Adhikarana 1 (1-3) · Śloka 3
অথাতঃ শ্বাসপ্রতিষেধং ব্যাখ্যাস্যামঃ ||১||
যথোবাচ ভগবান্ ধন্বন্তরিঃ ||২||
যৈরেব কারণৈর্হিক্কা বহুভিঃ সম্প্রবর্ততে |
তৈরেব কারণৈঃ শ্বাসো ঘোরো ভবতি দেহিনাম্ ||৩||
View original
अथातः श्वासप्रतिषेधं व्याख्यास्यामः ||१||
यथोवाच भगवान् धन्वन्तरिः ||२||
यैरेव कारणैर्हिक्का बहुभिः सम्प्रवर्तते |
तैरेव कारणैः श्वासो घोरो भवति देहिनाम् ||३||
হিক্কাপ্রতিষেধানন্তরং তুল্যহেত্বাদিসাম্যাত্ শ্বাসপ্রতিষেধারম্ভঃ; অত এব বেগবদূর্ধ্বাগতবাতযোগিত্বসাধর্ম্যাত্ হিক্কাশ্বাসচিকিত্সিতমেকমেবোক্তং চরকে| শ্বাসনিদানমাহ- যৈরেবেত্যাদি| যৈরেবেতি বিদাহ্যাদিভিঃ| কারণৈঃ হেতুভিঃ| বহুভিঃ অনেকৈঃ, বহুভিরিতি কথনং শ্বাসস্য বহুপ্রকারত্বসূচনার্থম্| হিক্কা সম্প্রবর্ততে জাযতে, তৈরেব কারণৈঃ শ্বাসো দেহিনাং প্রাণিনং ভবতি| কিংবিশিষ্টঃ? ঘোরঃ| কার্তিককুণ্ডস্তু অমুং পাঠমযুক্তং বদতি, হিক্কাপ্রতিষেধ এব হিক্কাশ্বাসযোস্তুল্যহেতুত্বপ্রতিপাদিতত্বাত্; মযা পুনঃ শ্রীজেজ্জটপঠিতত্বাত্ পঠিতঃ||১-৩||
Adhikarana 2 (4) · Śloka 4
বিহায প্রকৃতিং বাযুঃ প্রাণোঽথ কফসংযুতঃ |
শ্বাসযত্যূর্ধ্বগো ভূত্বা তং শ্বাসং পরিচক্ষতে ||৪||
View original
विहाय प्रकृतिं वायुः प्राणोऽथ कफसंयुतः |
श्वासयत्यूर्ध्वगो भूत्वा तं श्वासं परिचक्षते ||४||
ইদানীং শ্বাসসম্প্রাপ্তিমাহ- বিহাযেত্যাদি| প্রাণো বাযুঃ, প্রকৃতিং বিহায বিগুণো ভূত্বেত্যর্থঃ, ঊর্ধ্বগো ভূত্বা তথা কফসংযুতঃ সন্ যদা শ্বাসযতি তং বুধাঃ শ্বাসং পরিচক্ষতে কথযন্তি| প্রাণো বাযুঃ কফসংযুত ইত্যুক্তেঽপি তত্রান্যেঽপি দোষাঃ সমুচ্চীযন্তে; যদুক্তং তন্ত্রান্তরে- “ক্ষুদ্রকো বাতিকঃ শ্লেষ্মভূযিষ্ঠস্তমকঃ স্মৃতঃ| ছিন্নঃ পিত্তপ্রধানঃ স্যাদন্যৌ মারুতকোপজৌ”- ইতি||৪||
Adhikarana 3 (5) · Śloka 5
ক্ষুদ্রকস্তমকশ্ছিন্নো মহানূর্ধ্বশ্চ পঞ্চধা |
ভিদ্যতে স মহাব্যাধিঃ শ্বাস একো বিশেষতঃ ||৫||
View original
क्षुद्रकस्तमकश्छिन्नो महानूर्ध्वश्च पञ्चधा |
भिद्यते स महाव्याधिः श्वास एको विशेषतः ||५||
শ্বাসভেদানাহ- ক্ষুদ্রক ইত্যাদি| স শ্বাস একোঽপি ক্ষুদ্রকাদিভেদাত্ পঞ্চধা ভিদ্যতে| সঙ্খ্যেযনির্দেশাদেব পঞ্চপ্রকারত্বে সিদ্ধে পঞ্চবচনং তমকভেদস্য প্রতমকস্য পৃথক্সঙ্খ্যানিষেধার্থম্||৫||
Adhikarana 4 (6) · Śloka 6
প্রাগ্রূপং তস্য হৃত্পীডা ভক্তদ্বেষোঽরতিঃ পরা |
আনাহঃ পার্শ্বযোঃ শূলং বৈরস্যং বদনস্য চ ||৬||
View original
प्राग्रूपं तस्य हृत्पीडा भक्तद्वेषोऽरतिः परा |
आनाहः पार्श्वयोः शूलं वैरस्यं वदनस्य च ||६||
পূর্বরূপমাহ- প্রাগ্রূপং তস্যেত্যাদি| তস্য শ্বাসস্য হৃত্পীডাদিকং প্রাগ্রূপং ভবতি||৬||
Adhikarana 5 (7) · Śloka 7
কিঞ্চিদারভমাণস্য যস্য শ্বাসঃ প্রবর্ততে |
নিষণ্ণস্যৈতি শান্তিং চ স ক্ষুদ্র ইতি সঞ্জ্ঞিতঃ ||৭||
View original
किञ्चिदारभमाणस्य यस्य श्वासः प्रवर्तते |
निषण्णस्यैति शान्तिं च स क्षुद्र इति सञ्ज्ञितः ||७||
ক্ষুদ্রশ্বাসং লক্ষযতি- কিঞ্চিদারভমাণস্যেত্যাদি| যস্য কিঞ্চিত্ কর্ম আরভমাণস্য পুরুষস্য যঃ শ্বাসঃ প্রবর্ততে নিষণ্ণস্য চ শান্তিমেতি স ক্ষুদ্রঃ শ্বাস ইতি সঞ্জ্ঞিতঃ||৭||
Adhikarana 6 (8-10) · Śloka 10
তৃট্স্বেদবমথুপ্রাযঃ কণ্ঠঘুর্ঘুরিকান্বিতঃ |
বিশেষাদ্দুর্দিনে তাম্যেচ্ছ্বাসঃ স তমকো মতঃ ||৮||
ঘোষেণ মহতাঽঽবিষ্টঃ সকাসঃ সকফো নরঃ |
যঃ শ্বসিত্যবলোঽন্নদ্বিট্ সুপ্তস্তমকপীডিতঃ ||৯||
স শাম্যতি কফে হীনে স্বপতশ্চ বিবর্ধতে |
মূর্চ্ছাজ্বরাভিভূতস্য জ্ঞেযঃ প্রতমকস্তু সঃ ||১০||
