্বাথে, তত্কুসুমৈঃ বাসকপুষ্পৈঃ, ‘কল্কীকৃতৈঃ’ ইতি শেষঃ| সিদ্ধং সর্পিরিতি চতুর্গুণক্বাথেন পুষ্পকল্কেনাষ্টমভাগেন চ| তথা চোক্তং,- “শণস্য কোবিদারস্য বৃষস্য চ পৃথক্ পৃথক্| কল্কাঢ্যত্বান্ন শংসন্তি পুষ্পকল্পং চতুষ্পলম্”- ইতি||৪৩||-

Adhikarana 39 (44-45) · Śloka 46

শকৃদ্রসা গোশ্বগজাব্যজানাং ক্বাথা মিতাশ্চাপি তথৈব ভাগৈঃ ||৪৪|| মূর্বাহরিদ্রাখদিরদ্রুমাণাং ক্ষীরস্য ভাগস্ত্বপরো ঘৃতস্য | ভাগান্ দশৈতান্ বিপচেদ্বিধিজ্ঞো দত্ত্বা ত্রিবর্গং মধুরং চ কৃত্স্নম্ ||৪৫|| কটুত্রিকং চৈব সভদ্রদারু ঘৃতোত্তমং যক্ষ্মনিবারণায |৪৬|

শকৃদ্রসা ইত্যাদি| গোশ্বগজাবিচ্ছগলীনাং প্রত্যেকং শকৃদ্রসাঃ, তথৈব মূর্বাহরিদ্রাখদিরদ্রুমাণাং ক্বাথভাগৈর্মিতাঃ স্বল্পা ভাগাঃ, তথা ক্ষীরস্যাপরো নবমো ভাগঃ, ঘৃতস্য দশম ইতি , এতান্ দশভাগান্ ত্রিবর্গাদিকেন কল্কেন বিপচেদিতি সম্বন্ধঃ| মূর্বা চোরস্নাযুঃ| খদিরদ্রুমাণামিতি দ্রুমগ্রহণং মধ্যমবযসঃ খদিরস্য গ্রহণার্থম্| ত্রিবর্গঃ ত্রিফলা| মধুরং চ কৃত্স্নং কাকোল্যাদিকম্; অপরেঽষ্টবর্গমাহুঃ||৪৪-৪৫||-

Adhikarana 40 (46-48) · Śloka 48

দ্বে পঞ্চমূল্যৌ বরুণং করঞ্জং ভল্লাতকং বিল্বপুনর্নবে চ ||৪৬|| যবান্ কুলত্থান্ বদরাণি ভার্গীং পাঠাং হুতাশং সমহীকদম্বম্ | কৃত্বা কষাযং বিপচেদ্ধি তস্য ষড্ভির্হি পাত্রৈর্ঘৃতপাত্রমেকম্ ||৪৭|| ব্যোষং মহাবৃক্ষপযোঽভযাং চ চব্যং সুরাখ্যং লবণোত্তমং চ | এতদ্ধি শোষং জঠরাণি চৈব হন্যাত্ প্রমেহাংশ্চ সহানিলেন ||৪৮||

দ্বে পঞ্চমূল্যাবিত্যাদি| দ্বে পঞ্চমূল্যৌ দশমূলমিত্যর্থঃ| বিল্বস্য পৃথক্পাঠাদত্র ফলং গ্রাহ্যম্| হুতাশঃ চিত্রকঃ, মহীকদম্বো মুণ্ডিতিকা| কৃত্বা কষাযমিতি দশমূলাদীনামষ্টষষ্ট্যধিকানি সপ্তশতপলানি চতুর্গুণেনাম্ভসা নিষ্ক্বাথ্য চতুর্ভাগাবশিষ্টঃ ক্বাথো গ্রাহ্যঃ| তস্য ক্বাথস্য, পাত্রৈঃ আঢকৈঃ| কল্কদ্রব্যাণ্যাহ- ব্যোষমিত্যাদি| ব্যোষং ত্রিকটুকং, মহাবৃক্ষপযঃ সেহুণ্ডক্ষীরং, সুরাখ্যং দেবদারু, লবণোত্তমং সৈন্ধবম্; কেচিত্ ‘লবণোত্তমম্’ ইত্যত্র ‘মগধোদ্ভবাং’ ইতি পঠিত্বা পিপ্পলীমিতি ব্যাখ্যানযন্তি| প্রমেহাংশ্চ সহানিলেনেতি বাতিকানপিপ্রমেহান্ হন্তীত্যর্থঃ; এতচ্চ স্তুতিপরং , বাতিকমেহানামসাধ্যত্বাত্||৪৬-৪৮||

