Adhikarana 1 (1-2) · Śloka 2
অথাতঃ স্কন্ধগ্রহপ্রতিষেধং ব্যাখ্যাস্যামঃ ||১|| যথোবাচ ভগবান্ ধন্বন্তরিঃ ||২||
अथातः स्कन्धग्रहप्रतिषेधं व्याख्यास्यामः ||१|| यथोवाच भगवान् धन्वन्तरिः ||२||
🔊 Audio coming soon
নবগ্রহাকৃতিবিজ্ঞানীযানন্তরং বিজ্ঞাতনবগ্রহাকৃতেশ্চিকিত্সিতমুচিতং; তত্রাপি স্কন্দগ্রহস্য প্রথমত্বাত্তপ্রতিষেধাধ্যায আরভ্যতে- অথাত ইত্যাদি||১-২||
Adhikarana 2 (3) · Śloka 3
স্কন্দগ্রহোপসৃষ্টানাং কুমারাণাং প্রশস্যতে | বাতঘ্নদ্রুমপত্রাণাং নিষ্ক্বাথঃ পরিষেচনে ||৩||
स्कन्दग्रहोपसृष्टानां कुमाराणां प्रशस्यते | वातघ्नद्रुमपत्राणां निष्क्वाथः परिषेचने ||३||
🔊 Audio coming soon
স্কন্দেত্যাদি| উপসৃষ্টানাং গৃহীতানাম্| দ্রুমগ্রহণং বিটপনিষেধার্থম্| স্কন্দগ্রহপ্রভাবেণ তেনাবিষ্টে বালে বাযুঃ কুপ্যতীতি বাতহরৈঃ সেকাদযঃ কার্যোঃ; অথবা বাতঘ্নদ্রুমাঃ স্বপ্রভাবেণ গ্রহাবেশমপি নিবর্তযন্তি, অচিন্ত্যশক্তিত্বাত্||৩||
Adhikarana 3 (4) · Śloka 4
তেষাং মূলেষু সিদ্ধং চ তৈলমভ্যঞ্জনে হিতম্ | সর্বগন্ধসুরামণ্ডকৈডর্যাবাপমিষ্যতে ||৪||
तेषां मूलेषु सिद्धं च तैलमभ्यञ्जने हितम् | सर्वगन्धसुरामण्डकैडर्यावापमिष्यते ||४||
🔊 Audio coming soon
তেষামিত্যাদি| তেষাং বাতঘ্নদ্রুমাণাং বিল্বাদীনাম্| সর্বগন্ধা এলাদিপঠিতাঃ, সুরামণ্ডঃ সুরাযা উপর্যচ্ছো ভাগঃ, কৈডর্যো মহানিম্বঃ| এতেন বিল্বাদিমূলক্বাথেন এলাদীনাং কল্কেন সিদ্ধং তৈলমভ্যঞ্জনে হিতমিষ্যত ইতি সিদ্ধম্||৪||
Adhikarana 4 (5) · Śloka 5
দেবদারুণি রাস্নাযাং মধুরেষু দ্রুমেষু চ | সিদ্ধং সর্পিশ্চ সক্ষীরং পানমস্মৈ প্রযোজযেত্ ||৫||
देवदारुणि रास्नायां मधुरेषु द्रुमेषु च | सिद्धं सर्पिश्च सक्षीरं पानमस्मै प्रयोजयेत् ||५||
🔊 Audio coming soon
দেবদারুণীত্যাদি| মধুরদ্রুমা মধুরবৃক্ষাঃ, মধু(ধূ)করাজাদনাদযঃ| পানম্ অন্নাদস্য বালস্য||৫||
Adhikarana 5 (6) · Śloka 6
সর্ষপাঃ সর্পনির্মোকো বচা কাকাদনী ঘৃতম্ | উষ্ট্রাজাবিগবাং চৈব রোমাণ্যুদ্ধূপনং শিশোঃ ||৬||