View original
तृट्स्वेदवमथुप्रायः कण्ठघुर्घुरिकान्वितः |
विशेषाद्दुर्दिने ताम्येच्छ्वासः स तमको मतः ||८||
घोषेण महताऽऽविष्टः सकासः सकफो नरः |
यः श्वसित्यबलोऽन्नद्विट् सुप्तस्तमकपीडितः ||९||
स शाम्यति कफे हीने स्वपतश्च विवर्धते |
मूर्च्छाज्वराभिभूतस्य ज्ञेयः प्रतमकस्तु सः ||१०||
তমকলক্ষণমাহ- তৃট্স্বেদেত্যাদি| সঃ তমকঃ শ্বাসো মতঃ| কিংবিশিষ্টঃ? তৃট্স্বেদবমথুপ্রাযঃ| তৃট্ তৃষ্ণা, স্বেদঃ প্রস্বেদঃ, বমথুঃ থূত্কৃতিঃ, কণ্ঠে ঘুর্ঘুরিকযা অন্বিতো যুক্তঃ| প্রতমকলক্ষণমাহ- মূর্চ্ছেত্যাদি||৮-১০||
Adhikarana 7 (11) · Śloka 11
আধ্মাতো দহ্যমানেন বস্তিনা সরুজং নরঃ |
সর্বপ্রাণেন বিচ্ছিন্নং শ্বস্যাচ্ছিন্নং তমাদিশেত্ ||১১||
View original
आध्मातो दह्यमानेन बस्तिना सरुजं नरः |
सर्वप्राणेन विच्छिन्नं श्वस्याच्छिन्नं तमादिशेत् ||११||
ছিন্নলক্ষণমাহ- আধ্মাতো দহ্যমানেনেত্যাদি||১১||
Adhikarana 8 (12) · Śloka 12
নিঃসঞ্জ্ঞঃ পার্শ্বশূলার্তঃ শুষ্ককণ্ঠোঽতিঘোষবান্ |
সংরব্ধনেত্রস্ত্বাযম্য যঃ শ্বস্যাত্ স মহান্ স্মৃতঃ ||১২||
View original
निःसञ्ज्ञः पार्श्वशूलार्तः शुष्ककण्ठोऽतिघोषवान् |
संरब्धनेत्रस्त्वायम्य यः श्वस्यात् स महान् स्मृतः ||१२||
মহাশ্বাসলক্ষণমাহ- নিঃসঞ্জ্ঞ ইত্যাদি| নিঃসঞ্জ্ঞঃ চেতনারহিতঃ, সংরব্ধনেত্রঃ সশোথলোচনঃ, আযম্য দ্বিধীভূযেব, শ্বস্যাত্ শ্বাসং কুর্যাত্, স মহান্ মহাশ্বাসঃ| অত্র আশ্রযাশ্রযিণোরভেদাত্ মহাশ্বাস এব ‘মহান্’ শব্দেনোচ্যতে; এবং সর্বত্র||১২||
Adhikarana 9 (13) · Śloka 13
মর্মস্বাযম্যমানেষু শ্বসন্মূঢো মুহুশ্চ যঃ |
ঊর্ধ্বপ্রেক্ষী হতরবস্তমূর্ধ্বশ্বাসমাদিশেত্ ||১৩||
View original
मर्मस्वायम्यमानेषु श्वसन्मूढो मुहुश्च यः |
ऊर्ध्वप्रेक्षी हतरवस्तमूर्ध्वश्वासमादिशेत् ||१३||
ঊর্ধ্বশ্বাসলক্ষণমাহ- মর্মস্বিত্যাদি| মর্মসু হৃদ্বস্তিশিরঃসু| আযম্যমানেষু আকৃষ্যমাণেষু| মূঢো নিশ্চেষ্টঃ| মুহুঃ অনবরতম্| ঊর্ধ্বপ্রেক্ষী ঊর্ধ্বপ্রেক্ষণশীলঃ| হতরবো হতস্বনঃ||১৩||
Adhikarana 10 (14) · Śloka 14
ক্ষুদ্রঃ সাধ্যতমস্তেষাং তমকঃ কৃচ্ছ্র উচ্যতে |
ত্রযঃ শ্বাসা ন সিধ্যন্তি তমকো দুর্বলস্য চ ||১৪||
View original
क्षुद्रः साध्यतमस्तेषां तमकः कृच्छ्र उच्यते |
त्रयः श्वासा न सिध्यन्ति तमको दुर्बलस्य च ||१४||
ইদানীং শ্বাসানাং সাধ্যাসাধ্যত্বমাহ- ক্ষুদ্র ইত্যাদি| কৃচ্ছ্রঃ কৃচ্ছ্রসাধ্যঃ| ত্রযঃ শ্বাসাঃ ছিন্নশ্বাসমহাশ্বাসোর্ধ্বশ্বাসাঃ| তমকো দুর্বলস্য চেতি দুর্বলস্য পুংসস্তমকশ্বাসো ন সিধ্যতীত্যর্থঃ; চকারাত্ তন্ত্রান্তরোক্তং ‘জ্বরমূর্চ্ছাদিযুক্তস্য’ ইত্যপি লভ্যতে||১৪||
Adhikarana 11 (15) · Śloka 15
স্নেহবস্তিং বিনা কেচিদূর্ধ্বং চাধশ্চ শোধনম্ |
মৃদু প্রাণবতাং শ্রেষ্ঠং শ্বাসিনামাদিশন্তি হি ||১৫||
View original
स्नेहबस्तिं विना केचिदूर्ध्वं चाधश्च शोधनम् |
मृदु प्राणवतां श्रेष्ठं श्वासिनामादिशन्ति हि ||१५||
ইদানীং চিকিত্সামাহ- স্নেহবস্তিং বিনেত্যাদি| যদ্যপি শ্বাসে স্নেহবস্তিঃ প্রাঙ্নিষিদ্ধঃ, তথাঽপ্যত্র পুনর্নিষেধকরণং শ্বাসেঽবস্থাবশেনাপি তস্যাপ্রযোগার্থম্| বিনা ঋতে| ঊর্ধ্বং শোধনং বমনম্, অধঃ শোধনং বিরেকঃ; মৃদু অপীডাকরম্, এতদ্বমনবিরেকযোর্বিশেষণম্| প্রাণবতাং বলবতাম্| আদিশন্তি কথযন্তি| পরমতমপ্রতিষিদ্ধমনুমতমেব||১৫||
Adhikarana 12 (16) · Śloka 16
শ্বাসে কাসে চ হিক্কাযাং হৃদ্রোগে চাপি পূজিতম্ |
ঘৃতং পুরাণং সংসিদ্ধমভযাবিডরামঠৈঃ ||১৬||
View original