Adhikarana 41 (49) · Śloka 49

গোশ্বাব্যজেভৈণখরোষ্ট্রজাতৈঃ শকৃদ্রসক্ষীররসক্ষতোত্থৈঃ | দ্রাক্ষাশ্বগন্ধামগধাসিতাভিঃ সিদ্ধং ঘৃতং যক্ষ্মবিকারহারি ||৪৯||

গোশ্বাব্যজেভৈণেত্যাদি| গোশ্বাদীনাং শকৃদ্রসক্ষীরমাংসরসরুধিরৈঃ দ্রাক্ষাদীনাং কল্কেন সিদ্ধং ঘৃতং যক্ষ্মবিকারান্ হন্তীতি সম্বন্ধঃ| ইভা হস্তিনী, এণঃ কৃষ্ণসারঃ| ক্ষীরং যথাসম্ভবং গ্রাহ্যং, ন তু সর্বেষাম্||৪৯||

Adhikarana 42 (50-54) · Śloka 54

এলাজমোদামলকাভযাক্ষগাযত্র্যরিষ্টাসনশালসারান্ | বিডঙ্গভল্লাতকচিত্রকোগ্রাকটুত্রিকাম্ভোদসুরাষ্ট্রজাংশ্চ ||৫০|| পক্ত্বা জলে তেন পচেদ্ধি সর্পিস্তস্মিন্ সুসিদ্ধে ত্ববতারিতে চ | ত্রিংশত্পলান্যত্র সিতোপলাযা দত্ত্বা তুগাক্ষীরিপলানি ষট্ চ ||৫১|| প্রস্থে ঘৃতস্য দ্বিগুণং চ দদ্যাত্ ক্ষৌদ্রং ততো মন্থহতং বিদধ্যাত্ | পলং পলং প্রাতরতঃ প্রলিহ্য পশ্চাত্ পিবেত্ ক্ষীরমতন্দ্রিতশ্চ ||৫২|| এতদ্ধি মেধ্যং পরমং পবিত্রং চক্ষুষ্যমাযুষ্যমথো যশস্যম্ | যক্ষ্মাণমাশু ব্যপহন্তি চৈতত্ পাণ্ড্বামযং চৈব ভগন্দরং চ ||৫৩|| শ্বাসং চ হন্তি স্বরভেদকাসহৃত্প্লীহগুল্মগ্রহণীগদাংশ্চ | ন চাত্র কিঞ্চিত্ পরিবর্জনীযং রসাযনং চৈতদুপাস্যমানম্ ||৫৪||

এলাজমোদেত্যাদি| এলাদিকান্ সুরাষ্ট্রজান্তান্ কষাযকল্পেন বিপাচ্য, তেন ক্বাথেন সর্পির্বিপচেদিতি সম্বন্ধঃ| তস্মিন্ ক্বাথে সিদ্ধে পূতে শর্করাযাস্ত্রিংশত্পলানি দদ্যাত্, তুগাক্ষীর্যাশ্চ ষট্পলানি, তথা ঘৃতস্য প্রস্থে দ্বিগুণং দ্বিপ্রস্থমিতং ক্ষৌদ্রং দদ্যাত্| অক্ষং বিভীতকং, গাযত্রী খদিরঃ, অরিষ্টো নিম্বঃ, অসনো বীজকঃ, শালঃ প্রসিদ্ধঃ, সারশব্দঃ খদিরাদিভিঃ সম্বধ্যতে| উগ্রা বচা, অম্ভোদো মুস্তং, সুরাষ্ট্রজা তুবরমৃত্তিকা| তুগাক্ষীরী বংশলোচনম্; অন্যে বংশলোচনানুকারিপার্থিবদ্রব্যমাহুঃ| মন্থহতং খজবিলোডিতম্| অতো অস্মাদ্রসাযনাত্| অতন্দ্রিতঃ অনলসঃ| মেধ্যং মেধাজনকম্||৫০-৫৪||