सर्षपाः सर्पनिर्मोको वचा काकादनी घृतम् | उष्ट्राजाविगवां चैव रोमाण्युद्धूपनं शिशोः ||६||
🔊 Audio coming soon
কাকাদনী কাকজঙ্ঘা||৬||
Adhikarana 6 (7) · Śloka 7
সোমবল্লীমিন্দ্রবল্লীং শমীং বিল্বস্য কণ্টকান্ | মৃগাদন্যাশ্চ মূলানি গ্রথিতান্যেব ধারযেত্ ||৭||
सोमवल्लीमिन्द्रवल्लीं शमीं बिल्वस्य कण्टकान् | मृगादन्याश्च मूलानि ग्रथितान्येव धारयेत् ||७||
🔊 Audio coming soon
সোমবল্লীত্যাদি| সোমবল্লী গুডূচী, ইন্দ্রবল্লী মত্সাণ্ডকঃ গণ্ডদূর্বেতি লোকে, মৃগাদনী ইন্দ্রবারুণী||৭||
Adhikarana 7 (8) · Śloka 8
রক্তানি মাল্যানি তথা পতাকা রক্তাশ্চ গন্ধা বিবিধাশ্চ ভক্ষ্যাঃ | ঘণ্টা চ দেবায বলির্নিবেদ্যঃ সুকুক্কুটঃ স্কন্দগ্রহে হিতায ||৮||
रक्तानि माल्यानि तथा पताका रक्ताश्च गन्धा विविधाश्च भक्ष्याः | घण्टा च देवाय बलिर्निवेद्यः सुकुक्कुटः स्कन्दग्रहे हिताय ||८||
🔊 Audio coming soon
বলিং নির্দিশন্নাহ- রক্তানীত্যাদি| তথা পতাকা রক্তেত্যর্থঃ| রক্তাশ্চ গন্ধাঃ কুঙ্কুমাদিকাঃ| ভক্ষ্যাঃ স্বস্তিকমোদকাদযঃ| দেবায স্কন্দনাম্নে, স্কন্দগ্রহে বক্ষ্যমাণে চত্বারাখ্যে| হিতায হিতার্থং বালকস্য| বলিশ্চ শুচিনা বৈদ্যেন কৃতস্নানেন শস্ত্রহস্তেন রাত্রৌ দাতব্যঃ||৮||
Adhikarana 8 (9) · Śloka 9
স্নানং ত্রিরাত্রং নিশি চত্বরেষু কুর্যাত্ পুরং শালিযবৈর্নবৈস্তু | অদ্ভিশ্চ গাযত্র্যভিমন্ত্রিতাভিঃ প্রজ্বালনং ব্যাহৃতিভিশ্চ বহ্নেঃ ||৯||
स्नानं त्रिरात्रं निशि चत्वरेषु कुर्यात् पुरं शालियवैर्नवैस्तु | अद्भिश्च गायत्र्यभिमन्त्रिताभिः प्रज्वालनं व्याहृतिभिश्च वह्नेः ||९||
🔊 Audio coming soon
স্নানমিত্যাদি| চত্বরেষু চতুষ্পথেষু, অপরে চত্বরশব্দেন ত্রিপথং কথাস্থানং চেত্যাহুঃ| পুরং মণ্ডলম্| অদ্ভিশ্চ গাযত্র্যভিমন্ত্রিতাভিঃ স্নানমিতি সম্বন্ধনীযম্| ব্যাহৃতিভিস্তিসৃভিঃ সপ্তভির্দশভির্বা স্বাহান্তাভিঃ| স্কন্দগ্রহে চত্বরাখ্যে শালিযবৈর্বিরচিতমণ্ডলাভ্যন্তরসদ্মনি পুরাভিধানে, ত্রিরাত্রং রাত্রৌ বলিস্নানহোমাঃ কার্যাঃ||৯||
Adhikarana 9 (10-14) · Śloka 14