श्वासे कासे च हिक्कायां हृद्रोगे चापि पूजितम् |
घृतं पुराणं संसिद्धमभयाविडरामठैः ||१६||
শ্বাসে নিত্যোপযোগিকং ঘৃতমাহ- শ্বাসে ইত্যাদি| অভযাদিভিঃ সংসিদ্ধং পুরাণং ঘৃতং শ্বাসাদিষু পূজিতমিতি সম্বন্ধঃ| পুরাণং দশবর্ষস্থিতম্| রামঠং হিঙ্গু||১৬||
Adhikarana 13 (17) · Śloka 18
সৌবর্চলাভযাবিল্বৈঃ সংস্কৃতং বাঽনবং ঘৃতম্ |
পিপ্পল্যাদিপ্রতীবাপং সিদ্ধং বা প্রথমে গণে ||১৭||
সপঞ্চলবণং সর্পিঃ শ্বাসকাসৌ ব্যপোহতি |১৮|
View original
सौवर्चलाभयाबिल्वैः संस्कृतं वाऽनवं घृतम् |
पिप्पल्यादिप्रतीवापं सिद्धं वा प्रथमे गणे ||१७||
सपञ्चलवणं सर्पिः श्वासकासौ व्यपोहति |१८|
সৌবর্চলাভযাবিল্বৈরিত্যাদি| সৌবর্চলাদিভিঃ সিদ্ধমনবং পুরাণং ঘৃতং শ্বাসাদিষু সংযোজ্যমিতি সম্বন্ধঃ| পিপ্পল্যাদিপ্রতীবাপমিত্যাদি|- পিপ্পল্যাদিপ্রতীবাপং পিপ্পল্যাদিকল্কে সিদ্ধম্| প্রথমো গণো বিদারিগন্ধাদিঃ, তস্য ক্বাথেন সিদ্ধম্| সপঞ্চলবণমিতি সিদ্ধং সত্ পঞ্চলবণপ্রক্ষেপং পাতব্যমিত্যর্থঃ| বিকল্পাভিধানং পূর্বযোগাপেক্ষযা| কেচিত্ পঞ্চলবণেন সহ সিদ্ধমিতি মন্যন্তে; তন্নেচ্ছন্তি নিবন্ধকারাঃ, সমানতন্ত্রবিরোধাত্||১৭||-
Adhikarana 14 (18-20) · Śloka 21
হিংস্রাবিডঙ্গপূতীকত্রিফলাব্যোষচিত্রকৈঃ ||১৮||
দ্বিক্ষীরং সাধিতং সর্পিশ্চতুর্গুণজলাপ্লুতম্ |
কোলমাত্রৈঃ পিবেত্তদ্ধি শ্বাসকাসৌ ব্যপোহতি ||১৯||
অর্শাংস্যরোচকং গুল্মং শকৃদ্ভেদং ক্ষযং তথা |
কৃত্স্নে বৃষকষাযে বা পচেত্ সর্পিশ্চতুর্গুণে ||২০||
তন্মূলকুসুমাবাপং শীতং ক্ষৌদ্রেণ যোজযেত্ |২১|
View original
हिंस्राविडङ्गपूतीकत्रिफलाव्योषचित्रकैः ||१८||
द्विक्षीरं साधितं सर्पिश्चतुर्गुणजलाप्लुतम् |
कोलमात्रैः पिबेत्तद्धि श्वासकासौ व्यपोहति ||१९||
अर्शांस्यरोचकं गुल्मं शकृद्भेदं क्षयं तथा |
कृत्स्ने वृषकषाये वा पचेत् सर्पिश्चतुर्गुणे ||२०||
तन्मूलकुसुमावापं शीतं क्षौद्रेण योजयेत् |२१|
হিংস্রাবিডঙ্গেত্যাদি| হিংস্রা বৃহদহিংস্রা, পূতীকঃ চিরবিল্বঃ| দ্বিক্ষীরং দ্বিগুণক্ষীরম্| সর্পিঃ প্রস্থপ্রমাণম্| কোলমাত্রৈঃ অর্ধকর্ষপ্রমাণৈঃ; অন্যে কল্কস্যাল্পীযস্ত্বাত্ কোলশব্দেন কর্ষমিচ্ছন্তি| কেচিদস্যাগ্রে ‘কৃত্স্নে বৃষকষাযে বা পচেত্’ ইত্যাদি পঠন্তি; তন্নেচ্ছতি শ্রীজেজ্জটঃ, ‘বাসাঘৃতং ষট্পলং চ ঘৃতং চাত্র হিতং ভবেত্’ ইতি বক্ষ্যমাণবচনেন বাসাঘৃতস্য কথনাত্||১৮-২০||-
Adhikarana 15 (21-22) · Śloka 23
শৃঙ্গীমধূলিকাভার্গীশুণ্ঠীতার্ক্ষ্যসিতাম্বুদৈঃ ||২১||
সহরিদ্রৈঃ সযষ্ট্যাহ্বৈঃ সমৈরাবাপ্য যোগতঃ |
ঘৃতপ্রস্থং পচেদ্ধীমান্ শীততোযে চতুর্গুণে ||২২||
শ্বাসং কাসং তথা হিক্কাং সর্পিরেতন্নিযচ্ছতি |২৩|
View original
शृङ्गीमधूलिकाभार्गीशुण्ठीतार्क्ष्यसिताम्बुदैः ||२१||
सहरिद्रैः सयष्ट्याह्वैः समैरावाप्य योगतः |
घृतप्रस्थं पचेद्धीमान् शीततोये चतुर्गुणे ||२२||
श्वासं कासं तथा हिक्कां सर्पिरेतन्नियच्छति |२३|
শৃঙ্গীত্যাদি| শৃঙ্গী কর্কটশৃঙ্গী| মধূলিকা তৃণজাতিঃ ‘মর্কট’ ইতি লোকে| তার্ক্ষ্যং রসাঞ্জনম্| অম্বুদো মুস্তা| আবাপ্য প্রক্ষিপ্য| যোগতঃ যুক্তিতঃ, যাবত্প্রমাণেন কল্কেন উত্কটগন্ধাদিকং ন স্যাত্তাবত্প্রমাণঃ কল্কো দেযো ন তু স্নেহচতুর্থাংশেন, যোগত ইত্যভিধানমন্তরেণৈব তথা সিদ্ধেঃ| যদ্যপি স্নেহাচ্চতুর্গুণো দ্রব ইতি সামান্যপরিভাষাবশাদেব জলচাতুর্গুণ্যং সিদ্ধং, তথাঽপি চতুর্গুণে ইতি করণং সাহচর্যাদ্বক্ষ্যমাণসুবহাদিযোগোক্তজলদ্বৈগুণ্যমত্রাপি মা ভূদিতি দর্শনার্থম্| নিযচ্ছতি নিবারযতি||২১-২২||-
Adhikarana 16 (23-24) · Śloka 25