Adhikarana 43 (55) · Śloka 55

প্লীহোদরোক্তং বিহিতং চ সর্পিস্ত্রীণ্যেব চান্যানি হিতানি চাত্র |৫৫|

অত্র রসাযনেঽপরাণ্যপি ঘৃতান্যতিদেশেনাহ- প্লীহোদরোক্তং বিহিতমিত্যাদি| প্লীহোদরোক্তং ষট্পলকং, ত্রীণ্যেব চান্যানি উদরোক্তান্যেব; তদ্যথা- একং ‘হরীতকীচূর্ণপ্রস্থং’ ইত্যাদিকং, দ্বিতীযং ‘গব্যে পযসি মহাবৃক্ষক্ষীরম্’ ইত্যাদি, তৃতীযং ‘চব্যচিত্রকদন্ত্যতিবিষা’ ইত্যাদিকম্| অত্র শোষে| এতানি স্রোতোবরোধশান্ত্যর্থং রেচনত্বেন হিতানি|৫৫|-

Adhikarana 44 (55) · Śloka 55

উপদ্রবাংশ্চ স্বরবৈকৃতাদীন্ জযেদ্যথাস্বং প্রসমীক্ষ্য শাস্ত্রম্ ||৫৫||

স্বরভেদাদীনাং চিকিত্সিতমতিদেশেনাহ- উপদ্রবাংশ্চ স্বরবৈকৃতাদীনিত্যাদি| যথাস্বং যস্য যদাত্মীযং স্বরভেদাদিশাস্ত্রং, তত্ প্রসমীক্ষ্যেত্যর্থঃ||৫৫||

Adhikarana 45 (56) · Śloka 56

অজাশকৃন্মূত্রপযোঘৃতাসৃঙ্মাংসালযানি প্রতিসেবমানঃ | স্নানাদিনানাবিধিনা জহাতি মাসাদশেষং নিযমেন শোষম্ ||৫৬||

ইদানীমজাযাঃ সর্বপ্রকারেণোপযোগমাহ- অজাশকৃন্মূত্রেত্যাদি| অজাশকৃদাদিকং যথাসম্ভবং স্নানাদিবিধিনা পুরুষঃ সেবমানোঽশেষং শোষং মাসাজ্জহাতীতি সম্বন্ধঃ| অজাশব্দঃ শকৃদাদিভিরালযান্তৈঃ প্রত্যেকং সম্বধ্যতে| আলযং গৃহম্, অজানামেব||৫৬||

Adhikarana 46 (57) · Śloka 57

রসোনযোগং বিধিবত্ ক্ষযার্তঃ ক্ষীরেণ বা নাগবলাপ্রযোগম্ | সেবেত বা মাগধিকাবিধানং তথোপযোগং জতুনোঽশ্মজস্য ||৫৭||

রসোনযোগমিত্যাদি| বিধিবত্ যথাশাস্ত্রম্| ক্ষীরেণেতি নাগবলাপ্রযোগমাগধিকাবিধানাভ্যাং সম্বধ্যতে| তথেতি ক্ষীরেণেত্যর্থঃ| জতুনঃ অশ্মজস্য শিলাজতুনঃ||৫৭||

Adhikarana 47 (58) · Śloka 58

শোকং স্ত্রিযং ক্রোধমসূযনং চ ত্যজে... |৫৮|

ইদানীং পরিহার্যমাহ- শোকং স্ত্রিযমিত্যাদি| ক্রোধঃ পরাভিদ্রোহলক্ষণঃ; অসূযনং পরগুণেষু দোষারোপণম্|৫৮|-

Adhikarana 48 (58) · Śloka 58

...দুদারান্ বিষযান্ ভজেত | বৈদ্যান্ দ্বিজাতীংস্ত্রিদশান্ গুরূংশ্চ বাচশ্চ পুণ্যাঃ শৃণুযাদ্দ্বিজেভ্যঃ ||৫৮||

ইদানীং দৈবব্যপাশ্রযাং চিকিত্সামাহ- উদারানিত্যাদি| উদারা বিষযা ধর্মাবিরুদ্ধা মনোনুকূলাশ্চ শব্দাদযঃ| ভজেত সেবেত| দ্বিজাতীন্ বিপ্রান্, ত্রিদশান্ দেবান্, গুরূন্ পিতৃমাতৃপ্রভৃতীন্| পুণ্যা বাচো বেদোক্তা রুদ্রস্তুতিপ্রভৃতযঃ||৫৮||

Adhikarana puShpikA · Śloka 41

ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে (তৃতীযোঽধ্যাযঃ, আদিত) একচত্বারিংশোঽধ্যাযঃ ||৪১||

ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কাযচিকিত্সাতন্ত্রে শোষপ্রতিষেধনামৈকচত্বারিংশত্তমোঽধ্যাযঃ||৪১||