রক্ষামতঃ প্রবক্ষ্যামি বালানাং পাপনাশিনীম্ | অহন্যহনি কর্তব্যা যা ভিষগ্ভিরতন্দ্রিতৈঃ ||১০|| তপসাং তেজসাং চৈব যশসাং বপুষাং তথা | নিধানং যোঽব্যযো দেবঃ স তে স্কন্দঃ প্রসীদতু ||১১|| গ্রহসেনাপতির্দেবো দেবসেনাপতির্বিভুঃ | দেবসেনারিপুহরঃ পাতু ত্বাং ভগবান্ গুহঃ ||১২|| দেবদেবস্য মহতঃ পাবকস্য চ যঃ সুতঃ | গঙ্গোমাকৃত্তিকানাং চ স তে শর্ম প্রযচ্ছতু ||১৩|| রক্তমাল্যাম্বরঃ শ্রীমান্ রক্তচন্দনভূষিতঃ | রক্তদিব্যবপুর্দেবঃ পাতু ত্বাং ক্রৌঞ্চসূদনঃ ||১৪||
रक्षामतः प्रवक्ष्यामि बालानां पापनाशिनीम् | अहन्यहनि कर्तव्या या भिषग्भिरतन्द्रितैः ||१०|| तपसां तेजसां चैव यशसां वपुषां तथा | निधानं योऽव्ययो देवः स ते स्कन्दः प्रसीदतु ||११|| ग्रहसेनापतिर्देवो देवसेनापतिर्विभुः | देवसेनारिपुहरः पातु त्वां भगवान् गुहः ||१२|| देवदेवस्य महतः पावकस्य च यः सुतः | गङ्गोमाकृत्तिकानां च स ते शर्म प्रयच्छतु ||१३|| रक्तमाल्याम्बरः श्रीमान् रक्तचन्दनभूषितः | रक्तदिव्यवपुर्देवः पातु त्वां क्रौञ्चसूदनः ||१४||
🔊 Audio coming soon
রক্ষমিত্যাদি| রক্ষা স্বস্ত্যযনং; মন্ত্রাণামচিন্ত্যশক্তিত্বান্মন্ত্রমযী রক্ষা পাপনাশিনী| তপসামিত্যাদি| বপুষামিতি বপুষাং নিধানং স্থানমিত্যনেন কামরূপত্বমুক্তম্| অব্যযো নিত্যঃ| গ্রহাঃ স্কন্দগ্রহাদিকাঃ, তেষাং সেনা তস্যাঃ পতিঃ দেবসেনাপতিঃ| দেবসেনারিপবো দৈত্যাঃ| দেবদেবস্য রুদ্রস্য, উমা পার্বতী, কৃত্তিকাঃ ষট্সঙ্খ্যোপেতাঃ সপ্তর্ষিভার্যাঃ| শর্ম সুখম্| ক্রৌঞ্চনামা পর্বতঃ তং সূদযতি নিহন্তীতি ক্রৌঞ্চসূদনঃ||১০-১৪||
Adhikarana puShpikA · Śloka 28
ইতি সুশ্রুতসংহিতাযামুত্তরতন্ত্রান্তর্গতে কুমারতন্ত্রে স্কন্দপ্রতিষেধো নামা(দ্বিতীযোঽধ্যাযঃ, আদিতোঽ)ষ্টাবিংশোঽধ্যাযঃ ||২৮||
इति सुश्रुतसंहितायामुत्तरतन्त्रान्तर्गते कुमारतन्त्रे स्कन्दप्रतिषेधो नामा(द्वितीयोऽध्यायः, आदितोऽ)ष्टाविंशोऽध्यायः ||२८||
🔊 Audio coming soon
ইতি শ্রীডল্হ(হ্ল)ণবিরচিতাযাং নিবন্ধসঙ্গ্রহাখ্যাযাং সুশ্রুতব্যাখ্যাযামুত্তরতন্ত্রান্তর্গতে কৌমারভৃত্যতন্ত্রে স্কন্দগ্রহপ্রতিষেধো নামাঽষ্টাবিংশতিতমোঽধ্যাযঃ||২৮||