সুবহা কালিকা ভার্গী শুকাখ্যা নৈচুলং ফলম্ ||২৩||
কাকাদনী শৃঙ্গবেরং বর্ষাভূর্বৃহতীদ্বযম্ |
কোলমাত্রৈর্ঘৃতপ্রস্থং পচেদেভির্জলদ্বিকম্ ||২৪||
কটূষ্ণং পীতমেতদ্ধি শ্বাসামযবিনাশনম্ |২৫|
View original
सुवहा कालिका भार्गी शुकाख्या नैचुलं फलम् ||२३||
काकादनी शृङ्गवेरं वर्षाभूर्बृहतीद्वयम् |
कोलमात्रैर्घृतप्रस्थं पचेदेभिर्जलद्विकम् ||२४||
कटूष्णं पीतमेतद्धि श्वासामयविनाशनम् |२५|
সুবহা কালিকা ভার্গীত্যাদি| সুবহা গোধাপদী, কালিকা কালেযকং, শুকাখ্যা চর্মকারবটঃ, শুকশিম্বামপরে, নৈচুলং ফলং জলবেতসফলং, কাকাদনী বাযসতিন্দুকঃ, বর্ষাভূঃ শ্বেতপুনর্নবা, বৃহতীদ্বযং স্থূলফলা চণকফলা চ, কোলমাত্রৈঃ অর্ধকর্ষপ্রমাণৈঃ সুবহাদিভিরিত্যর্থঃ; অন্যে কর্ষপ্রমাণৈরিতি মন্যন্তে; তন্ন, সমানতন্ত্রবিরোধাত্| জলদ্বিকং দ্বিগুণজলমিত্যর্থঃ||২৩-২৪||-
Adhikarana 17 (25-26) · Śloka 26
সৌবর্চলযবক্ষারকটুকাব্যোষচিত্রকৈঃ ||২৫||
বচাভযাবিডঙ্গৈশ্চ সাধিতং শ্বাসশান্তযে |
গোপবল্ল্যুদকে সিদ্ধং স্যাদন্যদ্দ্বিগুণে ঘৃতম্ ||২৬||
View original
सौवर्चलयवक्षारकटुकाव्योषचित्रकैः ||२५||
वचाभयाविडङ्गैश्च साधितं श्वासशान्तये |
गोपवल्ल्युदके सिद्धं स्यादन्यद्द्विगुणे घृतम् ||२६||
সৌবর্চলযবক্ষারেত্যাদি| ব্যোষং ত্রিকটুকম্| সৌবর্চলাদীনাং বিডঙ্গান্তানাং কল্কেন দ্রবেণ বা অনুক্তেনাপি জলেন সাধিতং ঘৃতং পীতং সত্ শ্বাসশান্তযে ভবতীতি যোজ্যম্| গোপবল্ল্যুদকে সিদ্ধমিত্যাদি| গোপবল্ল্যুদকে সারিবাক্বাথে| অন্যদিতি ঘৃতবিশেষণম্| দ্বিগুণে ঘৃতদ্বিগুণে গোপবল্লীক্বাথে||২৫-২৬||
Adhikarana 18 (27) · Śloka 27
পঞ্চৈতানি হবীংষ্যাহুর্ভিষজঃ শ্বাসকাসযোঃ |২৭|
View original
पञ्चैतानि हवींष्याहुर्भिषजः श्वासकासयोः |२७|
ইদানীং হিংস্রাদিপঞ্চঘৃতানামত্যর্থং শ্বাসহিততমত্বপ্রতিপাদনার্থমুপসংহারমাহ- পঞ্চৈতানি হবীংষ্যাহুরিত্যাদি| পঞ্চৈতানীতি হিংস্রাদিশৃঙ্গ্যাদিসুবহাদিসৌবর্চলাদিগোপবল্ল্যাদীনি|২৭|-
Adhikarana 19 (27-29) · Śloka 29
তালীশতামলক্যুগ্রাজীবন্তীকুষ্ঠসৈন্ধবৈঃ ||২৭||
বিল্বপুষ্করভূতীকসৌবর্চলকণাগ্নিভিঃ |
পথ্যাতেজোবতীযুক্তৈঃ সর্পির্জলচতুর্গুণম্ ||২৮||
হিঙ্গুপাদযুতং সিদ্ধং সর্বশ্বাসহরং পরম্ |
বাসাঘৃতং ষট্পলং বা ঘৃতং চাত্র হিতং ভবেত্ ||২৯||
View original
तालीशतामलक्युग्राजीवन्तीकुष्ठसैन्धवैः ||२७||
बिल्वपुष्करभूतीकसौवर्चलकणाग्निभिः |
पथ्यातेजोवतीयुक्तैः सर्पिर्जलचतुर्गुणम् ||२८||
हिङ्गुपादयुतं सिद्धं सर्वश्वासहरं परम् |
वासाघृतं षट्पलं वा घृतं चात्र हितं भवेत् ||२९||
তালীশতামলকীত্যাদি| তামলকী দলফলিকা, উগ্রা বচা, জীবন্তী পটোলসমানপত্রা কন্দবতী পশ্চিমদেশে প্রসিদ্ধা, লাটদেশে স্থূলবল্লী বিলক্ষণৈব, পুষ্করং পুষ্করমূলং, ভূতীকং রোহিষং, কণা পিপ্পলী, অগ্নিঃ চিত্রকঃ, তেজোবতী কাকমর্দনিকা| হিঙ্গুপাদযুতমিতি একদ্রব্যচতুর্থাংশেন হিঙ্গ্বিত্যর্থঃ| কেচিদমুং পাঠমন্যথা পঠন্তি, স চাভাবান্ন লিখিতঃ| বাসাঘৃতং ষট্পলং চেত্যাদি বাসাঘৃতং ‘কৃত্স্নে বৃষে তত্কুসুমৈঃ’ ইত্যাদিনা রক্তপিত্তোক্তং, পিত্তপ্রধানে শ্বাসে হিতং; ষট্পলং বাতব্যাধ্যুক্তং, তচ্চ বাতপ্রধানে শ্বাসে||২৭-২৯||
Adhikarana 20 (30) · Śloka 30
তৈলং দশগুণে সিদ্ধং ভৃঙ্গরাজরসে শুভে |
সেব্যমানং যথান্যাযং শ্বাসকাসৌ ব্যপোহতি ||৩০||
View original
तैलं दशगुणे सिद्धं भृङ्गराजरसे शुभे |
सेव्यमानं यथान्यायं श्वासकासौ व्यपोहति ||३०||
পিত্তবাতপ্রধানযোঃ শ্বাসযোঃ স্নেহমভিধাযেদানীং কফপ্রধানে স্নেহমাহ- তৈলমিত্যাদি| যথান্যাযং যো যো যথা ন্যায্যস্তথা; এতেন যথাযোগ্যতযা বিচারণাত্স্নেহমচ্ছপানং বা যোজ্যমিত্যুক্তম্| অন্যে যথান্যাযং যথাব্যাধীত্যাহুঃ| ব্যপোহতি নাশযতি||৩০||
Adhikarana 21 (31) · Śloka 32
ফলাম্লা বিষ্কিররসাঃ স্নিগ্ধাঃ প্রব্যক্তসৈন্ধবাঃ |
এণাদীনাং শিরোভির্বা কৌলত্থা বা সুসংস্কৃতাঃ ||৩১||
হন্যুঃ শ্বাসং চ কাসং চ সংস্কৃতানি পযাংসি চ |৩২|
View original
फलाम्ला विष्किररसाः स्निग्धाः प्रव्यक्तसैन्धवाः |
एणादीनां शिरोभिर्वा कौलत्था वा सुसंस्कृताः ||३१||
हन्युः श्वासं च कासं च संस्कृतानि पयांसि च |३२|
ফলাম্লা বিষ্কিররসা ইত্যাদি| ফলাম্লা দাডিমবীজপূরাদিনা অম্লীকৃতাঃ| বিষ্কিররসা লাবাদিমাংসরসাঃ| প্রব্যক্তসৈন্ধবা উত্কটসৈন্ধবাঃ| এণাদীনাং শিরোভির্বেতি কৃষ্ণহরিণাদিমস্তকৈর্বা কৃতা মাংসরসা বাতহরা ইত্যর্থঃ| আদিশব্দাত্ গৌরহরিণাদযঃ| কৌলত্থা বা সুসংস্কৃতাঃ কুলত্থসংস্কৃতা যূষাঃ| সংস্কৃতানি পযাংসি ‘বাতহরৈঃ পঞ্চমূলপ্রভৃতিভিঃ’ ইতি শেষঃ||৩১||-
Adhikarana 22 (32-35) · Śloka 35
তিমিরস্য চ বীজানি কর্কটাখ্যা চ চূর্ণিতা ||৩২||
দুরালভাঽথ পিপ্পল্যঃ কটুকাখ্যা হরীতকী |
শ্বাবিন্মযূররোমাণি কোলা মাগধিকাকণাঃ ||৩৩||
ভার্গীত্বক্ শৃঙ্গবেরং চ শর্করা শল্লকাঙ্গজম্ |
নৃত্তকৌণ্ডকবীজানি চূর্ণিতানি তু কেবলম্ ||৩৪||
পঞ্চ শ্লোকার্ধিকাস্ত্বেতে লেহা যে সম্যগীরিতাঃ |
সর্পির্মধুভ্যাং তে লেহ্যাঃ কাসশ্বাসার্দিতৈর্নরৈঃ ||৩৫||
View original
तिमिरस्य च बीजानि कर्कटाख्या च चूर्णिता ||३२||
दुरालभाऽथ पिप्पल्यः कटुकाख्या हरीतकी |
श्वाविन्मयूररोमाणि कोला मागधिकाकणाः ||३३||
भार्गीत्वक् शृङ्गवेरं च शर्करा शल्लकाङ्गजम् |
नृत्तकौण्डकबीजानि चूर्णितानि तु केवलम् ||३४||
पञ्च श्लोकार्धिकास्त्वेते लेहा ये सम्यगीरिताः |
सर्पिर्मधुभ्यां ते लेह्याः कासश्वासार्दितैर्नरैः ||३५||
তিমিরস্যেত্যাদি|তিমিরো নখরাগিপত্রঃ ‘তিবরিযা’ ইতি প্রসিদ্ধঃ, কর্কটাখ্যঃ কর্কটশৃঙ্গীঃ, কেচিত্ ‘কর্কটাখ্যা’ ইত্যত্র ‘কর্কটাখ্যশ্চ’ ইতি পঠন্তি, তত্র কর্কটাখ্যঃ তৃণজাতিঃ| শ্বাবিত্ সেঢিকা, তস্যাঃ সূচয এব রোমাণি| কোলা চব্যম্| মাগধিকাকণা পিপ্পলীতণ্ডুলাঃ| শল্লকাঙ্গজং শল্লকশকলং; অন্যে ‘শল্লকা গজং’ ইতি পঠন্তি, তত্র শল্লকা শল্লকী, গজং নাগকেশরম্| নৃত্তকৌণ্ডকো মর্কটকঃ; কেচিত্ ‘নৃত্তকৌণ্ডকবীজানি’ ইত্যত্র ‘নীচৈঃকদম্ববীজানি’ ইতি পঠন্তি, তত্র নীচৈঃকদম্ববীজানি লঘুকদম্ববীজানি| শ্লোকার্ধিকা অর্ধশ্লোকনির্দিষ্টাঃ||৩২-৩৫||
Adhikarana 23 (36) · Śloka 36
সপ্তচ্ছদস্য পুষ্পাণি পিপ্পলীশ্চাপি মস্তুনা |
পিবেত্ সঞ্চূর্ণ্য মধুনা ধানাশ্চাপ্যথ ভক্ষযেত্ ||৩৬||
View original
सप्तच्छदस्य पुष्पाणि पिप्पलीश्चापि मस्तुना |
पिबेत् सञ्चूर्ण्य मधुना धानाश्चाप्यथ भक्षयेत् ||३६||
সপ্তচ্ছদস্যেত্যাদি| সপ্তচ্ছদস্য পুষ্পাণি পিপ্পলীশ্চ সঞ্চূর্ণ্য মস্তুনা সহ পিবেদিতি যোজ্যম্| সপ্তচ্ছদঃ সপ্তপর্ণঃ| ধানা ভৃষ্টযবাঃ| কেচিত্ মধুনেতি পদং ধানাশ্চাপ্যথ ভক্ষযেদিত্যত্র সম্বধ্নন্তি||৩৬||
Adhikarana 24 (37-38) · Śloka 38
অর্কাঙ্কুরৈর্ভাবিতানাং যবানাং সাধ্বনেকশঃ |
তর্পণং বা পিবেদেষাং সক্ষৌদ্রং শ্বাসপীডিতঃ ||৩৭||
শিরীষকদলীকুন্দপুষ্পং মাগধিকাযুতম্ |
তণ্ডুলাম্বুযুতং পীত্বা জযেচ্ছ্বাসানশেষতঃ ||৩৮||
View original
अर्काङ्कुरैर्भावितानां यवानां साध्वनेकशः |
तर्पणं वा पिबेदेषां सक्षौद्रं श्वासपीडितः ||३७||
शिरीषकदलीकुन्दपुष्पं मागधिकायुतम् |
तण्डुलाम्बुयुतं पीत्वा जयेच्छ्वासानशेषतः ||३८||
যাদৃশানাং যবানাং ধানা ভক্ষযেত্তাদৃশানাহ- অর্কাঙ্কুরৈর্ভাবিতানামিত্যাদি| অর্কাঙ্কুরৈঃ অর্কপল্লবপুষ্পকৃতৈঃ ক্বাথৈঃ| সাধু শোভনং যথা ভবতীত্যর্থঃ| অনেকশ ইতি ভাবিতানামিত্যত্র যোজ্যম্| তর্পণং বা পিবেদেষামিত্যাদি| তর্পণং সক্তবঃ| এষাং পূর্বোক্তানামর্কাঙ্কুরৈর্ভাবিতযবানামিত্যর্থঃ| শিরীষেত্যাদি| শিরীষাদিপুষ্পং পিপ্পলীযুতং তণ্ডুলাম্বুনা পীত্বা অশেষতো নিঃশেষান্ শ্বাসান্ জযেদিতি সম্বন্ধঃ| কুন্দো নির্গন্ধং শ্বেতপুষ্পম্| তণ্ডুলাম্বু তণ্ডুলপ্রক্ষালনোদকম্||৩৭-৩৮||
Adhikarana 25 (39) · Śloka 40
কোলমজ্জাং তালমূলমৃষ্যচর্মমসীমপি |
লিহ্যাত্ ক্ষৌদ্রেণ ভার্গীং বা সর্পির্মধুসমাযুতাম্ ||৩৯||
নীচৈঃকদম্ববীজং বা সক্ষৌদ্রং তণ্ডুলাম্বুনা |৪০|
View original
कोलमज्जां तालमूलमृष्यचर्ममसीमपि |
लिह्यात् क्षौद्रेण भार्गीं वा सर्पिर्मधुसमायुताम् ||३९||
नीचैःकदम्बबीजं वा सक्षौद्रं तण्डुलाम्बुना |४०|
কোলমজ্জামিত্যাদি| কোলমজ্জা বদরমজ্জা, মজ্জাশব্দ আকারান্তোঽপ্যস্তি, তেন মজ্জামিতি সাধুপাঠঃ| ‘তালমূলম্’ ইত্যত্র ‘তালমূলীম্’ ইতি কেচিত্ পঠন্তি; তত্র তালমূলীমুষলী| নীচৈঃকদম্ববীজমিত্যাদি| নীচৈঃকদম্ববীজং লঘুকদম্ববীজম্| ‘তণ্ডুলাম্বুনা’ ইত্যত্র ‘পেযম্’ ইত্যধ্যাহার্যম্| কেচিত্ ‘নীপং কদম্বং রক্তং চ তত্ পীতং তণ্ডুলাম্বুনা’ ইতি পঠন্তি, ব্যাখ্যানযন্তি চ- নীপং বৃহত্কদম্বফলং, কদম্বং লঘুকদম্ববৃক্ষফলং, রক্তমিতি বিশেষণাদনযোঃ পক্বযোর্গ্রহণং যতঃ পরিপক্বং রক্তং ভবতি, পিষ্টং পানে দেযমিতি যাবত্| অপরে তু তণ্ডুলাম্বুনা পীতং সুদারুণান্ শ্বাসান্ হন্তীতি যোজযন্তি| যে পূর্বং পঞ্চলেহপ্রস্তাবে ‘নীচৈঃকদম্ববীজানি’ ইতি পঠন্তি তন্মতেঽপ্যত্র ন পুনরুক্ততা, যতঃ পূর্বং মধুসর্পির্ভ্যাং বিলিহন্ শ্বাসান্ হন্তীতি লেহঃ, অত্র তু তণ্ডুলাম্বুনা পানম্||৩৯||-
Adhikarana 26 (40) · Śloka 41
দ্রাক্ষাং হরীতকীং কৃষ্ণাং কর্কটাখ্যাং দুরালভাম্ ||৪০||
সর্পির্মধুভ্যাং বিলিহন্ হন্তি শ্বাসান্ সুদারুণান্ |৪১|
View original
द्राक्षां हरीतकीं कृष्णां कर्कटाख्यां दुरालभाम् ||४०||
सर्पिर्मधुभ्यां विलिहन् हन्ति श्वासान् सुदारुणान् |४१|
দ্রাক্ষাং হরীতকীমিত্যাদি| কৃষ্ণা পিপ্পলী| কর্কটাখ্যা কর্কটশৃঙ্গী||৪০||-
Adhikarana 27 (41) · Śloka 42
হরিদ্রাং মরিচং দ্রাক্ষাং গুডং রাস্নাং কণাং শটীম্ ||৪১||
লিহ্যাত্তৈলেন তুল্যানি শ্বাসার্তো হিতভোজনঃ |৪২|
View original
हरिद्रां मरिचं द्राक्षां गुडं रास्नां कणां शटीम् ||४१||
लिह्यात्तैलेन तुल्यानि श्वासार्तो हितभोजनः |४२|
হরিদ্রামিত্যাদি| কণা পিপ্পলী| কেচিদমুং পাঠমন্যথা পঠন্তি, স চাভাবান্ন দর্শিতঃ||৪১||-
Adhikarana 28 (42) · Śloka 43
গবাং পুরীষস্বরসং মধুসর্পিঃকণাযুতম্ ||৪২||
লিহ্যাচ্ছ্বাসেষু কাসেষু বাজিনাং বা শকৃদ্রসম্ |৪৩|
View original
गवां पुरीषस्वरसं मधुसर्पिःकणायुतम् ||४२||
लिह्याच्छ्वासेषु कासेषु वाजिनां वा शकृद्रसम् |४३|
গবাং পুরীষস্বরসমিত্যাদি| গোশকৃদ্রসপিপ্পল্যৌ মধুঘৃতাভ্যাং লিহ্যাত্, অশ্বশকৃদ্রসপিপ্পল্যৌ বা মধুঘৃতাভ্যাং লিহ্যাত্||৪২||-
Adhikarana 29 (43) · Śloka 44
পাণ্ডুরোগেষু শোথেষু যে যোগাঃ সম্প্রকীর্তিতাঃ ||৪৩||
শ্বাসকাসাপহাস্তেঽপি কাসঘ্না যে চ কীর্তিতাঃ |৪৪|
View original
पाण्डुरोगेषु शोथेषु ये योगाः सम्प्रकीर्तिताः ||४३||
श्वासकासापहास्तेऽपि कासघ्ना ये च कीर्तिताः |४४|
ইদানীং পাণ্ডুরোগাদ্যুক্তযোগানত্রাপ্যতিদিশন্নাহ- পাণ্ডুরোগেষ্বিত্যাদি পাণ্ডুরোগাদিপ্রতিষেধেষু যে যোগাঃ কথিতাস্তেঽপি শ্বাসকাসাপহাঃ, কাসঘ্না যে চ কীর্তিতাস্তেঽপি| কেচিদমুং পাঠং ন পঠন্তি||৪৩||-
Adhikarana 30 (44) · Śloka 45
ভার্গীত্বক্ ত্র্যূষণং তৈলং হরিদ্রাং কটুরোহিণীম্ ||৪৪||
পিপ্পলীং মরিচং চণ্ডাং গোশকৃদ্রসমেব চ |৪৫|
View original
भार्गीत्वक् त्र्यूषणं तैलं हरिद्रां कटुरोहिणीम् ||४४||
पिप्पलीं मरिचं चण्डां गोशकृद्रसमेव च |४५|
ভার্গীত্বগিত্যাদি| অত্র লিহ্যাদিতি সম্বন্ধনীযম্||৪৪||-
Adhikarana 31 (45) · Śloka 46
তলকোটস্য বীজেষু পচেদুত্কারিকাং শুভাম্ ||৪৫||
সেব্যমানা নিহন্ত্যেষা শ্বাসানাশু সুদুস্তরান্ |৪৬|
View original
तलकोटस्य बीजेषु पचेदुत्कारिकां शुभाम् ||४५||
सेव्यमाना निहन्त्येषा श्वासानाशु सुदुस्तरान् |४६|
তলকোটস্যেত্যাদি| তলকোটঃ অঙ্কোঠঃ| উত্কারিকা লপ্সিকা| কেচিত্ ‘ভার্গীত্বক্’ ইত্যাদিকং ‘তলকোটস্য বীজেষু’ ইতিপর্যন্তমুত্কারিকার্যং মন্যন্তে||৪৫||-
Adhikarana 32 (46-47) · Śloka 47
পুরাণসর্পিঃ পিপ্পল্যঃ কৌলত্থা জাঙ্গলা রসাঃ ||৪৬||
সুরা সৌবীরকং হিঙ্গুঃ মাতুলুঙ্গরসো মধু |
দ্রাক্ষামলকবিল্বানি শস্তানি শ্বাসিহিক্কিনাম্ ||৪৭||
View original
पुराणसर्पिः पिप्पल्यः कौलत्था जाङ्गला रसाः ||४६||
सुरा सौवीरकं हिङ्गुः मातुलुङ्गरसो मधु |
द्राक्षामलकबिल्वानि शस्तानि श्वासिहिक्किनाम् ||४७||
ইদানীং শ্বাসে হিক্কাযাং চান্যদপি যদ্ধিতং তদাহ- পুরাণসর্পিরিত্যাদি| কৌলত্থাঃ কুলত্থৈঃ সংস্কৃতাঃ| জাঙ্গলা রসা এণাদীনামেব মাংসরসাঃ| সৌবীরকং বিরেচনকল্পোক্তম্||৪৬-৪৭||
Adhikarana 33 (48) · Śloka 49
শ্বাসহিক্কাপরিগতং স্নিগ্ধৈঃ স্বেদৈরুপাচরেত্ |
আক্তং লবণতৈলাভ্যাং তৈরস্য গ্রথিতঃ কফঃ ||৪৮||
খস্থো বিলযনং যাতি মারুতশ্চ প্রশাম্যতি |৪৯|
View original
श्वासहिक्कापरिगतं स्निग्धैः स्वेदैरुपाचरेत् |
आक्तं लवणतैलाभ्यां तैरस्य ग्रथितः कफः ||४८||
खस्थो विलयनं याति मारुतश्च प्रशाम्यति |४९|
শ্বাসে তত্প্রসঙ্গেন চ হিক্কাযামপি তুল্যং প্রতীকারমাহ- শ্বাসহিক্কাপরিগতমিত্যাদি| শ্বাসহিক্কাপরিগতং শ্বাসহিক্কাব্যাপ্তম্| স্নিগ্ধৈঃ স্বেদৈঃ সাল্বণপ্রভৃতিভিঃ| আক্তং লবণতৈলাভ্যাং সৈন্ধবতিলতৈলাভ্যাং চুপ্পটিতম্ আতুরমিত্যর্থঃ| তৈঃ স্নিগ্ধস্বৈদেঃ| গ্রথিতঃ ঘনীভূতঃ| খস্থঃ স্রোতঃস্থিতঃ| বিলযনং দ্রবভাবম্||৪৮||-
Adhikarana 34 (49-50) · Śloka 51
স্বিন্নং জ্ঞাত্বা ততশ্চৈব ভোজযিত্বা রসৌদনম্ ||৪৯||
বাতশ্লেষ্মবিবন্ধে বা ভিষগ্ ধূমং প্রযোজযেত্ |
মনঃশিলাদেবদারুহরিদ্রাচ্ছদনামিষৈঃ ||৫০||
লাক্ষোরুবূকমূলৈশ্চ কৃত্বা বর্তীর্বিধানতঃ |৫১|
View original
स्विन्नं ज्ञात्वा ततश्चैव भोजयित्वा रसौदनम् ||४९||
वातश्लेष्मविबन्धे वा भिषग् धूमं प्रयोजयेत् |
मनःशिलादेवदारुहरिद्राच्छदनामिषैः ||५०||
लाक्षोरुबूकमूलैश्च कृत्वा वर्तीर्विधानतः |५१|
স্বেদে কৃতেঽপি যদা বাতকফানুবন্ধো নোপশাম্যতি তদা কিং কর্তব্যমিত্যাহ- স্বিন্নমিত্যাদি| স্বিন্নং জ্ঞাত্বা রসৌদনং ভোজযিত্বা বাতকফানুবন্ধে সতি যুক্তং ধূমং প্রযোজযেদিতি পিণ্ডার্থঃ| কেষাং ধূমং প্রযোজযেদিত্যাহ- মনঃশিলেত্যাদি| ছদনং পত্রকম্, আমিষং গুগ্গুলুঃ| উরুবূকমূলং রক্তৈরণ্ডমূলম্| বিধানতঃ ধূমনস্যকবলগ্রহচিকিত্সিতোক্তবিধানেন||৪৯-৫০||-
Adhikarana 35 (51) · Śloka 51
সর্পির্যবমধুচ্ছিষ্টশালনির্যাসজং তথা ||৫১||
View original
सर्पिर्यवमधुच्छिष्टशालनिर्यासजं तथा ||५१||
অপরমপি ধূমমাহ- সর্পিরিত্যাদি| মধূচ্ছিষ্টং মদনম্| শালনির্যাসো রালা| সর্পির্যবাদিজং ধূমং তথা তেনৈব প্রকারেণ প্রযোজযেদিতি পিণ্ডার্থঃ||৫১||
Adhikarana 36 (52) · Śloka 52
শৃঙ্গবালখুরস্নাযুত্বক্ সমস্তং গবামপি |৫২|
View original
शृङ्गबालखुरस्नायुत्वक् समस्तं गवामपि |५२|
অপরাণ্যপি ধূমদ্রব্যাণ্যাহ- শৃঙ্গবালখুরেত্যাদি| গবাং শৃঙ্গাদিকং ত্বক্পর্যন্তং সমস্তমপি ধূমার্থং প্রযোজযেত্| স্নাযুঃ ধনুর্জ্যাবন্ধনার্থং দ্রব্যং ‘নহারু’ ইতি লোকে|৫২|-
Adhikarana 37 (52) · Śloka 52
তুরুষ্কশল্লকীনাং চ গুগ্গুলোঃ পদ্মকস্য চ ||৫২||
View original
तुरुष्कशल्लकीनां च गुग्गुलोः पद्मकस्य च ||५२||
তুরুষ্কেত্যাদি| তুরুষ্কঃ সিহ্লকঃ| তুরুষ্কাদিপদ্মকান্তানাং বা ধূমং প্রযোজযেত্||৫২||
Adhikarana 38 (53) · Śloka 53
এতে সর্বে সসর্পিষ্কা ধূমাঃ কার্যা বিজানতা |৫৩|
View original
एते सर्वे ससर्पिष्का धूमाः कार्या विजानता |५३|
পূর্বোক্তধূমানামুপসংহারমাহ- এত ইত্যাদি| এতে পূর্বোক্তা ধূমাঃ সসর্পিষ্কাঃ সঘৃতা বিজানতা বৈদ্যেন কার্যাঃ|৫৩|-
Adhikarana 39 (53) · Śloka 53
বলীযসি কফগ্রস্তে বমনং সবিরেচনম্ ||৫৩||
View original
बलीयसि कफग्रस्ते वमनं सविरेचनम् ||५३||
শ্বাসিহিক্কিনামবস্থাযাং বিরেচনমাহ- বলীযসীত্যাদি| বলীযসি বলযুক্তে পুরুষে, বমনং সবিরেচনং ‘মৃদু হিতম্’ ইত্যত্রাধ্যাহার্যম্||৫৩||
Adhikarana 40 (54) · Śloka 54
দুর্বলে চৈব রূক্ষে চ তর্পণং হিতমুচ্যতে |
জাঙ্গলোরভ্রজৈর্মাংসৈরানূপৈর্বা সুসংস্কৃতৈঃ ||৫৪||
View original
दुर्बले चैव रूक्षे च तर्पणं हितमुच्यते |
जाङ्गलोरभ्रजैर्मांसैरानूपैर्वा सुसंस्कृतैः ||५४||
দুর্বলে ইত্যাদি| তর্পণং সন্তর্পণম্| কৈস্তর্পণং প্রযোক্তব্যমিত্যাহ- জাঙ্গলোরভ্রজৈরিত্যাদি| জাঙ্গলা এণাদযো লাবাদযশ্চ| উরভ্রো মেষঃ| আনূপাঃ কচ্ছপাদযঃ| সুসংস্কৃতৈঃ সূদশাস্ত্রোক্তবিধিনা||৫৪||
Adhikarana 41 (55) · Śloka 55
নিদিগ্ধিকাং চামলকপ্রমাণাং হিঙ্গ্বর্ধযুক্তাং মধুনা সুযুক্তাম্ |
লিহন্নরঃ শ্বাসনিপীডিতো হি শ্বাসং জযত্যেব বলাত্র্যহেণ ||৫৫||
View original
निदिग्धिकां चामलकप्रमाणां हिङ्ग्वर्धयुक्तां मधुना सुयुक्ताम् |
लिहन्नरः श्वासनिपीडितो हि श्वासं जयत्येव बलात्र्यहेण ||५५||
ইদানীং শ্বাসে সিদ্ধতমং যোগমাহ- নিদিগ্ধিকামিত্যাদি| নিদিগ্ধিকা কণ্টকারী, তাং কল্কীকৃতামামলকপ্রমাণাং তদর্ধপ্রমাণেন হিঙ্গুনা মধুনা চ যুক্তাং শ্বাসপীডিতো নরঃ পুরুষো লিহন্ বলাত্ শ্বাসমাশু ত্র্যহাজ্জযেদিতি সম্বন্ধঃ| এতত্ সর্বশ্বাসচিকিত্সিতং সামান্যমপি দ্রব্যস্বরূপমভিসমীক্ষ্য বিশেষাদূহ্যমিতি||৫৫||
Adhikarana 42 (56) · Śloka 56
যথাঽগ্নিরিদ্ধঃ পবনানুবিদ্ধো বজ্রং যথা বা সুররাজমুক্তম্ |
রোগাস্তথৈতে খলু দুর্নিবারাঃ শ্বাসশ্চ কাসশ্চ বিলম্বিকা চ ||৫৬||
View original
यथाऽग्निरिद्धः पवनानुविद्धो वज्रं यथा वा सुरराजमुक्तम् |
रोगास्तथैते खलु दुर्निवाराः श्वासश्च कासश्च विलम्बिका च ||५६||
শ্বাসস্য তত্প্রসঙ্গেন চ কাসাদীনামপি দুঃখোপচর্যত্বখ্যাপনার্থমাহ- যথাঽগ্নিরিদ্ধ ইত্যাদি| ইদ্ধঃ দীপ্তঃ| পবনানুবিদ্ধো বাতসহিতঃ||৫৬||
Adhikarana puShpikA · Śloka 51
ইতি সুশ্রুতসংহিতাযামুত্তরতন্ত্রান্তর্গতে কাযচিকিত্সাতন্ত্রে হিক্কাশ্বাসপ্রতিষেধো নাম (ত্রযোদশোঽধ্যাযঃ, আদিতঃ) একপঞ্চাশত্তমোঽধ্যাযঃ ||৫১||
View original
इति सुश्रुतसंहितायामुत्तरतन्त्रान्तर्गते कायचिकित्सातन्त्रे हिक्काश्वासप्रतिषेधो नाम (त्रयोदशोऽध्यायः, आदितः) एकपञ्चाशत्तमोऽध्यायः ||५१||
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রে হিক্কাশ্বাসপ্রতিষেধো নামৈকপঞ্চাশত্তমোঽধ্যাযঃ||৫১||